Financial Times raporton se lufta 12-ditore mes Izraelit dhe Iranit ka rishkruar ekuilibrat e fuqisë në Lindjen e Mesme, duke sjellë një Izrael të guximshëm që kërkon të ripërcaktojë rajonin, një regjim iranian të dobësuar që lufton për të mbijetuar dhe një SHBA hezituese për t’u zhytur në një tjetër konflikt të zgjatur. Por pasoja […]

The post Izrael-Turqi, rivaliteti që po “zien” në Lindjen e Mesme appeared first on BoldNews.al.

Lufta në Lindjen e Mesme ka hyrë në ditën e saj të 631-të dhe për Gazën, netët e qeta janë vetëm një kujtim i largët. Të paktën 62 palestinezë janë vrarë gjatë natës nga sulmet izraelite, sipas autoriteteve lokale.

Izraeli raportoi se ka eliminuar Hakham Muhammad Issa Al-Issa, një prej themeluesve të Hamasit, në një bastisje të drejtpërdrejtë në qytetin e Gazës.

Ndërkohë, ish-presidenti amerikan Donald Trump ka bërë një deklaratë të bujshme, duke thënë se një armëpushim do të ndodhë brenda javës që vjen. Nuk munguan as tonet e zakonshme të ironisë: “Khamenei duhet të më falënderojë, e shpëtova nga një vdekje e turpshme”, u shpreh ai.

Ndërsa diplomacia zhurmon në prapaskenë, në terren shifrat e viktimave vazhdojnë të rriten. Gjendja mbetet dramatike.

The post Konflikti në Lindjen e Mesme, Izraeli: Kemi vrarë një nga themeluesit e Hamasit appeared first on iconstyle.al.

Pasagjerët e një avioni të kompanisë australiane Qantas përjetuan një udhëtim të pazakontë këtë javë: kaluan më shumë se 15 orë në fluturim, vetëm për të u kthyer sërish në Australi, aty ku e kishin nisur.

Avioni Boeing 787 ishte nisur nga Perthi me destinacion Parisin, por gjatë rrugës, kur ndodhej mbi hapësirën ajrore indiane, kompania mori njoftim për një sulm me raketa nga Irani, që kishte mbyllur pjesë të hapësirës ajrore në Lindjen e Mesme. Për arsye sigurie, fluturimi u anulua në ajër dhe aeroplani u kthye pas, duke u ulur në mënyrë të sigurt në Perth mëngjesin e së martës.

Edhe një tjetër fluturim i Qantas drejt Londrës u ndikua nga situata dhe u devijua në Singapor. Kompania njoftoi se do të përdorë rrugë alternative për fluturimet drejt Evropës, duke ndjekur me kujdes zhvillimet e sigurisë në rajon.

The post Fluturim 15 orë në ajër dhe kthim në pikën e nisjes, çfarë ndodhi me avionin që po shkonte në Paris? appeared first on iconstyle.al.

Kancelari gjerman Friedrich Merz ka mirëpritur armëpushimin e shpallur nga presidenti amerikan Donald Trump midis Izraelit dhe Iranit, duke u bërë thirrje të dy vendeve që ta zbatojnë atë.

“Nëse ky armëpushim ka sukses pas sulmeve vendimtare ushtarake amerikane kundër objekteve bërthamore iraniane, ky do të jetë një zhvillim shumë pozitiv”, thotë ai në një postim në X.

“Do ta bëjë Lindjen e Mesme dhe botën më të sigurt”, tha ai.

Kancelari gjerman tha se do të diskutojë mënyrat për të stabilizuar situatën me partnerët amerikanë dhe evropianë në margjinat e samitit të sotëm të NATO-s në Hagë.

The post Armëpushimi Iran – Izrael, kancelari gjerman Merz: Për një botë më të sigurtë appeared first on Sot News | Lajme.

Pas sulmeve ajrore të Shteteve të Bashkuara ndaj tre prej objekteve kryesore të programit bërthamor iranian Fordow, Natanz dhe Isfahan, pyetja më e rëndësishme tani është: si do të reagojë Teherani? Prej dekadash, Irani ka ndërtuar një rrjet të gjerë kapacitetesh ushtarake brenda vendit dhe përmes aleatëve të tij në Lindjen e Mesme, pikërisht për […]

The post Irani në “udhëkryq” pas bombardimeve: A do të shpërthejë lufta e madhe në Lindjen e Mesme? appeared first on BoldNews.al.

Ministri i Jashtëm rus, Sergei Lavrov, ka paralajmëruar se nëse çdo shtet e interpreton sipas dëshirës së vet të drejtën për vetëmbrojtje, bota mund të rrëshqasë drejt një kaosi të plotë.

Në një intervistë për televizionin shtetëror rus, të cituar nga agjencia Ria Novosti, Lavrov komentoi situatën në Lindjen e Mesme duke u ndalur te sulmet e Izraelit ndaj Iranit. Ai nuk ka dhënë ende një qëndrim mbi sulmet e fundit të kryera nga Shtetet e Bashkuara të Amerikës.

Lavrov theksoi se një qasje e tillë selektive dhe e pavarur e përdorimit të forcës jashtë rregullave ndërkombëtare përbën rrezik për stabilitetin global.

The post ‘Bota rrezikon të zhytet në kaos’, ministri i Jashtëm rus: Interpretimi i lirë i vetëmbrojtjes… appeared first on Sot News | Lajme.

Zëvendësministri i jashtëm i Iranit ka deklaruar se Bashkimi i SHBA-së me sulmet izraelite do të shkaktonte “ferr për të gjithë rajonin”. Saeed Khatibzadeh tha se kjo nuk është lufta e Amerikës dhe nëse Presidenti i SHBA-së Donald Trump përfshihet, ai do të mbahet mend gjithmonë si një president që hyri në një luftë ku nuk i përket.

Ai tha se përfshirja e SHBA-së do ta shndërronte konfliktin në një “kënetë”, do të vazhdonte agresionin dhe do të vononte përfundimin e “mizorive brutale”. Komentet e tij erdhën pasi spitali Soroka në Izraelin jugor u godit gjatë një sulmi me raketa iraniane. Mediat shtetërore iraniane raportuan se sulmi kishte në shënjestër një vendndodhje ushtarake pranë spitalit dhe jo vetë objektin.

Ministria e Shëndetësisë e Izraelit tha se 71 persona u plagosën gjatë sulmit në Qendrën Mjekësore Soroka. Ndërkohë, ushtria izraelite tha se kishte shënjestruar centralet bërthamore të Iranit, përfshirë reaktorin “joaktiv” të ujit të rëndë në Arak dhe uzinën e Natanzit. Teherani nuk ka dhënë një përditësim mbi viktimat në Iran nga sulmet izraelite.

Sulmet e fundit vijnë në një kohë kritike. Të enjten, Shtëpia e Bardhë tha se Trump do të vendosë nëse SHBA-të do të përfshihen drejtpërdrejt në konflikt apo jo brenda dy javëve të ardhshme. Duke folur për BBC-në, Khatibzadeh këmbënguli se “sigurisht, diplomacia është opsioni i parë”, por tha se ndërsa bombardimet vazhdojnë “nuk mund të fillojmë asnjë negociatë”.

Ai i quajti vazhdimisht sulmet e Iranit ndaj Izraelit vetëmbrojtje sipas Nenit 51 të Kartës së OKB-së dhe tha “ne ishim në mes të diplomacisë” kur në një përshkallëzim të madh të konfliktit më 13 qershor, Izraeli nisi sulme ndaj centraleve bërthamore iraniane, duke vrarë disa gjeneralë të lartë dhe shkencëtarë bërthamorë.

Zëvendësministri i jashtëm e quajti konfliktin të pashkaktuar dhe të panevojshëm. Duke iu përgjigjur komenteve të përsëritura të Trump se konflikti mund të ishte shmangur nëse Irani do të kishte pranuar një marrëveshje bërthamore, Khatibzadeh tha se ata po negocionin derisa Izraeli “sabotoi” diskutimet duke nisur sulme ndaj Iranit.

“Ne po planifikonim të zhvillonim raundin e gjashtë të bisedimeve bërthamore në Muscat dhe në fakt ishim në prag të arritjes së një marrëveshjeje”, tha ai.

Ai gjithashtu kritikoi postimet dhe intervistat “konfuze dhe kontradiktore” të Trump në mediat sociale, të cilat sipas tij tregonin “se amerikanët kanë qenë të vetëdijshëm dhe kanë marrë pjesë” në konflikt. I dërguari special i SHBA-së, Steve Witkoff, dhe Ministri i Jashtëm iranian, Abbas Araqchi, thuhet se kanë folur në telefon disa herë që nga e premtja, në një përpjekje për të gjetur një zgjidhje diplomatike për krizën, raportoi Reuters.

Sipas tre diplomatëve që folën me agjencinë e lajmeve dhe kërkuan të mos identifikoheshin për shkak të ndjeshmërisë së çështjes, Araqchi tha se Teherani nuk do të kthehej në negociata nëse Izraeli nuk i ndalte sulmet.

Izraeli ka pretenduar se Irani kohët e fundit “ka ndërmarrë hapa për të armatosur” rezervat e tij të uraniumit të pasuruar, i cili mund të përdoret për termocentrale ose bomba bërthamore. Irani gjithmonë ka pretenduar se programi i tij bërthamor është tërësisht paqësor.

Të premten, Agjencia Ndërkombëtare e Energjisë Atomike (IAEA) organi mbikëqyrës bërthamor i OKB-së – tha se Irani kishte grumbulluar uranium të pasuruar deri në 60% pastërti një hap i shkurtër teknik larg gradës së armëve, ose 90% – për të prodhuar potencialisht bomba bërthamore./BBC

The post Ministri iranian: Bashkimi i SHBA-së me Izraelin do të shkaktonte ferr për rajonin appeared first on Lapsi.al.

Anëtarët e familjeve të stafit që punojnë në ambasadat e Britanisë së Madhe dhe Rusisë po largohen nga ambasadat në Izrael për shkak të rreziqeve të konsiderueshme që paraqet konflikti me Iranin.

“Anëtarët e familjes së stafit në Ambasadën Britanike në Tel Aviv dhe Konsullatën në Jerusalem janë tërhequr përkohësisht si masë paraprake”, tha Ministria e Jashtme Britanike në faqen e saj të internetit për këshilla udhëtimi në Izrael, duke shtuar: “Ambasada dhe konsullata vazhdojnë të kryejnë punë thelbësore, duke përfshirë ofrimin e shërbimeve për shtetasit britanikë.”

Më herët sot (18/06), ambasadori i Rusisë në Tel Aviv, Anatoly Viktorov, njoftoi se familjet e diplomatëve rusë ishin larguar nga territori izraelit.

“Praktikisht të gjithë bashkëshortët dhe fëmijët e punonjësve të ambasadës” u nisën dje, të martën, nëpërmjet Egjiptit “për t’u kthyer në atdheun e tyre”, tha Viktorov nëpërmjet transmetimit online Soloviev.

Në të njëjtën kohë, ai nuk e përjashtoi mundësinë që ambasada ruse të zhvendoset “në një vend më të sigurt pa u larguar nga Izraeli”, pas natës së gjashtë të përleshjeve midis izraelitëve dhe iranianëve.

Ambasada amerikane u mbyll

Ambasada amerikane në Jerusalem do të mbetet e mbyllur deri të premten (20/6) për arsye sigurie, ndërsa skenari i përfshirjes ushtarake amerikane në Iran intensifikohet.

“Për shkak të situatës së sigurisë dhe bazuar në rekomandimet” nga autoritetet ushtarake izraelite, “ambasada amerikane në Jerusalem do të jetë e mbyllur nga nesër ( sot, e mërkurë, 18 qershor) deri të premten (20 qershor)”, thuhet në një deklaratë të postuar në faqen e saj të internetit.

“Për shkak të situatës aktuale të sigurisë dhe konfliktit të vazhdueshëm midis Izraelit dhe Iranit, ambasada amerikane u ka kërkuar të gjithë punonjësve të qeverisë amerikane dhe anëtarëve të familjeve të tyre që të vazhdojnë të qëndrojnë të strehuar brenda dhe pranë banesave të tyre deri në njoftim të mëtejshëm”, thuhet në deklaratë.

Departamenti i Shtetit njoftoi dje, të martën (17/6), se po krijon një grup pune për të ndihmuar qytetarët amerikanë në Lindjen e Mesme të qëndrojnë të informuar rreth zhvillimeve në konflikt.
Autoritetet amerikane kanë lëshuar një direktivë që i këshillon amerikanët “të mos udhëtojnë” në Izrael, Irak dhe mbi të gjitha në Iran “në asnjë rrethanë”.

The post Tensionet në Lindjen e Mesme/ Familjet e diplomatëve largohen nga Izraeli, mbyllet edhe ambasada e SHBA-ve appeared first on Sot News | Lajme.

Kina ka evakuuar 791 qytetarë të saj nga Irani dhe ka filluar riatdhesimin e më shumë se 1,000 personave, tha zëdhënësi i Ministrisë së Jashtme, Guo Jiakun.

Në një konferencë të rregullt për shtyp në Pekin, Guo shpjegoi se operacionet u koordinuan nga ministria dhe ambasadat dhe konsullatat kineze në Iran, me bashkëpunimin e vendeve fqinje, përfshirë Azerbajxhanin dhe Turkmenistanin.

Ai theksoi se në të njëjtën kohë, disa qytetarë kinezë u evakuuan edhe nga Izraeli./ The Guardian

The post Tensionet në Lindjen e Mesme/ Ministria e Jashtme e Kinës: Janë evakuuar 791 qytetarë nga Irani dhe Izraeli appeared first on Sot News | Lajme.

Vitet e fundit, Irani është dalluar mbi të gjitha për një gjë: rrallë ka qenë vetëm në konflikte. Me para të bollshme, furnizime me armë dhe trajnim ushtarak, Teherani ka ndërtuar një rrjet aleatësh shiitë në rajon në dekadat e fundit, të cilët nuk kanë hezituar të ndërhyjnë për të ashtuquajturin Bosht të Rezistencës kundër Izraelit. Ndikimi rajonal […]

The post Tensionet në Lindjen e Mesme/ DW: Ku janë aleatët rajonalë të Iranit? appeared first on BoldNews.al.

Kancelari gjerman, Friedrich Merz, ka shprehur mbështetje të fuqishme për Izraelin dhe për fushatën e tij ushtarake kundër Iranit, gjatë një deklarate për mediat gjermane në kuadër të samitit të G7, që po zhvillohet këtë vit në Kanada.

“Kjo është puna e ndyrë që Izraeli po e bën për të gjithë ne,” u shpreh Merz në një intervistë për transmetuesin ZDF, duke e konsideruar regjimin iranian si një kërcënim global.
“Edhe ne jemi viktima të këtij regjimi. Ky regjim i mullahëve i ka sjellë botës vdekje dhe shkatërrim,” theksoi ai.

Merz sugjeroi se sulmet izraelite mund të kenë potencialin të rrëzojnë udhëheqësinë aktuale të Republikës Islamike.
“Besoj se sulmet e ditëve të fundit e kanë dobësuar regjimin e mullahëve dhe nuk e shoh që do të mund t’i kthehen forcës së dikurshme, duke e bërë të ardhmen e shtetit më të paqartë,” u shpreh ai.
“Për të qenë i sinqertë, e kam vështirë të imagjinoj se regjimi i mullahëve do t’iu kthehet funksioneve të vjetra. Figura të mëdha të udhëheqësisë ushtarake dhe Gardës Revolucionare Islamike nuk janë më gjallë dhe gjërat nuk do të jenë siç ishin.”

I pyetur për mundësinë e përfshirjes së Shteteve të Bashkuara në këtë fushatë ushtarake, Merz tha:
“Besoj që nuk ka ende një vendim nga Qeveria amerikane. Tani varet se sa do të jetë gati regjimi i mullahëve për t’u kthyer në tavolinën e negociatave. Nëse jo, atëherë mund të ketë zhvillime të këtij lloji.”

Izraeli ka nisur të premten një fushatë ajrore të gjerë duke goditur qendra ushtarake dhe bërthamore brenda Iranit, me qëllim pengimin e këtij vendi të arrijë të zotërojë armë bërthamore.
Kryeministri izraelit, Benjamin Netanyahu, ka deklaruar se fushata mund të ketë objektiva më të gjera se thjesht çështja bërthamore, duke thënë se Izraeli “po ndryshon fytyrën e Lindjes së Mesme” dhe kjo mund të çojë në “ndryshime radikale” brenda Iranit.

Netanyahu ka sugjeruar se vrasja e liderit suprem të Iranit do t’i jepte fund konfliktit.

Ndërkohë, liderët e G7 kanë bërë thirrje për ulje tensionesh, duke riafirmuar të drejtën e Izraelit për vetëmbrojtje, por duke kërkuar që civilët të mbrohen në të dyja anët e konfliktit.

The post Konflikti në Lindjen e Mesme, kancelari gjerman: Mbështetje e fortë për fushatën ushtarake kundër Iranit appeared first on Sot News | Lajme.

Ushtria izraelite ka deklaruar se do të përmbushë objektivat e saj për shkatërrimin e programit bërthamor të Iranit brenda një deri në dy javësh. Sipas zyrtarëve të Forcave të Mbrojtjes së Izraelit (IDF), operacioni është fokusuar në eliminimin e kërcënimit që përfaqëson programi bërthamor dhe arsenali raketor i Republikës Islamike.

Deri tani, IDF ka goditur dy qendra kyçe të pasurimit bërthamor në Natanz dhe Isfahan, duke shkaktuar dëme të konsiderueshme. Izraeli pretendon se ka vrarë të paktën nëntë shkencëtarë bërthamorë të përfshirë në zhvillimin e një bombe atomike, si dhe ka shkatërruar struktura mbështetëse, përfshirë zyra dhe qendra komanduese.

Megjithëse objekti i Fordo-s, një qendër nëntokësore bërthamore, nuk është goditur ende, ai është në listën e objektivave të IDF. Ministri izraelit i Mbrojtjes, Israel Katz, ka paralajmëruar se kjo çështje “do të trajtohet”.

Gjithashtu, rreth 40% e lëshuesve të raketave balistike të Iranit – rreth 200 njësi – janë shkatërruar ose neutralizuar, çka ka ndikuar ndjeshëm në uljen e intensitetit të sulmeve ndaj Izraelit.

IDF raporton se ka eliminuar dhjetëra komandantë të ushtrisë iraniane dhe Gardës Revolucionare, përfshirë shumicën e udhëheqjes së tyre të lartë. Zyrtarët ushtarakë theksojnë se janë vrarë trefishi i komandantëve të parashikuar fillimisht në planin e operacionit.

Kjo ofensivë vjen në një kohë tensionesh të larta në Lindjen e Mesme dhe rrezikon të përshkallëzojë më tej konfliktin rajonal.

The post Izraeli: Brenda dy javësh asgjësojmë programin bërthamor të Iranit appeared first on Lapsi.al.

Në sulmet e tij ajrore në të gjithë Iranin, Izraeli thuhet se vrau udhëheqës të lartë ushtarakë, si dhe figura të shquara në programin bërthamor të vendit. Gjithashtu, duket se Izraeli E degradoi më tej mbrojtjen ajrore iraniane, goditi objektiva të tjera ushtarake dhe sulmoi të paktën një bazë të lidhur me armët bërthamore – […]

The post Lufta e Re e Lindjes së Mesme appeared first on Reporter.al.

Liderët evropianë në samitin e G7 në Kanada duan që Donald Trump të sqarojë besimin e tij se Izraeli dhe Irani do arijnë një marrëveshje që do sjellë “paqë së shpejti”, një pretendim që ai nuk e ka të bazuar plotësisht. Me rritjen e përplasjes ushtarake dhe viktimave nga të dyja palët, liderët evropianë synojnë t’i kërkojnë Trump-it strategjinë e tij të plotë ndaj Iranit, duke kërkuar të dijnë nëse do përdorë ndikimin ndaj Izraelit për të arritur një armëpushim, apo do lejojë që lufta të vazhdojë.

Trump ka sugjeruar se një armëpushim mund të jetë afër, edhe pse Izraeli duket i vendosur të godasë jo vetëm programin bërthamor të Iranit, por edhe infrastrukturën e tij të sigurisë. Një rikthim në negociata do të mundësonte rifillimin e bisedimeve amerikane me Iranin mbi programin civil bërthamor, të anuluara për shkak të sulmit të Izraelit, ku pengesë kryesore mbetet kërkesa e SHBA-së që Irani të heqë dorë nga pasurimi i uraniumit brenda vendit.

Mundësia për një deklaratë të përbashkët G7 për de-përshkallëzim ekziston, por ekzistojnë dallime brenda vetë Grupit: Gjermania mbështet më shumë Izraelin, ndërsa Japonia është kritike.

Armiqësitë mes Izraelit dhe Iranit, dhe potenciali i tyre për të përmbysur ekonominë botërore, fillimisht kanë zëvendësuar axhendën e samitit të G7-s, e cila pritej të dominohej nga mosmarrëveshjet mbi luftën në Ukrainë dhe tarifat amerikane.

Për të shmangur konfliktin publik, Kanadaja, mikpritësja e samitit, ka hequr dorë nga ideja e një komunikate të përbashkët, dhe dëshiron që të shtatë liderët të fokusohen në linjat e furnizimit me minerale kritike, inteligjencën artificiale, Kinën dhe sigurinë energjetike.

Në një jehonë të afërt me përpjekjet kryesisht të pasuksesshme të Evropës për ta bërë Trump-in më të vendosur në kërkesën për një armëpushim nga Rusia në Ukrainë, liderët evropianë duan të shohin nëse presidenti amerikan ka një plan për de-përshkallëzimin e konfliktit, përtej dobësimit të Iranit nga Izraeli në mënyrë që ai të detyrohet të kthehet në tryezën e negociatave. Deri tani ata kanë gjetur mesazhet e Uashingtonit kontradiktore.

Presidenti francez, Emmanuel Macron; kancelari gjerman, Friedrich Merz; kryeministri kanadez, Mark Carney; dhe kryeministri britanik, Keir Starmer, po përpiqen të gjejnë një vijë të përbashkët për Iranin që shkon përtej thirrjeve të gjera për de-përshkallëzim dhe vetëpërmbajtje. Vetëm Macron ka marrë pjesë më parë në një samit të G7.

Në rrugën drejt samitit, që nis zyrtarisht të hënën, Merz bëri thirrje që diplomacisë t’i jepet hapësirë por tha se Irani nuk duhet të ketë armë bërthamore dhe i bëri thirrje që të ndalë bombardimet mbi objektiva civile në Izrael.

Starmer foli me udhëheqës të Emirateve të Bashkuara Arabe, shteti i Gjirit me lidhjet më të ngushta me Izraelin. Emiratet dyshojnë se sulmi i Izraelit do të sjellë rrëzimin e regjimit iranian, por ndërsa epërsia ajrore dhe e inteligjencës së Izraelit bëhet më e dukshme, Izraeli është më i hapur që ky është momenti për iranianët që ta përfundojnë regjimin.

Franca, Gjermania dhe Britania, më parë të përfshira ngushtë në bisedimet për programin bërthamor të Iranit, janë lënë jashtë nga Trump-i, i cili ka këmbëngulur në kërkimin e një marrëveshjeje dypalëshe me Iranin.

Me kaq shumë çështje urgjente në axhendë, Evropa do të jetë e kujdesshme në vendimin se sa kapital politik të shpenzojë për të shtyrë Trump-in të kërkojë një armëpushim.

Ministri i jashtëm i Iranit, Abbas Araghchi, ka thënë se sulmet e Izraelit kishin për qëllim të sabotonin diplomacinë dhe se kundërsulmet e Iranit do të ndalen sapo të përfundojë breshëria izraelite. “Nëse agresioni ndalon, do të ndalojë edhe reagimi ynë,” informoi Araghchi diplomatët e huaj në Teheran të dielën.

Teherani mohoi një pretendim nga Qiproja se ishte kërkuar të dërgonte mesazhe private në SHBA, apo se u kishte thënë ndërmjetësve se bisedimet që duhej të zhvilloheshin në Oman do të kishin qenë produktive.

Trump, siç ka bërë edhe më parë, ka folur herë ashpër e herë butë, duke lavdëruar ofensivën izraelite si të shkëlqyer ndërsa ka mohuar akuzat iraniane se SHBA ka marrë pjesë në sulme, një garanci që Irani nuk e gjen të besueshme. Ai i tha Teheranit që të mos e zgjerojë hakmarrjen përfshirë objektiva apo interesa amerikane.

Duke folur pas një telefonate me presidentin rus, Vladimir Putin, ai tha: “Mund të arrijmë lehtësisht një marrëveshje mes Iranit dhe Izraelit, dhe ta përfundojmë këtë konflikt të përgjakshëm.” 

Ai nuk dha detaje, por pika e bllokimit në bisedime ka qenë nëse SHBA do t’i lejonte Iranit të ruajë një program minimal pasurimi të uraniumit në vend.

Frika e Evropës është se konflikti po del shpejt jashtë kontrollit, dhe se qëllimi i qeverisë izraelite nuk është vetëm të zhdukë çdo gjurmë të objekteve bërthamore të Iranit por edhe të tentojë të nxisë ndërrim regjimi në Teheran. Izraeli e ka mohuar këtë.

Sir Richard Dearlove, ish-shefi i MI6, tha: “Mendoj se ndërrimi i regjimit është në lojë. Mendoj se izraelitët do të heqin liderin suprem nëse munden, siç hoqën [udhëheqësin e Hezbollahut] Hassan Nasrallah në Bejrut.” 

Do të ketë presion të shtuar mbi udhëheqjen aktuale të Iranit që të bindet se vetëm armët bërthamore mund ta mbrojnë Iranin, duke e bërë më të mundshëm që Perëndimi të mbështesë një përpjekje për të rrëzuar regjimin teokratik.

Me “boshtin e rezistencës”, apo strategjinë e mbrojtjes së përparuar, në kaos për shkak të sulmeve ndaj Hamasit dhe Hezbollahut, dhe me Izraelin që gëzon pothuajse paprekshmëri në hapësirën ajrore mbi Iran, Teherani mbetet i varur nga rezervat e raketave dhe siguria e objektit bërthamor Fordow të ndërtuar thellë nën malet në verilindje të Qom-it.

The Guardian, përshtati në shqip ©LAPSI.AL 

The post Samiti i G7 i kapur nga lufta në Lindjen e Mesme dhe paqartësia e Trump appeared first on Lapsi.al.

Britania e Madhe po zhvendos mjete ushtarake në Lindjen e Mesme, përfshirë avionë luftarakë, në përgjigje të tensioneve të fundit midis Iranit dhe Izraelit. Lajmin e bëri të ditur kryeministri britanik Keir Starmer, ndërsa udhëtonte drejt Kanadasë për samitin e G7-ës, sipas raportimeve të BBC.

“Ne po zhvendosim mjete në rajon, përfshirë avionë luftarakë, dhe kjo është për mbështetje emergjente,” u shpreh Starmer para gazetarëve që udhëtonin me të.

Britania aktualisht ka avionë luftarakë RAF të pozicionuar në zonë si pjesë e Operacionit Shader, i cili mbështet luftën kundër ekstremizmit në Lindjen e Mesme.

Kryeministri britanik theksoi se situata është duke ndryshuar me shpejtësi dhe se Londra është në konsultime të vazhdueshme me aleatët ndërkombëtarë. “Mesazhi ynë i pandryshuar është që tensionet të ulen sa më shpejt të jetë e mundur”, theksoi Starmer.

The post Lufta Izrael-Iran, Britania dërgon avionë luftarakë në Lindjen e Mesme appeared first on Sot News | Lajme.

Kryeministri britanik Keir Starmer tha në mesazhin e tij të Krishtlindjes se shpreson për paqen në botë dhe veçanërisht në Lindjen e Mesme, e cila, sipas tij, është burimi i historisë së Krishtlindjes.

Në mesazhin e tij të parë për Krishtlindje si kryeministër, Starmer tha se pret një “të ardhme më të mirë, më të ndritshme”, raportoi Sky News.

“Është koha për të kujtuar atë që është me të vërtetë e rëndësishme.” Familja. miqësi. Dhe bashkim mes të gjithë njerëzve”, u shpreh Starmer.

Ai posaçërisht falënderoi ata që Krishtlindjet këtë vit do t’i kalojnë duke u shërbyer të tjerëve, punonjësit e shërbimeve shëndetësore emergjente, forcat e armatosura dhe organizatat bamirëse.

“Për shkak se të krishterët festojnë lindjen e Jezu Krishtit, historia e Krishtlindjeve na kujton të gjithëve që t’i afrohemi njëri-tjetrit. Të kujdesemi për njëri-tjetrin”, tha Starmer./abcnews.al

Ushtria e Sirisë ka njoftuar një “tërheqje të përkohshme të trupave” në qytetin veriperëndimor të Aleppos, ku grupet rebele nisën një ofensivë të befasishme kundër qeverisë vendase për herë të parë në vite.

Ushtria tha të shtunën se dhjetëra ushtarë të saj ishin vrarë ose plagosur në betejat e ashpra me “organizatat e armatosura terroriste” në qeveritë e Aleppos dhe Idlib gjatë ditëve të mëparshme dhe se tani po rigrupohej, duke tërhequr përkohësisht trupat me qëllim forcimin e linjave të mbrojtjes teksa për përgatiten për një kundërsulm.

Në një komunikim për media, përfaqësuesit e Sirisë treguan se sulme të ashpra po ndodhin në disa fronte të Apepos me një shtrirje që kalon 100km. Gjithashtu ushtria siriane është zotuar për një përgjigje të ashpër kundër forcave relebe islamike teksa premton rivendosjen e kontrollit të Aleppo.

Kjo deklaratë shënoi pranimin e parë publik të ushtrisë siriane se luftëtarët e opozitës të udhëhequr nga grupi Hay’et Tahrir al-Sham (HTS) kishin hyrë në “pjesë të mëdha të lagjeve” të Aleppos në sulmin e rrufeshëm që filloi në fillim të kësaj jave.

The post Lindje e Mesme/ Sulmi i xhihadistëve, ushtria siriane pranon disfatën, bën lajmërimin që askush se priste appeared first on Sot News | Lajme.

Lideri suprem i Iranit, që mbështet dy grupet që po luftojnë kundër Izraelit në Gazë dhe Liban, tha se duhet që udhëheqësve izraelitë t’iu shqiptohen dënime me vdekje, e jo t’iu lëshohen fletarrestime.
Ajatollah Ali Khamenei i bëri këto deklarata teksa po komentonte fletarrestimet e lëshuara nga Gjykata Ndërkombëtare Penale më 21 nëntor për kryeministrin Izraelit, Benjamin Netanyahu, ish-ministrin e tij të Mbrojtjes dhe një udhëheqës ushtarak të Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

“Ata lëshuan fletarrestime. Ato nuk mjaftojnë… Duhet të shqiptohen dënime me vdekje për këta udhëheqës kriminalë”, tha Khamenei, duke iu referuar udhëheqësve izraelitë.
Në vendimin e tyre, gjyqtarët thanë se ka prova të bazuara për të besuar se Netanyahu dhe Yoav Gallant kanë përgjegjësi penale për aktet që përfshijnë vrasje, përndjekje dhe përdorimin e urisë si armë të luftës, si pjesë e “sulmit të gjerë dhe sistematik kundër popullatës civile në Gazë”.

Vendimi i GJNP-së shkaktoi zemërim në Izrael, shtet që e quajti këtë vendim absurd. Banorët e Gazës u shprehën se fletarrestimet mund të ndihmojnë në ndaljen e dhunës dhe të sjellin para drejtësisë përgjegjësit për krimet.
Izraeli ka thënë se GJNP-ja, me seli në Hagë, nuk ka juridiksion dhe ka mohuar se kryen krime të luftës në Gazë.

Fletarrestimi për udhëheqësin e Hamasit, Ibrahim Al-Mastri, thotë se ai akuzohet për vrasje masive gjatë sulmit të 7 tetorit 2023 kundër Izraelit, që nxiti luftën në Gazë. Ai po ashtu akuzohet për përdhunim dhe marrje të pengjeve.
Masri, i njohur edhe si Mohammed Deif, në korrik u raportua se u vra gjatë një sulmi izraelit. Por, Hamasi nuk e ka konfirmuar e as mohuar këtë gjë./ REL

The post Haga kërkon Netanyahun, Khamenei për fletarrestimet e GJNP-së: Këto nuk mjaftojnë për të ndalur krimet në Gazë appeared first on Sot News | Lajme.

Papa Françesku për herë të parë ka folur për akuzat se Izraeli po kryen “gjenocid” kundër palestinezëve në Gazë.
Ai në librin e tij që pritet të dalë së shpejti ka bërë thirrje për hetim të mëtejmë lidhur me atë nëse veprimet e Izraelit në Rripin e Gazës konsistojnë me krimin e gjenocid.
Në librin e titulluar “Shpresa kurrë nuk zhgënjen.

Pelegrinët drejt një bote më të mirë”, Papa flet për luftën në Gazë që nisi më 7 tetor 2023, pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – sulmoi jugun e Izraelit.
“Sipas disa ekspertëve, ajo që po ndodh në Gazë ka karakteristikat e gjenocidit”, shkroi kreu i Kishës Katolike në ekstraktin e publikuar më 17 nëntor nga e përditshmja italiane, La Stampa.
“Kjo duhet të studiohet me kujdes në mënyrë që të përcaktohet nëse situata korrespondon me përkufizimin e formuluar nga juristit e organizatave ndërkombëtare”, shtoi ai.

Papa shpesh ka kritikuar numrin e lartë të viktimave të shkaktuara nga operacionet ushtarake të Izraelit në Gazë, teksa Ministria e Shëndetësisë në Gazë ka thënë se afër 44.000 persona janë vrarë që kur ka nisur lufta, shumica nga ta civilë.
Por, thirrja e tij për të hetuar nëse në Gazë po kryhet gjenocid paraqet herën e parë që Papa përmend termin gjenocid në kontekstin e operacioneve ushtarake të Izraelit në territorin palestinez.

Më herët gjatë javës, një Komitet i posaçëm i Kombeve të Bashkuara tha se metodat e luftës së Izraelit në Gazë “përkojnë me karakteristika të gjenocidit”, duke e akuzuar Izraelin se “po përdor urinë si metodë të luftës”.
Këto përfundime janë kundërshtuar nga SHBA-ja, mbështetësja kryesore e Izraelit.
Megjithatë, kjo nuk është hera e parë që Izraeli është përballur me akuza për gjenocid që kur ka nisur lufta.

Afrika e Jugut ka iniciuar një rast për gjenocid para Gjykatës Ndërkombëtare të Drejtësisë dhe padia është mbështetur nga disa shtete, përfshirë Turqia, Spanja dhe Meksika.
Papa Françesku vazhdimisht ka bërë thirrje për lirimin e pengjeve që Hamasi mori gjatë sulmit në Izrael.
Gjatë sulmit të 7 tetorit të vitit të kaluar, Hamasi vrau afër 1.200 persona dhe rrëmbeu afër 250 të tjerë. Afër 100 pengje besohet se ende janë në Gazë./REL

The post Lindje e Mesme/ Papa Françesku kërkon të hetohet nëse në Gazë po kryhet gjenocid appeared first on Sot News | Lajme.

Forcat amerikane kanë kryer sulme kundër caqeve të lidhura me një grup në Siri, që mbështetet nga Irani, tha ushtria e Shteteve të Bashkuara. Ndërkaq, një grup monitorues tha se nga sulmet amerikane janë vrarë pesë luftëtarë.
Këto sulme ishin në përgjigje të një sulmi me raketa ndaj trupave amerikane në Siri, tha Komanda Qendrore amerikane (CENTCOM).

Sulmet kishin për shënjestër “një depo të armëve dhe një seli të logjistikës… në përgjigje të një sulmi me raketa ndaj personelit amerikan”, tha CENTCOM përmes një postimi në rrjetet sociale, por nuk identifikoi grupin e sulmuar.
“Nuk kishte dëme në ndërtesat e SHBA-së e as të plagosur në mesin e personelit amerikan apo të forcave partnere gjatë këtij sulmi”, shtoi CENTCOM.

Vëzhguesi sirian për të Drejtat e Njeriut, grup që monitoron luftën në Siri, tha se “pesë luftëtarë proiranianë u vranë dhe disa të tjerë u plagosën, pasi u goditën nga avionët luftarakë amerikanë” në një nga bazat e tyre në qytetin e Albukamalit, në provincën lindore siriane të Deir Ezorit.
Të hënën, forcat amerikane bombarduan nëntë caqe që ishin të lidhura me grupet e mbështetura nga Irani, në përgjigje të sulmeve të fundit me raketa dhe dronë, tha Pentagoni.

Vëzhguesi tha se nga këto sulme u vranë katër anëtarë të grupeve besnike ndaj Iranit.
Ushtria amerikane ka afër 900 trupa në Siri dhe 2.500 në Irak si pjesë e koalicionit ndërkombëtar që u krijua më 2014 për të ndihmuar në luftimin e grupit ekstremist, Shteti Islamik.
Që kur ka nisur lufta në Gazë tetorin e vitit të kaluar, grupet proiraniane vazhdimisht kanë shënjestruar forcat amerikane në Siri dhe Irak, në përgjigje për mbështetjen që Uashingtoni i ofron Izraelit.
Në shumë raste, SHBA-ja u është përgjigjur këtyre sulmeve, duke kryer sulme ndaj grupeve që mbështeten nga Teherani.

The post Lindje e Mesme/ Sulme ajrore amerikane në Siri, pesë luftëtarë proiranianë të vrarë appeared first on Sot News | Lajme.