Lorde ka zgjedhur të flasë pa filtra për periudhën më të errët të jetës së saj, duke treguar se në fillim të vitit 2023 ishte pranë largimit përfundimtar nga muzika. Në një intervistë për BBC Radio 1, këngëtarja 28-vjeçare tha se ishte e zhytur në një boshllëk emocional, ku e gjithë vëmendja e saj ishte përqendruar obsesivisht tek ushqimi, pesha dhe stërvitja, deri në atë pikë sa krijimtaria u zhduk plotësisht.

“Nuk më vinte më asnjë ide. Nuk mendoja më për këngë. Ishte si të humbisja lidhjen me vetveten,” rrëfeu ajo.

Por gjithçka nisi të ndryshonte kur ajo vendosi të çlirohej nga kjo mënyrë e pashëndetshme jetese. “Sapo lashë pas këtë fiksim, muzika nisi të më vinte natyrshëm,” tha Lorde, duke reflektuar mbi një proces të gjatë shërimi që e riktheu në skenë, më e qartë, më e fuqishme dhe më e vërtetë se kurrë më parë.

The post Lorde rrëfen krizën që gati i dha fund karrierës: Mendova se muzika ishte pas meje appeared first on iconstyle.al.

E ftuar në një emision televiziv Kiara foli hapur për momentet e pasigurta që kishte përjetuar dhe vendimin që i dha një drejtim të ri jetës së saj, si në aspektin personal ashtu edhe profesional.

Moderatorja e njohur shqiptare, Kiara Tito, ka ndarë së fundmi një rrëfim të ndjerë për periudhën e vështirë që ka kaluar para se të bëhej pjesë e reality show-t “Big Brother VIP Albania”, i cili, sipas saj, i ndryshoi tërësisht jetën.

“Po të mos isha futur në Big Brother, nuk do të kisha këtë jetë që kam tani. Nuk do të kisha Lunën, nuk do të kisha takuar Luizin dhe ndoshta nuk do të isha kthyer më në televizion. Ishte një periudhë ku nuk dija çfarë doja nga jeta. Ishte ose gjithçka, ose asgjë”-u shpreh moderatorja.

Ajo tregoi se ishte tërhequr nga jeta publike dhe shoqëria, duke pranuar se e kishte humbur motivimin dhe dëshirën për të vazhduar në botën e televizionit.

“Nuk do ta kisha takuar Luizin jashtë, sepse nuk dilja më në rrugë, nuk doja të shfaqesha më askund, nuk doja të isha më pjesë e ekranit”.

Kiara shtoi se pjesëmarrja në reality show rezultoi të ishte një pikë kthese që e ndihmoi të rindërtonte jetën dhe identitetin e saj.

“Ndoshta fati luan rolin e vet, por në fund janë vendimet tona ato që e ndryshojnë rrjedhën e jetës”.

Sot, Kiara gëzon një jetë të lumtur familjare përkrah Luiz Ejllit dhe vajzës së tyre të vogël, Lunës, ndërsa mbetet një figurë e dashur për publikun shqiptar, duke dhënë shpesh mesazhe frymëzuese për ata që ndodhen në udhëkryq jetësor.

The post “Kam patur momente pasigurie, nuk doja të dilja…”/ Rrëfehet ndryshe Kiara Tito, zbulon periudhën e errët të jetës… appeared first on Sot News | Lajme.

Pas muajsh në qendër të vëmendjes si një nga figurat më të komentuar të Big Brother VIP Kosova, Anisa Veseli është rikthyer në jetën jashtë katër mureve të shtëpisë… por jo pa sfida.

Në një intervistë për “Onima”, këngëtarja ka reflektuar me sinqeritet për rrugëtimin e saj, duke e cilësuar eksperiencën si një aventurë që i testoi çdo kufi.

“Kam dëshirë me e sfidu veten. Brenda ka qenë shumë presion, por tani që kam dalë e mendoj: ka qenë diçka shumë interesante. I shikoj edhe videot ndonjëherë,” rrëfen Anisa, me atë buzëqeshjen karakteristike që e shoqëroi gjatë gjithë qëndrimit të saj në shtëpi.

Por jeta jashtë ekranit nuk është aq e thjeshtë. Përballë fansave, ndjekësve dhe një publiku që shpesh gjykon më shpejt sesa kupton, ajo thotë se ka ndjerë edhe një ndjesi të ftohtë: mosbesimin.

The post Anisa Veseli pas Big Brother-it: Brenda presion, jashtë mosbesim appeared first on iconstyle.al.

Nga Elton Qyno Prokuroria e Posaçme SPAK, ka nxjerrë nga sirtarët e saj dhe ia ka vënë në dispozicion avokatëve, marrëveshjen ligjore të lidhur me të pandehurin Erjon Alibej alias Agim Shurbi “Krymi”, të akuzuar për 7 vrasje dhe krime të tjera. Kjo kontratë pendesë, e siguruar nga “Ora News” që mban datën 29 qershor […]

The post Kontrata e pendesës/ Nga ulja e dënimit deri tek pasuritë, marrëveshja me 7 pika e Erjon Alibejt me SPAK-un appeared first on BoldNews.al.

Ish-banorja e Big Brother VIP Kosova 3, Xheneta Fetahu, ka ndarë me ndjekësit një rrëfim të ndjerë për gjendjen e saj emocionale pas daljes nga shtëpia më e ndjekur në vend.

Në një video të postuar në TikTok, modelja tregoi se përjetoi një periudhë të rënduar psikologjike, e shoqëruar me ankth dhe sulme paniku.

“Kur dola nga Big Brother, kam qenë shumë keq. Kam qarë natë për natë, nuk guxoja të rrija vetë. Gjithë ditën më kapte ankthi vazhdimisht,” u shpreh ajo, duke ndarë për herë të parë anën e saj më të brishtë.

Sipas saj, izolimi i gjatë dhe përballja e menjëhershme me vëmendjen e madhe publike pas spektaklit ndikuan në mënyrë të drejtpërdrejtë në shëndetin e saj mendor.

Megjithatë, Xheneta theksoi se situata ka nisur të përmirësohet dhe ajo po përpiqet të rikthehet në normalitet. “Tani jam pak më mirë. Kam filluar të marrë veten pak më shumë,” shtoi ajo.

The post Xheneta Fetahu flet për periudhën e vështirë pas Big Brother: Kam qenë shumë keq, qaja çdo natë appeared first on iconstyle.al.

I ftuar në emisionin “Robi plaket kur don vetë”, Bardhi nuk i kurseu fjalët kur foli për kohën e tij në Big Brother VIP Albania 3. Pa filtra dhe pa dramë të sforcuar, ai pranoi se qëndrimi 53-ditor në shtëpinë më të famshme në vend nuk ka qenë aq i thjeshtë sa dukej nga jashtë.

“Shtatë ditët e para ishin më të vështirat. Tre ditë rresht kam kërkuar telefonin,” rrëfeu ai me sinqeritet. “Nuk është për çdo kë. Unë jam kënaqur, por jo në atë nivel që ta quaj eksperienca më e mirë e jetës.”

Ai nuk e fshehu faktin se dinamika e lojës, ndonjëherë e detyruar, e bëri ambientin të ngarkuar: “Je me njerëz që nuk i njeh, dhe ndonjëherë çdo minutë dikush mundohet të kapet pas teje që loja të bëhet më interesante.”

Por, edhe pse BBV nuk ishte “dream come true”, një gjë është e sigurt: nga ajo eksperiencë, Bardhi doli me dashurinë e jetës, Sara Gjordenin. Sot janë të martuar dhe prindër të Neas së vogël, që erdhi në jetë në fund të vitit që lamë pas.

The post Bardhi tregon të vërtetën për Big Brother VIP: S’ishte eksperienca më e mirë e jetës, por… appeared first on iconstyle.al.

Ana Kabashi dhe Kevini, çifti që i dha jetë një romance brenda shtëpisë së Big Brother VIP Kosova, duket se po shijojnë më shumë se kurrë lidhjen e tyre edhe jashtë kamerave. Të ftuar në emisionin “Sol Summer” në Klan Kosova, ata ndanë me publikun ndjesitë që i shoqërojnë në këtë kapitull të ri të jetës.

E qeshur, e sigurt dhe me sytë që flasin më shumë se fjalët, Ana tha:
“Jemi përshtatur me njëri-tjetrin. Unë jam shumë e lumtur, edhe është zgjedhja më e mirë që kam bërë. Ndihem shumë mirë, ndihem e plotësuar me të.”

Dashuria e tyre, që nisi mes dritave të reality show-t dhe vëmendjes së publikut, po duket gjithnjë e më shumë si një lidhje që nuk ka qenë vetëm për kamerat. Dhe ndoshta, pas gjithë bujës që i shoqëroi brenda BBVK, tani është koha e tyre për një “verë normale”, me më pak zhurmë, por me më shumë ndjenja.

The post “Zgjedhja më e mirë që kam bërë!” Ana dhe Kevini flasin për dashurinë pas Big Brother VIP Kosova appeared first on iconstyle.al.

Bebe Rexha, artistja shqiptaro-amerikane që prej vitesh ka shënuar sukses ndërkombëtar në skenën e muzikës pop, ka zgjedhur rrjetet sociale për të ndarë një rrëfim personal dhe emocional që ka prekur thellësisht ndjekësit e saj.

Në një seri postimesh në InstaStory, Bebe flet pa filtra për rrugëtimin e saj, duke zbuluar për herë të parë pasiguritë, presionin dhe padrejtësitë me të cilat është përballur gjatë karrierës së saj. “Shkrimi i këngëve ka qenë dashuria ime më e madhe, por në një moment, gjithçka u bë tepër e ndërlikuar,” shprehet ajo, duke treguar se suksesi shpesh shoqërohet me humbjen e kontrollit mbi artin dhe vetveten.

Ajo rrëfen sesi dëshira për të kënaqur të gjithë ndikoi në thelbin e krijimtarisë së saj. “Kur ndjek vetëm ‘hitin’, rrezikon të humbasësh zërin tënd të vërtetë,” pranon ajo, duke reflektuar për kompromiset artistike që shpesh fshihen pas muzikës që arrin majat e klasifikimeve.

Bebe flet edhe për momentet kur është ndier e përjashtuar dhe e penguar qëllimisht në industrinë muzikore, jo për mungesë talenti, por për shkak të politikave të brendshme dhe qëndrimeve të saj të sinqerta. “Nuk e kam puthur egon e askujt. Dhe për këtë, jam ndëshkuar,” shkruan ajo hapur.

Megjithatë, mes zhgënjimeve, ajo mbetet e palëkundur: “Nuk jam nga ato që dorëzohen. Jam luftëtare. Do ndalem vetëm kur të zgjedh vetë, jo sepse dikush tjetër vendos për mua.”

The post “Jo, unë nuk dorëzohem” – Bebe Rexha hap zemrën për betejat pas famës appeared first on iconstyle.al.

Vasile Frumuzache, një rumun 32-vjeçar i cili u arrestua të mërkurën me akuzën për vrasjen e Maria Denisa Adas, ka rrëfyer fajin. Burri, një roje sigurie, i martuar me dy fëmijë, jeton në Monsummano Terme. Pasi u arrestua, ai pranoi: “Ajo po më shantazhonte, prandaj e vrava”, duke iu referuar Denisës.

Gruaja 30-vjeçare u zhduk më 15 maj në Prato dhe u gjet e pajetë pranë një shtëpie fshati të braktisur në Montecatini Terme. Ajo u mbyt po atë mbrëmje që u zhduk. Sipas rindërtimit të hetuesve, të cilët përdorën imazhet nga një kamera, burri mbërriti në dhomën e hotelit në Prato, ku Denisa priste klientët e saj, në orën 22:50 të mbrëmjes ditën e zhdukjes së saj, pra më 15 maj. Ai kishte një çantë të zezë dhe qëndroi për dy orë e një çerek.

Pak më vonë, u pa duke u larguar me një karrocë të bardhë që i përkiste Denisës. Dhe ishte brenda asaj valixhe që ai fshehu trupin e pajetë të gruas. Burri pranoi se ishte ai që u filmua nga kamerat dhe rrëfeu se e kishte vrarë 30-vjeçaren sepse ajo e kishte shantazhuar duke e kërcënuar se do t’i tregonte gruas së tij se kishin paguar për seks nëse ai nuk do t’i jepte 10,000 euro. Kjo u raportua nga Prokuroria e Pratos.

32-vjeçari pranoi gjithashtu se e kishte mbytur atë në dhomën e rezidencës në Prato, më pas ia kishte prerë kokën dhe ia kishte futur kokën në një qese plehrash, të cilën e kishte vendosur në valixhen e viktimës së bashku me pjesën tjetër të trupit të saj, duke i ngarkuar të gjitha në bagazhin e makinës së tij.

The post “E vrava sepse më shantazhonte”/ Rrëfimi tronditës i autorit që mbyti dhe copëtoi eskortën rumune appeared first on Sot News | Lajme.

Brooklyn Beckham dhe partnerja e tij Nicola Peltz kanë thyer heshtjen për herë të parë pas përplasjes me familjen e Brooklynit. Në një intervistë të fundit, ata hapën zemrën për ndërhyrjet që ka pasur jashtë, duke përfshirë këshillat e prindërve të Nicola-s, Nelson dhe Claudia Peltz.

Lidhja e tyre me familjen Beckham është bërë temë diskutimi, ku Brooklyn tashmë ka treguar një qëndrim më të kujdesshëm për babanë e tij, David Beckham. Ai përmendi, Cloud 23, duke zbuluar se ky numër ka kuptimin e tij personal, duke shënuar datën e angazhimit dhe moshën që kishte atëherë, duke lënë pas çdo referencë të drejtpërdrejtë për familjen e tij.

Një tjetër moment që tërhoqi vëmendje ishte që Brooklyn, gjatë intervistës, tregoi se ka mbi 100 tatuazhe, por ato që i sheh më të veçanta janë ato që i ka bërë në nder të gruas së tij. Ai përmendi tatuazhin me sytë e Nicola-s në qafë dhe betimet e tyre të martesës. Ndërkohë, ai e injoroi të gjitha tatuazhet e tjera që ka bërë për familjen e tij.

Ky qëndrim ka ngritur pyetje për marrëdhënien e tij me prindërit, të cilët ende janë në qendër të kritikave pas përplasjes me të birin.

The post Brooklyn dhe Nicola: Çfarë thonë pas mosmarrëveshjeve me familjen Beckham appeared first on iconstyle.al.

Becca Tilley, ka treguar se historia e saj e dashurisë ishte shumë më e qetë dhe e sinqertë nga sa e kishte imagjinuar ndonjëherë. Pas romancave të shkurtëra me Chris Soules dhe Ben Higgins, ajo e gjeti dashurinë në mënyrë krejt të papritur – me këngëtaren Hayley Kiyoko.

Dyshja ka qenë bashkë që prej vitit 2018, por lidhja e tyre u mbajt private për vite me radhë, derisa Becca vendosi të dalë publikisht në videoklipin e Hayley-t në vitin 2022. Në një intervistë në podcastin Made It Out më 2024, ajo pranoi se kishte pasur frikë për reagimet, sidomos nga ndjekësit e saj konservatorë.

“Shumica e ndjekësve të mi janë konservatorë dhe kjo do të ishte shokuese për ta – fakti që dikush që ata e konsideronin model po dilte me një vajzë,” tha Becca.

Megjithatë, komentet dhe reagimet pozitive që mori e bënë të kuptojë ndikimin e këtij hapi. “E kuptova që kjo ishte shumë më e madhe se unë dhe frikat e mia. Nëse i ka ndihmuar njerëzit të ndihen më të sigurt me dashurinë e tyre, atëherë ka pasur më shumë vlerë se çdo gjë tjetër,” u shpreh ajo për E! News.

The post Becca Tilley flet për dashurinë me Hayley Kiyoko: Kjo do ishte shokuese për ta! appeared first on iconstyle.al.

Këngëtarja e madhe, Parashqevi Simaku, ka rrëfyer për herë të parë arsyen pse u largua nga Shqipëria.

Në një intervistë për “Opinion”, ajo tregon se fillimisht udhëtoi drejt Italisë, me një pasaportë të blerë.

“Nëna ime më tha, do shkoj të shoh vëllain tim në Itali, që ishte një nga këto refugjatët. Qante gjithmonë, aman tha se ti je shumë e njohur. Me mikeshën time shkova në ambasadë. Ai ambasadori italian më kishte parë gjithmonë në këto mbrëmjet që bënte partia për Krishtlindje dhe më mbante mend. I thashë të lutem…Po ti je Parashqevia, tha! Mos ki merak tha, se do e marr Dash Dervishin në telefon. Do bësh gati guest room, se isha edhe e varfër.

S’kisha asnjë lekë! Dhuratë e kisha, më sollën atë makinën diplomatike. Vjen një burrë e grua nga New York-u, dhe ata donin që të argëtoheshin, të hapnin muzikë në New York. Ishin nga Dibra e Maqedonisë, burrë e grua. Erdhën dhe më blenë një pasaportë. Ishte pasapotë e blerë, kalabreze. Victoria Marini! Unë flisja italisht, dukesha si italiane”, rrëfeu Simaku.

Në 9 mars 1992, mbërriti në New York të Shteteve të Bashkuara.

“U shokova kur erdha. Gjëja e parë thoja është pse është qielli kaq i lartë, në Shqipëri ato retë i kemi si kapele. Më dukej sikur kisha shkuar në një botë tjetër. Shqiptarët këtu më donin shumë.”

Thekson se në atë fitonte shumë me muzikën.

“Për ne ishte përrallë!”

The post VIDEO/ Ja pse Parashqevi Simaku u largua nga Shqipëria appeared first on Albeu.com.

Parashqevi Simaku, ka rrëfyer së fundmi detaje për periudhën e jetës së saj kur jetonte në rrugët e New York-ut, si e pastrehë dhe larg dritave të skenës. Në një intervistë për emisionin “Opinion” me Blendi Fevziun, këngëtarja ka sqaruar të vërtetën pas fotove që disa muaj më parë tronditën rrjetin, ku ajo u shfaq e braktisur në rrugët e Amerikës.

Simaku ka habitur me deklaratën teksa është shprehur se e kishte zgjedhur vetë atë mënyrë jetese teksa u shpreh:

“Pse mos të rrija jashtë? Isha jashtë sepse zgjodha të jem. Në atë kohë, qindra amerikanë ishin jashtë si unë. Kishim vende ku mund të shkonim, por unë zgjodha të isha jashtë. Ishte e imja. E quaj një pjesë të mirë të jetës sime, absolutisht.”

The post Jeta si e pastrehë në SHBA, habit Parashqevi Simaku: Ishte zgjedhje e imja appeared first on Albeu.com.

Edita Doli, drejtoresha e Radio Dukagjinit, ka ndarë me publikun një nga kapitujt më të rëndësishëm dhe frymëzues të jetës së saj personale dhe profesionale – një histori që flet për dashurinë, përkushtimin dhe fuqinë e andrrave të përbashkëta.

Edita në një intervistë për T7-shin rrëfen momentet kur ajo dhe bashkëshorti i saj, Blerimi, nisën jetën së bashku pa asgjë përveç ëndrrave dhe vendosmërisë për të ndërtuar një të ardhme më të mirë, përcjell Telegrafi.

“Kemi filluar të dy prej zeros”, tha ajo duke shtuar: “kemi punuar bashkë, kemi pa andrrat bashkë, kemi qajt e kemi qesh bashkë”.

Në një kohë kur fundvitin nuk e priste me pushime, por me sfida financiare dhe obligime të mëdha, qëllimi i përbashkët ishte: të ndërtonin një familje të qëndrueshme, në një shtëpi të tyren, jo në banesë me qira.

Ajo çka e bën këtë rrëfim kaq të veçantë është mënyra se si një rastësi e vogël, një lexim i një reklame për 20 euro, u kthye në pikë kthese.

Edita, atëherë një punëtore e re në Radio Dukagjini, u kontaktua nga Telegrafi për të lexuar një reklamë. Me modesti e pasion, ajo pranoi pa kërkuar shpërblim: “Ju jeni Telegrafi, e lexoj pa pare”, ishte përgjigja e saj.

Por ajo që nuk e dinte ishte se zëri i saj do të tërhiqte vëmendjen e dikujt që do të sillte ndryshimin që ajo dhe Blerimi kishin pritur me muaj.

Qamili, një pronar agjencie marketingu, që ndodhej pranë zyrave të Telegrafit, e dëgjoi dhe i kërkoi një takim.

E rezultati ishte një ofertë pune që do t’i siguronte pagën e nevojshme për të përballuar këstin e kredisë për banesën e tyre.

“Editë ke me i lexu krejt reklamat çka unë t’i jap të kompanive. Paga jote 250 euro për një vit. Kësti i kredisë ishte aq. Thash o Zot u ble banesa”.

Edita e kujton momentin si një ngjarje që i përket filmit: “S’më interesonte çka kam me punu, hypa n’kerr e i thash Blerimit ‘zemër, e blem banesën’. Ai më pa i habitur: ‘Qysh e blem banesën? ’ ”.

Ky moment nuk ishte thjesht për një kontratë pune apo një fitim financiar. Ishte momenti kur puna, përkushtimi dhe një akt i vogël u shpërblyen me realizimin e një andrre të madhe – të kishin shtëpinë e tyre.

Sot, si drejtoreshë e një prej radiove më me ndikim në Kosovë, ajo mbetet shembull i një gruaje që nuk ka harruar kurrë prej nga ka nisur. /Telegrafi/

The post “Si ma ndryshoi jetën një reklamë” – rrëfimi i Edita Dolit për rrugëtimin e saj deri te shtëpia e ëndrrave appeared first on Telegrafi.

Altuna Sejdi, këngëtarja e njohur nga Shkupi që publiku e njeh më së shumti si Tuna, ka bërë një rikthim të ndjeshëm në skenën publike – jo përmes një kënge, por përmes fjalëve. E ftuar në emisionin “The Dalina Show”, ajo zgjodhi t’i japë zë një pjese të jetës që rrallë ka ndarë më parë.

Përballë Dalina Buzit, Tuna foli pa filtra për periudhat e vështira që ka kaluar, përfshirë ndarjen nga ish-partneri, muzikanti Patris Berisha – me të cilin ka dy fëmijë, Tianin dhe Zenin.

Ne nuk kishim nga ato dramat që të ketë ndonjë arsye konkrete për ndarje. Thjesht ishin shumë të akumuluara gjërat, jo vetëm të shtatzënisë, por edhe më herët.

Askund nuk jam pishman. Për mua, një nënë duhet të jetë e lumtur para së gjithash – që t’i rrisë fëmijët e lumtur. Dhe unë nuk isha më e lumtur në atë martesë. Më ka dhembur deri në atë pikë, sa që kur isha shtatzënë me Zenin në spital, e kam mbajtur të fshehtë deri në muajin e nëntë. Pse duhej ta fshihja? Deri sa erdhi një moment dhe thashë: ‘Nuk më intereson më’!

The post Tuna flet për herë të parë për ndarjen nga Patrisi: Nuk isha më e lumtur appeared first on iconstyle.al.

Pas një kohe të gjatë larg vëmendjes mediatike, këngëtarja Altuna Sejdiu, e njohur për publikun si Tuna, ka thyer heshtjen, duke rrëfyer pjesë të sinqerta nga jeta personale dhe karriera, në një intervistë për “The Dalina Show”.

Në një fragment të publikuar në rrjetet sociale, artistja nga Shkupi u ndal për herë të parë në mënyrë të drejtpërdrejtë tek ndarja nga ish-partneri i saj, muzikanti Patris Berisha. Me një ton të prerë dhe të qartë, Tuna u shpreh: “Unë nuk isha më e lumtur në atë martesë, nuk më intereson.”

View this post on Instagram

A post shared by Andale (@andale.al)

Tuna dhe Patrisi janë prindër të dy djemve, Tian dhe Patris, dhe ndonëse lidhja e tyre ka përfunduar prej kohësh, çiftit u është kushtuar vëmendje e madhe në media.

Sot, të dy po ndjekin rrugët e tyre profesionale në mënyrë të pavarur, ndërsa Tuna duket më e vendosur se kurrë për të jetuar në të vërtetën e saj.

The post Tuna flet hapur për martesën me Patris Berishën: “Nuk isha më e lumtur, nuk më intereson” appeared first on iconstyle.al.

Finalisti i Big Brother VIP Albania 4, Laert Vasili, ka prekur zemrat e publikut me një rrëfim të sinqertë në “E Diell”, ku foli për raportin e ndërlikuar me të atin dhe dhimbjen që e ndjek ende sot.

“Do doja të kisha folur shumë më tepër me të! Më kanë ikur shumë vite, po t’i mbledhësh në total, që nuk flisnim, përplaseshim dhe nuk flisnim. Më ka ngelur një peng i madh: iku pa e bërë gjysh,” u shpreh aktori me emocion.

Këto fjalë, të thjeshta por të ngarkuara me ndjesi, treguan një anë tjetër të Laertit – përtej debateve, lojës apo karakterit artistik që e bëri të spikasë në BBVA. Një anë njerëzore, që na kujton se pas çdo figure publike fshihet një histori personale, shpesh me plagë të pazëna.

The post Laert Vasili rrëfen pengun e jetës: “Më kanë ikur vite pa folur me babain… iku pa u bërë gjysh” appeared first on iconstyle.al.

E ftuar në emisionin “S’e Luan Topi”, aktivistja për të drejtat e njeriut, Edlira Çepani, ndau një nga momentet më të ndjeshme dhe personale të jetës së saj: humbjen e bashkëshortit, Gerti Bogani.

Me zërin që i dridhej dhe lot në sy, Edlira foli për dhimbjen që vazhdon të mbajë brenda vetes dhe për vështirësinë më të madhe – t’ua tregonte lajmin fëmijëve.

Një rrëfim i rrallë dhe prekës, që tregoi edhe një herë forcën e një gruaje që, pavarësisht dhimbjes, ka zgjedhur të mbetet zë i fuqishëm për të tjerët.

“Mijëra njerëz pritën me orë të tërë në homazhe dhe e nderuan siç e meritonte kanë kaluar disa muaj nga largimi i jetës. Nuk ka përfunduar asnjëherë grupi i madh i njerëzve që më ndalojnë në rrugë dhe më thonë ‘unë nuk të njoh, dua thjesht të jap një përqafim’. Kjo është dhe një vlerësim ndaj figurës së tij, dhe këtë kanë fatin ta shohin dhe fëmijët tanë. Nuk prisja numër aq të madh. Njerëz që nuk i njeh por me zemrën e madhe që ka shqiptari, vijnë dhe të japin forcë. Është një bekim. Është aty dhe do të qëndrojë gjithmonë aty. Unë dua ta kujtoj atë ditë, dua ta kujtoj si një mësim që jeta ta jep, në këtë botë jemi kalimtarë dhe nuk kemi kontroll mbi jetën, botën asgjë. Ajo që kemi në dorë është të përdorim jetën për t’i dhënë botës një dritë më shumë. Gerti arriti ta bënte këtë.
Një miku im që kishte kaluar shumë probleme në jetë më tha ‘ti nuk e kupton sa e fortë je, derisa të jesh e fortë është e vetmja mundësi që ke’. Unë e di që këtë gjë nuk e kam vetëm unë, e kanë dhe gratë shqiptare që janë mësuar me sfida dhe janë mësuar të marrin situatën në dorë. E kam mësuar nga gratë që unë punoj, ato janë modeli im dhe unë do jem një model për to.

Më thonin ‘do kalojë’, nuk kalojnë dhimbje të tilla. Thjesht mësohesh të vendosësh maskën dhe të ecësh para për hir të trashëgimisë, misionit që ka lënë pas dhe për hir të fëmijëve. Ata nuk meritojmë më shumë dhimbje se ajo që kanë kaluar. Në përditshmëri dukesh sikur e vazhdon përditshmërinë, por është pa ngjyrat që kishte.

Gjëja që më mungon më shumë është këshilla, që është e drejtë. Më mungon dhe telefonata që bën kur të ndodh diçka e bukur. E ndjej gjithmonë dhe e kam aty. Ai ishte unë dhe unë isha ai”, tha ndër të tjera ajo

The post Një rrëfim zemre: Edlira Çepani prek me fjalët për Gertin që s’është më appeared first on iconstyle.al.

Rozana Radi ka reflektuar për rrugëtimin e saj në Big Brother VIP Albania, duke treguar se ky eksperiencë e ka transformuar plotësisht. E ftuar në emisionin “Goca dhe Gra”, këngëtarja tha se pas daljes nga shtëpia më e famshme në vend, ndjen se është një version i ri i vetes.

“Jam një Rozanë tjetër tani. Bigu më ka ndihmuar të rritem si njeri dhe të shoh jetën ndryshe. Jeta ime ka ndryshuar 100% për mirë,” u shpreh ajo.

Radi ndau edhe një moment të veçantë që e preku emocionalisht: një postim nga Rezarta Shkurta që e mbështeste në një moment të vështirë brenda shtëpisë. “E vlerësova shumë. Më preku, sepse kemi kaluar një histori të gjatë dhe ndryshe nga më parë, sot dimë të falim e të kuptojmë më shumë njëra-tjetrën,” tha Rozana.

Sa i përket reagimeve nga partneri i saj, ajo rrëfeu si kritikat, ashtu edhe komplimentet. “Më tha që nuk duhet t’i kisha falur disa njerëz, por gjithashtu më tha: ‘Ti për mua je më e mira’.” Ai kishte ndjekur veçanërisht momentet me Gertën, me të cilën Rozana kishte pasur përplasje, por edhe një përpjekje për pajtim përmes një ftese për të kënduar së bashku.

Duket se Big Brother nuk i dha vetëm famë Rozanës, por edhe një perspektivë të re mbi jetën, njerëzit dhe vetveten.

The post Rozana Radi pas BBVIP: “Jam një tjetër grua, jeta ime ndryshoi 100%” appeared first on iconstyle.al.

Nicole Kidman ka ndarë disa detaje të rralla dhe prekëse për marrëdhënien me vajzat e saj, Sunday Rose, 16 vjeçe, dhe Faith Margaret, 14, që i ka me bashkëshortin e saj, këngëtarin Keith Urban, 57 vjeç. Në një intervistë për kopertinën e revistës Allure, aktorja tregoi se të qenit nënë e ka ndihmuar të kuptojë më mirë edhe veten.

“Jam shumë pranë të dyjave,” tha ajo. “Ulem në shtratin e tyre dhe flasim për gjërat më intime. Kam privilegjin të jem udhërrëfyesja e tyre.”

Aktorja e Nine Perfect Strangers tha gjithashtu se marrëdhënia mes tyre bazohet në respekt të ndërsjellë dhe hapësirë të lirë. “Nëse duan të më thonë ‘hesht’, mund ta bëjnë. Mund t’u kërkoj ndjesë. Mund t’u dal përballë. Më pëlqen shumë marrëdhënia që kemi,” u shpreh ajo.

E njohur për rolet e guximshme, nga neurokirurge në Days of Thunder te një grua e dhunuar në Big Little Lies, Nicole ka një rregull të qartë: nuk do të luajë krah bashkëshortit të saj në një film apo serial. “Jemi bashkë në jetë, nuk kemi nevojë të bëjmë edhe një shfaqje së bashku. Jeta jonë është një shfaqje,” tha ajo me humor për People.

E pyetur nëse do pranonte një rol ku të gjitha personazhet që ka luajtur ndër vite bashkohen në një projekt të vetëm, Nicole u përgjigj: “Qesharake, por jam gati! Më pëlqen të them që jam gjithmonë për lojë. Nuk e marr asgjë si të mirëqenë. Vetëm falënderoj universin.”

Aktorja zbuloi gjithashtu pse ishte kaq e entuziazmuar për t’u rikthyer në rolin e Masha-s në sezonin e dytë të Nine Perfect Strangers. “Sepse ajo është argëtuese dhe e fuqishme,” tha Nicole, duke cituar edhe kolegen Maisie Richardson-Sellers: “Masha është si një peshkaqen.”

The post Nicole Kidman flet rrallëherë për vajzat: “Jam shumë pranë tyre, ndajmë gjithçka” appeared first on iconstyle.al.