AMSTERDAM, 4 gusht /ATSH-DPA/ – Më shumë se 10 000 hotele evropiane po i bashkohen një padie kolektive kundër Booking.com, me seli në Amsterdam, për të kërkuar kompensim për humbjet e shkaktuara nga përdorimi nga agjencia e udhëtimeve online i të ashtuquajturave klauzola të “çmimit më të mirë”.

Klauzolat i ndalojnë hotelet të ofrojnë dhoma në faqet e tyre të internetit me një çmim më të ulët dhe shihen prej tyre si të paligjshme.

Qëllimi është të parandalohen të ashtuquajturat rezervime “freerider” ku klientët e gjejnë hotelin në Booking.com dhe më pas shkojnë në faqen e internetit të hotelit për të bërë rezervimin e tyre.

Hotelet citojnë një vendim të Gjykatës Evropiane të Drejtësisë të datës 19 shtator 2024 që në thelb thotë se klauzola e çmimit më të mirë është e paligjshme.

Gjykata zbuloi se platforma si Booking.com mund të vepronin pa rregulla të këtij lloji.

Kjo bëri pak ndryshim për udhëtarët.

Booking.com i kishte shfuqizuar klauzolat në Evropë pas Aktit të Tregjeve Digjitale të Bashkimit Evropian të vitit 2024./   /os/

The post AMSTERDAM – Më shumë se 10 000 hotele evropiane kërkojnë dëmshpërblim nga Booking.com appeared first on Agjencia Telegrafike Shqiptare.

TIRANË, 24 korrik /ATSH/ Kolegji Zgjedhor ka rrëzuar sot padinë e Partisë Demokratike në qarqet e Elbasanit, Fierit dhe Durrësit.

Partia Demokratike kishte kërkuar pavlefshmërinë e zgjedhjeve dhe përsëritjen e tyre në këto qarqe.

Kolegji Zgjedhor, me këtë vendim, mbylli procesin e ankimimeve të PD për zgjedhjet e 11 majit.

Tashmë i takon Komisionerit Shtetëror të Zgjedhjeve, Ilirjan Celibashi të vijojë me ndarjen e mandateve në këto tre qarqe.

Në zgjedhjet parlamentare të 11 majit, në Elbasan PS mori 10 mandate, PD 4 mandate. Në Durrës mandatet u ndanë 8 me 6 për PS, ndërsa në Fier PS mori 14 mandate dhe PD vetëm 4. /j.p/

The post Ankimimet e PD-së për 11 majin, Kolegji Zgjedhor rrëzon PD-në appeared first on Agjencia Telegrafike Shqiptare.

Një grua nga Ohio po padit Cardi B, duke pretenduar se është goditur “me forcë” nga një mikrofon i hedhur nga reperja gjatë një performance në Drai’s Beachclub në Las Vegas në vitin 2023.

Sipas një padie të paraqitur në Gjykatën e Tetë Gjyqësore në Qarkun Clark, Nevada, gruaja, e identifikuar si Jane Doe, ishte në udhëtimin e saj të parë solo në Las Vegas dhe mori pjesë në performancën kryesore të Cardi-t në Drai’s Beachclub më 29 korrik 2023.

Padia pretendon se gjatë performancës së saj, Cardi, 32 vjeç, “u shfaq në skenë në kushte të temperaturës dukshëm të lartë dhe, ndërsa mbante një mikrofon, kërkoi verbalisht që publiku të spërkatte ujë mbi të”.

Në atë kohë, një klip nga koncerti u bë viral ku shfaqej krijuesja e hitit “Bodak Yellow” duke i kërkuar turmës ta “spërkatnin me ujë” me një kusht .

Padia pretendon se Cardi “bëri gjeste dhe deklarata të përsëritura duke i inkurajuar pjesëmarrësit në koncert të hidhnin ujë, duke autorizuar dhe ftuar në mënyrë implicite spërkatjen e lehtë nga pijet”.

Doe pretendon se Cardi “e demonstroi më tej pëlqimin dhe pjesëmarrjen e saj duke derdhur ujë nga një shishe mbi trupin e saj ndërsa ishte në skenë” dhe se ajo “reagoi fizikisht ndaj spërkatjeve duke e goditur të pasmet ndërsa lëngjet e hedhura nga publiku binin në kontakt me të”.

Sipas padisë, Doe, në një përpjekje për të vepruar “në përputhje me mjedisin” dhe “në një mënyrë të pajtueshme me të pranishmit e tjerë, spërkati një pjesë të vogël të pijes së saj në drejtim të Cardi B”.

Mirëpo më pas Cardi B hodhi mikrofonin në drejtim të saj.

The post Probleme ligjore për Cardi B, paditet për hedhjen e mikrofonit appeared first on Albeu.com.

PARIS, 24 korrik /ATSH-AFP/ – Presidenti francez, Emmanuel Macron dhe bashkëshortja Brigitte ngritën një padi për shpifje në Shtetet e Bashkuara kundër blogeres amerikane, Candace Owens për përhapjen dhe shfrytëzimin e gjerë, në një video, të informacionit të rremë se Brigitte Macron “ka lindur burrë”.

Ky lajm i rremë, i cili është rishfaqur rregullisht në mediat sociale në Francë që nga zgjedhjet e para të Emmanuel Macron në 2017, ka lulëzuar jashtë vendit, veçanërisht në Shtetet e Bashkuara pasi blogerja e ekstremit të djathtë Candace Owens e shfrytëzoi atë në mars 2024 duke i dhënë asaj jehonë globale që nga janari 2025 me një seri videosh të titulluara “Duke u bërë Brigitte”.

Çifti presidencial ngriti dje një padi për shpifje, në një gjykatë në Delaware duke kërkuar dëmshpërblim “shembullor” që do të përcaktohet në gjyq.

Avokatët e tyre pohojnë në padi se Candace Owens ishte plotësisht në dijeni të falsitetit të këtyre akuzave dhe hodhi poshtë sistematikisht të gjitha kërkesat për korrigjim, duke vazhduar në “fushatën e saj të shpifjes” për të “fituar famë dhe për të fituar para” duke vënë në dukje se ajo tani ka 6,9 milionë abonentë në llogarinë e saj X dhe 4,7 milionë në YouTube.

Sipas lajmit të rremë që e nisi këtë aferë, e cila qarkulloi gjerësisht në Francë nga grupe duke përfshirë teoricienë konspiracioni, skeptikë të COVID dhe të djathtën ekstreme, Brigitte Macron, mbiemri i vajzërisë Trogneux, nuk ka ekzistuar kurrë, por vëllai i saj Jean-Michel e mori këtë identitet pasi iu nënshtrua një ndryshimi gjinor.

Dy gra, Natacha Rey dhe Amandine Roy, të cilat e kishin përhapur gjerësisht atë, u urdhëruan nga gjykatat franceze në shtator të paguanin disa mijëra euro dëmshpërblim për Brigitte Macron dhe 5 000 euro për Jean-Michel Trogneux, por ato u liruan nga akuzat në apel më 10 korrik.

Brigitte Macron dhe vëllai i saj e kanë apeluar këtë vendim./  a.jor.

The post FRANCË – Çifti Macron padit blogeren amerikane për shpifje lidhur me gjininë e Brigitte Macron appeared first on Agjencia Telegrafike Shqiptare.

Presidenti francez Emmanuel Macron dhe bashkëshortja e tij, Brigitte, ngritën të mërkurën një padi me 22 akuza për shpifje në Shtetet e Bashkuara kundër podkasteres së krahut të djathtë Candace Owens, lidhur me pretendimin se Brigitte mund të jetë burrë.

Padia e ngritur në Gjykatën e Lartë të Delaware pretendon se Owens ka transmetuar “një fushatë të pamëshirshme njëvjeçare shpifjeje kundër familjes Macron”, sipas një deklarate nga Tom Clare, avokati i familjes Macron.

Në mars, komentatorja konservatore Candace Owens ringjalli një teori absurde konspiracioni me një video në YouTube të titulluar “A është Zonja e Parë e Francës një burrë?”, sipas padisë.

E promovuar gjerësisht në X, Owens tha se teoria e konspiracionit ishte “ndoshta skandali më i madh në historinë politike”.

Që atëherë, Owens ka prodhuar video të shumta rreth Brigitte Macron për gati 4.5 milionë abonentët e saj në YouTube, përfshirë një serial me shumë pjesë të quajtur “Becoming Brigitte”.

Padia pretendon më tej se ajo ka shitur edhe mallra që promovojnë pretendimin.

The post Macron padit influenceren amerikane Candace Owens për pretendimet se gruaja e tij është burrë appeared first on Albeu.com.

Kandidati për deputet i koalicionit PD-ASHM, Aulon Kalaja, i cili nuk siguroi mandat në zgjedhjet e 11 Majit, ka ngritur padi në SPAK duke kërkuar sekuestrimin e kutive me pretendimin se janë tjetërsuar votat.

Aulon Kalaja: SPAK të sekuestrojë kutitë, ndërkohë do e çoj në Kushtetuese. Bëhet fjalë për 3 persona që kanë bashkëpunuar, kanë marrë vota dhe i kanë dërguar tek një x kandidat. Kjo nuk diskutohet fare. Duhet bërë hetim i gjithanshëm, ky është krim zgjedhor.

Është një grup i strukturuar kriminal bëhet fjalë për bashkëpunim të një grupi numëruesish me një person të caktuar që ka përfituar vota në këtë rast.

Ka njerëz që kanë futur duart tek votat e shqiptarëve duke i marrë 42 vota një kandidati, nuk është gabim njerëzor.

I kam përcaktuar kutitë ku ka krim zgjedhor, SPAK i ka gati. Është hetim shumë i thjeshtë.

Beteja ime do të vazhdojë, kam depozituar dy kallëzime këtu. Ndërkohë do të vazhdoj edhe në Kushtetuese për të goditur Kolegjin Zgjedhor që më rrëzoi për legjitimitet dhe një vendim tjetër që Kodi Zgjedhor ua pamundëson kandidatëve procesin e numërimit të votave, është antikushtetues.

Jam në dy procese paralele, në SPAK për sekuestrimin e kutive dhe rinumërimin dhe në Kushtetuese pikërisht për këtë nen.

The post Zgjedhjet e 11 Majit/ Aulon Kalaja padi në SPAK: Të sekuestrohen kutitë, numëruesit bashkëpunuan me kandidatët dhe u kaluan votat appeared first on Albeu.com.

UASHINGTON, 19 korrik /ATSH-DPA/ – Presidenti amerikan, Donald Trump paditi dje në mbrëmje gazetën ”Wall Street Journal” (WSJ) për një artikull që ajo publikoi lidhur me një letër të dyshuar nga Trump drejtuar të dënuarit për sulme seksuale, Jeffrey Epstein.

WSJ raportoi se një letër me firmën e Trump ndodhej në një album që Epstein kishte marrë në 50-vjetorin e tij, në vitin 2003.

Sipas WSJ, letra ishte shtypur brenda konturit të një gruaje të zhveshur.

Trump e quajti artikullin e gazetës ”të pavërtetë, dashakeq dhe shpifës”, në një postim në rrjetin e tij social.

Padia, e ngritur kundër botuesit të WSJ, Dow Jones, kompanisë mëmë “News Corp”, pronarit Rupert Murdoch, drejtorit ekzekutiv Robert Thomson dhe dy gazetarëve, kërkon të paktën 10 miliardë dollarë dëmshpërblim.

“Kjo padi është ngritur… në emër të të gjithë amerikanëve që nuk do të tolerojnë më abuzimet e mediave të rreme”, shkroi Trump.

Trump sulmon shpesh median dhe ka ndërmarrë më parë veprime ligjore ndaj saj./   /Ad.Ab./

The post SHBA – Trump padit WSJ-në në lëvizjen më të fundit ligjore kundër medias amerikane appeared first on Agjencia Telegrafike Shqiptare.

Për rreth një javë, Elbasani ishte nën “pushtetin” e tymit toksik për shkak të zjarrit tek landfilli i inceneratorit të Elbasanit, ku u dogjën mbetje të ndryshme urbane dhe industriale. Pasojat e kësaj katastrofe mjedisore do të ndihen pas disa vitesh, por ndërkohë në kohë reale shkaktoi pasoja për pacientët e sëmurë me astma bronkiale […]

The post Zjarri te inceneratori “helmoi” banorët/ Nënë e bir depozitojnë padi ndaj “Eco-Elb” të Leli Kajës appeared first on BoldNews.al.

Deputeti i Partisë Demokratike, Flamur Noka është paditur nga punonjësi i burgut te Peqinit Gjergji Vishkulli lidhur me denoncimin se është përfshirë ne fushatën elektorale te 11 majit. Ne seancën e pare Noka nuk është paraqitur vete por përfaqësohet nga avokatja

Ndërkohë për këtë rast te denoncuar nga Noka ne rrjetet sociale, prokuroria e Elbasanit njoftoi me herët se kishte nisur verifikimet. Seanca e pare u shty pasi gjykata i kërkoi denoncuesit dhe avokatit te tij te rregulloje objekt padinë

“Burgu i Peqinit si ndërmarrje me pronar Suel Çelën. Suel Çela e ka kthyer burgun e Peqinit në shtab zgjedhor të kandidates së PS, Sara Mile”, shkruante Noka në Facebook, duke listuar edhe emrat e efektivëve që denonconte.

The post Shpifje dhe fyerje/ Punonjësi i burgut të Peqinit padit në GJKKO, Flamur Nokën appeared first on Sot News | Lajme.

Avokatja Adriana Kalaja ka kërkuar përjashtimin e gjyqtares Irena Gjoka nga gjykimi i çështjes ndaj kryeministrit Edi Rama dhe bashkëshortes së tij, kallëzuar në shtator 2024 duke e akuzuar për konflikt interesi dhe mosdeklarim të fakteve, por gjyqtarja Flojera Davidhi e rrëzoi.

Kalaja kallëzoi Gjokën në SPAK dhe ka kërkuar shkarkimin e saj në Inspektoratin e Lartë të Drejtësisë (ILD). Gjithashtu ka kërkuar rishikimin e vendimit të vettingut në Komisionin e Pavarur të Kualifikimit (KPK). Gjithashtu Kalaja thotë se gjyqtarja nuk duhet të jetë pjesë e këtij procesi pasi është subjekt i kallëzimeve dhe hetimeve që ajo vetë ka nisur.

Por gjyqtarja Flojeradh Davidhi rrëzoi kërkesën për përjashtim e Kalasë për shkak të dorëzimit jashtë afatit ligjor tre-ditor. Kalaja e ka quajtur këtë vendimin absurd duke theksuar se kjo kërkesë u paraqit menjëherë pas shpalljes së vendimit të Gjykatës së Lartë dhe në fazën e dhomës këshillimore, jo gjatë gjykimit.

Fjala e Adriana Kalas:

Unë kam kallëzuar penalisht pranë SPAK gjyqtaren Irena (me tre mbiemra), për shkak të fshehjes dhe mosdeklarimit nga ana e saj të një vendimi penal për dënim në shtetin grek, si dhe të dy vendimeve administrative për dëbimin e saj nga ky shtet.

Në këtë kallëzim kam përfshirë edhe një prokurë, e cila legjitimon pretendimet tona lidhur me rastet e dëbimit të saj nga Greqia, në vitet 2002 dhe 2003. Gjithashtu, si kallëzues, kam bërë një kërkesë pranë Inspektoratit të Lartë të Drejtësisë për shkarkimin e gjyqtares në fjalë. Po ashtu, i jam drejtuar edhe SPAK-ut, duke qenë se z. Altin Dumani mban aktualisht edhe mandatin e Komisionerit Publik, për të kërkuar rishikimin e vendimit të vettingut që lidhet me gjyqtaren Irena.

Që nga dhjetori i vitit 2024, jam në komunikim të vazhdueshëm me institucionet përkatëse, me kërkesa të njëpasnjëshme, lidhur me hetimin administrativ që po i bëhet gjyqtares në fjalë. Të gjitha këto fakte dhe argumente duhen marrë në konsideratë, sidomos duke pasur parasysh që gjyqtarja, në muajin prill, është shprehur publikisht për një çështje konkrete në kundërshtim me ligjin dhe Kushtetutën, duke vlerësuar se kompetenca për hetimin e Kryeministrit dhe bashkëshortes së tij i takon prokurorisë së juridiksionit të përgjithshëm dhe jo Prokurorisë së Posaçme ndryshe nga sa ka vendosur Gjykata e Tiranës. Gjykata e Lartë më pas e rrëzoi këtë vendim, duke na legjitimuar ne si palë.

Sot jemi njohur me një vendim absurd dhe të pabazuar në prova e ligj, pasi gjyqtarja ka arsyetuar se kërkesa jonë për përjashtim është bërë jashtë afatit 3-ditor të përcaktuar nga ligji. I kujtoj gjyqtares Davidhi se kjo nuk është një kërkesë gjatë gjykimit, por një kërkesë që është bërë menjëherë sapo jemi njohur me vendimin e zbardhur të Gjykatës së Lartë, të cilin e kemi dorëzuar pranë Gjykatës së Shkallës së Parë, si provë që mbështet kërkesën tonë.v

The post Paditi Ramën dhe bashkëshorten/ Adriana Kalaja kërkoi përjashtimin e gjyqtares Irena Gjoka, GJKKO e refuzon appeared first on Sot News | Lajme.

TIRANË, 18 qershor/ATSH/ Kolegji Zgjedhor Gjyqësor rrëzoi sot paditë e koalicionit Partia Demokratike – Aleanca për Shqipërinë Madhështore për shpalljen të pavlefshme të zgjedhjeve në qarqet e Lezhës, Gjirokastrës, Kukësit dhe Korçës.

Me vendime të veçanta, Kolegji Zgjedhor Gjyqësor vendosi fillimisht rrëzimin e padisë së PD-ASHM ndaj Komisionit Qendror të Zgjedhjeve për pavlefshmërinë e zgjedhjeve të zhvilluara të 11 majit në zonën zgjedhore qarku Lezhë dhe përsëritjen e zgjedhjeve për Kuvendin e Shqipërisë në të gjithë qarkun Lezhë.

Po ashtu, Kolegji Zgjedhor Gjyqësor rrëzoi si të pambështetur në ligj e prova padinë e koalicionit “Partia Demokratike-Aleanca për Shqipërinë Madhështore” (PD-ASHM) për  konstatimin e pavlefshmërisë së zgjedhjeve të 11 majit në zonën zgjedhore qarku-Gjirokastër dhe rregullimin e pasojave duke shpallur përsëritjen e zgjedhjeve në këtë qark.

Kolegji Zgjedhor Gjyqësor rrëzoi po ashtu padinë e koalicionit PD-ASHM për konstatimin e pavlefshmërisë së zgjedhjeve të 11 majit në zonën zgjedhore Qarku-Kukës dhe rregullimin e pasojave duke shpallur përsëritjen e zgjedhjeve në këtë qark.

Një tjetër vendim i marrë sot nga Kolegji Zgjedhor ishte edhe rrëzimi i padisë së PD-ASHM për pavlefshmërinë e zgjedhjeve të 11 majit në zonën zgjedhore Qarku-Korçë dhe rregullimin e pasojave duke shpallur përsëritjen e zgjedhjeve në këtë qark.

Po ashtu, Kolegji Zgjedhor vendosi pushimin e çështjes së paraqitur nga Shkëlqim Shehu, kandidat për deputet i PD-ASHM në qarkun e Kukësit, për shkak të mungesës së legjitimitetit të paditësit.

/m.m/a.f/

The post Kolegji Zgjedhor rrëzon paditë e PD-ASHM për përsëritjen e zgjedhjeve në 4 qarqe appeared first on Agjencia Telegrafike Shqiptare.

Pedagogu dhe ish-zv.ministri i Arsimit Taulant Muka, këtë të hënë ka depozituar në SPAK dosjen me 400 faqe për plagjaturë për rektorin e Unverisitetit të Tiranës Artan Hoxha, dhe mbi 50 profesorë në UT, Ministren e Arsimit Ogerta Manastirliu, Presidentin Bajram Begaj dhe Avokaten e Popullit Erinda Ballanca. Në një postim në Facebook, Muka shkruan […]

The post 50 profesorë të UT kallëzohen në SPAK: Të hetohen me Begajn e Manastirliun për grup të strukturuar kriminal appeared first on BoldNews.al.

Kreu i Partisë Demokratike, Sali Berisha, do të paraqitet diten e sotme në orën 10:00, në ambientet e Strukturës së Posaçme Kundër Korrupsionit dhe Krimit të Organizuar, pas kallëzimit të bërë prej gjyqtares, Irena Gjoka në këtë prokurori.

Berisha ka qenë në ambientet e SPAK, lidhur me këtë çështje edhe me datë 10 qershor 2025. Para se të futej në ambientet e SPAK, Berisha u shpreh se ky është një institucion i bashkëpunimit me krimin.

“Nuk i njoh dosjet konkrete, por natyrisht si institucioni i bashkëpunimit me krimin, ka me qindra mijëra qytetarë, të cilët këtu kanë zemërimin e madh, kanë problemet e mëdha. Atëherë është Edi Rama vetë me Gjipenë. Bëhet fjalë për Gjipenë. Ua mori Gjipenë… Dora e mafies, dora e qeverisë është kudo”, u shpreh atë ditë Berisha.

Pas daljes nga ambientet e SPAK-ut, Berisha ky kallëzim penal është i ngritur mbi bazën e shpifjeve. Madje për këtë, Berisha tha se ky kallëzim i ndikuar gjithashtu nga kryeministri, Edi Rama.

“Këtu u thirra me firmë të Altin Troplinit. Altin Troplini ishte shumë i shqetësuar. I shqetësuar deri në palcë, Altin Troplini që po shtronte një gotë verë me Pojën, e kishte në zyrë.

Tani për fyerjen e gjyqtares, dëgjojeni pak këtu, të parashikuar në kaq e aq, Irena Gjoka në detyrë pranë gjykatës, kur unë e pyes nëse ke një bisedë telefonike me Alket Hysenin për 500 mijë euro… dhe gjykatësja e Edi Ramës, familjare, se ka lidhje familjare me Edi Ramën. Unë doja të lexoja, por nuk arrita, për të kuptuar stilin nëse ka dorë Linda Rama në atë material apo jo se janë shumë shoqe, siç e keni marrë vesh. Janë shoqe.

A ke ti ndonjë bisedë me Alket Hysenin me të cilën flitet për 500 mijë euro për ryshfet për të hequr nga klasifikimi si grup kriminal apo e ke me Mirel Mërtirin? Tani, këtë Irena me 5 mbiemra e ka marrë si fyerje. Pra ushtrimin e funksionit publik timin si kryetar i partisë më të madhe opozitare dhe pyetjen, në të cilën po të ishte e pafajshme, do ta refuzonte, do ta shpjegonte, por Irena, një mashtruese ordinere, një delinkuente klasike, një person që e ka vendin në burg dhe në qeli për ato që ka bërë, e nxitur nga Edi Rama dhe Altin Troplini, ngre padi ndaj meje për fyerje.”, tha Berisha.

Kryedemokrati do të pyetet në cilësinë e personit që ka dijeni lidhur me një hetim. Kujtojmë se Berisha e ka akuzuar vazhdimisht gjyqtaren në fjalë, ndërsa së fundmi ka pretenduar se ajo rezulton e dënuar për falsifikim nga Kolegji Penal i Janinës. Ndaj saj, ka bërë edhe kallëzim në tetor 2023, pas vendimit të GJKKO për detyrim paraqitje dhe ndalim i daljes jashtë vendi të kryetarit të Partisë Demokratike.

Nga ana tjetër, Prokuroria e Përgjithshme i ka kërkuar KLGJ-së që t’i vërë në dispozicion dosjen e gjyqtares Irena Gjoka. Kërkesa është bërë në datën 19 prill, kur u publikuan për herë të parë, fakte nga media greke për një urdhër dëbimi të dhënë për gjyqtaren Gjoka, nga policia e vendit fqinj. Pasditen e së martës është njoftuar nga KLGJ se kjo e fundit i ka dorëzuar Prokurorisë së Përgjithshme të gjithë dosjen e gjyqtares, përfshirë edhe formularin e vetë-deklarimit, i cili konsiderohet si më kryesori në këtë rast.

The post Padia nga gjyqtarja Irena Gjoka, Berisha shkon sot në SPAK appeared first on Sot News | Lajme.

Aktorja e njohur Blake Lively po përgatitet për të çuar në gjykatë padinë e saj për ngacmim seksual kundër Justin Baldoni, dhe sipas burimeve të Deadline, ajo planifikon të thërrasë në gjyq edhe publicistin e njohur dhe CEO-n e HYPE America, Scooter Braun.

Thuhet se Braun do të thirret zyrtarisht të enjten, pasi avokatët e Lively kërkojnë të marrin informacion nga kompania e tij për Melissa Nathan – menaxherja e krizave në fushën e marrëdhënieve me publikun, e cila u punësua nga Baldoni në gusht 2024.

Në padi, Lively e akuzon Baldoni jo vetëm për ngacmim seksual, por edhe për nisjen e një fushate denigruese me qëllim shkatërrimin e reputacionit të saj në publik.

Baldoni punësoi Nathan menjëherë pasi nisën të përhapen lajmet se aktorja ishte ndjerë “e parehatshme” gjatë xhirimeve. Një nga aludimet më të diskutuar ishte se Baldoni kishte komentiar trupin e Lively duke pyetur një trajner për peshën e saj, në mënyrë që të përgatitej për një skenë ku duhej ta ngrinte.

Pas kësaj, video të vjetra ku Lively përdorte një fyerje ndaj personave transgjinorë dhe ofendonte një gazetar, u bënë virale, duke i shkaktuar asaj reagime të forta nga publiku.

Ajo u kritikua gjithashtu për përgjigjet e saj të dobëta ndaj pyetjeve mbi dhunën në familje, një temë që trajtohet në filmin It Ends With Us.

Në padinë e saj, Lively pretendon se Baldoni ka orkestruar këtë fushatë negative përmes “manipulimit social”, me synim t’i “shkatërronte karrierën”.

Përfaqësuesit e Baldoni e mohuan kategorikisht çdo akuzë, duke pretenduar se Nathan u thirr për të menaxhuar situatën pasi aktorja kishte bërë “kërcënime të shumta” për të mos marrë pjesë në xhirime apo për të mos promovuar filmin nëse kërkesat e saj nuk plotësoheshin.

Në janar 2025, Justin kundërpaditi aktoren, por padia e tij u hodh poshtë këtë javë. Ekipi i tij ligjor ka njoftuar se do të paraqesin një version të ndryshuar të padisë.

The post Scooter Braun, i përfshirë në betejën ligjore të Lively dhe Baldoni appeared first on Lapsi.al.

Gazetari dhe opinionisti Frrok Çupi ka dorëzuar një kallëzim penal në Gjykatë kundër Ilir Demalias, pas një sulmi verbal të ndodhur në emisionin “Top Story” në Top Channel. Çupi akuzon Demalian për fyerje dhe shpifje publike të rënda ndaj tij, gjatë një debati të zhvilluar në mars 2025.

Sipas kallëzimit, Demalia e ka etiketuar Çupin si “spiun të komunizmit me pseudonimin Llulla”, pa asnjë provë apo dokument zyrtar, dhe ka përdorur fyerje të rënda duke e quajtur “këllirë që del ekran më ekran”.

Frrok Çupi thekson se ky nuk ishte një debat mediatik, por një akt penal i paramenduar dhe i koordinuar, që sipas tij ka ndodhur në të njëjtën studio ku më herët edhe Grida Duma e kishte sulmuar me të njëjtin model. Ai shprehet se në këtë rast i është mohuar e drejta e fjalës dhe mbrojtjes, duke e konsideruar situatën një sulm të njëanshëm dhe të organizuar.

Në padinë e dorëzuar, Çupi mbështetet në nenin 120/1 të Kodit Penal për fyerjen publike dhe nenin 11/2 për shpifjen me dashje, duke kërkuar ndëshkim penal për Ilir Demalian për fyerje publike me terma poshtërues, shpifje pa bazë ligjore dhe etiketim me pseudonim të pavërtetuar.

Frrok Çupi thekson se kjo çështje nuk ka të bëjë vetëm me dinjitetin e tij personal, por është një precedent i rëndësishëm për të luftuar shpifjen publike dhe përdorimin e mediave për linçime politike dhe personale, pa asnjë përgjegjësi ligjore.

“Media angazhon një panel të tërë për të shpifur kundër një njeriu që nuk është i pranishëm. Nuk më dhanë as të drejtën e fjalës, as të drejtën e mbrojtjes. Ky është sulm, jo gazetari!”, është shprehur Frrok Çupi.

The post Frrok Çupi padit Ilir Demalian, akuza për shpifje dhe fyerje publike: Sulmi ishte i paramenduar dhe i koordinuar appeared first on Sot News | Lajme.

Gjykata e Tiranës ka rrëzuar padinë e kryeministrit Edi Rama kundrejt ish-kreut të PD-së, Lulzim Basha pas deklaratave publike të vitit 2018 mbi përfshirjen e zyrtarëve të lartë të Partisë Socialiste në aferat e dosjes “339”.

Kreu i qeverisë e kishte paditur Bashën për cenim të nderit dhe personalitetit dhe kërkonte që ai të paguante dëmin jo pasuror në vlerë 1 mln lekë. Po ashtu ai kërkonte detyrimin që i padituri të publikojë një përgënjeshtrim në të gjitha mediat që kanë publikuar deklaratën apo lajmin mbi të. Basha kishte akuzuar për cenimin e procesit elektoral në Durrës dhe Dibër si dhe përfshirjen e segmenteve të krimit në fushatë.

Me vendimin e datës 11 qershor, Gjykata e Tiranës vendosi rrëzimin e padisë me argumentin se është e pabazuar në ligj e në prova, teksa shpenzimit gjyqësore do të paguhen nga pala paditëse.

The post Gjykata e Tiranës rrëzon padinë e Ramës kundër Bashës për deklaratat e dosjes ‘339’ appeared first on Lapsi.al.

Kreu i PD-së, Sali Berisha ka dalë nga SPAK pas gati 1 orë marrje në pyetje nga prokurorët e posaçëm. Berisha zbuloi se ndaj tij është ngritur një padi për shpifje nga gjyqtarja e çështjes së tij, Irena Gjoka.

“Është një person që e ka vendin në burg, e nxitur nga Rama dhe Altin Troplini ngre padi për fyrje”, theksoi ish-kryeministri.

Sali Berisha: Këtu u thirra me firmë të Altin Troplinit. Altin Troplini ishte shumë i shqetësuar se pse unë kam pyetur Irenën me 5 mbiemra nëse… Domethënë, i shqetësuar gjer në plalcë, Altin Troplini që po shtronte një gotë verë me Pojën, e kishte në zyrë…

Tani për fyerjen e gjyqtares, dëgjojeni pak këtu, të parashikuar në kaq e aq, irena Gjoka në detyrë pranë gjykatës, kur unë e pyes nëse ke një bisedë telefonike me Alket Hysenin për 500 mijë euro.

Pyetje i kam bërë unë asaj. Dhe gjykatësja e Edi Ramës, familjare, se ka lidhje familjare me Edi Ramën. Unë desha të lexoj, por nuk arrita, për të kuptuar stilin nëse ka dorë Linda Rama në atë material apo jo se janë shumë shoqe, siç e keni marrë vesh. Janë shoqe.

Pra, ua them unë këtu, prisni… A ke ti ndonjë bisedë me Alket Hysenin me të cilën flitet për 500 mijë euro për ryshfet për të hequr nga klasifikimi si grup kriminal apo e ke me Mirel Mërtirin? Tani, këtë Irena me 5 mbiemra e ka marrë si fyerje. Pra ushtrimin e funksionit publik timin si kryetar i partisë më të madhe opozitare dhe pyetjen, në të cilën po të ishte e pafajshme, do ta refuzonte, do ta shpjegonte, por Irena, një mashtruese ordinere, një delinkuente klasike, një person që e ka vendin në burg dhe në qeli për ato që ka bërë, e nxitur nga Edi Rama dhe Altin Troplini, ngre padi ndaj meje për fyerje.

The post Berisha del nga SPAK, zbulon arsyen e thirrjes nga prokurorët e posaçëm: Irena me 5 mbiemra ka ngritur padi për fyerje appeared first on Sot News | Lajme.

Një padi e Irena Gjokës, gjyqtares së GJKKO-së ndaj Argita Malltezit (Berisha) vajzës së ish-Kryeministrit Sali Berisha, pritet të vendosë para agjentit të BKH-së kreun demokrat, i cili është thirrur me cilësinë e personit që ka dijeni lidhur me çështjen që po hetohet nga SPAK.

Berisha pritet të paraqitet në Prokurorinë e Posaçme rreth orës 10:00. Dhe paralelisht me paraqitjen e kreut demokrat në SPAK, do të jenë militantët dhe anëtarët e strukturave drejtuese të PD-së që do të shkojnë para godinës së Prokurorisë, në formë mbështetjeje për liderin e tyre.

Ata janë ‘thirrur’ në mbështetje të Berishës nga Flamur Noka, Sekretari i Përgjithshëm i PD-së, i cili sa herë që kreu demokrat paraqitet në SPAK, merr rolin e organizatorit të mbështetësve jashtë godinës së Prokurorisë.

Berisha pritet të merret në pyetje nga agjenti i BKH-së, Ardit Neli, ndërsa më pas me një skenar pothuajse të njëjtë si në raste të ngjashme, kreu demokrat do t’I drejtohet me një fjalim mbështetësve. Natyrisht që sot ai shigjetat do i ketë ndaj gjyqtares Irena Gjoka, por edhe SPAK, që ka nisur hetimet pas padisë së ish-kryetares së GJKKO-së ndaj Argita Berishës.

Më konkretisht, ndaj gjyqtares Gjoka është artikuluar një akuzë për një rryshfet prej 500 mijë euro. Deklarata është bërë në 23 shtator 2024, kohë kur Sali Berisha dhe Jamarbër Malltezi ishin në masa sigurie, ndërsa akuza është bërë nga Argita Malltezi.

“Ajo që dihet nga të gjithë, besoj edhe nga gazetarët, gjyqtarë dhe prokurorë të SPAK, 17 veta rezultojnë në dosjen e Encrochat të përfshirë. 17 veta nga gjyqësori special, përveç të tjerëve. Pyetja që duhet të bëni është pse nuk del kjo gjë? Gjyqtarja e çështjes, Irena Gjoka pretendohet se gjithashtu është në një video, a është e vërtetë, nuk e di, mua më thonë që është në një video të marrë nga një aparat celular i një gazetari të larguar nga Shqipëria, në të cilin ajo rezulton e filmuar duke biseduar me një ish-eksponent të Partisë Socialiste duke negociuar për tarifën që i kërkon prej 500 mijë euro për të mos e futur në grup të strukturuar kriminal. Duhet të na thotë SPAK nëse është apo jo e vërtetë kjo”, ishte deklarata e vajzës së ish-kryeministrit Sali Berisha. Referuar kësaj deklarate, Gjoka i është drejtuar SPAK-ut, i cili ka nisur procedimin penal 193/2024.

The post Berisha para agjentit të BKH-së, militantët e PD ‘rrethojnë’ SPAK, ja çfarë pritet të ndodhë appeared first on Sot News | Lajme.

Gjashtëmbëdhjetë shtete kanë ngritur një padi kundër administratës Trump në lidhje me propozimin e saj për të lejuar shitjen e shkrepëseve me rivendosje të detyruar, të cilat u mundësojnë pushkëve gjysmëautomatike të qëllojnë me një ritëm më të lartë, dhe për t’ua kthyer pajisjet e sekuestruara pronarëve të tyre.

Padia, e cila u njoftua të hënën, argumenton se kthimi i shkrepëseve do të shkelte ligjet federale, duke rrezikuar si banorët ashtu edhe personelin e zbatimit të ligjit, si dhe duke përkeqësuar potencialisht dhunën me armë. Padia u ngrit në një gjykatë federale në Maryland.

Kishte pasur disa beteja ligjore mbi pajisjet, të cilat zëvendësojnë këmbëzën tipike në një pushkë të tipit AR-15. Administrata Biden më parë kishte argumentuar se këmbëzat kualifikohen si mitralozë sipas ligjit federal, sepse presioni i vazhdueshëm i gishtave mbi këmbëzat do ta mbajë pushkën të qëllojë, duke krijuar në thelb një mitraloz të paligjshëm.

Rare Breed Triggers, prodhuesi i pajisjeve, thotë se Byroja e Alkoolit, Duhanit, Armëve të Zjarrit dhe Eksplozivëve (ATF) i klasifikoi gabim ato dhe shpërfilli kërkesat për të ndaluar shitjet e shkaktarëve përpara se të paditet nga administrata Biden.

Departamenti i Drejtësisë njoftoi një marrëveshje muajin e kaluar me kompaninë që lejonte shitjen e aktivizuesve me rivendosje të detyruar. Më parë, kompania përfaqësohej nga David Warrington, i cili aktualisht shërben si këshilltar ligjor i Trump në Shtëpinë e Bardhë.

Sipas marrëveshjes, Rare Breed Triggers ka rënë dakord të përmbahet nga prodhimi i pajisjeve për pistoleta, sipas Departamentit të Drejtësisë.

Zgjidhja kërkon gjithashtu që ATF-ja të kthejë shkaktarët që ose janë konfiskuar ose janë dorëzuar vullnetarisht nga pronarët e tyre te qeveria.

Padia e iniciuar nga shtetet po drejtohet nga prokurorët e përgjithshëm të Delaware, Maryland dhe New Jersey.

Shtete të tjera pjesëmarrëse përfshijnë Koloradon, Havain, Illinoisin, Mainin, Masaçusetsin, Miçiganin, Minesotën, Nevadën, Oregonin, Rhode Islandin, Vermontin, Uashingtonin, si dhe Distriktin e Kolumbias.

The post 16 shtete padisin administratën Trump, po lejon “aktivizuesit” e shpejtë të zjarrit appeared first on Euronews Albania.

Një gjykatës federal ka hedhur poshtë paditë e Justin Baldoni ndaj Blake Lively, Ryan Reynolds, publicistes së tyre Leslie Sloane dhe gazetës The New York Times.

Më 9 qershor, gjykatësi Lewis J. Liman pranoi kërkesën për të hedhur poshtë padinë prej 400 milionë dollarësh të ngritur nga Baldoni dhe kompania e tij Wayfarer ndaj Lively dhe Reynolds për shpifje dhe shantazh, si dhe padinë prej 250 milionë dollarësh kundër gazetës “The New York Times” për shpifje.

Megjithatë, gjykatësi i dha ekipit ligjor të Baldoni-t afat deri më 23 qershor për të ndryshuar disa pretendime ligjore të tjera, si shkelja e marrëveshjeve të nënkuptuara dhe ndërhyrja e qëllimshme në kontrata.

“Wayfarer nuk ka paraqitur prova që Lively të ketë bërë ndonjë deklaratë tjetër përveç atyre në ankesën e saj zyrtare, të cilat janë të mbrojtura ligjërisht,” shkruhet në vendimin gjyqësor.

Avokatët e Lively-t e përshkruan vendimin si një “fitore totale dhe rehabilitim të plotë” për aktoren dhe palët e tjera të përfshira:

“Kjo padi ‘400 milionë dollarëshe’ ishte një mashtrim që gjykata e kuptoi menjëherë,” thanë ata, duke paralajmëruar se tani do të kërkojnë shpenzimet gjyqësore dhe dëmshpërblime të trefishta nga Baldoni dhe Wayfarer për “abuzim të procesit ligjor.”

Avokatja e publicistes Leslie Sloane, Sigrid McCawley, tha:

“Leslie Sloane nuk ka shpifur kurrë ndaj Baldoni-t dhe është përfshirë padrejtësisht në këtë proces. Vendimi i sotëm provon pafajësinë e saj.”

“The New York Times” ka mbrojtur raportimin e vet që nga fillimi, duke deklaruar:

“Artikulli ynë ishte i raportuar në mënyrë të kujdesshme dhe profesionale.”

Blake Lively ka depozituar padinë e saj në dhjetor 2024, duke akuzuar Baldoni për ngacmim seksual dhe hakmarrje, akuza që ai i mohon. Pasi ajo u padit nga Baldoni, ekipi i saj ligjor e quajti kundërpadinë e tij “hakmarrëse dhe pa bazë”.

Gjykimi i pritshëm midis Lively dhe Baldoni-t, në të cilin pritet të dëshmojnë të dy, është planifikuar për mars 2026.

The post Gjykata rrëzon padinë 400 milionë dollarëshe të Justin Baldoni appeared first on Lapsi.al.