Aktori i njohur i skenës dhe ekranit, Tom Troupe, është ndarë nga jeta në moshën 97-vjeçare, vetëm pesë ditë pas ditëlindjes së tij. Ai vdiq nga shkaqe natyrore në shtëpinë e tij në Beverly Hills, ka konfirmuar një përfaqësues i familjes.

Troupe njihej për rolet në seriale dhe filma të njohur si “Star Trek”, “Mission: Impossible”, “My Own Private Idaho” dhe “Cagney & Lacey”. Ai ishte gjithashtu bashkëshorti i aktores së ndjerë Carole Cook, me të cilën ndanin një pasion të përbashkët për teatrin në Los Angeles.

I lindur më 15 korrik 1928 në Kansas City, Troupe filloi karrierën në teatrot lokale përpara se të transferohej në New York në vitin 1948, ku studioi aktrim me Uta Hagen. Më pas shërbeu në Luftën e Koresë, ku u nderua me medaljen “Bronze Star”.

Në vitin 1957 debutoi në Broadway me rolin e Peter van Daan në “The Diary of Anne Frank”, dhe më vonë u zhvendos në Hollywood, ku zhvilloi një karrierë të pasur në televizion dhe kinema, që zgjati më shumë se pesë dekada.

Përveç aktrimit, Troupe ishte edhe regjisor dhe shkrimtar. Ai do të kujtohet si një ikonë e vërtetë e skenës amerikane.

The post Ndahet nga jeta në moshën 97-vjeçare aktori i njohur appeared first on iconstyle.al.

Autore: Bardha Nergjoni | Citizens.al | Elbasan

Bashkia Elbasan hapi në muajin shkurt tenderin për ndërtimin e sistemit “smart” të stacioneve të autobusëve  – fituar nga PC Store me ofertë 185 mijë euro, – një investim i cilësuar i nevojshëm për transportin publik, por që bëhet teksa autobusët me të cilët udhëtojnë qytetarët janë jashtë standardeve: të amortizuar, pa orare fikse dhe pa mbulim të plotë.

Elbasani vuan prej vitesh mungesën e një shërbimi të denjë urban. Kompania që kishte monopolin mbi transportin publik, e njohur si “KRIVA”, ankohej për mungesën e subvencioneve nga pushteti vendor dhe me këtë justifikonte mungesën e investimeve në përmirësimin e flotës.

Në dukje, situata ndryshoi kur një kompani e re, e cila quhej “Elbasan Bus”, mori drejtimin e shërbimit. Bashkia e shpalli procedurën në faqen e saj, pa bërë shumë publicitet, dhe ia dha shërbimin kësaj kompanie që ishte hapur rishtazi, pa përvojë të qartë në transportin publik.

Por një verifikim i thjeshtë në Qendrën Kombëtare të Biznesit, tregon se pronari i “KRIVA”-s, (Vasil Janku) ishte i njëjtë me atë të kompanisë së re, vetëm me administrator tjetër – Tahir Tafani, sipërmarrës i një bar-kafe dhe linje transporti.

Rreth 8 muaj pas hapjes së kompanisë Janku ia shiti 100% të kuotave Tafanit për vetëm 1,000 euro. Kjo ndodhi në shkurt 2024, pesë muaj para se Bashkia Elbasan ta shpallte kompaninë “Elbasan Bus” fituese të konkursit për operimin në 8 linja urbane të qytetit – përfshirë linjën për në Varrezat Publike, për të cilën qytetarët ankohen se nuk është aktive.

Dokumentacioni zyrtar mungon mbi mënyrën se si u licencua kjo kompani, apo për kushtet që ajo plotësoi për të marrë përsipër linjat përkatëse, ndërsa konkursi i hapur tërhoqi vetëm një operator: pikërisht “Elbasan Bus”.

Në një kërkesë për informacion dërguar Bashkisë Elbasan mbi përzgjedhjen e subjektit fitues dhe procesin e licencimit, Citizens.al nuk mori përgjigje deri në publikimin e këtij shkrimi. Po ashtu, tentativat për të kontaktuar administratorin e kompanisë dështuan.

Zërat e qytetarëve: Shpërfillje oraresh dhe mungesë higjiene

Përdoruesit kryesorë të transportit publik në Elbasan janë të moshuarit, gratë me fëmijë dhe nxënësit. Ata ankohen kryesisht për mungesë linjash, mosrespektim të orareve dhe mungesë higjiene.

“Dikur ka qenë autobusi për varrezat, tani nuk e shoh më,” thotë një e moshuar, 77-vjeçare, e cila shpreson që linja të vendoset sërish në punë.

“Nisesha nga Banesat për në Varreza, linja ka qenë këtu në lagjen time,” vijon ajo, “vërtetë autobusët janë copë-copë, verës plas vapa, por të paktën mund të lëviznim.”

Një tjetër e moshuar, Bukuria, shpreh gjithashtu shqetësimin për mungesën e linjës së Varrezave.

“Nuk mendojnë se është linjë që lëvizin prindër që kanë fëmijë, apo të dashurit e tyre atje dhe janë kryesisht të moshuar ata?” ngre shqetësimin e saj si pyetje retorike.

Agroni, një banor tjetër, i cili e përdor shpesh autobusin për të lëvizur drejt poliambulancës për të marrë shërbim shëndetësor, shton: “Paguajmë çmim sa në Tiranë, por shërbimi është mizerabël. Autobusët janë të pisët dhe pa orare. Është e turpshme për Elbasanin.”

Nxënësit, nga ana tjetër, ankohen për mbingarkesën në orët e mëngjesit, sidomos në linjat kryesore, ndërsa autobusëve u mungon ajrosja apo kondicioneri.

“Autobusët janë të vegjël e sidomos në mëngjes janë plot. Shtypemi aty! Kushte nuk ka e sidomos tani që filloi vapa nuk di si durojmë për të shkuar në shkollë,” tha një nxënës.

Qytetarë të tjerë, si Ermira Osmani, përmendin si shqetësim amortizimin dhe ndotjen që autobusët e vjetër shkaktojnë në qytet.

“Sedilet janë zhul dhe autobusët shumë të papastër. Shërbimi i transportit në Elbasan është i keq,” thekson ajo.

Kjo panoramë e transportit publik në Elbasan ndodh teksa bashkia promovon imazhin e një qyteti me stacione “smart” që synon zero emetime gazrash.

Në fakt bashkia ka përfshirë në Planin e Veprimit për Energjinë e Qëndrueshme dhe Klimën objektivin për të ripërtërirë flotën urbane me mjete të gjelbra, por në realitet autobusët e sotëm janë kthyer në burime ndotje.

The post Bashkia Elbasan me stacione “smart”, por autobusë të vjetër appeared first on Citizens.al.

Bayern Munich po përgatit një lëvizje të madhe në tregun e transferimeve: duke investuar 150 milionë euro për të forcuar sulmin e tij me dy emra të mëdhenj, Nick Woltemade dhe Luis Diaz.

Gjiganti bavarez po kërkon të bëjë një hap cilësor përpara në formacionin e tij sulmues pas disa përpjekjeve të dështuara gjatë verës dhe tashmë ka hartuar një strategji financiare për të bindur Stuttgartin dhe Liverpoolin të ndahen me dy nga lojtarët e tyre kryesorë.

Nick Woltemade, një sulmues i Stuttgartit dhe një nga zbulimet e fundit të Bundesligës, është i pari në listë. Bordi i Bayernit kishte bërë tashmë një propozim fillestar prej 50 milionë eurosh plus bonuse, por skuadra rivale e hodhi poshtë ofertën, duke e konsideruar çmimin e përshtatshëm rreth 65 milionë euro.

Larg nga tërheqja, klubi i Mynihut do ta rrisë çmimin në 60 milionë euro në kërkim të një negociate përfundimtare. Uli Hoenes, një figurë kryesore brenda klubit, ka shprehur dëshirën e tij për ta pasur sulmuesin në Allianz Arena sa më shpejt të jetë e mundur.

Ndërkohë, obsesioni me Luis Diaz vazhdon. Bayern Munich i ka ofruar tashmë Liverpoolit 67.5 milionë euro, por Reds mbeten të vendosur në kërkesën e tyre për jo më pak se 100 milionë euro. Për më tepër, klubi nga Anfield nuk e ka përjashtuar rinovimin e kontratës së kolumbianit, e cila skadon në vitin 2027.

Pavarësisht këtyre pengesave, klubi gjerman po përgatit një ofertë të dytë, më të konsiderueshme, për të përfunduar nënshkrimin, duke përfituar nga gatishmëria e lojtarit për të pranuar kontratën që i është propozuar në Mynih. Oferta vlerësohet në 90 milionë euro.

Në total, Bayern është i gatshëm të shpenzojë deri në 150 milionë euro për këto dy marrëveshje.

Nëse ndonjëra prej tyre dështon, Xavi Simons mbetet në radar si një alternativë, me një kosto të vlerësuar midis 50 dhe 60 milionë eurove. /Telegrafi/

The post Bayern Munich po përgatitet të shpenzojë 150 milionë euro për të nënshkruar me dy yje appeared first on Telegrafi.

Janë shpallur zyrtarisht nominimet për edicionin e 77-të të Primetime Emmy Awards, që do të mbahet më 14 shtator 2025. Seriali triller “Severance” i Apple TV+ kryeson listën me 27 nominime, duke u pozicionuar si një nga favoritët kryesorë të këtij viti.

Menjëherë pas tij vjen “The Penguin” nga HBO Max me 24 nominime, ndërsa serialet e njohura “The White Lotus” dhe “The Studio” marrin nga 23 nominime secili. “The Studio” hyn kështu në garë si një nga komeditë më të vlerësuara të vitit, përkrah fituesit të vitit të kaluar, “The Bear”.

Një moment historik në këtë edicion është nominimi i parë ndonjëherë për Harrison Ford, në moshën 83-vjeçare, për rolin e tij dytësor në komedinë “Shrinking”.

Nominimet u shpallën nga aktorët Harvey Guillén (“What We Do in the Shadows”) dhe Brenda Song (“Running Point”), ndërsa dy kategori të veçanta, reality competition dhe talk show, u zbuluan gjatë programit “CBS Mornings”.

Kategoria për serialin më të mirë dramatik përfshin emra të mëdhenj si “The Last of Us”, “The White Lotus”, “The Diplomat” dhe “Slow Horses”.

Në komedi, priten përballje të forta mes “Hacks”, “The Bear”, “Shrinking” dhe “Only Murders in the Building”.

Te miniseritë dhe filmat televizivë, spikatin “The Penguin”, “Black Mirror” dhe rikthimi i papritur i Bridget Jones në ekranin e vogël me filmin “Mad About the Boy”.

Ceremonia e ndarjes së çmimeve do të transmetohet drejtpërdrejt në CBS, me komedianin Nate Bargatze në rolin e prezantuesit, i cili gjithashtu është vetë i nominuar për specialin e tij “Your Friend, Nate Bargatze”.

Disa nga nominimet kryesore për Emmy 2025:

Serial dramatik:
“Andor”, “The Diplomat”, “The Last of Us”, “Paradise”, “The Pitt”, “Severance”, “Slow Horses”, “The White Lotus”

Serial komedi:
“Abbott Elementary”, “The Bear”, “Hacks”, “Nobody Wants This”, “Only Murders in the Building”, “Shrinking”, “The Studio”, “What We Do in the Shadows”

Miniseri apo serial antologjik:
“Adolescence”, “Black Mirror”, “Dying for Sex”, “Monsters: The Lyle and Erik Menendez Story”, “The Penguin”

Reality show më i mirë:
“The Amazing Race”, “RuPaul’s Drag Race”, “Survivor”, “Top Chef”, “The Traitors”

Talk Show më i mirë:
“The Daily Show”, “Jimmy Kimmel Live!”, “The Late Show with Stephen Colbert”

Lista e plotë përfshin qindra emra, ndërsa fituesit do të shpallen më 14 shtator. Tashmë, betejat e mëdha kanë nisur dhe publiku pret me padurim të shohë kush do të ngrejë trofetë më të rëndësishëm të televizionit amerikan.

The post EMMY Awards 2025: Rikthehen emrat e mëdhenj dhe surprizat e vitit! appeared first on iconstyle.al.

Filmi i ri “The Smurfs” vjen më 18 korrik në kinematë britanike dhe premton një aventurë familjare plot aksion, muzikë dhe humor.
Rihanna i jep zë Smurfette-s dhe sjell këngë origjinale, ndërsa kasti yjor përfshin edhe James Corden, Kurt Russell dhe John Goodman.

Në qendër të historisë është misioni për të shpëtuar Papa Smurf-in, që çon Smurfët nga pylli magjik në botën moderne, ku i presin aventura, rreziqe dhe shumë të qeshura.

Një film nga regjisori i “Shrek” dhe “Madagaskari” që pritet të jetë hiti i verës për të vegjlit… dhe nostalgjikët!

The post Smurfët rikthehen në kinema, këtë herë me Rihanna në qendër të vëmendjes! appeared first on iconstyle.al.

The post Diversiteti kulturor në marrëdhëniet ndërkombëtare appeared first on Revista Monitor.

TIRANË, 7 korrik/ATSH/ Si çdo sezon veror, Teatri Kombëtar i Operas, Baletit dhe Ansamblit Popullor do të ndërmarrë një turne mbarëkombëtar, duke ftuar artdashësit ta ndjekin në këtë rrugëtim plot art, emocione dhe udhëtime muzikore.

Artistët e Operas por edhe të Ansamblit Popullor do të dalin nga skena e Tiranës për të interpretuar në qytete si Berati, Durrësi, Gjirokastra, Ulqini, Tetova e Gjeneva, ku korriku sjell një kalendar të mbushur me shfaqje që i japin shpirt verës shqiptare.

Artdashësit do të mund të ndjekin balet nën yje, muzikë dhome që përqafohet me tingujt e stinës dhe bashkëpunime që lidhin trojet përmes artit. Këto janë vetëm disa nga surprizat që premton për këtë sezon veror TKOBAP.

Në datën 10 korrik, “Mullixhesha e bukur”, vepër që sapo është prezantuar në Tiranë, do të shfaqet në Pallatin e Kulturës të Beratit. Po në të njëjtën ditë, në Gjenevë të Zvicrës do të jepet shfaqja “Side event” me pjesë të muzikës folklorike.

Në 11 korrik do të jetë Amfiteatri i Durrësit ai që do të kthehet në skenë për balerinët e TKOB, me pjesën “From darkness to light”. Në Gjirokastër (15 korrik) do të vihet në skenë baleti “Cantata”, ndërsa në Ulqin (17 korrik) do të performojnë artistët e Ansamblit Popullor me “Folk on tour”.

Data 22 korrik do të jetë e veçantë për Tetovën, ku do të performojnë 3 ansamble njëherësh: Ansambli Popullor i Shqipërisë, Ansambli “Shota” i Kosovës dhe Ansambli i Maqedonisë së Veriut.

/e.r//r.e//a.f/

The post Nis turneu veror i artistëve të TKOBAP-së appeared first on Agjencia Telegrafike Shqiptare.

Sezoni i tretë dhe përfundimtar i “Squid Game” ka sjellë një nga skenat më të diskutueshme deri tani: një nënë (Geum-ja) detyrohet të vrasë djalin e saj gjatë një loje brutale për të shpëtuar një grua dhe foshnjën e saj.

Krijuesi i serisë, Hwang Dong-hyuk, thotë se donte të krijonte një moment emocional që sfidon pritshmëritë, duke vendosur personazhin përballë një dileme ekstreme morale.

Pas aktit, Geum-ja kryen vetëvrasje. Sipas Hwang, sezoni i tretë flet për sakrificat që shpesh kërkon jeta edhe kur nuk ka zgjidhje të drejta.

The post “Squid Game 3” trondit me skenën më të errët: Një nënë që vret djalin për të shpëtuar një tjetër jetë appeared first on iconstyle.al.

TIRANË, 29 qershor /ATSH/ Ditët e fundit të shkollës verore te “Avni Rustemi” janë kthyer në një festë të bukur.

Ministrja e Arsimit dhe Sportit, Ogerta Manastirliu u shpreh se “fëmijët jo vetëm janë argëtuar, por kanë realizuar edhe një film të vërtetë, ku kanë treguar përvojën e tyre në këtë verë të veçantë”.

Gjithashtu, fëmijët e përfshirë në programin e shkollës verore te “Avni Rustemi” përcollën mesazhet e tyre të falënderimit, ndërsa u shprehën se u kënaqën shumë këto dy javë me aktivitete zbavitëse, lojëra, argëtim, etj.

Shkolla Verore zhvillohet çdo ditë nga ora 08:00 deri në 13:00 për një periudhë dyjavore në secilën shkollë. Gjatë kësaj kohe, fëmijët marrin pjesë në një sërë aktivitetesh si: art dhe zeje, mësim i gjuhëve të huaja, kodim, sport, lojëra kreative, projekte STEM, diskutime mbi libra dhe biseda me të ftuar nga fusha të ndryshme të jetës publike e sociale. Veçanti e programit është ofrimi i vakteve ushqimore të shëndetshme për të gjithë nxënësit.

Në zbatimin e programit janë angazhuar punonjës psiko-socialë, oficerë sigurie, infermierë por edhe të rinj vullnetarë nga gjimnazet e Tiranës.

Shkolla Verore është pjesë e një plani më të gjerë të Ministrisë së Arsimit dhe Sportit për të nxitur përfshirjen sociale dhe zhvillimin e fëmijëve.

“Ky është një projekt që po pilotohet për të parë mundësinë për ta shtrirë në vitet e ardhshme edhe në shkolla të tjera. Lehtëson shumë prindërit gjatë verës për t’i sjellë fëmijët pikërisht në ambientet ku ata janë mësuar, në shkollat e tyre. Ne kemi organizuar aktivitete të shumta, janë rreth 10 klube argëtimi apo edhe të mësuarit përmes lojës, hapësira të sigurta për fëmijët, por mbi të gjitha hapësira ku fëmijët të edukohen, shoqërohen me njëri-tjetrin dhe mbi të gjitha të kalojnë periudhën e verës nën kujdesin e mësuesve”, është shprehur më herët Manastirliu.

/e.i/a.f/

The post Manastirliu: Fundi i shkollës verore te “Avni Rustemi”, fëmijët realizojnë një film të vërtetë appeared first on Agjencia Telegrafike Shqiptare.

GJIROKASTËR- Ka përfunduar studimet për laborante dentare, por sot realizon dhe krijon në një tjetër fushë, atë të krijimtarisë artistike me materiale të riciklueshme.

Amantia Rrokaj që prej kohësh jeton në kryeqytetin grek, Athinë, tregon se gjithçka nisi thjesht rastësisht.

Punimet sjellin panorama, imazhe e figura të ndryshme, ndërsa realizimi I tyre kohor është në varësi edhe të sigurimit të lëndës së parë materiale.

Me mbi 400 realizime, artistja amatore ka çelur ekspozita në disa qytete të Greqisë, por edhe në vendin tonë, ndërsa shton se më të interesuarit për këto punime janë shtetasit perëndimorë.

Por sa I mungon profesioni I vërtetë dhe ku lidhet me atë që ushtron sot?

Kjo është hera e dytë që Amantia Rrokaj çel ekspozitë në Gjirokastër, pikërisht në zemër të pazarit karakteristik ku punimet e saj kanë tërhequr edhe vëmendjen e turistëve të shumtë./abcnews.al

TIRANË, 27 qershor /ATSH/ Festivali Ndërkombëtar i Muzikës së Dhomës çel sot edicionin e tij jubilar të 20-të pranë katedrales “Shën Luçia”.

Ky festival, tashmë i njohur për nivelin e lartë profesional dhe artistik të koncerteve do të prezantojë përgjatë një muaji zhanre të ndryshme të muzikës së dhomës.

Kryetarja e bashkisë Durrës, Emiriana Sako tha se festivali do të vijojë deri në 21 korrik dhe do të sjellë në zemër të qytetit bregdetar, në katedralen “Shën Luçia”, një udhëtim të pasur përmes muzikës së dhomës.

“Artistë nga mbi 10 vende, formacione të njohura, projekte të reja artistike dhe bashkëpunime ndërkombëtare, në një festival që bashkon traditën dhe risinë, tingujt klasikë dhe emocionin e drejtpërdrejtë”, tha Sako.

Sipas programit, festivali nis sot me koncertin e trios “Amadeus”, grupi i njohur që vjen nga Austria, ndërsa performanca e fundit e parashikuar në datën 21 korrik do të jetë një koncert piano kuartet me artistë nga Shqipëria, Amerika dhe Italia.

Festivali zhvillohet nga shoqata Arti dhe Kultura Italo-Shqiptare, që u krijua me iniciativën e disa artistëve durrsakë, të cilët kanë studiuar e kaluar një pjesë të veprimtarisë së tyre në Itali. Qëllimi i kësaj shoqate ka qenë dhe është bashkëpunimi i artistëve shqiptarë me të huaj, këmbimi i eksperiencave të kulturave të vendeve të ndryshme.

Gjatë aktivitetit të këtyre viteve kjo shoqatë ka organizuar mjaft koncerte në Durrës, Tiranë dhe Itali të cilat kanë përcjellë në publik një nivel të lartë interpretimi artistik.

Sipas organizatorëve ky festival u krijua pikërisht me qëllimin për të siguruar një vazhdueshmëri jo vetëm në njohjen e kulturave të ndryshme nëpërmjet artistëve të ardhur nga Italia, Austria, Franca, Greqia, Zvicra, Kosova, etj., por edhe me dëshirën e madhe për t’u ballafaquar me këto kultura dhe kjo nëpërmjet shfaqjeve të përbashkëta me instrumentistë shqiptarë.

Një tjetër synim i këtij aktiviteti është pjesëmarrja e artistëve shqiptarë, që jetojnë e punojnë jashtë Shqipërisë.

/e.i/j.p/

The post Nis sot edicioni i 20-të i Festivalit Ndërkombëtar të Muzikës së Dhomës në Durrës appeared first on Agjencia Telegrafike Shqiptare.

Dy ditë pas debutimit të tij, “The Waterfront” ka arritur të bëhet seriali më i ndjekur në Netflix në nivel global, sipas të dhënave nga FlixPatrol.

I xhiruar në qytetet Wilmington dhe Southport të Karolinës së Veriut, të njëjtat lokacione ku u realizua edhe seriali klasik “Dawson’s Creek”, ky thriller familjar sjell një histori të fortë dhe plot tension.

Në qendër të ngjarjes është familja Buckley, pronarë të një restoranti në qytetin imagjinar jugor të Havenportit. Kur patriarku Harlan pëson dy atake në zemër dhe nuk është më në gjendje të drejtojë biznesin, gruaja dhe djali i tij përballen me sfidën e shpëtimit të perandorisë familjare. Kur problemet financiare bëhen të pakapërcyeshme, ata vendosin të ndërmarrin një rrisk të madh, kontrabandën e heroinës përmes një varke peshkimi.

Duke u futur në botën e errët të kontrabandës, familja ballafaqohet me kërcënime nga autoritetet dhe organizata kriminale të fuqishme, veçanërisht me Grady-n, udhëheqës i një grupi të rrezikshëm kriminal, i luajtur nga Topher Grace.

Në këtë dramë komplekse, vendin e vet e gjejnë edhe Bree, vajza e familjes, e cila lufton për kujdestarinë e djalit të saj ndërsa ndodhet në rehabilitim, si dhe Shawn, baristi misterioz që sjell tension dhe enigma të reja në rrëfim.

Krijuesi Kevin Williamson, i njohur për hitet “Dawson’s Creek” dhe “Scream”, bazon historinë në përvojat e tij personale në një komunitet peshkatarësh, duke përfshirë edhe ngjarjet e vërteta të babait të tij në kontrabandën e viteve 1980.

Me një kast të fuqishëm aktorësh dhe një rrëfim të ndërlikuar, “The Waterfront” është një tjetër sukses që po tërheq vëmendjen e audiencës në mbarë botën

The post “The Waterfront” pushton Netflix, seriali që po bën bujë në mbarë botën appeared first on iconstyle.al.

TIRANË, 23 qershor /ATSH/ “Kartolina nga Askund” ishte tema e edicionit të 8-të të festivalit “Ekrani i Artit”, që çoi në Shkodër pesë ditë të pasura me filma bashkëkohorë, videoart dhe reflektim ndërdisiplinor.

Në këtë edicion, i cili zgjati prej datës 18 deri më 22 qershor, u shfaqën 111 vepra, përfshirë 40 premiera shqiptare dhe ku morën pjesë 30 artistë nga e gjithë bota.

Programi u shtri në hapësira të ndryshme të qytetit, që nga Kinema Republika e saporihapur, tek Galeria e Artit, qendra kulturore Art House, Auditoriumi Françeskan dhe hapësira publike si Rruga G’juhadol.

Pikat kulmore përfshinë ekspozitën retrospektive Rewind, programet ndërkombëtare bashkëpunuese, shfaqje të artistëve si Masbedo, Anri Sala, Elena Dorfman, Barbara Prenka, si dhe përfshirjen aktive të komunitetit dhe të rinjve.

Ekrani i Artit mbetet një platformë që fton në përjetim dhe mendim kritik përmes artit bashkëkohor.

1 nga 13

/r.e//a.f/

The post Ekrani i Artit solli në Shkodër artin bashkëkohor dhe mendimin kritik appeared first on Agjencia Telegrafike Shqiptare.

Real Madridi ka marrë një vendim kyç në planifikimin e verës: Angelo Stiller nuk do të veshë fanellën e bardhë. Pavarësisht raportimeve që e lidhin atë si një zgjidhje të mundshme për boshllëkun e lënë nga Luka Modric dhe, më parë nga Toni Kroos, bordi ka vendosur të mos i çojë përpara negociatat me mesfushorin gjerman të Stuttgartit, duke mbyllur kështu një derë që dukej e hapur.

Tranzicioni në mesfushë mbetet i papërfunduar. Edhe pse investimi i bërë te Jude Bellingham, Aurelien Tchouameni dhe Eduardo Camavinga kishte për qëllim të siguronte një ndryshim brezash, rezultatet nuk kanë qenë aq bindëse sa shpresohej.

Ndërsa Bellingham shkëlqen pranë zonës së penalltisë së kundërshtarit, dyshja franceze ende nuk e ka përsëritur autoritetin me të cilin Kroos dhe Modric diktuan ritmin e ndeshjes.

Ardhja e Xabi Alonsos në stol nuk e ka ndryshuar perceptimin te Valdebebas: mesfusha mbetet një zonë me mangësi strukturore. Pati përpjekje për të konkurruar për Martin Zubimendin, por Arsenali ia doli mbanë. Edhe pse emri i Stiller u sugjerua fuqimisht, marrëveshja në fund u anulua.

Me emra si Enzo Fernandez, Rodri dhe Mac Allister janë në listën e dëshirave, por pengesa më e madhe mbetet kostoja. Klubi nuk është i gatshëm të bëjë një investim të madh këtë verë, veçanërisht në një pozicion ku talentet e garantuara për të pasur një ndikim të menjëhershëm janë të pakta.

Ky kujdes mund ta ndërlikojë më tej fillimin e një sezoni në të cilin ekipi synon të ruajë dominimin e tij evropian. Ndërkohë, kërkimi për pasardhësin ideal vazhdon pa një drejtim të qartë. /Telegrafi/

The post Real Madridi përjashton mundësinë e nënshkrimit të yllit që kërkohet nga Xabi Alonsos appeared first on Telegrafi.

Udhëtimi për të ndjekur një koncert apo festival muzikor, një fenomen i njohur si gig-tripping, ka qenë prej kohësh një trend në udhëtime, me turizmin muzikor që pritet të arrijë një vlerë rreth 263 miliardë dollarë deri në vitin 2030.

Por cilat qytete janë në të vërtetë më të mirat për t’u vizituar nga adhuruesit e muzikës? Platforma e biletave SeatPick ka mbledhur të dhëna për numrin e koncerteve, hapësirave për koncerte dhe muzikore, festivaleve, artistëve vendas dhe bizneseve të lidhura me muzikën në shumë qytete, dhe secilit i është dhënë total pikësh nga 1 deri në 10.

Kush kryeson listën? Londra renditet e para me 9.67 pikë nga 10, falë 199 hapësirave për koncerte, 1,734 koncerteve, 44 festivaleve dhe, më mbresëlënëse, 3,042 artistëve vendas.

Skena muzikore dhe e jetës së natës në kryeqytetin britanik ka pasur vështirësi për t’u rikthyer në normalitet pas pandemisë, por Kryetari i Bashkisë së Londrës, Sadiq Khan, ka shpallur një “task forcë për jetën e natës”, për të ndihmuar në mbështetjen e hapësirave të muzikës në qytet.

Berlin

Në vendin e dytë renditet Berlini me 9.55 pikë. Çikago, Vjena dhe Nashvil plotësojnë pesëshen e parë të kësaj liste.

Çikago

Qytetet më të mira në botë për adhuruesit e muzikës:

1. Londër
2. Berlin
3. Çikago
4. Vjenë
5. Nashvil
6. Mançester
7. Nju Jork
8. Glasgou
9. Seattle
10. Bristol

/ Time Out, Shqip.al

The post Qytetet më të mira në botë për adhuruesit e muzikës appeared first on Revista Monitor.

TIRANË, 18 qershor /ATSH/ Festivali “Ekrani i Artit” hap siparin në Shkodër.

The post Festivali “Ekrani i Artit” hap siparin në Shkodër appeared first on Agjencia Telegrafike Shqiptare.

Pavarësisht se është publikuar më shumë se një dekadë më parë, “Twilight” mbetet një minierë e pafund detajesh për fansat dhe interneti ka gjetur një tjetër “perlë” të pazakontë.

Një përdorues në Reddit publikoi një video të shkurtër nga një skenë në film, ku Bella (Kristen Stewart) ndodhet në shkollë, dhe në sfond shfaqet një grup nxënësish që duken si… duke luajtur futboll pa top. Ata shfaqen duke goditur në ajër, si të ishin në mes të një loje, por pa asnjë objekt të dukshëm në skenë.

“Kjo është arsyeja pse Twilight është një film që vazhdon të japë,” – komentoi një përdorues, duke nxitur një valë teorish dhe spekulimesh.

Disa fansa më të vëmendshëm kanë sugjeruar se, në një version më të gjatë të skenës, grupi i figurantëve luan një lojë të quajtur ‘hacky sack’,  një lojë me një top të vogël që goditet me këmbë për të qëndruar në ajër.

Megjithatë, topi duket se mungon në versionin përfundimtar të filmit, duke bërë që skena të duket e paqartë dhe disi qesharake.

View this post on Instagram

A post shared by Tyler Warwick (@tyler_warwick)

The post Detaji i çuditshëm në “Twilight” që ka çmendur Reddit-in: Çfarë po bëjnë në sfond? appeared first on iconstyle.al.

Brian Wilson, një nga mendjet më novatore të muzikës pop dhe bashkëthemelues i grupit legjendar The Beach Boys, është ndarë nga jeta në moshën 82-vjeçare. Lajmi u konfirmua nga familja e tij këtë të mërkurë, më 11 qershor, përmes një postimi në Instagram, ku ndanin një fotografi të tij të buzëqeshur, ulur në një stol.

“Me zemër të thyer njoftojmë se babai ynë i dashur, Brian Wilson, është larguar nga kjo jetë,” shkruhet në deklaratë. “Jemi të pikëlluar dhe të mbushur me dhimbje. Ju lutemi të respektoni privatësinë tonë gjatë kësaj kohe të vështirë. E dimë që këtë humbje po e ndjejmë bashkë me gjithë botën. Love & Mercy.”

I lindur më 20 qershor 1942 në Inglewood të Kalifornisë, ai ishte fëmija më i madh i familjes dhe shfaqi që në moshë të hershme një talent të rrallë për muzikën. Dy biografi kushtuar jetës së tij, Wouldn’t It Be Nice dhe Inside the Music of Brian Wilson. e përshkruajnë si një mjeshtër të harmonive dhe melodisë, dhunti që e ngritën në majat e muzikës botërore dhe e bënë ikonë të pavdekshme të saj.

The post Bota e muzikës në zi: largohet një prej themeluesve të rrymës moderne pop appeared first on iconstyle.al.

TIRANË, 11 qershor/ATSH/ Ministrja e Arsimit dhe Sportit, Ogerta Manastirliu vizitoi sot shkollën “Mihal Grameno” në kryeqytet, ndërsa u shpreh se në shkollat tona po rriten kampionë dhe artistë të së ardhmes.

Ministrja Manastirliu vlerësoi nxënësit e kësaj shkolle, duke theksuar janë ata që na bëjnë krenarë me rezultatet e tyre në sport dhe me talentin e tyre të spikatur në muzikë dhe arte.

Ndërkohë, Manastirliu tha se mbështetja e Ministrisë së Arsimit dhe Sportit (MAS) do të vazhdojë për zhvillimin e talenteve, që çdo nxënës të ketë mundësi të shprehë potencialin e tij, jo vetëm në shkollë por dhe në skenat kombëtare dhe ato ndërkombëtare.

Programet e sporteve në shkolla, por edhe “Art & Zeje” synojnë angazhimin e të rinjve në aktivitete sociale, kreative dhe sportive jashtë orarit mësimor, duke pasuruar përvojat e tyre edukative.

1 nga 22

/e.i/a.f/

The post Manastirliu: Mbështetje nxënësve për zhvillimin e talenteve në skenat kombëtare dhe ndërkombëtare appeared first on Agjencia Telegrafike Shqiptare.

Nga këmbët e yjeve më të mëdhenj të kinemasë, drejt duarve krijuese të stilistëve, kjo është rruga e re e qilimit të kuq të Festivalit të Filmit në Kanë. Materiali ikonik, që ndërrohej çdo ditë gjatë edicionit të këtij viti nga 13 deri më 24 maj, nuk do të përfundojë në mbetje, por do të vijojë jetën e tij në një tjetër skenë , atë të modës dhe artit.

Një ton e gjysmë i këtij materiali sintetik tashmë po shitet në Marseille për vetëm një euro për kilogram, jo si “qilimi i Kanës”, por si “material i hollë dhe i kuq”, siç thekson Jeanne Re, koordinatore e shoqatës “Réserve des Arts”, e cila merret me riciklimin për qëllime artistike.

Qëllimi, sipas saj, nuk është fitimi, por mundësia për t’i dhënë jetë të re mbetjeve kreative dhe për të ulur ndikimin mjedisor të eventeve madhore. “Nuk ka marketing pas kësaj. Duam vetëm që materiali të jetë i aksesueshëm për sa më shumë njerëz,” tha ajo për AFP.

Dhe krijimtaria nuk mungon: nga ky qilim janë bërë çanta dore elegante, mbajtëse shishesh vere, kapelë, apo edhe kuti për syze. Elsa Ramouni-Yordikian nga shoqata “Les Nippones”, e cila përdor pjesë të qilimit që prej katër vitesh, e quan këtë një mundësi për të prodhuar objekte të veçanta me histori dhe stil.

Kështu, një simbol i tapetit të famshëm që shkelën yjet në Kanë, vazhdon të shkëlqejë në formën më të tokëzuar dhe të qëndrueshme të mundshme.

The post Qilimi i kuq i Kanës, nga shkallët e famës te çantat e dorës në Marseille appeared first on iconstyle.al.