Normal view

There are new articles available, click to refresh the page.
Yesterday — 16 July 2025Main stream

Ngërçi për mandatin e deputetit/ Shabani i përgjigjet Lapajt: Tiku bëhu burrë!

16 July 2025 at 19:16

TIRANË- Bëhet zyrtar divorci mes Lapajt dhe Shabanit, pasi daja i kreut të Nismës “Thurje” paralajmëron KQZ se mandati i deputetit i takon atij. Lapaj akuzon ashpër Endri Shabanin dhe thotë se mandati do qëndroje brenda fisit te vet.

Formalisht në listën e mbyllur mandati i shkon vajzës së tezes së Lapajt, por ky i fundit djeg përfundimisht mundësinë për të hyrë në shtator në Kuvend.

Kreu i Nismës “Thurje” , Endri Shabani ka reaguar duke i bërë thirrje Adriartik Lapajt të bëhet burrë.

Ai thekson se Adriatik Lapaj “mund të jetë mësuar të përvetësojë punën e të tjerëve, por pa votat e Nismës Thurje, apo pa votat e mia, ai nuk do të ishte bërë kurrë deputet”.

Më tej, Endri Shabani thekson se në vend që Lapajt ta sulmonte, do duhet ta falënderonte pasi pa ndihmën e Nisëm Thurje nuk do mund të fitonte kurrë mandatin e deputetit

Reagimi i Shabanit: 

𝐊𝐞𝐪𝐚𝐫𝐝𝐡𝐣𝐞 𝐩ë𝐫 𝐓𝐢𝐤𝐮𝐧!

Ndjej keqardhje nga deklarata e nxituar e Tikut ku më shpall mua armikun e klasës. Duhet ta kisha menduar se pas Arlindit dhe Agronit, kisha mbetur vetëm unë nga fronti i të rinjve.

Gjithësesi për interes publik, dua të sqaroj tre gjëra.

𝐄 𝐩𝐚𝐫𝐚, 𝐦𝐚𝐧𝐝𝐚𝐭𝐢 𝐢 𝐤𝐨𝐚𝐥𝐢𝐜𝐢𝐨𝐧𝐢𝐭 𝐍𝐢𝐬𝐦𝐚 𝐒𝐡𝐪𝐢𝐩ë𝐫𝐢𝐚 𝐁ë𝐡𝐞𝐭 𝐧𝐮𝐤 𝐤𝐚 𝐪ë𝐧ë 𝐤𝐮𝐫𝐫ë 𝐢 𝐀𝐝𝐫𝐢𝐚𝐭𝐢𝐤𝐮𝐭. Tiku mund të jetë mësuar të përvetësojë punën e të tjerëve, por pa votat e Nismës Thurje, apo pa votat e mia, ai nuk do të ishte bërë kurrë deputet!!!

Në këto zgjedhje për të marrë një mandat në Tiranë duheshin 13500 vota. Adriatiku ka marrë 6436 vota. Kështuqë, ato 7000 votat e tjera janë marrë nga kandidatë të tjerë.

Pra nëse nuk do ishim në koalicion, Shqipëria Bëhet do ishte jashtë Parlamentit. Kështuqë në vend që të më sulmojë Tiku duhet të më falenderojë!

𝐄 𝐝𝐲𝐭𝐚, 𝐙𝐞𝐪𝐢𝐫𝐢 𝐞 𝐤𝐚 𝐧𝐝𝐢𝐡𝐦𝐮𝐚𝐫 𝐓𝐢𝐤𝐮𝐧 𝐭ë 𝐛ë𝐡𝐞𝐭 𝐛𝐮𝐫𝐫ë. Në këto zgjedhje ka patur vetëm një njeri që ka shpallur publikisht një angazhim përballë aktivistëve dhe votuesve, dhe ai është lideri i koalicionit.

Me zë dhe me figurë, në disa media, Adriatik Lapaj është zotuar publikisht, se nëse fitonim vetëm një mandat, ai mandat nuk do t’i takonte atij. Kjo deklaratë shërbente për të motivuar aktivistët që të punonin për interesin e përbashkët, dhe jo për të bërë Tikun deputet. Pas zgjedhjeve Adriatiku e drodhi, dhe kjo nuk u pëlqye nga shumë prej nesh, përfshi këtu edhe Zeqirin.

Duke besuar që “burri mbahet nga fjala” Zeqiri e ka ndihmuar Tikun të mbajë fjalën dhe t’ia kalojë mandatin dikujt tjetër nga partia e tij.

𝐄 𝐭𝐫𝐞𝐭𝐚, 𝐧ë𝐬𝐞 𝐓𝐢𝐤𝐮 𝐧𝐮𝐤 𝐦𝐛𝐚𝐧 𝐩ë𝐫𝐠𝐣𝐞𝐠𝐣ë𝐬𝐢 𝐩ë𝐫 𝐯𝐣𝐞𝐫𝐫𝐢𝐧 𝐞 𝐭𝐢𝐣, 𝐩ë𝐫𝐬𝐞 𝐝𝐮𝐡𝐞𝐭 𝐭ë 𝐦𝐛𝐚𝐣 𝐮𝐧ë 𝐩ë𝐫𝐠𝐣𝐞𝐠𝐣ë𝐬𝐢 𝐩ë𝐫 𝐝𝐚𝐣ë𝐧 𝐭𝐢𝐦? Prej kohësh kemi pranuar që përgjegjësia është individuale.

Dhe në fakt, si njeriu që firmosi listat, dhe që i vonoi dëri në 12 të natës, Tiku ka përgjegjësinë totale që gabimisht e futi Zeqirin në listë të mbyllur, duke e zëvendësuar me Majlina Zikon. Tani më kërkon mua përgjegjësi për një çorbë që e gatoi vetë!

Zeqiri është 60 vjeç burrë, dhe nuk mund të përdoret as nga unë, por as nga Adriatiku. Ai ka dinjitetin e tij, dhe kur pa që Adriatiku po luante lojra, reagoi. Ndërkohë që unë përpiqesha të qetësoja situatën, Tiku zgjodhi rrugën e presionit. Dhe kur Zeqiri u përball me kërcënime ndaj fëmijëve të tij, vendosi të mos kthehej mbrapsh.

Të jem i sinqertë, unë nuk kam qënë dakord me sjelljen e Zeqirit, por kur shoh se si akoma pa pushtet këta janë të gatshëm të të kërcënojnë fëmijët nuk di çfarë të them.

Në fund të ditës, ne nuk po luftojmë që të zëvendësojmë ujqërit e vjetër me këlyshë të rinj që të vrasin për pushtet. Po luftojmë që politika të ketë një tjetër fytyrë: të ndershmërisë dhe fjalës së mbajtur. Dhe kjo betejë nuk do të ndalet nga ata që duan të kapin karrige, por do të fitohet nga ata që mbajnë fjalën edhe kur karrigia u kalon pranë/ abcnews.al

Në sherrin Lapaj-Shabani, në mes futet deputeti Sula: Kur do t’i bësh gropën tjetrit, bie vetë brenda

By: redi
16 July 2025 at 20:07

Deputeti i PD-së, Dashnor Sula është përfshirë në përplasjen e sotme mes Adriatik Lapajt dhe Endri Shabanit për mandatin e fituar nga koalicioni ‘Nisma Shqipëria Bëhet’. Përmes një postimi në rrjetet sociale, duke ironizuar situatën e krijuar, Sula shprehet se kur do t’i bësh gropën tjetrit, bie vetë brenda. Ai rikthen në kujtesë një bisedë të zhvilluar me Lapajn në momentin që po pretendonte…

Source

Dash Sula “futet” mes sherrit Lapaj-Shabani: Kur do t’i bësh gropën tjetrit, bie vetë brenda

16 July 2025 at 20:39

Lidhur me sherrin mes Adriatik Lapajat dhe Endrit Shabanin për mandatin e koalicionit “Nisma Shqipëria Bëhet” ka ardhur një reagim edhe nga Dashnor Sula. Ky i fundit u fut fillimisht në listat e këtij koalicioni për Qarkun e Elbasanit në zgjedhjet e 11 Majit dhe më pas u tërhoq pasi nuk e mori garancinë se […]

The post Dash Sula “futet” mes sherrit Lapaj-Shabani: Kur do t’i bësh gropën tjetrit, bie vetë brenda appeared first on BoldNews.al.

Ish-sekretari i “Thurjes” akuza Shabanit: Vodhe 240 mijë eurot e akorduara nga KQZ, do shkosh në burg

16 July 2025 at 20:01

Pas përplasjes së Adriatik Lapajt dhe Endrit Shabanit për mandatin e koalicionit “NIsma Shqipëria Bëhet”, ka ardhur një reagim edhe nga ish-sekretari i Përgjithshëm i “Nismës Thurje”, Napolon Laska. Përmes një postimi në rrjetet sociale, Laska hedh akuza të forta ndaj Shabanit, ku sipas tij, ky i fundit ka vjedhur fondin prej 240 mijë euro […]

The post Ish-sekretari i “Thurjes” akuza Shabanit: Vodhe 240 mijë eurot e akorduara nga KQZ, do shkosh në burg appeared first on BoldNews.al.

U akuza nga Lapaj për komplot me dajën në marrjen e mandatit, Shabani: Ku ta dija unë se armiku ishim ne

By: redi
16 July 2025 at 18:39

Endri Shabani nuk ka vonuar dhe i është përgjigjur me një poezi akuzave të Adriatik Lapajt që pretendon se kreu i Nismës Thurje është pjesë e “komplotit” bashkë me dajën e tij, Zeqir Kordhoni, për të mbajtur mandatin e deputetit që Nisma Shqipëria Bëhet fitoi në Tiranë më 11 maj. Postimi i plotë Mora pushkën dola malit, Të luftoja për atdhe, Ku ta dija unë i varfri, Se armiku ishim ne.

Source

Sherri për mandatin, Lapaj shpërthen ndaj Shabanit: Ty dhe dajon tënd ju gjykon populli

By: redi
16 July 2025 at 18:21

Adriatik Lapaj ka reaguar pasi kandidati për deputet i koalicionit “Nisma Shqipëria Bëhet”, Zeqir Kordhoni i ka dërguar një letër Komisionerit Shtetëror të Zgjedhjeve, ku shpreh vullnetin për të pranuar mandatin, në rast se do të shpallet fitues i tij. Kandidatët e këtij koalicioni në listën e mbyllur kishin nënshkruar para zgjedhjeve një deklaratë noteriale ku deklaronin se hiqnin dorë nga…

Source

“Ku ta dija unë i varfi, se armiku isha unë”, Shabani i përgjigjet Lapajt lidhur me “luftën” për 1 mandat

By: M C
16 July 2025 at 18:47

Vetëm pak minuta pasi Adriatik Lapaj reagoi në rrjetet sociale, kreu i Nisma Thurje, Endri Shabani ka reaguar me disa vargje në “Facebook”.

“Mora pushkën dola malit,

Të luftoja për atdhe,

Të luftoja në furtunë;

Se armiku isha unë”.

Më herët, Adriatik Lapaj reagoi pasi kandidati për deputet i koalicionit “Nisma Shqipëria Bëhet”, Zeqir Kordhoni, i ka dërguar një letër Komisionerit Shtetëror të Zgjedhjeve, ku shpreh vullnetin për të pranuar mandatin, në rast se do të shpallet fitues i tij.

Kandidatët e këtij koalicioni në listën e mbyllur kishin nënshkruar para zgjedhjeve një deklaratë noteriale ku deklaronin se hiqnin dorë nga mandati, në mënyrë që të futeshin në Parlament kandidatët nga lista e hapur me më shumë vota.

Në postimin e tij, Lapaj shkroi se, “Endri Shabanin dhe dajon e tij do t’i gjykojë populli”.

The post “Ku ta dija unë i varfi, se armiku isha unë”, Shabani i përgjigjet Lapajt lidhur me “luftën” për 1 mandat appeared first on Albeu.com.

Mandati i deputetit fut sherrin mes “aleatëve”, reagon Lapaj: Mbarë i shkoftë Endri Shabanit, bashkë me dajon

By: M C
16 July 2025 at 17:56

Adriatik Lapaj ka reaguar pas kërkesës së daja i “aleatit” të tij në zgjedhje, Endri Shabanit paraqiti në KQZ ku dhe kërkon mandatin e deputetit.

Përmes një postimi në “Facebook”, Lapaj thekson se ka qenë vetë Endri Shabani ai i cili para një populli të tërë doli garant për familjarët e vet të cilët për shkak të formulës i futën në listat e mbyllura.

Duke treguar qartë “ftohjen” mes tyre, drejtuesi i “Lëvizja Shqipëria Bëhet” lë të kuptohet se si Edi Rama, Sali Berisha po ashtu dhe vetë “aleati” i tij në zgjedhjet e 11 Majit kanë “luftuar” kundër tij.

“Jam krenar që u luftova nga çdo anë dhe nuk u ndala! U luftova nga Rama, Saliu dhe këta “të rinjtë”, deri dhe te ky që e futa në gji…nga të gjithë. Ndaj meje dhe krejt ekipit të Lëvizjes Shqipëria Bëhet po konsumohet publikisht PADREJTËSI”, shkruan Lapaj.

Daja i Endri Shabanit, Zeqir Kordhoni, iu drejtua sërish Komisionit Qendror të Zgjedhjeve me një letër ku dhe kërkoi që të ushtrojë mandatin e deputetit në rast se shpallet fitues.

Koalicioni “Nisma Shqipëria Bëhet” duke qenë se që prej fillimit ishin kundër “listave të sigurta” vendosën që në zgjedhjet e 11 Majit të shkonin në “listën e mbyllur” me emra kandidatësh fiktivë, të cilët më pas me dakordësinë e palëve do të digjnin mandatin, në mënyrë që në Kuvend të futen kandidatët që morën më tepër vota nga lista e hapur.

Pro, mesa duket një prej 12 kandidatëve fiktivë në qarkun e Tiranës të “Nismës Shqipëria Bëhet” ka “ndërruar mendje” dhe kërkon që të jetë deputet në legjislacionin e ri parlamentar.

Ky është pikërisht daja i Endri Shabanit, Zeqir Kordhoni, i cili pretendon se gjatë kandidimit nuk ishte i qartë nëse kishte firmosur edhe mospranimin e mandatit të deputetit, duke rrezikuar kështu “karrigen” e Adriatik Lapajt në Kuvendin e ri 2025-2029.

Ai i ka kërkuar Celibashit se është i bindur që nuk do të djegë mandatin e tij dhe të injorojë çdo deklaratë apo pretendim të Koalicionit Nisma Shqipëria Bëhet që janë bërë në emër të tij.

The post Mandati i deputetit fut sherrin mes “aleatëve”, reagon Lapaj: Mbarë i shkoftë Endri Shabanit, bashkë me dajon appeared first on Albeu.com.

“Ku ta dija unë…”/ Shabani i përgjigjet ashpër Lapajt: Armik…

By: Ardit
16 July 2025 at 18:12

Duket se mes dy kryetarëve të koalicionit ‘Nisma Shqipëria Bëhet’ Adriatik Lapaj dhe Endri Shabani, ka nisur një ‘luftë’, pasi daja i Shabanit Zeqir Kordhoni, i ka dërguar një letër Komisionerit Shtetëror të Zgjedhjeve, ku shpreh vullnetin për të pranuar mandatin, në rast se do të shpallet fitues i tij. Vetëm pak minuta pasi Adriatik […]

The post “Ku ta dija unë…”/ Shabani i përgjigjet ashpër Lapajt: Armik… appeared first on BoldNews.al.

Zeqiri i mori mandatin/ Lapaj shpërthen ndaj Shabanit: Mbarë të shkoftë bashkë me dajon, populli do gjykojë!

16 July 2025 at 18:03

Adriatik Lapaj ka bërë një reagim të ashpër ndaj bashkëpunëtorit të tij në koalicionin “Nisma Shqipëria Bëhet”, Endri Shabani, për faktin se daja i këtij të fundit, Zeqir Kordhoni i dërgoi një shkresë kreut të KQZ-së Ilirjan Celibashi, ku kërkon që të marrë mandatin e vetëm të fituar nga ky koalicion më 11 Maj. Në […]

The post Zeqiri i mori mandatin/ Lapaj shpërthen ndaj Shabanit: Mbarë të shkoftë bashkë me dajon, populli do gjykojë! appeared first on BoldNews.al.

Daja i Shabanit nuk heq dorë nga mandati, letër Celibashit: Dua të ushtroj funksionin e deputetit

16 July 2025 at 16:19

Zeqir Kordhoni, daja i Endrit Shabanit, duket se nuk ka ndërmend të heqë dorë nga marrja e mandatit të vetëm të deputetit, të fituar nga koalicioni “Nisma Shqipëria “Bëhet” më 11 Maj në Qarkun e Tiranës. Zeqir Kordhoni i është drejtuar Komisionerit Shtetëror të Zgjedhjeve, Ilirjan Celibashi, përmes një shkrese që mban datën 15 Korrik, […]

The post Daja i Shabanit nuk heq dorë nga mandati, letër Celibashit: Dua të ushtroj funksionin e deputetit appeared first on BoldNews.al.

Before yesterdayMain stream

Çfarë ndodh nëse Zeqir Kordhoni nuk tërhiqet? Shabani: Përfundimisht nuk kam më asnjë shans që ketë mandat ta marr unë

14 July 2025 at 20:47

TIRANË- Kryetari i Nisma Thurje, Endri Shabani, i ftuar në “Real Story” foli mbi debatin e krijuar për “fatin” e mandatit të koalicionit “Nisma Shqipëria Bëhet”.

Ai komentoi dhe shkresën që Zeqir Kordhoni, i ka bërë KQZ, i cili i ka kërkuar t’i vihet në dispozicion letra e dorëheqjes të cilën pretendon se nuk e ka dhënë ai personalisht.

“Më lëvizjen që ka bërë Zeqiri, sikur ta çoj më tej, unë  përfundimisht nuk kam më asnjë shans që ketë mandat ta marr në katër vitet e ardhshme, sepse nëse mandati mbetet në listën e  mbyllur, unë skam më asnjë shans.

Nëse mandatin e merr Adriatikun, në katër vite mund të ndodhin një mijë gjëra, ai mund të garojë për bashkinë, garon për këtu, për aty dhe mandati më kalon mua.. Nëse mandati mbetet te lista e mbyllur, nuk  vjen kurrë radha te unë, sepse janë 12 veta aty.

E para e listës së mbyllur është familjare e Adriatik Lapajt, Ana Dajko. E dyta, pse duhet ta inkurajoja dikë që është në fund të listës pasi mund të kisha inkurajuar të dytën e listës, që është e fejuara ime apo motrën apo… Thelbi është se nuk kam asnjë interes. Nuk kam ndryshuar asnjë gjë nga fillimi në fund. Unë besoj se kemi gjetur një artificë për të garuar me lista të hapura edhe te sistemi i tyre, sepse kjo është loja dhe skema e tyre.

Vazhdoj të insistoj, i kam dërguar një letër KQZ, shpresoj që KQZ do ndjek precedentët që ka pasur. E kuptoj që aty do ketë presion edhe nga klasa e vjetër politike, sepse të gjithëve u intereson që mandati të mos kaloj në listën e hapur, Nuk ka për t’i kaluar Nismës ajo, nuk kemi për të marr mandat. Rreziku është që të mbetet te lista e mbyllur, por ngeli te lista e mbyllur askush nuk do provoj skemën që provuam ne.”, theksoi ai.

Ai pohoi se Lapaj pretendon të marrë mandatin e deputetit.

“Ai ka synimin për të marrë mandatin dhe i takon sepse është më i votuari”, theksoi ai./abcnews.al

Përplasje dhe zhgënjim në “Real Story”: Leka dhe Bejko kritikojnë krizën morale në koalicionin “Shqipëria Bëhet”

By: Rovena
14 July 2025 at 20:29

Në një debat të ngarkuar emocionalisht në studion e emisionit Real Story në ABC News, gazetari Martin Leka dhe analisti Roland Bejko shprehën shqetësimin e tyre mbi situatën aktuale politike dhe përçarjet brenda koalicionit “Shqipëria Bëhet”. Leka u shpreh i zhgënjyer nga zhvillimet e fundit, duke vënë në dyshim nëse votat e marra nga ky koalicion përfaqësojnë shpresën e qytetarëve, apo janë produkt i zhgënjimit të thellë ndaj opozitës dhe mazhorancës.

Sipas Lekës, morali dhe ideja fillestare e bashkimit për ndryshim janë komprometuar, dhe bashkëpunimi me nismën “Thurje” duhet të rishqyrtohet. Ai shtoi se mandati, sipas parimeve të shpallura nga vetë drejtuesit e koalicionit, duhet t’i kishte kaluar kandidatit Shabani.

“Jam i zhgënjyer nga e gjithë kjo që ndodh. Jam shumë në dilemë se shumë vota që i kanë shkuar Shqipëria Bëhen janë vota të shpresës, apo thjesht të zhgënjimit nga opozita apo mazhoranca. Është një spektakël i shëmtuar. Nëse ne i shkojmë idesë që duhet të ngjallim shpresë, shpesa është tek fjala që hyn. Sipas fjalës së Lapajt, mandati sot duhet të merrte Shabani Në këtë situatë unë mendoj, se për hir të së vërtetës koalicioni ‘Shqipëria bëhet’ dhe nisma ‘Thurje’ duhet prishur, është prishur morali i koalicionit dhe idesë për të cilën kanë hyrë në këto zgjedhje”, tha Martin Leka.

Analisti Roland Bejko e cilësoi si të dhimbshme çfarë po ndodh me koalicionin, duke theksuar se, pavarësisht arritjes së 200 mijë votave, një sukses në kushtet e sistemit aktual zgjedhor dhe përballë figurave dominante si Rama dhe Berisha brenda strukturës është shfaqur një krizë e thellë identiteti dhe morali. Ai kritikoi mungesën e një ideologjie të qartë, duke thënë se përplasjet mes drejtuesve dhe debati publik e kanë dëmtuar rëndë imazhin e kësaj force politike.

“200 mijë vota nuk janë pak Këta janë më të votuarit dhe u mërzita shumë. Të kesh dy dinozaur të mëdhenj si Rama e Berisha dhe me këtë Kod Zgjedhor është arritje për partitë e vogla. Kam qenë pesimist se do të prisheshin. Ju mund edhe ta mbani këtë koalicion, por moralisht keni rënë. Nuk keni më një ideologji. Deri dje PD ka patur një program të djathtë që nuk e zbatoi dot kurrë. Sot nuk ka ideologji, ka vetëm Berishën. PD u ndërtua rreth një ëndrre të cilën e prishi Sali Berisha rrugës. Nuk mendoj se partia juaj do të fitonte. Unë personalisht për ty kam qenë në mbështetje, jam investuar dhe të kam dhënë vota. Në këtë moment, më dhimbset kjo që po ndodh, po humbet. U krijua perceptimi se edhe si gjithë të tjerët po ziheni për pushtet. Në këto kushte partia juaj nuk do të shkonte lart, sepse filluar cicmicet e vogla. Debati që bëri Lapaj dhe Qorin iu dëmtoi, që bëri Shehaj me Lapajn iu dëmtoi. Debatet me të mëdhenjtë dhe me të vegjlit ju ka dëmtuar”, tha Bejko i prerë./abcnews.al

Fërkimet Lapaj-Shabani/ Kreu i “Thurje”: Si qëndron e vërteta mbi debatin rreth mandatit; Adriatik Lapaj tha se ‘do të jepte dorëheqjen’, të mbante fjalën!

14 July 2025 at 20:24

TIRANË- Ujërat brenda opozitarëve të rinj janë trazuar. Një ditë pasi kandidati I Nismës thurje Zeqir Kordhoni, la të kuptohej se firma e dorëheqjes se tij ishte falsifikuar, nipi i tij Endri Shabani, i është drejtuar me një shkresë kryekomisionerit Ilirjan Celibashi, ku i kërkon të njohë të gjithë dorëheqjet  e 46 kandidatëve të koalicionit të paraqitura në KQZ më 11 maj.

Shabani thotë se mandati duhet ti kalojë të parit të listës së hapur, në këtë rast Adriatik Lapajt, duke shuar zërat se letra e Kordhonit ishte nxitur prej tij, dhe duke ja lënë topin Adriatik Lapaj për deklaratën e tij para zgjedhjeve lidhur me mandatin e vetëm qe nxori koalicion I tyre në 11 maj.

Të enjten, Zeqir Kordhoni, kërkoi nga KQZ që t’i vihet në dispozicion letra e dorëheqjes të cilën pretendon se nuk e ka dhënë ai personalisht, por ia ka bërë partia e Lapajt, ndaj dhe KQZ i ka hequr emrin.

Kreu i Nisma Thurje, Endri Shabani, i ftuar në “Real Story” theksoi se partia e tij nuk ka asnjë pretendim për mandatin në fjalë, ndërsa theksoi se vonesat e KQZ-së për të konfirmuar dorëheqjet ka lënë hapësirë për interpretime të tilla.

“Median e ushqen kjo telenovelë. Zeqiri është në fund të listës së mbyllur. Aktualisht mandatin e ka Ana Dako, e cila është në krye të listës së mbyllur dhe të gjithë kanë depozituar në KQZ dorëheqjet. 46 vetë kanë depozituar dorëheqjet.  KQZ ka dy muaj që i mban dorëheqjet aty dhe ende nuk ka proceduar për njohjet e dorëheqjeve dhe të kalojë direkt te lista e hapur, Adriatik Lapaj është i parë, unë i dyti dhe kështu vazhdon, Pano Soko, që janë të renditur në listë të hapur. Këto dy muaj kanë krijuar, kanë lënë hapësirë për fushëbetejë dhe tensione që ndodhin brenda një grupimi politik. Ka disa kandidatë aty, që edhe te lista e mbyllur, por edhe aktivistë të tjerë që janë mërzitur me dy apo tre gjera, me deklarata pas zgjedhore. Këta janë të partisë Shqipëria Bëhet, nga ana e Nismës Thurje janë mërzitur për shkak sepse para zgjedhjeve Adriatiku pati marrë një angazhim, që nëse do jetë vetëm një mandat do japë dorëheqjen për pasojë do angazhohemi të gjithë, sepse ju nuk po angazhoheni të më bëni mua deputet, pas zgjedhjeve ndryshoi qëndrim. Ne si Nisma Thurje s’kemi asnjë pretendim për atë mandat. Për ne është që të ruhet parimi i listës së hapur. Fjalët që thuhet duhen mbajtur, Adriatiku ka angazhimin e vet, ka figurën e vet politike dhe e ndërton vetë marrëdhënien me votuesit, kjo është një çështje, që është në dorë të  KQZ.”, tha ai.

Fërkimet Lapaj-Shabani/ Kreu i “Thurje”, letër KQZ: Zyrtarizo dorëheqjet!

12 July 2025 at 15:46

TIRANË– Ujërat brenda opozitarëve të rinj janë trazuar. Një ditë pasi kandidati I Nismës thurje Zeqir Kordhoni, la të kuptohej se firma e dorëheqjes se tij ishte falsifikuar, nipi i tij Endri Shabani, i është drejtuar me një shkresë kryekomisionerit Ilirjan Celibashi, ku i kërkon të njohë të gjithë dorëheqjet  e 46 kandidatëve të koalicionit të paraqitura në KQZ më 11 maj.

Shabani thotë se mandati duhet ti kalojë të parit të listës së hapur, në këtë rast Adriatik Lapajt, duke shuar zërat se letra e Kordhonit ishte nxitur prej tij, dhe duke ja lënë topin Adriatik Lapaj për deklaratën e tij para zgjedhjeve lidhur me mandatin e vetëm qe nxori koalicion I tyre në 11 maj.

Të enjten, Zeqir Kordhoni, kërkoi nga KQZ që t’i vihet në dispozicion letra e dorëheqjes të cilën pretendon se nuk e ka dhënë ai personalisht, por ia ka bërë partia e Lapajt, ndaj dhe KQZ i ka hequr emrin.

Në formularin e deklarimit, ai rezulton një punëtor ndërtimi dhe invalid, por emri i tij ishte vetëm pjesë e skemës së Lapajt e Shabanit për të mbushur listat e mbyllura me familjarë, ndërsa të dy do të bënin gara në listë të hapur.

Duke e përdorur këtë teze edhe për të bërë një garë ndryshe nga të vjetërit, pra për të formalizuar votën e listës së hapur

Por kjo lëvizje e behtë, përpara se KQZ, të shpërndajë mandatet, më shumë se ambicie e Kodhonit për të hyrë në parlament, u duk si taktikë e Shabanit për të forcuar pozitat brenda koalicionit, e për të blinduar vendin e dytë, në listë të hapur.

Kërkesa e te premtes e Shabanit, e shkarkon atë nga kjo insinuate, por njëkohësisht e lë Lapajn vetëm, përballë premtimit të tij para zgjedhjeve te 11 majit:

Tani Lapaj duhet të vendosë: të marrë mandatin e të dalë gënjeshtar, apo ta lërë atë te Endri Shabani. Në të dyja rastet, kreu I Shqipëria Bëhet është me I humburi nga kjo përballje, ndërsa koalicioni mes te dyve, vihet me në dyshim se kurrë./abcnews.al

Endri Shabani kërkesë KQZ: T’i jepet mandati kandidatit të parë të renditur në listë

By: M C
11 July 2025 at 19:14

Endri Shabani i është drejtuar KQZ me një kërkesë, në emër të Partisë Nisma Thurje dhe Koalicionit Nisma Shqipëria Bëhet. Shabani i kërkon KQZ të njohë zyrtarisht dorëheqjet e 46 kandidatëve të listave të mbyllura të paraqitura në datë 11 Maj 2021 dhe të vijojë me procedurat për t’i dhënë mandatin kandidatit të renditur i pari në listën e hapur.

Ditën e djeshme, një i afërm i Shabanit, Zeqir Kordhoni, i renditur i nënti në listën e mbyllur në qarkun e Tiranës ka shprehur ambicien për të marrë mandatin e ligjvënësit Adriatik Lapajt. Në një shkresë depozituar në KQZ, kandidati që në CV e tij deklaruar se ka qenë punëtor ndërtimi, por që trajtohet me KEMP, duket se nuk mban mend se çfarë ka firmosur dhe i kërkon Ilirjan Celibashit informacion se çfarë ka dorëzuar partia e Adriatik Lapajt në emër të tij.

Shkresa e plotë:

Lënda: Kërkesë për njohjen e dorëheqjeve të dorëzuara në 11 Maj 2025 Drejtuar: Komisionit Qëndror të Zgjedhjeve, kryetarit Ilirjan Celibashi

Në emër të Partisë Nisma Thurje dhe Koalicionit Nisma Shqipëria Bëhet, ju drejtohem për të kërkuar zyrtarisht që Komisioni Qendror i Zgjedhjeve të shpallë sa më shpejtë rezultatin e zgjedhjeve të 11 Majit 2025 dhe të shpërndajë mandatet sipas vullnetit të zgjedhësve.

Kanë kaluar dy muaj nga dita e zgjedhjeve dhe këto vonesa po krijojnë hapësira për lojra politike, të cilat po delegjitimojnë procesin duke u kthyer në telenovelat e verës.

Gjithashtu, kërkoj që KQZ-ja të njohë vullnetin e zgjedhësve të koalicionit Nisma Shqipëria Bëhet, ku mbi 54,000 vota u dhanë drejtpërdrejt për kandidatët e listës sonë të hapur. Këto nuk janë thjesht shifra, por një shprehje e qartë e vullnetit të qytetarëve për të zgjedhur direkt përfaqësuesit e tyre në parlament.

Më lejoni t’ju rikujtoj se ky garim me lista të hapura, erdhi në kushtet kur partitë e vjetra u bënë bashkë për të na imponuar një kod zgjedhor anti-demokratik. Ne e sfiduam këtë përpjekje duke e ccuar ccështjen në Gjykatën Kushtetuese, dhe më pas duke u detyruar të përdornim një artificë, e cila gjithësesi është brenda hapësirës që na jep ligji.

Prandaj, për të vendosur një standard demokratik në Shqipëri, do duhet të krijohen kushte kur partitë politike të garojnë me lista të hapura. Dhe për këtë qëllim, kërkoj nga KQZ-ja që të njohë dorëheqjet e dorëzuara me datë 11 Maj 2025 nga 46 kandidatët e listës së mbyllur të koalicionit tonë, të cilët me vullnet të plotë deklaruan se nuk synojnë të marrin mandatin e deputetit.

Dua t’ju rikujtoj se veprimet tona janë marrë në bashkërendim të plotë me KQZ-në. Pikërisht për këtë arsye insistojmë që KQZ-ja të veprojë në përputhje me praktikën e mëparshme të tij, ku dorëheqjet e paraqitura janë njohur pa pengesa apo interpretim selektiv. Çdo devijim nga ky standard në rastin tonë do të përbënte jo vetëm shkelje të parimit të barazisë, por do të cënonte besueshmërinë e institucionit.

Prandaj, i bëjmë thirrje Komisionit Qendror të Zgjedhjeve që: Të mos lejojë asnjë manipulim apo vonesë që do të përbënte mungesë respekti ndaj 65,000 qytetarëve që i besuan koalicionit tonë dhe kandidatëve tanë.

Besojmë se nën drejtimin tuaj, KQZ do të qëndrojë në lartësinë e misionit të saj për të mbrojtur procesin demokratik dhe për të mos lejuar asnjë devijim nga vullneti i votuesve.

The post Endri Shabani kërkesë KQZ: T’i jepet mandati kandidatit të parë të renditur në listë appeared first on Albeu.com.

Nuk i jep mandatin Lapajt/ Shabani zbulon bisedën me dajën: Zeqiri është mërzitur, ndihet i përdorur!

11 July 2025 at 15:18

Kryetari i “Nismës Thurje”, Endrit Shabani ka komentuar lëvizjen e dajës së tij, Zeqir Kordhonit, i cili kërkon të marrë mandatin e vetëm të koalicionit “Nisma Shqipëria Bëhet” si deputet për qarkun e Tiranës. Gjatë një intervistë të dhënë për emisionin “Shqipëria Live”, Shabani zbuloi se ka kontaktuar me dajën e tij dhe sipas tij, […]

The post Nuk i jep mandatin Lapajt/ Shabani zbulon bisedën me dajën: Zeqiri është mërzitur, ndihet i përdorur! appeared first on BoldNews.al.

“Kërpërata e re”/ I afërmi i Shabanit kërkon mandatin e Lapajt, analistët tallen me estradën e Nisma Thurje

By: M C
10 July 2025 at 22:28

Ditën e sotme, u mësua se kandidati i Endri Shabanit, Zeqir Kordhoni, gjithashtu i afërm i tij, ka shprehur dyshime për dhënin e dorëheqjes nga mandati i deputetit, duke rrezikuar marrjen e mandatit nga Adriatik Lapaj, siç i takon sipas marrëveshjes së koalicionit, që personi më i votuar nga Nisma Shiqpëria Bëhet do të futej në Kuvend.

Në emisionin “Të Paekspozuarit” në MCN TV, analistët e cilësuan si “tragjikomike” këtë ngjarje, duke shtuar se me gjasë nuk është një vendim i kandidatit Zeqir Kordhoni, por e vetë Endri Shabanit, i cili vetë mbeti pa mandat.

Biseda në studio:

Ylli Rakipi: Ka ndodhur një ngjarje shumë komike, një i afërm i Endri Shabanit nuk do të japë dorëheqjen dhe Lapaj si më i votuari rrezikon të mbetet jashtë Parlametit. Shabani dështoi për herë të dytë të bëhet deputet, por njeriu i afërt i tij edhe mund të bëhet me këtë mënyrë…

Mentor Nazarko: Komik e quan ti por është tragjikomike. Këto partitë alternative morën shumë vota dhe populli.. Ky është mesazh i presionit të brendshëm, por populli shqiptar i dha numër të madh votash…

Ylli Rakipi: Pra Kordhoni nuk e bën me mendjen e vet këtë?

Mentor Nazarko: Natyrisht jo. Rruga e zgjedhur me familjarët nuk ishte metodë për të garantuar garën.

Andi Tela: Kemi patur zotin Lapaj këtu dhe këtë i thashë, nuk do shkosh në Parlament në Shtator, sepse ke 12 veta para për dorëheqje. Edhe sa ti vijë rradha Kordhonit, janë 9 të tjerë që ti vijë rradha këtij Kordhonit dhe pastaj Lapajt. Para zgjedhjeve u bë e ditur situata dhe ata thoshin s’ka problem, por është e pamoralshme kjo të biem dakord para.

Ylli Rakipi: Thua Kordhoni e ka bërë vetë?

Andi Tela: Jo, jo

Mentor Nazarko: Shiko deklaratat e Shabanit

Andi Tela: Ai Kordhoni shpërndante vetëm statuse te Shabanit në jetë. Pra ai është njeriu i Shabanit hapur fare.

Mentor Nazarko: Shiko deklaratat e Shabanit dhe ata nuk kanë unitet.

Andi Tela: E njëjta gjë që ndodhi me PD, me kërpëratat.

Ylli Rakipi: Klodi po ti ç’mendon? Se ti e merr shume seriozisht këtë botë. Është jashtë specialitetit tënd, por a ke një mendim?

Klodiana Lala: Kishim qesharak Selami Jenishehrin, kemi Republikën e Zegjinesë. Ç’mendim kërkon?

The post “Kërpërata e re”/ I afërmi i Shabanit kërkon mandatin e Lapajt, analistët tallen me estradën e Nisma Thurje appeared first on Albeu.com.

Përçahen opozitarët e rinj/ Daja i Shabanit do mandatin e Lapajt

By: xhir jeta
10 July 2025 at 15:18

“Nëse marrim një mandat unë nuk hyj në parlament”

Karma po i kthehet shume shpejt Adriatik Lapajt. Endrit Shabani po tenton ta lërë jashtë parlamentit.

Daja i Shabanit, Zeqir Kordhoni, kandidat i koalicionit në listën e mbyllur të Tiranës, i ka kërkuar në KQZ ti japin mandatin e deputetit.

Në formularin e deklarimit, ai rezulton një punëtor ndërtimi dhe invalid, por emri i tij ishte vetëm pjesë e skemës së Lapajt e Shabanit për të mbushur listat e mbyllura me familjarë, qe vete te benin gare ne te hapur.

Në këtë letër dërguar Celibashit, Kordhoni shkruan se dorëheqjen nga mandati fiks në datën 11 maj, nuk e ka dhënë ai personalisht, por ia ka bërë partia e Lapajt, ndaj dhe KQZ i ka hequr emrin.

Ndersa kishin rene dakord per listen e mbyllur me familjare, në garën e Tiranës në listën e hapur, Lapaj e mposhti Shabanin me vota. Por mesa duket, edhe koalicioni i të rinjve, i ngjan shumë atyre të vjetërve. Me një ndryshim, shumë më banal.

Meqenëse nipi nuk i fitoi mandatin, le ta marrë dajoja.

Këto krisma i paralajmëroi Dashnor Sula prej marsit, kur kaloi ylberin e PD dhe besoi se Shqipëria Bëhet, por më pas mori vesh se Shqipëria edhe mund të bëhet, por Dashi deputet pak vështirë. Sepse Lapaj nuk i dha garancinë e dorëheqjeve nga lista e mbyllur.

Adriatik Lapaj që synonte fillimisht 71 mandate, por përfundoi me 1 mandat, ka vetëm një gur të fundit në dorë. E para në listën e mbyllur të Tiranës, mbetet  kandidatja e tij Ana Dajko. Ajo ka shansin të marrë mandatin, e për të lënë pas mosmarrëveshjes kokë mënjanë, si Lapajn dhe Shabanin me dajon e tij tashmë në mes. Të dy rrugëve, jashtë parlamentit.

Mandati i Lapaj në Tiranë në pikëpyetje, zbulohet kërkesa në KQZ

By: fra nc
10 July 2025 at 13:12

Mandati i vetëm i koalicionit “Nisma Shqipëria Bëhet” vihet në pikëpyetje. Edhe pse sipas akordit që dy partitë “Shqipëria Bëhet” dhe “Nisma Thurje” kishin përpara zgjedhjeve, se mandatet do i merrnin kaniddatët që do të merrnin më shumë vorta nga lista e hapur dhe listat e mbyllura do të dorëhiqeshin, duket se ky akord mund të mos zbatohet.

Kjo pasi kandidati i Nismës Thurje në listën e mbyllur në Tiranë, Zeqir Kordhoni ka depozituar në KQZ kërkesën për t’u njohur me letrën e dorëhqjes që koalicioni ka dorëzuar në emër të tij para zgjedhjeve të 11 majit.

I kontaktuar nga Euronews Albania, Kordhoni deklaroi se i është drejtuar KQZ për të verifikuar se çfarë ka firmosur pasi nuk mban mend të hedhur firmën mbi një dokument që të lërë mandatit e fituar në zgjedhje.

Kandidati Kordhoni deklaroi më tej se pasi të njihet me dokumentacionin e dorëzuar në KQZ do të ulet për të biseduar me dy drejtuesit e koalicionit Adriatik Lapaj dhe Endri Shabani, duke shtuar se në parim përpara zgjedhjeve, ai nuk kishte qenë dakord që të jepte dorëheqjen nga mandati në rast fitoreje.

Po ashtu Euronews Albania kontaktoi edhe Adriatik Lapajn, i cili deklaroi se deri në këto momente nuk ka asnjë lloj informacioni në lidhje me këtë çështje, por që do të bisedojë si me kandidatin Kordhoni por edhe me bashkëdrejtuesin e koaliconit, Endri Shabani.

Me këtë të fundit, Euronews Albania tentoi të komunikonte, por deri në momentin e publikimit të këtij lajmi nuk kemi marrë asnjë reagim.

Burime të Euronews Albania bëjnë me dije se Zeqir Kordhoni nuk është një kandidat i thjesht në listën e Tiranës, por një familjar i afërt i Endri Shabanit.

 

LEXONI GJITHASHTU:

The post Mandati i Lapaj në Tiranë në pikëpyetje, zbulohet kërkesa në KQZ appeared first on Euronews Albania.

❌
❌