Aeroporti Ndërkombëtar i Tiranës (TIA) shpall me krenari një arritje historike. Më 4 gusht 2025, aeroporti regjistroi ditën më të ngarkuar ndonjëherë, duke përpunuar 50,892 pasagjerë dhe duke menaxhuar 298 lëvizje avionësh.

Kjo shifër tejkalon rekordin e mëparshëm të vendosur më 16 gusht 2024, kur TIA kishte pritur 44,885 pasagjerë dhe kishte operuar 251 fluturime, duke shënuar një rritje të ndjeshme si në numrin e udhëtarëve, ashtu edhe në lëvizjet ajrore, krahasuar me një vit më parë.

Korrik 2025 – Rritje e qëndrueshme për 43 muaj radhazi

Performanca e TIA-s është rezultat i një tendence të qëndrueshme rritjeje gjatë katër viteve të fundit. Pas gati 3 milionë pasagjerësh në vitin 2021, aeroporti pothuajse e dyfishoi trafikun në vitin 2022, duke arritur në mbi 5 milionë udhëtarë. Rritja vazhdoi në vitin 2023 me mbi 7 milionë pasagjerë, dhe u përshpejtua ndjeshëm në vitin 2024, kur për herë të parë TIA kaloi 10 milionë pasagjerë, duke vendosur një rekord të ri ndërkombëtar.

Muaji korrik 2025 shënoi një tjetër arritje, me 1,286,707 pasagjerë që udhëtuan nga dhe drejt destinacioneve ndërkombëtare përmes TIA-s, një rritje prej 9% krahasuar me të njëjtin muaj të vitit 2024. Edhe numri i fluturimeve u rrit me 5% krahasuar me korrikun e vitit të kaluar.

Destinacionet më të preferuara mbeten Milano, Londra, Bolonja, Treviso dhe Vjena.
Në 7 muajt e parë të vitit 2025, numri total i pasagjerëve që kaluan nëpër TIA arriti në 6.4 milionë, duke shënuar një rritje prej 8% në krahasim me të njëjtën periudhë të vitit 2024.

Zgjerimi i rrjeteve ajrore në vitin 2025

Ky ritëm i lartë rritjeje është mbështetur nga zgjerimi i linjave ajrore dhe hapja e destinacioneve të reja. Gjatë vitit 2025, TIA ka shtuar një sërë destinacionesh kyçe në Evropë, përfshirë Lisbonën, Nantes, Bordeaux, Talinin, Vilniusin dhe Tel Avivin, ndërsa pas verës pritet të fillojnë edhe linjat e reja drejt Malagas, Larnakës dhe Valletës.

Dixhitalizimi – Për një të ardhme më të mirë

Me qëllim përmirësimin e përvojës së udhëtarëve, TIA po investon në infrastrukturë dhe zgjidhje dixhitale moderne, duke përfshirë:

• Porta elektronike kufitare për përpunim më të shpejtë të kontrolleve të pasaportave
• Skanerë të avancuar të sigurisë, që shkurtojnë kohën e kontrollit dhe përmirësojnë efikasitetin
• Zgjerim i hapësirave të parkimit (tashmë me 1,900 vende) me një strukturë të re shumëkatëshe tërësisht funksionale
• Bordimi me karta dixhitale, që u mundëson pasagjerëve të shmangin radhët për check-in në sportele

TIA shpreh falënderimet e saj më të sinqerta për të gjithë pasagjerët, linjat ajrore dhe stafin e përkushtuar, që e kanë bërë të mundur këtë arritje historike.

Rreth Aeroportit Ndërkombëtar të Tiranës

Aeroporti Ndërkombëtar i Tiranës “Nënë Tereza” është porta kryesore ajrore e Shqipërisë, që lidh vendin me mbi 90 destinacione në Evropë dhe më gjerë. Përmes investimeve të vazhdueshme dhe inovacionit, TIA po udhëheq zhvillimin e udhëtimeve ajrore në Shqipëri dhe po pozicionohet si një ndër aeroportet me rritjen më të shpejtë në rajon.

Gjykata Kushtetuese e Kosovës tha se deputetët e Kuvendit të Kosovës duhet të zgjedhin kreun e ri të organit ligjvënës përmes votimit të hapur. Konstituimi i Kuvendit duhet të përmbyllet brenda 30-ditësh.

Partia fituese e zgjedhjeve, Lëvizja Vetëvendosje deri më tani ka propozuar vetëm Albulena Haxhiun për postin e të parës së Kuvendit, teksa edhe pas aktgjykimit paraprak të Kushtetueses, kishte argumentuar se ajo mund të zgjidhej përmes votimit të fshehtë.

Në aktgjykimin e shpallur më 8 gusht, Kushtetuesja tha se kryesuesi i seancës, Avni Dehari, nuk ka vepruar në bazë të aktgjykimit të mëhershëm të kësaj gjykate të 26 qershorit, duke shtuar se të gjitha seancat e mbajtura nga 27 qershori deri më 26 korrik “të shpallen të pavlefshme”.

Gjykata Kushtetuese e Kosovës ka urdhëruar kryesuesin e seancës konstituive të Kuvendit të Republikës së Kosovës të vazhdojë me pikën 3 të rendit të ditës së seancës konstituive, të miratuar më 8 prill 2025, dhe të “ftojë përfaqësuesin e grupit më të madh parlamentar për të propozuar kandidatin/en për kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në tre herë për kandidatin/en e njëjtë”.

Po ashtu ka urdhëruar që gjatë procedurës së zgjedhjes së kryetarit/es dhe nënkryetarëve të Kuvendit të Republikës së Kosovës të jenë të gjithë deputetët e zgjedhur të pranishëm dhe të votojnë.

Deputetët e dalë nga zgjedhjet e 9 shkurtit kishin shpërfillur një vendim të Kushtetueses, e cila u dha afat deri më 26 qershor të konstituonin organin ligjvënës. Pas kësaj, Gjykata vendosi masë të përkohshme, deri në shqyrtimin e lëndëve të dërguara nga Partia Demokratike e Kosovës dhe Lidhja Demokratike e Kosovës, lëndë për të cilat shpalli aktvendimin të premten, më 8 gusht.

Nga 15 prilli deri më 26 korrik, deputetët mbajtën 54 vazhdime të seancës, por dështuan që ta konstituonin organin ligjvënës.

Nga 1 maji, kryesuesi i seancës, Avni Dehari, e ndryshoi rendin e ditës, duke shmangur votimin e hapur dhe duke kërkuar formimin e një komisioni që do të mbikëqyrte votimin e fshehtë për kryeparlamentar.

Kjo formë e votimit u kundërshtua nga PDK-ja, LDK-ja, Aleanca për Ardhmërinë e Kosovës dhe Lista Serbe, që refuzuan të propozonin anëtar për këtë komision.

Gjatë seancave para 1 majit – kur votimi ishte i hapur – e propozuara e LVV-së për kryeparlamentare, Albulena Haxhiu, në disa votime nuk kishte arritur që të merrte 61 votat e nevojshme.

Haxhiu është cilësuar nga PDK-ja dhe AAK-ja si “figurë përçarëse”, ndërkaq LDK-ja ka deklaruar se nuk voton për asnjë kandidat të LVV-së për postin e kryetarit të Kuvendit./rel

E mbijetuara e dhunës seksuale gjatë luftës në Kosovë, Vasfije Krasniqi, i është bashkuar protestës kundër padrejtësive ndaj krerëve të UÇK-së në Hagë.

Në një prononcim për gazetaren e Klan Kosovës, Krasniqi tha se në protestë ka dalë për t’i mbrojtur vlerat kolektive, teksa protestën e cilësoi si pak të vonshme.

“Sot kam dalë këtu për t’i mbrojtur vlerat tona kolektive. Është pak me vonesë, por shpresoj që të jetë protestë e fortë për t’i mbështetur vlerat tona të UÇK-së”.

“Vlerësimi im për UÇK-në s’ka ndryshuar kurrë. Në vitin 1998 kur është betuar vëllai im për të luftuar për UÇK-në, është edhe ditën e sotme”, tha Krasniqi për Klan Kosova.

Tutje, ajo u shpreh krenare për Ushtrinë Çlirimtare të Kosovës që e ka pasur Kosova dhe për ushtrinë që Kosova e ka në ditën e sotme.

Qytetarë të shumtë janë mbledhur në sheshin “Skënderbeu” në Prishtinë, në protestën gjithëpopullore të thirrur nga organizatat e dala nga lufta, në mbrojtje të vlerave të Ushtrisë Çlirimtare të Kosovës.

Qytetarët e konsiderojnë Gjykatën Speciale si raciste, derisa mbanin në duar flamuj kombëtarë dhe pankarta të ndryshme në përkrahje të ish krerëve të UÇK-së që po gjykohen në Hagë. Isat Gashi, i cili kishte ardhur nga Klina për të protestuar, tha se ish presidenti Hashim Thaçi dhe të tjerët po mbahen padrejtësisht në paraburgim dhe me dirigjime nga Serbia.

“Jemi mbledhur sot për çlirimin e çlirimtarëve tanë që mbahen padrejtësisht në Hagë…Mendojmë se do të ketë rezultat për lirimin e djemve tanë, heronj të gjallë…Gjykata Speciale është raciste dhe po mban padrejtë në Hagë çlirimtarët me dirigjimet e Serbisë”, tha ai.

Ka përfunduar protesta “drejtësi kundër padrejtësive” të Speciales në Hagë, e cila u mbajt në Prishtinë

Në sheshin “Skënderbeu” u mblodhën me mijëra qytetarë nga të gjitha qytetet e Kosovës, por edhe përtej kufijve.

Ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi ndodhen në paraburgim në Hagë prej nëntorit 2020. Ata ngarkohen për krime lufte, teksa janë deklaruar të pafajshëm për të gjitha pikat e aktakuzës.

Gjykimi ndaj tyre nisi më 3 prill 2023. Emisari amerikan për Misione të Posaçme, Richard Grenell ka shprehur përkrahje për ish-presidentin, Hashim Thaçi duke e cilësuar si të turpshëm faktin që ai po mbahet ende në paraburgim. Grenell e ka quajtur Hagën si një institucion i cili nuk funksionon. Përkrahje për protestë kanë shprehur figura të ndryshme politike në vend si dhe figura fetare me ndikim në Kosovë.

Ora 17:51 Padrejtësi në Hagë, protestë në Prishtinë/ Ali Ahmeti: UÇK ka bërë luftë të drejtë, kërkojmë liri për çlirimtarët

Një ndër themeluesit e UÇK, Ali Ahmeti mori pjesë në protestën e mbajtur në Prishtinë, kundër Gjykatës Speciale.

Gjatë fjalës së tij, Ahmeti shpreh se UÇK ka bërë luftë të drejtë dhe nuk është marrë me të pafajshmit.

Ahemti shtoi se kërkohet liri për ish krerët e UÇK, që ndodhen në Hagë.

17:05 – Nis protesta “drejtësi kundër padrejtësive” 

Protesta e thirrur për “drejtësi kundër padrejtësive” të Speciales në Hagë, tashmë ka nisur.

Në sheshin “Skënderbeu” janë mbledhur me mijëra qytetarë nga të gjitha qytetet e Kosovës, por edhe përtej kufijve.

Ora 16:52 E mbijetuara e dhunës në protestë/ Vasfije Krasniqi: Kam dalë për t’i mbrojtur vlerat tona, jam krenare me UÇK-në

E mbijetuara e dhunës seksuale gjatë luftës në Kosovë, Vasfije Krasniqi, i është bashkuar protestës kundër padrejtësive ndaj krerëve të UÇK-së në Hagë. Krasniqi tha se në protestë ka dalë për t’i mbrojtur vlerat kolektive, teksa protestën e cilësoi si pak të vonshme.

“Sot kam dalë këtu për t’i mbrojtur vlerat tona kolektive. Është pak me vonesë, por shpresoj që të jetë protestë e fortë për t’i mbështetur vlerat tona të UÇK-së”.

“Vlerësimi im për UÇK-në s’ka ndryshuar kurrë. Në vitin 1998 kur është betuar vëllai im për të luftuar për UÇK-në, është edhe ditën e sotme”, tha Krasniqi për Klan Kosova. Tutje, ajo u shpreh krenare për Ushtrinë Çlirimtare të Kosovës që e ka pasur Kosova dhe për ushtrinë që Kosova e ka në ditën e sotme.

Ora 16:51 Qytetarët të ashpër me Specialen: Raciste, çlirimtarët po mbahen në Hagë me dirigjime nga Serbia

Qytetarë të shumtë janë mbledhur në sheshin “Skënderbeu” në Prishtinë, në protestën gjithëpopullore të thirrur nga organizatat e dala nga lufta, në mbrojtje të vlerave të Ushtrisë Çlirimtare të Kosovës.

Qytetarët e konsiderojnë Gjykatën Speciale si raciste, derisa mbanin në duar flamuj kombëtarë dhe pankarta të ndryshme në përkrahje të ish krerëve të UÇK-së që po gjykohen në Hagë. Isat Gashi, i cili kishte ardhur nga Klina për të protestuar, tha se ish presidenti Hashim Thaçi dhe të tjerët po mbahen padrejtësisht në paraburgim dhe me dirigjime nga Serbia.

Ora 16:41 Protesta për lirimin e ish krerëve të UÇK/ Bashkëshortja e Jakup Krasniqit: Gjykata të ketë parasysh popullin, presim që ata të lirohen

“Jam shumë e emocionuar, gjykata duhet të ketë parasysh, jo gjykim dënues. Në emër të popullit duhet gjykim lirues. Mirë është me shëndet. Presim ne të rikthehen ata, si të lirë. Po, edhe më herët edhe të vazhdojmë deri në gjykimin përfundimtar”, theksoi bashkëshortja e Jakup Krasniqit.

Ora 15:58 “Liria nuk gjykohet, liria mbrohet”, protesta kundër Speciales, Ali Ahmeti drejt Prishtinës

Kryetari i BDi-së Ali Ahmeti, është nisur rrugës për në Prishtinë ku edhe do të marrë pjesë në protestën e veteranëve të UÇK-së kundër Speciales.

Ahmeti njëherëh do t’iu drejtohet të pranishmëve edhe me një fjalë rasti.

Ora 15:55 Ish-ambasadori Robert Bosch për protestën: UÇK-ja ishin këmbët tona në terren, Specialja nuk duhej themeluar

Gjykata Speciale nuk është dashur të themelohej, andaj është mirë që po protestohet, thotë ish-ambasadori i Holandës në Kosovë, Robert Bosch, pak orë para se në Prishtinë të mblidhen veteranë e qytetarë të tjerë për të shprehur kundërshtimet e tyre për mënyrën se si po punojnë Dhomat e Specializuara në Hagë. Në një intervistë për KosovaPress, nga Haga, Bosch thekson se protesta duhet të jetë e qetë dhe dinjitoze.

Specialja, e cila i heton krimet e pretenduara të pjesëtarëve të UÇK-së, ka seli në Holandë dhe funksionon me staf ndërkombëtar, edhe pse e themeluar me ligje të Kosovës në vitin 2015. Atje po gjykohen ish-krerët e UÇK-së, Hashim Thaci, Kadri Veseli, Jakup Krasniqi e Rexhep Selimi.

Ora 13:47 Gucati: Mesazhi i protestës sonë është i qartë, do të dëgjohet edhe në Hagë

Kryetari i Organizatës së Veteranëve të Luftës së UÇK-së, Hysni Gucati, ka folur për protestën e thirrur sot kundër, siç thotë ai, padrejtësive që po u bëhen ish-krerëve të UÇK-së nga Gjykata Speciale në Hagë.

Ora 13:46 Protesta kundër Speciales, disa emigrantë shpalosin flamurin e UÇK-së në Hagë

Këtë të enjte në Prishtinë zhvillohet protesta kundër Gjykatës Speciale. Disa emigrantë kanë zhvilluar një aksion simbolik në Hagë, në ditën që do të mbahet protesta kundër Gjykatës Speciale në Prishtinë. Ata kanë shpalosur një flamur të UÇK-së pranë objektit ku ndodhet qendra e paraburgimit.

Ora 12:31 Vajza e Jakup Krasniqit: Heshtja e atyre që dikur ëndërruan lirinë me pranga në duar, është e pafalshme

Vajza e Jakup Krasniqit, Gresa, ka bërë një postim emocionues para protestës që do të mbahet sot kundër padrejtësive në procesin e Hagës, ku po gjykohet babai i saj dhe ish krerët e tjerë të UÇK-së.

Ajo tha se ata që premtuan dhe nuk shkruan asnjë fjalë ndaj bashkëluftëtarëve, më e pakta që mund të bëjnë, është të kërkojnë sot drejtësi në protestë.

Ora 11:32 Djali i Jakup Krasniqit bën thirrje për protestë: Nuk është për individë, por për luftën e UÇK-së

Djali i Jakup Krasniqit, Altin Krasniqi, ka ftuar qytetarët që t’i bashkohen protestës së sotme që do të mbahet në orën 17:00.

Ai theksoi se kjo protestë nuk ka të bëjë me mbrojtjen e disa individëve, por me mbrojtjen e vlerave të luftës së Ushtrisë Çlirimtare të Kosovës, transmeton Klankosova.tv.

Përmes një postimi në Facebook, Krasniqi tha se protesta është kundër përpjekjeve për të barazuar agresorin me viktimën dhe ndaj padrejtësive që po u bëhen ish-krerëve të UÇK-së.

Ora 11:03 Veteranët protestojnë në Prishtinë kundër Gjykatës Speciale, Hasani: Beteja me drejtësinë do të fitohet

Organizata e Veteranëve të Luftës së UÇK-së ka thirrur një protestë që do të mbahet sot në ora 17:00, në sheshin “Skënderbeu” në Prishtinë, për të kundërshtuar, siç pretendojnë ata, padrejtësitë që po u bëhen ish-drejtuesve të UÇK-së nga ana e Gjykatës Speciale.

Në lidhje me protestën është shprehur edhe deputeti i PDK-së, Nait Hasani, i cili gjatë një prononcimi të mërkurën mbrëma për emisionin “Edicioni Special” në Klan Kosova u shpreh se beson që beteja me drejtësinë do të fitohet, pavarësisht sfidave.

Ora 11:02 OVL-UÇK me videomesazh para protestës: UÇK-ja është lavdi, jo aktakuzë!

Organizata e Veteranëve të UÇK-së ka vazhduar thirrjet për protestën që do të mbahet sot nga ora 17:00 në sheshin “Skënderbeu” në Prishtinë.

Përmes një postimi në profilin e saj në “Facebook”, kjo organizatë ka shpërndarë një video ku theksohen arsyet e mbajtjes së protestës.

Në video shfaqet parulla “UÇK-ja është lavdi, jo aktakuzë”, ndërsa pas saj paraqiten edhe pamje të ish-krerëve të UÇK-së, të cilët po mbahen në Hagë.

Ora 10:35 Lati për protestën e sotme: Duhet t’i mbështesim burrat që sakrifikuan për Kosovën

Emin Lati nga Organizata e Veteranëve të Luftës në Skenderaj ka folur për protestën e thirrur nga OVL-UÇK, duke theksuar rëndësinë e mbështetjes për ish-krerët e UÇK-së që po mbahen në Hagë.

Në një intervistë për Klan Kosova, Lati tha se këta burra kanë sakrifikuar për të mirën e Kosovës dhe se qytetarët duhet t’u dalin në krah.

Kryetari i Organizatës së Veteranëve të Luftës së UÇK-së, Hysni Gucati, ka folur për protestën e thirrur sot kundër, siç thotë ai, padrejtësive që po u bëhen ish-krerëve të UÇK-së nga Gjykata Speciale në Hagë.

Në një lidhje direkte për emisionin “Kosova Today” në Klan Kosova, Gucati tha se kjo protestë është një rikthim i frymës së bashkimit të viteve të ’90-ta, transmeton Klankosova.tv.

“Sot do të jemi të bashkuar. Sot besoj se qytetarët e Kosovës do të bashkohen sikur atëherë, në vitet e ’90-ta. Mesazhi ynë është i qartë dhe besoj se do të dëgjohet jo vetëm nga Gjykata Speciale, por në mbarë botën demokratike, se kjo gjykatë është e padrejtë dhe e njëanshme”, theksoi ai./abcnews.al

Shqipëria nuk preket nga projekti i ri i Shteteve të Bashkuara të Amerikës, i cili parashikon garanci deri në 15 mijë dollarë për marrjen e një vize turistike apo biznesi. Të paktën jo në këtë fazë të parë të implementimit të tij.

Në një njoftim të Departamentit të Shtetit thuhet se projekti pilot 12-mujor, që nis zbatimin më 20 gusht, do të zbatohet fillimisht për shtetasit nga Malaui dhe Zambia, dy shtete të Afrikës Jugore dhe Juglindore.

Burime për Abc Neës thanë se deri më tani në Ministrinë për Evropën dhe Punët e Jashtme nuk ka asnjë njoftim zyrtar për këtë projekt pilot por më hyrjen në fuqi mund të ketë vende të tjera të cilat I shtohen listës.

Projekti i ri i vizave parashikon tre nivele garancie, 5 mijë, 10 mijë dhe 15 mijë euro, shifer e cila përcaktohet gjatë procesit të intervistimit nga stafet e ambasadave dhe në varësi të rrezikshmërisë për shkeljen e vizave.

Garancia nuk do të zbatohet për shtetasit e vendeve që marrin pjesë në programin e heqjes së vizave dhe mund të përjashtohet për të tjerët në varësi të rrethanave individuale të aplikantit. Kjo nuk është hera e parë që propozohen garancitë për vizat por në të shkuarën nuk janë zbatuar. Departamentin Amerikan të Shtetit e ka dekurajuar këtë kërkesë për shkak të procesit të ndërlikuar të depozitimit dhe kthimit të garancisë.

Megjithatë, ky qëndrim i mëparshëm nuk mbështetet nga ndonjë shembull apo dëshmi e kohëve të fundit, pasi garancitë për viza nuk janë kërkuar përgjithësisht në ndonjë periudhë të fundit.

Ky projekt pilot vjen në një kohë që administrata Trump ka shtuar rregullat për rinovimin e vizave ndërsa një raport i Departamentit për Sigurinë e Brendshme thotë se përgjatë 2023, 42 % e 11 milionë të huajve që hynë me vizë të rregullt me afat nuk u larguan më nga Shtetet e Bashkuara të Amerikës./abcnews.al

Nuk kanë vetëm gjigandin e boksit, Oleksandër Usik. Ukraina po ashtu nuk shkëlqen vetëm në atletikë, me rekordmenen botërore të kërcimit së larti, Jaroslava Mahuçik.

Vendi i madh europian, që prej më shumë se 3 vitesh ndodhet në luftë për shkak të sulmit të Rusisë, arriti një tjetër kulm në sport, këtë herë në volejboll.

Skuadra kombëtare ukrainase, e përbërë nga dy lojtare, fitoi titullin kampion të Europës në volejbollin në plazh, në turneun e mbajtur në Dyseldorf të Gjermanisë.

Kjo ndodh për herë të parë. Kampionet e reja janë Marina Hladun dhe Tetiana Lazarenko, të cilat fituan në finale ndaj dyshes së Francës, të përbërë nga Klemensë Vieira dhe Alinë Shamero.

Rezultati I finales ishte 2-1, dhe setet u ndanë pas një lufte të ashpër me shifrat 21-23, 21-18 dhe 16-14.

Në gjysmëfinale, dyshja ukrainase, Hladun e Lazarenko, fitoi ndaj Gjermanisë, që ishte skuadra vendase dhe kampionia në fuqi e Europës.

Suksesi ishte I madh, pasi është I pari titull europian për Ukrainën në volejbollin e plazhit, për meshkuj e femra.

Femrat kishin arritur më parë deri në të tetat e finaleve, ndërsa djemtë kishin fituar një medalje bronzi./abcnews.al

Disa prej tyre kanë pasur rritje. Në kombëtaren shqiptare po shtohen milionerët, pra ata futbollistë që paguhen me një shifër që ka gjashtë zero pas numrit kryesor.

Mirlind Daku, që rinovoi kontratën me Rubinin besohet se ka arritur apo kaluar 2 milionë eurot në sezon, një shifër tepër e rëndësishme në Premier Ligën e Rusisë, e mendohet se është bërë lojtari I tretë më I paguar I kampionatit.

Armando Broja shpreson ta ruajë rrogë prej rreth 2.5 milionë eurosh në sezon që merrte tek Çelsi, dhe që e ka pasur edhe si I huazuar në Fulham apo Everton.

Pritet të shihet sesi do të jetë marrëveshja me Bërnlin, klub I cili nuk I ka mundësitë financiare të Bluve të Londrës, ndonëse pritet që për kartonin e sulmuesit kuqezi të jepen të paktën 20 milionë paundë.

Me rritje edhe Ardian Ismajli.

Mbrojtësi e ka kaluar milionëshin tek Torino, dhe sipas raportimeve të mediave italiane, ka kontratë prej 1.1 milionë eurosh në sezon, ndonëse këtu hiqen edhe taksat.

Tek Empoli nuk shkonte më shumë se 800 000 euro.

Gjithsesi, është Mario Mitaj lojtari kuqezi që paguhet më shumë, me 3 milionë euro në sezon tek Al Itihadi në Arabinë Saudite, me të cilin fitoi titullin kampion dhe Kupën.

Kjo shumë merr më shumë vlerë edhe sepse taksat në vendin arab janë tepër të ulëta, ose nuk ekzistojnë fare për yjet e futbollit.

I rëndësishëm mbetet Elseid Hysaj që ka sërish shpresë tek Lacio me rikthimin e trajnerit Mauricio Sarri.

Njëri nga kapitenët kuqezinj ka një rrogë tepër të rëndësishme pasi merr 2 milionë euro, ndërsa bashkë me taksat arrin në 3.7 milionë.

Kombëtarja ka edhe të paktën 3 lojtarë të tjerë që kalojnë milionin si rrogë.

Marash Kumbulla besohet se merr 1.7 milionë euro në sezon sipas kontratës me Romën, e madje bashkë me taksat arrihet në 3.3 milionë.

Kristian Asllani tek Interi duhet të jetë në nivelin e mbi 1 milionë eurove, besohet 1.2 apo 1.4, sepse kontrata e fimosur në 2022 parashikonte rrogë fillestare prej 800 000 eurosh, dhe rritje çdo vit me 200 000.

Së fundmi, Nedim Bajrami, pasi mesfushori raportohet nga mediat në Skoci se ka pagë vjetore prej 1.15 milionë eurosh te Gllazgou Rejnxhërsi.

Deri tani ecuria ka qenë e suksesshme, por për të vazhduar më tej duhet më shumë.

Egnatia dhe Dinamo City do të luajnë sot në mbrëmje sfidat e vajtjes në raundin e tretë kualifikues të Conferencë League.

Të dyja skuadrat shqiptare të mbetura në Kupat e Europës i kanë përballjet e tyre në transfertë, ndaj rivalëve ndjeshëm më të fortë se ata me të cilët janë përballur në dy fazat e para.

Kampionët në fuqi të Superiores do të zbresin në orën 20:00 në fushën e sllovenëve të Olimpija Ljubjanë.

Pasi dështoi në raundin e parë eliminator të Champions, Egnatia arriti të kalojë me sukses fazën e dytë kualifikuese në Conferencë League, duke fituar të dyja ndeshjet ndaj Dinamo Minsk, 2-0 në transfertë dhe 1-0 në shtëpi.

Një tregues i rëndësishëm, por tashmë niveli i kundërshtarëve është më i lartë.

Për këtë arsye, trajnerit Edlir Tetova dhe skuadrës së tij I duhet si fillim një rezultat pozitiv në transfertën sllovene, përpara ndeshjes së kthimit që do të luajë javën e ardhshme në fushën e saj.

I njëjti diskutim vlen për Dinamo City.

Në orën 21:00 skuadra e drejtuar nga Ilir Daja do të luajë në transfertën kundër Hajdukut të Splitit.

Kroatët janë një emër i madh në futbollin ballkanik dhe për këtë arsye bluve ju duhet një tjetër paraqitje nga ajo në sfidat e raundit të dytë.

Për të arritur deri këtu, Dinamo City kaloi me vështirësi Atletic Escaldes nga Andorra, falë fitores 2-1 në transfertë dhe barazimit 1-1 në shtëpi.

Ndoshta edhe ai vetë habitet sesi ka ndryshuar kaq shumë.

Në diçka më shumë se dy sezone që luan në Rusi, Mirlind Daku po arrin kulme gjithnjë e më të mëdhenj, dhe statistika më e fundit tregon se është thuajse më I miri për rrjetat në Premier Ligë.

Mediat ruse shkruajnë se sulmuesi kuqezi ka arritur në 28 gola në kampionat për Rubinin, duke qenë I dyti në këtë renditje, që kur ka vënë këmbë në këtë vend.

I pari është sulmuesi I Zenitit të Shën Peterburgut, Mateo Kasierra me 31 goditje të sakta në rrjetë.

Gjithsesi, ritmi I Dakut është I tillë që ai do të mundë ta lerë pas yllin nga Kolumbia që luan në Rusi nga viti 2021, pra është më shumë i përshtatur me futbollin e vendit.

Ai e ka nisur sezonin në mënyrë të shkëlqyer, me 3 gola e një asist në vetëm tri ndeshje, ndërsa ka shënuar edhe një herë në Kupën e Rusisë.

Interesant fakti se goditja ndaj Orenburgut ishte e para e saktë në Kupën e Rusisë, e cila nuk ka qenë konkurrimi i tij i preferuar.

Për momentin, Daku është Këpuca e Argjendtë virtuale e kampionatit rus, pas sulmuesit Vadim Rakov të ekipit Krilia Sovjetov që ka 4./abcnews.al

Dominimi I tyre vazhdon prej tre vitesh. Skuadra kombëtare e Kinës në sportet e ujit vazhdon të fitojë Kampionatin Botëror dhe kështu ndodhi në turneun e mbajtur këto ditë në Singapor.
Totali I medaljeve ishte 37, nga të cilat 15 të arta, 12 argjendi e 10 bronzi, ndërsa në vend të dytë doli Australia, me vetëm dy të arta më pak, kurse Shtetet e Bashkuara të Amerikës u detyruan të kënaqeshin me vendin e tretë, ndonëse deri 8 vjet më parë ishin të paarritshme.

Paraqitje e mirë e Rusisë, me sportistët e saj që konkurruan si neutralë, dhe dolën në vend të katërt. Kinezët nuk pati rivalë në hedhjet nga trampoline, me 16 medalje gjithsej, duke lënë shumë prapa Australinë e Meksikën. Sportistët e vendit të madh nga Azia fituan plot 9 të arta.

Kina ishte më e mira edhe në notin artistik duke fituar 7 medalje, ndër të cilat 4 të arta, ndonëse shumë pranë ishin edhe Rusia e Spanja. Në garat e gjata të notimit në natyrë nuk pati asnjë rival për Gjermaninë.
Notarët gjermanë morën katër të arta, duke dominuar sidomos për meshkuj, si dhe në skuadrën e përzier. Notari më i mirë i Botërorit për meshkuj u shpall francezi Leon Marshan.

Marshan ishte I shkëlqyer duke fituar dy medalje të arta, e duke vendosur rekordin e ri botëror në 200 metra stil të përzier. Triumfi tjetër për 23-vjeçarin ishte në 400 metra stil të përzier, ndërsa ai mori pjesë në gjysmën e garave në krahasim me Olimpiadën e Parisit, pikërisht për të thyer rekordin botëror.

Për femra, më e mira ishte mrekullia e re kanadeze, Samër Mekintosh. Vajza 18-vjeçare fitoi katër medalje të arta, dhe një bronzi, duke dominuar në 200 metra flutur, 200 metra stil I përzier, 400 metra stil I lirë dhe 400 metra të përziera.

Mekintosh mban 3 rekorde botërore, dhe ka fituar medaljen e artë në moshën 15-vjeçare, edhe ky një rekord botëror. Ndërkaq, amerikania Keti Ledeki vazhdon të jetë e jashtëzakonshme.
Ajo fitoi edhe dy medalje të tjera të arta, në 800 dhe 1500 metra stil I lirë, si dhe bronz në 400 metra stil i lirë. Ledeki mbetet notarja me më shumë medalje në histori, ndër të cilat 9 të arta, po aq sa sovjetikja e famshme, Larisa Latinina.

Djali i Jakup Krasniqit, Altin Krasniqi, ka ftuar qytetarët që t’i bashkohen protestës së sotme që do të mbahet në orën 17:00.

Ai theksoi se kjo protestë nuk ka të bëjë me mbrojtjen e disa individëve, por me mbrojtjen e vlerave të luftës së Ushtrisë Çlirimtare të Kosovës, transmeton Klankosova.tv.

Përmes një postimi në Facebook, Krasniqi tha se protesta është kundër përpjekjeve për të barazuar agresorin me viktimën dhe ndaj padrejtësive që po u bëhen ish-krerëve të UÇK-së.

“Protestoni sot bashkë me ne! Jo për individët, por për çka ata përfaqësojnë – për luftën e drejtë dhe të shenjtë të UÇK-së. Ata luftuan për ne, ne sot kemi obligim moral të ngrihemi për ta”, shkroi ndër të tjera ai.

DHTI-Tiranë, duke ndjekur me shqetësim publikimin lidhur me lajmin e rremë dhe të pabazuar ndaj kompanisë “Lajthiza “, shpreh mbështetjen e plotë ndaj këtij subjekti prodhues i cili, ndër vite, ka dëshmuar standard të lartë profesionalizmi, cilësie dhe përgjegjësie ndaj konsumatorit shqiptar.

Kompania “Lajthiza”, anëtare prej vitesh pranë DHTIT, është një aktor i rëndësishëm në sektorin ushqimor vendas dhe operon me certifikime të vlefshme të sigurisë ushqimore dhe me monitorim të vazhdueshëm nga institucionet përgjegjëse.

Nisur nga ky rast, ne, dënojmë me vendosmëri këtë praktikë të papranueshme ku “gjyqi” i opinionit publik bëhet përmes titujve anonimë dhe jo përmes institucioneve shtetërore, të vetmet të autorizuara për të verifikuar cilësinë e produkteve dhe standardet e kompanive.

Gjithashtu, u bëjmë thirrje institucioneve përkatëse shtetërore dhe organeve rregullatore që të marrin masa të menjëhershme për të parandaluar dhe ndëshkuar përhapjen e informacionit të rremë, duke garantuar një treg të ndershëm, të sigurt dhe transparent për konsumatorin dhe bizneset në vend.

Dhoma e Tregtisë dhe Industrisë Tiranë do të vijojë të jetë zëri i të gjithë sipërmarrjeve që operojnë ndershmërisht, në respektim të standardeve të sigurisë ushqimore dhe për mbrojtjen e konsumatorit në tregun shqiptar. Ne jemi të vendosur të mbrojmë integritetin e tyre, të promovojmë një klimë biznesi të shëndetshme dhe të bashkëpunojmë ngushtësisht me institucionet për të garantuar respektimin e të drejtave të bizneseve dhe konsumatorëve njëkohësisht.

Në përfundim, inkurajojmë kompaninë “Lajthiza” të vazhdojë punën me integritet dhe përkushtim, dhe jemi të gatshëm të ofrojmë mbështetje institucionale dhe publike për të tejkaluar këtë situatë të padrejtë.

Ish-presidenti Ilir Meta ka paraqitur një kërkesë në Gjykatën e Posaçme për zbutjen e masës së sigurisë nga “arrest me burg” në një masë më të lehtë atë të ndalimt të daljes jashtë vendit.

Meta, i cili ndodhet në paraburgim prej tetorit 2024, kërkon të lirohet, me argumentin se SPAK ka mbyllur hetimet dhe nuk ekziston më rreziku për prishje provash.

Kërkesa vjen disa ditë pasi Prokuroria e Posaçme i komunikoi zyrtarisht mbylljen e hetimeve për dosjen e lobimit të LSI në SHBA dhe aferën CEZ-DIA./abcnews.al

Sekretarja e Përgjithshme e Partisë Demokratike të Kosovës, Vlora Çitaku ka mbështetur protestën e nesërme të veteranëve.

Ajo përmes një postimi në Facebook tha se nesër të gjithë duhet të jemi në mbështetje të luftës së UÇK-së.

“Liria ka emër! Nesër, bashkë, të gjithë, në mbështetje të luftës së Ushtrisë Çlirimtare të Kosovës”, ka shkruar ajo.

Irani ka ekzekutuar një shkencëtar bërthamor që pretendon se spiunonte për Izraelin.

Roozbeh Vadi u dënua me vdekje për dhënien e informacionit në lidhje me një shkencëtar tjetër i cili u vra gjatë sulmeve të Izraelit në Teheran në qershor, tha Mizan, faqja e internetit gjyqësorit.

“Ekzekutimi u krye me varje”, thuhet tutje në informacionet e dhëna nga kjo faqe.

Vadi thuhet se ka punuar si ekspert bërthamor në Organizatën e Energjisë Atomike të Iranit, sipas Iran Human Rights dhe siç thuhet, është mbajtur në burgun Evin në Teheran që nga arrestimi i tij në shkurt të vitit 2024, raporton The Telegraph.

Mizan tha se Vadi transferoi “informacion të klasifikuar” dhe dyshohet se është takuar me agjentë të Mossad në Vjenë në pesë raste./abcnews.al

Nënkryetari i LDK-së, Lutfi Haziri e ka mbështetur protestën e 7 gushtit, të organizuar nga Organizata e Veteranëve të Luftës së UÇK-së.

Haziri përmes një postimi në Facebook tha se duhet të mbrohen vlerat dhe qëllimi i përbashkët.

“Një ushtri çlirimtare me një emblemë e me një qëllim, për një Republikë të lirë, të pavarur dhe të drejtë për të gjithë”.

“Protesta e 7 gushtit është thirrja jonë për Republikën. Duhet të mbrohen vlerat dhe qëllimi i përbashkët. Në emër të atdheut, familjes e Zotit, dje, sot e nesër”, ka shkruar Haziri.

Ka punuar edhe më parë në Shqipëri. Mladen Milinkoviç ka drejtuar skuadra si Luftëtarin e Kukësin, ndërsa pritet të bëjë një rikthim.

Trajneri 57-vjeçar serb me shumë mundësi do të përzgjidhet nga Partizani si drejtuesi I skuadrës për sezonin që pritet të fillojë.

Milinkoviç drejtoi Luftëtarin në 2016-2017 duke arritur vendin e katërt në Superligë, ndërsa në 2017 punoi për pak kohë me Kukësin kampion, duke mos pasur sukses e duke dhënë dorëheqjen.

Klubi kryeqytetas dhe presidenti Gazmend Demi kanë qenë në procesin e përzgjedhjes së njeriut të stolit që pas dorëheqjes së Skënder Gegës, pak ditë pas eliminimit nga Liga e Konferencës.

Gega e mori skuadrën në mars të këtij viti dhe e ndihmoi të kualifikohej për në plej ofin për titull në Superligë dhe në kupat e Europës, por besohet se pati mosmarrëveshje me drejtuesit.

Të kuqtë kanë pasur shumë luhatje në stol gjatë gjithë viteve të fundit, të paktën që kur u shpallën kampion të vendit në 2019 pikërisht me Gegën.

Ish-mbrojtësi I shquar I Partizanit dhe I kombëtares u largua edhe atë herë, ndërsa nuk pati stabilitet as me trajnerë italianë si Kolela, me kroatin Zekiç, me serbin Veselinoviç që u largua këtë vit, apo me Ilir Dajën, Dritan Mehmetin, Orges Shehin apo drejtorin sportiv Abilaliaj./abcnews.al

Nuk ka zbritur ende në fushë, por impakti I parë I Luka Modriç te Milan është me të vërtetë mbreslënës. Mesfushori kroat, edhe pse në fundin e një karriere spektakolare ka kthyer entuziazmin te populli kuqezi, pas një sezoni të dështuar.

Mijëra tifozët rrethuan selinë e klubit për prezantimin zyrtar të futbollistit që shumë shpejt do të mbushë 38 vjeç. Mosha nuk premton shumë për të ardhmen, por talenti dhe eksperienca e kroatit do ti shërbejë Milanit në misionin për t;u rikthyer kompetitiv në Itali dhe Europë.

Pikërisht këtë premtoi edhe Modriç në konferencën e parë për mediat si futbollist kuqezi.

“Mund të jap eksperiencën time dhe do të punoj shumë për të bërë atë që kam bërë diku tjetër. E di që ka shumë pritshmëri për mua, por jam gati dhe mezi pres të përballem me këtë sfidë. Mos harrojmë që Milan është një nga skuadrat më të mëdha të botës. Vjen pas një sezoni të keq. Objektivi I parë është rikthimi në Champions, por unë dua të fitoj këtu shumë trofe”

Modriç u transferua te Milan me parametra zero, pas më shumë se dekade të mbushur me suksese dhe trofe te Real Madrid. Pasi mungoi të turneun veror, mesfushori do të bashkohet me skuadrën e Masimiliano Allegri në rinisjen e përegatitjeve për sezonin e ardhshëm, ndërsa do të luajë edhe dy miqësoret e fundit në program. Mesfushori kroat ka zgjedhur numrin 14, ndërsa pritet të jetë një piukë referimi për Milan, brenda dhe jashtë fushës së lojës./abcnews.al