Një vlerë e madhe e shtuar për ekipin dhe për ligën.

Kështu cilësohet në Iran transferimi i Jasir Asanit tek Esteglali, një lëvizje që ka bëjë bujë dhe ka krijuar komente e polemika.

Sipas mediave në Teheran, klubi nga kryeqyteti ka marrë përsipër një rrezik të madh financiar, aq më tepër që ka pasur probleme ekonomike këto kohë.

Kjo, sepse rroga e yllit të kombëtares shqiptare jepet në 2.6 milionë USD për dy sezone, që do të thotë 1.3 milionë USD në vit.

Duhet theksuar se kjo pagë nuk do të taksohet për asnjë dollar, ndërsa edhe rroga mesatare në Iran deri në 500 USD taksohet ndjeshëm.

Nga ana tjetër, shqetësimi është i madh lidhur me atë që bën futbollisti jashtë fushe.

Mediat shkruajnë se historia e Asanit me mungesë disipline dhe probleme morale në Kuangju është alarmante, ndërsa drejtuesit e Esteghlalit duhet të jetë në gjendje ta kontrollojë këtë lojtar.

Sidoqoftë, përfitimet sportive cilësohen shumë më të mëdha.

Në Teheran theksojnë se shqiptari 30-vjeçar mbiquhet “Arjen Roben” i Azisë, se ka shkëlqyer në një nga ligat më të forta të Azisë, siç është ajo e Koresë së Jugut dhe në Champions, dhe se mund të jetë një ndihmë e madhe për skemat e trajnerit Sa Pinto që preferon të luajë me modulin 4-2-3-1, dhe që mund të luajë edhe në të majtë, edhe në të djathtë.

Pritshmëria për Asanin është e madhe, ndonëse duhet pasur parasysh se ai do të ketë nevojë edhe për kohën e përshtatjes me futbollin në Iran.

/abcnews.al/

TIRANË, 29 gusht /ATSH/ Kryetarja e Kuvendit, Elisa Spiropali njofton se Kuvendi përfundoi shqyrtimin e pozicioneve negociuese për gjashtë grup-kapituj.

Në një postim në rrjetet sociale, Spiropali shkruan se, “Me mbledhjen e sotme të Komisionit për Çështjet Europiane, Kuvendi shqyrtoi draftpozicionin negociues për Grup-kapitullin V “Burimet, bujqësia dhe kohezioni”.

Me këtë mbledhje përfunduam shqyrtimin e pozicioneve negociuese për gjashtë grup-kapitujt:

I “Themelorët”,

II “Tregu i brendshëm”,

III “Konkurrueshmëria dhe rritja gjithëpërfshirëse”,

IV “Agjenda e gjelbër dhe ndërlidhja e qëndrueshme”,

V “Burimet, bujqësia dhe kohezioni”,

VI “Marrëdhëniet me jashtë”, të cilat i janë paraqitur për miratim Këshillit të Ministrave”, shprehet Spiropali.

“Presim shumë shpejt mbajtjen e dy konferencave ndërqeveritare BE-Shqipëri, të cilat, me hapjen e negociatave për grup-kapitujt IV dhe V, do të shënojnë hapjen e negociatave për të gjithë grup-kapitujt”, thekson Spiropali.

Kryetarja e Kuvendit nënvizon se, “anëtarësimi i Shqipërisë në BE është kryefjala e Legjislaturës XI dhe e Kuvendit të ri”.

/gj.m//r.e//a.f/

The post Spiropali: Kuvendi përfundoi shqyrtimin e pozicioneve negociuese për gjashtë grup-kapituj appeared first on Agjencia Telegrafike Shqiptare.

Poezi nga Ali Podrimja

Kthehu në vargun e Homerit
kthehu atje prej nga erdhe
koha jote s’është kjo, kthehu
liroji njerëzit prej vetvetes
e hijeve liroji prej maskave
e ikjeve liroji prej pagjumësisë
e heshtjeve liroji prej etheve
e shirave koha jote s’është kjo
kthehu në vargun e Homerit
Troja ra e Marsejezën
kahmot s’e këndojnë njerëzit.

TIRANË, 28 gusht /ATSH/ Kryetarja e Kuvendit, Elisa Spiropali zhvilloi sot një vizitë në Shkodër, ku pati një takim me kryetarin e bashkisë, Benet Beci.

Spiropali u shpreh se me Becin diskutuan për projektet e reja për Shkodrën.

“Shkodër, së bashku me kryetarin e bashkisë dhe mikun, Benet Beci. Gjithmonë bukur të shohësh nga afër, të dëgjosh e diskutosh për projektet e reja për Shkodrën kryezonjë, qytetin dhe njerëzit që i kanë dhe i meritojnë të gjitha të mirat”, shkroi Spiropali në një postim në rrjetet sociale.

Më pas kryeparlamentarja zhvilloi një vizitë edhe në Malësinë e Madhe, ku pati një takim me kryetarin e bashkisë, Tonin Marinaj, me të cilin diskutuan projektet e shumta të përfunduara, si dhe nevojën për të vijuar mbështetjen e investimeve, fuqizimin e komuniteteve lokale dhe modernizimin e shërbimeve publike e infrastrukturës, për përmirësimin e cilësisë së jetës së qytetarëve.

“Gjithmonë kënaqësi vizitat në Malësi të Madhe. Me kryetarin e bashkisë, Tonin Marinaj diskutuam për projektet e shumta të përfunduara, si dhe nevojën për të vijuar mbështetjen e investimeve, fuqizimin e komuniteteve lokale dhe modernizimin e shërbimeve publike e infrastrukturës, për përmirësimin e cilësisë së jetës së qytetarëve”, shkroi Spiropali në një postim në rrjetet sociale.

1 nga 9

/gj.m/r.e//a.f/

The post Spiropali vizitë në Shkodër dhe Malësi të Madhe, diskutime për projektet me kryebashkiakët appeared first on Agjencia Telegrafike Shqiptare.

TIRANË- Kryetari i Partisë Demokratike, Sali Berisha, shpreson që një vendim i administratës se Trump për George Soros e rrëzon “non grata-n” e tij.

Doktori  duket i gëzuar, por një verifikim faktesh tregon se ai vazhdon të jetë person në listën e zezë të Departamentit të Shtetit, ndërsa Soros nuk është shpallur “non grata”.

Në lidhje me këtë çështje, analisti politik Ergys Mërtiri, i ftuar në emisionin “Tirana Live”, e cilësoi reagimin e Berishës si një përpjekje për të ruajtur kontrollin mbi partinë dhe militantët përmes “shpresave të rreme”.

“Çfarë thotë sot, nuk thotë nesër. Berisha jeton me ëndrra. Kërkon të shesë miqësinë imagjinare me Trump. Përpjekja që ka bërë Berisha është që të mbajë militantët dhe partinë me shpresa të rreme. Po Lufton për të mbijetuar, sepse është një hap larg ndaj pensionimit të tij politik” – u shpreh Mërtiri.

Sipas tij, mungesa e rivalitetit politik në vend e ka dëmtuar thellësisht skenën politike, ndërsa theksoi se kryeministri aktual Edi Rama nuk rrezikon humbjen e zgjedhjeve për shkak të mungesës së një kundërshtari të besueshëm.

“Politika është vrarë, sepse nuk ka rivalitet. Berisha nuk ka asnjë shans të vijë në pushtet. Nëse ai pranon zgjedhjet, pranon edhe humbjen dhe duhet të zbatojë statutin e partisë – që në rast humbjeje, kryetari duhet të largohet dhe nuk ka të drejtën e rikandidimit” – shtoi analisti.

Më tej, Ergys Mërtiri përmendi gjithashtu se në Partinë Demokratike ekziston një klimë “represive” ndaj zërave kritikë.

“Përjashtohet nga partia kush kërkon largimin e Sali Berishës”, theksoi ai./abcnews.al

Kryetarja e Kuvendit Elisa Spiropali zhvilloi sot një vizitë në Shkodër dhe në Malësinë e Madhe, gjatë së cilës u takua me Kryetarin e Bashkisë së Shkodrës Benet Beci, dhe atë të Malësisë së Madhe, Tonin Marinaj. Gjatë këtyre takimeve, Spiropali nënvizoi rritjen e mbështetjes për qeverisjen vendore dhe diskutoi me kryebashkiakët mbi projektet e reja zhvillimore, modernizimin e shërbimeve publike…

Source

Është ekstraduar nga Italia, në Shqipëri Hajrulla Xhivini, 42 vjeç, i cili ishte shpallur në kërkim për veprat penale “Kanosja për shkak të detyrës” dhe “Prishja e qetësisë publike”. Xhivini, i cili ka kandiduar për Drejtor të Përgjithshëm të Policisë së Shtetit, akuzohet për kanosje të përsëritur ndaj gjyqtarit të Gjykatës Administrative Lushnjë, E. L., […]

The post EMRI/ Kërcënoi gjyqtarin e Lushnjes, ekstradohet nga Italia ‘ish-kandidati’ për Drejtor Policie appeared first on BoldNews.al.

Kryeparlamentarja Elisa Spiropali, ishte e pranishme në Simpoziumin shkencor “Kufiri i shpresës dhe i vdekjes 1944-1991-Shkodra përballë të kaluarës”. Takimi u organizua sot (28 gusht) nga Autoriteti i Dosjeve, në Universitetin “Luigj Gurakuqi” në Shkodër, me rastin e 30 gushtit, Ditës Ndërkombëtare të të Zhdukurve. Kujtesa ndriçon të vërtetën dhe ndihmon ndërtimin e një shoqërie të shëndetshme…

Source

Prokuroria e Tiranës njoftoi të mërkurën se ka vendosur sekuestro preventive mbi 18 pasuri të paluajtshme, dy automjete luksoze dhe disa llogari bankare të Kristjan Konit dhe nënës së tij pensioniste. Koni është i akuzuar në Itali për përfshirje në një rrjet të trafikut të narkotikëve gjatë viteve 2007–2012. “Prokuroria pranë Gjykatës së Shkallës së […]

The post Prokuroria e Tiranës sekuestron pronat dhe kompaninë e të akuzuarit për trafik narkotikësh appeared first on Reporter.al.

Një 23-vjeçar shqiptar është arrestuar nga policia italiane në Umbria, i akuzuar për trafikim të lëndëve narkotike. Brenda makinës së tij u gjetën rreth 20 gramë kokainë, të ndara në 37 doza, dhe 780 euro në para të gatshme, të supozuara nga trafiku i drogës. Mediat italiane, kanë ngritur shqetësimin për shtimin e rasteve të […]

The post Kapet një i ri me d*ogë në Itali, mediat ngrenë alarmin: Pse është shtuar kaq shumë numri i trafikantëve shqiptarë appeared first on BoldNews.al.

Duartrokitje të gjata për kryeministren italiane,  Giorgia Meloni pas një fjalimi në Rimini, ku ajo foli edhe për Evropën, Gazën dhe Ukrainën.

”Ne kemi nevojë për një Evropë që bën më pak, por bën më mirë”, tha Meloni.

”Sfida është të përvijojmë një Evropë pragmatike, duke shkuar përtej debatit të ndenjur për më shumë ose më pak Evropë”, theksoi ajo.

”Misioni im është të siguroj që Italia të rimarrë vendin e saj të ligjshëm në botë: e fortë, krenare dhe autoritare”, tha Meloni.

”Sot, Italia jonë ynë ka rifituar vendin e saj në botë. Nuk konsiderohet më e sëmura e  Evropës, por një model stabiliteti. Investitorët na shohin si një vend të sigurt dhe normat e interesit tani janë në përputhje me ato të Francës”, vërejti kryeministrja.

”Për sa i përket BE-së në gjendjen aktuale, ajo është e dënuar me mungesë rëndësie gjeopolitike, e paaftë për t’iu përgjigjur sfidave konkurruese me Shtetet e Bashkuara dhe Kinën”, tha Meloni.

Lidhur me situatën në Lindjen e Mesme, Meloni theksoi se “nuk kemi hezituar për asnjë minutë në mbështetjen e të drejtës së Izraelit për siguri pas 7 tetorit, një tmerr që do të mbetet i skalitur në ndërgjegjen e terroristëve. Por, nuk mund të heshtim sot përballë një reagimi që ka shkuar përtej parimit të proporcionalitetit, duke pretenduar viktima të pafajshme” dhe duke synuar gjithashtu “komunitetet e krishtera”.

“Ne dënojmë vrasjen e papranueshme të gazetarëve në Gaza”, theksoi ajo.

“U bëjmë thirrje të gjitha vendeve të ushtrojnë çdo presion të mundshëm mbi Hamasin për të liruar pengjet që mbahen ende. Dhe i bëjmë thirrje Izraelit të ndalojë sulmet, të ndalojë zgjerimin e vendbanimeve të kolonëve në Bregun Perëndimor dhe të lejojë aksesin në ndihmë humanitare. Italia është vendi evropian që ka bërë më shumë”, theksoi ajo.

”Ndërkohë, pas tre vitesh lufte në Ukrainë janë hapur shkëndija shprese për një rrugë të negociuar, falë rezistencës heroike të popullit ukrainas dhe mbështetjes së bashkuar të Perëndimit, Evropës dhe Italisë, pavarësisht një opinioni publik që nuk është gjithmonë i bindur”, shtoi ajo.

“Çelësi i paqes është aktivizimi i garancive të forta të sigurisë për Ukrainën, të afta për të parandaluar agresion të mëtejshëm. Kjo është pika e fillimit e vendosur në Uashington. Propozimi italian, i bazuar në një mekanizëm të frymëzuar nga Neni 5 i NATO-s, është aktualisht kryesori në tryezë dhe për këtë duhet të jemi krenarë”, vërejti kryeministrja italiane, Giorgia Meloni.

Një deponi e veturave në Hajvali është përfshirë nga zjarri.

Rasti ka ndodhur rreth orës 11:30, dhe si pasojë e zjarrit janë dëmtuar disa vetura.

Lajmin për Telegrafin e ka konfirmuar zëdhënësja e policisë për rajonin e Prishtinës, Flora Ahmeti.

“Rreth orës 11:30, është raportuar për një incident zjarri në Hajvali, ku në një autoservis janë përfshirë nga zjarri disa vetura. Policia menjëherë ka dalë në vendin e ngjarjes, po ashtu janë ftuar edhe zjarrfikësit të cilët kanë arritur lokalizimin e zjarrit”, ka thënë Ahmeti.

Ajo ka shtuar se nuk raportohet për persona të lënduar.

“Aktualisht po vijon puna hetimore për sqarimin e plotë të rrethanave që karakterizojnë ngjarjen”, tha Ahmeti.

Ndërkaq drejtori i zjarrfikësve, Malë Gashi tha se ata informatën e pranuan rreth orës 11:45 dhe se fillimisht u ishte thënë se janë duke u djegur mbeturina dhe se dyshohej për një veturë të përfshirë nga zjarri.

“Ekipet menjëherë kanë dalë në vendin e ngjarjes, dhe kanë parë që ishte përfshirë nga zjarri deponi e veturave dhe materialeve të ndryshme (vetura, hekrari dhe material të ndryshme). Zjarri është lokalizuar”, tha Gashi.

E Drejtoria për Siguri dhe Emergjenca ka njoftuar se falë reagimit të shpejtë dhe koordimit të mirë mes ekipeve në terren, flakët janë lokalizuar dhe është parandaluar përhapja e mëtejshme e zjarrit në zonat përreth.

“Deri më tani nuk raportohet për të lënduar, ndërsa dëmet materiale janë të konsiderueshme. Autoritetet kanë nisur hetimet për të zbuluar shkakun e zjarrit, ndërsa banorët pranë zonës janë këshilluar të shmangin lëvizjen në afërsi për shkak të tymit të dendur dhe rrezikut të mbetjeve të djegura”, thuhet në njoftim. /Telegrafi/

The post Zjarr në Hajvali – përfshihet nga flakët një deponi e veturave, s’raportohet për të lënduar appeared first on Telegrafi.

Gjykata e Durrësit ka caktuar masën e sigurisë “arrest në burg” për Ardit Domin dhe Leonard Çalin, të përfshirë në një përplasje të dhunshme me policinë. Sipas hetimeve, dy të rinjtë qëlluan me armë zjarri në drejtim të efektivëve, pasi policia tentoi t’i ndalonte. Në vend që t’i bindeshin urdhrit, ata u larguan me shpejtësi […]

The post Qëlluan me a*më ndaj policisë, Gjykata e Durrësit lë në burg Ardit Domin dhe Leonard Çalin appeared first on BoldNews.al.

TIRANË, 27 gusht /ATSH/ Policia e Shtetit finalizoi tre operacione në qarkun e Fierit për kapjen e shtetasve të shpallur në kërkim ndërkombëtar.

Në pranga u vunë tre shtetas të cilët akuzohen nga autoritetet italiane, si pjesëtarë të një organizate kriminale që trafikonte lëndë narkotike.

Policia njoftoi sot se “konkretisht në kuadër të operacionit “Operacionalja 61”, u kap dhe u vu në pranga shtetasi K. Sh., 24 vjeç, banues në Fier; në kuadër të operacionit “Operacionalja 62” u kap dhe u vu në pranga A. M., 29 vjeç, banues në Fier; në kuadër të operacionit “Operacionalja 63” u kap dhe u vu në pranga shtetasi E. F., 22 vjeç, banues në Fier”.

“Këta shtetas ishin shpallur në kërkim ndërkombëtar, pasi Gjykata e Riminit, Itali, iu ka caktuar masën e sigurisë “Arrest në burg”, për veprat penale “Organizata kriminale” dhe “Trafikimi i  narkotikëve”. Maksimumi i dënimit: 10 vjet burgim”, njoftoi policia.

Sipas policisë ata akuzohen se gjatë periudhës qershor-dhjetor 2024, në bashkëpunim me njëri-tjetrin dhe me shtetas të tjerë, kanë blerë sasi të mëdhaja droge, me qëllim shitjen në qytetin e Riminit.

Interpol Tirana, në bashkëpunim me Interpol Romën, vijon procedurat për ekstradimin e këtyre shtetasve në Itali.

/m.q/j.p/

The post Në kërkim në Itali si pjesëtarë të grupeve kriminale, arrestohen tre persona në Fier appeared first on Agjencia Telegrafike Shqiptare.

U përfshinë në një përplasje të dhunshme me policinë, lihen në burg, Ardit Domi dhe Leonard Çali. Gjykata e Durrësit ka vendosur si masë sigurie “arrest në burg” për dy të rinjtë, të cilët qëlluan me armë zjarri në drejtim të forcave te policisë, teksa këta të fundit u ishin vënë në ndjekje.

Kur policia tentoi të ndalonte mjetin, Domi dhe Çali refuzuan t’i bindeshin urdhrit duke u larguar me shpejtësi. Në Vorë, automjeti doli nga rruga, por dy të rinjtë vijuan rezistencën, duke hapur zjarr, dyshohet me kallashnikov në drejtim të efektivëve.

Përballë kësaj situate, policia u kundërpërgjigj me armë. Si rezultat, Ardit Domi mbeti i plagosur, ndërsa Çali u neutralizua dhe përfundoi në pranga.

Ata u paraqitën të dy para togave te zeza në gjykatën e Durrësit, edhe pse Ardit Domi me plagë të rënda që pësoi gjatë shkëmbimit të zjarrit me forcat e policisë. Ai ka marrë një plumb në qafë./abcnews.al

Një incident fatal ndodhi gjatë një ndeshjeje me dema në arenën Campo Pequeno të Lisbonës, Portugali ku një 22-vjeçar, Manuel Maria Trindade, humbi jetën pas një sulmi nga një dem i madh. Sipas raportimeve, i riu u përpoq të kontrollonte brirët e kafshës, por demi e hodhi në ajër dhe më pas për muri. Spektatorët […]

The post Tragjedi në Portugali, demi sulmon dhe v*et një 22-vjeçar gjatë ndeshjes/ VIDEO appeared first on BoldNews.al.

Regjisori i famshëm amerikan, Francis Ford Coppola do të mbajë nesër një fjalim mirënjohjeje për regjisorin e njohur gjerman, Werner Herzog, me rastin e dhënies së ”Luanit të Artë për Arritje në Jetë”, në sallën e madhe të Pallatit të Kinemasë, gjatë natës hapëse të Festivalit të 82-të Ndërkombëtar të Filmit në Venecia.

Nesër në orën 17:00, në sallën ”Korinto” do të prezantohet dokumentari i Mike Figgis ”Megadoc”.

Ky dokumentar bën pjesë në seksionin ”Venice Classics” dhe sjell prapaskenat e xhirimeve të filmit më të fundit të Francis Ford Coppola ”Megalopolis”.

Regjisori i madh Coppola e ka marrë ”Luanin e Artë për Arritje në Jetë” në vitin 1992, gjatë Festivalit të 49-të Ndërkombëtar të Filmit në Venecia.

Werner Herzog do të shfaqë dokumentarin e tij të ri ”Ghost Elephants”, jashtë konkurrimit, nesër.

Po nesër ai do të mbajë edhe një masterclass në ”Match Point Arena”, pranë ”Tennis Club Venezia”, në Lido./ atsh/ KultPlus.com

Një turist shqiptar, që ndodhej në Itali për pushime, u arrestua në qytetin e Ternit pasi u kap duke trafikuar kokainë. Karabinierët vunë re lëvizjet e dyshimta të të riut gjatë qarkullimit me makinën e marrë me qira dhe vendosën të kontrollonin mjetin. Gjatë kontrollit u gjetën 28 doza kokainë me një peshë totale prej […]

The post Për pak u përplas me policinë, kapet me kok*inë shqiptari në Itali appeared first on BoldNews.al.

TIRANË, 26 gusht /ATSH/ Kryetarja e Kuvendit Elisa Spiropali uroi sot kryetarin e ri të zgjedhur të Kuvendit të Kosovës, Dimal Bashën.

Nëpërmjet një postimi në rrjetet sociale, kryeparlamentarja përgëzoi gjithashtu Kuvendin e Kosovës “për çeljen e rrugës për ndërtimin e institucioneve të reja demokratike pas zgjedhjeve”.

“Mezi pres të rifillojmë bashkëpunimin e ngushtë vëllazëror mes Kuvendit të Shqipërisë dhe Kuvendit tē Kosovës, për të mirën e qytetarëve tanë, për mbështetjen e integrimit euroatlantik të dy vendeve tona, dhe garantimin e mbrojtjen e të drejtave të shqiptarëve në rajon”, shkruan Spiropali.

Kuvendi i Kosovës zgjodhi sot deputetin e Lëvizjes Vetëvendosje, Dimal Basha për kryetar të Kuvendit.

Në përpjekjen e 58-të për konstituimin e Kuvendit, propozimi i Vetëvendosjes u miratua me 73 vota pro, 30 kundër dhe 3 abstenim.

Ai arriti t’i marrë votat e nevojshme falë votës së një pjesë të deputetëve të PDK-së, AAK-së dhe një pjese të pakicave. LDK dhe Lista Serbe votuan kundër.

Pas vendimit të Gjykatës Kushtetuese për zgjidhjen e ngërçit të krijuar, kjo ishte seanca e katërt e zhvilluar ku deputetët dhanë dakordësi për emrin e Dimal Bashës si kreu i ri i Kuvendit të Kosovës.

/m.q/j.p/

The post Dimal Basha në krye të Kuvendit të Kosovës, Spiropali: Rifillojmë bashkëpunimin e ngushtë vëllazëror appeared first on Agjencia Telegrafike Shqiptare.

Read More...