Përshkallëzohen tensionet mes Shteteve të Bashkuara të Amerikës dhe Venezuelës. Washingtoni zyrtar ka dërguar  një grup prej 7 luftëanijesh ushtarake në Karabinet jugore si dhe një nëndetëse  bërthamore të aftë për të kryer sulme të shpejta. Qëllimi Kryesor sipas zyrtarëve amerikanë është përballimi nga kërcënimet  Karteleve tëdrogës së Amerikës Latine.

Vetë Trump e ka bërë lutën kundër karteleve të drogës e një prioritet të Qeverisë së tij.Ndërsa anijet e Gardës Bregdetare dhe Marinës amerikane operojnë rregullisht në Karaibet Jugore, ky përforcim është dukshëm më i madh se  vendosjet normale ushtarake.

Një zyrtar amerikan që foli për kushtet e anonimatit për mediat ndërkombëtare tha se Shtetet e Bashkuara e kanë bërë të qartë se regjimi I Maduros nuk është qeveria legjitike e Venezuelës dhe se është një kartel Narko terrorizmi.

Administrata  e Donald Trump njoftoi më herët përgjatë këtij viti se kishte dyfishuar shpërblimin në 50 milionë dollarë për këdo të jepte informacione mbi arrestimin e Maduros.

Administrata Trump ka shpallur kartelin Sinaloa të Meksikës dhe grupet kriminale venezueliane si organizata terroriste globale. Shtetet e tjera të Karaibeve kanë mbështetur operacionet kundër drogës të administratës amerikane, ndërsa Shtëpia e Bardhë thekson gatishmërinë e Trump për të përdorur “çdo element të fuqisë amerikane” për të ndaluar transportin e lendeve narkotike ,.

Pas kësaj lëvizje të Shteteve të Bashkuara, Presidenti i Venezuelës Nicolas Maduro tha se nuk kishte asnjë mundësi që trupat Amerikanë të pushtonin vendin e tij .

Maduro bëri këtë deklaratë ndërsa mbikqyrte stërvitjen e ushtrisë së Venezuelës.

Pamjet e seancave stërvitore u publikuan nga televizioni shtetëror i Venezuelës me titujt se vendi nuk do të dorëzohej përballë presionit të Washingtonit.

Familjarë, miq, kolegë i bënë nderimet e fundit aktorit dhe regjisorit Naun Shundi.

Homazhet u zhvilluan në sallën e Art Turbinës.

Naun Shundi  u shua në moshën 66 vjeçar pas një beteje më një sëmundje të rëndë.

Ai është një nga figurat më të vlerësuara të skenës shqiptare.  Ka lënë pas rreth 100 role dhe kolegët e kujtojnë kështu.

“Do ta kujtojmë si një koleg ndër të rrallët, në atë heshjen e vet, në atë qetësinë e vet,  po thonte shumëcka është trishtim i madh të bësh homazh për kolegët. Do ishte shumë bukur të vinim të shikonim shfaqet e tyre”

Mjeshtrinë  si aktor Naun Shundi ja ka përcjellë dhe brezave të rinj si peadog në Akademinë e Arteve për rreth 7 vite.

Më pas  si themelues I një hapësire të veçantë kulturore,  teatrit  të tij,   hapi dyert për shumë krijues.

Teatri Kombëtar një vit më parë e nderoi me medaljen e mirënjohejes.

“Nauni ishte nga këta artistë të mëdhenj kokëulur dhe modest që asnjëherë nuk i ra gjoksit që jam unë, por vepra e tij puna e tij talenti i tij  ulurinin gjithandej, vlerësoheshin gjithandej. rruga e tij artisitke ësht ënjë rrugë që duhet ndjekur sidomos nga të rinjtë sepse ai la mesazhe paqe nekomunitetit artistik, dashurie.”

Pas rreth një  orë e gjysmë  homazhe   artisti u përcoll në banesën e fundit.

Me ikjen e Naun Shundit skena shqiptare humbi  një artist që teatrin e deshi shumë. /abcnews.al

Sali Berisha iu rikthye edhe një herë romancës së tij me miliarderin George Soros. Një lidhje në kufijtë e dashurisë dhe urrejtjes, që më tepër se sa nga aktiviteti i Soros, lidhet me pozicionin e doktorit, në pushtet apo në opozitë.

Fondacioni Soros për herë të parë në Shqipëri është regjistruar në vitin 1992 nga kryeministri i asaj kohe Vilson Ahmeti, fill pas rënies së regjimit komunist.

Por i pari i cili tentoi të lidhet me miliarderin, ishte Sali Berisha. Në vitin 1993, një vit pas ardhjes së parë në pushtet, me anë të një letër posaçërisht për Soros, atë kohë pak i njohur në Shqipëri, doktori  i drejtohej miliarderit si një mik personal madje duke e ftuar të vizitonte vendin.

Falenderimi ishte për 120 ton letër që Soros kishte dërguar në ndihmë të ngritjes së shtypit shqiptar, që sipas Berishës, ishte dhe “çelësi” i fitores së PD në zgjedhjet e 22 marsit 1992.

Dhe më në fund, Berisha dhe Soros u takuan. Kjo foto është e para mes tyre. Besohet t’i përkasë periudhës 1997-1998, kur doktori ishte President ose sapo kishte dalë në opozitë.

Kohët kaluan, dhe me riardhjen në pushtet të doktorit, ata sërish u takuan. Në Forumin e Davos në vitin 2008, Berisha si kryeministër udhëzoi zyrën e shtypit kryeministrore të nxjerrin foton e tij me Soros dhe dy rreshta për takimin.

Çuditërisht, një vit më vonë, doktori në Shqipëri propozoi legalizimin e martesave gay, ndërsa sot e akuzon Sorosin për një axhendë të tillë globale. Projektligji nuk u miratua asnjëherë në Shqipëri.

Me rënien e tij në opozitë dhe largimin nga kryetar i PD, në vitin 2016, Berisha kërkoi të gjejë një frymëzues të ri, Donald Trump. Ai e uroi ndër të parët, nga njëra anë e konsideroi një personalitet, nga ana tjetër e këshilloi të mos dëgjojë komentet e kryeministrit Rama për të.

Por krisja me Soros erdhi në vitin 2017. Një vit pas Reformës në Drejtësi, doktori gjeti justifikimin për ta sulmuar.

2 DHJETOR 2017 “Ky është kryekorruptori politik i gjithë globit George Soros. Një njeri si ky, meriton vetëm një gjë, non-grata, non-grata, non-grata kudo”

4 vite më vonë,non-grata erdhi, jo për Soros, por për Berishën. Por çfarë deklaroi doktori konferencën e parë pasi u lajmërua?

20 MAJ 2021

Pas këtij akti?

A është George Soros?

Jo, nuk e them që është Xhorxh Soros.  Aty unë rendis ku ka qenë veprimtaria ime këto 8 vite.

Por para kësaj.

Vetëm 5 muaj para shpalljes non-grata, ai uroi Presidentin Joe Biden për fitoren e zgjedhjeve në SHBA. E konsideroi mik të madh e të çmuar të shqiptarëve, si dhe kërkoi dënimin e autorëve të sulmit në Capitol Hill, sipas tij ekstremist dhe antidemokratik, të frymëzuar nga Donald Trump.

Mungesa e konsistencës së doktorit, iu kthye në karma. Dhe sërish, doktori uli kokën. Trump fitoi zgjedhjet në nëntor 2024. Në urim, Berisha theksonte se amerikanët e votuan Tramp për të refuzuar Sorosin.

6 NËNTOR 2024 – “Zoti e deshti që të kishte ngjashmëri mes opozitës shqiptare dhe opozitës amerikane, Presidentit Donald Trump.”

Po bëhet viti nga fitorja e Tramp në SHBA, por nëse Berisha ndryshon sipas qejfit preferencat, përtej oqeanit kjo nuk ndodh.

Dosja e Berishës dhe non-grata vijojnë të mbeten në të njëjtin sirtar, në fuqi, ndërsa doktori vijon të injorohet nga administrata amerikane, pavarësisht kontratave me ish-fushatuesin e Tramp, La Civita apo kompaninë e ish-avokatit të Trump, Continental Strategy.

Në përplasjen e fundit, mes Trump dhe Soros, Berisha ndoshta është i vetmi politikan në botë që ka guxuar të komentojë sherrin mes dy personave ndoshta më të fuqishëm të globit. Dhe sigurisht, qëndrimi sërish ndryshon.

28 GUSHT 2025 – “Ja ditë e madhe në histori. Personi që loboi për ‘non gratën’ time subjekt i RICO-s.”

Ai është gati ti hyjë edhe oqeanit më këmbë, por duhet të sqarojë përfundimisht kush është i miri dhe i keqi, Trump apo Soros?/abcnews.al

Socialistët miratuan këtë të premte vetëm me votat e tyre projektpozicionin negociues për grupkapitullin “Burimet, bujqësisë dhe kohezionit”.  Ndërsa opozita bojkoi mbledhjen që shënoi edhe përmbylljen e përgatitjeve teknike për të gjithë grupkapitujt e negociave.

Përshkak të konfidencialitetit, mbledhja u zhvillua me dyer të mbyllura por, kryenegociatorja Majlinda Dhuka I përdori minutat e vëna në  dispozicion për një bilanc të punës së bërë përgjatë këtyre 10 muajve. 

“Shqipëria po ecën me hapa të sigurt dhe sistematik në procesin e çeljes së negociatave për anëtarësim në Bashkimin Europian. Me diskutimet e sotme me ju, sa i përket grupit të fundit të kapitujve Shqipëria përfundon përgatitjet teknike për të çelur negociatat për të 33 kapitujt. Sigurisht që unë shpreh vlerësimin e madh për mbështetjen politike, vullnetin politik të vendeve anëtare mbështetjen e çmuar të Komisionit Europian”

Sipas Dhukës, fushat që përmban ky grupkapitull kanë rëndësi të vecantë për fermeret por edhe sigurinë ushqimore për qytetarët.

Grupi i kapitujve apo i fushave që do të diskutojmë sot ka një rëndësi të madhe për Shqipërinë dhe ekonominë shqiptare. Do të flasim për çështje të bujqësisë, të ushqimit dhe të sigurisë ushqimore të produkteve në treg, të peshkimit. Për çështje të lidhura me rajonet, bashkitë dhe zhvillimin e tyre.

Grupkapitulli “Burimet, bujqësia dhe kohezionit” është grupkapitulli i fundit i negociatave. Ndërsa burime thanë për ABC News se konferenca ndërqeveritare mes Shqipërisë dhe Bashkimit Europian për çeljen e grupkapitullit “Agjenda e Gjelbërt dhe Lidhja e Qëndrueshme” do të mbahet në mes të muajit shtator. Ambicia e qeverisë është që brenda këtij viti të nisë edhe mbyllja e grupkapitujve në mënyrë që I gjithe procesi të përfundoje deri në vitin 2027./abcnews.al

Pas kualifikimit historik, Drita dhe Shkëndija kanë mësuar kundërshtarët e tyre në Conference League. Shorti ka vendosur që dy ekipet të përballen mes tyre, në ndeshjen e raundit të katërt. Gjithashtu nuk mungojnë edhe përballjet e tjera interesante, me kundërshtarë të njohur.

Shkëndija do të sfidojë Slovan Bratislava, Rayo Vallecano, Jagiellonia, AEK Larnaca dhe Shelbourne.

Në krahun tjetër, Drita do të luajë ndaj AZ Alkmaar, Rayo Vallecano, Omonoia, Kups Kuopia dhe Shelbourne.

Eksperti për çështje ndërkombëtare, Geron Kamberi komentoi në studion e News Line në ABC News, përpjekjet për paqe mes Ukrainës dhe Rusisë, me qëllim arritjen e një marrëveshjeje armëpushimi.

Kamberi theksoi se sanksionet e BE ndaj Rusisë nuk prodhuan asgjë në funksion të paqes, ndërsa tha se e vetmja shpresë mbetet një takim tre palësh mes presidentit të SHBA, Donald Trump, atij ukrainas Volodymyr Zelensky dhe presidentit rus Vladimir Putin.

“Që kur ka nisi konflikti retorika diplomatike ka kaluar në elementë që janë luhatur mes bisedimeve, kërcënimeve, premtimeve, por ajo çka mungon është një armë pushim dhe një marrëveshje paqeje dhe sigurie për Ukrainën.

Ukraina, është një rast unik në historinë e BE me vendet kandidate që një vend në luftë arrin të marrë statusin kandidat, kjo tregon edhe rëndësinë që ka Ukraina.

Paketa e sanksioneve që pritet të miratohet, e 19-ta në radhë,  tregon se Rusia ka fituar imunitet ndaj tyre ,nuk po prodhojnë asgjë në realitet, më shumë përkëdhelin sedrën e Ukrainës. Edhe vetë presidenti rus e tha këtë pak ditë më parë.

Vlen të theksohet edhe tashmë edhe SHBA janë dukshëm të distancuar nga BE për mënyrën si e shohin ata zgjidhjen e një konflikti. Dyshimi im, edhe nga mënyra si e kam parë e kam lidhur me faktin që ka një histori mes dy vendeve ku vështirë të jetë përmendur fjala dashuri mes tyre, ka qenë një dyshim i vazhdueshem

Me deklaratën se i jap fund konfliktit për 24 orë, ndoshta Trump ishte në kushtet e optimizmit patologjik. Unë gjithmonë i mëshoj faktit që kush injoron historinë shpesh historia hakmerret në mënyrë ironike. Trump është i vetëdijshëm që është një cështje që nuk zgjidhet për 24 ore, por shpresojmë ta zgjidhë për 24 muaj.

Në takimin e Danimarkës është folur edhe për krijimin e një zone tampon sigurie me prani edhe të trupave europiane. Një paketë e 19 me sanksione, e ka lënë konfliktin të pazgjidhur e vetmja shpresë mendohet një takim tre palësh Putin-Zelensky dhe Trump që ndoshta të kemi një zgjidhje që do ofrojë një garanci afat gjatë. Ka një atmosferë dyshimi mes palëve që e vështirëson zgjidhjen e konfliktit’, – shpreh Kamberi./abcnews.al

Read More...

Konfirmime dhe supriza në ditën e dytë të kampionatit europian të basketbollit. Me Janis Antentokoumpo në versionin NBA, Greqia u nis me fitoren 75-66 kundër Italiasë.

Ylli i Milwaukee nuk kishte rivalë në parket. Ai shënoi 31 pikë, duke u bërë realizuesi më i mirë, ndërsa i shtoi paraqitjes së tij 7 topa të kapur në tabelë dhe 2 asist për shokët e skuadrës.

Me këtë paraqitje të Antentokoumpo dhe skuadra helene I dërgon një mesazh të gjithë favoritëve të tjerë.

Nuk zhgënjen edhe Franca, që në sfidën e saj të parë në Europianin e Basketbollit mundi me lehtësi Belgjikën me 28 pikë diferencë në rezultatin e përgjithshëm 64-92.

Megjithëse pas Ëmbanyama, francezët u mbështetën te lojtari tjetër i NBA, Bilal Kulibali. Basketbollisti i Washington Uizard ishte shënuesi më i mirë për skuadrën e tij me 12 pikë, ndërsa bëri gjithashtu një punë të mirë në mbrojtje.

Debutimin në këtë europian bëri dhe ylli tjetër i basketbollit, Luka Donçiç. Basketbollisti i Lakers shpërbleu pritshmëritë me paraqitjen personale, por tregoi se kombëtarja e Sllovenisë nuk është në nivelin e tij.

Donçiç vendosi rekordin e këtij turneu me 34 pikë, ndërsa sllovenët u dorëzuan në sfidën e parë, duke u mundur nga Polonia me rezultatin 105-95.

Surpriza e parë e madhe e “Eurobasket 2025” erdhi nga Spanja. Kombëtarja iberike u mund nga Gjeorgjia me shifrat 83-69. Gjeorgjianët që kanë fituar respekt në hierarkinë e basketbollit europian me lojtarë që luajnë në NBA si Mamukelashvili me San Antonio apo Bitadze me Orlando I kanë treguar të gjithë rivalëve se nuk do ta kenë aspak të lehtë./abcnews.al

Champions League merr formë me shortin e hedhur në Monako që përcaktoi përballjet në fazën e ligës të turneut më të rëndësishëm të futbollit europian për klube.

Menjëherë përballje gjigandësh dhe finale të parakohshme, që mishërojnë idenë e UEFA kur vendosi të ndryshojë kompeticionit në edicionin e dytë me këtë format.

Kështu, tifozët do të kenë mundësi të shohin shumë shpejt sfida të mëdha, siç janë ato mes Barcelonës dhe Bajern Mynih, Real Madrid-Manchester Siti, apo Inter-Liverpul.

Shorti nuk ishte aspak I butë me kampionët në fuqi të Paris SG, që e nisin menjëherë në ngjitje rrugën për mbrojtjen e trofeut, pasi do të përballen me Bajern Mynih, Barcelonën dhe Atalantën, përveçëse me skuadra të tjera si Leverkusen apo Totenhem.

I njëjti diskutim vlen për Real Madrid, që gjen në rrugën e tij Manchester City, Liverpul dhe Juventus.

Sipas formatit të ri të aplikuar për herë të parë edicionin e kaluar, secila skuadër do të luajë tetë ndeshje në fazën e Ligës, katër në shtëpi dhe katër në transfertë.

Në bazë të renditjes përfundimtare, ashtu si në një kampionat, tetë skuadrat e para kualifikohen direkt në 1/16, ekipet nga vendi i 9 deri në vendin e 24 do të luajnë në plej-off, ndërsa ato të renditura mga vendi i 25 deri në vendin e 36 eliminohen menjëherë.

Sipas një formule të parapërcaktuar, duke nisur nga faza e 1/16 nis eliminimi direkt me dy ndeshje vajtje-ardhje. Me të njëjtën formulë do të shkohet deri në finalen me një ndeshje të vetme në program më 30 maj në Budapest. Ndeshjet e para të fazës së Ligës do të luhen nga datat 16-18 shtator.

Komisioni Qendror i Zgjedhjeve i Bosnjë dhe Hercegovinës ka shpallur zgjedhjet e parakohshme për president të Republikës Sërpska (RS) më 23 nëntor.

Kjo pozitë në entitetin serb mbeti e lirë pasi Komisioni Qendror i Zgjedhjeve ia hoqi mandatin Millorad Dodikut më 18 gusht, në bazë të një vendimi të formës së prerë të Gjykatës së Bosnjë dhe Hercegovinës, me të cilin ai u dënua me një vit burg dhe gjashtë vjet ndalim për ushtrimin e funksioneve publike për shkak të moszbatimit të vendimeve të përfaqësuesit të Lartë ndërkombëtar.

Dodik refuzon të tërhiqet nga kjo pozitë. Ndërkohë, Kuvendi i Republikës Sërpska ka miratuar një sërë ligjesh dhe konkluzionesh jokushtetuese që lidhen me mbajtjen e një referendumi në këtë entitet të Bosnjë e Hercegovinës, në të cilin qytetarët do të duhej të shpreheshin për aktgjykimin e Gjykatës së Bosnjë e Hercegovinës kundër Dodikut dhe për vendimin e KQZ-së së Bosnjës me të cilin atij iu hoq mandati i presidentit të RS-së.

KQZ-ja e Bosnjës ka marrë vendim që të shpallen zgjedhje të parakohshme për presidentin e RS-së, pasi dy nënkryetarëve (një boshnjak dhe një kroat) nuk u janë hequr mandatet.

Në mbledhjen e KQZ-së është miratuar gjithashtu përfundimi që lista qendrore e votuesve të mbyllet më 27 gusht të këtij viti në orën 00:00. Të drejtë vote, sipas listës zgjedhore, kanë rreth 1 milion e 266 mijë votues.

Për mbajtjen e zgjedhjeve të parakohshme për presidentin e Republikës Sërpska është e nevojshme të ndahen 6 milionë e 490 mijë marka (rreth 3.2 milionë euro).

Bosnja dhe Hercegovina ende nuk ka buxhet të miratuar dhe shteti funksionon me buxhet të përkohshëm. Presidenca në Bosnje më 19 gusht ka dorëzuar projekt-buxhetin, ku është paraparë edhe financimi për mbajtjen e zgjedhjeve të parakohshme në RS.

Që të hyjë në fuqi, buxheti duhet të miratohet edhe në të dyja dhomat e Parlamentit të Bosnje e Hercegovinës.

Kush do të mund të votojë në zgjedhje?
Të gjithë qytetarët në moshë madhore me vendbanim të regjistruar në entitetin e Republikës Sërpska, të cilët figurojnë në listën zgjedhore, mund të votojnë për presidentin e këtij entiteti.

Komisioni Qendror i Zgjedhjeve i Bosnjës menaxhon me listën e votuesve.

Qytetarët mund në çdo kohë të kontrollojnë nëse janë të regjistruar, ku ndodhet vendvotimi i tyre, si dhe të kërkojnë regjistrim ose fshirjen, për shembull, të personave të vdekur nga lista zgjedhore.

Kush do t’i organizojë zgjedhjet?
Komisioni Qendror i Zgjedhjeve i Bosnjës dhe Hercegovinës është organi përgjegjës për organizimin dhe zhvillimin e të gjitha zgjedhjeve në Bosnje – të përgjithshme, lokale dhe të parakohshme.

Përfaqësuesi i Lartë në Bosnje, Christian Schmidt, në mars 2024 ka zgjeruar kompetencat e KQZ-së përmes ndryshimeve në Ligjin Zgjedhor të Bosnjës. Me këto ndryshime, KQZ-ja fitoi të drejtën të emërojë anëtarët e këshillave të vendvotimeve, të cilët vetëm në zgjedhjet lokale të atij viti ishin mbi 12.000.

KQZ-ja përveç pranimit të kandidaturave, do të duhet të organizojë edhe pjesën teknike: shtypjen e fletëvotimeve dhe vendosjen e pajisjeve për identifikim elektronik të votuesve dhe numërim elektronik të votave. Ky sistem pritet të zbatohet plotësisht në gjithë Bosnjën dhe Hercegovinën deri në zgjedhjet e rregullta të përgjithshme në tetor 2026./rel

Tridhjetetetëvjeç i ka mbushur dhe i ka lënë pas, por shkëlqimi nuk zbehet. Lionel Mesi mbetet ende një nga yjet e futbollit botëror, ndonëse jo më në Europë e në Champions, ndërsa në Shtetet e Bashkuara realizoi mrekullinë e radhës.

Kampioni i botës me Argjentinën shënoi dy gola duke i dhënë skuadrës së tij, Inter të Majemit, kualifikimin për në finalen e Kupës së Ligës.

Suksesi ndaj Orlandos ishte 3-1, dhe magjistari I topit realizoi një herë me penallti, dhe herën tjetër nga loja. I kthyer në ekip pasi la prapa dëmtimin duke munguar dy ndeshje, Mesi nuk tregoi shumë në pjesën e parë kur rivalët kaluan në epërsi 1-0.

Gjithsesi, në minutën e 74-ët mori përsipër një 11-metërsh duke mos gabuar, ndërsa dy minuta para fundit të ndeshjes, i mbiquajturi “Pleshti” tregoi klasin në golin e tretë, pas kombinimit me Zhordi Albën.

Ai ka tani 766 rrjeta të shënuar pa penallti në karrierë, duke qenë rekordmeni për të gjitha kohët, ndërsa Kristiano Ronaldo ka 763. Falë Mesi, Inter jo vetëm që mund të fitojë trofeun e Kupës së Ligës, por edhe u kualifikua për në Kupën e Kampionëve të Amerikës Veriore e Qendrore për sezonin e ardhshëm./abcnews.al

Doktori doli në konferencë, e pretendon se pas aktit të Trump ndaj George Soros, non-grata e tij tashmë ka rënë.

“Tani, ditë e madhe në histori. Personi që loboi për ‘non gratën’ time subjekt i RICO-s. Si të duket ty. Ja shife. Një.  Dy, personi që firmosi nuk hyn dot në asnjë ndërtesë federative të vendit të tij. ‘Non grata’ në çdo ndërtesë. Si të duken ty këto zhvillime, me thuaj pak. Këto për mua janë zhvillime të jashtëzakonshme, jo vetëm personale, por për mbarë SHBA-të, partnerët e tyre dhe mbarë botën.”

Madje doktori bëri dhe orakullin. Ai tha se e ka parashikuar non-gratën e Sorosit prej vitit 2017, kur e kërkoi nga çadra e Lulit.

“Unë vij sot edhe për të rikujtuar se 8 vite më parë e kam shpallur Sorosin një monstër të njerëzimit. I kam kërkuar publikisht Senatit dhe Kongresit të SHBA që të ndalojnë me ligj veprimtarinë e tij kriminale, antidemokratike jashtë SHBA. E vërteta është se po në këtë fjalë publike, unë kërkova shpalljen e tij non-grata.”

Megjithatë, në këtë rast vlen një fact-check i thjeshtë. E para, Sali Berisha vijon të jetë non-grata nga SHBA. Kjo faktohet ende në faqen zyrtare të Departamentit Amerikan të Shtetit. E dyta, Soros nuk u shpall non-grata. Presidenti Trump nxori një akt për ti kërkuar drejtësisë amerikane ta ndjekë penalisht për RICO, ose ndryshe organizatë kriminale të cilat përdorin korrupsionin, mashtrimin apo shantazhin, në rastin e tij për nxitjen e protestave në SHBA. Berisha nuk i dëgjon faktet, por i pëlqejnë justifikimet dhe disa arsye pse vijon të mbetet në opozitë.

“Ata u bënë mbështetje kryesore e dhunimit të zgjedhjeve dhe pranimit të zgjedhjeve të dhunuara pa u numëruar ende votat siç ishte rasti i vitit 2021. Për të konsoliduar pushtetin e krimit të Edi Ramës, Xhorxh Soros, fondacioni i tij dhe i biri i tij, u angazhuan në të ashtuquajturat reforma që kishin vetëm një qëllim: monizmin dhe narkoshtetin në Shqipëri.”

Një tjetër fakt është se administrate Trump i njohu zgjedhjet e 11 majit. Këtë të enjte në Shqipëri ato morën edhe vulën përfundimtare nga Komisioni Rregullator. Po Berisha?

“Nuk i njeh zgjedhjet, kemi deklaruar. Përfaqësuesit tanë mbajtjen një qëndrim dinjitoz në komision. Shprehën mendimet, këto ishin një farsë e vërtetë elektorale.”

Por farsa e vërtetë mbaron tani në shtator. Farsaa e Sali Berishës që si çdo katër vjet, bërtet faull po pastaj futet në parlament./abcnews.al

Autoriteti Kombëtar për Sigurinë Kibernetike ka bllokuar 3 platforma mashtruese investimi  që operonin online  në vend ndërsa  u ka kërkuar qytetaravë që të bëjnë kujdes dhe të mos bien pre e mashtrimeve.

Pas disa denoncimeve është  verifikuar se këto  aplikacione, nuk janë të  regjistruara dhe të  licencuara për të operuar  në  vendin tonë.

AKSK ka marrë masa urgjente për bllokimin e aktivitetit të këtyre faqeve mashtruese duke bashkëpunuar ngushtësisht me institucionet përgjegjëse të AKEP dhe ofruesit e shërbimeve të internetit.

Përtej humbjeve financiare qytetarët që bëhen pjesë e tyre rrezikojnë cënimin e  privatësisë dhe identitetit.

AKSK paralajmëron qytetarët shqiptarë se përfshirja në këtë platformë sjell:

• Humbje financiare të parikuperueshme.
• Rrezik të lartë për cënimin e privatësisë dhe identitetit digjital.
• Mundësi për keqpërdorim të mëtejshëm të të dhënave personale nga rrjete kriminale.

Autoriteti Kombëtar për Sigurinë Kibernetike  sqaron se këto  platforma ofrojnë reklama joshëse në rrjete sociale,prezantojn fitime tw sajuara si dhe kërkojnë  pagesa shtesë me arsyetimin për “verifikim” apo “tërheqje fondesh”.

Në studion e News Line në ABC News, analisti Martin Leka komentoi zhvillimet e fundit politike në vend, ndërsa këtë të enjte mori fund saga e 11 majit, ndërsa komisioni rregullator certifikoi rezultatin përfundimtar të zgjedhjeve.

“Ajo që është e re është fakti që zgjedhjet certifikohen pas 5 muajsh, një kohë e gjatë por jemi brenda afatit, jemi gati për konstituimin e parlamentit dhe formimin e qeverisë. Merr fund saga e zgjedhjeve. Ajo që duhet thënë është se ndërsa cerfitikohet saga e zgjedhjeve, risia është te Lapaj, që nuk e merr mandatin. Maxhoranca e konsoliduar në numrat prej 83 mandatesh. Koha ka treguar se shpesh deputetë të ndryshëm kanë shkuar dhe në fakt nga blerjet e deputetëve janë mbajtur qeveri, kujtojme qeverinë e Berishës kur mori deputetin e PS Dogjani, apo Islami. Ishte cudi atëherë nuk ka asnjë cudi të ketë lëvizje edhe brenda nga PD, nuk e përjashtoj si mundësi.” -u shpreh Leka, ndërsa komentoi edhe aksionin opozitar në Kuvend, për të cilin theksoi se nuk mund të presësh të reja nga të njëjtët njerëz.

“PD i përmbahet në mënyrë absurde fatit të liderit të tyre Berisha, që vijon flet për farsë elektorale ndërsa flet për pjesëmarrje në parlament. Këtë kemi parë gjithmonë, edhe në të kaluarën, PD nuk i njeh zgjedhjet si zakonisht, ndërsa në parlament shkojnë është thjesht retorikë e mbajtjes gjallë të elektoratit. Për të thënë zgjedhjet janë vjedhur, por nuk e bëjmë më gabimin e braktisjes së paralemtit e gjitha është një hedhje hi syve të demokratëve. Nuk shoh asgjë të re në qëndrimin e demokratëve të Berishës. Ky është aksioni opozitar dhe qeveria bie vetëm nëse ka njerëz në rrugë. Duhen demostrata permanente dhe jo të ikësh për darkë në shtëpi, opozita nuk e ka këtë lloj fryme akoma. Nuk shoh asgjë të re, të presësh gjëra të ndryshme me njerëz të njëjtë është absurde nuk mund të ketë.’- tha ai.

Sa i takon kabinetit të ri qeveritar, emrat e të cilit pritet të mësohen në fillim të muajit të ardhshëm, Leka u shpreh se hamendësime mund të bëhen plot, por askush nuk di asgjë përvec Edi Ramës.

“Kjo është e reja, duhej mbledhur asambleja e PS, sic ka ndodhur zakonisht dhe aty janë lancuar emrat e rinj. Nuk ndodh kështu këtë radhë, është zgjedhur data pas konstituimit të parlamentit për të mbajtur të tendosur të gjithë aparatin e administratës. Askush nuk di asgjë, përvec Ramës kush do të jetë ekipi qeveritar I tij. Mund të jetë I tëri me gra e vajza, mund të jenë të rinj, janë të gjitha hamendësime po askush nuk di kush mund të jenë,” u shpreh analisti Leka./abcnews.al

Zbardhen detaje nga operacioni i një dite më parë ndaj punonjësve të IMT. Gazetari Ermal Vija, tha për ABC News se pronari i një objekti në zonën e Kombinatit kallëzoi në polici, se 4 punonjës të IMT shkuan në biznesin e tij ku konstatuan një tendë që përdorej për lokalin e vendosur brenda oborrit të banesës.

Pas konstatimit, e kanë njoftuar se do të prishet pasi është pa leje. Pasi largohen, njëri prej tyre kthehet pas disa minutash dhe takon pronarin (kallëzuesin) duke i thënë se i ofron marrëveshje që në këmbim të 1000 eurove, nuk do ia prishnin tendën.

Ky i fundit menjëherë kallëzoi në polici, ku kjo e fundit mori autorizim nga SPAK për përgjime e vëzhgime ambientale si dhe simulim të dhënies së parave. Shuma e parave është vendosur në dispizicion nga policia e cila ia ka dhënë kallëzuesit t’ua jepte. Gjatë kësaj kohe, kur shuma e parave iu dorëzua njërit prej punonjësve të IMT, përkatësisht Klajdi Zhillës, 3 kolegët e tjerë e prisnin brenda një lokali në afërsi të objektit.

Brenda këtij lokali kanë mbërritur punonjësit e policisë ku brenda mes të tjerëve ndodhej Geraldo Fuçia. Punonjësit e IMT kanë kuptuar prezencën e policisë dhe kanë lënë paratë në banakun e lokalit, Klajdi Zhilla arriti të largohej ndërsa 3 të tjerët u ndaluan.

Nga 3 të ndaluarit, vetëm Geraldo Fuçia mbahet në arrest ndërsa u shpall në kërkim Klajdi Zhilla pasi për dy të tjerët nuk u gjetën prova. Zhilla dhe Fuçia akuzohen për korrupsion pasiv.

Ishte fillimi dhe u dha një mesazh. Pretendentët kryesorë për fitoren në Kampionatin Europian të basketbollit fituan që të gjithë, e madje me diferencë. Skuadra favorite, Serbia e trajnerit Svetislav Peshiç, nuk pati probleme të mundte lehtë Estoninë, edhe pse u luajt pikërisht në Estoni.

Rezultati ishte 98-64, dhe më I miri në parket ishte Nikola Joviç, i cili rrezikoi të thyente rekordin e Nikola Jokiçit si shënuesi më I mirë në debutimin në Europian.

Gjithsesi, Peshiç e uli në stol kur arriti 18 pikë, dhe rekordi prej 19 pikësh mbeti. Vetë Jokiç iu afrua tripëll dabëllit edhe pse nuk dha maksimumin, me 11 pikë, 10 topa në tabela e 7 asistë.

Në këtë grup, Turqia kaloi gjithashtu lehtë Letoninë me shifrat 93-73. Ylli kryesor, Xhedi Osman realizoi 20 pikë, 19 pati Kenan Sipahi, 16 Alperei Shengyn dhe 15 amerikani I natyralizuar Shejn Larkin.

Padyshim që turqit do të jenë pretendentë dhe rrezik për të tjerët. Gjermania, ndërkaq, kaloi një provë ballkanase si Malin e Zi duke e mundur thellë 106-73.

Lojtari më I mirë I ndeshjes u shpall ylli i NBA-së, Denis Shrëder, që shënoi 21 pikë, ndonëse realizuesi më I mirë ishte Franc Vagner me 22.

Katër basketbollistë gjermanë shënuan mbi 10 pikë. Lituania, një tjetër “Zonjë e Rëndë” e basketbollit europian, kaloi rezistencën e Britanisë së Madhe në “Arenën Nokia” në Tampere të Finlandës.

Baltikasit fituan 94-70 dhe më I miri në fushë ishte padyshim veterani Jonas Valanciunas me 18 pikë e 9 topa në tabela. Gjithsesi, mungesë e madhe që do të ndikojë është ajo e Domantas Sabonisit të dëmtuar.

Shumë I fortë ishte derbi skandinav mes Finlandës dhe Suedisë fituar nga finlandezët vetëm me shifrat 93-90, ndërsa Lauri Markanen u shpall basketbollisti më I mirë I ditës së parë të Europianit, duke shënuar 28 pikë në prani të mbi 11 000 tifozëve në Tampere./abcnews.al

Champions League ka dhënë katër biletat e fundit, duke plotësuar fazën finale të turneut më të rëndësishëm të futbollit europian për klube.

Nuk kishte surpriza në sfidat e fundit të play off, ku të gjitha skuadrat pritëse siguruan kualifikimin për në raundin e grupeve.

Jashtë mbeten Mourinho dhe Fenerbahçe.

Pas barazimit pa gola në sfidën e vajtjes, turqit u mundën 1-0 në fushën e Benfikës.

Gjigandët e futbollit portugez nuk zhgënjyen parashikimet, falë golit të vetëm të Artugollu në minutën e 35-të.

Nuk kishte festë as për Bazelin e Xherdan Shaqirit.

Futbollisti me origjinë shqiptare ishte protagonist në sfidën e vajtjes ku shënoi në barazimin 1-1 kundër Kopenhagen, por në transfertën daneze kampionët e Zvicrës u mundën 2-0.

Kornelius dhe Maukoko në pjesën e dytë vulosën fatin e sfidës dhe kualifikimin e Kopenhagen në fazën finale të Champions League.

Të njëjtin sukses jetuan edhe Klub Brugge dhe Qarabag.

Pas fitores 3-1 në transfertë, kampionët belgë shkatërruan 6-0 Gllasgou Rangers në sfidën e kthimit në shtëpi.

Gjithçka e lehtë për vendasit, që e vranë garën  me pesë goila që në pjesën e parë, ndërsa në të dytën plotësuan goleadën për të vazhduar rrugën në turneun më të rëndësishëm të futbollit në kontinentin e vjetër.

Edhe Qarabag siguroi kualifikimin pavarësisht humbjes 3-2 në fushën e tij kundër Ferencvaros.

Kampionët e Azerbajxhanit kishin fituar 3-1 ndeshjen e vajtjes në transfertë, duke marrë vendin në fazën finale të Champions League./abcnews.al

Zhgënjimet e kanë shoqëruar në sezonet e fundit, por asnjëherë më parë nuk kishte jetuar një dështim të këtij niveli. Një katastrofë e vërtetë sportive ajo e Manchester United që u eliminua në fazën e parë të Kupës së Ligës në Angli, pas humbjes me 11 metërsha nga një skuadër që militon në kategorinë e katërt si Grimsby Town.

“Djajtë e Kuq” panë shpejt ferrin, pasi mbyllën pjesën e parë në dizavantazhin e dy golave. Vendasit modestë kaluan në epërsi në minutën e 22-të.

Më pas, përtej çdo pritshmërie dyfishuan rezultatin me Uorren përpara pushimit. Të dy këta futbollistë do të kenë se me cfarë t’iu mburren nipërve në të ardhmen, ndërsa te lojtarët e Manchester United kjo humbje do të jetë një njollë e zezë në të gjithë karrierën.

Skuadra e drejtuar nga Ruben Amorim provoi ta evitonte këtë në pjesën e dytë. Mbemo rihapi garën në minutën e 75-të, ndërsa në limitet e kohës së rregullt, Maguire barazoi shifrat, duke e çuar sfidën në goditjen e penalltive.

Por nga pika e 11 metrave, ky goditën të gjithë futbollistët në fushë, vendasit triumfuan 12-11, duke shkruajtur faqen më të ndritur në historinë e skuadrës të mësuar me ligat inferiore të futbollit anglez.

Krejt i ndryshëm është diskutimi për Manchester United. Për gjigandët e Premier League ky ishte dështimi më i madh në historinë e tyre, ndërsa Ruben Amorim dhe të besuarit e tij duhet të jetojnë jo vetëm me turpin, por edhe kritikat mbytëse të tifozëve dhe mediave angleze./abcnews.al

Mungesë impenjimi apo nënvlerësim i rivalëve. Të dytja këto arsye mund të qëndrojnë, por fakt është që Bayern Munich luajti me zjarrin në raundin e parë të Kupës së Gjermanisë.

Bavarezët rrezikuan një përmbysje të madhe, që mund t’i eliminonte nga turneu, por për fat të mirë të tyre në skuadër kanë një sulmues si Harry Kane, që vendosi në shtesë fitoren 3-2 kundër Vehen.

Sipas të gjitha parashikimeve, Bayern kaloi shpejt në epërsi, pasi Kane goditi saktë nga pika e penalltisë në minutën e 16-të. Kaq për pjesën e parë, ndërsa pas pushimit kampionët e Bundesligës shënuan edhe golin e dytë me Olise në minutën e 51-të.

Realizimi i francezit dha përshtypjen e një sfide të mbyllur përpara kohe, por këto pritshmëri u rrëzuan me reagimin e papritur të vendasve.

Skuadra e kategorisë së tretë barazoi shifrat me dy gola të shpejtë në vetëm pesë minuta me autor të njëjtë, Fatih Kaja. Në minutën e 76-të, Harry Kane kishte në këmbët e tij golin e dytë personal dhe të tretin për Bayern, por si rrallë herë gaboi nga pika e penalltisë.

Gjithsesi, sulmuesi anglez do të kthehej sërish në shpëtimtar në minutën e katërt shtesë, duke evituar surprizat e hidhura për bavarezët, që sigurojnë kështu kualifikimin për në raundin e dytë të Kupës së Gjermanisë./abcnews.al

Rëndësi ka që u stabilizua. Kristian Asllani padyshim që është një njeri I lumtur pasi periudha e mëdyshjeve dhe e rrezikut kaloi, dhe ai e gjeti një ekip për të qenë për të luajtur.

Klubi I Torinos publikoi videon e ditës së parë të mesfushorit shqiptar, për momentin të huazuar nga Interi, ndërsa ai duket I lumtur që do të vazhdojë në Serinë A.

E vetmja gjë që nuk arriti ta merrte siç donte ishte numri në fanelë, dhe u detyrua të kënaqej me një tjetër. Asllani e thotë qartë ndërsa flet për kamerën e klubit.

“Unë mora fanelën me numrin 32 sepse të gjitha të tjerat ishin të zëna. Më pëlqen numri 23, por është I zënë. Doja 44-ën, por e ka Ismajli, prandaj mora 32-in që është e kundërta e 23-it”.

Mesfushori 23-vjeçar me siguri e donte fanelën me numrin 23 sepse përkonte me moshën e tij, ose ndoshta ka ndonjë arsye tjetër.

Gjithsesi, tani ai është pjesë e ekipit “granata”, bashkë me yllin tjetër të kombëtare shqiptare, mbrojtësin Ardian Ismajli.

Ata nuk ishin pjesë e Torinos në ndeshjen e parë të Serisë A, atë të humbur 5-0 në fushën e Interit, por ndoshta do të jenë gati për duelin e dytë, të dielën në shtëpi kundër Fiorentinës.