Revista Monitor është duke zhvilluar një sondazh në lidhje me ecurinë e sektorit të turizmit në vend gjatë sezonit veror 2025.

Ku kanë zgjedhur të pushojnë shqiptarët këtë vit? Brenda territorit apo jashtë Shqipërisë? A po ndikojnë çmimet, cilësia e shërbimit apo mungesa e alternativave në vendimmarrjen e tyre? Cilët janë faktorët kryesorë që i shtyjnë qytetarët të zgjedhin një destinacion vendas apo të huaj?

Po bizneset që operojnë në turizëm, si e shohin këtë sezon? Krahasuar me vitin e kaluar, a presin më shumë prenotime dhe të ardhura? Sipas raportimeve të Monitor, një pjesë e operatorëve turistikë kanë parë rritje të interesit për Shqipërinë si destinacion, por janë gjithashtu të shqetësuar për kostot në rritje, mungesën e fuqisë punëtore dhe konkurrencën nga vendet e rajonit.

 A ka rritje te cmimeve dhe nese po a është kjo rritje e justifikuar me cilësinë e shërbimeve? Si po ndikon kjo në vendimet e qytetarëve për të kaluar pushimet jashtë vendit?

Çfarë duhet bërë për të përmirësuar sektorin e turizmit? A është e nevojshme një strategji më e mirë për promovimin e turizmit të brendshëm? Si mund të rritet konkurrueshmëria e ofertës shqiptare përballë vendeve të tjera të Mesdheut?

Për të pasur një pasqyrë më të plotë dhe një raportim të qartë e të balancuar, Revista Monitor po zhvillon këtë sondazh me qëllim të kuptojë më mirë prirjet e qytetarëve dhe sfidat e bizneseve që operojnë në sektorin e turizmit gjatë vitit 2025.

Të dhënat tuaja do të jenë të sigurta dhe do të lexohen vetëm nga stafi ynë, me qëllim identifikimin e problematikave dhe raportimin sa më korrekt të tyre.

Të dhënat tuaja personale nuk do të publikohen në asnjë rast, pa marrë më parë pëlqimin tuaj.

Për të marrë pjesë në raportimin tonë, gjithë sa duhet të bëni është të plotësoni pyetësorin e mëposhtëm. Ju mund të na kontaktoni gjithashtu në adresën tonë të emailit: revista@monitor.al ose përmes rrjeteve tona sociale.

@Facebook

@Linkedin

@Instagram

The post Sondazh / Si po ecën turizmi këtë vit? Ku do t’i kaloni pushimet këtë verë? appeared first on Revista Monitor.

Disa orë pasi qendrat e votimit u mbyllën në Shqipëri, mbetet e paqartë nëse Partia Socialiste në pushtet siguroi një mandat të katërt historik apo nëse Partia Demokratike e opozitës kaloi përpara pas një fushate zgjedhore të ashpër. Politico shkruan se asnjë kanal lajmesh shqiptar nuk publikoi sondazhe daljeje, duke i lënë votuesit dhe vëzhguesit në errësirë ​​rreth rezultatit të zgjedhjeve që shihen si kritike për rrugën e Shqipërisë drejt anëtarësimit në Bashkimin Evropian. Zyrtarët zgjedhorë presin që rezultati të dihet deri të martën.

“Sondazhet e daljes nuk u publikuan as nga kanalet lajmesh që njoftuan se do të kishin sondazhet e tyre natën e zgjedhjeve. Nuk ka një përgjigje të qartë se pse ndodhi kjo“, tha Lutfi Dervishi, një analist politik, për POLITICO.

Një sondazh i vetëm i publikuar nga Klan Kosova, një kanal lajmesh nga Kosova fqinje dhe faqja e lajmeve në gjuhën angleze, Albanian Post, e njohur për pikëpamjet e saj pro-qeveritare, tregon një fitore vendimtare për socialistët e kryeministrit Edi Rama me 51 përqind, me demokratët e Sali Berishës që mbeten ndjeshëm prapa me 38 përqind.

Transmetuesit nuk kanë ofruar asnjë shpjegim të qartë për vendimin e tyre për të mos publikuar sondazhet, duke publikuar histori normale si analiza mbi atë që mund të nënkuptojë një fitore për secilin kandidat ose mbi incidente të vogla si dëmtimi i një kutie votimi në rajonin e Kamzës.

“Mendoj se partitë politike në vend mund të kenë ushtruar presion mbi mediat që të mos dekurajojnë komisionerët që marrin pjesë në procesin e numërimit të votave”, shtoi Dervishi.

Gazetarët në Shqipëri janë nën presion të veçantë gjatë zgjedhjeve, sipas Reporterëve pa Kufij. Megjithatë, vendi renditet më lart në indeksin e lirisë së shtypit të organizatës sesa disa vende fqinje si Greqia, Kosova dhe Serbia. Në Shqipëri, kutitë e votimit udhëtojnë nga qendrat e votimit në qendrën e mbledhjes së votave të rrethit, ku zyrtarët numërojnë me dorë çdo votë nën sytë vigjilentë të monitoruesve të partive dhe vëzhguesve nga të gjitha partitë politike, si dhe organizatave të shoqërisë civile, në një përpjekje për të garantuar një numërim të drejtë dhe transparent.

Për shkak të karakterit të lartë të këtyre zgjedhjeve, të dyja partitë dukeshin të vendosura të inkurajonin komisionerët e tyre zgjedhorë dhe vëzhguesit e numërimit të votave që të siguroheshin që çdo votë të regjistrohet pa ndikimin më të vogël.

“Nëse del një sondazh daljeje dhe thotë se njëra palë humbi, kjo mund të kërcënojë seriozisht integritetin e procesit të votimit”, tha Dervishi.

Në një kthesë të rrallë ngjarjesh, media e vendit duket se ka formuar një omerta heshtjeje dhe ka vendosur të mos i publikojë sondazhet e tyre daljeje derisa Komisioni Qendror i Zgjedhjeve të japë lajmin i pari. Reporterët vendas dhe ndërkombëtarë që mbulojnë zgjedhjet, përfshirë edhe për POLITICO, e kaluan mbrëmjen duke kontaktuar me transmetuesit kryesorë të lajmeve në vend, si Top Channel dhe Ora News, dhe nuk morën asnjë përgjigje të qartë se pse nuk u publikuan sondazhet daljeje.

Vota e diasporës

Shqipëria ka rreth 3.5 milionë votues të regjistruar, me të paktën 1.4 milionë qytetarë që jetojnë jashtë vendit. Për herë të parë në historinë demokratike të Shqipërisë, qytetarëve iu lejua të votonin nga jashtë vendit. Rreth 245,000 nga diaspora shqiptare janë regjistruar për të votuar, dhe rreth 190,000 morën pjesë në zgjedhjet e së dielës.

Përfshirja e parë e votave të huaja ka ngritur pyetje në lidhje me besueshmërinë e sondazheve të daljes dhe mund të ndihmojë në shpjegimin pse stacionet televizive zgjodhën t’i mos i publikojnë ato. Komisioni Qendror i Zgjedhjeve është i detyruar të publikojë një numërim paraprak të votave brenda 48 orëve nga mbyllja e qendrave të votimit, por ka të ngjarë të ketë një parashikim të përgjithshëm herët të hënën në mëngjes.

Megjithatë, edhe rezultatet nga dy distrikte administrative që po zbatonin një program pilot për votimin elektronik në Vorë dhe distriktin e 10-të, që do të thotë se vota do të numërohej automatikisht vendosën ta shtyjnë njoftimin deri ditën tjetër.

Një përleshje shpërtheu midis vëzhguesve në qendrën kryesore të numërimit të votave në stadiumin Olimpik të Tiranës, pasi mbërritën kutitë e votimit që përmbanin vota nga diaspora nga Greqia. Vëzhguesit e Partisë Demokratike kërkuan që komisioni të rishikonte vlefshmërinë e fletëve të votimit, duke shkaktuar tensione në dyshemenë e stadiumit.

Lideri i opozitës, Sali Berisha, lëshoi ​​një deklaratë duke i kërkuar Komisionit Qendror të Zgjedhjeve të mos i nënshtrohej presionit për të nxituar procesin e numërimit të votave.

“Vota është në duart e komisionerëve të cilët mbajnë përgjegjësinë më të madhe. Asnjë votë nuk mund dhe nuk duhet të numërohet nën presion.”

Sondazhet parazgjedhore e vendosën Partinë Socialiste të Ramës në krye, megjithatë Partia Demokratike e opozitës luftoi për të ringjallur bazën e saj dhe për të bërë një rikthim, duke shkuar aq larg sa të punësonte ish-strategun e Trump, Chris LaCivita për të formësuar platformën e saj.

Nëse socialistët sigurojnë një mandat tjetër, Rama, i cili ka qenë në pushtet për 12 vjet, do të bëhej udhëheqësi më jetëgjatë i Shqipërisë që nga sundimtari komunist Enver Hoxha.

The post Analiza e POLITICO: Pse televizionet nuk publikuan sondazhe pas përfundimit të votimit? appeared first on Sot News | Lajme.

Gazetari Flogert Muça ishte këtë të hënë i ftuar në “Barometri” në Euronews Albania ku ka komentuar matjet e finale para zgjedhjeve të 11 majit.

Ai tha se edhe pas 12 vitesh, kryeministri Edi Rama mbetet lideri më i pëlqyer ndërsa kreut të opozitës Sali Berisha i ka rënë pëlqyeshmëria dhe nuk bën diferencë me liderët e partive të reja.

“Është lajm që pas 12 vitesh, Rama është i pari në pëlqyeshmëri. Është lajm i keq për opozitën që doktor Berisha, te pëlqyeshmëria është i treti.

Rama ka udhëhequr mbi 12 vite, por prap mbi 15% mbi të rinjtë. Unë nuk them që Berisha duhet të ishte më lartë se Rama, apo afër tij, por duhet të kishte dieferencë me të rinjtë”,-tha gazetari Muça.

LEXONI GJITHASHTU:

• Barometri për 11 majin: Kush është kandidati më i përshtatshëm për kryeministër
• Baton Haxhiu: 5 parti janë në Parlament në 12 maj! Ndryshimi vjen nga Tirana…

The post Flogert Muça: Pas 12 vitesh Rama ende i pari në pëlqyeshmëri, doktori… appeared first on Euronews Albania.

TIRANË, 4 maj/ATSH-Maela Marini/ Kryeministri Edi Rama, njëkohësisht kryetar i Partisë Socialiste. në një takim elektoral në Shkodër, ku prezantoi investimet 10-vjeçare në këtë qark, sqaroi se nevoja për këtë cikël informues takimesh erdhi si rezultat i domosdoshmërisë për të informuar shqiptarët mbi realitetin, i cili sipas tij, nuk gjen pasqyrim në pasqyrat mediatike “të kënetës”.

“Shtysa që unë të ndërmarr këtë cikël prezantimesh të panoramës së përgjithshme ekonomike dhe të investimeve në këto 3 mandate qark për qark më ka ardhur në mënyrë të befasishme pas një mbrëmjeje shumë të paharrueshme kur pasi i kisha kaluar gjithë punët e ditës dhe kishte ardhur ora e lundrimit nëpër pasqyrat e botës, m’u desh të hyja në pasqyrat e kënetës këtu”, tha Rama.

Kryeministri solli në vëmendje reagimet që pa në disa medie mbi sondazhin e parë për zgjedhjet e 11 majit, i cili nxirrte fitues PS-në.

“Ishte shfaqja e parë e e anketimit të parë të atij sondazhistit të Presidentit Trump, i kontraktuar nga një televizion dhe isha shumë kurioz të shihja rezultatet e anketimit pasi e ndjek atë dhe është një nga më të famshmit në Amerikë dhe me një reputacion shumë të lartë. Ka arritur të shohë përtej sipërfaqes dhe për të dytën herë rresht ka parashikuar fitoren e Trump, ndërkohë që shumë sondazhe të tjera e jepni humbës”, tha Rama.

Kryeministri theksoi se komentet mbi këtë sondazh ishin totalisht brenda një realiteti të krijuar nga vetë ata që komentonin në studio.

“Nuk gjej fjalë dhe akoma jam në vështirësi për të përshkruar se çfarë kam përjetuar kur shikoja ato të dhënat e anketave dhe pastaj duhet të dëgjoja komentatorët që ishin aty. Ishte e pabesueshme dhe e frikshme të mendosh se çfarë i bie këtij populli të shoh e të dëgjojë mbrëmjeve të debateve apo të komenteve politike nëpër ato pasqyrat ku një numër i caktuar njerëzish, pjesa me e madhe e të cilëve janë totalisht brenda një realiteti të krijuar nga vetë ata, arrijnë deri në atë pikë ku i pashë atë natë. Ajo befasi erdhi edhe si rezultat i faktit se nuk i ndjek që pas zgjedhjeve të 2009. Nuk shoh debate dhe emisione politike, por ndjek raportet që më bëjnë shumë shkurt kur ka gjëra të veçanta”, shtoi Rama.

Rama theksoi se nëse shumica e shqiptarëve sipas sondazhit mendon se vendi po ecën në drejtimin e duhur, komentatorët në studio e konsideronin “popullin të sëmurë”.

“Kur sondazhi tregonte se shumica mbështet PS-në, atëherë vjen komenti tjetër: ‘ose sondazhi është çmendur ose është çmendur populli’. Te pyetja se cila forcë politike mendon se do të fitojë. sondazhi tregonte një numër më të madh se ata që mbështesin PS-në, afro 57% që thoshin se do të fitojë PS-së. Sipas komentatorëve kjo tregon se problemi është edhe më i thellë, jo vetëm sëmundje, dhe çmenduri por këtu jemi në një situatë kur populli është i shitur edhe i blerë”, tha Rama.

Rama e cilësoi shifër të çmendur po ashtu teorinë se në gjithë këto vite janë 250 mijë njerëz në administratë, ndërsa shtoi se administrata publike ka më pak se 90 mijë njerëz.

“95% e titujve që vendosen në pasqyrat e portaleve që më më citojnë mua janë të shtrembëruara. Nuk besoj se është me qëllim por është përfundimisht një botë e mbyllur brenda vetes. Për shembull është prodhuar një lajm se zv.kryeministrja harxhon 10 mijë euro për të larë makinën dhe kjo përsëritet, pastaj kthehet në fakt, pastaj në faj dhe pyetet si ka mundësi?”, tha Rama.

Ndaj, kryeministri theksoi se e kondideron si shumë të rëndësishme ndarjen e fakteve dhe shifrave konkrete mbi çfarë është bërë në 10 vite në sektorë të ndryshëm të vendit.

The post Rama: Sondazhet thonë se shumica e popullit mbështet PS-në appeared first on Agjencia Telegrafike Shqiptare.

TIRANË, 30 prill/ATSH-Maela Marini/ Kryeministri Edi Rama, njëherësh kryetar i Partisë Socialiste, u shpreh sot se shumica e shqiptarëve besojnë se vendi është në drejtimin e duhur dhe këtë e tregojnë edhe sondazhet e fundit për zgjedhjet e 11 majit.

Në një takim elektoral në Kukës, Rama u ndal tek arritjet dhe sfidat për Shqipërinë 2030 në Bashkimin Europian.

“Në rrugën drejt 11 majit e kemi parë të arsyeshme që të ndajmë me njerëzit dhe përmes këtyre takimeve të ndajmë me publikun e gjerë, disa fakte, disa shifra, disa të dhëna që janë pasqyrë e transformimit të këtyre viteve, por që përndryshe nuk ke ku i shikon në pasqyrat tona mediatike”, u shpreh Rama.

Kryeministri e konsideroi këtë një problem të madh, pasi sipas tij, “shumëçka që ka të bëjë me zhvillimin, transformimin dhe përmirësimet e vazhdueshme të vendit nuk gjen pasqyrim në ato kanale apo portale prej të cilave njerëzit informohen”.

“Prandaj nuk është fare çudi kur ndodh siç po ndodh këto javët e fundit kur të gjitha sondazhet na japin fitues në një avantazh të madh nga të tjerët. Shumica e shqiptarëve besojnë tek ne, besojnë se vendi është në drejtimin e duhur, shumica e shqiptarëve besojnë se përmirësimi do të vazhdojë dhe ekonomia e tyre do të jetë më mirë”, tha Rama.

Por Rama, tha se këto fakte nuk pranohen nga ata që komentojnë në studio.

“Ata në studio që e komentojnë e kanë të pamundur t’i pranojnë këto fakte të thjeshta të perceptimit të opinionit publik dhe fajësojnë popullin duke u shprehur në mënyrë të drejtpërdrejtë që nëse shumica e mendon kështu, populli është i sëmurë, i çmendur, i blerë, i shitur, i trembur. Por nuk ndalen të mendojnë se mos ndoshta janë ata që gabojnë dhe jo populli”, tha Rama.

Kryeministri theksoi se “janë ata që jetojnë në një pikë të shkëputur nga realiteti dhe janë ata që kanë krijuar në mënyrë të vazhdueshme një ide dhe një imazh te i cili besojnë po vetë”.

Ndërkohë, Rama tha se “Shqipëria pa diskutim ka probleme, ka tema të rëndësishme ekonomike e sociale për të trajtuara dhe për të adresuar, por është një vend krejt tjetër nga ai që ekspozohet dhe komentohet nëpër kanalet ku normalisht publiku duhet të informohet, por në fakt keqinformohet dhe dezinformohet”.

/r.e//a.f/

The post Rama në Kukës: Shumica e shqiptarëve besojnë te ne dhe se vendi është në drejtimin e duhur appeared first on Agjencia Telegrafike Shqiptare.

Donald Trump festoi 100 ditët e tij në pushtet si President I Shteteve të Bashkuara në një tubim masiv në Michigan. Me një fjalim në stilin e një fushate elektorale Kreu I Shtëpisë së Bardhë lavdëroi arritjet e administratës së tij duke thënë se ky ishte një revolucion i logjikës së shëndoshë.

Ndërsa hodhi poshtë sondazhet që tregojnë rënie të popullaritetit të tij, Trump nuk I kurseu sërisht thumbat ndaj demokratëve dhe ish presidentit Joe Biden. Ashtu siç mediat kishin paralajmëruar, nga Michigani I cili njihet si zemra e prodhimit të automjeteve në Shtetet e Bashkuara Trump deklaroi se do të lehtësojë tarifat për mallrat që vijnë nga jashtë dhe përdoren nga industria e prodhimit të automjeteve në SHBA, duke përfshirë këtu celikun dhe aluminin.

“Unë kam vendosur me krenari një tarifë prej 25% për të gjitha automjetet e huaja që vijnë në Shtetet e Bashkuara. Kjo do të sjellë vende pune në vendin tone. Por për të ndihmuar fabrikat tona, sapo kam nënshkruar një urdhër eekzekutiv për ti dhënë një zbritje në tarifa çdo kompanie që monton makinat e saj këtu në Shtetet e Bashkuara. Ulja në tarifa do të jetë nga 10 deri në 15% për pjesë të ndryshme të prodhimit të automjeteve.”

Përgjatë fjalimit të tij në Michigan Trump deklaroi se përgjatë 100 ditëve të administratës së tij kishte pasur një rënie të cmimit të gazit, naftës dhe benzinës si dhe ulje të kostove të jetesës duke përfshirë këtu produktet ushqimore. Kreu I Shtëpisë së Bardhë tha se edhe cmimi i vezëve falë tij ishte ulur, por në fakt ky cmimi ka pësuar një rritje të ndjeshme në SHBA si pasojë e gripit të shpendëve që solli asgjesimin e qindra mijëra pulave.

Donald Trump u shpreh gjithashtu se në tre muajt e administrates së tij në Shtetet e Bashkuara  ishin krijuar mbi 340 mijë vende të reja pune. Dëbimi I emigrantëve të paligjshëm ishte një ndër premtimet që solli Trump në pushtet dhe mbi këtë teme  Kreu I Shtëpisë së Bardhë tha se muajin e shkuar kishte pasur vetëm 3 kalime ilegale të kufirit. Në analizën e verifikimit të fakteve të BBC bazuar në shifra theksohet se në Mars pari 7181 emigrantë që mbërritën në kufirin SHBA meksikë, një shifër kjo që tregon rregjistrimet më të ulëta mujore të emigrantëve të paligjshëm në Shtetet e Bashkuara që nga viti 2000./abcnews.al

TIRANË, 29 prill /ATSH/ Kryeministri Edi Rama iu përgjigj sot drejtpërdrejt pyetjeve të adresuara në platformat sociale.

Në rubrikën “Sy m’Sy”, duke iu përgjigjur një qytetari Rama u shpreh se, të gjitha sondazhet thonë që fiton PS.

“Unë kam rekordin e kilometrave të bëra nëpër Shqipëri, jo në krahasim me ndonjë paraardhës tjetër, por me të gjithë të marrë së bashku”, tha Rama.

Kreu i qeverisë u shpreh se, “nuk i kam bërë ato udhëtimet nëpër Shqipëri dhe takimet me njerëzit në internet i kam bërë në realitet, nuk i kam bërë me Play-station. Nëse jam këtu dhe përdor këtë mjet për të komunikuar e bëj dhe për një arsye tjetër. Arsyeja është se shumë nga gjërat që unë bëj dhe që ne bëjmë, shumë nga gjërat që ndodhin në Shqipërinë reale nuk i merr vesh dot as ti dhe askush tjetër nga pasqyrat e kënetës, pasqyrat mediatike të kënetës”.

“Ta ka thënë ndonjëherë ty ndonjë pasqyrë e kënetës mediatike që Prodhimi i Përgjithshëm Kombëtar i Shqipërisë është rritur me 2 herë e gjysmë, nga më pak se 10 miliardë në 25 miliardë, në dekadën e fundit? Jo! Po nga do ta marrësh vesh nëse nuk përpiqem unë dhe nuk përpiqemi ne të paktën me këto mjete që kemi?!”, iu drejtua Rama qytetarit.

“Se i ke parë pasqyrat besoj, çfarë mund të mësojë njeriu kur hap ekranet edhe ndjek ato farë debatesh? Çfarë mund të mësoj njeriu kur në ato ekrane shfaqen sondazhe të ndryshme, që nga sondazhisti i Donald Trumpit, i famshëm, deri tek sondazhistë të tjerë këtu në Evropë, të gjithë thonë fiton Partia Socialiste, ndërkohë që ata që janë aty për t’i komentuar sondazhet thonë që “epo nëse këto janë të vërteta populli shqiptar është i sëmurë””, tha Rama.

“Çfarë mund të marrësh vesh nga këta çyrykë? Sepse janë tamam çyrykë. T’i thuash popullit që populli është i sëmurë, nuk je mirë. Ose që populli është çmendur! Është e thënë kështu si po jua them, do të thotë, këto sondazhe do të thonë që populli është çmendur. Po pse është çmendur populli? Është çmendur se voton të vetmen alternativë konkrete, reale, fituese, progresiste, transformuese, integruese? Se voton të vetmen forcë që mund ta fusë në BE, prandaj është çmendur populli?”, theksoi Rama.

“Ose thonë: “popullin e ka blerë Rama”, këta, të tërin. Domethënë 800 mijë votues, edhe sa do të shtohen këtë herë dhe nga diaspora, i kam blerë unë! Ose qenka një frikë aq e madhe e përhapur nëpër popull saqë kanë frikë të bëjnë gjë tjetër veçse të votojnë? A e kupton. Atëherë ku do i marrësh vesh të gjitha gjërat që ne kemi bërë? Ku? Nëse unë mbyll Facebook-un, fik internetin edhe vazhdoj të merrem, siç thua ti, me hallet e popullit. Edhe ky është një hall i madh i popullit: Informimi me fakte”, theksoi Rama.

/r.e/a.f/

The post Rama: Të gjitha sondazhet thonë që fiton PS appeared first on Agjencia Telegrafike Shqiptare.

Mbështetja për Donald Trump në 100 ditët e para të presidencës së tij është më e ulëta për një president në 7 dekadat e fundit.

Sipas një sondazhi të CNN, vlerësimi për Trump është vetëm 41%, më i ulëti për 100 ditët e para të një presidenti amerikan që nga epoka e Eisenhower. Pra, Trump po performon më keq se në mandatin e tij të parë.

Vlerësimi për punën e tij ka rënë me 4 pikë përqindjeje që nga marsi dhe me 7 që nga shkurti. Vetëm 22% thonë se e miratojnë plotësisht mënyrën se si e trajton situatën, ndërsa 45 % thonë se nuk janë dakord me mënyrën si ai po vepron.

Vlerësimi i miratimit të presidentit midis grave dhe votuesve hispanikë ka rënë me 7 pikë, ndërsa mbështetja midis të pavarurve ka rënë gjithashtu në 31%, një nivel i ngjashëm me nivelet më të ulëta të mandatit të tij të parë.

Një sondazh tjetër i ABC News, Washington Post dhe Ipsos tregon gjithashtu se mbështetja për Trump është në nivele të ulëta, në vetëm 39%.

Në sondazhe përmendet shqetësimi i qytetarëve amerikan për politikat ekonomike të Trump, që kanë shkaktuar frikën e një recesioni.

Shtatëdhjetë e dy përqind thanë se mendojnë se është shumë ose disi e mundshme që politikat e tij ekonomike të shkaktojnë një recesion në afat të shkurtër.

Shtatëdhjetë e tre përqind thanë se ekonomia është në gjendje të keqe, 53% thanë se është përkeqësuar që kur Trump mori detyrën dhe 41% thanë se financat e tyre janë përkeqësuar.

Shumica e amerikanëve (57%) besojnë gjithashtu se diplomacia e Trump e vë vendin në rrezik. Lëvizjet e tij në politikën e jashtme – duke përfshirë një qëndrim më miqësor ndaj Rusisë dhe një shkurtim të programeve të ndihmës së huaj, vlerësohen vetëm nga 39% e të anketuarve.

BERLIN, 22 prill /ATSH-DPA/ – Alternativa e ekstremit të djathtë për Gjermaninë (AfD) konfirmoi sërish rritjen e saj të fortë në sondazhe.

Instituti ”Forsa”, që publikoi sondazhin e kryer për rrjetin televiziv RTL, e sheh AfD-në si parti kryesore me 26%, ndërsa në zgjedhje ishte ndalur në 20,8%.

Bashkimi CDU-CSU ka rënë në 25%, më shumë se tre pikë më pak se në zgjedhje, dhe më pas SPD me 15%, që është e barabartë me më shumë se një pikë më pak se rezultati zgjedhor.

Të Gjelbrit dhe të Majtët po rriten paksa, ndërsa liberalët (FDP) dhe grupi i Sahra Wagenknecht (BSW) pritet të mbeten jashtë parlamentit.

Megjithatë, disa parti bëjnë thirrje për kujdes me këto sondazhe, pasi qeveria e re ende nuk ka marrë detyrën dhe do të duhen edhe disa ditë para se të vlerësojmë masat e saj të para.

Për më tepër, të dhënat shpesh mbivlerësojnë pakënaqësinë me partitë tradicionale, por kjo nuk përkthehet domosdoshmërisht në një votë për të djathtën ekstreme ose parti të tjera opozitare në një zgjedhje reale./   /os/

The post GJERMANI – AfD kryeson sërish sondazhet appeared first on Agjencia Telegrafike Shqiptare.

TIRANË, 22 prill/ATSH-Maela Marini/ Kryeministri Edi Rama, njëherësh kryetar i Partisë Socialiste deklaroi sot se vendi po shkon në drejtimin e duhur dhe këtë e thotë Bashkimi Europian, Komisioni Europian dhe të gjitha organizatat prestigjioze ndërkombëtare.

Në një komunikim të drejtpërdrejt në rrjetet sociale përmes rubrikës “Sy m’sy”, Rama iu përgjigj atyre që kanë reaguar pas sondazheve të fundit lidhur me zgjedhjet e 11 majit, duke i cilësuar si të pavërteta dhe manipulime.

“Bashkimi Europian, Komisioni Europian dhe të gjitha organizatat ndërkombëtare, ato që vlerësojnë financat e vendit, luftën kundër korrupsionit, administratën publike, si shpjegohet që të tëra këto japin konkluzione në drejtimin e duhur. Budallenj janë edhe ata? Sajoni dhe pastaj sajesat i ktheni në lajme, lajmet i bëni komente dhe komentet i bëni të vërteta, pastaj habiteni pse populli voton komplet të kundërtën e asaj që thoni”, u shpreh Rama.

Ndërsa i cilësoi komentet shfaqje inatesh e mllefesh të verbra, Rama u kujtoi se populli shqiptar është i mençur dhe nëse do të kishte kampionat botëror për politikë do shpallej  kampion bote.

Rama theksoi se këta çdo ditë u tregojnë shqiptarëve akuza, shpifje, sharje ekstrem, e zi nga të katër anët. /j.p/

The post Rama: Shqipëria në drejtimin e duhur, këtë e thotë BE dhe organizatat ndërkombëtare appeared first on Agjencia Telegrafike Shqiptare.

TIRANË, 22 prill/ATSH/ Kryeministri, njëherazi kryetar i Partisë Socialiste, Edi Rama iu përgjigj sot pyetjeve të adresuara në platformat sociale në rubrikën “Sy m’sy” nga Gjirokastra, ku bashkë me skuadrën e këtij qyteti sot do të zhvillojë një seri takimesh elektorale.

Kryeministri në nisje të fjalës së tij, u ndal te një sondazh i prezantuar mbrëmjen e djeshme në një nga televizionet shqiptare, nga “sondazhisti i Donald Trump”, siç u shpreh Rama, që sipas tij ka bërë fushatën e zgjedhjeve në Amerikë, pasi ishte kundër rrymës, ndërkohë që shumica dërrmuese e sondazheve jepnin kandidaten Kamala Harris fituese.

“Ky këmbëngulte në të kundërtën edhe pse aty marzhet ishin shumë të ngushta dhe në fund i dolën ato parashikimet e tij dhe isha kurioz se thashë hajde ta shohim se si e sheh ky Shqipërinë”, e nisi Rama komentin.

“Aty kishte inserte që ishin pjesëza të emisionit, ishte një trishtim i madh se çfarë sheh e çfarë dëgjon populli shqiptar mbrëmjeve në pasqyrat e kënetës mediatike. Një tmerr”, tha Rama, teksa theksoi se PS kryen çdo muaj prej vitit 2007 sondazhe dhe anketime për të lexuar opinion publik për prirjen e votës.

Sipas Ramës, në një pasqyrë të këtij sondazhi rezultonte se 50% e shqiptarëve mendonin se vendi po shkon në drejtimin e duhur, 42% të tjerë ishin kundër dhe pjesa tjetër nuk kishin mendim. “Çfarë më kanë dëgjuar veshët nga ca individë që nuk e di çfarë i motivon kur zgjohen në mëngjes, me se e ushqejnë trurin gjatë ditës deri sa shkojnë ulen atje dhe fillojnë dhe bëjnë ndërmjetësimin mes realitetit politik, social, personazheve politike, sociale dhe popullit. Dhe aty konkluzionet ishin njëri më çmendurak se tjetri, njëri më i pabesueshëm se tjetri. Një ishte që populli është i sëmurë, shqiptarët janë një popull i sëmurë që mendojnë që ky vend po shkon në drejtimin e duhur, një tjetër ishte që këtu ka një autokraci me pasqyra moçalesh mediatike që çdo natë flasin nga këto lloj çmendurish”, pohoi Rama.

Kryeministri nënvizoi se nëse në këtë vend do të kishte autokraci, atyre nuk do u binte radha të dilnin në ekrane televizive dhe të thoshin që populli është i sëmurë, apo të kishin kompjuter për të parë lajme. “Një konkluzion tjetër ishte që Rama i ka blerë gjysmën e popullit që mendon se vendi po shkon në drejtimin e duhur, një tjetër ishte që Rama u ka futur frikën dhe këta nga frika kur i pyet dhe këta që flasin ishin 1200 veta thonë nga frika që vendi po shkon në drejtimin e duhur”, vijoi ai.

“Si mund të ketë arritur deri këtu pazari mediatik shqiptar, çfarë të them çfarë më dëgjonin veshët. Ky nuk është politikan, ky është personazh dhe ky bën show dhe populli është kështu budalla. Këta që mua më hidhen në fyt, pse unë them gjysma e burrave janë çyrykë, në sensin metaforik patjetër, nuk flas për kusht klinik. Sepse unë mendoj që të shkosh mbas kënetës je gjysmak dhe gjysma tjetër janë në rregull. Kjo është një ndarje që unë e bëj sepse e besoj, me kënetën Shqipëria të ketë të ardhme, qeverisje më të mirë etj”, pohoi Rama.

Kreu i qeverisë cilësoi faktin se “këta janë në gjendje që mbasi më hidhen mua për metaforën time të thonë që populli është i sëmurë, një popull kot, sepse ky popull mendon që vendi po shkon në drejtimin e duhur”.

Rama tha se edhe sondazhisti i Donald Trump e dinte qartësisht që në 11 maj ka vetëm një fitues.   /j.p/

The post Rama: Kryejmë çdo muaj anketime, edhe sondazhisti i Trump e di që PS është fituese appeared first on Agjencia Telegrafike Shqiptare.

Angi Ricerche do të publikojë për tri të hëna rresht, deri javën e fundit të fushatës, të dhënat e sondazhit të komisionuar nga “Abc News”.

Në një intervistë në “Tirana Live” në ABC News, Sokol Balla drejtues i “Real Story”, ndau disa detaje nga sondazhet e realizuara, se ku do të fokusohen dhe se çfarë pritet që të pasqyrojnë për publikun. Gjatë intervistës, Balla u shpreh se fushata për 11 majin duket e vakët, ndërsa nënvizoi se Vota e Diasporës, është risi në këto zgjedhje.

“Ne të gjithë kemi kuriozitet, por jo vetëm për të kuptuar se cilat janë humoret e shqiptarëve në këtë fushatë që duhet thënë se është e pazakontë si fushatë. Duket pak më e vakët se herët e tjera. Edhe pse ka disa risi që nuk janë të vogla. Në radhë të parë kemi votën e Diasporës që deri tani me shifra tregon që ka shprehur një vullnet për të marrë pjesë në zgjedhje. Janë gati 250 mijë vota të regjistruara, gati 7-8 mijë ndoshta 10 mijë kanë mbërritur në Tiranë. Bëhet fjalë për një përqindje jo të vogël. Kemi një sërë partish të reja që tentojë të krijojnë hapësirën e tyre në Kuvendin e ardhshëm të Shqipërisë dhe kemi rikthimin e përballjes së dy dinozaurëve më të vjetër të politikës shqiptarë zoti Rama dhe Berisha që kthehen në një përplasjes kokë më kokë, ndoshta që prej vitit 2009. Këtë herë kemi Berishën dhe Metën një entitet më vete, të shohim se çfarë do të thotë kjo në shifra, qoftë në sondazhe dhe zgjedhje sepse do të kuptojmë se çfarë po ndodh me Partinë e Lirisë? Do të vazhdojë të jetë faktor ndikues në koalicionin me Berishën? Ky është një tjetër eksperiment politik dhe social që një parti kërkon një mandat të katërt. Deri tani sondazhet kanë treguar që socialistët janë në kryer, dhe se partitë e reja janë kanë rrjedhimisht shifra të larta. Është interesante, për të parë nëse ka një përputhje midis sondazheve që kanë dalë deri tani apo ka diçka të re?”, u shpreh ai.

Ndërkohë nga Angi Ricerche janë pyetur mbi gjashtë mijë vetë.

“Për sondazhet e Angi Ricerche janë pyetur rreth 6 mijë veta, por nuk janë përgjigjur të gjithë. Gjithsesi janë përgjigjur një numër i madh shtetasish shqiptarë që kanë të drejtë të votojnë, qoftë në telefon qoftë në web apo mënyra të tjera…Por ka një të vërtetë që i bashkon të gjitha sondazhet. Ka një diferencë dyshifrore, midis vendit të parë dhe vendit të dytë. Dhe kur flasim për një diferencë dyshifrore, kuptohet që ka një propabilitet, që njëra palë të jetë fituese. Se sa do të jetë kjo do ta shikojmë”, tha ai,

Çfarë përfaqëson firma prestigjioze Angi Ricerche dhe sa të sakta janë sondazhet?

“Më sa mbaj mend nga zgjedhjet e vitit 2021, këta organizuan sondazhin e komisionuar nga top channel dhe më rezulton që ka qenë ndoshta edhe sondazhi më i saktë dhe gjeti një parashikim të saktë dhe për qarkun e Tiranës. Le të themi që hyn tek ato agjenci që nuk e vënë kot emrin e tyre. Fakti që kanë një përvojë të caktuar siç kanë edhe disa firma të tjera, kjo është një nga firmat që në zgjedhjet e fundit në 2021 ka nxjerrë rezultatet më të sakta. Shpresoj shumë dhe do të ishte ideale që më këtë kompani të bënim dhe exit pollet, por është një gjë që është e hapur. Sot do të nxjerrim shqetësimet kryesore të shqiptarëve, si e gjykojnë ata Edi Ramën si kryeministër, padyshim preferencat e shqiptarëve, preferencat e tyre për drejtuesit politikë. Kemi katër drejtues politik të kattër forcave që kanë nxjerrë deputetë në parlamentin e vitit 2021 që është PS, PD, PL dhe Partia Social Demokrate. Por ka edhe nisma të reja. Të shohim se çfarë mendojnë votuesit, atyre u është lënë e hapur të zgjedhin se kë duan ata. Mesa pashë ka rezultate interesante që na ndihmojnë të lexojnë pak edhe humorin e njerëzve politikë në këtë fushatë. Sondazhet bazohet në telefonata të shqiptarëve që jetojnë në Shqipëri, ndërkohë ne kemi 245 mijë shqiptarë që kanë shprehur vullnetin e tyre. Ka nga ata që u ka ngelur ora tek Shqipëria që kanë lënë, në sensin e mirë të fjalës. Por një pjesë e mirë janë me formim, njerëz të rritur në Perëndim dhe mund të kenë një vizion tjetër për Shqipërinë, ky vizion është pretenduar të përfaqësohet nga partitë e reja që ngrihet dilema nëse do futen apo jo, këtë nuk di ta them. Ka një kleçkë që shumë veta e harrojnë. Një parti që një parti të klasifikohet për të marrë një mandat në një qark të caktuar, duhet të ketë kapur së paku 1 % të votave në rang kombëtar. Ti mund të kesh 12 mijë vota për të marrë një mandat në Tiranë, por nëse nuk merr 18 mijë vota në rang kombëtar nuk klasifikohesh dhe këto vota i shkojnë partive të tjera që i kanë marrë mandatet. Por kjo mund të ndryshojë sepse në bazë të ligjit elektoral, votat e emigrantëve nuk do të shkojnë në një entitet të caktuar, por do shpërndahen në bazë të qarqeve ku ata ekzistojnë në listat e votuesve dhe mund të jenë faktor që mund të ndikojnë në partitë e reja. Beteja më e madhe për një mandat që ata të marrin padyshim do të jetë Tirana.  Pasi këtu janë 37 mandate. Që një parti e re të marrë një mandat në Kukës, Dibër, apo të marrë një mandat në Berat apo Gjirokastër, këtu flasim për një revolucion politik, një forcë politike që shemb të gjithë klasën veteranëve politike të vendit. Nëse më pyet nëse a është kjo e mundur apo jo? Momentalisht, jo them unë për shkak se sërish beteja është mes dy dinozaurëve të mëdhenj. Se sa do të jetë marzhi i fitores apo humbjes këtë do ta vendosin shqiptarët me 12 maj”, u shpreh ai.

/abcnews.al/

Barometri Euronews-Albania ka sjell për publikun matjet e dyta politike për Qarkun e Tiranës.

Në këto matje janë pyetur ballë për ballë 1000 qytetarë brenda qarkut, të shpërndarë sipas popullsisë në 5 bashkitë përbërëse.

Mbledhja e të dhënave është realizuar nga 22 Mars deri në 3 Prill 2025.

Bazuar në të gjitha të dhënat që sjellë matja e dytë politike për Qarkun e Tiranës, prirja e votës dhe të gjithë treguesit e tjerë në këtë matje, Barometri ka përllogaritur edhe projeksionin e mundshëm të votës së 11 Majit për qarkun më të madh.

Sipas këtij projeksioni:

Partia Socialiste do të merrte potencialisht 47.4% (+/- 2 %) ose përkthyer në 19 mandate.

Koalicioni  Aleanca për Shqipërinë  Madhështore (PD) do të merrte potencialisht 30.7% (+/- 2 %) të votës së 11 Majit, përkthyer në 12 mandate.

Nisma –Shqipëria Bëhet dhe Partia Mundësia potencialisht mund të merrnin 7.4 % (+/- 1.5 %) secila, praktikisht  pothuajse nga 2-3 mandate për secilin nga subjektet (minimalisht 5 të dyja).

Lëvizja Bashkë do të merrte potencialisht 4.1 % (+/-1 %) të votës së 11 Majit dhe 1 mandat nga 37 të Qarkut të Tiranës.

LEXONI GJITHASHTU:

• Kë do votojnë qytetarët e Tiranës në 11 Maj. Rezultati i Barometrit, matja e dytë
• Pëlqyeshmëria e liderëve në Qarkun Tiranë, rezultatet e matjes së dytë të Barometrit

The post Barometri/ Ja si do të ndaheshin 37 mandatet e Tiranës, sipas matjes së dytë appeared first on Euronews Albania.

Shumica e shkollave në gjithë Anglinë kanë ndaluar përdorimin e celularëve gjatë orëve të mësimit, sipas sondazhit të parë kombëtar të këtij lloji, ndërsa shqetësimet janë rritur mbi efektet negative të telefonave inteligjentë në mirëqenien e të rinjve.

Sondazhi, i porositur nga Komisarja e Fëmijëve për Anglinë, Rachel de Souza, tregoi se 99,8 për qind e shkollave fillore dhe 90 për qind e shkollave të mesme kanë zbatuar një formë ndalimi të telefonave celularë.

Gjetjet nxjerrin në pah një ndryshim vendimtar midis drejtuesve të shkollave për të kufizuar aksesin e studentëve në telefonat inteligjentë në mjediset arsimore.

Daniel Kebede, sekretari i përgjithshëm i Unionit Kombëtar të Arsimit (NEU), ka shprehur mbështetje të fortë për një ndalim ligjor, duke thënë se kjo do të lehtësonte barrën e drejtuesve të shkollave, mësuesve dhe prindërve.

Kebede ka paralajmëruar për “ndikimin e dëmshëm” që telefonat inteligjentë kanë tek fëmijët, veçanërisht në ekspozimin e tyre ndaj dëmeve në internet.

“12-vjeçari mesatar ka akses në pornografinë më të fortë në telefonin e tij celular”, ka thënë ai.

“Kjo është jashtëzakonisht e dëmshme për mirëqenien e djemve të rinj dhe perceptimet e tyre për gratë dhe vajzat, seksin dhe marrëdhëniet”, ka shtuar Kebede.

NEU është vendosur të diskutojë mocionet në konferencën e saj vjetore javën e ardhshme, duke kërkuar rregullim më të fortë të platformave të mediave sociale, veçanërisht në lidhje me përmbajtjet e dëmshme si dhuna seksuale dhe kërcënimet ndaj grave.

Kebede gjithashtu është shprehur në favor të “një ndalimi të plotë të mediave sociale për moshat nën 16 vjeç”, duke krahasuar platformat si TikTok, Snapchat dhe Instagram me kompanitë e duhanit për sa i përket ndikimit të tyre në shëndetin mendor të të rinjve.

Barometri Euronews Albania ka zhvilluar matjen e tretë zgjedhore në nivel vendi. Metodologjia e përdorur është sërish kampion rastësor i shtresëzuar dhe madhësia e kampionit ka qenë 1600 qytetarë të pyetur në gjithë territorin e Shqipërisë, ballë për ballë. Periudha kohore e mbledhjes së të dhënave për matjen e tretë zgjedhore të Barometrit Euronews Albania është 22 mars-03 prill 2025.

Pyetja më e rëndësishme politike në matjet e Barometrit Euronews Albania për zgjedhjet e 11 majit është:

Për cilën parti do të votonit nëse zgjedhjet do të mbaheshin sot?

Nëpërmjet kësaj pyetje në të gjitha matjet politike arrijmë të lexojmë prirjen e votës së qytetarëve për zgjedhjet e ardhshme. Përgjigjet në matjen e tretë në nivel vendi tregojnë se: 40.6% e qytetarëve nëse zgjedhjet do të mbaheshin sot do të votonin Partinë Socialiste

30% e tyre do të votonin Koalicioni Aleanca Shqipëria Madhështore drejtuar nga Sali Berisha.

Dhe me radhë si më poshtë, 6.7% e qytetarëve do të votonin Koalicionin Nisma -Shqipëria Bëhet, 4.4% “Partia Mundësia” 1.8% “Lëvizja Bashkë”, 1.1% Koalicionin Euroatlantik, 1% Partia Social Demokrate, 0.9% partitë e tjera. Ndërkohë 13.5% e qytetarëve janë të pavendosur për t’i dhënë përgjigje kësaj pyetje. Një pjesë e tyre tregojnë se nuk do të votojnë, një pjesë përgjigjen nuk e di ose refuzojnë të përgjigjen kësaj pyetje.

The post Sondazhi i tretë kombëtar, ja për cilën parti do të votonin shqiptarët nëse zgjedhjet do të mbaheshin sot appeared first on Sot News | Lajme.

BERLIN, 5 prill /ATSH-DPA/ – Mbështetja për partinë e ekstremit të djathtë Alternativa për Gjermaninë (AfD) të Gjermanisë ka rezultuar në kokë më kokë në sondazhe me bllokun konservator CDU/CSU, sipas një sondazhi kombëtar.

Gati gjashtë javë para zgjedhjeve federale, si CDU/CSU ashtu edhe AfD arritën 24% në sondazhin e kryer nga instituti i kërkimit të opinionit INSA.

Kjo është një rritje prej një pikë përqindjeje për AfD-në në krahasim me sondazhin e fundit të tillë dhe është rezultati më i mirë i saj deri më tani në sondazh.

Në të kundërt, partia fituese e zgjedhjeve, Unioni Kristian Demokrat (CDU) dhe partia e saj motër bavareze, Bashkimi Kristian Social (CSU), humbën dy pikë përqindje.

Blloku CDU/CSU fitoi zgjedhjet parlamentare të mbajtura më 23 shkurt me 28.5% të votave kyçe, por së fundmi ka humbur mbështetjen e votuesve. AfD doli në vendin e dytë me 20.8%.

Kancelari i ardhshëm i mundshëm është Friedrich Merz, president i CDU.

Partia e qendrës së majtë SPD, e cila ra me 9.3 pikë përqindje në 16.4% në zgjedhjet e shkurtit, arriti të ruajë pozicionin e saj në sondazh në 16%.

Të Gjelbrit humbën 1% dhe Partia e Majtë fitoi 1%, tani duke qëndruar në qafë e në qafë në 11%. /os/

The post GJERMANI – INSA: AdF barazon për herë të parë bllokun CDU/CSU appeared first on Agjencia Telegrafike Shqiptare.

Shqipëria u rendit në vendin e 89 në Indeksin e Lumturisë për vitin 2025, një publikim i Kombeve të Bashkuara në datën 20 mars, që është Dita e Lumturisë.

Raporti Botëror i Lumturisë 2025, i publikuar nga Rrjeti i Zgjidhjeve për Zhvillim të Qëndrueshëm të Kombeve të Bashkuara, ofron një vështrim gjithëpërfshirës mbi nivelin e lumturisë në mbarë botën, duke u bazuar në të dhëna nga mbi 140 vende.

Në Europë, Shqipëria lë pas vetëm Turqinë, me këtë të fundit që është shteti më i palumtur i Europës. Shteti më i lumtur në rajon është Kosova, e 29-a në botë, e ndjekur nga Serbia, që renditet në vendin e 31, Bosnjë-Hercegovina në vendin e 56, Mali i Zi në vendin e 71, Maqedonia e Veriut, në vendin e 86.

– Raporti bazohet në disa tregues kryesorë për të matur lumturinë e një vendi:

– Prodhimi i Brendshëm Bruto (PBB) për frymë: Masa e të ardhurave mesatare të qytetarëve.

– Mbështetja sociale: Vlerësimi nëse individët kanë dikë tek i cili mund të mbështeten në kohë nevoje.

– Jetëgjatësia e shëndetshme: Vitet mesatare të jetës së shëndetshme që pritet të jetojë një individ.

– Liria për të marrë vendime jetësore: Shkalla në të cilën individët ndihen të lirë për të zgjedhur rrugën e tyre në jetë.

– Bujaria: Prirja e qytetarëve për të dhuruar për bamirësi.

– Perceptimi i korrupsionit: Perceptimi i nivelit të korrupsionit në qeveri dhe biznes.

Shqipëria penalizohet nga korrupsioni, duke u renditur në vendin e 114. Treguesi i dytë me renditjen më negative është mbështetja sociale, në vendin e 111 dhe më pas bujaria, ku renditemi në vendin e 72. Shqipëria renditet më mirë në treguesin e lirisë për të marrë vendime jetësore, e 34-a dhe të ardhurat për frymë në vendin e 65.

Bota

Finlanda mbetet vendi më i lumtur në botë për të tetin vit radhazi, ndërsa SHBA ka rënë në vendin e 24-të, duke shënuar renditjen më të ulët deri më tani në Raportin Botëror të Lumturisë 2025.

“Vendet nordike si Finlanda vazhdojnë të përfitojnë nga sisteme të disponueshme universal dhe cilësore të shëndetësisë, arsimit dhe mbështetjes sociale. Gjithashtu, pabarazia në mirëqenie është e ulët,” tha Ilana Ron-Levey, drejtoreshë menaxhuese në Gallup.

Renditja e katër vendeve të para ka mbetur e pandryshuar nga viti 2024:

1. Finlanda
2. Danimarka
3. Islanda
4. Suedia

Ndërkohë, Norvegjia ka mbajtur përsëri vendin e 7-të.

Sipas John Helliwell, përveç sistemeve të forta të mbështetjes sociale, edhe vetë njerëzit luajnë një rol kyç në renditjen e lartë të Finlandës.

“Një shtet i mirëqenies nuk i gjen dhe kthen kuletat e humbura,” tha Helliwell, duke iu referuar një studimi që tregon se vendet nordike janë ndër ato ku kuletat e humbura kthehen më shpesh tek pronarët e tyre. “Këto janë individë që kujdesen për komunitetin ku jetojnë.”

Një tjetër faktor që ndikon në suksesin e Finlandës është ndjenja e unitetit dhe besimit që u forcua gjatë Luftës Dimërore të viteve 1939-40, e njohur edhe si Lufta Sovjeto-Finlandeze.

Amerika Latine hyn në Top 10 për herë të parë

Dy vende të Amerikës Latine hynë për herë të parë në dhjetëshen më të lumtur në botë:

• Kosta Rika (vendi i 6-të)
• Meksika (vendi i 10-të)

“Të dy vendet kanë rrjete të forta sociale dhe një ndjenjë të fortë besimi tek ekonomia dhe institucionet,” tha Ron-Levey.

Rënia e SHBA në renditjen globale të lumturisë

Pas daljes nga Top 20 për herë të parë vitin e kaluar, Shtetet e Bashkuara tani renditen në vendin e 24-të në Raportin Botëror të Lumturisë 2025.

“Rënia e lumturisë në SHBA në 2024 lidhet pjesërisht me faktin se të rinjtë nën moshën 30 vjeç ndihen më pak të lumtur,” tha Ron-Levey. “Të rinjtë sot raportojnë se ndihen më pak të mbështetur nga miqtë dhe familja, kanë më pak liri për të bërë zgjedhje në jetë dhe janë më pak optimistë për standardin e tyre të jetesës.”

Raporti i vitit të kaluar i kushtoi një vëmendje të veçantë ndryshimeve në lumturinë e grupeve të ndryshme të moshës, duke theksuar një rënie të konsiderueshme të lumturisë tek të rinjtë në shumë vende.

Sfidat e lumturisë në vendet anglishtfolëse

Shtetet e Bashkuara nuk janë i vetmi vend anglishtfolës që përballet me sfida në lumturi. Mbretëria e Bashkuar, e cila renditet në vendin e 23-të, regjistroi vlerësimin më të ulët të jetës që nga viti 2017. Ndërkohë, Kanadaja, e cila ka përjetuar një rënie të lumturisë gjatë dekadës së fundit, arriti të mbetet në Top 20, duke u renditur në vendin e 18-të.

Megjithëse faktorët që ndikojnë në lumturi janë të ndërlikuar, ka një “kurë” të thjeshtë që është në dorën e gjithsecilit, sipas studiuesit John Helliwell.

“Shikoni me më shumë dashamirësi njerëzit me të cilët punoni, jetoni dhe që takoni në rrugë. Ky ndryshim perspektive do të ndikojë në sjelljen tuaj në trafik, në diskutimet politike dhe në çdo aspekt të jetës,” tha ai.

Një mënyrë për të përmirësuar mirëqenien është të flasim më pak dhe të dëgjojmë më shumë, gjë që ndihmon në krijimin e një qëndrimi më pozitiv dhe në forcimin e bashkëpunimit mes njerëzve.

“Negativiteti është helmi i lumturisë,” përfundon Helliwell.

Vendet më pak të lumtura në botë

Në fund të renditjes, Afganistani (vend i 147-të) mbetet përsëri vendi më pak i lumtur në botë. Sierra Leone (146), Libani (145), Malawi (144) dhe Zimbabve (143) përbëjnë pesë vendet e fundit në këtë listë të lumturisë.

Top 10

The post Shqipëria, më e palumtura në Europë, pas Turqisë, nga korrupsioni i lartë dhe “mungesa” e miqve appeared first on Revista Monitor.

Përdoruesit shqiptarë të drogave kanë nivelin më të lartë të konsumit të kokainës në Europë, me 41% të përdoruesve që kanë konsumuar kokainë, përkundrejt 21% që është mesatarja e Ballkanit Perëndimor dhe 29% e Bashkimit Europian, sipas të dhënave të sondazhit të Agjencisë së Drogave të Bashkimit Europian EUDA (shiko grafikun Përdorimi i drogave në 12 muajt e fundit sipas substancave).

Anketa Europiane në Internet mbi Drogat (European Web Survey on Drugs) mblodhi të dhëna midis majit dhe korrikut 2024 nga persona përdorues të drogës, të moshës 18 vjeç e lart, që jetojnë në vendet e BE-së dhe jashtë saj. Në total, morën pjesë mbi 66 000 persona nga 31 vende.

Në Ballkanin Perëndimor u përgjigjën 4,442 individë të moshës 18 vjeç e lart, që përdorin droga (Shqipëri, Bosnjë dhe Hercegovinë, Kosovë, Mal të Zi, Maqedoni të Veriut dhe Serbi).

Analiza e përgjigjeve të të anketuarve zbuloi gjetje kyçe mbi përdorimin e tyre të drogave në 12 muajt e fundit. Të dhënat publike përfshinë gjetjet e përmbledhura të Bashkimit Europian dhe Ballkanit Perëndimor.

Të dhënat e përgjigjeve nga individët shqiptarë për Shqipërinë u vunë në dispozicion nga EUDA posaçërisht për Monitor dhe u përpunuan nga Monitor.

Shqipëri, kanabisi dhe kokaina drogat më të përdorura

Kanabisi mbetet droga që konsumohet më shumë nga individët shqiptarë, me 56% të të anketuarve që kanë deklaruar që e përdorin atë. Përdorimi i kësaj substance është shumë pak më e ulët se mesatarja e Bashkimit Europian (59%) dhe më i lartë se në Ballkanin Perëndimor (42%).

Shqipëria është e vetmja ku kokaina është substanca e dytë më e konsumuar pas kanabisit. 41% e përdoruesve të drogave thanë se kishin konsumuar kokainë në 12 muajt e fundit. kjo përqindje është dy herë më e lartë se mesatarja e Ballkanit Perëndomor dhe shumë mbi nivelin e BE-së prej 29%.

Në Ballkanin Perëndimor, substanca e dytë më e konsumuar është Benzodiazepines (pa recetë), me 22% të përdoruesve, kundrejt 5% në Shqipëri.

Në Shqipëri, substanca e tretë më e konsumuar është MDMA/Ecstasy (16%) e ndjekur nga kërpudhat dhe truflat (11%).

Kokaina mbizotëron në bare

Kokaina pudër e ka konsumin më të lartë në bare, me 75% të përdoruesve të tij shqiptarë që thanë që e pinin atë në lokale. Në shtëpi e kishin konsumuar 69% e të anketuarve, në festa ose festivale muzikore (51%), në makinë (35%), në hapësirat publike si parqe (29%), në natyrë (29%).

Kokaina kristal (crack) konsumohet më shumë në ambientet e shtëpisë (75%) dhe më pak në bare (33%).

Arsyeja kryesore e përdorimit të kokainës pudër është për të ardhur në qejf/ për argëtim (58%), për të reduktuar efektet e alkoolit (39%), për të reduktuar stresin/relaksuar (31%), për të bërë shoqëri (24%), për të qëndruar zgjuar (22%).

Kanabisi konsumohet në natyrë, për të reduktuar stresin

Ambientet e hapura janë mjedisi kryesor ku konsumohet kanabisi nga përdoruesit shqiptarë, me 67 % të përgjigjeve. Edhe shtëpia (e vetja ose e dikujt tjetër) mbetet një ambient i preferuar (61%). Në festa ose festivale muzike ishte zgjedhja për 44% e të anketuarve.

Arsyeja kryesore që i nxit shqiptarët të përdorin kanabis është për të reduktuar stresin dhe për tu relaksuar (70%), për të ardhur në qejf/ për argëtim (58%), për të përmirësuar gjumin (43%), për të menaxhuar depresionin (41%), për arsye spiritualë (31%), për varësu (24%), për të bërë shoqëri (19%).

Kanabis edhe në shkollë, kokainë në punë

17% e të anketuarve shqiptarë thanë se një nga vendet ku ata konsumonin kanabis ishte në shkolla. 11% thanë se e konsumonin në punë.

Ndonëse me përqindje të ulëta, kokaina hyn edhe në shkolla, me 4% të të anketuarve se thanë që e konsumonin dhe në shkollë.

Më i lartë është konsumi i kokainës pluhur në punë, me 20% të të anketuarve që thanë se kishin pirë kokainë në zyrë.

Edhe për kokainën kristal, 17% e përdoruesve shqiptarë thanë se e kishin marrë në punë.

Kanabis me cigare e alkool dhe kokainë me alkool e nikotinë

Përdorimi i shumëfishtë i substancave, i cili nënkupton konsumimin e dy ose më shumë substancave në të njëjtën kohë, është raportuar për të gjitha llojet e drogave. Sipas të dhënave të anketimit për Shqipërinë rezulton se 70% e të anketuare thanë se përdornin kanabis me cigare/nikotinë dhe 46% thanë kanabis me alkool.

83% e përdoruesve të kokainës pluhur thanë se e kombinonin me alkool dhe po aq me cigare/nikotinë. 26% e kombinonin kokainën dhe me bar kanabis.

Ku i gjejnë drogat shqiptarët

Një nga pyetjet e anketimit lidhet me burimin e blerjes së substancave të drogës.

Për kanabisin, 46% e përdoruesve shqiptarë thanë se e gjenin nga të afërm, ose njerëz që njohin, 31% thanë që i kontaktojnë direkt burimet përmes telefonit, email ose mesazheve.

Miqtë dhe shokët janë dhe burimi kryesor i gjetjes së kokainës (68%) dhe 47% përmes kontakteve direkte nga telefoni, mail ose mesazhet.

Edhe për substancat e tjera si Methamphetamine, Amphetamine, heroinë, burimi kryesor mbetet blerja nga miqtë.

LINK I GRAF 2

LINK I GRAF 3

The post Ekskluzive, Shqiptarët kanë konsumin më të lartë të kokainës në Europë, nga përdoruesit e drogave appeared first on Revista Monitor.

Qytetarët gjermanët u drejtohen sot (23 shkurt) kutive të votimit, pas një fushate zgjedhore intensive të dominuar nga ekonomia e lëkundur e vendit dhe një sërë sulmesh vdekjeprurëse që e kanë bërë emigrimin dhe sigurinë një çështje kryesore. Kandidati me shanse më të mëdha për kancelar të Gjermanisë, Friedrich Merz i CDU-së, i ka quajtur […]

The post Gjermania mban sot zgjedhjet, ja çfarë tregojnë sondazhet! appeared first on BoldNews.al.

Kostot e jetesës në Shqipëri janë rritur ndjeshëm vitet e fundit, duke ndikuar veçanërisht tek pensionistët dhe familjet me të ardhura të ulëta. Të dhënat tregojnë se pensionistët shqiptarë janë ndër më të varfrit në Europë, me pensione që shpesh nuk mbulojnë as nevojat bazë të jetesës, si ushqimi, strehimi dhe shëndetësia.

Revista Monitor është duke zhvilluar një sondazh në lidhje me kostot e jetës për familjet dhe pensionistët.

Vazhdimisht, Revista Monitor ka raportuar për rritjen e çmimeve dhe sfidat ekonomike me të cilat përballen qytetarët. Pavarësisht rritjes ekonomike të nxitur nga sektori i ndërtimit dhe turizmi, mirëqenia e qytetarëve nuk ka pësuar përmirësime të ndjeshme. Pensionet e ulëta dhe çmimet e larta janë ndër shqetësimet kryesore të shqiptarëve.

Ky sondazh synon të mbledhë të dhëna të sakta mbi gjendjen ekonomike të familjeve dhe pensionistëve, duke evidentuar nevojat më urgjente dhe masat që mund të ndihmojnë në përmirësimin e jetesës.

Të gjitha përgjigjet tuaja do të mbeten anonime dhe do të përdoren vetëm për qëllime studimore të Monitor. Për të marrë pjesë në raportimin tonë, ju lutem plotësoni pyetësorin e mëposhtëm.

Ju mund të na kontaktoni gjithashtu në adresën tonë të emailit: revista@monitor.al ose përmes rrjeteve tona sociale.

@Facebook

@Linkedin

@Instagram

The post Sondazh/ Kostot e jetesës për familjet dhe pensionistët: Si po i përballoni? appeared first on Revista Monitor.