Kryeministri Edi Rama, gjatë një takimi me kryetarët e bashkive këtë të enjte, u ndal te problematika e ndërtimeve pa leje në territorin e vendit. Ai paralajmëroi masa të reja për forcimin e kontrollit dhe monitorimit të kantierëve ndërtimorë.

Sipas Ramës, kantieret do të jenë të pajisura me kamera online 24 orë dhe sisteme GPS, ndërsa do të ngrihet edhe Qendra e Monitorimit të Ndërtimeve.

“Duhet një qasje me legalizimet. Jemi në kushte ku nuk mund të mbetemi vetëm tek sytë e njerëzve në territor, kur tanimë po i bëjmë gjërat bashkë për të pasur një kontroll teknologjik për territorin, që të na garantojë punën si qendra e monitorimit të trafikut. Tërësisht e njëjta gjë duhet të ndodhë me territorin. Inspektimi për ndërtimet duhet të mbështetet nga satelitë që i kemi, dronët dhe një strukturë të dedikuar, të ndërtojmë qendrën e monitorimit të ndërtimeve”- tha Rama.

Kreu i qeverisë bëri të ditur gjithashtu se Agjencia e Zhvillimit të Territorit ka përgatitur një rregullore të re për kompanitë ndërtuese. Sipas saj, të gjitha ndërtimet që kanë qëllime përfitimi, si pallatet, do të monitorohen në kohë reale.

“Agjencia e Zhvillimit të Territorit ka përgatitur një rregullore për kompanitë. Do të detyrohen që për të gjitha ndërtimet që kanë qëllime përfitimi – pallate, ndërtime që nuk mund të lejojnë të kalojnë kufijtë e lejeve – kantieret të jenë me kamera online 24 orë dhe të ndiqen në kohë reale nga forcat e inspektimit. Të gjitha kantieret të pajisen me GPS që të monitorohet trafiku i tyre, materialet që hedhin apo materialet që futen në kantiere”- tha Rama.

The post Rama: Do ngrihet qendra e monitorimit të ndërtimeve, kantieret me kamera e GPS appeared first on Euronews Albania.

Policia e stacionit policor në Ferizaj, pas një pune hetimore nga hetuesit e njësive përkatëse, ka arritur të identifikojë personin e dyshuar për shkaktimin e një aksidenti të trafikut.

Sipas njoftimit, aksidenti ka ndodhur më 2 korrik 2025, rreth orës 16:54, në rrugën “Ahmet Kaçiku” në Ferizaj, ku janë përfshirë një motoçikletë e tipit Gilera dhe një veturë VË Golf, të dyja me targa vendore.

“Sipas hetimeve fillestare, aksidenti ka ndodhur për shkak të mosrespektimit të distancës së sigurisë nga ana e drejtuesit të motoçikletës, i cili ka goditur automjetin VË, duke shkaktuar vetëm dëme materiale. Pas aksidentit, drejtuesi i motoçikletës është larguar nga vendi i ngjarjes, por më 08.07.2025 është identifikuar si E.A. dhe është ftuar për intervistim në stacionin policor në Ferizaj”, thuhet në njoftim.

Sipas policisë, ndaj të dyshuarit janë shqiptuar katër gjoba për kundërvajtje, për: Drejtim të mjetit pa patentë shofer; Drejtim me regjistrim të skaduar; Largim nga vendi i aksidentit dhe Shkaktim i aksidentit në komunikacion.

Policia Rajonale e Ferizajt apelon tek të gjithë pjesëmarrësit në trafik që të respektojnë rregullat dhe ligjet në fuqi, me qëllim të parandalimit të aksidenteve dhe rritjes së sigurisë në komunikacion.

The post ​Identifikohet personi që shkaktoi aksident trafiku dhe u largua nga vendi i ngjarjes në Ferizaj appeared first on Telegrafi.

Policia e Shtetit ka finalizuar me sukses dy operacione të njëpasnjëshme për goditjen e rrjeteve të trafikut të emigrantëve të paligjshëm në jug të vendit, duke çuar në pranga 8 persona dhe shpallur në kërkim 2 të tjerë.

• Operacioni “The Bridge”

Në kuadër të këtij operacioni, specialistët për Hetimin e Trafiqeve të Paligjshme, në bashkëpunim me Policinë Rrugore dhe Forcën e Posaçme “Shqiponja”, ndaluan shtetasit:

• A. D., 43 vjeç, banues në Durrës
• K. T., 22 vjeç, banues në Lushnje

Një 17-vjeçar, banues në Lushnje

• H. R., 23 vjeç, banues në Lushnje

Ndërkohë, është shpallur në kërkim shtetasi K. Ç., 23 vjeç, gjithashtu banues në Lushnje.

Sipas hetimeve, këta shtetas ishin pjesë e një grupi që transportonin 6 emigrantë nga Filipinet nga Tirana drejt Sarandës, kundrejt pagesës. Ata nuk i janë bindur urdhrit të Policisë për të ndaluar në zonën e quajtur “Ura e Kardhiqit” dhe kanë tentuar të largohen, por janë kapur pas ndjekjes.

Gjatë operacionit u sekuestruan 2 automjete, 2900 euro dhe 40 000 lekë, si dhe 4 telefona celularë

• Operacioni “Attempt”

Në një tjetër goditje, specialistët për Hetimin e Trafiqeve të Paligjshme, në bashkëpunim me Policinë e Kufirit Kakavijë dhe Forcën e Posaçme “Shqiponja”, arrestuan në flagrancë:

• A. K., 29 vjeç
• D. M., 22 vjeç
• E F., 21 vjeç, të tre banues në Durrës.

Të arrestuarit po tentonin të transportonin 12 emigrantë nga Pakistani në zonën e “Kthesa e Jorgucatëve”. Edhe ata nuk iu bindën urdhrit të Policisë për të ndaluar, por u kapën pas një ndjekjeje nga shërbimet policore.

Gjatë operacionit u sekuestruan 3 automjete, 1900 euro dhe 4 telefona celularë

Të dyja çështjet janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër, për veprën penale “Ndihma për kalim të paligjshëm të kufijve, kryer në bashkëpunim”.

LEXONI GJITHASHTU:

• Zbulohet laboratori për falsifikimin e pasaportave, 20 mijë € një mjet identifikimi
• Depozituan mbetje ndërtimi në plazh, arrestohet inxhinieri i objektit në Dhërmi

The post 2 operacione për goditjen e rrjeteve të trafikut të emigrantëve: 8 të arrestuar appeared first on Euronews Albania.

Ministria e Punëve të Brendshme ka njoftuar se më datë 04.07.2025, në orën 15:26, në kryqëzimin e rrugëve “Boris Kidriq” dhe “Mirko Mileski”, ka ndodhur një aksident trafiku ndërmjet një automjeti udhëtarësh “Audi” me targa të Kërçovës, i drejtuar nga A.E. (22) nga fshati Strellc i Kërçovës, dhe një motoçiklete “Hamachi” e drejtuar nga një djalë 17-vjeçar nga Kërçova.

“Motoçiklisti, me lëndime të rënda trupore, është transportuar në klinikën “Nëna Terezë” në Shkup, por gjatë rrugës për në spital, ka ndërruar jetë si pasojë e plagëve. Vdekja është konstatuar nga mjeku i Ndihmës së Shpejtë. Në vendin e ngjarjes kanë kryer hetime ekipet policore dhe një prokuror publik, me urdhrin e të cilit do të bëhet autopsia e trupit të motoçiklistit”, shtojnë nga MPB.

The post Aksident trafiku, ndërron jetë 17 vjeçari nga Kërçova appeared first on Telegrafi.

Trafiku ka ardhur gjithnjë e duke u rënduar në vendin tonë, ku Tirana përballet çdo ditë me një situatë kaotike, të cilës nuk po i jepet zgjidhje, por vetëm shtohet më tej për shkak të ndërtimeve të kullave. Por trafiku kilometrik, veç probleme që u sjell qytetarëve me vonesa për në punë, harxhim më tepër […]

The post Video Shqipëria 2030/ Ja si bllokohet ambulanca në mes të rrugës appeared first on BoldNews.al.

Policia e Spanjës ka goditur një rrjet shqiptar të organizuar të trafikut të qenieve njerëzore, në kuadër të operacionit ndërkombëtar që po zhvillohet në vende të BE-së e më gjerë, përfshi edhe Shqipërinë.

Janë kryen dyzet e shtatë kontrolle, një në Tarragona dhe të tjerat njëkohësisht në Shqipëri, duke rezultuar në 26 arrestime. Një laborator për prodhimin e dokumenteve të falsifikuara u çmontua gjithashtu në Kosovë.

Rrjeti kriminal ishte gjithashtu i përkushtuar ndaj shpërndarjes së dokumentacionit të rremë midis organizatave kriminale të dedikuara për kryerjen e grabitjeve, trafikimit të armëve dhe trafikimit të drogës. Kjo është faza e shtatë e një operacioni që filloi në vitin 2019 dhe në të cilin, deri në këtë fazë janë shpërbërë celula të ndryshme shqiptare e kosovare, me një total prej 82 personash të arrestuar në vende të ndryshme evropiane.

Hetimet e agjentëve zbuluan se disa anëtarë të këtij rrjeti transnacional me origjinë shqiptare udhëtonin çdo javë nga Shqipëria në Spanjë, nëpërmjet Serbisë dhe Hungarisë, duke transportuar emigrantë shqiptarë në furgonë në qytetet e Barcelonës dhe Tarragonës. Hetimi zbuloi gjithashtu se gjatë këtyre transferimeve, ata përdornin sisteme “fshehjeje” për të transportuar narkotikë, bizhuteri të vjedhura, armë zjarri dhe municione.

Pasi mbërrinin në destinacionin e tyre, rrjeti kriminal i pajisite ata me dokumente identifikimi të falsifikuara që përmbanin informacionin e qytetarëve të Zonës Shengen, në mënyrë që ata të mund të fluturonin për në Mbretërinë e Bashkuar ose Irlandë si destinacionin e tyre përfundimtar.

The post Çmontohet organizata shqiptare e trafikut të klandestinëve, drøgës e armëve në Spanjë appeared first on Lapsi.al.

Fillimi i sezonit të plazhit ka sjellë kaos me trafikun në të gjithë vendin që gjatë kësaj fundjave. Situata e qarkullimit është përkeqësuar ndjeshëm në orët e vona të pasdites të së dielës kur qytetarët kanë nisur kthimin nga bregdeti, kryesisht drejt kryeqytetit, por edhe në qytete të tjera. Siç shihet edhe në videon e […]

The post VIDEO/ Fundjava sjell kaos me trafikun në të gjithë vendin, bllokohet aksi Shkodër-Milot appeared first on BoldNews.al.

Personi që shihni në foton e mëposhtme është Valmir Balliu, nga fshati Vërdovë i Pogradecit, i cili u arrestua ditën e djeshme në doganën e Kapshticës, pasi në automjetin që ai drejtonte u kapën 6 kg e 134 gr lëndë narkotike “heroinë”. Droga ishte fshehur në një vend të përshtatur enkas në automjetin që drejtohej […]

The post FOTO/ Ky është Valmir Balliu, u kap me mbi 6 kg heroinë në Kapshticë appeared first on BoldNews.al.

Në operacionin antidrogë të SPAK të realizuar në bashkëpunim me autoritetet finlandeze, janë zbardhur detaje të reja mbi mënyrën e veprimit të grupeve kriminale që trafikonin lëndë narkotike drejt Finlandës.

  Lidhur me këtë operacion, kryeprokurori i Finlandës, Hans, tha:

“Një nga rrugët nga Holanda për në Finlandë me kamionë me targa polake dhe shofer polak është shumë e zakonshme, pasi amfetamina ka konsum të lartë në Finlandë. Kanabisi trafikohej nga Spanja në drejtim të Finlandës”.

Në këtë operacion janë arrestuar 55 persona, nga të cilët 10 janë me shtetësi shqiptare, ndërsa ndër të arrestuarit janë edhe polakë dhe finlandezë.

Prokurori Shehu shtoi: “Janë përfshirë rumunë, aziatikë dhe afrikanë në këto rrjete, ndërsa karakteristikë e grupeve ka qenë bashkëpunimi i tyre për qëllime kriminale. Dy nga grupet organizonin trafikimin nga Shqipëria drejt Spanjës dhe më pas në Finlandë, ku kishin rrjetin e shpërndarësve. Një grup tjetër operonte vetëm në Finlandë për blerjen dhe shitjen e drogës, ndërsa një tjetër përdorte shërbimin postar për trafikim”.

Operacioni është një shembull i bashkëpunimit ndërkombëtar dhe ka rezultuar në goditje konkrete ndaj krimit të organizuar.

The post Trafiku i lëndëve narkotike drejt Finlandës/ Transporti bëhej me kamionë, anëtarë të grupit edhe rumunë, aziatikë e afrikanë appeared first on Albeu.com.

Një mesazh i gjetur në celularin e një prej të arrestuarve gjatë aksionit Shqipëri-Kosovë në Dhjetor të vitit të shkuar kundër trafikut të armëve, zbuloi përfshirjen edhe të 10 personave të tjerë të cilët u prangosën të premten. Pas zbërthimit të komunikimeve, agjentët e Policisë së Tiranës mbajtën nën vëzhgim anëtarët e tjerë të grupit, […]

The post Detajet/ Një mesazh në telefon zbuloi trafikantët e armëve në Shqipëri appeared first on BoldNews.al.

Janë zbardhur detaje të reja nga operacioni “Puzzle”, ku Policia e Tiranës në bashkëpunim me Prokurorinë, goditën një grup prej 12 anëtarësh që merrej me trafikun e armëve të zjarrit Kosovë-Shqipëri, ku 10 prej tyre janë arrestuar, ndërsa dy janë shpallur në kërkim. Burime për mediat bëjnë me dije se grupi kriminal i kalonte armët […]

The post Trafiku i armëve Kosovë-Shqipëri/ Baza e grupit ishte në Burrel, pistoletat shiteshin deri në 2500 € appeared first on BoldNews.al.

Ministria për Evropën dhe Punët e Jashtme e Shqipërisë, ka bërë të ditur se në Koblenz të Gjermanisë, kanë humbur jetën tre shtetas shqiptarë.

Aksidenti i rëndë rrugor, ka ndodhur në orët e para të mëngjesit të sotëm, derisa veç të vdekurve, edhe katër shqiptarë të tjerë janë plagosur.

”Ministria për Evropën dhe Punët e Jashtme është informuar nga autoritetet gjermane për një aksident të rëndë rrugor të ndodhur në orët e para të mëngjesit të datës 25 maj, pranë qytetit Koblenz, ku janë përfshirë disa shtetas shqiptarë.

Me keqardhje njoftojmë se si pasojë e këtij aksidenti kanë humbur jetën tre shtetas shqiptarë, ndërsa katër të tjerë janë plagosur dhe po marrin trajtim në spitalet lokale.

Ambasada e Republikës së Shqipërisë në Berlin dhe Konsullata e Përgjithshme në Mynih kanë qenë në kontakt të vazhdueshëm me autoritetet gjermane dhe kanë ndjekur nga afër zhvillimet. Hetimet për rrethanat e aksidentit janë ende në vijim.

Ministria për Evropën dhe Punët e Jashtme shpreh ngushëllimet më të sinqerta për familjet e viktimave dhe uron shërim të plotë për të plagosurit.

Strukturat tona konsullore kanë ofruar mbështetjen e nevojshme për qytetarët e prekur dhe kanë qenë të angazhuara gjatë gjithë ditës për të ndihmuar në menaxhimin e situatës.

Për çdo informacion shtesë, lutemi të kontaktoni në: +49 1523 79 13 997”.

The post Tre shqiptarë humbin jetën në një aksident trafiku në Koblenz të Gjermanisë appeared first on Telegrafi.

Në komunikimet e aplikacionit SKY ECC për operacionin “Ura” është përmendur edhe emri i ish-drejtorit të policisë së Shtetit, Gledis Nano.

Ish-efektivi i RENEA-s, Altin Morina i cili lidhjet për trafikun e drogës i kishte deri në Ekuador është pyetur nga Ekil Ndërjaku për vëllanë e një trafikanti që i kishte marrë drogë në Spanjë.

Ish-efektivi duke shfrytëzuar pozicionin e punës që kishte kontrollon të dhënat në sistem, por shkon dhe deri aty sa kërkon informacion edhe nga ish-drejtuesi i policisë, Gledis Nano për këtë rast, por emri nuk rezultonte në sistem.

Gjithashtu lidhur me transportin e drogës, Morina i dërgon mesazh Nderjakut, ku e vë në dijeni se kishte gjetur një kontakt në Gjermani për ngarkesën e lëndës narkotike.

Në disa raste mes tyre shkëmbenin edhe foto të drogës.

Po ashtu Altin Morina komunikon me Ekil Ndërjakun, për të paktën 3 ngarkesa që kishte gati për transport droge dhe i thotë për sasinë e kokainës që ka në dispozicion për tregtim.

LEXONI GJITHASHTU:

• URA/Euronews siguron dosjen e SPAK: Ndërhyrja në polici për të shpëtuar Mond Çekiçin
• “Çojmë marinar në Ekuador”Dosja: Si Altin Morina stërviste RENEA-n e merrej me drogë

The post “URA”| Ish-efektivi Altin Morina kërkoi informacion nga Gledis Nano për trafikantët appeared first on Euronews Albania.

Janë zbardhur detaje të reja nga dosja “Ura”, ku autoritetet italiane në bashkëpunim me SPAK, goditën grup kriminal me bazë në Durrës dhe Puglia, që trafikonin sasi të mëdha kokaine dhe heroine. Për goditjen e grupit, autoritete u bazuan në komunikimet e zbërthyera nga aplikacioni i enkriptuar “Sky Ecc”, si dhe në dëshmitë e tre […]

The post “Vdekshin ishalla motër*****”/ Biseda e Orges Mollës për arrestimin e dy vëllezërve shqiptarë në Itali appeared first on BoldNews.al.

Ambasada e Shteteve të Bashkuara në Shqipëri ka ndarë një mesazh të rëndësishëm në rrjetet sociale, me qëllim nxitjen e bashkëpunimit të qytetarëve në luftën kundër trafikut të drogës.

Në njoftimin e saj, ambasada u bën thirrje qytetarëve që kanë informacione në lidhje me aktivitetete të paligjshme që lidhen me trafikimin e narkotikëve dhe pastrimin e parave nga droga, që t’i ndajnë këtë informacion me DEA-n amerikane. Për këtë qëllim, është vendosur një linjë e veçantë sinjalizimi, ku qytetarët mund të kontaktojnë në mënyrë të sigurt dhe konfidenciale.

Në vijim është njoftimi i plotë i ambasadës:

“Linja e sinjalizimit të Agjencisë së ShBA Kundër Narkotikëve është aktive. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected]. Të gjitha të dhënat do të mbahen të fshehta. Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, me qëllim mbrojtjen e qytetarëve të të dy vendeve tona dhe parandalimin e hyrjes së drogave të paligjshme në Shtetet e Bashkuara”.

 

View this post on Instagram

 

A post shared by U.S. Embassy Tirana (@usembassytirana)

LEXONI GJITHASHTU:

• Ekskluzive|Ish-kreu i inteligjencës në Ekuador: Maduro mashtron për mafian shqiptare
• Venezuela akuza Ekuadorit e Kolumbisë: Dërguan mafien shqiptare për të na sabotuar

The post Ambasada e SHBA thirrje qytetarëve të denoncojnë trafikun e drogës: Telefononi DEA-n appeared first on Euronews Albania.

Një aksident trafiku mes tri veturave ka ndodhur sot në rrugën nacionale Mitrovicë – Prishtinë, ku tre persona kanë pësuar lëndime trupore.

Lajmin e ka konfirmuar për Telegrafin, Avni Zahiti, zëdhënës i Policisë së Kosovës për Rajonin e Mitrovicës.

“Rreth orës 09:15 është raportuar për aksident trafiku i shkaktuar në rrugën nacionale Mitrovicë-Prishtine segmenti rrugor në Shupkovci. Në aksident janë përfshirë tre automjete. Përveç dëmeve materiale, lëndime kanë pësuar tre persona”, tha ai./Telegrafi/

The post Aksident trafiku mes tri veturave në rrugën nacionale Mitrovicë – Prishtinë, lëndohen tre persona appeared first on Telegrafi.

“Giro d’Italia” do të zhvillojë të shtunën etapën e dytë dhe që do të mbahet e gjitha në Tiranë. Policia e shtetit ka bërë një njoftim ku zbulon oraret dhe rrugët ku do të ndalohet parkimi dhe qarkullimi i automjeteve.

Ndalim parkimi
Datë 10.05.2025, ora 08:00 –11:00
Segmentet e rrugëveZogu i Zi” dhe në itinerarin Rruga e Durresit, Rruga “Fortuzi”, Rruga “Dervish Hatixhe”, Rruga e Barrikadave, rruga pas Pallatit të Kulturës (vendi i akomodimit te ekipeve).

Ndalim qarkullimi dhe parkimi
Datë 10.05.2025, ora 10:00 –18:00
Segmentet e rrugëve
Sheshin “Skenderbej”;
Rrugën “Urani Pano”;
Rrugën “Dedë Gjo Luli”;
Rrugën “Ibrahim Rugova”;
Rrugën “Deshmorët e 4 Shkurtit”;
Bulevardin “Gjergj Fishta”;
Rrugën “Muhamet Gjollesha”;
Bulevardin “Bajram Curri”;
Rrugën “Ibrahim Rugova”;
Rrugën “Lek Dugagjini”;
Rrugën “Dervish Hima”;
Rrugën e Elbasanit- Rrethrrotullimi i Saukut;
Rrugën “Abdyl Frashëri”;
Bulevardin “Zogu I” deri te rruga “Fortuzi”;
Rruga pas Pallatit të Kulturës, me qëllim stacionimin e mjeteve në dispozicion të eventit.

Blloqet e banimi me akses të kufizuar në datën 10.05.2025:
Pjesa e banimit në rrugët lidhëse me rrugën “Papa Gjon Pali” nuk kanë akses për të dalë gjatë orarit 10:00–18:00 (Ruget janë “Dervish Hima”, “Asim Zeneli”, “Themistokli Gërmeni”, “Ismail Qemali”, “Mustafa Matohiti”, “Jul Variboba” dhe “Fatmir Haxhiu”);
Blloku në rrugën “Ukraina e Lirë” nuk kanë akses për të dalë gjatë orarit 10:00-18:00

Orientimi i devijimit të trafikut për datën 10.05.2025:
Zona e Pazarit të Ri, “Hoxha Tahsim”, nuk kanë akses për t’u lidhur me Bulevardin “Zhan D’Ark”, por kanë akses vetëm me rrugën e DibrësFarmacia 10 dhe dalje në autostradën lindore, si dhe kalim në rrugën e Barrikadave.

LEXO EDHE: Prapaskena politike pas “Giro d’Italia”?/ Mediat italiane: Shifra që pagoi Shqipëria

Pjesa e rrugës së Kavajës dhe rruga “Myslym Shyri” lidhet me zonën e Tiranës së Re, vetëm nëpërmjet rrugës “Dritan Hoxha”, për në Unazë të Re dhe anasjelltas.
Zona e qytetit Studenti, Higjiena, shkolla e Baletit, Ish-tregu elektrik, “Ali Demi” kanë akses për të dalë në rrugën “Pasho Hysa” dhe në rrugën “Pjetër Budi” që kanë akses në rrugën “Agush Gjegjevica”, e cila kanë dalje për në unazën lindore. Gjithashtu, kanë për të dalë në rrethin e Shkozës dhe zonen e Kodrës së Priftit. /LAPSI.al

The post “Giro d’Italia”, këto janë rrugët që do të bllokohen të shtunën në Tiranë appeared first on Lapsi.al.

Nga sot (datë 9 deri më 11 maj) e gjithë Tirana do të “zhytet” në kaos pasi akset kryesore do të bllokohen për shkak se do të zhvillohet gara e çiklizmit, e quajtur “Giro d’Italia”. Si mos mjaftonte trafiku i rënduar që përjetojnë çdo ditë qytetarët e kryeqytetit por jo vetëm, tashmë i shtohet edhe […]

The post Giro d’Italia “paralizon” Tiranën, Durrësin dhe Vlorën/ Ja rrugët që do të bllokohen appeared first on BoldNews.al.

Një aksident trafiku ka ndodhur të enjten rreth orës 23:00 në rrugën C në Prishtinë, ku janë përfshirë një veturë dhe një motoçikletë.

Sipas pamjeve të siguruara nga Telegrafi, në vendin e ngjarjes shihet një person i shtrirë në rrugë, i cili dyshohet të jetë motoçiklisti.

Disa qytetarë janë afruar për t’i dhënë ndihmën e parë.

Nuk dihet ende gjendja shëndetësore e të lënduarit dhe as shkaktarët e saktë të aksidentit.

Në vendngjarje kanë arritur edhe njësitet policore dhe emergjenca për trajtim të mëtejmë dhe hetim të rrethanave.

The post Aksident mes veturës dhe motoçiklistit në rrugën C në Prishtinë appeared first on Telegrafi.

Gjykata Themelore në Prishtinë ka shpallur aktgjykim dënues ndaj Yllka Berishës, duke e dënuar me 1 vit burgim dhe dënim plotësues ndalimi i drejtim të automjetit në kohëzgjatje prej dy vitesh, për akuzën se shkaktoi aksident më 26 shkurt të vitit të kaluar, ku mbeti i vdekur një këmbësor.

Shpalljen e aktgjykimit e ka bërë të enjten, gjyqtari Driton Berisha, raporton “Betimi për Drejtësi”

Gjyqtari Berisha njoftoi se të akuzuarës Berisha në dënim do t’i llogaritet edhe koha e kaluar në paraburgim dhe arrest shtepiak.

Ndaj vendimit të Themelores, palët kanë të drejtën e ankesës në Gjykatën e Apelit.

Sipas aktakuzës së ngritur më 17 korrik 2024 nga Prokuroia Themelore në Prishtinë, e akuzuara Yllka Berisha më 26 shkurt 2024, në rrugën “Agim Ramadani” në Prishtinë, nga pakujdesia e derisa ishte duke ngasur veturën e saj, ka vepruar në kundërshtim me nenin 53 LRTRR-së, ashtu që duke mos përshtatur shpejtësinë gjatë kthimit gjysmërrethor, duke mos u siguruar se një veprim i tillë mund të paraqes rrezik jo vetëm për veten e vet, por edhe për pjesëmarrësit tjerë në trafik dhe duke mos pasur përqendrimin e duhur rreth drejtimit të automjetit, nuk kishte marrë harkun e nevojshëm për kthim gjysmërrethor në mënyrë të sigurt.

Aktakuza thotë se në kthim e sipër duke parë rrezikun frenon vrullshëm dhe nuk mund të ndalet, vazhdon derisa kalon mbi trotuar dhe mbi shtegun për çiklistë, pastaj vazhdon derisa me pjesën ballore të automjetit e kishte goditur shtyllën e semaforit që është ngjitur me vendkalim të këmbësorëve, me atë rast shtylla e semaforit ishte anuar dhe si pasojë me pjesën e sipërme e kishte goditur në kokë kembësorin- tani të ndjerin Sh.H., i cili në atë moment ishte duke qëndruar në vendkalim të këmbësorëve në afërsi të semaforit, me qëllim që të kalojë rrugën. Si pasojë e aksidentit, këmbësori kishte pësuar lëndime të rënda trupore me pasoja vdekje në vendin e aksidentit.

Për këto veprime, e akuzuara Berisha ngarkohej me veprën penale “Rrezikim i trafikut publik” nga neni 370, par.9 lidhur par 6 dhe par. 1 të Kodit Penal të Republikës së Kosovës.

The post Dënohet me një vit burg e akuzuara për vdekjen e këmbësorit në Prishtinë appeared first on Telegrafi.