Një ngjarje e rëndë ka ndodhur mesditën e sotme në Vlorë, ku një 17-vjeçare ka tentuar të vrasë veten me armë zjarri.

Ajo është transportuar nga familjarë me urgjencë në spital, ku ndodhet në gjendje të rëndë, pasi ka një plumb në kokë, afër syrit dhe sipas mjekëve të spitalin ajo është e intubuar por në gjendje shumë të rëndë.

Ndërkohë janë duke u marrë në pyetje familjarët, e paraprakisht dyshohet për vetëvrasje.

Mësohet se e reja është nga një fshat i Vlorës dhe ka qenë tek gjyshërit në lagjen ‘Kushtrimi’, ku dhe është vetëplagosur me armë tip pistoletë.

Njoftimi i policisë:

Sot, rreth orës 11:40, është paraqitur në spital, në gjendje të rëndë shëndetësore, një shtetase e mitur 17 vjeçe, e cila dyshohet se është vetëplagosur me armë zjarri pistoletë, në banesën e saj, në lagjen “Kushtrimi”. /Tch/

The post Ishte te shtëpia e gjyshërve, 17 vjeçarja qëllon veten me plumb në kokë – dërgohet në spital appeared first on Telegrafi.

Një projekt masiv që parashikon rreth 90 mijë metër katror ndërtim do ta shndërrojë bregdetin e Vlorës në një koktejl kullash me ngjyra. Projekti është hartuar nga studio arkitekturore Oppenheim për llogari të kompanisë Feniks Konstruksion. I vendosur në një kryqëzim midis qytetit të vjetër, Pyllit të Sodës dhe një marine të ndërtuar rishtazi, projekti […]

The post Zbulohet projekti/ Rama, Oppenheim dhe Shytët shndërrojnë Vlorën në një geto me ngjyra appeared first on BoldNews.al.

Pamjet e kësaj të moshuare, kur këtë të hënë kërkonte të bisedonte me kryeministrin Edi Rama në Vlorë, u bënë virale në rrjet.

Euronews Albania ka arritur t’i marrë një intervistë ekskluzive 82-vjeçares nga Vlora, Katina Thanasi, e cila ngulmoi dhe ia arriti të bisedonte me Ramën gjatë kohës që kryeministri ishte në Vlorë për inspektim në kuadër të lirimit të hapësirave publike.

Katina Thanasi tregon edhe momentet e bisedës me Ramën dhe çfarë i kërkoi ajo atij.

Ajo thotë se, pasi u shty me një efektive dhe truprojat e Ramës, i shprehu atij shqetësimin e saj.

Katina thotë se Rama i tha “çfarë ke që bërtet” dhe më pas ajo i shpjegoi problemin e kanalit pranë banesës së saj, i cili duhej pastruar.

“Jam Katina Thanasi, jam 82 vjeçare. Doli Rama, unë isha atje, më rrethuan policët se s’donin të më linin të takoja Ramën. Unë i thashë do ta takoj. Shty ata policët, shty unë dhe ata duke më shtyrë mua. Përplasja me ta ishte e vështirë. Më thanë do të arrestojmë. I thashë: ‘S’më arrestoni dot, se s’kam bërë ndonjë gjë. Nuk kam vjedhur, s’kam bërë ndonjë gjë.’ Ishte një police vajzë dhe pesë të tjerë. Shty ata mua, shty unë ata. Rama ikte poshtë, i thashë: ‘Rama, mos ik se të dua! Mos ik se të dua për kokë të djalit’, kështu i thashë. Këta më shtynin mua, Rama qëndroi aty në anë. Policët më mbanin, ndërsa unë i shtyva. Rama më tha mua: ‘Pse bërtet?’ I thashë: ‘Po bërtas për këta’. I thashë Ramës, ky kryetari i bashkisë që rrin me ty… Kam dy vjet e gjysmë që i them për pastrimin e kanalit dhe të tokës dhe ky nuk vjen. Kam shqetësim që të më pastrohet kanali dhe toka.” – tha ajo.

E pyetur nga gazetari i Euronews Albania në Vlorë nëse tani që bisedoi me Ramën do t’i zgjidhet problemi, ajo thotë se nuk ka besim pa parë veprime konkrete, ndërsa thekson se nëse kjo gjë nuk zgjidhet, do vazhdojë të kërkojë sërish që t’i jepet zgjidhje.

“Të them të drejtën, për kokë të djalit të vetëm, nuk është se kam shpresë se do më zgjidhet problemi për kokë të djalit, sepse këta të gënjejnë, të keqen nëna. Megjtihatë pasdi kam biseduar me Ramën, erdhen dy djem, i thanë këtij që ka tokën: ‘A të futemi dot te toka jote të pastrojmë?’ Ai i tha: ‘Futuni’, por ata s’janë futur akoma me prentendimin që nuk lejohet të futesh te toka e dikujt tjetër,” – thotë 82-vjeçarja.

Katina thotë se këtë problem më parë ia kishte parashtruar kryetarit të bashkisë dhe për gati dy vjet e gjysmë nuk ishte marrë asnjë masë

“Unë kam vajtur  te kryetari, e takova dhe më krehu dorën kështu. Problemi kanalit të madh… Hedhin qen të ngordhur, mushkonjat të hanë se vijnë prej kanalit. S’kanë vënë një kazan të hedhin mbeturinat, mileti. Atë i thashë: ‘Vini një kazan se njerëzit janë të papërgjegjshëm. Shqiptarët i hedhin në kanal, po s’po vënë dorë.’ Unë e takova Ramën, po merakun s’e kam hequr akoma sa të pastrohet kanali. Merakun do ta çoj deri në fund. Nëse nuk vijnë këtu, më kanë atje nesër. Për kokë të djalit, që në mëngjes, në orën 8–9 jam atje, nëse nuk do vijnë,” – thotë 82-vjeçarja.

LEXONI GJITHASHTU:

• “O Edi”,- E moshuara përplaset me truprojat e Ramës, kryeministri: Ç’a ke që bërtet
• Theth| Rama ndan videon e prishjes së fshatit turistik: Shikojeni, betoni i dynjasë

The post Ekskluzive| U përlesh me truprojat e Ramës, flet e moshuara: Pse kërkova ta takoj appeared first on Euronews Albania.

VLORË- Pas ultimatumit të disa ditëve më parë, sot janë konfirmuar dorëheqjet e drejtorëve në Bashkinë e Vlorës. Kjo u bë e ditur nga kryeministri Edi Rama, i cili tha se Bashkia e Vlorës do jetë një institucion, i cili do t’u shërbejë qytetarëve pa asnjë dallim.

Ai theksoi se drejtuesit që kanë dhënë dorëheqjen mund t’u ri-jepet mundësia të provojnë veten në një moment të dytë, por tani për tani, ata duhet të largohen.

“Drejtorët  bashkisë e kanë kuptuar që qyteti është mbi të gjitha. Dhe që janë të papërshtatshëm për atë detyrë. Natyrisht që ndonjërit mund t’i jepet mundësia në të ardhmen. Nuk do të këtë rikthim për dorëheqjet. Bashkia do të konfirmoj të gjitha dorëheqjet dhe kështu do të ndodh me të gjitha institucionet vendore  e ato rajonale. Ky është vetëm hapi i parë i një transformimi të nisur dhe që Bashkia e Vlorës do të jetë në një institucion për qytetarët dhe institucion i pagjumësisë”, tha ai.

Më tej, Rama ftoi të rinjtë të aplikojnë për postet vakante dhe garantoi se Partia Socialiste dhe qeveria do jenë në krahun e tyre.

“I ftoj të rinj dhe te reja të Vlorës të aplikojmë dhe ne do te jemi krah tyre. Një ristrukturim edhe ne PS te Vlorës me Klevisi Kason dhe Erjona Ismailin. Një parti që do të jetë e hapur për të gjithë dhe për të sjellë prurje të reja.”,  tha Rama.

Kryeministri i vendit shkundi edhe deputetët, ndërsa u kujtoi atyre se ka perënduar koha, kur problemet e qytetarëve zgjidheshin duke ndenjur kafeneve. Ai u kërkoi atyre të dalin në terren dhe të adresojnë shqetësimet e qytetarëve.

Sa i përket aksionit për heqjen e barrierave në hapësirat publike, Rama tha se operacioni nuk ka si qëllim goditjen e biznesit, por gjetjen e një harmonie të përbashkët mes të drejtës së qytetarëve dhe subjekteve tregtare.

“Ka ikur koha e deputetëve të cilët japin zgjidhje të problemeve nga kafeneja. Duhet që ata të dalin në terren dhe t’ju shërbejnë qytetarëve. Problemi i hapësirave publike është një problem që po trajtohet në terren. Nuk ka tendencë për t’i zënë frymën bizneseve. Tendenca është që të harmonizohen interesat e të dyja palëve, biznesit dhe qytetarëve. Zaptimi i trotuarit është i papranueshëm. Trotuari duhet të jetë i dedikuar vetëm për këmbësorët. Të gjithë njësitë e shërbimit në Lungomare do të kenë një dizajn të ri për të harmonizuar nevojë dhe interesin e tyre. Problematika e zënies së hapësirës publike është në çdo rrugë dhe në çdo rrugë do të veprohet.

Problemi tjetër i Vlorës janë parkimet. Kemi filluar punën për dy parkime publike dhe do të hapim të tjera investime në vijimësi, por kjo gjë nuk justifikon parkimin në kundërshtim me ligjin duke zënë hapësirën e këmbësorëve. Policia rrugore do të jetë shumë e ashpër në këtë drejtim. Problemi i ujit të pijshëm një tjetër problem i adresuar. Për shkak të ngarkesës që ka qyteti në këtë periudhë dhe për shkak të investimeve. Çfarë kemi konstatuar është një keq menaxhim vitet e fundit i ujësjellësit të Vlorës në këtë drejtim. Ka një abuzim madhor për konsumimin e ujit të pijshëm për të vaditur bahcet dhe tokat bujqësore. Ministria po përgatit një paketë për ta reformuar këtë sektor.

Me qëllimin përmirësimin e furnizimit me ujë të pijshëm kryesisht në zonat turistike. Drejtorët e bashkisë së dorëhequr kanë treguar se janë të papërshtatshëm për ta kryer atë detyrë. Ndërkohë që atyre mund t’ju jepen mundësi të reja në të ardhmen, por dua t’i bëj thirrje që të gjithë ata që vijnë të shërbejnë siç duhet. Ne do të jemi shumë kërkues sa i përket shërbimeve dhe emërimit të tyre sipas meritës.

E njëjta gjë do të vlejë edhe për drejtuesit e institucioneve qendrore në Vlorë, të cilët janë dorëhequr. Asnjë person që ka mbuluar funksionet publike nuk do të rimerret si drejtues në këtë fazë.  Të gjithë drejtuesit do të merren të rinjtë. Të gjithë janë të mirëpritur të kontribuojnë më shumë për qytetin.

Të gjithë ata që kanë studiuar në Vlorë në Tiranë apo jashtë vendit që janë të dëshiruar të shërbejnë në administratën e shtetit apo në administratën e Vlorës që punojnë kamerier apo punë të tjera. Janë të pritur që të vijnë dhe të konkurrojnë për postet përkatëse Bashkia do të konfirmojë të gjitha dorëheqjet dhe do të hapi garën për udhëheqës të rinjtë.

Ajo që ne kemi bërë në Vlorë me grupin e deputetëve që na dha një rezultat tepër të mirë është vetëm hapi i parë për disa reforma në vijimësi që do të ofrohen. Një kapitull i ri do të fillojë edhe për Partinë Socialiste të Vlorës, ku janë komanduar dy bashkëkryetarë të rinj Erjona dhe Klevisi. Erjona është edhe deputete ndërkohë që Klevisi është këtë në Vlorë për të mbajtur shtëpinë hapur në mënyrë të pandërprerë shtëpinë e Partisë Socialiste

Të gjithë kryetarë e organizatës politike do të vlerësohen sipas shërbimit të tyre në 11 Maj. Ndërkohë partia do të hapet totalisht për të krijuar grupe të reja për të ftuar individë të rinj të jenë kontribuues. Do të hapen edhe grupet me qytetarët për të evidentuar çdo gjë në terren në kohe reale.

Këtu nuk ka të majtë edhe të djathtë. Këtu tek ne ka parazitë dhe njerëz që janë të gatshëm për t’i shërbyer Vlorës. Parazitët janë edhe të majtë edhe të djathtë. Ndërsa edhe këta që janë të aftë janë edhe të majtë edhe të djathtë. Ne jemi me këta të dytët pavarësisht ngjyrimeve politike. Kjo është qasja që ne kemi zgjedhur dhe besoj se do kjo qasje do të sjell vetëm gjëra të mira të Vlorës”, tha Rama.

Artikulli me titull “Shqipëria në shitje, po blen Jared Kushner” është përkthyer nga revista amerikane Jacobin, një platformë progresiste e së majtës demokratike, e cila njihet për analizat e saj të angazhuara mbi kapitalizmin global, pushtetin politik dhe ndikimet e elitave ekonomike në vendet e brishta. Jacobin nuk është një burim neutral — është një zë ideologjik, por i artikuluar dhe i informuar, që sjell shpesh këndvështrime të munguara në median tradicionale.

Në qendër të shkrimit që pason është projekti luksoz i Jared Kushner në ishullin e Sazanit, një investim i prezantuar publikisht si “shans zhvillimi” për Shqipërinë, por që autori Matt Broomfield e sheh si pjesë të një loje më të madhe gjeopolitike, ku sovraniteti dhe pasuritë natyrore shqiptare po shiten lirë për interesa politike dhe financiare.

Shkrimi hedh dritë jo vetëm mbi mekanizmat ligjorë të anashkaluar për t’u shërbyer investitorëve të privilegjuar, por edhe tek një varfëri “e planifikuar”, ku dallohen banorë që, të lënë në harresë nga shteti për vite me radhë, janë nxitur të shesin tokën për çmime qesharake, ndërsa në sfond ngrihen pista avionësh dhe resortet që nuk do t’i përfshijnë më.

Ndërthurja e Kushnerit me qeverinë Rama shfaqet në artikull si një akuzë e gjerë kundër mënyrës se si qeveritë përdorin varfërinë si armë dhe tokën si monedhë shkëmbimi në tregun global të aleancave dhe propagandës.

Më poshtë shkrimi i plotë: 

Pasi dhëndri i Donald Trump, Jared Kushner, vulosi një investim prej 1.4 miliardë dollarësh për të zhvilluar Sazanin, ishullin më të madh të Shqipërisë, në një vendpushim luksoz, ai shpërndau maketet dixhitale të rezervatit natyror të transformuar me radhë apartamentesh me fasada xhami dhe pishina pa fund. Imazhet të kujtojnë vizionin e çuditshëm të Trump, të gjeneruar nga Inteligjenca Artificiale, për një “Riviera të Gazës”, duke projektuar një vendpushim luksoz të ndërtuar në tokën e lënë pas nga 80 mijë palestinezë të masakruar dhe 2 milionë të zhvendosur ose të deportuar.

Megjithatë, të dy projektet janë të lidhura nga më shumë sesa vizione të ngjashme pa shije luksi. Affinity Partners, mjeti i investimit përmes të cilit Kushner po blen Sazanin, u krijua për të përdorur paratë saudite për të ndërthurur investimet midis Izraelit dhe botës arabe. Dhe Shqipëria, një vend i varfër evropian me një identitet mysliman dhe një uri për integrimin perëndimor, është një pjesë kyçe e enigmës.

Siç sugjeron mega-projekti i Sazanit, sovraniteti dhe besnikëria gjeopolitike e Shqipërisë janë gjithnjë e më shumë në shitje dhe Izraeli është i pari në radhë pas Kushnerit. Duke ofruar hapësirë jo vetëm për zhvillimin e Sazanit, por edhe për kopshte, qendra shëndetësore dhe projekte të inteligjencës artificiale të sponsorizuara nga Izraeli, militantë të opozitës iraniane të lidhur me Izraelin, dhe madje edhe një mikroshtet mysliman pro-izraelit i hedhur në diskutim, kryeministri shqiptar Edi Rama po e pozicionon vendin e tij si një pikë të rëndësishme për një konstelacion në zhvillim të populistëve të krahut të djathtë dhe apologjetëve të Izraelit.

“Ata vijnë me helikopter”

Mbërrita në Sazan disa orë pasi Kushner dhe gruaja e tij Ivanka Trump kishin bërë vizitën e tyre të fundit të jashtëzakonshme. “Ata erdhën me një eskortë të madhe ushtarake dhe anijet tona duhej të qëndronin larg”, – thotë Arbeni, një vendas i ri që rri ulur në skelën e ishullit dhe i cili jeton duke organizuar udhëtime me anije nga Vlora. “Ata nuk na konsultuan, sigurisht. Një ditë kryeministri ynë doli në TV dhe na tha se ishulli ishte shitur.”

Ishulli krenohet me një klimë subtropikale, ujëra kristalore, një mbulesë të harlisur me fier dhe mijëra bunkerë të epokës së Luftës së Ftohtë, që datojnë nga diktatura komuniste ultra e izoluar e Enver Hoxhës. Sot, pjesa më e madhe e ishullit mbetet e ndaluar për publikun dhe e mbushur me municione të pashpërthyera, ndërsa një luftanije e vogël e marinës qëndron në port. Ishulli mbeti në duart e shtetit deri në shitjen e tij në vitin 2024 te Kushner, me qeverinë shqiptare që ndryshoi me shpejtësi ligjet e saj për të lejuar zhvillime luksoze edhe në zonat e mbrojtura.

“Nëse je një “investitor strategjik”, – mund ta shkelësh ligjin, sepse qeveria jonë nuk është gjë tjetër veçse mafioze”, – thotë Kosta Xhaho, oficer lokal për një OJQ mjedisore, duke iu referuar këtij boshllëku të përshtatshëm. Duke e ëmbëlsuar më tej marrëveshjen, Affinity Partners i Kushnerit nuk do të paguajë asnjë taksë gjatë ndërtimit, ndërsa qeveria shqiptare do të mbështesë kostot e infrastrukturës.

Projekti i ndërtimit shtrihet edhe në kontinent. Në agim, unë dhe Xhaho udhëtuam nga Vlora në një rezervat natyror fqinj ku Vjosa, e trumbetuar si lumi i fundit vërtet “i egër” i Evropës, derdhet në Adriatik. Delta ka një bukuri sureale. Flamingot flenë në kënetat e kripura ndërsa pelikanët fluturojnë sipër, ndërsa foka, çakej dhe breshka të mbrojtura gjenden gjithashtu në këtë pjesë të rrallë të pazhvilluar të bregdetit Adriatik. Xhaho e njeh qartë rezervatin nga afër – ai tregon saktësisht 281 vezë flamingo të vendosura në një pjesë të caktuar të deltës, së bashku me individë të njohur personalisht prej tij.

Por, megjithëse Vjosa u bë Parku i parë Kombëtar i Lumit të vetëm të Egër në Evropë vetëm në vitin 2023, zhvillimi paralel i Kushner këtu do të zhdukë vezët e flamingove dhe po ashtu edhe kasollet buzë detit. Dhoma për rreth 20 deri në 30 mijë turistë do të mbulojnë lagunat, së bashku me një kazino në kep të Monte Karlos. Aty pranë, ndërtimi është drejt përfundimit të asaj që Rama pretendon se do të jetë aeroporti më i madh në Ballkan, duke përpunuar 705 mijë vizitorë çdo vit dhe madje duke u mburrur me fluturime direkte për në Shtetet e Bashkuara. Xhaho paralajmëron se trafiku ajror hyrës do të prishë jetën e pasur të shpendëve të rajonit, por pranon se këto ankesa nuk ka gjasa t’i dekurajojnë investitorët: “[Kushner dhe Trump] vijnë me helikopter dhe ikin përsëri në të njëjtën mënyrë, sepse nuk duan të luftojnë me njerëzit e zakonshëm”, thotë ai.

“Bum turizmi”, po për kë?

Turizmi është kuptueshëm një biznes i madh në Shqipërinë post-komuniste, e cila tërhoqi gati 12 milionë vizitorë në vitin 2024 – 4 herë më shumë se popullsia e saj vendase. Investimet e diasporës janë rikthyer, duke e bërë Rivierën Shqiptare dikur të paprekur, të mbytet me zhvillime gjysma hotelesh dhe baresh plazhi të privatizuara. Sigurisht që ka para për të fituar, megjithëse korrupsioni dhe pastrimi i parave mbeten të përhapura dhe kostoja e jetesës është gjithnjë e më e pamundur. Kjo situatë e lë shumicën e vendasve të varur nga një kombinim i dërgesave nga të afërmit jashtë vendit dhe sezonit turistik të verës. Për Xhahon, “gjatë 10 viteve të fundit, Shqipëria ndryshoi plotësisht – por ndryshoi më shumë nga [në terma] betoni sesa në një mënyrë pozitive.”

Disa vendas padyshim do të përfitojnë nga investimi i Kushnerit. Kapiteni i anijes dhe guida turistike, Arbri, i cili thotë se ka shoqëruar delegatët nga organizata e investimeve të Kushnerit në Sazan, përsërit të njëjtin pretendim, por në një dritë pozitive. “Krahasuar me 10 vjet më parë, vendi ynë është tashmë i panjohur” – thotë ai, duke pirë një kafe jashtë një manastiri ishullor brenda zonës së propozuar të zhvillimit. “Tani [Rama] po e çon atë në nivelin tjetër… Kjo zonë ishte bosh, kështu që një investim i mirë po vjen këtu.”

Fshatrat kënetore brenda Deltës së Vjosës, ku pulat ende vrapojnë në rrugë edhe teksa kulla e kontrollit të aeroportit ngrihet sipër, janë një botë larg vizionit të Kushnerit. Xhaho argumenton se qeveria qëllimisht e vuri zonën në shënjestër për zhvillim pavarësisht mbrojtjes së saj formale, duke ditur se vendasit e varfër dhe të moshuar nuk do të kishin gjasa ta kundërshtonin planin: “Qeveria i neglizhoi këto fshatra për vite me radhë, pa energji elektrike ose ujë; dhe kështu vendasit shitën tokën e tyre për 15 euro për metër katror, ndërsa mendonin se mund të bënin parkingje makinash e kështu me radhë. Por tani toka është e mbyllur dhe ata do të duhet të largohen”. Një bari i moshuar në fshatin fqinj gabimisht besoi se do të ishte në gjendje të kulloste kopenë e tij në pistën e aeroportit, por në vend të kësaj po largohet.

Nga ana e tij, Xhaho thotë se OJQ-ja e tij nuk është kundër zhvillimit dhe pranisë njerëzore brenda deltës në vetvete: “Babai im ishte peshkatar këtu për 35 vjet, derisa u bë një zonë e mbrojtur. Ata e mbrojtën vetë, nga zjarret dhe nga erozioni i tokë”. Por ai beson se zhvillimet e reja do të jenë vendpushime me paketa turistike të izoluara, duke ofruar mundësi të kufizuara punësimi, ndërsa i çojnë çmimet në nivele gjithnjë e më të papërballueshme dhe duke shkatërruar në mënyrë të shkurtër burimet natyrore të brishta që janë burimi përfundimtar i të gjithë interesit turistik.

Affinity — dhe Përtej

Fshatrat e qeta dhe vendet e vëzhgimit të zogjve të Deltës së Vjosës duken si një botë larg tmerreve të Rripit të Gazës. Megjithatë, edhe ky zhvillim përshtatet në vizionin e Trump për rajonin strategjik të Mesdheut Lindor, nga Vlora përtej qindra miljeve oqean deri në Qytetin e Gazës.

Ishte Kushner ai që hodhi idenë e pamundur të zhvillimit të “pronës shumë të vlefshme… bregdetare” të një Gaze të pastruar etnikisht, pas deportimit të banorëve të saj të mbijetuar. Affinity Partners, e cila ka marrë miliarda nga sauditët, Katari dhe Abu Dhabi, dhe tashmë po investon masivisht në Bregun Perëndimor të pushtuar, mund ta trajtojë Sazanin si një vend të papërshtatshëm për planet e saj në një Gazë të administruar nga Izraeli pas gjenocidit. Shtypi izraelit madje përshkroi shkurtimisht se 10 mijë banorë të Gazës do të zhvendoseshin në Shqipëri.

Rama e mohoi këtë, por sipas thashethemeve, ai e ka vendosur vazhdimisht vendin e tij si një aleat të rëndësishëm të Izraelit në botën myslimane përgjithësisht armiqësore, duke hedhur poshtë karakterizimin e regjimit të Hoxhës për Izraelin, në stilin iranian, si “Satani i vogël”, ndërsa luan me trashëgiminë krenare të Shqipërisë për mbrojtjen e refugjatëve hebrenj gjatë Holokaustit.

“Shqipëria tradicionalisht ka qenë një mbështetëse e padiskutueshme e politikës së jashtme të SHBA-së në administrata të ndryshme”, – thotë Alfred Bushi, një aktivist i “Lëvizjes Bashkë” e opozitës së krahut të majtë të Shqipërisë, duke e cilësuar refuzimin e qeverisë për të votuar për një armëpushim në Gaza në OKB si një “njollë turpi për vendin”. Si falënderim për këtë mbështetje të palëkundur, Rama kohët e fundit mori çmimin më të lartë civil të Izraelit. Kryerabini i Shqipërisë, Yoel Kaplan, është një oficer i IDF-së, i cili është parë duke udhëhequr trupat në lutje, duke festuar shkatërrimin e Gazës.

Aty ku portet e tjera kanë refuzuar të trajtojnë pajisje ushtarake izraelite, bregdeti shqiptar ka mbetur i hapur për biznes. Ky vend i vogël është furnizuesi i katërt më i madh në botë i naftës thelbësore për Izraelin. Të dy vendet kanë thelluar lidhjet e eksportit të sigurisë kibernetike dhe mbrojtjes. Projekte si investimi i ambasadës izraelite në një kopsht lokal, ose Java e Kulturës Izraelite në kryeqytetin shqiptar, Tiranë, shërbejnë më tej për të zbardhur gjenocidin izraelit në Gaza. Fluturimet e reja direkte midis Tiranës dhe Tel Avivit, plus dy muze të rinj që festojnë trashëgiminë hebraike të Shqipërisë, parashikohet të rrisin më tej lidhjet turistike midis dy vendeve.

“Kur Izraeli është i përfshirë në një kopsht, në një spital, në projekte mbrojtjeje dhe inteligjence artificiale, atëherë kjo më shqetëson thellësisht, si një shqiptare”, – thotë aktivistja lokale Fioralba Duma, e cila ka bërë fushatë kundër ndikimit izraelit në Shqipëri. “Është një politikë e rrezikshme, që fsheh interesat e të tjerëve.”
Kompleksi i Kultit dhe Mikroshteti Pro-Izrael

Një aspekt veçanërisht i habitshëm i këtij bashkëpunimi është oferta e Ramës për territorin shqiptar për të shërbyer si një pikë referimi perëndimore kundër Iranit. Gjatë dekadës së fundit, Shqipëria ka pritur disa mijëra anëtarë të Organizatës Popullore Muxhahedine të Iranit (MEK), një fraksion i çuditshëm opozitar i cili ka dekada të tëra në mërgim, duke u bërë gjithnjë e më i pafuqishëm, paranojak dhe i izoluar nga realitetet e Iranit bashkëkohor. Nga viti 2013 deri në vitin 2016, Shtetet e Bashkuara transferuan anëtarët e MEK-ut nga një kompleks i mbyllur në Irak në një tjetër në bregdetin shqiptar, ku ata vizitohen herë pas here nga figura të larta të sigurisë dhe politike të SHBA-së, përfshirë ata rreth administratës Trump, të cilët vazhdojnë ta përgatisin grupin për veprime ushtarake në Iran. (Në vitin 2022, Shqipëria dëboi të gjithë ambasadën iraniane pasi kjo e fundit dyshohet se nisi sulme të shumta kibernetike kundër vendit ballkanik.)

I pakënaqur me këtë gjest të jashtëzakonshëm vullneti të mirë, në vitin 2024 Rama e tejkaloi veten duke premtuar të krijojë një mikroshtet mysliman të pavarur dhe pro-izraelit. Urdhri i lashtë fetar mysliman bektashi mbështetet në traditat sunite dhe shiite, ka miliona ndjekës të përqendruar në Turqi dhe selinë e ka në Shqipëri. Të bindur nga Shtetet e Bashkuara, udhëheqësit bektashi janë larguar nga një marrëdhënie e mëparshme me Teheranin dhe janë afruar gjithnjë e më shumë me sferën e ndikimit izraelit. Vizita të ndërsjella, shkëmbime çmimesh, deklarata bektashiane në mbështetje të Izraelit dhe biseda për projekte të përbashkëta ekonomike kanë pasuar, të gjitha, duke kulmuar kur grupi mysliman priti ngrohtësisht Presidentin izraelit Isaac Herzog si mysafir në kulmin e gjenocidit.

Si shpërblim, Rama deklaroi në mënyrë të njëanshme krijimin e pamundur të asaj që do të ishte shteti më i vogël në botë, i modeluar sipas Qytetit të Vatikanit dhe i vendosur fizikisht në selinë e bektashinjve në Tiranë. “Krijimi i shtetit është shumë problematik në të drejtën ndërkombëtare”, – thotë aktivistja Duma. “Vetëm imagjinoni – ushtarët izraelitë të kërkuar për krime gjenocidi mund të udhëtojnë atje dhe të jenë të sigurt nga ekstradimi”. Cilido qoftë rezultati përfundimtar, Tel Avivi do të vazhdojë të përfitojë, pasi udhëheqësit bektashinj refuzojnë me kokëfortësi të dënojnë gjenocidin në Gaza dhe bëjnë paraqitje të vazhdueshme së bashku me Kaplanin, rabinin shqiptar dhe mbështetësin e IDF.
Sovraniteti në shitje

Qoftë shteti bektashi, kompleksi MEK, apo ishulli i Sazanit, sovraniteti dhe territori shqiptar janë në dispozicion. Kohët e fundit Rama arriti fitoren e tij të katërt radhazi zgjedhore, duke hedhur poshtë akuzat e opozitës për keqmenaxhim zgjedhor, bazuar në premtimet e mëdha për anëtarësim në Bashkimin Evropian deri në vitin 2030 dhe integrim të mëtejshëm me Perëndimin.

Praktikisht, kjo do të thotë nxitje e marrëdhënieve të ngrohta me Trump dhe Netanyahu, por edhe me figura, përfshirë italianen Giorgia Meloni, e cila sapo ka ndërmjetësuar një marrëveshje të diskutueshme prej 653 milionë dollarësh për të ngritur qendra ndalimi për emigrantët në tokën shqiptare. Marrëveshje të ngjashme janë duke u zhvilluar në të gjithë rajonin e Ballkanit Perëndimor. Veçanërisht, Affinity Partners i Kushner është njëkohësisht i angazhuar në një projekt jo më pak të diskutueshëm për të shndërruar një vend në qendër të Beogradit, i cili aktualisht përfshin një monument për viktimat e fushatës së bombardimeve të NATO-s kundër Jugosllavisë, në një tjetër zhvillim luksoz prej 500 milionë dollarësh.

Në të gjithë Ballkanin, “integrimi” perëndimor që ofrohet përbën një rrjetë interesash biznesi që lidh udhëheqësit e fortë rajonalë me udhëheqësit globalë të populistëve të djathtë, ndërsa ata përfitojnë nga mundësitë e investimeve pa taksa ose blejnë ndikim gjeopolitik me çmim të lirë. Për Shtetet e Bashkuara dhe fuqitë evropiane, “ajo që ka më shumë rëndësi sesa ekzistenca e një shteti demokratik të qeverisur nga sundimi i ligjit është një qeveri e nënshtruar [shqiptare] e gatshme t’u shërbejë interesave të tyre politike dhe ekonomike”, thotë Bushi.

Kur presidenti izraelit Herzog i dha Ramës çmimin më të lartë civil të Izraelit, ai pretendoi se mbështetja e palëkundur e Ramës përmblidhte vlerën shqiptare të “besës” – një kod nderi që thekson besnikërinë dhe mikpritjen ndaj të huajve. Asnjëri nuk kurseu asnjë mendim për palestinezët që po dëboheshin nga shtëpitë e tyre në atë moment.

*Autori është një gazetar i pavarur dhe studiues. Shkrimi është botuar në Jacobin.com që është një revistë e njohur amerikane me seli në Nju Jork që mbështet bindjet e majta. Shkrimi u përshtat në shqip nga LAPSI.al

The post Revista amerikane: Shqipëria në shitje dhe tregtari Jared Kushner appeared first on Lapsi.al.

Ka vijuar edhe në orët e mbrëmjes aksioni për pastrimin dhe lirimin e mjediseve publike në Vlorë.

Mbrëmjen e sotme drejtoria e policisë së Vlorë, ajo rrugore por dhe drejtues së bashkisë së Vlorës ndodhen sërish në terren , por këtë mbrëmje po largohen makinat që janë parkuar në zona ku janë hapësira publike.

Madje aksioni do te vijojë deri në orët e para të ditës për lirimin e të gjitha ambienteve ku parkohen makina, të cilat largohen me karrotrec duke i dërguar në pika  bllokimi ku më pas vendosin dhe masa administrative./abcnews.al

Një takim me dyer të mbyllura, i mbajtur të enjten në bashkinë e Vlorës nga kryeministri Edi Rama, u pasua me një furtunë dorëheqjesh nga drejtuesit e kësaj bashkie, sipas raportimeve mediatike.

Në takim ishin të pranishëm kryebashkiaku socialist, Ermal Dredha, ministri për Pushtetin Vendor, Arbjan Mazniku dhe deputetë socialistë në këtë qark. Rama paralajmëroi se takime të ngjashme do të pasonin në Durrës, Fier, Elbasan dhe Shkodër për të diskutuar problematikat me shërbimet që u takojnë bashkive, si zënia e hapësirave publike nga lokalet apo parkimet.

“…është bërë e papranueshme dhe e padurueshme për shumë njerëz, për shumë lagje në qytetet e mëdha ushtrimi i forcës, ushtrimi i vullnetit abuziv, edhe patjetër, edhe sy mbyllja e strukturave përkatëse, siç për shembull, është krejtësisht evidente dhe e pajustifikueshme në Vlorë,” tha më pas Rama në një lidhje live me ndjekësit në rrjetet sociale.

Përfshirja e kryeministrit Edi Rama në punët e pushtetit lokal vjen pas një fitoreje të thellë të Partisë Socialiste në zgjedhjet e 11 majit, ndërkohë që kontrollon 54 nga 61 bashkitë e vendit.

Për ekspertët e pushtetit vendor, ndërhyrja e drejtpërdrejtë e Ramës në çështjet e pushtetit vendor përbën një cënim të rëndë të parimit kushtetues të ndarjes së pushteteve.

Neni 13 i Kushtetutës përcakton se “Qeverisja vendore në Republikën e Shqipërisë ngrihet në bazë të parimit të decentralizmit të pushtetit dhe ushtrohet sipas parimit të autonomisë vendore” dhe këto parime shtjellohen e mbrohen dhe në ligjin “Për vetëqeverisjen vendore”.

Agron Haxhimali, drejtor i Institutit për Bashkitë Shqiptare i tha BIRN se sjellja e Ramës i shkel kryekëput këto dispozita ligjore dhe i kthen bashkitë në ‘zyra partish’.

“Ndërhyrja e Kryeministrit Rama në shkarkimet në Bashkinë Vlorë përbën një cënim të qartë të autonomisë vendore dhe ndarjes së pushteteve,” tha Haxhimali.

Sipas tij, edhe pse shqetësimet lidhur me performancën qëndrojnë, mënyra e ndërveprimit për çështje administrative është e gabuar. “Bashkitë nuk janë zyra partish, as të partisë në pushtet, as të atyre në opozitë,” theksoi ai.

Haxhimali sqaron se bazuar në ligjin për vetëqeverisjen vendore, emërimet dhe shkarkimet në administratën e bashkisë janë kompetencë ekskluzive e kryetarit të bashkisë dhe se kjo ndërhyrje rrezikon sipas tij ta kthejë pushtetin vendor në një zgjatim politik të qeverisë qendrore.

Edhe Dhurata Çupi, ish- deputete e Partisë Demokratike që bashkëdrejtoi një komision parlamentar të posaçëm për reformën vendore, e sheh me shqetësim ndërhyrjen e kryeministrit në punët e bashkive.

“Shkarkimi i drejtorëve të bashkive apo emërimi i zëvendëskryetarëve të bashkive me urdhër të Kryeministrit, rasti i bashkive Vlorë dhe Tiranë, është një shkelje flagrante e parimeve të decentralizimit dhe autonomisë vendore, të garantuara nga Kushtetuta dhe ligji shqiptar,” tha Çupi për BIRN.

Ajo e akuzon Ramën se në mënyrë të qëllimshme po kërkon të vendosë kontroll total mbi institucionet vendore, kontroll, që sipas saj, “i kthen bashkitë në varësi të Kryeministrit, në vend që të jenë në funksionin për të cilin janë votuar, atë të shërbimit ndaj qytetarëve”.

“Rama nuk po lufton as korrupsionin, as paaftësinë, por po zhbën totalisht ndarjet e pushteteve dhe sjellja e tij tregon interesin për kontroll edhe mbi vendimarrjet e bashkive,” shtoi ajo.

Sipas Çupit, ndërhyrjet politike nga qeveria qendrore në strukturat drejtuese të bashkive janë të ndaluar në mënyrë të qartë në nenet kushtetuese dhe në ligjin nr. 139/2015 “Për vetëqeverisjen vendore”. /Marrë nga Reporter.al

The post BIRN: Ndërhyrja e Ramës në Bashkinë e Vlorës zhbën “ndarjen ligjore të pushteteve” appeared first on Lapsi.al.

Në kulmin e sezonit turistik, Vlora vuan ende mungesën e furnizimit me ujë të pijshëm. Disa prej lagjeve të qytetit mbeten më problematike, të cilat prej 30 vitesh nuk furnizohen me uijë. Në çezmat e banorëve të lagjes Partizani nuk ka ujë. Banorët shprehen se ankesat e tyre të përsëritura, nuk kanë marrë ende zgjidhje. […]

The post Disa lagje të Vlorës pa ujë në mes të sezonit turistik appeared first on BoldNews.al.

Ivanka Trump, vajza e presidentit të Shteteve të Bashkuara, Donald Trump ka vizituar së bashku me familjen Shqipërinë gjatë muajit qershor.

Në një postim të fundit në Instagram, ajo ka postuar disa foto, mes të cilave shfaqet së bashku me të birin në jugun e Shqipërisë.

Gjatë vizitës së fundit në Shqipëri çifti Ivanka Trump dhe Jared Kushner vizituan ishullin e Sazanit, ku aktualisht është në fazë planifikimi ndërtimi i një resorti luksoz me pesë yje.

Gjithashtu, ata qëndruan për disa orë edhe në zonën e Zvernecit, një tjetër pikë me potencial të lartë për zhvillim turistik. Edhe atje, raportohet se është në shqyrtim një tjetër projekt investimi në fushën e hotelerisë dhe shërbimeve turistike.

The post Ivanka Trump poston foto nga Vlora appeared first on Euronews Albania.

Jared Kushner dhe bashkëshortja e tij, vajza e presidentit amerikan, Ivanka Trump së bashku me fëmijët e tyre vizituan jugun e Shqipërisë.

Edhe pse zgjodhën që vizita e tyre të qëndronte larg syrit të mediave, fotografi të Ivankës dhe Kushner qarkulluan në rrjet gjatë vizitës së tyre disa ditë përpara pjesëmarrjes në dasmën madhështore të Jeff Bezos dhe Lauren Sanchez.

Pasi vizituan gjirin e Vlorës me mjet lundrues tip Jaht, ata hëngrën darkë në një restorant në Vlorë.

Ditën e sotme vetë Ivanka Trump ka postuar një fotoalbum me disa prej momenteve të muajit qershor ku nuk mungojnë as fotografitë nga vizita në Shqipëri.

“Mirupafshim qershor”, ka shkruar Trump krahas fotove.

Sigurisht që qëllimi i vizitës së tyre nuk ishte vetëm turistik, por edhe për të parë nga afër ishullin e Sazanit, ku do investojnë 1.4 miliardë euro, që synon ndërtimin e një marine turistike, rezidencash elitare, zone gastronomike dhe akomodimi në një sipërfaqe prej 45 hektarësh në 8 për qind të ishullit.

Ata kanë konsumuar darkën, kanë bërë foto në perëndimin e diellit në sfond dhe janë larguar sërish me mjet lundrues drejt Venecias ku mbahej dasma madhështore e Jeff Bezos.

View this post on Instagram

A post shared by Ivanka Trump (@ivankatrump)

The post Kaluan fundjavën në bregdetin shqiptar, Ivanka Trump ndan fotografitë me Kushner dhe fëmijët nga Vlora appeared first on Albeu.com.

Bajpasi i Vlorës që prej hapjes së tij tre vjet më parë lehtëson qarkullimin e automjeteve gjatë sezonit turistik.

Kryeministri Edi Rama ndau sot në rrjetet sociale pamje nga ky bajpas, i cili është ndërtuar me standardet më të mira dhe parametrat më të lartë të sigurisë.

Rruga e re me gjatësi 29 km vlerësohet një ndër segmentet me ndikimin më të lartë turistik që ka ndikuar ndjeshëm në lehtësimin e trafikut në qytetin e Vlorës.

Bajpasi nis nga rrethrrotullimi në fund të autostradës Levan-Vlorë. Rruga anashkalon Kaninën në pjesën perëndimore mbi Vlorë, në një nivel rreth 300 m nën kështjellë, nga ku ofron pamje spektakolare përgjatë gjirit të Vlorës.

Në çdo 1.5 kilometër të kësaj rruge janë krijuar vendpushimi për automjetet.

Me përfundimin e disa projekteve të rëndësishme infrastrukturore, e gjithë zona është kthyer në një superdestinacion turistik, me infrastrukturë të nivelit evropian. /ATSH/

The post Sezoni turistik, Rama ndan pamje nga bajpasi i Vlorës appeared first on Telegrafi.

Nga Sebi Alla Kryebashkiaku aktual i Vlorës, Ermal Dredha, në nisje të punës së tij në vitin 2023, shpalli “prioritet pastrimin e qytetit” dhe zgjidhjen e çështjeve të mbetjeve. Për të tretin vit radhazi, Vlora ka përjetuar në periudhën e sezonit turistik disa herë djegie të mbetjeve urbane në venddepozim pranë lagjes 24 Maji.

Problematika

“Isha aty atë ditë (më 7 qershor) kur u ndez zjarri në fushën e depozitimit të mbetjeve. Dukej si shpërthim bërthamor mjedisor. Është e patolerueshme djegia e mbetjeve”, tha për Faktoje.al eksperti mjedisor, Lavdosh Ferruni.

Ende nuk ka një studim të mirëfilltë sa është sasia e mbetjeve urbane që krijojnë problematikë aty, por diskutohet të jetë mbi 350 mijë ton dhe përveç erës së rëndë, kryesisht banorët pranë vendgrumbullimit të mbetjeve janë të riskuar seriozisht në shëndet. “Dioksina dhe furanet që dalin nga djegia e mbetjeve, janë të vërtetuara që janë kancerogjene. Gjithashtu ka kontaminim në tokë, ujë dhe ajër. Djegiet e mbetjeve urbane, veçanërisht plastika, klasifikohet nga ndotjet më të rrezikshme”, thotë Ferruni.

Reagimi

Vetë Bashkia Vlorë shkon edhe më “larg” në problematikën e djegies së mbetjeve, duke pranuar se ka pasoja të rënda, e madje ndikim edhe në ngrohjen globale. “Djegia e mbetjeve çliron në ajër shumë elementë si dioksina, furane, polikarbone, okside të squfurit, okside të azotit CO2 dhe metani i çliruar nga mbetjet kontribuojnë në ngrohjen globale. Tymin dhe aromën e rëndë e përjetojnë komunitetet përreth”, konstaton Bashkia Vlorë në përgjigjen e dhënë për Faktoje.al.

Ndërkohë, kreu i bashkisë Ermal Dredha nuk është i vetmi që premtoi zgjidhjen e këtij problemi. “Na kanë premtuar se do zgjidhet kjo çështje. Madje para zgjedhjeve erdhën disa deputetë dhe na thanë që mbetjet do të largohen, por asgjë nuk shihet, plehrat vijojnë të hidhen ende”, shprehet për Faktoje.al Valentin Aliaj.

“Ehhh sa kemi dëgjuar nga këta, çdo kryetar bashkie që ka ardhur këtë ka thënë gjithnjë; ’do ta zgjidhim shpejt’, po ku është zgjidhja?”, ngre pyetjen banori tjetër Ismail Lazaj, duke treguar me dorë malin e madh me mbetje që në dy tre vatra të vogla vijon të nxjerrë tym. 

Fakt

Mes një pirgu të madh me mbetje, dy barinj heqin udhën për një tufë të madhe dhensh, ngjyra e të cilëve ka marrë tërësisht pamjen e mbeturinave urbane, një gri e theksuar. Lirshmërinë ua prish zhurma e një kamionçine me logon e Bashkisë Vlorë të mbushur me plehra, e cila shkarkon vrullshëm dhe largohet shpejt për të mos rënë në sy. Me këtë pamje Faktoje.al u përball mëngjesin e 16 qershorit në nisjen e sezonit turistik në Vlorë.

Në reagimin për Faktoje.al, Bashkia Vlorë pranon se aty vijojnë të hidhen mbetje, por, sipas tyre, janë materiale që nuk pranohen për përpunim në Landfill. “Në vendgrumbullimin e vjetër hidhen vetëm mbetje inerte të cilat nuk pranohen në Landfill si: mbetjet e orendive shtëpiake, pajisjet elektroshtëpiake, pajisjet hidrosanitare, mbetjet e pajisjeve elektronike dhe materialeve të ndërtimit”, thotë Ndërmarrja e Pastrimit e Bashkisë Vlorë.

Faktoje.al, në dy raste konstatoi se kamionçinat shkarkuan mbetje urbane. Lagjja “24 Maji” në Vlorë, në pikën ndarëse mes Pyllit të Sodës dhe Zvërnecit, është kthyer në një burim të frikshëm infeksionesh nga mbetjet, erës së rëndë, dioksidit të karbonit nga djegia dhe pasiviteti nga administrata lokale në përballimin e situatës. “Aty është sëmundje e madhe. Sidomos mëngjesi kur digjen plehrat është problem, nuk marrim dot frymë”, thotë Ismail Lazaj, një banor i zonës, nga të paktit që pranoi të fliste, pasi frika se po folën u hapen probleme në punë, apo në biznesin e vogël, është e madhe.

Bashkia

“Mos të hidhen akuza në tym, sepse i bëhet dëm Vlorës. Është gjithë ajo punë kolosale. Duhet të kuptojmë një gjë, ka 40 e ca vite që përdoret ajo fushë mbetjesh dhe është jashtë kapaciteteve. Lufta më e madhe që ne kemi pasur, të paktën që kur kam marrë këtë detyrë, ka qenë pjesa ligjore, për të vënë në funksion landfillin. Mbetjet urbane shkojnë të gjitha në landfillin e Sherishtës, që prej 26 prillit 2025”, tha në një reagim të fundit publik, Ermal Dredha, kryetar i Bashkisë Vlorë. Ky institucion në një përgjigje zyrtare për Faktoje.al pranoi problematikën, ndërsa thekson se fenomeni i djegieve në vendgrumbullimin e mbetjeve nuk është i ri. “Situata problematike përsa i përket mbetjeve urbane në fushën e vendgrumbullimit është një situatë e përsëritur edhe në vitet e kaluara”, thuhet në reagimin e Bashkisë Vlorë, ndërsa shtojnë se: “për shkaqet e kësaj problematike janë bërë të gjitha denoncimet ku institucionet përkatëse janë në proces hetimi, nëse janë të qëllimshme apo aksidentale”.

Kryebashkiaku Dredha foli gjithashtu edhe për mundësinë e kapsulimit të vendgrumbullimit të mbetjeve, por në përgjigjen zyrtare nga Bashkia Vlorë, nuk konfirmohet një projekt i tillë. “Ndërmarrja e Pastrimit nuk ka një informacion mbi projektin për kapsulimin e mbetjeve, koston dhe nëse këtë projekt do ta realizojë vetë bashkia apo me kontraktor”, thuhet në reagim, ndërsa pranohet prej tyre se: “nuk mund të flasim definitivisht për mbylljen përfundimtare të problemit në fushëdepozitimin e vjetër të mbetjeve”. 

Ligji i mbetjeve 

Për menaxhimin e mbetjeve urbane ka një ligj të veçantë që përcakton qartë se si duhet të trajtohen mbetjet, cilët institucione janë përgjegjëse dhe çfarë masash merren në raste të shkeljeve. Ligji nr. 10 463, datë 22.09.2011 “Për menaxhimin e integruar të mbetjeve”, e ka të qartë: përgjegjësia për menaxhimin, mirëmbajtjen dhe sigurinë e fushave të mbetjeve bie plotësisht mbi njësitë e qeverisjes vendore. Po duke iu referuar ligjit, disa paragrafe të tjerë saktësojnë edhe masat ndëshkimore në rast të shkeljeve të procedurave në trajtimin e mbetjeve ku konkretisht djegia e mbetjeve në mënyrë të pakontrolluar është e ndaluar dhe përbën shkelje, që mund të ndëshkohet me masa administrative dhe ndjekje penale, në varësi të pasojave.

Përfundim

Faktoje.al pa nga afër fushën e mbetjeve dhe u konstatua se mbetjet urbane që mblidhen në Vlorë dhe Orikum vijojnë të hidhen në këtë fushëdepozitimi mbetjesh edhe pas deklaratës së kryebashiakut Dredha se ai venddepozitim nuk përdorej më. Faktoje.al dokumentoi me pamje se në të paktën dy raste mëngjesin dhe drekën e 16 qershorit mjete me logon e Bashkisë Vlorë shkarkuan mbetje në venddepozitimin e lagjes 24 Maji.

“Plehrat vijojnë të hidhen. Ditën vijnë kamionçina të vogla gati çdo dy orë dhe i hedhin plehrat, ndërsa gjatë natës kamionët e mëdha me mbetje shtohen”, thotë për Faktoje.al, Valentin Aliaj, një i ri i cili ka lindur aty dhe është rritur bashkë me mbetjet që i zenë frymën.

Ndaj dhe, çështjen e trajtimit të mbetjeve në Vlorë deri më tani do ta konsiderojmë premtim të pambajtur.

“Faktoje.al”, e mbështetur nga National Endowment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët

The post Vlora turistike me djegie mbetjesh appeared first on Faktoje.al.

Ivanka Trump dhe bashkëshorti i saj, Jared Kushner, kanë zhvilluar një vizitë private në qytetin bregdetar të Vlorës gjatë ditëve të fundit. Lajmi bëhet i ditur nga burime konfidenciale, të cilat raportojnë se qëllimi i vizitës lidhet me investimet në sektorin e turizmit që ata do të bëjnë në bregdetin shqiptar.

Sipas të njëjtave burime, çifti ka vizituar ishullin e Sazanit, ku aktualisht është në fazë planifikimi ndërtimi i një resorti luksoz me pesë yje.

Gjithashtu, Ivanka Trump dhe Jared Kushner kanë qëndruar për disa orë edhe në zonën e Zvernecit, një tjetër pikë me potencial të lartë për zhvillim turistik. Edhe atje, raportohet se është në shqyrtim një tjetër projekt investimi në fushën e hotelerisë dhe shërbimeve turistike.

Vizita e çiftit amerikan u mbyll me një darkë private në zonën e Lungomares 2, në një ambient të rezervuar enkas për një grup të ngushtë personash. Masat e sigurisë dhe konfidencialitetit kanë qenë të larta, duke ruajtur karakterin jopublik të takimeve dhe lëvizjeve të tyre. /euronews/

The post Ivanka Trump dhe Jared Kushner në Vlorë, vizitë në Sazan dhe Zvërnec appeared first on Telegrafi.

Ministrja e Turizmit dhe Mjedisit, Mirela Kumbaro dhe ministri i Brendshëm, Ervin Hoxha vijuan inspektimet në plazhe, duke u ndalur në qytetin e Vlorës.

E shoqëruar nga kryetari i bashkisë Vlorë, Ermal Dredha, ministrja Kumbaro u ndal në Lungomare, për të parë modelin e një plazhi publik pa pagesë të ndërtuar nga bashkia, nga ku theksoi se edhe në plazhet e menaxhuara, vija e parë do të jetë e dedikuar për publikun.

“Kemi pasur sot një ankesë në Radhimë, ku Agjencia Kombëtare e Bregdetit me Policinë Bashkiake kanë shkuar dhe kanë vendosur gjobë dhe në rast se do të përsëritet, do të prishen kontratat. Ato që janë kritere, nuk i kemi vetëm për në letër, por i kemi për t’i zbatuar, kështu që dy muaj do të jemi në krye të detyrës ditë e natë”, sqaroi ministrja Kumbaro.

Gjatë inspektimit, ministrja u takua edhe me përfaqësues të biznesit të hotelerisë, ku u la porosi respektimin e distancës publike nga vija e detit:

“Të gjithë ata që marrin një stacion plazhi, në një plazh ranor kanë detyrimin të lënë distancën deri te vija e bregdetit, 7,5 – 8 metra në funksion të kujtdo tjetër që do, jo vetëm mund të shëtisë, por të vendosë edhe peshqirin e tij. Nëse do të ketë shërbimin tuaj, mund të marrë shërbimin tuaj. Në bregdetin që është më i ngushtë, siç është përgjithësisht bregdeti Jon, duke filluar nga Jonufri, Radhima dhe më tutje, kjo distancë, nga buza e detit, radha e parë është 2,5 – 3 metra, sepse janë plazhet më të ngushta, nuk ka atë lloj gjerësie siç është këtu, por buza e detit është gjithmonë e drejtë e çdo njeriu të rrijë, të lahet, të pushojë”, vijoi më tej ministrja Kumbaro.

Ministri i Brendshëm Ervin Hoxha nga ana tjetër, u shpreh se në bazë të planit të masave të hartuar nga Policia e Shtetit, punonjësit e policisë do të jenë në terren në shërbim 12- orarësh, edhe për çështje të ndotjes së mjedisit.

“Punonjësit e policisë do të jenë në dispozicion edhe për çështjet e mjedisit, për çështje të zhurmave, për lehtësimin e qarkullimit rrugor, për krime të ndryshme mjedisore, për të cilat do të merren masa në mënyrë të menjëhershme, por edhe subjekteve që operojnë në zonat bregdetare, policia do t’u vijë në ndihmë për çdo lloj shqetësimi duke telefonuar numrat e vënë në dispozicion për sezonin e plazhit. Vjet kemi pasur një sezon shumë të mirë, me asnjë incident ose ngjarje kriminale”, shtoi ai.

Kryetari i bashkisë Vlorë, Ermal Dredha u shpreh se bashkia po përfundon ndërtimin e një modeli të plazhit publik si ai i Lungomares, edhe në Plazhin e Vjetër të Vlorës.

“Deri në fund të kësaj jave, do të kemi edhe një plazh të ngjashëm, me çadra, falas në Plazhin e Vjetër, për të cilin është informuar dhe publiku”, tha Dredha.

Në fund të inspektimit, ministrja u takua edhe me përfaqësues të operatorëve të pastrimit në bregdetin e Vlorës, për masat e marra lidhur me pastërtinë në plazhet publike, ku sipas rregullores së re, hapësira të tilla do të jenë më të mëdha këtë vit. /ATSH/

The post Kumbaro dhe Hoxha në Vlorë: Në fokus hapësirat publike në plazhe dhe ndotja mjedisore appeared first on Telegrafi.

Policia Bashkiake e Vlorës në bashkëpunim me Policinë e Shtetit ka nisur një aksion për lirimin e hapësirave publike dhe verifikimin e subjekteve që shfrytëzojnë vijën bregdetare pa kontratë.

Këtë të hënë, efektivët e dy strukturave kanë ndërhyrë në zonat turistike të Rradhimës dhe Orikumit, ku janë konstatuar disa subjekte që kishin zaptuar hapësirat publike në kundërshtim me ligjin ose nuk dispononin dokumentacionin përkatës për shfrytëzimin e plazhit.

Gjatë aksionit janë hequr shezlongë, çadra dhe struktura të përkohshme që ishin vendosur pa leje, ndërsa disa prej subjekteve janë paralajmëruar apo proceduar për shkelje të ligjit.

Autoritetet kanë paralajmëruar se kontrolle të tilla do të vijojnë në të gjithë gjatësinë e bregdetit të Vlorës, me qëllim garantimin e hapësirave publike për pushuesit dhe zbatimin e ligjshmërisë.

Në prag të sezonit turistik, bashkia dhe policia kanë theksuar se nuk do të lejohet asnjë abuzim apo zaptim i paligjshëm i bregdetit./abcnews.al

Një konflikt verbal dhe fizik mes dy shoferëve këtë të hënë në zonën e Skelës në Vlorë ka përfunduar me përplasjen e automjeteve mes tyre.

Pas një debati mes dy drejtuesve të mjeteve, njëri prej tyre, që drejtonte një automjet tip “Benz”, ka goditur disa herë qëllimisht makinën tjetër.

Sipas dëshmitarëve, ngjarja nisi pas një keqkuptimi në rrugë, i cili degjeneroi në konflikt verbal mes palëve.

Pas fjalëve të ashpra, drejtuesi i “Benz”-it, në gjaknxehtësi e sipër, ka përplasur disa herë automjetin tjetër, duke shkaktuar dëme materiale.

Policia ka mbërritur në vendngjarje dhe po punon për të zbardhur rrethanat e incidentit. Deri më tani nuk raportohet për persona të lënduar, ndërsa palët pritet të merren në pyetje. /Euronews/

The post Shoferët sherr në mes të rrugës, pas debatit përplasin qëllimisht makinat në Vlorë appeared first on Telegrafi.

Mungesa e ujit të pijshëm ka krijuar një situatë të vështirë për banorët e fshatit Nartë në Vlorë, të cilët prej javësh janë përballur me një problem serioz, që ndikon jo vetëm në jetesën e përditshme, por dhe në shëndetin e tyre.

Pavarësisht kërkesave të shumta drejtuar bashkisë së Vlorës, banorët thonë se nuk kanë marrë ende asnjë përgjigje zyrtare dhe situata vazhdon të përkeqësohet.

Banorët tregojnë se ndërsa uji ka munguar për një periudhë të gjatë gjatë verës, gjatë disa ditëve të fundit, mungesa ka qenë totale.

Ata janë detyruar të blejnë ujë në dyqane, ndërsa disa të tjerë, për shkak të nevojave më urgjente, janë detyruar të dalin në rrugë për të mbledhur ujë.

Banorët e fshatit Nartë, kërkuan një zgjidhje të menjëhershme. Ata theksuan se jo vetëm që situata është problematike për ata që jetojnë aty, por mungesa e ujit ka ndikuar edhe në vendimin e shumë familjarëve që jetojnë jashtë vendit për të mos u kthyer më në fshat.

“Kemi 16 ditë pa ujë. Jam edhe i operuar dhe detyrohem të dal në rrugë për të marrë ujë”, tha nje banor per Syri tv.

“Çfarë të kërkojmë më tepër? Duam ujë!”, u shpreh banori.

“Nuk kemi ujë fare në banesë, presim që të vijë boto dhe të furnizohemi me ujë të pijshëm”, tha qytetari.

“Po e blejmë ujin në dyqan, në mungesë të botit”, tha banorja.

Edhe në lagjen “11 Janari” të qytetit të Vlorës, banorët shprehen të shqetësuar, duke thënë se janë gati 11 ditë që nuk kanë ujë.

Ata theksojnë se qeveria ka ardhur vetëm dy ditët e para pas zgjedhjeve për t’u sjellë ujë.

Mungesa e ujit është një problem i vazhdueshëm dhe jo vetëm që po ndikon në jetën e përditshme të banorëve, por po dëmton edhe reputacionin e zonës, duke i bërë ata të ndihen të braktisur dhe të pa mbrojtur.

Autoritetet përkatëse duhet të marrin masa urgjente, për të siguruar furnizimin me ujë të pijshëm dhe për të shmangur rrezikun për shëndetin e qytetarëve.

The post Mungesa e ujit në Vlorë/ Flasin banorët: Situata është alarmante që kërkon zgjidhje urgjente appeared first on Albeu.com.

Fusha e mbetjeve në periferi të Vlorës u përfshi sërish nga flakëtmesditën e sotme duke krijuar një re të dendur tymi, në kulmin e sezonit turistik. Gjatë këtij muaji kjo është hera e tretë që zjarri ka rënë në këtë zonë. Si pasojë tymi i zi, është përhapur në të gjithë qytetin “turistik” që propagandohet […]

The post Fusha e mbetjeve përfshihet përsëri nga flakët, Vlora mbulohet nga tymi kancerogjen appeared first on BoldNews.al.

Sikur të mos mjaftonin shtullungat e mëdha të tymit që mbuluan qytetin për shkak të zjarrit tek fusha e mbetjeve, disa zona të Vlorës kanë mbetur edhe pa ujë dhe pa energji elektrike në mes të sezonit turistik. Lajmin e ka bërë me dije vetë institucioni i Ujësjellës Kanalizimeve Vlorë, e cila thotë se ditën […]

The post Pasi u mbulua nga tymi, Vlora lihet edhe pa ujë e pa drita në mes të sezonit turistik appeared first on BoldNews.al.

Ekzistojnë shumë arsye pse turistët britanikë kanë një dashuri të madhe për plazhet e Mesdheut, shkruan Kristina Beanland në të përditshmen britanike “Metro”.

Por, hulumtimet sugjerojnë se një numër i madh turistësh po e “ndërrojnë” Majorkën me Maqedoninë e Veriut dhe Alikanten e Spanjës me Rivierën Shqiptare – mesa duket të frymëzuar nga një trend i TikTok-ut “Destinacionet e Ngjashme”- i shpërndarë nga Gjenerata Z.

“Fluturimet nga Britania e Madhe drejt vendeve të Ballkanit, përfshirë Bosnjë-Hercegovinën, Malin e Zi dhe Marokun, janë rritur ndjeshëm gjatë dy viteve të fundit”, sipas Autoritetit të Aviacionit Civil (CAA).

Ekspertët thonë se mediat sociale po ndikojnë tek turistët që kërkojnë të eksplorojnë vende më pak të vizituara – duke shmangur destinacionet e mbipopulluara.

Ekspertët e udhëtimeve kanë rekomanduar destinacionet më të mira – të ngjashme me pikat e njohura turistike – për verën e vitit 2025.

Vlora, Shqipëri E ngjashme me: Split, Kroaci

Në kufi me Greqinë dhe shumë pranë Kroacisë, Shqipëria ofron të njejtën klimë me qytetin e dytë më të madh të Kroacisë, Splitin – për pushimet verore – por pa turma vizitorësh apo çmime që rriten vazhdimisht.

Nëse kërkoni plazhe të pastra dhe të pacënuara me një peizazh malor mbresëlënës dhe restorante me çmime të përballueshme, shkoni në Vlorë – qytetin bregdetar të vendosur në Rivierën idilike Shqiptare.

Gjatë ditës, mund të relaksoheni pranë detit Jon ose të shkoni në një nga festivalet muzikore të zonës.

Vlora është më e qetë se Spliti i Kroacisë. Në mbrëmje, ky destinacion historik gjallërohet.

Kostoja e jetesës në kryeqytetin e Shqipërisë, Tiranë, është rreth 61% më e ulët se në Londër, duke e bërë Shqipërinë një nga destinacionet më të lira evropiane për pushime.

Martina Andretta, gazetare e turizmit në “Metro” kaloi një fundjavë jashtëzakonisht të lirë në mars, në kryeqytetin shqiptar – duke shpenzuar vetëm 70 paund në ditë.

Në disa zona, një vakt për dy persona në një restorant të lirë kushton vetëm 5 paund.

Gjithashtu, kuzhina shqiptare është një kombinim i ndikimeve italiane dhe greke.