TIRANË, 25 korrik/ATSH/ Policia e Sarandës ka shpallur në kërkim pesë shtetas italianë, pas një konflikti të dhunshëm fizik të ndodhur në shëtitoren e qytetit, mëngjesin e datës 24 korrik, rreth orës 01:30.

Policia e Sarandës sqaron se në lidhje me një video të publikuar në rrjetet sociale, që pasqyron një konflikt fizik mes disa shtetasve në shetitoren e Sarandës, ngjarja ka ndodhur më datë 24.07.2025, rreth orës 01:30, dhe menjëherë pas saj, strukturat e Komisariatit të Policisë Sarandë kanë nisur veprimet procedurale për sqarimin e rrethanave të ngjarjes dhe dokumentimin e saj të plotë ligjor.

Në njoftimin zyrtar, thuhet se nga hetimet ka rezultuar se dy grupe shtetasish italianë janë përfshirë në një konflikt për motive të dobëta, ku kanë goditur njëri-tjetrin me grushte dhe sende të forta.

“Në përfundim të veprimeve procedurale  u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, dhe u bë shpallja në kërkim për shtetasit italianë: G. T., 23 vjeç, M. A., 20 vjeç, S. D., 60 vjeç, A. L., 19 vjeç, S. B., 19 vjeç, të gjithë banues në Napoli, Itali”, thuhet në njoftim.

Policia nënvizon se këta 5 shtetas janë konfliktuar dhe kanë goditur me sende të forta shtetasit italianë G. M., 19 vjeç, F. D., 22 vjeç, L. D., 20 vjeç, të gjithë banues në Avelino, Itali.

Gjithashtu, u referuan materialet në Prokurori edhe për shtetasin italian E. G., i cili nga verifikimet rezultoi se ushtronte aktivitet të paligjshëm për shitje biletash për festa, pa lejen përkatëse, si dhe kishte punësuar në këtë aktivitet shtetas të pasiguruar.

Strukturat e Komisariatit të Policisë Sarandë vijojnë veprimet për lokalizimin dhe kapjen e shtetasve të shpallur në kërkim.

Materialet procedurale u referuan në Prokurori, për veprime të mëtejshme.

/e.i/j.p/

The post Sherr me sende të forta në shëtitoren e Sarandës, shpallen në kërkim 5 shtetas italianë appeared first on Agjencia Telegrafike Shqiptare.

Albert Pashaj, pronari i hotelit në Ksamil i cili u dhunua dje me sende të forta tha përmes një interviste televizive se problematika ka nisur që në më 15 nëntor të vitit të shkuar kur kanë nisur aplikimet për ndarjen e plazheve. Pashaj gjithashtu ka deklaruar se është kërcënuar vazhdimisht nga Agim Taraj dhe se para një muaj ai është dhunuar dhe se për këtë ngjarja është bërë një kallëzim.

Ai më tej ka theksuar se ndarjen e plazheve duhen ta bënte bashkia dhe Agjencia e Bregdetit, por që këto institucione vazhdimisht kanë luajtur ping-pong me njëri-tjetrin. Gjithashtu Pasha bëri me dije se ai ka shkuar dhe tek kryebashkiaku dhe se ai i ka thënë të marrë vetëm 20 çadra ndërsa të tjerat t’i marrë Taraj. Ndër të tjera Pashaj deklaroi se nëse drejtësia nuk bën punën e vet, ai do të vetëmbrohet.

Pashaj: Jam i goditur në kokë, jam i çarë. Problematika nuk është se ka filluar dje. Jo vetëm dhuna fizike ndaj meje dhe familjes, por ka disa muaj. Që kur janë hapur aplikimet e plazheve në 15 nëntor, jam kërcënuar nga Agim Taraj, indirekt dhe direkt që të tërhiqem dhe të mos aplikoj. I kam thënë jo se mua ma jep ligji, kam investuar disa miliona euro nuk mund të kem hotel, njësi akomoduese kur e jep dhe ligji dhe të mos kemi shezlonge.

Këto presione kanë vijuar vazhdimisht. Kam marrë aprovimin nga Agjencia Bregdetare, janë aprovuar 52 çadra për strukturën akomoduese se plotësoj të gjithë kushtet. Kur merr aprovimin, më kanë thënë të paraqitem në bashki, të bëj pagesën e qirasë dhe të vijë bashkia të bëjë matjet për vendosjen e çadrave. Kam shkuar atje dhe bashkia më ka thënë jo prit sot dhe jo prit nesër. Pastaj më nxori që nuk merr aq çadra sa ke marrë ti dhe subjekti tjetër Agim Taraj, që nuk ka strukturë akomoduese nuk ka fare hotel.

I jam drejtuar Agjencisë së Bregdetit dhe i kam thënë që bashkia nuk më aprovon për këtë arsye. Ata më thonë që bashkia ka detyrë të bëjë matjet në terren. Bashkia nuk erdhi kurrë dhe luante ping pong me Agjencinë e Bregdetit. Kam vënë në dijeni Kumbaron 2-3 herë. Më 6 qershor ka ardhur Taraj dhe në sytë e 50-60 turistëve më ka dhunuar , kam bërë kallëzim dhe çështjen e ka prokuroria. Familja, nusja bashkë me fëmijët ka shkuar për të bërë plazh, në plazhin e ashtuquajtur publik se nga momenti që bashkia nuk erdhi të më miratonte planin dhe unë nuk plotësova dokumentet që t’i dërgoja tek Agjencia Bregdetare dhe pasi merr aprovimin nga Agjencia e Bregdetit duhet të vijë bashkia.

Unë nuk e bëra se bashkia nuk erdhi kurrë dhe u dogjën afatet. Agjencia e Bregdetit më dërgon mesazh që t’i nuk plotësove dokumentet dhe ne nuk të kualifikuam. Ky nuk ishte faji im, ishte faji i bashkisë. Më parë këtë plazh e ka shfrytëzuar Taraj. Tani kam hotelin, ndërsa Taraj ka ndërtesat në krah, disa objekte të vogla. Mua ma jep ligji, nuk kam kërkuar që Taraj të zhvendosej, por që një pjesë ta marr unë se ma jep ligji. Bashkia dhe Agjencia e Bregdetit duhet ta bënin këtë ndarje dhe nuk e kanë bërë kurrë.

I kam dërguar disa mesazhe ministres Kumbaro, nuk më ka kthyer përgjigje. Kam takuar dhe kryebashkiakun në zyrë dhe më ka thënë merr 20 çadra dhe lërja atij tjetrit. Bashkia e Sarandës përveç se nuk më ka nisur asnjë dokument me shkrim që të më thotë për këtë arsye se pse nuk e përfitoj. Gojarisht më tha merr 20 çadra dhe lërja atij. I thashë cila është arsyeja? Më tha lërja atij. Bashkia na ka lënë në baltë. Taksën e paguajmë. Nëse drejtësia do të bëjë punën e vet, unë ia lë drejtësisë. Nëse drejtësia nuk do ta bëjë punën e vet, atëherë unë do të vetëmbrohem se s’kam se çfarë bëj tjetër.

The post “Jam kërcënuar prej muajsh”/ Dhuna ndaj pronarit të hotelit në Ksamil, Albert Pashaj: Nëse nuk vepron drejtësia do vetëmbrohem appeared first on Albeu.com.

Ditën e sotme, përmes një reagimi në “Facebook”, këshilltari për Çështjet Ekonomike në Partinë Demokratike dhe njëkohësisht Nënkryetari i Këshillit Bashkiak Tiranë, Dorian Teliti, ka reaguar pas konfliktit të ndodhur në Ksamil mes dy biznesmenëve, për hapësirën në plazh.

Teliti ka dënuar dhunën në sy të pushuesve në jug të vendit dhe ka ngritur shqetësimin për politikat qeveritare, që sipas tij janë shkak i situatës së krijuar një ditë më parë.

Sipas tij, një ndryshim ligjor që u bë vitin e kaluar, i dha hotelerive të drejtën për të administruar çadrat në plazh, pa marrë në konsideratë bizneset ekzistuese që prej vitesh ushtronin aktivitet në të njëjtat hapësira me leje të ligjshme.

“Për 13 vite rresht, një lokal funksiononte, i cili ishte pajisur me leje në atë pjesë të plazhit për të vendosur cadrat, duke pasur një aktivitet të konsoliduar shumëvjecar me çadrat e tij. Kur pronari i hotelit kërkoi lirimin e hapësirës (në zbatim të ligjit), u përball me “rezistencën legjitime” të pronarit të lokalit, i cili kishte një histori 13-vjeçare të përdorimit të lejuar nga shteti të asaj zone”, shkruan Teliti.

“Si mundet që ligje të reja të hyjnë në fuqi dhe të zbatohen pa marrë parasysh investimet dhe aktivitetet ekzistuese”, shkruan ai, ndërsa u ka bërë thirrje që shteti të marrë përgjegjësi për situatën.

“Është koha që shteti të marrë përgjegjësitë e veta dhe të shmangë krijimin e situatave”, përfundon ai.

Reagimi i Dorian Telitit:

DHUNA DUHET NDËSHKUAR, POR KUSH E NDEZI SHKËNDIJËN E KONFLIKTIT NË KSAMIL?

Së pari, dënoj me forcë dhunën e përdorur, pasi çdo mosmarrëveshje, pavarësisht natyrës, nuk zgjidhet kurrë me sherr e dhunë. Kjo është një pikënisje e qartë dhe e pandryshueshme.

Por, le të thellohemi pak më shumë: kush e shkaktoi këtë konflikt në radhë të parë? Përgjigja na çon direkt te shteti dhe ligjet e tij. Që prej vitit të kaluar, hotelerive u është dhënë e drejta që të zotërojnë edhe çadrat e tyre në plazh. Kjo masë, ndonëse mund të ketë pasur synime të mira, la pas dore realitetin ekzistues.

Për 13 vite rresht, një lokal funksiononte, i cili ishte pajisur me leje në atë pjesë të plazhit për të vendosur cadrat, duke pasur një aktivitet të konsoliduar shumëvjecar me çadrat e tij.

Kur pronari i hotelit kërkoi lirimin e hapësirës (në zbatim të ligjit), u përball me “rezistencën legjitime” të pronarit të lokalit, i cili kishte një histori 13-vjeçare të përdorimit të lejuar nga shteti të asaj zone.

Kjo situatë nxjerr në pah një problem serioz: “mungesën e planifikimit afatgjatë dhe koordinimit nga ana e autoriteteve”.

Si mundet që ligje të reja të hyjnë në fuqi dhe të zbatohen pa marrë parasysh investimet dhe aktivitetet ekzistuese, të cilat janë zhvilluar pikërisht me bekimin dhe lejen e vetë shtetit? Kjo paqartësi dhe ndryshim i papritur i rregullave është një burim i vazhdueshëm konfliktesh dhe pasigurie për biznesin.

🇦🇱Është koha që shteti të marrë përgjegjësitë e veta dhe të shmangë krijimin e situatave të tilla ku qytetarët dhe bizneset detyrohen të bien ndesh me njëri-tjetrin për shkak të vendimeve të nxituara dhe të pakoordinuara. Dhuna në këtë rast ishte pasojë, por shkaku është shpeshherë më i thellë dhe kërkon zgjidhje politike dhe administrative.

The post Sherri mes dy biznesmenëve në Ksamil/ Dorian Teliti: Mungesë planifikimi dhe koordinimi nga ana e autoriteteve, shteti të marrë përgjegjësi appeared first on Albeu.com.

Policia ka arrestuar tre persona, në lidhje me konfliktin e ndodhur ditën e djeshme në Ksamil, ku u dhunua Albert Pashaj, ndërsa një 17-vjeçar është proceduar.

Procedohet penalisht edhe bashkëshortja e 46-vjeçarit të dëmtuar, pasi shkaktoi dëme materiale në “beach bar”-in e njërit prej të arrestuarve.

Në vijim të zbardhjes së plotë të rrethanave të konfliktit të ndodhur ditën e djeshme, në Ksamil, dhe dokumentimit të plotë të ngjarjes, me qëllim vënien përpara përgjegjësisë penale të autorëve, specialistët për Hetimin e Krimeve në Komisariatin e Policisë Sarandë arrestuan në flagrancë, për veprën penale “Plagosje e lehtë me dashje”, kryer në bashkëpunim, shtetasit:

Agim Taraj., 43-vjeç, banues në Berat, Silvjan Sulku., 18-vjeç, banues në Dibër dhe Aldo Zeqiraj., 35-vjeç, banues në Durrës.

Gjithashtu, u procedua penalisht në gjendje të lirë, për shkak të moshës, një shtetas i mitur, 17-vjeç, banues në Kamëz, Tiranë.

Nga hetimet rezultoi se këta shtetas, në bashkëpunim me njëri-tjetrin, për motive të dobëta, kanë goditur me sende të forta, pranë një plazhi publik në Ksamil, shtetasin A. P., 46-vjeç, banues në Tiranë, duke i shkaktuar dëmtime trupore.

Gjithashtu, lidhur me këtë ngjarje, u referuan materialet në Prokurori për veprën penale “Shkatërrimi i pronës” dhe nisi procedimi penal për shtetasen O. P., 40-vjeçe, pasi pas konfliktit kjo shtetase ka dëmtuar ambientin duke shkatërruar pajisje dhe sende të tjera në “beach bar”-in e shtetasit të arrestuar A. T.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

The post Sherri mes bznesmenëve në Ksamil/ Arrestohen tre persona, procedohet edhe një i mitur (EMRAT) appeared first on Albeu.com.

Mbrëmjen e djeshme, momente paniku dhe kaosi janë regjistruar në klubin e natës “Lollipop” në Palasë, ku po mbahej një koncert me praninë e shumë qytetarëve dhe të ftuarit special, këngëtarit Yll Limani.

Sipas dëshmive të të pranishmëve, ngjarja ka nisur pas një sherri mes dy grupeve brenda lokalit, i cili ka degjeneruar në përplasje fizike.

Dyshohet se gjatë konfliktit është përdorur edhe armë zjarri, ç`ka ka rritur ndjeshëm ndjenjën e frikës mes publikut.

Në kushtet e pasigurisë, stafi i sigurisë ndërhyri për të larguar këngëtarin nga skena, ndërsa publiku u përfshi nga paniku.

Të pranishmit raportojnë se njerëzit filluan të vraponin drejt daljeve të emergjencës, duke shtyrë njëri-tjetrin në përpjekje për të dalë sa më shpejt jashtë.

Gjatë rrëmujës, shumë persona janë rrëzuar apo janë dëmtuar nga sendet e thyera në ambient.

“Tavolina, gota, shishe u përplasën në dysheme, plagosën njerëz. U pa gjak në dalje, njerëz të prerë nga qelqet”, – raporton një dëshmitar.

Sipas dëshmive, disa persona kanë mbetur të plagosur lehtë si pasojë e thyerjeve apo përplasjes me të tjerët në përpjekje për të dalë jashtë.

Shumë të pranishëm kanë humbur sende personale, telefona, çanta dhe para. Të gjithë të revoltuar nga mungesa e sigurisë dhe reagimit të vonuar të stafit të klubit.

“Është skandaloze që në një nga klubet më të njohura dhe më të shtrenjta të jugut, në kulmin e sezonit turistik dhe me praninë e të huajve, të përjetohen skena paniku dhe terrori”, shkruan një tjetër qytetar në denoncimin për JOQ.

Deri më tani, nuk ka një reagim zyrtar nga administrata e klubit apo nga autoritetet. Gjendja e personave të lënduar mbetet për t’u sqaruar, ndërsa nuk dihet ende nëse ka persona të arrestuar apo identifikime të qarta për autorët e incidentit.

Ngjarja ngre shqetësime serioze për sigurinë në mjediset e argëtimit në Shqipëri, veçanërisht në sezonin turistik kur prania e qytetarëve vendas dhe të huaj është e lartë.

The post Plas sherri në klubin “Lollipop” në Palasë, panik dhe të lënduar në mes të koncertit (VIDEO) appeared first on Albeu.com.

Janë zbardhur detaje të reja nga ngjarja e rëndë e regjistruar këtë të hënë në lagjen “Kushtrimit” të Vlorës, ku një 17-vjeçare tentoi t’i jepte fund jetës, duke qëlluar veten me plumb në kokë, afërs syrit. E mitura ndodhet në gjendje kritike, e intubuar, në spitalin e Traumës në kryeqytet, teksa Policia e Vlorës shoqëroi […]

The post 17-vjeçarja tentoi vetëvrasjen/ Familjarët fshehën armë, babai nuk ishte dakord me stilin e jetesës appeared first on BoldNews.al.

Alen Sherri është portieri më i ri i Frosinones pasi klubi i Serie B ka arritur akordin me 27-vjeçarin shqiptar, i cili vjen pas një eksperience te Cagliari.

Portieri shkodran kalon te Frosinone në formë huazimi me të drejtë blerjeje në fund të sezonit ndërsa në Sardenjë luajti 7 ndeshje, duke zhvilluar paraqitje pozitive.

“Frosinone Calcio njofton se ka arritur një marrëveshje me Cagliari Calcio për afrimin e lojtarit Alen Sherri. Portieri i lindur në vitin 1997 vjen në formë huazimi me opsion blerjeje”, thuhet në njoftimin zyrtar të klubit.

Sherri, që ka kontratë me Cagliarin deri në verën e vitit 2027, kërkon të jetë protagonist në sezonin e ri me Frosinonen, në përpjekje për ngjitjen në elitën e futbollit italian.

LEXONI GJITHASHTU:

• Enrique leksion Alonsos, PSG shpartallon Realin dhe kalon në finalen e Botërorit
• Vllaznia mposhtet minimalisht nga Daugavpils, barazim shprese për Partizanin

The post Nga Cagliari te Frosinone, Alen Sherri nis aventurë të re në Itali appeared first on Euronews Albania.

Frosinone është gati të mirëpresë Alen Sherrin, portierin shqiptar të lindur në vitin 1997, i cili aktualisht është nën kontratë me Kaljarin. Lajmi u raportua nga Gianluca Di Marzio, sipas të cilit, operacioni është pothuajse i përfunduar: transferimi duhet të jetë në formë huazimi me mundësi blerjeje, me një çmim të vendosur rreth 1 milion […]

The post Nga Seria A zbret në B, zbulohen detajet e operacionit të portierit të Kombëtares me klubin italian appeared first on BoldNews.al.

Vlorë- Të tjera pamje kanë dalë nga incidenti i ndodhur këtë të hënë në zonën e Skelës në Vlorë. Ku pas aksidentit të dy automjeteve, shoferët janë përfshirë në sherr mes tyre. Njëri prej shoferëve, drejtuesi i mjetit tip “Benz”, ka përplasur disa herë automjetin tjetër.

Nga pamjet e siguruara nga ABC News, shihet edhe momenti kur shoferi i mjetit tip “Benz” përplas automjetin tjetër.

/abcnews.al/

Alen Sherri sezonin e kaluar u larguar nga Kategoria Superiore për të luajtur në Serie A.

Megjithatë, minutazhi që portieri i Kombëtares shqiptare mori me Cagliarin sezonin që lamë pas nuk ishte i kënaqshëm.

Në prag të merkatos së verës, ish-portieri i Egnatias ka udhëtuar drejt Turqisë.

Me një postim në InstaStory, shihet Alen Sherri me partneren e tij Razena Mehmeti në Stamboll të Turqisë.

Udhëtimi i tyre në Turqi mund të jetë një lëvizje e mundshme në merkato nga 27-vjeçari.

Verën e vitit të kaluar, Sherri u transferua nga Egnatia për tek Cagliari për 300 mijë euro.

The post I pakënaqur nga minutazhi në Serie A, Alen Sherri përfundon në Turqi appeared first on Albeu.com.

Policia e Tiranës ka dalë me një komunikatë në lidhje me konfliktin masiv të regjistruar mbrëmjen e djeshme në zonën e “Ali Demit”, ku dyshohet se ka patur edhe të shtëna me armë zjarri. Sipas autoriteteve policore, në sherr kanë marrë pjesë 5 persona, ku 4 prej tyre janë shpallur në kërkim, kurse një prej […]

The post Sherri me armë te “Ali Demi”/ Shpallen në kërkim 4 persona, i plagosuri gënjeu Policinë appeared first on BoldNews.al.

Pasi krijuan një marrëdhënie të ngushtë politike, dy miliarderët sollën ndryshime të rëndësishme në Uashington. Tani aleanca e tyre është në kolaps. Më pak se një javë pasi lavdëruan njëri-tjetrin në Zyrën Ovale, Presidenti i SHBA-së Donald Trump dhe Elon Musk, njeriu më i pasur në botë, u grindën në mënyrë spektakolare dhe publikisht. Në […]

The post Si filloi grindja midis Donald Trump dhe Elon Musk? Ja detajet appeared first on BoldNews.al.

Policia e Tiranës ka identifikuar dhe shpallur në kërkim autorin e plagosjes së një 15 vjeçari në zonën e Ali Demit në Tiranë. Ngjarja ndodhi në ambientet e picerisë “Fantazia”, ku mësohet se adoleshenti është konfliktuar me motoristin e këtij biznesi. Në kërkim janë shpallur shtetasit Aldi Neziri (autori i dyshuar i plagosjes) dhe Leonardo […]

The post EMRAT/ Plagosja e 15-vjeçarit në piceri, policia identifikon dhe shpall në kërkim autorin, 3 të tjerë në pranga appeared first on BoldNews.al.

Është zbardhur nga policia e Durrësit plagosja e natës së kaluar në Fllakë.

Një konflikt i të plagosurit me babanë e autorit të dyshuar nga Kavaja ka sjellë në plagosjen e Arbër Gorgejas, 36 vjeç teksa lëvizte me makinë.

I plagosuri mësohet se ka qëlluar me grusht për motive të dobëta Eqerem Kazazin në Kavajë për motive të dobëta.

Autori i dyshuar është identifikuar si Erkid Kazazi, emër i njohur për policinë ndërsa po punohet për kapjen e tij.

The post Zbardhet plagosja në Durrës, si nisi sherri appeared first on Lapsi.al.

Nuk ka mundur të luajë vazhdimisht këtë sezon. Alen Sherri vërtet e bëri transferimin e jetës, nga Egnatia e Rrogozhinës në Serinë A, por si çdo portier është dashur të luftojë për vendin e titullarit.

Gjithsesi, java e fundit e Serisë A e nxori 27-vjeçar në ato që mund të quhen “dritat e skenës”, dhe pikërisht në ndeshjen më të ndjekur të kampionatit, Napoli-Kaljari.

Vendasit e trajnerit Antonio Konte dhe të “dardanit” Amir Rrahmani fituan titullin kampion me suksesin 2-0, por përveç golave nga Mektominai e Lukaku, spikatën pritjet e gardianit shqiptar.

Shtatlartë 1.97 metra, ai ndaloi gjuajtjet e disa prej lojtarëve vendas, mes të cilëve edhe atë të Rrahmanit. Padyshim, në mungesë të Sherrit, rezultati do të kishte qenë më I thellë.

“La Gazeta delo Sport” e vlerëson me notën 6.5, e cilëson më të mirin e kaljaritanëve, dhe komenton se bëri çfarë mundi.

Në tërësi, mediat italiane shkruan se Sherri nuk bëri të qahej mungesa e portierit kryesor, Kaprile.

“Sofaskor” i dha notën mjaft të mirë 7.4, me statistikat se bëri 4 pritje të rëndësishme, 5 grushtime dhe 5 spastrime të zonës, ndërsa pika e dobët ishte saktësia e paktë në pasimet e gjata.

Në total, ai ka luajtur shtatë ndeshje këtë edicion në Serinë A, diçka aspak negative. Ndoshta, kombëtarja shqiptare ka gjetur një gardian për të ardhmen, pikërisht në kohën kur porta është më e pasigurt se kurrë./abcnews.al

Alen Sherri e mbylli sezonin në Serinë A si një protagonist pasi ishte titullar në sfidën që Kaljari luajti në fushën e Napolit. Ky i fundit u shpall kampion me fitoren 2-0, por Sherri u bë shpeshherë pengesë e napolitanëve që kërkonin me çdo kusht suksesin, pasi ndali goditjet radhazi drejt portës së tij. Megjithatë, […]

The post Mbylli sezonin si protagonist në mbrëmjen e titullit, Sherri: Jetova ëndrrën e fëmijërisë time appeared first on BoldNews.al.

Kjo e premte do të jetë vendimtare pasi do të përcaktojë titullon kampion në Serinë A. Dhe fati i këtij trofeu do të jetë edhe në duart e Alen Sherrit. Kaljari, skuadra e cila luan ndaj Napolit kryesues në javën e fundit, do t’i besojë vendin në formacionin titullar portierit shqiptar.

Elia Kaprile, titullari i ishullorëve në pjesën e dytë të sezonit pasi u transferua në huazim pikërisht nga Napoli, do të mungojë në këtë sfidë, për shkak dëmtimi sipas vetë trajnerit Davide Nikola. Ky i fundit konfirmoi mungesën e Kapriles, ashtu si edhe faktin që nuk do i besonte të riut Çioçi.

“Nuk do të jetë Kaprile, i cili ka luajtur i dëmtuar në ndeshjen ndaj Venecias. E falënderoj që qëndroi në fushë pavarësisht këtij problemi.

Shans për të riun Çioçi? Xhuzepen, ashtu si Jankton, e dua shumë, ashtu si të gjithë lojtarë e mi. Por kam përgatitur ndeshjen në mënyrën që të jemi sa më konkurrues të jetë e mundur. Si ai, edhe Jankto, nëse nuk kanë luajtur asnjë ndeshje, qartësisht nuk janë cilësuar në nivelin e duhur për ta bërë një gjë të tillë. Nëse do të kem mundësinë t’ia jap këtë kënaqësi, do e bëj, po atëherë do të thotë që duhet të ndryshoj titullarin”, tha Nikola para mediave, duke bërë të qartë se ndeshjen nga minuta e parë do ta niste Alen Sherri.

The post Të gjithë sytë e Europës te Alen Sherri, fati i kampionit të Serisë A do të jetë në duart e portierit shqiptar appeared first on Albeu.com.

Numërimi i votave për zgjedhjet parlamentare të 11 votave, nuk po kontestohet vetëm nga opozita, por edhe nga mazhoranca, ku një numër i madh kandidatësh pretendojnë për tjetërsim të votave preferenciale brenda llojit. Kanë qenë Xhemal Qefalia, Blerina Gjylameti, Etilda Gjonaj, Frrok Gjini, etj, të cilët kanë depozituar shkresat në KQZ ku kërkojnë pamjet filmike […]

The post Sherri për votat në PS, zbardhet mesazhi i plotë i Ramës: Mos ushqeni qenërinë mediatike! appeared first on BoldNews.al.

Policia e Tiranës ka dalë me një komunikatë të shkurtër për mediat në lidhje me ngjarjen e rëndë të regjistruar mbrëmjen e djeshme, e cila shkaktoi panik tek qytetarët. Më konkretisht, një automjet ka qenë duke ndjekur me shpejtësi një automjet tjetër, ku gjatë ndjkjes ka patur edhe të shtëna me armë zjarri, teksa më […]

The post EMRAT/ Sherri me leva dhe të shtënat me armë në Tiranë, Policia shpall në kërkim dy persona appeared first on BoldNews.al.

TIRANË- Për ngjarjen e të martës , ku u përplasën disa makina dhe pati edhe një konflikt fizik, janë shpallur në kërkim Eduart Koboçi dhe Zenel Trofin.

Ata kanë ndjekur me makinë njeri tjetrin ndërsa dyshohet se mes të rinjve ka pasur edhe përplasje me armë.

“Shpallen në kërkim shtetasit Eduart Koboci, 28 vjeç dhe Zenel Torofin 35 vjeç, pasi mbrëmë, rreth orës 23:20, afër pallatit me shigjeta, dyshohet se duke ndjekur njëri-tjetrin, me automjete, kanë përplasur 2 automjete të ndaluara në semafor”, njofton policia.

Pas përplasjes me dëme materiale, ata kanë braktisur automjetet që drejtonin dhe janë larguar.

Gjatë kontrollit në automjetin që dyshohet se e drejtonte shtetasi Eduart Kobocit shërbimet e Policisë kanë gjetur një predhë të dyshuar arme zjarri pistoletë. Punohet për kapjen e 2 shtetasve të shpallur në kërkim dhe për dokumentimin e plotë të ngjarjes./abcnews.al