Një vatër e madhe zjarri ka rënë pasditen e sotme në fshatin Vjollcë (Malaj) të Mirditës. Mësohet se për shkak të erës së fortë dhe terrenit të thepisur, flakët janë përhapur me shpejtësi dhe kanë përfshirë një sipërfaqe të madhe pylli me pisha. Burime bëjnë me dije se pavarësisht përpjekjeve, forcat zjarrfikëse nuk kanë mundur […]
Shembja e Teatrit Kombëtar simbolizon humbjen e hapësirave publike në Tiranë dhe zëvendësimin e tyre me kulla. Por kujtesa kolektive, zëri qytetar dhe sheshet nuk mund të zëvendësohen me beton.
Nga Teatri te trotuari – Kronika e një qyteti të shembur me ligj
Në fillimin e verës së 2018-ës Tirana pa, edhe pse ende e pandërgjegjshme për atë që po dëshmonte, të vendosej një mikrofon në një nga hapësirat publike të saj, në sheshin e Teatrit Kombëtar.
E dizajnuar në vitin 1938 nga arkitekti Giulio Berté, godina kishte shërbyer gjatë jetës së vetë kryesisht në tre funksione kryesore: si hapësirë socializimi të spektatorëve në pushimin para dhe mes akteve; si shesh vallëzimi për hapësirën e jashtme të restorantit kur nuk kishte shfaqje; si fushë ping-pongu duke shoqëruar fushën e tenisit dhe pishinën e kompleksit kulturor dhe sportiv “Skanderbeg”.
Tetëdhjetë vite më pas, ai shesh do të përdorej edhe si një hapësirë ku do të zhvillohej një protestë për ta mbrojtur atë.
Teatri i kishte mbyllur dyert dhe përveç punëtorëve, që herë pas here dilnin nga salla e kuqërremtë me kuti materialesh në duar, që nga 2 korriku i 2018, kur u vu shfaqja e fundit në skenë, nuk shiheshin më spektatorë në mjediset tij.
Tre ditë më pas, më 5 korrik, Kuvendi do të miratonte me 75 vota, “Ligjin për Teatrin”*, apo siç njihet ndryshe, “Ligji Special”, i cili e transferonte hapësirën publike, si sheshin ashtu edhe teatrin, tek shoqëria private, “Fusha shpk”, që kjo e fundit të mund të ndërtonte.
Pas atij votimi, protesta për mbrojtjen e Teatrit Kombëtar mori përmasa të tjera dhe hyri në një rrugëtim ku dorëzimi nuk ishte opsion.
Në sheshin e teatrit u krijua një kuvend i qytetit. Një hapësirë e paindoktrinuar, e pakapur nga interesa të ngushta private apo motive antiligjore. Ndërsa ndërtesa që u mor nën kontroll nga qytetarët më 24 korrik 2019, të cilët filluan ta rijetëzonin edhe pse pa përvojë, mësuan ta menaxhonin dhe kujdeseshin për të.
Ndërsa salla zhvillonte aktivitete artistike dhe kulturore – rreth 65 shfaqje u vunë në skenë në më pak se 8 muaj – në sheshin e tij protesta zhvillohej 24 orë, 7 ditë në javë, në dukje si gardiane e teatrit, dhe njerëzit rojtarët e tij.
Teatri Kombëtar duke u shembur 17 maj 2020/Aleanca për Mbrojtjen e Teatrit, Flicr.
Nga një shesh proteste, tek një rrugë kalimi për kullën.
Ato 75 vota që miratuan ligjin Fusha, ishin edhe goditja e parë që iu dha Teatrit Kombëtar, 682 ditë përpara se Erion Veliaj të çonte fadromat për të shembur ndërtesat e tij, në orën 04:30 të mëngjesit të datës 17 maj 2020.
Miratimi i ligjit për teatrin ishte një goditje që iu bë jo vetëm protestës – si akt demokratik, – apo ndërtesës – si dëshmi e historisë së brezave para nesh – por edhe vetë hapësirës, sheshit si vendkrijim i fjalës së lirë dhe lirisë së shprehjes, nga vetë përfaqësuesit e pushtetit të popullit në kuvend.
Ato 75 kartonë jeshil, rrëzuan jo thjesht një ndërtesë, por hapësirën e përbashkët ku njerëzit shkonin për të qenë bashkë – jo thjesht për të kaluar, por për të mbetur. Ishte goditje ndaj asaj nyje urbane që mblidhte këdo, nga të katër anët, dhe nga të gjithë dhe më pas krijonte diçka.
Sot ajo hapësirë nuk ekziston më në qytet.
Shembja e “17 Majit”, i hapi rrugë lejeve të njëpasnjëshme nga “Rama & Veliaj”, të cilët vunë në zbatim planin e Bjarke Ingels, të kullës me teatër.
Sot pas më shumë se dy vjetësh nga fillimi i punimeve në atë shesh, hapësira publike nuk ekziston më. Në vend të saj, është një kalim i zgavruar në tunelin e betonuar, i cili qëndron i hijezuar nën ndërtesën si flutur e Bjarke Ingels, e cila sot të ngjan si porta hyrëse për në kullën e Fushës.
Të dyja kantieret sot janë bashkuar në një të vetëm dhe kanë lidhur mes tyresh hekurin i cili më pas mbulohet në beton, duke zhdukur krejtësisht atë çfarë ka mbetur nga dikur hapësira publike e teatrit.
Tashmë ato dy projekte po shpalosin në shkallë reale se si grabitet dhe më pas zaptohet me ligj hapësira publike.
Grabitje nga e cila do të përfitonte kushdo biznesmen apo politikan që ka investuar para në dy gropat tashmë të hapura dhe betonizuara në truallin e Teatrit Kombëtar.
Ndërsa ky i fundit, ashtu siç i ka ngritur kryet si karabina, të ngjan më shumë me një roje të kullës, e cila shkeli interesin publik, mori dhe përvetësoi tokën publike dhe grabiti përveç tokës edhe 33 kate ajër.
Teatri ishte vetëm fillimi
Ai shesh, ai mikrofon i hapur, ai mur ku shkruhej “Monument Kulture, mbrohet nga populli”, dhe nuk lejonte që qyteti të shembej me turp, duhej zhdukur.
Duhej vrarë ideja që hapësira publike është e jona. Sepse aty ku publiku mbledh zërin dhe kujtesën, aty nuk ndërtohen kulla, aty nuk qarkullon paraja e zezë.
Që ajo të rrjedhë pa pengesë, duhej zhdukur sheshi, duhej shembur gjithçka që kujtonte se qyteti është i njerëzve.
Kantieri i Pixel Tower/Doriana Musai, Citizens.al
Dhe ashtu ndodhi edhe me “Pazarin e Ri” – një tjetër hapësirë publike e zaptuar, e shndërruar në “pronë private” me çati xhami dhe çmime që përjashtojnë të përditshmit dhe larguan tregtarët.
Me Sheshin “Skënderbej”, që nga vendtakim për të gjithë, u bë një shesh që eskpozon vetëm kullat.
Me Liqenin Artificial apo atë të Farkës që është rrethuar me ndërtim dhe kulla biznesi.
Me vilat historike të qytetit, zonën historike të tij, e cila u flijua për një imazh që ka për fasadë hipokrizinë.
Në çdo goditje ndaj qytetit fshihet një gënjeshtër që ka emër: integrimi evropian. Sepse çdo kullë ndërtohet me emrin e zhvillimit, çdo shembje justifikohet me progresin, çdo përvetësim me modernizimin.
Por qyteti nuk matet me lartësinë e ndërtesave, por me lartësinë e qytetarëve që guxojnë të flasin. Dhe nëse zërat e tyre janë shtypur me beton, kjo nuk është rruga drejt Evropës. Është rruga drejt një talljeje publike me ëndrrën evropiane.
Ndërkohë që BE predikon pjesëmarrjen, decentralizimin, transparencën dhe mbrojtjen e trashëgimisë, qeveria jonë betonon, centralizon përjashton dhe zhduk kujtesën.
“Në BE vetëm me Edin!” slogani që Edi Rama shpalli si lokomotivë fushate elektorale, ishte më shumë se sa propagandë; ishte privatizimi simbolik i ëndrrës evropiane të të gjithë shqiptarëve. Një fjalë e thjeshtë që i vuri drynin qytetit ku çelësat e tij i ka një njeri i vetëm.
Por historia nuk mbyllet me shembjen e teatrit.
Në vend të ndërtesës së teatrit, ngrihet rrëfimi. Në vend të sheshit, mbetet kujtesa. Në vend të mikrofonit, jemi ne – sepse ne jemi Teatri. Qyteti është ende aty ku janë njerëzit që nuk harrojnë.
Dhe po, ajo hapësirë nuk është më fizike. Por ajo ekziston në çdo rrëfim, në çdo kujtim, në çdo artist që nuk u shit, në çdo qytetar që s’u tërhoq.
Në çdo deputet që nuk votoi “pro”, në çdo anëtar këshilli, punonjës administrate, që rezistoi dhe nuk pranoi të bëhej pjesë e krimit mbi qytetin.
Në çdo të ri që sot pyet: “Po kush e dha këtë vendim? Kush e firmosi këtë turp? Kush e heshti këtë vjedhje?”
Ata që firmosën, janë ende aty. Por edhe ne jemi ende këtu. Dhe sa kohë jemi, historia nuk mbyllet.
Ajo fillon aty ku kujtesa bëhet revoltë. Dhe hapësira publike rifillon aty ku qytetari e ndjen veten pronar jo të truallit, por të së drejtës për të thënë: Ky është qyteti im. Nuk jepet me koncesion.
Hipokrizia e “pastrimit” të hapësirave publike
Për të kompletuar farsën, po i kthehen qytetit me një tjetër maskë: atë të pastërtisë morale. Po shembin mbulesat e hijezuesve, po heqin çadrat, po dëbojnë kafenetë nga trotuaret si të kishin zbritur nga ndonjë Olimp i etikës urbane.
Por kush ua lejoi? Kush ua dha lejet të zgjeroheshin me platforma druri në trotuare? Kush i mbylli sytë për vite me radhë?
Ishte e njëjta administratë, e njëjta bashki, e njëjta qeveri që sot bën sikur është e tronditur nga “shpërdorimi i hapësirës publike”.
E njëjta dorë që i hapi rrugën, sot vjen dhe thotë: “Çfarë keni bërë kështu?” E njëjta dorë që firmosi lejet, sot vendos shiritin e verdhë për moral publik.
I toleruan, i ushqyen, i kthyen në normalitet – sepse për vite me radhë edhe trotuari ishte pronë për t’u shitur. Dhe kur erdhi momenti i “Rilindjes 2.0”, në vend që të godasin veten, godasin të vegjlit. Jo ata që ndërtojnë kulla, e zaptojnë hapësira publike duke i shkatërruar dhe vjedhur, por ata që vendosin një karrige plastike mbi pllakat e betonit të trotuareve.
Ky nuk është pastrim. Është amnezi e planifikuar, është rigrabitur dhe mbuluar me moral. Është një narrativë e prodhuar nga vetë shkaktarët e kaosit, që tani luajnë rolin e shpëtimtarit. Por qyteti nuk harroi. Sepse trotuaret nuk i zaptuan qytetarët – i zaptuan ata që shesin edhe ajrin midis hapave në rrugë.
Sot, hapësira publike në Shqipëri nuk grabitet më natën – ajo miratohet me ligj, zbatohet me fadromë dhe justifikohet me moral të rremë.
Në emër të rendit, pastrohet kaosi që vetë kanë krijuar. Në emër të qytetarisë, përjashtohet qytetari. Në emër të zhvillimit, fshihet çdo gjurmë kujtese.
Por qyteti ka memorie. Dhe për sa kohë kujtojmë si u shemb Teatri, si u grabit sheshi, si u mbyt fjala dhe si u zëvendësua me beton – për aq kohë kjo histori nuk është e mbyllur.
Ata e duan qytetin pa njerëz, pa pyetje, pa rezistencë. Por qyteti nuk është kartolinë. Nuk është planimetria e një kompanie ndërtimi. Është ai vend ku dikush mund të ulet, të flasë, të protestojë, të kujtojë dhe të mos harrojë.
Për aq kohë sa nuk harrojmë, hapësira publike nuk është plotësisht e humbur. Ajo jeton në kujtesën tonë, derisa të kemi forcë ta rikthejmë.
Me mikrofonin e hapur. Me sheshin e mbushur. Dhe me qytetin si pronë të përbashkët, jo si çmim ndërtimi, jo si mall shumice për tu shitur tek kushdo kalimtar i rastit.
Shënim: Lista e deputetëve që votuan “pro” duke miratuar ligjin special, është marrë nga dokumentat e Kuvendit. Një numër i konsiderueshëm i atyre që votuan, 25% e tyre, sot janë në burg, nën hetim penal ose në kërkim nga SPAK.
*Projektligji për Teatrin 37/2018, formuluar “Për përcaktimin e procedurës së veçantë të për negocimin dhe lidhje ne kontratës me objekt: ‘Projektimin dhe realizimin e projektit urban dhe godinës së re të Teatrit Kombëtar’,” u botua online për konsultim më 8 qershor 2018. U shqyrtua dhe votua me procedurë të përshpejtuar 20 ditë më vonë dhe u rimiratua dy muaj më tutje pasi Presidenti e pati kthyer për rishqyrtim.
TIRANË, 17 korrik /ATSH/ Peshëngritja do të përfshihet si disiplinë në programin e “Ekipeve sportive në shkolla”.
Presidenti i KOKSH, Fidel Ylli mori pjesë në ceremoninë e rilicencimit të trajnerëve të peshëngritjes.
Gjatë ceremonisë së organizuar nga Federata e Peshëngritjes dhe presidenti i kësaj federate Elez Gjoza, të pranishëm ishin trajnerë nga të gjitha klubet.
Presidenti i KOKSH, Fidel Ylli vlerësoi kontributin e trajnerëve ndër vite dhe kërkoi një bashkëpunim më të madh për çuar përpara projektin e “Ekipeve sportive në shkolla”, ku peshëngritja do të përfshihet si disiplinë.
Një zjarr i përmasave të mëdha ka përfshirë kodrat në zonën e Karinës, duke përhapur flakët në territorin e Peqinit dhe në Sinaballaj në bashkinë e Rrogozhinës. Zjarri ka shkaktuar shqetësim të madh te banorët dhe autoritetet lokale, ndërsa përpjekjet për ta vënë nën kontroll vijojnë intensivisht. Sipas raportimeve paraprake, flakët janë përhapur me shpejtësi […]
Parlamenti miratoi sot disa ndryshime në ligjin “Për Sportin”, një projektligj i propozuar nga kreu i KOKSH-it, Fidel Ylli, që ka ngjallur reagime të forta nga aktorë të opozitës dhe drejtues të federatave sportive.
Deputetja e Partisë Demokratike, Ina Zhupa, e cilësoi projektligjin si një ndërhyrje të drejtpërdrejtë të shtetit në funksionimin dhe financimin e strukturave sportive në vend, duke përfshirë edhe fondacionet dhe federatat sportive.
“Ky ligj thellon ndërhyrjen e shtetit në organizmin e sportit, në kundërshtim me parimet themelore të Kartës Olimpike. Shteti nuk mund të kontrollojë çdo organizim sportiv,” tha Zhupa nga foltorja e Kuvendit.
Ajo theksoi se ligji është hartuar nga Fidel Ylli, ndërsa i atribuon KOKSH-it rol zyrtar në organizimin e aktiviteteve jashtë procesit mësimor, gjë që, sipas saj, cënon kompetencat e federatave shkollore e universitare. Zhupa ngriti gjithashtu shqetësime për financimet publike, të cilat sipas saj, nuk kanë transparencë dhe krijojnë avantazhe të padrejta për strukturat e afërta me qeverinë.
“Financimet do të ndahen pa kritere të qarta, duke favorizuar organizatat që janë zgjatim i interesave shtetërore. Vetë Fidel Ylli ka pranuar publikisht se ai është autori i këtij ligji”, – shtoi ajo.
Ndryshimet e miratuara u kundërshtuan edhe nga kreu i FSHF-së, Armand Duka. Në Asamblenë e FSHF-së, përballë ministres së Arsimit dhe Sportit, Ogerta Manastirliu, Duka kërkoi që projektligji të tërhiqet dhe të rishikohet përmes dialogut me të gjitha federatat.
“Propozimet e fundit synojnë krijimin e një arbitrazhi sportiv klientelist, të varur dhe jo profesional. Ligji është hartuar pa konsultime me aktorët e sportit dhe me kundërshtime të qarta nga ekspertët tanë. U bëj thirrje institucioneve për reflektim”, tha Duka.
TIRANË, 26 qershor /ATSH/ Në seancën e sotme plenare u diskutua projektligji “Për disa shtesa dhe ndryshime në ligjin “Për Sportin””.
Deputetja e Partisë Demokratike Ina Zhupa në fjalën e saj tha se “ky projektligj qartësisht është një projektligj që thellon ndërhyrjen e shtetit në organizmin, në funksionimin dhe në financimin e strukturave sportive në Shqipëri përfshirë fondacione, federata dhe komunitete sportive”.
Sipas Zhupës, kjo është një qasje në kundërshtim me parimet themelore të Kartës Olimpike. Zhupa theksoi se nuk mund të ndërhyjë shteti në çdo formë organizmi dhe të futet dhe në sport.
Duke u ndalur te propozimet që ka bërë Ministria e Arsimit dhe Sportit, Zhupa tha se ligji është bërë nga kreu i Komitetit Olimpik Kombëtar Shqiptar, Fidel Ylli.
“Në nenin 3 projektligjit i jep KOKSH rol zyrtar në organizmin e aktivitete jashtë procesit mësimor në bashkëpunim me ministritë e institucionet arsimore, duke cenuar kompetencat ekzistuese të federatave të sportit shkollor dhe universitar. Fasada është nuk e bëjnë në orën e mësimit.
Në nenin 4 zgjerohet përkufizimi Organizata sportive për të përfshirë dhe fondacione sportive të cilat mund të krijohen nga institucione publike dhe të financohen me fonde shtetërore. Pra i mbani mend në kohën e komunizmit se si ndërmarrjet kishin ato skuadra të veta të futbollit dhe sesi sporti kthehej në bashkim të sindikatave të pavarura. Këtë model keni marrë ju, zonja ministre, modelin ku dhe sportin do ta bësh ti dhe Fideli bashkë, të dy.”
Zhupa tha se nuk ka transparencë në ndarjen e financimeve që parashikohet të bëhet nga buxheti i shtetit.
“Neni 6 parashikon financim të drejtpërdrejtë nga buxheti i shtetit për organizata si KOKSH dhe për këtë fondacionet sportive që do të ndërtoni vetë, pa kritere të qarta ndarje, pa transparencë dhe krijon një avantazh të padrejtë të mbështetur nga shteti me institucionet e sportit të cilat do bëhen si zgjatime të interesit të shtetit dhe duke i ndarë “ca të nënës dhe ca të tjerë të njerkës”.
Sigurisht i “nënës” është Fidel Ylli, i cili në Komisionin e Edukimit dhe Informimit Publik, ju zhveshi fasadën dhe tha: ‘Unë e kam bërë ligjin’. Keni bërë një ligj, jeni konsultuar dhe keni marrë ekspertizë vetëm nga Fidel Ylli. Me zë dhe figurë, e pranuar në Komisionin e Edukimit nga vetë Fideli”, tha Zhupa.
Federata Shqiptare e Futbollit (FSHF) ka zyrtarizuar pezullimin pa afat të të gjitha marrëdhënieve juridike me Komitetin Olimpik Kombëtar Shqiptar (KOKSH), duke e përfshirë këtë vendim në statutin e saj. Vendimi u mor unanimisht gjatë Asamblesë së Përgjithshme të Zakonshme të FSHF-së të mbajtur të mërkurën në Tiranë.
Përplasja mes FSHF dhe KOKSH vjen pas zgjedhjeve të vitit 2021, ku u zgjodh president Fidel Ylli. FSHF e çoi çështjen në CAS të Lozanës, i cili e rrëzoi vendimarrjen e asaj Asambleje, duke i dhënë të drejtë federatës së futbollit. Megjithatë, vendimi i CAS nuk është zbatuar nga KOKSH, çka ka çuar në thellimin e krizës institucionale mes palëve.
Anëtari i Komitetit Ekzekutiv të FSHF-së, Envi Hicka, theksoi se vendimi për pezullimin e marrëdhënieve është marrë për të mbrojtur ligjshmërinë dhe demokracinë në sport. Ai sqaroi gjithashtu se FSHF është e detyruar të jetë pjesë e KOKSH për shkak të ligjit, por nuk mund të pranojë zhvillimin e veprimtarisë në kushte që i cilësoi “jo demokratike dhe arbitrare”.
Dy pikat që u përfshinë në statut dhe që morën mbështetje unanime nga Asambleja janë:
Pezullimi pa afat i marrëdhënieve juridike me KOKSH deri në rikthimin e ligjshmërisë, zbatimin e plotë të vendimit të CAS dhe përputhjen e veprimtarisë së KOKSH me statutin e saj dhe normat ndërkombëtare të vetëqeverisjes në sport.
Mbështetje për përpjekjet juridike dhe publike të FSHF-së për vendosjen e ligjshmërisë brenda KOKSH dhe ndërprerjen e klimës së veprimit arbitrar të organizatës.
FSHF e ka konsideruar rezistencën për zbatimin e vendimit të CAS si një formë injorimi ndaj arbitrazhit ndërkombëtar dhe një precedent të rrezikshëm për sportin shqiptar.
Pylli i Sodës në afërsi të plazhit të Zvërnecit është përfshirë ditën e sotme nga zjarri. Pas përhapjes së flakëve në zonën e dendur me pisha dhe shkurre, pushuesit janë larguar nga plazhi. Në vendin e ngjarjes ndodhen katër zjarrfikëse dhe punojnë për vënien nën kontroll të flakëve. Ka dyshime se zjarri mund të jetë […]
Një eliminim surprizë ka ndodhur gjatë spektaklit të djeshëm të “Ferma Vip”. Konkurrentja që ndërpreu garën ishte Ester Alushi, duke u eliminuar vetëm pak ditë para finales së madhe të 20 Qershorit. Ky eliminim ka zhgënjyer fansat e saj, pasi ishte dhe një nga konkurrentet më të pëlqyera të këtij sezoni në “Ferma Vip”. Zhgënjimi […]
Kreu i Komitetit Olimpik Kombëtar Shqiptar, Fidel Ylli është përfshirë në një debat me kryetaren e Komisionit të Edukimit dhe Medias, Ina Zhupa këtë të hënë. Ylli ka kërkuar rritje të buxhetit për sportet, ndërsa Zhupa nga ana tjetër është shprehur se presidenti i KOKSH ka privilegje aq sa në shtator mund të bëhet ministër […]
TIRANË, 6 qershor /ATSH/ Gjatë vizitës së tij në Kinë, Presidenti i KOKSH, Fidel Ylli është ndalur në Pekin, ku zhvilloi një takim me Sekretarin e Përgjithshëm të International Esports dhe President i Qiang Dynasty School of Cultural and Digital Arts, Qu Zhengqao.
Gjatë takimit u diskutua për një bashkëpunim më të madh për zhvillimin e Esport në Shqipëri.
Më pas presidenti Fidel Ylli i shoqëruar nga Presidenti i Federatës së Sporteve Elektronike në Shqipëri, Sokol Nenaj, Presidenti i Ping Pong Krenar Dila dhe Presidenti i Padel Erjon Keri zhvilloi një vizitë në Universitetin e Sporteve të Pekinit.
Delegacioni shqiptar u prit nga Dekani Weng Qingwei, i cili i njohu me krijimin në vitin 2021 të klasave të manaxherëve të Esports dhe në këtë vit diplomohet grupi i parë i studentëve.
Presidenti Fidel Ylli shprehu gatishmërinë për të biseduar me Rektorin e Universitetit të Sporteve për një bashkëpunim mes Universitetit të Tiranës dhe Universitetit të Pekinit. /j.p/
TIRANË, 3 qershor /ATSH/ Presidenti i Komitetit Olimpik Kombëtar Shqiptar, Fidel Ylli ndodhet në një vizitë punë në Kinë, ku është pritur në një takim të veçantë nga zv/presidenti i Komitetit Olimpik kinez, Mi Ling.
Gjatë takimit u diskutua për forcimin e urave të bashkëpunimit mes dy komiteteve olimpike, si një ndihmë e veçantë nga Komiteti Olimpik kinez në disiplina të ndryshme sportive.
Presidenti Fidel Ylli shoqërohej në këtë vizitë nga presidenti i Federatës së Ping Pongut, Krenar Dila dhe presidenti i Federatës së Padel, Erion Kerri.
Kjo vizitë në Kinë e Yllit i paraprin vizitës zyrtare që presidenti i Komitetit Olimpik kinez do të zhvillojë në Tiranë në datat 25-26 qershor, ku edhe do të firmoset Memorandumi i Bashkëpunimit mes dy Komiteteve Olimpike.
Kreu i PD, Sali Berisha, foli për mediat pas mbylljes s seancës së sotme parlamentare pas rreth 15 minutash.
Ai e cilësoi parlamentin si një “bodrum të mafias”, ndërsa u shpreh se kjo ishte “një seancë ndër më të turpshmet”.
Berisha: Kësaj i thonë kur parlamenti shndërrohet në bodrum të mafias. Parlamenti nuk respekton asnjë rregull as të rregullores, as të kushtetutës, as ligjet. Parlamenti përdoret si dyqan privat i partisë së krimit, kjo ishte seancë ndër më të turpshmet. Pas një farse elektorale të paprecedentë, në vend që qytetarët të dëgjonin të gjithë faktet dhe argumentet e opozitës për atë që ndodhi në 11 maj, këta ia mbathin brenda disa minuta. Ja ikën. Ishte shumë më e drejtë që në parlament të vijnë bosët e karteleve se këta, se ata janë të vërtetë, këta janë thjesht shërbëtorë të tyre. Megjithatë, ajo që duhet të garantoj shqiptarët është vendosmëria e opozitës për të mbrojtur kauzën e drejtë të tyre për votën e lirë.
TIRANË, 27 maj /ATSH/ Presidenti i Komitetiti Olimpik Kombëtar Shqiptar, Fidel Ylli ndodhet në një vizitë pune në Doha të Katarit, ku është pritur në një takim të veçantë nga Jassim Bin Rashid Al-Buebain, Sekretar i Përgjithshëm i Komitetit Olimpik të Katarit.
Në takim u shqyrtuan aspekte të bashkëpunimit sportiv midis Komitetit Olimpik Kombëtar të Katarit dhe Komitetit Olimpik Shqiptar, për ndarjen e eksperiencave dhe rritjen e bashkëpunimit në disiplina të ndryshme sportive.
Vemendja më e madhe e diskutimit u përqendrua në mundësitë për financimin e Qytetit Olimpik, Tirana Olympic City, një nga prioritet i Komitetit Olimpik Shqiptar. /j.p/
TIRANË, 20 maj /ATSH/ Presidenti i Komitetit Olimpik Kombëtar Shqiptar, Fidel Ylli shoqëroi në një vizitë të posaçme në Shqipëri, presidentin e Federatës Botërore të Gjimnastikës, Morinari Watanabe.
Qëllimi i kësaj vizite ishte rritja e bashkëpunimit mes Federatës Botërore dhe Federatës Shqiptare të Gjimnastikës.
Presidenti Ylli e njohu mikun e tij, Watanabe me projektin Ekipet Sportive të Shkolla dhe kërkoi mbështetjen e tij që disiplina e gjimnastikës të përfshihet në këtë projekt.
Gjatë vizitës në qytetin e Shkodrës, ku shoqëroheshin nga presidenti i Federatës Shqiptare të Gjimnastikës, Leonard Luli, presidenti Watanabe ndoqi nga afër Gjimnastradën Kombëtare, me pjesëmarrjën e shumë fëmijëve nga e gjithë Shqipëria.
Watanabe, një biznesmen i njohur japonez, president i Federatës Botërore të Gjimnastikës, që prej vitit 2017, Anëtar i IOC dhe kandidat për president të IOC, vlerësoi punën e shkëlqyer të KOKSH dhe të presidentit Fidel Ylli si dhe shprehu të gjithë vëmendjen e tij për të mbështetur gjimnastikën shqiptare.
TIRANË, 10 maj /ATSH/ Presidenti i Komitetit Olimpik Kombëtar Shqiptar, Fidel Ylli priti në një takim në zyrën e tij, Presidentin e Komitetit Paralimpik Europian, Raymon Blondel.
Pas një turi Ballkanik, Blondel kishte shprehur dëshirën për të parë nga afër punën që është bërë në Komitetin Olimpik Shqiptar dhe të njihej personalisht me Presidentin Fidel Ylli.
Gjatë bisedës së ngrohtë dhe shumë miqësore mes 2 Presidentëve, Ylli e njohu mysafirin me përpjekjet institucionale që po bëhen për krijimin e Komitetit Paralimpik në Shqipëri.
Presidenti Blondel pati mundësi të njihet me arritjet e KOKSH nën drejtimin e Fidel Ylii dhe mbeti shumë i mahnitur me Projektin e Ekipeve Sportive në Shkolla, vëmendjen që po i jepet përfshirjes së fëmijëve dhe të rinjve në sport, ndërsa vlerësoi maksimalisht edhe punën e jashtëzakonshme që KOKSH po bën përmes strukturave të veta, për promovimin e sportistëve elitarë dhe të gjithë Lëvizjes Olimpike në Shqipëri.
Blondel ka uruar përzemërsisht Presidentin Fidel Ylli për rizgjedhjen e tij dhe ofroi mbështetjen e tij dhe të Komitetit Paralimpik Europian për bashkëpunime të mëtejshme.
Një tjetër histori tronditëse dhe dramatike është treguar gjatë spektaklit të së hënës në “Ferma VIP 2”. Gjatë javës Ylli tregoi se ai jashtë ka qenë i martuar por tashmë ka nisur procesin e divorcit. Deklaratë kjo e cila nuk i ka pëlqyer aspak gruas së tij, e cila ka dhënë një tjetër version të […]
Një tjetër histori tronditëse dhe dramatike është treguar këtë të hënë në spektaklin Ferma VIP 2. Gjatë javës Ylli tregoi se ai jashtë ka qenë i martuar por tashmë ka nisur procesin e divorcit. Deklaratë kjo e cila nuk i ka pëlqyer aspak gruas së tij, e cila ka dhënë një tjetër version të ngjarjes.
Ajo me anë të një letre në redaksinë e Ferma VIP 2 sqaron se me Yllin ka bashkëjetuar vetëm 2 javë, dhe se janë martuar vetëm në gjendje civile dhe se nuk ka patur dasëm mes tyre. Nga ana tjetër letërshkruesja pretendon se arsyeja që Ylli ka kërkusr divorcin është se atij i pëlqejnë burrat dhe se këtë e ka të vërtetuar në disa raste.
Sa i përket këtyre akuzave, Ylli i ka cilësuar sulme të ulëta. Ai rrëfeu një tjetër version të historisë, ku sipas tij shkaku i vërtetë i ndarjes janë prindërit e nuses.
Pjesë nga biseda:
Luana: A ke ndonjë ide pse të kam thërritur këtu?
Ylli: Për rrëfimin.
Luana: Jo, të kam thërritur për diçka që i përket jetës personale. A je ti i martuar?
Ylli: Si a jam i martuar?
Luana: A je i martuar jashtë?
Ylli: Po me gjendje civile po.
Luana: Personi me të cilin je i martuar dhe do të shfaq mesazhin e saj.
Mesazhi për Yllin: Unë jam personi të cilin Yllin po e përmend vazhdimisht. Ylli është mashtrues. Unë jam ish e fejuara e Yllit. Akoma kemi kurorë, akoma nuk kemi divorc.
Ylli: Unë nuk e besoj këtë mesazh. Pavarësisht gjërave që ne kemi në jetë, unë jam në gjykatë duke bërë divorcin.
Luana: Çfarë do të thotë se besoj këtë mesazh.
Ylli: Nuk e besoj se nuk pash foton e saj.
Luana: Unë nuk ka të drejtë të bëj publike foton, por më beso se është 100% e konfirmuar.
Ylli: Atë person se kam përmenduar asnjëherë. Unë kam qenë i fejaur, por jo i martuar. Por me kurorë kam qenë i martuar. Bashkëjetesa jonë ka qenë vetëmn 3 javë. Unë e quaj veten të divorcuar, por jemi në procedurë e sipër. Unë e kam kusht nga familja e saj që mos e përmend asnjëherë atë, babai i vet më ka thënë që të mos e përmend asnjëherë.
Luana: Për këtë arsye që ti përmende është pretendimi i vajzës në fjalës.
Vijimi mesazhit: Kam qenë në një lidhje me këtë person për 8 vite. Periudhë e gjatë që ndërtohej mbi dashuri dhe plane. Në 2022 vendosëm të fejohemi, në vitin 2023 u martuam. Gjatë gjithë kësaj kohe ai jetonte në Kosovë unë në Gjermani. Në 2024 ai erdhi në Gjermani për 2 javë. Këtë mundësi ja dha babai im. Gjatë kësaj kohe, fillova të kem dyshime se ai ishte më i interesuar burra se për gra. Kam prova. Fatkeqësisht pas një konflikti mes nesh ai u largua papritur. Unë kam bërë përpjekje të vazhdueshme për të komunikuar, por ai na ka bllokuar. Aktualisht jemi ende të amrtuar, nuk ka snjë proces në zhvillim. Prindërit tanë janë takuar, dhe kanë biseduar duke u dakordësuar që të diskutohen vetëm kur të jemi në Kosovë. Kjo situatë më ka lënduar thellë. Ai po e përdor historinë tonë për të përfituar nga kjo histori. I kërkoj të ndalë menjëherë.
Ylli: Nuk jam i prekur aspak ng kjo që ka thënë. Është shumë e vërtetë se disa fjalë që ajo i ka thënë se ne njihemi që nga viti 2013-të. Sa i përket pëlqimeve të mia ëpr burra, është e shpikur nga ajo dhe familja e saj. Unë ika nga ajo familja pasi sa isha në Kosovë kemi patur marrdhënie të mira. Nëse do kisha patur pëlqim për burra do isha ndarë me kohë,. Ne jemi ndarë për shkak të familjes së saj. Realiti i historisë është se ishim mirë sa isha në Kosovë, kemi patur lidhje të mrië sëbashku, kam patur respektim maksimal ndaj familjes së saj, e dinë të gjithë njerëzit sa i kam dashur familjen e saj. Unë kam shkuar atje në mars të viti 2023, kam shkuar në 15 mars. I ndieri gjyshi im i cili nuk jeton më, ka qenë personi që më tha ki kujdes kur të shkosh. Unë se dëgjova, shkova atje. Kemi qendruar bashkë. Më kanë pritur shumë mirë. Për 1 javë që më kanë pritur ka qenë shumë e mrië, por gjatë gjithë kohës kanë patur tendenca dnaj meje, kan folur për divorcin e familjes time, kanë folur për të. Unë nuk kam patur asnjë mundësi të kisha bisedë serioze me të fejuarën time duke nisur nga nëna e saj, nga motrat e veta. Ajo ka lënë familjen e saj të ishin kundër meje. Unë në Kosovë jam marrë vesh që nuk dua as dasëm, asgjë tjetër. Ne e kemi bërë fejesën sa kemi qenë në Kosovë. Vendosëm që të shkoj në Gjermani sa të bëjmë një dasëm të vogël. I kamë thënë po vij atje të punoj që t’i blejë vello e fustane. Sakrifikova me lënë punën dhe të vazhdoj. Diviorci jonë është shkak i familjes së vet. Unë në një moment flas me të, ajo ka një djalë motre që unë e kam dash shumë, dhe në një moment i them budall, dhe më thotë me një fjalë që thuaje dhe njëherë, dhe nëna e saj i tha gjuaj me gotë dhe ajo më gjuajti, dhe unë u çova dhe i kam gjuajtur në shpullë. Familja e saj nuk më lejoi të jetoja me atë bashkë. Babai i saj më gjeti një banesë, dhe ajo qau shumë se më tha nuk dua që ti të dilje në banesë. Familjes së vet i kam thënë që unë kur të jem me atë dua të mos ndërhyjë njeri, dua të pajtohem kur duam ne.
Luana: Përmblidhe.
Ylli: Unë i kam dhënë fund për shkak të familjes së saj. Ata kanë përdorur fjalë denigruese dhe ofenduese. Ata mua nuk më bënë dot si dhëndurët e tjerë që bënin çfarë thoshte vjehrri dhe vjehrra. I përshëndes dhe ata se ja kam kaluar mirë. Divorci saj është familja e vet. Unë nuk i kthehem asaj çfarë kam bërë. Më vjen keq që ika pa dhënë sqarim. Për sa kohë ajo nuk më kërkoi sqarim, nuk kam pse t’i jap sqarim./VizionPlus
TIRANË, 24 prill /ATSH/ Fidel Ylli është rizgjedhur presidentit i Komitetit Olimpik Kombëtar Shqiptar edhe për katër vitet e ardhshme.
Në Asamblenë e 31-të të Përgjithshme Zgjedhore të mbajtur në Tiranë, Fidel Ylli ka marrë besimin për të drejtuar Komitetin Olimpik Kombëtar Shqiptar për një tjetër mandat.
Presidenti i Federatës së Volejbollit, Erlind Pëllumbi është zgjedhur zv.president i KOKSH.
I pranishëm në punimet e Asamblesë së 31-të të KOKSH ishte dhe zv.ministri i Arsimit dhe Sportit, Endrit Hoxha.
Gjatë punimeve të Asamblesë është votuar edhe për Komitetin Ekzekutiv të KOKSH, që do të përbëhet nga Alfred Tahiraj, Enkeleda Caushi, Florend Kalivopuli, Julinda Dhame, Izmir Smajlaj, Krenar Dila, Leonard Luli, Pavlina Evro.
Siç është bërë traditë në çdo Asamble të KOKSH, janë dorëzuar Urdhrat Olimpikë, për figura që kanë dhënë kontribut ndër vite në sportin shqiptar, që përkonin me emrat e Theodhori Driza, Emin Lishi, Mustafa Fagu, Krenar Luto dhe Sytki Tafili.
Login
