PRISHTINË, 28 korrik /ATSH/ Gjykata Themelore në Prishtinë ka shpallur sot fajtorë Millun Millenkoviq – Llunen, Aleksandar Vllajiqin dhe Dejan Pantiqin për sulmin me bomba dore ndaj zyrave të Komisionit Komunal Zgjedhor në Mitrovicën e Veriut në dhjetor të vitit 2022.

Millun Millenkoviq – Llune dhe Aleksandar Vllajiq janë dënuar me pesë vjet burgim, i akuzuari tjetër Dejan Pantiq me dy vite burgim, ndërkaq Miomir Vakiq është liruar nga akuza, meqë nuk është vërtetuar fajësia. Llune ishte përmendur si organizatori kryesor i sulmit.

Të akuzuarit nuk ishin të pranishëm në gjykatë të hënën, më 28 korrik 2025.

Aktgjykimi në rastin e sulmit ndaj zyrave të Komisionit Komunal Zgjedhor në Mitrovicën e Veriut në dhjetor të vitit 2022, është shpallur sot, më 28 korrik, në Gjykatën themelore në Prishtinë.

Prokuroria e Kosovës kishte ngritur aktakuzë në dhjetor të vitit 2023 për veprën penale “akt terrorist”. Ata akuzohen për sulm me mjete shpërthyese ndaj zyrave të Komisionit Qendror të Kosovës duke rrezikuar jetën e zyrtarëve dhe pjesëtarëve të Policisë së Kosovës.

Në dhjetor të vitit 2022, u hodhën dy mjete shpërthyese në zyrat e KQZ-së, prej të cilave njëra shpërtheu.

/KosovaPress/

The post Dënohen tre të akuzuar për sulmin terrorist ndaj KKZ-së në Mitrovicën e Veriut appeared first on Agjencia Telegrafike Shqiptare.

Qeveria e Ekuadorit e ka ekstraduar të dielën trafikantin më të madh të drogës, Adolfo Macias, të njohur me nofkën “Fito” në Shtetet e Bashkuara, një muaji pasi ka rënë në duart e autoriteteve.

Më 2024, ai pati ikur nga një burg i sigurisë së lartë.

Zyra e Prokurorit në Shtetet e Bashkuara e ka publikuar aktakuzën kundër tij në prill.

I përshkruar si kreu i bandës “Los Choneros”, Macias akuzohet për shpërndarje të kokainës, për komplot dhe dhunë me armë, përfshirë kontrabandë të armëve.

Në një letër të lëshuar nga Departamenti amerikan i Drejtësisë është thënë se Macias do të paraqitet në gjykatën federale të hënën.

Ky shtetas ekuadorian, dikur një shofer taksie, por i shndërruar në bos krimi, është pajtuar në gjykatë një javë më parë që të ekstradohet në Shtetet e Bashkuara për t’u përballur me akuzat.

Ai është shtetasi i parë i Ekuadorit që ekstradohet nga vendi i tij prej hyrjes në fuqi të ligjit të ri një vit më parë.

Ligji është miratuar pas një referendumi të mbajtur nga presidenti Daniel Noboa me qëllim të sigurimit të mbështetjes për t’i luftuar bandat kriminale./rel

Një aksion kërkimi i ushtrisë turke në Irakun verior është kthyer në tragjedi, pasi 12 ushtarë kanë humbur jetën nga helmimi me gaz metani. Ngjarja ndodhi në zonën e njohur si “Operacioni Claw-Lock”, ku prej tre vitesh po kërkohej trupi i një ushtari të vrarë nga luftëtarët kurdë të PKK-së. Fillimisht, Ministria turke e Mbrojtjes […]

The post Tragjedi në Irak, 12 ushtarë turq humbin jetën nga helmimi me gaz metani appeared first on BoldNews.al.

TIRANË, 23 qershor/ATSH/ Kryepeshkopi i Tiranës, Durrësit dhe gjithë Shqipërisë, Joani, ka reaguar sot për sulmin terrorist në Kishën e Profetit Ilia në Damask të Sirisë.

“Kisha Ortodokse Autoqefale e Shqipërisë e dënon këtë akt dhune, aq më tepër që ndodhi në orarin e shenjtë të lutjes, gjatë Misterit të Falënderimit Hyjnor”, thuhet në deklaratën e Kishës Ortodokse, publikuar në rrjetet sociale.

Në deklaratë përmenden edhe fjalët e kryepeshkopit të ndjerë Anastas, sipas të cilit “askush nuk ka të drejtë të përdorë vajin e fesë për të forcuar zjarrin e konflikteve. Feja është dhuratë hyjnore, e dhënë për të qetësuar zemrat, për të shëruar plagët dhe për të sjellë më afër individët dhe popujt”.

Gjatë sulmit të djeshëm në Damask, dhjetëra besimtarë të pafajshëm humbën jetën ose u plagosën. Kryepeshkop Joani shprehu ngushëllimet e sinqerta për familjet e viktimave dhe mbështetjen për Fortlumturinë e Tij, Patriarkun e Antiokisë, Joan, si edhe për të gjithë komunitetin ortodoks të Sirisë.

“Nga Shqipëria, një vend që ka dëshmuar se bashkëjetesa paqësore mes feve nuk është ëndërr e paarritshme apo utopi, por realitet i gjallë, i bëjmë thirrje të gjithëve të qëndrojmë të bashkuar kundër dhunës”, shkruhet në deklaratën e Kishës Ortodokse Autoqefale të Shqipërisë.

1 nga 3

/a.f//r.e/

The post Kryepeshkop Joani dënon sulmin terrorist në kishën e Damaskut appeared first on Agjencia Telegrafike Shqiptare.

Një shtetas rus është ndaluar në Rajonin Kherson për planifikimin e një sulmi terrorist kundër zyrtarëve qeveritarë me urdhër të Kievit, tha Shërbimi Federal i Sigurisë (FSB) në një deklaratë.

“Shërbimi Federal i Sigurisë në Rajonin Kherson ka kapur aktivitetet e paligjshme të një shtetasi rus të lindur në vitin 1974, i cili u rekrutua nga agjencitë e inteligjencës ukrainase për të kryer një sulm terrorist ndaj zyrtarëve të qeverisë rajonale”, thuhet në deklaratë.

Sipas FSB-së, i dyshuari, duke vepruar sipas udhëzimeve dhe në koordinim me një oficer të inteligjencës ukrainase, nxori një pajisje shpërthyese të improvizuar nga një vend i fshehtë për të hedhur në erë makinën e një anëtari të administratës rajonale të Khersonit.

“Autori u ndalua ndërsa përpiqej të zbatonte planin e tij kriminal; atij iu sekuestruan 1.25 kg eksploziv C-4 i prodhuar jashtë vendit, një detonator elektrik dhe një njësi kontrolli e programueshme”, shtoi FSB-ja.

I dyshuari ka rrëfyer fajin. Departamenti i hetimit të FSB-së në Rajonin Kherson kanë nisur hetimet, nga ku parashikohet një dënim deri në burgim të përjetshëm për autorin.

Po punohet për identifikimin e personave që e ndihmuan të dyshuarin në aktivitetet e tij të paligjshme.

LEXONI GJITHASHTU:

• Raporti sekret: Netanyahu kërkoi leje për vrasjen e liderit iranian, Trump e refuzoi
• Rrëzimi i avionit në Indi/Hetuesit gjejnë një regjistrues zëri në kabinën e pilotit

The post Parandalohet sulmi terrorist ndaj disa zyrtarëve në Ukrainë, ndalohet shtetasi rus appeared first on Euronews Albania.

Anëtarët e Agjencisë Polake të Sigurisë së Brendshme (ABW) arrestuan një 19-vjeçar nën dyshimin për planifikimin e një akti terrorist.

Ai është personi i tretë që përballet me akuza në hetimin e mbikëqyrur nga Zyra e Prokurorit të Distriktit Olsztyn në Poloninë verilindore, tha zëdhënësi i koordinatorit të shërbimeve speciale, Jacek Dobzinski.

“Hetuesit përcaktuan se të gjithë të dyshuarit kishin mbledhur informacione në internet në lidhje me përdorimin e armëve të zjarrit, pozicionet e qitjes dhe kryerjen e operacioneve luftarake në hapësira të hapura dhe të mbyllura. Për qëllime trajnimi, ata vizituan poligone qitjeje dhe kryen trajnime ushtarako-taktike”, tha ai në platformën X.

Dobzinski deklaroi se të dyshuarit mblodhën pajisje piroteknike dhe udhëzime se si të ndërtonin sisteme shpërthyese, dhe ata morën frymëzim, ndër të tjera, nga aktivitetet e vrasësve masivë si Anders Breivik, Brenton Tarrant dhe Timothy McVeigh.

“Ata ishin të magjepsur nga ideologjia e tyre, ata analizuan mënyrën se si kryenin sulmet dhe gabimet që bënin. Përmbajtja që shkarkonin ndikoi në formimin e qëndrimeve jashtëzakonisht radikale”, theksoi Dobzinski.

The post Planifikonte sulm terrorist, arrestohet 19-vjeçari në Poloni appeared first on Euronews Albania.

Gjykimi kundër tre prej 45 të akuzuarve për terrorizëm dhe vepra të rënda penale në rastin “Banjska”, ku mbeti i vrarë një rreshter i Policisë së Kosovës në shtator 2023, do të vazhdojë sot me seancën e dytë në Gjykatën Themelore të Prishtinës. Në seancën e parë të mbajtur në prill për rastin e sulmit në këtë fshat në veri të Kosovës, tre të akuzuarit Vlladimir Tolliç, Bllagoje Spasojeviç dhe Dushan Maksimoviç, u deklaruan të pafajshëm për akuzat për terrorizëm, financim të terrorizmit dhe vepra të rënda penale.

Gjatë asaj seance, avokati i familjes së rreshterit të vrarë Afrim Bunjaku, Arianit Koci, kërkoi burgim të përjetshëm për të akuzuarit. Tre të akuzuarit u arrestuan pas sulmit në Banjskë të Zveçanit në shtator të vitit 2023, kur një grup i armatosur i serbëve e sulmoi Policinë e Kosovës dhe vrau Bunjakun.

Në shkëmbimin e zjarrit që pasoi, u vranë edhe tre sulmues. Përgjegjësinë për sulmin e armatosur e mori Millan Radoiçiç, ish-nënkryetar i Listës Serbe – partisë më të madhe të serbëve në Kosovë që gëzon përkrahjen e Beogradit zyrtar. Për Radoiçiç dhe 41 të akuzuarit e tjerë të këtij rasti, që ndodhen në arrati, prokurorët kishin kërkuar gjykim në mungesë, por Gjykata Themelore e hodhi poshtë kërkesën e tyre si të “pabazuar”.

Dyzet e dy të dyshuarit akuzohen terrorizëm, vepra të rënda kundër rendit kushtetues dhe sigurisë së Kosovës, ndërsa Radoiçiç akuzohet edhe për lehtësim dhe financim në kryerjen e terrorizmit, si dhe për shpëlarje parash. Gjykata theksoi në prill se gjykimi ndaj tyre duhet të vazhdojë pas arrestimit dhe ekstradimit të tyre në Kosovë.

Në seancën e parë në prill, pas deklarimit për fajësinë nga tre të akuzuarit, prokurori special Naim Abazi tha se përmes videove do të dëshmohet se sulmi ishte i paraplanifikuar dhe se grupi ishte “i mirëorganizuar”. Gjatë shfaqjes së videove të marra nga dronët në ditën e sulmit, Abazi tha se nga sulmi kishin mbetur të dëmtuara edhe shtëpitë e qytetarëve të asaj zone.

Tre të akuzuarit i mohuan akuzat dhe pretenduan se nuk e kishin qëllim vrasjen e askujt, e aq më pak bashkimin e veriut të Kosovës me Serbinë, ashtu siç thotë aktakuza. Prokuroria Speciale e Kosovës, përveç tjerash, i ngarkon të akuzuarit në rastin Banjska me vepra terroriste dhe vepra kundër rendit kushtetues dhe sigurisë së Kosovës.

Prokurori i rastit, Naim Abazi, më herët ka deklaruar se të akuzuarit kanë pasur role të ndryshme brenda grupit kriminal, “nga organizimi dhe drejtimi i aktiviteteve terroriste, deri te financimi dhe pastrimi i parave”.

Në aktakuzë thuhet se ky grup, përmes përdorimit të dhunës me armatim të rëndë, ka tentuar “ta shkëpusë pjesën veriore të territorit të Republikës së Kosovës, respektivisht komunat e banuara me shumicë serbe, dhe këtë pjesë të territorit t’ia bashkojë Republikës së Serbisë”.

Si lider i këtij grupi është identifikuar Millan Radoiçiç, për të cilin thuhet se ka luajtur një rol të rëndësishëm në koordinimin e sulmit dhe aktivitetet kriminale. Radoiçiç gjendet në listën e zezë të Shteteve të Bashkuara dhe Mbretërisë së Bashkuar për lidhjet me krimin e organizuar ndërkombëtar dhe korrupsionin.

Në Kosovë, ai gjithashtu lidhet me vrasjen e një politikani opozitar serb, si dhe me frikësimin e dëshmitarëve në një proces gjyqësor për disa ndërtime ilegale. Në aktakuzë, Prokuroria përmend 34 dosje me prova, në mesin e të cilave ka video-incizime, analiza të pajisjeve elektronike, përgjigje të ndryshme nga Luksemburgu, Bosnje e Hercegovina, bankat dhe institucione të ndryshme, deklarata të dëshmitarëve etj.

Autoritetet e Kosovës e cilësojnë sulmin në Banjskë si akt terrorist dhe akuzojnë Serbinë se qëndron pas tij. Nga ana tjetër, Serbia ka mohuar çdo përfshirje në sulmin në Banjskë, ndërsa presidenti serb, Aleksandar Vuçiç, ka theksuar se për Beogradin ky sulm nuk është terrorist, por se po hetohet. Bashkësia ndërkombëtare e ka dënuar ashpër sulmin në Banjskë dhe ka kërkuar që përgjegjësit të dalin para drejtësisë./ REL

The post Sulmi terrorist në Banjskë, dalin sot para gjykatës tre nga serbët e akuzuar appeared first on Lapsi.al.

Gjykimi kundër tre prej 45 të akuzuarve për terrorizëm dhe vepra të rënda penale në rastin “Banjska”, ku mbeti i vrarë një rreshter i Policisë së Kosovës në shtator 2023, do të vazhdojë sot me seancën e dytë në Gjykatën Themelore të Prishtinës. Në seancën e parë të mbajtur në prill për rastin e sulmit në këtë fshat në veri të Kosovës, tre të akuzuarit Vlladimir Tolliç, Bllagoje Spasojeviç dhe Dushan Maksimoviç, u deklaruan të pafajshëm për akuzat për terrorizëm, financim të terrorizmit dhe vepra të rënda penale.

Gjatë asaj seance, avokati i familjes së rreshterit të vrarë Afrim Bunjaku, Arianit Koci, kërkoi burgim të përjetshëm për të akuzuarit. Tre të akuzuarit u arrestuan pas sulmit në Banjskë të Zveçanit në shtator të vitit 2023, kur një grup i armatosur i serbëve e sulmoi Policinë e Kosovës dhe vrau Bunjakun.

Në shkëmbimin e zjarrit që pasoi, u vranë edhe tre sulmues. Përgjegjësinë për sulmin e armatosur e mori Millan Radoiçiç, ish-nënkryetar i Listës Serbe – partisë më të madhe të serbëve në Kosovë që gëzon përkrahjen e Beogradit zyrtar. Për Radoiçiç dhe 41 të akuzuarit e tjerë të këtij rasti, që ndodhen në arrati, prokurorët kishin kërkuar gjykim në mungesë, por Gjykata Themelore e hodhi poshtë kërkesën e tyre si të “pabazuar”.

Dyzet e dy të dyshuarit akuzohen terrorizëm, vepra të rënda kundër rendit kushtetues dhe sigurisë së Kosovës, ndërsa Radoiçiç akuzohet edhe për lehtësim dhe financim në kryerjen e terrorizmit, si dhe për shpëlarje parash. Gjykata theksoi në prill se gjykimi ndaj tyre duhet të vazhdojë pas arrestimit dhe ekstradimit të tyre në Kosovë.

Në seancën e parë në prill, pas deklarimit për fajësinë nga tre të akuzuarit, prokurori special Naim Abazi tha se përmes videove do të dëshmohet se sulmi ishte i paraplanifikuar dhe se grupi ishte “i mirëorganizuar”. Gjatë shfaqjes së videove të marra nga dronët në ditën e sulmit, Abazi tha se nga sulmi kishin mbetur të dëmtuara edhe shtëpitë e qytetarëve të asaj zone.

Tre të akuzuarit i mohuan akuzat dhe pretenduan se nuk e kishin qëllim vrasjen e askujt, e aq më pak bashkimin e veriut të Kosovës me Serbinë, ashtu siç thotë aktakuza. Prokuroria Speciale e Kosovës, përveç tjerash, i ngarkon të akuzuarit në rastin Banjska me vepra terroriste dhe vepra kundër rendit kushtetues dhe sigurisë së Kosovës.

Prokurori i rastit, Naim Abazi, më herët ka deklaruar se të akuzuarit kanë pasur role të ndryshme brenda grupit kriminal, “nga organizimi dhe drejtimi i aktiviteteve terroriste, deri te financimi dhe pastrimi i parave”.

Në aktakuzë thuhet se ky grup, përmes përdorimit të dhunës me armatim të rëndë, ka tentuar “ta shkëpusë pjesën veriore të territorit të Republikës së Kosovës, respektivisht komunat e banuara me shumicë serbe, dhe këtë pjesë të territorit t’ia bashkojë Republikës së Serbisë”.

Si lider i këtij grupi është identifikuar Millan Radoiçiç, për të cilin thuhet se ka luajtur një rol të rëndësishëm në koordinimin e sulmit dhe aktivitetet kriminale. Radoiçiç gjendet në listën e zezë të Shteteve të Bashkuara dhe Mbretërisë së Bashkuar për lidhjet me krimin e organizuar ndërkombëtar dhe korrupsionin.

Në Kosovë, ai gjithashtu lidhet me vrasjen e një politikani opozitar serb, si dhe me frikësimin e dëshmitarëve në një proces gjyqësor për disa ndërtime ilegale. Në aktakuzë, Prokuroria përmend 34 dosje me prova, në mesin e të cilave ka video-incizime, analiza të pajisjeve elektronike, përgjigje të ndryshme nga Luksemburgu, Bosnje e Hercegovina, bankat dhe institucione të ndryshme, deklarata të dëshmitarëve etj.

Autoritetet e Kosovës e cilësojnë sulmin në Banjskë si akt terrorist dhe akuzojnë Serbinë se qëndron pas tij. Nga ana tjetër, Serbia ka mohuar çdo përfshirje në sulmin në Banjskë, ndërsa presidenti serb, Aleksandar Vuçiç, ka theksuar se për Beogradin ky sulm nuk është terrorist, por se po hetohet. Bashkësia ndërkombëtare e ka dënuar ashpër sulmin në Banjskë dhe ka kërkuar që përgjegjësit të dalin para drejtësisë./ REL

The post Sulmi në Banjskë/ Dalin sot para gjykatës në Kosovë 3 prej serbëve të akuzuar appeared first on Lapsi.al.

Sot në Gjykatën Themelore në Prishtinë pritet të mbahet seanca e radhës për rastin “Banjska”, që lidhet me sulmin terrorist të 24 shtatorit 2023 në veri të Kosovës. Në këtë sulm, u vra rreshteri i Policisë së Kosovës, Afrim Bunjaku. Lajmin e bëri të ditur avokati Arianit Koci, i cili përfaqëson familjen e rreshterit Bunjaku.

“Këtë javë zhvillohet një nga gjykimet më të rëndësishme në Kosovën e pasluftës: procesi ndaj personave të akuzuar për sulmin terrorist në Banjska, ku heroikisht humbi jetën polici Afrim Bunjaku duke mbrojtur integritetin territorial të Kosovës,” shkroi Koci. Në seancën e fundit, tre të akuzuarit, Blagoje Spasojeviq, Vladimir Toliq dhe Dushan Maksimoviq, u paraqitën para trupit gjykues dhe deklaruan pafajësinë për akuzat, përfshirë terrorizmin.

Ata janë pjesë e një grupi prej 45 personash të akuzuar për sulmin e armatosur në fshatin Banjskë të Zveçanit, që dyshohet të jetë organizuar dhe drejtuar nga Milan Radoiçiq, ish-nënkryetar i Listës Serbe, i cili ka marrë përgjegjësinë për sulmin. Ndaj 42 të tjerëve, përfshirë Radoiçiqin, po zhvillohen procedura në mungesë, pasi janë në arrati. Ata janë shpallur në kërkim ndërkombëtar nga INTERPOL dhe autoritetet kosovare vazhdojnë kërkesat për ekstradimin e tyre nga Serbia.

Aktakuza ndaj grupit u ngrit më 11 shtator 2024 nga Prokuroria Speciale e Kosovës dhe përfshin akuza për terrorizëm, financim të terrorizmit dhe krime të tjera të rënda kundër rendit kushtetues dhe sigurisë së shtetit.

The post Sulmi terrorist në Banjskë: Tre serbë dalin sot para drejtësisë appeared first on Sot News | Lajme.

Në Gjykatën Themelore e Prishtinës, Departamenti Special sot ka nisur shqyrtimi gjyqësor në çështjen penale të njohur si rasti “Banjska” kundër tre të dyshuarve, Vlladimir Tolliqit, Bllagoje Spasojeviqit dhe Dushan Maksimoviqit.

Prokurori i Prokurorisë Speciale, Naim Abazi,  deklaroi se tre të pandehurit akuzohen për veprat terroriste, derisa tha se ky nuk është një gjykim i zakonshëm, transmeton Telegrafi.

“Përpjekjet për ndërtimin e Republikës, u vu në rrezik më shtator 2023, ku një grup kreu sulmet më të rënda terroriste në Komunën e Zveçanit. Ky sulm kishte një qëllim të qartë, shkëputjen e komunave të Republikës së Kosovës. Pasojat ishin vrasja e policit Afrim Bunjaku, plagosja e zyrtarëve policor, Alban, Çlirim Shaqiri, Mirsad Kryeziu. Prokuroria Speciale do të paraqes prova dhe fakte, prokuroria do të prezantojë video dhe incizime ku vërtetohen takimet e para të grupit për kryerjen e veprave penale me të cilat ngarkohen të akuzuarit”, tha ai.

Më 24 shtator 2023 një grup i armatosur serb e ka sulmuar Policinë e Kosovës në Banjskë, duke lënë të vrarë rreshterin Afrim Bunjaku. Në shkëmbim e sipër të zjarrit janë vrarë tre sulmues.

Lexo po ashtu Sulmi terrorist në Banjskë, fillon shqyrtimi gjyqësor - lëshohen letër rreshtime ndërkombëtare për 42 të pandehur tjerë

Kosova e konsideron shtetin e Serbisë përgjegjës për organizim dhe kryerje të sulmit.

Përgjegjësinë për sulmin e ka marrë ish-nënkryetari i Listës Serbe, Millan Radoiçiq.

Ai aktualisht është në Serbi, dhe ndaj tij është lëshuar një fletarrestim ndërkombëtar nga Organizata Ndërkombëtare e Policisë (INTERPOL).

Faktori ndërkombëtar ka kërkuar shumë herë që përgjegjësit e sulmit të përballen me drejtësi. /Telegrafi/

The post Seanca ndaj tre serbëve të dyshuar për sulmin në Banjskë, Prokuroria prezanton video të planifikimeve për sulme appeared first on Telegrafi.

Në një kohë kur Evropa është thellësisht e përqendruar në luftën në Ukrainë, tensionet në Ballkanin Perëndimor po arrijnë nivele të rrezikshme.

Kriza politike dhe etnike në rajon është intensifikuar, duke pasur ndikime të thella në marrëdhëniet ndërkombëtare.

Një nga ngjarjet më shqetësuese ishte rrethimi i manastirit ortodoks serb në fshatin Banjskë, në veri të Kosovës, i cili përfshiu një përleshje të armatosur mes Policisë së Kosovës dhe sulmuesve serbë.

Ky incident ka shkaktuar vdekjen e një policit të Kosovës, Afrim Bunjaku dhe tre terroristëve serbë, duke intensifikuar akuzat dhe tensionet mes Kosovës dhe Serbisë.

Kosova ka fajësuar Serbinë për shkaktimin e dhunës, ndërkohë që Beogradi ka mohuar çdo përfshirje në këtë ngjarje, duke e quajtur një përpjekje për të minuar serbët në Kosovë.

Ky sulm është një nga shumë ngjarjet që kanë nxitur shqetësime për mundësinë e një konflikti të ri në rajon, ndërkohë që analistët dhe liderët ndërkombëtarë paralajmërojnë për mundësinë e një destabilizimi të mëtejshëm të Ballkanit Perëndimor, një rajon që mbetet shumë i ndjeshëm ndaj ndikimeve të jashtme, përfshirë ato të Rusisë.

Përveç kësaj, pas sulmit në Banjskë, ka pasur një shpërthim që ka dëmtuar infrastrukturën kyçe të energjisë dhe ujit, një incident që Kosova e ka quajtur “sulm terrorist”.

Kjo ka shtuar akuzat ndaj Serbisë për aktivitete destabilizuese, ndërkohë që udhëheqësit kosovarë, si presidentja Vjosa Osmani dhe kryeministri në detyrë Albin Kurti, kanë ngritur shqetësime se kërcënimi i një lufte tjetër është real, duke përmendur mbështetjen e Serbisë nga Rusia, Kina dhe Irani.

Në takimin e Osmanit me Sekretarin e Jashtëm të Mbretërisë së Bashkuar, David Lammy, presidentja i bëri presion atij për nënshkrimin e një marrëveshjeje ekonomike dhe të sigurisë që do të përfshinte blerje dypalëshe të armëve dhe më shumë operacione të përbashkëta ndërmjet trupave të tyre.

Ajo gjithashtu tha për POLITICO se kishte “shprehur zyrtarisht” gatishmërinë e vendit të saj për t’u bashkuar me forcën paqeruajtëse që Britania e Madhe dhe Franca po përpiqen të organizojnë për Ukrainën – por ajo e kushtëzoi atë me nënshkrimin nga ana e MB-së të marrëveshjes së saj të dëshiruar.

Presidentja goditi “paqësimin aktiv” nga palë të paidentifikuara në BE, të cilat ajo i kritikoi për vazhdimin e dhënies së parave për Serbinë pavarësisht tensioneve.

Kosova zyrtarisht aplikoi për t’u bashkuar me bllokun në vitin 2022, por ende nuk njihet nga pesë shtete anëtare dhe i është thënë, si Serbisë, se duhet të bëjë më shumë për të normalizuar marrëdhëniet.

Ajo tha se Lammy duhet t’i thotë Vuçiqit që “të ndalojë së sulmuari fqinjët e tij, shumë qartë dhe thjeshtë”, megjithëse në intervistën me POLITICO ai nuk pranoi të atribuonte ndonjë faj për rrethimin e Banjskës. (Privatisht, POLITICO thotë se zyrtarët britanikë pranojnë se ka prova të përfshirjes serbe).

Milan Radoiçiq pranoi organizimin dhe pjesëmarrjen në sulm, ai u hetua në Beograd dhe në Prishtinë ku ndaj tij dhe 44 personave tjerë u ngrit aktakuzë për veprimtari terroriste.

Derisa ai besohet se po qëndron në Serbi, një vit pas në fshatin tashmë të qetë të Banjskës banorët vazhdojnë jetojnë me misterin e sulmit të 24 shtatorit të vitit të kaluar.

Që nga sulmi i 24 shtatorit, policia disa herë ka gjetur armatime në Banjskë të Zveçanit, por edhe në pjesë të tjera të veriut të Kosovës, të banuar me shumicë serbe.

Artikullin e plotë në anglisht mund ta lexoni KËTU.

The post Politico: Zyrtarët britanikë privatisht pranojnë se ka prova të përfshirjes direkte të Serbisë në Banjskë appeared first on Telegrafi.

Ministri në detyrë i Punëve të Brendshme në Kosovë, Xhelal Sveçla ka folur në lidhje me sulmin terrorist në Banjskë më 24 shtator 2023 teksa tha se vazhdon të mbetet një çështje e pazgjidhur dhe autorët e krimit janë ende të arratisur. Sveçla këtë deklaratë e bëri sot në forumin e ministrave të brendshëm në […]

The post Sveçla nga Sllovenia: Çështja e “Banjskës” mbetet e pa zgjidhur, autorët e sulmit ende në arrati appeared first on BoldNews.al.

Autoritetet turke i kanë arrestuar 37 njerëz për shkak të postimeve “provokuese” në rrjetet sociale në lidhje me arrestimin e kryetarit të Stambollit, Ekrem Imamoglu, njoftoi Qeveria turke të enjten.

Imamoglu u arrestua të mërkurën nën akuzat për korrupsion dhe mbështetje të një grupi terrorist.

Partia kryesore opozitare e ka cilësuar arrestimin e tij “tentim për puç kundër presidentit tonë të ardhshëm”.

Mijëra njerëz dolën në rrugë për të protestuar me slogane kundër qeverisë, pavarësisht se autoritete i ndaluan protestat për katër ditë menjëherë pas arrestimit të Imamoglut.

Autoritetet turke identifikuan 261 llogari në mediat sociale, duke përfshirë 62 jashtë vendit, me “postime provokuese që nxisin krim dhe urrejtje” pas arrestimit të Imamoglut dhe 105 personave të tjerë dhe po vazhdojnë përpjekjet për të gjurmuar të dyshuarit e mbetur, tha ministri i Brendshëm i Turqisë, Ali Yerlikaya, në X.

The post Bënë postime për kryebashkiakun e arrestuar, Turqia arreston 37 persona appeared first on Sot News | Lajme.

Tre autobusë bosh kanë shpërthyer në skajin jugor të Tel Avivit në atë që policia izraelite thotë se është një “sulm i dyshuar terrorist”. Ngjarja ka ndodhur në parkingje në qytetin Bat Yam mbrëmjen e së enjtes. Nuk ka pasur viktima. Pajisjet në dy autobusë të tjerë nuk arritën të shpërthenin sipas deklaratës së policisë. […]

The post Dyshohet për sulm terrorist, shpërthejnë tre autobusë në Izrael appeared first on FaxWeb.

Një 30 vjeçar maroken është arrestuar në Napoli të Italisë pasi dyshohet se kishte planifikuar një sulm ndaj komunitetit hebre. I riu, i lidhur me ISIS, u arrestua me akuzën e shoqërimit me qëllim terrorizmi, përfshirë terrorizmin ndërkombëtar, ose përmbysje të rendit demokratik. 30-vjeçari, sipas asaj që rezultoi nga hetimet, dyshohet se i është bashkuar […]

The post Planifikonte një sulm terrorist, arrestohet 30-vjeçari maroken në Itali appeared first on BoldNews.al.

Të paktën 19 persona u vranë, përfshirë 18 sulmues dhe një ushtar, në sulmin në kompleksin presidencial në Çad, thanë burimet qeveritare.

Gjashtë sulmues dhe tre ushtarë ishin në mesin e të plagosurve, tha zëdhënësi i qeverisë dhe Ministri i Jashtëm Abderaman Koulamalah në televizionin kombëtar, raporton BBC.

Raportet fillestare sugjeruan se sulmi ishte kryer nga grupi terrorist Boko Haram, por Ministri i Jashtëm më vonë tha se “ndoshta nuk ishte rasti”, duke thënë se sulmuesit ishin anëtarë të një grupi të armatosur nga një rreth në N’Djamena.

Qeveria e Çadit njoftoi se situata në kryeqytet është aktualisht nën kontroll.

Incidenti erdhi disa orë pas një vizite të ministrit të Jashtëm kinez Wang Yi.

Çadi, një vend pa dalje në det në Afrikën Qendrore që fitoi pavarësinë nga Franca në vitin 1960, ka kaluar nëpër periudha të shpeshta paqëndrueshmërie dhe luftimesh, më e fundit është midis forcave qeveritare dhe Boko Haram./abcnews.al

FBI-ja thotë se beson se autori i sulmit terrorist të Nju Orlinsit që shkaktoi vdekjen e 15 vetëve në ditën e Vitit të Ri, ka vepruar i vetëm.

Autoritetet e deklaruan një gjë të tillë në një konferencë shtypi duke shtuar se nuk ka më rrezik për banorët e Nju Orlinsit. Më herë auroritetet po hetonin nëse autori, Shamsud-Din Jabbar, një shtetas amerikan nga Teksasi dhe ish-rezervist i ushtrisë që kishte shërbyer në Afganistan, kishte pasur bashkëpunëtorë në sulmin, që autoritetet thanë se ishte i paramenduar.

FBI-ja tha se autori i dyshuar udhëtoi me makinë nga Hjustoni për në Nju Orlins më 31 dhjetor dhe kishte postuar pesë video në Facebook midis orës 1.29 dhe 3.02 të mëngjesit të ditës së sulmit, ku shprehej se mbështeste ISIS-in, grupin militant islamik me luftëtarë në Irak dhe Siri.

Në videon e parë, Jabbar shpjegon se ai kishte planifikuar më parë të sulmonte familjarë dhe miq të tij, por se ishte i shqetësuar se mbulimi i medias do të largonte vëmendjen nga “lufta midis besimtarëve dhe jobesimtarëve”, tha në një konferencë shtypi zëvendësdrejtori i FBI-së, Christopher Raia.

Jabbar tha gjithashtu në video se ai ishte bashkuar me ISIS-in para verës së kaluar .

“Ky ishte një akt terrorizmi,” tha zoti Raia. “Ishte një veprim i paramenduar dhe një veprim djallëzor”.

FBI-ja kishte konfirmuar më parë se Jabbar kishte një flamur të grupit ISIS-it në kamionin që përdori për të goditur turmën. Ai vdiq nga një këmbim zjarri me policinë.

Të mërkurën në mbrëmje Presidenti Joe Biden shprehu ngushëllimet për familjet e viktimave dhe tha se i dyshuari kishte bërë disa veprime vetëm disa orë para sulmit që linin të kuptonin ideologjinë e tij. Presidenti Biden tha se organet e zbatimit të ligjit dhe komuniteti i zbulimit po vazhdojnë të kërkojnë për ndonjë lidhje apo bashkëpunëtor tjetër dhe se hetimi vazhdon të jetë aktiv.

“Ai postoi video në mediat sociale duke treguar se ishte frymëzuar nga ISIS-i, duke shprehur dëshirën për të vrarë. Flamuri i ISIS-it u gjet në automjetin e tij, të cilin e kishte marrë me qira për të kryer këtë sulm. Në automjet janë gjetur edhe eksplozivë të mundshëm dhe aty pranë janë gjetur eksplozivë të tjerë”, tha ai.

Hetuesit kishte gjetur armë dhe një mjet shpërthyes të improvizuar brenda automjetit. Po ashtu, në lagjen e njohur ku ndodhi shpërthimi, autoritetet kanë gjetur pajisje të tjera shpërthyese në një shtëpi në të cilën kishte rënë zjarr.

Për 18 vjeçarin Zion Parsons, ishte hera e parë në Nju Orlins. Ai tha se skena dukej si zonë lufte.

“Kishte trupa në gjithë rrugën. Të gjithë bërtisnin. Shihje dikë që po përpiqej të shpëtonte dikë tjetër, shikoje njerëz që qanin, pjesë trupash gjithandej. Ishte e dhimbshme të shihja një nga shoqet e mia të ngushta që u godit”, tha ai.

Zona turistike e Nju Orlinsit vazhdon të jetë nën masa të rrepta sigurie.

Sulmi në Nju Orlins është shembulli i fundit kur një automjet përdoret si armë për të kryer vrasje masive dhe sulmi më vdekjeprurës i frymëzuar nga ISIS në territorin e Shteteve të Bashkuara prej vitesh.

Clara Broekart, një eksperte për grupet terroriste i tha Zërit të Amerikës se në vitin 2024 kishte pasur një rritje të ndjeshme në përpjekjet e frymëzuara nga ISIS globalisht, përfshirë në Shtetet e Bashkuara.

“Ndonjëherë autori i mundshëm thjesht ishte frymëzuar nga ISIS-i, konsumonte propagandë nga Shteti Islamik dhe synonte të kryente një sulm në mbështetje të Shtetit Islamik. Por kemi parë edhe përpjekje kur persona me bazë në SHBA ishin në kontakt me rekrutuesit e ISIS-it në internet”, thotë ajo.

FBI-ja thotë gjithashtu se nuk kishte lidhje mes sulmit në Nju Orlins dhe një shpërthimi në Las Vegas para hotelit Trump, ku personi brenda makinës gjeti vdekjen. /VOA

The post FBI jep detaje: Autori i sulmit terrorist në Nju Orlins veproi i vetëm appeared first on Lapsi.al.

Një shofer ka bërë masαkër në lagjen e mirënjohur franceze të New Orleans në orët e para të ditës së Vitit të Ri, duke vrarë të paktën 10 persona. Ai hyri me makinë përmes turmës, përpara se të qëllohej për vdekje nga policia, thanë autoritetet.

Mbi 35 persona u plagosën, pasi sulmi i së mërkurës e shndërroi Rrugën festive Bourbon në një kaos makabër. FBI-ja po e heton ngjarjen si një akt terrorist. Autoritetet po shqyrtojnë mundësinë e përfshirjes së personave të tjerë në organizimin dhe kryerjen e këtij sulmi.

Shoferi është identifikuar me emrin Shamsud-Din Bahar Jabbar, 42 vjeç, thanë për agjencinë e lajmeve Associated Press gjashtë zyrtarë të agjencive të zbatimit të ligjit, që folën në kushte anonimiteti.

Hetuesit po punonin për të mbledhur informacion shtesë në lidhje me prejardhjen e autorit dhe po hetonin edhe rreth një flamuri të zi të vendosur mbi automjet. Sipas një deklarate të FBI-së, flamuri është i grupit terrorist Shteti Islamik. Sipas FBI-së, i dyshuari Jabbar është shtetas amerikan nga Teksasi dhe po hetohen “lidhje të mundshme me organizata terroriste”.

FBI investigators arrive at the scene where the white Ford F-150 pickup truck that crashed into a work lift after allegedly driving into a crowd of New Year’s revelers in the French Quarter of New Orleans, Louisiana, on January 1, 2025.

Në një foto të qarkulluar për zyrtarët e zbatimit të ligjit shfaqet i dyshuari Jabbar me mjekër dhe i veshur me rroba kamuflazhi pranë kamionit, pasi u vra nga policia.

I dyshuari Jabbar u vra gjatë një shkëmbimi me armë zjarri me policinë pas sulmit, rreth orës 03:15 të mëngjesit në një zonë të mbushur me njerëz që po festonin ardhjen e Vitit të Ri, tha FBI-ja.

Hetuesit gjetën një pistoletë dhe një pushkë automatike të llojit AR pas shkëmbimit të zjarrit dhe po bënin kërkime në lagjen franceze për pajisje të mundshme shpërthyese, thanë zyrtarët e zbatimit të ligjit. Deklarata e FBI-së informoi se vazhdonin kërkimet për disa pajisje shpërthyese dhe se mendohet se autori nuk ka vepruar i vetëm.

Agjentja e FBI-së, Alethea Duncan tha se zyrtarët po hetonin për të paktën një pajisje shpërthyese të improvizuar në vendngjarje.

Kryebashkiakja e Nju Orlinsit, LaToya Cantrell i përshkroi vrasjet si një “sulm terrorist”.

Kryeinspektorja e policisë së Nju Orlinsit, Anne Kirkpatrick tha se shoferi ishte “i vendosur për ta bërë masakrën dhe dëmin që shkaktoi”.

“Ishte një sjellje shumë e qëllimshme. Ky person po përpiqej të shtypte sa më shumë njerëz që të mundej”, tha zonja Kirkpatrick.

Pasi automjeti u ndal, shoferi doli dhe hapi zjarr ndaj oficerëve që afroheshin, tha policia. Oficerët iu përgjigjën zjarrit, duke e vrarë shoferin.

Dy policë u plagosën dhe janë në gjendje të qëndrueshme, njoftoi policia. Krahas tyre janë edhe 33 persona të tjerë të plagosur nga sulmi me automjet.

Zona ku ndodhi sulmi është një destinacion i preferuar për festimet e Vitit të Ri. /VOA

The post Mαsαkra në New Orleans/ Autorit i gjendet në makinë një flamur i Shtetỉt Iѕlαmik appeared first on Lapsi.al.

Autoritetet e drejtësisë në Shtetet e Bashkuara të Amerikës janë në alert pas sulmit me kamion natën e ndërrimit të viteve, që la pas 10 të vdekur e 35 të plagosur.

FBI, Departamenti i Sigurisë Kombëtare dhe Prokuroria po hetojnë ngjarjen si një akt terrorist.

Presidenti amerikan, Joe Biden, e cilësoi incidentin të tmerrshëm, ndërsa bëri thirrje për zbardhje sa më shpejt të ngjarjes.

“Zemra ime është me familjet e viktimave, që thjesht po përpiqeshin të festonin festën. Nuk do të tolerojmë asnjë sulm ndaj asnjë prej komuniteteve të kombit tonë. Autoritetet të arrijnë në fund të asaj që ndodhi sa më shpejt të jetë e mundur”, shkroi Presidenti Biden.

Ndërkohë, për sulmin terrorist reagoi edhe Presidenti i zgjedhur, Donald Trump, i cili shprehu mbështetje për qytetin e Nju Orleans dhe të gjithë ata që po hetojnë tragjedinë.

“Zemrat tona janë me të gjitha viktimat e pafajshme dhe të dashurit e tyre, duke përfshirë oficerët e guximshëm të Departamentit të Policisë së Neë Orleans”, tha Trump në një postim në Truth Social, duke shtuar se “Shkalla e krimit në vendin tonë është në një nivel që askush nuk e ka parë më parë”.

Po ashtu, dëshmitarët okularë rrëfyen tmerrin e përjetuar, teksa kamioni hyri mes turmës që po festonin natën e Vitit të Ri. Dëshmitarët thanë për CNN se “barrikadat mekanike të çelikut nuk ishin ngritur, kur ndodhi sulmi me kamion”.

Barrikadat e çelikut u instaluan në vitin 2017, pas sulmit terrorist me kamion që ndodhi në vitin 2016 në Nice të Francës, që iu mori jetën dhjetëra qytetarëve të pafajshëm.

The post Sulmi terrorist në SHBA, çfarë thonë Biden dhe Trump appeared first on Lapsi.al.

Të paktën 10 persona humbën jetën dhe 30 të tjerë u plagosën pasi një automjet përplasi një turmë që po festonte Vitin e Ri në Rrugën Bourbon në lagjen franceze të New Orleans.

Shoferi u përplas në grupin e madh me shpejtësi të madhe, më pas doli dhe filloi të qëllonte me armë, tha CBS News, duke cituar dëshmitarët. Policia iu përgjigj zjarrit.

Dëshmitarët pretendojnë se i dyshuari ishte ‘i veshur me armaturë të plotë’ dhe ‘i armatosur me një pushkë sulmi’, sipas raportimeve në mediat sociale.

LaToya Cantrell, kryebashkiake e New Orleans, e përshkroi incidentin si një “sulm terrorist”. FBI tha se nuk po e përdorte ende atë term. Anne Kirkpatrick, superintendent i policisë, tha se shoferi kishte tentuar të vriste sa më shumë njerëz.

Videot që qarkullojnë në mediat sociale që duket se janë regjistruar në vendngjarje tregojnë viktima të shumta në tokë ndërsa të shtënat kumbojnë në sfond. Gjithashtu u panë njerëz duke ikur nga zona.

Për momentin nuk është dhënë asnjë informacion për të dyshuarin dhe nuk është e qartë nëse është bërë ndonjë arrestim ndërsa agjentët e FBI-së po kryejnë hetime në lidhje me ngjarjen në zemër të lagjes franceze në New Orleans.

Ata po kontrollojnë dhe për eksplozivë artizanalë të mundshëm në zonën ku ndodhi sulmi terrorist.

“U gjetën pajisje shpërthyese të improvizuara dhe ne po punojmë për të konfirmuar nëse janë funksionale” tha Alethea Duncan, ndihmës agjentja speciale përgjegjëse për zyrën e FBI-së në New Orleans.

Një robot po kontrollon pjesën e poshtme të kamionit për eksplozivët. Autori pasi përplasi me makinë turmën qëlloi me armë, duke plagosur dhe 2 oficerë.

Një tjetër dëshmitare e supozuar i tha WLWT  se ajo pa automjetin të godiste turmën dhe oficerë të shumtë që hapën zjarr ndaj të dyshuarit. Ajo thotë se filloi të vraponte dhe  shpëtoi vetëm ‘me hir të Zotit’.

Whit Davis, një dëshmitar 22-vjeçar nga Shreveport, Luiziana, tha se ai ishte në një klub nate kur u shpalos sulmi. Ai kujtoi se si njerëzit “filluan të vrapojnë dhe të fshihen nën tavolina” në një skenë që i ngjante “një stërvitjeje aktive për gjuajtje”.

Rruga Bourbon, e famshme për baret dhe klubet e saj të shumta, thuhet se është mbyllur ndërsa hetuesit punojnë në vendin e ngjarjes. Njerëzit këshillohen të qëndrojnë larg zonës.

Incidenti ndodhi në fund të festimeve të Vitit të Ri në New Orleans dhe disa orë para fillimit të AllState Bowl, një çerekfinale e futbollit të kolegjit e mbajtur në Caesars Superdome të qytetit, me mijëra të pranishëm.

LEXONI GJITHASHTU:

• 10 të vdekur e 30 të plagosur në SHBA, mjeti futet në mes të turmës gjatë festimeve
• Festimet për Vitin e Ri në Tiranë, 20-vjeçari dëmtohet nga një plumb qorr

The post Makina u fut mes turmës që festonte Vitin e Ri në SHBA, sulmi cilësohet si terrorist appeared first on Euronews Albania.