Këtë shqetësim e denoncon edhe kreu i Urdhrit të Mjekut, Dr. Dritan Trepçe, i cili shpjegon se ka pasur raste kur pacientët kanë lënë mjekimin e përshkruar në recetë nga mjeku duke i besuar produkteve të pakontrolluara e duke i bërë dëm shëndetit.

Dr. Dritan Trepçe – Presidenti i Urdhrit të Mjekut: Është shumë shqetësuese pasi kemi pasur raste që kanë hequr medikamente dhe dëmtuar shëndetin e tyre. Kjo ul besimin e pacientit ndaj mjekut dhe ndaj sistemit shëndetësor.

Shoqatat e mjekëve kanë ngritur me shqetësim mashtrimin që po bëhet me foto të mjekëve apo video të tyre ku u montohet zë, sikur është ai që rekomandon te produkte që shërojnë sëmundje të caktuara.

Dr. Dritan Trepçe – Presidenti i Urdhrit të Mjekut: Shumë mjek na janë ankuar se me figurat e tyre mashtrohet.

Urdhri i Mjekut e konsideron disi të vështirë vënien në kontroll të rrjeteve sociale, por nga ana tjetër kërkon të përforcohet legjislacioni për reklamimin mashtrues në fushën e shëndetësisë.

Dr. Dritan Trepçe – Presidenti i Urdhrit të Mjekut: Të kriminalizohet mashtrimi në Kodin Penal. Dhe po kështu, të merren masa për edukimin e popullatës që të mos bien pre kaq lehtë, sidomos ndaj këtyre mashtrimeve me karakter shëndetësor.

The post Mashtrimi me mjekimet false! Urdhri i mjekut ngre alarmin: Kemi pacientë që kanë ndërprerë trajtimin prej montazheve first appeared on JavaNews.al.

Avokadoja është një nga ushqimet më të dashura të kohëve të fundit, e pasur me yndyrna të mira, shumë ushqyese dhe me përfitime të shumta për shëndetin.

Nuk është rastësi që gjithnjë e më shumë njerëz po e përfshijnë në dietën e përditshme. Por një problem mbetet i zakonshëm, si ta konsumojmë në momentin e duhur?

Zakonisht, avokadot që gjejmë në treg janë të papjekura, dhe duhet të presim disa ditë derisa të piqen.

Nëse i presim para kohe, janë pa shije, nëse i lëmë shumë, rrezikojnë të kalben.

Blogerja e ushqimit Caroline Groth, ka ndarë një truk të thjeshtë në Instagram që mund t’ju shpëtojë. Për të pjekur avokadon më shpejt, do t’ju duhen vetëm një avokado, një kivi dhe një qese letre.

Si funksionon? Vendosni avokadon dhe kivin brenda në qesen e letrës, mbylleni dhe lëreni në temperaturë ambienti. Brenda 24 orësh, avokadoja do të jetë e butë dhe gati për konsum.

Pse ndodh kjo?

Kivi, ashtu si banania apo molla, lëshon një gaz natyral të quajtur etilen, një hormon i bimëve që ndihmon në pjekjen e frutave. Kur frutat mbyllen në një qese letre, etileni grumbullohet brenda dhe përshpejton procesin e pjekjes në mënyrë natyrale.

Pra, herën tjetër që do të doni të shijoni një avokado perfekte pa pritur me ditë, provoni këtë truk të thjeshtë me një kivi dhe falë natyrës, do të jeni gati për një mëngjes plot shije!

The post Avokadoja me përfitime të shumta për shëndetin, por a e dini si ta piqni më shpejt? Ja një truk i thjeshtë që do t’ju ndihmojë appeared first on Albeu.com.

TIRANË, 13 korrik/ATSH/ Gjirokastra po mirëpret çdo ditë e më shumë vizitorë, vendas dhe të huaj, që zgjedhin ta zbulojnë bukurinë e qytetit historik gjatë verës.

Me rritjen e turizmit, shtohet edhe përgjegjësia për t’u kujdesur për shëndetin e tyre.

Qendra Shëndetësore Verore në Gjirokastër është në gatishmëri të plotë për të ofruar ndihmën e parë dhe këshilla shëndetësore për të gjithë ata që kanë nevojë.

Ministrja e Shëndetësisë dhe Mbrojtjes Sociale, Albana Koçiu tha se “ekipet tona mjekësore janë aty 24/7 për çdo nevojë. Qendra Shëndetësore Verore në Gjirokastër është në funksion të plotë, ditë e natë, për të garantuar sigurinë dhe kujdesin shëndetësor për çdo vizitor”.

Almeda Kaluri, infermiere në këtë qendër shëndetësore verore tha se “është hera e parë që punoj në këtë qendër sikurse është hera e parë që kjo qendër është hapur në qytetin e Gjirokastrës kryesisht në zonën turistike dhe kalaja”.

“Këto ditë jemi hasur me raste të tilla si hipertension, pickime nga insektet dhe dehidratimi. Kemi dhënë ndihmën tonë të parë dhe patjetër këshillat që janë kryesorja. Këshillat tona për turistët sidomos për moshat e treta dhe gratë shtatzëna është të shmangin daljen në pikun e vapës dhe të konsumojnë sa më shumë lëngje”, tha Kaluri.

Gjatë sezonit turistik veror janë në funksion të plotë 36 qendra shëndetësore në të gjithë vendin, nga veriu në jug. Ato garantojnë shërbim mjekësor 24 orë në ditë, 7 ditë në javë, për të gjithë pushuesit, vendas apo të huaj.

/k.s//a.f/

 

The post Koçiu: Qendra Shëndetësore Verore në Gjirokastër, siguri dhe kujdes shëndetësor për çdo vizitor appeared first on Agjencia Telegrafike Shqiptare.

Nëse ushqehesh keq është e pamundur të largosh kilogramët e tepërt vetëm nëpërmjet aktivitetit fizik. Kur vjen puna tek rënia nga pesha, ushqimet që hani janë shumë herë më të rëndësishme se palestra. Kjo ndodh sepse pjesa më e madhe e dhjamit në trup akumulohet nga yndyrnat e pashëndetshme. Në këtë artikull të AgroWeb.org do […]

Klinika e Kirurgjisë Torakale në Qendrën Klinike Universitare të Kosovës (QKUK) po shndërrohet në një qendër moderne kirurgjikale, ku inovacioni bashkohet me përkushtimin për kujdesin ndaj pacientit. Me teknologji të përparuara, metoda moderne operative dhe ekip mjekësor të specializuar, kjo klinikë po vendos standarde të reja në trajtimin e sëmundjeve të kraharorit dhe mushkërive në Kosovë.

Që nga viti i kaluar, kanë filluar tri intervenime të reja në Torakale, PECTUS, operacioni me Sentinel-Node dhe fiksimi i brinjëve tek trauma të ndryshme e investime në VATS të ri.

Ndërsa numri më i madh i pacientëve është me sëmundjen e kancerit të gjirit dhe sëmundjet me pragmatikën e gjirit. Vetëm përgjatë periudhës janar-qershor janë bërë gjithsej 329 intervenime në gji.

Drejtori i Kirurgjisë Torakale në QKUK, Nazmi Kolgeci thotë për KosovaPress tregon për operacionet që realizojnë.

“Në Kirurgjinë Torakale, numri më i madh i pacientëve që vijnë tek ne është me sëmundjen e kancerit të gjirit dhe sëmundjet me pragmatikën e gjirit. Intervenime në gji janë gjithsej 329. Kemi punuar struma, rreth 11 operacione dhe PECTUS, që janë bë shtatë operacione. Vitin e kaluar kemi filluar si operacione të para me këtë metodë që domethënë se kemi arritur që Qeverisë së Kosovës nga Buxheti i Kosovës të mos i jepet për pacientë që janë trajtuar jashtë shtetit”, thotë Kolgeci.

Me operacionin Sentinel-Node, është bërë e mundur që rreth 40 pacientë të ruajnë gjirin dhe nyjën limfatike. Ky intervenim, siç thotë Kolgeci bëhet vetëm në QKUK e në Greqi.

“Këtë vit kemi filluar edhe me operacion me Sentinel-Node. Sentinel-Node është një intervenim kirurgjik që realizohet tek kanceri i gjirit dhe që është si gjurmuesi në nyje limfatike, të cilat janë të infiltruara me kancer. Tani me këtë metodë te disa pacientë, ne e kursejmë edhe gjirin, por kursejmë edhe nyjën limfatike. Këto intervenime kirurgjike janë një e arritur mjaft e madhe, për arsye se si informacione që kemi, vetëm në Greqi bëhen këto intervenime dhe në Qendrën Klinike Universitare të Kosovës. Prej vitit të kaluar që jemi lidhur me këtë metodë e deri tani, është diku rreth tridhjetë e pesë ose katërdhjetë pacientë që i kemi realizuar me metodën Sentinel-i… Vitin e kaluar po ashtu kemi filluar edhe me një intervenim tjetër kirurgjik, është bërë fiksimi i brinjëve tek trauma të ndryshme”, tregon ai.

Kolgeci është shprehur se ka pasur investime edhe në pajisje medicinale, me PECTUS, në VATS të ri një aparaturë që përmes kamerave operojnë në torakal, aparaturë e fjalës së fundit.

Gjithashtu, Kolgeci ka thënë se ka pasur investime edhe në sallat e operacionit, e salla e dytë është në pritje për tu kompletuar me tavolinë e drita.

“Këto vitet e fundit janë bërë investime në pajisje medicinale, me PECTUS që ka qenë, është bërë investime në VATS të ri, ngaqë ne e kemi pasur një VATS, një aparaturë që përmes kamerave që operojnë në torakal, aparatura që e kemi na është mjaft moderne, ndoshta është e fjalës së fundit.

Gjithashtu janë bë investime edhe në sallat e operacionit. Ndërsa sallën e dytë jemi duke e prit për arsye se kjo sallë është komplet e rinovuar, mirëpo akoma nuk e kemi të pajisur me aparaturën shtesë, me tavolinën, dritat dhe gjërat tjera që i duhet për sallën e operacionit, po kjo është në pritje jetë që shumë shpejt”, është shprehur Kolgeci.

E për listën e pritjes për ndërhyrje kirurgjike, Kolgeci thotë se mbetet relativisht e shkurtër, aq sa është e nevojshme që pacienti të përgatitet me analiza e ekzaminime të tjera.

“Lista e pritjes tek ne për kancerin e gjirit, për kancerin e mushkërisë ose kancerin e gushës dhe tumorit malinj që janë në regjionin torakal është shumë e shkurtër aq sa është e nevojshme një pacient të përgatitet për sallë operacionale. Por, kjo listë, kjo pritje është diku në tri javë deri në pesë javë, por kjo është kohë në të cilën pacienti duhet të përgatitet vetë me analiza dhe me ekzaminime të tjera shtesë”, thekson ai.

Operacioni më i vështirë që kryhet në Kirurgjinë e Torakales, është restrikcioni i mushkërive.

The post ​Klinika e Kirurgjisë Torakale në QKUK avancon me teknologji të nivelit ndërkombëtar appeared first on Telegrafi.

TIRANË, 11 korrik/ATSH/ Ekipeve shëndetësore në rajonin e Tiranës u janë shtuar 40 infermierë të rinj.

Ministrja e Shëndetësisë dhe Mbrojtjes Sociale, Albana Koçiu në një postim në rrjetet sociale tha se “40 infermierë të rinj u janë bashkuar ekipeve shëndetësore në rajonin e Tiranës, nëpërmjet portalit “Infermierë për Shqipërinë” në një proces që garanton transparencë dhe meritokraci”.

Ministrja Koçiu u uroi infermierëve të rinj suksese në këtë rrugëtim në shërbim të qytetarëve.

Gjithashtu Koçiu ka përcjellë edhe mesazhet e disa prej infermiereve fituese në portal.

Emina Hima, e cila ka përfunduar studimet në Fakultetin e Shkencave Mjekësore Teknike tha se “pas aplikimit tek portali erdha sot dhe zgjodha vendin e punës tek QSUT. Procesi në portal ishte transparent”.

Ola Mesiti tha se “kam aplikuar në portalin “Infermierët për Shqipërinë” sot sapo zgjodha vendin definitiv tek materniteti “Koço Gliozheni”. Operatori i Shërbimit të Kujdesit Shëndetësor ishte transparent dhe i drejtë për çdo infermier që ka ardhur këtu”.

“Sot bëra aplikimin në portal. Procesi ishte transparent dhe sot zgjodha vendin definitiv në Qendrën Shëndetësore të Specialiteteve Nr. 2”, tha Ersileda Kota.

Portali “Infermierë për Shqipërinë”, për punësimin e profesionistëve të shëndetësisë, është një prej mekanizmave që garanton transparencë në punësimet në shëndetësi.

Ky portal ofron mundësi reale punësimi për të gjithë infermierët që kanë përfunduar studimet e larta apo janë kualifikuar më tej në këtë fushë, për të kontribuar në shëndetin e komunitetit.

Procesi i testimit të kandidatëve në platformën “Infermierë për Shqipërinë” është transparent në të gjitha fazat e tij, që nga regjistrimi, testimi, procesi i ankimimit, deri në shpalljen e listës përfundimtare të fituesve dhe përzgjedhjes së vendeve të reja të punës me bazë merite, në bazë të pikëve të marra nga secili kandidat nga të gjitha fazat e konkurrimit.

/k.s//a.f//r.e/

The post Koçiu: 40 infermierë të rinj u bashkohen ekipeve shëndetësore në Tiranë appeared first on Agjencia Telegrafike Shqiptare.

Pas shumë vitesh kërkesë nga pacientet e diagnostikuara me kancer, për herë të parë në spitalin onkologjik shtetëror parashikohet financimi për ndërhyrjen rindërtuese të gjirit pas mastektomisë (heqjes së gjirit).

Ky programi i ri i Ministrisë së Shëndetësisë do të mbulojë falas vendosjen e protezës së gjirit për 350 gra në vit, për vitet 2026-2028.

Të dhënat për ofrimin dhe financimin e shërbimit për rikonstruksionin e gjirit janë bërë publike në “Projektdokumentin e programit buxhetor afatmesëm për periudhën 2026-2028”.

“Për herë të parë parashikohet një produkt i dedikuar për gratë që vuajnë nga kanceri i gjirit. Trajtimi me rikonstruksionin e gjirit për këto gra, tregon jo vetëm vëmendjen e veçantë ndaj tyre, por edhe krijimin e mundësisë për të pasur një jetë normale në vijim”, citohet në dokument.

Deri më sot ky lloj shërbimi nuk është ofruar asnjëherë në spitalin publik të onkologjikut, pavarësisht kërkesës së grave që kishin kryer ndërhyrjet kirurgjikale për heqjen e gjirit, ndërsa kostoja e vendosjes së protezës në spitalet private mbetet e papërpallueshme për shumë paciente.

Në klinikat apo spitalet private në vend kjo ndërhyrje kushton 5 mijë deri në 8 mijë euro. Ministria e Shëndetësisë llogarit që shpenzimet për 1 pacient të shkojnë 200 mijë lekë apo rreth 2 mijë euro.

Nga financimi i programit të ndërhyrjes falas në spitalin publik parashikohet të përfitojnë 350 gra në vit, përgjatë viteve 2026-2028 me një kosto mesatare prej 70 mln lekë në vit.

Fondi për shpenzimin e trajtimit të shërbimit do të mbulohet nga buxheti i shtetit.

Modeli i financimit të kësaj ndërhyrjeje ndjek praktikat ndërkombëtare të disa shteteve. Në Shtetet e Bashkuara të Amerikës, që nga viti 1998, ligji i njohur si “Akt për Shëndetin e Grave dhe të Drejtat e Kancerit” detyron kompanitë e sigurimeve të mbulojnë edhe ndërhyrjet rindërtuese pas heqjes së gjirit për shkak të kancerit. Kostoja për mbulimin e shërbimit ndryshon sipas shteteve.

Pse mungon në spitalin publik operacioni për protezën e gjirit

Deri më sot, ky shërbim nuk është ofruar asnjëherë në sistemin publik, për shkak të kostos së lartë dhe mungesës së fondeve. Në spitalet apo klinikat private në vend, një ndërhyrje e tillë kushton nga 7,000 deri në 8,000 euro, duke e bërë të papërballueshme për shumicën e grave të prekura.

Shefja e shërbimit onkologjik në Qendrën Spitalore Universitare “Nënë Tereza”, dr. Silvana Çeliku, ka deklaruar më herët për Monitor se spitali publik nuk ka mundur ta përfshijë këtë shërbim për shkak të fokusit te trajtimet bazike dhe kostos së lartë të ndërhyrjes. “Në disa raste, kjo ndërhyrje cilësohet edhe si kozmetike. Më e rëndësishme është që të sigurojmë mbulimin me trajtime bazike për pacientet”, u shpreh ajo.

Sipas Çelikut, mënyra më e mirë për të shmangur ndërhyrje të tilla është zbulimi i hershëm i sëmundjes. “Është shumë e domosdoshme që çdo grua të bëjë të paktën një herë në vit një eko të gjirit, për të parandaluar agravimin dhe për të shpëtuar gjirin”, theksoi ajo./ D.Azo

 

The post Projekti te onkologjiku, 350 gra në vit do marrin protezë gjiri falas nga 2026 appeared first on Revista Monitor.

Shumica prej nesh shqetësohemi për grumbullimin e dhjamit në trupin tonë, qoftë për arsye estetike, por edhe për arsye shëndetësore. Dhe me të drejtë. Ajo që duhet të na shqetësojë edhe më shumë, megjithatë, është ndoshta dhjami visceral. Për shkak të mënyrës së të ushqyerit dhe stilit të jetës, sëmundja e dhjamit në mëlçi, në […]

TIRANË, 9 korrik /ATSH/ Spitali “Dr. Stefan Gjoni” në Krujë ka pësuar një transformim të plotë nga rikonstruksioni që është kryer në të pas dëmtimeve që pësoi nga tërmeti i 26 nëntorit 2019.

Kryeministri Edi Rama ndau në rrjetet sociale pamjet nga punimet që janë bërë për rikonstruksionin e spitalit, duke theksuar se transformimi sjell një qendër moderne për mbi 85 mijë banorë.

“Transformimi në Spitalin “Stefan Gjoni” në Krujë sjell një qendër moderne për mbi 85 mijë banorë, me infrastrukturë të re, shërbime më efikase dhe urgjencë me teknologji bashkëkohore. Një tjetër hap drejt Shëndetësia 2030 me kujdes cilësor dhe pranë qytetarëve”, shkruan Rama.

Spitali i ri i Krujës do të ketë një kapacitet prej 124 shtretërish, ndërsa risi e këtij investimi është shtimi i shërbimit të kontingjencës dhe rehabilitimit.

Në spitalin e ri të Krujës do të ofrohen edhe shërbimet e poliklinikës.

/m.q/j.p/

The post Rama: Spitali i Krujës transformim në qendër moderne për mbi 85 mijë banorë appeared first on Agjencia Telegrafike Shqiptare.

TIRANË, 9 korrik/ATSH/ Në Qendrën Spitalore Universitare “Nënë Tereza” profesionalizmi dhe teknikat më të avancuara mjekësore janë çdo ditë në shërbim të jetës.

Ministrja e Shëndetësisë dhe Mbrojtjes Sociale, Albana Koçiu ndau sot në rrjetet sociale rastin e një paciente 28-vjeçare me aneurizëm të aortës (9 cm), e cila u trajtua me sukses nga prof. Altin Veshti dhe dr. Klodian Krakulli, pa nevojën e një valvule artificiale, duke shmangur përdorimin e holluesve të gjakut për jetën.

“Kjo teknikë e avancuar është aplikuar me sukses në 17 raste në QSUT, me mbështetjen e ekipit të anestezisë të drejtuar nga prof. Saimir Kuçi. Pacientja gëzon shëndet të mirë dhe ka rifilluar jetën normale”, tha Koçiu.

Prof. Altin Veshti bëri me dije se një gjetje e rastësishme nga një radiografi e bërë në një qytet në veri të Shqipërisë nga radiologët, u vu re  një masë në kraharor.

Ai tha se vajza u dërgua në Urgjencën e Tiranës ku u konstatua një aneurizëm i aortës, rreth 9 cm.

“Vajza me urgjencë është transferuar në repartin e kardiokirurgjisë. Hoqëm një pjesë të aortës së sëmurë dhe është zëvendësuar me një tub sintetik, por është riparuar edhe valvula e aortës”, deklaroi prof. Veshti.

Prof. Veshti tha se “kemi bërë 15-16 raste për riparim të valvulës e aortës para disa viteve ka qenë utopi dhe sot po kthehet në normalitet. Së bashku me doktor Krakullin po kryejmë këtë operacion, i cili jep një jetë normale të rinjve që kanë probleme me valvulën e aortës. Po tentojmë t’i riparojmë. Rastet e para kanë dalë me shumë sukses dhe do të vazhdojmë në këtë rrugë”.

Pacientja tha se “tani bëj jetë normale dhe dalëngadalë po i kthehem normalitetit”.

/k.s//r.e//a.f/

The post Koçiu: Teknikat më të avancuara mjekësore në QSUT, trajtohet me sukses 28-vjeçarja me aneurizëm të aortës appeared first on Agjencia Telegrafike Shqiptare.

Dielli na ofron dritë, ngrohtësi dhe jetë, por rrezet e tij ultravjollcë mund të shkaktojnë dëme serioze në lëkurë. Ndaj, mbrojtja nga dielli është thelbësore – dhe një nga mënyrat më efektive për ta bërë këtë është përdorimi i produkteve me SPF (Sun Protection Factor). Çfarë është SPF dhe pse ka rëndësi? SPF është një […]

Nga Gjergj Erebara Komisioni Evropian shënjoi veçmas sektorët e shëndetësisë, arsimit, të policisë dhe Agjencinë Shtetërore të Kadastrave si fusha ku rreziku për korrupsion mbetet i lartë, pavarësisht përjekjeve të lavdërueshme të SPAK dhe GJKKO për të luftuar problemin numër një të Shqipërisë. Në raportin e vet vjetor mbi Sundimin e Ligjit, [Link] në të cilin Komision vlerëson gjendjen […]

The post BE: Korrupsioni i rrënjosur në shëndetësi, arsim, polici dhe kadastra appeared first on BoldNews.al.

TIRANË, 7 korrik/ATSH/ Gjatë sezonit turistik veror nga veriu në jug janë në funksion të plotë 36 qendra shëndetësore për të garantuar shërbim mjekësor për të gjithë pushuesit, vendas apo të huaj.

Qendra shëndetësore verore në Shëngjin ndodhet në një nga plazhet më të frekuentuara të sezonit, e dedikuar për të ofruar kujdes dhe ndihmë të menjëhershme në çdo rast urgjence shëndetësore.

Kryeministri Edi Rama ndau në rrjetet sociale momente nga puna e përditshme e mjekëve dhe infermierëve të kësaj qendre, ndaj pushuesve, por jo vetëm, që kanë nevojë për përkujdes mjekësor.

“Çdo ditë pranë pushuesve, në çdo cep të bregdetit, në këto ditë të nxehta vere. Qendrat Shëndetësore Verore, të hapura 24/7, po shërbejnë si pika kyçe ndihme për mijëra qytetarë vendas dhe të huaj që kanë nevojë për kujdes shëndetësor gjatë pushimeve”, tha Rama.

Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Qendrat shëndetësore do të qëndrojnë të hapura deri në datën 30 shtator 2025, për një sezon turistik të sigurt dhe të shëndetshëm për të gjithë pushuesit vendas dhe ata të huaj.

/k.s/j.p/

 

The post Rama: Qendrat shëndetësore verore, pika kyçe ndihme për mijëra qytetarë vendas dhe të huaj appeared first on Agjencia Telegrafike Shqiptare.

TIRANË, 6 korrik/ATSH/ Qendra Shëndetësore Verore në Palasë është në gatishmëri të plotë për të ofruar ndihmën e parë dhe këshilla shëndetësore për të gjithë ata që kanë nevojë.

Kryeministri Edi Rama ndau në rrjetet sociale momente nga puna e përditshme e mjekëve dhe infermierëve të kësaj qendre, ndaj pushuesve por jo vetëm që kanë nevojë për përkujdes mjekësor.

“Në bregdetin e bukur të Palasës, ku vera sjell mijëra pushues, Qendra Shëndetësore Verore është në gatishmëri çdo ditë për të ofruar ndihmë të parë dhe këshilla mjekësore”, shkruan Rama.

Mjekët këshillojnë qytetarët që të kujdesen për veten duke zbatuar disa këshilla si: të pijnë shumë ujë, të qëndrojnë në hije kur dielli është i fortë, të përdorin krem mbrojtës dhe të zgjedhin ushqime të lehta.

Doktoresha Denada Mulaj, e cila punon në këtë qendër për të tretin vit radhazi, tregon se gjatë verës janë të zakonshme rastet me djegie nga dielli, reaksione alergjike, pickime nga insektet dhe plagë të ndryshme që ndodhin gjatë aktiviteteve fizike.

Mulaj thekson rëndësinë e mosekspozimit në pikun e ditës ku temperaturat janë të larta, ndërsa u bën thirrje pushuesve të konsumojnë sa më shumë ujë, të qëndrojnë në hije gjatë orëve më të nxehta të ditës dhe të mbrojnë lëkurën me krem mbrojtës.

Sipas saj, shmangia e qëndrimit të zgjatur në diell sidomos në pikun e vapës është thelbësore për të ruajtur shëndetin.

Qendra Shëndetësore Verore në Palasë vazhdon të luajë një rol të rëndësishëm në garantimin e një vere të sigurt për të gjithë ata që zgjedhin rivierën shqiptare për pushimet e tyre, duke ofruar jo vetëm trajtim mjekësor por edhe ndërgjegjësim për kujdesin ndaj rreziqeve të stinës.

/k.s/j.p/

The post Rama: Qendra Shëndetësore Verore në Palasë, në gatishmëri për pushuesit appeared first on Agjencia Telegrafike Shqiptare.

TIRANË, 5 korrik /ATSH/ Në këto ditë të nxehta vere, kujdesi për shëndetin nuk mungon as në zonat turistike me fluks të lartë vizitorësh dhe pushuesish, siç është edhe kalaja e Gjirokastrës.

Ministrja e Shëndetësisë dhe Mbrojtjes Sociale, Albana Koçiu u shpreh sot se “ekipet mjekësore janë në gatishmëri të plotë jo vetëm përgjatë vijës bregdetare, por edhe në zona të tjera turistike, si kalaja e Gjirokastrës, ku fluksi i vizitorëve është i lartë”.

“Tendat Shëndetësore Verore janë aty për të ofruar ndihmën e parë dhe kujdesin e nevojshëm, që pushimet tuaja të jenë të sigurta, pa shqetësime shëndetësore”, tha Koçiu, në një postim në rrjetet sociale.

Në vetëm një muaj pas hapjes, 12 410 qytetarë kanë marrë shërbim në qendrat shëndetësore verore të hapura përgjatë bregdetit dhe zonave turistike.

Gjatë sezonit turistik veror janë në funksion të plotë 36 qendra shëndetësore në të gjithë vendin, nga veriu në jug. Ato garantojnë shërbim mjekësor 24 orë në ditë, 7 ditë në javë, për të gjithë pushuesit, vendas apo të huaj.

/e.i//r.e/

The post Koçiu: Tendat shëndetësore verore në shërbim të pushuesve në kalanë e Gjirokastrës appeared first on Agjencia Telegrafike Shqiptare.

Temperaturat e larta gjatë verës sjellin probleme të shumta të lëkurës, kjo jo vetëm tek të rriturit, por edhe tek fëmijët. Mjekët dermatologë rekomandojnë një kujdes të shtuar gjatë ekspozimit në diell, sidomos tek të sëmurët kronikë që kanë problem të theksuara me lëkurën. Sipas mjekes dermatologe Laura Hyska,  sëmundjet e lëkurës janë të shumta, por rreziku më i madh është tek infeksionet e stinës në lëkurë.

“Karakteristike për zonën e Korçës janë kryesisht sëmundjet kronike të lëkurës si psoriaza, ekzemat mykotike, por më pak karakteristike janë infeksionet e periudhës së verës të cilat vijnë si pasojë e shtimit të ekspozimit të lëkurës me ambiente të kontaminuara”, tha Hyska.

Përsa i përket fëmijëve, prindërit duhet të eliminojnë ekspozimin në diell.

“Fëmijët dhe të rriturit duhet të ruhen nga ekspozimi i tepruar në diell”, shton mjekja.

Pacientë nga ana tjetër shprehen se mjekohen rregullisht, por gjatë verës është e pamundur të mbrohen nga dielli.

“Në kohën e vapës, acarohen. Vazhdojmë me mjekimin”, tha një pacient.

“Ruhem nga dielli, marr mjekimet, por më acarohen sërish”, u shpreh një tjetër.

Përdorimi i kremrave të diellit, mosdalja në orarin e drekës si dhe hidratimi i trupit, janë disa nga metodat më efikase për të mbrojtur lëkurën në këto ditë të nxehta vere.

The post Problemet e lëkurës gjatë verës, mjekja këshillon kujdes të lartë për ata që vuajnë nga sëmundje e… first appeared on JavaNews.al.

Oftalmologu Burim Zhuri në podcastin “Shëndeti në rend të parë” ka folur për shëndetin e syve.

Ai ka folur për problemet me shikimin, caktimin e dioptrisë, ka treguar se cilët kandidatë janë të përshtatshëm për laser të syve, etj.

Doktor Zhuri po ashtu ka sqaruar për sëmundjet e syve si perden e syve, ndikimin e diabetit në shikim dhe glaukomën apo siç njihet tensioni i syrit, sëmundje kjo që nëse nuk trajtohet mund të verbërojë.

“Të mos e ngatërrojmë shtypja e syrit nuk ka të bëjë me shtypjen e gjakut. Glaukoma shfaqet kur nuk qarkullon uji i syrit…”, tha ai.

Oftalmologu Zhuri duke treguar për llojet e glaukomës tha se pikat që përdoren janë për tërë jetën.

“Ekziston shprehja buke duhesh me harru me hongër, pikat nuk duhesh me harru me i qit”, tha ai.

Ai tha se nëse glaukoma nuk trajtohet me pika të syve, atëherë duhet intervenim kirurgjik.

Tutje doktori theksoi se nëse tensioni i syrit nuk trajtohet ekziston rreziku për verbërim pasi dëmtohet nervi i syrit.

Podcasti “Shëndeti në rend të parë” mbështetet nga United Hospital. /Telegrafi/

The post Nëse nuk trajtohet mund të shkaktojë verbërim, oftalmologu Zhuri flet për tensionin e syrit appeared first on Telegrafi.

TIRANË, 5 korrik /ATSH/ Gjatë pushimeve, kujdesi shëndetësor është gjithmonë pranë qytetarëve.

Kryeministri Edi Rama ndau sot pamje nga vizita që ministrja e Shëndetësisë dhe Mbrojtjes Sociale, Albana Koçiu zhvilloi në Qendrën Shëndetësore Verore në Shkëmbin e Kavajës, ku stafi mjekësor është në gatishmëri 24/7 për çdo emergjencë.

Janë 36 qendra të hapura në të gjithë bregdetin, për pushime të sigurta dhe të qeta, theksoi Rama në postim.

Ministrja Koçiu gjatë vizitës së saj tha se “në këtë qendër brezat bashkëpunojnë, ku mjekë me përvojë dhe të rinj si doktoreshë Alesia punojnë krah për krah për t’i shërbyer qytetarëve”.

“Si eksperiencë e parë në këtë qendër është shumë e mirë, kemi pasur goxha raste që na ndihmojnë të marrim edhe eksperiencën e duhur”, tha doktoreshë Alesia.

Drejtoresha e Përgjithshme e Operatorit të Shërbimeve të Kujdesit Shëndetësor, Jeta Deda theksoi se “ka një ndryshim nga qendrat e tjera se është e vetmja që e ka diferencën 50 me 50, turistë të huaj dhe shqiptarë që vijnë e trajtohen”.

Sipas saj, qendrat e tjera janë 70 me 30.

“Më herët qendra shëndetësore ka qenë në zonën e  Plepave, por këtë vit e kemi afruar tek Shkëmbi i Kavajës sepse këtu ka përqendrim turistik. Është në 5 qendrat shëndetësore që ka numrin m të madh të vizitave”, tha Deda.

Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Qendrat shëndetësore do të qëndrojnë të hapura deri në datën 30 shtator 2025, për një sezon turistik të sigurt dhe të shëndetshëm për të gjithë pushuesit vendas dhe ata të huaj.

/gj.m//a.f/

 

The post Rama: 36 qendra shëndetësore të hapura në të gjithë bregdetin, për pushime të sigurta dhe të qeta appeared first on Agjencia Telegrafike Shqiptare.

Çokollata është një pjesë e preferuar e dietës së shumë njerëzve, e njohur për shijen e saj të shkëlqyeshme dhe aftësinë për të nxitur ndjenjat e kënaqësisë. Megjithatë, një konsumim i tepërt i këtij produku të ëmbël mund të sjellë pasoja negative për shëndetin tonë. Ky shkrim nëvijim do të shqyrtojë disa nga dëmet potenciale […]

TIRANË, 3 korrik/ATSH/ Spitali Bashkiak i Peqinit po transformohet në një korpus modern ku do të integrohen shërbimet shëndetësore për qytetarët dhe shërbimet e domosdoshme sipas standardeve më të mira evropiane për fëmijët me nevoja të veçanta.

Me mbështetjen e qeverisë dhe në bashkëpunim me Fondin Shqiptar të Zhvillimit, po realizohet një investim i rëndësishëm që do të integrojë Spitalin Ditor, Qendrën Shëndetësore, Administratën e NjVKSH-së dhe Qendrën Terapeutike dhe Rehabilituese për fëmijët 0-18 vjeç

Ministrja e Shëndetësisë dhe Mbrojtjes Sociale, Albana Koçiu dhe kreu i FSHZH-së, Dritan Agolli, gjatë inspektimit të punimeve u ndalën në detajet e këtij investimi për ofrimin e shërbimeve diagnostikuese, trajtuese dhe rehabilituese, me shtretër dhe ambulator për fëmijët me probleme të veçanta.

Ministrja Koçiu u shpreh se “kjo qendër do të vijë komplet ndryshe, duke nisur nga një rehabilitim i strukturës spitalore dhe i ofrimit të shërbimit shëndetësor parësor, në Qendrën Shëndetësore, por ndërkohë paralelisht kombinon edhe atë që është edhe misioni kryesor i MSHMS-së, ofrimi i shërbimeve shëndetësore të ndërthurura me shërbimet sociale”.

Ajo shtoi se është një projekt unik që, falë vizionit të Qeverisë shqiptare dhe mbështetjes së FSHZH, do t’i shërbejë jo vetëm shërbimit shëndetësor, por edhe rehabilitimit dhe trajtimit të fëmijëve me aftësi të veçanta.

“Spitali Bashkiak i Peqinit i cili organizohet jo vetëm në një strukturë spitalore, por edhe në një qendër shëndetësore. Një projekt të cilin jemi duke zhvilluar bashkërisht me Fondin Shqiptar të Zhvillimit mbështetur nga buxheti i shtetit. Një investim i cili trajton krahas infrastrukturës spitalore dhe zyrat e administratës, qendrën shëndetësore, por edhe një projekt të ri që ka të bëjë me një qendër rehabilitimi dhe terapeutike për fëmijët me aftësi të veçanta, e cila do të jetë unikale në llojin e vet: Një qendër kombëtare që do të zhvillohet në ambientet aktuale të strukturës spitalore të bashkisë Peqin”, theksoi Koçiu.

“Korpusi spitalor i bashkisë së Peqinit në fakt na e ofron këtë mundësi, ku në një sipërfaqe prej 5000 m2 ne do të arrijmë të ndërtojmë këtu edhe shërbimin ditor spitalor të domosdoshëm për 39 mijë banorët e bashkisë së Peqinit dhe zonave përreth, dhe ndërkohë të japim mundësinë e krijimit një qendre terapeutike rehabilituese për fëmijët me aftësi të veçanta”, bëri të ditur Koçiu, gjatë inspektimit të punimeve brenda ambienteve të Spitalit Ditor dhe Qendrës Shëndetësore, të cilat do të jenë në një godinë.

Ministrja Koçiu deklaroi se “do ndërhyjmë në këtë godinë ku jemi aktualisht duke ofruar infrastrukturën për shërbimet e Qendrës Shëndetësore dhe ndërkohë ofrojmë dhe shërbimet shëndetësore që kanë të bëjnë kryesisht me urgjencën dhe shërbimet e imazherisë, të domosdoshme për banorët këtu. Mbarojmë me këtë godinë dhe pastaj vijojmë me godinën që aktualisht ndodhet spitali i Peqinit që do të transformohet tërësisht në një infrastrukturë e cila tashmë do t’i shërbejë trajtimit dhe rehabilitimit të fëmijëve me aftësi të veçanta”.

Ministrja e Shëndetësisë dhe Mbrojtjes Sociale, Albana Koçiu përfundoi duke vlerësuar rëndësinë e këtij projekti.

“Është mishërimi më i mirë i misionit që ka MSHMS, bashkimi dhe mundësia për të ofruar jo vetëm shërbim shëndetësor, por edhe shërbime sociale të domosdoshme për rehabilitimin më të mirë të të gjithë atyre që kanë problematika shëndetësore”, tha Koçiu.

Qendra Terapeutike dhe Rehabilituese për fëmijët 0-18 vjeç do të ofrojë një sërë shërbimesh ku diagnostikimi, trajtimi dhe rehabilitimi do të ofrohen në standardet më të larta evropiane, duke integruar shërbimet mjekësore, terapeutike, edukative dhe sociale.

Me 64 dhoma për rehabilitim dhe terapi, qendra do të jenë e ndarë në 16 zona të ndryshme funksionale dhe do ë  përbëhet nga pesë departamente kryesore: ai mjekësor, terapeutik, psikologjik, edukativ dhe mbështetës, ku do të ofrojnë shërbime profesionistë të fushave të ndryshme, si neurologë, pediatër, fizioterapistë, terapistë të punës, psikologë dhe punonjës socialë.

Programet që do të implementohen përfshijnë ndërhyrje të hershme për foshnjat, terapi individuale dhe në grup, terapi me muzikë, art, terapi okupuacionale dhe gjuhësore, si dhe mbështetje edukative dhe psikologjike.

/k.s//r.e/

The post Koçiu: Modernizimi i spitalit të Peqinit, shërbim edhe për fëmijët me nevoja të veçanta appeared first on Agjencia Telegrafike Shqiptare.