Në emisionin “Real Story” në ABC News, konstitucionalisti, Niazi Jaho ka dhënë një intervistë ku ka analizuar me detaje dhe hap pas hapi raportin e OSBE/ ODIHR.

Gjatë kësaj interviste, ai u shpreh se “është për të ardhur keq që ka shumë rekomandime të tyre të parashtruara në mënyrë të përsëritur në raportet e OSBE/ODIHR -it që kanë monitoruar zgjedhjet në vendin tonë dhe që nuk janë bërë objekt shqyrtimi nga Kuvendi i Shqipërisë”

Pjesë nga intervista:

Balla: Në raportet e OSBE/ODIHR a ka patur ndonjë rekomandim për ndryshimin ose rishikim të pikës 1 të nenit 124 të Kodit Zgjedhor?

Jaho: Nuk ka patur.

Balla: Në Kodin Zgjedhor të vitit 2008 a janë bërë shtesa dhe ndryshime?

Jaho: Po, rezulton që atij Kodi Zgjedhor të vitit 2008 i janë bërë shtesa dhe ndryshime në vitet 2012, 2015, dy herë në vitin 2020, në vitet 2021, 2023 dhe së fundmi me ligjin nr 81/ 2024, por pika 1 e nenit 124 nuk është ndryshuar.
Megjithëkëtë më ka tërhequr vëmendjen fakti se në raportin e OSBE/ODIHR-it me zgjedhjet parlamentare të vitit 2021, në rekomandimin nr 22 faqe 32 thuhet: Mund të shikohet mundësia e rishikimit të ligjit në mënyrë që të qartësohet përgjegjësia për ankesat kundër vendimeve të KQV-ve dhe ato që lidhen me shkeljet e fushatës, ndërsa në vazhdim theksohet: <<si edhe për të eliminuar kufizimet e padrejta të legjimitetit për ankim>>
Meqë Kuvendi ka bërë ndryshime në Kodin Zgjedhor në vitet 2021, 2023 dhe 2024 do të duhej ta shqyrtonte edhe këtë rekomandim dhe në bazë të tij të rishikonte edhe formulimin e pikës 1 të nenit 124 të Kodit Zgjedhor.

Balla: Thuhet se Komisioni i Venecias është shprehur për këtë çështje. A është kështu?

Jaho: Po, nëpërmjet medias jam informuar edhe për këtë. Kjo më nxiti të njihem a) me Kodin e Praktikës së mirë me çështjet zgjedhore miratuar nga Komisioni i Venecias në tetor të vitit 2002 ku jepen udhëzime për zbatimin e parimeve bazë në zgjedhje. Edhe pse në këtë kod nuk bëhet shprehimisht fjalë për të drejtën e kandidatit për deputet për t’u ankuar kur pretendohet se i janë cënuar të drejtat e ligjshme të tij, në pjesën: <<Ankimet dhe apelimet>> thuhet: <<dispozitat e ligjit elektoral, nuk duhet të jenë vetëm fjalë në letër, sepse ‘kjo ka të bëjë veçanërisht me rezultatin e zgjedhjeve’ (faqe 31)

2004. b) Në rekomandimet e përbashkëta për Kodin Zgjedhor dhe administratën zgjedhore në Shqipëri ‘Komisioni i Venecias dhe ODIHR-i lidhur me Kodin Zgjedhor të vitit 2004 kanë shprehur në mënyrë analitike opinionin e tyre nr 273/2004. Në pjesën ‘ankimet dhe apelimet’ dhe pikërisht në këtë paragrafin 102 dhe 103 (faqe 26) midis të tjerave thuhet: Nenet 146 deri 179 parashtrojnë procese adekuate për të siguruar që shtetasit, kandidatët dhe partitë politike të mund të kërkojnë rishikim të qenësishëm në rast të dhunimit të një të drejte ligjore. Por ajo që është më e qartë dhe më domethënëse është përmbajtja e paragrafit 107 (faqe 27) ku thuhet: <<Neni 162 e kufizon të drejtën për të apeluar një vendim të KQZ-së në Kolegjin Zgjedhor vetëm te subjektet zgjedhore>>. Kanë kaluar 21 vjet nga opinioni i mësipërm i shprehur kryesisht për Kodin Zgjedhor të vitit 2004 dhe ky opinion kaq i rëndësishëm nuk ka qenë objekt shqyrtimi nga Kuvendi gjë që rezulton nga përmbajtja e pikës 1 të nenit 124 të Kodit Zgjedhor që përjashton të drejtën e ankimit nga kandidatët për deputet të partive politike. Është për të ardhur keq që ka edhe shumë rekomandime të tyre të parashtruara në mënyrë të përsëritur në raportet e OSBE/ODIHR -it që kanë monitoruar zgjedhjet në vendin tonë dhe që nuk janë bërë objekt shqyrtimi nga Kuvendi i Shqipërisë. Është kjo arsyeja që në disa raporte të OSBE/ODIHR në pjesën Rekomandime përmendet e njëjta gjë, konkretisht: “ këto rekomandime duhet të lexohen së bashku me rekomandimet e mëparshme të ODIHR që nuk janë adresuar ende”. Raporti i OSBE ODIHR-it lidhur me zgjedhjet parlamentare të 25 prillit 2021 (faqe 30)

Balla: A mendoni se kjo çështje do të trajtohet në raportin përfundimtar të OSBE/ODHIR -it lidhur me zgjedhjet e 11 majit të këtij viti?

Jaho: Mendoj se po.

Kreu i Prokurorisë së Posaçme, Altin Dumani deklaroi të enjten se hetimi i krimeve zgjedhore ka prevaluar mbi çdo vepër penale në periudhën para dhe gjatë zgjedhjeve. Nga tryeza “Përtej monitorimit: Drejt një reforme zgjedhore gjithëpërfshirëse për integritetin e zgjedhjeve në Shqipëri”, Dumani bëri me dije se çdo denoncim që ka shkuar në adresë të […]

The post Dumani thotë se 43 procedime për krime zgjedhore janë ende në hetim appeared first on Reporter.al.

Lajmet për hapjen e kapitujve të negociatave kanë qenë të shumëreklamuara nga qeveria gjatë muajve të fundit, nën premtimin e integrimit të shpejtë të Shqipërisë në Bashkimin Evropian, por një dokument jozyrtar i sekretariatit të Këshillit të Bashkimit Evropian, institucionit që merr vendime në lidhje me procesin negociues dhe anëtarësues, thekson se vendi ka nevojë […]

The post BE kërkon “reforma tërësore” për median në Shqipëri appeared first on Reporter.al.

Misioni i OSBE-ODIHR në Shqipëri ka përgënjeshtruar kryedemokratin Sali Berisha, i cili një ditë më parë akuzonte kryeministrin Edi Rama dhe ministrin për Europën dhe Punët e Jashtme Igli Hasani, se kanë kërcënuar vëzhguesit për zgjedhjet e 11 majit.

Të pyetur nga mediat për deklarata e bëra nga Berisha një ditë më parë, OSBE-ODIHR, i cilësoi të pavërteta pretendimet e kryedemokratit, duke theksuar se në asnjë rast vëzhguesit nuk janë përballur me kërcënime apo frikësime nga qeveria.

“Në këtë fushatë presioni është i implikuar, vetë personalisht Edi Rama dhe ministri i tij i Jashtëm, Igli Hasani. Unë kam informuar se, ky i fundit ka thirrur në zyrë përfaqësuesit e misionit të vëzhguesve, pasi ka dërguar mesazhe kërcënuese dhe u ka kërkuar llogari për frazat, se këta janë ai sekt që besojnë gënjeshtrat e tyre”, tha Berisha një ditë më parë p[ara gazetarëve.

Por kjo deklaratë e Berishës është mohuar në mënyrë kategorike nga vetë misioni i OSBE-OODIHR në vendin tonë, duke deklaruar më tej se puna e tyre është e paanshme, e pavarur dhe bazohet në një metodologji të zhvilluar ndër vite dhe të përdorur në çdo vend ku vëzhgojmë.

Deklarata e plotë:

Faleminderit për emailin tuaj dhe për interesimin ndaj punës së ODIHR-it. Nuk ka pasur asnjë kërcënim apo frikësim ndaj misionit tonë të vëzhgimit të zgjedhjeve në asnjë moment gjatë qëndrimit të tij, as para dhe as pas publikimit të deklaratës paraprake me gjetjet dhe përfundimet. Është e rëndësishme të kuptohet se puna jonë e vëzhgimit të zgjedhjeve është e paanshme, e pavarur dhe bazohet në një metodologji të zhvilluar ndër vite dhe të përdorur në çdo vend ku vëzhgojmë. Do të doja gjithashtu të theksoja se vëzhgimi ynë i zgjedhjeve nuk është një qëllim në vetvete dhe nuk ka për qëllim të kritikojë shtetet apo qeveritë, por të ndihmojë në përmirësimin e procesit zgjedhor në të mirë të të gjithë qytetarëve.

ODIHR tani është duke përgatitur raportin përfundimtar. Ky raport do të përmbledhë vëzhgimin e zgjedhjeve dhe do të përmbajë rekomandime, të cilat do të ishim të kënaqur t’i diskutonim me autoritetet shqiptare, partitë politike dhe shoqërinë civile, për të identifikuar mënyra për të mbështetur reformën zgjedhore dhe zbatimin efektiv të rekomandimeve tona në Shqipëri.

The post “Kërcënuan vëzhguesit”, OSBE-ODIHR përgënjeshtron Sali Berishën: Nuk është e vërtetë appeared first on Sot News | Lajme.

Diplomati Agim Nesho e cilëson procesin zgjedhor të 11 majit, si të manipuluar dhe të mbushur me shkelje të rënda që, sipas tij, janë tashmë të dukshme për opinionin publik shqiptar dhe të reflektuara edhe në raportet ndërkombëtare. Në një emision televiziv, Nesho tha se Partia Demokratike po zhvillon një proces të vazhdueshëm dokumentimi të parregullsive në çdo qark, ndërsa përputhja e këtyre fakteve me raportin paraprak të OSBE/ODIHR është tregues i qartë i mungesës së standardeve demokratike.

Agim Nesho: Ky është një proces që PD po e kryen në mënyrë të vazhdueshme, jo vetëm sot por nga dita në ditë me fakte të reja për çdo qark parregullsitë që janë vjedhjet, përdorimi i administratës dhe të gjitha problematikat që janë evidentuar tashmë dhe janë të qarta përpara opinionit publik shqiptar.

Këto problematika përkojnë me atë raportin paraprak të OSBE-ODIHR që kanë dalë duke i shënjestruar zgjedhjet në Shqipëri si problematike. Me të drejtë PD dhe opozita si përfaqësuese e opozitës së vërtet, kërkon dhe qëndron kundër. Ky proces zgjedhor i manipuluar nuk duhet të njihet.

Nuk kanë munguar rezolutat. Kanë filluar që përpara zgjedhjeve, 3 rezoluta njëra pas tjetrës duke thënë që janë të gjitha partitë e qendrës së djathtë. Është EPP e parlamentit Evropian dhe në vazhdimësi me të gjitha këto kritika që janë bërë prezente.

The post “Zgjedhjet u vodhën”, Agim Nesho shpërthen ndaj 11 majit: Raporti i OSBE/ODIHR na jep të drejtë appeared first on Sot News | Lajme.

Mandatet e kandidatëve në zgjedhjet parlamentare të 11 majit nuk janë certifikuar ende. Megjithatë, sipas rezultateve të deritanishme, në parlamentin e ardhshëm pritet të hyjnë deputetë nga tre parti të reja – Partia “Mundësia”, Lëvizja Bashkë dhe koalicioni Nisma – Shqipëria Bëhet. Së bashku, këto tre grupime politike morën mbi 112 mijë vota brenda vendit, […]

The post Media online ‘injoroi’ fushatën e partive të reja në zgjedhjet parlamentare appeared first on Reporter.al.

Vëzhguesit ndërkombëtarë në konferencën për shtyp të hënën në Tiranë lanë të kuptohet se e ndjenin peshën e përgjegjësisë, ndërsa gazetarët, mbështetës të qeverisë apo kritikë të saj, bënë pyetje përmes të cilave synonin të nxirrnin përgjigje mbështetëse për secilën nga palët.  Dhe Farah Karimi, koordinatorja dhe udhëheqësja e vëzhguesve afatshkurtër, duke iu përgjigjur pyetjeve […]

The post Ndërkombëtarët dhe zgjedhjet, një histori e shkurtër appeared first on Reporter.al.

Në pamje të parë, mbulimi i medias audiovizive gjatë fushatës elektorale që u hodh pas krahëve duket i balancuar.  Të dhënat e Autoritetit të Mediave Audiovizve tregojnë se gjatë edicioneve informative në 18 televizionet kryesore të vendit, Aleanca për Shqipërinë Madhështore e udhëhequr nga Partia Demokratike mori 51% të kohës televizive, ndërsa Partia Socialiste e […]

The post Kontrolli mbi mediat shtroi rrugën për mandatin e katërt të Partisë Socialiste appeared first on Reporter.al.

Mungesa e një mjedisi të shëndetshëm mediatik për informim të larmishëm mbi ofertat zgjedhore për shqiptarët, mosfunksionimi i mekanizmave ligjorë që duhet të garantojnë ekzistencën e medias së pavarur dhe vendimi kontrovers i qeverisë së kryeministrit Edi Rama për të mbyllur rrjetin social Tiktok pak para nisjes së fushatës zgjedhore ishin disa nga problemet që […]

The post Mungesa e medias së pavarur cënoi zgjedhjet, thonë vëzhguesit appeared first on Reporter.al.

Ish-kreu i Komisionit Qendror të Zgjedhjeve, Kristaq Kume, i ftuar në një studio televizive ka komentuar raportin paraprak të OSBE-ODIHR dhe vëzhgimin ndërkombëtar të zgjedhjeve të 11 majit.

Ai vuri në dukje se vëzhguesit përdorin një metodologji të njëjtë dhe një gjuhë të unifikuar në çdo vend ku operojnë. Sipas Kumes, raporti nuk përfaqëson vetëm qëndrimin e OSBE-ODIHR, por përfshin edhe konstatimet e delegacionit të Parlamentit Evropian dhe të tjerë që ndoqën procesin.

Megjithatë, Kume theksoi me kriticizëm se vëzhgimet e tyre shpesh mbeten pa efekt real:
“Më japin përshtypjen se duken të konsumuar, veçanërisht në vende si ky i yni. Ne i ftojmë, por nuk i dëgjojmë. Punojmë pak për të zbatuar rekomandimet e tyre. Kjo më duket si një punë në boshllëk.”

Ai solli si shembull ngjashmëritë mes raportit aktual dhe atij të vitit 2021, duke nënvizuar mungesën e progresit: “Shikoni situatën ku jemi sot dhe krahasojeni me atë pas zgjedhjeve të 2021-it. Jemi po aty. Ata thanë të njëjtat gjëra.”

Kume la të kuptohet se nëse nuk zbatojmë sugjerimet e dhëna, vëzhgimet ndërkombëtare mbeten thjesht formalitete pa ndikim në përmirësimin e proceseve zgjedhore.

The post “Mbetet një punë në boshllëk”/ Ish-kreu i Komisionit Qendror, Kume: Vëzhguesit flasin, por ne nuk i dëgjojmë… appeared first on Sot News | Lajme.

OSBE/ODIHR në konferencën ku po japin vlerësimet për procesin e zgjedhjeve në Shqipëri, ka komentuar edhe faljen e gjobave nga ana e qeverisë, disa ditë para zgjedhjeve.

Koordinatorja Speciale të Asamblesë Parlamentare të OSBE-së për zgjedhjet në Shqipëri, Farah Karimi, tha se pati “mangësi që krijuan pasiguri në zbatimin e kuadrit zgjedhor në frymë dhe germë”

Karimi: Dita e zgjedhje ishte kryesisht e qetë dhe e organizuar mirë. Megjithatë pati vazhdimisht mosrespektim të procedurave dhe u shënua nga disa incidente intimideve dhe ndikim të zgjedhësve. Këto janë pikat kryesore.

Kuadri ligjor ofron një bazë të mirë për zhvillimin e zgjedhjeve demokratike. Mangësitë dhe paqartësitë krijuan në frymë dhe germë.

Kjo do të thotë se përputhshmëria me ligjin nuk mundi të ndalojë zbatimin  tij në frymë. Një shembull ishte shpallja shumë pak kohë para ditës së zgjedhjeve të faljes së shumë gjobave, gjë që ishte vendosur në 2024, që u shpallën shumë pranë zgjedhjeve.

Është mirë të kemi një kuadër zgjedhor që mundësojnë organizimin e mirë të zgjedhësve. Zgjedhësve iu dha shansi të dëgjonin një shkëmbim të sinqertë të ideve politike. Fushata u fokusua në sulme armiqësore dhe personale sidomos nga drejtuesit e dy partive kryesore. Kjo çoi në mosbesim politik.

The post Zgjedhjet e 11 majit/ OSBE/ODIHR: Falja e gjobave disa ditë para zgjedhjeve krijoi pasiguri në kuadrin zgjedhor appeared first on Sot News | Lajme.

Shefi i misionit të vëzhguesve të OSBE/ ODIHR, Lamberto Zannier ndoqi nga afër procesin zgjedhor. Ai tha se pas vëzhgimit të këtij procesi, misioni i vëzhguesve ndërkombëtarë do të japë vlerësimin të hënën me anë të një raporti paraprak mbi ecurinë e zgjedhjeve. ”Ne jemi këtu për të vëzhguar procesin zgjedhor dhe për të vëzhguar se këto zgjedhje janë në përputhje me standardet ndërkombëtare dhe…

Source

Një ditë pas aludimeve të publikuara në disa media shqiptare, ku pretendohej se ambasadori i Bashkimit Europian në Tiranë kishte ndërhyrë në raportin paraprak të OSBE-ODIHR për të hequr emra personash të përfshirë në krime zgjedhore, përfshirë figura të botës së krimit dhe zyrtarë të policisë, Silvio Gonzato zhvilloi një takim me kryekomisionerin Ilirjan Celibashi.

Pas takimit, ambasadori Gonzato reagoi publikisht duke i mohuar kategorikisht akuzat dhe duke nënvizuar se BE-ja nuk ka pasur dhe nuk do të ketë asnjë ndërhyrje në procesin zgjedhor.

“Bashkimi Europian as nuk ndërhyn dhe as nuk manipilon. Lajmi se ne kemi ndërhyrë në raportin e ODIHR është plotësisht i pavërtetë. ODIHR është një organizatë e pavarur dhe vepron në mënyrë të pavarur; ne nuk mund të ndërhyjmë në raportet e tyre. Ne besojmë tek ODIHR, i cili është përgjegjës për monitorimin e procesit,” deklaroi Gonzato.

Ai theksoi se këto zgjedhje janë me rëndësi të veçantë, pasi janë të parat pas hapjes së negociatave për anëtarësimin e Shqipërisë në BE. “Kemi besim te ODIHR dhe ka një mision të rëndësishëm këtu,” shtoi ai.

Gonzato theksoi se roli i BE-së është të ndihmojë Shqipërinë në procesin e integrimit, duke sqaruar se “ne jemi këtu për të ndihmuar Shqipërinë, jo për të manipuluar asgjë.”

“BE është këtu për të mbështetur Shqipërinë, jo për të ndërhyrë në procese. Nuk jemi këtu për të manipuluar asgjë,” deklaroi Gonzato.

Ambasadori vuri në dukje se lufta kundër krimit të organizuar dhe korrupsionit është në thelb të negociatave me Bashkimin Europian.

“Lufta kundër krimit të organizuar është pjesë e procesit të integrimit në Bashkimin Europian dhe ne vlerësojmë punën e SPAK,” deklaroi Gonzato.

Nga ana tjetër, kryekomisioneri Ilirjan Celibashi konfirmoi se takimi ishte informues dhe kishte të bënte me përgatitjet për zgjedhjet. “Shkëmbyem mendime për përgatitjet. Jemi në proces të vazhdueshëm të mbështetjes nga delegacioni i BE-së për procesin e zgjedhjeve,” tha Celibashi.

LEXONI GJITHASHTU:

• Delegacioni i BE mohon ndërhyrjen në raportin e OSBE/ODIHR: Lajm i pavërtetë
• Përshpejtimi i reformave drejt BE-së, Gonzato: Program kyç, garancia për fëmijët

The post Ambasadori i BE-së i përgjigjet akuzave: Nuk ndërhyjmë në procesin zgjedhor appeared first on Euronews Albania.

OSBE/ODIHR ka publikuar raportin e parë lidhur me zgjedhjet e 11 majit, ndërsa në të përfshihet periudha nga 1 në 20 prill.

Raporti thekson se zgjedhjet konsiderohen si një moment kyç për zhvillimin demokratik të Shqipërisë dhe për rrugën drejt Bashkimit Europian.

OSBE/ODIHR theksojnë se mjedisi politik karakterizohet nga një shkallë e lartë polarizimi dhe mosbesimi mes dy partive kryesore”.

“Klima politike karakterizohet nga polarizim i thellë, përçarje brenda partive, raste të vazhdueshme korrupsioni të profilit të lartë dhe shqetësime në rritje mbi qeverisjen demokratike dhe lirinë e shprehjes. Në të njëjtën kohë, progresi në negociatat per në BE dhe zbatimi i parë i votimit jashtë vendit kanë qenë temat kryesore në diskursin publik.

Peizazhi politik mbetet i dominuar nga dy partitë kryesore: Partia Socialiste (PS) e Kryeministrit Edi Rama, e cila ka fituar tre zgjedhje parlamentare radhazi që nga viti 2013, dhe Partia Demokratike (PD) e opozitës, e udhëhequr aktualisht nga ish-kryeministri Sali Berisha.2 Megjithatë, PD ka përjetuar konflikte të brendshme të rëndësishme që kanë rezultuar në krijimin e një partie të re të ndarë, Demokratët Euroatlantikë.”, thuhet ndër të tjera në raport./abcnews.al

Misioni vëzhgues i OSBE-ODIHR ka publikuar raportin e përkohshëm për zgjedhjet parlamentare të 11 majit 2025. Që nga 11 prilli, ishin akredituar 26 organizata kombëtare dhe 10 organizata ndërkombëtare. OSHC-të e kanë informuar MVZ-në e ODIHR-it se mungesa e fondeve do të ndikojë në aftësinë e tyre për të ndërmarrë një vëzhgim gjithëpërfshirës në ditën e zgjedhjeve. Raporti përfshin periudhën 1…

Source

Përfaqësues të OSBE-ODIHR kanë qenë në ambientet e Prokurorisë së Posaçme.

Ata kanë zhvilluar takim me drejtuesin e Prokurorisë së Posaçme, Altin Dumani.

Në takim janë diskutuar masat për procesin zgjedhor të zgjedhjeve parlamentare të 11 majit./abcnews.al

Vëzhguesit e OSBE/ODIHR nisin sot zyrtarisht misionin e vëzhgimit për procesin zgjedhor të 11 majit. Kreu i këtij misionit, Lamberto Zannier, tha në një dalje për mediat, se do të jenë 26 vëzhgues afatgjatë dhe 300 vëzhgues afat shkurtër që do të mbërrijnë disa ditë para zgjedhjeve.

“Sot hapim zyrtarisht misionin e vëzhgimit të zgjedhjeve në Shqipëri. Do të përbëhet nga një ekip ekspertësh, prej 12 vetë,  do të jenë 26 vëzhgues afatgjatë dhe 300 vëzhgues afat shkurtër që do të mbërrijnë disa ditë para zgjedhjeve. Në ditën e zgjedhjeve do të jetë një mision më i madh, do te këtë një delegacion nga Asambleja parlamentare e OSBE, Parlamenti Europian. Objektiv i misionit të vëzhgimit të zgjedhjeve është të vlerësojë mënyrë e zhvillimit të zgjedhjeve.

Për arritjen e këtij objektivi do monitorojmë zgjedhjet, duke përfshirë edhe zhvillimet para dhe pas ditës së zgjedhjeve. Vëzhguesit do të vlerësojnë gjithashtu edhe zbatimin e rekomandimeve të mëparshme të ODIHR. Si pjesë e këtij procesi do të jenë edhe takime me përfaqësues të partive, institucioneve, medias.

Ne i kushtojmë shumë rëndësi transparencës, do të kemi 2 javë para zgjedhjeve një raport të ndërmjetëm, një ditë pas zgjedhjeve do të kemi gjetjet paraprake të misionit, dhe në fund një vlerësim i gjithë procesit të zgjedhjeve që do të përmbajë rekomandimet përkatëse dhe do të publikohet pas zgjedhjeve.” u shpreh ai./abcnews.al

Një profil anonim, i krijuar në vitin 2017 dhe i riemërtuar “Taqo Loco”, po paguan prej një jave sulme të shpërndara në rrjetet sociale kundër drejtuesit të partisë “Mundësia’, Agron Shehaj. Të martën, dy postime, një video dhe një kolazh fotosh kundër Shehajt kishin marrë mbi 100 komente dhe qindra pëlqime. Materiali video i shpërndarë […]

The post Profili anonim në Facebook shpërndan dezinformim kundër partisë “Mundësia” appeared first on Reporter.al.

Ministri për Evropën dhe Punët e Jashtme, Igli Hasani ka mirëpritur sot në zyrën e tij Ambasadorin Lamberto Zannier, Kreun e Misionit të Vëzhguesve të OSBE/ODIHR për zgjedhjet e përgjithshme parlamentare të 11 Majit që do të zhvillohen në Shqipëri.

Përgjatë këtij takimi, Ministri Hasani ka nënvizuar se:

“Shqipëria vlerëson fort asistencën e OSBE/ODIHR gjatë proceseve zgjedhore dhe ne mbetemi të vendosur për të zbatuar rekomandimet, duke shfrytëzuar njëkohësisht ekspertizën dhe ndihmën e tij”.

Ndër të tjera, Hasani ka cilësuar edhe angazhimin e vendit tonë për të organizuar zgjedhje të lira, të ndershme dhe transparente, në përputhje të plotë me standardet e OSBE/ODIHR.

Shqipëria mbetet një mbështetëse e palëkundur e mandatit të ODIHR dhe rolit që ai luan në mbrojtjen e lirive themelore./abcnews.al

Kryeministri Edi Rama dukshëm ka vendosur të bëjë fushatë me dy gjëra kryesore për zgjedhjet e 11 majit, në të cilat kërkon një mandat të katërt, bashkë me ambicien për të fituar tre të pestat e parlamentit: Shkëmbim batutash dhe tallje me kundërshtarët nga njëra anë dhe premtim për anëtarësim të shpejtë në Bashkimin Evropian […]

The post Integrimi Evropian, një dekadë në thuajse vendnumëro appeared first on Reporter.al.