TIRANË, 16 korrik/ATSH/ Në Amfiteatrin Antik të Durrësit u vu në skenë premiera e komedisë “Vendi më i humbur në Shqipëri”, një vepër e autorit francez Jean Pierre Martinez.

Nën regjinë e Andia Xhungës, komedia e bëri publikun të qeshë dhe të futet në mendime, duke marrë duartrokitjet e merituara.

“Vendi më i humbur në Shqipëri” është sjellë në shqip nga përkthyesja Anxhela Çikopano dhe u interpretua nga trupa e aktorëve të Teatrit “Aleksandër Moisiu” të Durrësit, emra të njohur të skenës dhe ekranit.

Interesi i publikut ndaj veprës, ka qenë i menjëhershëm. Të gjitha biletat për dy netët e para u shitën në kohë rekord, duke e bërë këtë komedi një prej ngjarjeve më të shumëpritura të verës në qytetin bregdetar.

E vendosur në një fshat të vogël dhe të harruar, që rrezikon të fshihet përfundimisht nga harta, ngjarja nis kur një gazetare e famshme mbërrin papritur, duke sjellë me vete një sërë përplasjesh botëkuptimesh, ngjarjesh të papritura dhe situatash komike që sfidojnë logjikën e përditshme. Një tablo shoqërore me ngjyra absurde, por thellësisht njerëzore.

Me humor të hollë dhe ritëm të gjallë, komedia ngre pyetje mbi ekzistencën, kujtesën kolektive dhe marrëdhënien mes realitetit dhe absurditetit.

Skenografia dhe kostumografia janë konceptuar nga Alketa Tragaj, ndërsa muzika origjinale është krijuar nga Endri Sina.

Në kastin e aktorëve spikasin: Gentian Zenelaj, Romir Zalla, Mimoza Marjanaku, Aleksandër Seitaj, Ervin Doko, Amos Zaharia, Alesia Xhemalaj, Adelina Muça, Xhejni Fama dhe Jaho Guma. /j.p/

1 nga 17

The post Premiera e “Vendit më të humbur në Shqipëri”, në Amfiteatrin e Durrësit appeared first on Agjencia Telegrafike Shqiptare.

Cirku Kombëtar ofroi një shfaqje plot emocione për publikun e  Lezhës, në ambientet e Pallatit të Kulturës “Ded Ndue Lazri”.

Përmes numrave të akrobacive dhe surprizave të tjera trupa e Cirkut Kombëtar ofroi një mbrëmje të paharrueshme për fëmijët e Lezhës.

Interpretimet e akrobatëve të kësaj trupe sollën mjaft argëtim e të qeshura në sallë.

Një aktivitet i tillë tregoi se arti i cirkut mbetet një formë e gjallë, frymëzuese e argëtimit.

Që prej rihapjes, Pallati i Kulturës në Lezhë ka sjellë një sërë organizimesh, ndërsa aktivitetet nuk do të mungojnë as gjatë sezonit turistik./atsh/ KultPlus.com

TIRANË, 7 qershor /ATSH/ Shqipëria po mirëpret Javën Kulturore Italiane nga data 1 deri më 8 qershor. 17 aktivitete në një javë në qytete të ndryshme të vendit, po sjellin në qendër të vëmendjes artin, muzikën, teatrin, modën dhe dizajnin italian, duke përforcuar lidhjet e ngushta kulturore dhe historike mes dy vendeve.

Shfaqja “Faust” nga Davide Iodice u ngjit në skenën e ArtTurbina mbrëmjen e djeshme, si një interpretim modern i kryeveprës së Gëtes, një udhëtim shpirtëror mes tundimit dhe përjetësisë, i ndërtuar me ndjeshmëri nga një kast shqiptarësh dhe muzika magjepsëse e Lino Cannavacciuolo.

Protagonisti i “Faust” personifikon njeriun modern i gatshëm të shesë shpirtin për një çast përjetësie.

Fausti është rimishërimi i njeriut modern, për të cilin Djalli nuk përfaqëson më tundimin apo mëkatin, por vetëm të keqen e pranishme në jetë. Përmes shtatë mëkateve vdekjeprurëse dhe, mbi të gjitha, përmes takimit dhe dashurisë për Margaritën, Fausti do të jetojë mundimet e tij dhe vuajtjet e njeriut modern, duke mishëruar simbolin dhe, në të njëjtën kohë, sakrificën ekzemplare të luftës së vazhdueshme e të pafundme mes të mirës dhe të keqes.

Në role të “Faust” janë aktorët Hervin Çuli, Ema Andrea, Niada Saliasi, Gert Ferra, Indrit Çobani, Lulzim Zeqja, Besmir Bitraku, Ina Gjonçi, Krist Lleshi dhe Genti Deçka.

Kjo shfaqje teatrore është prodhim i Teatrit Kombëtar në bashkëpunim me Sardegna Teatro dhe me mbështetjen e Institutit Italian të Kulturës në Tiranë.

1 nga 15

/a.f/

The post Java Kulturore Italiane, shfaqja “Faust” në skenën e ArtTurbina appeared first on Agjencia Telegrafike Shqiptare.

Në epokën dixhitale, TikTok është bërë një nga platformat më të ndjekura nga shqiptarët. Por, përtej videove argëtuese dhe përmbajtjes kreative, një pjesë e kësaj bote virtuale është kthyer në një arenë ofendimesh, sharjesh, kërcënimesh dhe vulgariteti ekstrem – shpesh në sy të fëmijëve dhe me pasoja reale për familjet. Shfaqje pa filtrin e moralit. […]

The post TikTok-u shqiptar, kur fama kthehet në dhunë verbale dhe degradim shoqëror appeared first on BoldNews.al.

Teatri i Qytetit të Gjilanit ka njoftuar se kanë filluar provat për shfaqjen më të re “Gënjeshtra”, një vepër e dramaturgut të njohur francez Florian Zeller.

Drama sjell një tekst të mprehtë dhe të thellë, që trajton kufijtë delikatë mes së vërtetës dhe gënjeshtrës, dashurisë dhe dyshimit, duke prekur tema universale që prekin secilin.

Shfaqja do të vijë nën regjinë e Ekrem Sopit, dhe pritet të ketë premierën gjatë muajit qershor. Në rolet kryesore do të interpretojnë aktorët Gani Rrahmani, Qendresa Jashari, Alban Shahiqi dhe Safete Mustafa-Baftiu.

Për skenografinë është angazhuar Dhurim Ismajli, ndërsa kostumografia i është besuar Leudita Hysenit.

Nga Teatri i Qytetit theksojnë se kjo shfaqja “Gënjeshtra”,  vjen pas suksesit të jashtëzakonshëm të shfaqjes “E vërteta”, gjithashtu e autorit Florian Zeller, dhe premton të jetë një ngjarje artistike e veçantë, që do të sjellë emocione të fuqishme për publikun artdashës. /Telegrafi/

The post Teatri i Gjilanit nis provat për shfaqjen “Gënjeshtra” – një dramë mes dashurisë dhe dyshimit appeared first on Telegrafi.

Tetatri i Gjilanit do ta rikthej nesër dhe pasnesër shfaqjen “God Bless America”, me autor dhe regjisor nga Fatos Berisha.

Shfaqja do të jetë në skenë më 15 dhe 16 maj, në ora 20:00. “God Bless America” premton të sjell emocion tek publiku, duke shfaqur historinë e katër shitësve të Biblës.

Të shtyrë nga dëshira për mirëqenie familjare, ata futën në shtëpitë e njerëzve dhe përpiqen, me metoda të ndryshme, t’i bindin ata të blejnë Biblën.

Të trajnuar nga një specialist marketingu dhe të udhëzuar nga kisha, ata udhëtojnë nga shteti në shtet për të siguruar një jetë më të mirë.

“Katër shokë, pasi marrin një trajnim nga një specialist shitjeje dhe adresa e sugjerime nga kisha se ku mund të shesin 𝘉𝘪𝘣𝘭𝘦̈𝘯 dhe materiale të tjera religjioze, shetisin në çdo shtet të Amerikës për të shitur 𝘉𝘪𝘣𝘭𝘦̈𝘯 dhe kështu të sigurojnë mirëqenien familjare”, thuhet në njoftimin e teatrit. /Telegrafi/

The post Një rrugëtim për mbijetesë – Teatri i Gjilanit sjell sërish “God Bless America” appeared first on Telegrafi.

Një fundjavë e mbushur me magji dhe emocione i pret fëmijët e qytetit të Pejës!

Të shtunën, më 3 maj 2025, në ora 17:00, në kinemanë “Jusuf Gërvalla”, do të mbahet një mbrëmje e veçantë magjie dhe argëtimi me magjistarin e njohur italian Francesco Micheloni, që vjen nga qyteti Pistoia i Italisë.

Ngjarja organizohet nga Peja Lions Club, në bashkëpunim me Komunën e Pejës – Drejtorinë për Kulturë, Rini dhe Sport, dhe Lions Club Abetone – Pistoia.

Hyrja është falas për të gjithë, ndërsa shkollat dhe grupet e organizuara ftohen të konfirmojnë pjesëmarrjen paraprakisht për shkak të numrit të kufizuar të vendeve në sallë.

Kjo performancë është një dhuratë e veçantë për fëmijët e Pejës – një shfaqje ku bashkohen arti, fantazia dhe kultura, duke sjellë buzëqeshje dhe përjetime të paharrueshme.

Organizatorët ftojnë të gjithë qytetarët të bashkohen në këtë mbrëmje që premton emocione të veçanta dhe një atmosferë magjike./Telegrafi/

The post Magjia e artit për fëmijët e Pejës – artisti italian Francesco Micheloni sjell spektakël falas këtë fundjavë appeared first on Telegrafi.

Eurovision 2025 po hyn në fazën përfundimtare për të paraqitur një shfaqje spektakolare në Bazel të Zvicrës dhe siç zbulon producenti Christer Bjorkman, një nga hyrjet pritet të bëjë përshtypje dhe të debatohet ashpër. Në një intervistë për “The Euro Trip”, producenti suedez iu referua pjesëmarrjes që ra në sy, pasi fillimisht ndoqi provat e të gjithë artistëve. Edhe pse nuk tha se cilit shtet i referohej, ai deklaroi se:

Kemi një performancë koreografike në kulla të bëra me skela. Nuk kam parë kurrë diçka të tillë më parë. Është një paraqitje vërtet mbresëlënëse. Mezi pres ta shoh në skenë.

Edhe pse ai nuk e zbuloi artistin që qëndron pas idesë mbresëlënëse, komenti i tij ka ngjallur diskutime mes fansave të kompeticionit muzikor. Disa kanë sugjeruar se producenti mund t’i referohet Qipros dhe Theo Evan. Siç deklaroi Theo Evan marsin e kaluar, kënga e tij flet për një sekret që do të zbulohet në skenën e konkursit muzikor. Sa i përket paraqitjes skenike, ai theksoi se dëshiron që të jetë një surprizë e këndshme për publikun, pasi ai dhe bashkëpunëtorët e tij nuk do të ndjekin recetën klasike.

Dalja jonë do të jetë një surprizë, nuk do të jetë receta klasike me 4 kërcimtarë në një akt. Më pëlqen gjithashtu të eksperimentoj si artiste, të përfshihem në projekte krijuese dhe këtë do ta shihni në skenë. Dua të jetë një surprizë e bukur.

Sipas informacioneve, në mesin e vendeve pritet të përfshihen në skenën e tyre elemente të mëdha si Finlanda. Christer Bjorkman ka qenë producent i konkursit në vitet 2013, 2016, 2017, 2018, 2019, 2024 dhe 2025. Në vitin 2018, ai parashikoi me saktësi ecurinë e suksesshme të Eleni Foureiras, e cila përfaqësonte Qipron me “Fuego”, kur ajo nuk ishte ende favorite.

Teksa e gjithë Europa po përgatit për Eurovisionin e këtij viti që do të mbahet në Bazel të Zvicrës, Shqipëria shihet si një nga pretendentet për të dalë me sukses nga ky kompeticion. Për herë të parë në historinë e Eurovizionit, Shqipëria renditet në vendin e 10-të nga “bookmakers”-at për të dalë fituese, me 2% shanse, po aq sa Belgjika e Ukraina. Nuk kishte ndodhur kurrë që vendi ynë të renditej kaq lartë në listën e pretendentëve, teksa kënga “Zjerm” nga Shkodra Elektronike pëlqehet çdo ditë e më shumë nga fansat në të gjithë kontinentin.

The post Pritet të bëjë namin, producenti i ‘Eurovision’ tregon risinë spektakolare që do të ndodh në shfaqje appeared first on Sot News | Lajme.

George Clooney ka debutuar në Broadway me shfaqjen “Good Night, and Good Luck”, e cila po shfaqet në Winter Garden Theatre deri më 8 qershor. Në këtë produksion, ai luan rolin e gazetarit legjendar Edward R. Murrow, duke sjellë në skenë historinë e ekspozimit të senatorit Joseph McCarthy në vitin 1954. Shfaqja është një adaptim teatror i filmit të vitit 2005 me të njëjtin titull, të cilin Clooney e ka bashkë-shkruar dhe drejtuar më parë.

Biografia e Clooney-t në Playbill ka tërhequr vëmendje për tonin e saj humoristik dhe modest. Ai përmend se hera e fundit që ka performuar në një teatër Equity ishte në vitin 1986, në shfaqjen “Vicious” në Steppenwolf Theatre, duke shtuar me humor: “Ai nuk ka performuar kurrë në Broadway, prandaj… përgatituni.”

Për të përgatitur rolin, Clooney ka bërë një transformim fizik, duke errësuar flokët e tij për të përfaqësuar më mirë Murrow. Në natën e hapjes, shumë miq dhe kolegë të tij të famshëm ishin të pranishëm për ta mbështetur, përfshirë Jennifer Lopez, Anthony Edwards dhe Julianna Margulies.

Shfaqja ka një numër të kufizuar prej 99 performancash, dhe biletat janë aktualisht në shitje.

The post George Clooney ndez Broadway-n me shfaqjen që po bën namin! appeared first on iconstyle.al.

TIRANË, 27 mars /ATSH/ Automotive Fair Albania, eventi më i madh për të apasionuarit pas makinave, nis sot në kryeqytet dhe do të zgjasë deri në datën 30 mars.

Aktiviteti organizohet te Sheshi “Nënë Tereza” dhe Sheshi “Italia” në Tiranë.

Ky event sportiv vjen me aktivitete risi për promovimin e mëtejshëm të automotivit dhe transportin e gjelbër, lëvizshmërinë e sigurt dhe argëtimin.

Do të zhvillohen minigara, parada dhe shfaqje automotive, ekspozime mjetesh me interes të lartë historik RETRO dhe nuk do mungojnë aktivitetet edukative për të gjitha grupmoshat.

Programi i plotë:

/a.f/

The post Nis sot Automative Fair Albania, event unik për adhuruesit e makinave appeared first on Agjencia Telegrafike Shqiptare.

TIRANË, 22 mars/ATSH/- Teatri Kombëtar ka vënë në skenë për herë të parë dramën “15 ditë prilli”, e bazuar në romanin me të njëjtin titull të autores Anisa Markarian, një emër i njohur i kinematografisë shqiptare dhe jo vetëm.

Me regji të Driada Dervishit, ky dramatizim i gërshëtuar me situata groteske dhe humori është mirëpritur nga artëdashësit në Sallën Central në ArTurbina.

“15 Ditë Prilli” është një vepër që ngërthen dramën, emocionin dhe reflektimin mbi jetën dhe historinë. Kalimi i saj nga faqet e romanit në skenën e teatrit sjell një dimension të ri, duke i dhënë publikut mundësinë të përjetojë nga afër historinë e saj të fuqishme.

Vepra po interpetohet nga një kast i njohur aktorësh, mes të cilëve Yllka Mujo, Hervin Çuli, Alesia Xhemalaj, Romir Zalla, Suela Bako, Mimoza Marjanaku, Amos Zaharia, Adelina Muça, Sanie Hoti, Xhuliano Brisku, Aleksandër Seitaj dhe Jaho Guma.

Me një ekip të talentuar krijues, përfshirë kompozitoren Rona Castrioti, kostumografen Desantila Lika, skenografin Beqo Nanaj dhe koreografen Valentina Myteveli, shfaqja premton një qasje artistike të thellë dhe të ndjerë e cila do vijojë të shfaqet edhe gjatë kësaj fundjave duke ofruar një eksperiencë unike për artdashësit.

Romani “15 Ditë Prilli” i Anisa Markarian, rrëfen ngjarje të një kohe që duket si e pakohë, por që i referohet qartë kohës së një sistemi totalitar, siç ishte Shqipëria e një të shkuare të afërt: nëpërmjet elementeve bashkëkohore përfshirë nga autorja vendngjarja mund të ishte Shqipëria, po edhe cilido vend tjetër i një kohe të përjetshme, ku e tashmja dhe e shkuara bashkëjetojnë e përsëriten fatalisht.

The post “15 ditë prilli”, dramatizimi i romanit të Anisa Markarian, eksperiencë unike në ArTurbina appeared first on Agjencia Telegrafike Shqiptare.

Presidenti i FIFA-s, Gianni Infantino, ka zyrtarizuar risinë e radhës për Botërorin 2026. Do të jetë një dalje totale nga tradita e organizimit të ndeshjeve të futbollit. Edicioni i 23-të i Kupës së Botës do të zhvillohet SHBA, Meksikë dhe Kanada, ku do të mirëpriten 48 kombëtare. Stadiumi MetLife (82,500 spektatorë) në New Jersey është […]

The post E konfirmon presidenti Infantino: Finalja e Botërorit do të ketë një risi si SuperBowl appeared first on BoldNews.al.

TIRANË, 2 mars /ATSH/ Teatri Kombëtar i Operas, Baletit dhe Ansamblit Popullor ka publikuar sot kalendarin e aktiviteteve artistike për muajin mars.

Ky muaj nis me nota pranverore duke hapur siparin me J’adore Chopin, konkursin e parë ndërkombëtar për artistët e rinj dhe një koncert simfonik premierë absolute me vepra shqiptare dhe kryevepra të huaja.

“Ansambli Popullor, pas kthimit nga ITB Berlin, udhëton drejt Kosovës motër, për të ndarë fuqinë e traditës dhe për t’u rikthyer sërish në skenën e TKOBAP-së me koncertin Brez pas Brezi, një shfaqje që lidh brezat përmes muzikës dhe kërcimit”, thuhet në njoftimin e TKOBAP.

Gjigantët e kompozicionit, bashkohen në mbrëmjen gala “Bota e Re”, ndërsa magjia e operetës “Karnavaleve të Korçës” do të përmbyllë këtë muaj të pasur me art, duke sjellë gjallërinë e traditës dhe atmosferën festive në skenën tonë.

/a.f/

The post Kalendari artistik i TKOBAP për muajin mars appeared first on Agjencia Telegrafike Shqiptare.

TIRANË, 24 shkurt/ATSH/ Në trevjetorin e fillimit të luftës në Ukrainë, Kuvendi i Shqipërisë dhe Ambasada e Ukrainës, organizuan sot në Kryesinë e Kuvendit shfaqjen e filmit “Kur erdhi pranvera në Bucha”.

Në këtë veprimtari mori pjesë kryetarja e Kuvendit, Elisa Spiropali, ambasadorë dhe përfaqësues të Trupit Diplomatik, si edhe personalitete të jetës kulturore të vendit.

Të pranishmit i përshëndeti dhe i falënderoi për pjesëmarrjen Ambasadori i Ukrainës në Shqipëri, Volodymyr Shkurov.

Që prej fillimit të luftës, Kuvendi i Shqipërisë ka organizuar veprimtari të shumta, në të cilat është diskutuar jo vetëm për mbështetjen e Shqipërisë dhe të komunitetit ndërkombëtar për luftën e drejtë të Ukrainës, por edhe për tragjeditë njerëzore, vuajtjet, sakrificat e pasojat e tjera në popullsinë civile.

Kuvendi ka miratuar Rezolutën për mbështetjen e palëkundur të Ukrainës, ka ftuar e dëgjuar në një video-mesazh Presidentin Zelenskyy, ka shprehur mbështetje për Parlamentin e Ukrainës; sanksionet ndaj Rusisë, kontributin e vendit tonë  si bashkëpenëmbajtëse me SHBA për mbështetjen ndaj Ukrainës, gjatë mandatit si anëtare jo e përhershme e Këshillit të Sigurimit, organizimin në Tiranë të Samitit të Vendeve të Evropës Juglindore për Ukrainën si edhe pjesëmarrjen e Shqipërisë  në veprimtaritë ndërkombëtare në mbështetje të luftës së drejtë të Ukrainës.

1 nga 9

/k.s/j.p/

The post 3-vjetori i nisjes së luftës në Ukrainë, shfaqet filmi “Kur erdhi pranvera në Bucha” appeared first on Agjencia Telegrafike Shqiptare.

TIRANË, 22 janar/ATSH/ Aktiviteti dimëror kinematografik “Janari në festën e filmit shqiptar” çeli 2025-ën në fushën e filmit.

Ministri i Ekonomisë, Kulturës dhe Inovacionit, Blendi Gonxhja ndau në rrjetet sociale momente nga shfaqja e filmave shqiptarë në Pragë, Çeki.

“Me mbështetjen e Qendrës Kombëtare të Kinematografisë, ky aktivitet promovon vlerat më të mira të kinematografisë shqiptare, jo vetëm në Shqipëri, por dhe për shqiptarët e Pragës në Çeki dhe në Dibrën e Madhe- Maqedonia e Veriut”, tha Gonxhja.

Aktiviteti i cili mundësohet nga shtëpia Kinematografike Production Cinemania, po ndiqet me mjaft interes nga dashamirësit e kinemasë.

Pas Çekisë, nga data 23 janar deri më 25 filmat shqiptarë do të shfaqen në Dibrën e Madhe në Maqedoni të Veriut.

Në këtë aktivitet shfaqen disa prej titujve më të mirë të filmave, si filmi “Kapedani”, “Gjeneral Gramafoni”, etj, pjesë e tyre është dhe dokumentari “Lamtumirë filmi 35 mm”, si dhe “Bekim Fehmiu” që është shumë i mirëpritur në trevat shqipfolëse.

Filmi dokumentar për aktorin Bekim Fehmiu është shfaqur edhe në disa shtete të tjera, ku janë realizuar dhe xhirimet e tij, por u shfaq për herë të parë në Gjirokastër.

Aktiviteti “Janari në festën e filmit shqiptar” vijoi në datat 10-11-12 janar në qytetin e Gjirokastrës, 17-18-19-20 janar në Pragë- Çeki dhe do të përfundojë ditët me filmat shqiptarë në Dibër të Madhe.

1 nga 8

/k.s/j.p/

The post “Janari në festën e filmit shqiptar”, Gonxhja: Promovon vlerat më të mira appeared first on Agjencia Telegrafike Shqiptare.

Teatri i Mitrovicës “Muharrem Qena” ka filluar përgatitjet për shfaqjen e re që do të titullohet “Menaxheria e Qelqët”.

Regjisor i shfaqjes është Ilir Bokshi, skenograf Petrit Bakalli dhe kostumografe Vesa Kraja, shkruan Telegrafi.

Në rolet kryesore do të luajnë aktorët: Eshref Durmishi, Irena Aliu, Qendresa Kajtazi dhe Mehmet Preteni.

Sipas njoftimit, shfaqja “Menaxheria e Qelqët” është një histori e mbushur me emocione dhe dramë, e cila trajton tema universale si konflikti mes realitetit dhe ëndrrave, sfidat e marrëdhënieve familjare dhe përpjekja për të kapërcyer kufizimet personale.

“Me një ekip artistik të përkushtuar dhe një vizion të fuqishëm, ne synojmë ta sjellim këtë histori në mënyrën më të ndjerë dhe të jashtëzakonshme”, thuhet në njoftimin e teatrit.

Teatri i Mitrovicës i ka ftuar të gjithë qytetarët të vijnë që të shikojnë shfaqjen, derisa dita e premierës dhe shfaqjeve do të bëhen të ditura së shpejti.

“Ju falënderojmë për përkrahjen e vazhdueshme dhe për dashurinë që tregoni ndaj artit dhe kulturës. Së bashku, do të ndërtojmë edhe një përvojë tjetër të paharrueshme në teatrin ‘Muharrem Qena’. Për më shumë informacione, qëndroni të lidhur me ne në kanalet tona zyrtare”, thuhet tutje në njoftim. /Telegrafi/

The post Teatri i Mitrovicës nis përgatitjet për shfaqjen e re, do të trajtohet një histori me emocione dhe dramë appeared first on Telegrafi.

Tina Knowles iu kundërpërgjigj personave që kritikonin shfaqjen e pjesës së parë të NFL të vajzës së saj Beyoncé që u transmetua në Ditën e Krishtlindjeve të Netflix.

Shumë e kritikuan krijuesen e hitit “Texas Hold’em”, për një gjest me dorën e saj – të cilin liga e futbollit e ndaloi dhe i jep një dënim prej 15 metrash çdo lojtari që kapet duke e bërë këtë – gjatë performancës së saj të mrekullueshme.

Knowles, 70 vjeç, u përgjigj, megjithatë, përmes Instagramit të Premten, “Është befasuese për mua që do të merrje ditën tënde të çmuar të Krishtlindjes dhe do të shikoje një performancë të dikujt që e urreni dhe nuk mendoni se ka talent në mënyrë që të mund të flisni më vonë për këtë.

“Natyrisht që je aq i fiksuar pas tyre, i varur prej tyre dhe i admiron fshehurazi, do të doje që të mund të ishe ata, saqë nuk mund të mos i shikosh, kritikosh dhe komentosh dhe të thuash gjëra  që të bëjnë të dukesh qesharak!!” vazhdoi ajo.

“Kështu që shko në një kanal tjetër , shiko filma vizatimorë  ose diçka me të cilën mund të lidhesh dhe të shohësh veten. E thënë me dashuri.”

Duke lavdëruar etikën e punës së vajzës së saj, Knowles shtoi: “Kam mësuar aq shumë nga shpirti i saj luftëtar.

Nëna e Beyonce-s e ka mbrojtur këngëtaren e famshme herë pas here ndër vite.

Së fundmi, ajo iu përgjigj thashethemeve se Beyonce u pagua 10 milionë dollarë për t’u paraqitur në mitingun e Kamala Harris në Houston në tetor.

The post Mamaja e Beyonce reagon pas kritikave për shfaqjen e saj appeared first on Lapsi.al.

Studio e Baletit “Behia’s dance” do të jep shfaqjen e baletit për fëmijë “Magjia e Kërcimit”, në teatrin “Faruk Begolli”, shkruan KultPlus.

Në këtë shfaqje plotë magji do të performojnë zanat balerina, duke dhuruar një atmosferë të një bote endërrash.

Koreografia e shfaqjes është realizuar nga Behie Murtezi dhe Driton Saqipi.

Ngjarja mbahet më 21 dhjetor, në ora 19:00, në teatrin “Faruk Begolli” në AAB./ KultPlus.com

Cirk Marina Orfei, emri legjendar i cirkut italian, me një traditë mbi 50-vjeçare, vjen për herë të parë në Tiranë te stadiumi “Selman Stërmasi”.

Fëmijë të shoqëruar nga prindërit apo gjyshërit që prej 2 dhjetorit shijojnë shfaqje të magjishme brenda cirkut me çadër.

 “Në Tiranë ka cirk është cirku kombëtar, por cirk me çadër është hera e parë në Tiranë. Qëllimi është ta kemi të përvitshëm, të jetë në Tiranë në periudhën e Majit, të kthehet në një traditë. Është një gjë normale , standarde dhe jo e jashtëzakonshme”. Fëmijët janë çmendur sepse shfaqja është e jashtëzakonshme”,-tha Klodian Makashi, organizator.

Makashi tregon se përse zgjodhën që të marrinë akrobatë nga Italia, ndërsa zbuloi dhe strategjia që po ndjekin për fëmijët në nevojë.

“Sado të mirë që ne të jemi me gjërat që bëjmë në Shqipëri, kemi nevojë për atë njohurinë e atyre që kemi nga jashtë. Për të bërë diçka që të mos eksperimentojmë, më mirë sjellim dikë nga jashtë që të na tregojë se si bëhet dhe më pas të ketë një llojë sinergjie”, Klodian Makashi, organizator.

Akrobaci mahnitëse, iluzionistë që zhysin publikun në një botë misteri me truke të pabesueshme apo klounë, që sjellin buzëqeshje dhe hare, është ajo që ofron cirku, që do të zgjasë deri më 22 dhjetor.

Spektakli i Cirkut Orfei solli një performancë unike. Ndërkohë, ritmet e muzikës live dhe lojërat e dritave krijuan një atmosferë të paharrueshme.

LEXONI GJITHASHTU:

• “U përpoqën të pengonin procesin e anëtarësimit në BE”, Rama: Folën për komplote
• Sali Berisha regjistrohet në Gjykatën e Tiranës si kryetar i PD

The post Cirku legjendar italian ‘Marina Orfei’ në Tiranë, shfaqje magjike në kryeqytet appeared first on Euronews Albania.

Në bashkëpunim me Drejtorinë e Kulturës në Komunën e Vitisë, PriFest organizon shfaqjen e dy filmave: “Elena” nga regjisori Mateo Cingu dhe “Si në Vaj” nga regjisorja Aulona Selmani.

Më datë 13 dhjetor 2024, në ora 16:30, do të shfaqen këto filma që janë pjesë e aktiviteteve vjetore të PriFest.

Rreth filmave:

“Elena” – nga Mateo Cingu – Shqipëri

Një vajzë e re dhe e kurioze, Elena, përballet me një dilemë kur e sheh gruan që kishte njohur një natë më parë në një bar si mësuesen e saj të re në shkollë. Si do të ndikojë kjo në jetën e saj dhe marrëdhëniet që ndërton?

“Si në Vaj” – nga Aulona Selmani – Zvicër/Kosovë

Filmi tregon historinë e Nadies, luajtur nga aktorja e mirënjohur Ilire Vinca. Dikur një vejushë e re, Nadia vëzhgohet e kontrollohet vazhdimisht nga kunatat e saj rebele. Por pastaj shfaqet një autoportret nga e kaluara e saj qe e vënë në pikëpyetje mënyrën e saj të jetesës.

Shfaqja e filmave jepet në Shtëpinë e Kulturës “Gursel dhe Bajram Sylejmani” në Viti.

The post PriFest organizon shfaqjen e dy filmave në Viti appeared first on KultPlus.