Në Shqipëri, burrat zotërojnë më shumë telefona celularë se gratë, por kur bëhet fjalë për llojin e tyre janë gratë ato që kanë më shumë smartphone. Kjo është një nga gjetjet interesante të raportit Global Findex 2025, publikuar këto ditë nga Banka Botërore, që mat përfshirjen financiare në 120 shtete të botës, përfshirë edhe Shqipërinë.

Sipas të dhënave të mbledhura nga 1,000 intervista, 94% e burrave kanë një telefon celular, ndërsa tek gratë kjo përqindje është 92%.

Por ndarja bëhet më interesante kur analizohen llojet e telefonave që përdorin. Të paktën 77% e burrave kanë smartphone, ndërsa 17% përdorin telefona bazikë.

Ndërkohë, 81% e grave përdorin smartphone dhe vetëm 11% kanë telefona bazikë. Pra, edhe pse më pak gra në total kanë një telefon, ato që e zotërojnë kanë më shumë gjasa të përdorin një smartphone, krahasuar me burrat.

Raporti shpjegon se të rriturit janë pyetur nëse kanë telefon bazik apo smartphone. Ata që kanë deklaruar se kanë telefon bazik janë pyetur më tej nëse mund të përdorin WhatsApp në të.

Nëse përgjigja ka qenë “po”, atëherë telefoni klasifikohet si “feature phone”, një pajisje me më shumë funksione se telefoni bazik, por më pak se një smartphone.

Banka Botërore thekson se telefonat celularë dhe interneti janë tashmë pjesë e pandashme e jetës së përditshme, në çdo cep të globit. Në vitin 2024, 86% e të rriturve në botë zotëronin një telefon celular.

“Për shumë njerëz, telefoni celular përdoret vazhdimisht – për thirrje, mesazhe, lexim lajmesh, pagesa, rrjete sociale, punë dhe kërkim informacioni. Me zgjerimin e teknologjive dixhitale, njerëzit, bizneset dhe institucionet po e rrisin gjithnjë e më shumë varësinë nga ndërveprimet online.

Kjo ka sjellë përfitime të qarta si reduktimi i varfërisë, rritja e konsumit dhe më shumë mundësi punësimi, sidomos në vendet me të ardhura të ulëta dhe të mesme”, thuhet në raportin Global Findex 2025./ Monitor

The post Gratë në Shqipëri kanë telefona më të shtrenjtë se burrat, por më pak aparate në total appeared first on iconstyle.al.

Ndalimi i telefonave inteligjentë në shkollat ​​holandeze ka përmirësuar mjedisin e mësimdhënies.

Sipas një studimi të ri ka rezultuar se fillimisht rekomandimi për ndalimin e telefonave inteligjente në klasa, u prit me protesta, duket se ka rezultuar pozitiv.

Udhëzimet kombëtare të prezantuara në janar 2024 rekomanduan ndalimin e telefonave inteligjentë në klasa dhe pothuajse të gjitha shkollat ​​i ndoqën udhëzimet, raportoi Guardian.

Pothuajse dy të tretat e shkollave të mesme i njoftuan nxënësit që  t’i linin telefonat në shtëpi ose t’i vendosnin në dollapët e tyre në ambientet në shkollë.

Ky vendim njoftojnë autoritetet ka kontribuar për një mjedis më të mirë mësimor.

/abcnews.al/

Në Itali vitin e ardhshëm shkollor do të ndalohet, përdorimi i telefonave celularë në të gjitha shkollat ​​e mesme. Siç shpjegon ministria, vendimi përkatës merret me qëllim mbrojtjen e shëndetit të nxënësve, duke marrë parasysh se përdorimi i telefonave celularë ka gjithnjë e më shumë efekte negative në performancën e adoleshentëve. Gjithashtu telefoni krijon probleme […]

The post Italia do të ndalojë përdorimin e telefonave në shkollat e mesme appeared first on BoldNews.al.

Nga shtatori Italia do të ndalojë përdorimin e telefonave në shkollat e mesme. Lajmi është bërë me dije nga ministri italian i Arsimit, Guseppe Valditara.

Sipas Ministrisë së Arsimit, vendimi përkatës merret me qëllim mbrojtjen e shëndetit të nxënësve, duke marrë parasysh se bazuar në provat shkencore, përdorimi i telefonave celularë ka gjithnjë e më shumë efekte negative në performancën e adoleshentëve dhe krijon probleme në aftësinë e tyre për t’u përqendruar.

Nxënësit me aftësi të kufizuara dhe ata të regjistruar në shkolla të mesme me orientim teknologjik do të përjashtohen nga masa.

/abcnews.al/

MILANO, 16 qershor /ATSH-DPA/ – Telefonat celularë në të ardhmen do të ndalohen edhe gjatë mësimeve në klasat e maturantëve në shkollat ​​e Italisë, tha sot Ministria e Arsimit.

Një dekret përkatës do të hyjë në fuqi pas pushimeve verore.

Më parë, përdorimi i telefonave celularë ishte përgjithësisht i ndaluar deri në moshën rreth 15 vjeç.

Përjashtime janë të mundshme – për shembull për nxënësit që janë të varur nga telefonat e tyre celularë për shkak të një aftësie të kufizuar.

Dekreti i ri u publikua nga ministri i Arsimit, Giuseppe Valditara, i cili i përket partisë së ekstremit të djathtë ”Lega”.

”Ndalimi i telefonave celularë ka për qëllim t’i bëjë mësimet përsëri më të qeta”, tha ai.

Valditara përmendi studime që tregojnë se përdorimi i tepërt ose i gabuar i telefonave celularë mund të ketë efekte negative në shëndet, mirëqenie dhe performancë.

Telefonat celularë tani duhet të mbyllen para fillimit të mësimeve.

Në parim, ka pasur një ndalim për telefonat celularë në shkollat ​​italiane për vite me radhë, por kjo është zbutur ndërkohë dhe nuk zbatohet gjithmonë.

Kontrollet e rrepta mbi përdorimin e pajisjeve mobile në shkolla janë një temë diskutimi e përsëritur në shumë vende të tjera në Evropë.

Ministria e Arsimit e Italisë zyrtarisht është quajtur tani Ministria e Arsimit dhe Meritës që kur koalicioni i krahut të djathtë i kryeministres, Giorgia Meloni mori detyrën, në vitin 2022.

Ndryshimi i emrit synon të theksojë më fort idenë e arritjeve./  a.jor.

The post FOKUS – Italia ndalon telefonat celularë edhe për maturantët appeared first on Agjencia Telegrafike Shqiptare.

Një raport i ri nga Counterpoint Research ka zbuluar listën e 10 telefonave inteligjentë më të shitur në botë gjatë tremujorit të parë të vitit 2025 – dhe në krye qëndron iPhone 16.

Modeli bazë i serisë së re nga Apple ka regjistruar performancën më të mirë në shitje, me veçanti në tregun japonez, ku ka dominuar bindshëm. Sukses të dukshëm ka pasur gjithashtu edhe në rajonin e Lindjes së Mesme dhe Afrikës (MEA).

Ndërkohë, variantet premium të kësaj serie, iPhone 16 Pro Max dhe iPhone 16 Pro, janë renditur në vendin e dytë dhe të tretë, respektivisht – duke bërë që Apple të mbizotërojë bindshëm në këtë klasifikim.

Sinjali – aty ku e vërteta flet para lajmit!

/GazetaSinjali/

The post iPhone 16 kryeson listën e telefonave më të shitur në botë për vitin 2025 appeared first on Sinjali.

Pas qytetit të Kavajës, ku BKH kontrolloi ambjentet e banesës së Elvis Rroshit dhe 4 personave të tjerë, mëngjesin e sotëm një njësi e Byrosë Kombëtare të Hetimit ka mbëritur në qytetin e Elbasanit, për të kryer kontrollin e disa banesave. Kontrollet janë kryer edhe me mbështetjen e Policisë së Qarkut. Bëhet fjalë për ekzekutimin […]

The post Krimi zgjedhor/ SPAK merr telefona në Elbasan, kontrolle në biznese dhe disa banesa appeared first on BoldNews.al.

Apple është në prag të një tjetër kapitulli historik në industrinë e teknologjisë, ndërsa i afrohet 20-vjetorit të iPhone. Sipas raportimeve të fundit nga Bloomberg, kompania po punon intensivisht për një model të ri iPhone që pritet të lançohet në vitin 2027 dhe që mund të përfaqësojë kulmin e vizionit të Steve Jobs, shkruan Gazeta Sinjali.

Ky model i ri, që mund të quhet iPhone 20, raportohet se do të jetë pa asnjë port karikimi, do të ketë vetëm mbështetje për karikim me valë dhe pajisje audio Bluetooth, si dhe do të shfaqë një ekran pa korniza – një realizim i plotë i konceptit origjinal të Jobs për një pajisje elegante dhe funksionale.

Mediat ndërkombëtare shkruajnë se ky telefon do të sjellë përmirësime të mëdha në bateri dhe teknologji të reja që mund ta bëjnë atë iPhone-in më të përsosur ndonjëherë.

Sinjali – aty ku e vërteta flet para lajmit

/GazetaSinjali/

The post Apple drejt prezantimit të një iPhone të ri – modeli i tij mund të sjellë telefonin më të përsosur ndonjëherë appeared first on Sinjali.

Një studim i ri nga IMS, një kompani e specializuar në mbledhjen e të dhënave telematike nga aplikacionet e sigurimeve të bazuara në përdorim, zbulon një të vërtetë shqetësuese: shoferët nuk mund të ndahen nga telefonat e tyre celularë edhe ndërsa drejtojnë makinën.

Studimi, i bazuar në afërsisht 500,000 përdorues, e kategorizoi shpërqendrimin në tre nivele.

Niveli i ulët përfshin përdorimin e Bluetooth ose të ekranit të infotainment, pa e prekur domosdoshmërisht, por duke i hequr sytë nga rruga.

Niveli i mesëm përfshin ndërveprimin me ekranin, siç është përgjigjja e thirrjeve ose – në raste të rrezikshme – thirrjet video.

Niveli i lartë përshkruan përdorimin e telefonit celular në dorë me një vështrim të vazhdueshëm në ekran ndërsa automjeti është në lëvizje. Rezultatet janë tronditëse: 9 nga 10 shoferë shpërqendrohen nga telefoni i tyre celular të paktën një herë, ndërsa 8% e tyre shpërqendrohen për mbi 75% të udhëtimit të tyre.

Për më tepër, 16% e përdorin telefonin e tyre celular për më shumë se gjysmën e kohës së drejtimit të makinës. Koha mesatare e shkëputjes gjatë lëvizjes është 200 sekonda.

The post Studimi tronditës: Nuk mund të shkëputemi nga telefonat tanë celularë në makinë appeared first on iconstyle.al.

Apple po përgatitet për disa ndryshime madhore në linjën e saj të produkteve, me inovacione që pritet të debutojnë në vitin 2027. Sipas gazetarit të njohur të Bloomberg, Mark Gurman, ky vit mund të shënojë një kapitull të ri për kompaninë teknologjike amerikane.

Në fokusin kryesor është një iPhone me dizajn tërësisht prej xhami, të lakuar, i cili mund të jetë një nga ndryshimet më të mëdha estetike dhe funksionale të këtij produkti që nga dalja e tij e parë në treg.

Po ashtu, Gurman pohon se iPhone-i i parë i palosshëm pritet të prezantohet pikërisht në vitin 2027, duke e futur Apple në konkurrencën gjithnjë e më të nxehtë të telefonave me ekrane fleksibël.

Përveç iPhone-it, AirPods dhe Apple Watch do të përjetojnë gjithashtu një revolucion të brendshëm: Gurman raporton se këto pajisje pritet të pajisen me kamera të integruara, gjë që do të hapë mundësi të reja për funksionalitet dhe përdorim në realitetin e shtuar apo siguri personale.

Një tjetër risi e paralajmëruar është roboti shtëpiak i Apple, një projekt për të cilin deri më tani ka pasur pak detaje publike, por që sipas Gurman mund të bëhet realitet në të njëjtin vit.

Së fundi, Apple po planifikon të sjellë një version të rishikuar dhe më të avancuar të Siri-t, që pritet të përfshijë funksionalitete të reja të bazuara në inteligjencën artificiale, me një lëshim të mundshëm po ashtu në vitin 2027.

Sinjali – aty ku e vërteta flet para lajmit!

/GazetaSinjali/

The post iPhone i së ardhmes: Apple planifikon model tërësisht prej xhami për vitin 2027 appeared first on Sinjali.

Apple po shqyrton mundësinë e rritjes së çmimeve për modelet e reja të iPhone që pritet të lançohen këtë vjeshtë, duke synuar të justifikojë ndryshimin me funksione të reja dhe përmirësime të dukshme në dizajn, shkruan Gazeta Sinjali.

Lajmi është bërë i ditur nga Wall Street Journal, që citon burime të afërta me këtë çështje, shkruan Reuters.

Menjëherë pas publikimit të lajmit, aksionet e kompanisë panë një rritje prej 7% në tregtimin para hapjes së bursave, çka reflekton pritshmëritë pozitive të investitorëve.

Sipas raportit, Apple është e kujdesshme që të mos krijojë perceptimin se rritja e çmimeve lidhet me tarifat amerikane ndaj mallrave kineze, duke qenë se shumica e pajisjeve të saj vazhdojnë të montohen në Kinë.

Sinjali – aty ku e vërteta flet para lajmit!

/GazetaSinjali/

The post Apple synon rritje çmimesh për iPhone-t e rinj appeared first on Sinjali.

Google ka nisur të prezantojë një funksion të ri në Google Maps, duke përdorur inteligjencën artificiale Gemini, që ndihmon përdoruesit të ruajnë lokacione të rëndësishme direkt nga screenshot-et e ruajtura në telefonin e tyre. Fatkeqësisht, ky funksion për momentin është i disponueshëm vetëm për iPhone.

Që nga muaji mars, përdoruesit e iOS-it kanë filluar të përfitojnë nga kjo veçori e re. Ajo funksionon duke analizuar screenshot-et në pajisje dhe nxjerrë automatikisht adresa apo vende që mund të jenë me interes për përdoruesin.

Këto lokacione më pas ruhen në një listë të veçantë brenda aplikacionit Google Maps, të cilës mund t’i riktheheni sa herë të dëshironi.

Gjithçka ndodh përmes një opsioni të ri që shfaqet në skedën “You” të aplikacionit. Nëse jepni leje për qasje në fotot tuaja, Google Maps do t’ju njoftojë sa herë që zbulon një lokacion të ri në ndonjë screenshot. Më pas, ju mund ta ruani, ta hidhni në listë ose ta injoroni – kontrolli mbetet tek ju.

Nëse nuk doni që aplikacioni të ketë qasje automatike, ekziston edhe opsioni për të ngarkuar manualisht screenshot-et.

Google ka konfirmuar se edhe përdoruesit e Android do ta marrin këtë risi, por nuk ka dhënë ndonjë datë të saktë për lançimin.

Sinjali – aty ku e vërteta flet para lajmit!

/GazetaSinjali/

The post Përdoruesit e Android duhet të presin, risia e Google Maps vjen fillimisht për iPhone appeared first on Sinjali.

Apple po planifikon të ndryshojë mënyrën e lansimit të modeleve të iPhone, duke futur një cikël të ri që përfshin dy periudha gjatë vitit, për herë të parë me modelin iPhone 18 në vitin 2026, shkruan Gazeta Sinjali.

Në vend që të prezantojë katër modele të reja çdo vjeshtë, në të ardhmen do të duhet të zgjidhni mes tre modeleve të rinj, një në pranverë dhe një tjetër në vjeshtë. Fillimisht, modelet më të shtrenjta, të tilla si iPhone Pro, do të lansohen gjatë vjeshtës, ndërsa modelet standarde do të shtyhen për në pranverë.

Ky ndryshim në orarin e lansimeve sugjeron mundësinë e modeleve të reja, përfshirë një iPhone të palosshëm. Sipas raporteve të fundit, në vjeshtën e vitit 2026 do të paraqiten iPhone 18 Pro, iPhone 18 Pro Max dhe ndoshta një model iPhone të palosshëm, ndërsa modelet standarde si iPhone 18, iPhone 18 Slim dhe iPhone 18e do të lansohen në pranverë të vitit 2027.

Sinjali – aty ku e vërteta flet para lajmit!

/GazetaSinjali/

The post Apple ndryshon ciklin e lansimit të iPhone: Lansime në dy periudha gjatë vitit appeared first on Sinjali.

Apple po bën të pamundurën për të mbajtur në fshehtësi risitë dhe surprizat që do të sjellë iPhone 17, i cili pritet të lancojë në vjeshtë. Megjithatë, disa detaje kanë arritur të zbulojnë pjesë nga dizajni dhe ngjyrat e këtij modeli të ri.

Kësaj here, nuk bëhet fjalë për përmirësime në kamerat, baterinë apo madhësinë, por për një ngjyrë të re që nuk ka qenë kurrë pjesë e asnjë model të mëparshëm të Apple. Burime të besueshme për mediat ndërkombëtare kanë konfirmuar se iPhone 17 do të ofrohet në katër ngjyra, një prej të cilave është një nuancë e re e kaltër.

Sipas informacionit të shpërndarë nga “Majin Bu”, i cili ka qenë një burim i njohur i Apple, ngjyra “Sky Blue” do të jetë e disponueshme për iPhone 17, një nuancë që deri tani është përdorur vetëm në “MacBook Air”. Kjo ngjyrë e re do të shoqërohet me opsione të tjera ngjyrash, duke përfshirë titaniumin e zi, titaniumin e bardhë dhe titaniumin “desert”.

Për t’u rikujtuar, herën e fundit që Apple përdori një nuancë të kaltër në iPhone ishte në vitin 2021, me modelin iPhone 13 Pro që u ofrua në ngjyrën “Sierra Blue”.

Sinjali – aty ku e vërteta flet para lajmit!

/GazetaSinjali/

The post Cila është ngjyra e re që do të sjellë iPhone 17? appeared first on Sinjali.

Oppo Find X8 Ultra, i prezantuar në fillim të këtij muaji, ka tërhequr vëmendje për dizajnin dhe specifikat e tij të avancuara. Ky telefon ka mbrojtje IP68 dhe IP69, është më i hollë dhe më i qëndrueshëm se paraardhësi, dhe kaloi testin e rezistencës ndaj rënies me vlerësimin më të lartë.

Pajisja ofron ekran OLED 6.82 inç me shpejtësi rifreskimi 120 Hz dhe shkëlqim deri në 1600 nit. Bateria 6100 mAh mbështet mbushjen e shpejtë (100W me tel dhe 50W pa tel). Kamera kryesore 50 MP, dy kamera periskopi 50 MP me zmadhim optik 3x dhe 6x, si dhe kamera True Chroma me përpunimin e Hasselblad ofrojnë performancë të jashtëzakonshme në fotografi.

Telefoni është i fuqizuar nga çipi Snapdragon 8 Elite dhe ofron deri në 16 GB RAM dhe 1 TB memorie. Phone Arena e shpalli Find X8 Ultra “telefonin më të mirë të 2025”, ndërsa Digital Camera World e quajti “mbretin e ri të fotografisë celulare”.

Sinjali – aty ku e vërteta flet para lajmit!

/GazetaSinjali/

The post ‘Oppo Find X8 Ultra’ shpallet si telefoni më i mirë i vitit 2025 appeared first on Sinjali.

Franca do të zbatojë masa më të ashpra për ndalimin e përdorimit të telefonave celularë në shkollat e mesme, duke filluar nga shtatori. Sipas ministrisë së Arsimit, nxënësit e moshës 11 deri në 15 vjeç do të duhet t’i mbyllin pajisjet e tyre në dollapë apo në çanta në momentin që mbërrijnë në shkollë, dhe […]

The post Franca ashpërson masat për ndalimin e telefonave në shkollat e mesme appeared first on FaxWeb.

Dogana dhe Mbrojtja kufitare e SHBA-së ka njoftuar se pajisjet elektronike të importuara në Shtetet e Bashkuara do të përjashtohen nga tarifat gjithëpërfshirëse të presidentit Donald Trump, shkruan Gazeta Sinjali.

Telefonat inteligjentë, monitorët e kompjuterit dhe pjesët e ndryshme elektronike janë ndër produktet e përjashtuara. Përjashtimi zbatohet për produktet që hyjnë në Shtetet e Bashkuara ose hiqen nga magazinat që më 5 prill, sipas njoftimit, transmeton CNN.

Masa vjen pasi administrata Trump vendosi një tarifë minimale prej 145% për mallrat kineze të importuara në Shtetet e Bashkuara. Tarifat do të kishin një ndikim të madh në gjigantët e teknologjisë si Apple, të cilët prodhojnë iPhone dhe produkte të tjera në Kinë.

Sipas vlerësimeve të Wedbush Securities, afërsisht 90% e prodhimit dhe montimit të iPhone të Apple është me bazë në Kinë.

Counterpoint Research, një firmë që monitoron dërgesat globale të smartfonëve, vlerësoi se Apple ka deri në gjashtë javë inventar në Shtetet e Bashkuara. Sapo kjo furnizim të mbarojë, çmimet pritet të rriten.

/GazetaSinjali/

The post SHBA-ja përjashton telefonat e mençur dhe kompjuterët nga tarifat e Trump appeared first on Sinjali.

Franca do të forcojë më tej kufizimet për përdorimin e telefonave celularë në shkolla nga nxënësit e shkollave të mesme (fëmijët e moshës 11-15 vjeç). Duke filluar nga shtatori, studentët do t’i vendosin celularët në një dollap me kyç ose çantë në hyrje sapo të mbërrijnë në shkollë dhe do t’i marrin kur të largohen.

Sekretarja e Arsimit Elizabeth Bourne i tha Senatit se fëmijët duhet të ndahen plotësisht nga telefonat celularë gjatë gjithë ditës së shkollës. Në një kohë kur aq shumë efekte të dëmshme i atribuohen përdorimit të ekraneve, masa është e nevojshme për suksesin dhe mirëqenien e fëmijëve në shkolla, shpjegoi ajo.

Testet e para të ndalimit të plotë në 100 shkolla në semestrin e fundit janë inkurajuese, tha ministrja.

Telefonat celularë janë të ndaluar në të gjitha shkollat ​​e mesme në Francë që nga viti 2018, shkruan Guardian, ndërsa janë të ndaluar edhe në shkollat ​​fillore. Fëmijët mund t’i kenë në çantën e tyre, por nuk lejohet përdorimi, edhe gjatë pushimit.

Shkollat ​​raportojnë se masa është pozitive, pasi shton kontaktin social dhe shton aktivitetin fizik – megjithëse nuk mungojnë ankesat nga mësuesit se fëmijët i përdorin fshehurazi në tualete.

The post Francë/ Celularët e nxënësve të shkollave të mesme do të qëndrojnë në dollapë appeared first on iconstyle.al.

Ka përfunduar në pranga gardian i burgut të sigurisë së lartë në Fushë Krujë, Hidër Çali. Top Channel ka siguruar foto nga mjetet e paligjshme, që do të futeshin në burgun e Fushë-Krujës. Brenda qeses së zezë, ndodheshin 22 celularë, së bashku me karikues dhe kufje, si dhe 3 doza kokainë. Nga pamjet duket qartë […]

The post Telefona dhe kokainë, çfarë gjendej brenda pakos ‘dhuratë’ për të dënuarit e Fushë-Krujës appeared first on BoldNews.al.

Në botën e sotme, fëmijët po lidhen gjithnjë e më shumë me pajisjet e tyre inteligjente. Përdorimi i teknologjisë në një moshë kaq të re mund të ketë përfitimet e veta, por koha e tepërt e kaluar në internet mund të ndikojë negativisht në zhvillimin dhe mirëqenien e fëmijës.

Siç raporton The Independent, Ghislaine Bombusa, drejtoreshë e përmbajtjes dhe strategjive dixhitale në organizatën Internet Matters, e cila merret me sigurinë në internet, ka zbuluar disa shenja paralajmëruese që prindërit duhet t’u kushtojnë vëmendje.

Mungesa e gjumit

Nëse fëmija juaj është dukshëm më i lodhur se zakonisht në mëngjes, përdorimi i tepërt i ekranit në mbrëmje mund t’i prishë gjumin.

“Kjo mund të nënkuptojë se ata janë duke përdorur pajisje jashtë orarit të lejuar ose duhet t’i fikin ato më herët”, thekson Bombusa, duke shtuar: “Mungesa e gjumit mund të ndikojë në aftësinë e tyre për të mësuar dhe për të marrë pjesë në aktivitete të tjera”. Bombusa rekomandon që të gjithë telefonat në shtëpi të karikohen jashtë dhomave të gjumit gjatë natës dhe që prindërit të bisedojnë hapur me fëmijët për përdorimin e tepërt të pajisjeve.

Vështirësi për t’u përqëndruar në aktivitete të tjera

Bombusa paralajmëron se kalimi i tepërt i kohës në internet mund të ketë një ndikim negativ tek fëmijët. “Shfletimi pasiv i mediave sociale ose shikimi i videove të shkurtra mund ta bëjë të vështirë për fëmijët që të përqendrohen në aktivitete të tjera për më gjatë”, shpjegon ajo, sipas The Independent.

Eksperti beson se një zgjidhje e mundshme është vendosja e kufijve në kohën e shpenzuar për aplikacione të caktuara.

Shmangia nga hobi dhe aktivitetet që nuk përfshijnë kalimin e kohës në internet

Shumë fëmijë përdorin internetin për t’u lidhur me miqtë, por nëse refuzojnë ftesat për të dalë dhe preferojnë të qëndrojnë në shtëpi duke lëvizur, kjo mund të jetë një shenjë e një problemi, beson eksperti. Një diskutim i hapur rreth arsyeve për shmangien e këtyre aktiviteteve mund t’ju ndihmojë të kuptoni më mirë sjelljen e tyre.

Ai shton: “Nëse është thjesht mbështetje e tepërt në ekranet, atëherë kufizimi i kohës së kaluar në internet mund të ndihmojë. Nuk do të jetë një ndryshim i shpejtë – do t’ju duhet të vendosni një rutinë dhe t’i përmbaheni asaj për një periudhë më të gjatë kohore përpara se të bëhet e zakonshme”.

Shpërthime emocionale kur nuk përdorin pajisjet e tyre inteligjente

Një tjetër nga shenjat paralajmëruese më të zakonshme janë reagimet e dhunshme dhe emocionale të fëmijëve kur u hiqet pajisja ose u kërkohet të ndalojnë përdorimin e saj për një periudhë të caktuar kohore.

“Kjo mund të tregojë varësinë e pajisjes, por edhe çështje të tjera, si frika për të humbur (FOMO) ose ngacmimi i bashkëmoshatarëve. Nëse një fëmijë mërzitet sepse nuk mund të përdorë një pajisje ose kur po përpiqeni të kufizoni kohën para ekranit, shmangni grindjet,” shton ai.

Është e rëndësishme të prisni që fëmija të qetësohet përpara se të bëni një bisedë të qetë me të për reagimin e tij. “Përfshijini ata në vendosjen e rregullave për përdorimin e ekranit. Nëse jeni duke futur kufizime për një fëmijë, ato duhet të zbatohen edhe për të gjithë anëtarët e familjes,” këshillon ajo.

The post Shenjat që tregojnë se fëmija juaj po kalon shumë kohë në internet appeared first on Telegrafi.