Presidenti i SHBA-së Trump angazhimin e planifikuar të gardës kombëtare në Uashington e argumenton me kuotën e lartë të kriminalitetit, që sipas tij është më e lartë se në bastionet e kriminalitetit në Amerikën Latine.

“Unë do të angazhoj gardën kombëtare, për të rivendosur ligjin, rendin dhe sigurinë publike në Uashington D.C.”, tha Trump në prani të ministritt ë Mbrojtjes Pete Hegseth dhe ministress ë Drejtësisë Pam Bondi.

Duke argumentuar me rritjen e shfrenuar të kriminalitetit në Uashington presidenti i SHBA-së, Donald Trump, angazhon gardën kombëtare në kryeqytet. Policia e qytetit do të vihet nën kontrollin federal, tha Trump.

Fillimisht do të angazhohen 800 gardistë kombëtar, në rast nevoje do të mobilizohen edhe më shumë forca. Qëllimi është, që të rivendoset siguria publike.

Trump u shpreh për një “ditë e çlirimit” për kryeqytetin e SHBA-së. Ai do ta ruajë Uashingtonin nga “kriminaliteti, gjakderdhja, kaosi dhe të këqiat”, tha Trump.

Nxitja e opinionit kundër të pastrehëve dhe kriminelëve

Dëshmi për pretendimet e Trumpit, se situata është “jashtë kontrollit” nuk ka – një vështrim në statistikat e kriminalistikës tregon, se ka rënie të numrit të krimeve.

Sipas policisë lokale numri i kündërvajtjeve me dhunë nga fillimi i gushtit të këtij viti ka shënuar rënie me një të katërtën krahasuar me një vit më parë. Numri i përgjithshëm i kundërvajtjeve është ulur me shtatë përqind.

Edhe ndërmjet viteve 2023 dhe 2024 është ulur numri i krimeve të regjistruara. Prokuroria e distriktit District of Columbia për vitin 2024 njofton, se ka pasur vlerën më të ulët të krimeve me dhunë që prej 30 vjetësh.

Uashingtoni ka rreth 700.000 banorë dhe një status të veçantë, duke qenë bastion i partisë demokrate.

Prej javësh Trump nxit frymën në opinion kundër të pastrehëve dhe kriminelëve në kryeqytet. Në prag të këtij vendimi ai pati deklaruar një nismë kundër këtyre.

“Të pastrehët duhet të largohen, menjëherë”, shkruan ai në platformën e tij Truth Social. Ai postoi edhe fotografi të çadrave të të pastrehëve dhe ndotjet në anët e rrugëve.

“Ne do t’u ofrojmë juve strehim, por shumë larg nga kryeqyteti.” Sipas tij qyteti duhet të bëhet më i sigurt dhe më i bukur si asnjëherë më parë. Kriminelët ai do t’i çojë në burg.

Garda kombëtare është pjesë e ushtrisë së SHBA-së

Trump udhëzoi mobilizimin e gardistëve dhe marinsave të ushtrisë edhe gjatë trazirave lidhur me migracionin në Los Anxhelos,

Ndërkohë këto forca janë tërhequr nga qyteti. Por çështja ka kaluar në gjykatë lidhur me legjitimitetin dhe proporcionin e një mobilizimit të tillë.

Garda kombëtare është pjesë e një njësie rezerviste të ushtrisë së SHBA-së. Normalisht shtetet federale e kanë vet kontrollin ndaj gardës kombëtare. Në raste emergjence kombëtare presidenti i SHBA-së mund të marrë komandën.

Garda nacionale mund të angazhohet në raste katastrofash natyrore, trazirash apo raste emergjence SHBA kanë gjithsej mbi 325.000 gardistë kombëtarë, sipas të dhënave të mëhershme./DW

Kryeministri Edi Rama ka ndarë sot pamje të reja nga kantieri i rindërtimit të Muzeut Kombëtar të Arteve të Bukura.

Përmes një postimi në rrjetet sociale, Rama thotë se kantieri po avancon dita-ditës dhe se puna e bërë do të sjellë një transformim të plotë të institucionit historik të artit shqiptar.

“MIRËMËNGJES dhe nga kantieri i Rilindjes së Muzeut Kombëtar të Arteve të Bukura, ku dita-ditës po merr formë një hapësirë e re arti, që do t’i shtojë kryeqytetit hapësira të zgjeruara për ekspozita, kushte të avancuara për ruajtjen e veprave, laborator modern restaurimi dhe teknologji, gjithçka për të mirëpritur vizitorë, kuratorë dhe artistë nga vendi dhe bota, ju uroj një ditë të mbarë,” shkruan kryeministri.

Gadishulli Iberik dhe vendet e Ballkanit po luftojnë me shumë zjarre, në mes të një vale të nxehti, që kanë shkatërruar tashmë një pjesë të zonës  turistike spanjolle të Las Medulas, një vend i trashëgimisë botërore të UNESCO-s.

Vala e të nxehtit që po përshkon Evropën ka bërë që institutet meteorologjike në Francë, Itali dhe deri në Shqipëri të lëshojnë alarme për valë të nxehti.

Në Francë, qyteti i Bordosë theu sot rekordin e të nxehtit me 41,6°C.

”Këto temperatura të larta, të cilat po fillojnë të mbërrijnë Mbretërinë e Bashkuar, janë çuditërisht të forta krahasuar me të dhënat historike.

Megjithatë, valët e të nxehtit më të përhapura, më të gjata dhe më të shpeshta janë një pasojë e parashikueshme e rritjes së përqendrimeve të gazrave serrë në atmosferë, kryesisht për shkak të përdorimit tonë të lëndëve djegëse fosile”, shpjegon Richard Allan, një profesor në Universitetin e Readingut në Mbretërinë e Bashkuar.

“Intensiteti i valëve të të nxehtit të verës, si dhe kushtet ekstreme të motit, qofshin të thata apo të lagështa, do të vazhdojnë të përkeqësohen në mënyrë progresive derisa të kontrollojmë emetimet e gazrave serrë dhe të stabilizojmë ngrohjen globale”, shtoi ai, duke theksuar nevojën për t’u “përgatitur për një botë më të rrezikshme”.

Ministria italiane e Shëndetësisë lëshoi një alarm të kuq të hënën për shtatë qytete të mëdha, përfshirë Bolonjën dhe Firencen, pasi temperaturat pritet të rriten më tej në ditët në vijim. Njëmbëdhjetë qytete janë në alarm të kuq për të martën dhe 16 për të mërkurën.

Rreth 190 zjarrfikës dhe ushtria vazhdojnë të luftojnë një zjarr që ka shpërthyer që nga e shtuna në parkun përreth malit Vezuv, i cili është i mbyllur për turistët.

Një djalë katërvjeçar rumun vdiq nga goditja nga nxehtësia, disa ditë pasi u gjet pa ndjenja në makinën e familjes në Sardenjë.

Në Spanjë, vala e të nxehtit njëjavor, me temperatura që i afrohen 40°C, pritet të vazhdojë deri të dielën, sipas agjencisë lokale meteorologjike, dhe po shkakton zjarre të shumta.

”Rajoni i Castile dhe Leon, ku ndodhet Las Medulas, një ish-minierë ari romake e listuar nga UNESCO në vitin 1997, ka regjistruar 13 zjarre në vetëm tre ditë”, tha për shtypin Juan Carlos Suarez-Quinones, këshilltar mjedisor për këtë rajon veriperëndimor, duke theksuar se shumë prej tyre janë të qëllimshme.

– Trashëgimia –

Erërat po e bëjnë “shumë të vështirë” shuarjen e zjarrit, i cili po i shndërron pemët shekullore që mbulojnë vendin e Las Medulas në hi, dhe që ka shkaktuar katër lëndime të lehta, sipas të njëjtit burim.

“Do të duhen vite që peizazhi të rikuperohet”, u ankua Alfonso Fernandez, kryebashkiak i Carucedo, një qytet aty pranë, në një intervistë me radion ”Cadena Ser”.

Një zjarr tjetër pranë qytetit turistik të Tarifës në Spanjën jugore, i cili ishte nën kontroll të premten, është ndezur përsëri, duke detyruar evakuimin e 2 000 njerëzve, disa nga hotelet ose plazhet.

Portugalia fqinje po lufton me tre zjarre të mëdha të hënën. Më shqetësuesja ndodhet në Trancoso, në qendër, dhe ende po mobilizon më shumë se 650 zjarrfikës.

”Kjo shkaktoi gjashtë lëndime të lehta, përfshirë tre zjarrfikës”, sipas një raporti të Mbrojtjes Civile të cituar nga agjencia e lajmeve Lusa, e cila megjithatë vëren se situata po përmirësohet.

Në Francë, 20 departamente, kryesisht në perëndim dhe jug, u klasifikuan si në rrezik të lartë për zjarre nga Meteo-France të hënën, një ditë pasi zjarri masiv që përfshiu 16 000 hektarë në departamentin Aude u vu nën kontroll.

Në Turqi, më shumë se 2 000 njerëz u detyruan të evakuoheshin të hënën në provincën veriperëndimore të Çanakkalesë, ku një zjarr i dhunshëm shkatërroi shtëpitë dhe intoksikoi dhjetëra banorë.

– Ballkani po mbinxehet –

Një alarm i kuq për valën e nxehtësisë është gjithashtu në fuqi në disa rajone të Ballkanit Perëndimor, me temperatura që arrijnë 41°C në disa vende, në Bosnjën jugore, Malin e Zi dhe Shqipëri.

”Në Shqipëri, afërsisht 800 ushtarë u vendosën për të ndihmuar zjarrfikësit, ndërsa 14 zjarre ende digjen të hënën”, njoftoi Ministria e Mbrojtjes.

”Ata po ndihmohen nga shtatë helikopterë dhe bombardues uji nga EBA, Republika Çeke, Sllovakia, Kroacia dhe Greqia”, tha ai.

”Në këtë vend, gati 34 000 hektarë janë djegur që nga korriku në zjarre pothuajse të përditshme”, sipas Sistemit Evropian të Informacionit për Zjarret në Pyje (EFFIS).

Policia evakuoi turistët të hënën—500 sipas medieve lokale—nga zona natyrore e mbrojtur ”Syri i Kaltër”, një burim uji i njohur turistik rreth 20 kilometra pranë Sarandës, një vendpushim bregdetar në jug të vendit.

Në Malin e Zi fqinj, ushtria ndërhyri gjithashtu për të mbështetur zjarrfikësit në një zjarr të madh të nxitur nga erërat e forta që shpërthyen të hënën në veri të Podgoricës, kryeqytetit, duke detyruar disa familje të largoheshin nga shtëpitë e tyre, raportoi televizioni kombëtar RTCG.

Në Kroaci, një zjarr pyjor shkatërroi afërsisht 300 hektarë në rajonin e Jesenicës, pranë portit të Splitit, në jug./ATSH

Kur presidenti amerikan, Donald Trump, dhe homologu i tij rus, Vladimir Putin, të takohen këtë javë në Alaskë për të negociuar dhënien fund të luftës në Ukrainë, të shumtë janë ata që presin pakt. Ukrainasit nuk janë në mesin e tyre.

Pas më shumë se tre vjetësh luftë dhe bisedimeve për paqe që përfundonin ende pa nisur mirë, më pas ultimatumeve të papërfillshme, dhe mijëra të vdekurve, Ukraina tenton t’iu bëjë ballë trupave ushtarake ruse.

Optimizmi se do të ketë përparim në bisedimet në Alaskë, më 15 gusht, është shumë i zbehtë në Ukrainë – të paktën deri më tani.

“Nuk ka shumë për të shpresuar për ndonjë zhvillim pozitiv”, ka thënë një burrë në Kiev për televizionin Current Time.

“Mendoj se është fazë e re në zinxhirin e afateve kohore. Frikësohem se situata do të zvarritet kështu deri në fund të mandatit të presidentit aktual amerikan”.

Përpara takimit, Uashintoni duket se ka nisur t’i përgatisë Kievin dhe Moskën për kompromise të mëdha, në mënyrë që të përfundojë lufta, pasi nënpresidenti amerikan, JD Vance, ka paralajmëruar se ka mundësi që të dyja palët do të mbesin të pakënaqura nga marrëveshja përfundimtare.

Rusia e ka injoruar vazhdimisht idenë e takimit me presidentin ukrainas, Volodymyr Zelensly, duke thënë se diçka e tillë mund të ndodhë pasi palët të jenë gati për të nënshkruar marrëveshjen për paqe, dhe jo për një marrëveshje armëpushimi.

Por, ai moment duket shumë larg, për shkak të dallimeve të thella në qëndrime mes rusëve dhe ukrainasve në shumë aspekte, përfshirë territorin dhe sigurinë, pavarësisht tri rundeve të bisedimeve direkte në Turqi prej mesit të majit.

Putin e ka refuzuar propozimin e Zelenskyt për t’u takuar ballë për ballë, kur dy shtetet kanë zhvilluar rundin e parë të negociatave në Stamboll.

Ai ka thënë javën e kaluar se sërish e ka bindjen e njëjtë, dhe që nuk ka asgjë kundër takimit me Zelenskyn, por që fillimisht duhet të “krijohen disa kushte”, dhe që ato momentalisht janë “shumë larg”.

“Nuk pres asgjë nga takimi. Pres vetëm prej ushtrisë ukrainase”, ka thënë një grua në Kiev.

Bisedimet zhvillohen në një moment të rëndësishëm, pasi Trumpi duket se është shumë i zemëruar me Putinin. Presidenti rus, në anën tjetër, nuk duket se ka disponim që të heqë dorë prej synimeve fillestare.

Trump dhe Putin i kanë zhvilluar gjashtë biseda telefonike, ndërsa një zyrtar i lartë amerikan ka urdhëtuar në Moskë të paktën tri herë.

Vendimi për ta takuar Putinin ballë për ballë – diçka që paraardhësi i Trumpit, Joe Biden, e ka refuzuar me çdo kusht pas nisjes së luftës – reflekton bindjen e presidentit amerikan që marrëdhënia e tij me liderin rus do të rezultojë me marrëveshje për paqe të qëndrueshme.

Për Putinin, takimi me Trumpin – pa prezencën e Zelenskyt apo ndonjë zyrtari tjetër ukrainas – është fitore e vogël, dhe reflekton pozicionin e Putinit se Zelensky është lider jolegjitim dhe që marrëveshja për përfundim të luftës mund të arrihet vetëm me Shtetet e Bashkuara.

Udhëtimi në Shtetet e Bashkuara përbën një tjetër fitore për Putinin, ndaj të cilit ekziston fletarrestim i lëshuar nga Gjykata Ndërkombëtare Penale, nën dyshimet se ka kryer krime lufte.

Vetëm vendet anëtare të gjykatës janë të obliguara që ta ndalojnë atë, ndërsa administrata Trump ka qasje armiqësore ndaj tribunalit të Hagës.

Megjithatë, një grua ukrainase i ka thënë televizionit Current Time se ndonëse nuk pret përparim si rezultat i takimit, ndoshta Trump do të mund ta shtyjë Putinin në rrugën e paqes.

“Nuk pres më asgjë”, ka thënë ajo. “Por, në fakt shpresoj për diçka, edhe miqtë e mi njëjtë, që Trumpi do të bëjë diçka”./REL

Moti i së martës, më 12 gusht 2025, do të sjellë një tjetër ditë përvëluese për qytetarët në të gjithë Shqipërinë.

Sipas parashikimeve të fundit meteorologjike, vendi do të përfshihet nga një tjetër valë e të nxehtit afrikan, me temperatura që në shumë zona do të arrijnë deri në 41 gradë Celsius.

Qytetet e zonës perëndimore, përfshirë Tiranën, Durrësin, Fierin dhe Elbasanin, do të jenë më të ekspozuarat ndaj vapës përvëluese.

Orët më të nxehta priten të jenë mes orës 12:00 dhe 17:00, kur termometri do të ngjitet mbi 40°C. Edhe në zonat malore, ku zakonisht moti është më i freskët, priten temperatura mbi mesataren sezonale, me vlera që shkojnë deri në 34°C në qytete si Korça, Peshkopia apo Kukësi.

Moti do të jetë i kthjellët gjatë gjithë ditës, pa reshje shiu, me diell të fortë dhe erë të lehtë nga veriperëndimi. Nuk përjashtohen disa orë me lagështi të lartë atmosferike, veçanërisht në ultësirën perëndimore, çka do të shtojë ndjesinë e të nxehtit.

Po ashtu, me rritjen e temperaturave dhe thatësisë, rritet rreziku për zjarret në zona pyjore dhe me bimësi të dendur.

Dashi – Dita nis me vrull, por kujdes me fjalët.

Një keqkuptim i vogël mund të marrë përmasa të mëdha nëse nuk reflektoni para se të reagoni. Në dashuri, ruani qetësinë dhe dëgjoni partnerin.

Energjia: E lartë, por shpërqendruar.

Demi – Disa çështje ekonomike do të kërkojnë rishikim. Mos i lini detajet pas dore. Në marrëdhënie, kërkoni stabilitet emocional pa qenë kontrollues.

Fokusi: Financat dhe stabiliteti.

Këshilla: Bëni plane afatgjata, jo vendime impulsive.

Atmosfera: E favorshme për komunikim.

Këshilla: Shfrytëzoni fuqinë tuaj të bindjes.

Gaforrja – Sot do të ndiheni më të tërhequr. Kjo është një ditë e mirë për introspeksion dhe kujdes personal. Disa kujtime mund t’ju shqetësojnë, por mos i shmangni, përballuni me to.

Gjendja: Emocionale, por e qëndrueshme.

Këshilla: Meditimi dhe heshtja mund të jenë aleatët tuaj sot.

Luani – Me Diellin ende në shenjën tuaj, karizma është e theksuar. Sot është dita për të treguar iniciativë, veçanërisht në fushën profesionale. Në dashuri, jeni në krye të lojës.

Skena: Në qendër të vëmendjes.

Këshilla: Mos kini frikë të udhëhiqni — por jo me arrogancë.

Virgjëresha – Një detyrë ose përgjegjësi e shtuar mund t’ju lodhë emocionalisht. Mos e mbani gjithçka brenda vetes, por kërkoni ndihmë nëse është e nevojshme. Në mbrëmje, keni nevojë për qetësi.

Ndikimi: Presioni profesional.

Këshilla: Mos e lini punën t’ju pushtojë jetën personale.

Peshorja– Sot keni mundësi të riktheni lidhje të vjetra apo të krijoni bashkëpunime të reja. Jeni në një moment të mirë për të bërë paqe me dikë që keni lënë pas dore.

Dinamika: Sociale dhe e balancuar.

Këshilla: Diplomacia juaj është armë e fuqishme, përdoreni me mençuri.

Akrepi – Energjia e ditës mund t’ju bëjë të ndiheni të tensionuar, sidomos në marrëdhëniet personale. Ruani qetësinë për të shmangur konfliktet e panevojshme.

Gjendja: Intensive dhe kërkuese.

Këshilla: Reflektoni para se të flisni në momente të nxehta.

Shigjetari – Një mundësi për udhëtim, studim ose zgjerim të dijes mund të shfaqet papritur. Jeni në fazë kërkimi, mos kini frikë të dilni nga zona juaj e rehatisë.

Fokusi: Udhëtime dhe horizonte të reja.

Këshilla: Ndiqni instinktin, është më i saktë se zakonisht.

Bricjapi – Mund të shfaqen tensione për çështje të ndara pronësie apo ndarjeje burimesh. Në dashuri, kërkoni stabilitet emocional, por shmangni qëndrimet shumë të forta.

Sfidat: Financat dhe marrëdhëniet.

Këshilla: Jepni dhe merrni me drejtësi.

Ujori – Sot është një ditë e rëndësishme për të rishikuar balancën në marrëdhënie. Një bisedë e sinqertë mund të sjellë qartësi. Kujdes me vendimet impulsive.

Tema: Partneritetet.

Këshilla: Komunikoni hapur, por me ndjeshmëri.

Peshqit – Energjitë e ditës ju nxisin të kujdeseni më shumë për veten. Në punë, struktura është çelësi. Rishikoni zakonet e përditshme dhe bëni ndryshime të vogla por të qëndrueshme.

Ndikimi: Shëndeti dhe rutina.

Këshilla: Kujdesi për trupin ndikon pozitivisht në mendje.

Komiteti i Investimeve Strategjike, i kryesuar nga kryeministri Edi Rama, miratoi me 10 prill statusin “investitor strategjik” për dy kompani private – “Anima Con” dhe “EB Construction”, të cilat kanë në plan të ndërtojnë një hotel dhe një kompleks rezidencial në njërën prej zonave më të lakmuara të Tiranës. Vendimi i marrë gjatë një mbledhjeje […]

The post Si ‘përfitimet strategjike’ nga qeveria po rrezikojnë lirinë e medias në Shqipëri appeared first on BoldNews.al.

Një rast i paprecedentë u regjistrua pasditen e djeshme në një plazh privat në Shkëmbin e Kavajës në Durrës. Pushuesit u skandalizuan dhe u larguan me të ‘katërtat’ kur në mes të rërës ka shpërthyer një masiv ujërash të zeza. Kjo ngjarje dëshmoi mungesën e infrastrukturës dhe investimeve për mbrojtjen e mjedisit dhe shëndetit të […]

The post Ujërat e zeza shpërthyen në mes të plazhit te Shkëmbi i Kavajës, zgjohen institucionet vendore/ VIDEO appeared first on BoldNews.al.

Prej ditës së djeshme godina e News24, është boshatisur nga policia ushtarake. Përmes një statusi në Facebook, gazetari i News24 Klevin Muka ka ironizuar drejtuesin e këtij operacioni Ardi Veliun. Gazetari shkruan se ka disa xhaketa dhe kollare në redaksi dhe pret që t’ia sjellë Veliu, ndërsa kompjuterin ta mbajë, se s’di ta përdorë. Postimi […]

The post Bastisja e News24, gazetari ironizon Ardi Veliun: Më kthe xhaketat se kompjuterin s’di ta përdorësh appeared first on BoldNews.al.

Udhëheqësit e Bashkimit Evropian thanë të martën se “Ukraina ka të drejtën e natyrshme të zgjedhë vetë fatin e saj”. Ky qëndrim i bllokut evropian vjen tri ditë para se presidenti amerikan, Donald Trump, të takohet me homologun rus, Vladimir Putin, për të biseduar për përfundimin e pushtimit rus të Ukrainës që ka nisur më […]

The post BE: Ukraina duhet të jetë në gjendje të zgjedhë fatin e saj appeared first on BoldNews.al.

Një tjetër ngjarje e rëndë kriminale ka ndodhur në Kosovë, ku një person është vrarë mbrëmjen e së hënës në lagjen Hajvali të Prishtinës. Zëdhënësja e Policisë së Kosovës për Rajonin e Prishtinës, Flora Ahmeti, ka deklaruar se viktima është dërguar në Qendrën Klinike Universitare të Kosovës (QKUK) pa shenja jete. “Sot rreth orës 22:00, […]

The post Vritet me armë zjarri një person në Kosovë appeared first on BoldNews.al.

Kur presidenti amerikan, Donald Trump, dhe homologu i tij rus, Vladimir Putin, të takohen këtë javë në Alaskë për të negociuar dhënien fund të luftës në Ukrainë, të shumtë janë ata që presin pakt. Ukrainasit nuk janë në mesin e tyre. Pas më shumë se tre vjetësh luftë dhe bisedimeve për paqe që përfundonin ende […]

The post “Nuk presim asgjë”: Ukrainasit shprehen skeptikë para takimit Trump-Putin appeared first on BoldNews.al.

Në tregun e këmbimit valutor shqiptar, një dollar amerikan do të blihet sot me 82.6 lekë dhe do shitet me 84 lekë. Ndërkohë monedha evropiane euro do blihet me 96.5 lekë dhe do shitet me 97.5 lekë. Franga zvicerane sot në tregun shqiptar do blihet me 102 lekë dhe do shitet me 103.4 lekë. Ndërsa […]

The post Këmbimi valutor 12 gusht/ Me sa blihen e shiten sot monedhat e huaja appeared first on BoldNews.al.

Numri i nxënësve në shkolla është në rënie, prej uljes së lindjeve dhe emigracionit, por pas pandemisë fenomeni po përkeqësohet. Të dhënat zyrtare të INSTAT tregojnë se për periudhën 2020-2025 totali i nxënësve të regjistruar në të gjitha nivelet ka rënë me rreth 61 mijë, që përbën një tkurrje prej 10%. Në nivelet më të […]

The post Emigrimi masiv/ Shifra shqetësuese: Numri i nxënësve në arsim bie me 10% appeared first on BoldNews.al.

I nxehti afrikan që ka përfshirë vendin tonë, do të vijojë të regjistrojë temperatura të larta dhe gjatë ditës së sotme. Sipas parashikimit të motit, temperaturat maksimale pritet të ngjiten deri në 41 gradë Celsius ndërsa ato minimale 18-25 gradë. Moti parashikohet i kthjellët dhe me kohëzgjatje të orëve me diell në të gjithë territorin. […]

The post I nxehti afrikan përfshin vendin, temperaturat deri në 41 gradë Celsius! appeared first on BoldNews.al.

Komiteti i Investimeve Strategjike, i kryesuar nga kryeministri Edi Rama, miratoi me 10 prill statusin “investitor strategjik” për dy kompani private – “Anima Con” dhe “EB Construction”, të cilat kanë në plan të ndërtojnë një hotel dhe një kompleks rezidencial në njërën prej zonave më të lakmuara të Tiranës. Vendimi i marrë gjatë një mbledhjeje […]

The post Si ‘përfitimet strategjike’ nga qeveria po rrezikojnë lirinë e medias në Shqipëri appeared first on Reporter.al.

TIRANË, 12 gusht/ATSH/- Kryeministri Edi Rama ka publikuar pamje nga kantieri i Muzeut Kombëtar të Arteve të Bukura në Tiranë që po shndërrohet në një qendër bashkëkohore për artin dhe kulturën në Shqipëri.

Rikonstruksioni total i Muzeut Kombëtar të Arteve të Bukura është investim i qeverisë shqiptare, dhe do të ruajë dhe evidentojë vlerat e projektit të prof. Enver Fajës.

Rama shprehet se “dita-ditës po merr formë një hapësirë e re arti, që do t’i shtojë kryeqytetit hapësira të zgjeruara për ekspozita, kushte të avancuara për ruajtjen e veprave, laborator modern restaurimi dhe teknologji, gjithçka për të mirëpritur vizitorë, kuratorë dhe artistë nga vendi dhe bota”.

Investimi përfshin gjithashtu aksesueshmërinë me dy hyrje të reja, sistem sigurie të avancuar, shkallë emergjence dhe sisteme HVAC për ruajtjen e veprave në kushte optimale.

Një godinë simotër do i shtohet asaj ekzistuese, në pjesën e pasme, me të njëjtat volume, duke zgjeruar hapësirat e fondit të ruajtjes së veprave të artit, ekspozimit, laboratorëve restaurues, aktivitetit edukues për të rinj e fëmijë e shërbime për vizitorët.

Nga 4.600 m2 që është sot, muzeu do të shtrihet në 10.100 m2.

The post Rama ndan pamje nga kantieri i Muzeut Kombëtar të Arteve të Bukura: Kushte të avancuara për ruajtjen e veprave appeared first on Agjencia Telegrafike Shqiptare.

TIRANË, 12 gusht/ATSH/ Në veri, aty ku malet prekin qiellin dhe retë mbështeten mbi kreshta, shtrihet qyteti i Bajram Currit, si një portë e artë që të çon drejt një bote tjetër.

Ka vende që nuk i lexon dot vetëm me sy; i ndien në lëkurë, i dëgjon me veshë, i shijon me zemër.

Bajram Curri është një prej tyre. Një qytet që fle në krahët e maleve, i rrethuar nga një natyrë që nuk të pyet nëse je gati, thjesht të merr me vete.

Rruga për aty është një magji më vete, malet vijnë gjithnjë e më pranë, sikur duan të të përqafojnë, ndërsa qielli bëhet më i thellë.

Pikërisht këtu, mes freskisë që të çan mushkëritë, rrjedh Lumi i Valbonës, i kthjellët si një e vërtetë që nuk pranon asnjë gënjeshtër. I egër dhe i butë njëkohësisht, lumi sjell me vete këngën e heshtur të gurëve shekullorë aq sa të bën të ndihesh fajtor po nuk pive qoftë edhe një gllënjkë të vetme.

Kur ulesh buzë tij, bën mirë ta lësh zhurmën e ujit që rrjedh, të të fshijë gjithçka nga mendja e ngarkuar e kryeqytetit. Është një paqe që zor ta gjesh diku tjetër.

Këtyre anëve nuk ka vend për shpejtësi. Kohën ta mat lumi, malet, natyra.

Më tej, Lugina e Valbonës është si një faqe libri që hapet ngadalë e thërret udhëtarë nga e gjithë bota. Në çdo kthesë të rrugës, një panoramë e re të huton nga bukuria. Zona është e njohur për shtigjet e saj të hiking-ut, me itinerare që të çojnë drejt Qafës së Valbonës, Thethit apo fshatrave të vegjël të mbuluar me gjelbërim. Hiking-u këtu është një përvojë unike, pasi më shumë se sport, është një përvojë që të lidh me tokën, ajrin dhe tingujt e natyrës.

Në shtegun e Valbonës, ku ecin këmbët e udhëtarëve dhe rreh zemra e çdo aventurieri, shtigjet të çojnë drejt maleve dhe fshatrave të fshehtë. Këtu takon njerëz nga e gjithë bota, të tërhequr jo vetëm nga peizazhet e mahnitshme, por edhe nga ajo ndjenjë e pakrahasueshme e qetësisë dhe përkatësisë që e gjen vetëm në një vend ku koha ecën ndryshe.

Takuam një grup turistësh gjermanë që kishin ardhur vetëm për këtë shteg.

“Ky është një nga vendet e fundit në Europë që është ende i vërtetë”, thanë ata.

Tyrbja e Dervish Luzhës

Pak jashtë Bajram Currit, në një vend ku heshtja dhe natyra bëhen një, ndodhet Tyrbja e Dervish Luzhës. Ky vend shenjtërie është një urë mes botës së jashtme dhe atij universi shpirtëror që shumë kërkojnë, por pak e gjejnë.

Tyrbja thërret besimtarë dhe pelegrinë që vijnë për të lënë lutjet e tyre, për të kërkuar shërim e për të ndjerë atë paqe që vetëm një vend i tillë mund të ta falë.

Këtej nga veriu mikpritja nuk është pako turistike, por besim i vjetër. Sofrat hapen me djathë të bardhë, qumësht të ngrohtë të sapomjelë, bukë të pjekur me dru, mjaltë të egër dhe mish qengji nga kullotat e lira. Turisti bëhet mysafir, mysafiri bëhet mik, dhe miku mbetet pjesë e familjes.

Kur largohesh bën mirë të marrësh një shishe ujë nga Valbona, si një ndjesi që s’të lë të shkosh pa kthyer kokën pas. Sepse këtu nuk gjen thjesht destinacione, gjen gjendje.

Dhe ndonjëherë, kjo është gjithçka që të duhet.

The post Veriu që të rrëmben shpirtin: Bajram Curri dhe magjia e Valbonës appeared first on Agjencia Telegrafike Shqiptare.

MADRID, 12 gusht /ATSH-AFP/ – Gadishulli Iberik dhe vendet e Ballkanit po luftojnë me shumë zjarre, në mes të një vale të nxehti, që kanë shkatërruar tashmë një pjesë të zonës  turistike spanjolle të Las Medulas, një vend i trashëgimisë botërore të UNESCO-s.

Vala e të nxehtit që po përshkon Evropën ka bërë që institutet meteorologjike në Francë, Itali dhe deri në Shqipëri të lëshojnë alarme për valë të nxehti.

Në Francë, qyteti i Bordosë theu sot rekordin e të nxehtit me 41,6°C.

”Këto temperatura të larta, të cilat po fillojnë të mbërrijnë Mbretërinë e Bashkuar, janë çuditërisht të forta krahasuar me të dhënat historike. Megjithatë, valët e të nxehtit më të përhapura, më të gjata dhe më të shpeshta janë një pasojë e parashikueshme e rritjes së përqendrimeve të gazrave serrë në atmosferë, kryesisht për shkak të përdorimit tonë të lëndëve djegëse fosile”, shpjegon Richard Allan, një profesor në Universitetin e Readingut në Mbretërinë e Bashkuar.

“Intensiteti i valëve të të nxehtit të verës, si dhe kushtet ekstreme të motit, qofshin të thata apo të lagështa, do të vazhdojnë të përkeqësohen në mënyrë progresive derisa të kontrollojmë emetimet e gazrave serrë dhe të stabilizojmë ngrohjen globale”, shtoi ai, duke theksuar nevojën për t’u “përgatitur për një botë më të rrezikshme”.

Ministria italiane e Shëndetësisë lëshoi një alarm të kuq të hënën për shtatë qytete të mëdha, përfshirë Bolonjën dhe Firencen, pasi temperaturat pritet të rriten më tej në ditët në vijim. Njëmbëdhjetë qytete janë në alarm të kuq për të martën dhe 16 për të mërkurën.

Rreth 190 zjarrfikës dhe ushtria vazhdojnë të luftojnë një zjarr që ka shpërthyer që nga e shtuna në parkun përreth malit Vezuv, i cili është i mbyllur për turistët.

Një djalë katërvjeçar rumun vdiq nga goditja nga nxehtësia, disa ditë pasi u gjet pa ndjenja në makinën e familjes në Sardenjë.

Në Spanjë, vala e të nxehtit njëjavor, me temperatura që i afrohen 40°C, pritet të vazhdojë deri të dielën, sipas agjencisë lokale meteorologjike, dhe po shkakton zjarre të shumta.

”Rajoni i Castile dhe Leon, ku ndodhet Las Medulas, një ish-minierë ari romake e listuar nga UNESCO në vitin 1997, ka regjistruar 13 zjarre në vetëm tre ditë”, tha për shtypin Juan Carlos Suarez-Quinones, këshilltar mjedisor për këtë rajon veriperëndimor, duke theksuar se shumë prej tyre janë të qëllimshme.

– Trashëgimia –

Erërat po e bëjnë “shumë të vështirë” shuarjen e zjarrit, i cili po i shndërron pemët shekullore që mbulojnë vendin e Las Medulas në hi, dhe që ka shkaktuar katër lëndime të lehta, sipas të njëjtit burim.

“Do të duhen vite që peizazhi të rikuperohet”, u ankua Alfonso Fernandez, kryebashkiak i Carucedo, një qytet aty pranë, në një intervistë me radion ”Cadena Ser”.

Një zjarr tjetër pranë qytetit turistik të Tarifës në Spanjën jugore, i cili ishte nën kontroll të premten, është ndezur përsëri, duke detyruar evakuimin e 2 000 njerëzve, disa nga hotelet ose plazhet.

Portugalia fqinje po lufton me tre zjarre të mëdha të hënën. Më shqetësuesja ndodhet në Trancoso, në qendër, dhe ende po mobilizon më shumë se 650 zjarrfikës.

”Kjo shkaktoi gjashtë lëndime të lehta, përfshirë tre zjarrfikës”, sipas një raporti të Mbrojtjes Civile të cituar nga agjencia e lajmeve Lusa, e cila megjithatë vëren se situata po përmirësohet.

Në Francë, 20 departamente, kryesisht në perëndim dhe jug, u klasifikuan si në rrezik të lartë për zjarre nga Meteo-France të hënën, një ditë pasi zjarri masiv që përfshiu 16 000 hektarë në departamentin Aude u vu nën kontroll.

Në Turqi, më shumë se 2 000 njerëz u detyruan të evakuoheshin të hënën në provincën veriperëndimore të Çanakkalesë, ku një zjarr i dhunshëm shkatërroi shtëpitë dhe intoksikoi dhjetëra banorë.

– Ballkani po mbinxehet –

Një alarm i kuq për valën e nxehtësisë është gjithashtu në fuqi në disa rajone të Ballkanit Perëndimor, me temperatura që arrijnë 41°C në disa vende, në Bosnjën jugore, Malin e Zi dhe Shqipëri.

”Në Shqipëri, afërsisht 800 ushtarë u vendosën për të ndihmuar zjarrfikësit, ndërsa 14 zjarre ende digjen të hënën”, njoftoi Ministria e Mbrojtjes.

”Ata po ndihmohen nga shtatë helikopterë dhe bombardues uji nga EBA, Republika Çeke, Sllovakia, Kroacia dhe Greqia”, tha ai.

”Në këtë vend, gati 34 000 hektarë janë djegur që nga korriku në zjarre pothuajse të përditshme”, sipas Sistemit Evropian të Informacionit për Zjarret në Pyje (EFFIS).

Policia evakuoi turistët të hënën—500 sipas medieve lokale—nga zona natyrore e mbrojtur ”Syri i Kaltër”, një burim uji i njohur turistik rreth 20 kilometra pranë Sarandës, një vendpushim bregdetar në jug të vendit.

Në Malin e Zi fqinj, ushtria ndërhyri gjithashtu për të mbështetur zjarrfikësit në një zjarr të madh të nxitur nga erërat e forta që shpërthyen të hënën në veri të Podgoricës, kryeqytetit, duke detyruar disa familje të largoheshin nga shtëpitë e tyre, raportoi televizioni kombëtar RTCG.

Në Kroaci, një zjarr pyjor shkatërroi afërsisht 300 hektarë në rajonin e Jesenicës, pranë portit të Splitit, në jug./  a.jor.

The post KOMENT – Nga Gadishulli Iberik deri në Ballkan, zjarret djegin gjithë Evropën appeared first on Agjencia Telegrafike Shqiptare.

ARMENI – Manovra të përbashkëta ushtarake midis Shteteve të Bashkuara dhe Armenisë.

TOKIO (Japoni) – 40-vjetori i rrëzimit të fluturimit ”123” të JAL, aksidenti ajror më vdekjeprurës në histori me 520 të vdekur.

VJENË (Austri) – Publikimi i raportit mujor të OPEC-ut.

OKB – Mbledhja e Këshillit të Sigurimit për Jemenin.

UASHINGTON (Shtetet e Bashkuara) – Raporti WASDE i Departamentit të Bujqësisë të SHBA-së mbi Prodhimin, Eksportet dhe Stoqet Botërore.

GUATEMALA (Guatemala) – Seanca e fundit dëgjimore në gjyqin për vdekjen e 41 vajzave në një zjarr në një strehë për të mitur në vitin 2017.

RIO DE ZHANEIRO (Brazil) – Java e Inovacionit./ a.jor.

The post AXHENDA NDËRKOMBËTARE 12/8/2025 appeared first on Agjencia Telegrafike Shqiptare.