TIRANË, 6 gusht /ATSH/ Deputetja e Partisë Demokratike, Jorida Tabaku, akuzoi qeverinë në lidhje me mbështetjen për bujqësinë, duke theksuar se politika aktuale e TVSH-së po i penalizon fermerët shqiptarë. Sipas saj importuesit e mëdhenj po blejnë jashtë vendit, duke lënë pas dore produktet vendase.

“Duke pasur një diferencë të TVSH në hyrje dhe në dalje pra të fermerit të vogël dhe të importuesit të madh e gjithë kjo diferencë TVSH-je kthehet në një supertaksë për fermerin. Pra diferenca 0%, 10%, 20% konsiderohet si një taksë dhe të gjithë importuesit e mëdhenj preferojnë më mirë që të marrin jashtë, sesa të blejnë nga fermeri shqiptar”, tha Tabaku.

Deputetja demokrate theksoi nëpermjet një video të publikuar në rrjetet sociale se opozita ka propozuar që TVSH-ja në bujqësi të unifikohet në 6%, si në hyrje ashtu edhe në dalje, për të ndihmuar formalizimin e sektorit.

“Për këtë arsye kemi propozuar me ligje që taksa në bujqësi, TVSH-ja në bujqësi të jetë e njëjtë në hyrje dhe në dalje dhe të jetë në vlerën 6% në mënyrë që të formalizohet i gjithë sektori”, u shpreh Tabaku.

Tabaku tha më tej se “dëgjon ministrat e qeverisë që kanë dalë dhe po nxisin fermerët që të marrin kredi për investime në bujqësi. Pse duhet të marrë fermeri kredi në bujqësi kur kishte fondet e IPARD dhe u dogjën!! Çfarë vlere ka kredia në bujqësi, kur sot ka rënë prodhimi në bujqësi, kur pjesa më e madhe e produkteve janë duke u importuar nga jashtë, për çfarë i duhet një fermeri në mes të sezonit të verës, kur janë duke i përfunduar të gjithë të vjelurat e stinës të marrë një kredi”.

Sipas saj, bujqësia ndodhet në krizë të thellë për shkak të politikave të qeverisë.

“Bujqësia sot ndodhet në një situatë të vështirë edhe për shkak të këtyre politikave, politikës së taksës, politikës së mbështetjes së bujqësisë dhe politikës së shpërndarjes së fondeve”, tha Tabaku.

/m.q//a.f/

The post Tabaku: TVSH-ja në bujqësi të jetë e njëjtë në hyrje dhe në dalje në nivelin 6% appeared first on Agjencia Telegrafike Shqiptare.

Deputetja demokrate Jorida Tabaku thotë se bujqësia shqiptare po vuan nga politika tatimore e gabuar, konkretisht rritja e TVSH-së në 20%. Sipas saj, kjo rritje ka prodhuar informalitet dhe ka nxjerrë jashtë tregut fermerët e vegjël. “Nëse duam një model ekonomik që funksionon për fshatin, duhet të kthejmë TVSH-në në nivelet e mëparshme – në […]

The post “Bujqësia po shkatërrohet nga TVSH 20%”, Tabaku: Duhen politika tatimore, përndryshe fshati do vdesë appeared first on BoldNews.al.

Deputetja e Partisë Demokratike, Jorida Tabaku thotë se bujqësia shqiptare po vuan nga politika tatimore e gabuar, konkretisht rritja e TVSH-së në 20%. Sipas saj, kjo rritje ka prodhuar informalitet dhe ka nxjerrë jashtë tregut fermerët e vegjël. “Nëse duam një model ekonomik që funksionon për fshatin, duhet të kthejmë TVSH-në në nivelet e mëparshme […]

The post “Bujqësia po shkatërrohet nga TVSH 20%”- Tabaku: Duhen politika tatimore që ndihmojnë prodhimin vendas dhe fuqizojnë prodhuesit e vegjël appeared first on FaxWeb.

TIRANË, 1 gusht /ATSH/ Agrobiznesi është i përjashtuar nga TVSH-ja për importin e makinerive dhe pajisje në funksion të realizimit të kontratave të investimit të tyre, pavarësisht nga vlera e investimit.

Për të përfituar përjashtim nga TVSH-ja në importin e makinerive dhe pajisjeve, subjektet agropërpunuese duhet të aplikojnë përmes e-Albanias.

Portali i qeverisë e-Albania ndau në rrjete sociale hapat që ndiqen duke aplikuar në  zgjedhjen e shërbimit “Makineri dhe pajisje në funksion të realizimit të kontratave të investimit në sektorin e agrobiznesit, pavarësisht nga vlera e investimit”.

Më pas duhet të plotësohet formulari dhe të ngarkohen dokumentet e kërkuara.Kopje e planit të investimit dhe preventivi. 

Nëse aplikimi i plotëson kushtet mundësohet hedhja e autorizimit në sistem.

Autorizimi “Makineri dhe pajisje në funksion të realizimit të kontratave të investimit në sektorin e agrobiznesit, pavarësisht nga vlera e investimit” është një autorizim që i jepet operatorit ekonomik i cili vepron në fushën e agrobiznesit. Me anë të këtij autorizimi operatori përfiton nga përjashtimi i pagesës së TVSH-së në momentin e importimit. Makineritë dhe pajisjet që përfitojnë nga ky përjashtim janë të listuara në Aneksin e bazës ligjore të mëposhtme.

E- Albania publikoi linkun ku aplikohet teksa njoftoi se, koha për marrjen e shërbimit është 15 ditë dhe dokumenti mbërrin elektronikisht tek rubrika “Dokumentet e mia” dhe në email.

https://e-albania.al/eAlbaniaServices/UseService.aspx…

/e.xh//a.f/

The post Makineritë bujqësore pa TVSH, hapat për të përfituar agrobiznesi appeared first on Agjencia Telegrafike Shqiptare.

TIRANË, 24 korrik/ATSH/ Gjatë periudhës janar-qershor të këtij viti, të ardhurat nga Tatimi mbi Vlerën e Shtuar (TVSH) kanë shënuar rritje krahasuar me të njëjtën periudhë të një viti më parë, ndërkohë që rimbursimet për bizneset janë realizuar në vlerën 11.1 miliardë lekë.

Sipas të dhënave zyrtare, të ardhurat nga TVSH në import u realizuan në shumën 75.9 miliardë lekë, 674 milionë lekë ose 0,9% më shumë se periudha janar- qershor 2024.

Ndërkohë, të ardhurat nga TVSH e arkëtuar neto arritën në 33.2 miliardë lekë, me një rritje prej 5.7 miliardë lekësh ose 20,8% më shumë se një vit më parë.
Krahasuar me planin e periudhës, ky tregues është realizuar me rritje prej 918 milionë lekësh, ose 2,8%.

Rimbursimet e TVSH-së për gjashtëmujorin e parë të vitit 2025 arritën në 11.1 miliardë lekë. Kthimi i TVSH-së për tatimpaguesit kontribuon në likuiditetin dhe funksionimin e tyre të rregullt. /j.p/

The post Rriten të ardhurat nga TVSH-ja, rimbursimet arrijnë në 11.1 miliardë lekë appeared first on Agjencia Telegrafike Shqiptare.

Në 14 korrik të vitit 2016, një vajzë e re e quajtur Laura Saro themeloi një kompani të quajtur PCG me objekt konsulencë dhe asistencë ligjore. Pak muaj pas themelimit, zonja Saro vendosi që 49 për qind të aksioneve të shoqërisë së sapokrijuar t’i shiste tek avokati Besnik Çerekja. Dhe biznesi filloi të lulëzonte. Në […]

The post Pikëpyetjet e Bankers/ Nga rryshfeti për TVSH-në, tek ulja e çmimit të energjisë nga ERE dhe PCG e drejtorëshës së AIDA-s appeared first on BoldNews.al.

Pas përfundimit të aksionit për kontrollin e tregtimit me faturë të produkteve blegtorale, qeveria po përgatitet të rikthejë një skemë kompensimi për fermerët, nëpërmjet rimbursimit të TVSH-së në nivelin 10%.

Sipas burimeve për Monitor, është gati një projektligj i ri, i cili parashikon që kompensimi për fermerët të aplikohet duke nisur nga viti 2026, si pjesë e një reforme më të gjerë për formalizimin e zinxhirit agroushqimor dhe uljen e kostove për prodhuesit vendas.

Deri tani, në rang vendi rezultojnë të regjistruar 100 mijë fermerë të pajisur me NIPT që kanë të drejtë të shesin te përpunuesi, grumbulluesi apo supermaketet produktet e veta, pa faturë TVSH-je, por nëpërmjet autofaturës që plotësohet prej blerësit.

Skema e TVSH-së së rimbursueshme që përfitohej prej përpunuesve, u hoq plotësisht në vitin 2022. Pas heqjes së saj, ku fermeri përfitonte tregtimin e produkteve me çmim të leverdisshëm, u rrit kostoja e prodhimit, sepse TVSH-ja e paguar nuk kreditohet më dhe bëhet pjesë e kostos së lëndës së parë.

Deri në vitin 2017, rimbursimi i TVSH-së për përpunuesit ishte 20%, ç`ka do të thotë se psh,. për çdo blerje të qumështit me faturë tatimore nga fermeri, përpunuesi mund të kreditonte këtë vlerë në TVSH-në e zbritshme.

Kjo skemë e bënte ekonomikisht të leverdishme blerjen edhe me çmim të lartë për fermerin dhe siguronte marzh të qëndrueshëm fitimi për industrinë.

Nga viti 2019 deri në 2022, skema ndryshoi. TVSH-ja në blerje (nga fermerët) u ul në 6%. Ndërsa TVSH-ja në shitje e produkteve të bulmetit mbeti 20%.

Kjo krijoi një pabarazi fiskale, pasi industria paguante më shumë në dalje sesa kreditonte në hyrje.

Prej vitit 2022, skema e TVSH-së së kreditueshme u heq plotësisht, duke vendosur 0% TVSH të zbritshme për blerjet e qumështit nga fermerët.

Shoqata e Industrisë së Përpunuesve të Qumështit, propozoi që skema të harmonizohej me praktikat e rajonit, ku TVSH-ja e blerjes dhe e shitjes të unifikohej në 6% ose 9%, për të shmangur pabarazitë tatimore.

Skema e vjetër të zëvendësohej me një mekanizëm neutral fiskal, jo penalizues për përpunuesin. Ky propozim nuk u pranua nga Ministria e Financave në buxhetin e vitit 2022.

Në vend të rimbursimit të TVSH-së, qeveria aplikoi subvencione direkte deri në 10,000 lekë për krerë bagëtie/lopë për fermerët.

Por përpunuesit në atë kohë theksuan se skema e subvencioneve, nuk do të ketë efekt të të drejtpërdrejtë në uljen e kostos së lëndës së parë për industrinë. Nuk garanton formalizimin, sepse nuk është e lidhur me volumin real të qumështit të shitur.

Ndryshe nga rajoni, ku subvencionet jepen për litër qumësht të prodhuar e dorëzuar, në Shqipëri mungon kjo logjikë e orientuar drejt prodhimit të formalizuar.

Situata me heqjen e TVSH-së së kreditueshme, kostot e larta të ushqimit të kafshëve nga fragmetizimi i tokave dhe mungesës së vaditjeve krijuan një zinxhir pasojash në sektor, duke ulur ndjeshëm volumin e përpunimit dhe duke vënë në rrezik vazhdimësinë e kapaciteteve prodhuese, ndërkohë që tregu po përballet me konkurrencë gjithnjë e më të fortë të mallrave të gatshme që vijnë nga importi.

Po ashtu për shkak të çmimit më të lirë të shitjes së qumështit jashtë, importet vijojnë të jenë në nivele të larta, pasi qumështi i prodhuar nga fermat e huaja po përdoret, kryesisht në sezonin e verës si lëndë e parë për përpunuesit vendas.

Në periudhën janar-prill 2024, u importuan 6 mln litra qumësht sipas të dhënave të Doganave. Kjo ishte sasia më e larta e qumështit e importuar prej 2016-s.

Për janar-prill 2025 u importuan 5,1 mln litra qumësht. Krahasuar me të njëjtën periudhë të vitit të kaluar importet janë ulur 15,4%.

Çfarë synon aksioni?

Nisja prej 14 korrikut të aksionit të tatimorëve për kontrollin e zinxhirit të tregtimit të mallrave blegtorale nga fermeri drejt grumbulluesit dhe konsumatorit final, shkaktoi paqartësi te fermerët në radhë të parë dhe grumbulluesit ku nisën t’i kërkonin njëri-tjetrit fatura fiskale, teksa mes tyre transaksionet dokumentohet me autofaturim të blerësit.

Po ashtu, inspektorët tatimorë nisën të kërkonin origjinën e mallit edhe te tregtarët ambulantë.

Nisur nga situata Administrata Tatimore sqaroi për Monitor se fokusi i aksionit është forcimi i kontrollit në terren mbi lëshimin e autofaturës për tregtimin e produkteve blegtorale, ku rezulton informalitet i lartë në tregtimin e tyre, sidomos prej grumbulluesve dhe përpunuesve të mëdhenj.

Nëpërmjet këtij aksioni tatimet synojnë të rrisin të ardhurat, dhe të forcojnë sistemin për gjurmueshmërinë e mallit.

Pavarësisht nisjes së aksionit skema e faturimit për tregtimin e mallrave blegtorale nga fermeri drejt grumbulluesit nëpërmjet faturës fiskale të llojit autofaturim, me qëllim më pas hedhjen në treg të tyre për konsumatorin final nuk ndryshoi.

Do të vijojë të mbetet e njëjtë. Pra fermeri i pajisur me NIPT shet produktet e tij te grumbulluesi, përpunuesi apo supermarketet, ndërsa këta të fundit kanë detyrimin e lëshimit në SelfCare të autofaturës.

E njëjta skemë do të vijojë të funksionojë për shitjen e fermerëve të regjistruar si tatimpagues për kategorinë “person fizik” apo “shpk”. Në këtë rast fatura e fiskalizuar për shitjen e mallit lëshohet prej tij. Në këtë rast nuk funksionon autofatura.

Po ashtu, përmes një njoftimi Tatimet bënë me dije se tregtarët ambulantë nuk kanë asnjë detyrim, për të lëshuar faturë dhe për të mbajtur dokumentacion tatimor për mallrat.

Ndërsa Ministria e Bujqësisë dhe Zhvillimit Rural, në reagimin e saj bëri me dije se kontrollet për sigurinë ushqimore dhe pajisjen me faturë tatimore nuk janë aksion kundër fermerëve, por një hap për ta formalizuar, forcuar dhe mbështetur sektorin bujqësor./ Monitor

The post Qeveria gati të rikthejë skemën e kompensimit të TVSH-së për fermerët, në nivelin 10% appeared first on Albeu.com.

TIRANË, 3 korrik /ATSH/ Drejtoria e Përgjithshme e Tatimeve ka reaguar në lidhje me hetimin ndaj kompanisë Bankers Petroleum Albania Ltd.

Sipas DPT, aksioni ndaj kompanisë Bankers Petroleum Albania Ltd nisi pas një verifikimi të thelluar prej 6 muajsh nga Administrata Tatimore.

Drejtoria e Përgjithshme e Tatimeve nënvizon se janë mbledhur prova se shoqëria “Bankers Petroleum Albania Ltd” ka krijuar skema mashtruese përmes fryrjes fiktive të shpenzimeve, me qëllim shmangien e pagesës së tatimfitimit dhe përfitimin e padrejtë të rimbursimit të TVSH-së.

Njoftimi i plotë i Drejtorisë së Përgjithshme të Tatimeve

Administrata Tatimore është e angazhuar në mënyrë të pandërprerë në luftën kundër informalitetit dhe skemave mashtruese, të cilat dëmtojnë të ardhurat publike dhe cenojnë konkurrencën e ndershme në treg.

Në këtë kuadër, mesditën e datës 2 korrik 2025, është ndërmarrë një aksion kontrolli, në bashkëpunim me strukturat e Policisë dhe Prokurorisë Fier, në zyrat qendrore të kompanisë Bankers Petroleum Albania Ltd, e cila operon prej vitesh në fushën e naftënxjerrjes në zonën e Marinzës.

Ky veprim u realizua në vijim të një hetimi dhe verifikimi të thelluar, të shtrirë në një periudhë 6-mujore, nga Drejtoria e Hetimit Tatimor në Administratën Tatimore. Gjatë kësaj periudhe janë mbledhur prova të mjaftueshme që ngrenë dyshime të arsyeshme se shoqëria “Bankers Petroleum Albania Ltd” ka krijuar skema mashtruese përmes fryrjes fiktive të shpenzimeve, me qëllim shmangien e pagesës së tatimfitimit dhe përfitimin e padrejtë të rimbursimit të TVSH-së.

Bazuar në provat e mbledhura deri tani, rezulton se këto skema janë realizuar përmes bashkëpunimit me individë dhe shoqëri të tjera kontraktuese, si brenda ashtu edhe jashtë territorit të Shqipërisë.

Gjithashtu, punonjës të kësaj kompanie dyshohet se kanë qenë të përfshirë në falsifikim dokumentacionesh dhe kryerje të operacioneve financiare të dyshimta.

Administrata Tatimore siguron qytetarët se do të vijojë përpjekjen e saj për mbrojtjen e interesit të shtetit dhe të tatimpaguesve për një taksim të drejtë dhe të ndershëm. Objektivi ynë është garantimi i barazisë përpara ligjit, ku gjithsecili paguan atë që i takon.

Ftojmë të gjitha subjektet të respektojnë detyrimet ligjore për të ndërtuar së bashku një klimë biznesi të shëndetshme dhe transparente.

/m.q//r.e//a.f/

The post Tatimet: Bankers Petroleum krijoi skema mashtruese për të shmangur tatimet dhe përfituar rimbursim të TVSH-së appeared first on Agjencia Telegrafike Shqiptare.

Prokuroria e Fierit njoftoi të enjten se kishte lëshuar 14 masa sigurimi ndaj drejtuesve të kompanisë “Bankers Petroleum Albania Ltd” dhe disa personave me pozicione drejtuese në këtë kompani, që janë sipas prokurorisë të dyshuar për shmangie tatimore dhe vepra të tjera penale gjatë një periudhe 20-vjeçare. Drejtori i përgjithshëm i kompanisë, Hongping Xiao dhe […]

The post Shfrytëzimi i naftës, Bankers akuzohet për një skemë mashtruese 20-vjeçare appeared first on Reporter.al.

Kompania Bankers Petroleum Albania ka reaguar pas aksionit të Prokurorisë së Fierit, e cila e akuzon për krijim skemash mashtruese në lidhje me Tatimin mbi Vlerën e Shtuar (TVSH). Në një reagim për mediat, Bankers thotë se që prej vitit 2004, kanë investuar 4.5 mld $ në ekonominë shqiptare dhe kanë siguruar 83% të prodhimit kombëtar […]

The post Akuzat për skema mashtruese/ Bankers Petroleum: Tatimet kanë për të na shlyer edhe 36 mln $ TVSH appeared first on BoldNews.al.

TIRANË, 28 qershor/ATSH/ Gjatë pesëmujorit të parë të vitit 2025, të ardhurat neto të arkëtuara nga Tatimi mbi Vlerën e Shtuar (TVSH) kanë arritur në 30,5 miliardë lekë.

Ky tregues përfaqëson një rritje të ndjeshme krahasuar me të njëjtën periudhë të një viti më parë, duke shënuar një shtesë prej 7,3 miliardë lekësh, ose 31,5% më shumë.

Sipas raportit mbi treguesit fiskalë të publikuar nga Ministria e Financave, kjo rritje tregon për një përmirësim të ndjeshëm të performancës së të ardhurave nga TVSH, jo vetëm në aspektin vjetor, por edhe në krahasim me planifikimet.

Në fakt, të ardhurat nga TVSH kanë rezultuar 3,1 miliardë lekë, ose 11,5%, më të larta se plani i parashikuar për periudhën janar-maj.

Ministria e Financave bën të ditur gjithashtu se rimbursimet për këtë periudhë janë realizuar në masën 6,8 miliardë lekë, në përputhje të plotë me planin e miratuar.

/a.gj/j.p/

The post Të ardhurat nga TVSH, 30,5 miliardë lekë në periudhën janar-maj appeared first on Agjencia Telegrafike Shqiptare.

TIRANË, 14 maj/ATSH/ Administrata Tatimore njofton se kompanitë ndërkombëtare që ofrojnë shërbime elektronike për qytetarë apo biznese të paregjistruara për TVSH në Shqipëri, kanë detyrimin të regjistrohen për qëllime tatimore në vendin tonë dhe të paguajnë TVSH-në për këto shërbime.

Ky detyrim vjen si pjesë e masave për të rritur transparencën dhe për të zgjeruar bazën tatimore, siç parashikohet në Strategjinë Afatmesme të të Ardhurave.

Sipas Drejtorisë së Përgjithshme të Tatimeve, kompanitë e huaja që ofrojnë shërbime online, si telekomunikacion, radio, televizion, hostim faqesh, mirëmbajtje software-ësh, shkarkim filmash, muzike, lojërash, kurse online etj., duhet të emërojnë një përfaqësues tatimor në Shqipëri, të regjistrohen për TVSH dhe të deklarojnë dhe paguajnë TVSH-në për çdo shërbim të ofruar ndaj individëve ose bizneseve të paregjistruara për TVSH në Shqipëri.

Nëse këto shërbime i ofrohen një biznesi që është i regjistruar për TVSH në Shqipëri, atëherë detyrimi për pagesën e tatimit bie mbi vetë biznesin shqiptar, përmes sistemit të vetëtatimit, dhe jo mbi kompaninë e huaj.

Administrata Tatimore nënvizon se qëllimi i këtij njoftimi është të rrisë ndërgjegjësimin dhe të nxisë përmbushjen vullnetare të detyrimeve tatimore nga këto kompani, duke siguruar një treg të ndershëm dhe konkurrencë të barabartë për të gjithë.

Drejtoria e Përgjithshme e Tatimeve paralajmëron se nëse këto kompani nuk reagojnë dhe nuk përmbushin detyrimet ligjore brenda një afati të arsyeshëm, do të merren të gjitha masat ligjore dhe administrative të parashikuara nga ligji shqiptar.

/r.e/j.p/

The post Tatimet: Kompanitë e huaja që ofrojnë shërbime online në Shqipëri, të detyruara të regjistrohen për TVSH appeared first on Agjencia Telegrafike Shqiptare.

TIRANË, 10 maj/ATSH/- Kujtim Laro, kompozitori i rreth 35 kolonave zanore të filmave shqiptarë, i dhjetëra këngë festivalesh dhe krijime të tjera muzikore është përkujtuar në vigjilje të ditës së tij të lindjes.

Radio Televizioni Shqiptar ka realizuar dokumentarin “Katër masa shpirti”, me autore Albana Kozelin, montazh nga Gjergji Pano, drejtor fotografie Shkëlzen Sinani dhe konsulente artistike Holta Sina.

Dokumentari për nder të kompozitorit Laro, ikonës së muzikës së filmit shqiptar, u shfaq premierë mbrëmjen e djeshme me pjesëmarrje të gjerë të miqve, bashkëpunëtorëve dhe artistëve të shumtë

Autorja e dokumentarit, Albana Kozeli tha se “Kujtim Laro i përket RTSH-së, pasi ka punuar aty, por i përket edhe të gjithë spektrit muzikor të filmit. Ishte mbështetja e RTSH-së, në mënyrë të veçantë e drejtoreshës, zonjës Eni Vasili, që dua ta falënderoj veçanërisht. Patjetër edhe gjithë stafi që më ka ndenjur pranë, që nga drejtori i fotografisë Shkëlzen Sinani, montazhieri Gjergji Pano dhe shumë njerëz të tjerë”.

Kompozitori i njohur Robert Radoja u shpreh se “muzika e tij e filmave është një ndër muzikat më të bukura që ka lënë gjurmë dhe do të lërë gjithmonë”.

Për regjisorin Mevlan Shanaj, “nuk ka ardhur ende koha që të thuhet e vërteta për Kujtim Laron në kufijtë e të jashtëzakonshmes”.

Kujtim Laro (1947-2004) u lind në maj të vitit 1947 në qytetin e Vlorës. Studimet e larta i përfundoi në vitin 1970 në Institutin e Lartë të Arteve, më vonë shërbeu si pedagog për shumë vjet në Akademinë e Arteve. Ka punuar edhe si drejtor artistik pranë Ansamblit të Ushtrisë. Laro mbante titujt “Artist i Merituar” dhe “Naim Frashëri” i klasit të parë.

Në kujtesën e shqiptarëve ai mbahet mend më së tepërmi si kompozitor filmash. Firmën e tij mbajnë kolonat zanore të filmave të njohur, si “I teti në bronz”, “Në fillim të verës”. “Lulëkuqe mbi mure”, “Udha e shkronjave”, “Liri a vdekje”, “Nëntori i dytë”. “Militanti”, “Vendimi”, “Yjet e netëve të gjata”, “Nusja dhe shtetrrethimi”. “Partizani i vogël Velo”, “Fletë të bardha” etj.. Krijimi i tij i fundit ka qenë muzika e filmit “Lule të kuqe, lule të zeza”.

Gjatë karrierës së tij, Laro ka bashkëpunuar me regjisorët më të mirë shqiptarë, si Viktor Gjika, Dhimitër Anagnosti, Mevlan Shanaj, etj.

Krijimtarinë e tij në këtë gjini e ka nisur me filmin “I teti në bronz” dhe e mbylli me kolonën zanore të filmit “Lule të kuqe, lule të zeza”. Të shfaqur vetëm pak muaj më parë ngjarjes, në kinematë e kryeqytetit dhe që u quajt prej kolegëve të tij si “kënga e fundit e mjellmës”.

Këtë muzikë filmi, kompozitori i madh i cilësuar nga kolegët si “Enio Morricone”, ia besoi Saimir Çilit ta shndërronte në këngë. Një këngë e cila ishte edhe dëshira e fundit e kompozitorit për ta përcjellë në banesën e fundit në vitin 2004.

Laro mbante titujt “Artist i Merituar” dhe “Naim Frashëri” i klasit të parë.

The post “Katër masa shpirti”, RTSH dokumentar kushtuar ikonës së muzikës së filmit shqiptar, Kujtim Laro appeared first on Agjencia Telegrafike Shqiptare.

Moderatorja dhe gazetarja e njohur Eni Vasili është zgjedhur drejtoreshë e re e Radiotelevizionit Shqiptar (RTSH), duke fituar garë pasi mori 7 vota pro në votimin e zhvilluar të premten.

Ajo do të drejtojë institucionin me një mandat pesëvjeçar.

Në garë për këtë post ishin 13 kandidatë:

Gëzim Nazif Xhaxhaj, Flamur Buçpapaj, Kliton Rama, Zoje Jakaj (Marashi), Jetmir Shpuza, Laureta Roshi, Ermal Hoxha, Eni Vasili, Harrila Koçi, Engjëllush Musai, Mimoza Haxhiaj, Elton Metaj, Enrik Mehmeti.

Zgjedhja e saj vjen pas një konsensusi politik mes mazhorancës dhe opozitës, ku më 17 mars Kuvendi miratoi edhe bordin e ri të Këshillit Drejtues të RTSH-së.

Ndërkohë që Fatjon Hoxhalli, 38 vjeç është zgjedhur kryetar i Këshillit Drejtues.

Anëtarët e rinj të bordit janë: Petrit Beci, Rajmonda Bulku, Osman Mula, Bujar Kapexhiu, Robert Budina, Enio Civici, Alket Braho, Lorenc Vangjeli, Pano Xhixho dhe Zamira Kita.

LEXONI GJITHASHTU:

• “Do doja të isha aty”, Parashqevi Simaku përshëndet festivalin e këngës në RTSH
• RTSH u rrëmbye! Agresorët hynë brenda dhe u benin presion kolegeve të mia…

The post Eni Vasili zgjidhet drejtoreshë e Radio Televizionit Shqiptar appeared first on Euronews Albania.

Shqiptarët paguan 7.1 miliardë euro taksa e tatime gjatë vitit 2024 dhe nga këto, më pak se 660 milionë ose 9.3% e totalit u paguan në formën e Tatimit mbi të Ardhurat Personale, një formë tatimi, i cili, për disa lloje të ardhurash është në formën e tatimit progresiv, ndërsa për një pjesë, edhe këtu […]

The post Taksat janë sakaq të sheshta appeared first on Reporter.al.

Kryetari i Partisë Demokratike, Sali Berisha, prezantoi sot në selinë blu programin ekonomik të forcës që drejton, në kuadër të zgjedhjeve vendore të 11 majit. Në një konferencë për mediat, ai theksoi ndarjen ideologjike që, sipas tij, karakterizon këtë garë elektorale: “Dy filozofi përballen në këtë fushatë – liria ekonomike dhe ajo e kufizimit të saj”.

Berisha theksoi rikthimin e taksës së sheshtë prej 10% si një masë kyçe në programin e PD-së, duke premtuar se tatimi mbi pagat do të përgjysmohet nga niveli aktual prej 23%. “Në tre muajt e parë të qeverisjes sonë, pagat e gjithë rrogëtarëve shqiptarë do të rriten me 13%. Kjo është një rritje e paparë në 12 vite”, deklaroi ai.

Në paketën fiskale të prezantuar përfshihen edhe:

-Heqja e TVSH për biznesin e vogël deri në 180 mijë euro xhiro vjetore;

-Ulja e taksës së transferimit të pronës nga 15% në 2%;

-Taksa e ndikimit në infrastrukturë do të ulet nga 8% në 2%;

-Taksat lokale do të kufizohen në maksimumin 1% të xhiros, nga niveli aktual deri në 10%;

-Ulja e TVSH-së nga 20% në 15%, për ta kthyer në një nga më të ulëtat në Evropë.

Berisha u shpreh se qëllimi i kësaj filozofie është krijimi i një klime të favorshme për biznesin, nxitja e investimeve dhe rritja e menjëhershme e të ardhurave për qytetarët. Ai e mbylli fjalën me një thirrje për zgjedhësit: “Ftoj shqiptarët të bëjnë zgjedhjen e tyre mes plaçkitjes dhe lirisë ekonomike”.

The post “Do të sjellim taksën e sheshtë 10%”/ Berisha: Synojmë të krijojmë klimë miqësore për biznesin appeared first on Sot News | Lajme.

Një 19-vjeçar është arrestuar ditën e sotme në qytetin e Durrësit si rezultar i vazhdimësisë së operacionit policor ‘Skema’. I arrestuari Luvjano Topi, ishte shpallur më përpara në kërkim për veprën ‘krijim i skemave mashtruese lidhur me tatimin mbi vlerën e shtuar’, e cila dyshohet se i ka sjellë shtetit rreth 3 milionë euro dëm ekonomik.

Gjykata i ka caktuar të arrestuarit masën arrest në burg ndërsa vijon puna për kapjen e shtetasve të tjerë të shpallur në kërkim.

NJOFTIMI I POLICISË:

Durrës/ Në vijim të operacionit policor të koduar “Skema”, kapet 1 shtetas i shpallur në kërkim, i akuzuar për veprën penale “Krijimi i skemave mashtruese lidhur me tatimin mbi vlerën e shtuar”. Operacioni “Skema”, i zhvilluar 6 muaj më parë, identifikoi 7 shtetas, të cilët deklaronin të dhëna financiare fiktive të subjekteve që administronin apo ku ishin të punësuar, për të shmangur detyrimet tatimore. Kjo veprimtari kriminale dyshohet t’i ketë sjellë shtetit, rreth 3 milionë euro dëm ekonomik.

Specialistët për Hetimin e Krimeve Ekonomiko-Financiare të DVP Durrës kapën dhe ndaluan shtetasin Luvjano Topi, 19 vjeç, banues në Durrës, i cili ishte shpallur në kërkim pasi Gjykata e Durrësit i ka caktuar masën e sigurisë “Arrest në burg”, për veprën penale “Krijimi i skemave mashtruese lidhur me tatimin mbi vlerën e shtuar”, në kuadër të operacionit të koduar “Skema”. Vijon puna për kapjen e shtetasve të tjerë të shpallur në kërkim në kuadër të këtij operacioni. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post I shkaktoi mbi 3 milionë euro dëm ekonomik shtetit, arrestohet 19-vjeçari në Durrës appeared first on Lapsi.al.

Policia e Durrësit ka arrestuar një person të shpallur në kërkim për veprën penale “Krijimi i skemave mashtruese lidhur me tatimin mbi vlerën e shtuar”.

Në vijim të operacionit policor të koduar “Skema”, është vënë në pranga shtetasi shtetasin L. T., 19 vjeç, banues në Durrës, i cili ishte shpallur në kërkim pasi Gjykata e Durrësit i ka caktuar masën e sigurisë “Arrest në burg”, për veprën penale “Krijimi i skemave mashtruese lidhur me tatimin mbi vlerën e shtuar”.

Operacioni “Skema”, i zhvilluar 6 muaj më parë, identifikoi 7 shtetas, të cilët deklaronin të dhëna financiare fiktive të subjekteve që administronin apo ku ishin të punësuar, për të shmangur detyrimet tatimore. Kjo veprimtari kriminale dyshohet t’i ketë sjellë shtetit, rreth 3 milionë euro dëm ekonomik.

Vijon puna për kapjen e shtetasve të tjerë të shpallur në kërkim në kuadër të këtij operacioni.

LEXONI GJITHASHTU:

• I akuzuar nga Italia për trafikim të qenieve njerëzore, kapet egjiptiani në Durrës
• Aksident fatal në Fllakë të Durrësit, humb jetën një këmbësor 

The post Mashtrim 3 milionë euro me TVSH-në, arrestohet 19-vjeçari i shpallur në kërkim appeared first on Euronews Albania.

Në vitin 1991, një politikan i Partisë Demokratike deklaroi në Tiranë se Shtetet e Bashkuara kanë premtuar një “Çek të bardhë” për Shqipërinë, në rast se shqiptarët mbështesnin Partinë Demokratike, në atë kohë e sapothemeluar dhe e përbërë në përgjithësi nga ish-komunistë ende të pakthyer në anti-komunistë. Togfjalëshi, i cili linte vend për fantazi, nënkuptonte […]

The post Premtime me lopatë appeared first on Reporter.al.

Ish-kryeministri Sali Berisha, këtë të hënë ka prezantuar planin e tij ekonomik dhe fiskal për uljen TVSH dhe taksave për prodhimin vendas dhe sipërmarrjen. Berisha tha sot gjatë konferencës me gazetarët, se do kthejë taksën e sheshtë 10% për te ardhurat. Kreu i PD është shprehur se taksa sheshtë do të vendoset 10% për mbi […]

The post Berisha premton rikthimin e taksës së sheshtë 10%: Do ulim edhe TVSH-në appeared first on BoldNews.al.