Në mbledhjen e Këshillit të Sigurimit të Organizatës së Kombeve të Bashkuara (OKB) kushtuar raportit gjashtëmujor të Sekretarit të Përgjithshëm të OKB-së për punën e UNMIK-ut, shefja e UNMIK-ut, Caroline Ziadeh, ka theksuar rëndësinë e hetimit të sulmeve të rënda që kanë ndodhur në Kosovë gjatë vitit të fundit.

Ajo ka përmendur sulmin terrorist në Banjskë të Zveçanit, i cili ndodhi më 24 shtator 2023, si dhe ka dënuar sulmin në kanalin e ujit Ibër-Lepenc më 29 nëntor 2024.

Ziadeh ka bërë thirrje për një hetim gjithëpërfshirës dhe transparent në lidhje me këto sulme, duke theksuar se ky është një hap i domosdoshëm për të identifikuar dhe vënë para drejtësisë të gjithë ata që janë përgjegjës. Ajo ka ritheksuar nevojën për të siguruar llogaridhënie përmes procedurave të drejta dhe të pavarura gjyqësore, veçanërisht pas më shumë se një vit nga incidenti në Banjskë.

Për sulmin në kanalin Ibër-Lepenc, shefja e UNMIK-ut ka shprehur gjithashtu shqetësimin për mungesën e hetimeve të plota dhe ka kërkuar që të gjithë ata që janë përgjegjës për këtë akt të dhunshëm të dalin para drejtësisë. “Dënoj sulmin në kanalin e Ibër-Lepencit dhe ritheksoj thirrjen time për një hetim gjithëpërfshirës dhe transparent për të identifikuar dhe për t’i vënë para drejtësisë të gjithë ata që janë përgjegjës,” ka thënë Ziadeh.

Rasti i Banjskës, i cili ka lënë pas pasoja të mëdha për sigurinë dhe stabilitetin e rajonit, është i lidhur me një numër të akuzuarish, ndër të cilët ndodhet ish-nënkryetari i Listës Serbe, Millan Radoiçiq. Aktualisht, 45 persona janë të akuzuar për përfshirje në këtë incident, por vetëm tre prej tyre ndodhen në paraburgim. Aktakuza kundër tyre është ngritur më 11 shtator 2024 nga Prokuroria Speciale e Kosovës.

Shefja e UNMIK-ut ka shprehur gjithashtu brengën e saj për mjetin eksploziv që u hodh në një zyrë postare në Zveçan më 1 prill 2025, duke shkaktuar dëme materiale. Ajo ka dënuar çdo akt dhune dhe ka kërkuar që këto ngjarje të hetohen menjëherë në mënyrë gjithëpërfshirëse për të mundësuar vënien para drejtësisë të atyre që janë përgjegjës për to.

Përpjekje për një qeveri të re dhe angazhime për mirëqenien e popullit
Në fjalimin e saj, Ziadeh ka përmendur gjithashtu rëndësinë e krijimit të një qeverie të re pas zgjedhjeve të 9 shkurtit, duke shpresuar se kjo qeveri do të marrë hapa konkretë për përmirësimin e mirëqenies së popullit të Kosovës dhe do të implementojë zotimet që janë bërë në kuadër të dialogut të lehtësuar nga Bashkimi Evropian.

Ajo ka shprehur besimin se një qeveri e fortë do të mund të sigurojë stabilitetin dhe do të angazhohet për zgjidhjen e çështjeve të rëndësishme për Kosovën, përfshirë edhe atë të të zhdukurve.

Ziadeh ka përmendur edhe rëndësinë e zgjidhjes së çështjes së personave të pagjetur dhe ka inkurajuar grupin punues për të punuar së bashku me grupin ekzistues të punës për personat e pagjetur, që të ecin përpara pa pengesa për të zbardhur fatin e të zhdukurve. Në këtë kontekst, ajo ka kujtuar vdekjen e Bajram Çerkinit, një avokat i palodhur për të drejtat e personave të zhdukur, dhe ka theksuar trashëgiminë e tij të fuqishme për të ndihmuar në ndriçimin e këtyre fatkeqësive.

Shefja e UNMIK-ut ka përfunduar fjalimin e saj duke theksuar se është e domosdoshme që të gjitha palët të angazhohen në mënyrë të plotë për të gjetur zgjidhje për të gjitha çështjet që prekin stabilitetin dhe sigurinë e Kosovës.

Ajo ka kërkuar që të bëhen hapa të dukshëm për të arritur llogaridhënie dhe drejtësi, dhe që të angazhohen të gjitha mekanizmat ndërkombëtarë dhe kombëtarë për të siguruar që krimet e luftës dhe akte të tjera të dhunshme të mos mbeten pa përgjigje.

Ky apel i shefes së UNMIK-ut pasqyron angazhimin e saj për të siguruar paqe dhe drejtësi në rajon, ndërkohë që vazhdon të punojë për të mbështetur autoritetet e Kosovës në përpjekjet e tyre për të ndërtuar një shoqëri të qëndrueshme dhe të barabartë për të gjithë qytetarët e saj.

The post Shefja e UNMIK-ut kërkon hetim të plotë për sulmet në Banjskë dhe Ibër-Lepenc appeared first on Lapsi.al.

Situata e sigurisë në Kosovë është e brishtë dhe me potencial të qëndrueshëm të përshkallëzimit, thotë komandanti i KFOR-it, Enrico Buardani, derisa shton se sulmi terrorist në Ibër-Lepenc ka cenuar situatën e sigurisë në vend.

Gjeneralmajor Buardani, i cili në tetor e mori zyrtarisht detyrën e shefit të misionit të NATO-s në Kosovë, nënvizon rëndësinë e KFOR-it në rrethanat aktuale.

“Ka ende punë për të bërë për të siguruar përmbushjen e kushteve të duhura për të mbajtur një mjedis të sigurt dhe stabil, duke përfshirë ato që janë para së gjithash nga natyra politike. Me këtë i referohem në mënyrë eksplicite dialogut Beograd-Prishtinë dhe rëndësisë që ai të ecë përpara. Prandaj, KFOR-i do të vazhdojë të mbajë detyrën e tij për të garantuar sigurinë për të gjithë njerëzit që jetojnë në Kosovë; dhe përmes pranisë dhe aktiviteteve të përditshme në mbarë Kosovën do të vazhdojë të krijojë hapësirë për dialog politik për të siguruar një zgjidhje afatgjatë të çështjeve të mbetura”, thotë ai në intervistën me shkrim për KosovaPress.

Çështjet e pazgjidhura mes Kosovës dhe Serbisë, dhe dezinformatat në rajon siç thotë ai, po bëjnë që në Kosovë të ketë potencial të qëndrueshëm të përshkallëzimit.

“Sulmi i fundit në kanalin ujor Ibër-Lepenc nxjerr në pah cenueshmërinë e situatës së sigurisë në Kosovë… KFOR-i do të punojë ngushtë me organizatat e sigurisë së Kosovës dhe komunitetin ndërkombëtar, në mbështetje të sigurisë lidhur me zgjedhjet e ardhshme, në fillim të vitit të ardhshëm. Nëse situata e kërkon, NATO ka gjithashtu aftësinë për të përforcuar menjëherë KFOR-in përmes njësive të ndryshme të forcave rezervë, në një njoftim shumë të shkurtër për të lëvizur.”

Ai flet edhe për hapjen e Urës së Ibrit, për çka thotë se KFOR-i mban një qëndrim transparent dhe konsistent, duke theksuar se çdo vendim duhet të merret përmes dialogut me komunitetin ndërkombëtar.

“Ura e Ibrit çështje politike dhe jo ushtarake”, thekson komandanti i KFOR-it.

Intervista e plotë:

KosovaPress: Si e vlerësoni situatën e sigurisë në Kosovë?

Buardani:Në përgjithësi, situata e sigurisë është e qetë, por ajo mbetet e brishtë, me potencial të qëndrueshëm të përshkallëzimit, për shkak të çështjeve të pazgjidhura dhe një sërë sfidash, duke përfshirë ato që vijnë nga përhapja e dezinformatave në të gjithë rajonin. Sulmi i fundit në kanalin ujor Ibër-Lepenc nxjerr në pah cenueshmërinë e situatës së sigurisë në Kosovë.

Si komandant i KFOR-it, prioriteti im është të siguroj që KFOR-i të mbetet i vendosur për të vazhduar ofrimin e një mjedisi të sigurt për të gjithë njerëzit dhe komunitetet që jetojnë në Kosovë, në çdo kohë dhe në mënyrë të paanshme, në përputhje me mandatin tonë afatgjatë – bazuar në Rezolutën e Këshillit të Sigurimit 1244, të vitit 1999. Ne vazhdojmë të punojmë në bashkëpunim të ngushtë me Policinë e Kosovës dhe Misionin e BE-së për Sundimin e Ligjit në Kosovë (EULEX), në rolet e tyre përkatëse si reaguesit e sigurisë. KFOR-i mbetet vigjilent, duke mbajtur një prani të dukshme dhe fleksibël në mbarë Kosovën, për të parandaluar çdo përshkallëzim të mundshëm, dhe punon pa pushim çdo ditë në sinergji me të gjitha palët e interesuara të Komunitetit Ndërkombëtar për të mbështetur dialogun e ndërmjetësuar nga BE-ja ndërmjet Beogradit dhe Prishtinës. Kjo është korniza për të zgjidhur çështjet e pazgjidhura dhe për të arritur zgjidhje që respektojnë të drejtat e të gjitha komuniteteve, e cila është kyçe për sigurinë e qëndrueshme në mbarë Kosovën dhe për stabilitetin rajonal.

KosovaPress: Ende nuk ka përgjegjësi për sulmin terrorist në Banjskë. Cili është mendimi juaj për përfshirjen e Serbisë në sulmin e 24 shtatorit?

Buardani: Ajo që ndodhi në Banjskë ishte e papranueshme dhe NATO ka kërkuar vazhdimisht që autorët të sillen para drejtësisë. Duke thënë këtë, KFOR-i është i mandatuar të sigurojë ruajtjen e një mjedisi stabil dhe të sigurt për të gjithë njerëzit dhe komunitetet që jetojnë në Kosovë. Mandati ynë nuk përfshin aktivitetet e zbatimit të ligjit. Pra, nuk do të komentoj një rast që është nën hetime ende. Do t’ua lë autoriteteve përkatëse.

KosovaPress: A ka ndërmarrë KFOR-i masa shtesë për të rritur nivelin e sigurisë në zonat e banuara me shumicë serbe në Kosovë?

Barduani:Objektivi ynë parësor mbetet parandalimi i çdo shpërthimi të dhunës apo çrregullimit, një synim që ne e ndjekim çdo ditë përmes patrullimeve të rregullta dhe angazhimit me komunitetet lokale në mbarë Kosovën. Në përgjigje të sfidave aktuale të sigurisë, KFOR-i ka intensifikuar patrullimet e tij në veri të Kosovës, veçanërisht në ato zona që mund të jenë më të cenueshme ndaj rrezikut të sulmeve të mëtejshme, siç është infrastruktura kritike. Po ashtu, duke filluar nga fillimi i vitit 2025, KFOR-i do të punojë ngushtë me organizatat e sigurisë së Kosovës dhe Komunitetin Ndërkombëtar, në mbështetje të sigurisë lidhur me zgjedhjet e ardhshme, në fillim të vitit të ardhshëm. Nëse situata e kërkon, NATO ka gjithashtu aftësinë për të përforcuar menjëherë KFOR-in përmes njësive të ndryshme të forcave rezervë, në një njoftim shumë të shkurtër për të lëvizur.

Në përgjithësi, KFOR-i është i pajisur, me burime dhe plotësisht i pajisur për të trajtuar çdo zhvillim që mund të ndikojë në situatën e sigurisë në mbarë Kosovën, në përputhje me mandatin tonë të OKB-së.

KosovaPress: Pse KFOR-i është kundër hapjes së urës së Ibrit?

Në bazë të marrëveshjeve të Brukselit, ura pritej të hapej në vitin 2019, ndërsa Policia e Kosovës thotë se nuk ka të dhëna për rritje të tensioneve në rast të hapjes së urës së Ibrit.

Barduani: Qëndrimi i KFOR-it për urën e Ibrit ka qenë gjithmonë i qartë, konsistent dhe transparent: çdo vendim në këtë drejtim duhet të merret përmes dialogut dhe në koordinim në kohë dhe efektiv me Komunitetin Ndërkombëtar. KFOR-i ndërkohë do të mbajë prezencën e tij fikse në urë dhe do të vazhdojë të kryejë patrullime të rregullta në zonat përreth. Përveç kësaj, së fundi ne kemi kryer stërvitje trajnimi në urë për të rritur gatishmërinë e KFOR-it në përgjigje të çdo krize.

Dua të theksoj se hapja e urës është çështje politike, jo ushtarake. Gjithashtu, hapja eventuale do të jetë e mundur vetëm kur të ekzistojnë disa kushte që garantojnë pranimin e kësaj mase nga të gjithë aktorët e përfshirë.

KosovaPress: Cili do të jetë qëndrimi i KFOR-it nëse kërkohet nga Policia e Kosovës që të largohen trupat mbi lumin Ibër?

Buardani: Siç u tha më parë, çdo vendim në lidhje me urën duhet të merret përmes dialogut politik dhe në koordinim në kohë dhe efektiv me Komunitetin Ndërkombëtar. Largimi i trupave të KFOR-it do të lidhej me një vendim të tillë dhe me një vlerësim të plotë të situatës së sigurisë. Do të kërkonte gjithashtu autorizimet e duhura nga komandat më të larta të NATO-s.

KosovaPress: Serbia ka përdorur manastiret për të armatosur serbët e Kosovës. Paralajmërime të tilla ka bërë edhe deputetja britanike, Alicia Kearns. A ka raste të tjera?

Buardani: Kjo pyetje bie nën sferën e zbatimit të ligjit dhe, për rrjedhojë, është jashtë fushëveprimit të KFOR-it. Ju sugjeroj të pyesni Policinë e Kosovës për çdo koment.

KosovaPress: Çfarë masash ka marrë KFOR-i në rast të kërcënimeve në veri dhe konfrontimit me grupet e armatosura?

Buardani: Siç e thashë edhe më parë, veçanërisht pas ngjarjeve të dhunshme në vitin 2023, KFOR-i vëzhgon me kujdes situatën në veri të Kosovës. Ne posaçërisht kërkojmë për shkaktarë që mund të çojnë në kërcënime të mundshme. Me këtë, jam i bindur se ne jemi të vendosur mirë për t’iu përgjigjur çdo sfide të sigurisë, duke përfshirë edhe veriun e Kosovës. Prania jonë atje është pa dyshim një pengesë e fuqishme, ne patrullojmë vazhdimisht për të ruajtur ndërgjegjësimin tonë dhe kemi masa dhe plane për të adresuar çdo skenar të mundshëm krize.

Ne gjithmonë do të sigurojmë që misioni ynë të mbetet me burime të mira dhe të pozicionuara mirë për të vazhduar zbatimin e mandatit tonë të gjatë të OKB-së.

KosovaPress: Si e shihni dislokimin e trupave shtesë të Serbisë pranë kufirit me Kosovën?

Buardani: Jam në komunikim të vazhdueshëm me Autoritetet Ushtarake Serbe, duke përfshirë edhe shefin e Shtabit të Përgjithshëm të Forcave të Armatosura të Serbisë, gjeneralin Milan Mojsiloviq. Deri më tani, Forcat e Armatosura të Serbisë gjithmonë e kanë informuar KFOR-in për të gjitha aktivitetet e tyre në afërsi të vijës kufitare administrative. Unë kam të gjitha arsyet që të pres që kjo të vazhdojë dhe besoj në bashkëpunimin e tyre të vazhdueshëm në këtë drejtim. Në të njëjtën kohë, KFOR-i vazhdon të jetë i pranishëm dhe të monitorojë çdo aktivitet përgjatë vijës kufitare administrative, në përputhje me mandatin e tij të OKB-së.

KosovaPress: Si është bashkëpunimi aktual me Policinë dhe FSK-në?

Buardani: Aktualisht, ne kemi një marrëdhënie të mirë pune me organizatat e sigurisë së Kosovës.

Ne kemi zhvilluar një koordinim të mirë me Policinë e Kosovës, në kuadër të mandateve tona përkatëse si reagues të sigurisë. Përderisa KFOR-i nuk ka mandat për zbatimin e ligjit, KFOR-i është gjithmonë në vëzhgim dhe vazhdimisht është i gatshëm të ndërhyjë kur ka kërcënime serioze për sigurinë dhe stabilitetin e Kosovës. Për këtë arsye, KFOR-i ndërvepron rregullisht me Policinë e Kosovës dhe EULEX-in dhe kryen stërvitje të rregullta trajnuese për të siguruar një ndërhyrje, kur kërkohet dhe në bashkëpunim të plotë me akterët e tjerë të sigurisë. Që nga viti 2016, Ekipi Këshillues dhe Ndërlidhës i NATO-s (NALT) – i cili është i ndarë nga KFOR-i – ka mbështetur zhvillimin e FSK-së, nën mandatin origjinal të mbrojtjes civile, përmes ngritjes së kapaciteteve, edukimit dhe koordinimit të trajnimit.

Do ta mbyll duke komentuar një pikë shumë të rëndësishme që duhet të jetë e qartë për të gjithë. Sipas zotimeve ekzistuese me Kosovën, vendosja e Forcës së Sigurisë së Kosovës në veri të Kosovës kërkon pëlqimin paraprak të KFOR-it. Ne vlerësojmë respektimin e vazhdueshëm të Kosovës ndaj këtij angazhimi, veçanërisht në kohë tensionesh të ngritura. Policia e Kosovës, duke përfshirë njësitë e saj të specializuara, mund të veprojë në mbarë Kosovën pa pasur nevojë për pëlqimin e KFOR-it. Megjithatë, presim konsultime me kohë dhe kuptimplote për çdo veprim të Forcës së Sigurisë së Kosovës apo Policisë së Kosovës që mund të ndikojë në mjedisin e sigurisë dhe të ketë implikime të drejtpërdrejta për stabilitetin rajonal.

KosovaPress: Në çfarë kushtesh do të konsideronit se misioni i KFOR-it është përmbushur?

Buardani: KFOR-i ka arritur sukses të madh në 25 vjetët e fundit, duke qenë në gjendje të zvogëlojë pozicionin e forcës dhe trupat e tij nga rreth 50.000 më 1999 në 4.300 sot. Megjithatë, roli dhe misioni i KFOR-it mbetet vendimtar. Ka ende punë për të bërë për të siguruar përmbushjen e kushteve të duhura për të mbajtur një mjedis të sigurt dhe stabil, duke përfshirë ato që janë para së gjithash nga natyra politike. Me këtë i referohem në mënyrë eksplicite dialogut Beograd-Prishtinë dhe rëndësisë që ai të ecë përpara. Prandaj, KFOR-i do të vazhdojë të mbajë detyrën e tij për të garantuar sigurinë për të gjithë njerëzit që jetojnë në Kosovë; dhe përmes pranisë dhe aktiviteteve të përditshme në mbarë Kosovën do të vazhdojë të krijojë hapësirë për dialog politik për të siguruar një zgjidhje afatgjatë të çështjeve të mbetura.

The post Sulmi në Ibër-Lepenc, komandanti i KFOR-it: Ai sulm terrorist cenoi sigurinë e Kosovës, roli i ynë ende vendimtar appeared first on Sot News | Lajme.

Njohësi i rrethanave ushtarake dhe të sigurisë, Afrim Veseli ka thënë se Serbia vazhdon ta sfidojë sigurinë territoriale të Republikës së Kosovës.

Duke folur për sulmin terrorist mbi kanalin e Ibër-Lepencit, ish-ushtaraku ka thënë se qëllimi ka qenë dëmtimi i popullatës civile.

“Fqinji verior me të cilin i kemi ndarë rrugët në vitin 1999 përmes luftës për çlirim ende e sfidon sigurinë territorial të Kosovës. Në këtë kontekst ka qenë edhe sulmi i fundit terrorist. Ky sabotazh ka pasur për qëllim të godasë infrastrukturën kritike dhe të dëmtojë popullatën civile”, ka theksuar Veseli.

Sipas tij, atakimi i kanalit të Ibrit, që nënkupton të mos ketë ujë në disa komuna të Kosovës dhe të ndalet furnizimi me rrymë, e prodhon krizën humanitare.

“Modele të ngjashme përdorin ushtritë dhe shtetet që kanë doktrina të vjetra sovjetike, dhe Serbia nuk ka dalë ende prej saj, teksa ngjashëm është duke vepruar Rusia në Ukrainë”, ka shtuar Veseli.

Ai ka thënë se reagimet e faktorit ndërkombëtar për sulmin ndaj kanalit terrorist në kanalin e Ibrit kanë qenë më ndryshe se sa ato për sulmin terrorist në Banjskë.

“Edhe pse atje ka qenë shumë evidente dhe me argumente të hapura sepse në xhirimet e dronëve u pa Milan Radojçiq që komandonte me atë grup paraushtarak, pra kishte prova, reagimi ka qenë më i dobët, nuk e di pse. Në rastin e kanalit të Ibrit reagimi ka qenë unanim i SHBA-së, BE-së dhe të gjitha shteteve tjera”, tha Veseli.

Lidhur me angazhimin e pjesëtarëve të FSK-së nga qeveria për ruajtjen e aseteve të infrastrukturës kritike pas sulmit në Varragë, Veseli ka thënë se ai ishte vendim i duhur.

“Në rastet kur sulmohesh si në këtë rast, vlerësimet e organeve të sigurisë mund të presin se mund të ketë edhe sulm të dytë apo të tretë. Mendoj se është gjë e mirë dhe pjesëtarët e FSK-së e kanë kryer me sukses dhe mburrje atë detyrë. Ushtria përdoret vetëm atëherë kur jemi në rrezik dhe shteti ynë i ka ndërmarrë masat”, ka nënvizuar ai.

The post Veseli: Reagimet ndërkombëtare ndaj sulmit në kanalin e Ibrit, më të fuqishme se në rastin e Banjskës appeared first on Telegrafi.

FBI po ndihmon në hetime, por nuk shoh asnjë dëshmi që e lidh sulmin në Ibër Lepenc me Beogradin. Këtë deklaroj ambasadori amerikan ne Serbi Christopher Hill në një dalje për Radio Televizionin Serb.

“Ne sigurisht nuk shohim asnjë provë që do të çonte në Beograd, por dikush e bëri atë dhe duhet të kryhet një hetim i plotë”, ka thënë ai.

Autoritetet kosovare që po hetojnë sulmin terrorist në Ibër-Lepenc po ndihmohen në hetim nga Byroja Federale për Hetime e ShBA-së (FBI), ç’ka sipas Ambasadorit Hill ka një rëndësi të posaçme duke treguar gjendjen e raportit Kosove-Serbi.

“Është mirë që ne po japim mbështetje përmes FBI-së, mendoj se është e rëndësishme. Por, kjo flet edhe për faktin e mungesës së besimit mes palëve dhe prirjes për akuza të ndërsjella.”, thotë ai.

Edhe ambasadori amerikan në Kosovë, Jeffrey Hovenier, ka konfirmuar se FBI-ja i është bashkëngjitur autoriteteve kosovare në hetimin e rastit, por u shfaq i rezervuar

në identifikimin se kush mund të kenë qenë autoret e sulmit terrorist, gjë të cilën Hovenier tha se do ta përcaktojë vetëm fundi i hetimeve.

Gjithsesi autoritetet ne Kosove nuk kane hezituar te japin një emër. Sipas Kryetares se Komisionit Parlamentar për Mbikëqyrje të Agjencionit Kosovar për Inteligjencë, Ganimete Musliu, deklaroj se sulmi është kryer nga kryeterroristi, Milan Radojçiç, përgjegjës për sulmin paraushtarak në Banjskë.

Deri më tani për sulmin ne kanalin Ibër Lepenc, konsideruar një infrastrukture kritike për furnizimin me ujë ne zone, janë arrestuar dy persona të kombësisë serbe dhe dërguar në paraburgim, ndërsa po zhvillohet edhe proces gjyqësor ndaj tyre.

/abcnews.al/

Riparimi i kanalit të Ibër-Lepencit, i cili u dëmtua në nëntor të këtij viti në Zubin Potok, do të arrijë një vlerë prej rreth 400 mijë euro, ka deklaruar kryeshefi i ndërmarrjes Ibër-Lepenci, Faruk Mujka. Ai shtoi se ky riparim do të realizohet në bashkëpunim me Bankën Botërore dhe se puna pritet të përfundojë deri më 30 qershor të vitit të ardhshëm.

Sulmi ndaj kanalit, që furnizon me ujë të gjitha rajonet e veriut të Kosovës, përfshirë Mitrovicën, Prishtinën dhe rrethinat, si dhe Korporatën Energjetike të Kosovës për ftohjen e termoelektranave, ndodhi më 29 nëntor në fshatin Varragë të komunës së Zubin Potokut. Policia e Kosovës raportoi se sulmi ishte kryer me përdorimin e lëndëve shpërthyese deri në 20 kilogramë.

Ministrja e Ekonomisë, Artane Rizvanolli, ka nënvizuar se dëmi i mundshëm nga ky sulm mund të arrinte deri në 2.5 milionë euro, për shkak të nevojës për importin e energjisë elektrike. Ajo gjithashtu theksoi se ky akt mund të kishte pasoja të rënda për ekonominë, ngrohjen e qytetarëve, furnizimin me ujë dhe shërbime të tjera vitale.

Kosova ka akuzuar Serbinë për këtë sulm, duke e cilësuar atë si akt terrorist, ndërsa Beogradi zyrtar e ka mohuar çdo përfshirje. Ky sulm është konsideruar si një nga më të rënat ndaj infrastrukturës kritike të Kosovës që nga lufta e vitit 1998/99.

Sulmi ka marrë dënime të ashpra nga Shtetet e Bashkuara dhe Bashkimi Evropian, që kanë kërkuar që përgjegjësit të përballen me drejtësinë.

The post U sulmua një muaj më parë, ja se sa do kushtojë riparimi i kanalit të Ibër-Lepencit në Kosovë appeared first on Sot News | Lajme.

Sekretari i Përgjithshëm i NATO-s, Mark Rutte, ka bërë thirrje të hënën që përgjegjësit e sulmit kundër kanalit të ujit të Ibër-Lepencit në veri të Kosovës muajin e kaluar, të sillen para drejtësisë.

“Sulmi në kanalin ujor në veri të Kosovës, më 29 nëntor, nënvizon se sa i brishtë është stabiliteti në Ballkanin Perëndimor”, tha Rutte gjatë një konference shtypi me kryeministrin e Malit të Zi, Millojko Spajiq, në Bruksel.

Shpërthimi i 29 nëntorit në kanalin e ujit në Varragë të Zubin Potokut – prej nga furnizohen me ujë disa qytete dhe termoelektrana të vendit – u shkaktua nga rreth 20 kilogramë eksplozivë, sipas autoriteteve kosovare, të cilat e cilësuan atë si më të rëndin në infrastrukturën kritike të vendit që nga lufta e viteve 1998/99.

Autoritetet kosovare janë duke e hetuar shpërthimin, për të cilin e akuzojnë Serbinë.

Serbia i ka mohuar akuzat dhe ka thënë se edhe vetë ajo po e heton këtë sulm.

Rutte e tha se “tani është thelbësore që të nxirren faktet” rreth sulmit dhe përgjegjësve të mundshëm.

Ai theksoi se dëshiron ta falënderojë komandantin e KFOR-it për “dislokim të shpejtë” të trupave për të mbrojtur infrastrukturën kyçe të Kosovës.

“Mbetemi të përkushtuar që të sigurojmë që KFOR-i të përmbush mandatin e tij të OKB-së”, theksoi Rutte.

KFOR – i cili ka rreth 4.700 ushtarë – është përgjegjësi i tretë për sigurinë e Kosovës, pas Policisë së Kosovës dhe misionit të Bashkimit Evropian për sundimin e ligjit, EULEX.

Javën e kaluar, ambasadori amerikan në Prishtinë, Jeffrey Hovenier, tha ende nuk ka prova se kush mund ta ketë kryer sulmin ndaj kanalit të ujit të Ibër-Lepencit, por shtoi se “ne mendojmë se do të gjenden prova”.

Hovenier e përsëriti qëndrimin e tij të mëparshëm se Qeveria amerikane “nuk është në gjendje të thotë se kush është përgjegjës”.

Ekspertët ligjorë dhe të sigurisë thonë se përcaktimi i saktë i përgjegjësisë për sulmin në kanalin e Ibër-Lepencit është kritik, duke shtuar se përfshirja ndërkombëtare, sidomos e Bashkimit Evropian dhe Shteteve të Bashkuara, do ta rriste besueshmërinë e hetimeve, por do të ndihmonte edhe në uljen e tensioneve.

Mark Ellis, drejtor ekzekutiv i Odës Ndërkombëtare të Avokatëve, me seli në Londër, tha për Radion Evropa e Lirë se mbështet idenë e një hetimi të tillë, në mënyrë që “situata të mos përshkallëzohet në diçka shumë më serioze”.

“Mënyra më e mirë për të dalë nga kjo rrugë pa krye, është që të bëhet një vlerësim i pavarur, faktik dhe objektiv i asaj që ka ndodhur”, tha Ellis për Exposenë.

Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën me rrethinë, si dhe Korporatën Energjetike të Kosovës për ftohjen e termoelektranave të saj.

Derisa furnizimi i KEK-ut me ujë për ftohjen e termoelektranave të saj nuk u ndikua, shpërthimi shkaktoi reduktime të përkohshme të ujit në disa pjesë të vendit./REL

The post Shefi i NATO-s reagon për herë të parë për sulmin në Ibër-Lepenc: Përgjegjësit të sillen para drejtësisë appeared first on Sot News | Lajme.

Raportuesi për Kosovën në Parlamentin Evropian, Riho Terras dënoi sulmin terrorist në kanalin e Ibër-Lepencit në veri, derisa theksoi se të gjithë kriminelët duhet të dalin para drejtësisë.

Anëtari i Parlamentit Evropian, në konferencën për media të hënën në Prishtinë, tha se Kosova ka bërë përparim në disa prej reformave të nisura.

Ai paralajmëroi se gjatë qëndrimit në Kosovë do të vizitojë edhe veriun e vendit.

Mbrëmjen e 29 nëntorit ka ndodhur një shpërthim në fshatin Varagë të komunës së Zubin Potokut, në pjesën veriore të Kosovës.

Shpërthimi ka dëmtuar kanalin e ujit të Ibër-Lepencit.

Autoritetet e Kosovës kanë deklaruar se sulmi është kriminal e terrorist dhe vjen nga bandat e orkestruara nga Beogradi.

Kryeministri Albin Kurti ka thënë se sulmi ka pasur synim dëmtimin e infrastrukturës “mbase edhe më të rëndësishmen që kemi”.

Prej Ibër-Lepencit furnizohen me ujë nga Liqeni i Ujmanit disa qytete të Kosovës, gjithashtu Koorportata Energjetike e Kosovës.

LEXONI GJITHASHTU:

• Deputeti i PDK zbulon datën: Kurti po planifikon një “Banjska 2”
• Shpërthim i fuqishëm në Kosovë, dëmtohet kanali i ujit Ibër-Lepenc në Zubin Potok

The post Raportuesi për Kosovën në PE dënon sulmin në veri: Kriminelët të arrestohen appeared first on Euronews Albania.

Presidentja, Vjosa Osmani, njoftoi se sot do të zhvillojë një takim me institucionet e sigurisë për të adresuar sulmin që ndodhi më 29 nëntor në kanalin Ibër-Lepenc, në Zubin Potok.

Ky njoftim u bë gjatë një konference me temën “Avancimi i përfaqësimit dhe rolit të grave në ushtri: Një hap drejt barazisë më të madhe gjinore, paqes dhe sigurisë”, organizuar nga Qendra Rajonale e Ekselencës për Gratë, Paqen dhe Sigurinë në Kosovë

“Pas fjalimeve do të shkoj që të takohem me institucionet e sigurisë për të diskutuar për sulmin terrorist që ka ndodhur”, ka deklaruar Osmani.

The post Sulmi terrorist në Zubin Potok , presidentja Osmani takohet sot me krerët institucional të sigurisë appeared first on Sot News | Lajme.

Numër i konsiderueshëm i punëtorëve e makineri e rëndë, përkundër motit me shi, janë duke punuar edhe sot me intensitet në thellësi të fshatit Varagë të Zubin Potokut, në përpjekje të sanimit të dëmit në kanalin e Ibër-Lepencit.

Njëri nga punëtorët që nuk deshi t’i bëhet emri publik, tha për KosovaPress se është duke u punuar në krijimin e një baj-pasi i cili do të mundësojë lëvizjen më të lirshme të ujit që vjen nga liqeni i Ujmanit.

Sipas tij, kjo do të mundësojë pastaj që të punohet më lehtë në kanalin e dëmtuar për shkak se nuk do të ketë rrjedhje të ujit.

Në anën tjetër, Kompania Rajonale e Ujësjellësit në Mitrovicë, përmes faqes së saj në Facebook, ka njoftuar qytetarët në lidhje me gjendjen aktuale të furnizimit me ujë.

“Si rezultat i gjendjes së krijuar, jemi të detyruar të aplikojmë reduktime të furnizimit me ujë të pijes për konsumatorët tanë. Impiantet në Shipol dhe Balincë janë duke operuar me kapacitete të plota dhe trajtimi është duke u zhvilluar në kushte normale të punës. Deri në raportin final nga Instituti Kombëtar i Shëndetit Publik në Kosovë [IKShPK], uji mbetet i papijshëm dhe mund të përdoret vetëm për higjienë”, thuhet mes tjerash në këtë njoftim.

Zona ku ndodhi sulmi terrorist para gjashtë ditësh po vazhdon të vëzhgohet prej së afërmi nga Policia e Kosovës.

Mbrëmjen e 29 nëntorit ka ndodhur një shpërthim në fshatin Varagë të komunës së Zubin Potokut, në pjesën veriore të Kosovës.

Autoritetet e Kosovës kanë deklaruar se sulmi është kriminal e terrorist dhe vjen nga bandat e orkestruara nga Beogradi.

Kryeministri Albin Kurti ka thënë se sulmi ka pasur synim dëmtimin e infrastrukturës “mbase edhe më të rëndësishmen që kemi”.

Prej Ibër-Lepencit furnizohen me ujë nga Liqeni i Ujmanit disa qytete të Kosovës, gjithashtu Koorporata Energjetike e Kosovës. /Kp/Telegrafi/

The post Vazhdojnë punimet për sanimin e dëmit në Ibër-Lepenc appeared first on Telegrafi.

Kryeministri i Kosovës, Albin Kurti gjatë qëndrimit në Bruksel, dje ka zhvilluar një takim me komisioneren e re për zgjerim të BE-së, Marta Kos, të cilën e ka uruar për postin e ri.

Në një postim në “X”, Kurti ka ndarë detaje të reja se çfarë ka diskutuar me komisioneren Kos.

Kurti ka theksuar se gjatë këtij takimi ka diskutuar edhe për sulmin e fundit terrorist në kanalin e Ibër-Lepencit, ku ka deklaruar se ky sulm ishte sipas rregullave të lojës së Rusisë, e cila sipas tij, sulmoi infrastrukturën kritike të Ukrainës.

“Theksova rëndësinë e marrëdhënieve të fqinjësisë së mirë për bashkëpunimin rajonal dhe theksova se kërcënimet e sigurisë duhet të marrin fund dhe ata që janë përgjegjës për sulmin e fundit terrorist në infrastrukturën tonë kritike duhet të mbajnë përgjegjësi. Sulmi ishte sipas rregullave të lojërave të Rusisë, e cila sulmoi infrastrukturën civile kritike në Ukrainë. Kjo është arsyeja pse ne ngremë alarmin për aleancën e Rusisë me Serbinë”, ka thënë Kurti.

Kryeministri shtoi se Kosova është e përkushtuar ndaj reformave të BE-së dhe Planit të Zgjerimit dhe se mezi presin të marrim pyetësorin e KE-së për të avancuar drejt anëtarësimit në BE.

“Mezi pres të bashkëpunoj me Kos për të çuar përpara qëllimet tona të përbashkëta dhe për të garantuar paqen dhe sigurinë në rajon”, ka shkruar Kurti. /Telegrafi/

Yesterday in Brussels I met the new enlargement Commissioner @Marta1Kos and congratulated her on her new position.

We discussed Kosova – EU relations and our democratic advancement and socio-economic progress. I stressed the importance of good-neighborly relations for regional… pic.twitter.com/mMh2uu7Dq1

— Albin Kurti (@albinkurti) December 5, 2024

The post Kurti ngre alarmin për aleancën serbo-ruse në takimin me Kos: Sulmi në Ibër-Lepenc, pjesë e lojërave të Rusisë appeared first on Telegrafi.

Nga shpërthimi i ndodhur mbrëmjen e të premtes në fshatin Varragë të Komunës së Zubin Potokut, u dëmtua kanali i ujit Ibër- Lepenc nga ky furnizohen disa qytete me ujë.

Lidhur me këtë ngjarje kryeministri i Kosovës, Albin Kurti Akuzoi Serbinë për “sulm kriminal dhe terrorist”, i cili, sipas tij, ka synuar “ta dëmtojë infrastrukturën e rëndësishme të vendit.

Në emisionin “360 Gradë” në ABC News, kapiteni Dritan Goxhaj tha se qeveria e Kosovës, nxitoi me akuzat e saj , duke i drejtuar gishtin Serbisë. Sipas tij kjo ngjarje mund të jetë vepër e grupeve kriminale në veri të Kosovës.

“Kjo ngjarje më kujton ngjarjen e Gërdecit… Qeveria nxitoi për të vënë gishtin ndaj Serbisë, ndërkohë që kishte dhe organe të tjera ku u cënua siguria dhe nuk u mor asnjë masë. Për mua nuk është nga Serbia, është vepër e grupeve kriminale në veri të Kosovës. Kjo vjen nga organizate kriminale në veri të Kosovës, për çështje të problemeve të tyre ekonomike,. Për të dhënë një mesazh kërcënimi kundër KEK. Kjo do të dëmtonte termocentralin e Kosovës”, u shpreh ai.

 /abcnews.al/

Komisioni për Politikë të Jashtme të Parlamentit Evropian mbajti një debat të tensionuar lidhur me sulmin terrorist në kanalin e ujit të Ibër-Lepencit në Zubin Potok.

Kryetari i komisionit, David McAllister, theksoi se Parlamenti Evropian është thellësisht i shqetësuar për situatën në veri të Kosovës.

“Parlamenti Evropian ka dënuar fuqishëm këto akte, të cilat destabilizojnë Kosovën.”

Në vijim të debatit, disa eurodeputetë shprehën solidaritet me Kosovën, por kërkuan më shumë prova për përfshirjen e autoriteteve serbe.

Michael Gahler, eurodeputet gjerman, tha se janë bërë pretendime goxha serioze. “Pyetja e parë është çfarë provash janë vënë në dispozicion për të mbështetur këto akuza. Duhet të kemi fakte.”

Eurodeputeti spanjoll Nacho Sánchez Amor gjithashtu shprehu mbështetjen për Kosovën, por theksoi nevojën për qasje të kujdesshme.

“Ju përmendët grupet kriminale të kontrolluara nga Serbia, por është e vështirë të veprohet pa prova më bindëse. E kuptojmë situatën tuaj të rëndë dhe mbështesim popullin tuaj, por nevojiten fakte më të qarta.”

Thomas Waitz, eurodeputet nga Austria, kërkoi një hetim ndërkombëtar të rastit në Zubin Potok.

“Serbia ka thënë se dëshiron të jetë pjesë e hetimit, por situata e ngjashme pas Banjskës nuk solli asgjë konkrete. Është koha që Qeveria serbe të marrë përgjegjësi dhe të veprojë kundër ekstremistëve.”

Ai gjithashtu bëri thirrje që pesë vendet e BE-së që nuk e kanë njohur Kosovën, ta bëjnë këtë sa më shpejt.

“Është koha që këto shtete ta njohin Kosovën si të pavarur për të dërguar një mesazh të qartë kundër destabilizimit,” theksoi ai.

Pas fjalimeve të eurodeputetëve, kryediplomatja Donika Gërvalla reagoi duke theksuar rëndësinë e veprimit të menjëhershëm.

“Policia e Kosovës ka sekuestruar një arsenal armësh dhe pajisjesh ushtarake të ardhura direkt nga Serbia. Ka pasur paralajmërime për sulme të tilla dhe motivi për destabilizim është i qartë.”

Gërvalla përfundoi me një paralajmërim për efektet e mëdha që mund të ketë neglizhimi i këtyre sulmeve.

“Nëse Serbia vazhdon në rrugën drejt BE-së pa presion të vërtetë, këto veprime nuk do të ndalen vetëm në Kosovë, por do të përhapen edhe në rajon. Ju kërkoj përkrahjen tuaj për të ndalur këtë kërcënim.”/Telegrafi/

The post Parlamenti Evropian debaton për sulmin terrorist në Zubin Potok, eurodeputeti austriak kërkon hetim ndërkombëtar appeared first on Telegrafi.

Gazetarja Altiana Zogaj në një intervistë në emisionin “Ballkan Update” në “ABC News” foli për shpërthimin e ndodhur në Ibër Lepenc.

Ajo theksoi se në një reagim të fundit, prokuroria Speciale, ka njoftuar se janë kryer kontrolle në banesa dhe se gjithashtu janë sekuestruar armë.

“Në aspektin e të kaluarës së tyre kriminale nuk ka të dhëna, personat e dyshuar janë banorë të pjesës së Mitrovicës së Veriut. Dhe thuhet se janë të dyshuar për sulmin që ka ndodhur dhe janë gjetur edhe prova që thuhet se do të shërbejnë për zbardhjen e sulmit në Iber Lebenc”, tha ajo.

Lidhur me këtë ngjarja ka pasur reagime edhe nga ndërkombëtarët, ndërsa kanë dënuar sulmit dhe kanë theksuar se mbështesin hetimet.

/abcnews.al/

Drejtori i Policisë së Kosovës, Gazmend Hoxha dha detaje ditën e djeshme (30 nëntor 2024) se çfarë është gjetur gjatë basitjeve që u zhvilluan në veri të Kosovës pas sulmit terrorist në kanalin e ujit të Ibër – Lepëncit.

Hoxha tha se në 10 lokacionet që u kryen kontrollet blic të policisë së Kosovës janë gjetur mbi 200 uniforma ushtarake, tri granata dore, dy armë automatike AK-47, një revole, municione të kalibrave të ndryshëm, pjesë të armëve, fitila ndezës për inicim të lëndëve plasëse, helmeta ushtarake, maska, thika, të holla në euro dhe në dinarë dhe pajisje të tjera.

Në fotot e publikuara nga autoritetet në Kosovë, pikasen edhe simbole dhe emblema serbe e ruse.

Ministri i Mbretërisë së Bashkuar për Evropë, Stephen Doughty ka dënuar sulmin terrorist mbi kanalin e Ibër-Lepencit në Zubin Potok të premten. Doughty e ka quajtur të tmerrshëm sulmin ndaj kanalit të ujit. Sipas tij, ky sulm kishte për qëllimin pengesën e jetës në Kosovë. “Përpjekjet e suksesshme të punonjësve të urgjencës për të frenuar

Kreu i PD-së, Sali Berisha është shprehur se sulmet në Veri të Kosovës kanë për synim destabilizimin e rajonit. 

Berisha theksoi se pas dëmtimit me eksploziv të ujësjellësit të Ibër-Lepencit fshihet Beogradi, që sipas tij kërkon me çdo kusht një zonë konfliktuale të re.

Sali Berisha: Dua të dënon me forcën më të madhe, aktet terroriste në Zubin-Potok, Zveçan të furnizimit me ujë të qytetarëve të Kosovës, por edhe institucionet e Kosovës në ato territore. Këto akte terroriste të cilat zhvillohen pas shpalljes nga presidentja e Kosovës të datës së zgjedhjeve dhe shprehjes së vullnetit të Listës Serbe për marrjen pjesë në këto zgjedhje, kanë synim madhor destabilizimin e atij rajoni dhe dekurajimin e serbëve, për të marrë pjesë në proceset demokratike, në Kosovë në vendin e tyre.

Këto akte janë një aktakuzë e rëndë e Beogradit, i cili kërkon me çdo kusht një zonë konfliktuale të re, kërkon me çdo kusht, destabilizimin e Kosovës.

Natyrisht një skenar i tillë, është skenar tipik i Rusisë së vogël, që i shkon në interesin më të madh edhe të Kremlinit.

Situata në Kosovë, kriza e konservuar në Kosovë, është rrjedhojë e qëndrimeve fund e krye konfliktuale të Beogradit, synimit të  tij për të mbajtur shtetin serb në Kosovë dhe për të zmadhuar siç shprehej vetë Vuçiçi Serbinë, duke nënkuptuar këtë zmadhim me territoret e Kosovës.

Kjo situatë është në interesin më të mirë të Kremlinit, i cili kërkon që krahas fronit të luftës në agresionin që bëri ndaj Ukrainës, të ketë edhe një konflikt tjetër në Ballkan., po në interesa të tij.

Përgjegjësit të vendosin sa më shpejt para ligjit. Të hiqern të gjitha sanksionet absurde të vendosura ndaj Kosovës. Kosova është pjesë e NATO dhe askush nuk duhet të luajë me këtë vend.

The post Sulmi në Veri të Kosovës, kryedemokrati Berisha: Beogradi kërkon me çdo kusht një zonë konfliktuale të re appeared first on Sot News | Lajme.

Eksperti i sigurisë në Kosovë Avni Islami tha se tri sulmet në Veri të vendit janë terrorizëm shtetëror serb brenda Republikës.

Islami, i ftuar në një intervistë televizive, tha që mënyra e kryerjes tregon se akti terrorist është bërë në mënyrë profesionale, prandaj pas tij qëndrojnë institucionet e Beogradit.

“Kualifikimi si sulm terrorist i vendosjes se eksplozionit, i plotëson të gjitha kushtet që të jetë akt terrorist. Por kur prapa një sulmi terrorist, qëndrojnë institucionet e një shteti, siç është rasti i Serbisë, kemi të bëjmë me terrorizëm shtetëror serb. Në të tri rastet kemi të bëjmë me akt terrorist serb. Por ky i fundit ishte një ndër sulmet më serioze kundër infrastrukturës kritike të Kosovës. Kemi të bëjmë me akt terrorist për shkak se mënyra e kryerjes është shumë profesionale,  dhe ikja nga vendngjarja pa zhurmë, tregon profesionalizëm të lartë.

Gjurmët zhduken vetëm kur kemi të bëjmë me institucionet e një vendi, dhe në këtë rast kemi të bëjmë me Serbinë. Kurti ditë më parë deklaroi se Serbia do hakmerret, sigurisht që kryeministri ka shërbime të mjaftueshme nga Inteligjenca e Kosovës, Policia dhe inteligjenca e vendeve mike. Kemi të bëjmë me tri akte terroriste në vendin tonë. Kemi të bëjmë me terrorizëm shtetëror serb brenda Republikës së Kosovës. Vuçiçi, Rajdoçiçi, dhe të tjerët i kanë të koordinuara deklaratat e tyre.

Qëllimi terroristëve është arritur, që diga të dëmtohet, që mos prodhohet rrymë dhe të shkaktohet një frikë dhe pasiguri. Për asnjë moment s’ka pasur ndërprerje të energjisë. Edhe uji është rikthyer në një kohë rekord. Institucionet e sigurisë kanë një plan operativ, ku do marrin në mbrojtje institucionet vitale të Kosovës, në katër komunat kryesore, dhe nuk pres që të përsëritet një rast i tillë. Institucionet e Kosovës do jenë më vigjilente dhe efikase, që të mos lejojnë që të ketë ngjarje të tilla”

Sipas tij dialogu Kosovë-Serbi do të të intensifikohet pas Presidencës Trump. Sipas tij pa një trysni ndërkombëtare ndaj Beogradit nuk ka si të fillojë dialogu, pasi Serbia nuk i ka zbatuar marrëveshjet.

The post Sulmi në kanalin Ibër-Lepenc, eksperti i sigurisë: Terrorizëm shtetëror serb, u krye në mënyrë profesionale appeared first on Sot News | Lajme.

Presidenti serb, Aleksandër Vuçiç ka reaguar pas akuzave nga qeveria e Kosovës se pas shpërthimit me rreth 15 kg eksploziv i ujësjellësit Ibër-Lepencit në Zubin Potok qëndron Beogradi.

Presidenti Vuçiç është shprehur se nuk do të kërkojë falje, duke shtuar se nuk qëndron Serbia pas sulmit me eksploziv.

“Pse mendoni se nuk nxitova sot në mëngjes të them se Serbia nuk ka lidhje me shpërthimin në kanalin Ibër-Lepenc. Çfarë, t’i kërkoj falje dikujt?

Dhe ata e dinë që ne nuk e bëmë! Nëse vrapoj nëpër mediat botërore për të justifikuar veten, ata do ta interpretojnë si të duan”, tha Aleksandër Vuçiç.

The post Sulmi me eksploziv në kanalin Ibër-Lepenc në Veri të Kosovës, presidenti serb Vuçiç: Nuk do ti kërkoj falje askujt! appeared first on Sot News | Lajme.

Kryeministri i Kosovës Albin Kurti ka shkuar sot në fshatin Varagë të Zubin Potokut ku ka vizituar vendin ku ka ndodhur shpërthimi në kanalin e Ibër–Lepencit.

Duke folur për mediat, Kurti tha se Policia ka zhvilluar kontrolle në banesa dhe se ka persona të arrestuar dhe dëshmi e prova materiale. Kreu i qeverisë deklaroi se personat përgjegjës do të përballen me fuqinë e ligjit të Republikës së Kosovës.

Teksa falenderoi të gjithë policiët, inxhinierët dhe ekspertët, Kurti ka treguar gjithashtu se është arritur sanim i pjesshëm i dëmtimit të kanalit.

“Kemi arritur që deri diku ta sanojmë dëmin. Jemi diku diç më shumë se çereku i prurjeve të ujit të kanalit, që e bën edhe ftohjen e elektranave dhe furnizimin me ujë. Policia po i zhvillon hetimet, ka bastisje dhe arrestime, dëshmi e prova materiale dhe të gjithë këta kriminel e terrorist do të përballen me drejtësinë dhe ligjin të Republikës demokratike të Kosovës”, tha Kurti.

The post Shpërthimi në kanalin e ujit në Zubin Potok, Kurti: Ka persona të arrestuar dhe prova material appeared first on Sot News | Lajme.

Kryeministri i Kosovës, njoftoi të shtunën se disa të dyshuar janë arrestuar dhe se janë gjetur prova materiale në lidhje me një shpërthim ndaj kanalit të ujit të Ibër-Lepencit në veri të vendit një ditë më parë. “Policia po zhvillon hetime, ka kryer bastisje. Ka arrestime, dëshmi e prova materiale dhe të gjithë këta kriminelë […]

The post Kurti: Ka të arrestuar dhe dëshmi materiale për sulmin në Ibër-Lepenc appeared first on BoldNews.al.