Prokurorja e Shkodrës, Elsa Gjeli, reagoi të premten me një kërkesë drejtuar Këshillit të Lartë të Prokurorisë kundër deklaratave të kryeministrit që i cilësoi si “fyerje dhe diskreditim të figurës së magjistratit”. Në kërkesë, Gjeli tha se kryeministri e kishte ekspozuar “ndaj një linçimi të pashembullt mediatik dhe duke minuar çdo kuptim të drejtësisë si […]

The post Përplasja me Ramën, prokurorja e Shkodrës kërkon mbrojtjen e KLP appeared first on Reporter.al.

Gazetarja Klodiana Lala ka zbuluar prapaskena nga procesi gjyqësor ndaj ish-kryebashkiakut të Tiranës, Erion Veliaj, duke thënë se pavarësisht debateve në dhomën e këshillimit, Gjykata e Lartë ka vendosur me unanimitet (3-0) që ai të qëndrojë në burg.

E ftuar në emisionin “Të Paekspozuarit” në MCN TV, Lala tha se Veliaj kishte paraqitur kërkesë për rekurs me qëllim që të rikthehej në detyrë si kryetar bashkie, duke argumentuar se nuk përbënte rrezikshmëri dhe se masa e arrestit ishte e pajustifikuar.

Gazetarja zbuloi gjithashtu se në dhomën e këshillimit ka pasur debate të forta mes gjyqtarëve për shkak të statusit të Veliajt si kryetar bashkie në detyrë, por në fund vendimi për mbajtjen në burg u mor pa asnjë votë kundër.

“Gjykata e Lartë (GJL) u vu në lëvizje me rekurs të bërë nga Veliaj. Zoti Veliaj po synonte të rikthehej në zyrë si kryetar Bashkie. Argumentat e tij ishin, pretendonte se ishte i zgjedhur dhe si i tillë nuk mund të mbahej në arrest me burg, e konsieronte masën arbitrare pasi nuk ka si prish prova dhe intimidon dëshmitarë, apo të largohet pasi qëllimi është rikthimi në zyrë si kryenbashkiak.

SPAK kapej në disa pika, lidhur me veprën penale dhe marzhin e dënimit, për të cilat dyshohet Veliaj, siç është korrupsioni, pastrimi i parave dhe fshehja e pasurisë. Së dyti, ka dyshime që Veliaj mund të intimidojë dëshmitarët dhe të prishë prova, ku prokurorët pretendojnë se Veliaj ka dirigjiuar sulme ndaj prokurorëve dhe gjyqtarit.

Po kështu vijojnë hetimet për pasuri që dyshohet se janë të Veliajt. Sipas tyre nxjerrja në liri e Veliajt ndikon në marrjen e provave. GJL nuk e ka bërë arsyetimin, sepse duhet kohë. Ndërkohë, përgjatë dy orëve në dhomë këshillimi, ka patur debate sa i përket faktit që Veliaj është në detyrë, ka patur debate të forta mes kolegjit penal, por është vendosur lënia në fuqi e masës së sigurisë.

Veliaj ka dy mundësi, do ti drejtohet Gjykatës Kushtetuese, por në datën 17 qershor gjykata e shkallës së parë, pas diligjencës, rrëzoi kërkesën e Veliajt për ndryshim mase, pra ka mundësi të apelojë edhe këtë dhe të përsërisë kërkesat për zëvendësim mase“, tha Lala.

The post “Veliaj donte të rikthehej si kryebashkiak”/ Lala: SPAK kishte pikëpyetje, por Gjykata e la në burg appeared first on Albeu.com.

Pas protestave dikur për projektin te Parku i Liqenit kundër betonizimit, Eljan Tani përfitoi dicka nga Erion Veliaj. Ai fitoi një konkurs të bashkisë për krijimin e disa skulpturave dekorative për parqet e ambientet publike të qytetit të Tiranës.

Ai u bë fitues me veprën “Raketa”. Pas kësaj Tanini u shpreh se do të vazhdonte të protestonte për parkun. Sigurisht ai ishte dhe mbeti një protestues “part time”. Ndërkohë sot Eljan Tanini është emëruar drejtor i Arkivit Qendror Shtetëror të Filmit duke marrë një tjetër shpërblim nga oborri i Rilindjes.

Lajmi është bërë i ditur nga ministri i Eonomisë Blendi Gonxhja.

“Artist pamor, gazetar dhe autor projektesh që ndërthurin artin me memorien kolektive, Eljan Tanini vjen në krye të AQSHF me një profil të veçantë dhe një angazhim të hershëm në rrëfimin e Shqipërisë përmes historisë, nostalgjisë dhe arkivës vizuale.

Nga krijimet murale e instalacionet publike, te kontributet në media dhe ekspozitat brenda e jashtë vendit, Tanini sjell një vizion artistik dhe narrativ që pasuron më tej rolin e këtij institucioni të rëndësishëm kulturor.” – shkruan ministri Gonxhja në rrjetet sociale.

The post Protestuesi “part time” i parkut, Rama bën drejtor Eljan Taninin appeared first on Lapsi.al.

Kryebashkiaku i Tiranës Erion Veliaj, që ndodhet në paraburgimin e Durrësit, studiot e tij ligjore dhe mbështetësit sa nga Britania dhe sa nga SHBA-ja, por edhe mediat që i shërbejnë, kryesisht zvarranikë mediatikë të paguar nga paratë e korrupsionit, kanë dalë me qëndrimet e përsëritura se Veliaj mbahet në burg pa akuzë.

Fillimisht ishin po të njëjtat këto media, po të njëjtët këta njerëz, të cilët thanë se çështja e Erion Veliajt në SPAK ishte thjesht një hetim për Ajolën.

Më pas, shkuan deri aty sa për të mbrojtur Erionin thanë se ishin histori brekësh, histori blerjesh 850 mijë euro, ajo s’ka blerë më shumë se 70 mijë euro, s’ka blerë ndonjë gjë të madhe.

Në fakt, edhe këtu gënjyen. Por më tej, më e pështira ishte se përflisnin bashkëshorten e kryebashkiakut, se SPAK-u kishte hyrë në familje dhe kishte nxjerrë çështje private, të cilat ishin përfshirë në hetime etj.

CNA, ka nxjerrë një pjesë të përgjimeve, ato që ne mundëm të siguronim dhe shumë media kanë nxjerrë dosjen e plotë sipas vendimit të dhënë në Gjykatën e Faktit të Apelit, tashmë edhe në Gjykatën e Lartë, për qëndrimin në burg të Erion Veliajt, ku nuk gjen ndonjë gjë personale familjare për Ajola Xoxën.

Pra, këta strategët mediatikë, thjesht dhe vetëm i kanë shërbyer një strategjie.

Nuk ka rëndësi nëse i nxihet imazhi asaj zonjës apo i cenohet privatësia, mjafton që Erioni të jetë i pastër.

Kjo është strategjia, të ruhet imazhi i tij dhe të luftohet që Erion Veliaj të rikthehet në zyrë që këta pastaj të mbushin xhepat me paratë që u ofron kryebashkiaku direkt dhe indirekt.

Nuk ka në asnjë nga përgjimet ndonjë gjë problematike, private, për Ajola Xoxën, thjesht dhe vetëm për punimet që ndiqen nga një arkitekt i caktuar sa në Qerret, në Tiranë për të kryer investime. Vetëm kaq. Çështjet private i kanë përmendur këta të mediave.

Të njëjtat media, që dje kanë shkuar me një skemë, e cila nga pas mban një skenar, fiks si historia me gomarin, “hip se të vrava, zbrit se të vrava” që këtë radhë po ndodh me SPAK.

Çfarë do të thotë kjo?

Strategët mediatikë dhe këshilltarët ligjorë apo lobistët, tashmë kanë shtuar pa ndalim fjalinë “mbahet në burg pa akuzë”.

Kjo është GËNJESHTËR, sepse Erion Veliaj, është arrestuar me vendime të të gjitha shkallëve të gjykatave që e kanë lënë në burg, për 13 akuza nga korrupsioni tek veprat e tjera dhe u provua katërcipërisht se Veliaj po prishte provat.

Në fakt, përmendja e fjalisë “mbahet në burg pa akuzë” është një gënjeshtër e madhe vetëm se atij nuk i është njoftuar akuza zyrtare, pra çështja nuk është çuar për gjykim.

Cila është strategjia? Cili është skenari?

Në rast se, nuk e nxjerrim dot Erion Veliajn në Gjykatën e Lartë që mund të kthehet në punë apo ta ndjekë punën nga shtëpia apo zbatimet e dënimeve proporcionale etj., strategjia është mjaft e thjeshtë, të luftojmë të hapim një rrugë tjetër për ta nxjerrë dhe për ta rikthyer në detyrë.

Erion Veliaj prej 5 muajsh qëndron në qeli, afati 6-mujor i hetimeve përfundon në fund të muajit korrik dhe i gjithë presioni i mediave dhe lobistëve është që të shkojë akuza.

Në momentin që Erion Veliaj shkon me akuzë në gjykatë atëherë atij i lind e drejta sërish që të kërkojë lirinë.

Pra, meqenëse Gjykata e Lartë nuk e nxori, por e gjeti ligjor arrestimin e tij, tashmë në momentin që SPAK-u përfundon hetimet dhe çështja shkon në gjykatë do të thotë që provat u mblodhën dhe nuk ka arsye që Erion Veliaj të mbahet në burg dhe atëherë çfarë do të ndodhë?

Do t’i kërkohet Gjykatës që ta lirojë apo ta nxjerrë me garanci pasurore, ose ta hetojë në shtëpi.Në fakt, kjo është një strategji e lexueshme. Duket nga përsëritja e fjalisë “mbahet në burg pa akuzë”.

Çuarja e akuzës në gjykatë

Në momentin që Erion Veliajt do t’i ngrihet akuzë do të thonë s’kanë pse e mbajnë në burg, akuzën e ka, SPAK-u e ka përfunduar punën, provat i ka mbledhur, zotëria mund të ndiqet pa burgosje.

Në fakt, Erion Veliaj në asnjë rast nuk mund të ndiqet në gjendje të lirë, sepse edhe sikur brenda 6 muajve, pra deri në fund të korrikut, SPAK t’i çojë dosjen për 13 akuzat që i ka, janë disa fraksione të dosjes, janë disa çështje të tjera hetimore që lidhen direkt dhe indirekt me Erion Veliajn që janë hapur për këtë të fundit.

Janë hetimet për personazhet e tjerë, për bashkëpunëtorët, për gjithçka tjetër dhe Erion Veliaj nuk mund të dalë nga burgu se në momentin që del kthehet në arrest shtëpie apo në zyrë ai sërish mund të prishë provat.

Jo vetëm provat e mbledhura deri tani ndaj tij, por provat që lidhen me atë direkt apo indirekt në dosjet e tjera hetimore penale, sepse SPAK-u do të vazhdojë hetimin.

Dhe, për dosjet e tjera Erion Veliaj jashtë burgut mund t’i prishë ato.

Kujtojmë përgjimet në ambientet e paraburgimit në Durrës se çfarë bënte dhe si sillej.

Edhe sot pas 5 muajsh në burg ende nuk jep dorëheqjen nga detyra, pikërisht për këto arsye, që të krijojë skema dhe skenarë me idenë që i shkoi akuza, provat u mblodhën dhe tashmë ai duhet të dalë për të marrë për të vënë shallin e kryebashkiakut dhe për të shkuar prapë në detyrë për të prishur të tjera prova, prova që lidhen me dosje të tjera hetimore, jo me ato fakte, prova dhe akuza, të cilat SPAK-u duhet t’ia çojë në gjykatë brenda fundit të muajit korrik.

Erion Veliaj, është me një skenar mjaft të qartë, shkon akuza në gjykatë dhe pastaj kërkon lirinë.

Kjo është fiks “hip se të vrava, zbrit se të vrava” dhe kjo do të jetë akuza e radhës ndaj SPAK-ut, e çoi Erionin në gjykatë, tani nuk ka pse ta mbajë në burg.

Në fakt, Erioni mbahet në burg, si një kryetar bashkie i kapur në korrupsion, me vepra të ndryshme penale dhe që ka jo vetëm dosjen ndaj tij, por edhe dosje të tjera ku hetohen bashkëpunëtorë të tij dhe zyrtarë të tjerë ku ai përfshihet dhe sërish mund t’i prishë provat.

Pra, loja e lobistëve dhe mediave “çojmë një akuzë dhe nxjerrim Erion Veliajn” është thjesht dhe vetëm një flluskë sapuni e radhës dhe asgjë më shumë se kaq./ Marrë nga CNA

The post Skemat dhe skenarët e dështuara të Erion Veliajt për të dalë nga burgu dhe për t’u rikthyer në zyrë appeared first on Albeu.com.

Një furtunë tre ditore në gotë, që fanepset sa herë që Erion Veliaj shpreson për ndryshimin e masës së arrestit, ka prodhuar një situatë komike, sidomos në disa studio televizive, ku media dhe mediatikë të pushtetit ankohen e thërrasin se drejtësia e re, e veçanërisht SPAK, kontrollohen politikisht nga… opozita. Sipas tyre, këto organe kanë frikë kur bërtet Berisha dhe i lirojnë dhëndrrin dhe nuk pyesin për Edi Ramën kur i arrestojnë të vetët. Kjo tezë, sa qesharake aq edhe haluçinante, pas vendimit të djeshëm të Gjykatës së Lartë për Erion Velinë, rrëshkiti drejt përçartjes totale ndërsa rasti i këtij të fundit u servir si diktat i Dumanit mbi mazhorancën, standart i dyfishtë i SPAK- i ashpër me rilindjen dhe tolerant me opozitën- e deri si shenjë e qartë e dështimit të reformës në drejtësi.

Që SPAK ashtu si dhe organet e tjera të drejtësisë së re, janë të kontrolluara dhe të dirigjuara politikisht, ky tashmë është një fakt evident. Madje edhe në rastin e Erion Velisë. Por situata komike e përmendur më lart nuk buron nga ky fakt, por nga absurdi ku gjendet të ngërthyer mbrojtësit e kryetarit të burgosur të bashkisë. Ata janë edhe me Erionin por edhe me Edi Ramën. Në pamundësi për të shqiptuar të vërtetën e thjeshtë se SPAK kontrollohet politikisht nga njeriu që ka në dorë gjithë pushtetet në Shqipëri, ata kanë zbuluar se “heronjtë e fëmijëve tanë” kanë frikë kur shan Sali Berisha.

Hipokrizia e mediave (gjithnjë e më të pakta) që mbrojnë Veliajn

Me shumë gjasë, pjesa dërrmuese e propagandistëve të rilindjes që artikulojnë këtë tezë nuk i besojnë as vetë. Dikush nga një lloj detyrimi moral ndaj Velisë e dikush nga shpresa e rikthmit të tij në detyrë e për pasojë edhe e pagesave të lehta, duhet të thonë diçka në mbrojtje të tij. Dhe e vetmja gjetje, që edhe Veliajt t’i shërbehet sa mundet edhe Rama mos lëndohet, është kjo e kontrollit politik të Berishës mbi drejtësinë e re.

Gjendja nuk është aspak e mirë dhe bëhet edhe më shumë qesharake, kur ata që pretendojnë këtë ndikim të Berishës mbi SPAK, gjykatat speciale e deri Gjykatën e Lartë nuk thanë asnjë fjalë kur të gjitha këto instanca shkelën hapur kushtetutën duke marrë masë ndalimi ndaj kreut të opozitës pa miratimin e Kuvendit. As kur ai u privua nga e drejta bazë e një të zgjedhuri për të qenë në Kuvend, i izoluar për një vit rresht në arrest shëtpie. Për kontroll politik të drejtësisë nuk u fol as kur një deputet u dënua me burg se denoncoi vëllain trafikant të një ministri të rilindjes. Dashnorët e drejtësisë së pavarur nuk u ndjenë as kur u tërhoq zvarrë e u plas në qeli ish kryeministri dhe ish presidenti, i dyshuar për krime të ndodhura mbi një dekadë më parë. Madje për shumë prej tyre ishte normale që për skandalin e patronazhistëve, SPAK të sulej në zyrat e kolegëve të tyre dhe jo në ato të partisë së kryeminsitrit.

‘Shqetësim serioz’: BE dënon sulmet e qeverisë ndaj SPAK pas arrestimit të Veliajt

Më paradoksale tingëllon teoria e ndikimit apo kompleksimit të SPAK nga Berisha, kur ata që e artikulojnë, madje edhe vetë Veliaj, deri para arrestimit kishin vetëm një shqetësim: a do e lëshonte Rama delfinin e tij apo jo? Pra ishin të bindur se fati i tij varej vetëm nga vullneti i Edi Ramës dhe jo nga presioni i opozitës, me të cilën talleshin sa herë protestonte para Bashkisë. SPAK e mori në “dorëzim” Velinë, vetëm pasi lideri maksimal e zhveshi nga fuqia politike, e retushoi nga fotografitë publike dhe i hoqi mbështetjen mediatike. Fakt është që për Velinë, ajo furtuna tre ditore ndodh vetëm në mediat e kategorisë së dytë, që në pamundësi për të qenë lojtarë në fushën e madhe, janë kënaqur deri dje me lopën e Bashkisë. Mediat e mëdha e trajtuan rastin Veliaj thjesht si lajm të kronikës, duke e ditur se një kurban i tillë nuk shkon pa “leje nga lart”.

Sinjalet e goditjes së Erion Veliajt pas 11 Majit

Loja e vërtetë e kontrollit mbi SPAK nuk ka të bëjë me fatin personal të Velisë, Ahemtajt apo ndonjë zyrtari tjetër të lartë nesër. Ato janë kokat me të cilat ushqehet pushteti i gjatë i një njeriu të vetëm. Përsa kohë SPAK dhe drejtësia e re nuk hetojnë procedurat e aferave korruptive, por të brendshmet e grave dhe pllakat e banjove, kokat e erjonvelirave janë thjeshtë statistikë për raportet e Dumanit. Përsa kohë SPAK dhe drejtësia e re nukvepron ndaj bandave që masakrojnë zgjedhjet dhe zyrtarëve që blejnë vota ditën për diell, çfarë rëndësie ka se kush e ka radhën nga shokët e Ramës.

Erion Velinë mund ta paraqesin si viktimë të inatit të një prokurori, si hakmarrje të Dumanit apo kompleksimit të drejtësisë nga Berisha, por në fund të gjithë e dinë se ai nuk do të ishte sot në qelitë e burgut të Durrësit pa vullnetin e një njeriu. Të atij që kontrollon gjithçka, përfshi edhe vetë ata që janë të mërzitur nga ikja e ‘njeriut të punës” që mendonte edhe për ta. ©lapsi.al

The post A mund ta mbrosh Velinë duke i shërbyer Edi Ramës appeared first on Lapsi.al.

Pas një seance 2-orëshe mesditën e së martës, Gjykata e Lartë rrëzoi shpresat e kryebashkiakut të Tiranës, Erion Veliaj për lirimin nga qelia dhe vendosi që të lërë në fuqi masën e tij të arrestit me burg. Vendimi u mor nga trupa e Kolegjit Penal me relatore gjyqtaren Albana Boksi, pasi dëgjoi argumentet, pjesë e […]

The post Gjykata e Lartë rrëzon shpresën e Veliajt për lirimin nga qelia appeared first on Reporter.al.

Në orën 12:00, trupa e Kolegjit Penal të Gjykatës së Lartë, me relatore gjyqtaren Albana Boksi, pritet të mblidhet për të dëgjuar argumentet, pjesë e ankimit të kryebashkiakut të Tiranës, Erion Veliaj, bashkëshortes së tij Ajola Xoxa dhe 6 biznesmenëve, kundër masave të sigurisë të vendosura nga Gjykata e Apelit Kundër Korrupsionit dhe Krimit të […]

The post Erion Veliaj kërkon lirinë në Gjykatën e Lartë appeared first on Reporter.al.

Ditën e sotme në GJKKO po mbahet seanca për dosjen “5D”, për të dëshmuar ishte Jona Bejko, e cila zbulohet në komunikime tek flet për një hotel që, sipas saj, pronar është kryebashkiaku i arrestuar i Tiranës, Erion Veliaj, apo sicc e quan ajo “Lali Eri”. Jona Bejko: Jam inxhiniere.Kam qene e punsuar tek subjeti 5D. […]

The post Jona Bejko e “5D”-së dëshmon për hotelin në Durrës, ankohet për bisedat e nxjerra me Lali Eri appeared first on BoldNews.al.

Në procesin e dosjes “5D” ka dëshmuar Jona Bejko, punonjësaj e kompanisë që zbulohet në komunikime tek flet për një hotel në Durrës, ku sipas saj është pronar kryebashkiaku i arrestuar i Tiranës, Erion Veliaj, apo siç e quan ajo “Lali Eri”.

Jona Bejko: Jam inxhiniere. Kam qenë e punësuar tek subjekti “5D”. Llogarisja kostot e objekteve. Kam aplikuar online, jam marrë në telefon, pastaj intervistë nga administratori, i takon periudhës 2020. Paga mujore ka qenë 60 mijë lekë të reja. I merrja në bankë, merrja edhe lekë në dorë për orët shtesë.

Redi Mollën nuk e njoh personalisht, nuk e kam parë asnjëherë. Mariglen Qaton nuk e njoh dhe as nuk e kam parë.

Kam pasur marrëdhënie me Jonida Hoxhajn, e cila ka qenë shefe finance në kompani. E kam pasur shumë shoqe. Gjatë komunikimeve që kisha me Jonidën ne i referoheshim Redit me emrin “R”, dhe sa i takon Mariglen Qatos, i thonin “M”.

Prokurori: Në lidhje me hotelin që thua që është pronar “Lali Eri” për kë e keni?

Jona Bejko: Janë në lidhje me faktin që isha e pakënaqur me punën. Në lidhje me hotelin po ndërtohej në Durrës. Në lidhje me fjalën që them është pronari jonë, i referohem Redi Mollës, duke qenë se ishte pronar trualli.

Prokurori: Tek fjalia që thoni “Lali Eri pronari”, kujt i referoheni?

Jona Bejko: Është e shëmtuar që keni nxjerrë këto biseda, nuk kam asnjë lloj interesi të dëshmoj. Kjo fjalë më ka përndjekur. Bëhet fjalë për Erjon Veliajn. Duke qenë se Redi Molla dhe Mariglen Qato kishin njohje në bashki, kam dashur të them që kjo që mund të ketë ardhur nga influenca e kryetarit të bashkisë. Nuk mendoj se Veliaj kishte interesa në këtë hotel.

Nuk kam dijeni që kompania të ketë hotel në Dhërmi apo më gjerë. Sa i takon hotelit në Durrës, kam dëgjuar se Redi Molla ishte pronar trualli dhe kam dëgjuar se në atë pronë po ndërtohej hoteli.

Në hotelin në Durrës, me vlerë disa miliona euro dyshohet se drejtorët e Veliajt po pastronin paratë që kishin përfituar nga tenderat e bashkisë.

Nga hetimet doli se punonjësja e kompanisë “5D”, e quajtur Jona Bejko shkruante në Whatssap se hotelin në Durrës po e ndërtonin drejtorët e Veliajt, duke shtuar se “është aks. pronari jon… Lali eri… e kta” duke iu referuar kryetarit të bashkisë së Tiranës, Erjon Veliajt. (faximile më poshtë)

Për bisedën më sipër, të nxjerrë nga celulari i Jona Bejkos, gjykatësi Apelit të GJKKO, Florian Kalaja i kërkoi prokurorëve të SPAK të interesohen dhe të ndjekin gjurmët që të çojnë tek e vërteta për investimin luksoz.

“Gjykata vlerëson se është e nevojshme dhe e domosdoshme për ecurinë e mbarëvajtjen e hetimit që Jona Bejko të pyetet dhe të hetohet lidhur me të dhënat e përmbajtjes së këtij komunikimi apo të kësaj dijenie të saj, duke e verifikuar gjithashtu edhe ekzistencën e këtij projekti në Durrës, natyrën e investimit të tij dhe kontributin apo përfshirjen e subjektit tregtar 5D KONSTRUKSION në këtë investim dhe gjithashtu edhe identifikimin e plotë të subjekteve që hasen apo që kanë interesa nga kjo shoqëri tregtare, qofshin ato persona fizikë, zyrtarë apo jo dhe qoftë edhe persona juridikë të tjerë të lidhur me të”.

Versioni se në krye të bandës së drejtorëve të bashkisë qëndron Erjon Veliaj përforcohet duke ditur se të arrestuarit kanë qenë miqtë e tij të afërt. Po ashtu kompania “5D” kishte përfituar një numër të madh tenderash në bashki dhe për këtë ishin investuar thuajse të gjithë drejtorët e bashkisë së Tiranës.

Por prova më e dukshme për implikimin e Veliajt në këtë aferë hajdutërie është qëndrimi që ai mbajti pas skandalit, kur mbrojti miqtë e tij të arrestuar nga SPAK për vjedhjen e taksave të qytetarëve.

Vendimi i Apelit/ Të hetohet punonjësja e 5D që përmend Erjon Veliajn

Maringlen Qato, Redi Molla dhe Taulant Tusha u arrestuan në 28 Mars të vitit të kaluar për vjedhjen e tenderave të bashkisë me kompaninë “5D”. Tusha ishte i arrestuar më parë për procedurat e manipuluara të inceneratorit të Tiranës.

Vendimi i Apelit të GJKKO kërkonte që prokurorët e SPAK të mos lënë asnjë detaj pa hetuar, pa u druajtur se gjurmët mund t’i çojnë tek Erjon Veliaj, por dëshmia e sotme e Jona Bejkos tregon se prokurorët nuk shkuan më tej në hetimin e aferës 5D dhe se u mjaftuan me një përgënjeshtrim të saj publik për të justifikuar cektësinë e hetimeve.

The post “Hotelin e ka Lali Eri…” punonjësja e “5D” tregon pse përmendi Veliajn me sms appeared first on Lapsi.al.

Erion Veliaj ndodhet në burg, që prej 10 Shkurtit, kur u arrestua me urdhër të SPAK, në akuzat për kryerjen e veprave penale “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Deri më tani, kërkesat për zbutjen e […]

The post Letra e nënës së Veliajt: Familja prej muajsh po vuan nga një makth kafkian! Pse mbyll sytë Europa? appeared first on BoldNews.al.

Një aspekt kyç i sistemit politik shqiptar është aparati i tij mediatik, i cili funksionon si zëdhënësi kryesor i propagandës së qeverisë. Reporterët pa Kufij e përshkruajnë gjendjen aktuale në vendin tonë si vijon:

“Në Shqipëri, liria e shtypit dhe pavarësia e medias kërcënohen nga konfliktet e interesit mes botës së biznesit dhe asaj politike, një kuadër ligjor i dëmtuar dhe një rregullim partizan. Gazetarët janë viktima të akteve të intimidimit nga politikanët dhe krimi i organizuar.”

Një vendim i fundit i Gjykatës së Posaçme të Apelit për Korrupsionin dhe Krimin e Organizuar, i marrë në mars të vitit 2025, lidhur me paraburgimin e Kryetarit të Bashkisë së Tiranës, Erion Veliaj, hedh dritë të drejtpërdrejtë mbi këto “konflikte interesi” mes qeverisë socialiste dhe mediave shqiptare. Dosja e bashkëlidhur me vendimin përmban disa përgjime të bisedave të Veliajt gjatë qëndrimit të tij në paraburgim, ku ai përpiqet të përdorë kontrollin e tij të gjerë mbi median kryesore për të ndikuar opinionin publik në favorin e tij dhe për të denigruar Prokurorinë e Posaçme Kundër Korrupsionit (SPAK), e cila aktualisht po ndjek penalisht atë, bashkëshorten e tij dhe bashkëpunëtorët e tyre kulturorë e korporativë.

Në dosje thuhet konkretisht për fushatën mediatike të Veliajt nga burgu:

“Arbër Veliaj drejtohet nga [vëllai i tij] Erion Veliaj të takohet me gazetarët Carlo [Bollino], Mero [Baze] […] me qëllim që postime në favorin e tij të publikohen vazhdimisht dhe më shpesh. Diskutohet për kohën televizive në Top Channel, në veçanti emisioni Top Story i gazetares Grida Duma, si dhe për mbështetjen e marrë nga ana e TV Klan dhe Report TV për publikimin e lajmeve në favorin e tij dhe sulme ndaj Prokurorisë së Posaçme.”

Gjithashtu, sipas bisedave të transkriptuara, rezulton se shtetasi Erion Veliaj përcakton edhe vijën editoriale të disa mediave, ku ai kërkon orare specifike për publikimin e statuseve të tij në rrjetet sociale, me qëllim që lajmi të përsëritet më vonë edhe në televizion/lajme.

Nuk është vetëm ekipi i Veliajt i përfshirë në menaxhimin mediatik rreth çështjes së tij, sepse një nga përgjimet konfirmon që edhe Kryeministria ndjek nga afër situatën:

“Erion Veliaj kërkon një pasqyrë të televizioneve që e mbulojnë dhe e mbështesin në Luftën Mediatike. [Arbër] i thotë: Top Channel na mbulon, Report TV na mbulon, Klan TV na mbulon. Po Klan News? Arbër Veliaj thotë se janë pak problem […]. Erion Veliaj pyet nëse ka folur [Endri] Fuga me ta, gjë që konfirmohet nga Arbri.”

Fuga, Drejtori i Komunikimit i Kryeministrit Edi Rama, përmendet më tej si i përfshirë në fushatën rreth gjendjes së supozuar psikologjike të Veliajt në burg dhe është një figurë e përhershme në përgjime. Edhe pse këto lidhje të ngushta mes klasës politike shqiptare dhe aparatit mediatik njihen mirë në mënyrë informale, me plot histori që qarkullojnë për ndikimin e drejtpërdrejtë dhe të tërthortë që kanë politikanët dhe oligarkët mbi gazetarët, rrallëherë ka prova faktike siç janë ato në dosjen e Veliajt.

Lidhjet mes qeverisë së Ramës dhe mediave datojnë që në fund të viteve ’90. Në vitin 1998, importuesi i kafesë Dritan Hoxha themeloi Top Albania Radio, e cila shumë shpejt u bë një nga radiot më të rëndësishme në vend, ndjekur më pas nga televizioni Top Channel në vitin 2001. Top Channel, nën drejtimin e Hoxhës, u rreshtua krah Ramës, i cili në atë kohë ishte zgjedhur Kryetar i Bashkisë së Tiranës, dhe e mbështeti fuqishëm Partinë Socialiste gjatë zgjedhjeve të përgjithshme të vitit 2005 kundër Sali Berishës. Hoxha humbi jetën në një aksident automobilistik në vitin 2008, dhe monumenti i varrit të tij u projektua nga studioja belge e arkitekturës 51N4E në vitin 2009. Duke pasur parasysh që kjo studio në të njëjtën periudhë projektoi edhe rezidencën private të Ramës në Surrel, sheshin Skënderbej, një nga kullat e para të qytetit dhe Qendrën për Hapje dhe Dialog në Kryeministri, mauzoleumi i pronarit të Top Channel është simbol i rëndësishëm i kompleksit politik–ndërtim–media që Rama ka ndërtuar ndër vite.

Një tjetër figurë mediatike pranë qeverisë së Ramës, i përmendur gjithashtu në dosjen Veliaj, është Carlo Bollino. Në fillim të viteve ’90, Bollino themeloi portalin e lajmeve Balkanweb, televizionin News24 dhe gazetën “Gazeta Shqiptare.” Pas një shkëputjeje nga Shqipëria, u rikthye në vitin 2014, duke themeluar Report TV dhe portalin Shqiptarja.com, të cilat që prej asaj kohe kanë qenë hapur pro-Rama. Në këmbim, Bollino mori në përdorim dy bunkerë të qeverisë në Tiranë në kushte jashtëzakonisht të favorshme, ku ngriti atraksionet turistike fitimprurëse Bunk’Art 1 dhe 2.

Ndërsa është e rëndësishme të shpërblehen ata pronarë mediash dhe gazetarë që ofrojnë mbulim të favorshëm dhe të vazhdueshëm, po aq e rëndësishme është të eliminohen ata që japin raportime dhe analiza të besueshme por të pakëndshme. Këta janë objekt i vazhdueshëm i ngacmimeve nga individë dhe kompani pranë qeverisë, si dhe nga vetë zyrtarët shtetërorë. Një metodë e përdorur shpesh janë paditë frikësuese, të njohura si “SLAPP.” Një “Non-paper mbi Themeloret për Shqipërinë” nga Këshilli i Bashkimit Europian, me datë maj 2025, përmend 73 raste SLAPP në vitin 2023 dhe 43 raste gjatë dhjetë muajve të parë të vitit 2024, duke vënë në dukje se “Shqipëria ende ka nevojë të vendosë një monitorim dhe raportim sistematik të çështjeve gjyqësore që përfshijnë gazetarë, përfshirë rastet e intimidimit dhe kërcënimeve […] të cilat janë bërë më të dukshme.”

Për shembull, në vitin 2016, Bollino paditi portalin Hashtag.al, i cili shpesh kritikon qeverinë Rama, me pretendimin se kishin përdorur fotografinë e tij pa leje dhe e kishin shpifur me satirat e tyre. Këto pretendime u amplifikuan publikisht nga Drejtori i Komunikimit të Ramës, Fuga. Si pasojë, faqja u bllokua përkohësisht.

Në tetor të të njëjtit vit, një episod i emisionit investigativ Públicus të Artan Ramës u bllokua nga pronarët e kanalit privat Vision Plus. Episodi do të trajtonte rastin e fëmijës punëtor Ardit Gjoklaj, i cili vdiq në landfillin “model” të Sharrës, i promovuar gjerësisht nga kryetari i bashkisë Veliaj dhe i menaxhuar nga një zyrtar i PS-së. Pronarët e Vision Plus zotëronin gjithashtu kompaninë ndërtimore Edil Al-It, e cila, ndoshta jo rastësisht, fitoi pak më vonë një tender për rindërtimin e Teatrit të Operës dhe Baletit në Tiranë. Kur Artan Rama shkroi një postim të gjatë në Facebook për kushtet e dyshimta të këtij tenderi, Edil Al-It e paditi me një SLAPP.

Ndonjëherë presioni nuk vjen përmes ligjit, por ushtrohet drejtpërdrejt nga politikanët mbi pronarët e mediave. Kjo solli mbylljen e emisioneve kritike të Adi Krastës dhe Ylli Rakipit në News24 në vitin 2019.

Këto akte represioni ligjor dhe politik nuk kufizohen vetëm te gazetarë individualë, programe të veçanta apo portale të vogla. Edhe kanalet më të mëdha televizive me shtrirje të gjerë mund të përplasen me qeverinë. Një shembull i hershëm është mbyllja e Agon Channel në vitin 2015, televizioni kritik ndaj qeverisë në pronësi të sipërmarrësit italian Francesco Becchetti, që i kushtoi Shqipërisë afër 100 milionë euro në dëmshpërblime.

Një tjetër shembull është fati i kanalit Ora News, i cili herë pas here ishte kritik ndaj qeverisë Rama. Në gusht 2020, pronari i Ora News, Ylli Ndroqi, u arrestua nga SPAK për akuza të trafikut të drogës dhe ambientet e televizionit u kontrolluan. Në ditët që pasuan, Ora News publikoi mesazhe kërcënuese nga Kryetari i Bashkisë Veliaj drejtuar Ndroqit, përfshirë një ku ai shkruante se “nuk do ta falte” për raportimet e kanalit. Më pas, një administrator shtetëror u caktua për të mbikëqyrur vijën editoriale të Ora News, çka çoi në largimin e shumë gazetarëve që më parë kishin guxuar të kritikonin qeverinë, si Sonila Meço. Raportimet e fundit mbi administrimin shtetëror të Ora News zbulojnë vonesa të shpeshta në pagesën e pagave, shmangie taksash dhe shkelje të tjera të të drejtave të punës.

Një strategji tjetër është thjesht blerja e mediave jo të rreshtuara nga oligarkët e lidhur me qeverinë. Kjo ndodhi me SCAN TV, e blerë nga oligarku i fuqishëm Samir Mane në vitin 2022. Po atë vit, Euronews Albania, fillimisht një degë relativisht e pavarur e Euronews, u ble nga Shefqet Kastrati, oligark dhe pronar kompanie ndërtimi. Edhe pse kontrata u anulua më pas, pronari Theodhoro Çami emëroi menjëherë ish-deputetin socialist dhe ish-drejtorin e Top Channel, Ben Blushi, si drejtor të Euronews për të siguruar përputhjen me vijën e partisë.

Dhe nuk po përmend fare mungesën e llogaridhënies publike, refuzimin e vazhdueshëm të kërkesave për informacion publik, përjashtimin e gazetarëve të caktuar nga konferencat për shtyp dhe ofendimet e pafundme të Kryeministrit ndaj gazetarëve.

Aktualisht nuk ka asnjë kanal televiziv të madh që ofron një kundërpeshë të besueshme ndaj propagandës qeveritare shqiptare. Kjo është një situatë relativisht e re: që nga fillimi i viteve 2000, duke filluar me Top Channel, gjithmonë ka ekzistuar të paktën një kanal i madh televiziv që ofronte një alternativë serioze ndaj narrativës së qeverisë.

Gjendja e mediave online është po aq e brishtë. Një mori portalesh “lajmesh” të lidhura me qeverinë, si Gazeta Tema e Mero Bazes, duket se kopjojnë dhe shpërndajnë postime të gatshme të ofruara drejtpërdrejt nga qeveria. Raportimi i pavarur investigativ është i kufizuar kryesisht te portalet kombëtare si Reporter.al dhe Citizens.al dhe iniciativa lokale si Nyje.al, ndërkohë që portale të tjera online vuajnë nga ndikimi i drejtpërdrejtë apo i tërthortë i opozitës së zbutur, duke ndjekur të njëjtat modele presioni si më sipër, edhe pse më pak të theksuara.

Përqendrimi i paprecedentë i pushtetit ekonomik shqiptar rreth një klase të vogël oligarkësh politikisht të lidhur nuk sjell aspak shpresë për të ardhmen e mediave të pavarura. Gazetaria investigative kërkon kohë dhe burime, me rezultate të paprekshme dhe të pakontrollueshme, që donatorët – qofshin ata korporativë apo jofitimprurës – kanë pak interes për t’i financuar në mënyrë të qëndrueshme në afatgjatë.

Një gazetë prestigjioze perëndimore ka si moto në ballinë: “Demokracia vdes në errësirë.” Këto fjalë fisnike duan të thonë se janë mediat kritike dhe të pavarura ato që mbajnë dritën ndezur – dhe gjallë demokracinë. Por kjo gazetë, në realitet, është në pronësi të njërit prej oligarkëve më të pasur në planet, i cili, pasi financoi dhe mori pjesë në inaugurimin e liderit fashist të vendit të tij, pushtoi së fundmi Venecian për të organizuar një dasmë me kosto prej 50 milionë eurosh.

Thënë ndryshe, sistemi i përshkruar më sipër nuk është i veçantë vetëm për Shqipërinë; ky është realiteti aktual i mediave në mbarë botën./ https://thealbanianmechanism.com

The post Manuali për kapjen e medias: Made in Albania appeared first on Lapsi.al.

Ndërsa Gjykata e Lartë pritet të vlerësojë masën e sigurisë ndaj kryetarit të bashkisë Tiranë, Erion Veliaj, i cili përballet me akuza për korrupsion dhe pastrim parash, ai ka nisur një fushatë të kushtueshme PR-i jashtë vendit – në një përpjekje për të bindur publikun në Shqipëri, një proces që ngre pyetje mbi kufijtë mes […]

The post PR-i me pagesë i Veliajt, si instrument për manipulimin e opinionit publik appeared first on BoldNews.al.

Zyra ligjore britanike “Mishcon de Reya LLP” dhe ajo amerikane “Kasowitz LLP”, të cilat deklarojnë se përfaqësojnë kryetarin e Bashkisë së Tiranës, Erion Veliaj, publikuan të martën, një raport ku pretendojnë se ai po mbahet në burg në mënyrë të padrejtë. Raporti, i cili nis me një citim të Alistair Campbell – ish-këshilltar për mediat […]

The post PR-i me pagesë i Veliajt, si instrument për manipulimin e opinionit publik appeared first on Reporter.al.

Erion Veliaj nuk ka qëndruar i heshtur që prej arrestimit të tij në shkurt të këtij viti nën akuzat për korrupsion, pastrim parash dhe fshehje pasurie.

Por këtë javë, ish-kryetari i Bashkisë së Tiranës dhe aleati i ngushtë i kryeministrit Edi Rama, ka bërë më shumë zhurmë se kurrë për të mbrojtur veten.

Të martën u publikua një raport nga dy studio ligjore të profilit të lartë – Kasowitz me seli në New York dhe Mishcon de Reya me seli në Londër, që e dënojnë paraburgimin e tij të vazhdueshëm si “të padrejtë”, duke e përshkruar si një “shkelje të mundshme të Konventës Evropiane për të Drejtat e Njeriut dhe të parimeve të procesit të rregullt ligjor sipas kushtetutës dhe ligjeve të Shteteve të Bashkuara”.

Raporti pretendon se Veliaj është arrestuar nga Gjykata kundër Korrupsionit në Shqipëri “pa asnjë vlerësim domethënës nëse paraburgimi i tij është i nevojshëm, proporcional apo i arsyeshëm, dhe pa marrë në konsideratë alternativa të tjera ndaj paraburgimit”.

Nuk është e qartë sa ka kushtuar kjo përpjekje për Veliajn; tarifat në studion Kasowitz – që ka pasur si klientë Donald Trump dhe Robert De Niro – variojnë nga 500 deri në 1,950 dollarë për orë, me një pagesë paraprake fillestare prej 300,000 dollarësh. Mishcon de Reya ndërkohë përfaqësoi Princeshën Diana gjatë divorcit të saj nga Princi Charles. Media shqiptare ka spekuluar se fatura mund të mbulohet nga vëllai i Veliajt, Arber, i cili zotëron disa kompani dhe nuk përballet me akuza.

Ndërkohë, Veliaj ka mbushur Facebook-un dhe TikTok-un me postime që lavdërojnë arritjet e tij si kryebashkiak i Tiranës, duke listuar projektet e përmirësimit të parqeve, pishinave dhe këndeve të lojërave të qytetit.

Këtë javë ai i ftoi ndjekësit e tij të “rifreskojnë kujtesën pak për sa shumë është ndryshuar Tirana”.

“Të gjitha këto i kemi bërë së bashku!”, shpall ai.

Një kryebashkiak dhe ‘babi’ i përulur

Veliaj ishte një nga figurat në ngjitje të Partisë Socialiste përpara se të arrestohej më 10 shkurt me urdhër të Prokurorisë së Posaçme kundër Korrupsionit dhe Krimit të Organizuar (SPAK).

Prokurorët pretendojnë se ai ka përfituar në mënyrë të paligjshme rreth 1.1 milionë euro në lidhje me nëntë kontrata publike apo leje ndërtimi të firmosura prej tij. Gjykata vendosi ta mbante në paraburgim gjatë hetimeve dhe një gjykatë apeli rrëzoi kërkesën për lirim me kusht.

Edhe bashkëshortja e tij, Ajola Xoxa, ka masë sogurie për akuza të ngjashme për korrupsion, pastrim parash dhe fshehje pasurie. Të dy i kanë mohuar akuzat.

Që në fillim të hetimeve, Veliaj ka përdorur rrjetet sociale për të kundërshtuar akuzat, duke sulmuar prokurorin dhe gjyqtarin e çështjes. Ai e ka quajtur çështjen kundër tij “një inskenim të shëmtuar dhe farsë të rrezikshme” dhe e ka përshkruar prokurorin si “vrasës me pagesë”.

Ai është akuzuar gjithashtu se ka orkestruar një fushatë propagandistike përmes miqve të tij në media për të sulmuar kundërshtarët në sistemin e drejtësisë.

Por kohët e fundit Veliaj e ka ndryshuar tonin, nga agresiv në humoristik, duke synuar të promovojë një imazh simpatik dhe profesional.

Megjithëse TikTok është i ndaluar prej një viti në Shqipëri nga qeveria e mentorit të tij Rama, Veliaj e ka përdorur këtë platformë për të publikuar video ku thekson humorin e tij, përfshirë një postim që e përshkruan arrestimin e tij si “një film legjendar”.

“Njerëzit pyesin nëse burgu më ka ndryshuar, por unë gjithmonë kam qenë një kryetar babi i përulur, dhe shërbimi për të tjerët ka qenë gjithmonë gjuha ime e dashurisë,” shkruan ai në një tjetër video në TikTok.

Por ekspertët politikë në Tiranë janë skeptikë ndaj kësaj fushate joshjeje.

“Meqë strategjia me tone të forta dhe shantazh politik, e artikuluar brutalisht pas arrestimit, nuk funksionoi, Veliaj po mendon që të mos fokusohet më te aktorët politikë apo te prokuroria si shënjestër, por te publiku,” tha për BIRN analisti politik Ergys Mertiri.

Sipas Mertirit, strategjia e Veliajt – përmirësimi i imazhit për të ushtruar presion publik ndaj gjykatës që të mos e dënojë rëndë, tregon se ai e ka pranuar fatin e tij.

“Kjo tregon se Veliaj ka kapitulluar. Ai nuk kërkon më të shpëtojë, por të minimizojë dënimin,” u shpreh ai.

Rigels Xhemollari, ekspert politik dhe drejtues i organizatës Qëndresa Qytetare, mendon se fushata e PR-it nuk do të ketë sukses “sepse organet hetimore kanë treguar prej kohësh që nuk ndihen të kërcënuara nga media, e aq më pak nga postimet në TikTok”.

Pavarësisht mendimeve të ekspertëve, kryebashkiaku i burgosur nuk po kursehet për të siguruar lirinë.

Një media me qendër në Tiranë, Shteg.org, raportoi këtë javë se Veliaj ka kontraktuar gjithashtu një agjenci britanike PR të quajtur Kendal Global Advisory që të punojë për të.

BIRN i dërgoi një kërkesë për koment kompanisë për të verifikuar nëse Veliaj ose vëllai i tij janë klientë, por deri në kohën e publikimit nuk ka marrë përgjigje. Pretendimi nuk mund të verifikohej në mënyrë të pavarur. /Marrë nga Reporter.al

The post BIRN: Veliaj “lufton” akuzat për korrupsion me fushatë PR-i në TikTok appeared first on Lapsi.al.

Kur Erion Veliaj u arrestua për korrupsion, ai fillimisht e sulmoi drejtësinë. Tani po zhvillon një fushatë joshjeje në rrjetet sociale për të fituar simpatinë e publikut. A do të funksionojë? Erion Veliaj nuk ka qëndruar i heshtur që prej arrestimit të tij në shkurt të këtij viti nën akuzat për korrupsion, pastrim parash dhe […]

The post Erion Veliaj “lufton” akuzat për korrupsion me fushatë PR-i në TikTok appeared first on BoldNews.al.

Erion Veliaj nuk ka qëndruar i heshtur që prej arrestimit të tij në shkurt të këtij viti nën akuzat për korrupsion, pastrim parash dhe fshehje pasurie. Por këtë javë, ish-kryetari i Bashkisë së Tiranës dhe aleati i ngushtë i kryeministrit Edi Rama, ka bërë më shumë zhurmë se kurrë për të mbrojtur veten. Të martën […]

The post Kryebashkiaku i Tiranës ‘lufton’ akuzat për korrupsion me fushatë PR-i në TikTok appeared first on Reporter.al.

Gazeta gjermane “Die Zeit” i ka kushtuar së fundmi një artikull festivalit të parë ndërkombëtar të arkitekturës, i cili u zhvillua para pak muajsh në Tiranë dhe ku morën pjesë rreth 150 arkitektë nga e gjithë bota. Një prej temave kryesore të trajtuara në artikull janë ndërtimet e shumta që po zhvillohen në kryeqytet, veçanërisht […]

The post Gazeta gjermane: Kullat e Tiranës fasadë për pastrim parash appeared first on BoldNews.al.

Kryetari i Bashkisë së Tiranës i ka shtuar grupit të avokatëve të tij mbrojtës edhe studion “Mishcon de Reya LLP” – një firmë ligjore britanike me zyra në Londër dhe Singapor. Të martën, zyra ligjore britanike “Mishcon de Reya LLP” dhe ajo amerikane “Kasowitz LLP”, të cilat deklarojnë se përfaqësojnë kryetarin e Bashkisë së Tiranës, Erion […]

The post BIRN: Studioja ligjore britanike e angazhuar nga Veliaj është gjobit për pastrim parash appeared first on BoldNews.al.

Të martën, zyra ligjore britanike “Mishcon de Reya LLP” dhe ajo amerikane “Kasowitz LLP”, të cilat deklarojnë se përfaqësojnë kryetarin e Bashkisë së Tiranës, Erion Veliaj, publikuan një raport ku pretendojnë se ai po mbahet në burg në mënyrë të padrejtë.

Raporti, i cili nis me një citim të Alistair Campbell – ish-këshilltar për mediat i ish-kryeministrit britanik Tony Blair dhe i atij shqiptar Edi Rama, pretendon se mbajtja në paraburgim e Veliajt shkel Konventën Evropiane për të Drejtat e Njeriut.

“SPAK e ka arrestuar kryetarin e Bashkisë Veliaj pa ngritur asnjë akuzë, në kushte që e kanë penguar atë të ushtrojë mandatin si kryetar bashkie dhe të përmbushë detyrimet e tij gjatë fushatës për zgjedhjet parlamentare të 11 majit 2025,” deklarojnë Mishcon de Reya LLP dhe Kasowitz LLP në një njoftim për shtyp.

Mishcon de Reya LLP është studioja e dytë ligjore që Veliaj angazhon, pas asaj amerikane Kasowitz LLP. Ajo është themeluar në vitin 1937 dhe në vitin 2022–2023 pati të ardhura të raportuara prej 225 milionë paund britanikë. Studio ligjore britantike njihet për përfaqësimin e klientëve të pasur, të famshëm dhe të fuqishëm – përfshirë përfaqësimin e princeshës së ndjerë të Uellsit, Diana Spencer, gjatë divorcit të saj me mbretin Charles.

Megjithëse konsiderohet një nga firmat ligjore më të mëdha britanike, ajo është gjobitur në vitin 2022 për shkeljen e rregullave për pastrimin e parave në Mbretërinë e Bashkuar.

Firma ligjore nuk ishte menjëherë e arritshme nëpërmjet telefonit ditën e martë. Është e paqartë nëse ajo është kontraktuar drejtpërdrejt nga Veliaj për hartimin e raportit apo nëpërmjet Kasowitz LLP.

Kryetari i Bashkisë së Tiranës u arrestua më 10 shkurt me urdhër të Gjykatës së Posaçme Kundër Krimit të Organizuar dhe Korrupsionit, pasi dyshohet për përfshirje në korrupsion dhe pastrim parash, nëpërmjet një rrjeti kompanish dhe OJF-ësh të lidhura me bashkëshorten e tij, Ajola Xoxa.

Veliaj dhe Xoxa i kanë mohuar akuzat.

Studioja amerikane “Kasowitz Benson Torres” është angazhuar për mbrojtjen e kryebashkiakut nga i vëllai, Arbër Veliaj, i cili ka bërë një parapagesë me vlerë 300 mijë USD.

Sipas të dhënave të bëra publike nga Departamenti i Drejtësisë në SHBA, avokatët e studios Kasowitz marrin një pagesë për orë pune që varion nga 500 USD deri në 1950 USD.

Masa e sigurisë ndaj Erion Veliajt pritet të vlerësohet nga Gjykata e Lartë me 8 korrik.

The post BIRN: Erion Veliaj angazhon studio ligjore britanike për mbrojtjen appeared first on Sot News | Lajme.

Të martën, zyra ligjore britanike “Mishcon de Reya LLP” dhe ajo amerikane “Kasowitz LLP”, të cilat deklarojnë se përfaqësojnë kryetarin e Bashkisë së Tiranës, Erion Veliaj, publikuan një raport ku pretendojnë se ai po mbahet në burg në mënyrë të padrejtë.

Raporti, i cili nis me një citim të Alistair Campbell – ish-këshilltar për mediat i ish-kryeministrit britanik Tony Blair dhe i atij shqiptar Edi Rama, pretendon se mbajtja në paraburgim e Veliajt shkel Konventën Evropiane për të Drejtat e Njeriut.

“SPAK e ka arrestuar kryetarin e Bashkisë Veliaj pa ngritur asnjë akuzë, në kushte që e kanë penguar atë të ushtrojë mandatin si kryetar bashkie dhe të përmbushë detyrimet e tij gjatë fushatës për zgjedhjet parlamentare të 11 majit 2025,” deklarojnë Mishcon de Reya LLP dhe Kasowitz LLP në një njoftim për shtyp.

Mishcon de Reya LLP është studioja e dytë ligjore që Veliaj angazhon, pas asaj amerikane Kasowitz LLP. Ajo është themeluar në vitin 1937 dhe në vitin 2022–2023 pati të ardhura të raportuara prej 225 milionë paund britanikë. Studio ligjore britantike njihet për përfaqësimin e klientëve të pasur, të famshëm dhe të fuqishëm – përfshirë përfaqësimin e princeshës së ndjerë të Uellsit, Diana Spencer, gjatë divorcit të saj me mbretin Charles.

Megjithëse konsiderohet një nga firmat ligjore më të mëdha britanike, ajo është gjobitur në vitin 2022 për shkeljen e rregullave për pastrimin e parave në Mbretërinë e Bashkuar.

Firma ligjore nuk ishte menjëherë e arritshme nëpërmjet telefonit ditën e martë. Është e paqartë nëse ajo është kontraktuar drejtpërdrejt nga Veliaj për hartimin e raportit apo nëpërmjet Kasowitz LLP.

Kryetari i Bashkisë së Tiranës u arrestua më 10 shkurt me urdhër të Gjykatës së Posaçme Kundër Krimit të Organizuar dhe Korrupsionit, pasi dyshohet për përfshirje në korrupsion dhe pastrim parash, nëpërmjet një rrjeti kompanish dhe OJF-ësh të lidhura me bashkëshorten e tij, Ajola Xoxa.

Veliaj dhe Xoxa i kanë mohuar akuzat.

Studioja amerikane “Kasowitz Benson Torres” është angazhuar për mbrojtjen e kryebashkiakut nga i vëllai, Arbër Veliaj, i cili ka bërë një parapagesë me vlerë 300 mijë USD.

Sipas të dhënave të bëra publike nga Departamenti i Drejtësisë në SHBA, avokatët e studios Kasowitz marrin një pagesë për orë pune që varion nga 500 USD deri në 1950 USD.

Masa e sigurisë ndaj Erion Veliajt pritet të vlerësohet nga Gjykata e Lartë me 8 korrik. /Reporter.al

The post BIRN: Erion Veliaj angazhon studio ligjore britanike për mbrojtjen appeared first on Lapsi.al.