TIRANË, 3 korrik/ATSH/ Në seancën e sotme në Kuvend, ministri i Financave, Petrit Malaj, dhe deputetja e Partisë Demokratike, Jorida Tabaku, u përfshinë në debat lidhur me hetimin ndaj kompanisë “Bankers Petroleum”.

Deputetja Tabaku ngriti shqetësimin se si është lejuar kompania të kryejë evazion fiskal për më shumë se 12 vite, pa u marrë asnjë masë nga qeveria shqiptare.

“Prej vitesh, deputetët e opozitës në Komisionin e Ekonomisë kanë kërkuar hetime të plota dhe informacione në Parlament për keqmenaxhimin dhe korrupsionin në këtë çështje”, tha Tabaku. Ajo gjithashtu akuzoi qeverinë për shitjen e “Bankers Petroleum” në një kompani kineze offshore, duke e cilësuar këtë si një mjet për pastrim parash dhe evazion fiskal.

“Pas 12 vitesh u zbulua se kjo kompani jo vetëm ka kryer evazion fiskal, por edhe ka pastruar para. Bankers duhej të ishte një nga asetet më të mëdha dhe fitimprurëse të vendit, por në vend të kësaj, ka vjedhur shtetin”, shtoi deputetja.

Nga ana tjetër, ministri i Financave, Petrit Malaj, theksoi se kontrata e lidhur me Bankers Petroleum është firmosur në vitin 2004 dhe rishikuar në vitin 2009, gjatë periudhës kur në pushtet ishte Partia Demokratike. Ai argumentoi se ky rishikim u bë në disfavor të shtetit shqiptar.

“Sot, hetimet ndaj Bankers Petroleum janë iniciuar nga kjo qeveri dhe nga Drejtoria e Hetimit Tatimor. Hetimi është ende në proces dhe do të zbulojë figurat përgjegjëse, qoftë për evazion fiskal, qoftë për pastrim parash”, deklaroi Malaj. /j.p/

The post “Bankers Petroleum”, debate në Kuvend mes qeverisë dhe opozitës appeared first on Agjencia Telegrafike Shqiptare.

TIRANË, 3 korrik/ATSH/ Ministri i Financave, Petrit Malaj, deklaroi sot se fondet për bujqësinë janë rritur ndjeshëm gjatë viteve të fundit, duke mohuar akuzat e opozitës për mungesë investimesh në këtë sektor.

“Bujqësia në vitin 2013 përfitonte vetëm 34 milionë euro. Ndërsa në vitin 2024, financimi ka arritur në 146 milionë euro. Mjafton të shikojmë buxhetin”, tha ministri Malaj në fjalën e tij, në seancën plenare të Kuvendit.

Ai theksoi se në vitin 2013 kishte vetëm 700 hektarë serra, ndërsa sot ky numër është trefishuar, duke arritur në 2,100 hektarë. Toka e vaditur gjithashtu, theksoi Malaj, është rritur nga 120 mijë hektarë në 300 mijë hektarë.

“Në vitin 2013, nuk ishit askund në lidhje me financimin e bujqësisë. Bujqësia nuk është aspak në zero, dhe shifrat janë kokëforta”, theksoi ministri.

Më herët, deputetja e Partisë Demokratike, Jorida Tabaku ngriti shqetësim lidhur me investimet e qeverisë për bujqësinë.

“Dje keni kuptuar që bashkitë kanë përgjegjësi për bujqësinë? Sa herë keni qenë në Komisionin e Ekonomisë, kemi thënë se skema korruptive e rritjes së TVSH-së nga 6% në 20% ka shkaktuar dëme në bujqësi. Gjithashtu, kemi diskutuar se në pesë vitet e fundit bujqësia ka pasur zero rritje”, tha Tabaku.

“Dje kuptuat që bujqësia si rezultat i kryebashkiakëve ka dështuar?”, theksoi ajo, duke i cilësuar qëndrimet e qeverisë si propagandë. /j.p/

The post Malaj i përgjigjet Tabakut: Financimet në bujqësi nga 34 në 146 milionë euro në 11 vite appeared first on Agjencia Telegrafike Shqiptare.

Seanca e fundit parlamentare e kësaj legjislature u mbajt këtë të enjte mes debateve opozitë-maxhorancë për zjarrin që ka përfshirë fushën e grumbullimit të mbetjeve pranë inceneratorit të Elbasanit.

Në fillim të seancës u regjistruan përplasje mes kryetares së Kuvendit, Elisa Spiropali, dhe deputetes demokrate Zheni Gjergji, e cila ngriti shqetësimin për gjendjen e rënduar mjedisore pas zjarrit në Elbasan. Spiropali ndërpreu fjalën e Gjergjit duke i kërkuar që t’i përmbahej procedurës parlamentare.

Deputetja Gjergji tha se zjarri është një sinjal alarmi për gjendjen dramatike të mjedisit dhe dështimin e projektit të inceneratorit. Ndërkohë, deputetja demokrate Jorida Tabaku kërkoi një debat parlamentar për tre inceneratorët e Fierit, Elbasanit dhe Tiranës, të cilët sipas saj nuk funksionojnë ende.

“Debat parlamentar për atë që ndodhi në Elbasan është i domosdoshëm, për të hetuar përdorimin e fondeve prej 430 milionë eurosh, të cilat dyshohet se janë shpenzuar në mënyrë korruptive. Që nga viti 2017 ne kemi kërkuar këtë diskutim, por asnjë nga inceneratorët nuk ka funksionuar ende. Kuvendi duhet të marrë përgjegjësi”, u shpreh Tabaku.

Në përgjigje, Spiropali u kërkoi deputetëve që të paraqesin kërkesat sipas rregullores nëse duan të ndryshojnë rendin e ditës dhe të flasin për zjarrin në fushën e mbetjeve në Elbasan.

Edhe deputeti demokrat Qani Xhafa u shpreh në seancë, duke e konsideruar zjarrin në landfillin e Elbasanit si të qëllimshëm, për të zhdukur prova.

“Së pari, është vënë zjarri një ditë pas thirrjes së 21 personave nga prokuroria e Elbasanit, për zhdukjen e provave në landfill. Kam paralajmëruar se Elbasani do përballet me një katastrofë të rëndë mjedisore. Kryeministri duhet të ndalonte te inceneratori dhe t’i kërkonte falje banorëve për këtë situatë. Fusha duhet të bllokohet dhe të gjendet vend i përshtatshëm për mbetjet urbane”, tha Xhafa.

LEXONI GJITHASHTU:

• Pamje/ Zjarri në Elbasan vazhdon për të tretën ditë, rrezikohet shëndeti i banorëve
• Zjarri në Elbasan vijon që prej ditës së martë, tymi ka mbuluar qytetin

The post Debate në seancën e fundit parlamentare, PD dhe PS përplasen për zjarrin në Elbasan appeared first on Euronews Albania.

Këtë të enjte, seanca plenare e Kuvendit të Shqipërisë, ka nisur me debate të forta mes opozitës dhe mazhorancës, për çështjen e zgjedhjes së Avokatit të Popullit.

Ish-kryeministri dhe kreu i opozitës, Sali Berisha, akuzoi shumicën socialiste për shtyrjen e qëllimshme të procesit të votimit.

“Keni vetinë të trilloni çdo gjë, por në këtë sallë ne çështjen e avokatit të popullit e kemi sjellë deri në votim, por e shtytë ju deri në momentin e fundit. Ju mashtroni njëri-tjetrin, por mos mashtroni publikun se mashtrimi publik përbën vepër të rëndë”, tha Sali Berisha.

Kryedemokrati e cilësoi Partinë Socialiste si “parti e krimit”, deklaratë që solli reagimin e menjëhershëm të ministres Elisa Spiropali:

“Ju tërheq vëmendjen për fjalorin, ajo nuk është partia e krimit, është Partia Socialiste e Shqipërisë”.

Replikat mes tyre vazhduan dhe të dyja palët u përplasën për etikën në diskursin publik.

“Dhe unë do ruaj vendin, edhe ju moderonin fjalorin”, tha Spiropali, ndërsa Berisha u kundërpërgjigj:

“Mos më bëj të jap një përgjigje që s’duhet ta jap”.

Partia Demokratike, akuzon mazhorancën se nuk pranon kandidaturën e saj për Avokatin e Popullit, Besim Ndregjoni.

The post Debate në Kuvend/ Berisha i kthehet Spiropalit: Mos më bëj të të… appeared first on Albeu.com.

Mbledhja e Komisionit të Ligjeve nisi me akuza për manipulim të zgjedhjeve. Deputeti i PD Asllan Dogjani tha se ligjet për të cilët janë mbledhur janë thjesht “dekor” që bëhen për pushtetin. Kryetarja e komisionit Klotilda Bushka e ndërpreu duke i thënë se analiza e zgjedhjeve duhen bërë në parti.

Ndërkohë, Enkelejd Alibeaj kërkoi që të mos votohen dhe miratohen ligje për sa kohë më populli ka vendosur që disa prej tyre të mos përfaqësohen më në kuvend, dhe t’i ‘delegohet’ Kuvendit të ri. Por sipas Bushkës, disa çështje që janë të nevojshme të miratohen sa më shpejt, ndërsa për të tjera mund të diskutojnë dhe të bien dakord së bashku.

“Në një vend ku nuk sigurojnë dot zgjedhje të lira e të ndershme dhe qytetarët të votojnë të lirë, nuk mendoj se ka vend që të mblidhemi si komision për të bërë ligje false, sa për dekor, për të thënë se jemi në një vend demokratik ndërkohë që në Shqipëri demokracia ka marrë fund, është instaluar diktatura.”, tha Dogjani.

“E kam kërkesë për procedurë që ndoshta me veprimtari për shqyrtimin e raporteve edhe mund të procedohet, por me miratim projektligjesh do të ishte tejkalim të kushtetutës. Unë do t’ju sugjeroja që të procedohet deri më 8 korrik vetëm me fazën e shqyrtimit të këtyre projektligjeve ndërkohë që vpotimi dhe miratimi duhet t’i përcillet kuvendit të ri.”, kërkoi Alibeaj.

Pjesë nga diskutimi:

Dogjani: Ne mblidhemi për të bërë ligje, thjesht dekor që bëhen ligje më shumë për pushtetin, për qeveritarët, të fortën e krimit sesa për qytetarët e thjeshtë. Në një vend ku nuk sigurojnë dot zgjedhje të lira e të ndershme dhe qytetarët të votojnë të lirë, nuk mendoj se ka vend që të mblidhemi si komision për të bërë ligje false, sa për dekor, për të thënë se jemi në një vend demokratik ndërkohë që në Shqipëri demokracia ka marrë fund, është instaluar diktatura.

Bushka: Analizën e zgjedhjeve e bëjmë nëpër parti, nuk është komisioni i Ligjeve. Dua që të rrini te rendi i ditës.

Dogjani: Populli foli, por më shumë foli krimi. Vullneratët e demokracisë, paratë e drogës dhe frika ishte mjeti më i efektshëm në këto zgjedhje. Kërkesa për procedurë është që kjo lloj fitoreje që keni bërë, më keq se në ’96, është rrezik i madh për demokracinë, që jo vetëm që gjatë fushatës zgjedhore që u përdorën e krimit, por edhe gjatë numërimit të votave u bë manipulim. Kishit çuar artistë për manipulimin. Këto zgjedhje janë për Shqipërinë, me Ramën që është kapur peng nga ndërkombëtarët, ka për t’u kthyer shumë shpejt në një arenë betejash, mos ndoshta dhe kombeve dhe shqiptarëve.

Alibeaj: Jemi 10 shtetas shqiptar në këtë tavolinë që nuk fituam. Shqiptarët kanë folur më 11 maj, do të thtoëq 10 veta në këtë tavolinën s’e kemi më përfaqësimin nga sovrani për të folur, diskutuar dhe votuar që dmth çdo procedurë nga sot e në vazhdim, Konferenca ka vendosur, ju mungon legjitimiteti. Ne nuk jemi deputetë, tagrin për të përfaqësuar publikun shqiptar nga data 11 e këtej.

E bëj këtë kërkesë si procedurë, e di fare mirë që mandati i këtij kuvendi shkon deri në 10 shtator, dhe se në këtë periudhë aftësia e deputetëve për të marrë vendime do të duhet të jetë e vetëkufizuar. E kam kërkesë për procedurë që ndoshta me veprimtari për shqyrtimin e raporteve edhe mund të procedohet, por me miratim projektligjesh do të ishte tejkalim të kushtetutës.

Unë do t’ju sugjeroja që të procedohet deri më 8 korrik vetëm me fazën e shqyrtimit të këtyre projektligjeve ndërkohë që vpotimi dhe miratimi duhet t’i përcillet kuvendit të ri. Ky do të ishte respektim i kushtetutës dhe vullnetit të sovranit. Nuk kemi më autorizimin në emër të njerëzve.

The post Debatet ‘përfshihen’ te ligjet/ Reagojnë deputetët, Dogjani: S’mund të miratojmë ligje false, njerëzit s’votuan të lirë appeared first on Sot News | Lajme.

Jo pak e zhurmshme ka qenë edhe kjo fundjavë në “Fermën Vip”. Hajmalia e fatit, e cila iu besua Andreas ndryshoi rrjedhën e lojës. Kalimi i Frederik Ndocit në një nominim të përhershëm ka detyruar atë të rishikojë strategjinë, duke synuar që të arrijë me çdo kusht finalen.

Ester Allushi vijon të mbajë për të dytën herë titullin e kryefermeres, por shpesh organizimi dhe ndarja e punëve prej saj nuk ka qenë dhe aq e lehtë, duke sjellë herë pas here tensione në fermë.

Ndërsa situata duket e qëndrueshme, nuk kanë munguar prapaskenat, sfidat e vendosura nga Agai dhe angazhimet e përditshme në stalla.

Përtej rivaliteteve, janë krijuar lidhje të forta jo vetëm mes fermerëve, por edhe me kafshët, ku kujdesi dhe dashuria për to kanë dhuruar emocione të veçanta.

Gjatë këtyre ditëve ka patur edhe momente epike, humor si dhe batuta. Ndarja në dy grupe, fermerë dhe fakirë, ka sjellë jo pak përplasje dhe diskutime të nxehta mes konkurrentëve, duke nxjerrë në pah tensionet e bashkëjetesës.

Buxheti i ulët i javës ka sjellë vështirësi në menaxhimin e shpenzimeve, duke krijuar situata tensionuese mes fermerëve. Konkurrentët janë përballur me sfida që testojnë aftësitë e tyre, duke dëshmuar dhe njëherë që çdo ditë në fermë është një sprovë, teksa që prej ditës së premte është hapur dhe një televotim, për fermerin e preferuar të publikut.

The post Shtohen dinamikat në fermë, përplasje mes konkurrentëve, vështirësi për menaxhimin e buxhetit appeared first on Sot News | Lajme.

Një nga krizat më të dhimbshme familjare po trondit dinastinë Beckham: raporti mes Victoria-s dhe djalit të saj të madh, Brooklyn, thuhet se është përkeqësuar sërish, duke u kthyer në “makthin më të madh” për ish-anëtaren e Spice Girls.

Sipas burimeve për The Sun, mosmarrëveshjet mes familjes Beckham dhe çiftit Brooklyn-Nicola Peltz kanë marrë përmasa të reja, veçanërisht pasi Victoria dhe David ishin përpjekur shumë të rindërtonin marrëdhëniet me nusen e tyre pas tensioneve që shpërthyen përpara dasmës në 2022.

“Victoria nuk fle rehat kur mendon se një nga fëmijët e saj është në konflikt me familjen. E ka përjetuar shumë rëndë gjithë këtë situatë,” tha burimi.

Të gjitha festimet e 50-vjetorit të David Beckham janë errësuar nga mungesa e Brooklyn dhe Nicola, të cilët nuk janë parë në asnjë nga eventet — që nga darka luksoze në Londër, tek festa në Francë dhe deri tek pritja familjare në rezidencën e tyre në Cotswolds.

Prej kohësh është përfolur për një krisje mes Nicola-s dhe Victoria-s, por pavarësisht përpjekjeve për paqe, dukshëm diçka nuk ka funksionuar.

Ndërkohë, për spekulimet e mëhershme për një afërsi të dyshimtë mes Brooklyn-it dhe një vajze me emrin Kim, burimet e afërta me familjen i kanë mohuar kategorikisht.

Familja Beckham duket e bashkuar… me një përjashtim të dhimbshëm.

The post Përplasja mes Victoria Beckham & djalit Brooklyn: “Makthi më i madh i jetës së saj” appeared first on iconstyle.al.

Në “Ferma VIP”, tensionet mes Big Mamës dhe Albës janë përshkallëzuar sërish, duke e çuar situatën në një debat të fortë e të mbushur me ofendime. Teksa fermerët ishin ulur në tavolinë, Alba qëndronte e distancuar, por kjo nuk e pengoi Big Mamën të nisë një tjetër përplasje verbale.

“Do ja plotësoj dëshirën publikut që më ka zgjedh të preferuar, të rri këtu dhe të ta shkatërroj jetën ty. O debile,” deklaroi Big Mama me tone të ashpra, duke shtuar se do t’ia “nxijë jetën” Albës dhe nuk do t’i plotësojë asnjë dëshirë.

Përballë këtij sulmi, Alba reagoi duke i thënë: “Nuk je burrneshë”, ndërsa Big Mama vazhdoi me fyerje të rënda duke e quajtur atë “debile” dhe “të pamoralshme”.

The post “Do ta shkatërroj jetën, o debile”/ Përplasje e fortë në “Ferma VIP”, Big Mama shpërthen në ofendime ndaj Albës appeared first on Sot News | Lajme.

Fushata e brendshme në Partinë Socialiste ka hyrë në një fazë të nxehtë në Tiranë, ku tensionet dhe përplasjet janë intensifikuar, veçanërisht për shkak të lëvizjeve të Blendi Gonxhes. Ky i fundit është akuzuar për përdorimin e administratës publike në funksion të fushatës së tij, në kundërshtim me udhëzimet e dhëna më herët nga kryeministri Edi Rama.

Burime pranë PS-së konfirmojnë se Gonxhe ka përfshirë punonjës të Drejtorisë së Transportit Rrugor në aktivitetet elektorale, duke i shpërndarë në mënyrë të organizuar në zona si Yzberish, Astir dhe Kashar. Një veprim që ka ngritur shqetësime të mëdha në bazën socialiste dhe ka tensionuar marrëdhëniet me kandidatë të tjerë, përfshirë edhe Plarent Ndrecën, me të cilin Gonxhe ka pasur debate të ashpra. Ndërkohë që Erion Braçe është përplasur me zyrtarë të bashkisë së Tiranës, zonat me konfliktin më të madh janë njësia 7 dhe njësitë 6 në Kombinat dhe 14 në Kashar-Yberish.

‘Molla e sherrit’ ka qenë Blendi Gonxhe, i cili po shkel urdhrin e Edi Ramës për të bërë fushatë vetëm në zonën që i është caktuar. Gonxhe ka aktivizuar armatën e punonjësve të transportit rrugor, duke i shpërndarë në mënyrë kapirale në territor, kryesisht në Yzberishin e vjetër, Astir dhe në Kashar.

Siç mësohet, Gonxhe ka pasur debate të ashpra me të deleguarin në zone, Plarent Ndrecën, por edhe me të tjerë. Burimet bëjnë me dije, se shqetësimet e palëve nuk kanë sjellë ndonjë përgjigje nga ana e kryeministrit, çka ka lënë të kuptohet se e gjithë kjo ka mbështetjen e heshtur të Ramës. I cili i trajton kandidatët me një standard preferencial, dhe jo sipas rregullit të përcaktuar.

Mësohet se tonet e përplasjes kanë qenë të larta, edhe në informacionet që kanë mbërritur lart. Pasi fushata e Blendi Gonxhes po trajtohet si një nxemje e betejës së madhe për kryebashkiakun e ardhshëm të Tiranës. Ngaqë ka të dhëna se ai do të jetë kandidati i PS-së në Tiranë, në zgjedhjet e pjesshme që priten të mbahen pas gjashtë muajsh në disa bashki të vendit. Lëvizje që është parashikuar nga Rama, që të mos lërë Tiranën të vetme në një betejë epike që mund ta polarizonte edhe më tej situatën.

Edi Rama detyroi kryebashkiakët e Beratit, Burrelit, Tepelenës dhe Matit që të japin dorëheqjen, dhe i vuri kandidatë për detutetë. Ervin Demo i Beratit ka kohë që i ka kërkuar Ramës largimin nga detyra, pas një sherri me personazhe të krimit në qytet, të cilët i kanë bërë presion për të firmosur tenderë dhe vende pune. Kryeministri, në vend që të bllokojë të fortët e Beratit, ka pranuar lirimin e Demos, që siç mësohet ka në plan ta zhvendosë në qeveri. Nga ana tjetër kërkon që ta përdorë këtë rast si një mundësi për të mos e lënë garën e Tiranës që të kthehet në një përplasje fatale.

Diversifikimi i zgjedhjeve të pjesshme e bën që të zhvillojë një fushatë tjetër elektorale, duke përsëritur retorikën e 11 majit për të ashtuquajturën pasaportë europiane. Retorikë e cila ka një objektiv të caktuar, që duket ja ka arritur edhe në këtë fushatë. Të zhvendosë nga vëmendja hetimet dhe arrestimet e SPAK ndaj zyrtarëve të PS-së, e të flasë për një argument tjetër.

Ndërkaq, inati që ka plasur brenda kandidatëve të listës së hapur, po mundohet të shuhet nëpërmjet takimeve që Rama zhvillon me personazhet në fushë, duke i bërë të ditur se disa nga deputetët e listës së mbyllur do të largohen, siç ka ndohur me drejtoreshën e Infektivit, Najada Çomo, për t’i liruar vendin Pandeli Majkos. Kështu po bën edhe këtë herë, ndërkohë që ka hapur fjalë se fushata e Gonxhes nuk është gjë tjetër veçse një nxemje për betejën e ardhshme për kryebashkiak të kryeqytetit.

The post PS ‘digjet’ nga brenda/ Ndizet gara për kryeqytetin, Blendi Gonxhe ‘mollë sherri’ mes socialistëve, rriten tensionet appeared first on Sot News | Lajme.

Pas ndarjes së tyre, Jennifer Lopez dhe Ben Affleck po përballen me vështirësi në shitjen e rezidencës së tyre në Beverly Hills, e cila është në treg për 68 milionë dollarë. Sipas burimeve të TMZ, Affleck është i gatshëm të ulë çmimin për të përshpejtuar shitjen, ndërsa Lopez preferon të presë për një ofertë që përputhet me çmimin fillestar.

Shtëpia, e blerë në maj 2023 për mbi 60 milionë dollarë, ka qenë në treg që nga korriku 2024, por nuk ka tërhequr interes serioz nga blerësit. Agjentët e pasurive të paluajtshme sugjerojnë se çmimi aktual është shumë i lartë dhe rekomandojnë një ulje prej të paktën 15% për të rritur shanset e shitjes.

Faktorë të tjerë që ndikojnë në mungesën e interesit përfshijnë kostot e larta të sigurimit, të cilat janë rritur ndjeshëm pas zjarreve në Kaliforni, duke arritur deri në 500,000 dollarë në vit.

Ndërkohë që të dy kanë filluar jetën e tyre të re pas divorcit, mosmarrëveshjet mbi shitjen e kësaj prone luksoze mbeten një çështje e pazgjidhur.

The post Jennifer Lopez dhe Ben Affleck në përplasje për shitjen e rezidencës së tyre luksoze appeared first on iconstyle.al.

Vetëm dy ditë na ndajnë nga finalja e madhe e Big Brother VIP Albania, por tensionet në shtëpi nuk kanë të ndalur. Një nga përplasjet më të fundit ka ndodhur mes dy banorëve, Gjesti dhe Egli Tako, të cilët janë përfshirë në një debat të ashpër.

Shkak për përplasjen u bë një koment i këngëtarit në lidhje me pamjen e jashtme të Eglit, çka e bëri atë të ndjehej e lënduar dhe të reagojë me tone të larta. Situata agravoi më tej, kur Gjesti nuk ngurroi t’i përmendte jetën e tij jashtë shtëpisë, duke thënë: “E kam jetën të tmerrshme jashtë. Një femër si ti nuk mund të më durojë as dy minuta. Kaq.”

Në nervozizëm e sipër Gjesti u shpreh: “I bie pishman që të kam njohur, shumë jam pishman që të kam njohur. A dëgjove? Me ty më as jashtë, as brenda, as kurgjo. Kurrë hiç, sapo të dal, bllok e ke nga unë. Sepse ti një masazh të thash të më bëhesh dhe u zgjove të bësh filma”.

Më pas Egli iu drejtua me një akuzë të rëndë për mungesë edukate: “Je djali më i paedukatë që kam njohur”.

The post ‘Bllok e ke’/ Dasma, lojë apo ndjenjë dy ditë para finales, mbaron muaji i mjaltit i Eglit dhe Gjestit? appeared first on Sot News | Lajme.

The post Pas debateve, momente pasioni dhe përqafimesh mes Eglit dhe Gjestit appeared first on Albeu.com.

Në një moment dramatik mbrëmë në Big Brother VIP Albania, Gjesti ka habitur banorët e tjerë duke u thënë se do të largohej nga shtëpia, ndërsa në fakt u fsheh në dollapin e lavanderisë. Ky veprim shkaktoi reagime të forta, si brenda ashtu edhe jashtë shtëpisë.

Ishte Shkëlzeni ai që e kuptoi i pari se Gjesti nuk kishte lënë shtëpinë dhe i dhuroi një përqafim, ndërsa Rozana, e cila ka një raport të ngushtë me Gjestin, nuk mundi të mbante lotët duke kërkuar që ai të mos largohej. Megjithatë, tensionet nuk munguan: Gjesti u përplas keq me Laertin dhe Gertën për shkak të kaosit që shkaktoi, duke pasuar një debat të ashpër.

Në këtë kaos, Jozi i dha një këshillë Gertës për të provokuar Gjestin, duke i sugjeruar që ta thërriste “Xhenki” (shkurtesa për Xhenetën). Gerta, megjithatë, refuzoi të ndiqte këtë këshillë.

View this post on Instagram

A post shared by Big Brother Alb VIP Edition (@bigbrotheralb_vip)

The post Kurthi që Gjesti u bëri banorëve/ Jozi: Thirre Xhenki! appeared first on iconstyle.al.

Është anuluar konferenca e përbashkët për shtyp mes presidentit amerikan Donald Trump dhe atij ukrainas Volodymyr Zelenskyy, e planifikuar për t’u mbajtur këtë mbrëmje pas takimit në Zyrën Ovale. Dy liderët pritej të përballeshin me mediat në Shtëpinë e Bardhë nga ora 18:00 me orën e Mbretërisë së Bashkuar. Megjithatë, pas përplasjeve të forta në […]

The post Anulohet konferenca/ Trump “përzë” Zelenskyn nga Shtëpia e Bardhë: Kthehu kur të jesh gati për paqe appeared first on BoldNews.al.

TIRANË, 26 shkurt /ATSH/ Anëtarët e Partisë Demokratike në këshillin bashkiak të Tiranës kanë bllokuar mbledhjen e sotme ku sipas njoftimit të  bashkisë së Tiranës, në rend dite ishte miratimi i ndihmës ekonomike për familjet në nevojë, subvencionimi i qirasë për familjet në nevojë, bonusi i qirasë për banorët që preken nga rehabilitimi i Unazës e të tjera vendime të rëndësishme.

Mbledhja nisi me debate duke mos lejuar betimin e Kejda Kacelit e cila do të merrte mandatin Arben Tafaj, i ndarë nga jeta në dhjetor 2024.

Këshilltarët e opozitës kanë kërkuar zhvillimin e një mocioni me debat për shkarkimin e kryebashkiakut Erion Veliaj.

Sipas medieve, mbledhja ka filluar dhe është ndërprerë disa herë për shkak të tensioneve dhe debate, por pas betimit të Kacelit, këshilltarët socialistë kanë kaluar direkt në votim, ku u miratuan vendimet që lidheshin me ndihmat financiare dhe bonuset e qirasë.

/r.e/

The post Mbledhja e Këshillit Bashkiak Tiranë, miratohen mes debateve ndihmat financiare dhe bonuset e qirasë appeared first on Agjencia Telegrafike Shqiptare.

Banori i ri i Big Brother VIP Albania, Vserlo, ka hyrë në shtëpi me shumë energji dhe menjëherë është përplasur me disa prej banorëve.

Pas përfundimit të spektaklit të mbrëmshëm, një video e publikuar në TikTok tregon momentin kur ai debaton ashpër me Trisin, duke i thënë: “Shijo muajin e mjaltit”, duke nënkuptuar se ai dhe partnerja e tij, Krisa, nuk kanë bërë asgjë që nga hyrja në shtëpi.

Në një moment tjetër, Gjesti i tërheq vëmendjen duke i thënë të mos prekë banorët.

Situata tensionohet kur ai i drejtohet përsëri Trisit, duke i thënë: “Ej, kë shtyn ti more për të hapur rrugën? Hajde, ik shijo muajin e mjaltit”.

Më pas, ai afrohet tek Egli për t’i thënë diçka, por ndërhyn përsëri Gjesti, duke i kujtuar: “Mos i prek çikat nëpër shtëpi, ore vëlla”.

Ndërkohë, Vëllai i Madh i jep një vërejtje për sjelljen e tij.

Trisi i drejtohet ashpër duke i thënë: “E ke nisur keq ore budalla, do t’i kenë dërguar valixhet te dhoma e rrëfimit”.

Ndërsa Krisa komenton me ironi: “Ky paska vetëm një fjali për mua dhe Trisin: ‘Shijo muajin e mjaltit’”.

Hyrja e Vserlos ka ndezur debatet në shtëpi dhe mbetet për t’u parë si do të vijojë loja e tij në ditët në vijim. /Telegrafi/

The post Vserlo hyn me vrull në shtëpi, përplaset me banorët: Kë shtyn ti appeared first on iconstyle.al.

Mbledhja e Komisionit për Çështjet Ligjore, Administratën Publike dhe të Drejtat e Njeriut nisi me debate kur deputeti i Partisë Demokratike Dashnor Sula kërkoi që kryetarja e Komisionit Klotilda Bushka të mos drejtojë sot komisionin për shkak se është vënë në hetim nga SPAK. “Unë nuk do të desha të hyj më thellë, por thjesht […]

The post Nën hetim nga SPAK, Sula: Nuk mund ta drejtoni Komisionin e Ligjeve, Bushka: Sqarimet i bëj atje ku duhet appeared first on FaxWeb.

PRISHTINË, 7 shkurt/ATSH/- Një anëtar i Listës Serbe ka sulmuar kandidatët dhe anëtarët e Partisë së Serbëve të Kosovës, të cilës i prinë Aleksandar Jabllanoviç. Nga kjo parti kanë bërë të ditur se ngjarja ka ndodhur sot (e mërkurë) në Gracanicë, gjatë një takimi elektoral me qytetarë.

Sipas këtij njoftimi, sulmi erdhi nga Marko Arsiç, aktualisht drejtor në Komunën e Graçanicës dhe njëkohësisht pjesë e listës së kandidatëve për deputetë nga Lista Serbe.

“Në Graçanicë në shtabin e Partisë së Serbëve të Kosovës janë sulmuar kandidatët dhe aktivistët e partisë sonë. Derisa ishin duke qëndruar të qetë në tribunë dhe duke biseduar me qytetarët, kandidati për Listën Serbe me numrin 29, Marko Arsiq (drejtor i Komunës së Graçanicës), sulmoi tribunën, duke grisur fletushka dhe duke thyer stilolapsa pa asnjë provokim, duke sharë partinë dhe anëtarët tanë”, thuhet në njoftim.

Behet e ditur se rasti është denoncuar në Polici.

“Morëm garanci se kriminelët do të trajtoheshin sipas ligjit. Banditi i Listës Serbe iku si zakonisht, por jemi të sigurt se ligji dhe drejtësia së shpejti do të veprojnë”, thuhet në njoftimin e partisë së Jabllanoviçit.

“Kërkojmë nga zyrtarët e Listës Serbe që ‘qentë e tërbuar’ t’i mbajnë në zinxhir më të shkurtër sepse ‘lehin’ shumë”, thuhet po aty.

Lidhur me këtë rast, KosovaPress i është drejtuar Policisë së Kosovës porse ende nuk ka marrë përgjigje.

The post Lista Serbe sulmon kundërshtarët politikë serbë në Kosovë, partia e Jabllanoviçit: “Qentë” t’i mbajnë në zinxhirë appeared first on Agjencia Telegrafike Shqiptare.

TIRANË, 30 janar /ATSH/ Deputeti i Partisë Demokratike, Bujar Leskaj foli sot në Kuvend për ndryshimet në Aktin Normativ për buxhetin e vitit 2024, që u paraqit nga ministri i Financave, Petrit Malaj.

Përmes këtij akti, qeveria synon të sigurojë  mbështetje për shtresat më vulnerabël të shoqërisë, përmes një pakete prej rreth 2,2 miliardë lekë, si dhe krijimi i një llogarie speciale në Bankën e Shqipërisë për mbështetjen e pensionistëve, me një transfertë fillestare prej rreth 6,3 miliardë lekësh.

Deputeti demokrat Bujar Leskaj e quajti këtë procedurë, një miratim formal të Aktit Normativ, pasi sipas tij, Kuvendi është kthyer në një noter të qeverisë.

“Një tjetër dëshmi e mënyrës së paplanifikuar dhe të paqëndrueshme se si qeveria shqiptare menaxhon financat publike. Ky akt tregon qartë dështimin e planifikimit fillestar të buxhetit, nevojën për ndërhyrje emergjente në fund të vitit dhe përdorimin e parave publike për qëllime elektorale,” tha Leskaj.

Sipas deputetit demokrat, ndryshimet e buxhetit me Akt Normativ janë një tregues i keqplanifikimit. “Në vend që buxheti të jetë një dokument serioz i planifikimit financiar, ai shndërrohet në një instrument që ndryshohet sipas interesave momentale politike. Projektet nuk janë të menduara mirë dhe ndryshojnë pa asnjë justifikim të qartë.”

“Shpenzimet publike nuk janë të renditura në mënyrë efektive duke treguar një dështim në menaxhimin e tyre. Institucionet dhe bashkitë operojnë mbi një pasiguri të vazhdueshme mbi fondet që do të kenë në dispozicion,” theksoi ai.

Deputeti Leskaj u ndal edhe te shpërblimet për pensionistët dhe ndihmën sociale për grupet vulnerabël dhe shtresat në nevojë, që ai e quajti një “lëmoshë elektorale” para zgjedhjeve.

“Një nga ndryshimet e këtij akti, që ju e quani si vlerë, është shpërndarja e bonuseve për pensionistët dhe shtresat në nevojë, një praktikë që përsëritet sa herë afrojnë zgjedhjet. Me një vit zgjedhor para qeveria ka zgjedhur të “blejë” mbështetjen e qytetarëve me shpërblime të përkohshme, në vend që të marrë masa aftagjatë për përmirësimin e pensioneve dhe ndihmës ekonomike,” pohoi Leskaj.

Leskaj shtoi se 60 milionë euro të parashikuara në buxhet mund të përdoreshin për dëmshpërblimin e ish-të përndjekurve politikë.

“Në mënyrë që t’u ofrojnë një siguri financiare, qeveria i trajton pensionistët si votues të rëndomtë që mund të blihen me një pagesë apo bonus një herë në vit. Politikë klienteliste, ku ndihmat nuk janë afatgjata, por vetëm një mjet për të siguruar vota në prag të zgjedhjeve.”

“Kredia në shumën 20 milionë euro për Albcontrol, provë që çështja Becheti ndikon në financat e vendit mes bllokimit të fondeve për Albcontrol nga Eurocontrol. Nëse qeveria nuk do kishte marrë vendime arbitrare dhe nuk do ta kishte çuar Shqipërinë në gjoba të vazhdueshme ndërkombëtare, Albcontrol nuk do ishte në këtë situatë,” shtoi ai.

Deputeti i PD-së u ndal edhe te fondet e parashikuara për investimet në rrugë dhe infrastrukturë. “Rritja e fondeve për rrugët, në kurriz të sektorëve më në nevojë si shëndetësia apo bujqësia, një tjetër tregues i keq. Përse kaq para për rrugët, përse nuk u planifikuan më herët dhe a jeni të sigurt që këto fonde përdoren me efikasitet?”

Ai nënvizoi faktin se nëse qeveria do ta kishte planifikuar buxhetin në mënyrë më realiste dhe transparente nuk do të kishte nevojë për ndërhyrje të vonuara dhe të dyshimta.

/r.e/

The post Leskaj: Jo shpërblime të përkohshme, por masa afatgjata për pensionistët appeared first on Agjencia Telegrafike Shqiptare.

Një debat i ashpër ka shpërthyer sot mes dy personazheve të njohur, G Banit dhe Rozanës. Sipas dëshmive të tjera, Rozana e ka akuzuar G Banin se është ngritur që në mëngjes duke sharë Valbonën. Kjo ka shkaktuar një tension të menjëhershëm mes tyre, duke i bërë të dy të përplasen.

Çfarë tha Valbona që ka të drejtë?

Rozana: Je 40 e kusur vjeç, mba koherencë se le nam.

G Bani: Ti je skizofrene. O gojë hale mos ma përmend mamin. Pyet mamin tënd, legene.

Rozana: Mua më ka vdekur mami, nuk e pyes dot.

Danja: Mos u merrni me ato që kanë vdekur. Më ka vdekur vet mami dhe e di se çfarë dhimbje është.

G Bani: Mua mamin nuk ma përmend njeri. Nuk ka shanse ta bëj njeri.

The post G Bani fyen rëndë Rozanën! Gjatë debatit teksa i përmend edhe nënën e vdekur appeared first on iconstyle.al.