UEFA është testuar nga disa klube në Europë, që në mënyrë jo zyrtare kanë kërkuar të mos luajnë përballë Makabi Tel Avivit. Këto të fundit janë të vetmit përfaqësues nga Izraeli, që do të luajnë në grupet e një kompeticioni europian.

Sot u hodh shorti për Ligën e Europës dhe Makabi “peshkoi” Aston Vilën, Dinamo Zagrebin, Lionin, Paokun, Midtjilland, Freiburgun, Bolonjën, Shtutgartin.

Makabi do të luajë dy transferta në Gjermani, si dhe në Angli e Greqi. “The Times” ka publikuar shqetësimet që po lindin në futboll për shkak të luftës me Izrael-Gaza. Klubet e Izraelit nuk ndalohet, që të luajnë në Europë. Shqetësimi i raportuar nga Anglia sa vjen dhe shtohet.

The post Ekipi më i padëshiruar në Europë, UEFA përballet me kërkesë të veçantë nga disa klube appeared first on Albeu.com.

Situata e tmerrshme në Gaza i ka treguar një brezi të ri se sa shumë kemi nevojë për një Evropë më të fortë që promovon paqen, deklaroi presidentja e Parlamentit Evropian, Roberta Metsola, gjatë fjalimit të saj në qytetin italian të Riminit, shkruan adnkronos.it.

“Bota ka ndryshuar dhe Shtetet e Bashkuara të Amerikës janë më të ndërlikuara nga ç’ishin dikur, ndërsa lufta në Ukrainë nxori në pah varësinë tonë nga Rusia”, theksoi Metsola.

“Ne gjithashtu duhet t’i drejtohemi një audience më të re dhe më skeptike në lidhje me rolin e Evropës në gjetjen e një rrugëdaljeje në Lindjen e Mesme dhe Gaza, ku situata mbetet e tmerrshme. Shumë viktima të pafajshme, pengje që ende nuk janë liruar. Shumë fëmijë po vuajnë pasojat dhe dje u vranë më shumë gazetarë. Kjo situatë është e patolerueshme”, theksoi presidentja e PE-së.

”Status quo-ja e BE-së do të thotë dorëzim, do të thotë lënien e Evropës në anë të rrugës. Evropa nuk ka qenë kurrë spektatore në botë dhe ne nuk duhet të mësohemi kurrë të jemi një e tillë. Ne jemi udhëheqës; thjesht duhet të kemi guximin për të marrë vendimet e nevojshme. Është koha të ndalojmë së shikuari Evropën ashtu siç është dhe të fillojmë ndërtimin e Evropës ashtu siç mund të jetë”, vazhdoi Metsola.

”BE ka vetëm dy mundësi: ndryshim të guximshëm ose spirale të ngadaltë dhe të dhimbshme drejt mungesës së rëndësisë. Unë mbështes ndryshimin”, shtoi ajo.

TIRANË, 22 gusht/ATSH/ Tirana International Airport (TIA) renditet në krye të Europës dhe Ballkanit për rritjen e fluturimeve.

Sipas njoftimit të aeroportit, “Tirana International Airport në krye të Europës dhe Ballkanit!”.

Aerporti Ndërkombëtar i Tiranës bën të ditur se, “turizmi shqiptar po njeh zgjerimin më të madh ndonjëherë, duke e kthyer Shqipërinë në një nga destinacionet më të kërkuara për udhëtarët ndërkombëtarë”.

1 nga 2

/a.f/

The post Shqipëria lider në Europë dhe Ballkan, +152% rritje fluturimesh në korrik appeared first on Agjencia Telegrafike Shqiptare.

Një numër rekord zjarresh pyjore po përfshin Bashkimin Evropian këtë vit, me më shumë se 10 milionë hektarë tokë të djegura deri më tani, një sipërfaqe më e madhe se ishulli i Korsikës. Sipas të dhënave të fundit nga Sistemi Evropian i Informacionit për Zjarret në Pyje (EFFIS), kjo është sipërfaqja më e madhe e […]

The post 2025 viti më i keq! Zjarret shkatërrojnë mbi 10 milionë hektarë në Evropë appeared first on BoldNews.al.

Shqipëria së bashku me Bullgarinë dhe Turqinë kishin nivelin më të ulët të kënaqësisë për anën financiare sipas EUROSTAT. Në vitin 2022, mesatarisht, njerëzit në BE e vlerësuan gjendjen e tyre financiare me 6.6 në një shkallë nga minimumi 0 dhe maksimumi 10. Kjo vlerë është pak më e ulët krahasuar me vlerësimin e përgjithshëm […]

The post Shqiptarët të zhytur në varfëri! Të fundit në Europë për kënaqësinë financiare appeared first on BoldNews.al.

Shqipëria së bashku me Bullgarinë dhe Turqinë, kishin nivelin më të ulët të kënaqësisë për anën financiare sipas EUROSTAT.

Në vitin 2022, mesatarisht, njerëzit në BE e vlerësuan gjendjen e tyre financiare me 6.6 në një shkallë nga minimumi 0 dhe maksimumi 10.

Kjo vlerë është pak më e ulët, krahasuar me vlerësimin e përgjithshëm të kënaqësisë me jetën prej 7.1 për të njëjtin vit.

Nivelet më të larta të kënaqësisë financiare u gjetën në Holandë dhe Finlandë, të dyja me 7.6, të ndjekura nga Suedia me 7.4 dhe Austria me 7.3.

Në anën tjetër të shkallës, me nivelin më të ulët të kënaqësisë financiare ishin bullgarët me 4.6, Turqit me 4.7 dhe Shqiptarët me 4.8.

Kjo do të thotë se shumica e njerëzve në këto vende më shumë të pakënaqur, sesa të kënaqur me gjendjen e tyre financiare.

Nga viti 2013 deri në vitin 2022, kënaqësia e njerëzve me gjendjen e tyre financiare u rrit në shumicën e vendeve të BE-së.

Përjashtim bënë Danimarka, Luksemburgu dhe Suedia, ku ra pak, dhe Franca dhe Finlanda, ku mbeti në vend. Rritjet më të mëdha ishin në Portugali (+1.4 pikë), dhe në Irlande, Qipro dhe Slloveni (+1.3, +1.2 dhe +1.1 pikë, përkatësisht).

Marrëdhënia midis nivelit të të ardhurave dhe kënaqësisë me situatën financiare ndryshon pak midis vendeve të BE-së.

Ata në kuintilin më të ulët te të ardhurave janë më të pakënaqur, ku bën pjesë edhe Shqipëria. Këto janë gjithashtu, vendet me hendekun më të madh në nivelet e kënaqësisë midis atyre me të ardhurat më të larta dhe më të ulëta.

Në Greqi, niveli i kënaqësisë së atyre në kuintilin më të lartë te të ardhurave ishte më shumë se dyfishi i nivelit të atyre në kuintilin më të ulët të të ardhurave; në Bullgari dhe Kroaci ishte 75% më i lartë.

Boshllëqet më të vogla midis niveleve të kënaqësisë së kuintileve me të ardhura më të larta dhe më të ulëta ishin në Maltë, Itali dhe Finlandë./ Monitor

The post Shqipëria ndër tre vendet më të pakënaqura në Europë për gjendjen financiare appeared first on Albeu.com.

Turizmi në Shqipëri prej vitesh po fiton gjithnjë e më shumë vëmendje, duke u kthyer në një ndër sektorët me zhvillimin më të shpejtë. Ky fakt pasqyrohet qartë edhe në rritjen e ndjeshme të numrit të fluturimeve komerciale, sidomos pas periudhës së pandemisë, ku ky treg ka njohur një zgjerim të jashtëzakonshëm. Sipas të dhënave […]

The post Shqipëria vendi me rritjen më të lartë të fluturimeve në Europë në korrik appeared first on BoldNews.al.

Rusia i ka rritur ndjeshëm operacionet sabotuese në të gjithë Evropën, sipas një raporti të ri. Numri i sulmeve ndaj infrastrukturës kritike është katërfishuar që nga viti 2023. Gjetjet, të publikuara nga Instituti Ndërkombëtar për Studime Strategjike, përputhen me një numër në rritje raportimesh nga media, aktakuzash dhe paralajmërimesh të shërbimeve të inteligjencës, të cilat […]

The post Raporti: Operacionet sabotuese të Rusisë në Europë janë katërfishuar që nga viti 2023 appeared first on BoldNews.al.

Shteti i Kosovës është përfshirë në projektin evropian “Një këngë, një Evropë” përmes interpretimit të artistit Driton Bejta, përfshirje kjo që është mundësuar dhe realizuar nga një iniciativë e Radiotelevizionit të Kosovës.

Drejtori i Televizionit në RTK, Rilind Gërvalla, këtë përfshirje e ka cilësuar si një ndërthurje të veçantë mes traditës dhe modernitetit.

“Përfshirja e Kosovës në projektin evropian ‘Një këngë, një Evropë’ përmes interpretimit të Driton Bejtës sjell një dimension të veçantë të ndërthurjes mes traditës dhe modernitetit,” ka deklaruar Gërvalla.

Gërvalla gjithashu ka shtuar se veprën simbol të Bashkimit Evropian, “Ode to Joy”, këtë herë publiku do ta përjetojë në një formë unike përmes RTK-së.

“Veprën simbol të Bashkimit Evropian, ‘Ode to Joy’, këtë herë nëpërmes RTK-së do ta përjetoni jo vetëm si një himn universal, por edhe si një mozaik kulturor ku identitetet gërshetohen në një tingull të përbashkët,” është shprehur ai.

Sipas Gërvallës, artisti Driton Bejta sjell në këtë interpretim përvojën e tij të pasur që lidh jazz-in me motivet tradicionale shqiptare.

“Driton Bejta, i njohur për krijimtarinë e tij jazz dhe për lidhjen e hollë që ka ditur të ndërtojë mes improvizimit modern dhe motiveve të kaba-ve të jugut, e bart këtë përvojë në një skenë ndërkombëtare ku dialogu muzikor është në qendër,” ka thënë ai.

Tutje, ai ka potencuar se e zgjedhja e çiftelisë si instrument kryesor përbën një deklaratë kulturore me peshë.

“Zgjedhja e çiftelisë nuk është vetëm një akt artistik, por edhe një deklaratë kulturore: ky instrument, shpesh i kufizuar në hapësira lokale e intime, ngrihet tani në nivelin e komunikimit pan-evropian,” ka thënë Gërvalla.

Ky moment, sipas tij shënon hap domethënës për Kosovën në arenën evropiane të kulturës.

“Ky moment përfaqëson një hap domethënës për Kosovën, jo thjesht për t’u dëgjuar, por për t’u pranuar si zë i barabartë në orkestrën e kulturave evropiane. Bejta, me stilin e tij që tejkalon kufijtë e zhanreve, e shndërron çiftelinë në një urë të gjallë mes trashëgimisë dhe bashkëkohësisë evropiane,” ka përfunduar Gërvalla.

Banka e Shqipërisë vëren se çmimet e karburanteve në vend nuk po reflektojnë ecuri të njëjtë me tregjet e Bashkimit Europian. Në raportin e fundit të politikës monetare, Banka Qendrore vëren se çmimet e karburanteve pësuan rënie të dukshme në vendet e Bashkimit Europian në tremujorin e dytë të vitit, veçanërisht në muajin maj. Por, […]

The post Çmimet e karburantit u ulën në Europë, por jo në Shqipëri appeared first on BoldNews.al.

TIRANË, 14 gusht /ATSH/ Skuadra e Egnatias e ka mbyllur rrugëtimin e saj në kupat e Europës, pasi u mund sot përballë Olimpija Ljubljana, në sfidën e zhvilluar në “Arena Egnatia”. Rrogozhinati u mundën me rezultatin 4-2 pas 120 minutave lojë.

Koha e rregullt përfundoi 2-2, por dy golat e shënuar nga Regi Lushkja nuk mjaftuan për skuadrën e Egli Tetovës, të cilët pësuan dy gola në shtesë.

Pas rezultatit 0-0 në sfidën e parë në Slloveni, Egnatia e nisi sfidën me vetëbesim dhe shënoi mjaft shpejt. Vendasit kaluan të parët në avantazh me golin e Regi Lushkjas në minutën e 6-të, ndërsa Veljko Jelenković barazoi shifrat në minutën e 32-të.

Pjesa e dytë solli edhe më shumë emocione. Antonio Marin shënoi për miqtë në minutën e 78-të, ndërsa një minutë më vonë Egnatia mbeti me 10 lojtarë, pasi Mohammed Yahaya u ndëshkua me kartonin e dytë të verdhë dhe la fushën me karton të kuq. Megjithatë, skuadra e Edlir Tetovës nuk u dorëzua dhe barazoi përsëri në minutën e 86-të, me golin e dytë personal të Lushkjas.

Koha shtesë rezultoi fatale për vendasit, që pësuan dy gola. Fillimisht shënoi Ivan Durdov në minutën e 99-të dhe më pas Álex Blanco në minutën e 107-të, duke vulosur rezultatin përfundimtar 4-2 dhe eliminimin e kampionëve të Shqipërisë nga Europa Conference League.

/a.f/

The post Egnatia eliminohet nga Europa Conference League appeared first on Agjencia Telegrafike Shqiptare.

Qytete si Dubrovniku dhe Talini kanë arritur të ruajnë trashëgiminë e tyre mesjetare, duke balancuar sigurinë dhe rehatinë e turistëve dhe banorëve. Dubrovniku është qyteti më i sigurt i Evropës, sipas një studimi të ri nga operatori turistik Riviera Travel, i cili zbuloi renditjen e qyteteve më të sigurta në kontinent.

Edhe pse faktorë si aktivitetet, moti dhe buxheti zakonisht ndikojnë në konsideratat për pushimet, siguria është gjithashtu një konsideratë jetësore kur rezervoni pushimet tuaja të ardhshme. Të dish që ndodhesh në një qytet relativisht të sigurt mund ta bëjë shumë më të lehtë relaksimin dhe shijimin e plotë të pushimeve.

Indeksi i Destinacioneve më të Sigurta vlerëson qytetet evropiane bazuar si në rritjen e shkallës së krimit gjatë pesë viteve të fundit, ashtu edhe në nivelin aktual të krimit, për një rezultat të kombinuar sigurie. Numri më i ulët tregon destinacionin më të sigurt, bazuar në nivelin më të ulët të krimit.

“Këto gjetje konfirmojnë se Evropa ofron kulturë dhe bukuri të shkëlqyer, si dhe siguri të pakrahasueshme. Nga sharmi mesjetar i Dubrovnikut te horizonti i pabesueshëm i mbushur me maja të Pragës dhe bukuria piktoreske e Cyrihut, destinacionet më të sigurta të Evropës ju lejojnë të lëvizni lirisht me qetësi shpirtërore”, tha për Euronews Travel Joanne Lynn, drejtuese e Produkteve Evropiane në Riviera Travel.

“Ndërsa gjetjet tona i rendisin këto qytete si më të sigurtat në Evropë, është e rëndësishme të merren masa paraprake dhe të jemi vigjilentë kur vizitojmë destinacione të reja.”

Cilat qytete janë më të sigurta në Evropë?

Edhe pse qytetet evropiane janë zakonisht relativisht të sigurta, krahasuar me qytetet globale në përgjithësi, destinacionet e mëposhtme e çojnë sigurinë në një nivel tjetër.

Dubrovnik

Dubrovniku, një nga qytetet më të njohura në Kroaci, është gjithashtu më i sigurti, sipas Riviera Travel, me një rezultat të përgjithshëm sigurie prej 44.1. Qyteti, i quajtur “Perla e Adriatikut”, është një vend i Trashëgimisë Botërore të UNESCO-s për shkak të Qytetit të Vjetër të fortifikuar të ruajtur mirë dhe arkitekturës së jashtëzakonshme mesjetare.

Pavarësisht se është një nga destinacionet kryesore për festa në kontinent, niveli aktual i krimit konsiderohet shumë i ulët, me sasinë e krimit të parë në pesë vitet e fundit gjithashtu të ulët.

Eksplorimi i sigurt natën është i mundur, edhe vetëm, pasi qyteti është shumë i lehtë për t’u ecur në këmbë dhe Qyteti i Vjetër ka rrugë veçanërisht të ndriçuara mirë. Sipas Lonely Planet, Dubrovniku ka nxitur një ndjenjë shumë të fortë komuniteti. Është veçanërisht mikpritës për turistët, ndërkohë që mbron edhe banorët, duke krijuar një mjedis të sigurt për vizitorët.

Krimi i dhunshëm është i rrallë, megjithëse krime të vogla si vjedhja e xhepave mund të ndodhin ende, së bashku me kurthe turistike dhe mashtrime të rastit me taksitë.

Talin

Talini zuri vendin e dytë në Indeksin e Destinacioneve të Sigurta, me një rezultat të përgjithshëm sigurie prej 55.8 dhe nivele shumë të ulëta aktuale të krimit. Qyteti është një nga kryeqytetet më të sigurta në Evropën Veriore.

Qyteti i Vjetër është një tjetër vend i Trashëgimisë Botërore të UNESCO-s, duke qenë një shembull jashtëzakonisht i ruajtur mirë i një qyteti tregtar mesjetar të Evropës Veriore. Shumë vendas, veçanërisht ata në industrinë e shërbimeve dhe turizmit, e flasin mirë anglishten, duke ua bërë më të lehtë turistëve të kërkojnë ndihmë nëse është e nevojshme.

Aplikacionet e taksive si Bolt ofrojnë shërbimet “Gratë për Gratë”, të cilat u lejojnë pasagjereve femra të kërkojnë posaçërisht udhëtime nga shoferet femra.

Varshavë

Varshava u rendit në vendin e tretë në indeks, me një rezultat të përgjithshëm sigurie prej 60.2. Edhe pse qyteti ka parë një rritje të moderuar të krimit në pesë vitet e fundit, ai ende ka një nivel shumë të ulët aktual të krimit. Rindërtimi i rëndësishëm pas luftës dhe lagjet bashkëkohore me stil kanë tërhequr një mori vizitorësh që duan të eksplorojnë lagjet historike të rindërtuara.

Prania e bollshme e policisë bashkiake, si dhe hapësirat publike të ndriçuara mirë, kanë kontribuar që udhëtarët të ndihen të sigurt edhe kur ecin nëpër Varshavë natën, sipas Travel Ladies. Rritja e të ardhurave familjare dhe rritja ekonomike, së bashku me rënien e papunësisë në Poloni , kanë ulur gjithashtu nivelet e krimit, sipas Statista.

Pragë

Në vendin e katërt në Indeksin e Destinacioneve të Sigurta ishte Praga, me një rezultat të përgjithshëm sigurie prej 50.9. Ngjashëm me Varshavën, Praga ka parë një rritje të moderuar të krimit në pesë vitet e fundit, megjithëse ende mban nivele shumë të ulëta krimi për momentin.

E quajtur “Qyteti i njëqind majave”, Praga ofron një përzierje joshëse të pamjeve spektakolare dhe sigurisë.

Sipas Prague Views, forcat e ligjit janë proaktive dhe efikase në trajtimin e vjedhjeve të xhepave dhe krimeve të tjera, si dhe në ruajtjen e rendit, ndërsa qyteti ka edhe një sistem të mirë mbikëqyrjeje. Mungesa e tensioneve të mëdha dhe sistemeve të forta të mbështetjes sociale kontribuon gjithashtu në siguri, me banorët dhe vizitorët e Pragës që janë përgjithësisht më të vetëdijshëm për mjedisin përreth dhe sendet e tyre personale.

Krakow
Një qytet tjetër polak, Kraków , zuri vendin e pestë, me një rezultat të përgjithshëm sigurie prej 64.3. Qyteti aktualisht ka një nivel të ulët krimi, me një rritje të moderuar në pesë vitet e fundit. Kjo ndodh kryesisht për shkak të pranisë së lartë të policisë, sipas Visit Krakow, veçanërisht në zonat turistike, duke ofruar një ndjenjë të shtuar sigurie dhe duke dekurajuar krimin.

Ashtu si Dubrovniku, Krakow nxit një qëndrim miqësor ndaj turistëve, me Qytetin e Vjetër dhe qendrat e tjera kryesore turistike që janë të mbushura me njerëz dhe të ndriçuara mirë. Autoritetet dhe shërbimet lokale kanë përvojë të mirë në trajtimin e problemeve të zakonshme turistike. Transporti publik është përgjithësisht i sigurt, madje edhe natën.

Amsterdam

Amsterdami ishte në vendin e gjashtë, me një rritje të moderuar të krimit në pesë vitet e fundit, së bashku me një nivel të ulët krimi aktualisht. Holandezët kanë një besim veçanërisht të lartë tek policia, sipas Ultimate Party Experiences. Kjo i bën dëshmitarët dhe viktimat e krimit në Amsterdam më të prirur të raportojnë incidentet, duke ndihmuar në uljen e krimit të përgjithshëm. Amsterdami gjithashtu ka një qasje më tolerante dhe liberale ndaj gjërave të tilla si puna seksuale dhe përdorimi i kanabisit, gjë që ndihmon në uljen e gjasave të krimeve rreth këtyre aktiviteteve.

Atmosfera e përgjithshme e relaksuar dhe globale e qytetit, si dhe qasja “jeto dhe lëri të jetojnë” e të tjerëve, inkurajojnë gjithashtu përfshirjen dhe sigurinë më të lartë, me një ndjenjë të fortë komuniteti dhe mbështetjeje.

The post Renditja e qyteteve më të sigurta të Evropës: Destinacionet që ofrojnë bukuri historike dhe qetësi shpirtërore appeared first on iconstyle.al.

Në Turqi, një pasagjer që zgjidh rripin e sigurimit para ndalimit të plotë të avionit mund të gjobitet me 62 euro. Në Albufeira të Portugalisë, veshja me bikini në rrugë mund të kushtojë deri në 1,500 euro, ndërsa në Ishujt Balearik të Spanjës, pirja e alkoolit në publik mund të sjellë një gjobë deri në 3,000 euro.

Autoritetet lokale thonë se masat nuk kanë për qëllim të trembin turistët, por të ruajnë mirëqenien e banorëve dhe të promovojnë turizmin e përgjegjshëm.

“Rregullat janë për të mbrojtur përvojën e shumicës së vizitorëve që sillen mirë,” tha Jessica Harvey Taylor nga Zyra Spanjolle e Turizmit në Londër.

Në Malaga, një fushatë sensibilizuese me 10 pika u lançua për të edukuar pushuesit mbi sjelljen e duhur, përfshirë shmangien e mbeturinave, zhurmës dhe përdorimit të pakujdesshëm të skuterëve elektrikë.

Gjobat janë konkrete dhe policia po monitoron nga afër zonat turistike, veçanërisht ato me jetë të gjallë nate.

Në Greqi, marrja e një guaske nga plazhi mund të kushtojë deri në 1,000 euro. Në Itali, ecja në shtigjet e Cinque Terre me këpucë të papërshtatshme mund të sjellë një gjobë prej 2,500 eurosh. Madje edhe duhanpirja në plazhet publike në Francë tani ndalohet dhe ndëshkohet me 90 euro.

Ekspertët thonë se kjo është përgjigje ndaj viteve të pakënaqësisë lokale ndaj mbiturizmit dhe mungesës së respektit ndaj komuniteteve pritëse.

Megjithatë, ka shqetësime për efektivitetin afatgjatë të këtyre masave. Për momentin, prania e policisë është rritur dhe turistët janë të këshilluar të njihen me rregullat përpara udhëtimit.

Në Albufeira, posterat dhe fletëpalosjet informuese janë vendosur në hotele, por shumë vizitorë ende nuk janë të vetëdijshëm për rregullat e reja.

Si të mos gjobiteni në Evropë këtë verë:

Gjoba: Deri në 300 euro (261 paund) për drejtim mjeti me shapka, këmbë zbathur ose sandale.

Ku? Spanjë, Greqi, Itali, Francë, Portugali

Si ta shmangni: Vishni këpucë të përshtatshme për të drejtuar makinën.

Gjoba: Deri në 1,500 euro (1,307 paund) për veshjen e rrobave të banjës larg plazhit.

Ku? Barcelona, Albufeira, Split, Sorrento, Kanë, Venecia

Si ta shmangni: Mbulohuni kur të largoheni nga plazhi.

Gjoba: Deri në 3,000 euro (2,615 paund) për pirjen e alkoolit në publik

Ku? Majorka, Ibiza, Magaluf, Ishujt Kanarie

Si ta shmangni: Pijeni me masë në një bar, restorant ose në vilën apo apartamentin tuaj.

Gjoba: Deri në 1,000 euro (871 paund) për marrjen e një guaske ose guraleci nga plazhi

Ku? Greqi

Si ta shmangni: Bëni një foto në vend të kësaj.

Gjoba: 350 euro (305 paund) për not në një kanal

Ku ? Venecia

Si ta shmangni: Mos harroni se ujërat e zeza derdhen në kanal; në vend të kësaj bëni një udhëtim me gondolë.

The post Turistët në Evropë do të ”mbyten” me gjoba: Nëse doni të qëndoni, silluni mirë! Çfarë nuk do të tolerohet më appeared first on Albeu.com.

Prokuroria e Posaçme (SPAK) ka dalë me një komunikatë për mediat në lidhje me aksionin e sotëm ku u godit një organizatë kriminale e trafikut ndërkombëtar të lëndëve narkotike, teksa paratë e përfituara nga aktiviteti i paligjshëm i investonte në prona dhe biznese në Shqipëri. Raportohet se në total janë lëshuar 14 masa sigurie “arrest […]

The post 14 urdhër-arreste/ SPAK jep detajet: Grupi i Franc Çopjas trafikoi 28 ton kokainë drejt Europës appeared first on BoldNews.al.

Raporti i fundit Evropian për Drogën 2025, i publikuar nga Agjencia Evropiane e Drogave (EUDA) , përshkruan një peizazh droge që ndryshon me shpejtësi në të gjithë Evropën, i nxitur nga paqëndrueshmëria globale, ndryshimi i drogës dhe modeleve të përdorimit të drogës, si dhe rrjetet në zhvillim e sipër të trafikimit. Bazuar në të dhëna […]

The post Kërkesa për drogë sintetike po rritet në Evropë appeared first on BoldNews.al.

Shqipëria zë vendin e fundit mes 35 vendeve europiane sa i përket shpenzimeve për pensione për frymë, sipas të dhënave për vitin 2022.

Me vetëm 1,600 euro për pensionist në vit, vendi mbetet shumë larg mesatares së Bashkimit Europian, e cila arrin në 16,100 euro.

Edhe kur merret parasysh fuqia blerëse, diferenca mbetet e ndjeshme.

Në raport me Prodhimin e Brendshëm Bruto, Shqipëria shpenzon vetëm 5.3% për pensione, kundrejt 9.3% që shpenzon mesatarisht BE-ja — një tregues i qartë i sfidave strukturore që përballet sistemi i pensioneve në vend.

Ndërkohë, Mali i Zi, edhe pse me të njëjtën përqindje të PBB-së si Shqipëria (5.3%), arrin të japë 4,000 euro për pensionist në vit, më shumë se dyfishin e Shqipërisë.

Serbia, nga ana tjetër, shpenzon 3,500 euro për pensionist dhe 6.3% të PBB-së për pensione, duke reflektuar një mbështetje më të lartë financiare të të moshuarve.

Europa

Gjithnjë e më shumë brezat e rinj po shprehen se nuk do të tërhiqen kurrë nga puna, për shkak të pasigurive financiare.

Por si ia dalin pensionistët e sotëm? Si i mbulojnë shpenzimet mujore dhe si duken realisht pensionet në Europë sot?

Grafiku më poshtë paraqet të dhënat më të fundit mbi shpenzimet vjetore publike për pension për çdo përfitues në 35 ekonomi europiane, si dhe pjesën që zënë përfitimet e pleqërisë në prodhimin kombëtar të secilit vend.

Të dhënat janë marrë nga dy baza të ndryshme të Eurostat dhe përfshijnë:

Totali i shpenzimeve për pensione publike për vitin 2022, i ndarë me numrin e përfituesve
Vlerat e shprehura si në euro, ashtu edhe sipas standardit të fuqisë blerëse (PPS)
Përqindja e PBB-së që i dedikohet pensioneve, sipas të dhënave nga baza e parë.

Këto të dhëna ofrojnë një panoramë të qartë të hendekut mes vendeve në shpenzimet për kujdesin ndaj të moshuarve, duke vënë në dukje sfidat që përballojnë pensionistët në Europë — veçanërisht ata në vendet me të ardhura të ulëta.

Islanda, Luksemburgu dhe Norvegjia kryesojnë renditjen, me pagesa vjetore pensioni mbi 30,000 euro për përfitues.

Pagat e larta, të ardhurat e qëndrueshme fiskale nga energjia apo sektori financiar, si dhe sistemet e detyrueshme të kursimeve për pension, u japin këtyre ekonomive të vogla dhe të pasura mundësinë të ofrojnë përfitime bujare për të moshuarit.

Danimarka dhe Zvicra plotësojnë pesë vendet e para, secila duke kombinuar pensionet bazë universale me skemat e detyrueshme të pensioneve profesionale.

Në të pesë vendet e para, përfitimet ende konsumojnë më pak se 9% të PBB-së – shumë nën mesataren e BE-së (12.2% të PBB-së) – falë bazave më të larta tatimore.

Pagesat e ulëta të Europës Lindore pasqyrojnë baza tatimore të dobëta

Në vende si Polonia dhe Hungaria, pensionet përthithin një pjesë të ngjashme të PBB-së si vendet nordike, por pagesat vjetore mbeten nën 7,000 euro për përfitues.

Produktiviteti i ulët kufizon fluksin e kontributeve, ndërsa emigracioni i dekadave të fundit ka reduktuar më tej fuqinë punëtore.

Kur llogariten sipas standardit të fuqisë blerëse (PPS), diferenca ngushtohet — pensionistët polakë marrin rreth 11,700 njësi PPS — por të ardhurat reale mbeten modeste.

Rritja e pagave, pjesëmarrja më e lartë e të moshuarve në tregun e punës dhe skemat shtesë të kursimeve vullnetare mund të përmirësojnë qëndrueshmërinë dhe përmbushjen e nevojave, pa rënduar buxhetet publike./ Monitor, Visual Capitalist

The post Shqipëria me pensionet më të ulëta në Europë appeared first on Albeu.com.

Kreu i Partisë Demokratike, Sali Berisha, ka dalë këtë të hënë me një tjetër deklaratë të fortë ndaj qeverisë, duke e cilësuar procesin zgjedhor të 11 majit si “një farsë elektorale” dhe “procesin më të diskredituar në 32 vite pluralizëm”. Në një deklaratë për mediat, Berisha ka publikuar një letër të cilën e cilëson si […]

The post Igli Hasani kërcënoi vëzhguesit ndërkombëtarë appeared first on BoldNews.al.

Çmimet e shportës reflektojnë pabarazi të konsiderueshme në të gjitha qytetet europiane, madje edhe midis atyre në të njëjtin shtet. “Indeksi i Shportës” i Institutit të Kërkimeve të Deutsche Bank zbulon vendet europiane ku këto produkte janë më të shtrenjta në vitin 2025. Ai llogaritet duke përdorur çmimet e ponderuara të artikujve ushqimorë të përditshëm, […]

The post Produktet e shportës në Europë/ Cilat qytete kanë çmimet më të larta? appeared first on BoldNews.al.

Zjarret në të gjithë Europën janë rritur në nivele rekord këtë verë, me flakë intensive të nxitura nga temperaturat e larta dhe kushtet e thata. Një total prej 292,855 hektarësh tokë janë djegur në BE, sipas përditësimit të fundit nga Sistemi Europian i Informacionit për Zjarret në Pyje (EFFIS) më 29 korrik. Sipërfaqja totale e […]

The post Nivel rekord! Nxehtësia ekstreme dhe thatësira nxisin përhapjen e zjarreve në Europë appeared first on BoldNews.al.

Vulat në pasaportat do të zëvendësohen me kontrolle biometrike për njerëzit që udhëtojnë brenda dhe jashtë BE-së nga 12 tetori, kanë konfirmuar zyrtarët. Sistemi i Hyrjes/Daljes (EES) do të zëvendësojë kontrollet aktuale në letër. Kjo do të thotë se pasagjerët do të duhet të skanojnë gjurmët e gishtërinjve dhe fytyrën për të kaluar kufirin e […]

The post Mësoni si do të funksionojë sistemi EES, skema në zbatim nga 12 Tetori appeared first on BoldNews.al.