Zhgënjimet e kanë shoqëruar në sezonet e fundit, por asnjëherë më parë nuk kishte jetuar një dështim të këtij niveli. Një katastrofë e vërtetë sportive ajo e Manchester United që u eliminua në fazën e parë të Kupës së Ligës në Angli, pas humbjes me 11 metërsha nga një skuadër që militon në kategorinë e katërt si Grimsby Town.

“Djajtë e Kuq” panë shpejt ferrin, pasi mbyllën pjesën e parë në dizavantazhin e dy golave. Vendasit modestë kaluan në epërsi në minutën e 22-të.

Më pas, përtej çdo pritshmërie dyfishuan rezultatin me Uorren përpara pushimit. Të dy këta futbollistë do të kenë se me cfarë t’iu mburren nipërve në të ardhmen, ndërsa te lojtarët e Manchester United kjo humbje do të jetë një njollë e zezë në të gjithë karrierën.

Skuadra e drejtuar nga Ruben Amorim provoi ta evitonte këtë në pjesën e dytë. Mbemo rihapi garën në minutën e 75-të, ndërsa në limitet e kohës së rregullt, Maguire barazoi shifrat, duke e çuar sfidën në goditjen e penalltive.

Por nga pika e 11 metrave, ky goditën të gjithë futbollistët në fushë, vendasit triumfuan 12-11, duke shkruajtur faqen më të ndritur në historinë e skuadrës të mësuar me ligat inferiore të futbollit anglez.

Krejt i ndryshëm është diskutimi për Manchester United. Për gjigandët e Premier League ky ishte dështimi më i madh në historinë e tyre, ndërsa Ruben Amorim dhe të besuarit e tij duhet të jetojnë jo vetëm me turpin, por edhe kritikat mbytëse të tifozëve dhe mediave angleze./abcnews.al

Dy avionë janë përplasur mëngjesin e së premtes në pistën e Aeroportit të Mançesterit, në një incident që ndodhi rreth orës 06:30 sipas kohës lokale. Avioni i kompanisë EasyJet preku me majën e krahut një tjetër avion gjatë lëvizjes në pistë, por, fatmirësisht, nuk raportohet për persona të lënduar.

Të dy avionët ishin të destinuar për Paris dhe Gjibraltar, dhe pasagjerët janë evakuuar menjëherë nga bordi. Fluturimet në aeroport u pezulluan për një periudhë të shkurtër, derisa autoritetet e sigurisë kryen një vlerësim, i cili konfirmoi dëme të vogla në strukturën e avionëve.

Një pasagjere në fluturimin për në Gjibraltar, Tynisha Chaudhry, e përshkroi incidentin si një “goditje të madhe”, duke thënë se “i gjithë avioni u drodh, ishte si një përplasje makinash”. Ajo shtoi se pasagjerët mbetën të qetë, megjithëse disa fëmijë dhe prindër kishin shqetësime deri në momentin që u kthyen në terminal. Automjetet zjarrfikëse dhe personeli i sigurisë mbërritën menjëherë në vendngjarje.

The post Panik në aeroportin e Mançesterit! Dy avionë përplasin krahët me njëri-tjetrin! appeared first on iconstyle.al.

Janë skuadrat më të forta, por pas kanë klube shumë të pasur. Kontrata e re e Manchester City me “Puma” si sponsor teknik konfirmon edhe një herë shifrat marramendëse që rrethojnë futbollin.

Klubi anglez vendosi një rekord në Premier League, pasi në 10 vitet e ardhshme do të arkëtojë 1 miliard stëtrlina nga kompania e veshjeve sportive.

Një çmenduri e vërtetë, që e vendos Manchester City në vendin e dytë të klasifikimit të klubeve që fitojnë më shumë nga sponsorat teknikë.

Në vendin e parë është Real Madrid.

Nga kontrata me “Adidas”, madrilenët fitojnë çdo vit 120 milion euro, 5 më shumë se “Cityzens”.

Në vendin e tretë është Barcelona, që gjithashtu I kalon 100 milion euro.

Saktësisht, klubi “blaugaran” arkëton çdo vit 105 milion euro ka kontrata me “Nike”.

I fundin në klubin e “100 milionëshve” është Manchester United, që fiton 104 milion euro.

Në vendin e pestë është Arsenal, ndërsa në dhjetëshen e parë bëjnë pjesë të tjerëklube anglezë si Liverpool dhe Chelsea.

Vende nderi në këtë klasifikim kanë Paris SG, Bayern Munich dhe Juventus, që gjithsesi janë shumë larg në shifra krahasuar me kryesuesit.

Kryetari i Partisë së Lirisë, Ilir Meta ka reaguar i revoltuar nga qelia, pasi mësoi se është dënuar sërish nga një “rregull i ri”. Metës i ndalohet të kryejë ushtrime në ambiente të përbashkëta për 2 javë. Në një postim në rrjetet sociale, kreu i PL thotë se është dënuar për shkak se kishte komunikuar […]

The post Ilir Metës i ndalohet të bëjë ushtrime për dy javë: Më dënuan me rregullin e ri appeared first on BoldNews.al.

Një shtëpi me qira “Airbnb” është kthyer në rrëmujë totale pasi një festë për zbulimin e gjinisë doli jashtë kontrollit dhe përfundoi në një “party” me mbi 200 persona të dehur.

Ngjarja ndodhi në fshatin e qetë anglez të Norden, në zonën Greater Manchester, ku pronari i një vile luksoze me 10 dhoma gjumi, vlerësuar rreth 635 mijë paund, u mashtrua nga një grup që pretendonte se po organizonte një festë të vogël familjare.

Matt Genesis, 33 vjeç, e kishte dhënë shtëpinë me qira përmes Instagram-it për vetëm tetë persona dhe me qëllimin e një “gender reveal”, por ajo që ndodhi tejkaloi çdo imagjinatë.

Brenda pak orësh, më shumë se 150 persona mbushën rrugën para vilës, me minibusë që vinin çdo 15 minuta, duke bllokuar hyrjet e shtëpive përreth dhe shqetësuar banorët lokalë.

Policia u detyrua të ndërhynte me furgonë të Njësisë për Ndërhyrje të Shpejtë për të kontrolluar situatën.

Ndërkohë, pronari mori vesh për incidentin nga fqinjët, por nuk mundi të monitoronte as kamerat e sigurisë, pasi ato ishin shkëputur nga organizatorët e festës.

Shtëpia pësoi dëme të shumta, përfshirë mobilje të thyera dhe llamba të rrëzuara, me një faturë dëmi që arrin në rreth 2 mijë paund.

Pas festës, tre persona u desh të punonin për 12 orë rresht për të pastruar rrëmujën.

Ngjarja është krahasuar me filmin e njohur “Project X” – një komedi adoleshentësh e vitit 2012, ku një festë në shtëpi përhapet në mediat sociale dhe përfundon me turmë të papërmbajtshme.

Shtëpia, e rinovuar së fundmi me një investim prej 200 mijë paundësh, përfshin luks si vaskë me hidromasazh dhe tavolina bilardoje – por tani, do t’i duhet kohë për t’u rikthyer në gjendjen e mëparshme.

Çfarë është AirBnb? Si përdoret?

Airbnb, është një platformë për ndarjen e shtëpisë që bashkon mysafiret dhe mikpritësit e udhëtimeve, ju mund të regjistroheni në faqen e saj të internetit.

Duke përdorur Airbnb, ju merrni me qira shtëpi të mobiluara, të lira të përdoruesve të tjerë ose një dhomë në atë interval datash për përdorim.

Kjo praktikë ekziston që nga viti 2008, ajo është bërë e njohur në gjithe boten gjatë 2-3 viteve të fundit. Munde të merret një shtëpi me qira në baza ditore ose mujore, veçanërisht në resorte pushimi.

Ky opsion do t’ju lejojë të qëndroni në qendër të qytetit me një çmim shumë më të volitshëm se hoteli.

LEXONI GJITHASHTU:

• Cilat janë shtete që kryesojnë për jetesën me qera?
• Parukierja nuk i paguan qeranë, pronari thyen xhamat e objektit në pronësi të tij

The post Festa për zbulimin e gjinisë sjell kaos, 200 persona të dehur në “Airbnb” appeared first on Euronews Albania.

TIRANË, 19 qershor /ATSH/ Një 48-vjeçar shqiptar me rrezikshmëri të lartë shoqërore, i kërkuar për vrasje për arsye gjakmarrjeje, është arrestuar në Mbretërinë e Bashkuar.

Policia njoftoi sot se “si rezultat i shkëmbimit të informacionit ndërmjet Interpol Tiranës dhe Interpol Manchester, është arrestuar shtetasi shqiptar L. L., 48 vjeç, i shpallur në kërkim ndërkombëtar, me qëllim ekstradimi drejt Shqipërisë”.

Sipas policisë “ky shtetas ishte shpallur në kërkim në zbatim të vendimit të vitit 2023 të Gjykatës së Shkallës së Parë Elbasan (dosje e kaluar pranë SPAK), e cila ka caktuar ndaj tij masën e sigurisë “Arrest në burg”, për veprat penale: “Vrasje për arsye gjakmarrjeje”; “Sigurimi i mjeteve dhe kushteve për kryerjen e vrasjes”; “Grup i strukturuar kriminal”, në formën e veçantë të bashkëpunimit; “Mbajtja pa leje e armëve dhe municioneve luftarake””.

Policia ka bërë edhe një përmbledhje të ngjarjes.

“Në fshatin Gjocaj, Peqin, në vitin 2021, është vrarë me armë zjarri shtetasi A. B. Shtetasi L. L. dyshohet se ka pasur rolin e organizatorit dhe financuesit të kësaj vrasjeje, si dhe ka siguruar mjetet dhe kushtet për kryerjen e saj. Po ashtu, pas ngjarjes, ka ndihmuar në transportimin dhe largimin e autorëve nga vendngjarja”, njoftoi policia.

Arrestimi i tij, sipas Policisë, u bë i mundur falë bashkëpunimit të ngushtë mes Interpol Tiranës dhe Interpol Manchester, në kuadër të operacionit ndërkombëtar “The Wanted”, që ka në fokus lokalizimin dhe arrestimin e personave në kërkim për vepra të rënda penale.

Veprimet e mëtejshme procedurale për ekstradimin e këtij shtetasi drejt vendit tonë janë në proces, në bashkëpunim me autoritetet britanike.

/a.f/r.e/

The post Në kërkim për vrasje, arrestohet në Mbretërinë e Bashkuar 48-vjeçari shqiptar appeared first on Agjencia Telegrafike Shqiptare.

Një eliminim surprizë ka ndodhur gjatë spektaklit të djeshëm të “Ferma Vip”. Konkurrentja që ndërpreu garën ishte Ester Alushi, duke u eliminuar vetëm pak ditë para finales së madhe të 20 Qershorit. Ky eliminim ka zhgënjyer fansat e saj, pasi ishte dhe një nga konkurrentet më të pëlqyera të këtij sezoni në “Ferma Vip”. Zhgënjimi […]

The post Zhgënjehen fansat/ Një eliminim surprizë nga Ferma Vip, kjo konkurrente humb finalen e 20 Qershorit appeared first on BoldNews.al.

Për herë të parë në historinë e tyre 46-vjeçare, Çmimet BRIT nuk do të mbahen në Londër.

Ceremonia ikonike e muzikës britanike do të zhvillohet në Mançester, në arenën më të re dhe moderne të qytetit – Co-op Live – duke filluar nga viti 2026 dhe për të paktën tre vjet.

Lajmi u konfirmua nga MailOnline, ndërsa vendimi për zhvendosjen është përshkruar si përpjekje për të afrur më shumë audiencë jashtë Londrës, por edhe si masë për ulje kostosh, pasi organizimi në kryeqytet është bërë gjithnjë e më i shtrenjtë, shkruan DailyMail.

Kryetari i Sony Music UK, Jason Iley, tha se zhvendosja në Mançester – një qytet me një trashëgimi të jashtëzakonshme muzikore – do t’i japë ceremonisë një energji të re.

Kryebashkiaku i Mançesterit të Madh, Andy Burnham, e quajti këtë një fitore për qytetin dhe “kryeqytetin kulturor të Britanisë”.

Megjithatë, disa figura të industrisë muzikore shprehën shqetësime se zhvendosja do të sjellë më pak pjesëmarrës dhe do të rrisë shpenzimet për artistët dhe ekipet e tyre me bazë në Londër.

Gjithsesi, organizatorët shpresojnë se kjo lëvizje do të sjellë më shumë investim te vetë artistët dhe do të hapë një kapitull të ri për ngjarjen më të madhe të muzikës britanike.

Ceremonia e vitit 2026 do të transmetohet në ITV1, ITVX dhe STV më 28 shkurt dhe pritet të sjellë të njëjtën shkëlqim, spektakël dhe momente të paharrueshme që kanë shënuar dekadat e kaluara të BRITs. /Telegrafi/

The post Çmimet BRIT largohen nga Londra pas 46 vitesh – ceremonia zhvendoset në Mançester appeared first on Telegrafi.

Incidenti ndodhi pas një raportimi për një sherr në të njëjtin vend, tha Policia e Leicester. Një makinë ka përplasur disa këmbësorë në Leicester të Britanisë së Madhe. Katër persona mbetën të plagosur, dy burra dhe dy gra.

Tre nga të plagosurit janë në gjendje më të rëndë, ndërsa një tjetër pësoi lëndime më të lehta. Policia tha se i dyshuari dhe katër të plagosurit kishin qenë të gjithë të pranishëm në një aktivitet privat aty pranë para përplasjes.

Një burrë 31-vjeçar, nga Leicester, është arrestuar nga efektivët dhe është dërguar në paraburgim.

The post Incidenti pas një sherri/ Makina përplas këmbësorët katër të plagosur appeared first on Sot News | Lajme.

Ngjitja e shkallëve është një nga format më të thjeshta, praktike dhe efektive të aktivitetit fizik që sjell përfitime të shumta për trupin dhe trurin. Ja pse është kaq e mirë:

 Përfitimet për trurin:

Rrit qarkullimin e gjakut në tru

Ngjitja e shkallëve stimulon qarkullimin, duke çuar më shumë oksigjen dhe lëndë ushqyese në tru — gjë që ndihmon për përqendrim dhe kujtesë më të mirë.

Ul stresin dhe përmirëson humorin

Aktiviteti fizik nxit prodhimin e endorfinave, hormonet e “lumturisë”, që luftojnë stresin, ankthin dhe depresionin.

Nxit neuroplasticitetin

Studimet tregojnë se lëvizjet që kërkojnë koordinim (si ngjitja e shkallëve) ndihmojnë zhvillimin e lidhjeve të reja në tru, veçanërisht tek të rriturit.

 Përfitimet për trupin:

Forcon këmbët dhe vithet
Aktivizon muskujt e kofshëve, gluteus-it dhe pulpave, më shumë se ecja në terren të sheshtë.

Përmirëson shëndetin kardiovaskular
Rrit ritmin e zemrës, çka përmirëson qëndrueshmërinë dhe ndihmon në parandalimin e sëmundjeve të zemrës.

Ndihmon në djegien e kalorive
Është një ushtrim me intensitet të lartë që djeg më shumë kalori në pak minuta.

Rrit balancën dhe koordinimin
Përfshin sistemin vestibular dhe muskujt e bërthamës, duke ulur rrezikun e rënieve.

Nuk ka nevojë për pajisje apo palestër, mjafton të kesh një shkallë afër. Ideal për ditët kur nuk ke kohë për një stërvitje të gjatë.

The post Pse ngjitja e shkallëve mund të jetë e mirë për trupin dhe trurin tuaj appeared first on iconstyle.al.

Ka nisur me debat dhe diskutime spektakli i sotëm i Ferma VIP mes fermerëve, por edhe opinionistëve.

Kastro ka kritkuar sjelljen e Esterit si kryefermere brenda fermës gjatë javës. AI tha se ajo ka qenë një kryefermerja më e dobët, ku po kërkon të fitojë terren pas daljes së Albës.

Pjesë nga biseda:

Kastro: Puna aty brenda është si ai roja e objektit, që është më shumë arrogant se ai që ka investuar. Esteri ka qenë kryefermerja më e dobët. Gjithë të tjerët kanë patur progresion, Esteri pati një periudhë të gjatë në karakterin e asaj që ne donim të na jepte, dhe pas daljes së Albës gjeti terren, ndryshoi fytytë dhe ja tani.

Ester: Jam roja i objektit që mendoj se me 50 mjë lek nuk e di çfarë mund të bënte. Ndoshta jam dhe kryefermerja më e keqe, por njeriu mëson.

The post Debati për buxhetin, Kastro: Esteri është kryefermerja më e dobët appeared first on Albeu.com.

Numri i të vdekurve nga bombardimi i një shkolle në Gaza ka shkuar në 30. Ndërkohë Izraeli ka pretenduar se shënjestër e bombardimit ishin terroristët.

Në një deklaratë të përbashkët me agjencinë e sigurisë, Shin Bet, ajo tha se shkolla e shndërruar në strehë që strehonte palestinezë të zhvendosur “u përdor nga terroristët për të planifikuar dhe mbledhur inteligjencë me qëllim kryerjen e sulmeve terroriste kundër civilëve izraelitë dhe trupave ushtarake”.

Pavarësisht vrasjes dhe djegies për vdekje të të paktën 30 personave, deklarata tha se “u morën hapa të shumtë për të zbutur rrezikun e dëmtimit të civilëve”.

Ushtria izraelite ka bombarduar qindra vende të tilla që strehojnë civilë të zhvendosur me forcë që nga fillimi i luftës në vitin 2023.

LEXONI GJITHASHTU:

• Mbrojtja Civilie: Sulmet e fundit izraelite në Gaza vrasin 24 persona
• Ushtria izraelite planifikon të pushtojë 75% të Gazës brenda dy muajsh

The post 30 të vdekur në shkollën e Gazës, Izraeli: Shënjestër ishin terroristët appeared first on Euronews Albania.

Për të parë rezultate nga ushtrimet fizike, 3 deri në 5 herë në javë është frekuenca ideale, në varësi të qëllimeve që ke (p.sh., humbje peshe, tonifikim, forcë apo qëndrueshmëri).

Ja një përmbledhje të thjeshtë sipas qëllimit:

Për humbje peshe dhe tonifikim:
4–5 herë në javë, duke kombinuar kardio (si vrapi, biçikleta, HIIT) dhe ushtrime force (me pesha ose trup).

Për mirëqenie të përgjithshme dhe formë fizike:
3–4 herë në javë janë të mjaftueshme, me një kombinim të moderuar të aktiviteteve.

Për ndërtim muskujsh:
4–5 herë në javë, me fokus te ushtrimet me pesha dhe përmirësimi i ushqyerjes dhe gjumit.

Për qëndrueshmëri dhe shëndet kardiovaskular:
Minimumi 3 herë në javë, me seanca 30–60 minuta aktivitet aerobik.

Pushimi është po aq i rëndësishëm: 1–2 ditë pushim në javë ndihmojnë në rikuperim. Konsistenca ka më shumë rëndësi se intensiteti i lartë vetëm disa herë.

The post Sa herë në javë duhet të ushtrohemi për të parë rezultate? appeared first on iconstyle.al.

Aktorja 39-vjeçare, Leighton Meester, ka treguar se lajmi për vdekjen e Michelle Trachtenberg e ka prekur thellë, veçanërisht sepse ishin në të njëjtën moshë.

“Është shkatërruese,” tha Meester për revistën Flaunt.
“Ajo ishte një person i mrekullueshëm, plot talent dhe e dashur nga të gjithë. Është një humbje shumë, shumë e rëndë për të gjithë që e kanë njohur.”

Aktorja e “Good Cop/Bad Cop” reflektoi gjithashtu mbi dramën e famshme të CW që u transmetua për gjashtë sezone nga viti 2007 deri në vitin 2012.

“Tani, mund të shoh se [trashëgimia e serialit] vazhdon – në disa mënyra, madje edhe më shumë sesa atëherë , gjë që është e pabesueshme”, tha Meester për median.

Në serial, aktorja e “That’s My Boy” luajti Blair Waldorf, ndërsa aktorja e “Harriet the Spy” luajti rolin e Georgina Sparks.

Penn Badgley, i cili luajti rolin e Dan Humphrey, theu heshtjen për vdekjen e Trachtenberg, duke i thënë E! News në prill se vdekja e saj ishte “vërtet sureale, vërtet trishtuese”.

“Ajo që mbaj mend prej saj është e q eshura ”, shtoi aktori 38-vjeçar. Edhe pse nuk ishim takuar prej më shumë se 10 vitesh, mbaj mend se kishte një zemër të pastër.”

Ndërkohë, Blake Lively (Serena van der Woodsen) kujtoi “elektricitetin” e Trachtenberg në mediat sociale.

“E ndjeje menjëherë kur hynte në një dhomë. E qeshura e saj ishte e plotë, përballej me autoritetin pa frikë, kujdesej shumë për punën e saj dhe ishte e sinqertë në gjithçka. Do ta kujtoj gjithmonë aromën e lipgloss-it të saj me karamel”, shtoi Lively.

Trachtenberg vdiq për shkak të komplikimeve nga diabeti në moshën 39 vjeç. Ajo u gjet nga nëna e saj më 26 shkurt në apartamentin e saj në Central Park South dhe më parë i ishte nënshtruar një transplanti të mëlçisë vitin e kaluar.

“Me trishtim të madh konfirmojmë se Michelle Trachtenberg ka ndërruar jetë,” konfirmoi përfaqësuesi i Trachtenberg, Gary Mantoosh, në një deklaratë për The Post. “Familja kërkon privatësi për humbjen e tyre. Nuk ka detaje të mëtejshme në këtë kohë.”

Burimet fillimisht spekuluan se transplanti mund të ketë luajtur një rol në vdekjen e saj.

NYPD konfirmoi se Trachtenberg u gjet “pa ndjenja dhe pa reagim” nga policia dhe u shpall e vdekur nga punonjësit e EMS. Ata iu përgjigjën ndërtesës pas një telefonate në 911 që raportoi se një grua kishte pësuar arrest kardiak.

Muaj para vdekjes së saj, disa ishin të shqetësuar se ajo dukej e dobët në fotot e saj në mediat sociale. Në përgjigje, Michelle tha se ishte “e lumtur dhe e shëndetshme” dhe nuk kishte bërë kurrë operacione plastike.

The post Leighton Meester flet për ndarjen nga jeta të Michelle Trachtenberg appeared first on Lapsi.al.

Surprizat dhe emocionet në Ferma VIP nuk kanë fund. Këtë të hënë ka qenë radha e Esterit që të merrte një surprizë të bukur brenda Ferma VIP.

Gjatë javës ajo rrëfeu se e kishte marrë shumë malli për familjen e saj e veçanërisht për prindërit. Ajo rrëfeu se babai i saj pak kohë më parë kishte kaluar një trombozë dhe vetëm një mrekulli e riktheu atë në jetë.

Për prindërit e Esterit ëndrra e tyre më e madhe do të ishet ta shihnin në një skenë përrallore.

Pjesë nga biseda:

Luana: Si mendon se të kanë parë prindërit?

Ester: Nuk do doja kurrë t’ua ulja konë, dhe ata të mërziten me mua. Gjithmonë kam dashur që ata të krenohen me mua, t’i ndihmoj me aq sa mundem. Siç e thashë edhe te klipi, meraku im më i madh është do të doja të dija se si është babi.

Luana: Ndërkohë që te rrëfimi yt dëgjoj se ëndrra e tyre më e madhe është të shohin ty si artiste.

Ester: Kjo është ëndrra më e madhe e mamit tim. Unë i këndoj shpesh në shtëpi, edhe kur ajo pi kafe.

Luana: Çfarë kënge i këndon?

Ester: Ka këngët e veta mami, siç është nga Korça. Patëm dis momente të vështira në jetë dhe ndoshta nuk doja të rëndoja familjen time, që ata të mundoheshin ta çonin Esterin në kurse. Këtu është mundësia më e mirë që Esteri të shfaqi talentin e saj të fshehur.

Luana: Dhe unë mendoj si ty nuk ka skenë më të madhe se Prime Time i Ferma VIP, ku të gjithë të të shohin. Jashtë ke disa drita skene që janë ndezur vetëm për ty. Atje të pret Frederiku që do të të shoqërojë.

Pas bisedës në plevicë Ester iu drejtua ambientit të jashtëm ku e priste Frederiku dhe ku të dy bashkë interpretuan kënëg “Lulet” që është e preferuara e babait të Esterit.

Sapo mbaruan këngët prindërit e Esterit u shfaqën papritur, duke e bërë suprizën edhe më të bukur.

The post Lot gëzimi/ AGAI i bën surprizën e madhe Esterit në Ferma VIP appeared first on Albeu.com.

Është mundësia e vetme për të shpëtuar sezonin dhe Manchester United nuk do ta humbasë. “Djajtë e Kuq” duket se kanë mbyllur përpara kohe biletën për në finalen e Europa League, pas fitores 3-0 në gjyusmëfinalen e vajtjes në transfertën kundër Atletik Bilbao.

Skuadra angleze hodhi poshtë të gjitha parashikimet, që prinsin një sfidë të vështirë, duke e zgjidhur atë që në pjesën e parë.

Kasemiro në minutën e 30 kaloi miqtë në epërsi, ndërsa vendasit morën një tjetër goditje të rëndë pas kartonit të kuq të Vivian.

Me një lojtar më shumë, Mancester United vrau garën përpara pushimit.

Bruno Fernandez me 11 metërsh dyfishoi shifrat, ndërsa po vetë mesfushori portugez thelloi në 3-0 rezultatin, duke vulosur praktikisht kualifikimin në finale, përpara ndeshjes së kthimit që do të luajë në “Old Traford”.

Finalja e Europa League pritet të jetë e gjitha angleze, pasi edhe Tottenhem e ka siguruar përpara kohe kualifikimin me fitoren 3-1 në sfidën e vajtjes gjysmëfinale kundër Bodo Glimt.

Gjithçka e lehtë edhe për londinezët.

Që në minutën e parë, Xhonson shënoi golin e epërisë, ndërsa Medison dyfishoi diferencën përpara pushimit.

Në pjesën e dytë, Solanke dërgoi për ehrë të tretë topin në rrjetën e kundërshtarëve, përpara se ata të shënonin golin e nderit vetëm në minutat e fundit të sfidës.

Kjo fitore I jep qetësi Tottenhem, që ndeshjen e khtimit do ta luajë në transfertën norvegjeze. /abcnews.al

“Mario ka qenë instruktori i kunatit tim, ky është i vetmi kontakt. Nuk kam qenë në një marrëdhënie para se të niste BBV. Unë jam ushtruar për një farë kohe në palestrën që ka qenë Mario. Por më pas jam larguar”, tha Egli në “Post Big Brother VIP”.

Gjesti heshti krahas saj. Mirëpo, rrjeti nuk vonoi të shpërndante edhe njëherë fotot e bujshme të Egli Takos dhe Mario Olldashit, të cilat Iconstyle i publikoi ekskluzivisht dy vite më parë.

Teksa në “Post BVV” Egli u justifikua me faktin se në fotot e qarkulluara në pishinë asokohe ishin mbledhur si grup shoqëror, ndërsa “dashakeqët” ja kishin punuar jo bukur duke i shpallur çift, pamjet më poshtë flasin vetë:

Në fakt, afrimiteti në këto foto nuk tregon se të dy ishin thjesht “të njohur” nga kunati i Eglit.

Asokohe, Egli reagoi ashpër duke e justifikuar Marion si shokun e saj të ngushtë, pranë shoqërisë së të cilit ndjehej mirë. Fjalë totalisht ndryshe nga ç’tha në “Post Big Brother VIP”.

E duket se e gjitha kjo ka nisur “të mbajë erë”, kur mes të gjitha deklaratave e fotove që po qarkullojnë në rrjet, marrëdhënia me Gjestin nuk duket më aq e mirë.

Ky i fundit ka fshirë çdo postim të kaluar në Instagram, ndërsa Egli ka hequr fotot me Gjestin.

Krizë në çift? Të gjitha veprimet e tyre të çojnë në këtë përfundim!

The post UPS! Fotot me instruktorin ndanë çiftin Egli-Gjesti? appeared first on iconstyle.al.

Gjatë qëndrimit të saj në Big Brother VIP Albania, Egli Tako u bë shpesh pjesë e mediave rozë dhe diskutimeve në rrjete sociale, si për lojën brenda shtëpisë, ashtu edhe për jetën private. Në atë kohë filloi të qarkullonte lajmi se Egli kishte qenë në një romancë me instruktorin e palestrës ku stërvitej, Mario Olldashi, pak para se të hynte në reality show. Për t’i dhënë fund këtyre aludimeve, ka reaguar vetë Egli Tako.

“Mario ka qenë instruktori i kunatit tim, ky është i vetmi kontakt. Nuk kam qenë në një marrëdhënie para se të niste BBV. Unë jam ushtruar për një farë kohe në palestrën që ka qenë Mario. Por më pas jam larguar”, tha Egli.

Me këtë deklaratë, ajo sqaroi publikisht se nuk ka pasur asnjë lidhje romantike para pjesëmarrjes në Big Brother VIP.

The post La Marion për Gjestin? Egli tregon të ‘vërtetën’, tregon a ka qenë në lidhje me instruktorin e palestrës appeared first on Sot News | Lajme.

Ndërsa temperaturat rriten dhe stina e verës po afrohet me hapa të shpejtë, shumë njerëz pyesin veten: A kam ende kohë për të përgatitur trupin për plazh?

Ekspertët e fitness-it dhe dietologët janë të qartë:

Po, ka ende kohë!

Sipas tyre, edhe disa javë të përkushtuara mund të sjellin rezultate të dukshme – jo vetëm në pamje, por edhe në energji, formë fizike dhe mirëqenie mendore. Çelësi qëndron te një kombinim i aktivitetit të rregullt fizik, ushqyerjes së balancuar dhe kujdesit të përgjithshëm për veten.

“Edhe një ndryshim i vogël në rutinën e përditshme mund të ketë një ndikim të madh. Nuk ka nevojë për masa ekstreme; konsistenca është ajo që bën diferencën,” theksojnë specialistët.

Në vend të qëllimeve të pamundura, rekomandohet të vendosim hapa të vegjël, të arritshëm, që na çojnë drejt një ndjesie më të mirë me trupin tonë.

Në fund të fundit, trupi i verës nuk është një standard perfekt, por një trup i shëndetshëm, energjik dhe i vetëbesueshëm.

Pra, nëse ke pritur një moment për të nisur – momenti është tani!

The post A ka ende kohë për të bërë trupin e verës? appeared first on iconstyle.al.

Sulmuesi Jamie Vardy ka njoftuar largimin nga Leicester City në fund të sezonit, pas 13 vitesh të kaluara me skuadrën, me të cilën debutoi në vitin 2012.

Vardy cilësohet si një ndër lojtarët më të mirë në historinë e klubit, me një kontribut të jashtëzakonshëm në fitimin e titullit kampion të Premier League në sezonin 2015-2016.

I njohur për historinë e tij inspiruese, Vardy e nisi karrierën nga kategoritë e ulëta të futbollit anglez dhe u shpall kampion me Leicester Cityn, duke u bërë një legjendë e vërtetë e klubit.

Ai ka qenë pjesë e skuadrës që ka fituar gjithashtu katër trofe të tjerë, duke lënë një pasuri të madhe në historinë e klubit.

Kontrata e tij skadon këtë verë, dhe me 38 vjeç, është e pamundur që të vazhdojë një rrugëtim të përbashkët me Leicester Cityn, i cili vitin e ardhshëm do të luajë në Championship.

Presidenti i klubit e ka vlerësuar shumë kontributin e tij, duke thënë: “Ai është një lojtar i veçantë dhe një person akoma më i veçantë. Ai mban një vend në zemrat e të gjithëve që janë të lidhur me Leicester City dhe ka respektin dhe dashurinë time më të thellë. Unë jam pafundësisht mirënjohës për gjithçka që ka dhënë këtij klubi.”

Jamie Vardy ka realizuar më shumë se 200 gola në afro 500 paraqitje me Leicester Cityn.

Ai ka qenë shpesh në qendër të vëmendjes për mënyrën e jetesës, duke pohuar se performanca e tij e shkëlqyer bazohej në konsumimin e dy ekspresëve dhe pijeve energjike para çdo ndeshjeje.

LEXONI GJITHASHTU:

• Shpalli kampion Leicester-in, trajneri italian tërhiqet pas 38 vitesh nga futbolli
• Leicester City fiton trofeun ‘Community Shield’ duke mposhtur Manchester City

The post Lamtumira e një kampioni, Jamie Vardy largohet nga Leicester City pas 13 vitesh appeared first on Euronews Albania.