Shefi i ushtrisë izraelite, Eyal Zamir, ka ashpërsuar paralajmërimet e tij lidhur me planin për marrjen nën kontroll të qytetit të Gazës, duke i bërë thirrje kryeministrit Benjamin Netanyahu që të pranojë një propozim armëpushimi për lirimin e pengjeve të mbetura.

“Ka një marrëveshje mbi tryezë, është marrëveshja e përmirësuar Witkoff, duhet ta pranojmë”, citoi televizioni izraelit “Channel 13” fjalët e Zamir drejtuar komandantëve gjatë një vizite në një bazë detare në Haifa.

Shefi i ushtrisë iu referua një propozimi të negociuar më parë nga i dërguari i posaçëm amerikan, Steve Witkoff, që parashikon një armëpushim 60-ditor, gjatë të cilit do të liroheshin 10 pengje izraelite të gjallë në këmbim të të burgosurve palestinezë.

“Ushtria ka krijuar kushtet për një marrëveshje mbi pengjet, tani kjo është në duart e Netanyahut”, shtoi ai.

/abcnews.al/

Shefi i Shtabit të Ushtrisë Izraelite, gjenerali Eyal Zamir ka deklaruar këtë të hënë  se ekziston një marrëveshje konkrete për lirimin e pengjeve që mbahen ende në Gaza, marrëveshje kjo që duhet të shqyrtohet nga Kabineti i Sigurisë Izraelite. Zamir është shprehur sipas asaj që shkruajnë mediat Izraelite se ushtria e vendit ka krijuar të gjitha kushtet e nevojshme për zbatimin e kësaj marrëveshje, por vendimi final mbetet në dorën e Kryeministrit Benjamin Netanyahu.

Kabineti I Sigurisë Izraelite pritet të mblidhet të martën për të marrë një vendim final mbi një marrëveshje armëpushimi që u pranua nga Hamas javën e Shkuar.

Marrëveshja është hartuar nga ndërmjetësuesit e Egjipit dhe Katarit bazuar në një draft të të dërguarit amerikan për Lindjen e Mesme Steve  Witkoff. Ajo parashikon një armëpushim 60 ditor, lirimin në dy faza të rreth gjysmës së pengjeve dhe vazhdimin e negociatave për ti dhënë fund luftës përfundimisht në Lindjen e Mesme. Hamas mban aktualisht 50 pengje ende në gaza, por sipas inteligjencës së Tel Avivit vetëm 20 prej tyre besohet se janë gjallë ende.

Mediat Izraelite shkruajnë se Kryeministri Benjamin Netanyahu vijon të jetë kundër një marrëveshje të ndarë në disa faza, pasi kreu I qeverisë kërkon që të ketë lirim të të gjitha pengjeve njëherazi nga Hamas. Dicka e tillë ka sjellë përplasje brenda qeverisë izraelite. Shefi i Shtabit të Ushtrisë Izraelite, gjenerali Eyal Zamir ka paralajmëruar më herët se pushtimi i plotë I qytetit të Gazës, një vendim i miratuar nga qeveria Izraelite mund të rrezijojë seriozisht jetën e pengjeve të mbetura Gjallë si dhe mund të sjellë një katastrofë për forcat ushtarake të vendit për shkak se lufta do të zgjaste.

Familjarët e pengjeve të cilat kanë protestuar kundër Netanyahut dhe kërkojnë marrëveshje të menjëhershme  ka mbështetur planoin e Shefit të Shtabit të Ushtrisë izraelite, duke e konsideruar atë si një shpresë për rikthimin e familjarëve të tyre./abcnews.al

Ushtria izraelite njoftoi të mërkurën se do t’i thërrasë dhjetëra mijëra rezervistë dhe do ta zgjasë shërbimin për ushtarët e tjerë për një operacion të zgjeruar ushtarak në Qytetin e Gazës.

Ministri i Mbrojtjes i Izraelit, Israel Katz i miratoi planet për të nisur një fazë të re të operacioneve në disa prej zonave më të dendura të Gazës, bëri të ditur ushtria izraelite të mërkurën.

Sipas planit, që pritet ta marrë pëlqimin përfundimtar nga shefi i shtabit në ditët në vijim, do të thirren 60.000 rezervistë dhe do të zgjatet shërbimi për 20.000 të tjerëve që tashmë janë në detyrë.

Ky vendim vjen në një kohë kur negociatorët po përpiqen të arrijnë marrëveshje për armëpushim mes Izraelit dhe Hamasit, për t’i dhënë fund luftës 22-mujore, ndërkohë që udhëheqës ndërkombëtarë dhe organizata për të drejtat e njeriut paralajmërojnë se një sulm i zgjeruar mund të thellojë krizën humanitare në Gazë, ku shumica e banorëve janë të zhvendosur, lagjet janë shkatërruara dhe komunitetet përballen me uri.

Ushtria izraelite thotë se po thërret rreth 60,000 rezervistë përpara një ofensive të planifikuar tokësore për të pushtuar të gjithë Gazën.

Një zyrtar ushtarak tha se rezervistët do të paraqiteshin për detyrë në shtator dhe se shumica e trupave të mobilizuara për ofensivën do të ishin personel aktiv, shkruajnë mediat e huaja, përcjell Telegrafi.

Ata shtuan se trupat tashmë po vepronin në zonat Zeitoun dhe Jabalia si pjesë e përgatitjeve për planin, të cilin ministri i Mbrojtjes, Israel Katz e miratoi të martën dhe do t’i paraqitet kabinetit të sigurisë më vonë këtë javë.

Siç theksohet më tej, qindra mijëra palestinezë në Gaza pritet të urdhërohen të evakuohen dhe të shkojnë në strehimore në Gazën jugore.

Shumë nga aleatët e Izraelit e kanë dënuar planin, ndërsa OKB-ja dhe organizatat joqeveritare kanë paralajmëruar se një ofensivë tjetër dhe zhvendosje e mëtejshme masive do të kenë një “ndikim të tmerrshëm humanitar” pas 22 muajsh lufte.

Qeveria e Izraelit njoftoi qëllimin e saj për të pushtuar të gjithë Rripin e Gazës pasi bisedimet indirekte me Hamasin mbi një armëpushim dhe marrëveshje për lirimin e pengjeve dështuan muajin e kaluar.

Në anën tjetër, ndërmjetësuesit rajonalë po përpiqen të sigurojnë një marrëveshje para fillimit të ofensivës dhe kanë paraqitur një propozim të ri për një armëpushim 60-ditor dhe lirimin e rreth gjysmës së 50 pengjeve që mbahen ende në Gaza, të cilin Hamasi tha se e kishte pranuar të hënën.

Izraeli ende nuk ka paraqitur një përgjigje zyrtare, por zyrtarët izraelitë këmbëngulën të martën se nuk do të pranonin më një marrëveshje të pjesshme dhe kërkuan një marrëveshje gjithëpërfshirëse që do të shihte lirimin e të gjithë pengjeve.

Besohet se vetëm 20 nga pengjet janë gjallë.

Forcat e Mbrojtjes së Izraelit (IDF) thanë në një deklaratë se urdhrat për thirrjen e 60,000 rezervistëve u lëshuan të mërkurën si pjesë e përgatitjeve për “fazën tjetër të operacionit që nisi në maj.

Një zyrtar ushtarak izraelit tha se komandantët e lartë kishin miratuar planin për një operacion “gradual” dhe “të saktë” në dhe përreth Qytetit të Gazës, dhe se shefi i shtabit, gjenerallejtënant Eyal Zamir, pritej t’i finalizonte ato në ditët në vijim. /Telegrafi/

The post Izraeli thërret 60,000 rezervistë përpara ofensivës së planifikuar për të pushtuar të gjithë Gazën appeared first on Telegrafi.

Ushtria izraelite njoftoi se përpara se të nisë një ofensive të re për të vënë nën kontroll veriun e qytetit të Gazës do të zhvendosë palestinezët që jetojnë atje në jug të Rripit të Gazës.

Ushtria izraelite nuk e specifikoi se kur do të fillojë zhvendosja e palestinezëve. Ministri i Mbrojtjes, Israel Katz tha se “tani jemi në fazën e diskutimeve për të finalizuar planin për të mposhtur Hamasin në Gazë”. Forcat izraelite kanë shtuar operacionet në periferi të qytetit të Gazës, përfshirë edhe zonat Zeitoun dhe Shejaiya.

Kryeministri izraelit Benjamin Netanyahu tha se palestinezët do të zhvendosen në vende që ai i quajti si “zona të sigurta”. Ai gjithashtu tha se qyteti i Gazës është bastioni i fundit të grupit militant Hamas.

Qyteti i Gazës ishte qendra urbane më e populluar e enklavës palestineze deri në momentin që shumica e popullsisë së tij u zhvendos gjatë ofensivës së Izraelit.

Qindra persona u mblodhën këtë të hënë  në qytetin e Gazës për t’i dhënë lamtumirën e fundit gazetarit 28 vjeçar të Al Jazera Anas al Sharif, dhe 5 kolegëve të tij punonjës të medias të cilët u vranë nga sulmet ajrore izraelit të dielën

Trupat e tyre, të mbështjellë me çarçafë të bardhë, u vendosën në oborrin e spitalit Al Shifa, ku dhjetëra gazetarë dhe qytetarë u bashkuan në homazhe. Mes lotëve dhe dhimbjes, familjarët dhe miqtë përcollën të dashurit e tyre drejt banesës së tyre të fundit.

Sulmi qe vrau punonjësit e Medias goditi edhe hyrjen e një spitali Al Shifa sipas asaj qe tha drejtori i kësaj qendre Shëndetësore per Associated press.

Ushtria Izraelite deklaroi se punonjësit e medias qe mbeten te vrare nga sulmi i tyre përfshirë edhe Gazetarin 28-vjeçar Anas al Sharif, ishin militant të grupit palestinez Hamas, pretendim ky i mohuar nga Al Jazera qe tha se këto janë vetëm justifikime pas vrasjes se qëllimshme te gazetareve.

Gazetari 28 vjeçar i Al Jazera kishte paralajmëruar më herët se mund të vritej nga Izraeli pas kërcënimeve që kishte marre nga ushtria e këtij shteti.

Komiteti për Mbrojtjen e Gazetarëve tha se ishte i tmerruar dhe se Izraeli nuk kishte arritur të ofronte prova për të mbështetur akuzat e tij kundër al-Sharif.

Që nga fillimi i luftës në Gaza në tetor të vitit 2023, janë konfirmuar 186 gazetarë të vrarë.

Qeveria izraelite nuk lejon organizatat ndërkombëtare të lajmeve të hyjnë në Gaza për të raportuar, kështu që shumë media mbështeten te gazetarët me bazë në Gaza për të mbuluar ngjarjen.

/abcnews.al/

Rreth 600 ish-zyrtarë të lartë izraelitë të sigurisë, përfshirë ish-drejtues të Mossad-it, Shin Bet-it dhe IDF-së, i kanë dërguar një letër ish-presidentit amerikan Donald Trump, duke i kërkuar të ndërhyjë për të bindur kryeministrin Benjamin Netanyahu që të ndalë luftën në Gaza. Lajmi është publikuar nga “Jerusalem Post”. Këta ish-zyrtarë të lartë, së bashku me […]

The post “Bind Netanyahun të ndalë luftën”/ Mbi 600 ish-zyrtarë izraelitë i shkruajnë letër Trumpit appeared first on BoldNews.al.

Ushtria izraelite – IDF ka publikuar pamje që pretendojnë se tregojnë militantë të armatosur të Hamasit duke plaçkitur një kamion me ndihmë humanitare në Gaza.

Duke publikuar videon në X të martën, ushtria izraelite akuzoi organizatën për “përhapjen e fushatave të rreme rreth një fushate të qëllimshme të urisë në Gaza”, shkruajnë mediat e huaja, përcjell Telegrafi.

Kjo vjen ndërsa Izraeli përballet me dënim të gjerë nga OKB-ja, grupet ndërkombëtare të ndihmës dhe qeveritë e huaja për situatën humanitare në Gaza, mes një fluksi imazhesh të fëmijëve palestinezë të dobësuar dhe raporteve për vdekje të lidhura me urinë në enklavën e shkatërruar nga lufta.

Por kryeministri izraelit Benjamin Netanyahu ka hedhur poshtë pretendimin se shteti hebre po zbaton një politikë të urisë së qëllimshme si një taktikë lufte dhe këmbëngul se Gaza nuk po përballet me një krizë urie.

Në pamjet e publikuara nga IDF, të cilat ata thonë se janë filmuar të premten, persona të armatosur mund të shihen duke qëndruar sipër një kamioni të mbushur me kuti ndërsa turma civilësh palestinezë rrethojnë automjetin.

Dhe një nga burrat drejton armën e tij poshtë nga turma ndërsa ai qëndron sipër kamionit.

Ushtria izraelite pretendon se pamjet filmike tregojnë operativë të armatosur të Hamasit që ‘plaçkitin me dhunë ndihmën humanitare që u soll në Rripin e Gazës, duke e penguar atë të arrijë tek popullsia civile’.

Situata humanitare e përkeqësuar në Gaza ka shkaktuar një luftë fjalësh në javët e fundit, me Izraelin dhe Fondacionin Humanitar të Gazës (GHF) të mbështetur nga SHBA-të nga njëra anë që përballen me dënime në rritje nga bashkësia ndërkombëtare për pretendimet për urinë në Rrip.

Kjo vjen pasi Izraeli njoftoi se do të fillonte ‘pauza taktike’ 10-orëshe në operacionet e tij ushtarake në tre zona të dendura të Gazës të hënën deri në njoftim të mëtejshëm për të lejuar korridore ndihme për konvojet e OKB-së. /Telegrafi/

The post Ushtria izraelite publikon disa pamje – thotë se tregojnë ‘militantët e Hamasit që plaçkitin kamionë me ndihma në Gaza’ appeared first on Telegrafi.

GAZA, 28 korrik /ATSH-AA/ – Në sulmet e nisura nga ushtria izraelite në pjesë të ndryshme të Rripit të Gazës që nga orët e mëngjesit janë vrarë 50 palestinezë dhe shumë tjerë janë plagosur.

Izraeli, i cili ka shkaktuar një katastrofë humanitare duke shtrënguar bllokadën e Gazës dhe duke kufizuar fluksin e ndihmave, shënjestroi tendat e palestinezëve të zhvendosur, civilët që kërkonin ndihmë dhe vendbanimet.

Sipas informacioneve të marra nga burime shëndetësore dhe dëshmitarë okularë, numri i të vdekurve në sulmin e ushtrisë izraelite ndaj shtëpisë trekatëshe që i përkiste familjes “Nawfal” në perëndim të Khan Younis në Gazën jugore është rritur në 10.

Më shumë se 30 persona u plagosën në shtëpinë e rrethuar nga tenda që strehonte palestinezët e zhvendosur, dhe disa të tjerë mbetën nën rrënoja.

Një baba, një nënë dhe vajza e tyre u vranë kur ushtria izraelite bombardoi një shtëpi në Kampin e Refugjatëve al-Maghazi në Gazën qendrore.

Një grua palestineze u vra dhe shumë të tjerë u plagosën kur ushtria izraelite bombardoi shtëpinë që i përkiste familjes “Abu al-Sabah” në Deir al-Balah.

Pesë palestinezë u vranë kur ushtria izraelite bombardoi shtëpinë që i përkiste familjes “Zareb” në zonën Al-Mawasi në perëndim të qytetit Khan Younis në Gazën jugore.

Të paktën 19 palestinezë u vranë dhe disa u zhdukën nën rrënoja nga bombardimet e ushtrisë izraelite që synonin shtëpitë në pjesët jugore dhe qendrore të Rripit të Gazës.

Tre palestinezë u vranë pasi ushtria izraelite bombardoi një shtëpi pranë shkollës Al-Zahra në Gaza.

Dy palestinezë u vranë dhe disa u plagosën kur avionët luftarakë izraelitë shënjestruan një shkollë ku strehoheshin palestinezët e zhvendosur në zonën Saftavi në veri të qytetit.

Shtatë persona u vranë dhe 22 të tjerë u plagosën kur ushtria izraelite shënjestroi palestinezët që prisnin pranë një pike shpërndarjeje të ndihmës humanitare në Kampin e Refugjatëve Nusairat në Gazën qendrore.

Ushtria izraelite vazhdoi të hidhte në erë shtëpi dhe ndërtesa në lagjen Shujaiya të Gazës dhe në lagjen lindore të Khan Younis./   /os/

The post GAZA – Të paktën 50 viktima pas sulmeve izraelite appeared first on Agjencia Telegrafike Shqiptare.

Gjatë natës së kaluar, të paktën 25 palestinezë u vranë në Rripin e Gazës nga sulmet ajrore dhe të shtënat nga forcat izraelite, sipas zyrtarëve lokalë të shëndetësisë dhe shërbimit të ambulancës.

Ngjarja ndodh në një kohë kur bisedimet për një armëpushim mes Izraelit dhe Hamasit, janë pezulluar dhe situata humanitare në territorin palestinez po përkeqësohet ndjeshëm.

Shumica e viktimave, sipas stafit të spitalit Shifa, u qëlluan teksa prisnin pranë pikëkalimit Zikim, një nga korridoret hyrëse për ndihma humanitare.

Sulme ajrore goditën gjithashtu një ndërtesë banimi në qytetin e Gazës, duke shkaktuar katër viktima të tjera. Ushtria izraelite nuk ka komentuar mbi incidentet.

Ngjarjet ndodhin në sfondin e një bllokimi diplomatik. Pas një raundi të pasuksesshëm bisedimesh, Shtetet e Bashkuara dhe Izraeli tërhoqën ekipet e tyre negociuese, duke rritur pasigurinë për të ardhmen e procesit të armëpushimit.

Kryeministri izraelit Benjamin Netanyahu, deklaroi të premten se po shqyrtohen “opsione alternative” përtej dialogut me Hamasin, ndërsa grupi palestinez tha se bisedimet mund të rifillojnë javën e ardhshme, duke e quajtur tërheqjen e delegacioneve një “taktikë presioni”.

Ndërmjetësit Egjipt dhe Katar, kanë konfirmuar pezullimin e përkohshëm të bisedimeve, pa dhënë një datë për rifillimin e tyre.

Sipas Kombeve të Bashkuara dhe organizatave humanitare, Gaza po përballet me një krizë urie në rritje.

Raportet flasin për njerëz që vdesin nga kequshqyerja, përfshirë fëmijë të vegjël. Një nga rastet është ai i Yazanit, një 2-vjeçar nga qyteti i Gazës, i diagnostikuar me kequshqyerje të rëndë.

Përkundër pretendimeve të ushtrisë izraelite se po lejon ndihmat humanitare të hyjnë pa kufizime, OKB-ja njofton se përpjekjet e saj pengohen nga kufizimet e lëvizjes të vendosura nga Izraeli dhe nga incidentet e plaçkitjeve të organizuara.

Pak ditë më parë, në të njëjtin pikëkalim Zikim, ku ndodhën të shtënat e fundit, të paktën 80 palestinezë u vranë gjatë një përpjekjeje masive për të marrë ndihma.

Ushtria izraelite kishte deklaruar se turmat përbënin një “kërcënim të drejtpërdrejtë”.

Për herë të parë pas disa muajsh, Izraeli ka pranuar dërgesa ajrore ndihmash me kërkesë të Jordanisë.

Ato përfshijnë ushqime bazë dhe qumësht për foshnja. Mbretëria e Bashkuar, në bashkëpunim me Jordaninë, ka njoftuar se po përgatit dërgesa urgjente të ndihmave britanike.

Ndërkohë, organizata World Central Kitchen

njoftoi rifillimin e operacioneve të gatimit në Deir al-Balah, pas një ndërprerjeje të detyruar për shkak të mungesës së furnizimeve.

Ajo shpreson të shpërndajë rreth 60.000 vakte në ditë, më pak se gjysma e kapacitetit të saj të zakonshëm.

The post Të paktën 25 të vrarë nga sulmet izraelite në Gaza, disa po merrnin ndihma appeared first on Albeu.com.

Organizata Botërore e Shëndetësisë (OBSH) ka thënë se ofensiva tokësore e Izraelit në qendër të Gazës, i ka penguar përpjekjet e saj për të vazhduar punën, meqë i janë goditur objektet. Kjo agjenci e Kombeve të Bashkuara i ka akuzuar forcat izraelite për sulm në një ndërtesë ku është strehuar stafi i saj dhe familjet […]

The post OBSH-ja dënon sulmet izraelite në objektet e saj në Gazë appeared first on BoldNews.al.

Ligjvënësit iranian kanë thënë të mërkurën se Republika Islamike nuk do të vazhdojë bisedimet bërthamore me Shtetet e Bashkuara të Amerikës, derisa të plotësohen disa parakushte të caktuara, ka shkruar Reuters.

“Kur SHBA-ja i përdor negociatat si një mjet për të mashtruar Iranin dhe për të mbuluar një sulm të papritur ushtarak nga regjimi zionist (Izraeli), bisedimet nuk mund të zhvillohen si më parë. Duhet të vendosen parakushte dhe nuk mund të ketë negociata të reja derisa ato të përmbushen plotësisht”, thuhet në deklaratën e trupit legjislativ.

Në deklaratë nuk specifikohen ose definohen parakushtet, porse kryediplomati iranian, Abbas Aragchi, kishte thënë kohë më parë se duhet të ofrohen garanci të forta që Teherani zyrtar s’do të sulmohet më.

Izraeli dhe SHBA-të patën lansuar sulme ndaj impianteve bërthamore të Iranit muajin e kaluar, duke pretenduar se ato kishin për qëllim të shkatërronin programin e orientuar drejt zhvillimit të armëve bërthamore. Në anën tjetër, lidershipi iranian ka argumentuar e konsideruar qëmoti se programi i tij bërthamor është tërësisht për qëllime civile.

Teherani dhe Washingtoni kishin zhvilluar pesë runde negociatash indirekte të ndërmjetësuara nga Omani përpara luftës 12-ditore, teksa kërkesë kyç e delegacionit amerikan ishte që Republika Islamike të hiqte dorë nga pasurimi i uraniumit.

Javën e kaluar, Aragchi e kishte riafirmuar qëndrimin se Teherani zyrtar nuk do të pranojë një marrëveshje që ia ndalon pasurimin e uraniumit, si dhe ka refuzuar të diskutojë për çështje të tjera jashtë këtij programi.

Presidenti amerikan, Donald Trump, ka thënë të martën se s’është aspak në nxitim për të negociuar me Iranin pasi që bazat e tij bërthamore tashmë janë “shkatërruar”, ndonëse SHBA-ja dhe tri vende evropiane janë pajtuar për të caktuar fundin e muajit gusht si afatin final për arritjen e marrëveshjes bërthamore.

Ministri i Punëve të Jashtme i Francës, Jean-Noel Barrot, ka theksuar po ashtu se Parisi, Londra e Berlini do ta aktivizojnë të ashtuquajturin mekanizmin “snapback” të Kombeve të Bashkuara, i cili do të rivendoste sanksionet ndaj Iranit, deri në fund të gushtit në rast se s’ka përparim konkret lidhur me marrëveshjen.

Sulmet izraelite gjatë natës së mbrëmshme dhe mëngjesit të së martës i kanë vrarë më shumë se 90 palestinezë në të gjithë Rripin e Gazës, përfshirë dhjetëra gra dhe fëmijë, thanë zyrtarët shëndetësorë. Një nga sulmet në kampin e refugjatëve Shati në veri vrau një anëtar 68-vjeçar të Hamasit që ishte pjesë e legjislaturës palestineze, […]

The post Sulmet izraelite në Gaza, zyrtarët shëndetësorë: Vriten 93 palestinezë përfshirë gra dhe fëmijë appeared first on BoldNews.al.

Ushtria izraelite thotë se nuk e ka goditur objektivin e synuar pasi zyrtarët e Gazës thanë se 10 palestinezë – përfshirë gjashtë fëmijë – u vranë në një sulm në një pikë grumbullimi uji.

17 persona të tjerë u plagosën në sulmin në një pikë shpërndarjeje uji në kampin e refugjatëve Nuseirat, tha Ahmed Abu Saifan, një mjek urgjence në spitalin Al Awda, transmeton Telegrafi.

Forcat Mbrojtëse të Izraelit (IDF) thanë se kishin ndërmend të godisnin një militant të Xhihadit Islamik, por një “gabim teknik me municionin” kishte bërë që raketa të binte “dhjetëra metra larg objektivit”.

IDF tha se incidenti është duke u shqyrtuar, duke shtuar se “punon për të zbutur dëmin ndaj civilëve të papërfshirë sa më shumë që të jetë e mundur” dhe “ndjen keqardhje për çdo dëm ndaj civilëve të papërfshirë”.

Zyrtarët në spitalin Al Awda thanë se morën 10 trupa pas sulmit izraelit në pikën e grumbullimit të ujit, dhe gjashtë fëmijë ishin midis të vdekurve.

Ramadan Nassar, i cili jeton në zonë, tha se rreth 20 fëmijë dhe 14 të rritur u rreshtuan të dielën në mëngjes për të mbushur ujë.

Kur ndodhi sulmi, të gjithë vrapuan dhe disa, përfshirë ata që u plagosën rëndë, ranë përtokë, tha ai.

Në total, 19 persona u vranë në sulmet izraelite në Rripin e Gazës të dielën, thanë zyrtarët lokalë të shëndetësisë.

Dy gra dhe tre fëmijë ishin midis nëntë të vrarëve pas një sulmi izraelit në një shtëpi në qytetin qendror të Zawaidës, thanë zyrtarët në spitalin Al Aksa.

Izraeli ka pretenduar se ka goditur më shumë se 150 objektiva në enklavën e rrethuar gjatë ditës së kaluar.

Sulmet e fundit vijnë pasi ushtria izraelite hapi zjarr pranë një qendre ndihme në Rafah të shtunën. Kryqi i Kuq tha se 31 persona u vranë.

IDF ka thënë se ka qëlluar “të shtëna paralajmëruese” pranë vendit të shpërndarjes së ndihmave, por “nuk ishte në dijeni të individëve të plagosur” si rezultat.

Lufta në Gaza filloi në përgjigje të sulmit të Hamasit ndaj Izraelit më 7 tetor 2023, i cili vrau 1,200 persona dhe pa rreth 250 të marrë peng.

Më shumë se 58,000 palestinezë janë vrarë që atëherë, ku më shumë se gjysma janë gra dhe fëmijë, sipas ministrisë së shëndetësisë të Gazës, e cila nuk bën dallim midis civilëve dhe luftëtarëve në numërimin e saj. /Telegrafi/

The post IDF fajëson ‘gabimin teknik’ pasi zyrtarët e Gazës thonë se fëmijët që merrnin ujë u vranë në sulm appeared first on Telegrafi.

The post Kapiteni shpëtoi turistet dhe vdiq/ Mediat Izraelite jehonë për rastin në Shkodër appeared first on Euronews Albania.

Të paktën 38 palestinezë u vranë nga sulmet ajrore izraelite në Gaza të dielën, mes një përshkallëzimi të luftës dhe përpjekjeve intensive për arritjen e një armëpushimi. Sulmet më vdekjeprurëse ndodhën në al-Mawasi, ku jetojnë mijëra të zhvendosur.

Ministria e Shëndetësisë në Gaza raportoi 80 të vrarë dhe mbi 300 të plagosur në 24 orët e fundit. Në të njëjtën kohë, Izraeli goditi objektiva të rebelëve Huthi në Jemen, në përgjigje të sulmeve të tyre ndaj Izraelit.

Ndërsa numri i viktimave palestineze ka kaluar 57,000, bisedimet për një marrëveshje të re armëpushimi janë intensifikuar. Kryeministri Benjamin Netanyahu udhëtoi drejt Uashingtonit për të diskutuar me Presidentin Donald Trump, i cili beson se një marrëveshje për lirimin e pengjeve dhe pauzë 60-ditore në luftime mund të arrihet brenda javës.

Sipas një drafti të marrëveshjes, Trump pritet të njoftojë zyrtarisht çdo progres përpara takimit me Netanyahun. Hamasi ka shprehur “frymë pozitive” ndaj propozimit, por Izraeli ka refuzuar disa nga ndryshimet e kërkuara prej tyre.

LEXONI GJITHASHTU:

• Mbi 70 njerëz të vdekur dhe dhjetëra të zhdukur nga përmbytjet në Teksas
• Aksident i rëndë në Ukrainë: Përmbyset autobusi, 1 i vdekur dhe 17 të plagosur

The post Përshkallëzim i luftës në Gaza: 38 të vdekur nga sulmet izraelite appeared first on Euronews Albania.

Sulmet ajrore izraelite i kanë vrarë 24 palestinezë në Rripin e Gazës të shtunën, përfshirë 10 njerëz që po kërkonin ushqim në këtë enklavë të rrënuar nga lufta, thanë zyrtarë spitalorë për Associated Press.

Dy punonjës amerikanë të ndihmës humanitare nga Fondacioni Humanitar i Gazës (GHF), i cili mbështet nga Izraeli, u plagosën gjithashtu në jug të Gazës pasi persona të panjohur hodhën granata ndaj tyre në një pikë të shpërndarjes së ushqimit, tha organizata.

Kjo gjakderdhje ndodhi në një kohë kur përpjekjet për armëpushim të ndërmjetësuar nga Shtetet e Bashkuara, që synojnë t’i japin fund luftës pothuajse 21-mujore, duket se po fitojnë vrull.

Hamas – grupi palestinez i shpallur organizatë terroriste nga SHBA dhe BE – dha përgjigje “pozitive” të premten në mbrëmje për propozimin e fundit amerikan për një armëpushim 60-ditor, por tha se nevojiten më shumë bisedime për zbatimin e tij.

Hamas po kërkon garanci që armëpushimi fillestar do të çojë drejt një fundi të plotë të luftës dhe tërheqjes së trupave izraelite nga Gaza.

Presidenti amerikan, Donald Trump, po shtyn për një marrëveshje dhe pritet ta mirëpresë kryeministrin izraelit, Benjamin Netanyahu, në Shtëpinë e Bardhë javën e ardhshme për të biseduar për një marrëveshje.

Sulmet ajrore izraelite goditën tenda në zonën Muvasi në skajin jugor të bregut mesdhëtar në Gazë, duke vrarë shtatë njerëz, përfshirë një mjek palestinez dhe tre fëmijët e tij, sipas Spitalit Nasser në Han Junis.

Katër të tjerë u vranë në qytetin Bani Suheila në jug të Gazës, dhe tre njerëz të tjerë u vranë në tri sulme të ndryshme në Han Junis.

Ushtria izraelite nuk i ka komentuar këto sulme.

Ndërkohë, tetë palestinezë u vranë pranë një pike të GHF-së për shpërndarjen e ndihmave në qytetin jugor të Rafahut, sipas spitalit. Një palestinez tjetër u vra pranë një tjetër pike të GHF-së në Rafah.

GHF-ja e mohoi që vrasjet të kenë ndodhur pranë pikave të saj shpërndarëse. Më parë, organizata ka thënë se askush nuk është qëlluar pranë pikave të saj, të cilat ruhen nga kontraktorë privatë, por në to mund të arrihet vetëm duke kaluar pranë pozicioneve ushtarake izraelite qindra metra larg.

Një palestinez tjetër u vra duke pritur në radhë për kamionët me ndihma në lindje të Han Junisit, sipas zyrtarëve të Spitalit Nasser.

The post Sulmet ajrore izraelite vrasin 24 palestinezë në Gazë appeared first on Euronews Albania.

Agjencia e mbrojtjes civile në Gazë njoftoi të enjten se forcat izraelite vranë të paktën 25 persona, përfshirë 12 në një sulm ajror ndaj shkollës Mustafa Hafez në lagjen Al-Rimal, e cila strehoi palestinezë të zhvendosur nga lufta që tashmë po hyn në muajin e 22-të.

Izraeli ka intensifikuar operacionet ushtarake në Rripin e Gazës, ku konfliktet nga tetori 2023 kanë shkaktuar kushte të rënda humanitare dhe kanë detyruar zhvendosjen e pothuajse të gjithë popullsisë prej mbi dy milionë banorësh. Shumë nga të zhvendosurit janë strehuar në objekte shkollore, të cilat janë goditur shpesh nga sulmet izraelite, që ushtria i justifikon si goditje ndaj militantëve të Hamasit që përdorin civilët si mburojë.

Mohammad al-Mughayyir, zyrtar i mbrojtjes civile, deklaroi për AFP se në sulmin ndaj shkollës u vranë 12 persona, shumica gra dhe fëmijë, dhe u plagosën shumë të tjerë. Pamjet nga vendi i ngjarjes treguan fëmijë të vegjël që endeshin mes rrënojave dhe mbetjeve të karbonizuara.

Ushtria izraelite tha se po shqyrtonte raportin për këtë incident, si dhe një tjetër ngjarje në Gazën qendrore ku të shtënat izraelite vrajnë gjashtë persona dhe plagosin shumë të tjerë që po kërkonin ndihma humanitare.

Situata humanitare në Gazë vijon të jetë alarmante, ndërsa konflikti nuk tregon shenja të zbutjes.

LEXONI GJITHASHTU:

• Policia e Serbisë shpërndan bllokadat gjatë natës në Novi Sad, 79 të shoqëruar
• Izraeli kryen sulme ajrore masive në Gaza, goditen 150 objektiva terroriste

The post Forcat izraelite vrasin të paktën 25 persona në Gaza appeared first on Euronews Albania.

Ushtria izraelite deklaroi sot në mbrëmje se ka pritur një raketë nga Jemeni.

Në një deklaratë, ushtria tha se sulmi me raketa shkaktoi aktivizimin e sirenave në zona të shumta në gjithë vendin, duke përfshirë pjesën më të madhe të Kudsit, Aeroportin Ben Gurion, Modiin, Rishon Lezion dhe disa vendbanime kolone në Bregun Perëndimor.

Ushtria tha se raketa u rrëzua nga forcat ajrore. Nuk u raportuan të lënduar.

Nuk pati asnjë koment të menjëhershëm nga grupi Houthi në Jemen mbi pretendimin izraelit.

Që nga nëntori i vitit 2023, Houthit kanë kryer sulme me raketa dhe dronë ndaj objektivave izraelite dhe kanë synuar anijet tregtare në Detin e Kuq, Gjirin e Adenit dhe Detin Arabik në mbështetje të palestinezëve në Gaza, ku më shumë se 56.600 njerëz janë vrarë në ofensivën izraelite.

Të paktën 95 palestinezë u vranë në sulmet izraelite në Rripin e Gazës të hënën, raportoi kanali televiziv i Katarit Al Jazeera.

Ushtria izraelite sulmoi një kafene, një spital, një shkollë dhe pika shpërndarjeje ushqimi në Gaza, duke vrarë të paktën 95 palestinezë dhe duke lënë shumë të tjerë të plagosur, tha kanali televiziv. Sipas tij, 39 persona u vranë në një sulm izraelit në një kafene të mbushur me njerëz buzë detit në Gazën veriore, ndërsa atje festohej një festë ditëlindjeje, përfshirë gra dhe fëmijë. Gjithashtu të hënën, trupat izraelite bombarduan shkollën Yafa në qytetin e Gazës, ku ishin vendosur qindra palestinezë të zhvendosur.

Më 18 mars, Forcat Mbrojtëse të Izraelit (IDF) raportuan sulme të gjera mbi fortesat e Hamasit në Rripin e Gazës, duke i dhënë fund kështu armëpushimit të vendosur në janar të këtij viti. Zyra e kryeministrit izraelit Benjamin Netanyahu tha se shteti hebre kishte rinisur operacionet ushtarake në Gaza pasi Hamasi hodhi poshtë propozimet e SHBA-së të paraqitura nga ndërmjetësit dhe i dërguari i posaçëm presidencial i SHBA-së, Steve Witkoff.

Zyra deklaroi se ushtria izraelite kishte rinisur sulmet ndaj objektivave të Hamasit në Gaza për të siguruar lirimin e pengjeve dhe se ushtria do të intensifikonte fushatën e saj në enklavë. Radikalët kanë fajësuar Shtetet e Bashkuara për rinisen e agresionit izraelit.

The post Sulmet izraelite në Rripin e Gazës lënë të vrarë 95 palestinezë appeared first on Euronews Albania.