Qeveria iraniane ka propozuar heqjen e katër zerove nga monedha kombëtare, rialli, pas dekadash inflacioni të lartë dhe vështirësish ekonomike që kanë zhvlerësuar ndjeshëm vlerën e saj.

Komisioni Ekonomik i Parlamentit iranian miratoi të dielën parimet e përgjithshme të projektligjit për ridenominimin e rallit. Kryetari i komisionit, Shamseddin Hosseini, deklaroi se monedha e re do të vijojë të quhet rial, por një rial i ri do të jetë i barabartë me 10.000 rialë të tanishëm.

Sipas autoriteteve, kjo masë synon të thjeshtojë llogaritë financiare, të ulë kostot e shtypjes së kartëmonedhave dhe të përmirësojë funksionimin e sistemit monetar. Hosseini sqaroi gjithashtu se rialli i ri do të përbëhet nga 100 “gherans”, një njësi ndihmëse monetare.

Monedha iraniane është zhvlerësuar ndjeshëm si pasojë e sanksioneve ndërkombëtare që e kanë izoluar vendin nga sistemi bankar global dhe kanë dëmtuar rëndë ekonominë e tij. Ralli ka humbur më tej vlerë ndaj dollarit në ditët e fundit, mes pasigurive politike pas luftës 12-ditore me Izraelin në qershor.

Irani ka shqyrtuar reforma të mundshme monetare që prej viteve 1990. Projektligji duhet ende të paraqitet zyrtarisht në Parlament për miratim dhe më pas të marrë pëlqimin e Këshillit të Gardës, institucioni që shqyrton kushtetutshmërinë e ligjeve, për t’u kthyer në ligj.

Zëvendëskryetari i komisionit, Jafar Ghaderi, deklaroi javën e kaluar se heqja e zerove nuk do të ndikojë në inflacion, por mund të ulë kostot e transaksioneve.

Megjithatë, analistët paralajmërojnë se kjo është një masë kozmetike, dhe në mungesë të reformave reale fiskale dhe kontrollit të inflacionit, nuk do të sjellë përmirësim të ndjeshëm në gjendjen ekonomike të vendit. Ekonomisti Kamran Nadri shkroi në shtypin vendas se “heqja e zerove nuk është as një politikë efektive monetare dhe as një mekanizëm për kontrollin e inflacionit; është thjesht një përshtatje formale për qëllime kontabiliteti.”

Irani nuk është vendi i vetëm që ka ndërmarrë reforma të tilla. Në 25 vitet e fundit, shtete si Turqia, Rumania dhe Zambia kanë hequr zero nga monedhat e tyre pas periudhash hiperinflacioni. Izraeli, për shembull, e zëvendësoi monedhën e vjetër në vitet 1985–1986 duke hequr tre zero, për shkak të rënies drastike të vlerës së saj.

Përveç inflacionit, ekonomia iraniane përballet edhe me sfida të tjera të mëdha, përfshirë mbështetjen e tepruar në të ardhurat nga nafta dhe subvencionet shtetërore, keqmenaxhimin kronik dhe klientelizmin politik. Sanksionet ndaj sektorëve bankarë dhe të eksporteve të naftës kanë kufizuar ndjeshëm të ardhurat dhe investimet e huaja.

Sipas ekonomistëve, pa lehtësim të sanksioneve, Irani ka pak hapësirë për të përmirësuar gjendjen e ekonomisë.

Para fillimit të konfliktit me Izraelin në qershor, Teherani ishte në bisedime me Shtetet e Bashkuara për një marrëveshje që do të lehtësonte sanksionet në këmbim të kufizimeve mbi programin bërthamor iranian. Ministri i Jashtëm iranian, Abbas Araghchi, tha për Financial Times javën e kaluar se Irani është i hapur për të rifilluar negociatat, nëse SHBA pranon të dëmshpërblejë humbjet e shkaktuara gjatë luftës dhe garanton që Irani nuk do të sulmohet gjatë procesit negociues.

Ndërkohë, Këshilli Suprem i Sigurisë Kombëtare i Iranit miratoi të dielën krijimin e një këshilli të ri mbrojtjeje, i cili do të mbikëqyrë planet mbrojtëse dhe forcimin e kapaciteteve të forcave të armatosura në mënyrë të centralizuar./abcnews.al

Jasir Asani do të vazhdojë karrierën në elitën e futbollit iranian, pasi ka firmosur me skuadrën e njohur Esteghlal FC.

Zërat për një transferim të mundshëm kishin qarkulluar prej ditësh, por tashmë marrëveshja është zyrtarizuar: Asani ka nënshkruar kontratë deri në fund të sezonit 2026/27.

Konfirmimi erdhi nga vetë klubi iranian, i cili përmes një njoftimi zyrtar bëri të ditur se ka arritur marrëveshje me sulmuesin shqiptar, i cili ndodhet në muajt e fundit të kontratës me klubin korean, Gwangju FC. Kjo i jep atij të drejtën të negociojë lirshëm me çdo skuadër.

“Pas negociatave mes Esteghlal dhe anësorit të sulmit shqiptar Jasir Asani, lojtari firmosi një kontratë me klubin për një sezon e gjysmë dhe do të bashkohet me ne sapo të përfundojë kontrata e tij me Gwangju,” thuhet në deklaratën e klubit iranian.

 

View this post on Instagram

 

A post shared by Esteghlal F.C (@esteghlal.fc.official)

Asani ka kontratë me Gwangju deri në janar 2026, por Esteghlal po punon për të arritur një marrëveshje me klubin korean në mënyrë që lojtari t’u bashkohet më herët.

Iranezët shpresojnë që të mbyllin transferimin brenda muajve të verës, në mënyrë që Asani të jetë i gatshëm për ndeshjet e para të sezonit të ri.

Kujtojmë se Asani ka qenë një nga lojtarët kyç të Kombëtares së Shqipërisë në kualifikueset e fundit dhe transferimi në Iran shihet si një hap i rëndësishëm në karrierën e tij, si në aspektin sportiv ashtu edhe financiar. /Telegrafi/

 

View this post on Instagram

 

A post shared by Esteghlal F.C (@esteghlal.fc.official)

The post Zyrtare: Jasir Asani transferohet te Esteghlal në Iran appeared first on Telegrafi.

Presidenti iranian Masoud Pezeshkian ka deklaruar se Izraeli u përpoq ta vriste atë duke bombarduar një zonë ku ai po mbante një takim.

Ai tha gjithashtu se Irani nuk ka zhvilluar kurrë një program për bombë bërthamore, as sot dhe as në të kaluarën dhe nuk ka ndërmend ta bëjë këtë në të ardhmen.

“Ata u përpoqën, po. Ata vepruan në përputhje me rrethanat, por dështuan”, i tha Masoud Pezeshkian

Kjo, tha Pezeshkian, sepse programi i armëve bërthamore është i ndaluar nga feja jonë dhe bie ndesh me fetvanë e Ajatollah Khameneit në vitin 2003, e cila ndalon prodhimin e armëve bërthamore.

“Nuk ishin Shtetet e Bashkuara që qëndronin pas atentatit ndaj jetës sime. Ishte Izraeli. Isha në një takim… ata u përpoqën të bombardonin zonën ku po mbanim atë takim”, tha ai.

Donald Trump ka thënë tashmë se i bllokoi izraelitët nga përpjekja për të vrarë udhëheqësin suprem 86-vjeçar, Ajatollah Ali Khamenei, i cili qëndroi i fshehur për gati tre javë.

Ai mori pjesë në një ceremoni fetare në Teheran në fundjavë, e cila u prit me entuziazëm dhe lehtësim nga besnikët e qeverisë.

Ai më parë ishte shfaqur në tre video duke u dukur i zbehtë, nëse jo sfidues.

The post ‘Izraeli tentoi të më vriste’, Presidenti i Iranit tregon si i shpëtoi atentatit: Vepruan në përputhje me… appeared first on Sot News | Lajme.

Udhëheqësi Suprem i Iranit, Ajatollah Ali Khamenei, ka bërë paraqitjen e tij të parë publike që nga fillimi i luftës 12-ditore midis Izraelit dhe Iranit.

Ai ka marrë pjesë në një ceremoni zie në prag të Ashuras. Mungesa e Khameneit gjatë luftës la të nënkuptonte që udhëheqësi iranian, i cili ka fjalën e fundit për të gjitha çështjet shtetërore, kishte qenë i izoluar në një bunker, diçka që nuk u pranua nga media shtetërore.

Në daljen e tij, Khamenei ishte duke përshëndetur drejt turmës që brohoriste, e cila u ngrit në këmbë ndërsa ai hyri dhe u ul në një xhami pranë zyrës dhe rezidencës së tij në kryeqytet, Teheran.

Pasi SHBA-ja u fut në luftë duke bombarduar tri vende kryesore bërthamore në Iran, presidenti i SHBA-së, Donald Trump, i dërgoi paralajmërime nëpërmjet mediave sociale 86-vjeçarit Khamenei se SHBA-ja e dinte se ku ndodhej ai, por nuk kishte plane për ta vrarë.

The post U fsheh në bunker gjatë luftës/ Lideri i Iranit shfaqet për herë të parë në publik appeared first on Sot News | Lajme.

Ajatollah Ali Khamenei, i cili u shfaq të martën me një mesazh të ri në të cilin vlerëson forcat e armatosura të vendit, këmbëngul në retorikën e fitores kundër Iranit. Ai madje pretendon se armët iraniane depërtuan në mbrojtjen ajrore të përparuar të Izraelit dhe se ato shkatërruan plotësisht shumë zona.

I falënderojmë Zotit që i ndihmoi forcat tona të armatosura, duke i mundësuar atyre të depërtojnë në mbrojtjet shumështresore të avancuara të regjimit sionist dhe duke vënë nën presion shumë nga zonat e tyre urbane dhe ushtarake me raketat e tyre dhe armët e fuqishme të përparuara, duke i rrafshuar plotësisht ato! Ky është një nga bekimet më të mëdha hyjnore,” shkruan Khamenei.

Gjatë luftës me Izraelin, Khamenei ishte në një strehë të fshehtë dhe të sigurt.

The post Mesazh i ri nga udhëheqësi i Iranit: Me ndihmën e Zotit, kemi shembur zonat ushtarake dhe urbane të Izraelit appeared first on Albeu.com.

Ambasadori i Iranit në Kombet e Bashkuara thotë se vendi do të shqyrtojë transferimin e rezervave të uraniumit të pasuruar jashtë vendit dhe lejimin e investimeve të huaja në sektorin e energjisë, me kusht që të ketë një marrëveshje me Shtetet e Bashkuara.

Në një intervistë ekskluzive me shkrim me faqen e lajmeve të Lindjes së Mesme Al-Monitor, përfaqësuesi i përhershëm i Iranit në OKB, Amir Saeid Iravani, u pyet në lidhje me mundësinë që vendi të lejojë mbikëqyrjen ndërkombëtare të rezervave të tij.

“Nëse arrihet një marrëveshje e re, ne do të jemi të përgatitur të transferojmë rezervat tona të uraniumit të pasuruar 60% dhe 20% në një vend tjetër dhe t’i transferojmë ato jashtë territorit iranian”, tha Iravani.

Megjithatë, ai theksoi se kjo do të kushtëzohej nga, në këmbim, marrja e “yellowcake”, një pluhur i koncentruar uraniumi që është thelbësor për ciklin e karburantit bërthamor, por që kërkon përpunim të mëtejshëm përpara se të mund të përdoret si karburant bërthamor ose në armë bërthamore.

Një tjetër mundësi mund të përfshijë grumbullimin e uraniumit në Iran “nën vulën e IAEA-s (Agjencia Ndërkombëtare e Energjisë Atomike)”, varësisht nga progresi i negociatave dhe çdo marrëveshjeje përfundimtare, shtoi ai.

Kjo vjen përpara rifillimit të bisedimeve midis Iranit dhe Presidentit të SHBA-së Donald Trump, i cili sugjeroi se kjo mund të ndodhë javën e ardhshme. Iravani theksoi gjithashtu se Irani nuk është i gatshëm të pranojë kufizime në programin e tij të raketave ose në pasurimin vendas të uraniumit.

Ai tha se vendi është i hapur për të bashkëpunuar me të gjitha vendet në rajon që operojnë reaktorë bërthamorë – qoftë për çështjet e sigurisë së reaktorit apo furnizimit me karburant të reaktorit, për sa kohë kjo sipas tij, shërben si një iniciativë plotësuese dhe nuk është një zëvendësim për programin bërthamor të brendshëm të Iranit.

Ai vuri në dukje se “një konsorcium mund të jetë shumë mirë një nga format që mund të marrë një bashkëpunim i tillë”, duke iu referuar një propozimi të kaluar nga administrata Trump për pasurim dhe prodhim të përbashkët bërthamor. Dhe çdo marrëveshje me SHBA-në duhet të njohë “të drejtat e Iranit si një anëtar i përgjegjshëm” i Traktatit për Mospërhapjen e Armëve Bërthamore (NPT), shtoi ai.

The post Ambasadori i Iranit në OKB: Jemi të hapur për transferimin e rezervave të uraniumit appeared first on Lapsi.al.

Shtetet e Bashkuara dhe Irani janë duke mbajtur kontakte të vazhdueshme për rifillimin e bisedimeve mbi programin bërthamor të Teheranit, por ende nuk kanë caktuar bisedime formale, thanë zyrtarë nga të dyja vendet të enjten vonë.

Uashingtoni është “në komunikim të afërt” me Iranin dhe ndërmjetësit e tij, tha zëdhënësja e Shtëpisë së Bardhë, Karoline Leavitt, në një konferencë për shtyp, ndërsa ministri i Jashtëm iranian, Abbas Araqchi, i tha transmetuesit shtetëror IRIB se diplomacia po vazhdon dhe kontaktet po zhvillohen përmes kanaleve të ndryshme.

Araqchi shtoi se nuk është bërë asnjë “marrëveshje, aranzhim apo bisedë për t’i nisur bisedimet e reja bërthamore”.

Ai theksoi se Irani tani po vlerëson se çfarë është më e mira për interesat kombëtare, duke shtuar se “thashethemet” se Teherani do të rikthehet në tryezën e bisedimeve “nuk duhet të merren seriozisht”.

Presidenti amerikan, Donald Trump, duke folur në samitin e NATO-s në Hagë më 25 qershor, tha se Uashingtoni do të zhvillojë bisedime me Teheranin javën e ardhshme.

Rundi i gjashtë i bisedimeve SHBA-Iran në Oman, i caktuar për 15 qershor, u anulua pasi forcat izraelite kryen sulme mbi caqet iraniane më 13 qershor.

Duke folur për IRIB, Araqchi konfirmoi se sulmet e fundjavës së kaluar nga forcat amerikane shkaktuan dëme “të konsiderueshme” në infrastrukturën bërthamore të Iranit.

Komentet e Araqchi vijnë pak orë pasi mbikëqyrësi kushtetues i Iranit, Këshilli i Gardës, e miratoi vendimin e Parlamentit për të pezulluar bashkëpunimin e Teheranit me Agjencinë Ndërkombëtare për Energjinë Atomike (IAEA).

Për këtë ligj, i cili u miratua një ditë më parë nga ligjvënësit me 221 vota pro dhe asnjë kundër, do të vendosë përfundimisht Këshilli Suprem i Sigurisë Kombëtare (SNSC).

SNSC teknikisht drejtohet nga presidenti, por ashtu si të gjitha institucionet kyçe të shtetit, i përgjigjet udhëheqësit suprem, ajatollah Ali Khamenei.

“Plani për ta detyruar Qeverinë ta pezullojë bashkëpunimin me Agjencinë Ndërkombëtare për Energjinë Bërthamore nuk ishte në kundërshtim me ligjin islamik dhe Kushtetutën pas shqyrtimit nga anëtarët e Këshillit të Gardës”, tha zëdhënësi i këshillit, Hadi Tahan Nazif, në një postim në X.

Izraeli kreu sulme të papara ndaj objekteve kyçe bërthamore dhe ushtarake të Iranit, si dhe zonave të banuara, më 13 qershor, në një luftë që mori jetën e shumë civilëve nga të dyja palët para se të përfundonte me një armëpushim të brishtë të ndërmjetësuar nga Shtetet e Bashkuara më 24 qershor.

Pezullimi i bashkëpunimit me IAEA do të thotë se Irani do t’i ndalojë inspektimet, raportimet dhe veprimtarinë mbikëqyrëse sipas Traktatit për Mospërhapjen e Armëve Bërthamore (NPT).

Para votimit, kryetari i Parlamentit, Mohammad Baqer Qalibaf, e kritikoi IAEA-n, duke thënë se ajo dështoi “qoftë edhe të shtirej sikur e dënonte sulmin ndaj objekteve bërthamore të Iranit” dhe e akuzoi për “shitjen e besueshmërisë së vet ndërkombëtare”.

Teherani ka akuzuar prej kohësh IAEA-n për anshmëri dhe bashkëpunim me fuqitë perëndimore dhe Izraelin kundër Iranit.

Projektligji parashikon që pezullimi i bashkëpunimit të hiqet vetëm nëse garantohet që objektet dhe shkencëtarët bërthamorë iranianë janë të mbrojtur dhe që e drejta e Iranit për të pasuruar uranium brenda vendit është e garantuar.

Drejtori i Përgjithshëm i IAEA-s, Rafael Grossi, ka shprehur prej vitesh shqetësimin për mungesën e bashkëpunimit nga Irani në hetimet për objekte të vjetra, por të padeklaruara, bërthamore.

“Fitorja” e Izraelit kundër Iranit hap derën për një “zgjerim dramatik të marrëveshjeve të paqes”, tha kryeministri izraelit Benjamin Netanyahu.

Udhëheqësi izraelit tha se vendi i tij “luftoi me trimëri kundër Iranit dhe arriti një fitore të madhe”.

Irani gjithashtu ka deklaruar fitoren në konfliktin 12-ditor, ndërkohë që Ajatollah Ali Khamenei pretendon se Izraeli u “shtyp” nga sulmet e Teheranit.

LEXONI GJITHASHTU:

• Izraeli mohon se ka synuar vrasjen e Khameneit gjatë konfliktit me Iranin
• Khamenei mohon efektin e sulmeve amerikane: SHBA-të nuk arritën asgjë domethënëse

The post Netanyahu: Fitorja kundër Iranit hap derën për marrëveshje të tjera paqeje appeared first on Euronews Albania.

Ai nuk deshi ose nuk ishte në gjendje, të konfirmonte se fabrikat e pasurimit të uraniumit të Iranit “ishin fshirë nga faqja e Tokës” siç tha Presidenti Donald Trump. Megjithatë Dan Caine, kryetari i Shtabit të Përbashkët të Ushtrisë së SHBA, mezi priste të theksonte në një konferencë shtypi të rrallë, të mbushur me njerëz dhe gjithçka tjetër përveçse të qetë, se sa efektiv kishte qenë sulmi i së dielës në mëngjes që çoi Shtetet e Bashkuara të bombardonin Iranin për herë të parë.

“Të gjitha bombat që ne lëshuam shkuan aty ku duhej të shkonin” – tha ai.

Caine kishte në krah shefin e Pentagonit Pete Hegseth. Ishte ai që sulmoi median, veçanërisht CNN dhe New York Times, si “fajtorë” për publikimin e një analize fillestare nga inteligjenca amerikane, sipas së cilës sulmi amerikan kishte ngadalësuar (“me javë ose muaj”), por jo eliminuar, programin bërthamor të Iranit.

Caine u ngarkua me detyrën e shpjegimit të operacionit jashtëzakonisht kompleks që sipas tij kulmuan pas “15 viteve planifikim”.

“Në vitin 2009, një oficer nga Agjencia e Reduktimit të Kërcënimeve të Mbrojtjes u dërgua me mision në një vend sekret për t’u informuar mbi diçka që po ndodhte në Iran” – tha ai duke shtuar se ajo që pasoi ishte një periudhë shumë e gjatë përgatitjesh sekrete.

“Njerëzit që e dinin nuk mund të flisnin as me gratë e tyre, familjet e tyre, me askënd”, – tha gjenerali. Me kalimin e kohës, tha ai, “Departamenti i Mbrojtjes kishte shumë njerëz që punonin në këtë program, duke bërë modele dhe simulime që na çuan në të qenit, në heshtje dhe fshehurazi, përdoruesi më i madh i orëve të superkompjuterit në Shtetet e Bashkuara të Amerikës”– tha ai.

Caine ilustroi nivelin e njohurive që ushtria amerikane kishte rreth Fordow, zemrës së programit bërthamor iranian: një vend pasurimi që strehon centrifugat midis 90 dhe 100 metrave nën tokë, në zemër të një mali.

“Nuk krijohet një vend si ky nëse ke një program paqësor”, – tha Caine. Para se të shpjegonte se si armët e përdorura në sulm, bombat GBU 57 që peshojnë mbi 13 tonë që mund të depërtojnë në shtresa betoni për dhjetëra metra para se të shpërthejnë ishin “projektuar, planifikuar dhe lëshuar” për të arritur objektivin e tyre.

“Një bombë ka tre efekte që shkaktojnë dëme: vala e goditjes, fragmentimi dhe presioni i tepërt. Në këtë rast, pjesa më e madhe e dëmit u shkaktua nga një përzierje”. Sipas Caine, 6 bomba “shkatërruese bunkerësh” u hodhën në Fordow për secilën nga hapjet e ventilimit: dhe të gjitha “shkuan pikërisht aty ku duhej të shkonin”. Dy “super bomba” të tjera u hodhën në vendin e Natanz.

“Irani, i vetëdijshëm për sulmin, u përpoq të mbulonte boshtet e ventilimit me beton. Nuk do të ndaj dimensionet e sakta të kapakut të betonit, por duhet ta dini se ne e dinim se çfarë ishin ato”.

Caine e përshkroi operacionin e quajtur “Çekani i Mesnatës”, si “kulminacionin e 15 viteve të punës së jashtëzakonshme” dhe citoi se pilotët e bombarduesve të përfshirë në sulme duke e përshkruar shkëndijën pas hedhjes së bombës si “shpërthimin më të ndritshëm që kishin parë ndonjëherë”.

Duke iu përgjigjur një pyetjeje nëse i ishte bërë presion për të dhënë një vlerësim tepër pozitiv të sulmit, ai e mohoi me vendosmëri atë: “Jo, nuk më është bërë presion dhe jo, nuk do ta bëja” – tha ai. ©LAPSI.al

The post Flet gjenerali amerikan: Fabrikat e Iranit i goditëm me 6 bomba 13-tonëshe appeared first on Lapsi.al.

Presidenti i Shteteve të Bashkuara, Donald Trump, ka komentuar sërish për konfliktin Izrael-Iran, duke postuar në faqen e tij në rrjetin social Truth Social.

Gjatë rrugës për në samitin e NATO-s në Hagë, ai shkroi se si Irani dhe Izraeli donin ta ndalonin luftën në mënyrë të barabartë. “Si Izraeli ashtu edhe Irani donin ta ndalonin luftën, në mënyrë të barabartë,” tha ai.

Trump shtoi se ndihej i nderuar që kishte shkatërruar të gjitha objektet dhe kapacitetet bërthamore të Iranit dhe më pas kishte ndalur luftimet.

“Ishte nderi im i madh të shkatërroja të gjitha objektet dhe kapacitetet bërthamore, dhe pastaj të ndaloja luftën!”

LEXONI GJITHASHTU:

• Trump publikon mesazhin e Rutte, shefi i NATO-s e përgëzon për vendimin ndaj Iranit
• Trump firmos urdhrin, zgjat gjendjen e jashtëzakonshme për Ballkanin Perëndimor

The post Trump: Ishte nder të shkatërroja objektet bërthamore të Iranit dhe të ndaloja luftën appeared first on Euronews Albania.

UEFA mund të ketë dhënë tashmë një shembull se si të menaxhohen tensionet ndërkombëtare në turne të mëdha, në një kohë kur FIFA përballet me presion mbi pjesëmarrjen e Iranit në Kupën e Botës 2026.

Situata është bërë më delikate pas përshkallëzimit të tensioneve mes Iranit dhe Shteteve të Bashkuara, të cilat janë bashkë-organizatore të Botërorit së bashku me Meksikën dhe Kanadanë. Edhe pse presidenti amerikan Donald Trump ka deklaruar një “armëpushim”, veprimet ushtarake kanë vazhduar.

FIFA nuk ka rregulla që ndalojnë pjesëmarrjen e Iranit, i cili është kualifikuar për të katërtën herë radhazi.

Lexo po ashtu ​A do të luajë Irani në Kupën e Botës 2026 që mbahet në SHBA?

Madje, edhe ndalimi i udhëtimit për shtetasit iranianë në SHBA nuk prek drejtpërdrejt ekipin kombëtar, që do të përjashtohet nga kufizimet për shkak të turneut.

Nëse Irani përfundon në Grupin A, mund të zhvillojë të gjitha ndeshjet në Meksikë, duke shmangur ndeshjet direkte në SHBA – përveç nëse arrin deri në çerekfinale, gjë që historikisht nuk ka ndodhur.

UEFA u përball me një situatë të ngjashme pas pushtimit të Ukrainës nga Rusia në vitin 2022, duke siguruar që ekipet nga Ukraina dhe Bjellorusia të mos përballeshin në garat evropiane për të shmangur tensionet politike.

FIFA mund të ndjekë një qasje të ngjashme në shortin e dhjetorit, me vendimin final që pritet të merret nga Gianni Infantino dhe Këshilli i FIFA-s – nën hijen e ndikimeve politike dhe tensioneve globale. /Telegrafi/

The post UEFA i tregon FIFA-s rrugën mes krizës Iran–SHBA për Kupën e Botës 2026 appeared first on Telegrafi.

Presidentja e zgjedhur e Këshillit Kombëtar të Rezistencës së Iranit, Maryam Rajavi, ka reaguar në lidhje me armëpushimin e vendosur mes Izraelit dhe Iranit, bazuar mbi një marrëveshje të SHBA-ve. Në një deklaratë të lëshuar nga Kampi Ashraf 3 në Manëz të Durrësit, ku strehohen anëtarët e organizatës MEK, ajo thotë se le të jetë […]

The post Reagojnë muxhahedinët e Manzës: Kërkojmë demokraci, populli i Iranit ta rrëzojë vetë Khamenein appeared first on BoldNews.al.

Ministri i Jashtëm iranian, Abbas Araqchi, tha këtë mëngjes se nuk ka “marrëveshje” për ndonjë armëpushim midis Izraelit dhe Iranit, pasi Presidenti i SHBA-së, Donald Trump, njoftoi se Izraeli dhe Irani kishin rënë dakord për një armëpushim që do të shndërrohej në një fund të plotë të luftës 12-ditore.

Megjithatë, ai shtoi se nëse Izraeli ndalon “agresionin e tij të paligjshëm” kundër popullit iranian jo më vonë se ora 4 e mëngjesit sipas kohës lokale, Irani nuk ka ndërmend të vazhdojë përgjigjen e tij pas kësaj.

“Vendimi përfundimtar për pezullimin e operacioneve tona ushtarake do të merret më vonë”, tha Arakchi në një postim në rrjetin X.

Presidenti i Shteteve të Bashkuara të Amerikës, Donald Trump, njoftoi herët këtë mëngjes se është arritur një armëpushim midis Iranit dhe Izraelit, i cili do të shndërrohet në një fund të plotë të luftës brenda njëzet orëve të ardhshme.

LEXONI GJITHASHTU:

• Trump falenderon Iranin: Urime botë, është koha për paqe
• Trump: Armëpushimi Iran-Izrael ka hyrë në fuqi! Mos e shkelni

The post Arakchi: Nuk ka marrëveshje për armëpushim midis Izraelit dhe Iranit appeared first on Euronews Albania.

Juristi Kreshnik Spahiu, në  një emision televiziv ka komentuar zhvillimet e fundit Iran-Izrael.

Teksa u ndal tek sulmet e Iranit në Katar, ai tha se Irani shkeli të drejtën ndërkombëtare dhe sovranitetin e Katarit, Irakut dhe Bahrenit.

‘Futja me vonesë e SHBA në konflikt, edhe pse SHBA se ka shpallur ligjin e luftës me Iranin. Pra bombardimi quhet sporadik dhe ende s’ka një miratimin të futjes së SHBA në konflikt. Kjo hapësirë ka nxjerr zbuluar dobësit e Iranit dhe të Izraelit, sa më shumë ato vijojnë luftën vendet e tjera kuptojnë forcën dhe dobësinë që kanë dy vendet. Pritej që Irani të kishte një mbrojtje më të mirë gjë që nuk rezultoi kështu’, tha ai.

Spahiu tha se edhe Moska nuk ka treguar gatishmëri për t’u pozicionuar krah Iranit.

‘U mendua se Rusia do të futet në konflikt dhe kemi të bëjmë me një gjeopolitikë të re me ardhjen e Trump dhe marrëdhëniet SHBA- Rusi tani janë diçka tjetër. Rusia nuk do të jetë krah Iranit në këtë konflikt. Sulmet e sotme do të ishin fishekzjarrë. Sot Irani ka treguar dobësi sepse ka treguar forcë duke shkelur sovranitetin e Katarit’, tha ai.

The post “Fishekzjarrë dhe jo luftë”, Spahiu për sulmet iraniane: As Rusia dhe as SHBA nuk janë të gatshme për luftë të hapur appeared first on Sot News | Lajme.

Udhëheqësi Suprem i Iranit, Ali Khamenei, ka lëshuar një deklaratë pas sulmeve të vendit të tij që synuan një bazë ushtarake amerikane në Katar mbrëmjen e sotme (23 qershor).

“Ne nuk kemi shkelur të drejtat e askujt,” tha Khamenei në një postim në platformën X.

 

 

“As nuk do të pranojmë kurrë që dikush të shkelë të drejtat tona dhe nuk do të dorëzohemi para shkeljes së askujt. Kjo është logjika kombit të Iranit”, thuhet ndër të tjera në postimit e liderit suprem të Iranit.

The post Sulmet ndaj bazave amerikane, Ali Khamenei thyen heshtjen: Kjo është logjika e kombit iranian appeared first on Sot News | Lajme.

Analisti Baton Haxhiu, i ftuar në një emision televiziv, ka folur për luftën Izrael-Iran dhe goditjen e bazave bërthamore iraniane nga SHBA-të.

Haxhiu tha se kundërpërgjigja e Iranit ditën e sotme, me hedhjen e raketave drejt bazave amerikane në Katar dhe Irak, ishte thjesht një “bombardim në zbrazëti”.

“Është një bombardim në zbrazëti, të gjithë elementet jo esenciale, para fillimit të bombardimit janë të larguara nga vendet ku mund të sulmohet nga Irani.

Bombardimet e SHBA, kur Shtëpia e Bardhë vendosi të sulmohet Irani, kanë kaluar 5-6 ditë derisa u mor. Elementet jo esenciale janë larguar nga vendet e ngjarjes, duke përfshirë edhe njerëzit rreth Iranit.

Kjo ka dy elemente, nëse ky bombardim ka ndodhur pa viktima dhe dëme, Irani për probleme te brendshme, thotë e kthyem bombardimin dhe tani kërkojmë bisedime ose paqe. Varianti i dytë është, nëse Irani ose një prej liderëve ekstremistë thotë do të vazhdojmë luftën, aty do të ketë pasoja serioze.

Izraeli e ka nisur luftën dhe Irani nuk ka fuqi të bëjë të tilla. Por përmes milicive dhe grupeve terroriste do të krijojë problem. SHBA për këtë arsye janë në pozitë të vështirë. Irani mund të kërkojë paqe, por elementet radikale nuk e lënë”, tha Haxhiu.

Lidhur me konfliktin, Haxhiu deklaroi se përshkallëzimi sjell përfitime për Rusinë dhe Kinën, për luftën në Ukrainë apo konfliktin e ngrirë në Taivan.

“Përfitueset më të mëdhenj janë Kina dhe Rusia. Rusia për Ukrainën dhe Kina për Taivanin që mund ta sulmojë apo okupojë dhe pastaj këtu kutia e pandorës hapet për të gjithë konfliktet e ngrira që kanë qenë deri tani.

Nëse SHBA hyn frontalisht, jo me trupa, por frontalisht dhe politikisht për të ndërruar regjimin, mendoj se tre fronte vështirë të mbahen. Një negociatë e ardhshme, kur ka pafuqi, Kina ka hapësirë për destabilizim. Mund të kemi një treshe që do të diskutojë të ardhmen, SHBA, Rusia dhe Kina. BE u poshtërua”, tha ndër të tjera Haxhiu.

The post “Mund të hapet Kutia e Pandorës!”/ Përshkallëzimi në Lindjen e Mesme, Baton Haxhiu: Përfitojnë Kina dhe Rusia appeared first on Sot News | Lajme.

“Objektivat që ne goditëm në Iran u shkatërruan plotësisht dhe të gjithë e dinë këtë. Vetëm lajmet e rreme do të thoshin diçka të ndryshme në mënyrë që të përpiqeshin të poshtëronin, sa më shumë që të ishte e mundur – Dhe madje edhe ata thonë se ishin “shumë mirë të shkatërruara!”, shkruan Trump në Truth Social.

The post Përshkallëzimi i krizës/ Irani sulmon SHBA-në, reagon ashpër Trump: Po luan me zjarrin, do ketë pasoja appeared first on Sot News | Lajme.

B-2 Spirit është avioni më i padukshëm në botë, por jeta në bord është gjithçka tjetër përveçse e rehatshme. Më 21 qershor, dy bombardues të fshehtë amerikanë fluturuan në një nga misionet më të gjata dhe më delikate në vitet e fundit. 37 orë në ajër për të goditur objektet bërthamore nëntokësore të Iranit në Fordow.

Avionët u ngritën nga Misuri, fluturuan mbi Evropën Jugore duke kaluar pranë Siçilisë dhe hodhën në Iran ngarkesën e tyre vdekjeprurëse, bombat e fuqishme GBU-57 që shkatërrojnë bunkerët. Por nëse operacioni kërkonte saktësi kirurgjikale, fluturimi i vuri pilotët në provë. Në një kabinë të ngushtë, me aroma të vazhdueshme dhe një tualet portativ të fshehur pas sediljeve, mbijetesa në bord është një sfidë. Si mbijetuan ata pilotë për gati 40 orë në një hapësirë të mbyllur, me shtretër kampingu, ushqime të ngrohta dhe urinë në shishe.

B-2 Spirit është i njohur për teknologjinë e tij të fshehtësisë, por për pilotët në bord, është larg të qenit i padukshëm ndaj elementëve. Kabina, e projektuar për të zvogëluar kapjen nga radarët, është e ngushtë, pa dritare anësore dhe e projektuar me një qëllim në mendje: efikasitetin. Vendet janë krah për krah, me hapësirë minimale pas tyre për pushim ose për të përdorur të vetmin tualet të disponueshëm: një enë kimike portative, e fshehur me një çarçaf. Nuk ka ndarje të ndara ose sisteme të përparuara aromatizimi. Gjatë misioneve që zgjasin më shumë se 30 orë, çdo detaj i vogël mund të bëhet një problem mbijetese.

Nuk ka një foto zyrtare të banjës së B-2, por dëshmitë konfirmojnë përdorimin e “çantave” që janë tip kova kampingu me çanta sanitare të mbyllura hermetikisht. Pilotët duhet t’i përdorin ato disa centimetra larg kolegëve të tyre, në mungesë totale të privatësisë. Menaxhimi i avionit është me ndërrime, njëri nga të dy pilotët kujdeset për veten ndërsa tjetri për avionin. Për të ngrënë, janë në dispozicion vakte MRE (Meal Ready to Eat), të cilat mund të ngrohen me mjete speciale ose, në modelet më të fundit, edhe me mikrovalë.

Efektet anësore? Kapsllëk, diarre dhe aroma të rënda që mbeten të bllokuara në kabinë.
Gjatë misioneve në bordin e B-2, pilotët konsumojnë vetëm MRE, ose “Vakt i Gatshëm për t’u Ngrenë”. Këto janë racione individuale të parapaketuara, të dizajnuara për të siguruar marrjen e nevojshme kalorike në mjedise pa kuzhinë. Çdo pako përmban një pjatë kryesore (si speca djegës me mish, spageti bolonjeze ose pulë me oriz), pjata anësore, ushqime të lehta, ëmbëlsira, pije pluhur dhe një ngrohës kimik të pavarur.

Forcat Ajrore të SHBA-së gjithashtu ofrojnë MRE të dizajnuara për misione me rreze të gjatë veprimi: të pasura me kalori, me fibra të reduktuara për të kufizuar dëshirën për të shkuar në banjë. Disa variante janë qëllimisht “kapsllëkuese”, pikërisht për të zvogëluar nevojat fiziologjike gjatë fluturimeve të gjata dhe rrallë të ndërprera. Megjithatë, këto vakte mund të shkaktojnë fryrje, gazra ose, në disa raste, efekt të kundërt. Një ekuilibër delikat që e bën çdo kafshatë pjesë të një strategjie mbijetese.

Ajri në kabinën e pilotit filtrohet, por nuk parfumohet. Pas 20 orësh fluturimi, aroma e vërtetë dominuese është ajo e trupit të njeriut. Pilotët përpiqen ta ndreqin këtë me peceta të lagura, sprej personalë dhe freskues ajri, por efekti është i kufizuar. Edhe urina menaxhohet në një mënyrë spartane: shishe të ripërdorshme, shpesh të njëjtat që përdoren për të pirë, të cilat mund të shkaktojnë konfuzion në momentet e lodhjes ekstreme. Mjedisi është i ngopur me aroma, nxehtësi dhe stres. Pavarësisht kësaj, përqendrimi duhet të mbetet në maksimum.

Për t’u përballur me 40 orë fluturim, Forcat Ajrore Amerikane kanë zhvilluar një protokoll të saktë. Dy pilotët alternojnë punën teksa njëri kontrollon fluturimin, tjetri mund të shtrihet në një krevat kampingu të palosshëm të vendosur pas sediljeve. Hapësira është minimale, por e mjaftueshme për të kapur disa orë gjumë. Stërvitja përfshin gjithashtu simulime ekstreme për t’u përballur me mungesën e gjumit dhe stresin. Misioni i 21 qershorit e vërtetoi këtë. Rezistenca fizike dhe mendore janë po aq të rëndësishme sa teknologjia e aeroplanit.

Pavarësisht kostos prej mbi 2 miliardë dollarësh për një avion, B-2 Spirit nuk ofron komoditete luksoze. Kabina është prej qelqi: kontrollet janë dixhitale, ekrane shumëfunksionale dhe disa instrumente analoge. Nuk ka vend për shpërqendrime ose rehati të tepërt. Çdo element është projektuar për të zvogëluar peshën, kapjen nga radarët dhe për të siguruar efektivitetin operacional. Mirëqenia e pilotëve? Është çështje e dorës së dytë, por kërkon disiplinë, trajnim dhe një aftësi të jashtëzakonshme për t’u përshtatur. ©Përgatiti LAPSI.al

The post Detajet/ Si qëndruan 37 orë në ajër pilotët e avionëve B-2 që goditën Iranin appeared first on Lapsi.al.

Udhëheqësi Suprem i Iranit, Ali Khamenei, ka lëshuar një deklaratë pas sulmeve të vendit të tij që synuan një bazë ushtarake amerikane në Katar mbrëmjen e sotme (23 qershor).

Lideri suprem i Iranit

“Ne nuk kemi shkelur të drejtat e askujt,” tha Khamenei në një postim në platformën X.

“As nuk do të pranojmë kurrë që dikush të shkelë të drejtat tona dhe nuk do të dorëzohemi para shkeljes së askujt. Kjo është logjika kombit të Iranit”, thuhet ndër të tjera në postimit e liderit suprem të Iranit.

Pentagoni konfirmoi sot se forca e armatosur iraniane sulmoi bazën amerikane në Doha, ndonëse raketat janë rrëzuar dhe nuk ka raportime për viktima.

Irani tha se numri i raketave të nisura më 23 qershor ka qenë i njëjtë me numrin e bombave të nisura nga Shtetet e Bashkuara në qendrat bërthamore iraniane një ditë më parë.

Sulmi është dënuar ashpër nga shtetet rajonale: Arabia Saudite, Egjipti, Jordania, Bahrejni dhe Omani. Katari ka thënë se situata e sigurisë është stabile dhe nuk ka arsye për shqetësim.

The post Lideri suprem i Iranit reagon pas sulmeve të Teheranit ndaj bazës amerikane në Katar: Nuk kemi shkelur të drejtat e askujt appeared first on Albeu.com.

Dëmi i shkaktuar objekteve bërthamore në Iran është monumental, tha Presidenti i SHBA-së Donald Trump.

“Më thonë se dëmi është monumental. Goditjet ishin të fuqishme dhe të sakta. Ushtria jonë tregoi aftësi të mëdha”, shkroi Trump në llogarinë e tij në Truth Social.

Ai më parë tha se sulmet e natës së kaluar “ia hoqën bombën nga duart Iranit” .

“Dje patëm një sukses spektakolar ushtarak, duke ua marrë ‘bombën’ nga duart (dhe ata do ta përdornin nëse do të mundnin!),” shkroi Trump.

“Nëse regjimi nuk mund ta bëjë Iranin përsëri të madh, pse të mos e ndryshojë atë?”

Trump tha sot se nëse regjimi aktual në Iran nuk është në gjendje ta “bëjë Iranin përsëri të madh”, atëherë ndryshimi i regjimit mund të jetë i nevojshëm në atë vend.

“Nuk është politikisht korrekte të përdoret termi ‘ndryshim regjimi’, por nëse regjimi aktual iranian nuk është në gjendje ta bëjë Iranin përsëri të madh, pse të mos ndryshojë regjimi?” MIGA!”, shkroi Trump në llogarinë e tij në rrjetin social Truth, duke përdorur akronimin MIGA për Make Iran Great Again, si një aludim për akronimin MAGA, ose Make America Great Again, që është slogani i fushatave presidenciale të Trump.

Ai shtoi se pilotët e bombarduesve amerikanë B-2 që kryen sulmet ndaj objekteve bërthamore iraniane u ulën shëndoshë e mirë në shtetin federal amerikan të Misurit.

LEXONI GJITHASHTU:

• Trump: Ne ia morëm bombën nga duart Iranit
• Trump: Sulmet në Iran, sukses spektakolar ushtarak! Tani duhet paqe

The post Trump: Dëmi i shkaktuar impiantit bërthamor në Iran është i jashtëzakonshëm appeared first on Euronews Albania.