Robert Muci, Skender Kallashi dhe Ledvis Hoxha janë tre shqiptarët e arrestuar në Greqi nga grupi i trafikut të kokainës. Gjithsej në grupin kriminal janë 14 pjesëtareve, mes tyre edhe Robert Muci, 41 vjeç nga Shushica e Vlorës, Skender Kallashi, 50 vjeç nga Novosela e Vlorës dhe Ledvis Hoxha, 27 vjeç nga Kutallia e Dimalit.

Gjithashtu bëhet e ditur se “Koka” që fshihej pas transportit të lëkurave me kokainë nga Amerika Latine në Greqi konsiderohet një shtetas 45-vjeçar shqiptar, i identifikuar si Luis Murataj (Karteri) i cili nuk u arrestua, por mësohet se jeton në Spanjë. Konkretish nga 14 anëtarët e grupit vetëm 11 persona janë arrestuar, 6 grekë, 3 shqiptarë, 1 kolumbian dhe 1 bolivian.

Laboratori i kokainës ishte në një depo dhe brenda një banesë. Në laborator kryhej ndarja e kokainës që ishte zhytur në lëkurë të papërpunuar me kimikate, ku disa nga të dyshuarit u kapën duke fjetur. Laboratori i paligjshëm u gjet se përmbante afërsisht 100 kilogramë kokainë të përzier me kripëra, të cilat ishin nxjerrë nga 200 lëkura.

Nga 1.500 lëkurat e mbetura të gjetura në paleta, sasia që grupi do të kishte prodhuar, pas ndarjes nga kripërat, vlerësohet të ketë qenë afërsisht 700 kilogramë.

“Lëkurat u importuan në vendin tonë nëpërmjet një kompanie me shumicë për mallra lëkure dhe mallra udhëtimi, të cilën e kishin krijuar vetë dhe u transportuan me automjete tregtare në një vend ku kishin instaluar një laborator të posaçëm kimik”, tha zëdhënësja e shtypit e policisë greke, Constantia Dimoglidou.

Kokaina u importua nga Amerika Latine në Shqipëri nëntorin e kaluar duke përdorur të njëjtën metodë.

The post Laboratori i kokainës në Greqi, 3 shqiptarë të arrestuar, “koka” në Spanjë (Emrat) appeared first on Lapsi.al.

Në kuadër të operacionit “The Bridge”, Policia e Gjirokastrës ka arrestuar 7 shtetas dhe ka shpallur në kërkim një tjetër për trafikim të emigrantëve ilegalë. Pas një ndjekjeje të shpejtë, u arrestuan 3 shtetas që po transportonin 6 emigrantë nga Filipinet nga Tirana drejt Sarandës. Gjatë operacionit, u sekuestruan 2 automjete, 2900 euro, 40,000 lekë dhe 4 celularë.

Një tjetër operacion, “Attempt”, çoi në arrestimin e 3 shtetasve që po transportonin 12 emigrantë nga Pakistan. Ata u kapën pas një ndjekjeje, kur nuk i respektuan urdhrin e Policisë për të ndaluar. Nga ky operacion, u sekuestruan 3 automjete, 1900 euro dhe 4 celularë. Hetimet vijojnë për kapjen e një shtetasi tjetër të shpallur në kërkim.

Njoftimi i policisë:

“Në kuadër të operacionit të koduar “The brigde”, u arrestuan në flagrancë shtetasit Altin Delija, Klajdi Toshkollari, u ndalua shtetasi Henri Ranci si dhe u shpall në kërkim shtetasi Klei Çela, për veprën penale “Ndihma për kalim të paligjshëm të kufijve”, kryer në bashkëpunim.

2 automjeteve që drejtonin këta shtetas iu është bërë shenjë për të ndaluar, në vendin e quajtur “Ura e Kardhiqit”.

Drejtuesit nuk i janë bindur urdhrit por kanë vijuar me shpejtësi lëvizjen. Menjëherë, shërbimet e Policisë u vënë në ndjekje dhe si rezultat bënë të mundur kapja e 3 shtetasve. Nga kontrollet, në automjetin që drejtonte shtetasi A. D., u gjetën 6 emigrantë nga Filipinet, të cilët po i transportonin nga Tirana në drejtim të Sarandës, kundrejt fitimit. Nga hetimet dyshohet se shtetasi i arrestuar K. T., dhe 17-vjeçari, kontrollonin rrugën për të sinjalizuar prezencën e Policisë.

Gjithashtu nga hetimet rezultojnë që kanë qenë të përfshirë në këtë veprimtari kriminale dhe shtetasi i ndaluar H. R., dhe shtetasi i shpallur në kërkim K. Ç., për të cilin punohet për kapjen e tij.

Në cilësinë e provës materiale u sekuestruan 2 automjete, 2900 euro, 40 000 lekë, si dhe 4 celularë. Në kuadër të operacionit të koduar “Attempt” u arrestuan në flagrancë shtetasit Ardit Koçi, Daniel Muçollari dhe Emanuel Ferra, për veprën penale “Ndihma për kalim të paligjshëm të kufijve”, kryer në bashkëpunim.

Të 3 këta shtetas në bashkëpunim me njëri-tjetrin, në vendin e quajtur “Kthesa e Jorgucatit”, gjatë tentativës për të transportuar 12 emigrantë nga Pakistani, janë lokalizuar nga shërbimet e Policisë, të cilët iu kanë bërë shenjë për të ndaluar. Drejtuesit e automjeteve nuk i janë bindur urdhrit por kanë vijuar me shpejtësi lëvizjen. Menjëherë, shërbimet e Policisë, iu janë vënë në ndjekje dhe si rezultat është bërë e mundur kapja e 3 shtetasve.

Në cilësinë e provës materiale u sekuestruan 3 automjete, 1900 euro, si dhe 4 celularë. “

The post Finalizohet operacioni policor “The Bridge”/ Transportonin emigrantë ilegalë, 7 të arrestuar, sekuestrohen para dhe… appeared first on Sot News | Lajme.

LONDËR, 4 korrik /ATSH-DPA/- Policia britanike ka arrestuar pothuajse 2 000 persona në një operacion njëjavor kundër rrjeteve të drogës, tha Këshilli Kombëtar i Shefave të Policisë (NPCC).

Forcat në të gjithë vendin kryen 1 965 arrestime, mbyllën 241 rrjete të trafikimit të drogës dhe sekuestruan 501 armë, afërsisht 178 kilogramë drogë të klasit A ​​dhe rreth 2,4 milionë paund (3,3 milionë dollarë) midis 23 dhe 29 qershorit.

Në Londër, Policia Metropolitane arrestoi 301 persona prej të cilëve 111 janë akuzuar.

Policia e Londrës gjithashtu mbylli më shumë se 100 rrjete të trafikimit të drogës dhe sekuestroi 12 armë zjarri, 78 armë – duke përfshirë shpata samurai dhe thika Zombie, gati 70 kilogramë drogë të klasit A ​​dhe më shumë se 600 000 paund.

Rrjetet e trafikimit të drogës janë zakonisht banda urbane, të cilat përdorin linja telefonike për të shitur drogë, kryesisht kokainë të fortë dhe heroinë, te klientët në qarqe të tjera.

“Elementi i saj më i fshehtë” përfshin shfrytëzimin e personave të cenueshëm, përfshirë fëmijët dhe ata me probleme të shëndetit mendor ose varësisë, duke i rekrutuar ata për të shpërndarë drogë ose duke përdorur shtëpitë e tyre si bazë për trafikim”, tha Policia Metropolitane. //a.i/

The post BM – Policia britanike arreston 2 000 persona në një operacion njëjavor kundër drogës appeared first on Agjencia Telegrafike Shqiptare.

Të arrestuarit, me inicialet I.M., N.A. dhe B.M., dyshohet se më 21 qershor 2025 kanë zhvilluar një takim në një hotel në Kraljevo, ku kanë planifikuar një ndryshim të dhunshëm të qeverisë në Republikën e Serbisë.

Me urdhër të Prokurorisë së Lartë Publike në Beograd, tre persona janë arrestuar nën dyshimin e bazuar për kryerjen e veprës penale të përgatitjes së një vepre penale kundër rendit kushtetues dhe sigurisë së Serbisë, në bazë të nenit 320 në lidhje me nenin 309 të Kodit Penal.

Sipas Prokurorisë, ata janë dakorduar të mos ktheheshin në shtëpi derisa të “vrisnin ose shkatërronin” përfaqësues të institucioneve shtetërore.

Po ashtu, ata kishin paralajmëruar përdorimin e armëve të zjarrit, planifikuan një sulm ndaj anëtarëve të policisë për çarmatosjen e tyre, si dhe një pushtim të dhunshëm të ndërtesës së Qeverisë së Serbisë, institucioneve të tjera dhe mediave si Radio Televizioni i Serbisë (RTS), “Happy” dhe “Informer”.

Njëri prej të dyshuarve, I.A., u arrestua në Gugalj, në rrugën për në Požega. Gjatë kontrollit të automjetit Škoda që ai drejtonte, në çantën e tij u gjet një pistoletë CZ 7.65 mm me numër serial të fshirë, një kornizë me 7 fishekë dhe një kuti me 25 fishekë të tjerë.

Sipas autoriteteve, armë të tilla me numra serialë të fshirë është shumë e vështirë të gjurmohen, dhe përdoren kryesisht për krime të rënda, përfshirë vrasje të planifikuara — ndaj dyshohet se atentate mund të ishin planifikuar në Beograd.

Përveç veprës penale kundër rendit kushtetues, I.A. do të përballet edhe me akuzën për prodhim, posedim, mbajtje dhe trafikim të paligjshëm të armëve të zjarrit dhe pajisjeve shpërthyese, sipas nenit 348 të Kodit Penal.

N.A. dhe B.M. u arrestuan në qytetin e Kragujevcit. Të tre të dyshuarit pritet të dërgohen në Prokurorinë e Lartë Publike në Beograd për t’u marrë në pyetje brenda 48 orëve.

Aksion i gjerë policor

Sipas burimeve jozyrtare të Kurir.rs, aksioni është pjesë e një operacioni të gjerë të zhvilluar nga Drejtoria e Policisë, UKP dhe Agjencia për Siguri dhe Informim (BIA), me urdhër të Prokurorisë së Lartë Publike në Beograd.

Arrestimet janë kryer në kuadër të hetimeve për krime të organizuara kundër rendit kushtetues dhe sigurisë kombëtare, ndërsa kontrolle janë duke u zhvilluar në disa lokacione në territorin e Republikës së Serbisë.

The post Aksion i gjerë policor/ Synim përmbysja e pushtetit në Serbi, çmontohet organizata kriminale, tre të arrestuar appeared first on Sot News | Lajme.

Gjykata e Tiranës ka vendosur të lërë në burg 22 nga të arrestuarit në kuadër të një operacioni kundër shpërndarjes së lëndëve narkotike në kryeqytet, ndërsa ka ndryshuar masën e sigurisë për vetëm dy persona të përfshirë në këtë grup.

E vetmja grua pjesë e këtij grupi, Xhoana Rustemi, u la në masën e sigurisë “detyrim paraqitje”. Ndërsa për Albert Shushkun, gjykata vendosi “arrest në shtëpi”, për shkak të rrethanave familjare, pasi ai është kujdestar i një fëmije me aftësi të kufizuara.

Ndërkohë, në qeli mbeten drejtuesit e dyshuar të rrjetit kriminal, vëllezërit Durim dhe Artur Gurzi, si dhe një numër tjetër personash të përfshirë në aktivitetin e trafikut të drogës, konkretisht:

Arnold dhe Adnan Hida, Elvis Sejdo, Julian Bushati, Sabian Jashari, Mario Avdiaj, Geraldo Kovaçi, Emrah Mustafaj, Vladimir Qerimi, Myzafer Xhanari, Albi Shehu, Ledio Dervishi, Juljan Rabushja, Elisard Rrustaj, Kledi Sinani, Bledar Duka, Kevin Troplini, Samuel Demiri, Ardit Dervishi dhe Ledin Kazanxhi.

Gjithashtu, kujtojmë se më herët, gjykata kishte vendosur arrest shtëpie për shtetasin Faik Kurti.

Operacioni i zhvilluar pak ditë më parë nga Policia e Tiranës dhe Prokuroria, kishte si objektiv një rrjet të mirëorganizuar të trafikut të drogës që vepronte kryesisht në lokale të njohura të natës në Tiranë.

The post Goditja grupit që shiste drogë në lokalet e Tiranës, lihen në burg 22 të arrestuarit (Emrat) appeared first on Sot News | Lajme.

25 persona u arrestuan dhe 8 të tjerë u shpallën në kërkim pasi së bashku operonin në disa zona të Tiranës në shpërndarjen e lëndëve narkotike. Droga që shpërndahej ishte kryesisht e llojeve të forta kokainë e heroinë. Objektiv ishte zona e bllokut dhe lokalet që frekuentohen kryesisht nga vipa, por edhe zona të tjera ku operonin anëtarët e ndarë në role

Të cilësuar si koka e grupit, Këta janë Durim dhe Artur Gurzi, dy vëllezeër të cilët siguronin drogën e përgatisnin atë në doza për ta shpërndarë dhe ndanun rolet e anëtarëve të tjerë të grupit. Dy vëllezërve u ushtruan një kontroll në banesë dhe iu gjetën 20 mijë euro. Ndërsa vëllai i tyre i 3 u shpall në kërkim. Baza e grupit ishte pranë zonës së shkollës së bashkuar, por shpërndahej edhe në selitë, al idem e fresk. 25 personat e arrestuar kan

Objektiv ishte zona e bllokut dhe lokalet që frekuentohen kryesisht nga vipa, por edhe zona të tjera ku operonin anëtarët e ndarë në role. Të cilësuar si koka e grupit, Këta janë Durim dhe Artur Gurzi, dy vëllezeër të cilët siguronin drogën e përgatisnin atë në doza për ta shpërndarë dhe ndanun rolet e anëtarëve të tjerë të grupit. Dy vëllezërve u ushtruan një kontroll në banesë dhe iu gjetën 20 mijë euro. Ndërsa vëllai i tyre i 3 u shpall në kërkim.

Baza e grupit ishte pranë zonës së shkollës së bashkuar, por shpërndahej edhe në selitë, alidem e fresk. Objektiv ishte zona e bllokut dhe lokalet që frekuentohen kryesisht nga vipa, por edhe zona të tjera ku operonin anëtarët e ndarë në role

Të cilësuar si koka e grupit, Këta janë Durim dhe Artur Gurzi, dy vëllezër të cilët siguronin drogën e përgatisnin atë në doza për ta shpërndarë dhe ndanun rolet e anëtarëve të tjerë të grupit. Dy vëllezërve u ushtruan një kontroll në banesë dhe iu gjetën 20 mijë euro. Ndërsa vëllai i tyre i 3 u shpall në kërkim. Baza e grupit ishte pranë zonës së Shkollës së Bashkuar, por shpërndahej edhe në Selitë, Ali Dem e Fresk. 25 personat e arrestuar kanë dalë përpara togave të zeza për tu njohur me masën e sigurisë.

The post Shpërndanin lëndë narkotike në ish-Bllok, 25 të arrestuarit para Gjykatës në pritje të masës së sigurisë appeared first on Sot News | Lajme.

Policia e Kavajës në bashkëpunim me Sektorin Operacional të Durrësit, kanë kryer kontrolle në disa banesa dhe ambiente me qëllim parandalimin dhe goditjen e veprimtarisë kriminale të kultivimit të bimëve narkotike.

Si rezultat i hetimit, është bërë e mundur kapja e 2 personave, të cilët kishin kultivuar 1200 bimë narkotike në 8 miniparcela në kodrat e fshatit Leka, pranë depos së ujit të këtij fshati.

Konkretisht, u vunë në pranga shtetasit me iniciale D. M., 59 vjeç, banues në fshatin Lekaj dhe A. H., 36 vjeç, banues në fshatin Donofrosë, Berat. Gjithashtu, u identifikuan dhe u shpallën në kërkim shtetasit R. K. dhe E. K.

Policia ka sekuestruar 20000 euro, 1000 fara kanabisi , 1 armë sportive, municion dhe sende të tjera të kundërligjshme.

Gjithashtu, u sekuestrua me cilësinë e provës materiale një pjesë e bimëve narkotike, ndërsa pjesa tjetër u asgjësua nëpërmjet djegies.

Po punohet me intensitet të lartë, për të kapur shtetasit e shpallur në kërkim, si dhe për të dokumentuar me prova ligjore këtë veprimtari kriminale.

Materialet procedurale iu referuan Prokurorisë së Durrësit, për veprime të mëtejshme.

LEXONI GJITHASHTU:

• Ilir Meta kërkon zbutjen e masës së sigurisë, SPAK zbulon episod të ri korrupsioni
• Të shtëna me armë zjarri drejt lokalit të ish-shoferit të ish-prokurorit Arjan Ndoja

The post Kavajë/ Kultivuan 1200 bimë kanabis, 2 të arrestuar, shpallen në kërkim 2 të tjerë appeared first on Euronews Albania.

Kreu i departamentit të policisë kibernetike në provincën Isfahan të Iranit qendror, Nematollah Taherpour u shpreh se këta persona kishin dëmtuar opinionin publik, duke rrezikuar sigurinë psikologjike të shoqërisë, me veprimet e tyre.

Autoritetet iraniane kanë arrestuar 60 persona me akuzën e përhapjes së thashethemeve dhe postimeve në rrjete sociale në favor të sulmeve izraelite.

Më parë, policia iraniane njoftoi se 26 persona ishin arrestuar në Semnan dhe Yazd për të njëjtën arsye. Sipas një raporti të Tasnim nga Isfahan, katër persona të tjerë u arrestuan “për ngritjen e një punishteje për të prodhuar dronë dhe predha që do të përdoreshin kundër objektivave iraniane, në favor të Izraelit”.

The post Arrestohen 60 persona në Iran/ Bënë postime duke mbështetur sulmet izraelite appeared first on Sot News | Lajme.

Policia e Durrësit ka realizuar kontrolle të vazhdueshme në ambientë të ndryshme, teksa kanë zbuluar 5 lokale ku organizoheshin lojëra fati, baste sportive.

Si rezultat, janë arrestuar tre persona, shtetasit A. N., 28 vjeç, E. K., 31 vjeç, E. K., 31 vjeç, të tre banues në Durrës.

Nga ana tjetër, janë proceduar në gjendje të lirë 7 persona: A. T., 22 vjeç, G. K., 22 vjeç, L. R., 65 vjeç, B. S., 57 vjeç, K. L., 44 vjeç, O. B., 18 vjeç dhe E. K., 56 vjeç, të gjithë banues në Durrës.

Të gjithë të përfshirët u kapën në flagrancë në këto lokale, duke organizuar lojëra fati, me celularë.

Në cilësinë e provës materiale janë sekuestruar 10 celularë që përdoreshin për këtë veprimtari të paligjshme.

LEXONI GJITHASHTU:

• Shpërndanin ekstazi e ketaminë në plazhet e Dhërmiut, arrestohen shtetasit anglezë
• Shisnin doza kanabisi në Berat, arrestohen dy të rinjtë

The post Durrës/ Organizonin lojëra fati në disa lokale, 3 të arrestuar, procedohen 7 persona appeared first on Euronews Albania.

Tre persona janë arrestuar nga policia e Tiranës për shitjen e jashtëligjshme të biletave të ndeshjes që do të zhvillohet më 7 qershor mes Shqipërisë dhe Serbisë. Ndërkohë dy të tjerë, një 25-vjeçar dhe një i mitur 16-vjeç do të hetohen në gjendje të lirë.

Sipas burimeve identifikimi i tyre është bërë nga rrjetet sociale pasi reklamonin shitjet e tyre nga 300 deri në 1000 euro.

“Shitën në Instagram, bileta për ndeshjen “Shqipëri–Serbi”, me çmim disa herë më të lartë se ai i përcaktuar nga FShF-ja, arrestohen 3 shtetas dhe procedohen në gjendje të lirë 2.

Si rezultat i sigurimit të informacionit se në një llogari në rrjetin social “Instagram”, shiteshin bileta për ndeshjen e futbollit “Shqipëri–Serbi”, me çmim disa herë më të lartë se ai i përcaktuar nga Federata Shqiptare e Futbollit, specialistët për Hetimin e Krimeve Ekonomiko-Financiare finalizuan operacionin “Attention”.

Në kuadër të operacionit, u identifikuan autorët e dyshuar të rastit, shtetasit L. M., 34 vjeç, A. T., 23 vjeç dhe I. L., 24 vjeç, të cilët u vunë në pranga, si dhe shtetasi E. Sh., 25 vjeç dhe një 16-vjeçar, për të cilët filloi procedimi në gjendje të lirë. Materialet procedurale iu referuan Prokurorisë së Tiranës, për veprime të mëtejshme, për veprat penale “Manipulimi i tregut” dhe “Fshehja e të ardhurave”, informoi sot policia.

The post Shisnin bileta për ndeshjen Shqipëri-Serbi në treg të zi, tre të arrestuar në Tiranë appeared first on Lapsi.al.

Dy shtetas janë arrestuar pas zbardhjes së një call center-i të paligjshëm në Tiranë, i cili ushtroi aktivitete mashtruese për të përfituar nga investimet në bursa fiktive.

Gjatë këtij operacioni, u arrestuan shtetasit Olsi Vasku 35 vjeç dhe Admir Behari 32 vjeç, të dy banues në Tiranë. Ata ishin administratorë të një subjekti të palicencuar, të cilin e kishin përshtatur si call center në Rrugën e Barrikadave.

Përmes këtij call center-i, ata kontaktonin shtetas të huaj dhe, duke përdorur mashtrime, i bindnin të investonin në bursa të rreme, për të fituar para përmes një veprimtarie të padeklaruar.

Grupi hetimor ka sekuestruar 5 laptopë dhe 2 aparate celularë, të cilat përdoren për operacionet e paligjshme.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Me lëndë narkotike dhe armë pa leje në banesë, arrestohet 18-vjeçari
• Elbasan/ Falimentuan 7 fasoneri për të shmangur tatimet, ekzekutohen 4 masa sigurie

The post Tiranë| Mashtronin të huajt për të investuar në bursa fiktive, 2 të arrestuar appeared first on Euronews Albania.

Në kuadër të operacionit “Firemen”, shërbimet e Komisariatit të Policisë Mat zbardhën autorësinë e rastit. Si rezultat i hetimeve të thelluara, të kryera menjëherë pas denoncimit të një 30-vjeçari, se i kishin djegur automjetin, gjatë orëve të para të mëngjesit të datës 01.06.2025, në Burrel.

Gjatë operacionit u identifikuan autorët e dyshuar, shtetasit Egri Koçi (Hani), 24 vjeç, banues në fshatin Zenisht dhe J. S., 25 vjeç, banues në Burrel. Shërbimet e Policisë kapën dhe vunë në pranga 24-vjeçarin dhe vijojnë punën për kapjen e shtetasit Jurxhin Sada.

Gjithashtu, në lidhje me këtë rast, nisi procedimi në gjendje të lirë për shtetasin R. K., 23 vjeç, banues në Burrel, për veprën penale “Moskallëzimi i krimit”. Materialet procedurale iu referuan Prokurorisë së Dibrës, për veprime të mëtejshme.

The post Finalizohet operacioni policor “Firemen”/ Dogjën automjetin në Mat, arrestohet një nga autorët shpallet në kërkim… appeared first on Sot News | Lajme.

Gjatë një operacion antidrogë, autoritetet belge kanë goditur një organizatë kriminale shqiptare, ku raportohet se 6 shtetas u vendosën në pranga.

Lajmi u bë i ditur të hënën nga Prokuroria Publike e Leuven-it, e cila konfirmoi se të ndaluarit ishin pjesë e një rrjeti ndërkombëtar të trafikut të drogës.

Hetimet kishin nisur që në nëntor të vitit 2023 nga Policia Federale Gjyqësore (PJF) në Leuven, pas dyshimeve se grupi kishte ngritur plantacione të sofistikuara kanabisi në Belgjikë dhe Francë, si dhe ishte i përfshirë në transport ndërkombëtar të lëndëve narkotike.

Grupi kriminal operonte kryesisht nga rajonet Diest, Geel dhe Liège, ndërkohë që kishte lidhje me bashkëpunëtorë në disa vende të tjera evropiane, duke përdorur një rrjet të mirëorganizuar logjistik.

Operacioni kulmoi më 20 maj me 11 kontrolle në qytetet Diest, Geel, Herstal, Lummen, Liège, Oupeye dhe Tremelo.

Tetë persona u arrestuan, nga të cilët gjashtë – të moshës nga 32 deri në 46-vjeç, u vendosën në paraburgim me urdhër arresti, ndërsa dy të tjerë u lanë të lirë por mbeten në hetim.

Në të njëjtën ditë, autoritetet shqiptare dhe franceze zhvilluan kontrolle të ngjashme në territoret e tyre, në koordinim me hetimet belge.

Gjatë aksionit, rreth 90 efektivë policie morën pjesë, përfshirë njësitë e posaçme dhe shërbimet doganore, si dhe policinë lokale nga disa qytete.

Sipas Prokurorisë së Leuven-it, gjatë kontrolleve u sekuestruan 36.5 kilogramë kanabis, si dhe substanca të tjera narkotike si ketaminë, kokainë, ekstazi, gaz i qeshur dhe amfetaminë.

Gjithashtu, u gjetën para cash, armë zjarri dhe prova të tjera materiale që do t’i nënshtrohen hetimeve të mëtejshme.

The post Operacion i madh në Belgjikë/ Goditet organizata kriminale shqiptare, 6 të arrestuar appeared first on Albeu.com.

Në Gjykatën e Durrësit kanë mbërritur 7 të arrestuarit e restorantit në Gjrin e Lalzit nga operacioni Enigma. Ata kanë mbërritur nën masa të larta sigurie dhe do të dalin para gjykatës ku do të njoihen me masat e tyre të sigurisë.

Shtatë të arrestuarit janë Xhevdet Plakun, i cili ishte arratisur nga burgu në Itali, Voltan dhe Jugert Xhanin, Fatjon Qesjan, Oltion Hasanin, Alfred Hasanaj dhe Flobenc Meçja (Gega).

Gjatë operacionit u sekuestruan 4 armë zjarri pistoleta të cilat këta shtetas i mbanin me vete, me fishekë në fole gati për qitje.

Xhevdet Plaku që njihet me nofkën “Kiss” nga Durrësi ishte i shpallur në kërkim ndërkombëtar pasi është arratisur nga burgu i Ankonës në janar të këtij viti. 45-vjeçari ishte dënuar në shtetin fqinj për trafik droge.

Ndërsa Flobens Meçja, alias Gega alias Drini nga Shkodra ishte shpallur në kërkim nga SPAK-u prej një viti, si pjesë e dosjes “Plumbi i Artë”. 43 -vjecari akuzohet për veprat penale “Organizata kriminale” dhe “Sigurimi i kushteve dhe i mjeteve për të kryer vrasje”.

Voltan Xhani është i dyshuari kryesor për organizimin e vrasjes së Elis Rroshkodolit në lagjen “Ahmet Haxhiu” në Shkodër mesditën e 30 gushtit 2024.

The post Operacioni “Enigma”/ Mbërrijnë nën masa të rrepta sigurie në Gjykatën e Durrësit, Xhevdet Plaku dhe 6 të tjerët appeared first on Sot News | Lajme.

Arrestime dhe procedime penale ndaj disa shtetasve. Policia e Tiranës ka goditur një sërë rastesh të përndjekjes dhe keqpërdorimit të të dhënave personale në rrjetet sociale.

Në kuadër të hetimeve të zhvilluara nga specialistët për Hetimin e Krimeve Ekonomike dhe Financiare, si dhe nga Komisariati i Policisë Nr. 1, janë referuar materialet në Prokurori për një sërë personash të dyshuar për përndjekje, hapje profilësh false dhe komente fyese ndaj qytetarëve.

Në një prej rasteve, një 22-vjeçar u arrestua për përndjekjen e një 21-vjeçareje, ndërsa një tjetër shtetas është shpallur në kërkim. Autoritetet vijojnë hetimet për zbardhjen e plotë të rasteve dhe për të ndalur keqpërdorimet në platformat online.

Njoftimi i policisë:

Specialistët për Hetimin e Krimeve Ekonomike dhe Financiare referuan materialet në Prokurori, ku nisi procedimi në gjendje të lirë për shtetasit:

-V. T., 20 vjeçe, pasi dyshohet se ka hapur në rrjete sociale, dy profile false, me të dhënat e një 21-vjeçareje;

-F. D., 35 vjeç, pasi dyshohet se ka hapur në rrjete sociale, një profil me fotografitë e një 42-vjeçareje;

-G. J., 46 vjeç, pasi bazuar në kallëzimin e bërë nga një 46-vjeçare, ky shtetas bën komente fyese në profilin e saj në rrjete sociale;

-D. Xh., 29 vjeç, pasi dyshohet se ka përndjekur në rrjete sociale, një 30-vjeçar;

-shpallën në kërkim shtetasin G. Q., 52 vjeç, pasi dyshohet se ka hapur në rrjete sociale, një profil fals me atë të të cilit përndjek një 41-vjeçare.

Specialistët për Hetimin e Krimeve të Komisariatit të Policisë Nr. 1:

-arrestuan shtetasin H. V., 22 vjeç, pasi dyshohet se ka përndjekur një 21-vjeçare;

The post Disa të arrestuar e të proceduar në Tiranë/ Përndjekje dhe publikim të të dhënave në rrjetet sociale appeared first on Sot News | Lajme.

Dy persona, Hasan Doka dhe Redion Lelo janë arrestuar nga Policia e Tiranës pasi kanë fotografuar votën e tyre në kundërshtim me ligjin.

“Në vijim të informacionit paraprak të dhënë më parë, se shërbimet e komisariateve të Policisë Nr. 3 dhe Nr. 4 kishin shoqëruar në ambientet e Policisë, 2 shtetas që sipas njoftimeve të kryetarëve të komisioneve të qendrave ku kishin votuar, kishin fotografuan fletët e tyre të votimit, informojmë se:

Në vijim të veprimeve procedurale në lidhje me këto raste, është bërë arrestimi në flagrancë i këtyre 2 shtetasve, konkretisht H. D., 57 vjeç dhe R. L., 28 vjeç, për veprën penale “Shkelja e fshehtësisë së votimit”. Materialet procedurale do t’i referohen Prokurorisë, për veprime të mëtejshme në lidhje me rastet”, njofton policia./abcnews.al

Dhjetëra persona janë arrestuar në Turqi për dyshime se kanë bërë thirrje për demonstrata për 1 Majin në sheshin Taksim, në qendër të Stambollit. Pas protestave të Parkut Gezi në vitin 2013, të cilat filluan në Sheshin Taksim, demonstratat antiqeveritare janë të ndaluara në këtë shesh.

Të arrestuarit akuzohen se i përkasin organizatave ekstremiste të krahut të majtë. Sipas raportimeve 76 persona janë arrestuar dhe gjithsej 84 të dyshuar janë në kërkim. Në vitet e mëparshme, autoritetet kanë bërë arrestime të shumta dhe kanë ndodhur përleshje midis policisë dhe protestuesve në lidhje me demonstratat e 1 Majit.

Sheshi Taksim është simbolikisht i rëndësishëm për sindikatat dhe opozitën. Sindikatat donin të përkujtonin 1 Majin e vitit 1977, kur snajperët hapën zjarr ndaj një tubimi masiv prej rreth 500,000 demonstruesish, duke vrarë shumë njerëz.

The post 76 persona të arrestuar në Turqi pas thirrjes për protesta më 1 Maji, 84 të tjerë në kërkim appeared first on Albeu.com.

25 persona janë arrestuar në bastisjet e hershme të mëngjesit nga policia në të gjithë Francën. Masat e autoriteteve vijnë si një përgjigje të një vale sulmesh të koordinuara në burgje dhe shtëpitë e oficerëve të burgjeve në prill.

Bastisjet po zhvillohen në të gjithë vendin këtë të hënë, duke përfshirë në kryeqytetin Paris dhe disa qytete të tjera si Marseille dhe Bordeaux në jug dhe qytetin e Lionit.

Ministri francez i Drejtësisë Gérald Darmanin ka deklaruar se sulmet janë vepër e bandave që po hakmerren kundër një goditjeje të re të qeverisë ndaj trafikut të drogës.

Incidentet më të rënda ndodhën gjatë pesë netëve në fillim të këtij muaji, me djegien e automjeteve dhe dy burgje të shënjestruara me armë zjarri në ato që Darmanin i përshkroi si “sulme terroriste”

The post Sulmet në burgje/ Policia “blindon” Francën appeared first on Sot News | Lajme.

Më shumë se 100 emigrantë, të dyshuar për qëndrim të paligjshëm në Shtetet e Bashkuara, u arrestuan në Colorado Springs pas një operacioni të policisë që u realizua në një klub nate të paligjshëm në një qendër tregtare.

Gjatë bastisjes, më shumë se një duzinë ushtarësh të shërbimit aktiv ishin gjithashtu në klub, dhe autoritetet federale thanë se disa prej tyre po punonin në këtë aktivitet të jashtëligjshëm.

Agjentët e DEA-s njoftuan praninë e tyre përpara se të hynin në klubin e natës, sipas informacionit të publikuar nga Divizioni i Fushës së Malit të Roces në X (Twitter).

“200 persona ndodheshin brenda – të paktën 114 prej tyre në SHBA pa leje. Përveç kësaj, më shumë se një duzinë ushtarë të shërbimit aktiv ishin si klientë ose roje sigurie,” thuhet në postimin e tyre.

Prokurorja e Përgjithshme, Pamela Bondi, njoftoi në X se gjatë bastisjes u arrestuan dy persona që kishin urdhra të hapur arrestit.

“Urdhri i Trump për ta bërë Amerikën të sigurt përsëri po sjell rezultate!” shkroi ajo.

Jonathan C. Pullen, Agjent i Posaçëm i Divizionit të DEA-s në Malin e Roces, tha gjatë një konference për shtyp se:  “Ajo që ndodhi brenda ishte tregti e paligjshme droge, prostitucion, dhe krime të dhunshme. Sekuestruam një numër armësh në brendësi. Kishim ushtarë aktivë që po mbanin sigurinë në klub dhe ishin të përfshirë në disa nga këto krime.”

Droga që u gjet në klubin e nënndërmarrë përfshinte kokainë dhe kokainë rozë, e njohur gjithashtu si “tusi”, shtoi Pullen.

Të gjithë ata që mendohet të jenë në SHBA pa leje janë marrë në paraburgim nga Shërbimi i Emigracionit dhe Doganave (ICE), ndërsa ushtarët e shërbimit aktiv janë dorëzuar në Divizionin e Hetimeve Kriminale të Ushtrisë.

Një zëdhënës i Divizionit të Hetimeve Kriminale të Ushtrisë tha për CNN se ata janë duke kryer një hetim të përbashkët me DEA-n, e cila është agjencia udhëheqëse. “Për shkak të natyrës së hetimit, nuk mund të ofrojmë më shumë informacion në këtë moment,” tha zëdhënësi.

Presidenti Donald Trump lavdëroi bastisjen, duke thënë në TruthSocial se ajo kishte synuar disa nga personat më të këqij në SHBA, të cilët ai pretendoi se gjykatësit janë të pasigurt për t’i deportuar.

Në një video që shfaqte agjentët duke hyrë në ndërtesë, Presidenti shkruante: “Një bastisje e madhe mbrëmjen e kaluar ndaj disa prej njerëzve më të këqij të paligjshëm në vend — Traficantë droge, Vrasës dhe kriminelë të tjerë të dhunshëm, të të gjitha llojeve, dhe gjykatësit nuk duan t’i kthejnë atje ku kanë ardhur. Nëse nuk e fitojmë këtë betejë në Gjykatën e Lartë, vendi ynë, siç e dimë, do të Mbyllet! Do të bëhet një Kaos i mbushur me Krime. Bëni Amerikën të Madhe Përsëri!”

Administrata Trump po përballet me sfida ligjore për programin e saj të deportimeve masive. Javën e kaluar, Gjykata e Lartë ndaloi deportimin e disa emigrantëve që mund të bien nën Ligjin për Armikun e Huaj.

Nga ana tjetër, Departamenti i Drejtësisë ka thënë se do të hetojë çdo zyrtar lokal që nuk ndihmon autoritetet federale për çështjet e emigracionit.

Në një video të postuar online nga DEA të dielën në mëngjes, u shfaqën agjentët federalë që thyen një dritare të madhe të ndërtesës dhe disa persona po arratiseshin përmes derës, vetëm për t’u ndaluar nga agjentët federalë të armatosur.

Disa prej tyre ishin veshur me fustan dhe veshje që ishin të përshtatshme për një klub nate.

Në një video tjetër të DEA-s, agjentët adresonin ata që ndodheshin brenda ndërtesës nga jashtë: “Kjo është policia me një urdhër kërkimi, kërkojmë hyrje. Doli një për një nga dera e përparme, pa asgjë në duar, me duar lart,” pasuar nga udhëzime në spanjisht.

Qindra agjentë nga më shumë se 10 agjenci federale morën pjesë në bastisje, tha Pullen.

Klubi i natës ka qenë nën mbikëqyrje nga DEA dhe agjencitë partnere për “disa muaj”, dhe autoritetet kanë dokumentuar trafikimin e drogës, prostitucionin dhe praninë e anëtarëve të bandës venecuelane Tren de Aragua, MS-13 dhe Hells Angels, tha Pullen.

“Nuk kam informacion nëse ata anëtarë ishin aty atë natë, por ende po punojmë me shumë nga këto, pasi kemi kaq shumë njerëz në paraburgim,” shtoi ai.

“Colorado Springs po zgjohet një qytet më të sigurt këtë mëngjes të diel,” tha Pullen.

LEXONI GJITHASHTU:

• Politikat tregtare të SHBA-së, aksionet e Azisë rriten sërish
• SHBA-ja synon mbylljen e MCC-së, raportojnë mediat

The post VIDEO/ DEA bastis lokalin e natës në Colorado Springs, 100 emigrantë të arrestuar appeared first on Euronews Albania.

Në vijim të punës hetimore intensive që po kryhet nga strukturat e Policisë së Tiranës, për zbardhjen e vjedhjeve dhe për nxjerrjen përpara përgjegjësisë penale të autorëve të tyre, Komisariati i Policisë Nr. 1 finalizoi operacionin “Logo”.  Gjatë 4 muajve, vodhi në të njëjtin dyqan, aksesorë me vlerë rreth 11 200 euro, kapet 40-vjeçari, i dënuar më parë, për të njëjtin krim.

Gjatë operacionit, u identifikua, u kap dhe u vu në pranga shtetasi E.(D.) D., 40 vjeç, banues në Tiranë. Ai dyshohet se gjatë 4 muajve të fundit, ka vjedhur në të njëjtin dyqan, 7 palë syze me vlerë rreth 11 200 euro. Vijojnë hetimet për të zbardhur vjedhje të tjera që mund të ketë kryer 40-vjeçari.

The post Finalizohet operacioni policor “Logo”/ Arrestohet 40-vjeçari, vodhi në dyqan aksesorë me vlerë mbi 11 mijë euro appeared first on Sot News | Lajme.