Larg nga ofertat e reklamuara, “kopjet” kozmetike – kopje pak a shumë diskrete të produkteve të markave të njohura për kujdesin e lëkurës, makijazhin ose kremrat kundër diellit – të shitura me çmime të ulëta në internet, pasi mund të jenë të rrezikshme për shëndetin, paralajmërojnë profesionistët e industrisë.

Kujdes nga kopjimet!

Në median sociale, veçanërisht në TikTok, disa qindra mijëra video të grave të reja nxjerrin në pah gjetjet e tyre të fundit si “kopje” të produkteve ekzistuese kozmetike.

Fondatina, buzëkuqi, kremi hidratues ose kremi kundër diellit supozohet se arrijnë të njëjtat rezultate si produktet e tyre origjinale, për më shumë se gjysmën e çmimit.

”Një kushëri i falsifikimit, fenomeni është më delikat dhe nganjëherë i vështirë për t’u identifikuar”, thotë Xavier Guéant, drejtor i çështjeve ligjore në Federatën e Kompanive të Bukurisë (FEBEA).

”Por këto produkte, në rritje në numër dhe gjithnjë e më të popullarizuara në mesin e konsumatorëve të rinj, përfaqësojnë një rrezik për shëndetin”, pohon ai.

Objektivi i federatës janë produktet e shitura në platformat e tregtisë elektronike jashtë Bashkimit Evropian, kryesisht në Azi, të tilla si ”Temu”, ”Shein” ose ”AliExpress” dhe të prodhuara jashtë çdo kuadri rregullator për higjienën ose kontrollin e cilësisë.

Sipas një studimi të ”C-Ways” të kryer për FEBEA-n, në mars 2025, 31% e francezëve kishin blerë një kopje të tillë.

Por, 96% e tyre nuk janë në dijeni të rreziqeve.

Metalet e rënda ose ftalatet
“Në Francë, sistemi është rigoroz. Por sapo largohemi nga ky kuadër dhe furnizohemi nga vende ku nuk ka kontrolle, e ekspozojmë veten ndaj rreziqeve të shumta”, shpjegon Stéphane Pirnay, ekspert i toksikologjisë dhe drejtor i kompanisë ”Expertox”.

”Përveç rrezikut të alergjenëve, produktet me cilësi të dobët mund të përmbajnë substanca toksike, të ndaluara ose që tejkalojnë kufijtë e autorizuar, të cilat mund të paraqesin rreziqe reale për shëndetin”, këmbëngul ai.

Toksikologu paralajmëron gjithashtu për një rrezik kimik, pasi disa produkte të testuara përmbajnë rregullisht metale të rënda ose ftalate, substanca kimike që konsiderohen si prishës endokrinë.

Një rrezik tjetër i identifikuar është një rrezik infektiv, pasi disa produkte të studiuara mund të përmbajnë patogjenë të shumtë.

“Jemi vërtet të habitur kur shohim të gjitha gjërat që mund të gjejmë në falsifikimet në përgjithësi si papastërti, gurë, jashtëqitje, pendë zogjsh”, liston Pirnay.

Laurence Coiffard, një profesor i farmacisë në Fakultetin e Nantes i specializuar në kozmetologji, ka studiuar kremrat e diellit që shiten në këto platforma.

Me ekipin e saj, ajo analizoi dy produkte të falsifikuara që pretendonin SPF 50+, si dhe disa kopje.

Rezultati? “Asnjë nga këto produkte nuk përmbante filtra UV”, zbulon ajo.

“Prandaj, ato nuk ofrojnë mbrojtje kundër rrezeve UV dhe ekziston një rrezik i madh në përdorimin e tyre”, paralajmëron ajo edhe pse ekspozimi në diell është shkaku kryesor i kancerit të lëkurës.

Sipas një studimi të publikuar nga Organizata Evropiane e Konsumatorit (BEUC) në shkurt, më shumë se 80% e produkteve të testuara të blera në ”Temu” nuk ishin në përputhje me legjislacionin evropian.

Për kozmetikën, shkeljet më të rëndësishme përfshinin lista përbërësish që mungonin ose ishin të pasakta, duke e bërë të pamundur të dihej se çfarë përmbanin në të vërtetë produktet.

Me lançimin e TikTok Shop në Francë në mars (i cili lejon që blerjet të bëhen direkt brenda aplikacionit), Xavier Guéant ka frikë se kjo lidhje më e drejtpërdrejtë midis shitësit dhe blerësit mund t’u sjellë dobi mashtruesve dhe falsifikuesve.

Së bashku me FEBEA-n, ai bën thirrje për forcimin e kuadrit ligjor për të “sqaruar zonat gri” dhe për të rritur burimet e dedikuara për zbatimin e ligjit.

TIRANË, 7 korrik/ATSH/ Gjatë sezonit turistik veror nga veriu në jug janë në funksion të plotë 36 qendra shëndetësore për të garantuar shërbim mjekësor për të gjithë pushuesit, vendas apo të huaj.

Qendra shëndetësore verore në Shëngjin ndodhet në një nga plazhet më të frekuentuara të sezonit, e dedikuar për të ofruar kujdes dhe ndihmë të menjëhershme në çdo rast urgjence shëndetësore.

Kryeministri Edi Rama ndau në rrjetet sociale momente nga puna e përditshme e mjekëve dhe infermierëve të kësaj qendre, ndaj pushuesve, por jo vetëm, që kanë nevojë për përkujdes mjekësor.

“Çdo ditë pranë pushuesve, në çdo cep të bregdetit, në këto ditë të nxehta vere. Qendrat Shëndetësore Verore, të hapura 24/7, po shërbejnë si pika kyçe ndihme për mijëra qytetarë vendas dhe të huaj që kanë nevojë për kujdes shëndetësor gjatë pushimeve”, tha Rama.

Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Qendrat shëndetësore do të qëndrojnë të hapura deri në datën 30 shtator 2025, për një sezon turistik të sigurt dhe të shëndetshëm për të gjithë pushuesit vendas dhe ata të huaj.

/k.s/j.p/

The post Rama: Qendrat shëndetësore verore, pika kyçe ndihme për mijëra qytetarë vendas dhe të huaj appeared first on Agjencia Telegrafike Shqiptare.

TIRANË, 6 korrik/ATSH/ Qendra Shëndetësore Verore në Palasë është në gatishmëri të plotë për të ofruar ndihmën e parë dhe këshilla shëndetësore për të gjithë ata që kanë nevojë.

Kryeministri Edi Rama ndau në rrjetet sociale momente nga puna e përditshme e mjekëve dhe infermierëve të kësaj qendre, ndaj pushuesve por jo vetëm që kanë nevojë për përkujdes mjekësor.

“Në bregdetin e bukur të Palasës, ku vera sjell mijëra pushues, Qendra Shëndetësore Verore është në gatishmëri çdo ditë për të ofruar ndihmë të parë dhe këshilla mjekësore”, shkruan Rama.

Mjekët këshillojnë qytetarët që të kujdesen për veten duke zbatuar disa këshilla si: të pijnë shumë ujë, të qëndrojnë në hije kur dielli është i fortë, të përdorin krem mbrojtës dhe të zgjedhin ushqime të lehta.

Doktoresha Denada Mulaj, e cila punon në këtë qendër për të tretin vit radhazi, tregon se gjatë verës janë të zakonshme rastet me djegie nga dielli, reaksione alergjike, pickime nga insektet dhe plagë të ndryshme që ndodhin gjatë aktiviteteve fizike.

Mulaj thekson rëndësinë e mosekspozimit në pikun e ditës ku temperaturat janë të larta, ndërsa u bën thirrje pushuesve të konsumojnë sa më shumë ujë, të qëndrojnë në hije gjatë orëve më të nxehta të ditës dhe të mbrojnë lëkurën me krem mbrojtës.

Sipas saj, shmangia e qëndrimit të zgjatur në diell sidomos në pikun e vapës është thelbësore për të ruajtur shëndetin.

Qendra Shëndetësore Verore në Palasë vazhdon të luajë një rol të rëndësishëm në garantimin e një vere të sigurt për të gjithë ata që zgjedhin rivierën shqiptare për pushimet e tyre, duke ofruar jo vetëm trajtim mjekësor por edhe ndërgjegjësim për kujdesin ndaj rreziqeve të stinës.

/k.s/j.p/

The post Rama: Qendra Shëndetësore Verore në Palasë, në gatishmëri për pushuesit appeared first on Agjencia Telegrafike Shqiptare.

TIRANË, 5 korrik /ATSH/ Gjatë pushimeve, kujdesi shëndetësor është gjithmonë pranë qytetarëve.

Kryeministri Edi Rama ndau sot pamje nga vizita që ministrja e Shëndetësisë dhe Mbrojtjes Sociale, Albana Koçiu zhvilloi në Qendrën Shëndetësore Verore në Shkëmbin e Kavajës, ku stafi mjekësor është në gatishmëri 24/7 për çdo emergjencë.

Janë 36 qendra të hapura në të gjithë bregdetin, për pushime të sigurta dhe të qeta, theksoi Rama në postim.

Ministrja Koçiu gjatë vizitës së saj tha se “në këtë qendër brezat bashkëpunojnë, ku mjekë me përvojë dhe të rinj si doktoreshë Alesia punojnë krah për krah për t’i shërbyer qytetarëve”.

“Si eksperiencë e parë në këtë qendër është shumë e mirë, kemi pasur goxha raste që na ndihmojnë të marrim edhe eksperiencën e duhur”, tha doktoreshë Alesia.

Drejtoresha e Përgjithshme e Operatorit të Shërbimeve të Kujdesit Shëndetësor, Jeta Deda theksoi se “ka një ndryshim nga qendrat e tjera se është e vetmja që e ka diferencën 50 me 50, turistë të huaj dhe shqiptarë që vijnë e trajtohen”.

Sipas saj, qendrat e tjera janë 70 me 30.

“Më herët qendra shëndetësore ka qenë në zonën e  Plepave, por këtë vit e kemi afruar tek Shkëmbi i Kavajës sepse këtu ka përqendrim turistik. Është në 5 qendrat shëndetësore që ka numrin m të madh të vizitave”, tha Deda.

Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Qendrat shëndetësore do të qëndrojnë të hapura deri në datën 30 shtator 2025, për një sezon turistik të sigurt dhe të shëndetshëm për të gjithë pushuesit vendas dhe ata të huaj.

1 nga 6

/gj.m//a.f/

The post Rama: 36 qendra shëndetësore të hapura në të gjithë bregdetin, për pushime të sigurta dhe të qeta appeared first on Agjencia Telegrafike Shqiptare.

TIRANË, 2 korrik/ATSH/ Në këto ditë të nxehta vere, kujdesi për shëndetin nuk mungon as në bregdet.

Ministrja e Shëndetësisë dhe Mbrojtjes Sociale, Albana Koçiu tha sot se “në Ksamil dhe Borsh, ekipet tona mjekësore janë çdo ditë përgjatë vijës bregdetare për të ofruar ndihmën e parë dhe këshillat e nevojshme për çdo pushues”.

“Tendat shëndetësore verore janë të pajisura dhe funksionale 24/7, për të siguruar pushime të qeta, të sigurta dhe pa shqetësime shëndetësore”, theksoi Koçiu në një postim në rrjetet sociale.

Në vetëm një muaj pas hapjes 12 410 qytetarë kanë marrë shërbim në qendrat shëndetësore verore të hapura përgjatë bregdetit dhe zonave turistike.

Gjatë sezonit turistik veror janë në funksion të plotë 36 qendra shëndetësore në të gjithë vendin, nga veriu në jug. Ato garantojnë shërbim mjekësor 24 orë në ditë, 7 ditë në javë, për të gjithë pushuesit, vendas apo të huaj.

1 nga 6

/k.s//r.e//a.f/

The post Koçiu: Tendat shëndetësore verore në shërbim të pushuesve në Ksamil dhe Borsh appeared first on Agjencia Telegrafike Shqiptare.

TIRANË, 1 korrik/ATSH/ Në vetëm një muaj pas hapjes 12 410 qytetarë kanë marrë shërbim në qendrat shëndetësore verore të hapura përgjatë bregdetit dhe zonave turistike.

Shifra u bë publike nga ministrja e Shëndetësisë dhe Mbrojtjes Sociale, Albana Koçiu në një postim në rrjetet sociale.

“Prej tyre 12 410 qytetarëve, 9,067 janë shtetas shqiptarë dhe 3,343 turistë të huaj. Ekipet tona mjekësore janë në gatishmëri 24/7, gati për çdo urgjencë apo shqetësim shëndetësor, që pushimet të jenë të sigurta dhe të qeta për të gjithë”, theksoi Koçiu.

Ministrja Koçiu u shpreh se kujdesi shëndetësor është më pranë qytetarëve kudo ku ata kalojnë verën.

Gjatë sezonit turistik veror janë në funksion të plotë  36 qendra shëndetësore në të gjithë vendin, nga veriu në jug. Ato garantojnë shërbim mjekësor 24 orë në ditë, 7 ditë në javë, për të gjithë pushuesit, vendas apo të huaj.

Qendrat shëndetësore verore janë të vendosura pranë pikave më të frekuentuara turistike dhe plazheve, duke garantuar ndërhyrje të menjëhershme në çdo situatë emergjente, si dhe duke ofruar shërbime parandaluese dhe këshillimore për të ruajtur shëndetin e pushuesve.

/k.s/j.p/

The post Koçiu: Mbi 12 mijë qytetarë morën shërbim në qendrat shëndetësore verore appeared first on Agjencia Telegrafike Shqiptare.

TIRANË, 1 korrik/ATSH/ Turistët vendas e të huaj që vizitojnë Thethin kanë në gatishmëri qendrën shëndetësore verore ku mund të marrin shërbim në rast nevoje.

Kryeministri Edi Rama tha sot në një postim në rrjetet sociale se qendra shëndetësore verore në Theth ofron shërbim 24/7 për çdo rast urgjence shëndetësore.

“Në zemër të Thethit, aty ku natyra është magjike dhe ajri i pastër, ndodhet qendra shëndetësore verore, në gatishmëri çdo ditë për pushuesit vendas dhe të huaj”, theksoi Rama.

Kryeministri Rama bëri të ditur se qendra është e pajisur për të përballuar urgjencat dhe ofron shërbim falas 24/7 gjatë gjithë sezonit veror.

Infermierja e qendrës shëndetësore verore në Theth shprehet se “shërbimi është non stop 24 orë. Shërbimet që kryhen më së shumti janë, nga pickimet e gjarprit, pickimet nga insektet, matjet e tensionit”.

Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Qendrat shëndetësore do të qëndrojnë të hapura deri në 30 shtator 2025, për një sezon turistik të sigurt dhe të shëndetshëm për të gjithë pushuesit vendas dhe ata të huaj.

/k.s/j.p/

The post Rama: Qendra shëndetësore verore në Theth, në gatishmëri për pushuesit vendas dhe të huaj appeared first on Agjencia Telegrafike Shqiptare.

Gjatë kësaj jave, Inspektorati Shëndetësor ka mbyllur tetë institucione shëndetësore private që operonin në mënyrë të paligjshme, pa licencë për ushtrim të veprimtarisë.

Lajmin e ka bërë të ditur ministri i Shëndetësisë, Arben Vitia, përmes një postimi në Facebook.

“Inspektorati Shëndetësor vazhdon punën profesionale duke garantuar respektimin e ligjit dhe standardeve të shërbimeve shëndetësore. Shëndeti i qytetarëve nuk mund dhe nuk do të lejohet që të rrezikohet nga veprimtari të paligjshme”, deklaroi Vitia.

Ai ka bërë thirrje për respektim të rregullave dhe ligjit nga të gjitha institucionet që ofrojnë shërbime shëndetësore, duke theksuar se kontrollet do të vazhdojnë me intensitet të njëjtë.

Ministri gjithashtu falënderoi Inspektoratin Shëndetësor dhe të gjithë inspektorët për përkushtimin dhe angazhimin e tyre të përditshëm në mbrojtje të sigurisë shëndetësore të qytetarëve./Telegrafi/

The post Inspektorati Shëndetësor mbyll tetë institucione shëndetësore, Vitia: Shëndeti i qytetarëve nuk do të rrezikohet appeared first on Telegrafi.

Emisioni “Stop” në Tv Klan ndodhet në fshatin Gorre të Lushnjes, ku banorët thonë se prej 6 muajsh, Qendra Shëndetësore është e mbyllur, ndërkohë që dy 2 mjeket kanë kaluar njëra në Lumth dhe tjetra në Kolonjë. “Shumë herë është diskutuar që do të bëhej rikonstruksioni i kësaj qendre shëndetësore, por nuk e di se […]

The post Çudia e projektit të radhës në Lushnje: Qendër Shëndetësore brenda fushës sportive appeared first on BoldNews.al.

TIRANË, 24 qershor/ATSH/ Prej vitesh në Pogradec për të përballur fluksin e shtuar të turistëve gjatë verës funksionon Qendra Shëndetësore Verore.

Kryeministri Edi Rama ndau në rrjetet sociale momente nga puna e mjekëve dhe infermierëve që ofrojnë kujdes shëndetësor për qytetarët dhe pushuesit.

“Edhe këtë sezon, në Qendrën Shëndetësore Verore mjekët dhe infermierët janë çdo ditë në gatishmëri për të ofruar ndihmën e parë dhe kujdesin e nevojshëm për çdo rast urgjence apo shqetësimi shëndetësor që mund të kenë pushuesit”, theksoi Rama.

Kryeministri Rama u shpreh se “ky shërbim është një garanci më shumë për pushime të qeta dhe të sigurta për të gjithë ata që zgjedhin Pogradecin si destinacionin e tyre veror”.

Elona Katiraj, drejtoreshë e Njësisë Vendore të Kujdesit Shëndetësor, Pogradec, tha se “kjo qendër është e hapur 24 orë në 7 ditë të javës”.

Mjekja Luiza Zotaj tha se “problemet janë nga më të ndryshmet , si helmime, viroza, pickime nga insektet, probleme e tensionet etj”.

Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Këto qendra shëndetësore do të qëndrojnë të hapura deri në 30 shtator 2025, për një sezon turistik të sigurt dhe të shëndetshëm për të gjithë pushuesit vendas dhe ata të huaj.

/k.s/j.p/

The post Qendra Shëndetësore Verore në Pogradec, garanci më shumë për pushime të qeta appeared first on Agjencia Telegrafike Shqiptare.

Kryedemokrati Sali Berisha prej katër ditësh ka mungur në publik, si edhe nuk u shfaq në SPAK për zbatimin e masës “detyrim paraqitje” për shkak të gjendjes së tij shëndetësore. Ditën e sotme, ish-kryeministri është rikthyer në një konferencë për mediat nga selia blu.

Sali Berisha u pyet mbi gjendjen e tij, ndërsa kreu i PD-së sqaroi se kishte një problem shëndetësor. Ai u shpreh se u përball me një gjendje virale, por theksoi se “kaloi pa asnjë ndikim të veçantë”.

“Jam transparent nuk bëj si ai tjetri. Unë një ditë po pata problem shëndetësor njoftoj publikun, kisha gjendje virale që kaloi pa asnjë ndikim të veçantë”, tha Berisha.

The post Nuk doli në publik për 4 ditë rresht, Berisha flet për gjendjen e tij shëndetësore, ja si është ish-kryeministri appeared first on Sot News | Lajme.

Kryetari i Partisë Demokratike, Sali Berisha ka zhvilluar sot një konferencë për mediat nga selia blu. Berisha u pyet nga gazetarët lidhur me gjendjen e tij shëndetësore, pasi ka munguar prej ditësh me daljet e tij për publikun.

Duke ironizuar kryeministrin Edi Rama, ai tha se nëse një ditë ka një problem shëndetësor e informon publikun dhe median. Berisha tha se këto ditë kishte pasur një gjendje virale që sipas tij kaloi pa asnjë ndërlikim.

“Nuk bëj si ai tjetri, që sharkoj komandatin e Gardës pse infermierët nxjerrin lajmin. Unë po pata një ditë një problem shëndetësor ju tregoj të gjithëve. Kisha një gjendje virale e cila kaloi pa asnjë ndërlikim të veçantë. Kaq ishte.”, tha Berisha.

The post Berisha për gjendjen e tij shëndetësore: Kisha një gjendje virale appeared first on Lapsi.al.

TIRANË, 19 qershor/ATSH/ Gjatë gjithë sezonit veror, turistët e huaj, por edhe pushuesit vendas mund të marrin shërbim shëndetësor për çdo rast urgjence në 36 qendrat shëndetësore verore që janë në funksion të plotë 24 orë në ditë, në 7 ditë të javës.

Ministrja e Shëndetësisë dhe Mbrojtjes Sociale, Albana Koçiu tha sot se qendra shëndetësore verore në Tale të Lezhës është e hapur nga 1 qershori deri në 30 shtator, për të ofruar ndihmë për çdo nevojë apo urgjencë shëndetësore, si edhe për të garantuar sigurinë dhe mirëqenien e pushuesve gjatë sezonit veror.

Ministrja Koçiu pohoi se doktoreshë Regisa dhe infermiere Nertila ofrojnë çdo ditë shërbim në këtë qendër shëndetësore verore, duke u kujdesur për pushuesit vendas dhe të huaj që zgjedhin këtë plazh për të kaluar pushimet e tyre.

Mjekja e Përgjithshme, Regisa Ndoci shprehet se pas aplikimit te Operatori Qendror Shtetëror për të ofruar shërbim si mjeke e përgjithshme, ajo u punësua pranë qendrës shëndetësore verore Tale.

“Ne ofrojmë shërbime të ndryshme si mjekim plagësh, saturim, shërbime emergjente, reaksione, alergji të ndryshme. Qendra është e pajisur me të gjitha medikamentet dhe aparaturat e nevojshme mjekësore dhe është në shërbimin e duhur për emergjencat verore”, tha ajo.

Ndërsa, infermierja Nertila Gjinaj thotë se qendra është 24 orë hapur në shtatë ditë të javës dhe i vjen në ndihmë pushuesve dhe gjithë banorëve të zonës.

Përveç qendrave shëndetësore, Urgjenca Kombëtare do të vendosë në dispozicion të pushuesve 20 vendqëndrime fikse me autoambulanca në zonat më të frekuentuara turistike. Gjithashtu do të përdoren edhe motoambulancat, të cilat ndihmojnë në përshpejtimin e ndërhyrjeve mjekësore duke shmangur trafikun e rënduar të sezonit.

Këto qendra shëndetësore do të qëndrojnë të hapura deri në 30 shtator 2025 për një sezon turistik të sigurt dhe të shëndetshëm për të gjithë pushuesit vendas dhe ata të huaj.

/e.i/j.p/

The post Koçiu: Qendra shëndetësore verore në Tale, shërbim 24/7 për pushuesit appeared first on Agjencia Telegrafike Shqiptare.

TIRANË, 15 qershor/ATSH/ Gjatë sezonit turistik veror, 36 qendra shëndetësore në të gjithë vendin, nga veriu në jug, janë në funksion të plotë për të garantuar shërbim mjekësor 24 orë në ditë, 7 ditë në javë, për të gjithë pushuesit, vendas apo të huaj.

Ministrja e Shëndetësisë dhe Mbrojtjes Sociale, Albana Koçiu, bëri të ditur sot se ekipet mjekësore janë të pozicionuara dhe të gatshme të reagojnë në çdo rast urgjence apo nevoje për këshillim mjekësor, duke ofruar një kujdes shëndetësor të standardeve të larta në të gjitha zonat turistike të vendit.

“Zgjidh Shqipërinë për pushime të qeta dhe të sigurta, me shërbim shëndetësor të garantuar kudo që të jesh”, u shpreh ministrja Koçiu, duke theksuar rëndësinë e sigurisë shëndetësore gjatë sezonit veror.

Qendrat shëndetësore verore janë të vendosura pranë pikave më të frekuentuara turistike dhe plazheve, duke garantuar ndërhyrje të menjëhershme në çdo situatë emergjente, si dhe duke ofruar shërbime parandaluese dhe këshillimore për të ruajtur shëndetin e pushuesve.

Ministrja Koçiu nënvizon se angazhimi i stafit mjekësor dhe mbështetja logjistike është pjesë e planit të masave për sezonin turistik 2025, me synimin për ta kthyer çdo destinacion në një vend të sigurt për të gjithë vizitorët.

Përveç qendrave shëndetësore, Urgjenca Kombëtare do të vendosë në dispozicion të pushuesve 20 vendqendrime fikse me autoambulanca në zonat më të frekuentuara turistike. Gjithashtu do të përdoren edhe motoambulancat, të cilat ndihmojnë në përshpejtimin e ndërhyrjeve mjekësore duke shmangur trafikun e rënduar të sezonit. /a.gj/ /a.g/

The post Qendrat shëndetësore verore, Koçiu: Shërbim 24 orë për pushuesit në gjithë vendin appeared first on Agjencia Telegrafike Shqiptare.

Për herë të parë në Gjirokastër ka nisur të funksionojë qendra shëndetesore verore.

Si një ndër qytetet më të vizituar në vend, Gjirokastra e kishte të domosdoshme një qendër të tillë shëndetësore, duke iu referuar rastave te shumuta te cilat jane paraqitur prane ugjences se spitalit gjate sezoneve te kaluar.

“Ne prandaj jemi këtu dhe prandaj kemi kërkuar sepse vitet e kaluara ka qenë e nevojshme, statistikat tona pranë urgjencës ka qenë i lartë.”

Qendra verore do të funksionojë gjatë gjithë sezonit turistik, në dispozicion të vizitorëve do që të kenë nevojë për ndihmë mjekësore.

“E vendosur në zemër të qytetit te kalaja. Ofrojnë shërbim 24 orë mjekët dhe infermierët e gjirokastrës, në shërbim jo vetëm të popullatës por edhe turistëve që janë të shumtë. Kemi pasur raste sporadike për matje tensioni apo ndihmë të shpejtë.”

Gjirokastra nga viti në vit ka shënuar rritje të numrit të turisteve të cilët jane te te gjitha moshave. Ata moshes së tretë jane dhe më të riskuarit ndaj problemeve shëndetësore sidomos gjate stines së verës për shkak të temperaturave të larta./abcnews.al

TIRANË, 8 qershor/ATSH/ Rreth 6 mijë banorë në zonat përreth Durrësit tani kanë akses në kujdes shëndetësor në ambientet e rikonstruktuara të katër qendrave shëndetësore.

Ministrja e Shëndetësisë dhe Mbrojtjes Sociale, Albana Koçiu ndau sot në rrjetet sociale pamje të Ambulancës në Adriatik, Ambulancës në Rrushkull, si dhe Ambulancave Gjuricaj e Sipërme dhe Bizë e Sipërme.

Koçiu u shpreh se me rikonstruksionin e këtyre qendrave ofrohet shërbim shëndetësor më afër qytetarëve.

Ministrja bëri të ditur se ky investim është pjesë e programit kombëtar për rehabilitimin e 400 qendrave shëndetësore në gjithë Shqipërinë, ku 60 prej tyre u përfunduan gjatë viteve 2023–2024.

/m.m/a.f/

The post Koçiu: Rikonstruktohen 4 qendra shëndetësore në Durrës, shërbime për 6 mijë qytetarë appeared first on Agjencia Telegrafike Shqiptare.

Nëse jeni vazhdimisht të rraskapitur dhe të dobët, ndoshta ia vlen të kontrolloni nëse kjo vjen si pasojë e një gjendjeje mjekësore

Sidoqoftë, sipas mjekut të përgjithshëm britanik Dr. Asif Ahmed, përgjigjja nuk është gjithmonë e thjeshtë. Ai sugjeron që kushdo që përjeton disa simptoma të zakonshme, duhet të diskutojë me mjekun mundësinë e një çrregullimi neurologjik funksional (FND).

Ky çrregullim lidhet me mënyrën se si truri përpunon sinjalet që merr dhe i dërgon ato në trup, pa dëmtuar në mënyrë strukturore nervat apo trurin.

Sipas Shërbimit Kombëtar Shëndetësor të Britanisë (NHS), simptomat që duhen pasur parasysh përfshijnë:

• dobësi të gjymtyrëve,
• kriza funksionale ose disociative,
• dridhje të pavullnetshme,
• çrregullime në ecje (si zvarritje e këmbëve apo lëvizje të tepërta),
• tikë ose dridhje në muskuj apo fytyrë,
• rënie të papritura pa humbje vetëdijeje,
• vështirësi në të folur ose në gëlltitje,
• marramendje që përkeqësohet në ecje apo në turma,
• probleme me shikimin (turbullim, dyfishim, ndjeshmëri ndaj dritës).

Gjithashtu, simptoma si dhimbje kronike, lodhje e vazhdueshme dhe vështirësi me gjumin mund të jenë pjesë e këtij çrregullimi, transmeton Telegrafi.

Në shumë raste, FND shoqërohet edhe me gjendje të shëndetit mendor si:

• ankth,
• depresion,
• çrregullim i stresit post-traumatik (PTSD).

Dr. Ahmed thekson se diagnostikimi i FND-së është shpesh i vështirë dhe kërkon kohë, pasi gjendja zakonisht zbulohet duke përjashtuar shkaqe të tjera. Shpesh përfshihen analiza laboratorike dhe ekzaminime me imazheri për të sqaruar dyshimet.

NHS thekson se shkaqet e FND-së ndryshojnë nga personi në person. Prania e një sëmundjeje neurologjike ekzistuese mund të rrisë rrezikun e zhvillimit të saj.

Edhe pse nuk ekziston një kurë përfundimtare, terapitë rehabilituese që synojnë “ritrajnimin e trurit” mund të ndihmojnë në përmirësimin e funksionimit në jetën e përditshme.

Gjithashtu, ilaçet mund të ndihmojnë në lehtësimin e dhimbjes, depresionit dhe ankthit. Këshillohet që çdo trajtim me medikamente të bëhet në konsultim me mjekun. /Telegrafi/

The post A ndiheni gjithmonë të lodhur dhe të dobët? Mund të keni çrregullim neurologjik funksional appeared first on Telegrafi.

Nga fillimi i qershorit deri fundin e shtatorit 36 qendra shëndetëore verore në bregdet apo mal  do tu ofrojnë shërbim pushuesve  24 orë në shtatë ditë të javës. Nisur nga përvoja e vitit të shkuar këtë vit janë hapur tre qendra të reja  ndërsa dy të tjera do të jenë në  lëvizje. Në  çdo qendër shëndetëore  do të jenë në shërbim  3 mjekë dhe  3 infermierë me dy turne.

“Janë shtuar kisha e Shën Ndout  në Laç, qafa e pazarit në Gjirokastër dhe në kalanë e Beratit.  Do vijojnë të jenë të hapura Jala, Hamallaj dhe Boga.

Duke qenë se kemi shtuar stafin infermieror dhe mjekësor  vjet për 216 vende  patëm 400 aplikime, këtë vit për 227 pozicione  patëm 600 aplikime.

Numër më I madh të interesuarish, konkurencë më e lartë, I kemi dhënë prioritet  viteve të eksperiencës se ky personel përballon urgjencat “

Rastet e rënda mjekët  I  referojnë në spitalin bashkiak  apo rajonal më të afërt.  Ndërsa në këto qendra  pushuesit mund  të marrin ndihmë  për  disa shërbime shëndetësore.

“Matjet e tensionit,  glicemisë,  mund të bëjnë  vizitë me  EKG,  ka mundësi  për  ndërhyrje me defibrilator, kemi koordinim me spitalet rajonale dhe bashkiake.”

Në qendrat  shëndetësore verore sezonin e shkuar sipas Operatorit të Shërbimeve të Kujdesit Shëndetësore u kryen 80 mijë vizita dhe  rreth 22 mijë  procedura mikrokirugjikale.

Falë ndërhyrjes së  personelit të tyre  u shpëtuan 70 persona të cilëve iu rrezikohej jeta nga  incidente në plazhe apo male.

Numër më të lartë vizitash u kryen në qendrën e Velipojës, Shëngjinit dhe në plazhin e Durrësit. Më shumë se 30% e  pacientëve ishin  turistë të huaj./abcnews.al

36 qendra shëndetësore verore të shtrira nga veriu në jug kanë nisur të ofrojnë shërbim për pushuesit vendas dhe te huaj që prej datës 1 qershor.

Jeta Deda Drejtore e Operatorit të Shërbimeve të kujdesit shëndetësor, në një intervistë për Euronews Albania bëri me dije se këtë sezon ka më shumë qendra për shkak të fluksit të vizitave të një viti më parë.

“Kemi qendra shëndetësore verore të reja të hapura në kishën e Shna Ndout në Laç, në qafën e pazarit të Gjirokastrës dhe në kalanë e Beratit”.

227 mjek e infermier  janë përzgjedhur mes 600 aplikantëve për të ofruar shërbim në qendrat shëndetësore veror, të cilat janë tashme të pajisura edhe me material mjekësore, pajisje dhe medikamente.

 Në shërbim të pacientëve. Ndërkohë që bashkëpunimi me urgjencën kombëtare, në dispozicion të qendrave shëndetësore janë vendosur edhe autoambulancat për ato raste që do të kenë nevojë për ndihmë të specializuar.

LEXONI GJITHASHTU:

• Zgjerohen shërbimet, 34 fizioterapistë e logopedë në 17 qendra shëndetësore 
• 5 qendra shëndetësore verore në Vlorë, hapin dyert për pushuesit deri më 15 shtator

The post Sezoni veror, hapen 36 qendra shëndetësore verore nga veriu në jug appeared first on Euronews Albania.

TIRANË, 23 maj /ATSH/ Një qendër e re shëndetësore është hapur për banorët e Njësisë 11 në Laprakë, një bashkëpunim i Ministrisë së Shëndetësisë dhe Mbrojtjes Sociale me Kishën Katolike.

Kryeministri Edi Rama u shpreh sot se kjo qendër sjell më afër kujdesin shëndetësor për rreth 5 mijë banorë të kësaj zone.

“Qendra socio-shëndetësore Nr. 7, hap dyert në rrugën “Josif Pashko”, Tiranë, duke sjellë më afër kujdesin shëndetësor për rreth 5 mijë banorë të kësaj zone, ku nga sot shërbimet janë vetëm 3 minuta larg banesave të tyre”, u shpreh Rama.

Kryeministri bëri të ditur se në këtë qendër shëndetësore do të ofrohen shërbime për të gjitha grupmoshat nga mjek të përgjithshëm, pediatër dhe infermiere, duke siguruar shërbim shëndetësor më të shpejtë, më cilësor dhe më pranë njerëzve.

Ditën e djeshme këtë qendër shëndetësore e vizituan edhe ministrja e Shëndetësisë dhe Mbrojtjes Sociale, Albana Koçiu e shoqëruar nga drejtoresha e OSHKSH, Jeta Deda dhe drejtori rajonal i OSHKSH Tiranë, Lorenc Hashorva.

Ministrja Koçiu theksoi se “kjo qendër shkurton distancën e marrjes së shërbimeve shëndetësore për banorët e Unazës” si dhe nënvizoi se “në këtë strukturë do të ofrohen edhe shërbime të shtuara në aspektin social”.

Kjo qendër jo vetëm do të mundësojë shërbime socio-shëndetësore të dedikuara, por edhe do të ndikojë në reduktimin e fluksit në Qendrën Socio-Shëndetësore Nr. 7 në Laprakë duke rritur më tej cilësinë e shërbimit për qytetarët.

1 nga 11

/m.m/a.f/

The post Rama: Qendër e re shëndetësore në Laprakë, në shërbim të 5 mijë banorëve appeared first on Agjencia Telegrafike Shqiptare.