Sektori i turizmit ka arritur në një pikë kthese. Dy rrugë: rënie ose rigjenerim. Udhëtimi ka ndryshuar; sasia e udhëtimeve po rritet, por edhe cilësia e udhëtarëve, shkruan nxwss.com.

Tashmë përvoja turistike shihet si një listë blerjesh, e cila ushtron presion mbi vendet dhe banorët e tyre.

Vera sjell diell, vapë dhe një atmosferë të qetë, një ndjesi që mund të lindë nga pushimet e shumëpritura, qoftë një pushim nga puna apo studimi.

Miliona njerëz vendosin të rezervojnë një udhëtim çdo vit, dhe zgjedhja e destinacionit pothuajse gjithmonë diktohet nga trendet e mediave sociale.

Me fjalë të tjera, vendet më “në modë” preken nga fenomeni i mbiturizmit.

Turizmi i tepërt

Edhe pse është një term i kohëve të fundit, numrat që e karakterizojnë duket se përshkruajnë një fenomen shumëvjeçar. Dhe të themi të drejtën, është.

Organizata Botërore e Turizmit parashikon që deri në vitin 2030, turistët do të kalojnë 2 miliardë.

Termi në vetvete është me të vërtetë relativisht i ri, i shpikur nga Rafat Ali, CEO dhe themelues i një firme analitike të industrisë së udhëtimeve.

Mbiturizmi i referohet “fenomenit ku një destinacion popullor ose një peizazh i veçantë mbingarkohet në mënyrë të paqëndrueshme nga turistët”.

Është e qartë se ky fenomen ka ekzistuar për shumë vite, por vetëm kohët e fundit ka tërhequr vëmendje të gjerë.

Turizmi i mbipopulluar i plazhit dhe roli i mediave sociale

Qoftë për të dokumentuar pushimet tuaja, për t’u prezantuar ndjekësve tuaj një vend të ri, apo për të mbajtur të azhurnuar “albumin” tuaj virtual, mediat sociale luajnë një rol të madh në udhëtimet e shumë njerëzve.

Vite më parë, para ardhjes së mediave sociale, ajo që mund të rriste turizmin në një vend ishte fjala gojë më gojë.

Një foto ose video e retushuar për ta bërë vendin ku ndodheni edhe më të bukur dhe të këndshëm për syrin vetëm sa rrit dëshirën e atyre që e shikojnë atë pas një ekrani për ta vizituar atë.

Ekspozimi që mund të fitoni përmes profilit tuaj në Instagram është shumë më i lartë se fjala gojë më gojë midis miqve. Duhet të merren në konsideratë edhe ndikuesit, pasi ata, sipas përkufizimit, e drejtojnë vëmendjen e ndjekësve të tyre në fusha me interes të kohëve të fundit.

Shkaqet e turizmit të mbipopulluar

Për ta kuptuar plotësisht fenomenin, duhet të thellohemi në shoqëri.

Zhvillimi i mediave të komunikimit dhe, mbi të gjitha, lëvizshmëria i inkurajon ndjeshëm turistët të udhëtojnë nga një vend në tjetrin.

Turizmi në vetvete sjell një rritje të madhe ekonomike që ndryshon stilin e jetës së njerëzve. Edhe ata mund të detyrohen të udhëtojnë diku tjetër për t’i shpëtuar turmave turistike.

Për më tepër, njerëzit gjithmonë duan të ndihen të veçantë, duke kërkuar destinacione ekskluzive dhe pak të njohura, për të qenë në gjendje të thonë: “Unë kam qenë atje dhe ju jo!”

Është e qartë se së shpejti ai destinacion do të mbushet me turistë dhe do të humbasë magjinë e tij të të paeksploruarës.

Ana tjetër e kësaj është zbulimi i vendeve të mrekullueshme, të cilat pa turistë do të mbeteshin të braktisura dhe të panjohura.

Blogerët e udhëtimeve: avokatë të mbi-turizmit?

Jo, ose të paktën jo tërësisht. Siç u përmend më sipër, mediat sociale luajnë një rol themelor në turizëm, dhe si në çdo fushë të jetës, e vërteta qëndron diku në mes.

Blogerët e udhëtimeve lindën nga dëshira për ta kthyer pasionin e tyre – udhëtimin – në një profesion.

Qëllimi i tyre kryesor është të vizitojnë destinacionet turistike më të njohura me një sy më kritik dhe vëmendje ndaj detajeve, duke ditur se si t’i drejtojnë më së miri ndjekësit e tyre se ku të qëndrojnë, të hanë ose thjesht cilat zona të vizitojnë ose të shmangin.

Sapo të kenë përfunduar listën e tyre të vendeve të famshme, kurioziteti i tyre për vendet më të largëta në Tokë rritet, kështu që ata fillojnë të kërkojnë. Videoja postohet në mediat sociale, dhe në çast, ndjekësit e tyre janë gati të rezervojnë pushimet e tyre të ardhshme atje.

Besohet se ky nuk është “faji” i blogerëve të udhëtimeve, por një pasojë e drejtpërdrejtë e marrëdhënies midis ndjekësit dhe ndikuesit.

Të kesh një figurë referimi i ndihmon të gjithë të kenë drejtim në jetën e tyre, dhe sigurisht ka nga ata që i ndjekin më seriozisht, ndërsa të tjerë, në vend të kësaj, distancohen më shumë nga mediat sociale.

Identifikimi dhe sjellja e tyre në vëmendjen e një audience më të gjerë ofron mundësinë për të zbuluar perla natyrore (ose urbane) që mund të ofrojnë një përvojë unike dhe të gjenerojnë të ardhura për destinacionin.

Varet nga turistët të jenë sa më respektues ndaj natyrës dhe vendit.

Pothuajse tre vjet pas finales epike të Kupës së Botës 2022, FIFA ka publikuar për herë të parë pamje mahnitëse me dron nga triumfi dramatik i Argjentinës ndaj Francës në stadiumin Lusail.

Ndeshja përfundoi 3-3 pas kohës shtesë, përpara se Argjentina të siguronte titullin botëror me rezultatin 4-2 në penallti, në një nga finalet më emocionuese në historinë e futbollit.

Pamjet e publikuara ofrojnë një perspektivë unike nga ajri, duke i lejuar tifozët të rijetojnë çdo moment vendimtar – nga goditjet e penalltive, tek reagimet e lojtarëve dhe emocionet që shpërthyen në stadium.

Reagimet në rrjetet sociale nuk munguan:

Një tifoz shkroi: “Çfarë momenti i bukur”.

“Finalja më e mirë e të gjitha kohërave”, shkroi dikush tjetërt.

Një tjetër la komentin: “Nuk harrohet kurrë”.

“Ende nuk mund ta besoj që Messi e goditi atë penallti në atë mënyrë. Gati sa nuk u çmenda”, ishte komenti plotë emocion i një tifozi.

Ky publikim po rikthen në vëmendje një nga momentet më të paharrueshme të futbollit modern – një finale që do të mbetet në histori jo vetëm për rezultatin, por edhe për emocionin që dhuroi. /Telegrafi/

The post Rijetojeni dramën: FIFA publikon pamjet e shumëpritura nga droni nga finalja e Kupës së Botës Argjentinë-Francë appeared first on Telegrafi.

Ka marrë edhe më shumë para, por jo vetëm për një muaj.

Çelsi është një skuadër angleze, në një Premier Ligë ku kampionia fiton plot 175 milionë paundë në sezon, por gjithsesi, paratë që u futën në xhep në Kupën e Botës për Klubet nuk janë aspak për t’u hedhur poshtë.

Përkundrazi.

Blutë e Londrës, që fituan për herë të parë këtë trofe pas finales ndaj Paris SG në stadiumin “Metlajf” të Nju Xhersit, arkëtuan një shifër prej afërsisht 100 milionë eurosh.

BBC britanike e jep përfitimin në 84 milionë paundë, apo rreth 114 milionë USD, ndërsa televizioni amerikan CBS, shkruan se përfitimet ishin 103.5 milionë euro apo 121 milionë USD.

Në çdo rast janë shumë, aq më tepër për vetëm një muaj punë.

Për më tepër, sipas televizionit të mësipërm amerikan, Çelsi ka fituar në total nga aventura amerikane plot 154 milionë USD, duke përfshirë edhe të ardhura që nuk lidhen vetëm me pjesëmarrjen.

Të mos harrojmë se Blutë e Londrës morën 164 milionë paundë për vendin e katërt në Premier Ligë, që do të thotë 220 milionë USD.

Trajneri Enzo Mareska pritet të bëjë blerje të fuqishme, që skuadra e tij të pretendojë tituj të mëdhenj edicionin e ardhshëm, pse jo kampionatin anglez dhe Championsin.

Përse të mos I synojë një ekip që mundi Paris SG 3-0 në finalen e Botërorit të Klubeve duke merituar gjithçka?

Një grua 21-vjeçare britanike lundroi 7026 kilometra përmes Oqeanit Atlantik, duke u bërë personi më i ri që e ka bërë ndonjëherë këtë, dhe duke fituar tre rekorde botërore gjatë këtij procesi.

Zara Lachlan u nis nga Lagosi i Portugalisë në varkën e saj dhe lundroi deri në Cayenne, Guinea Franceze, një udhëtim që zgjati 97 ditë, 10 orë dhe 20 minuta.

Lachlan fitoi tre Rekorde Botërore Guinness gjatë këtij procesi: Femra e parë që drejtoi nje varkë përtej Atlantikut nga Evropa në Amerikën e Jugut, nga kontinenti në kontinent. Personi më i ri që shkoi vetëm përtej Atlantikut nga Evropa në Amerikën e Jugut dhe personi më i ri që lundroi vetëm në oqean (femër).

“Thjesht e shijova shumë të gjithë përvojën. Mendova se do të isha shumë më e frikësuar nga ç’isha” tha ajo për Guinness. Lachlan tha se lundroi për të paktën 17 orë në çdo ditë të udhëtimit të saj, duke mos fjetur kurrë më shumë se 90 minuta në të njëjtën kohë.

The post Kalon Atlantikun e vetme me varkë, 21-vjeçarja thyen rekord botëror appeared first on Albeu.com.

Do të kishte qenë një kuriozitet i madh.

Mbiemri Belingham është bërë i shquar këto kohë në futbollin botëror, dhe pikërisht në turneun e madh të klubeve në Amerikë dy vëllezër mund të ishin kundërshtarë.

Xhud Belingham i Realit, dhe i vogli i familjes, Xhob.

Shorti ishte i tillë që e bënte të mundshëm këtë duel, ashtu si edhe sukseset e dy skuadrave, Real Madrid e Borusia Dortmund, por papritur në ekuacion ndërhyri një e panjohur që u bë fatale.

Xhob Belingham mori karton të verdhë në sfidën që Dortmundi fitoi 2-1 kundër Monterrejit, dhe kjo bëri që të pezullohej.

Njëzetvjeçari e kishte një të verdhë më herët, dhe kjo bëri që ai të mos llogaritet për gjermanët në duelin e çerekfinaleve.

Pra, Xhud do të jetë I vetëm në fushë, ndërsa motive do të jetë I njëjtë, të japë maksimumin për të fituar ndeshjen dhe për të arritur në gjysmëfinalen e Kupës së Botës për Klubet, siç edhe I takon emrit më të madh të futbollit në rruzull.

Për fat të keq, Borusia I shkaktoi një fatkeqësi ish-kapitenit të Realit, Sergio Ramos, që në radhët e Monterrejit bëri ç’mos të siguronte një sfidë me ish-skuadrën e tij.

Kjo nuk ndodhi, dhe Botërori I humbi të dy duelet interesante, atë Real-Ramos dhe atë mes vëllezërve Belingham.

Ja pra që dikush duhej të mbetej. Ky dikush është Fluminense, skuadra nga Rio de Zhaneiro, që do të vazhdojë ta mbrojë nderin e Brazilit në Kupën e Botës për Klubet.

Në stadiumin me emrin imponues “Banka e Amerikës” në Sharlotë, valixhet I bëri gati Interi, njëra nga ato skuadra të Europës që pritej të ishte pretendente për trofeun.

Fluminense ia doli me zgjuarsi dhe cinizëm, duke e lënë ekipin zikaltër që të bënte lojën, e duke u bazuar te kundërsulmi dhe goditjet e shpejta.

Që në 3’ kaloi në epërsi me golin e shënuar nga Zherman Kano, dhe më pas nuk lejoi që Interi të konkretizonte epërsinë.

Rezultati u vulos vonë, në minutën e 3-të shtesë nga Herkules, ndërsa dështimi u ndje shumë në Itali.

Natyrisht, kritikave nuk mund t’i shpëtonte as Kristian Asllani që ishte titullar, ashtu siç nuk shpëtuan edhe të tjerët.

“Eurosport” I dha notën e dobët 4.5, ndonëse vetëm të tillë si Barela, Suçiç, Zomer apo Karboni ishin më të vlerësuar sesa ai.

Shqiptari u cilësua që bëri gabime të shumta, ndërsa mori edhe të verdhë.

Më pozitiv “Skaj Sporti” me një notë mjaft më të lartë, 5.5, edhe pse jo mjaft e mirë.

Shigjetimet më të mëdha I mori mbrojtja, që pësoi dy gola.

Ndërkaq, një kunj për interistët erdhi nga kapiteni I Fluminenses, Tiago Silva, ish-lojtar I Milanit që luan edhe në moshën 40-vjeçare.

“Gjithë kohën mendoja për këtë, mendoja për Milanin. Jam I sigurt që tifozët milanistë sot janë të kënaqur. Ishin me ne, pra kjo fitore është edhe për ata”.

Fluminense shpreson të arrijë gjysmëfinale, ndërsa në 4 korrik luan përballë ekipit të Arabisë Saudite, Al Hilal, që shkaktoi të papriturën e madhe duke eliminuar Mançester Sitin.

Me darkën në pallatin Huis Den Bosch dhe çiftin mbretëror holandez si pritës, punimet e Samitit të NATO-s po fillojnë praktikisht. Donald Trump u shfaq me një kostum në nuanca blu por më të çelëta, dhe Zelensky në një paraqitje të rrallë me kostum. Krerët e vendeve kanë shkrepur një foto familjare ku bie në sy kryeministri Edi Rama me look-un e tij ndryshe nga të tjerët. Me një kostum bezhë ai është i pozicionuar në fund të radhës përshkak edhe të gjatësisë së tij. Ai është në krah të homologut të tij hungarez, Victor Orban.

Gjithashtu janë publikuar foto nga mbërritja e liderëve të tjerë si Merz, Starmer, Meloni dhe Erdogan. Pamjet e tjera të publikuara janë brenda një sallr ku shihen liderët të ulur dhe sekretari i përgjithshëm i NATO-s, Mark Rutte mbaj fjalim.

Çështja kryesore në samit është rritja e shpenzimeve të mbrojtjes, në 5%, për të cilën pritet të arrihet një marrëveshje. Kreu i Aleancës, Mark Rutte pas zbulimit të mesazheve që i dërgoi presidentit amerikan në lidhje me ndërhyrjen e tij në luftën Izrael-Iran, këmbënguli se pa Trump, NATO nuk do të rriste shpenzimet.

Vëzhgimi i Trump se evropianët në veçanti shpenzojnë pak për mbrojtjen e përbashkët , të cilin ai e bëri para përfundimit të mandatit të tij të parë presidencial, ishte padyshim i saktë. Trump nuk e ndryshoi qëndrimin e tij dhe këmbëngul në 5%, të cilin Sekretari i Përgjithshëm holandez Rutte është i gatshëm ta arrijë, të paktën në letër.

Plani i Rutte parashikon shpenzime prej 5% për vitet e ardhshme, por në praktikë objektivi ka të bëjë me 3.5% shpenzime thjesht për mbrojtjen dhe 1.5% shpenzime dhe investime që lidhen me sigurinë dhe mbrojtjen, siç janë infrastruktura, industria dhe rezistenca. Afati kohor fillestar për zbatimin e angazhimit është viti 2035, por ende nuk është finalizuar dhe pritet gjithashtu të jetë një temë diskutimi midis udhëheqësve. Megjithatë, Spanja tashmë ka marrë një përjashtim nga rregulli, ndërsa Belgjika dhe Kanadaja kanë shprehur kundërshtime, kështu që debati mbi kohëzgjatjen e rregullimit do të jetë interesant.

The post FOTO/Nga Rama me look-un e veçantë te Zelenskyy me kostum dhe Macron-i gentleman, pamje nga takimet e liderëve me familjen mbretërore holandeze appeared first on Albeu.com.

Xhudistja nga Kosova, Laura Fazliu është renditur e treta në Kampionatin Botëror të këtij sporti, që po mbahet në Budapest të Hungarisë.

Sikurse vitin e kaluar, edhe këtë vit Laura e ka fituar medaljen e bronztë në kategorinë e seniorëve.

“Në xhiron e parë ajo ishte e lirë, në xhiron e dytë Laura mposhti Natalia Kropskan nga Polonia, kurse në xhiron e radhës ajo mposhti Carlotta Avanzaton nga Italia. Në çerekfinale Laura u mposht nga Rafaela Silva nga Brazili, duke vazhduar në repasazh me garuesen Enkhriilen Lkhagvatogoo nga Mongolia. Në ndeshjen vendimtare për të bronztë, Laura mposhti me Ippon, Nauana Silvan nga Brazili”, është thënë në njoftimin e Federatës së Xhudos të Kosovës në një postim në Facebook.

Në gusht të vitit të kaluar, xhudistja 24-vjeçare e ka fituar medaljen e parë olimpike në karrierë.

Ajo është shpërblyer me medalje të bronztë në kategorinë deri në 63 kilogramë.

Kur flitet për xhudon, Kosova është kthyer në emër me nam në botë, sidomos pas fitoreve të njëpasnjëshme të xhudistes Majlinda Kelmendi – tani trajnere – e cila pati shkruar historinë për Kosovën, duke ia siguruar medaljen e parë olimpike në Lojërat e mbajtura në Rio de Zhaneiro më 2016.

Kelmendi pati fituar medalje të artë.

Xhudoja është sporti i vetëm që i ka sjellë Kosovës medalje olimpike deri tani – pesë sosh.

LEXONI GJITHASHTU:

• Samiti i SEECP në Tiranë, Begaj: Serbia dhe Bosnja refuzuan deklaratën përfundimtare
• Berisha në Bruksel: Raporti i Komisionit të Jashtëm të PE denoncoi farsën elektorale

The post Laura Fazliu fiton medalje të bronztë në Kampionatin Botëror të Xhudos appeared first on Euronews Albania.

Atleti Armand Duplantis vendosi një rekord të ri botëror në garën e kërcimit në shkop, në Stokholm, duke fluturuar 6 metra e 28 centimetra. Suedezi, në etapën e radhës së Diamond League, kërceu më lart se të gjithë, duke përmirësuar rekordin e vendosur nga vetë ai. 25-vjeçari e theu me 1 centimetër më shumë rekordin […]

The post Duplantis vendos rekord të ri botëror në kërcim me shkop appeared first on BoldNews.al.

Nuk është nga ata që merr shpatën për të goditur. Farruk Sejdini e di sesa e vështirë është të jesh në stolin e kombëtares, megjithatë ish-zv. trajneri kuqezi, ka disa kritika për Silvinjon, dhe thekson ndonjë të vërtetë.

Së pari, thekson se Shqipëria mbetet ekipi i vogël.

“Ekipi e ka më të vështirë të luajë në sulm, kemi më kollaj të luajmë në mbrojtje. Duhet të ishim më të fuqishëm në qendrën e sulmit, për faktin se ne e dinim se ato do luanin në pjesën dërrmuese në mbrojtje. Asllani duhet të ishte pak më afër sulmit për faktin se ai ka mundësinë dhe inteligjencën e pasit dhe të gjuajë nga lart”

Nëse ai do të kishte qenë trajner, ndoshta do të kishte aktivizuar Hysajn.

“Nuk ka një lojtar lider që ta marrë ekipin, nuk po them për dore, por ta mobilizojë. Hysaj pavarësisht se mund të ishte i lodhur a nuk e di arsyen pse nuk e futi, mund të thoja që edhe mund të duhej se si do të jetë puna një lojtar me eksperiencë, i vjetër, mjafton edhe fjala udhëzimet që jep.”

Një kritikë edhe për shiritin që iu dha Manajt.

“Nëse do bëja një kritikë, mu duk pak e ekzagjeruar përkëdhelia e Manajt, me shiritin e kapitenit edhe pas një humbje të një penalltie. Të gjithë lojëtarët brenda, por edhe ne jashtë themi ‘hë se penalltia humbet’, po te të gjithë lojtarët ajo humbje e penalltisë ka lënë një vulë dhe të gjithë nën zë thonë ta kisha gjujt unë do e kisha bërë”

Si i duken Sejdinit dy pikë në dy ndeshje, dhe cilat janë shanset tona?

“4 pikë do ishin mjaftueshëm për dy ndeshje, në rastin konkret dy pikë në dy ndeshje mendoj se janë të pamjaftueshme. Në këto situata që jemi, nuk ka asgjë të pamundur. Pse? Do futemi në fushë me të gjithë ndeshjet tani që të marrim rezultat, qoftë me Anglinë. Vetëm kështu mund ta kalojmë këtë fazë dhe të shkojmë në Botëror”/abcnews.al

Ishte e para, ishte minimale, por ama vendimtare. Brazili arriti suksesin fillestar nën drejtimin e Karlo Ancelotit, në duelin ndaj Paraguajit në Arenën Konrinthians të Sao Paulos, veçse kjo mjaftoi që të sigurohej kualifikimi për në Kupën e Botës.

Edhe pse nuk ishte ndonjë spektakël I madh, sërish u arrit ajo që dëshirohej, tri pikët dhe mbyllja e historisë së kualifikimit.

Golin e vetëm e realizoi ylli I Realit, Vinisius, në fundin e pjesës së parë, në 44’, dhe Anceloti padyshim që u shpreh I kënaqur.

“Mendoj se ishte një ndeshje e mirë. Shumë e mirë në pjesën e parë. Ishim bindës me topin në këmbë, e kontrolluam lojën, ndonëse është e qartë se vuajtëm disi. Paraguaj është një ekip I fortë, I bashkuar. Ne e ulëm pak ritmin në pjesën e dytë, por në total ndeshja ishte e kompletuar nga ana jonë. Jemi të kënaqur për kualifikimin, për ndeshjen. Natyrisht, duhet të vazhdojmë të punojmë, por kemi një vit kohë për ta bërë”.

Edhe pse fitorja ishte e vogël, sërish Anceloti ka të drejtë të jetë I kënaqur.

Ai ka vetëm pak ditë në stol, e ka drejtuar skuadrën në vetëm dy ndeshje, pra koha ka qenë tepër e paktë për të lënë shenjë.

Për më tepër, “selesao” ka edhe lojtarë të dëmtuar.

Brazili dominoi me 11 gjuajtje ndaj 5, 4 goditje në kuadrat ndaj 1, dhe me 73 për qind mbajtje topi.

Ndoshta, pas një viti pesë herë kampionët e botës do të jenë gati për të synuar titullin e gjashtë në histori./abcnews.al

Për këtë fanelë kanë luajtur edhe legjenda si Johan Krujf apo Marko Van Basten.

Gjithsesi, jo gjithmonë yjet më të shndritshëm mbajnë rekordet, dhe tek Holanda shënuesit më të mirë janë të tjerë.

Memfis Depai barazoi nivelin e atij që ishte numri 1, Robin Van Persit, duke pasur tani 50 rrjeta për “tulipanët”.

Sulmuesi kryesor i kombëtares së sotme realizoi dy herë në fitoren 8-0 ndaj Maltës.

Interesant fakti se të dy kanë luajtur nga 102 ndeshje, ndonëse Van Persi më pak minuta në total.

Për Holandën shënuan edhe Van Dajk, Simons, dy herë Malen, Lang, dhe Van der Ven.

Holanda është në vend të dytë në grupin eliminator G të Kupës së Botës, me 6 pikë në dy ndeshje.

Në vend të parë është Finlanda që mundi 2-1 Poloninë në shtëpi dhe ka 7 pikë në 4 ndeshje.

Pohjanpalo në pjesën e parë me penallti dhe Kelman pas pushimit I dhanë finlandezëve epërsinë 2-0, ndërsa në 69’ Kivior shkurtoi diferencën për polakët.

Në grupin H, Austria nuk pati probleme në San Marino, pikërisht ashtu siç pritej.

Marko Arnautovic realizoi dy gola që në fillim, dhe po ashtu në minutat e para shënoi gjithashtu Gregoriç.

Baumgartner fiksoi shifrat 4-0 që në 27’, dhe më pas austriakët u duk sikur thjesht pritën fundin e ndeshjes duke nisur pushimet para kohe.

Në të njëjtin grup, Rumania e pati paksa më të vështirë në Bukuresht ndaj Qipros.

Fitorja ishte e pastër, 2-0 në “Stadiumin Kombëtar”, me gola shënuar në fund të pjesës së parë nga Tënase dhe Man.

Në krye të këtij grupi është Bosnje-Hercegovina me 9 pikë të plota, Austria ka 6, po aq sa Rumania.

TIRANË, 10 qershor /ATSH/ Shqipëria do të luajë mbrëmjen e sotme në orën 20:45 në Riga të Letonisë ndeshjen e katërt në Grupin K. kualifikues të Botërorit 2026.

Pas humbjes në debutim me Anglinë, fitores 3-0 me Andorrën dhe barazimin pa gola ndaj Serbisë, kundërshtari i radhës për Kombëtaren është Letonia.

Në rast të një fitoreje kuqezinjtë kanë shansin të përforcojnë pozitat në vendin e dytë.

Aktualisht Shqipëria ka 4 pikë në grup dhe një fitore do të krijonte distancë sigurie nga Serbia, që luan me Andorrën.

Nëse ngjitet në kuotën e 7 pikëve, Shqipëria do të kishte vetëm 2 më pak se Anglia, e cila do të luajë miqësore me Senegalin.

Fituesja e grupit do të kualifikohet direkt për në finalet e Kupës së Botës, ndërsa e dyta do të kalojë në raundin e dytë (play-off).

Sa i përket tifozerisë kuq e zi, edhe në Riga do të jenë të shumtë ata që do të mbështesin Kombëtaren.

Bëhet fjalë për rreth 1 mijë tifozë kuqezinj që do të ndjekin Kombëtaren shqiptare në “Skonto Stadium” të Rigës.

Grupi “K”
Ndeshjet sot ora 20:45
-Letoni-Shqipëri
-Serbi- Andorra

Klasifikimi
1. Anglia       9 pikë (3 ndeshje)
2. Shqipëria  4 pikë (3 ndeshje)
3. Letonia     3 pikë (2 ndeshje)
4. Serbia      1 pikë (1 ndeshje)
5. Andorra    0 pikë (3 ndeshje)

/gj.m/j.p/

The post “Botërori 2026”, Kombëtarja në Letoni për të konsoliduar vendin e dytë në grup, 1 mijë tifozë në Riga appeared first on Agjencia Telegrafike Shqiptare.

Në një kohë që paqja duket ende larg, një vend i shkatërruar nga lufta si Palestina sheh një fije drite dhe shprese te futbolli.

Përtej çdo imagjinate, kombëtarja palestineze ëndërron të jetë një nga finalistet e Botërorit 2026 që do të zhvillohet në Shtetet e Bashkuara të Amerikës, Kanada dhe Meksikë.

Kjo do të ishte një arritje historike, por më parë duhet të fitojë ndeshjen kundër Oman në eliminatoret e zonës Aziatike, në program mbrëmjen e sotme në stadiumin “Mbreti Abdullah II” në Jordani.

Në rast suksesi, kjo kombëtare e përbërë nga lojtarë, më së shumti me origjinë palestineze të lindur në vende të ndryshme të botës, do të kualifikohej në raundin e katërt kualifikues. Më pas në fazën e play-off do të luante për kualifikimin direkt.

Një sipërmarrje e madhe sportive dhe mbi të gjitha e mbushur me histori njerëzore, për një vend të kthyer në rrënoja, ku jetohet mes frikës së luftës dhe viktimave të përditëshme.

Të gjitha këto janë kthyer në një dozë eksta krenarie për futbollistët, siç tha edhe Oday Dabbagh në konferencën për mediat. Ai luan me Aberdeen në Skoci dhe është shënuesi më i mirë në historinë e Palestinës me 16 gola.

Kombëtarja palestineze mban vendin e 101 në klasifikimin e përgjithshëm të FIFA, ndërsa vjen në këtë sfidë, si një takim me historinë pas fitoreve në dy ndeshjet e fundit kundër Irakut dhe Kuvajtit.

Sonte në orën 20:45 do të luhen ndeshje të tjera të vlefshme për kualifikueset e Botërorit 2026. Përveç Shqipërisë që luan në transfertë me Letoninë, në fushë do të zbresin edhe rivalët e tyre. Serbia do të përballet me Andorrën. Polaninë e pret Finlanda ndërsa Holanda do të luajë me Maltën. NDESHJET E SOTME LETONI-SHQIPËRI […]

The post Kualifikueset e Botërorit 2026, ja cilat janë sfidat që luhen sot appeared first on BoldNews.al.

Jo më kot thuhet se është më e rëndësishme sesa ajo e së shtunës.

Kombëtarja luan sonte në Letoni, në 20:45, sfidën e radhës të eliminatoreve të Kupës së Botës dhe objektivi i vetëm është fitorja.

Nëse dëshirojmë të arrijmë vendin e dytë në grup dhe të shkojmë në plej of, nuk mund të ketë hap fals.

Trajneri Silvinjo pritet të bëjë ndryshime në formacion, pas shpenzimit tepër të madh të energjive në duelin ndaj Serbisë, dhe për shkak të pezullimit të kapitenit Berat Gjimshiti.

Në portë mbetet Strakosha, ndërsa në qendër të mbrojtjes mund të jetë dyshja Ismajli-Kumbulla, që nuk ishin në fushë ndaj serbëve.

Natyrisht, alternativë është Adrian Bajrami i Benfikës, që herën e fundit mbeti në tribunë.

Në krah nuk ka dyshime për Mitajn, por tekniku brazilian duhet të mendohet nëse Hysaj mund të ketë sërish forca, apo më mirë të luajë Balliu.

Shehu dhe Asllani mbijetojnë, po ashtu si Broja, ndërsa ka dyshime nëse do të luhet me Hoxhën e Laçin siç ndodhi të shtunën, apo me Muçin e Bajramin.

Në sulm është dilema e fundit, me Manajn jo pak të lodhur, por që duket se pëlqehet nga Silvinjo për shkak të lëvizshmërisë së tij në fushë.

Alternativë është padyshim Mirlind Daku që pati pak minuta të shtunën.

Shqipëria ka 4 pikë në grupin tonë eliminator pas 3 ndeshjeve, me humbje në Angli, fitore në Tiranë kundër Andorrës dhe barazim po në kryeqytet ndaj Serbisë.

Uzbekistani është kualifikuar në Kupën e Botës për herë të parë në historinë e tyre. Ata siguruan kualifikimin me një ndeshje të mbetur në Grupin A të raundit të tretë të kualifikimeve në Azi, pas një barazimi 0-0 kundër Emirateve të Bashkuara Arabe sonte në mbrëmje. Ky rezultat e la Uzbekistanin e vendit të dytë […]

The post Uzbekistani shkruan historinë, kualifikohet për herë të parë në Kupën e Botës appeared first on BoldNews.al.

Presidenti i FIGC, Gabriele Gravina, foli për sfidën e së premtes në Norvegji, duke u ndalur edhe te vendimi i Acerbit për të mos iu përgjigjur thirrjes së kombëtares: “Nuk duhet të kërkojmë justifikime në këtë moment, kemi një objektiv mbi të cilin jemi të gjithë të përqendruar. Kualifikimi në Botërorin 2026 është thelbësor, jemi […]

The post Presidenti i Federatës Italiane: Kualifikimi në Botëror është detyrim, s’ka më justifikime appeared first on BoldNews.al.

Mbrëmjen e kësaj të premteje, sulmuesi i Kombëtares, Armando Broja, ishte i ftuar në një emision televiziv Broja ka spikatur në fushën e gjelbër për driblimet me topin, shpirtin luftarak dhe atdhetarinë. Ai nuk ka lyer kurrë flokët dhe nuk ka asnjë tatuazh në trup.

Për këtë, Broja thotë se, pavarësisht se është lindur dhe rritur në Angli, ka respektuar traditat e origjinës së tij malësore. Asnjë prej pjesëtarëve të familjes së tij nuk ka “eksperimentuar” me flokët apo nuk ka tatuazhe. Broja ka ndjekur traditën familjare.

“Unë jam mësuar gjithmonë me tradita malësore. Edhe babi nuk i ka lyer flokët dhe nuk ka tatuazhe. Të gjithë kushërinjtë dhe familjarët nuk kanë. Edhe për mua e njëjta gjë është, nuk kam shumë qejf që të lyej flokët, apo të bëj tatuazhe. Kështu jam unë, kështu është familja”, thotë futbollisti.

Megjithatë, Broja zotohet se, nëse Kombëtarja Shqiptare hyn në Botëror, ai do të lyejë flokët kuq e zi.

“Nëse shkojmë në Botëror, atëherë po i bëj flokët kështu, kuq e zi, gjysmë për gjysmë edhe fytyrën”, premton Broja.

The post Zotimi i futbollistit shqiptar: Po shkuam në Botëror, do bëj flokët kuq e zi! appeared first on Sot News | Lajme.

Qyteti francez i Landernos theu rekordin botëror për numrin e “Smurfëve” këtë fundjavë, duke mbledhur 3,076 njerëz të veshur dhe të lyer me blu, me kapele të bardha, të cilët kënduan këngë nga filmi i famshëm vizatimor.

Qyteti me 16,000 banorë, në skajin më perëndimor të rajonit të Bretanjës në Francë, është përpjekur dy herë më parë t’ia thyejë rekordin Lauhringen, një qytet në Gjermani që arriti të mbledhë 2,762 Smurfë në vitin 2019.

Kryebashkiaku i Landernoy-t, Patrick Leclerc, i veshur gjithashtu si një Smurf, tha se sipërmarrja “i bashkon njerëzit dhe u jep atyre diçka për të menduar përveç kohërave në të cilat jetojmë”.

Pascal Sun, i cili drejton shoqatën që organizoi eventin, tha se mbledhja “u lejon njerëzve të argëtohen dhe të hyjnë në një botë imagjinare për disa orë”.

Një përpjekje e mëparshme për të thyer rekordin në vitin 2023 u pengua nga shiu i rrëmbyeshëm që i dekurajoi shumë garues nga garimi.

Në vitin 2020, kur u mblodhën 3,500 Smurfë, eventi u anulua nga Libri i Rekordeve Guinness për shkak të dokumentacionit të paplotë.

Smurfët, të krijuar nga karikaturisti belg Pejo në vitin 1958, janë krijesa të vogla blu që jetojnë në pyll.

LEXONI GJITHASHTU:

• Gjenden 625 bimë kanabis në Shkodër, procedohen 2 kryetarë fshatrash
• 2 të vdekur e 19 të plagosur pasi një anije meksikane u përplas me urën e Bruklinit

The post Një qytet francez theu rekordin botëror për njerëz të veshur si “Smurfs” appeared first on Euronews Albania.