Ditën e sotme (30 qershor), Komisioni Qendror i Zgjedhjeve, do të nisë procesin e rinumërimit të fletëve të votimit për qarkun e Fierit. Nga ora 09:00, në Pallatin e Sportit “Farie Hoti” në kryeqytet do të nisë hapja e 587 kutive të votimit për të kontrolluar saktësinë e rezultateve fillestare në këtë qark që prodhon […]

The post Sot nis rinumërimi i 587 kutive të Fierit, “Shqipëria Bëhet” synon të marrë mandatin e Zegjinesë appeared first on BoldNews.al.

Ka vijuar edhe këtë të mërkurë procesi i rinumerimit të votave në pallatin e sportit “Farie Hoti”, ku radhën e ka qarku i Tiranës, nga i cili do të shqyrtohen 1,282 kuti votimi.

Rinumerimi për këto kuti do të jetë si për subjektet zgjedhore, ashtu edhe për kandidatët në qarkun e Tiranës.

Kandidati i PD-së Ilir Alimehmeti po ndjek nga afër procesin e rinumerimit të votave në ndërsa ai nuk rezultoi fitues nga numërimi fillestar megjithatë nga rinumerimi pretendon të marrë mandatin.

Po ashtu duke ndjekur të njetën procedurë është dhe kandidati fitues i Partisë Mundësia Erald Kapri.

Në dispozicion janë vendosur 24 grupe me gjithsej 63 punonjës të administratës zgjedhore, përfshirë 48 numërues dhe 15 zëvendësues.

Procesi është parashikuar të kushtojë 21 milionë lekë të rinj dhe nuk do të kërkojë buxhet shtesë, pasi do të mbulohet nga kursimet e 11 majit.

PS, PD, Mundësia dhe Shqipëria Bëhet do të kenë vëzhgues për të monitoruar rinumerimin, ndërkohë që Lëvizja Bashkë e Arlind Qorrit nuk u lejua nga kryekomisioneri Ilirjan Celibashi, me argumentin se nuk është palë interesi në këtë proces.

Megjithatë, Qori iu drejtua KAS dhe kërkon të jetë prezent gjatë procesit të rinumerimit në pallatin e sportit “Farie Hoti” në Tiranë.

LEXONI GJITHASHTU:

• Nis procesi i rinumërimit të votave për katër qarqe, KQZ jep detajet
• Tensione gjatë rinumërimit të votave, Himçi: Fletët pa vulë kanë shkuar për PS-në

The post Fillon rinumërimi i votave për Tiranën, prezent kandidati i PD-së Ilir Alimehmeti appeared first on Euronews Albania.

Kryetari i Partisë Mundësia, Agron Shehaj, deklaroi në emisionin “NOW me Erla Mëhillin” se nuk ka asnjë kundërshtim ndaj procesit të rinumërimit të votave.

Shehaj theksoi se rinumërimi jo vetëm që nuk përbën rrezik për humbjen e mandatit të Partisë Mundësia por përkundrazi, do të thellojë diferencën në favor të partisë së tij.

Sipas tij, Partia Mundësia ka në dispozicion pamje filmike të procesit të numërimit të votave dhe ka parë 10% të kutive në Tiranë, dhe nga ato verifikime, rezulton se Partisë Demokratike jo vetëm që nuk i janë hequr vota, por në disa raste i janë shtuar.

“Pavarësisht se PD pretendon mandatin tonë, është e drejtë që të numërohen votat. Unë s’dal kurrë kundër numërimit të votave, sepse duhet të jemi të hapur për transparencë. Ajo që mund të them është kjo: nuk besoj se rinumërimi sjell ndryshim të madh sa i takon procesit të numërimit të votave për subjektet politike. Ne kemi verifikuar 10% të votave në Tiranë, pasi kemi të gjitha pamjet filmike të tyre, dhe mund të them që Partisë Demokratike nuk i është hequr asnjë votë, përkundrazi i janë shtuar vota. Është një numër i vogël që mund të jenë edhe gabime njerëzore. Numrat janë të papërfillshëm dhe s’ndikojnë rezultatin. Unë jam i bindur që në fund të numërimit, diferenca mes votave që i duhen PD-së për të marrë mandatin tonë jo vetëm që s’do të zvogëlohet, por do të rritet. Kështu që procesi i rinumërimit le të vazhdojë,” tha Shehaj.

The post “Nuk jemi kundër rinumërimit”, Shehaj: PD-së nuk i janë hequr vota por i janë shtuar appeared first on Euronews Albania.

Kreu i Partisë Mundësia, Agron Shehaj ka reaguar pas deklaratave nga Partia Demokratike se do të kërkojnë rinumërim të votave të pavlefshme në Tiranë me qëllim marrjen e mandatit të 14 dhe duke i hequr Mundësisë mandatin e dytë.

Sipas Agron Shehajt, dy mandatet e fituara në mënyrë të ndershme dhe të padiskutueshme në Tiranë janë objekt i një tentative për vjedhje në tavolinë. Sipas Shehajt, ajo që po ndodh është një përpjekje e dëshpëruar e partive të vjetra që refuzojnë ndryshimin.

Shehaj thekson se Partia Mundësia do të mbrojë çdo votë të qytetarëve, ashtu siç e ka bërë edhe më parë përballë presioneve politike apo policore.

Reagimi: 
Dy mandate. Dy votëbesime. Të ndershme. Të padiskutueshme. Dhe askush nuk do t’i rrëmbejë. Askush.

Ajo që po përpiqen të bëjnë është një grabitje. Një tjetër përpjekje e dëshpëruar nga partitë e vjetra që nuk duan të ndryshojnë.

Nuk mund të bërtasësh për farsë zgjedhore, dhe pastaj të vjedhësh një mandat në tavolinë. Kjo është hipokrizi. Dhe nuk do të ndodhë!

E kemi thënë më parë dhe po e themi sërish: votat tuaja nuk preken. Çdo votë për Partinë Mundësia është një votë për ndryshimin, dhe nuk do të preket, nuk do të tjetërsohet, nuk do të vidhet.

The post PD kërkon mandatin e Mundësisë/ Shehaj: Bërtasin për farsë, por duan ta vjedhin vetë appeared first on Lapsi.al.

E ftuar në “Now me Erla Mëhillin” nënkryetarja e partisë Mundësia, Barbara Doda tha se nuk do ia sugjeronte Agron Shehajt kandidimin për të marrë drejtimin e Bashkisë së Tiranës.

Ajo tha se nuk do e sugjeronte këtë lëvizje, pasi sipas saj Agron Shehaj si kryetar i partisë duhet të bëjë betejën e tij në Parlament.

“Unë nuk do ja sugjeroja. Ai është kryetari i Partisë Mundësia, betejën duhet ta bëjë në parlament, aq më tepër kur synon të bëhet kryeministër i vendit, Unë nuk do ja sugjeroja personalisht, por nëse Agroni do donte të kandidonte pa dyshim unë do e mbështesja”,-tha Doda.

E peytur nëse ka figura të tjera që mund të kandidojnë nëse mbahen zgjedhjet për Bashkinë e Tiranë ajo tha:

“Patjetër që ka. Ne jemi një parti serioze, e treguam në këto zgjedhje dhe me potencialin që kemi në Tiranë, nuk mund ta përjashtoj që do të kandidonim për Bashkinë e Tiranës”,-shtoi ajo.

LEXONI GJITHASHTU:

• A do ta pranojë Lapaj mandatin? Pano Soko: Është më i votuari, atij i takon
• Koçi: Rama do thyejë traditën, Gonxhja nuk do jetë kandidat për Bashkinë e Tiranës

The post Nënkryetarja e Shehajt: S’do ja sygjeroja Agronit të kandidonte për Bashkinë Tiranë appeared first on Euronews Albania.

Mandatet e kandidatëve në zgjedhjet parlamentare të 11 majit nuk janë certifikuar ende. Megjithatë, sipas rezultateve të deritanishme, në parlamentin e ardhshëm pritet të hyjnë deputetë nga tre parti të reja – Partia “Mundësia”, Lëvizja Bashkë dhe koalicioni Nisma – Shqipëria Bëhet. Së bashku, këto tre grupime politike morën mbi 112 mijë vota brenda vendit, […]

The post Media online ‘injoroi’ fushatën e partive të reja në zgjedhjet parlamentare appeared first on Reporter.al.

Kreu i Partisë “Mundësia”, Agron Shehaj, ka reaguar pas përfundimit të zgjedhjeve parlamentare të 11 majit, ku subjekti i tij politik arriti të sigurojë dy mandate në Kuvend.

Shehaj e cilësoi këtë rezultat si një fitore historike dhe theksoi se është thyer një mur që më parë dukej i pakalueshëm.

“E pamundura, ndodhi. Pavarësisht frikës së mbjellë natë për natë, pavarësisht një sistemi të ngritur për të mos lënë askënd të ri të ngjitet, pavarësisht propagandës, pushtetit dhe establishmentit. Luftuam, u përballëm dhe ia dolëm.

Dy mandate. 50 mijë qytetarë që na besuan. Pa premtime boshe. Pa lojëra. Pa pazare. Pa “më jep të të jap”. Kemi thyer një mur që dukej i pakalueshëm. Por puna e vërtetë fillon tani.

Ne do të jemi aty, me zë, me fakte, me qëndresë. Për çdo qytetar që na dha votën. Për çdo shqiptar që pret më shumë. Për të gjithë ata që na kanë ndjekur nga larg, që kanë shpresuar, por nuk kanë besuar plotësisht se ndryshimi ishte i mundur…

Nuk ka më kohë për të qëndruar spektatorë apo për të pritur një shpëtimtar. Ejani! Bashkohuni me ne! Me mbështetjen tuaj, çdo gjë është e mundur. Partia Mundësia është opozita e shekullit 21. E ndershme. E vërtetë. Moderne. E vendosur”, deklaroi Shehaj.

Ai shprehu mirënjohje ndaj votuesit, vëzhguesit, kandidatët, përkrahësit në diasporë dhe të gjithë ata që, sipas tij, e mbështetën Partinë Mundësia qoftë publikisht apo në heshtje.

“Partia Mundësia është opozita e shekullit 21. Një opozitë që sheh nga e ardhmja, një e ardhme që na përfshin të gjithëve,” përfundoi ai.

LEXONI GJITHASHTU:

• Përfundon numërimi i votave të diasporës në Lezhë: PD ruan 4 mandatet
• Ushtria e SHBA-së në Kosovë/ Ministri Maqedonci tregon marrëveshjen sekrete

The post Partia “Mundësia” siguron dy mandate, Shehaj: E pamundura ndodhi appeared first on Euronews Albania.

TIRANË, 17 maj /ATSH/ Kryetari i Partisë Mundësia, Agron Shehaj reagoi sot pas numërimit të votave nga diaspora në qarkun e Tiranës.

Shehaj shprehet se, “e pamundura, ndodhi. Pavarësisht frikës së mbjellë natë për natë, pavarësisht një sistemi të ngritur për të mos lënë askënd të ri të ngjitet, pavarësisht propagandës, pushtetit dhe establishmentit. Luftuam, u përballëm dhe ia dolëm. Dy mandate. 50 mijë qytetarë që na besuan. Pa premtime boshe. Pa lojëra. Pa pazare. Pa “më jep, të të jap””.

“Kemi thyer një mur që dukej i pakalueshëm. Por puna e vërtetë fillon tani. Ne do të jemi aty, me zë, me fakte, me qëndresë. Për çdo qytetar që na dha votën. Për çdo shqiptar që pret më shumë. Për të gjithë ata që na kanë ndjekur nga larg, që kanë shpresuar, por nuk kanë besuar plotësisht se ndryshimi ishte i mundur…”, thekson ai në një postim në rrjetet sociale.

Shehaj shprehet se Mundësia është opozita e shekullit 21.

“Nuk ka më kohë për të qëndruar spektatorë apo për të pritur një shpëtimtar.

Ejani! Bashkohuni me ne!  Me mbështetjen tuaj, çdo gjë është e mundur. Partia Mundësia është opozita e shekullit 21. E ndershme. E vërtetë. Moderne. E vendosur. Një opozitë që sheh nga e ardhmja, një e ardhme që na përfshin të gjithëve”, thekson ai.

Shehaj gjithashtu falënderoi votuesit dhe të gjithë ata që kanë mbështetur Partinë Mundësia.

“Faleminderit nga zemra çdo votuesi, vëzhguesi, koordinatori, kandidati, kandidati nga diaspora, ambasadorëve të Partisë Mundësia, pjesëmarrësve në takime dhe të gjithë atyre që na kanë mbështetur, haptazi apo në heshtje. Faleminderit të gjithëve!”, shkruan Shehaj.

/r.e/

The post Shehaj: Fituam dy mandate, 50 mijë qytetarë na besuan appeared first on Agjencia Telegrafike Shqiptare.

Partia Mundësia në zgjedhjet e 11 majit, arriti të sigurojë dy mandate në qarkun e Tiranës dhe në rank kombëtar kanë marrë mbi 50 mijë vota. Kreu i partisë, Agron Shehaj ka bërë reagimin e tij nga ambientet e numërimit të votës së diasporës, duke e cilësuar rezultatin si një moment të ri për opozitën. ”Puna e vërtetë fillon tani. Ne do të jemi aty, me zë, me fakte, me qëndresë. Për çdo qytetar që…

Source

Kreu i Partisë Mundësia, Agron Shehaj ka reaguar për zgjedhjet parlamentare të 11 majit, ku shprehet se ‘e pamundura, ndodhi’.

Shehaj siguroi dy mandate, të për cilën shprehet se është ‘thyer një mur që dukej i pakalueshëm’, ndërsa shton se ‘puna e vërtetë fillon tani’.

Ndër të tjera, Agron Shehaj falënderon votuesit, vëzhguesit, kandidatët dhe këdo që e ka mbështetur.

Reagimi i Shehaj:

E pamundura, ndodhi.

Pavarësisht frikës së mbjellë natë për natë, pavarësisht një sistemi të ngritur për të mos lënë askënd të ri të ngjitet, pavarësisht propagandës, pushtetit dhe establishmentit.

Luftuam, u përballëm dhe ia dolëm.

Dy mandate. 50 mijë qytetarë që na besuan. Pa premtime boshe. Pa lojëra. Pa pazare. Pa “më jep të të jap”. Kemi thyer një mur që dukej i pakalueshëm. Por puna e vërtetë fillon tani.

Ne do të jemi aty, me zë, me fakte, me qëndresë. Për çdo qytetar që na dha votën. Për çdo shqiptar që pret më shumë.

Për të gjithë ata që na kanë ndjekur nga larg, që kanë shpresuar, por nuk kanë besuar plotësisht se ndryshimi ishte i mundur…

Nuk ka më kohë për të qëndruar spektatorë apo për të pritur një shpëtimtar. Ejani! Bashkohuni me ne!
Me mbështetjen tuaj, çdo gjë është e mundur. Partia Mundësia është opozita e shekullit 21. E ndershme. E vërtetë. Moderne. E vendosur.

Një opozitë që sheh nga e ardhmja, një e ardhme që na përfshin të gjithëve. Faleminderit nga zemra çdo votuesi, vëzhguesi, koordinatori, kandidati, kandidati nga diaspora, ambasadorëve të Partisë Mundësia, pjesëmarrësve në takime dhe të gjithë atyre që na kanë mbështetur, haptazi apo në heshtje.
Faleminderit të gjithëve!

The post Agron Shehaj: Luftuam, u përballëm dhe ia dolëm. Jemi opozita që sheh nga e ardhmja appeared first on Lapsi.al.

Të dielën e 11 majit, shqiptarët votuan për zgjedhjet parlamentare.  Korridoret e shkollave apo palestrave të përshtatura në qëndra votimi për qytetin e Tiranës ishin të tejmbushura me votues kryesisht gjatë orëve të paradites, pasuar nga një rënie e fluksit të votuesve gjatë orëve të mesditës dhe pasdites. Pavarësisht se fillimisht u duk se pjesëmarrja […]

The post Zgjedhjet parlamentare të 11 majit në foto appeared first on Reporter.al.

Me vetëm 11 kuti të mbetura për t’u numëruar, rezultati në rang kombëtar ka pësuar disa ndryshime të vogla.

Partia Socialiste ka shkuar në 83 mandate, ndërsa Partia Demokratike – Aleanca për Shqipërinë Madhështore ka zbritur në 50 mandate.

Ndërkohë, Partia Mundësia ka siguruar mandatin e saj të dytë.

Partia Socialdemokrate ka arritur në tre mandate, ndërsa Nisma “Shqipëria Bëhet” e Adriatik Lapajt dhe Lëvizja Bashkë e Arlind Qorit kanë fituar nga një mandat secila.

Më poshtë paraqiten emrat e deputetëve të rinj sipas projeksioneve, bazuar në votat e numëruara deri në këto momente – konkretisht, janë numëruar 5,214 nga 5,225 kuti në total dhe 137,706 vota të diasporës nga 194,889 gjithsej.

Partia Socialiste – 83 mandate

Qarku Tiranë

1. Edi Rama
2. Ogerta Manastirliu
3. Elisa Spiropali
4. Lindita Nikolla
5. Taulant Balla
6. Adea Pirdeni
7. Albana Koçiu
8. Igli Hasani
9. Delina Ibrahimaj
10. Ilva Gjuzi
11. Iris Luarasi
12. Erion Malaj
13. Blendi Gonxhja – 20,009 vota
14. Erion Braçe – 17,102 vota
15. Ervin Hoxha – 16,727 vota
16. Fatmir Xhafaj – 11,365 vota
17. Xhemal Qefalia – 8,415 vota
18. Anila Denaj – 6,647 vota
19. Blerina Gjylameti – 5,296 vota

Qarku Berat

1. Ervin Demo
2. Enriketa Jaho
3. Hysen Buzali – 8,209 vota
4. Fadil Nasufi – 6,327 vota
5. Hatixhe Konomi – 3,372 vota

Qarku Dibër

1. Blendi Klosi
2. Alma Selami
3. Agron Malaj – 12,616 vota

Qarku Durrës

1. Klodiana Spahiu
2. Milva Ekonomi
3. Loer Kume
4. Skënder Pashaj
5. Aurora Mara
6. Arkend Balla – 18,649 vota
7. Ani Dyrmishi – 11,574 vota
8. Etleva Budini – 4,031 vota

Qarku Elbasan

1. Arbjan Mazniku
2. Bora Muzhaqi
3. Ermal Elezi
4. Adi Qose
5. Evis Kushi
6. Sara Mila – 18,626 vota
7. Saimir Hasalla – 9,361 vota
8. Olsi Komici – 9,020 vota
9. Aulona Bylykbashi – 8,315 vota
10. Agron Gaxho – 5,969 vota

Qarku Fier

1. Belinda Balluku
2. Petrit Malaj
3. Kiduina Zaka
4. Erjo Mile
5. Ana Nako
6. Ceno Klosi – 16,638 vota
7. Klevis Jahaj – 12,696 vota
8. Asfloral Haxhiu – 11,622 vota
9. Antoneta Dhima – 6,860 vota
10. Elton Korreshi – 5,966 vota
11. Zegjine Caushi – 4,074 vota
12. Dhimitër Kruti – 3,629 vota

Qarku Gjirokastër

1. Mirela Furxhi
2. Termet Peçi – 9,468 vota
3. Piro Dhima – 6,902 vota

Qarku Korçë

1. Niko Peleshi
2. Romina Kuko
3. Genti Lakollari
4. Ilirian Pendavinji – 10,133 vota
5. Bledi Como – 9,478 vota
6. Besa Spaho – 6,691 vota

Qarku Kukës

1. Eduard Shalsi

Qarku Lezhë

1. Ulsi Manja
2. Ermal Pacaj
3. Marjeta Neli – 6,745 vota

Qarku Shkodër

1. Marjana Koceku
2. Onid Bejleri
3. Xhenis Cela
4. Bujar Rexha

Qarku Vlorë

1. Bledar Çuçi
2. Zamira Sinaj
3. Erjona Ismaili
4. Pirro Vengu
5. Damian Gjiknuri – 10,031 vota
6. Vullnet Sinaj – 8,757 vota
7. Ardit Bido – 7,360 vota
8. Vasil Llajo – 4,894 vota
9. Brunilda Mersini – 4,892 vota

Partia Demokratike – Aleanca për Shqipërinë Madhështore (PD-ASHM) – 50 mandate

Qarku Tiranë

1. Sali Berisha
2. Flamur Noka
3. Albana Vokshi
4. Belind Këlliçi
5. Tedi Blushi
6. Jozefina Topalli
7. Fatmir Mediu
8. Edi Paloka
9. Erisa Xhixho
10. Mesila Doda
11. Klevis Balliu
12. Besart Xhaferi
13. Jorida Tabaku – 16,467 vota

Qarku Berat

1. Enno Bozdo
2. Zija Ismaili

Qarku Dibër

1. Xhelal Mziu
2. Denisa Vata

Qarku Durrës

1. Oerd Bylykbashi
2. Artan Luku
3. Manjola Luku
4. Gent Strazimiri
5. Igli Cara
6. Arian Ndoja – 8,209 vota

Qarku Elbasan

1. Tomor Alizoti
2. Edmond Haxhinasto
3. Klodiana Çapja
4. Blendi Himci

Qarku Fier

1. Gazment Bardhi
2. Luan Baçi
3. Brunilda Haxhiu
4. Saimir Korreshi

Qarku Gjirokastër

1. Tritan Shehu

Qarku Korçë

1. Ivi Kaso
2. Ledina Alolli
3. Bledjon Nallbati
4. Fidel Kreka – 6,523 vota

Qarku Kukës

1. Flamur Hoxha
2. Shkëlqim Shehu – 7,493 vota

Qarku Lezhë

1. Agron Gjekmarkaj
2. Elda Hoti
3. Gjin Gjoni – 8,873 vota
4. Kastriot Piroli – 5,632 vota

Qarku Shkodër

1. Luciano Boçi
2. Kliti Hoti
3. Greta Bardeli
4. Ramadan Likaj
5. Bardh Spahia – 9,414 vota

Qarku Vlorë

1. Bujar Leskaj
2. Vangjel Dule
3. Ina Zhupa

Partia Socialdemokrate (PSD) – 3 mandate

Qarku Shkodër

1. Tom Doshi
2. Sabina Jorgo

Qarku Tiranë

1. Albana Pellumbi

Partia Mundësia – 2 mandate

Qarku Tiranë

1. Agron Shehaj
2. Erald Kapri

Lëvizja Bashkë – 1 mandat

Qarku Tiranë

1. Redi Muçi

Nisma “Shqipëria Bëhet” – 1 mandat

Qarku Tiranë

1. Ana Dajko

LEXONI GJITHASHTU:

• Partia Mundësia siguron mandatin e dytë në Tiranë, flet Agron Shehaj
• Tensionet në Kashar, kush janë personat me të kaluar penale që futën në kaos KZAZ 30

The post Projeksioni/ Kandidatët që kanë siguruar mandatin nga votat e numëruara deri më tani appeared first on Euronews Albania.

Duket se Partia Mundësia ka siguruar mandatin e dytë në Tiranë, ndërkohë që ka ende vota të panumëruara nga diaspora.

Duke folur për këtë, kryetari i kësaj partie, Agron Shehaj, tha se komentet për mandatin e dytë do t’i japë sapo të zyrtarizohet rezultati, por tha se, në vija të përgjithshme, mandati i dytë është i siguruar, përjashto ndonjë çudi të madhe.

“Janë votat nga Greqia që nuk janë numëruar. Besoj që nuk do ndodhë ndonjë çudi e madhe që rezultati të ndryshojë. Mandatin e dytë do ta komentoj kur të mbyllet përfundimisht numërimi. Kur të kemi rezultatin përfundimtar, do flasim”, tha Shehaj.

I pyetur nëse bëri gabim që nuk u bashkua me Lapajn dhe Qorin për të formuar një opozitë më të madhe, Shehaj tha se nëse do të ndodhte kjo, do të humbte identiteti i Partisë Mundësia, pasi do të bëhej një bashkim partish dhe nuk do të kuptohej vlera e askujt.

“E dinim që në fillim që sistemi është i vështirë për partitë e vogla. I bie që t’i shkrijmë partitë në një parti, ndërkohë që ne kishim krijuar një parti për të mos i shkrirë të tjerat — dhe kështu s’do e kuptonim dot peshën tonë”, tha Shehaj.

Për procesin ai tha se do të flasë pas përfundimit të numërimit.

LEXONI GJITHASHTU:

• Shehaj përplaset me efektivët në KZAZ: Po vjedhin votat, vetëm zvarrë na nxirrni
• Voton Agron Shehaj: Sot është dita kur zëri juaj do dëgjohet, votoni ndryshimin

The post Partia Mundësia siguron mandatin e dytë në Tiranë, flet Agron Shehaj appeared first on Euronews Albania.

Vota e diasporës vlerësohej si një nga risitë e zgjedhjeve të 11 majit, por Komisioni Qendror i Zgjedhjeve po përballet me vështirësi për numërimin e saj. Në Parkun Olimpik në Tiranë, ku po punohet prej së dielës, grupet e numërimit kanë hapur deri mesditën e së enjtes rreth 127 mijë zarfa nga më shumë se […]

The post Numërimi i votës së diasporës kthehet në një maratonë appeared first on Reporter.al.

Në një situatë që duket se përbën deformim të madh të vullnetit të votuesve, Partia Socialiste e Shqipërisë po siguron 83 mandate parlamentare, ndërsa mori praktikisht 52% të votave. Të 83 mandatet parlamentare përbëjnë 59% të parlamentit dhe diferenca është shkaktuar nga padrejtësitë sistemike të instaluara nga Rama dhe Berisha, fillimisht në një marrëveshje në […]

The post Fitorja absolute e PS: Më pak vota, më shumë mandate appeared first on Reporter.al.

Duke sfiduar një sistem të konceptuar për t’i mbajtur larg Parlamentit, partitë e vogla pa lidhje me pushtetin pritet të marrin 155 mijë vota në këto zgjedhje si dhe së paku 3 mandate deputetësh, duke hapur një dritare për në parlament për herë të parë nga jashtë radhës së elitës. Tre nga partitë e vogla […]

The post Partitë e reja hapin për herë të parë një dritare drejt Parlamentit appeared first on BoldNews.al.

Në Tiranë, po vijon numërimi i votave për zgjedhjet e 11 majit, ku deri tani janë numëruar 1250 kuti nga gjithsej 1282 që ka qarku.

Nga përllogaritjet e votave deri tani, Partia Socialiste ka siguruar 19 mandate, ndërsa Partia Demokratike ka fituar vetëm 13 mandate, duke humbur një mandat që kishte më parë.

Po ashtu, Partia Mundësia ka arritur të sigurojë dy mandate të siguruara.

Mandatet për Tiranën shpërndahen si më poshtë:

• Partia Socialiste (PS): 19 mandate

• Partia Demokratike (PD): 13 mandate

• Partia Mundësia: 2 mandate

• Lëvizja Bashkë, Shqipëria Bëhet, dhe Partia Socialdemokrate (PSD) secila nga një mandat.

Koalicioni Partia Demokratike – Aleanca për Shqipërinë Madhështore (PD-ASHM) ka marrë 147,580 vota, ose 35.01%. Ndërsa Partia Socialiste e Shqipërisë (PS) ka marrë 201,960 vota, që përbëjnë 47.91% të votave të numëruara. Partia Mundësia ka marrë 21,132 vota, ose 5.01%.

Deri më tani, përqindjet dhe numri i mandateve janë si më poshtë: 1250 kuti të numëruara nga 1282 në total

• Koalicioni Partia Demokratike – Aleanca për Shqipërinë Madhështore (PD-ASHM): 147,580 (35.01%)

• Lëvizja Bashkë (BASHKE): 11,393 (2.70%)

• Lëvizja Atdheu (LA): 736 (0.17%)

• Partia Koalicioni Euroatlantik (KEA): 8,187 (1.94%)

• Partia Socialiste e Shqipërisë (PS): 201,960 (47.91%)

• Koalicioni Nisma Shqipëria Bëhet (NISMA-SHB): 13,006 (3.09%)

• Partia Aleanca Kombëtare Shqiptare (AKSH): 1,028 (0.24%)

• Partia Aleanca Demokracia e Re (ADR): 515 (0.12%)

• Koalicioni Djathtas për Zhvillim (DZH): 1,844 (0.44%)

• Partia Mundësia (MUNDESIA): 21,132 (5.01%)

• Partia Socialdemokrate (PSD): 14,132 (3.35%)

LEXONI GJITHASHTU:

• Projeksioni/ Kandidatët që kanë siguruar mandatin nga votat e numëruara deri më tani
• PS thellon fitoren në qarkun e Vlorës, socialistët sigurojnë 9 mandate

The post “Luftë” deri në minutën e fundit, Partia Mundësia i merr mandatin e 14-të PD-së appeared first on Euronews Albania.

Në qarkun e Tiranës janë numëruar 1221 qendra votimi nga 1282 gjithsej si dhe 16798 zarfe të diasporës nga 42384 gjithsej.

Sipas shifrave zyrtare të raportuara nga Komisioni Qendror i Zgjedhjeve, PS-ja kryeson me 199633 vota, duke blinduar 19 mandate.

Ndërsa demokratët me 146152 votat e marra deri tani kanë 14 mandate, duke ia rimarrë Partisë Mundësia.

Partia Mundësia ka marrë mandatin e dytë, teksa ka grumbulluar 20921 vota.

Ndërkohë që në Parlament futet edhe Lëvizja Bashkë e Arlind Qorit, PSD-ja dhe koalicioni i Adriatik Lapajt.

The post Numërohen 61 kutitë e fundit në Tiranë/ PS me 19 deputetë, ‘Mundësia’ e Shehajt merr mandatin e dytë në kryeqytet appeared first on Albeu.com.

Situata e tensionuar në KZAZ nr. 40 në shkollën “Sami Frashëri” në Tiranë është zgjidhur pas debateve të forta mes përfaqësuesve të Partisë Mundësia dhe zyrtarëve të komisionit.

Në një nga tavolinat e numërimit, votat e këtij subjekti po shpalleshin të pavlefshme me argumentin se fletët kishin një ngjyrë apo nuancë të ndryshme nga formati standard.

Ka qenë ndërhyrja e drejtpërdrejtë e kryetarit të partisë, Agron Shehaj, si dhe debatet e gjata me përfaqësuesit e KZAZ-së dhe numëruesit, që çuan në sqarimin dhe zgjidhjen e situatës.

“Votat që na i shpallën të pavlefshme, tani do të konsiderohen të vlefshme. Që nga fillimi i procesit janë numëruar qindra fletë të ngjashme dhe nuk është ngritur asnjëherë shqetësimi për ngjyrën. Ishte hera e parë që dëgjonim një justifikim të tillë. Pas dy orësh debatesh, ato vota do të llogariten si të rregullta,” – deklaroi Shehaj.

Kujtojmë se fillimisht u shpallën të pavlefshme 7 vota të Partisë Mundësia, nga të cilat më pas 3 u konfirmuan si të tilla, me arsyetimin se kishin ngjyrë ndryshe. Ky vendim shkaktoi reagim të ashpër nga përfaqësuesit e partisë, të cilët e konsideruan një përpjekje për të ndikuar në rezultatin final dhe për të penguar marrjen e mandatit të dytë në Tiranë.

Në përplasjen verbale me zyrtarët e KZAZ-së, Shehaj paralajmëroi: “Do të mbani përgjegjësi dhe do të përgjigjeni në Prokurori për këto manipulime.” Pas këtij debati të gjatë, situata u zgjidh dhe votat u njohën si të vlefshme.

Pas zgjidhjes së kësaj problematike, procesi i numërimit ka vijuar normalisht në KZAZ 40. Partia Mundësia ndodhet në një garë të ngushtë për mandatin e saj të dytë në Tiranë, dhe përfaqësuesit e saj theksojnë se kjo situatë u krijua pikërisht për të ndikuar në rezultatin e saj.

LEXONI GJITHASHTU:

• “Do shkoni në prokurori, po manipuloni procesin”, Shehaj përplaset me numëruesit
• Përplasje në KZAZ 40, policia tenton të nxjerrë me forcë vëzhguesit e “Mundësia”

The post Partisë Mundësia i njihen votat e rregullta që ishin shpallur të pavlefshme appeared first on Euronews Albania.

Vijon situata e tensionuar në ambientet e KZAZ nr. 40, në shkollën “Sami Frashëri” në Tiranë, ku përfaqësuesit e Partisë Mundësia kanë denoncuar se një numër votash të vlefshme për subjektin e tyre po shpallen të pavlefshme nga ana e numëruesve.

Kryetari i Partisë Mundësia, i pranishëm në këtë qendër numërimi, deklaroi se fletët e votimit janë të rregullta dhe të vulosura, por po kontestohen me justifikimin se kanë ngjyrë të ndryshme nga formati standard, një argument që ai e cilëson si të pabazë dhe të qëllimshëm.

Sipas Agron Shehajt, po vidhen votat e Partisë Mundësia përmes këtij preteksti, pasi kjo parti është pranë sigurimit të mandatit të dytë, të cilin sipas tij po përpiqen t’ia heqin në mënyrë të padrejtë.

“Shpjegimi është i qartë: Partia Mundësia është pranë marrjes së mandatit të dytë. Na është dhënë, por tani po na e heqin. Bëhet fjalë për disa dhjetëra vota, dhe po kapen pas çdo detaji – herë thonë se ngjyra nuk është perfekte, herë që fleta nuk është identike. Por vetëm votat e Partisë Mundësia po gjykohen si të pavlefshme. Të gjithë të tjerët përfitojnë nga kjo,” – u shpreh Shehaj.

Sipas tij, edhe fletët e votimit në favor të partive të tjera kanë ngjyra të ndryshme, por ato nuk kontestohen.“Tani kemi nisur të hapim fletët dhe po shohim që të gjitha kanë ngjyra të ndryshme. Nuk e kuptoj pse po gjykojnë për ngjyrën vetëm votat tona dhe jo të partive të tjera, që po ashtu kanë fletë me ngjyrë ndryshe. Asnjë fletë këtu nuk ka ngjyrë identike. Ky është një pretekst për të na hequr votat. Manipulimi i procesit zgjedhor është vepër penale,” – tha Shehaj, duke iu drejtuar zyrtarëve të KZAZ-së nr. 40 me kërkesën për të krahasuar të gjitha fletët e votimit.

“Manipulimi është vepër penale. Krahasoni të gjitha fletët e votimit – do të shkoni në prokurori për këtë,” – përfundoi ai.

LEXONI GJITHASHTU:

• Partisë Mundësia i njihen votat e rregullta që ishin shpallur të pavlefshme
• Shehaj përplaset me efektivët në KZAZ: Po vjedhin votat, vetëm zvarrë na nxirrni
• Partia Mundësia denoncon parregullsi në Tiranë: Votat po na i shpallin të pavlefshme

The post “Do shkoni në prokurori, po manipuloni procesin”, Shehaj përplaset me numëruesit appeared first on Euronews Albania.