Rreth një të pestën e kohës, një shofer adoleshent përdor telefonin teksa drejton automjetin.

Shoferët adoleshentë kalojnë mesatarisht 21% të çdo udhëtimi duke parë telefonin e tyre, sipas rezultateve të botuara në revistën Traffic Injury Prevention .

Më keq akoma, këto nuk ishin shikime të shpejta — gati 27% të kohës shoferët u përqendruan në telefonin e tyre për dy sekonda ose më shumë, një kohëzgjatje që rrit ndjeshëm rrezikun e një aksidenti, thanë studiuesit.

Rezultatet treguan se shoferët adoleshentë e përdorin më shpesh telefonin e tyre për argëtim (65%) ose për të dërguar mesazhe (40%), me 30% që përdorin GPS-in e telefonit.

Në të gjithë SHBA-në, 35 shtete kanë ndaluar përdorimin e telefonit për shoferët e rinj, thanë studiuesit në shënimet e tyre paraprake.

Por një studim i mëparshëm kombëtar zbuloi se gati 92% e adoleshentëve ende angazhohen rregullisht duke dërguar mesazhe, duke folur ose duke zgjedhur melodi në telefonin e tyre inteligjent ndërsa janë në timon, thanë studiuesit.

Për studimin e ri, studiuesit pyetën më shumë se 1,100 adoleshentë rreth sjelljeve dhe bindjeve të tyre në lidhje me përdorimin e telefonave inteligjentë gjatë drejtimit të makinës.

Rezultatet tregojnë se shumë shoferë të rinj e kuptojnë se gjëra të këqija mund të ndodhin kur janë të shpërqendruar dhe janë të vetëdijshëm se prindërit dhe miqtë nuk do të donin që ata të përfshiheshin në shpërqendrime ndërsa drejtonin makinën.

Megjithatë, adoleshentët raportuan gjithashtu se miqtë e tyre shpesh ngasin makinën ndërsa janë të shpërqendruar nga telefonat e tyre inteligjentë, duke treguar se më shumë njerëz mund të bien pre e tundimit sesa do ta pranonin, thanë studiuesit.

Studiuesit shtuan se nevojiten më shumë studime për të kuptuar më mirë pse shoferët adoleshentë përdorin telefonat inteligjentë.

The post Studimi që trondit/ Shoferët adoleshentë të fiksuar pas telefonit, i japin makinës duke shkruar mesazhe appeared first on Sot News | Lajme.

TIRANË, 2 korrik /ATSH/ Policia Rrugore e Shkodrës njoftoi sot se gjatë muajit qershor janë arrestuar 11 drejtues mjetesh dhe janë proceduar penalisht 22 të tjerë, për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”.

Gjithashtu policia njoftoi se janë vënë gjithsej 4161 masa administrative për shkelje të ndryshme të Kodit Rrugor.

Konkretisht sipas policisë Rrugore: 376 masa për mosvënien e rripit të sigurimit; 228 masa për mosvënien e kaskës mbrojtëse; 80 masa për përdorimin e celularit gjatë drejtimit të mjetit; 68 masa për drejtim mjeti nën efektin e alkoolit; 53 masa për xhama të errësuar;  672 masa për parakalime të gabuara; 1503 masa për ndalim apo qëndrim të gabuar; 235 masa për mosdhënie përparësie këmbësorëve; 946 masa për shkelje të tjera të Kodit Rrugor.

Policia Rrugore e Shkodrës bëri me dije se “kontrollet nga Policia Rrugore do të vijojnë në të gjitha akset rrugore urbane, interurbane dhe rurale, duke përdorur të gjitha mjetet bashkëkohore logjistike, me qëllim përmbushjen e parametrave të sigurisë rrugore”.

Policia Rrugore e Shkodrës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor, të mos kryejnë parakalime të gabuara, të mos përdorin celularin gjatë drejtimit të mjetit dhe të mos drejtojnë mjetin, në efektin e alkoolit apo në gjendje të dehur.

Policia po ashtu fton qytetarët që të denoncojnë në numrin pa pagesë 112, çdo shkelje të rregullave të qarkullimit rrugor.

/m.q//a.f/

The post Shkodër, 11 shoferë të arrestuar gjatë qershorit dhe 4161 gjobita appeared first on Agjencia Telegrafike Shqiptare.

Policia Rrugore e Tiranës ka vijuar kontrollet intensive me dronë, radarë dhe kamera, me qëllim evidentimin dhe ndëshkimin e shkeljeve që cenojnë sigurinë rrugore dhe pengojnë qarkullimin.

Sipas njoftimit zyrtar, gjatë javës së fundit janë arrestuar ose proceduar penalisht 30 drejtues automjetesh, për vepra penale në fushën e qarkullimit rrugor.

Gjithashtu, 20 automjete janë tërhequr me karrotrec pasi ishin parkuar në mënyrë të gabuar në korsitë e dedikuara për autobusë, taksi apo biçikleta.

Ndërkohë, janë pezulluar 22 leje drejtimi, për shkak të shkeljeve të rënda të Kodit Rrugor.

Policia Rrugore e Tiranës thekson se kontrollet do të vijojnë në të gjithë territorin, për të ndëshkuar çdo drejtues mjeti që rrezikon jetën e përdoruesve të rrugës.

Njëkohësisht, Policia apelon për respektimin rigoroz të rregullave të qarkullimit rrugor, si një domosdoshmëri për garantimin e sigurisë dhe mbrojtjen e jetës në rrugë.

LEXONI GJITHASHTU:

• Gjobat e policisë në Gjirokastër, Policia Rrugore “ndëshkon” 1209 shoferë në maj
• Dyshohet se mori ryshfet, Apeli i GJKKO lë në burg shefin e Rrugores së Tiranës

The post Pezullohen 22 patenta në një javë, 30 shoferë të arrestuar dhe proceduar në Tiranë appeared first on Euronews Albania.

Dhjetëra drejtues të autoboteve të karburantit nga Kosova kanë protestuar sot për orët e gjata të pritjes këtu në pikën doganore të Porto Romanos ku është dhe pika e shpërndarjes me shumicë të karburanteve. Ata ankohen se autoritetet doganore zvarrisin procedurat, por njëkohësisht edhe gjatë lëvizjes në autostradë drejt Kosovës, policia i bllokon dhe ka […]

The post Protestë në Porto Romano, shoferët nga Kosova kundërshtojnë pritjet e gjata në kontrollet doganore appeared first on BoldNews.al.

Dy shoferë po kryenin parakalim të gabuar dhe për parkim-ndalim në krahun e gabuar të rrugës, teksa Policia e Qarkullimit i ka identifikuar, lokalizuar dhe gjobitur me 13 mijë lekë të reja në total. ”Në lidhje me dy video të postuara në rrjete sociale, për 2 raste të shkeljes së rregullave të qarkullimit rrugor, ju informojmë se specialistët e Sektorit të Policisë Rrugore kanë identifikuar…

Source

Prokuroria Themelore në Prishtinë, Departamenti për Krime të Rënda, përmes Njësitit kundër Krimit Ekonomik dhe Korrupsionit, ka bërë të ditur se ka ndaluar dhjetë (10) persona të dyshuar për përfshirje në vepra të ndryshme penale që lidhen me korrupsionin dhe keqpërdorimin e detyrës zyrtare.

Sipas njoftimit, të dyshuarit janë zyrtarë publikë, për të cilët ekziston dyshimi se kanë kërkuar ryshfet nga kandidatët për patentë shofer, duke u mundësuar atyre pajisjen e kundërligjshme me këtë dokument.

Ndaj të dyshuarve rëndojnë veprat penale “Ushtrimi i ndikimit” (neni 424), “Marrja e ryshfetit” (neni 421), “Dhënia e ryshfetit” (neni 422), si dhe “Keqpërdorimi i pozitës apo autoritetit zyrtar” (neni 414) të Kodit Penal të Republikës së Kosovës.

Lexo po ashtu Ndihmuan kandidatët për t’u pajisur me patentë shoferë - arrestohen 11 persona në tri rajone të ndryshme

Bastisjet janë kryer në disa lokacione të ndryshme, ku gjatë aksionit janë sekuestruar prova materiale, përfshirë armë zjarri (kallashnikovë), armë gjahu, municion, para të gatshme, telefona celularë dhe shtëpiza kompjuterësh.

Hetimet janë zhvilluar për disa muaj dhe përfshijnë zbatimin e masave të fshehta të hetimit, me kërkesë të prokurorit të shtetit dhe me urdhër të gjyqtarit të procedurës paraprake.

Prokuroria ka caktuar masën e ndalimit prej 48 orësh për të dyshuarit dhe ka paralajmëruar se brenda afateve ligjore do të parashtrojë kërkesë për caktimin e masës së paraburgimit.

Në njoftim thuhet se Prokuroria mbetet e përkushtuar në luftën kundër korrupsionit dhe kriminalitetit, duke theksuar se do të ndërmarrë të gjitha veprimet ligjore për parandalimin dhe ndëshkimin e këtyre veprave./Telegrafi/

The post Arrestimi i zyrtarëve publikë për korrupsion dhe ryshfet për pajisje me patentë shofer, prokuroria jep detaje appeared first on Telegrafi.

Të dhënat zyrtar tregojnë se aksidentet rrugore pësuan një rënie në prill 2025 në raport më të njëjtin muaj të një viti më parë. Sipas Institutit të Statistikave që publikoi të dhënat paraprake në muajin e katër të vitit numërohen 112 aksidente rrugore, nga të cilët 162 persona janë të aksidentuar (të vrarë dhe të […]

The post Aksidentet rrugore u ulën në prill por sjellja e shoferëve mbetet problem appeared first on BoldNews.al.

Prokuroria e Vlorës ka shpallur në kërkim një 27-vjeçare, e dyshuar për përfshirje në një aksident rrugor. Sipas burimeve të policisë, ajo dyshohet se ka goditur me automjetin e saj një vajzë 15-vjeçare, e cila po udhëtonte me biçikletë, duke i shkaktuar lëndime të lehta. Pas ngjarjes, e reja nuk ka qëndruar në vendin e […]

The post Përplasi të miturën dhe u largua nga vendngjarja, shpallet në kërkim 27-vjeçarja në Vlorë appeared first on BoldNews.al.

Një aksident ka ndodhur në aksin rrugor Shëngjin–Velipojë, ku një automjet ka dalë nga rruga pasi drejtuesja, një 23-vjeçare me inicialet M.R, ka humbur kontrollin e mjetit. Sipas njoftimit, gjatë aksidentit janë plagosur shoferja dhe pasagjerja që ndodhej me të. Fatmirësisht, të dyja janë jashtë rrezikut për jetën. Ndaj shoferes nisi procedimi penal për shkelje të rregullave të qarkullimit rrugor.

Njoftimi i policisë:

Specialistët e Seksionit të Qarkullimit Rrugor referuan materialet në Prokurori ku nisi procedimi penal për shtetasen M. R., 23 vjeçe, banuese në Shkodër, pasi në aksin rrugor “Shëngjin-Velipojë”, duke drejtuar automjetin, ka humbur kontrollin dhe si pasojë automjeti ka dalë nga rruga. Nga aksidenti janë dëmtuar drejtuesja e automjetit dhe pasagjerja, të cilat janë jashtë rrezikut për jetën.

The post Aksident në aksin Shëngjin-Velipojë/ Shoferja 23-vjeçarja humb kontrollin e makinës, plagoset së bashku me pasagjeren appeared first on Sot News | Lajme.

Një aksident i katërfishtë ka ndodhur pasditen e sotme në zonën e Shkozetit, në Durrës. Mësohet se katër automjete janë përplasur në rrethana ende të paqarta.

Gjithashtu dyshohet se pas aksidentit, shoferët janë përfshirë edhe në një konflikt me njëri-tjetrin. Ndërkohë policia ka mbërritur në vendngjarje dhe ka nisur hetimet për të zbardhur shkaqet e aksidentit. Megjithatë deri më tani nuk raportohet për të lënduar.

The post Aksident i katërfishtë në Shkozet, shoferët konfliktohen me njëri-tjetrin appeared first on Lapsi.al.

HALEPO, 11 prill /ATSH-AA/ – Gruaja siriane nga Halepo me prejardhje armene, Merjem Faddol, pasi e humbi bashkëshortin e saj në luftën civile në Siri, filloi punën si shofere taksie për të mirëmbajtur familjen e saj.

Duke jetuar në Halepo, një qytet i njohur për identitetin e tij konservator, 64-vjeçarja, nënë e dy fëmijëve, ushtron një profesion që gratë ngurrojnë ta bëjnë.

Faddol, e cila zhvilloi aftësitë e saj të vozitjes duke marrë fshehurazi makinën e babait të saj kur ishte e re, mësoi rrugët e Halepos me makinën e vogël ”Suzuki” që ajo dhe bashkëshorti i saj e blenë pasi u martuan.

Pasi humbi bashkëshortin e saj në vitin 2012, mori përsipër barrën e mbështetjes së familjes dhe filloi të punonte si shofere taksie.

Faddol, me prejardhje armene dhe me pasionin për makinat, është bërë një nga shoferet e pakta në Halepo.

Ajo gëzon një profesion që gratë në Halepo ngurrojnë ta bëjnë, ndërsa vlerësohet nga njerëzit me fytyrën e saj të qeshur dhe energjinë pozitive.

Duke thënë se e sheh profesionin e saj jo vetëm si një burim të ardhurash, ajo tha se kjo është edhe një mënyrë për të dhënë shembull për gratë e tjera të qytetit.

Ajo shpesh thekson se i pëlqen të punojë dhe ëndërron që në të ardhmen t’ua mësojë këtë profesion edhe grave të tjera.

Pas mbylljes së fabrikës ku punonte, Faddol tha se kishte vështirësi financiare dhe po kërkonte mënyra për të përmbushur nevojat e familjes së saj.

Duke theksuar se vendosi të sfidonte vështirësitë gjatë asaj periudhe, ajo theksoi se i erdhi në mendje për t’u bërë shofere taksie, e cila konsiderohet e rrallë për gratë në shoqërinë siriane.

Faddol nënvizoi se “pasioni për makinat” e nxiti të merrej me këtë profesion dhe tha se në rrethin e saj të ngushtë ishin krijuar dy fronte: ata që “e inkurajonin” dhe ata që “mendonin se kishte devijuar nga tradita”.

Ajo deklaroi nuk i interesojnë opinionet negative dhe se e do profesionin e saj si taksiste, të cilin e ka nisur me një veturë “Suzuki”, dhe se falë këtij profesioni ka mësuar çdo cep të Halepos.

Po ashtu theksoi se mund të kujdeset personalisht për nevojat elementare të automjetit të saj, siç janë kontrollet e vajit dhe ujit.

“Çdo grua mund të punojë. Të punosh është e vështirë, por vështirësitë na bëjnë më të fortë. Le të punojmë të gjithë sa të jemi gjallë”, shton ajo./   /os/

The post SOFT NEWS – Historia e trishtë, por sublime e taksistes siriane appeared first on Agjencia Telegrafike Shqiptare.

Një aksident i rëndë ka ndodhur në autostradën Milot-Thumanë, pranë Fushë-Mamurrasit. Një automjet, i cili po udhëtonte në drejtim të Milotit, ka dalë nga rruga dhe ka përfunduar në kanal. Si pasojë e këtij aksidenti, një grua ka mbetur e plagosur rëndë. Dyshohet se ajo ishte drejtuesja e mjetit, e cila ka humbur kontrollin dhe […]

The post Aksident në autostradën Milot-Thumanë, shoferja plagoset rëndë appeared first on BoldNews.al.

Një aksident është regjistruar paraditen e sotme në rrugën “Vllazërimi”, në lagjen 17 të Durrësit, në unazë, një ndër segmentet që regjistron një numër të lartë incidentesh rrugore. Në aksident u përfshinë dy automjete.

Si pasojë e përplasjes, një nga drejtuesit e mjeteve ka pësuar lëndime në kokë dhe është transportuar me urgjencë drejt Spitalit Rajonal të Durrësit për trajtim mjekësor, por pa pasoja për jetën. Ndërkaq janë shënuar dhe dëme materiale.

Si shkak kryesor dyshohet shpejtësia në drejtim dhe mosfunksionimi i semaforit në një nga kryqëzimet kryesore të kësaj rruge që lidh Durrësin me autostradën, ndërsa ka dhe shumë rrugë dytësore në të dy krahë e këtij aksi që dalin në të.

Policia ka nisur hetimet për të zbardhur dinamikën dhe përgjegjësitë e këtij aksidenti. Rruga “Vllazërimi” njihet jo vetëm për numrin e lartë të ndëshkimeve administrative të drejtuesve të automjeteve nga ana e policisë, por edhe të aksidenteve, disa prej të cilave kanë qenë fatale, duke shkaktuar edhe humbje jete.

The post Aksident në Durrës, njëri prej shoferëve transportohet në spital appeared first on Lapsi.al.

Një projektligj ka arritur në Senatin amerikan dhe mund të hyjë në fuqi këtë muaj, por a janë 15-vjeçarët mjaftueshëm të pjekur dhe aftë për të marrë patentë shoferin?

Sistemet moderne elektronike dhe teknologjitë e ndihmës së shoferit po e bëjnë drejtimin më të lehtë dhe më të sigurt se kurrë, por në Kentucky, ngasja së shpejti mund të bëhet lojë e fëmijëve – në varësi të mënyrës se si votojnë ligjvënësit e shtetit javën e ardhshme.

Nëse Senati miraton ligjin e ri, të rinjtë e moshës 15 vjeç do të mund të drejtojnë ligjërisht një veturë në rrugët publike, transmeton Telegrafi.

Projektligji u prezantua në fillim të janarit dhe këtë javë Komiteti i Transportit e miratoi dhe e dërgoi në Senat.

Senatorët pritet të shqyrtojnë dhe votojnë propozimin javën e ardhshme dhe nëse e kalojnë, ligji do të hyjë në fuqi menjëherë.

Sipas ligjit aktual të Kentuckyt, adoleshentët mund të marrin një patentë të përkohshme në moshën 16 vjeç, e cila u lejon atyre të drejtojnë me një të rritur të pranishëm.

Pas 180 ditësh, ata mund të kalojnë në një patentë të përkohshme me kufizime dhe në moshën 17 kanë të drejtë për patentë shoferi të plotë.

Megjithatë, ligji i ri do t’i lejojë shoferët të marrin një licencë bazë të përkohshme në moshën 15 vjeç, duke e sjellë Kentucktyn në përputhje me shtetet fqinje Tennessee dhe West Virginia.

Gjithashtu, shoferët mund të marrin një patentë të plotë që në moshën 16 vjeç e gjysmë, raporton Courier Journal.

Për të marrë një patentë, adoleshentët duhet të kenë 60 orë vozitje, duke përfshirë 10 orë gjatë natës.

Më e rëndësishmja, ata nuk duhet të drejtojnë makinën pa praninë e një të rrituri që është të paktën 21 vjeç, dhe me patentë shoferi të plotë.

Mbështetësit e ligjit argumentojnë se ngasja e veturës më herët do t’u japë të rinjve më shumë përvojë në rrugë përpara se të marrin një patentë të plotë, gjë që mund të zvogëlojë numrin e aksidenteve rrugore. Ata përmendin edhe përfitimet ekonomike.

“Shkalla e pjesëmarrjes së fuqisë punëtore të të rinjve në shtetin tonë është e ulët, veçanërisht midis adoleshentëve”, tha për Courier Journal, përfaqësuesi i shtetit Stephen Rudy.

“Sa vende pune në sektorin e gastronomisë dhe ushqimit të shpejtë mund të plotësohen nga fëmijët që duan të punojnë, por thjesht nuk mund të shkojnë në punë? Është një problem veçanërisht i theksuar në zonat rurale”, shtoi Rudy.

Nga ana tjetër, kundërshtarët e ligjit pretendojnë se 15-vjeçarët nuk kanë përgjegjësi të mjaftueshme për të drejtuar një automjet. /Telegrafi/

The post Në Kentucky kërkohet që 15-vjeçarëve t’ju lejohet të pajisen me patentë shoferë – a nuk është shumë herët? appeared first on Telegrafi.

Në kuadër të përpjekjeve për përmirësimin e shërbimeve dhe rritjen e efikasitetit të proceseve administrative, Ministria e Mjedisit, Planifikimit Hapësinor dhe Infrastrukturës ka njoftuar se ka ndërmarrë disa reforma që do të ndihmojnë kandidatët gjatë testimit për marrjen e lejes së vozitjes.

Një nga risitë kryesore që do të implementohet është forma e re e testimit, për të gjitha kategoritë, që përfshin pyetje të përditësuara dhe një format të ri të testit.

Kështu ka bërë të ditur MMPHI-ja në një përgjigje për Telegrafin, ku theksoi se forma e re e testimit të hyjë në fuqi më 18 shkurt, saktësisht sot.

“Sot më datë 18.02.2025, në kuadër të risive të proceseve të testimit për kandidatët e patentë shoferëve, Ministria e Mjedisit, Planifikimit Hapsinor dhe Infrastrukturës ka ndërmarrë një sërë reformash që synojnë rritjen e transparencës, saktësisë dhe lehtësimit të procesit të testimit për Patentë Shofer”, thuhet në përgjigjen e Ministrisë së Infrastrukturës.

Ministria ka theksuar se këto risi janë pjesë e angazhimit të tyre për të siguruar një proces më efikas, të drejtë dhe të përshtatshëm për të gjithë kandidatët.

Kujtojmë se kohë më parë kjo ministri kishte hasur në keqpërdorime e shkelje të shumta ligjore në procesin e marrjes së patentë-shoferit.

Zëvendësministri i Infrastrukturës, Hysen Durimishi kishte paralajmëruar se do të konfiskohen të gjitha patentë-shoferët që janë marrë kundërligjshëm. /Telegrafi/

The post Formë e re testimi për patentë shoferë, zbatimi nis sot nga Ministria e Infrastrukturës appeared first on Telegrafi.

Ambasada e Kosovës në Austri, ka njoftuar se nga data 1 mars, do të hyjë në fuqi ndryshimi i rregullores zbatuese të Ligjit të Patentës së Shoferëve në Austri, i cili lehtëson procedurën e konvertimit të patentës së shoferit për shtetasit e Republikës së Kosovës dhe Shqipërisë.

Kështu bëhet e ditur në njoftimin e ambasadës së Kosovës në Austri.

“Të nderuar bashkatdhetarë, sapo jemi njoftuar zyrtarisht se nga data 1 Mars 2025, hyn në fuqi ndryshimi i rregullores zbatuese të Ligjit të Patentës së Shoferëve në Austri, i cili lehtëson procedurën e konvertimit të patentës së shoferit për shtetasit e Republikës së Kosovës dhe Shqipërisë. Shtetasit e Republikës së Kosovës që kanë një patentë shoferi të vlefshme të lëshuar nga autoritetet e Republikës së Kosovës NUK kanë më nevojë të japin provim praktik për konvertimin e saj në një patentë austriake”, thuhet në njoftim.

Tutje, theksohet se ky lehtësim vlen për të gjitha kategoritë e patentave të shoferit të lëshuara në Republikën e Kosovës. /Telegrafi/

The post Ambasada e Kosovës në Austri me një njoftim të rëndësishëm për konvertimin e patentë shoferëve appeared first on Telegrafi.

Policia Rrugore ka realizuar një plan masash të rrepta për fundjavën dhe javët në vijim. Mësohet se në 24 orë janë arrestuar 6 shoferë, pasi janë kapur në gjendje të dehur teksa drejtonin mjetin.

Ndërkohë, është ndaluar dhe një 42-vjeçar, pasi Gjykata e ka dënuar me 2 muaj burgim, për veprën penale “Drejtimi i automjetit në mënyrë të parregullt”.

Njoftimi i Policisë:

Parandalimi i drejtimit të automjetit nën efektin e  alkoolit apo në gjendje të dehur, Policia Rrugore e Tiranës plan të detajuar masash për fundjavën dhe javët në vijim.

Fokusim dhe në drejtim të ndëshkimit të atyre drejtuesve që parkojnë automjetet në vija të bardha, stacione të transportit publik, trotuare e që pengojnë lëvizjen e lirë të automjeteve.

Shërbimet e Policisë Rrugore të Tiranës, në zbatim të masave shtesë të marra gjatë fundjavës, me qëllim rritjen e parametrave të sigurisë rrugore, kanë intensifikuar kontrollet, me qëllim parandalimin e aksidenteve rrugore.

Si rezultat i monitorimeve parandaluese, brenda 24 orëve të fundit, janë arrestuar/ndaluar në flagrancë shtatë shtetas, njëri prej tyre i shpallur në kërkim.

Specialistët e Qarkullimit Rrugor arrestuan në flagrancë, për veprën penale “Drejtimi i automjeteve në mënyrë të parregullt”, shtetasit:

39 vjeç, 40 vjeç, 46 vjeç, 54 vjeç, 25 vjeç dhe 22 vjeç, pasi drejtonin mjetet përkatëse në gjendje të dehur.

-Kapën dhe ndaluan shtetasin 42 vjeç, pasi Gjykata e ka dënuar me 2muaj burgim, për veprën penale “Drejtimi i automjetit në mënyrë të parregullt”./abcnews.al

Një aksident i rëndë ka ndodhur në Elbasan, ku një shofere 27-vjeçare ka përplasur me makinë një djalë 10-vjeçar.

Sipas njoftimit të Policisë, ngjarja ka ndodhur më 20 janar 2025, në rrugën “Tomorr Domi” ndërsa i mituri është transportuar menjëherë për ndihmë mjekësore, dhe ndohet në spital jashtë rrezikut për jetën.

Policia ka njoftuar se shtetasja S. M., e cila drejtonte automjetin, është ndaluar dhe shoqëruar për kryerjen e veprimeve të mëtejshme procedurale.

Grupi hetimor ka nisur punën për të zbardhur rrethanat e aksidentit dhe për të përcaktuar shkakun e tij.

The post Shoferja aksidenton 10-vjeçarin në Elbasan, shoqërohet nga policia appeared first on Sot News | Lajme.

Vijon të jetë e ndaluar lëvizja e autobusëve dhe mjeteve të tonazhit të rëndë drejt Greqisë. Dogana greke ka njoftuar se situata më e renduar është në zonën Grevena – Dogane. Per kete arsye nuk lejohet kalimi i mjeteve te tonazhit te rende dhe te autobuzeve. Pas nderprerjes se reshjeve eshte nderhyre per te pastruar boren dhe do njoftohet per te lejuar qarkullimin e te gjitha mjeteve.

Ndërkohë, shërbimi për largimin e dëborês dhe kriposjen nuk është ndërprerë gjatë gjithë natës e do të vijojë pa ndërprerje edhe gjatë ditës.

Situata e orës 6:00 të mëngjesit në segmentet Qafë Thanë, Libonik-Rëmbec-Plasë, Korçe-Ersekë dhe Zëmblak-Goricë.

Çdo segment po mbahet në monitorim të vazhdueshëm nga Autoriteti Rrugor Qendër-Lindje dhe Policia e Qarkullimit Rrugor.

Kërkohet nga drejtuesit e mjeteve që të bëjnë kujdes të shtuar e të pajisen me goma dimërore kur udhëtojnë për në zonat me prezencë dëbore ose zinxhirë kur kjo komunikohet nga autoritetet./abcnews.al

Dy drejtues mjetesh janë ndëshkuar me gjobë dhe zbritje deri në 8 pikë nga leja e drejtimit. Ata janë kapur duke qarkulluar me shpejtësi tej normave në aksin Durrës-Tiranë.
Në këtë aks, shpejtësia maksimale e lejuar është deri në 90 km/h, por dy drejtuesit janë konstatuar duke lëvizur gati me dyfishin e kësaj shpejtësie të lejuar. Njëri prej tyre po udhëtonte me 171 km/h dhe tjetri me 181 km/h në këtë aks.

The post Me 181 km/h në aksin Durrës-Tiranë, ndëshkohen shoferët appeared first on Lapsi.al.