Është zbardhur vendimi i Gjykatës Kushtetuese të Kosovës që detyron deputetët të kryejnë konsituimin e Kuvendit brenda 30 ditësh. Gjykata thekson rëndësinë e bashkëpunimit ndërpartiak për daljen nga “ngërçi”.

“Gjykata ka vendosur njëzëri: Të deklarojë kërkesën të pranueshme dhe të konstatojë që:

1. Seanca e konstituimit të Kuvendit të Republikës së Kosovës, e filluar më 15 prill 2025, nuk ka përfunduar dhe si rezultat i moszgjedhjes së Kryetarit/es dhe nënkryetarëve të Kuvendit të Republikës së Kosovës e njëjta nuk është zhvilluar në pajtim me përcaktimet dhe kërkesat e paragrafit 1 të nenit 66 [Zgjedhja dhe Mandati] të Kushtetutës së Republikës së Kosovës; dhe

2. Deputetët e zgjedhur të Kuvendit të Republikës së Kosovës, në zbatim të paragrafit 1 të nenit 66 [Zgjedhja dhe Mandati] në ndërlidhje me nenin 67 [Zgjedhja e Kryetarit dhe Nënkryetarëve], nenin 70 [Mandati i Deputetëve] dhe nenin 74 [Ushtrimi i Funksionit] të Kushtetutës së Republikës së Kosovës, Kreun IV të Rregullores së Kuvendit të Republikës së Kosovës dhe në pajtim me këtë Aktgjykim duhet që sa më shpejt dhe jo më vonë se tridhjetë (30) ditë të përfundojnë seancën konstituive të Kuvendit duke zgjedhur Kryetarin dhe nënkryetarët e tij” – thuhet në vendim.

Gjykata u kërkon partive politike, përfshirë VV-në si grupi më i madh parlamentar, të bëjnë kompromis për zgjedhjen e Kryetarit të Kuvendit. Deputetëve u rikujtohet detyrimi kushtetues për të vepruar në interes të Republikës së Kosovës.

“Është parakusht që Kuvendi të fillojë të funksionojë dhe kjo kërkon nga të gjithë deputetët të jenë të pranishëm dhe të votojnë për konstituimin e Kuvendit, në mënyrë që ky i fundit të fillojë sa më shpejtë të funksionojë si organ ligjvënës”, thuhet në aktgjykim.

“Gjykata vlerësimin e saj e mbështeti në atë se:

(i) mandati i deputetit dhe mandati i Kuvendit janë të ndërlidhura, pasi që deputetët përfaqësojnë sovranin, por ky përfaqësim nuk mund të jetësohet në aspekt institucional pa konstituimin e Kuvendit;

(ii) zgjedhja e Kryetarit/es dhe nënkryetarëve të Kuvendit është parakusht që Kuvendi të fillojë të funksionojë dhe kjo kërkon nga të gjithë deputetët të jenë të pranishëm dhe të votojnë për konstituimin e Kuvendit, në mënyrë që ky i fundit të fillojë sa më shpejtë të funksionojë si organ ligjvënës, vendimmarrës dhe mbikëqyrës;

(iii) e drejta për të propozuar Kryetarin/en e Kuvendit, e rezervuar për grupin më të madh parlamentar, është vendosur përmes Aktgjykimit në rastin KO119/14;

(iv) propozimi i kandidatit për Kryetar/e të Kuvendit është i ndërlidhur në mënyrë të drejtpërdrejtë me arritjen e shumicës së votave të të gjithë deputetëve të Kuvendit, dhe si e tillë kjo e drejtë për propozimin e kandidatit për Kryetar/e të Kuvendit përbën njëkohësisht edhe detyrim për grupin më të madh parlamentar për bashkëpunim në mirëbesim dhe konsultim konstruktiv me grupet e tjera parlamentare për të gjetur konsensusin apo kompromisin e nevojshëm.

Kjo e drejtë në asnjë mënyrë nuk mund të rezultojë në bllokimin e konstituimit të Kuvendit dhe se detyrimi për bashkëpunim konstruktiv në mirëbesim, që buron nga vetë neni 67 [Zgjedhja e Kryetarit dhe Nënkryetareve] i Kushtetutës, njëkohësisht ndërlidhet ngushtë edhe me detyrimin e përcaktuar në nenin 74 [Ushtrimi i Funksionit] të Kushtetutës, sipas të cilit, deputetët e Kuvendit ushtrojnë funksionin e tyre në interesin më të mirë të Republikës së Kosovës në pajtim me Kushtetutën, ligjet dhe rregullat e procedurës së Kuvendit;

(v) një detyrim i tillë vlen edhe për grupet tjera parlamentare të cilat në frymën e bashkëpunimit dhe konsultimeve konstruktive propozojnë kandidatët për nënkryetarë të Kuvendit, të cilët bazuar në paragrafët 3 dhe 4 të nenit 67 [Zgjedhja e Kryetarit dhe Nënkryetareve] të Kushtetutës po ashtu zgjedhen me shumicën e votave të të gjithë deputetëve; dhe

(vi) është e drejtë dhe detyrë e të gjithë deputetëve të Kuvendit që të gjejnë mënyrën për të zgjedhur Kryetarin dhe nënkryetarët të Kuvendit, në pajtim me dispozitat e Kushtetutës, Kreun IV të Rregullores së Kuvendit dhe praktikat e deritanishme parlamentare për konstituimin e Kuvendit të Republikës së Kosovës” – thuhet në vendimin e Gjykatës Kushtetuese të Kosovës. /LAPSI.al

The post VENDIMI/ Gjykata Kushtetuese i jep zgjidhje ngërçit në kuvendin e Kosovës appeared first on Lapsi.al.

Deputeti i zgjedhur i PDK-së, Abelard Tahiri ka reaguar pas thirrjes së seancës konstituive të Kuvendit nga presidentja e vendit, Vjosa Osmani.

Më 15 prill, presidentja ka caktuar datën e konstituimit të Kuvendit të dalë nga zgjedhjet e 9 shkurtit, plot 65 ditë pas mbajtjes së zgjedhjeve.

Ish-kryetari Grupit Parlamentar të PDK-së, Tahiri thekson se “tani është koha për veprim institucional konkret dhe të përgjegjshëm”.

Ai ka thënë se Kosova gjendet sot përballë një sërë sfidash urgjente dhe shqetësuese.

“Kostoja e jetesës po bëhet e papërballueshme për shumë familje. Qytetarët tanë kanë nevojë për një qeveri që vendos mirëqenien dhe interesat e tyre në qendër të agjendës së saj. Siguria publike është përkeqësuar ndjeshëm. Rritja alarmante e rasteve të vrasjeve dhe krimeve të tjera të rënda po cenon seriozisht e sigurinë në shoqërinë tonë”, ka shkruar ai në Facebook.

Ai ka përmendur edhe sanksionet e Bashkimit Evropian që sipas tij, rëndojnë mbi vendin tonë po dëmtojnë subjektivitetin ndërkombëtar dhe po rrezikojnë të ardhmen euroatlantike të Kosovës.

“Në këto kushte, formimi i menjëhershëm i institucioneve të reja me një qasje ndryshe nga ajo që kemi parë gjatë katër viteve të fundit është më se i domosdoshëm”, ka shkruar ai në Facebook, transmeton KosovaPress.

Sipas tij, “qytetarët e Kosovës kanë folur qartë me votën e tyre. Tani është koha për veprim institucional konkret dhe të përgjegjshëm”.

Presidentja e Kosovës, Vjosa Osmani, pas certifikimit të rezultatit përfundimtar të zgjedhjeve për Kuvendin e Republikës së Kosovës, të mbajtura më 9 shkurt 2025 dhe në përputhje me autorizimet kushtetuese dhe afatet ligjore, ka thirrur mbledhjen e parë të Legjislaturës së nëntë të Kuvendit të Kosovës për datën 15 prill 2025, njofton Zyra e Presidencës, transmeton KosovaPress.

Zgjedhjet parlamentare janë mbajtur më 9 shkurt dhe rezultatet nga KQZ-ja janë certifikuar javën e kaluar. Në bazë këtyre rezultateve, LVV ka dalë e para me 48 deputetë, PDK e dyta me 24 deputetë, LDK e treta me 20 deputetë dhe AAK-NISMA e katërta me 8 deputetë.

LEXONI GJITHASHTU:

• Dy kosovarë ekstradohen në SHBA, akuzohen për mashtrim dhe vjedhje identiteti
• Euro në nivele të ulëta, me sa shiten dhe blihen monedhat e huaja

The post Thirrja e seancës konstituive në Kosovë, reagon deputet i zgjedhur i PDK-së appeared first on Euronews Albania.

Eugen Cakolli nga Instituti i Drejtësisë ka bërë një kalkulim se sa deputetë kanë fituar partitë e Kosovës nga rezultatet e zgjedhjeve të mbajtura më 9 shkurt.

Sipas tij, pas numërimit të të gjitha votave shpërndarja e mandateve është e qartë dhe se nuk pritet të ketë ndonjë ndryshim.

Cakolli ka thënë se sipas përllogaritjeve i bie që LVV-ja të ketë fituar 48 vende në Kuvend, PDK-ja 24 vende, LDK-ja me 20 vende dhe AAK-ja me 8 vende.

“Nëse nuk ndodh ndonjë trend krejtësisht i pazakontë, votat me kusht nuk do të sjellin asnjë ndryshim në shpërndarjen e mandateve. Në të gjitha zgjedhjet e kaluara, këto vota kanë ndjekur pothuajse të njëjtin trend si votat e rregullta – me një rritje të lehtë për partinë e parë.

E vetmja rrethanë, e cila mund të prodhojë lëvizje në (një të vetëm!) mandate, është nëse LDK arrin të marrë mbi 20% të votave me kusht, duke fituar një mandat nga PDK. Por për këtë, do të duhej një ndryshim i dukshëm i trendit, që nuk ka ndodhur më parë.

Andaj, me shumë gjasë, ky do të jetë rezultati përfundimtar i zgjedhjeve”, shkroi ai. /Zëri

The post Sa deputetë fituan partitë pas numërimit të votave të zgjedhjeve të 9 shkurtit në Kosovë? appeared first on Albeu.com.

Kryeministri Albin Kurti këmbëngul se qeverinë e ardhshme do ta formojë i vetëm së bashku me dy partitë më të vogla, Guxo dhe Alternativa, pa bashkëpunimin me ndonjërën prej partive të mëdha shqiptare. Këto deklarata, kreu i Lëvizjes Vetëvendosje i bëri gjatë qëndrimit në Gjilan duke shtuar se po presin certifikimin e rezultateve nga ana e Komisionit Qendror të Zgjedhjeve para se të ndërmarrin hapat e radhës të nevojshëm.

“Nuk ka ndryshuar situata që ne të kemi qëndrime të tjera sa i përket kundërshtarëve tanë. Është bërë luftë hibride kundër qeverisë sonë dhe kundër Lëvizjes Vetëvendosjes, por ne kemi dalë fitimtarë dhe fitimtari duhet dhe do ta formojë qeverinë”, u shpreh Kurti.

Njohësit politikë thonë se Kurti mund të formojë Qeverinë por që e njëjta do të jetë e pakicës dhe e pafuqishme. Qeveria do të mund të bëhet vetëm me afrime të reja të ndonjë deputeti të caktuar që Lëvizja Vetëvendosje të shkojë në 61 votat që kërkohen për të formuar institucionet.

“Vetëvendosje edhe mund ta formojë me arnime të caktuara e me huazime të caktuara mirëpo ajo do të jetë qeveri e pakicës dhe një qeveri fraxhile e përkohshme e cila nuk mund t’i qëndrojë dhe t’i bëjë ballë kërkesave të kohës, sfidave por edhe vet sfidave të Parlamentit”, u shpreh profesor Mazllum Baraliu.

Në një kohë të ndryshimeve të shumta gjeopolitike, partive politike iu kërkohet që të bashkëpunojnë për një koalicion të gjerë për hir të interesave të Kosovës.

“Një qeveri e përbashkët, koalicioni të gjerë, me bazë të gjerë do të ishte e vetmja zgjidhje më e mirë dhe një fuqizimi fjalës tonë por edhe i qëndrimit ndaj sfidave nga jashtë dhe nga brenda që mund të na vijnë”, thekson Baraliu.

Procesi i numërimit po shkon drejt fundit ndërsa rezultatet përfundimtare pritet që të shpallen gjatë kësaj jave para se t’i hapen rrugë ankesave të mundshme dhe certifikimi final.

Pas zgjedhjeve të së dielës, mbetet ende ‘mister’ qeveria e re në Kosovë. Analisti Lavdrim Hamidi u shpreh se Kosova nuk ka kohë për të humbur dhe se do të ndërhyjë faktori ndërkombëtar në përshpejtimin e procesit. Sipas tij, asnjë parti opozitare nuk kërkon koalicion me Kurtin dhe se në një vit Kosova do të përballete me ‘tri palë’ zgjedhje.

“Vazhdimi i dialogut do të varet nga formimi i qeverisë së re. Zgjedhjet e së dielës, kemi Vetëvendosjen parti të parë po nuk ka vota për formimin e qeverisë si në shkurt të 2021. Votat i kanë dhe partitë opozitare që janë kundër Vetëvendosjes mirëpo do të kemi një qeveri afatshkurte sepse pas një viti do të kemi dhe zgjedhjet e presidentit dhe as opozita nuk i kanë numrat. Brenda një viti kemi 3 zgjedhje, zgjedhjet lokale, për presidentin dhe zgjedhjet e së dielës. Kjo krizë do të zgjas me muaj nëse nuk kemi faktorin ndërkombëtar. Presioni nga SHBA dhe BE do të kërkojnë formim të menjëhershëm të qeverisë nëse Vetëvendosja nuk i formon do të kërkohet nga opozita krijimi i qevrisë. Nuk kemi kohë për të humbur, ka zhvillime në aspektin global dhe nuk e kemi luksin që të presim disa muaj.

Para 4 vitesh, Vetëvendosja nuk ka kërkuar koalicion, ndërsa tani opozita është kundër koalicionit për shkak të gjuhës që ka përdorur Albin Kurti. Nëse Albin Kurti nuk e formon, do të ketë mundësinë kandidati i dytë që është Bedri Hamaza që do t’i jepet mundësia për qeverinë e re. Nëse opozita është e bashkuar, do të formohet.”

/ abcnews.al

Komisioni Qendror i Zgjedhjeve (KQZ) ka numëruar 99.17% votave nga 2,512 qendra votimi nga gjithsej 2.533, deri në orën 19:10, sipas të cilave vazhdon të prijë Lëvizja Vetëvendosje me 40.83% ose 339 mijë 350 vota.

Partia Demokratike e Kosovës (PDK) renditet e dyta me 22.15% ose 184 mijë e 40 vota, Lidhja Demokratike e Kosovës (LDK) e treta me 17.59% ose 146 mijë 241 vota.

AAK-NISMA-Konservatorët-Intelektualët-Ideal renditet subjekti i katërt me 7.47% ose 62 mijë e 66 vota.

Rezultatet preliminare nuk përfshijnë votat me kusht, votat e personave me nevoja të veçanta dhe votat e diasporës.

Në zgjedhjet e parlamentare të vitit 2021, Vetëvendosje ka pasur 438 mijë e 335 vota, PDK-ja 148 mijë e 285 vota, LDK-ja 110 mijë e 985 vota dhe AAK 62 mijë e 111 vota.

Të dielën në Kosovë u mbajtën zgjedhjet parlamentare, për herë të parë si të rregullta, pas shpalljes së pavarësisë.

Lëvizja Vetëvendosje tashmë ka paralajmëruar se do të formojë qeverinë e vetme, ndërsa opozita ka hedhur poshtë mundësinë e hyrjes në koalicion qeverisës duke thënë se do ta bëjnë ekzekutivin e ri vendor nëse partia e Albin Kurtit dështon.

Mbështetësve u premtoi angazhim në “cep më cep” të Kosovës dhe ata i dhanë besimin. Lëvizja Vetëvendosje, e udhëhequr nga kryeministri Albin Kurti, fitoi zgjedhjet parlamentare të 9 shkurtit në Kosovë me rreth 41 për qind të votave, sipas rezultateve preliminare. “Ne do t’i vazhdojmë punët e mira që i kemi nisur në katërvjeçarin e

Lëvizja Vetëvendosje kryeson në zgjedhjet parlamentare të së dielës, por duket se duhet të negociojë një koalicion me partitë e tjera për të formuar qeverinë e re. Sipas Komisionit Qendror të Zgjedhjeve, i cili pohoi se është përballu me probleme teknike gjatë numërimit, kur janë përpunuar mbi 70 për qind të votave, lëvizja Vetëvendosje e

Kryetari i Lidhjes Demokratike të Kosovës, Lumir Abdixhiku, ka thënë se përgjegjësinë për rezultatin e zgjedhjeve e merr vetë ai, ndërsa llogari do t’i japë vetëm LDK-së dhe votuesve të saj. Në konferencë për media, Abdixhiku i ka bërë të ditura edhe rezultate preliminare dhe i ka uruar të gjitha partitë për procesin zgjedhor. “Sipas

Policia e Kosovës bëri nje reagim ditën e sotme kundrejt rregullave dhe mbarëvajtjes gjatë procesit të zgjedhjeve ne Kosovë. Policia thotë se procesi zgjedhor ka kaluar pa incidente madhore. Policia bën me dije se në bashkëpunim me Prokurorinë e Shtetit janë iniciuar 6 raste, prej tyre 4 “vepra penale kundër të drejtave të votimit” dhe […]

The post “Procesi i zgjedhjeve kaloi pa incidente madhore”, Policia e Kosovës: U shoqëruan në komisariat 7 persona appeared first on FaxWeb.

Komentatori politik, Mentor Nazarko thotë se incidentet e vogla të shënuara nuk e cenojnë cilësinë e procesit zgjedhor në Kosovë.

Nga Prishtina, Nazarko komentoi edhe rezultatet e para të exit polleve, ku parashikohet që VV të marrë 37 përqind. Sipas tij, edhe nëse arrin këtë rezultat, VV s’mund ta formojë e vetme qeverinë.

“Ka qenë proces i qetë. Ka qenë e qetë edhe në pjesën ku ka pakicë serbe. Këto incidente që përmendet nuk e prekin cilësinë e procesit. Edhe pjesëmarrja në gjykimin tim, duke pasur parasysh se lista zgjedhore, ka edhe diasporën, është një përqindje e madhe që mund të shkojë në rendin e 70 përqind.

Po shikoj tani që Kosova është, mediat janë bërë kanë hyrë në garë fenetike për të ofruar rezultat e exit polleve të veta dhe duket që ka një konvergjencë që pa llogaritur votat e diasporës, efektin rritës që do të krijojë atë që njërën nga partitë konkuruese, Lista për Familjen nuk e kalon pragun, do të kemi një konvergjim të të dhënave që sipas të cilëve VV mund të shkojë në 37-39 përqind. Nuk e besoj një të dhënë të tillë, e besoj më pak. Po të llogarisim marxhin e gabimit deri në 3 përqind, besoj se do të ketë efekt shtypës. Edhe me këto të dhëna, VV do ta ketë të vështirë ta formojë qeverinë e vetme.

Në këtë skenar, prapë rol përcaktues do të kenë partitë e pakicave, vetë partia serbe. VV ësht afër një pragu i cili ngjan i arritshëm, por në gjykimin tim është Ii paarritshëm. E ka të vështirë ta krijojë e vetme qeverinë. Duke patur parasysh mënyrën sesi e ka udhëhequr këtë 4 vjecar, mendoj se është rezultat i mirë për VV. Prisja rezultat më të keq. Është i mirë duke patur parasysh aktin që mungesën e bilancit qoftë në politikën e brendshme, dhe atë çfarë është bërë në veri, por ndërkohë është politikë e jashtme katastrofike që jo vetëm nuk e ka avancuar integrimin ndërkombëtar të Kosovës, por e ka çuar pas. I vetmi rezultat që mburren udhëheqësit e kësaj qeverie është liberalizimi i votave.”, u shpreh Nazarko./abcnews.al

 

Përfundoi orari zyrtar i votimit në Kosovë, me mbylljen e qendrave të votimit në orën 19:00, siç ishte paralajmëruar nga autoritetet zgjedhore. Pas mbylljes së qendrave, komisionet zgjedhore filluan menjëherë procesin e numërimit të votave. Sipas KQZ, procesi i votimit ka kaluar në mënyrë të qetë dhe pa incidente të mëdha, duke siguruar që zgjedhjet […]

The post “Përfundon procesi zgjedhor në Kosovë, mbyllen qendrat e votimit” appeared first on FaxWeb.

Procesi i votimit për zgjedhjet parlamentare në Kosovë ka vazhduar pa ndonjë problem të madh. Sipas Komisionit Qendror të Zgjedhjeve (KQZ), deri në orën 15:00, pjesëmarrja në zgjedhje ka arritur në 28.32%, një shifër më e ulët krahasuar me zgjedhjet e vitit 2021, ku pjesëmarrja ishte 32.32%. KQZ-ja ka siguruar qytetarët se procesi zgjedhor po […]

The post Votimet në Kosovë! Pjesëmarrja e qytetarëve në zgjedhje është më e ulët në krahasim me vitin 2021, ja sa zgjedhës kanë votuar appeared first on FaxWeb.

Kryeministri i Kosovës, i cili kërkon një mandat të dytë në këtë post, u ka bërë thirrje qytetarëve të Kosovës të shkojnë të votojnë, nëse ende nuk e kanë ushtruar të drejtën e tyre. “Kush nuk ka dalur ende të votojë, shkoni tash sa më parë. Pyesni të gjithë të afërmit e miqtë se a

Analisti Fatos Lubonja, ka komentuar zgjedhjet parlamentare në Kosovë, duke thënë se po zhvillohen nën hijen e presidentit amerikan Donald Trump. Në studion e lajmeve në News24, Lubonja tha se premtimet për ekonominë dhe vendin janë sfumuar nga politika e jashtme. “Zgjedhjet në Kosovë do të thosha se është nën hijen e zhvillimeve botërore sepse fati

Komisioni Qendror i Zgjedhjeve (KQZ) ka nis verifikimin e votave përmes postës.

Sipas procedurave, fillimisht këto pako me fletëvotime i nënshtrohen procesit të vlerësimit, i cili përfshinë verifikimin nëse ato u takojnë votuesve të regjistruar dhe nëse janë ndjekur procedurat tjera të parapara, ndërkaq numërimi i këtyre fletëvotimeve do të bëhet në një fazë të mëvonshme në Qendrën e Numërimit dhe Rezultateve, pas ditës së zgjedhjeve.

Edhe procesi i vlerësimit të dërgesave postare do të mund të vëzhgohet nga vëzhgues të akredituar nga KQZ-ja, të cilët do të njoftohen me kohë.

KQZ gjatë ditës ka filluar edhe procesin e vlerësimit të pakove me fletëvotime nga jashtë Kosovës që deri me tani kanë arritur në KQZ. Qëllimi i verifikimi është për të parë nëse pakot me fletëvotime janë dërguar nga votues të regjistruar për të votuar nga jashtë Kosovës.

Katër kandidatët për kryeministër të Kosovës u kanë bërë thirrje qytetarëve që të votojnë në zgjedhjet parlamentare, në mënyrë që të vendosin se kush do të udhëheqë në katër vjetët e ardhshëm. Kandidati i Lëvizjes Vetëvendosje, Albin Kurti, votoi në Fakultetin Ekonomik dhe u tha qytetarëve që të votojnë në mënyrë që zëri i tyre

Ish-krerët e Ushtrisë Çlirimtare të Kosovës që po mbahen në Dhomat e Specializuara në Hagë, kanë votuar për zgjedhjet parlamentare të Kosovës, të cilat po mbahen sot. Ish-krerët e UÇK-së që po mbahen në Hagë janë ish-presidenti Hashim Thaçi, ish-kryeparlamentarët Kadri Veseli e Jakup Krasniqi dhe ish-deputeti Rexhep Selimi. Kujtojmë se për zgjedhjet në Kosovë,

Shefja e Misionit për Vëzhgimin e Zgjedhjeve nga Bashkimi Evropian (EOM), Nathalie Loiseau, ka thënë të dielën se 104 vëzhgues janë në terren, në kuadër të misionit, duke mbikëqyrur procesin zgjedhor në Kosovë. “Duam të sigurohemi që të gjithë votuesit mund të shfrytëzojnë të drejtën e tyre”, ka thënë ajo para mediave. Ajo ka thënë

Kreu i Aleancës për Ardhmërinë e Kosovës (AAK), Ramush Haradinaj ka votuar sot në zgjedhjet e Kosovës së bashku me familjen e tij. Në një prononcim për mediat, ai i bëri thirrje qytetarëve që të dalin të votojnë pasi vota ka vlerë vetëm në kuti. Kosova- u shpreh ai- ka nevojë për votën tuaj. “I