Ryanair, kompania ajrore me rritjen më të shpejtë në Shqipëri, njoftoi sot (e enjte, 14 gusht) se do të hapë një bazë të re me 3 aeroplanë në Aeroportin e Tiranës duke filluar nga prilli 2026. Kjo bazë do të përfshijë 3 aeroplanë të rinj B737-800 – një investim prej 300 milionë dollarësh – duke mbështetur mbi 3,000 vende pune, përfshirë 100 vende të reja pune me pagesë të lartë për pilotë dhe ekuipazh kabine.

Baza e re në Tiranë do të zgjerojë prezencën e Ryanair në tregun Shqiptar, me mbi 450 fluturime javore në 33 destinacione për sezonin veror 2026, duke përfshirë 10 destinacione të reja emocionuese drejt Birmingham, Dublin, Milano, Maltë, Napoli, Pescara, Poznan, Trieste, Torino dhe Verona, si dhe rritje të frekuencave në 9 destinacione ekzistuese si Bari, Londër, Pragë, Stokholm dhe Varshavë.

Baza e re e Ryanair në Tiranë për S26 do të ofrojë:

• 3 aeroplanë të bazuar – investim prej 300 milionë dollarësh
• 10 destinacione të reja drejt Birmingham, Dublin, Milano, Maltë, Napoli, Pescara, Poznan, Trieste, Torino dhe Verona
• 33 destinacione gjithsej në 13 shtete
• Rritje të trafikut në 4 milion pasagjerë në vit
• Mbështetje për mbi 3,000 vende pune në Shqipëri

Gjatë 5 viteve të ardhshme, Ryanair do të vazhdojë të investojë në Shqipëri, duke përfshirë deri në 6 aeroplanë të bazuar (investim prej 600 milionë dollarësh), rritje në mbi 5 milion pasagjerë në vit, hapje të mbi 20 destinacioneve të reja dhe mbështetje për mbi 4,000 vende pune deri në vitin 2030, duke vazhduar bashkëpunimin me politikën e saj të kostove të ulëta të aksesit dhe taksave zero në aviacion për të nxitur rritjen e trafikut dhe turizmit, duke shtuar investime dhe vende pune.

Për të festuar hapjen e bazës së re në Tiranë për sezonin veror 2026 me 3 aeroplanë, Ryanair ka shpallur një ofertë 3-ditore, me çmime duke filluar nga vetëm 24,99 € për udhëtime në tetor/nëntor, të disponueshme ekskluzivisht në ryanair.com.

CEO i Ryanair, Michael O’Leary, tha:

“Si e vetmja kompani ajrore me tarifa realisht të ulëta në Shqipëri, Ryanair është i lumtur të njoftojë hapjen e bazës së re në Tiranë për S26 me 3 aeroplanë. Që nga nisja e fluturimeve tona të para drejt Shqipërisë në nëntor 2023, Ryanair ka bashkëpunuar ngushtë me partnerët tanë në Aeroportin e Tiranës për të realizuar një rritje ambicioze, që tani do ta çojë trafikun e Ryanair në mbi 4 milion pasagjerë në vitin 2026, me 3 aeroplanë të rinj B737-800 (investim prej 300 milionë dollarësh) të bazuar në Tiranë, duke mbështetur mbi 3,000 vende pune lokale dhe duke operuar 33 destinacione, përfshirë 10 të reja drejt Birmingham, Dublin, Milano, Maltë, Napoli, Pescara, Poznan, Trieste, Torino dhe Verona.

Rritja e vazhdueshme e Ryanair në Tiranë i ofron Shqipërisë një mundësi të jashtëzakonshme për të zhvilluar trafikun ajror, turizmin dhe vendet e punës, pasi Ryanair synon të arrijë mbi 5 milion pasagjerë në vit dhe të bazohet me deri në 6 aeroplanë në Tiranë me një investim prej 600 milionë dollarësh, duke shtuar mbi 20 destinacione të reja deri në vitin 2030 – duke vazhduar bashkëpunimin me politikën e saj të kostove të ulëta të aksesit dhe taksat zero në aviacion që nxisin rritje të shpejtë të trafikut, turizmit, investimeve dhe vendeve të punës.”

Drejtori Operacional i Aeroportit të Tiranës, z. Piervittorio Farabbi, tha:

“Që në fillimin e operimeve në Shqipëri në nëntor 2023, ekipi i Ryanair erdhi me sloganin ‘Revolucioni i Tarifa të Ulëta’ në Shqipëri. Sot, shënojmë një moment kyç në këtë revolucion duke shpallur hapjen e një baze në Tiranë. Duke filluar nga sezoni i ardhshëm veror, do të ketë shumë më tepër mundësi për të eksploruar botën nga Tirana dhe për të prezantuar sa më mirë Shqipërinë në më shumë vende.

Një vendim i tillë nga një kompani ajrore partnere mund të vijë vetëm si rezultat i angazhimit tonë të guximshëm për të ofruar ekselencë operacionale. Kemi investuar ndjeshëm për të zgjeruar kapacitetet operacionale si në pjesën tokësore ashtu edhe në atë ajrore, me pistë të rinovuar dhe të zgjatur, pozicione shtesë parkimi, si dhe një terminal të zgjeruar trefish në madhësi. Përpunimi i pasagjerëve duhet të jetë i shpejtë dhe i besueshëm; prandaj kemi investuar në dixhitalizim të avancuar në check-in, imbarkim dhe kontroll pasaporte. Jemi krenarë që jemi ndër aeroportet më të shpejtë që kemi kaluar nga thjesht operime në krijimin e një baze brenda vetëm 30 muajve.”

Një video e publikuar në internet thuhet se tregon ujërat e zeza që rrjedhin nga tavani i aeroportit më të ngarkuar të Amerikës të hënën.

Pamjet tronditëse, të kapura nga Jamaal Carlos Jr., tregojnë ujin e turbullt që shpërthen përmes një paneli tavani në Aeroportin Ndërkombëtar Hartsfield-Jackson të Atlantës, shkruajnë mediat e huaja, përcjell Telegrafi.

Uji i rrëmbyeshëm i habiti udhëtarët që po përpiqeshin të kalonin nëpër terminal.

Disa madje dukeshin se “mshelnin hundët” në një përpjekje të dëshpëruar për t’u mbrojtur nga era e keqe.

Një dëshmitar ka thënë se incidenti ndodhi ndërsa ai po priste fluturimin e tij të vonuar nga Atlanta, Georgia për në Dallas, Texas.

“Ndërsa po prisnim, shohim ujë që derdhej nga tavani. Kishte rrjedhur vazhdimisht për ndoshta 10 deri në 15 sekonda”, ka treguar ai.

“Dhe vetëm sa u përkeqësua. Tavani u shemb dhe mbante erë shumë të keqe”.

Ai shtoi se pa mbeturina që binin nga tavani dhe pretendoi se iu deshën rreth pesë deri në 10 minuta që ekipet të reagonin dhe të rrethonin zonën me shirit paralajmërues.

Përfundimisht, zyrtarët e aeroportit reaguan në një përpjekje që kalimtarët të shmangin zonën.

Zyrtarët e aeroportit thonë se tani po hetojnë se çfarë mund të ketë shkaktuar rrjedhjen. /Telegrafi/

The post Udhëtarët po përpiqeshin të kalojnë nëpër terminal, momenti kur ‘ujërat e zeza’ shpërthejnë nga tavani në aeroportin më të ngarkuar të Amerikës appeared first on Telegrafi.

Një video e publikuar ditët e fundit, ku duken dy automjete që “garojnë” dhe xhirojnë gomat në pistën e Aeroportit të Kukësit, tregon pikërisht degradimin e një prej veprave të ndërtuara pa asnjë plan. I cilësuar si “krenaria” dhe i emëruar si “Flatrat e Veriut”, tashmë është kthyer në një pistë garash, ku të rinjtë, […]

The post Ramës i ngel në “derë” Aeroporti i Kukësit”, tendera të kota e të përsëritura për studime fizibiliteti appeared first on BoldNews.al.

Ky është momenti kur një aeroplan mezi arrin të prek pistën për shkak të erërave të forta, që e frynin sa në anën e majtë ashtu dhe në të djathtë.

Turistët nga Nuremberg, Gjermani, po mbërrinin në një nga “aeroportet më sfiduese për pilotët”, aeroportin e Madeirës në Portugali, ​​kur shpërtheu kaosi.

Aeroplani u lëkund nga njëra anë në tjetrën ndërsa afrohej ngadalë drejt pistës, përpara se të kërcente në tokë ndërsa ulej në ishullin portugez më 30 qershor.

Aeroporti i Madeirës, ​​zyrtarisht i quajtur aeroporti ndërkombëtar Cristiano Ronaldo, është i njohur për shkëmbinjtë e tij të pjerrët dhe erërat e paparashikueshme, që do të thotë se pilotët kërkojnë trajnim të veçantë për t’u ulur atje, transmeton Telegrafi.

Një pasagjere, e cila pretendoi se ishte në fluturimin A320 të Marabu Airlines, e quajti atë një “ulje të tmerrshme”.

“E tmerrshme. Ishte me gunga, lëvizte para dhe mbrapa. Ulja ishte e tmerrshme, pati një shpërthim të fortë. Mendova se aeroplani do të ndahej”, shtoi ajo.

Sipas një llogarie në YouTube që filmoi uljen në një transmetim të drejtpërdrejtë, ishte “një provë e vërtetë aftësish dhe guximi” për pilotin.

Të paktën katër fluturime u devijuan nga aeroporti i Madeirës më 30 qershor për shkak të “kushteve të pafavorshme të motit”, raportoi Correio da Manhã.

Kjo ndikoi në tre fluturime nga Londra dhe një tjetër nga Vilniusi. /Telegrafi/

The post Erërat e forta lëkundnin aeroplanin sikur të ishte nga “letra” derisa po zbriste në pistën e aeroportit Madeira të Portugalisë appeared first on Telegrafi.

Një incident ka shkaktuar alarm të madh në Aeroportin e Palma de Mallorca në Spanjë të martën pasdite, kur një pjesë e çatisë në zonën e ardhjeve është shembur.

Fatmirësisht, nuk raportohet për të lënduar.

Autoriteti i aeroporteve AENA njoftoi se ngjarja ndodhi pasi mbeturina ranë mbi çatinë prej xhami, duke thyer pjesë të saj, përcjell Telegrafi.

Ndërkohë theksohet se copëza xhami dhe materiale të tjera ranë mbi makinat shitëse në zonën e valixheve.

Cae un techo en el aeropuerto de #Palma cerca de las cintas de recogida de equipajes llenas de pasajeros. #Aena #Aeropuerto https://t.co/tMgMaR7pa4 pic.twitter.com/UDV9hUBL3g

— Controladores Aéreos (@controladores) June 24, 2025

Stafi i sigurisë dhe punonjësit e aeroportit ndërhynë menjëherë, duke rrethuar zonën dhe duke drejtuar udhëtarët drejt daljeve alternative.

Siç bëhet e ditur më tej, zhurma e fortë e shembjes shkaktoi shqetësim të madh te pasagjerët e sapoardhur.

DERRUMBE en el aeropuerto de Palma
No es un susto. Es una señal de alarma.
Otra obra sin condiciones. Otra chapuza que pone en peligro vidas.

Ya lo habíamos advertido:
Sin medidas de seguridad reales,
con prisas y recortes,
ignorando la salud laboral. pic.twitter.com/2xinUHcpZd

— CCOO Illes Balears (@CCOOBalears) June 25, 2025

Ngjarja ndodhi në një periudhë kur janë shprehur ankesa për punimet që po kryhen në aeroport.

Punonjësit kanë denoncuar mungesën e masave të duhura të sigurisë dhe disa incidente të mëparshme, megjithëse pa pasoja për jetën njerëzore. /Telegrafi/

The post Pasagjerët “në alarm”, pas shembjes së një pjese të çatisë në Aeroportin e Palma de Mallorca në Spanjë appeared first on Telegrafi.

Një defekt teknik në sistemin e radarit të Aeroportit Ndërkombëtar Capodichino në Napoli ka shkaktuar kaos në trafikun ajror, duke çuar në anulimin e dhjetëra fluturimeve dhe në vonesa të konsiderueshme për udhëtarët. Autoriteti italian i trafikut ajror, ENAV, bëri me dije se problemi teknik ndodhi në sistemin e radarit që mbulon zonën e qasjes […]

The post Dështimi i radarit në aeroportin e Napolit shkakton anulime dhe vonesa masive fluturimesh appeared first on BoldNews.al.

Fasada mbulon një sipërfaqe prej 40,000 m2 dhe përveç funksionit estetik,do të luaj   një rol kyç edhe në përmirësimin e qarkullimit dhe mbrojtjes ndaj kushteve atmosferike.

Përfundimi i këtij projekti pritet  që ti japë një dimension të ri dhe krijon një pamje mbresëlënëse në hyrje të aeroportit Nënë Tereza, sidomos gjatë natës.

Sipas arkitektit italian fasada është frymëzuar nga motivet tradicionale shqiptare dhe është ndërthurur me arkitekturën bashkëkohore për të krijuar një identitet unik estetik dhe kulturor.

Po ashtu  është ndërtuar një strukturë e re moderne parkimi, e lidhur direkt me terminalin e aeroportit, duke e çuar në 3000 totalin e vendeve të parkimit,  dhe që zë   një hapësirë prej 28,000 m2. Kjo ndërhyrje është realizuar brenda tre muajve për të përballuar fluksin në rritje të pasagjerëve gjatë sezonit veror.

Transformimet e fundit janë pjesë e një programi të gjerë investimesh, që përfshin zgjerimin e mëtejshëm të zonave të mbërritjes dhe të nisjes, përmirësimin e infrastrukturës digjitale dhe fizike, si edhe nisma të tjera për zhvillim të qëndrueshëm, përfshirë prodhimin e energjisë nga burimet alternative.

Këto ndryshime janë pjesë e një strategjie afatgjatë dhe të qëndrueshme për zhvillimin e Aeroportit Ndërkombëtar të Tiranës. Deri më sot janë investuar mbi 150 milionë euro për të përmirësuar infrastrukturën, për të rritur kapacitetet dhe për të ndërtuar një standard të ri për transportin ajror në Shqipëri.

Të dhënat më të fundit për trafikun e pasagjerëve në Aeroportin Ndërkombëtar të Tiranës për tre mujorin e parë të 2025 tregojnë një rritje të qëndrueshme me 9%, krahasuar me të njëjtën periudhë të një viti më pare duke u regjistruar mbi 2 milion pasagjerë./abcnews.al

Përtej flamujve dhe sloganeve kombëtare, qëndron një rrjet interesash ekonomikë të lidhur me Grupin Kastrati, një koncesion pa garë dhe një kompani ajrore që nuk ekziston realisht. Gjatë ceremonisë për nisjen e fluturimeve në Aeroportin Ndërkombëtar të Vlorës, Kryeministri Edi Rama deklaroi se në Aeroportin e Kukësit do të fillojë operimin një kompani ajrore e re me […]

The post Mashtrimi/ “Air Kosova” dhe një iluzion fluturues i propagandës dhe i interesave të fshehura appeared first on BoldNews.al.

Pacolli: Falenderimet e mia shkojnë për qeverinë e Edi Ramës, për vizionin që kanë patur, një vizion që unë e kam familjarizuar më ka pëlqyer dhe kam dashur ta mbështes. Një objekt I tillë ndodh me dëshirën me planin e hershëm të qeverisë Rama për të patur një aeroport. Kur kam ardhur për bisedat e para, ishte e vështirë ta mendoj se do bëhej realitet. Mbrëmë erdha nga një rrugë e largët, në aeroportin e Tiranës që vlonte prej punës. Shumë fluturime. Ajo më bëri edhe një herë me dije se ne duhet të përshpejtojmë dhe shpejt të hapim këtë aeroport, nuk është një luks por një nevojë. Këtë iu them bashkëpunëtorëve të mi, nuk është punë për dekor, por është një punë madhështore, që do i kontribuojë, familjeve tuaja, ju banonërve të kësaj ane.

Kënaqësi të dëgjoj që do të punësohen 1 mijë punëtorë, janë vende pune prestigjoze me paga të mira, konsiderohet një punë e privilegjuar. Do vijë dita që do e lus kryeministrin ta shohë këtë aeroport edhe nga brenda. Kam qenë pak i përkëdhelur më dhënë më shumë liri dhe autonomi në implementimin e kësaj vepre. Mund të ketë edhe mangësi, por janë për tu eleminuar, do shohim një vepër që nuk është parë në rajon.

Do të jetë aeroporti më i bukur në rajon. Unë e di që një njeriu që e do punën e vet, i pëlqejnë gjërat e bukura. Të jetë ky aeroport si një trashëgimi. Ky aeroport ka tërhequr vëmendjen time, kam fjet dhe jam zgjuar me të. Kam marrë kritika ndoshta për shtyrjen e afateve pork y aeroport do të jetë shumë funksional një aeroport për të cilën kryeministri ynë do të mburret ky ka qenë qëllimi. Falenderoj edhe zv/kryeministren që ka qenë shumë rigoroze me ne.

Ka telefonuar, ka gjetur edhe njerëz të punishteve tona, që as vetë nuk i njoh kush janë. Kjo bëhet vetëm për shkak të dëshirës shumë të madhe për punë dhe sot po e shohim ky ndodhet Shqipëria. Është fat që jetoj në këtë periudhë, nuk jam qytetar vetëm i Kosovës por edhe i Shqipërisë, ju them se vetëm dëshira e madhe dhe dashuria e madhe ndaj punës, për të ndryshuar e bën këtë. Sot mburrem me atë ku shkoj që më flasin për hapat gjigande që Shqipëria ka bërë në 10 vitet e fundit. Shqipëria ju them me plot përgjegjësi ka nevojë për liderë të tillë, dasht Zoti edhe më tutje të punojmë në projekte madhështore.

Vlora International Airport po përgatitet për hapjen e tij. Kryeministri Edi Rama bëri të ditur sot se aeroporti do të hapet më 8 maj. “Edhe 3 ditë nga ulja e avionit të parë në pistën e kodifikuar me inicialet VLO dhe për fillimin e testeve të hapjes graduale, për certifikimin përfundimtar”, u shpreh ai. Ky […]

The post Rama: Edhe 3 ditë nga ulja e avionit të parë në pistën e aeroportit të Vlorës appeared first on FaxWeb.

Dikur në opozitë, Edi Rama deklaronte me gojën plot se ata që u thonë se do ngremë aeroporte të reja në një vend aq të vogël sa Shqipëria iu gënjejnë, ndërsa tani po e përdor të njëjtën fabul për fushatë elektorale. Njësoj siç u veprua katër vite më parë me aeroportin e Kukësit sot po […]

The post Rama show me aeroportin e Vlorës, a do përfundojë i braktisur si Kukësi? appeared first on BoldNews.al.

Një incident i pazakontë ka ndodhur në aeroportin ndërkombëtar Soekarno-Hatta në Xhakarta të Indonezisë, ku një grua e moshuar është nxjerrë nga aeroplani pak para nisjes, pasi bëri një deklaratë të rreme për praninë e një bombe në çantën e saj.

Pamjet e publikuara në rrjet tregojnë momentin kur gruaja, e shoqëruar nga punonjës të sigurisë dhe personel i aviokompanisë, largohet qetësisht nga avioni, duke marrë sendet e saj personale, pa bërë asnjë koment.

Ngjarja ndodhi pasi e moshuara, i kishte thënë një stjuardeseje se kishte një bombë në bord. Kjo deklaratë aktivizoi menjëherë protokollet e sigurisë. Stafi njoftoi pilotin dhe autoritetet përkatëse, të cilat reaguan pa vonesë.

Pas verifikimeve të kryera nga autoritetet, u konstatua se gruaja nuk mbante asnjë mjet të rrezikshëm me vete. Incidenti është trajtuar si një alarm i rremë, ndërkohë që nuk është bërë e ditur nëse ndaj saj do të ndërmerren masa ligjore.

Autoritetet ajrore u bëjnë thirrje udhëtarëve të mos bëjnë shaka me çështje të sigurisë, pasi deklarata të tilla mund të shkaktojnë panik dhe vonesa të konsiderueshme në fluturime.

The post U tall me pasagjerët duke thënë se kishte bombë në çantë, gruaja nxirret nga aeroplani përpara nisjes appeared first on Albeu.com.

Një person ka humbur jetën ditën e djeshme në Vlorë në vendin e tij të punës. Sipas raportimeve, viktima po punonte brenda terminalit të aeroportit të Vlorës. Ndërkohë, ditën e sotme, Policia ka arrestuar adminitratorin e firmës së ndërtimit, pasi akuzohet për veprën penale ‘Shkelja e rregullave të mbrojtjes në punë’. Gjithashtu mësohet se është marrë […]

The post Punëtori vdiq gjatë punimeve në aeroportin e Vlorës, arrestohet administratori i firmës appeared first on BoldNews.al.

Dy avionë të American Airlines kanë pasur një përplasje të lehtë në pistën e Aeroportit Kombëtar të Uashingtonit Ronald Reagan vetëm tre muaj pas një aksidenti vdekjeprurës në të njëjtin aeroport. Administrata Federale e Aviacionit tha se maja e krahut të një avioni goditi një tjetër të enjten pasdite. Të paktën dy anëtarë të Kongresit […]

The post Dy avionë përplasen me njëri-tjetrin, në bord ishin dhe dy anëtarë të Kongresit amerikan appeared first on BoldNews.al.

Një mbajtës i bagazheve u pezullua mbrëmë pasi hodhi valixhet nga një aeroplan përpara pasagjerëve të tronditur.

Sipas mediave britanike, përcjell Telegrafi, punëtori hodhi valixhet rreth 4 metra larg aeroplanit të Wizz Air dhe me një forcë të tillë sa që përmbajtja e tyre supozohet se ishte e garantuar të dëmtohej.

Një pasagjer regjistroi incidentin nga një aeroplan tjetër në aeroportin Gatwick të Londrës.

Gatwick baggage handler suspended for hurling suitcases pic.twitter.com/KieQAeHUW7

— The Sun (@TheSun) March 18, 2025

Më pas, shefat thirrën një ekuipazh të tërë bagazhesh dhe kërkuan të njihnin fajtorin.

Menzies, i cili punësoi operatorët, dhe linja ajrore Wizz Air u kërkuan falje pasagjerëve dhe i thanë The Sun se ishte një “incident i izoluar”. /Telegrafi/

The post Një punonjës i bagazheve filmohet duke hedhur valixhet ‘si raketa’ nga aeroplani, përpara pasagjerëve të tronditur appeared first on Telegrafi.

Këshilli Ndërkombëtar i Aeroporteve (ACI), organizata më e rëndësishme botërore që mbledh bashkë mbi 2181 aeroporte nga 170 vende të Botës, certifikon vitin e jashtëzakonshëm të Aeroportit Ndërkombëtar të Tiranës (TIA), duke e kurorëzuar si aeroportin me rritjen më të shpejtë të pasagjerëve në Europë për vitin 2024.

Referuar të dhënave të ACI për Europën, të përpunuara nga Ekofin.al, Aeroporti Ndërkombëtar i Tiranës, shënoi në vitin 2024 rritjen më të madhe të numrit të pasagjerëve, jo vetëm sa i përket aeroporteve të vendeve të BE-së, por krahasuar me të gjithë aeroportet e kontinentit, me 47.5% pasagjerë më shumë sesa në vitin 2023. Sipas shifrave zyrtare, 10.7 milionë pasagjerë fluturuan nga Aeroporti Ndërkombëtar i Tiranës vitin e kaluar.

Jo vetëm kaq, por TIA ka fituar një tjetër “medalje ari”, atë të aeroportit me rritjen më të lartë në Europë, krahasuar me periudhën e para-pandemisë, vitin 2019, që merret si referencë për aviacionin, kjo edhe për shkak se një pjesë e konsiderueshme e aeroporteve nuk kanë arritur ende të kapin shifrat e vitit 2019. Aeroporti Ndërkombëtar i Tiranës, në vitin 2024 shënoi një rritje me 220.8% krahasuar me periudhën e para-pandemisë, si asnjë aeroport tjetër në Europë.

Në dhjetor të 2019 u finalizua kontrata koncesionare, ku aeroporti kaloi në menaxhim të Grupit Kastrati. Që nga ai moment, TIA ka thyer rekorde vit pas viti, për të arritur tani në majën më të lartë ndonjëherë me titujt e dyfishtë: Aeroporti me rritjen më të shpejtë në Europë në vitin 2024, krahasuar me vitin 2023, si edhe krahasuar me periudhën e para-pandemisë, vitin 2019.

Gjatë vitit 2024, tregjet me performancën më të mirë në BE ishin kryesisht ato të Evropës Lindore dhe Juglindore, Hungaria dhe Çekia (+18.9%), Estonia (+18%), Polonia (+15.6%), Malta (+14.8%), Kroacia (+13.7%), Italia (+11.0%) dhe Greqia (+10.1%). Në pjesën tjetër të Evropës, përveç rekordit të Shqipërisë, kanë performuar mirë edhe Moldavia (+46.0%), Uzbekistani (+36.6%), Bosnje dhe Hercegovina (+33.8%) dhe Gjeorgjia (+23.9%).

Sa i përket krahasimit me nivelin e para-pandemisë, përveç Shqipërisë, kanë performuar shumë mirë edhe Uzbekistani (+185.9%), ndjekur nga Kazakistani (+74.7%), Kosova (+72.1%), Armenia (+66.3%) dhe Azerbajxhani (+59%). Rritja shënuan edhe tregjet e aviacionit të vendeve të BE-së, si Islanda (+24,2%), Malta (+22,5%), Greqia dhe Polonia (+22,1%), Portugalia e Italia (+17,0%), Kroacia (+16,6%) dhe Spanja (+13.0%).

Referuar të dhënave të përgjithshme të ACI, në vitin 2024, aeroportet evropiane u përdorën nga 5 miliardë pasagjerë, me një rritje prej +7.4% krahasuar me vitin 2023 dhe +1.8% mbi nivelet para pandemisë (2019). Ndërkohë 47% e aeroporteve të Evropës janë ende poshtë niveleve që kishin përpara pandemisë. 5 aeroportet evropiane që kryesojnë në vitin 2024 për numër pasagjerësh janë Heathrow i Londrës, Aeroporti i Stambollit, Charles de Gaulle i Parisit, Schiphol i Amsterdamit dhe Aeroporti i Madridit.

Të gjithë aeroportet e Koresë së Jugut do të kenë nevojë të instalojnë kamera për zbulimin e zogjve dhe radarë të imazhit termik, pas një aksidenti ajror në dhjetor të vitit të kaluar që ka vrarë 179 njerëz.

Ky hap është caktuar të fillojë të ndodhë në vitin 2026, shkruajnë mediat e huaja, përcjell Telegrafi.

Ekspertët thanë javën e kaluar se kishin gjetur prova të një goditjeje zogjsh në aeroplanin Boeing 737-800 – me pupla dhe njolla gjaku të gjetura në të dy motorët e aeroplanit.

Një hetim për përplasjen – më vdekjeprurësja në tokën e Koresë së Jugut – është ende në vazhdim, por do të fokusohet në rolin e goditjes së shpendëve si dhe në një strukturë betoni në fund të pistës, me të cilën aerplani u përplas pasi bëri një ulje emergjente.

“Radarët e zbulimit të shpendëve do të instalohen në të gjitha aeroportet për të përmirësuar zbulimin e hershëm të zogjve të largët dhe për të përmirësuar aftësitë e reagimit për aeroplanët”, kanë thënë autoritetet.

Radari i zbulimit të shpendëve zbulon madhësinë e zogjve dhe shtigjet e tyre të lëvizjes dhe ua transmeton këtë informacion kontrollorëve të trafikut ajror.

Autoritetet thanë se të gjitha aeroportet do të duhet gjithashtu të pajisen me të paktën një aparat fotografik termik.

Aktualisht vetëm katër aeroporte në Korenë e Jugut janë të pajisura me kamera termike. Është e paqartë nëse ndonjë prej tyre ka në vend radarë për zbulimin e shpendëve.

Vendet që tërheqin zogjtë, si deponitë e plehrave, gjithashtu duhet të largohen nga aeroportet. /Telegrafi/

The post Koreja e Jugut urdhëron aeroportet të instalojnë kamera për zbulimin e shpendëve appeared first on Telegrafi.

Një aksident tragjik ka ndodhur në kantierin e ndërtimit të Aeroportit të Vlorës gjatë natës së së premtes, ku një shofer kamioni ka humbur jetën si pasojë e një përplasjeje nga një fadrome. Dyshohet që personi i moshës rreth 60-vjeç është goditur nga një fadromë sapo ka zbritur nga kamioni. Si pasojë, ai ka ndërruar […]

The post Aksident në kantierin e aeroportit të Vlorës, fadroma përplas për vdekje shoferin e kamionit appeared first on BoldNews.al.

Nga Boldnews.al Qeveria ka vendosur t’i kufizojë ndjeshëm një ndër kompetencat kryesore të pushtetit të kryebashkiakut të Tiranës, Erion Veliaj, atë të dhënies së lejeve të ndërtimit, duke e detyruar që, për çdo godinë të re që do të ngrihet në pjesën më të madhe të kryeqytetit, të marrë më parë viston e Ministres së […]

The post VKM-ja/ Belinda rrëmben edhe lejet e ndërtimit me pretekstin e sigurisë së aeroportit appeared first on BoldNews.al.

81 boksa të cigareve Marlboro të kuqe dhe të bardhë pa banderola janë gjetur gjatë kontrollit të disa valixheve të një pasagjeri. 

Në raportin 24 orësh të Policisë së Kosovës bëhet e ditur se rasti ka ndodhur të dielën rreth orës 11:05 në aeroportin “Adem Jashari”.

Tutje sipas raportit bëhet e ditur se e gjithë kjo sasi e cigareve është sekuestruar nga ana e Doganës.

“Më datë 29.12.2024 rreth orës 11:05 gjate kontrollit se një valixheje të një pasagjeri në dalje është vërejtur se i njëjti ka një sasi të cigareve në valixhen e tij. Pas hapjes se valixhes në prezencën e zyrtareve  doganor është vërejtur se aty ka 9 boksa cigare Marlboro.

Pas kontrollit të mëtejmë dhe numërimit nga ana a zyrtareve doganor ka rezultuar se të njëjtit  i janë gjetur gjithsejtë 81 boksa cigare Marlboro të kuqe dhe të bardha pa banderola në të gjitha valixhet që kishte pasagjeri. E gjithë kjo sasi e cigareve është sekuestruar nga ana Doganës”, thuhet në raport.

Ndërkaq, me rastin është marr njësiti i hetimeve të Doganës. /Telegrafi/

The post Pasagjeri kapet në Aeroportin e Prishtinës me 81 boksa cigaresh pa banderola, i kishte futur në valixhe appeared first on Telegrafi.