Novak Djokoviç e ndjeu plotësisht peshën e moshës së tij 38-vjeçare, në humbjen e thjeshtë që pësoi përballë numrit 1 të botës, Janik Siner, në gjysmëfinale të Wimbledon. Nëse në 2023, jo shumë kohë më parë, Nole fitoi tre Grand Sleme, në dy stinët e fundit tenisi është dominuar nga dyshja e kampionëve të rinj. […]

The post Sinner shkon për herë të parë në finalen e Wimbledon, sfidon kampionin në fuqi Alcaraz appeared first on BoldNews.al.

Pas një periudhe të gjatë si numri një i botës në turin WTA, tenistja polake kthehet në protagoniste dhe fiton turneun femëror të Wimbledon 2025. Iga e dominon finalen kundër Amanda Anisimova, duke fituar lehtësisht për më pak se një orë (pesëdhjetë e shtatë minuta) me rezultat 6-0, 6-0. Ky është Grand Slam-i i gjashtë […]

The post Wimbledon/ Polakja Swiatek fiton për herë të parë Grand Slam-in britanik appeared first on BoldNews.al.

LONDER, 12 korrik /ATSH-DPA/ – Tenistja polake, Iga Swiatek, fitoi titullin e saj të parë në Wimbledon për femra, duke mposhtur amerikanen, e renditur e 13-ta, Amanda Anisimova, me rezultatin 6-0, 6-0 në finale.

Ajo që duhet të kishte qenë kulmi i karrierës së saj u shndërrua në një makth për 23-vjeçaren Anisimova, por kjo shënon rikthimin e Swiatek në majë.

Ajo gjithashtu bëhet femra e parë polake që fitoi një titull të Wimbledon në njëshe në epokën e Hapur, 13 vjet pasi bashkëkombësja e saj Agnieszka Radwanska humbi ndaj Serena Williams në finale.   /os/

The post TENIS – Swiatek mposht Anisimovën duke fituar titullin e parë në Wimbledon appeared first on Agjencia Telegrafike Shqiptare.

Të dhënat mbi popullsinë në moshë pune (15–64-vjeç) në Shqipëri gjatë viteve 2010–2025, tregojnë një prirje të fortë rënëse, veçanërisht në vitet e fundit, duke i bërë më të forta shqetësimet për tregun e punës dhe perspektivën ekonomike të vendit.

Nga viti 2010 deri në vitin 2019, popullsia në moshë pune ka qenë relativisht e qëndrueshme, duke u luhatur midis 1.94 dhe 1.98 milionë banorë.

Ndonëse kishte lëvizje demografike dhe emigracion, ndikimi mbi numrin e përgjithshëm të popullsisë në moshë pune nuk ishte kaq dramatik.

Midis viteve 2023 dhe 2024, popullsia në moshë pune 1,864,062 persona ra në 1,542,389, një reduktim prej më shumë se 320 mijë personash brenda një viti, ose rreth 17%, si rezultat i Censit dhe përmirësimeve në regjistrat civilë.

Në vitin 2025, popullsia në moshë pune ra në 1,504,570 persona që përfaqëson një tkurrje totale prej 38 mijë personash në një vit dhe mbi 444 mijë në krahasim me vitin 2012, më i miri me numrin më të lartë të regjistruar 1,979,908 persona.

Të dhënat zyrtare për periudhën 2015–2025, tregojnë tkurrje të ndjeshme të popullsisë në të gjitha grupmoshat aktive, me rënie veçanërisht të theksuar te të rinjtë që sapo hyjnë në tregun e punës.

Grupmosha me tkurrjen më të fortë është ajo 20-24-vjeç me rreth 48% ndërmjet 2015-2025. Ata 15–29 vjeç janë më të prekurit nga emigracioni dhe rënia e lindshmërisë.

Rënia në këtë grup, është shumë alarmante dhe tregon për një mungesë të afërt të fuqisë së re punëtore në vend.

Edhe në mesin e grupmoshave 45–54-vjeç vihet re një rënie e dukshme, duke sinjalizuar mungesë të qëndrueshmërisë afatmesme të forcës së punës.

Ndërsa edhe grupmosha 55–59-vjeç pëson rënie, ajo 60–64-vjeç, ka rritje dhe kjo për shkak të një strukture më të plakur të popullsisë./ Monitor

The post Nis rënia e shpejtë e popullsisë në moshë pune, shqetësime për tregun e punës dhe perspektivën ekonomike të vendit appeared first on Albeu.com.

Turneu i Wimbledon-it është përfshirë sërish në një debat të nxehtë lidhur me thirrjet në vijë, pasi tenistja Anastasia Pavlyuchenkova akuzoi zyrtarët për paragjykim ndaj saj dhe favorizim të tenistes britanike Sonay Kartal.

Kjo ndodhi pas një momenti kontrovers në ndeshjen vendimtare të raundit të katërt, ku teknologjia HawkEye nuk arriti të identifikonte një top jashtë, duke përfituar Kartalin.

Vetëm disa ditë pasi Emma Raducanu kritikoi ashpër saktësinë e teknologjisë “të dyshimtë”, Kartal goditi një top shumë larg vijës bazë gjatë servis-it, ndërsa Pavlyuchenkova kishte avantazh në këtë shërbim.

Por sistemi elektronik në Fushën Qendrore nuk dha asnjë sinjal për top jashtë.

Pas një pritjeje të gjatë dhe ndërkohë që gjyqtari kryesor Nico Helwerth po kontrollonte situatën në telefon, ai njoftoi se sistemi elektronik nuk kishte mundur të përcaktonte pozicionin e fundit të topit dhe vendosi të riluhej pika.

Kartal vazhdoi të shfrytëzonte këtë rast duke prishur servis-in, çka nxiti zemërimin e Pavlyuchenkovës, e cila akuzoi gjyqtarët se po favorizonin kundërshtaren e saj britanike.

“Nuk e di nëse topi ishte brenda apo jashtë. Si ta di unë? Nuk mund ta provoj,” u shpreh e revoltuar Pavlyuchenkova. “Meqë ajo është vendase, ata thonë çfarë të duan. Më morën pikën.”

Gjyqtari Helwerth u shpreh se sistemi elektronik ishte në funksion dhe se rregullat e turneut nuk lejonin ndërhyrje manuale në vendime: “Nëse më thonë se sistemi është në punë, ne nuk mund të bëjmë asgjë tjetër. Nëse nuk është në punë, atëherë ky është rregulli.”

LEXONI GJITHASHTU:

• Halep përjashtohet nga tenisi për katër vjet
• Finale historike në tenis, Alcaraz përmbys Sinner-in dhe shpallët kampion në Francë

The post Teknologjia dështon në Wimbledon, tenistja ruse shpërthen ndaj gjyqtarëve appeared first on Euronews Albania.

Të paktën 35 palestinezë humbën jetën të premten në Gaza, sipas të dhënave nga morgu i një spitali lokal, që u raportuan për agjencinë Associated Press. Nga këta, 15 persona – përfshirë tetë gra dhe një fëmijë u vranë si pasojë e sulmeve ajrore izraelite në orët e para të mëngjesit.

Ndërkohë, 20 të tjerë u qëlluan për vdekje ndërsa prisnin për ndihma humanitare. Sipas spitalit Nasser, dy prej viktimave ndodheshin pranë pikave të shpërndarjes në Rafah, ndërsa 18 të tjerë po prisnin kamionët me ndihma në pjesë të tjera të Gazës jugore.

Kryqi i Kuq njoftoi gjithashtu se një anëtar i stafit të spitalit të tyre fushor në Rafah u plagos nga një plumb qorr, por ndodhet jashtë rrezikut për jetën dhe është nën kujdes mjekësor. Dy punonjës të tjerë të Gjysmëhënës së Kuqe Palestineze u plagosën më herët po atë mëngjes gjatë kryerjes së detyrave të tyre në Rafah.

“Kjo ngjarje është e papranueshme dhe rikujton rrezikun e përditshëm që përballin civilët, stafet mjekësore dhe pacientët në Gaza,” thuhet në deklaratën e organizatës.

Në mesditën e së premtes, ushtria izraelite paralajmëroi për operacione ushtarake në disa lagje të qytetit Khan Yunis në jug të Gazës, duke kërkuar nga banorët të zhvendosen menjëherë drejt perëndimit.

Zyra e Komisionerit të Lartë të Kombeve të Bashkuara për të Drejtat e Njeriut njoftoi se deri më 27 qershor kishte regjistruar të paktën 613 viktima në afërsi të pikave të shpërndarjes së ndihmave apo pranë autokolonave humanitare.

“Që nga ajo datë ka pasur incidente të tjera,” tha zëdhënësja Ravina Shamdasani nga Gjeneva. Sipas të dhënave të OKB-së, 509 nga viktimat ishin të vrarë pranë pikave të shpërndarjes të drejtuara nga Fondacioni Humanitar i Gazës (GHF).

Ky i fundit i mohoi shifrat, duke i cilësuar si të marra “drejtpërdrejt nga Ministria e Shëndetësisë e kontrolluar nga Hamasi”, dhe akuzoi se po përdoren për të “njollosur në mënyrë të rreme” punën e tyre humanitare.

GHF ka deklaruar më herët se ka shpërndarë mbi 60 milionë vakte ushqimore për palestinezët e uritur në vetëm pesë javë “në mënyrë të sigurt dhe pa pengesa”, ndërkohë që organizata të tjera kanë raportuar grabitje masive të ndihmave.

Ndërkaq, Zyra e OKB-së për Koordinimin e Çështjeve Humanitare (OCHA) konfirmoi raste të dhunshme të grabitjeve dhe sulmeve ndaj drejtuesve të mjeteve që shpërndanin ndihma, duke i cilësuar këto veprime si të papranueshme./abcnews.al

Turneu më i madh i tenisit, Wimbledon, ka vendosur të ndryshojë një rregull ikonik pas 148 vitesh, e gjitha për shkak të vdekjes së futbollistit Diogo Jota, e cila tronditi botën.

Vdekja e Diogo Jotës dhe vëllait të tij Andre Silva tronditi jo vetëm botën e futbollit, përfaqësues aktivë të së cilës ishin, por ndikoi edhe në të gjitha ngjarjet sportive.

Pra, turneu që është aktualisht në fokus, kampionati botëror jozyrtar i tenisit – Wimbledon, vendosi të ndryshojë për pak kohë rregullin që e ka zbukuruar atë për 148 vjet, që është kodi i veshjes.

Ky konkurs tenisi ka rregulla të rrepta në lidhje me veshjen e lojtarëve, ku lojtarët duhet të luajnë me një kombinim të të gjitha rrobave të bardha, pa detaje mbi pajisjet e tyre.

O tenista Francisco Cabral está a usar um laço negro em homenagem a Diogo Jota e André Silva.

A organização quebrou o protocolo que vigora há 148 anos e permitiu que fossem usados acessórios pretos.

@gasparlanca pic.twitter.com/H3vGgYSyId

— Cabine Desportiva (@CabineSport) July 4, 2025

Megjithatë, pas vdekjes së Diogo Jotës dhe vëllait të tij Andre Silva, Wimbledon i lejoi lojtarët të mbanin një shirit të zi në krah për të nderuar Diogo Jotën.

Lojtari i parë që e bëri këtë ishte lojtari portugez Francisco Cabral. Ai mundi Rajeev Ram dhe Jamie Murray në një ndeshje dyshe me Lucas Miedler ndërsa mbante një shirit të zi në krah, i cili më parë ishte i ndaluar.

A organização de Wimbledon quebrou o histórico protocolo que obriga a vestir totalmente de branco para permitir homenagens a Diogo Jota… e Francisco Cabral foi a jogo com um laço negro pic.twitter.com/jd4VimrKae

— B24 (@B24PT) July 4, 2025

“E dëgjova lajmin ndërsa udhëtoja me makinë për në fushat e Wimbledonit. I uroj familjes së tij gjithë të mirat. Ai kishte njerëz të mrekullueshëm përreth dhe shpresoj ta kalojë këtë”, ka thënë Cabral.

Tenisti portugez shtoi se vdekja e Jotës ishte në nënndërgjegjen e tij ndërsa luante, dhe shtoi se nuk e njihte personalisht, por e përshkroi atë si një model të vërtetë në Portugali. /Telegrafi/

The post Wimbledon ndryshon rregullin ikonik të kodit të veshjes pas 148 vitesh për shkak të vdekjes së Jotës appeared first on Telegrafi.

Pas verifikimit të materialeve zgjedhore në 126 kuti në qarkun Durrës, ka nisur tani të rinumërohen votat për partitë dhe kandidatët.

Deri më tani, janë hapur 5 nga 290 kuti brenda vendit, ku janë vënë re dhe gabimet e para. Do të hapen gjithashtu edhe 85 kuti që i përkasin diasporës së këtij qarku.

Partisë Socialiste i shtohen dy vota, ndërsa 1 i hiqet Nismës Shqipëria Bëhet.

Në këtë qark, beteja bëhet në PD, mes kandidatit Aulon Kalaja dhe Arjan Ndojës.

Ish-prokurori fitoi me një diferencë prej 1047 votash. Kalaja kërkoi rinumërim votash me pretendimin se i janë trafikuar vota brenda partisë.

Pritet të shihet nëse hapja e pjesshme e kutive të Durrësit, do t’i japë vota në favor të tij, për t’i marrë mandatin Ndojës.

Rinumërimi i Durrësit vjen pas përfundimit të procesit të Fierit, i cili prodhoi ndryshime.

Zegjine Çaushi, humbi dhe rifitoi mandatin brenda një dite. Ajo u mund nga kolegia socialiste Maldrita Bardho me një diferencë prej 10 votash nga rinumërimi, por kjo e fundit reagoi dhe tha se do t’ia linte mandatin Çaushit.

The post Nis rinumërimi i votave të Durrësit/ Hapen 5 nga 290 kuti, vihen re dhe gabimet e para appeared first on Albeu.com.

Seanca e fundit plenare për këtë legjislaturë ka nisur ditën e sotme në Kuvend. Në seancën e sotme në rend dite është janë një sërë projektligjesh për të diskutuar. Në rendin e ditës së sotme është raporti vjetor i Këshillit Kombëtar të Integrimit Europian (KKIE) për vitin 2024.

Projektligjet e tjera që janë parashikuar të miratohet janë ai për investimet e huaja, për rezervat materiale të shtetit, për markat tregtare, për patentat dhe certifikatat e mbrojtjes shtesë, për administrimin e bashkëpronësisë në ndërtesa, si dhe ai për pushtetet dhe autoritetet e komandimit të Forcave të Armatosura.

The post Nis seanca plenare në Kuvend appeared first on Lapsi.al.

Futbollisti algjerian Youcef Belaili, anëtar i Esperance de Tunis, u ndalua në aeroportin Roissy-Charles-de-Gaulle në Paris, pasi shkaktoi një incident gjatë një fluturimi nga Nju Jorku në Francë.

Sipas informacioneve nga mediat franceze, Belaili po kthehej pas paraqitjes së tij në Kampionatin Botëror të Klubeve dhe gjatë fluturimit u përlesh me stafin e linjës ajrore Air France.

Grindja thuhet se ndodhi për shkak të refuzimit të tij për të lidhur siç duhet rripin e sigurimit të një fëmije që udhëtonte me të. Situata u përshkallëzua në një konflikt verbal, duke bërë që kabina e pilotit të kërkonte ndërhyrjen e policisë menjëherë pas uljes.

Në rrjetet sociale u shfaqën video që tregonin oficerë policie duke shoqëruar Belailin me pranga, zbathur, përmes terminalit të aeroportit. Vëllai i tij, i cili ishte gjithashtu në fluturim, thuhet se u ndalua gjithashtu. Telefonat e tyre u sekuestruan për hetim.

Belaili u mbajt në paraburgim për disa orë përpara se të lirohej. Megjithatë, sipas ligjit francez, është e mundur që kundër tij të merren masa ligjore ose disiplinore në ditët në vijim.

Ky incident vjen vetëm pak ditë pas përfundimit të Kupës së Botës për Klube, ku Belaili dhe Esperance u eliminuan që në fazën e grupeve.

Lexo po ashtu Super kompjuteri i Optas parashikon fituesin e Kupës së Botës për Klube - asnjë shpresë për Real Madridin

Klubi tunizian pësoi një humbje të rëndë 3-0 ndaj Chelseat në Filadelfia, gjë që shkaktoi zhgënjim të madh në kampin e përfaqësueses afrikane.

Youcef Belaili njihet për talentin e tij, por edhe për temperamentin e tij të dhunshëm, dhe shpesh ka qenë në qendër të polemikave. Gjatë karrierës së tij, ai luajti në Ligue 1 franceze për Angers, Brest dhe Ajaccio, dhe ishte një lojtar kyç i ekipit kombëtar algjerian me të cilin fitoi Kupën e Kombeve të Afrikës në vitin 2019.

Esperance de Tunis nuk ka komentuar ende për këtë ngjarje. /Telegrafi/

The post Futbollisti kontrovers arrestohet në Paris gjatë kthimit nga Kupa e Botës për Klube appeared first on Telegrafi.

Në fillim të Wimbledonit, mbërritën lajme të habitshme – tenisti legjendar zviceran Roger Federer, mbajtësi i rekordit për numrin e titujve në Londër, u bë miliarder.

Sipas Indeksit të Miliarderëve të Bloomberg, Federer (43 vjeç) tani ka një pasuri neto të vlerësuar prej rreth 1.2 miliardë eurosh.

Tre vjet pasi u tërhoq nga tenisi profesionist, Federer theu shifrën prej një miliard eurosh. Gjatë karrierës së tij, ai fitoi pak më shumë se 120 milionë euro nga çmimet e garave, ndërsa pjesa më e madhe e pasurisë së tij u fitua jashtë fushës – falë sponsorizimeve, investimeve dhe lëvizjeve të zgjuara të biznesit.

Roger Federer’s net worth is about $1.3 billion, according to the Bloomberg Billionaires Index, making him one of the few athletes to hit that milestone https://t.co/u1Ogzclnp8

— Bloomberg (@business) June 27, 2025

Si u bë Federer miliarder jashtë fushës

Gjatë dhe pas karrierës së tij, Federer ishte fytyra e shumë markave globale dhe zvicerane. Midis tyre janë Rolex, Lindt & Sprüngli, si dhe Credit Suisse (tani UBS).

Pasi kontrata e tij me Nike skadoi, në vitin 2018 ai nënshkroi një kontratë fitimprurëse dhjetëvjeçare me markën japoneze Uniqlo, me vlerë gati 275 milionë euro.

Përveç kësaj, Federer zotëron një aksion në prodhuesin zviceran të këpucëve sportive On, vlera e të cilit vlerësohet të jetë të paktën 460 milionë euro.

Atleti i parë jo-amerikan që u bë miliarder

Federer është ndër të paktët atletë, pasuria e të cilit vlerësohet në më shumë se një miliard euro, dhe atleti i parë jo-amerikan me një status të tillë.

Në krye të listës së miliarderëve sportivë është ende basketbollisti legjendar Michael Jordan (62 vjeç), pasuria e të cilit vlerësohet në rreth 3.25 miliardë euro – kryesisht falë shitjes së aksioneve të tij në ekipin e NBA-së, Charlotte Hornets.

LeBron James (40 vjeç), i cili ende luan në mënyrë aktive, ka pasuri me vlerë rreth 1.4 miliardë euro, ndërsa legjenda e golfit Tiger Woods (49 vjeç) ka asete të vlerësuara në rreth 1.3 miliardë euro. /Telegrafi/

The post Roger Federer bëhet zyrtarisht miliarder tre vjet pas përfundimit të karrierës së tij appeared first on Telegrafi.

I renditur aktualisht i 151-ti në botë, Taro Daniel ka folur hapur për realitetin e ashpër të jetës si atlet profesionist jashtë majave të tenisit botëror.

32-vjeçari me origjinë japoneze, i cili jeton dhe stërvitet në Florida (SHBA), është kualifikuar për 11 turne Grand Slam, përfshirë gjashtë paraqitje në Wimbledon.

Momenti më i madh i karrierës së tij është fitorja ndaj kampionit tre herë të Grand Slam-it, Andy Murray, në raundin e dytë të Australian Open në vitin 2022, kur ai arriti deri në raundin e tretë dhe fitoi 175,000 euro.

Megjithatë, pas atij suksesi fshihet një përditshmëri e vështirë financiare, e cila është pjesë e përditshme për shumicën e tenistëve që nuk janë pjesë e top 100-shes së listës ATP.

“Kur isha më i ri, as nuk doja të porosisja një avokado sepse ishte e shtrenjtë”, tha Daniel për Financial Times, duke nënvizuar se presioni financiar shpesh ndikon edhe në përgatitjen dhe paraqitjen në fushë.

Edhe pse këtë vit ka fituar rreth 160,000 euro nga turnetë, përfshirë ato të nivelit Challenger dhe raundet kualifikuese, kjo shumë zhduket shpejt kur përfshihen të gjitha shpenzimet si trajneri, fizioterapisti, biletat e avionit, ushqimi, hotelet dhe taksat ndërkombëtare.

“Turnetë mbulojnë dhomën tënde, por jo atë të trajnerit. Raporti im i shpenzimeve thotë të paktën 20,000 dollarë në muaj vetëm për nevojat bazë”, zbuloi Daniel.

Ai shtoi se shpenzon deri në 100 mijë dollarë në vit vetëm për kostot operative, pa përfshirë pagat e anëtarëve të stafit.

“Si tenist, je si një kompani e vogël. ‘Punonjësit’ e tu udhëtojnë me ty. Sot, pothuajse askush nuk shkon në Grand Slam pa trajner. Shpenzimet janë rritur dhe fitimet nuk janë gjithmonë të garantuara”, shton ai.

Këtë vit, Daniel dështoi të kualifikohej si për Australian Open, ashtu edhe për Roland Garros, por tani ka një mundësi të re – kualifikueset e Wimbledon, të cilat zhvillohen këtë javë.

Hyrja në shortin kryesor jo vetëm që do të ishte e rëndësishme për karrierën e tij, por edhe një ndihmë e madhe financiare.

Edhe tenistët që eliminohen në raundin e parë të Wimbledon fitojnë 78,000 euro, ata që kalojnë në raundin e dytë marrin 115,000 euro, ndërsa raundi i tretë sjell 180,000 euro.

Fituesi i turneut këtë vit do të përfitojë një çmim rekord prej 3.5 milionë euro – më i madhi në historinë e ndonjë turneu Grand Slam. /Telegrafi/ 

The post Jeta e vështirë e tenistit jashtë top 100 – Taro Daniel rrëfen betejën me financat appeared first on Telegrafi.

Kupa e Botës për Klube 2025 ka kaluar tashmë javën e parë, me disa nga grupet që kanë zhvilluar nga dy ndeshje dhe me tifozët që janë argëtuar me disa përballje emocionuese.

Ekipet e Amerikës së Jugut kanë qenë surprizat e turneut, me Botafogon që tronditi PSG-në dhe Flamengon që mposhti Chelsean.

Mes gjithë kësaj, është bërë një krahasim interesant në lidhje me pagat vjetore të çdo ekipi që garon në këtë turne që po mbahet në SHBA.

Lexo po ashtu Rregull i ri u përdor për herë të parë në Kupën e Botës për Klube, të gjithë u mahnitën

Duke pasur parasysh pagat e vlerësuara të skuadrës së parë të secilës skuadër, rezulton se Real Madridi ka faturën më të lartë të pagave me 279 milionë euro paga vjetore për futbollistët.

Bayern Munich është menjëherë pas tyre me një shpenzim të madh pagash prej 274 milionë eurosh në vit dhe Al Hilal që kompleton treshen e parë me një shpenzim prej 256 milionë eurosh në vit në paga.

Ekipi me faturën më të ulët të pagave është ndoshta Auckland City FC, i cili ka një faturë pagash të skuadrës shumë më pak se 1 milion euro, pasi shumica e lojtarëve të tyre kanë punë me kohë të pjesshme diku tjetër.

Manchester City, Paris Saint-Germain, Chelsea, Atletico Madrid, Inter, Borussia Dortmund dhe Juventusi janë klubet tjera që kanë paga vjetore nga 225 milionë euro në 109 milionë euro. /Telegrafi/

The post Zbulohen pagat vjetore të çdo skuadre në Kupën e Botës për Klube – Real Madridi kryeson listën, Auckland City me ‘lëmoshë’ appeared first on Telegrafi.

TIRANË, 16 qershor /ATSH/ Në Qendrën Kombëtare të Tenisit “National Sport Park” në Tiranë përfundoi me sukses për të dytin vit radhazi, “Davis Cup Europe Group IV”.

Nën kujdesin e Presidentit të Federatës së Tenisit, Ferdinand Sulo, Shqipëria ka dëshmuar edhe një herë kapacitetin organizativ për të pritur evente ndërkombëtare të nivelit të lartë në sportin e tenisit.

Kosova dhe Azerbajxhani janë promovuar në Grupin IIl të Europës, pasi mundën përkatësisht në “Promotion Play-Off” Andorrën dhe Lihtenshtajnin.

Shqipëria nuk arriti të shënojë rezultate pozitive, duke humbur përballjet me Kosovën, Lihtenshtajnin dhe Islandën.

Ekipi shqiptar u përfaqësua në këtë ekip me  Martin Muedini, Mario Zili, Joan Sura, Denis Gaba dhe trajnerët Përparim Zano dhe Ervin Rota.

Aktiviteti është përcjellë me shumë interes nga presidenti i Komitetit Olimpik Kombëtar Shqiptar, Fidel Ylli.

1 nga 11

/r.e/j.p/

The post Tenis – Mbahet në Tiranë “Davis Cup Europe Group IV” appeared first on Agjencia Telegrafike Shqiptare.

Para pak minutash, ka nisur në Apelin e Posaçëm, seanca për çështjen që përfshin Erion Veliajn.

Veliaj nuk është i pranishëm personalisht në gjykatë, por përfaqësohet nga avokati i tij, Ermir Beta.

Ndërkohë, në sallën e gjyqit ndodhet Elman Abule, i cili është i pranishëm dhe i shoqëruar nga avokatja Romina Zano.

Seanca po zhvillohet në prani të palëve dhe avokatëve përkatës, ndërsa gjykata pritet të marrë vendim në lidhje me çështjen.

The post Nis në Apelin e GJKKO seanca për Erion Veliajn appeared first on Albeu.com.

Sa shumë herë u shkruaka historia. Rekordet vendosen për t’u thyer, dhe klasi e triumfi kalojnë nga brezi në brez.

E tashmja e tenisit I takon dy yjeve të rinj, dhe spanjolli Karlos Alkaraz a doli të fitonte finalen e Grand Slemit të “Rolan Garosit” ndaj italianit Janik Siner.

Numri 2 I botës ndaj numrit 1.

Beteja ishte e jashtëzakonshme, si ato dikur mes Gjokoviçit, Nadalit apo Federerit.

Dy tenistët më të mirë të botës, pasardhësit e denjë të treshes së madhe, luajtën pesë sete me përmbysje dhe emocione tepër të forta.

“Nadali I ri” ia doli 3-2, me rezultat të seteve 6-4, 7-6, 4-6, 6-7 e 7-6.

Beteja e rreptë vazhdoi 5 orë e 29 minuta.

U thye rekordi në Paris, që mbahej nga finalja Vilander-Vilas me 4 orë e 42 minutash, ndërsa kjo është e dyta më e gjata në historinë e Çmimeve të Mëdha.

Vendin e parë vazhdon ta mbajë sfida legjendare mes Gjokoviçit e Nadalit në 2012 në Australian Open me 5 orë e 53 minuta.

Numri 1 I botës u duk se I dha fund mbretërimit të Alkarazit në “Rolan Garos”, kur kryesoi 5-3 në setin e katërt, por spanjolli nuk u dorëzua.

Më I miri tenist në planet në sipërfaqen me dhe të ngjeshur pati energji fizike dhe mentale deri në fund, madje duke anuluar tri herë topin për fitoren e ndeshjes.

Në moshën 22 vjeç, një muaj e tre ditë barazon Rafael Nadalin me 5 tituj Grand Slem, kur ishte sa ai, ndërsa fjalimi I tij në Paris ishte me falenderime.

“Më pëlqen kur luaj ndaj Janikut. Janë ndeshje të mrekullueshme. Niveli I Janikut është shumë I lartë, dhe kjo vazhdoi për dy javë. E di sesa shumë punon ti dhe stafi yt. Ti do të jesh kampion këtu jo një herë, por shumë herë. Është kënaqësi të ndash fushën me ty, të ndash ambiciet me ty, dhe të shkruajmë historinë së bashku. Duhet të të falenderoj sepse je një frymëzim për mua. Falenderoj skuadrën time, familjen. Jam me fat që shumë miq të mi janë këtu. Ky trofe është gjithashtu edhe I juaji. Faleminderit!”

Siner padyshim që largohet me kokën lart nga Parisi. Kurrë në jetën e tij nuk ka luajtur kaq mirë sa këtë të diel në këtë sipërfaqe, dhe shpresa është që në të ardhmen mund ta thyejë dominimin e Alkarazit.  Gjithsesi, kampioni iberik ka 9 fitore dhe 5 humbje, një bilanc që flet vetë.

Triumfi klasik i Jannik Sinner kundër Novak Djokovic bëri që numri 1 i botës të sigurojë një finale të shumëpritur të French Open 2025 kundër Carlos Alcaraz (2), që do të luhet të dielën.

Kryesuesi i turneut, Sinner, e mposhti shtatë herë finalistin Novak Djokovic (6) në tri sete, 6-4, 7-5, 7-6(3), duke siguruar finalen e tij të parë në Roland Garros.

Kampioni në fuqi, Alcaraz (2), u kualifikua pasi Lorenzo Musetti (8) u detyrua të tërhiqej për shkak të një dëmtimi kur ishte duke humbur 6-4, 6-7(3), 0-6, 0-2 në Court Philippe-Chatrier.

World No.1 World No.2

It doesn’t get much bigger than THIS. pic.twitter.com/C2NWTFfRLe

— Roland-Garros (@rolandgarros) June 6, 2025

Kjo do të jetë hera e parë që Sinner dhe Alcaraz përballen në një finale Grand Slam.

Spanjolli Alcaraz është në kërkim të titullit të pestë madhor, ndërsa nga ana tjetër, italiani Sinner po kërkon të fitojë slamin e tretë radhazi.

Ky duel premton spektakël të vërtetë dhe emocione të forta në Paris. /Telegrafi/ 

The post Sinner përballë Alcaraz – finalja e zjarrtë e French Open appeared first on Telegrafi.

Ka nisur seanca e sotme plenare në Kuvend. Kryetarja e Kuvendit, Elisa Spiropali ka hapur seancën duke lexuar pikat e rendit të ditës, për të cilat pritet të ketë diskutime.

Në rendin e ditës janë disa pika ndër të cilat përfshin diskutimin dhe miratimin e një sërë projektligjesh dhe akteve normative që prekin fusha të ndryshme. Disa nga këto pika është ratifikimi i marrëveshjeve ndërkombëtare deri te ndryshimet ligjore për buxhetin dhe dokumentacionin personal. Pas ratifikimeve do të ketë diskutime.

The post Nis seanca plenare në parlament appeared first on Lapsi.al.

Aeanca e sotme plenare në Kuvend, ka nisur me debat. Kryetarja e Kuvendit, Elisa Spiropali, ka hapur seancën duke lexuar pikat e rendit të ditës, për të cilat pritet të ketë diskutime.

Në rendin e ditës janë disa pika ndër të cilat përfshin diskutimin dhe miratimin e një sërë projektligjesh dhe akteve normative që prekin fusha të ndryshme.

Opozita ka kërkuar të ndërpritet seanca plenare, për shkak se në sallën e Kuvendit nuk ndodhen minimumi as 55 deputetë.

Disa nga këto pika është ratifikimi i marrëveshjeve ndërkombëtare, deri te ndryshimet ligjore për buxhetin dhe dokumentacionin personal. Pas ratifikimeve do të ketë diskutime.

The post Tensione në Kuvend/ Nis me debat seanca plenare appeared first on Albeu.com.

Në Paris mbërriti me ëndrra të mëdha. Një vajzë me origjinë shqiptare nga Kosova, e quajtur Linea Bajraliu, hyri në historinë e Grand Slemit të “Roland Garosit”, sepse për herë të parë konkurroi në dyshe me një vajzë serbe.

Bajraliu mori pjesë në turneun e dysheve për të reja, duke ndarë fushën me serben nga Nishi, Anastasija Cvetkoviç.

Dy tenistet e reja kaluan me sukses raundin e parë të turneut të të rinjve për vajza duke mundur dyshen çeke, Pastikova/Stushek.

Rezultati ishte 6-3, 5-7, 10-2.

Në raundin e dytë, udhëtimi I tyre u ndërpre nga dyshja e binjakeve amerikane, Kristina e Anika Peçnikova, me shifrat 7-5, 6-4.

Mediat serbe treguan interesim të madh për këtë ngjarje.

“B92” pati titull: Pamje e bukur nga Parisi, serbja me shqiptaren në dyshen historike, në “Rolan Garos”.

E njëjta frymë edhe nga “Telegraf” I Beogradit që tregon sesi lindi dyshja historike e serbes me shqiptaren në “Rolan Garos”.

Cvetkoviç sqaron se Bajraliu propozoi që të luanin së bashku në Paris, dhe se ajo pranoi, duke shtuar se njihen prej një viti.

Linea Bajraliu mori një përshëndetje edhe nga ish-sekretari I përgjithshëm I Federatës së Tenisit të Kosovës, Osman Reçica, I cili e uroi për pjesëmarrjen në Grand Slemin e shquar francez.