Seanca në Gjykatën e Apelit të Posaçëm Antikorrupsion për ish-kryebashkiakun e Durrësit, Vangjush Dako, është shtyrë sërish. Dako nuk është paraqitur personalisht në gjykatë, por është përfaqësuar nga avokati, Kameleon Salillari. Ndryshe nga herët e kaluara, ai ka dërguar për mbrojtje një tjetër avokat, duke revokuar tagrin e mbrojtjes së Petrit Ismailit, i cili ishte avokati i tij deri më sot. Ky ndryshim në mbrojtje u cilësua si një nga arsyet e shtyrjes së seancës, pasi mbrojtja kërkoi kohë për të njohur aktet e çështjes.

Prokurori i SPAK, Sotir Kllapi, deklaroi se procesi është ngritur pas ankimit të të pandehurit dhe theksoi rëndësinë e respektimit të afateve ligjore për gjykimin në Apel. Ai shtoi gjithashtu se mungesa e avokatëve të tjerë në seancë u konsiderua e pajustifikuar. Trupa gjykuese caktoi datën e radhës për seancën e Apelit më 11 korrik në orën 13:00.

Gjykata e Posaçme e Shkallës së Parë ka gjetur fajtor Vangjush Dakon për shpërdorim detyre në dy raste, duke e dënuar me 2 vite e 8 muaj burg. Gjykata ka vendosur gjithashtu dënimin plotësues për heqjen e të drejtës për të ushtruar funksione publike për pesë vite. Tre të pandehurit e tjerë në këtë çështje, akuzuar për falsifikim dokumentesh, u dënuan me nga dy vite burgim, por masat ndëshkimore u pezulluan dhe ata u vendosën në shërbim prove.

Dako, i cili prej shkurtit 2024 ndodhet në arrest shtëpie, ka ankimuar vendimin në Apel, duke kërkuar pafajësi. Hetimi i SPAK ndaj Dakos lidhet me dy çështje kryesore. E para ka të bëjë me miratimin e lejes së ndërtimit në favor të shoqërisë “Fakle sh.p.k.”, ku sipas prokurorisë, leja u përpilua dy vjet pas përfundimit të ndërtimit dhe pasi banorët tashmë banonin në objekt. Hetimi konkludon se bëhet fjalë për legalizimin e një objekti shumëkatësh, i ndërtuar pa leje dhe në kundërshtim me projektin e miratuar nga bashkia.

Akuzat e dyta lidhen me një procedurë prokurimi për shërbim konsulence në projektin “Projektim zbatim për Promenadën Bregdetare dhe Plazhin publik nga Bërryli deri në Currila”. SPAK ka konstatuar se komisioni i ngritur me urdhër të Dakos ka bërë gabime në llogaritjen e fondit limit, duke e tejkaluar atë gati dhjetë herë në krahasim me vlerën e përcaktuar nga Këshilli i Ministrave. Megjithë evidentimin e dëmeve financiare nga dy institucione dhe njoftimin e Bashkisë së Durrësit, pagesat për projektin kanë vazhduar. Vangjush Dako u arrestua më 6 qershor 2023, por u lirua pas tetë muajsh nga qelia, pasi SPAK nuk arriti të përfundojë hetimet brenda afateve të përcaktuara nga gjykata.

The post Kërkon pafajësi në Apel, shtyhet për të disatën herë seanca për Vangjush Dakon appeared first on Sot News | Lajme.

Seanca në Gjykatën e Apelit të Posaçëm Antikorrupsion për ish-kryebashkiakun e Durrësit, Vangjush Dako, është shtyrë sërish. Dako nuk është paraqitur personalisht në gjykatë, por është përfaqësuar nga avokati, Kameleon Salillari. Ndryshe nga herët e kaluara, ai ka dërguar për mbrojtje një tjetër avokat, duke revokuar tagrin e mbrojtjes së Petrit Ismailit, i cili ishte avokati i tij deri më sot. Ky ndryshim në mbrojtje u cilësua si një nga arsyet e shtyrjes së seancës, pasi mbrojtja kërkoi kohë për të njohur aktet e çështjes.

Prokurori i SPAK, Sotir Kllapi, deklaroi se procesi është ngritur pas ankimit të të pandehurit dhe theksoi rëndësinë e respektimit të afateve ligjore për gjykimin në Apel. Ai shtoi gjithashtu se mungesa e avokatëve të tjerë në seancë u konsiderua e pajustifikuar.

Trupa gjykuese caktoi datën e radhës për seancën e Apelit më 11 korrik në orën 13:00.

Gjykata e Posaçme e Shkallës së Parë ka gjetur fajtor Vangjush Dakon për shpërdorim detyre në dy raste, duke e dënuar me 2 vite e 8 muaj burg. Gjykata ka vendosur gjithashtu dënimin plotësues për heqjen e të drejtës për të ushtruar funksione publike për pesë vite. Tre të pandehurit e tjerë në këtë çështje, akuzuar për falsifikim dokumentesh, u dënuan me nga dy vite burgim, por masat ndëshkimore u pezulluan dhe ata u vendosën në shërbim prove.

Dako, i cili prej shkurtit 2024 ndodhet në arrest shtëpie, ka ankimuar vendimin në Apel, duke kërkuar pafajësi.

Hetimi i SPAK ndaj Dakos lidhet me dy çështje kryesore. E para ka të bëjë me miratimin e lejes së ndërtimit në favor të shoqërisë “Fakle sh.p.k.”, ku sipas prokurorisë, leja u përpilua dy vjet pas përfundimit të ndërtimit dhe pasi banorët tashmë banonin në objekt. Hetimi konkludon se bëhet fjalë për legalizimin e një objekti shumëkatësh, i ndërtuar pa leje dhe në kundërshtim me projektin e miratuar nga bashkia.

Akuzat e dyta lidhen me një procedurë prokurimi për shërbim konsulence në projektin “Projektim zbatim për Promenadën Bregdetare dhe Plazhin publik nga Bërryli deri në Currila”. SPAK ka konstatuar se komisioni i ngritur me urdhër të Dakos ka bërë gabime në llogaritjen e fondit limit, duke e tejkaluar atë gati dhjetë herë në krahasim me vlerën e përcaktuar nga Këshilli i Ministrave. Megjithë evidentimin e dëmeve financiare nga dy institucione dhe njoftimin e Bashkisë së Durrësit, pagesat për projektin kanë vazhduar.

Vangjush Dako u arrestua më 6 qershor 2023, por u lirua pas tetë muajsh nga qelia, pasi SPAK nuk arriti të përfundojë hetimet brenda afateve të përcaktuara nga gjykata.

LEXONI GJITHASHTU:

• Dënohet ish-kryebashkiaku i Durrësit, Vangjush Dako do të vuaj 2 vite e 8 muaj burg
• GJKKO pranon kërkesën për gjykim të shkurtuar për Vangjush Dakon dhe 3 të tjerë

The post Kërkon pafajësi në Apel, shtyhet për të disatën herë seanca për Vangjush Dakon appeared first on Euronews Albania.

Gjykata e Apelit e Juridiksionit të Përgjithshëm ka ndryshuar masën e sigurisë për Erdion Muhon, nga “arrest me burg” në “arrest shtëpie”.

Muho ishte arrestuar nën akuzën e bashkëpunimit në tentativën për shkatërrimin me lëndë eksplozive të anijes “Finikas”. Gjatë kësaj tentative, lënda plasëse shpërtheu para kohe, duke i marrë jetën Armandi Nelajt, i cili dyshohet se po vendoste tritolin.

Ngjarja, e ndodhur muaj më parë, dyshohet të ketë ndodhur për motive konkurrence biznesi.

The post Apeli liron Erdion Muhon, i akuzuar për shpërthimin ku u vra biznesmeni Armand Nelaj appeared first on Lapsi.al.

Gjykata e Lartë ka rrëzuar rekursin e paraqitur nga Safet Bajri, Astmer Bilali dhe Behar Bajri, të cilët akuzohen për vrasjen e Fatbardh Licit, ngjarje e ndodhur në gusht të vitit 2018 në Shkodër.

Gazetarja Klodiana Lala, raporton se tre të pandehurit kishin kundërshtuar vendimin e Gjykatës së Apelit, që i la në burg, duke depozituar rekurs në instancën më të lartë gjyqësore të vendit. Por Gjykata e Lartë vendosi të mos e pranojë rekursin, duke lënë në fuqi vendimin e Apelit.

Kujtojmë se në mars të këtij viti, Apeli i GJKKO i dënoi ata me burg.

Safet Bajri u arrestua më 17 Shkurt. Safet Bajri, Astmer Bilali dhe Behar Bajri, akuzohen për tre vepra penale.

Nga hetimet e kryera në kuadër të këtij procedim penal, i cili lidhet me disa ngjarje kriminale të ndodhura në qytetin e Shkodrës në vitin 2018, rezulton se janë mbledhur prova mbi të cilat është krijuar dyshimi i arsyeshëm se të tre personat kanë planifikuar, organizuar dhe kanë kryer vrasjen me armë zjarri të shtetasit Fatbardh Lici i afërm i Ibrahim Licit në Shkodër më 10 gusht 2018.

“Motivi i vrasjes së tij dyshohet se lidhet ndër të tjera me atribuimin që shtetasi Behar Bajri, i bën shtetasit Ibrahim Lici për vrasjen e të njohurit të tij, shtetasit Boran Berçana”, thuhet ne njoftim.

KRIMET PËR TË CILAT AKUZOHESHIN BAJRAJT NË 2018

14.01.1999 në lagjen Dobraç të qytetit të Shkodrës Behar Bajri, Ilir Bajri dhe Frederik Totaj në bashkëpunim me njëri-tjetrin dyshohen se kanë kryer veprën penale të vjedhjes me armë ndaj dy qytetarëve nga Berati, të cilët kanë qenë duke udhëtuar me një automjet tip kamion me targë të Vlorës.

14.01.1999 në lagjen “Vojo Kushi”, janë vrarë me armë zjarri vëllezërit Osman e Artur Alibali. Autorë të dyshuar të kësaj ngjarje kanë rezultuar të jenë shtetasit Behar Bajri, Ilir Bajri dhe Frederik Totaj. Kjo vrasje është kryer menjëherë mbas vjedhjes me armë të kryer ndaj dy shtetasve nga Berati.

21.03.1999 Behar Bajri në bashkëpunim me shtetasin Ilir Bajri kanë tentuar të kryejnë vjedhje me armë ndaj Arben Tuzit dhe vëllait të tij. Nga shkëmbimi i zjarrit të dy palët kanë plagosur njëri-tjetrin.

28.01.2000 në fshatin Dobraç është vrarë me armë zjarri shtetasi Petrit Demiri, punonjës i Policisë Rrugore në Komisariatin e Policisë Shkodër. Për këtë vepër penale Gjykata e Shkallës së Parë Shkodër e ka dënuar vetëm me dy vjet burgim. Ndërsa Gjykata e Apelit për Krime të Rënda Tiranë, me vendim të datës 27 shkurt 2007 e ka dënuar me 9 vjet heqje lirie dhe 2(dy) milionë lekë gjobë për kryerjen e veprës penale të “shtrëngimit me anë të kanosjes ose dhunës për dhënien e pasurisë”. Për ngjarjen Behar Bajri është deklaruar fajtor më 12 shtator të vitit 2005 për një krim të kryer në bashkëpunim me kushëririn e tij Sead Rustemi (Bajri).

15.02.2001 në lagjen Vasil Shanto të qytetit të Shkodrës është vrarë me armë zjarri shtetasi A. Tuzi, vjeç 39 nga Shkodra. Autorët e dyshuar të kësaj ngjarje kanë rezultuar të jenë shtetasit Behar Bajri dhe Ilir Bajri.

26.06.2002 në banesën e Behar Bajrit është gjetur e vrarë bashkëshortja e tij Fabiola Bajri, 16 vjeçe. Nga veprimet hetimore të kryera rezultoi se në këtë rast ishte vrasje dhe jo vetëvrasje siç deklaruan familjarët. Autor i dyshuar i kësaj vrasje është Behar Bajri. 18.08.2006 Behar Bajri akuzohet për përdhunimin e dy vajzave të mitura, krim të cilin e ka kryer në bashkëpunim me një tjetër person. Për këtë ngjarje Gjykata e rrethit Shkodër kishte caktuar masën e sigurisë “arrest me burg” nën akuzën e “heqjes së paligjshme të lirisë në bashkëpunim”, marrëdhënie seksuale me dhunë me të mitura të moshës 14-18 vjeç”.

04.08. 2006 Ilir Bajri akuzohet se ka vrarë Pal Kosterin, pranë banesës së tij, në fshatin Stom-Golem, pak metra larg Urës së Bardhajve.

The post Vrasja e Fatbardh Licit/ Gjykata e Lartë rrëzon Bajrit dhe Astmer Bilalin appeared first on Lapsi.al.

Gjykata e Apelit me Juridiksion të Përgjithshëm në Tiranë ka lënë në fuqi vendimin e Gjykatës së Shkallës së Parë në Lezhë për dënimin me burgim të përjetshëm ndaj Kristjan Cenajt, i akuzuar për vrasjen e 16-vjeçarit Mariglen Gjonaj në vitin 2017 në Mamurras.

Megjithëse Prokuroria kërkoi që ndaj të dënuarit të aplikohej “periudha e sigurisë”, një dispozitë që parashikon mohimin e çdo mundësie për lirim me kusht edhe pas përmbushjes së 35 viteve burg, kjo kërkesë nuk u pranua nga trupa gjykuese e Apelit.

Gjatë seancës, përfaqësuesit ligjorë të familjes Gjonaj kërkuan zgjerimin e hetimeve, duke deklaruar se në këtë krim të rëndë mund të jenë të përfshirë edhe persona të tjerë.

Mariglen Gjonaj u raportua i zhdukur në vitin 2017 dhe u shpall i humbur për vite me radhë. Trupi i pajetë i të miturit u zbulua pas 7 vitesh në zonën e Fushë-Kuqes, ku rezultoi se ishte groposur nga autori.

Sipas hetimeve, Cenaj akuzohet për veprën penale “vjedhje me pasojë vdekjen”. Dyshohet se motivi i krimit ishte një orë Rolex që viktima mbante me vete, të cilën autori ia ka grabitur para se ta vriste dhe ta fshihte trupin.

LEXONI GJITHASHTU:

• Dënohet me burg përjetë vrasësi i 3 grave Dan Hutra
• FOTOT/ Me tel të mprehtë, si tentuan Dan Hutra dhe 3 të tjerët të prisnin kangjëllat

The post Vrau 16-vjeçarin për t’i marrë orën Rolex, burgim i përjetshëm për Kristjan Cenajn appeared first on Euronews Albania.

Dritan Rexhepi refuzoi të japë sqarime në Gjykatën e Apelit të Posaçëm në procesin që po mbahet ndaj Festim Bexhdilin. Nga ana tjetër gjykata rrëzoi një kërkesë të avokatit Ilir Murati për thirrjen e një eksperti për këqyrjen e kamerave të sigurisë. Seanca u shty për në datën 26 qershor ora 10:00.

Dritan Rexhepi u ekstradua nga Turqia në Shqipëri më 8 janar të këtij viti. Sipas Prokurorisë së Posaçme, ai në bashkëpunim me Gentian Doçin kanë urdhëruar rrëmbimin e Jan Prengës pas dyshimeve se vëllai i këtij të fundit në 2019-ën i kishte vjedhur në Angli një konteiner me lëndë narkotike në pronësi të tyre.

Ngjarja e rëndë ka ndodhur në mesditën e 17 janarit 2020 në Kamëz. Sipas pamjeve filmike, Jan Prenga u dërgua me një “Rang Rover” të bardhë në garazhin e në resorti në Shijak, aty ku dyshohet se ka humbur jetën. Më pas trupi i tij u zhduk për të mos u gjetur as sot e kësaj dite. 45-vjeçari akuzohet edhe për përfshirjen në trafikun e drogës, më herët para togave të zeza ai ka deklaruar se në fund të vitit 2019 ka qenë në burg në Ekuador, ku po vuante dënimin për trafik droge.

The post Zhdukja e Jan Prengës/ Dritan Rexhepi refuzon të japë sqarime në Apel, ja kur do të mbahet seanca e rradhës appeared first on Sot News | Lajme.

Po mbahet këtë të enjte në Gjykatën e Posaçme seanca për rigjykimin e Festim Bexhidilit, kopshtari i kompleksit “Golden” të Altin Hajrit në Shijak, i cili akuzohet për rrëmbimin e Jan Prengës më 17 Janar të vitit 2020 në Kamëz. Kopshtari Festim Bexhdili ishte i vetmi nga të pandehurit në dosjen e parë, i cili […]

The post Zhdukja e Jan Prengës/ Avokati i Bexhdilit përplaset me prokurorin: SPAK ka keqinterpretuar pamjet appeared first on BoldNews.al.

Me ardhjen e verës edhe temperaturat shënojnë një rritje të konsiderueshme. Ministrja e Shëndetësisë dhe Mbrojtjes Sociale, Albana Koçiu ka përcjellë sot përmes një mesazhi të Eugena Tominit, Drejtoreshës së Institutit të Shëndetit Publik, disa këshilla të vlefshme për t’u mbrojtur nga temperaturat e larta, ndërsa thekson faktin se fëmijët e vegjël, të moshuarit, gratë shtatzëna apo të sëmurët me diagnoza kronike janë më të ekspozuar ndaj rrezikut për goditje nga i nxehti, dehidratimi dhe probleme të tjera shëndetësore.

Drejtoresha e ISHP-së apelon që të eliminohen daljet në orët e pikut nga ora 11.00 deri në 18.00, si edhe të gjithë të sëmurët kronikë të ndjekin rekomandimit e mjekut të familjes dhe specialistit.

“Vishni rroba me ngjyrë të çelët, të pambukta dhe sa më lehtë. Pini ujë edhe nëse nuk kemi etje, sa më shumë lëngje gjatë kësaj stine. Evitoni sa më shumë daljet në orët e pikut.Nëse do duhet të parkoni makinën apo duhet të futeni në vende parkingu, nuk duhet t’i lini aty fëmijët e vegjël, si edhe moshën e rritur apo të tretë”, vijon Tomini.

Kujdes i shtuar duhet të tregohet edhe me ushqimet dhe zinxhirin e sigurisë ushqimore gjatë kësaj stine, ndërsa higjiena mbetet një tjetër faktor po kaq i rëndësishëm.

Duhet të kemi kujdes për të moshuarit, fëmijët e vegjël dhe gratë shtatzëna, pasi kjo stinë sjellë edhe çrregullim të organizmit. Të kemi kujdes për veten dhe të kujdesemi për njëri-tjetrin duke shijuar verën”, tha Tomini.

The post Ditët e nxehta te verës, mjekja: Mos dilni në orët e pikut, kujdes të moshuarit, fëmijët e vegjël dhe gratë shtatzën appeared first on Sot News | Lajme.

Papa Leoni XIV rikthehet sërish me një apel të fuqishëm për paqe në botë, duke i bërë thirrje veçanërisht atyre që mbajnë përgjegjësi politike për të punuar drejt një dialogu të sinqertë dhe për të ndalur konfliktet. Pavarësisht se Moska refuzoi ofertën për të zhvilluar një takim për Ukrainën në Romë, Ati i Shenjtë nuk heq dorë nga lutjet dhe përpjekjet për zgjidhje paqësore.

Në lutjen e tij të parë “Regina Coeli”, të mbajtur dje në mesditë nga dritarja e pallatit apostolik, Papa u shpreh se lutjet e tij janë për të gjithë ata që vuajnë nga lufta. Ai i kërkoi Zotit kurajë dhe qëndrueshmëri për ata që janë të përfshirë në dialogun dhe përpjekjet për paqe.

Tema e paqes ishte prezente gjatë gjithë ditës së Papës, i cili dje mori zyrtarisht detyrën si ipeshkëv i Romës, duke u vendosur në katedrën e tij në bazilikën e San Giovanni in Laterano, ku u prit me duartrokitje nga besimtarët. Pas ceremonisë, ai bëri një ndalesë simbolike në Kapitol, ku nderoi qytetin e Romës dhe riktheu një traditë të vjetër, duke ndaluar në Piazza dell’Aracoeli, në fund të shkallëve të Mikelanxhelos, një vend ku më parë ndalonin Papët në rrugën e tyre drejt Lateranit.

Gjatë meshës, Papa Leoni XIV përmendi Papën Gjon Palin I, i cili qeverisi vetëm për 33 ditë dhe ishte i fundit që kishte ndaluar në Kapitol. Ai gjithashtu shprehu përkushtimin e tij ndaj besimtarëve dhe detyrës së re, duke thënë: “Mund t’ju siguroj se ju dua, se dëshiroj të hyj në shërbimin tuaj dhe të vë në dispozicion të gjithë fuqitë e mia, atë pak që kam dhe që jam.”

Me këtë mesazh, Papa Leoni XIV riafirmon rolin e Vatikanit si një qendër të rëndësishme për paqen dhe dialogun ndërkombëtar, duke bërë thirrje për bashkëpunim dhe mirëkuptim në një kohë kur bota ka nevojë më shumë se kurrë për harmoninë.

The post “Lutje për popujt që vuajnë për shkak të luftës”/ Papa Leone XIV apel për paqe: Të mos ndalemi së kërkuari dialog appeared first on Sot News | Lajme.

Avokatët e një personi të dyshuar për pastrim parash në rastin “Black Eagle” argumentuan para Gjykatës së Apelit të Brukselit se ndjekja penale e klientit të tyre është e papranueshme, me arsyetimin se dosja është e paplotë. Tridhjetë e katër persona po ndiqen penalisht në këtë rast për pjesëmarrje në një organizatë kriminale aktive në trafikimin e kokainës midis Amerikës Latine dhe Evropës, nga viti 2018 deri në vitin 2020.

Dy avokatët penalë argumentuan se akuzat kundër klientit të tyre, i akuzuar për ndihmë në pastrimin e shumave të mëdha parash nga trafiku i kokainës, bazoheshin në dokumente të marra nga dosje të hapura jashtë vendit, njëra në Itali, tjetra në Spanjë, dhe nga të cilat gjykata ka vetëm përkthime “të përafërta”. Sipas tyre, dosja është e paplotë dhe për këtë arsye gjykata nuk mund të vërtetojë fajësinë e klientit të tyre. Ata argumentuan se procedurat ishin të papranueshme.

Sipas çështjes spanjolle, i pandehuri, i cili është rreth gjashtëdhjetë vjeç dhe aktiv në pasuri të paluajtshme në Shqipëri dhe Itali, dyshohet se ka marrë pjesë në takime me figurat kryesore në rrjetin e trafikimit të kokainës në Aruba në Antilet Holandeze, por edhe në Monte Karlo në Monako, në Tiranë në Shqipëri dhe në Bruksel. Ai dyshohet se veproi si ndërmjetës midis njërit prej dy udhëheqësve të dyshuar të rrjetit dhe investitorëve në Shqipëri për të pastruar para nga shitja e drogës.

Nga ana tjetër, Lucrezia Notarrigo deklaroi para Gjykatës së Apelit të Brukselit se ishte e papranueshme padia për procedurat kundër klientit të saj, Gazmir V., i akuzuar në çështjen Black Eagle. Avokatja penale i kërkoi gjykatës të merrte të njëjtin vendim që bëri Gjykata Penale e Brukselit një vit më parë: të merrte në konsideratë që, në bazë të parimit “non bis in idem”, domethënë faktit të mosgjykimit dy herë për të njëjtat fakte, procedurat duhet të shpallen të papranueshme për klientin e saj, Gazmir V.

Ajo kujtoi se ky i fundit ishte dënuar tashmë në Antuerp për trafik droge, bazuar në fotot që e tregonin atë në mes të një operacioni për nxjerrjen e drogës. Kjo përfshin hyrjen tinëz në anijet kontejnerë për të hequr ngarkesën e mbushur me kokainë para kontrolleve doganore. Sipas avokates, këto fakte të Antuerpit formojnë një unitet qëllimi me ato me të cilat akuzohet klientja e saj në çështjen “Black Eagle”, të gjykuar në Bruksel.

Avokati penal shkoi më tej. Ajo e shqyrtoi hetimin në detaje për të arritur në përfundimin se Gazmir V. nuk i kishte vazhduar aktivitetet e tij kriminale pas arrestimit të tij të parë. “Të dhënat telefonike më lejojnë të gjurmoj të gjithë axhendën e tij gjatë periudhës së kryerjes së veprës penale. Asgjë nuk e lidh atë me rastin aktual. Nuk ka prova për pjesëmarrjen e tij në një organizatë kriminale”, argumentoi ajo.

Gjykata dëgjoi të mërkurën deklaratën e fundit mbrojtëse, atë të Ilir L. Ai dyshohet se ka menaxhuar garazhe për organizatën kriminale ku ruheshin automjetet dhe kimikatet e përdorura në transportin dhe përpunimin e kokainës. Ai i siguroi gjyqtarët se nuk ishte në dijeni të natyrës së paligjshme të aktiviteteve të punëdhënësit të tij, I.Kulaj. Ky shqiptar dyshohet se e ka drejtuar organizatën së bashku me bashkëkombësin e tij A.Hamzai.

“Gjykatësi i parë arriti në përfundimin se unë i kisha mbyllur sytë dhe se duhej ta kisha kuptuar se çfarë po ndodhte”, tha Ilir L. “Kjo nuk është e vërtetë. Unë nuk kam qenë kurrë indiferent. Sapo u kontrolluan garazhet, e thirra Indrit K. dhe i tregova se çfarë kishte ndodhur. Ai më tha: ‘Mos u shqetëso, do të kujdesem unë për gjithçka, do t’i rregulloj kanaçet’. Por “vendosa të tërhiqem nga kompania e tij ”, shpjegoi ai. Kjo kompani, e quajtur “Mondovi”, që dyshohet se ishte aktive në import-eksportin e automjeteve, ishte një guackë boshe sipas prokurorit federal.

Disa nga shqiptarët e përmendur në këtë proces janë identifikuar më parë nga mediat si Artur S., Indrit Kulaj, Arben I., Alfredo Hamzai, Arten Hamzai, Fjodor B., Aldo T., Llazar S., Marsel A., Erik I., Geron Z., Klodjan B., Gazmir V., Ilir L., apo kosovari Bashkim O., të konsideruar ndër lojtarët më të mëdhenj shqiptarë në tregun e kokainës. Në këtë dosje janë zbuluar edhe lidhje me zyrtarë në Shqipëri, përfshirë korruptimin e një prej tyre me një orë 400 mijë euro apo takime me ta në Antilet holandeze për të mundësuar leje ndërtimi për kullë në Tiranë.

The post Dosja “Black Eagle” i SKY ECC, vijon gjyqi në Apel, del në skenë pastrimi i parave në Shqipëri appeared first on Sot News | Lajme.

TIRANË, 20 maj/ATSH/ Agjencia Kombëtare e Pyjeve bëri apel sot për rritjen e gatishmërisë nga personeli pyjor pranë bashkive dhe emergjencave civile për rënien e zjarreve.

Në një postim në rrjetet sociale, AKP theksoi se “me rritjen e temperaturave në vend, rritet dhe rreziku i rënies së zjarreve në pyje. Në këto kushte duhet rritur gatishmëria nga ana e personelit pyjor pranë bashkive dhe emergjencave civile”.

AKP i bën thirrje të gjithë strukturave të pyjeve pranë bashkive të rrisin vigjilencën dhe kujdesin për rastet të tilla duke vepruar menjëherë.

“Raportoni çdo shenjë të mundshme të zjarrit dhe veproni menjëherë për të shuar zjarrin në fazën e hershme. Bashkëpunimi me autoritetet lokale dhe ekipet e zjarrfikësve është jetik për të mbrojtur natyrën tonë”, tha AKP.

Sipas AKP-së, zjarrvënia përbën vepër penale dhe për çdo rast do ketë denoncime dhe ndëshkim maksimal për njerëzit e papërgjegjshëm, shkaktar të zjarreve në pyje.

1 nga 5

/a.f/

The post Rritje e temperaturave, Agjencia Kombëtare e Pyjeve apel për rritjen e gatishmërisë ndaj zjarreve appeared first on Agjencia Telegrafike Shqiptare.

Apeli rrëzon shkallën e parë të GJKKO, duke mos pranuar ankimin ish-kryetarit të bashkisë së Himarës, eurodeputetit Fredi Beleri, për hetimin e Olta Xhaçkës.

Beleri kërkoi që të rishikohet vendimi i datës 27 dhjetor 2024 dhe të hapen hetime përkatëse

Kujtojmë se më 1 prill, GJKKO urdhëroi SPAK që të regjistrojë kallëzimin penal dhe të nisë hetimet ndaj Olta Xhaçkësndhe bashkëshorti të saj, për akuzat e shpërdorimit të detyrës, falsifikimit të dokumenteve dhe pastrimit të produkteve të veprës penale të kryer në bashkëpunim. Por sot Apeli rrëzoi shkallën e parë të GJKKO.

” Në përfundim, Gjykata e Posaçme e Apelit për Korrupsionin dhe Krimin e Organizuar vendosi: Shfuqizimin e vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar. Rrëzimin e ankimit të ankuesit Dh.A.B., me objekt “Shfuqizimin e vendimit/shkresës nr. 22920/1 Prot., datë 27.12.2024 të Prokurorisë së Posaçme kundër Korrupsionit dhe Krimit të Organizuar. Urdhërimin e regjistrimit të procedimit penal për veprën penale të kallëzuar dhe kryerjen e veprimeve hetimore përkatëse”, thuhet në njoftimin e Apelit.

The post Apeli rrëzon shkallën e parë të GJKKO, nuk pranon hetimin e Olta Xhaçkës appeared first on Lapsi.al.

TIRANË, 13 maj /ATSH/  Komuniteti Shqiptarë në Greqi “KSHG” kërkon me anë të një deklarate urgjente numërimin pa pengesa dhe përfshirjen e plotë të votës së shqiptarëve që jetojnë dhe punojnë në Greqi në procesin zgjedhor të majit 2025.

“Kjo kërkesë bëhet në një moment kritik, ku vota jonë demokratike është në rrezik për shkak të disa incidenteve të kufizuara të shkaktuara nga një pakicë keqbërëse dhe manipuluese, që nuk mund të përfaqësojnë komunitetin tonë të gjerë. Komuniteti Shqiptar në Greqi shpreh gatishmërinë për të bashkëpunuar me institucionet për të siguruar një proces zgjedhor të drejtë, transparent dhe pa pengesa”, thuhet në deklaratë.

Në deklaratën drejtuar Komisionerit Shtetëror të Zgjedhjeve, Ilirjan Celibashi thuhet se, “Komuniteti Shqiptar në Greqi”, ashtu si çdo shqiptar brenda dhe jashtë vendit, po ndjek me vëmendje dhe përkushtim procesin e numërimit të votave që po zhvillohet aktualisht në vendin tonë”.

“Duke qenë një pjesë e rëndësishme e Diasporës Shqiptare, ne theksojmë se vota e shqiptarëve rezidentë në Greqi duhet të përfshihet pa asnjë pengesë apo vonesë në këtë proces. Kjo është një e drejtë kushtetuese, tashmë e pranuar dhe e garantuar, e cila duhet të zbatohet në mënyrë të plotë, me transparencë dhe integritet maksimal institucional”, thekson KSHG.

“Kërkesa jonë është mëse legjitime. Përfaqësimi dhe pjesëmarrja përmes votës tonë në jetën demokratike të vendit duhet të realizohet pa hezitim. Shqiptarët në Greqi, ashtu si çdo shtetas tjetër shqiptar kanë kontribuar përmes sakrificave të jashtëzakonshme për dekada në ekonominë dhe shoqërinë e vendit tonë”, vijon deklarata.

“Sot, të gjithë ne që kemi ndjekur procedurat ligjore me përpikmëri, seriozitet e transparencë të plotë dhe kemi përmbushur detyrimin tonë për të votuar nga Greqia, meritojmë që zëri ynë të dëgjohet e të numërohet si çdo qytetar tjetër brenda apo jashtë territorit të Shqipërisë. Problemet apo kurthet e shkaktuara nga një pakicë manipuluese apo keqdashëse nuk duhet dhe nuk munden të bëhen bllokadë të një procesi demokratik, nuk mund të heshtësh zërin dhe vullnetin e ndershëm të shumicës!”, thekson KSHG

Për këtë arsye, vijon KSHG, “ju drejtohemi me këtë kërkesë të drejtpërdrejtë dhe urgjente për të siguruar një numërim të drejtë, të plotë dhe efektiv të votës së shqiptarë që jetojnë e punojnë në Greqi, duke e përfshirë atë në rezultatet përfundimtare pa vonesë, si pjesë integrale e vullnetit të popullit shqiptar”.

“Së fundi, ne ju garantojmë se jemi të gatshëm të bashkëpunojmë me institucionin tuaj për çdo sqarim apo asistencë që do të ndihmonte realizimin e kësaj kërkese legjitime”, përfundon deklarata e KSHG.

/a.f/

The post Komuniteti Shqiptar në Greqi apel KQZ: Të numërohet çdo votë nga ne, pa përjashtim appeared first on Agjencia Telegrafike Shqiptare.

TIRANË, 9 maj/ATSH/ Drejtuesi Politik i Partisë Socialiste për Diasporën, Taulant Balla, u ka bërë sot thirrje shqiptarëve që jetojnë në Itali, pak orë para mbylljes së votimit në Diasporë, për dërgimin e fletëve të votimit me postë drejt Komisionit Qendror të Zgjedhjeve.

“Motra dhe vëllezër shqiptarë të Italisë, edhe pak orë na ndajnë nga mbyllja përfundimtare e mundësisë për të dërguar fletën e votimit drejt Shqipërisë përmes zarfit në zyrat e DHL kudo në Itali,” tha Balla në një mesazh drejtuar diasporës.

Ai u bëri apel bashkatdhetarëve të shfrytëzojnë orët e mbetura për të plotësuar këtë proces.

“Ju lutem, shpejtoni dhe pak orë që ka mbetur brenda ditës së sotme, sepse është afati i fundit që mund ta plotësoni detyrën tuaj ndaj atdheut, duke votuar në zgjedhjet e 11 majit”, u shpreh Balla.

Në fund të thirrjes së tij, ai theksoi rëndësinë historike të këtij votimi. “Prandaj shkoni në çdo zyrë të DHL-së pranë banesës tuaj dhe nisni zarfin për Shqipëri. Sepse kjo është një votë historike për Shqipërinë anëtare të Bashkimit Europian”, përfundoi Balla.

/k.s/j.p/

The post Balla, thirrje shqiptarëve në Itali: Dërgoni fletët e votimit deri në mbrëmje appeared first on Agjencia Telegrafike Shqiptare.

Gjykata e Apelit Juridiksionit të Përgjithshëm Tiranë ka pranuar kërkesën ankimore të Avokateve Arbër Hoxha dhe Dritan Metani duke ndryshuar vendimin e Gjykatës së Shkallës së Parë Fier dhe duke deklaruar të pafajshëm të pandehurit Luiz Ejlli dhe Fatmir Avdurramani.

Luiz Ejlli ishte deklaruar fajtor dhe dënuar me një vit burgim për falsifikim dokumentesh nga Shkalla e Parë Fier. Ejlli ishte dënuar nga Gjykata e Fierit në kohën kur ka mbajtur detyrën e noterit.

The post Shkalla e Parë e dënoi me 1 vit burg, Apeli jep vendimin për Luiz Ejllin appeared first on Sot News | Lajme.

Gjykata federale e apelit në Boston e SHBA-së hodhi poshtë kërkesën e administratës së Presidentit Donald Trump për të revokuar statusin e përkohshëm ligjor të emigrantëve për 400,000 qytetarë të Kubës, Haitit, Nikaraguasë dhe Venezuelës që jetojnë në SHBA.

Një gjykatë në Boston refuzoi të mbështesë një masë të Departamentit të Sigurisë Kombëtare, e cila synon të shkurtojë periudhën dyvjeçare të statusit të emigrantëve që u është dhënë atyre nga paraardhësi i Trump nga radhët e demokratëve, Joseph Biden, raportoi Reuters. Ministria e Sigurisë së Brendshme nuk ka komentuar ende mbi vendimin e Gjykatës së Apelit.

Kërkesa e administratës u dërgua si pjesë e politikës më të ashpër të Trump ndaj emigrantëve dhe përpjekjeve për të intensifikuar deportimet, të cilat do të zbatoheshin edhe për të huajt të cilëve më parë u është dhënë e drejta ligjore për të jetuar dhe punuar në SHBA. Aktivistët e të drejtave të emigrantëve kanë apeluar vendimet për të pezulluar një sërë programesh nga administrata Biden që u lejonin emigrantëve nga Ukraina, Afganistani, Kuba, Haiti, Nikaragua dhe Venezuela të hynin në Amerikë. Ndërsa pritet rezultati i kësaj ankese, Ministria e Sigurisë së Brendshme njoftoi më 25 mars se do të anulojë statusin ligjor dyvjeçar të emigrantëve për rreth 400,000 persona.

The post Apeli rrëzon kërkesën e Trump për të revokuar statusin e 400 mijë emigrantëve appeared first on Sot News | Lajme.

Vijojnë për të dytën ditë radhazi kërkimet për Ardit Beshirin, 29 vjeçarin, i cili u zhduk pas shembjes së një masivi dheu në ambientet e një fabrike për përpunimin e kromit në zonën e Qafës së Burrelit. Beshiri ishte duke punuar me eskavator kur ndodhi tragjedia. Rrëshqitja masive e dheut bëri që i riu të zhdukej pa lënë gjurmë, teksa ishte duke punuar me eskavator.

Eskavatori me të cilin po punonte viktima është ndarë në disa pjesë nga forca. Disa komponentë të mjetit janë gjetur nga banorët dhe punëtorët në zonë, por ende nuk ka asnjë gjurmë të trupit të 29-vjeçarit. Familjarët e të riut i kanë bërë apel institucioneve për intensifikimin e operacionit të kërkimit, duke theksuar se nevojiten pajisje të specializuara. Ata shprehen se nevojiten makineri të posaçme për të gjetur trupin e 29-vjeçarit, pasi disa punonjës të autoriteteve me lopata vetëm nuk mjaftojnë.

Ndërkohë, Policia e Shtetit ka ndaluar drejtuesin teknik të shoqërisë ku ndodhi aksidenti, 44-vjeçarin Ademir Lala, banues në Klos, nën akuzën e shkeljes së rregullave të sigurisë teknike në punë.

The post Vijojnë kërkimet për të riun që u zhduk pas rrëshqitjes së dheut, apeli i familjes appeared first on Sot News | Lajme.

Pas Shkallës së Parë, edhe Apeli i GJKKO rrezon kërkesën e ish-gjyqtares së Elbasanit, Pajtime Fetahu për lirimin nga qelia, me argument shkaqet shëndetësore. Ish-Gjyqtarja që mbahet e paraburgosur në Pojskë te Pogradecit, u ekspozua në dy dosje të SPAK, përkatësisht lidhjet me organizatën “Çopja” dhe organizatën e Suel Çelës.

Për dosjen e parë ndaj saj u caktua masa e sigurisë ‘arrest në shtëpi’ ndërsa për dosjen e dytë ‘arrest në burg’

The post Kërkoi lirimin për arsye shëndetësore, Apeli i GJKKO merr vendimin për gjyqtaren Pajtime Fetahu appeared first on Sot News | Lajme.

Apeli i Gjykatës së Posaçme ka lënë në burg Ahmet Mashën, bashkëpunëtorin e ish-deputetit socialist, Jurgis Çyrbja. Ky i fundit bashkë me Mashën u arrestuan në tetor të 2024. Ndaj ish-deputetit rëndojnë 3 akuza, konkretisht: “Tregimi i sekretit shtetëror nga shtetasit”, kryer më tepër se një herë, “Përkrahja e autorit të krimit”, kryer më tepër se një herë si dhe për korrupsion aktiv në zgjedhje.

Çyrbja akuzohet se informonte Altin Hajrin dhe persona të tjerë që kërkohen nga autoritetet shqiptare, në rast se do kishte operacione policore për kapjen e tyre në qytetin e Durrësit. Në kompensim të ketij favori, Çybrja kërkonte vota për kandidimin e tij në qarkun e Durrësit në zgjedhjet parlamentare të vitit 2021. Për të njejtën çështje, me urdhër të SPAK u arrestua edhe Ahmet Masha.

The post Bashkëpunëtor i Jurgis Çyrbjas, Apeli i GJKKO merr vendimin për Ahmet Mashën appeared first on Sot News | Lajme.

Mëngjesin e sotëm në një emision televiziv, ishte i ftuar avokati Gylsen Zhllima.

Avokati ka sqaruar raste me të cilat përballen qytetarët në kohë fushatash elektorale. Referuar dhe faktit që na ndajnë më pak se një muaj nga Parlamentaret e 11 majit.

Avokati ka paralajmëruar qytetarët të kenë kujdes me premtimet për marrje të lejeve të legalizimit në këmbim të votës, kjo pasi edhe ne rast se leja merret, ajo mund të shfuqizohet pas zgjedhjeve.

“Ligji 2020 ka mundësi që kur një person merr një urdhër të paligjshëm dhe jep një leje legalizimi, pra një drejtori vendore me një urdhër të paligjshëm e jep lejen, brenda institucionit është drejtoria e përgjithshme që pas fushatës mund të shfuqizojë lejen. Kjo sepse drejtoria ka karakter kontrollues. Kjo ka ndodhur dhe ndodh. Ekziston edhe kjo formë mashtrimi për të marrë votat.
Në këto zgjedhje pavarësisht se kush fiton mos harroni që do të delegoni në Kuvend njerëz që do të bëjnë ligjet, e mira të keni parasysh të votoni mjekët, avokatët dhe pedagogët. Nëse zgjedh këto persona nga çdo subjekt politik ndihmon sepse ata e dinë realitetin”, tha ai.

The post Zgjedhjet parlamentare / Leje legalizimi në këmbim të votës? Avokati apel qytetarëve: Mund te shfuqizohen pas 11 majit appeared first on Sot News | Lajme.