Dy avionë janë përplasur mëngjesin e së premtes në pistën e Aeroportit të Mançesterit, në një incident që ndodhi rreth orës 06:30 sipas kohës lokale. Një zëdhënës i aeroportit konfirmoi se avioni i kompanisë EasyJet preku me majën e krahut një tjetër avion gjatë lëvizjes në pistë. Fatmirësisht, nuk raportohet për persona të lënduar. Të gjithë pasagjerët janë evakuuar nga të dy avionët…
Dy avionë janë përplasur mëngjesin e së premtes në pistën e Aeroportit të Mançesterit, në një incident që ndodhi rreth orës 06:30 sipas kohës lokale. Avioni i kompanisë EasyJet preku me majën e krahut një tjetër avion gjatë lëvizjes në pistë, por, fatmirësisht, nuk raportohet për persona të lënduar.
Të dy avionët ishin të destinuar për Paris dhe Gjibraltar, dhe pasagjerët janë evakuuar menjëherë nga bordi. Fluturimet në aeroport u pezulluan për një periudhë të shkurtër, derisa autoritetet e sigurisë kryen një vlerësim, i cili konfirmoi dëme të vogla në strukturën e avionëve.
Një pasagjere në fluturimin për në Gjibraltar, Tynisha Chaudhry, e përshkroi incidentin si një “goditje të madhe”, duke thënë se “i gjithë avioni u drodh, ishte si një përplasje makinash”. Ajo shtoi se pasagjerët mbetën të qetë, megjithëse disa fëmijë dhe prindër kishin shqetësime deri në momentin që u kthyen në terminal. Automjetet zjarrfikëse dhe personeli i sigurisë mbërritën menjëherë në vendngjarje.
The post Panik në aeroportin e Mançesterit! Dy avionë përplasin krahët me njëri-tjetrin! appeared first on iconstyle.al.
TIRANË, 14 gusht /ATSH/ Kryeministri Edi Rama u shpreh sot se vendi ynë është mbështetur nga avionët dhe helikopterët e vendeve të Bashkimit Evropian falë aktivizimit të Mekanizmit Evropian të Emergjencave Civile.
Lidhur me diskutimet për forcat nga ajri për avionët, Rama u shpreh se, “dua që ta dinë të gjithë ata që nuk janë të informuar lidhur me këtë se, në Evropë, BE, pjesë e të cilit ne jemi në këtë aspekt ka një Mekanizëm Evropian të Emergjencave Civile”.
“Mekanizmi Evropian i Emergjencave Civile nënkupton që të gjitha forcat ajrore në dispozicion, s’po flasim këtu për forca ajrore se ka dhe të tjerë elementë, të çdo shteti vendosen në funksion të mekanizmit. Dhe mbase disave që informohen pjesërisht, ose që keqinformohen ose që dezinformohen mund t’iu duket çudi, por po lexoj këtu tani listën e saktë dhe kjo mund të verifikohet lehtësisht nëse i referoheni Mekanizmit Evropian të Emergjencave Civile se sa forca ajrore kemi pasur ne në dispozicion gjatë këtyre momenteve kaq të vështira dhe sesi jemi përballur ne faktikisht me zjarret në këtë periudhë”, u shpreh Rama.
“Përveç 5 forcave ajrore të njësive ajrore të Forcave tona të Armatosura, pra helikopterëve, kemi pasur 1 avion Canadair nga Italia, 2 avionë Canadair nga Greqia dhe përfitoj nga rasti t’i bëj një falënderim të veçantë kryeministrit Mitsotakis, ministrit të Mbrojtjes, Dendias, miqve tanë grekë, ashtu si dhe miqve tanë italianë, sepse ishin dhe vetë dhe janë akoma në një situatë tejet të vështirë dhe megjithatë Mekanizmi Evropian funksionoi edhe falë dëshirës dhe vullnetit të tyre në këtë rast. Patëm dhe një avion Canadair nga Kroacia. Pra këta janë avionët”, tha Rama.
“Pastaj kemi pasur 2 helikopterë nga Hungaria, 1 helikopter nga Çekia, 1 helikopter nga Sllovakia, 2 avionë suedezë që kanë ardhur dhe kanë dhënë ndihmën e tyre dhe 2 helikopterë “Black Hawk” nga Emiratet e Bashkuara”, tha Rama. /j.p/
The post Rama: Avionë dhe helikopterë kundër zjarreve falë Mekanizmit Evropian të Emergjencave Civile appeared first on Agjencia Telegrafike Shqiptare.
TIRANË, 13 gusht/ATSH-Maela Marini/ Ministri i Mbrojtjes Pirro Vengu bëri të ditur sot se Shqipëria ka blerë dy avionë që do të shërbejnë për menaxhimin e situatave që krijohen nga zjarret në vend, ndërkohë po trajnohet edhe ekipi i pilotëve që do të veprojnë në të tilla raste.
Në një prononcim për mediet nga Delvina, Vengu informoi mbi situatën aktuale të zjarreve në vend, ndërsa u ndal tek investimet e parashikuara nga qeveria për forcimin e kapaciteteve operacionale.
“Avionët janë blerë, ka një procedurë standarde se si bëhen këto investime dhe procedura po zbatohet. Avionët duhet të prodhohen që të vijnë në Shqipëri. Është një proces që merr kohë. Ne po kërkojmë të prodhohen sa më shpejt. Jemi në këto kushte, i keni shifrat në Thesarin e Shtetit. Nuk kemi bërë disbursimin sepse nuk kemi lidhur kontratë. Kjo ka të bëjë me planin e investimeve të qeverisë shqiptare”, shtoi ai për mediet.
Ndërkohë, Vengu theksoi se ajo që duhet të realizohet me shpejtësi është formimi i pilotëve të këtyre mjeteve.
“Nga viti 2007 Shqipëria nuk ka pilotë avionësh. Ky është realiteti që duam të transformojmë. Prandaj kemi hapur edhe një shkollë aviacioni, që pritet të fillojë të operojë në qershor 2026 në Vlorë”, shtoi ai.
Duke folur për operacionet nga ajri, ministri bëri të ditur se në datën 15 gusht bëhen dy muaj që kur helikopterët janë ngritur për të menaxhuar kriza në mbarë vendin.
“Nuk kemi pasur kurrë kaq shumë mjete ajrore të dedikuara”, shtoi ai, ndërsa vlerësoi edhe mbështetjen e marrë nga vendet partnere në kuadër të Mekanizmit të Mbrojtjes Europiane.
Duke folur për investimet në menaxhimin e krizave, Vengu veçoi ngritjen e katër qendrave rajonale të Mbrojtjes Civile.
“Ajo që ne kemi përgatitur si pjesë e programit qeverisës Shqipëria 2030 ka të bëjë me një element të ri, me faktin se ne duhet të kemi qendra rajonale që të menaxhojnë elementët zjarrfikës në zonat pyjore dhe malore. Forca të dedikuara, të specializuara. Fatmirësisht jemi në kushte që të mund të rindërtojmë flotën kombëtare të tokës, dhe të vijojmë të investojmë në flotën ajrore. Këto qendra do të shërbejnë për të dislokuar helikopterë dhe për t’i furnizuar po ashtu”, shtoi ai.
/a.f/r.e/
The post Zjarret, Vengu: Kemi blerë dy avionë, po trajnojmë ekipin e pilotëve appeared first on Agjencia Telegrafike Shqiptare.
Situata me zjarret në Delvinë është ende shumë e rrezikshme. Nga aty ministri i Mbrojtjes, Pirro Vengu tha se qeveria është duke blerë dy avionë që në të ardhme të ketë mundësi të përballojë më mirë situata të ngjashme. Vengu vlerësoi Mekanizmin Evropian, që këtë herë ka sjellë avionë dhe helikopterë për të ndihmuar Shqipërinë edhe kur në vende e tyre ka pasur problematike të ngjashme.
Shqipëria është përfshirë nga zjarre të mëdha ditët e fundit. Situata paraqitet e vështirë në disa zona ku janë urdhëruar shpërngulje teksa të paktën një person ka humbur jetën.
Zjarret dolën nga kontrolli në Gramsh pasditen e së martës dhe po kështu ditën e sotme duke nxitur autoritetet të largonin banorët e tetë fshatrave: Nartë, Skënderbegas, Kullolas, Bletëz, Menkollarë, Ërmenj, Harunas dhe Zenelas.
Në mbrëmje situata u bë kritike edhe në Delvinë, ku u urdhërua gjithashtu largimi i banorëve. Njësoj, në Poliçan u urdhëruan edhe banorët e fshatrave Vokopolë, Zhapokikë, Plashnik dhe Panarit.
Sipas Ministrisë së Brendshme, pesë helikopterë janë angazhuar për shuarjen e flakëve, tre në Gramsh, dy në Delvinë.
Ministria e Mbrojtjes raportoi të mërkurën për 10 mijë forca në terren duke u përballur me 24 vatra aktive zjarresh të 24 orëve të fundit.
Temperaturat e larta dhe thatësia e gjatë e kësaj vere ka ndihmuar në përhapjen e zjarreve, ku në disa raste ato kanë qenë edhe të qëllimshme.
Vatrat e para u raportuan më 12 qershor në Qeparo, pasuar nga mali i Krastës më 18 qershor.
Vetëm gjatë atij muaji, sipas ministrisë së Mbrotjjes pati 134 raportime zjarresh në të gjithë vendin: Tiranë, Durrës, Lezhë, Berat, Gjirokastër, Fier, Elbasan, Shkodër, Korçë dhe Vlorë.
Në korrik, numri u trefishua në 373 dhe prirja e lartë e zjarreve vijoi edhe gjatë muajit gusht, favorizuar edhe nga temperatura ekstreme mbi 40 gradë celsius.
Deri të mërkurën, 13 gusht, situata u cilësua kritike me rreth 210 vatra zjarri, ndërsa pati edhe një viktimë në fshatin Skënderbegas, ku zjarri dogji edhe shtëpi.
Ministri i Brendshmëm Ervin Hoxha deklaroi se gjatë muajit gusht ka pasur 59 zjarre të mëdha dhe 961 të vogla.
Kodi Penal në fuqi, përkatësisht neni 206/a parashikon 5 deri në 8 vite burg për shkatërrimin me dashje përmes zjarrit, të fondit pyjor dhe çdo njësie të ngjashme me të, me pasoja të rënda materiale.
“Ndërkaq, kur vënia e zjarrit të qëllimshëm ka shkaktuar pasoja të rënda për pronën, shëndetin ose jetën e njerëzve apo dëme të rënda dhe të zgjatura në kohë ndaj mjedisit, dënohet nga 10 deri në 20 vjet burg”, thuhet në Kodin Penal.
Sipas Ministrisë së Brendshme, në vitin 2025, deri më tani policia ka proceduar 120 persona për zjarrvënie të qëllimshme dhe ka arrestuar vetëm 21 persona.
“Janë rreth 10 mijë forca të angazhuara në terren”, u shpreh Ministri i Brendshëm Hoxha të martën nga Gramshi, ndërsa ishte në ndjekje të situatës së renduar nga zjarret.
Përpos premtimeve për të zgjeruar kapacitete për emergjencat civile, Shqipëria nuk ka në dispozicion avionë për fikjen e zjarreve. Në terren janë vetëm zjarrfikësit dhe skuadrat e emergjencës, të cilat vuajnë nga mungesa e mjeteve dhe veshjeve të duhura.
Edhe këtë vit, Shqipëria është mbështetur në Mekanizmin Evropian, duke marrë ndihmë përmes avionëve “Canadair”, të posaçëm për fikjen e zjarreve.
Ky shqetësim është përcjellë edhe nga Kryeministri Edi Rama, i cili përmes një komunikimi në rrjetin social Twitter e relativizoi situatën me vendet e tjera fqinje.
“Duke i siguruar të gjithë se kemi këto ditë mjete nga ajri më shumë se çdo vit më parë, […] i ftoj të gjithë të ngrenë një pyetje: Po fqinjët tanë, Greqia dhe Italia apo Turqia dhe Spanja, që po përcëllohen më keq se çdo vit tjetër kanë vallë mungesë avionësh?”, u shpreh Kryeministri në Twitter.
Në fshatrat e Gramshit, të cilat u përfshinë nga flakët janë djegur rreth 40 banesa, ndërsa dëme të konsiderueshme ka edhe në kullota dhe fonde pyjore.
Sipas legjislacionit shqiptar ka dy raste kur shpallet gjendja e jashtëzakonshme: kur kemi cenim të rendit publik dhe kur kemi emergjence civile në territore të caktuara.
Edhe pse vendi ynë ka përjetuar situata të vështira për shkak të situatave që lidhen me zjarret apo përmbytjet, asnjëherë qeveria nuk ka shpallur gjendje të jashtëzakonshme.
Shpallja e saj do të aktivizonte të gjitha strukturat shtetërore dhe mund të kërkonte rishikim të buxhetit.
Përvoja e përmbytjeve në Shkodër tregon se mungesa e shpalljes pengon dëmshpërblimin e qytetarëve.
Në një situatë të ngjashme me zjarret, ku dëmet dhe pasojat janë të rënda për qytetarët që gjithçka kanë është shtëpia dhe bagëtia, mosbesimi se do të dëmshpërblehen qëndron aty.
The post Shqipëria mes flakëve appeared first on Citizens.al.
TIRANË, 13 gusht/ATSH/ Shqipëria prej dy ditësh po përballet me zjarre intensive në disa zona të vendit, ndërkohë që situata po vihet nën kontroll falë ndërhyrjes së forcave zjarrfikëse dhe shuarjes së tyre nga ajri me avionë.
Kryeministri Edi Rama në një postim në rrjetet sociale iu përgjigj debateve në medie lidhur me blerjen e avionëve zjarrfikës nga qeveria.
“Ka shpërthyer një debat pse nuk blen Shqipëria avionë zjarrfikës, ndërkohë që ka ca llogari që duhen bërë dhe zjarret e ditëve të fundit nuk janë assesi çështje e një apo dy apo edhe tre avionësh! Dakord, mirë do ishte t’i kishim, por…”, theksoi Rama.
Kreu i qeverisë u shpreh se “duke i siguruar të gjithë se kemi këto ditë mjete nga ajri më shumë se çdo vit më parë, falë flotës sonë dhe mbështetjes nga Mekanizmi Europian apo Emiratet e Bashkuara Arabe, i ftoj të gjithë të ngrenë një pyetje: Po fqinjët tanë, Greqia dhe Italia apo Turqia dhe Spanja, që po përcëllohen më keq se ç’do vit tjetër kanë vallë mungesë avionësh?!”
“Ja një informacion bazuar në referencat e vetë shtypit grek për Greqinë për shembull: Greqia ka një flotë ajrore totale prej 77 avionësh zjarrfikës; helikopterë janë pakashumë 20; automjete të tjera afërsisht 3,500 dhe zjarrfikëse të të gjitha llojeve e funksioneve. Pra, e thënë thjeshtë. Sa më shumë aq më mirë pa diskutim, por prapëseprapë kurimi i pasojave nuk i eliminon shkaqet, të cilat janë disa, janë njësoj për të gjithë shtetet që po i vuajnë zjarret këtë sezon (disa shumë më keq se ne meqë ra fjala) dhe janë shumë më komplekse se sa duken kur numëron avionët”, tha Rama.
/k.s/j.p/
The post Situata e zjarreve, Rama: Kemi këto ditë mjete nga ajri më shumë se çdo vit më parë appeared first on Agjencia Telegrafike Shqiptare.
MADRID, 7 gusht /ATSH-AA/ – Gazeta spanjolle “El Pais” ka njoftuar se Spanja ka hequr dorë nga plani i saj për të blerë avionë F-35 nga SHBA-ja dhe në vend të kësaj po kërkon alternativa nga Evropa.
Sipas gazetës, e cila citon burime qeveritare spanjolle, Spanja ka hequr dorë nga planet për të blerë F-35 nga SHBA-ja. Spanja ka pezulluar për një kohë të pacaktuar negociatat me Lockheed Martin me seli në SHBA, prodhuesin e F-35.
Ndërkohë, Spanja është drejtuar drejt alternativave evropiane si “Eurofighter” dhe po i vlerëson ato.
Qeveria spanjolle miratoi një plan shpenzimesh për mbrojtjen prej 12,126 miliardë dollarësh në prill dhe u zotua të ndajë dy për qind të Produktit të saj të Brendshëm Bruto për mbrojtje dhe siguri.
Megjithatë, vendimi i Madridit për të kanalizuar 85 për qind të këtyre fondeve për sistemet ushtarake të prodhuara në Evropë ka rënë ndesh me prioritetet e mbrojtjes kombëtare për blerjen e avionëve F-35 të prodhuara në SHBA./ /os/
The post MADRID – Spanja heq dorë nga planet për të blerë avionë F-35 nga SHBA-ja appeared first on Agjencia Telegrafike Shqiptare.
TIRANË, 4 gusht /ATSH/ – Lart në qiell, linjat e njohura të udhëtimeve botërore ajrore po zhduken. Aty, ku dikur pilotët fluturonin në rrugë të drejtpërdrejta transkontinentale, tani ata po navigojnë në një qiell që duket si xham i thyer – miliona fluturime që po realizohen përmes korridoreve të mbipopulluara.
Në të njëjtën kohë, hapësira të mëdha ajrore, çuditërisht, mbeten bosh ose gumëzhijnë nga raketat dhe dronët.
Ky ndryshim nuk është i rastësishëm. Përhapja e luftërave, armiqësive rajonale dhe përshkallëzimeve ushtarake vitet e fundit i ka bërë qiejt e botës më të rrezikshëm dhe më të paparashikueshëm se në çdo kohë që nga Lufta e Ftohtë.
Nga Rusia te Lindja e Mesme e deri në Afrikë, “zonat e ndalim-fluturimit” janë rritur, duke e futur aviacionin ndërkombëtar në krizë dhe duke e riformësuar ekonominë, sigurinë dhe fluturimet.
Kaosi ajror i Rusisë
Në fillim të korrikut të vitit 2025, kaosi përfshiu aeroportet në mbarë Rusinë. Vetëm gjatë fundjavës së 5 dhe 6 korrikut, mbi 2 000 fluturime u anuluan ose u shtyn pas një sërë sulmesh me dronë të kryer nga Ukraina, që shkaktuan mbylljen e një pjese të madhe të hapësirës ajrore ruse.
Në aeroportin Sheremtjevo të Moskës, pasagjerja Tatyana e përshkroi situatën si “një katastrofë”. Vendet e pritjes ishin të mbingarkuara, me njerëz të shtrirë në dysheme dhe shërbimet bazë, sikurse uji i pijes ishin të harxhuara.
“Nuk kishte ku të uleshe dhe njerëzit po flinin nëpër pllaka”, tha ajo.
Në Shën Petërburg, taksistët kërkonin deri në 80 000 rubla (1 025 dollarë) për udhëtimet drejt Moskës, pasi biletat e trenit u shitën të gjitha pas mbylljeve në aeroportin ”Pulkovo”.
Vetëm më 6 korrik, më shumë se 15 000 pasagjerë mbetën të bllokuar në ”Sheremetjevo”, ndërsa aeroportet më të vogla në Kaluga, Tambov dhe Pskov pezulluan të gjitha operacionet.
Zyrtarët rusë të mbrojtjes pretenduan se kishin rrëzuar deri në 120 dronë atë natë, disa prej të cilëve u rrëzuan vetëm disa kilometra larg Moskës. Autoritetet përmendën “ndërhyrje të jashtme” si arsye për mbylljet e përsëritura të hapësirës ajrore, që tani janë bërë gjë e zakonshme. Në Rusi aeroportet janë mbyllur mbi 600 herë që nga nisja e pushtimit rus të Ukrainës më 2022.
Të bllokuar në qiell
Por, nëse bllokimi në një aeroport është i tmerrshëm, imagjinoni nëse mbesni të bllokuar në qiell. Në qershor të këtij viti, pasi Irani lëshoi raketa drejt bazës amerikane ”Al Udeida” në Katar, shtetet përreth menjëherë mbyllën hapësirat e tyre ajrore. Një aeroplan i kompanisë Qantas, nga Perthi në Paris qëndroi 15 orë në ajër duke bërë ecejake përpara se të kthehej në Australi. Një tjetër u detyrua që të devijonte fluturimin për në Singapor.
Tensionet Indi-Pakistan në maj të vitit 2025 çuan në mbylljen e korridoreve kyç ajrore, duke detyruar që fluturimet mes Evropës dhe Azisë Juglindore të përshkonin rrugë më të gjata dhe më të shtrenjta. Kohëzgjatja e fluturimeve u shtua deri në dhjetë orë, ndërsa ndalesat e paparashikuara për furnizim me karburant në aeroporte të panjohura u bënë rutinë.
Të dhënat nga ”Flightradar24” tregojnë se pilotët tani përballen me “korridore super të ngarkuara” – rrugë të ngushta të mbushura me aeroplan dhe me zona, në të dyja anët, ku ka ndalesë fluturimi. Fluturimet në një trafik të tillë të rënduar rrisin ndjeshëm rrezikun e aksidenteve, ndërkohë që kontrollorët e trafikut ajror bëjnë përpjekje të jashtëzakonshme për ta menaxhuar situatën.
Mbi Detin e Kuq, Libinë, Sudanin, Sirinë dhe në disa pjesë të Afrikës Sub-Sahariane, fluturimet po devijohen gjithnjë e më shumë për shkak të shqetësimeve për sigurinë. Kontrolli ajror në zonat e konfliktit shpesh është i çrregullt ose nuk ekziston fare, dhe pilotët detyrohen të koordinojnë devijimet në ajër duke përdorur kanale të vjetruara ose rrugë alternative komunikimi.
Pasojat mjedisore dhe ekonomike
Të gjitha këto devijime të fluturimeve kanë një kosto të madhe për mjedisin. Sipas një studimi të fundit të kryer nga Universiteti Reading në Mbretërinë e Bashkuar dhe Institut Pierre-Simon Laplace në Francë, shmangia e hapësirës ajrore ruse ka shkaktuar një rritje prej 8.2 milionë tonësh në emetimet e CO2 brenda një viti. Fluturimet që janë prekur nga ky devijim kanë djegur mesatarisht 13 për qind më shumë karburant, dhe rritja më e madhe është regjistruar në rrugët ajrore ndërmjet Evropës dhe Azisë si dhe Amerikës së Veriut dhe Azisë.
Një hulumtim tjetër, i kryer më 2024 nga Viktoriia Ivannikova, studiuese e njohur në fushën e aviacionit në Universitetin City të Dublinit, gjeti se fluturimet e devijuara nga Evropa drejt Azisë tani i kushtojnë linjave ajrore deri në 39 për qind më shumë për karburant dhe lëshojnë deri në 40 për qind më shumë dyoksid karboni – shifra të mëdha për një industri që tashmë po përballet me presion të madh për dekarbonizim.
Fituesit dhe humbësit në luftërat e qiellit
Transportuesit ajrorë kinezë kanë përfituar nga mundësia për të përdorur hapësirën ajrore ruse. Rrugët e tyre nga Evropa drejt Azisë janë më të shpejta dhe më të lira, duke rritur konkurrencën për kompanitë perëndimore që nuk kanë qasje në të njëjtat korridore.
”British Airways”, për shembull, u detyrua të anulonte linjën Londër-Pekin dhe njërën nga fluturimet ditore Londër-Hong Kong gjatë verës së vitit 2024 për shkak të humbjeve të mëdha financiare.
”Finnair”, kompania kryesore e Helsinkit, e ka humbur avantazhin e saj në lidhjen midis Evropës dhe Azisë. Një fluturim për në Shangai, që dikur zgjaste 9,1 orë me kompaninë ajrore kineze ”Juneyao”, tani zgjat 12 orë ose më shumë me ”Finnair”.
Edhe në Shtetet e Bashkuara, kompanitë ajrore po ndiejnë presionin. Kompania ”United Airlines”, për shembull, e ka zhvendosur itinerarin Delhi–Njuark nga një fluturim i drejtpërdrejtë 13-orësh në një udhëtim 15-orësh përmes Evropës dhe Lindjes së Mesme, për shkak të mbylljes së hapësirës ajrore ruse. Kjo përshtatshmëri, megjithëse është përgjigje ndaj vështirësive, është një dëshmi e qëndrueshmërisë së industrisë së aviacionit.
Kompania ”Air India” fillimisht e kapitalizoi këtë situatë, por më pas e humbi avantazhin pas kufizimeve në hapësirën ajrore nga Pakistani, pas sulmit terrorist në prill të këtij viti në Kashmirin e kontestuar.
Raketat në qiell
Në rajonet pranë zonave të luftës, qiejt më nuk janë vetëm domenë për aeroplanët komercialë. Aktiviteti ushtarak tani është edhe në rrugët civile. Në shkurt, Kina zhvilloi stërvitje detare ushtarake pa paralajmërim në Detin Tasman. Aeroplanët komercialë u detyruan të ndryshonin rrugën gjatë fluturimit pasi një pilot i ”Virgin Australia” mori gabimisht një paralajmërim në një frekuencë radioje të papërdorur.
Në dhjetor të vitit 2024, një sistem rus i mbrojtjes ajrore aksidentalisht rrëzoi një fluturim të AZAL nga Azerbajxhani pranë Aktaut në Kazakistan.
Tridhjetë e tetë nga 67 personat në bord humbën jetën./ (REL) /os/
The post KOMENT – Konfliktet ushtarake po ndryshojnë aviacionin botëror appeared first on Agjencia Telegrafike Shqiptare.
Në mediat pranë qeverisë “rrodhi” sot një foto e kryeministrit Rama i cili i shoqëruar nga bashkëshortja e tij, dukej qartë se ishte duke udhëtuar në një avion të zakonshëm linje. Imazhi, i cili pretendohej se ishte kapur nga një bashkëudhëtare e atij fluturimi u shoqërua me tituj komentues: ‘Opozita insiston se kryeministri fluturon me […]
The post Fotoja alibi se Rama nuk udhëton me çarter appeared first on BoldNews.al.
TIRANË, 29 korrik/ATSH-Maela Marini/ Shqipëria ka përfunduar procedurat për blerjen e dy avionëve zjarrfikës.
Lajmin e bëri të ditur sot ministri i Mbrojtjes Pirro Vengu në një intervistë televizive.
Vengu informoi se fondet për avionët zjarrfikës janë alokuar, dhe aktualisht pritet prodhimi i tyre si dhe trajnimi i pilotëve.
“Ne sivjet kemi pasur 5 helikopterë zjarrfikës në dispozicion të angazhuar 24 orë. Nuk kemi pasur kurrë një numër të tillë mjetesh ajrore zjarrfikëse më parë. Jemi në një përmirësim të ndjeshëm të gatishmërisë operacionale për sa i përket mbrojtjes civile me mbështetje nga ajri”, u shpreh Vengu.
Ky element, sipas tij, “do të vazhdojë të përforcohet me avionë zjarrfikës”.
“Ne kemi angazhuar fonde dhe kemi realizuar edhe procesin për blerjen e dy avionëve zjarrfikës. Janë alokuar fondet, kemi buxhetin dhe kemi realizuar edhe procedurën për blerjen e dy avionëve”, shtoi ai.
Ministri informoi se prodhimi dhe ardhja e tyre në vendin tonë merr një kohë normale, sepse duhet të prodhohen dhe dislokohen.
Ndërkohë, sipas tij, duhet të stërviten edhe pilotët për pilotimin e tyre. “Duhet të kuptojmë se prej vitit 2007 Shqipëria nuk ka pilotë avionësh dhe po i stërvitim pilotët e avionëve. Jemi absolutisht në kushtet ku këtë gjë e kemi parashikuar. Po investon qeveria në mënyrë që të kemi edhe mjete ajrore të tjera dhe të përforcojmë edhe flotën e helikopterëve sepse të dyja tipologjitë janë absolutisht të nevojshme dhe eficente”, shtoi ai.
Nga ana tjetër, Vengu theksoi se po rinovohet tërësisht flota e mjeteve zjarrfikëse në mbarë vendin.
“Falë themelimit të kompanisë shtetërore të prodhimit ushtarak ne do të kemi mundësinë të prodhojmë edhe mjete emergjencash civile. Në këtë mënyrë do të stabilizojmë situatën si nga toka, edhe nga ajri”, tha Vengu.
Ministri solli në vëmendje edhe identifikimin e 4 zonave në vend ku do të krijohen qendra rajonale të emergjencave civile, në mënyrë që të ketë trupa, mjete dhe baza të caktuara për to.
“Do të jenë qendra rajonale ku mund të ulen dhe furnizohen helikopterët dhe trupa të dedikuara për sa i përket mbulimit të zonave pyjore dhe malore. Do të fillojmë fillimisht me një qendër për mbulimin e gjithë zonës së Finiqit, Delvinës, Konispolit, Sarandës, Himarës dhe zonave përreth. Kemi identifikuar një zonë në Bushat të Shkodrës për të ndihmuar Shëngjinin, Velipojën, Shkodrën dhe Lezhën ku konstatohet rrezikshmëri e lartë. Do të kemi po ashtu dy qendra të tjera në verilindje dhe juglindje të vendit për të fuqizuar zinxhirin e reagimit”, theksoi Vengu.
/r.e/
The post Vengu: Kemi përfunduar procedurat për blerjen e dy avionëve zjarrfikës appeared first on Agjencia Telegrafike Shqiptare.
STAMBOLL, 23 korrik /ATSH-DPA/- Turqia arriti sot disa marrëveshje me aleatët e NATO-s, Britaninë e Madhe dhe Gjermaninë, të cilat i hapin rrugën blerjes së dhjetëra avionëve luftarakë “Eurofighter Typhoon”, që Ankaraja i ka kërkuar për të forcuar mbrojtjen në rajonin gjithnjë e më të paqëndrueshëm, sipas “Reuters”.
Turqia dhe Britania e Madhe nënshkruan sot një marrëveshje paraprake që i lejon Ankarasë të përdorë avionët “Eurofighter Typhoon”, ndërsa Gjermania miratoi dorëzimin e 40 avionëve.
Turqia, anëtare e NATO-s, është mbështetur në projektet e saj të industrisë së mbrojtjes, duke përfshirë avionët vendas, dhe blerjet e huaja për të forcuar mbrojtjen.
Përveç avioneve “Eurofighters”, ajo është në bisedime me Uashingtonin për të blerë 40 avionë F-16.
“Qeveria gjermane ka hapur rrugën për dorëzimin e 40 avionëve “Eurofighter Typhoon” në Turqi – pas një vendimi pozitiv nga Këshilli Federal i Sigurisë”, raportoi sot revista “Spiegel”.
Ankaraja ka qenë në bisedime që nga viti 2023 për të blerë 40 avionë “Eurofighter Typhoon”, të cilët janë ndërtuar nga një konsorcium i Gjermanisë, Britanisë së Madhe, Italisë dhe Spanjës, i përfaqësuar nga “Airbus”, “BAE Systems” dhe “Leonardo”.
Ministri i Mbrojtjes, Yasar Guler, gjatë nënshkrimit të marrëveshjeve së bashku me sekretarin britanik të Mbrojtjes, John Healey, në Stamboll, tha se ato do të forconin lidhjet dypalëshe dhe do të rrisnin fuqinë ajrore të aleancës së NATO-s, duke mbështetur njëkohësisht aftësitë ajrore të Ankarasë. //a.i/
Qeveria gjermane ka hapur rrugën për eksportin e avionëve luftarakë “Eurofighter Typhoon” në Turqi, duke hequr një pengesë kyçe për një marrëveshje të madhe armësh që përfshin Britaninë e Madhe.
Zëdhënësi i qeverisë gjermane Stefan Kornelius konfirmoi në Berlin të mërkurën se Ministria e Mbrojtjes i ka dërguar autorizim me shkrim Ankarasë. Qeveria turke tani duhet të vendosë nëse do të vazhdojë me porosinë, tha ai.
Ky veprim vjen pas një njoftimi të mëparshëm të mërkurën nga Mbretëria e Bashkuar dhe Turqia, të cilat nënshkruan një letër qëllimi për të çuar përpara një marrëveshje të mundshme për shitjen e 40 Eurofighters.
Avionët luftarakë montohen në Britani si pjesë e një konsorciumi shumëkombësh që përfshin Gjermaninë, Italinë dhe Spanjën, që do të thotë se të katër vendet duhet të miratojnë çdo marrëveshje eksporti.
Ministria Britanike e Mbrojtjes e quajti marrëveshjen një “hap të rëndësishëm përpara”, duke thënë se do të forconte aftësitë parandaluese të NATO-s dhe do të mbështeste mijëra vende pune në mbrojtje.
Sekretari Britanik i Mbrojtjes John Healey e përshkroi marrëveshjen potencialisht multimiliardë paundëshe si një “arritje të madhe”.
The post STAMBOLL – Turqia blen avionë “Eurofighter” pas marrëveshjeve me BM-në dhe Gjermaninë appeared first on Agjencia Telegrafike Shqiptare.
STAMBOLL, 21 korrik /ATSH-DPA/ – Presidenti turk Rexhep Tajip Erdogan deklaroi sot se ka pasur përparim në bisedimet për shitjen e avionëve luftarakë “Eurofighter” për Turqinë.
Sipas agjencisë shtetërore të lajmeve “Anadolu”, Erdogan tha se si “Gjermania ashtu edhe Turqia kanë një qëndrim pozitiv për këtë çështje. “Jam i bindur se do t’i marrim avionët shumë shpejt”, u shpreh ai gjatë kthimit nga një vizitë në Qipro.
Turqia ka shprehur dëshirën për të blerë 40 avionë luftarakë “Eurofighter”. Megjithatë, për shkak se Gjermania është pjesë e projektit të përbashkët evropian që prodhon këta avionë, eksporti i tyre nuk mund të realizohet pa miratimin e qeverisë gjermane.
Gjatë një vizite të enjten e kaluar në Britaninë e Madhe, kancelari gjerman Friedrich Merz u shpreh se ende nuk është marrë një vendim përfundimtar, por ai tha se “jemi në rrugën drejt një vendimi të mirë që mundëson edhe miratimin përkatës të eksportit”. /Ad.Ab./
The post TURQI – Erdogan: Ka përparim në shitjen e avionëve “Eurofighter” për vendin appeared first on Agjencia Telegrafike Shqiptare.
Wizz Air Abu Dhabi mbylli papritur disa nga rrugët e saj më të ngarkuara në Bullgari, Serbi, Shqipëri, Gjeorgji dhe zona të tjera strategjike në një riorganizim të menjëhershëm operativ mes krizës teknike në rritje me avionët e ulur në tokë. Kompania ajrore, e cila përballet me mungesa të përsëritura të furnizimit me motorë që […]
The post Wizz Air-it i mbarojnë motorët e avionëve/ Nis shkurtimi i rrugëve, preket edhe Shqipëria appeared first on BoldNews.al.
Me aftësinë që të mbushet me karburant gjatë fluturimit, koha e fluturimit e avionit bombardues B-2 Spirit kufizohet vetëm nga qëndrueshmëria fizike e pilotëve të tij. Gjatë misionit 37-orësh për të goditur ndërtesat bërthamore të Iranit më 22 qershor, ky limit njerëzor u çua në ekstrem. “Pilotët e bombarduesit B-2 mund të shtrihen dhe të […]
The post Tharje të lëkurës, ushqime të ngrohta: Jeta brenda avionëve që bombarduan Iranin appeared first on BoldNews.al.
Mbretëria e Bashkuar do të blejë 12 avionë luftarakë F-35A që mund të mbajnë bomba bërthamore, do të njoftojë kryeministri Keir Starmer në samitin e NATO-s në Hagë.
Këto avionë, përveç armëve bërthamore, mund të përdorin edhe armë konvencionale, dhe blerja e tyre përfaqëson forcimin më domethënës të politikës britanike të mbrojtjes bërthamore në dekadat e fundit, raporton “Mail Online”.
Siç u njoftua nga qeveria britanike, ky vendim do ta shohë Mbretërinë e Bashkuar t’i bashkohet misionit ajror bërthamor të NATO-s për herë të parë.
Blerja e F-35A është gjithashtu një fitore e madhe për Forcën Ajrore Mbretërore, e cila ka vite që mbështet rikthimin e aftësive të tilla. Bomba e fundit bërthamore britanike e lëshuar nga ajri u tërhoq nga shërbimi pas Luftës së Ftohtë. Që atëherë, arsenali bërthamor britanik është bazuar ekskluzivisht në nëndetëset e Marinës Mbretërore, të cilat gjithashtu do të modernizohen në vitet e ardhshme, raportojnë mediat britanike.
Avionët e rinj F-35A, të cilët janë një variant i F-35B që është tashmë në përdorim, do të jenë të vendosur në bazën e RAF Marham. Çdo avion kushton rreth 100 milionë paund dhe pritet të hyjë në shërbim brenda një ose dy viteve të ardhshme.
Qeveria britanike planifikon të blejë deri në 138 avionë F-35 në total, dhe programi mbështet më shumë se 20,000 vende pune, duke përfshirë edhe kompani të tilla si BAE Systems, Cobham dhe Rolls Royce. Edhe pse aeroplanët do të prodhohen kryesisht nga Lockheed Martin në SHBA, rreth 15 përqind e pjesëve do të vijnë nga prodhimi britanik.
F-35A ka një rreze veprimi dhe ngarkesë më të madhe në krahasim me modelin F-35B, duke e bërë atë të përshtatshëm për mbajtjen e bombave bërthamore amerikane B61, të cilat janë pjesë e arsenalit të NATO-s në Evropë .
LEXONI GJITHASHTU:
The post Britania blen 12 avionë luftarakë të aftë për të transportuar armë bërthamore appeared first on Euronews Albania.
B-2 Spirit është avioni më i padukshëm në botë, por jeta në bord është gjithçka tjetër përveçse e rehatshme. Më 21 qershor, dy bombardues të fshehtë amerikanë fluturuan në një nga misionet më të gjata dhe më delikate në vitet e fundit. 37 orë në ajër për të goditur objektet bërthamore nëntokësore të Iranit në Fordow.
Avionët u ngritën nga Misuri, fluturuan mbi Evropën Jugore duke kaluar pranë Siçilisë dhe hodhën në Iran ngarkesën e tyre vdekjeprurëse, bombat e fuqishme GBU-57 që shkatërrojnë bunkerët. Por nëse operacioni kërkonte saktësi kirurgjikale, fluturimi i vuri pilotët në provë. Në një kabinë të ngushtë, me aroma të vazhdueshme dhe një tualet portativ të fshehur pas sediljeve, mbijetesa në bord është një sfidë. Si mbijetuan ata pilotë për gati 40 orë në një hapësirë të mbyllur, me shtretër kampingu, ushqime të ngrohta dhe urinë në shishe.
B-2 Spirit është i njohur për teknologjinë e tij të fshehtësisë, por për pilotët në bord, është larg të qenit i padukshëm ndaj elementëve. Kabina, e projektuar për të zvogëluar kapjen nga radarët, është e ngushtë, pa dritare anësore dhe e projektuar me një qëllim në mendje: efikasitetin. Vendet janë krah për krah, me hapësirë minimale pas tyre për pushim ose për të përdorur të vetmin tualet të disponueshëm: një enë kimike portative, e fshehur me një çarçaf. Nuk ka ndarje të ndara ose sisteme të përparuara aromatizimi. Gjatë misioneve që zgjasin më shumë se 30 orë, çdo detaj i vogël mund të bëhet një problem mbijetese.
Nuk ka një foto zyrtare të banjës së B-2, por dëshmitë konfirmojnë përdorimin e “çantave” që janë tip kova kampingu me çanta sanitare të mbyllura hermetikisht. Pilotët duhet t’i përdorin ato disa centimetra larg kolegëve të tyre, në mungesë totale të privatësisë. Menaxhimi i avionit është me ndërrime, njëri nga të dy pilotët kujdeset për veten ndërsa tjetri për avionin. Për të ngrënë, janë në dispozicion vakte MRE (Meal Ready to Eat), të cilat mund të ngrohen me mjete speciale ose, në modelet më të fundit, edhe me mikrovalë.
Efektet anësore? Kapsllëk, diarre dhe aroma të rënda që mbeten të bllokuara në kabinë.
Gjatë misioneve në bordin e B-2, pilotët konsumojnë vetëm MRE, ose “Vakt i Gatshëm për t’u Ngrenë”. Këto janë racione individuale të parapaketuara, të dizajnuara për të siguruar marrjen e nevojshme kalorike në mjedise pa kuzhinë. Çdo pako përmban një pjatë kryesore (si speca djegës me mish, spageti bolonjeze ose pulë me oriz), pjata anësore, ushqime të lehta, ëmbëlsira, pije pluhur dhe një ngrohës kimik të pavarur.
Forcat Ajrore të SHBA-së gjithashtu ofrojnë MRE të dizajnuara për misione me rreze të gjatë veprimi: të pasura me kalori, me fibra të reduktuara për të kufizuar dëshirën për të shkuar në banjë. Disa variante janë qëllimisht “kapsllëkuese”, pikërisht për të zvogëluar nevojat fiziologjike gjatë fluturimeve të gjata dhe rrallë të ndërprera. Megjithatë, këto vakte mund të shkaktojnë fryrje, gazra ose, në disa raste, efekt të kundërt. Një ekuilibër delikat që e bën çdo kafshatë pjesë të një strategjie mbijetese.
Ajri në kabinën e pilotit filtrohet, por nuk parfumohet. Pas 20 orësh fluturimi, aroma e vërtetë dominuese është ajo e trupit të njeriut. Pilotët përpiqen ta ndreqin këtë me peceta të lagura, sprej personalë dhe freskues ajri, por efekti është i kufizuar. Edhe urina menaxhohet në një mënyrë spartane: shishe të ripërdorshme, shpesh të njëjtat që përdoren për të pirë, të cilat mund të shkaktojnë konfuzion në momentet e lodhjes ekstreme. Mjedisi është i ngopur me aroma, nxehtësi dhe stres. Pavarësisht kësaj, përqendrimi duhet të mbetet në maksimum.
Për t’u përballur me 40 orë fluturim, Forcat Ajrore Amerikane kanë zhvilluar një protokoll të saktë. Dy pilotët alternojnë punën teksa njëri kontrollon fluturimin, tjetri mund të shtrihet në një krevat kampingu të palosshëm të vendosur pas sediljeve. Hapësira është minimale, por e mjaftueshme për të kapur disa orë gjumë. Stërvitja përfshin gjithashtu simulime ekstreme për t’u përballur me mungesën e gjumit dhe stresin. Misioni i 21 qershorit e vërtetoi këtë. Rezistenca fizike dhe mendore janë po aq të rëndësishme sa teknologjia e aeroplanit.
Pavarësisht kostos prej mbi 2 miliardë dollarësh për një avion, B-2 Spirit nuk ofron komoditete luksoze. Kabina është prej qelqi: kontrollet janë dixhitale, ekrane shumëfunksionale dhe disa instrumente analoge. Nuk ka vend për shpërqendrime ose rehati të tepërt. Çdo element është projektuar për të zvogëluar peshën, kapjen nga radarët dhe për të siguruar efektivitetin operacional. Mirëqenia e pilotëve? Është çështje e dorës së dytë, por kërkon disiplinë, trajnim dhe një aftësi të jashtëzakonshme për t’u përshtatur. ©Përgatiti LAPSI.al
The post Detajet/ Si qëndruan 37 orë në ajër pilotët e avionëve B-2 që goditën Iranin appeared first on Lapsi.al.
Tensionet në Lindjen e Mesme vijojnë të përshkallëzohen, ndërsa ushtria izraelite ka njoftuar se ka kryer sulme ajrore ndaj gjashtë aeroporteve ushtarake në Iranin perëndimor, lindor dhe qendror. Sipas deklaratës zyrtare të Forcave të Mbrojtjes së Izraelit (IDF), nga sulmet janë shkatërruar 15 mjete fluturuese, përfshirë avionë dhe helikopterë, si dhe janë dëmtuar rëndë pista uljeje, depo nëntokësore, një avion furnizimi dhe disa avionë luftarakë të tipit F-14, F-5 dhe AH-1, që i përkisnin forcave ajrore iraniane.
“Avionët e shkatërruar ishin përgatitur për operacione kundër Forcave Ajrore të Izraelit dhe synonin të pengonin veprimtarinë e tyre mbi territorin iranian”, thuhet në deklaratë.
Gjithashtu, IDF bëri të ditur se sulmet kanë pezulluar funksionimin e aeroporteve të goditura dhe kanë ndërprerë përkohësisht aftësinë operacionale të forcave ajrore iraniane në këto baza.
The post Izraeli godet 6 aeroporte iraniane, shkatërrohen 15 avionë dhe helikopterë (Harta) appeared first on Sot News | Lajme.
Operacioni “Çekani i Mesnatës” filloi herët të dielën. Një skuadrilje bombarduesish B-2 u nis nga baza e tyre në Misuri për në ishullin Guam të Paqësorit. Ekspertët dhe redaksitë në të gjithë botën e panë ngjarjen si një veprim përgatitor për një vendosje të avancuar të bombarduesve amerikanë në pritje të një vendimi të ardhshëm nga Uashingtoni për të sulmuar Iranin.
Lëvizja ishte thjesht një shpërqendrim që rezultoi shumë i suksesshëm. Një skuadrilje tjetër prej 7 bombarduesish B-2 ishte nisur tashmë në fluturim drejt lindjes për 18 orë pa u zbuluar, duke mbajtur komunikimet në minimum dhe duke u furnizuar me karburant në ajër. Detajet i dha më pas ushtria amerikane.
Kur bombarduesit iu afruan hapësirës ajrore iraniane, një nëndetëse amerikane lëshoi më shumë se 20 raketa lundrimi Tomahawk det-tokë. Avionët luftarakë amerikanë fluturuan përpara bombarduesve për të skanuar nëse kishte luftëtarë dhe raketa iraniane.
Sulmi ndaj tre objekteve kryesore bërthamore të Iranit ishte sulmi më i madh operativ i kryer ndonjëherë nga bombarduesit e fshehtë B-2 dhe misioni i dytë më i gjatë i tyre që nga sulmet e 11 shtatorit 2001. B2-shët hodhën 14 raketa depërtuese masive të municioneve GBU-57 mbi objektet bërthamore iraniane. Sipas Pentagonit, në operacion morën pjesë gjithsej 125 avionë luftarakë. ©LAPSI.al
The post Operacioni “Çekani i mesnatës”/ Si avionët e SHBA mashtruan ushtrinë e Iranit appeared first on Lapsi.al.
Dhjetëra avionë ushtarakë amerikanë janë tërhequr nga pista e njërës prej bazave më të mëdha ushtarake amerikane në Lindjen e Mesme, tregojnë imazhet satelitore, me sa duket për t’u mbrojtur nga sulmet e mundshme iraniane, në një kohë kur Uashingtoni po peshon nëse duhet të përfshihet në luftën midis Izraelit dhe Iranit.
Midis 5 dhe 19 qershorit, baza amerikane al-Udeid në Katar u zbraz pothuajse plotësisht nga avionë të identifikueshëm, sipas imazheve satelitore nga Planet Labs PBC në zotërim të Agence France-Presse.
Pothuajse dyzet avionë ushtarakë ishin parkuar në pozicione pranë pistës së bazës më 5 qershor: transportues të mëdhenj, të aftë për të transportuar materiale, avionë zbulues ose avionë operacionesh speciale si Hercules C-130. Por në një foto të bërë dje, të enjten, më 19 qershor, vetëm tre transportues ishin të dukshëm.
Këto lëvizje vijnë ndërsa Presidenti i SHBA-së, Donald Trump pritet të vendosë, brenda dy javësh, sipas Shtëpisë së Bardhë, mbi përfshirjen e mundshme të vendit të tij në luftën në anën e Izraelit kundër Iranit, gjë që mund të çojë në sulme hakmarrëse iraniane kundër disa bazave amerikane në rajon.
Për shkak të “afërsisë me Iranin” – më pak se 300 kilometra – baza al-Udeid, avionët, personeli dhe objektet e saj janë në një pozicion “jashtëzakonisht të cenueshëm”, tha për AFP- në Mark Schwartz, një gjeneral amerikan në pension që shërbeu në Lindjen e Mesme dhe tani është ekspert në grupin e ekspertëve Rand Corporation.
Edhe nëse nuk goditet drejtpërdrejt, “fragmentet e raketave mund të nënkuptojnë se nuk do të jetë në gjendje të kryejë misione”, shtoi ai. Për këtë arsye, “rreziqet për forcat amerikane duhet të zvogëlohen”, shpjegoi ai. Avionët që janë zhvendosur që nga fillimi i qershorit tani mund të mbrohen në hangare të përforcuara ose në baza të tjera në rajon. I pyetur nga AFP, ushtria amerikane nuk ka komentuar ende.
The post Dita e tetë e konfliktit Izrael-Iran, SHBA tërheq dhjetëra avionë nga baza në Katar appeared first on Lapsi.al.
Login