Ditën e sotme, gjatë një aktiviteti në prezantimin e projektit për rigjallërimin e ish-Uzinës së Autotraktorëve në Tiranë, kryeministri Edi Rama, është përplasur me një qytetar, i cili i ka ngritur shqetësimet e tij.
Qytetari i kërkoi rregullimin e rrugës për në banesën e tij, teksa la të nënkuptohej se banesën e kishte ndërtim pa leje, por legalizimin e kishte fituar përmes korrupsionit.
Rama iu drejtua qytetarit se ai duhet të ketë turp për mënyrën se si ia tha, dhe sipas kryeministrit, ai kishte shkuar aty për t’i hapur probleme, duke qenë se mazhoranca është mësuar vetëm me takime propagandë, ku fshihet e vërteta.
Pjesë nga Debati:
Qytetari: Përshëndetje. Quhet Izmir Noka, jam banues i njësisë numër 1. Nuk jemi në rregull. Kosto çdo gjë. Makina cop cop. Ndoshta jam jashtë teme, por dua t’i them ty. Uji po të vish këto në orën 7 shkon lumë në rrugë. Une nuk kam ardh këtu të them për legalizimet, sepse i kam bërë vetë, s’ma ka bo as PS as PD, besoj e kupton si e kam bërë si gjithë të tjerë. Unë kam ardhur këtu të them për rrugën, sepse po bëjmë makinat copa. A ka mundësi të na ndihmoni për rrugën, mos të rrimë duke ndrru gomat e makinave. Dhe diçka të fundit: një gjë të vogël që do të bësh, bie fjala një kotec pulash, të vijnë këto institucione IKMT IMT, polici bashkiake dhe të kërkojnë para, njëri 5 mijë, tjetri 5 mijë, 20 mijë euro, por jo zbatimin e ligjit, shihe vetë këtë.
Rama: Kam një problem të madh une me ty. Nëse të vjen dikush të thotë atë që the ti, duhet ta denoncosh. Këto llafet në hava si kam qejf. Sepse ndryshe nuk mund funksionoj kështu kjo punë. Zotria jote ka ndërtuar pa leje këtu. Nuk je ti vetëm që ke ndërtuar pa leje. Nuk e përjashtoj që të ketë individë të tillë, por kur thua ‘policia’, janë 9 mijë vetë. Si ngarkon të gjithë me fjalë në ajër? Ti ke ndërtuar pa leje këtu, po të ishe vetëm ti që ke ndërtuar pa leje, do ta zgjidhnim këtë punë. Po s’je vetëm ti. Dëgjojnë kët historinë e legalizimeve, e kemi bërë ne, as ti as ai, se bën dot kshu dhe të qeshësh, ne të dy do shkojmë bashkë do ta denoncojmë atë person që të ka cenu ty, turp i madh që e thu kshu.
Po, meqë ti pretendon se ke paguar para, ne të dy do shkojmë bashkë në Polici dhedo t’i shkojmë deri në fund atij personi që të ka cenuar ty, sepse është turp i madh që e thua kështu.
Normalisht kjo nuk duhet të ndodhte. Nuk e përjashtoj që ka të tillë, por ama, në bazë të ligjit, ti je po aq fajtor sa ai që e ka bërë këtë gjë nëse e ka bërë me ty, pasi dyshoj shumë. Do t’i shkojmë deri në fund kësaj pune, unë me ty dhe do të të mbështes deri në fund. Nuk do të lejojmë këta njerëz të godasin dhe të nxijnë imazhin e shumicës. Patjetër ka punonjës policie që meritojnë ndëshkim, infermierë dhe mjekë ka nga të gjithë, por nuk janë shumica. Shumica nuk e meritojnë të futen në një thes dhe që të mos futen të gjithë në thes, raste si kjo do shfrytëzohen në të mirë të shoqërisë. Do ta shfrytëzojmë të gjithë bashkë. Janë bërë 270 mijë legalizime.
Ti e merr met qeshme, unë jam shumë serioz, unë i njoh njerëzit, këtë humorin do ta bashkojmë dhe do të merremi seriozisht të dy.n Do t’i shkojmë bashkë kësaj pune, dhe nëse dikush të ka kërkuar të paguash, do ta paguajë ai, por ti do tregosh kush është ky që të ka kërkuar. Kur ne kemi marrë detyrën, kanë qenë 21 mijë, janë bërë 270 mijë. Pse nuk kanë mbaruar? Janë dhe mbi 60 mijë që po vazhdon procesi. Që ka rrugë në Tiranë dhe kudo, qofshin nëpër zona që nuk janë si duhet, nuk e diskutoj fare, por ama ti ke të gjithë akset kryesore që të kanë ardhur te dera e shtëpisë.
Qytetari: Nuk me duhen.
Rama: Unë e di shumë mirë që ty nuk të duhen, sepse ti për këtë ke ardhur këtu. Sepse t’i kë bërë një ndërtim paleje dhe kërkon pse te ndërtimi jot pa leje nuk ka 5 metra rrugë. Unë ty do të kthej me partinë time, se do bëhesh personazh në lajme. Erdhe për t’më hap probleme, por ti dhe unë do jemi bashkë në një parti që zgjidh probleme për të tjerët, se na mori kohë shumë se janë të vështirë këta demokratët.
The post Ai i shprehu shqetësimet, Rama përplaset me qytetarin: Turp i madh, ke ardhur këtu të më hapësh mua probleme… appeared first on Albeu.com.
Login
