Larg nga ofertat e reklamuara, “kopjet” kozmetike – kopje pak a shumë diskrete të produkteve të markave të njohura për kujdesin e lëkurës, makijazhin ose kremrat kundër diellit – të shitura me çmime të ulëta në internet, pasi mund të jenë të rrezikshme për shëndetin, paralajmërojnë profesionistët e industrisë.

Kujdes nga kopjimet!

Në median sociale, veçanërisht në TikTok, disa qindra mijëra video të grave të reja nxjerrin në pah gjetjet e tyre të fundit si “kopje” të produkteve ekzistuese kozmetike.

Fondatina, buzëkuqi, kremi hidratues ose kremi kundër diellit supozohet se arrijnë të njëjtat rezultate si produktet e tyre origjinale, për më shumë se gjysmën e çmimit.

”Një kushëri i falsifikimit, fenomeni është më delikat dhe nganjëherë i vështirë për t’u identifikuar”, thotë Xavier Guéant, drejtor i çështjeve ligjore në Federatën e Kompanive të Bukurisë (FEBEA).

”Por këto produkte, në rritje në numër dhe gjithnjë e më të popullarizuara në mesin e konsumatorëve të rinj, përfaqësojnë një rrezik për shëndetin”, pohon ai.

Objektivi i federatës janë produktet e shitura në platformat e tregtisë elektronike jashtë Bashkimit Evropian, kryesisht në Azi, të tilla si ”Temu”, ”Shein” ose ”AliExpress” dhe të prodhuara jashtë çdo kuadri rregullator për higjienën ose kontrollin e cilësisë.

Sipas një studimi të ”C-Ways” të kryer për FEBEA-n, në mars 2025, 31% e francezëve kishin blerë një kopje të tillë.

Por, 96% e tyre nuk janë në dijeni të rreziqeve.

Metalet e rënda ose ftalatet
“Në Francë, sistemi është rigoroz. Por sapo largohemi nga ky kuadër dhe furnizohemi nga vende ku nuk ka kontrolle, e ekspozojmë veten ndaj rreziqeve të shumta”, shpjegon Stéphane Pirnay, ekspert i toksikologjisë dhe drejtor i kompanisë ”Expertox”.

”Përveç rrezikut të alergjenëve, produktet me cilësi të dobët mund të përmbajnë substanca toksike, të ndaluara ose që tejkalojnë kufijtë e autorizuar, të cilat mund të paraqesin rreziqe reale për shëndetin”, këmbëngul ai.

Toksikologu paralajmëron gjithashtu për një rrezik kimik, pasi disa produkte të testuara përmbajnë rregullisht metale të rënda ose ftalate, substanca kimike që konsiderohen si prishës endokrinë.

Një rrezik tjetër i identifikuar është një rrezik infektiv, pasi disa produkte të studiuara mund të përmbajnë patogjenë të shumtë.

“Jemi vërtet të habitur kur shohim të gjitha gjërat që mund të gjejmë në falsifikimet në përgjithësi si papastërti, gurë, jashtëqitje, pendë zogjsh”, liston Pirnay.

Laurence Coiffard, një profesor i farmacisë në Fakultetin e Nantes i specializuar në kozmetologji, ka studiuar kremrat e diellit që shiten në këto platforma.

Me ekipin e saj, ajo analizoi dy produkte të falsifikuara që pretendonin SPF 50+, si dhe disa kopje.

Rezultati? “Asnjë nga këto produkte nuk përmbante filtra UV”, zbulon ajo.

“Prandaj, ato nuk ofrojnë mbrojtje kundër rrezeve UV dhe ekziston një rrezik i madh në përdorimin e tyre”, paralajmëron ajo edhe pse ekspozimi në diell është shkaku kryesor i kancerit të lëkurës.

Sipas një studimi të publikuar nga Organizata Evropiane e Konsumatorit (BEUC) në shkurt, më shumë se 80% e produkteve të testuara të blera në ”Temu” nuk ishin në përputhje me legjislacionin evropian.

Për kozmetikën, shkeljet më të rëndësishme përfshinin lista përbërësish që mungonin ose ishin të pasakta, duke e bërë të pamundur të dihej se çfarë përmbanin në të vërtetë produktet.

Me lançimin e TikTok Shop në Francë në mars (i cili lejon që blerjet të bëhen direkt brenda aplikacionit), Xavier Guéant ka frikë se kjo lidhje më e drejtpërdrejtë midis shitësit dhe blerësit mund t’u sjellë dobi mashtruesve dhe falsifikuesve.

Së bashku me FEBEA-n, ai bën thirrje për forcimin e kuadrit ligjor për të “sqaruar zonat gri” dhe për të rritur burimet e dedikuara për zbatimin e ligjit.

PARIS, 12 korrik /ATSH-AFP/ – Larg nga ofertat e reklamuara, “kopjet” kozmetike – kopje pak a shumë diskrete të produkteve të markave të njohura për kujdesin e lëkurës, makijazhin ose kremrat kundër diellit – të shitura me çmime të ulëta në internet, pasi mund të jenë të rrezikshme për shëndetin, paralajmërojnë profesionistët e industrisë.

• Kujdes nga kopjimet!

Në median sociale, veçanërisht në TikTok, disa qindra mijëra video të grave të reja nxjerrin në pah gjetjet e tyre të fundit si “kopje” të produkteve ekzistuese kozmetike.

Fondatina, buzëkuqi, kremi hidratues ose kremi kundër diellit supozohet se arrijnë të njëjtat rezultate si produktet e tyre origjinale, për më shumë se gjysmën e çmimit.

”Një kushëri i falsifikimit, fenomeni është më delikat dhe nganjëherë i vështirë për t’u identifikuar”, thotë Xavier Guéant, drejtor i çështjeve ligjore në Federatën e Kompanive të Bukurisë (FEBEA).

”Por këto produkte, në rritje në numër dhe gjithnjë e më të popullarizuara në mesin e konsumatorëve të rinj, përfaqësojnë një rrezik për shëndetin”, pohon ai.

Objektivi i federatës janë produktet e shitura në platformat e tregtisë elektronike jashtë Bashkimit Evropian, kryesisht në Azi, të tilla si ”Temu”, ”Shein” ose ”AliExpress” dhe të prodhuara jashtë çdo kuadri rregullator për higjienën ose kontrollin e cilësisë.

Sipas një studimi të ”C-Ways” të kryer për FEBEA-n, në mars 2025, 31% e francezëve kishin blerë një kopje të tillë.

Por, 96% e tyre nuk janë në dijeni të rreziqeve.

• Metalet e rënda ose ftalatet

“Në Francë, sistemi është rigoroz. Por sapo largohemi nga ky kuadër dhe furnizohemi nga vende ku nuk ka kontrolle, e ekspozojmë veten ndaj rreziqeve të shumta”, shpjegon Stéphane Pirnay, ekspert i toksikologjisë dhe drejtor i kompanisë ”Expertox”.

”Përveç rrezikut të alergjenëve, produktet me cilësi të dobët mund të përmbajnë substanca toksike, të ndaluara ose që tejkalojnë kufijtë e autorizuar, të cilat mund të paraqesin rreziqe reale për shëndetin”, këmbëngul ai.

Toksikologu paralajmëron gjithashtu për një rrezik kimik, pasi disa produkte të testuara përmbajnë rregullisht metale të rënda ose ftalate, substanca kimike që konsiderohen si prishës endokrinë.

Një rrezik tjetër i identifikuar është një rrezik infektiv, pasi disa produkte të studiuara mund të përmbajnë patogjenë të shumtë.

“Jemi vërtet të habitur kur shohim të gjitha gjërat që mund të gjejmë në falsifikimet në përgjithësi si papastërti, gurë, jashtëqitje, pendë zogjsh”, liston Pirnay.

Laurence Coiffard, një profesor i farmacisë në Fakultetin e Nantes i specializuar në kozmetologji, ka studiuar kremrat e diellit që shiten në këto platforma.

Me ekipin e saj, ajo analizoi dy produkte të falsifikuara që pretendonin SPF 50+, si dhe disa kopje.

Rezultati? “Asnjë nga këto produkte nuk përmbante filtra UV”, zbulon ajo.

“Prandaj, ato nuk ofrojnë mbrojtje kundër rrezeve UV dhe ekziston një rrezik i madh në përdorimin e tyre”, paralajmëron ajo edhe pse ekspozimi në diell është shkaku kryesor i kancerit të lëkurës.

Sipas një studimi të publikuar nga Organizata Evropiane e Konsumatorit (BEUC) në shkurt, më shumë se 80% e produkteve të testuara të blera në ”Temu” nuk ishin në përputhje me legjislacionin evropian.

Për kozmetikën, shkeljet më të rëndësishme përfshinin lista përbërësish që mungonin ose ishin të pasakta, duke e bërë të pamundur të dihej se çfarë përmbanin në të vërtetë produktet.

Me lançimin e TikTok Shop në Francë në mars (i cili lejon që blerjet të bëhen direkt brenda aplikacionit), Xavier Guéant ka frikë se kjo lidhje më e drejtpërdrejtë midis shitësit dhe blerësit mund t’u sjellë dobi mashtruesve dhe falsifikuesve.

Së bashku me FEBEA-n, ai bën thirrje për forcimin e kuadrit ligjor për të “sqaruar zonat gri” dhe për të rritur burimet e dedikuara për zbatimin e ligjit./ a.jor.

The post FOKUS – Fenomeni kozmetik “dupe”, një rrezik i përhershëm shëndetësor appeared first on Agjencia Telegrafike Shqiptare.

Migrimi drejt Bashkimit Evropian ka çuar popullsinë e tij në një nivel rekord prej 450.4 milionë banorësh në vitin 2024, duke kompensuar për të katërtin vit me radhë rënien natyrore të popullsisë. Që nga viti 2012, në BE ka pasur më shumë vdekje sesa lindje, duke e bërë migrimin burimin e vetëm të rritjes demografike.

Vitin e kaluar, migrimi neto ishte 2.3 milion persona, duke balancuar një rënie natyrore prej 1.3 milion banorësh. Vdekjet arritën në 4.82 milion, ndërsa lindjet ishin vetëm 3.56 milion. Ndërkohë, Gjermania, Franca dhe Italia përbëjnë gati gjysmën e popullsisë së Unionit.

Në vitin 2024, 19 shtete anëtare regjistruan rritje të popullsisë, ndërsa tetë pësuan rënie. Malta kishte rritjen më të lartë (19 për 1,000 banorë), ndërsa Letonia pësoi rënien më të madhe (-9.9).

Eurostat thekson se rikthimi i lëvizjes pas pandemisë ka ndikuar ndjeshëm në këtë rritje. Megjithë shqetësimet për migrimin, kalimet e paligjshme ranë me 38% dhe ishin më të ulëtat që nga viti 2021. Disa vende si Gjermania, Belgjika dhe Polonia vendosën kontrolle kufitare të përkohshme.

Rënia e normave të lindshmërisë dhe plakja e popullsisë përbëjnë sfida serioze për të ardhmen ekonomike dhe sociale të BE-së.

The post Popullsia e BE-së arrin rritje rekord, migrimi drej Europës çon në 450 milionë banorë në 2024 appeared first on Albeu.com.

A e ka vënë re kush tjetër se çfarë po bën FIFA gjatë Kupës së Botës për Klube? Llogaritë e tyre zyrtare në rrjetet sociale shpesh publikojnë momente të sikletshme të lojtarëve që dështojnë gjatë ndeshjeve.

Kësaj radhe në qendër të vëmendjes është Kylian Mbappe.

Kapiteni i Francës dhe ylli i Real Madridit pati një ditë për t’u harruar kundër ish-skuadrës së tij, PSG-së, në humbjen 4-0 të “Los Blancos” në gjysmëfinale.

Gjatë ndeshjes, Mbappe tentoi të bënte lëvizjet e tij karakteristike në krah, por dështoi dhe humbi topin në mënyrë të turpshme. Në vend të tij, ishte mbrojtësi i PSG-së që dribloi dhe avancoi përpara.

FIFA nuk e humbi rastin për të postuar videon e këtij momenti në rrjete sociale, duke e vënë Mbappen në qendër të kritikave e talljeve.

Pavarësisht kësaj, Mbappe mbetet golashënuesi më i mirë i Real Madridit këtë sezon me 44 gola. Megjithatë, sezoni përfundoi pa asnjë trofe të rëndësishëm për madrilenët – një zhgënjim i madh për klubin dhe tifozët. /Telegrafi/

The post FIFA vendosi ta turpërojë Mbappen me pamje të reja të debaklit kundër PSG-së appeared first on Telegrafi.

Një nga sfidat më të mëdha të Carlo Ancelottit sezonin e kaluar – përveç lëndimeve – ishte gjetja e mënyrës më të mirë për të integruar Kylian Mbappe-n dhe Vinicius Jr. në të njëjtën formacion.

Të dy sulmuesit preferojnë të luajnë në krahun e majtë, duke e bërë të vështirë balancimin e repartit ofensiv.

Ky mbivendosje krijon hapësira të panevojshme në fushë, të cilat kundërshtarët i shfrytëzojnë për të ndëshkuar Real Madridin.

Në humbjen e thellë 4-0 ndaj PSG-së, Mbappe dhe Vinicius ishin dukshëm jashtë loje, duke mos kontribuar në ndërtimin e sulmeve dhe duke lejuar që parizienët të kontrollonin ndeshjen nga fillimi deri në fund.

Në disa raste, të dy lojtarët tentuan të ndërveprojnë në të njëjtin krah, por pa rezultat, duke e humbur topin lehtësisht dhe duke e vendosur ekipin në presion të panevojshëm.

Një video që po qarkullon në rrjetet sociale tregon një moment të tillë, ku bashkëpunimi i tyre rezulton në një pasim të gabuar dhe një kundërsulm të rrezikshëm për PSG-në.

Lexo po ashtu Pas turpërimit nga PSG, tifozët e Real Madridit duan që një lojtar të shitet sa më parë

Tifozët e Real Madridit nuk i kursyen komentet pas ndeshjes.

Një tifoz shkroi: “Nëse je trajner dhe e shikon këtë, si e fillon ta korrigjosh këtë çmenduri?”.

“Xabi Alonso nuk e di për çfarë është regjistruar”, ishte komenti i një tjetër tifozi.

Komentoi dikush tjetër: “Mbappe dhe Vini mund të jenë gëzim dhe dhimbje koke në të njëjtën kohë”.

Për trajnerin e ri Xabi Alonso, harmonizimi i dy yjeve në një sistem funksional do të jetë një nga sfidat më të mëdha në sezonin e ardhshëm. /Telegrafi/

The post Tifozët e Real Madridit “e gjejnë” se ku gaboi Alonso përballë PSG-së appeared first on Telegrafi.

Pas humbjes 4-0 nga Paris Saint-Germain në gjysmëfinalen e Kupës së Botës për Klube, Real Madridi është përballur me kritika për rënien në organizimin mbrojtës, sidomos pas rikthimit të Kylian Mbappes në formacion. Pavarësisht formës së mirë gjatë muajve të fundit, skuadra u shkatërrua përballë presionit të PSG-së.

Trajneri Xabi Alonso, pas ndeshjes, foli për mungesën e përpjekjes kolektive në mbrojtje, pa përmendur drejtpërdrejt as Vinicius Juniorin dhe as Mbappen. Problemet që Carlo Ancelotti kishte tentuar të zgjidhte më parë, janë kthyer sërish në vëmendje.

Sipas “Marca”, hierarkia e klubit është e vetëdijshme për çështjet e brendshme dhe ka siguruar Alonson se do ta mbështesë plotësisht në zgjidhjen e tyre, sidomos për menaxhimin e egove dhe disiplinës taktike.

Vëmendja kryesore është përqendruar te Vinicius Junior, forma e të cilit është në rënie, ndërsa rinovimi i kontratës ende nuk është finalizuar. Klubi dëshiron të kuptojë më qartë qëndrimin e tij dhe nivelin e përkushtimit.

Nga ana tjetër, Mbappe nuk ka bindur me angazhimin e tij pa top, duke sjellë shqetësim për trajnerin dhe stafin. Alonso e ka bërë të qartë se të gjithë lojtarët duhet të kontribuojnë në mbrojtje pa përjashtim.

Ndërkohë, Rodrygo Goes duket se është pranë largimit. Ai ka qëndruar pesë ndeshje radhazi në stol dhe klubi ka vendosur të kërkojë mundësi për shitjen e tij gjatë kësaj vere.

Këto zhvillime vijnë në një moment kritik për Real Madridin, i cili synon të rindërtojë skuadrën dhe të rikthejë balancën kolektive para fillimit të sezonit të ri në La Liga.

The post Real Madridi do të ndëshkojë Mbappen dhe Viniciusin pas humbjes turpëruese nga PSG appeared first on Albeu.com.

Pas miratimit, më datë 4 qershor 2025 nga Komisioni i Marrëdhënieve me Jashtë (AFET), tashmë dhe Parlamenti Evropian miratoi, në seancën plenare të datës 9 Korrik, në Strasburg, Raportin mbi ecurinë e progresin e Shqipërisë për vitet 2023 dhe 2024.

Raporti përbën një vlerësim të rëndësishëm politik dhe institucional të progresit të Shqipërisë në rrugën drejt anëtarësimit në Bashkimin Evropian dhe konfirmon mbështetjen e gjerë që procesi i zgjerimit gëzon në Parlamentin Evropian.

Qeveria mirëpret raportin e Parlamentit Evropian, vlerëson rolin e tij konstruktiv dhe mbështetës të rrugës evropiane të Shqipërisë, dhe falënderon eurodeputetët për ndjekjen me vëmendje të zhvillimeve në Shqipëri dhe në rajonin e Ballkanit.

Në mënyrë të veçantë, ajo shpreh vlerësim për Raportuesin për Shqipërinë, Andreas Scheider, për angazhimin e njëmendtë, qasjen objektive dhe të balancuar ndaj arritjeve dhe sfidave që kemi përpara dhe rekomandimeve për veprim. Qeveria vlerëson gjuhën inkurajuese të Raportit, si dhe pasqyrimin e qartë të progresit me reformat dhe arritjet e Shqipërisë, në dy vitet e fundit.

Ky Raport vjen në një moment të rëndësishëm historik, teksa Shqipëria po avancon me vendosmëri në rrugën e negociatave të anëtarësimit në Bashkimin Evropian dhe me reformat për të forcuar më tej demokracinë, shtetin e së drejtës, mbrojtjen e të drejtave të njeriut, qeverisjen e mirë, luftën kundër krimit të organizuar dhe korrupsionit, modernizimin e administratës publike, lirinë e medias dhe rritjen ekonomike të Shqipërisë.

Raporti i Parlamentit Evropian vjen vetëm një ditë pas raportit të publikuar nga Komisioni Evropian mbi Shtetin e së Drejtës, i cili vlerëson progresin e Shqipërisë në forcimin e institucioneve kyçe të sundimit të ligjit dhe në reformat e rëndësishme në drejtësi dhe të luftës kundër korrupsionit e modernizimit të qeverisjes.

Raporti njeh progresin që Shqipëria ka bërë në përmbushjen e kushteve për hapjen e negociatave dhe përparimin në grupet e kapitujve të negociatave dhe fton institucionet e BE-së dhe shtetet anëtare të ruajnë një qasje të bazuar në merita, të drejtë dhe të parashikueshme ndaj Shqipërisë dhe vendeve të tjera të Ballkanit Perëndimor.

Qeveria riafirmon përkushtimin e palëkundur për të vazhduar me ritëm edhe më të shpejtë reformat e nevojshme për anëtarësimin në Bashkimin Evropian dhe për të bashkëpunuar ngushtë dhe efektivisht me institucionet e Bashkimit Evropian.

Shqipëria mbetet plotësisht e përkushtuar ndaj natyrës rigoroze dhe transformuese të procesit të anëtarësimit, si dhe ndaj bashkëpunimit të thelluar me të gjitha institucionet evropiane, edhe Parlamentin Evropian dhe mirëpret rekomandimet për të thelluar më tej reforma, në të mirë të qytetarëve shqiptarë, të rritjes ekonomike e forcimit të demokracinë, si dhe për të kontribuar në forcimin dhe unitetin e Bashkimit Evropian. Siç deklaroi edhe Raporteri Schieder në fjalën e tij: “E ardhmja e Shqipërisë është në BE’’.

TIRANË, 10 korrik /ATSH/ Kryetari i Partisë për Bashkimin dhe të Drejtat e Njeriut (PBDNJ), deputeti Vangjel Dule, nga Kryesia e Kuvendit foli në lidhje me rezolutën e miratuar dje nga Parlamenti Evropian për Shqipërinë. Dule kritikoi pabarazinë që, sipas tij, u shfaq në zgjedhjet parlamentare të 11 majit.

“Së pari, kryefjala nuk mund të ishte tjetër veç zgjedhjet parlamentare të 11 majit dhe refreni si i rezolutës, dhe i gjithë debatit ishte mungesa e barazisë në zgjedhje. Termi tashmë i mirënjohur që në 12 maj, me raportin paraprak të misionit të vëzhguesve të OSBE-ODIHR, që konstatonte mungesën e barazisë, mungonte barazia. Kur mungon në një proces barazia, a mund të jetë produkti i këtij procesi i barabartë dhe i pranuar? A mund të jetë legjitim? Në fund të fundit janë pyetje që nuk janë retorike. Si mund të ishin të pranueshme zgjedhjet e 11 majit, në kushtet e një pabarazie të konstatuar nga të gjithë aktorët dhe faktorët vendas dhe të huaj?”, tha Dule.

Dule u ndal gjithashtu dhe te respektimi i minoriteteve në Shqipëri.

“Kur bëhen dy vite nga censi, nuk kemi ende rezultatet e detajuar për çdo njësi administrative në lidhje me praninë e pjesëtarëve të minoriteteve etnike. Është domosdoshmëri dhe nuk ka si të ndodhë ndryshe që krahas reformave të tjera në vendin tonë, të domosdoshme për përafrimin me realitetet evropiane, duhet gjetur forma në bashkëpunim të ngushtë në klimë mirëbesimi dhe në mekanizma të gjithëpranuara në juridiksionin e Këshillit të Evropës të përcaktohen se cilat janë hapësira ku jetojnë tradicionalisht dhe në numër të konsiderueshëm pjesëtarët e komuniteteve etnike”, tha Dule.

Kreu i PBDNJ-së ngriti shqetësimin edhe për pronat e minoriteteve, ku theksoi se kërkohet një moratorium që, pa u dhënë zgjidhje çështjes së pronave, të ndërpritet çdo leje abuzive në hapësirat me status ende të papërcaktuar ligjërisht.

“Çështja e pronave është emergjente që qeveria të heqë dorë nga praktikat e mostrajtimit të çështjes së pronave, të lënies së tyre pezull, sidomos në zonat bregdetare, me qëllim që t’i shndërrojë ato në objekt të aferave klienteliste të qeverisë, kryeministrit dhe oligarkëve. Është momenti që kërkohet në moratorium që pa u dhënë zgjidhje përfundimtare çështjes së pronave, të ndërpritet çdo dhënie leje abuzive në hapësirat me status ende të papërcaktuar ligjërisht”, tha Dule.

/m.q//a.f//r.e/

The post Rezoluta e PE, Dule: Kritika për zgjedhjet dhe respektimin e pakicave appeared first on Agjencia Telegrafike Shqiptare.

STRASBURG, 10 korrik /ATSH-AFP/ – Parlamenti Evropian refuzoi sot një mocion mosbesimi ndaj presidentes së Komisionit Evropian, Ursula von der Leyen.

I iniciuar nga e djathta ekstreme, mocioni u mbështet nga 175 eurodeputetë dhe u refuzua nga 360, ndërsa 18 parlamentarë abstenuan.

Mocioni i mosbesimit u paraqit nga ligjvënësi rumun i krahut të djathtë të BE-së, Gheorghe Piperea.

Iniciativa akuzon komisionin për mungesë transparence dhe keqmenaxhim, veçanërisht në lidhje me trajtimin e pandemisë Covid-19.

Nëse mocioni do të miratohej, atëherë komisionit do t’i duhej të jepte dorëheqjen në tërësi me presidenten e saj dhe 26 komisionerët e BE-së.

Megjithatë, një skenar i tillë u konsiderua i pamundur, pasi do të kërkonte një shumicë të dyfishtë që përbëhet nga dy të tretat e votave të hedhura dhe që përfaqëson shumicën e 720 vendeve të parlamentit./ a.jor.

The post BRUKSEL – Parlamenti Evropian refuzon mocionin e mosbesimit ndaj Von der Leyen appeared first on Agjencia Telegrafike Shqiptare.

Me rritjen e turizmit masiv, sjellja e pushuesve po analizohet më shumë se kurrë.

Francezët ankohen, gjermanët janë të fiksuar pas rregullave, ndërsa japonezët janë të përmbajtur. Këto klishe mbi turistët mbeten të forta.

Por çfarë mendojnë realisht vendasit për vizitorët e huaj?

Daily Telegraph intervistoi banorë dhe profesionistë të turizmit në Francë, Spanjë, Greqi dhe Itali për të hartuar një “hartë” të popullaritetit sipas kombësisë.

Francezët – ankues, por të dashur

Turistët francezë perceptohen si ankues, një tipar që irriton, por njëkohësisht konsiderohet me një lloj “sharmi”. Një hotelier grek tha: “Francezët ankohen për gjithçka, ne kretanët jemi të qetë, ndaj na duket e çuditshme. Por i preferojmë më shumë se gjermanët, të paktën buzëqeshin dhe përshëndesin.”

Megjithatë, francezët admirohen për kulturën e tyre të gastronomisë dhe verës. Shumë i konsiderojnë të edukuar dhe të sjellshëm, edhe pse ndonjëherë arrogantë dhe tepër kërkues.

Britanikët – të sjellshëm, por të zhurmshëm

Në Francë, britanikët vlerësohen për edukatën dhe diskrecionin. Por në Spanjë, imazhi i tyre dëmtohet nga sjelljet e tepruara gjatë festimeve, sidomos beqaritë, me alkool dhe zhurma të natës. Në Itali, admirohen për pasionin ndaj artit dhe historisë, edhe pse incidente si vandalizimi i Koloseut nga një turist britanik dëmtojnë reputacionin e tyre.

Kinezët – shpenzues, por pushtues

Turistët kinezë janë të lakmuar për fuqinë e tyre blerëse – shpenzuan 196.5 miliardë dollarë në 2023, më shumë se çdo komb tjetër – por kritikohen për sjellje të vrazhda dhe mungesë respekti ndaj kulturës vendase. Në Greqi, një banor i Santorinit tha: “Ata bllokojnë rrugët dhe bëjnë selfie mbi çatitë e shtëpive tona.” Në Itali, grupet e mëdha dhe selfie-stick-et shkaktojnë përplasje kulturore, edhe pse shpenzimet e tyre janë të mirëpritura.

Gjermanët – të respektueshëm, por të kursyer

Në Francë, gjermanët shihen si korrektë, të sjellshëm dhe puntualë. “Janë zakonisht mysafirët e mi të preferuar,” thotë një pronar hoteli pranë Mont-Saint-Michel. Por në Spanjë dhe Greqi, ndonjëherë kritikohen për mungesë përpjekjeje për të folur gjuhën vendase dhe për festime të tepruara. Në Balearike, një hotelier tha: “Na duhen gjermanët, por nuk jemi gjithmonë të lumtur kur vijnë. Nuk flasin fare spanjisht dhe pinë pothuajse sa britanikët.”

Italianët – spontanë dhe miqësorë

Italianët adhurohen për gjestet e tyre ekspresive dhe pasionin për artin, verën dhe historinë. Në Greqi, një floktar tha me humor: “Italianët flasin gjithë kohës me duar dhe pijnë shumë kafe – janë si grekët, por me amfetamina.” Në Spanjë, perceptohen si “kushërinj kulturorë” dhe rrallëherë kritikohen, edhe kur janë pak të zhurmshëm.

Amerikanët – të entuziazmuar dhe bujarë

Amerikanët vlerësohen për pozitivitetin dhe bujarinë e bakshisheve. Një punonjëse muzeu në Dordogne tha: “Edhe pas dy orësh turne, mbeten të entuziazmuar dhe duan detaje.”

Megjithatë, shpesh kritikohen për mungesë njohurish historike ose kërkesa tepër të larta në hotele luksoze.

Po zviceranët?

Edhe pse Daily Telegraph nuk analizoi turistët zviceranë, ata janë ndër më të pasurit: në 2024 shpenzuan 19 miliardë franga jashtë vendit (+7.8%). Janë të njohur për organizim, kujdes dhe diskrecion, edhe pse ndonjëherë perceptohen si të ftohtë. Në korrik 2023, një 17-vjeçare zvicerane u arrestua në Romë pasi gdhendi inicialet e saj në një mur të Koloseut, duke shkaktuar zemërim publik.

Kur perceptimet bëhen të njëanshme

Ekspertët theksojnë se këto perceptime varen edhe nga vendi. Në qytetet e mbingarkuara si Venecia, Barcelona apo Parisi, lodhja nga turizmi masiv i deformon gjykimet. Përkundrazi, në rajone më pak turistike, diferencat kulturore zbuten më shumë. Sidoqoftë, të gjithë bien dakord: ata që respektojnë kulturën vendase, mësojnë disa fjalë të gjuhës lokale dhe sillen me përgjegjësi mjedisore, janë të mirëpritur kudo.

PSG dhe Real Madrid do të përballen në “MetLife Stadium” në New Yersey në gjysmëfinalen e Kupës së Botës për Klube, për të përcaktuar finalistin e dytë, pas Chelsea-s. Reali vjen në gjysmëfinale pasi eleminoi Dortmundin 3-2, ndërsa PSG pasi mundi 1-0 Bayern Munich. Në një supersfidë si kjo e sotmja nuk ka favorit dhe […]

The post Në kërkim të finales, PSG dhe Real Madrid publikojnë formacionet zyrtare appeared first on BoldNews.al.

Parlamenti Evropian, me 461 vota pro, 121 kundër dhe 107 abstenime ka miratuar sot Raportin e Progresit për Maqedoninë e Veriut për vitet 2023 dhe 2024.

Pas një amendamenti të paraqitur nga tre grupet më të mëdha politike në Parlamentin Evropian – Partia Popullore Evropiane, Aleanca e Socialistëve dhe Demokratëve dhe Renew Europe – të gjitha referencat për “identitetin kombëtar maqedonas” dhe “gjuhën maqedonase” u hoqën nga Raporti i Progresit.

Këto referenca u përfshinë në draft-raportin, i cili u miratua më 24 qershor nga Komiteti i Punëve të Jashtme i Parlamentit Evropian, pavarësisht kundërshtimit të fortë nga eurodeputetët bullgarë, të cilët argumentuan se çështjet e identitetit kombëtar dhe gjuhës nuk kanë vend në një raport mbi progresin e një vendi kandidat, pasi ato janë përçarëse.

Kryeministri i Maqedonisë së Veriut, Hristian Mickoski, e përshkroi amendamentin që heq referencat për “identitetin dhe gjuhën kombëtare maqedonase” nga raporti si “të turpshëm” dhe akuzoi Bullgarinë për minimin e perspektivës evropiane të vendit të tij.

“Sot, Bullgaria ka punuar kundër nesh […] Bullgaria ka penguar rrugën evropiane të Maqedonisë, jo që tani e tutje, por që nga viti 1990. Bullgaria ka një axhendë dhe plan të qartë; ajo udhëhiqet nga mendimi i shkatërrimit të kombit maqedonas dhe identitetit të tij”, tha Mickoski, pas votimit të sotëm në seancën plenare të Parlamentit Evropian mbi Raportin e Progresit për Maqedoninë e Veriut.

Raportuesi në Parlamentin Evropian për Maqedoninë e Veriut, eurodeputeti austriak Thomas Weitz (Të Gjelbrit/Aleanca e Lirë Evropiane), tha në një deklaratë me shkrim pas votimit se “disa eurodeputetë bullgarë e keqpërdorën raportin për qëllime politike të brendshme”.

Eurodeputetët bullgarë e kishin akuzuar eurodeputetin austriak për “paragjykim” në favor të Shkupit. Sofja pohon se gjuha dhe identiteti i Shkupit kanë rrënjë bullgare dhe nuk ekzistonin para vitit 1945, kur rajoni u inkorporua në Jugosllavi. Nga ana tjetër, qeveria e Shkupit këmbëngul se identiteti dhe gjuha e saj janë të dallueshme dhe kanë ekzistuar prej shekujsh.

Dallimet Shkup-Sofje

Maqedonia e Veriut dhe Bullgaria kanë dallime historike, etnike dhe gjuhësore me dekada të tëra. Bullgaria ka bllokuar fillimin e negociatave të pranimit të Maqedonisë së Veriut me BE-në. Në verën e vitit 2022, qeveritë e atëhershme të të dy vendeve, pas ndërmjetësimit të BE-së, kishin arritur një propozim kompromisi, i cili parashikonte që Bullgaria të hiqte veton e saj për fillimin e negociatave të pranimit të Maqedonisë së Veriut me BE-në, me kusht që Shkupi të ndryshonte Kushtetutën e saj për të përfshirë pakicën bullgare që jeton në vend.

Propozimi u pranua nga qeveria e mëparshme e qendrës së majtë e Maqedonisë së Veriut, por nuk arriti të siguronte një shumicë prej 2/3 në Parlament për të ndryshuar Kushtetutën, për shkak të kundërshtimit të partisë së krahut të djathtë dhe aktuale në pushtet të vendit, VMRO-DPMNE të kryeministrit Hristijan Mickoski. Ky i fundit deklaron se qeveria e tij nuk e pranon propozimin dhe nuk do të japë pëlqimin për një ndryshim të tillë në Kushtetutën e vendit.

Si Brukseli ashtu edhe Sofja i kanë thënë vazhdimisht Maqedonisë së Veriut se do të jetë në gjendje të hapë kapitujt e negociatave të pranimit me BE-në , pasi të ketë ndryshuar më parë Kushtetutën e saj.

Sipas regjistrimit të fundit të popullsisë të kryer në Maqedoninë e Veriut në vitin 2021, bullgarët përbëjnë vetëm 0.2% të popullsisë së vendit (gjithsej 3,500 persona), një shifër që Sofja zyrtare e kundërshton dhe beson se përqindja e bullgarëve në Maqedoninë e Veriut është shumë më e lartë. Sofja beson se regjistrimi është kryer duke përdorur metoda që nuk siguruan pjesëmarrjen e të gjithë qytetarëve bullgarë në vend dhe akuzon Shkupin për heshtjen e pranisë historike bullgare.

Marrëdhëniet problematike të Maqedonisë së Veriut me Bullgarinë janë përkeqësuar veçanërisht që kur VMRO-DPMNE mori pushtetin në Shkup një vit më parë.

The post Me 461 vota pro, Parlamenti Evropian voton raportin e progresit për Maqedoninë e Veriut appeared first on Albeu.com.

Nga Nensi Bogdani Rezoluta më e fundit e Parlamentit Europian lidhur me procesin e zgjerimit, specifikisht mbi progresin e vendeve të Ballkanit Perëndimor, dërgoi një sinjal të qartë lidhur me masat për mbrojtjen e mjedisit dhe biodiversitetit në Shqipëri, të cilat sipas BE-së janë të panegociueshme kur bëhet fjalë për procesin e integrimit. Sipas eurodeputetëve, […]

The post PE kundër Aeroportit të Vlorës dhe HEC-it në Skavicë: Projekte që dëmtojnë mjedisin appeared first on BoldNews.al.

Presidenti i Republikës, Bajram Begaj, përshëndeti vendimin e Parlamentit Evropian pas miratimit të rezolutës mbi ecurinë e progresit të Shqipërisë për vitet 2023 – 2024.

Në një postim në profilin e tij zyrtar në platformën X dhe në Facebook, Presidenti Begaj e vlerëson këtë rezolutë si mbështetje ndaj procesit të reformave që Shqipëria ka ndërmarrë për anëtarësimin e plotë në Bashkimin Evropian.

“Konfirmimi dhe mbështetja e Parlamentit Evropian i jep Shqipërisë me rezolutën e fundit energji për procesin e reformave drejt anëtarësimit në Bashkimin Evropian.

Mirënjohja duhet të shprehet me punë dhe bashkëpunim parlamentar në të gjitha drejtimet dhe për çdo aspekt të rezolutës”, – shprehet Presidenti Begaj.

Eurodeputeti gjerman Michael Gahler ka komentuar në seancën e djeshme të Parlamentit Evropuan zgjedhjet në Shqipëri. Gjatë fjalës së tij në Parlamentin Europian, Gahler theksoi se, ndonëse teknikisht zgjedhjet shkuan mirë, mungesa e një fushe të barabartë loje dhe përdorimi i burimeve shtetërore për qëllime elektorale janë tregues të qartë të abuzimit me pushtetin.

Sipas tij zgjedhjet u shoqëruan me akuza për pastrimin parash dhe ndikim nga grupet kriminale në ekonomi. Ndërkohë që në fund të fjalës së tij theksoi se këto struktura duhet të çmontohen përpara se Shqipëria të anëtarësohet në Bashkimin Evropian.

“Kam qenë në Shqipëri gjatë zgjedhjeve të fundit. Teknikisht ato shkuan mirë, por në fakt ne si vëzhgues dhe OSBE-ja, arritëm në përfundimin se nuk kishte një fushë loje të barabartë, sepse pati abuzim me pushtetin aktual, që do të thotë, për shembull, ata dhuruan një shumë prej 100 eurosh për pensionistët, pak përpara zgjedhjeve, ose që gjobat e trafikut, për gjobat e makinave, u anuluan dy ditë para zgjedhjeve.

Këto janë çështje që nuk duhet të ndodhin dhe që do të duhet të adresohen, përfshirë edhe rekomandimet që ende nuk janë zbatuar. Dhe vërtet, duhet të them, historitë që dëgjon, përveç vëzhgimit të zgjedhjeve, për strukturat që lidhen me pastrimin e parave, ky është një fakt. Ka 30,000 apartamente që qëndrojnë aty, bosh, sepse janë ndërtuar me para të pastruara, dhe njerëzit që kërkojnë banesa, nuk mund t’i përballojnë.

Ekzistojnë këto skema të trafikut të drogës, dhe duhet të shohim, dhe unë jam i bindur, që do ta menaxhojmë këtë, që këto struktura të mos përfitojnë nga hyrja në Bashkimin Evropian. Ato duhet të shkatërrohen përpara se ky vend të hyjë në BE. Faleminderit shumë,” tha Gahler.

The post Zgjedhjet e 11 majit/ Michael Gahler: Pati abuzim nga pushteti aktual appeared first on Lapsi.al.

Kylian Mbappe u sëmur para se të hipte në aeroplan për në Shtetet e Bashkuara, ku Real Madridi do të luajë gjysmëfinalen e Kupës së Botës për Klube kundër PSG-së këtë të mërkurë. Kapiteni francez pësoi helmim nga ushqimi, gjë që i shkaktoi humbjen e gjashtë kilogramëve.

Në Shtetet e Bashkuara të Amerikës, Mbappe po kalon një Kupë të çuditshme të Botës për Klube.

Përpara se të siguronte një vend titullar këtë të mërkurë (ora 21:00) për të luajtur në gjysmëfinale kundër PSG-së, sulmuesit të Real Madridit iu desh të luftonte.

Në fakt, sipas gazetës L’Equipe, kapiteni i Francës u sëmur para se të merrte avionin për në Miami, ku Los Merengues filluan garën kundër Al-Hilal (1-1).

Në fillim, të gjithë menduan se ishte goditje nga nxehtësia. Për shkak të vuajtjeve, lojtari u detyrua të shtrohej në spital dhe u shfaq frika e një ataku apendiciti.

Sipas L’Equipe, testet e kryera zbuluan helmim nga ushqimi, ndoshta i lidhur me një bakter të pranishëm në pulë. Francezi humbi gjashtë kilogramë.

Pasi doli nga spitali, ai mundi të rifillonte stërvitjen dhe të bënte hapat e parë në këtë garë, në fazën e 1/8-tave, kundër Juventusit (1-0). Kundër Zonjës së Vjetër, ai luajti rreth 20 minuta.

Ai pati afërsisht të njëjtën kohë loje në çerekfinale, kundër Borussia Dortmund (3-2), kundër së cilës shënoi golin e tij të parë në këtë garë. Dëshmi se, edhe larg të qenit 100% i gatshëm, sulmuesi ruan një forcë të caktuar sulmuese. /Telegrafi/

The post Zbulohet arsyeja e sëmurjes së Mbappes dhe humbja e gjashtë kilogramëve appeared first on Telegrafi.

Kylian Mbappé ka tërhequr një pjesë të akuzave ndaj Paris Saint-Germain, klubit francez me të cilin u nda verën e kaluar duke nxjerrë të palarat në shesh. Përveç padisë sportive që mbetet aktualisht në fuqi, sulmuesi që sot është te Real Madrid kishte shtuar edhe një kallëzim kundër personave të panjohur për një tentativë shantazhi dhe dëme morale më 26 qershor. Akuza të tërhequra, pasi pikërisht atë ditë ai u kërcënua në rrjetet sociale nga Booba, një reper që e kishte “paralajmëruar”, i gatshëm të zbulonte disa prapaskena nga jeta private e lojtarit, i cili u tërhoq duke dëgjuar “këshillën” e fundit: “Luaj futboll, bëj gola dhe shit fanella. Por mos na shqetëso.”

Mbappé tërheq padinë për dëme morale ndaj PSG

Një rastësi, por shumë e çuditshme dhe që nuk kaloi pa u vënë re: fillimisht padia, pastaj postimi në rrjetet sociale kundër tij dhe më pas tërheqja e akuzave. Të gjitha brenda pak ditësh, që e vunë sërish në faqet e para yllin e Real Madrid për çështje jashtë fushe, ndërsa po përpiqet të rikthejë formën e tij më të mirë fizike në prag të gjysmëfinales që Casa Blanca do ta luajë pikërisht kundër PSG në Botërorin për Klube. Ku Mbappé mund të nisë sërish nga stoli pas problemeve fizike të pësuara javët e fundit që e kanë lodhur.

Booba e “këshilla”: “Luaj futboll, shit fanella. Mos na çaj ka*in”

Pikërisht “virusi i zorrëve” që pësoi lojtari francez ka qenë në qendër të akuzave të fshehta, por të drejtpërdrejta të reperit Booba ndaj Mbappé: sulmuesi i teknikut Xabi Alonso humbi një pjesë të madhe të pjesës së parë të Botërorit për Klube, i detyruar të mos stërvitej për shkak të një problemi gastroenterik që i shkaktoi humbjen e disa kilogramëve, problem që e mori gjatë qëndrimit në Miami. Ndoshta — sipas aludimeve të Booba — marrë në rrethana “të dyshimta” dhe gati për t’u zbuluar nëse lojtari do të vazhdonte me akuzat ndaj PSG. Por që do të mbeten sekrete, pasi pikërisht në prag të ndeshjes, Mbappé u ka dhënë mandat avokatëve të tij të tërheqin kallëzimin: “Luaj futboll, shëno gola dhe shit fanella” shkruhej ndër të tjera në mesazhin social, mëse i qartë. “Mos na shqetëso shumë, Kyky. Dhe nxirre patentën!”.

.@KMbappe Si tu laisses pas Nasser tranquille je vais lui dire ce que tu fais à Palm Beach et avec qui et pourquoi tu as chopé une “gastro”. Joue au foot marque des buts et vends des maillots. Tu vas pas nous péter les couilles longtemps Kyky. Et passe ton permis! pic.twitter.com/WUt6q6t1YC

— Booba (@booba) June 26, 2025

The post E kërcënuan, Mbappé trembet e heq padinë ndaj PSG: “Shit fanella e mos na çaj ka*in” appeared first on Lapsi.al.

Mesfushori i Manchester United, Manuel Ugarte, ka konfirmuar publikisht lidhjen e tij me influenceren britanike të modës dhe bukurisë, Georgia May Heath.

Në një postim romantik gjatë pushimeve në Spanjë, Ugarte publikoi një foto në jaht krah Georgias, ku shfaqet duke e përqafuar, teksa ka vendosur një emoji zemre dhe e ka etiketuar atë, duke e bërë lidhjen “Instagram official”.

Georgia, 27 vjeçe, është mjaft e ndjekur në rrjetet sociale, me afro 230 mijë ndjekës në Instagram dhe mbi 50 mijë në TikTok. Ajo është e njohur për përmbajtjen e saj në fushën e modës, por edhe për lidhjen e mëparshme me Kylian Mbappé.

Dikur në qendër të vëmendjes për romancën me yllin francez, Georgia dhe Mbappé u përfolën për një histori që nisi në vitin 2021 dhe u duk se vazhdoi herë pas here deri në janar të këtij viti, pak muaj përpara transferimit të sulmuesit te Real Madrid.

The post Zyrtare: Futbollisti i United, Manuel Ugarte në lidhje me ish-partneren e Mbappé appeared first on iconstyle.al.

Moti i nxehtë i zgjatur po riformëson qytetet e Europës, ndërsa temperaturat mbi 32°C shtrihen deri në vjeshtë. Ndërsa temperaturat globale vazhdojnë të rriten, qytetet europiane po përjetojnë vapë ekstreme për shumë më gjatë se muajt tradicionalë të verës.

Disa qytete në Europë tani përballojnë temperatura të larta deri në pesë muaj në vit, pohon një studim i ri nga Climate Resilience for All.

Analiza, e udhëhequr nga ekipi meteorologjik i OJQ-së, shqyrtoi të dhënat e temperaturës nga viti 2019 deri në vitin 2023 në 85 qytete në të gjithë botën. Ajo u përqendrua në ditët e para dhe të fundit kur secili qytet arriti 32°C, një prag për nxehtësinë ekstreme që paraqet rreziqe serioze për shëndetin dhe mjedisin.

Ata zbuluan se të ashtuquajturat ‘stinë të nxehtësisë’ nuk kufizohen më vetëm në muajt e njohur të verës dhe tani kanë kohëzgjatje shumë më të gjatë. Mesatarisht, ekipi, i udhëhequr nga shkencëtari i klimës Dr. Larry Kalkstein, thotë se stinët e nxehtësisë zgjasin 214 ditë në të gjitha qytetet që ata shqyrtuan.

Ditë jashtëzakonisht të nxehta ndodhën në çdo kohë të vitit në 20 nga 85 qytete. Studimi thotë se Athina në Greqi tani përballet me një nga stinët më të gjata të nxehtësisë në kontinent, me temperatura të larta që zgjasin rreth 145 ditë, nga mesi i majit deri në fillim të tetorit.

Tirana, kryeqyteti i Shqipërisë, renditet e dyta me një diferencë të ngushtë në listën e “Rezistencës ndaj Klimës për të Gjithë” me 143 ditë me nxehtësi ekstreme.

Në Portugali, sezoni i nxehtësisë në Lisbonë zgjat rreth 136 ditë, nga fundi i pranverës deri në fillim të vjeshtës. Madridi në Spanjë përjeton një sezon nxehtësie prej 119 ditësh, që shtrihet nga fundi i majit deri në mesin e shtatorit.

Zyrtarët e Parisit po përgatiten për një ngrohje prej 4°C , por kryeqyteti francez tashmë po përjeton gati tre muaj nxehtësi ekstreme, me temperatura mbi 32°C nga mesi i qershorit deri në mesin e shtatorit.

Mynihu dhe Varshava kanë stinë të nxehta më të shkurtra, por ende të konsiderueshme, që zgjasin rreth një ose dy muaj.

Pse sezonet më të gjata të nxehtësisë janë problem?

Studimet e mëparshme kanë zbuluar se ndryshimet klimatike të shkaktuara nga njeriu shtuan mesatarisht 30 ditë nxehtësi ekstreme për rreth gjysmën e popullsisë së botës vitin e kaluar. Kjo do të thotë se katër miliardë njerëz u ekspozuan ndaj temperaturave të zgjatura dhe të rrezikshme.

Studimi nga World Weather Attribution, Climate Central dhe Qendra e Klimës së Kryqit të Kuq shqyrtoi periudhën midis majit 2024 dhe majit 2025. Ai zbuloi se ndryshimi i klimës të paktën dyfishoi numrin e ditëve të klasifikuara si “nxehtësi ekstreme” në 195 nga 247 vendet dhe territoret që ata analizuan krahasuar me mesataren e mëparshme.

Europa është një nga rajonet që tashmë vuan pasojat më të dukshme dhe vdekjeprurëse të ngrohjes globale. Periudhat e zgjatura të nxehtësisë nxjerrin në pah se si po ndryshon klima e kontinentit dhe shqetësimet shëndetësore dhe infrastrukturore që vijnë me këtë ndryshim.

Sezonet më të gjata të nxehtësisë nënkuptojnë një rrezik në rritje të sëmundjeve që lidhen me nxehtësinë, duke çuar në një barrë më të madhe në sistemet e kujdesit shëndetësor dhe sfida për popullatat vulnerabël. Është veçanërisht problematike për të moshuarit dhe ata me sëmundje të mëparshme.

“Kjo analizë e bën të qartë: nuk mund ta trajtojmë më nxehtësinë si një pjesë normale të verës”, thotë Kathy Baughman McLeod, CEO e Climate Resilience for All.

Studimi thekson efektin e ishullit të nxehtësisë urbane , ku qytetet bëhen më të nxehta se zonat rurale përreth për shkak të infrastrukturës së dendur dhe hapësirës së gjelbër të kufizuar, si një faktor kyç që përkeqëson stresin e nxehtësisë në qendrat urbane të Evropës.

“Qytetet që nuk janë projektuar kurrë për ngrohje, tani përballen me goditje dhe strese të reja nga nxehtësia”, shpjegon Baughman McLeod.

Me stinët e nxehtësisë që shtrihen shumë përtej muajve të njohur të verës, qeveritë dhe planifikuesit e qytetit përballen me një sfidë urgjente: si t’i mbroni njerëzit nga valët e të nxehtit gjithnjë e më të shpeshta dhe të zgjatura?

The post Temperatura ekstreme/ Zgjatet vera në Europë, qytete si Tirana dhe Athina, përjetojnë ‘ferrin’ për pesë muaj appeared first on Sot News | Lajme.

Kylian Mbappé ishte një nga protagonistët e çerekfinaleve të fituara nga Real Madrid kundër Borussia Dortmund. Sulmuesi francez u dallua, në rikthimin në fushë, me një gjysmë roveshiatë që në rezultatin 3-1 mendohej se mund ta kishte mbyllur ndeshjen. Gjermanët më pas nuk arritën të shkonin përtej 3-2, duke iu afruar edhe barazimit që u bë i pamundur vetëm nga pritja e mrekullueshme e Courtois. Sulmuesi francez megjithatë në fund të ndeshjes ishte viktimë e një të papriture. Ish-lojtari i PSG u thirr në fakt për një test antidoping. Një praktikë e zakonshme dhe jo e pazakontë për futbollistët në përfundim të një ndeshjeje.

Testi antidoping

Mbappé iu nënshtrua testit por në një moment ajo që duhej të ishte vetëm një kontroll u kthye në diçka më shumë duke vazhduar për një kohë të gjatë. Siç raporton ‘MARCA’, francezi ishte me vonesë dhe ndërkohë shokët e skuadrës së Real gradualisht kishin lënë stadiumin për t’u ngjitur në autobus dhe për të shkuar drejt avionit që do t’i kthente në West Palm Beach, Miami, baza e tyre për këtë Botëror për Klube. Të gjithë arritën të hipnin në autobus përveç Mbappé, testi antidoping i të cilit zgjati shumë më tepër. Skuadra ishte mbledhur në autobus në orën 19:30 ndërsa Mbappé kishte lënë stadiumin në orën 20:28. Për këtë arsye autobusi i Merengues u nis duke e lënë ish-lojtarin e PSG në stadium.

Lexo më tej: Real Madrid thyen mes spektaklit e telasheve Dortmund:Mbappé gjen në gjysmëfinale PSG

Klubi madrilen u detyrua të nisej pa Kylian Mbappé ndërsa presidenti Florentino Perez iku me një makinë të errët. Sulmuesi francez mori më shumë kohë se sa pritej për t’iu nënshtruar një testi antidoping dhe e gjithë skuadra la MetLife Stadium pa të. Gati një orë vonesë për Mbappé që u detyrua të shoqërohej deri në destinacion nga një anëtar i klubit dhe u largua me një makinë të errët, i eskortuar nga të paktën pesë makina policie. Një fund i papritur për të pavarësisht golit në çerekfinale që kontribuoi në kualifikimin e Real Madrid, që tani është gati të përballet me PSG në gjysmëfinale.

Precedenti i Mbappé: gjithmonë me vonesë

Por nuk është hera e parë që kjo i ndodh Kylian Mbappé. Vitin e kaluar, në përfundim të gjysmëfinales së Champions, gjithmonë kundër Borussia Dortmund por kur francezi vishte fanellën e PSG, sulmuesi nuk arriti të merrte fluturimin me gjithë skuadrën që shkonte për në Paris sepse u bllokua në Gjermani sërish për shkak të kontrolleve antidoping pas ndeshjes që e detyruan të humbiste fluturimin dhe të shkonte në Francë me një makinë private. Sigurisht, sa herë që do t’i nënshtrohet një testi antidoping tani Mbappé do t’i kushtojë më shumë vëmendje kohës së kaluar.

The post Autobusi i Real Madrid niset e lë Mbappé në stadium: ç’ndodhi pas sfidës me Dortmund appeared first on Lapsi.al.