Gjykata e Posaçme e Apelit ka ndryshuar vendimin e Shkallës së Parë të GJKKO-së dhe ka rikthyer masën e arrestit ndaj avokatit Armand Tragaj, në lidhje me operacionin “Ura”, ku u godit banda e Elvis Doçit i njohur ndryshe si “Visi i Pojës”. Fillimisht Armand Tragaj u arrestua fillimisht nga SPAK duke përfunduar në qeli, […]

The post “Babain e sëmurë, vëllain në psikiatri”/ Apeli i GJKKO rikthen arrestin për avokatin Armand Tragaj appeared first on BoldNews.al.

Ky që shihni në këtë foto është Juxhin Drazhi, një nga anëtarët e grupit kriminal që drejtohej nga Ervis Doçi, i cili njihet në vend si “Visi i Pojës”.

Drazhi është proceduar nga SPAK, për akuzën e “Trafikit të kokainës” kryer në bashkëpunim dhe “Grupit të strukturuar kriminal”.

Në emër të Juxhin Drazhit rezulton i rregjistruar në Durrës një biznes i tregtimit të automjeteve dhe lënies me qira të tyre.

Ndërkohë nga hetimet e kryera SPAK, ka zbuluar 10 pasuri në emër të shoqërisë “Majestic Konstruksion”.

Pronari i kësaj shoqërie rezulton të jetë aktualisht Nazmi Shahini.

Por gjatë vitit 2021 Nazmi Shahini rezulton të ketë shitur 100 për qind aksionet e kompanisë shtetasit Arben Drazhi, që mësohet të jetë babai i Juxhin Drazhit të proceduar për trafik droge.

Por dy muaj nga kjo shitje, kompania “Majestic Konstruksion”, rishitet sërisht nga Arben Drazhi tek Nazmi Shahini.

Keto dy lëvizje janë kryer brenda një kohe vetem dy mujore dhe kontratat janë përpiluar jo para një noteri publik.

Për shkak të kësaj lëvizje, SPAK ngre dyshime të forta se kompania “Majestic Konstruksion” dhe të gjitha pasuritë e sipërfaqeve të tokave të rregjistruara në hipotekë në emër të saj, i përkasin familjarëve të personit nën hetim Juxhin Drazhi.

Vendimin për sekuestrimin e “Majestic Konstruksion” dhe 9 sipërfaqeve të tokës është marë në 21 Maj 2025, ndërsa në 27 Maj është ekzekutuar në Qëndrën Kombëtare të Biznesit dhe Zyrën e Hipotekës Durrës.

Që prej kësaj date e në vijim këto 10 pasuri në emët të “Majestic Konstruksion”, janë vënë në administrim nga Denisa Roshi, e cila i përket Zyrës së Menaxhimit të Aseteve të Sekuestruara.

Me hyrjen e saj në administrim është larguar si administrator Arben Drazhi, babai i Juxhin Drazhit.

Hetimet për këtë rast vijojnë nga të dy shtetet Shqipëri dhe Itali.

The post Drazhi nën ‘lupen’ e SPAK / Ja si u zbuluan 10 pasuri përmes “Majestic Konstruksion” appeared first on Sot News | Lajme.

Prokuroria e Posaçme ka urdhëruar sekuestrimin e 12 milionë eurove pasuri në qytetin e Durrësit. Këto pasuri që dyshohet se vijnë nga aktiviteti kriminal, janë në emër të Elvis Doçit, Ervin Zeqirit dhe Juxhin Drazhit.

NJOFTIMI I PLOTË: 

Prokuroria e Posaçme kundër Korrupsionit dhe Krimit të Organizuar në kuadër të hetimeve për procedimin penal nr.36 të vitit 2019* regjistroi procedimin pasuror nr.10/2025 dhe paraqiti në Gjykatën e Posaçme, kërkesën për sekuestrimin e disa pasurive që dyshohen se janë përfituar nga aktiviteti kriminal.

Gjykata kundër Korrupsionit dhe Krimit të Organizuar me vendimin nr.36 të datës 20.05.2025 vendosi sekuestrimin e disa pasurive të lidhura me personat nën hetim, të përfshirë në veprimtari kriminale. Ky vendim është ekzekutuar më datë 21.05.2025.

Pas kësaj, Prokuroria e Posaçme vijoi hetimet intensive dhe zbuloi edhe pasuri të tjera të lidhura me subjektet nën hetim. Përmes vendimit nr.39 të datës 20.06.2025, Gjykata e Posaçme ka pranuar kërkesën e Prokurorisë së Posaçme dhe vendosi sekuestrimin e tyre. Vendimi u zbatua nga hetuesit financiarë të Prokurorisë së Posaçme dhe Drejtoria e Përgjithshme e Policisë së Shtetit më datë 27.06.2025. Këto pasuri janë marrë nën administrimin e Agjencisë për Administrimin e Pasurive të Sekuestruara dhe të Konfiskuara pranë Ministrisë së Brendshme.

Pasuritë e sekuestruara ndodhen në qytetin e Durrësit dhe përfshijnë:

Pasuria e paluajtshme e llojit truall me sipërfaqe 282.5 m2 dhe ndërtesë me sipërfaqe 248 m2, e cila rezulton në pronësi të shtetasve E.Z. në ½ pjesë dhe K.J. në ½ pjesë (pasuri e lidhur me subjektin e procedimit pasuror E.Z.), me vendodhje në Durrës.

Pasuria e llojit ndërtesë, me sipërfaqe 257.63 m2, në pronësi të shoqërisë “Majestic Konstruksion” sh.p.k (me ortak shtetasin N.SH., person i lidhur me subjektin e procedimit pasuror J.D.), Durrës;

Pasuria e llojit njësi, me sipërfaqe 291 m2 në pronësi të shoqërisë “Majestic Konstruksion” sh.p.k., Durrës;

Pasuria e llojit njësi, me sipërfaqe 205 m2 në pronësi të shoqërisë “Majestic Konstruksion” sh.p.k., Durrës;

Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k., Durrës

Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;

Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;

Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës.

Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;

Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k., Durrës;

Pasuria e llojit truall, me sipërfaqe 300 m2, me adresë Rruga Plazh/10 Durrës e regjistruar ne emer te N. Sh.;

Pasuria me sipërfaqe 197 m2, lloji i pasurisë Njësi, ndodhur në Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);

Pasuria me sipërfaqe 135 m2, lloji i pasurisë Njësi, ndodhur në Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);

Pasuria e llojit “bodrum”, me sipërfaqe totale 20 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);

Pasuria me sipërfaqe 70 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);

Pasuria me sipërfaqe 34 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);

Pasuria me sipërfaqe 29 m2, Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);

Pasuria me sipërfaqe 867.13 m2, nga të cilat 867.13 m2 truall dhe 300 m2 ndërtesë, ndodhur në Durrës, Currila;
Pasuria e llojit truall, ndodhur në Durrës, Currila, me sipërfaqe 500 m2, në pronësi të shtetasve B.D. dhe D.D., persona të lidhur (familjarë) me subjektin e procedimit pasuror E.D.;

Pasuria ndodhur në Durrës, Currila, e llojit truall me sipërfaqe 617.6 m2 nga të cilat ndërtesë 54.52 m2, në pronësi ta shtetasve B.D. dhe D.D., persona të lidhur (familjarë) me subjektin e procedimit pasuror E.D.;

Pasuria ndodhur në Durrës, Currila, e llojit truall me sipërfaqe 87 m2, dhe ndërtesë 52 m2, në pronësi të shtetasve B.D. dhe D.D., persona të lidhur (familjarë) me subjektin e procedimit pasuror E.D.;

Hetimet u kryen në kuadër të një skuadre të përbashkët hetimore mes SPAK, Prokurorisë së Barit, Drejtorisë së Antimafias, me mbështetjen e Eurojust.

Procedimi penal nr.36/2019 është regjistruar për veprat penale:“Trafikim i narkotikëve”, kryer në formën e veçantë të bashkëpunimit, atë të grupit të strukturuar kriminal, “Grup i strukturuar kriminal”, “Kryerje e veprave penale nga organizata kriminale apo grupi i strukturuar kriminal” dhe “Pastrim i produkteve të veprës penale apo veprimtarisë kriminale”, vepra të parashikuara nga nenet 283/a, 28/4, 333/a, 334 dhe 287 të Kodit Penal, janë evidentuar pasuri të cilët dyshohet se janë krijuar nga veprimtaria kriminale e trafikimit të lëndëve narkotike.

Procedimi pasuror nr. 10/2025 u regjistrua me qëllim verifikimin e pasurive të subjekteve të procedimit penal dhe personave të lidhur me ta, në total 52 persona (30 në Shqipëri dhe 22 në Itali), të cilëve më parë u është caktuar masa e sigurimit personal në të dy vendet.

Pasuritë e sekuestruara vlerësohen përafërsisht në 12 milionë euro.

Hetimi pasuror lidhur me të gjithë subjektet vazhdon.

The post SPAK i sekuestron 12 mln euro pasuri “Visit të Pojes” appeared first on Lapsi.al.

Nga Boldnews.al Vështirë se mund të gjendet një pushues ditor nga kryeqyteti që të mos ketë ndaluar të paktën një herë të vetme tek “Restorant Tirana”, në zonën e Shkëmbit të Kavajës, në Durrës. Me një parkim të madh pa pagesë, me ushqime deti të shpejta dhe çmime relativisht të ulta, krahasuar me hotelet përreth, […]

The post SPAK mbyll sytë/ Leja e Ramës, hoteli i Visit të Pojës dhe Nadir Çaushollit vijon ndërtimin (Foto-Video) appeared first on BoldNews.al.

Nën presionin në rritje të opozitës, e cila e akuzon për zvarritjen e operacionit ndaj klanit “Troplini” në Durrës, me qëllim, sipas saj, për t’u lënë kohë anëtarëve të tij të punonin në fushatën e Partisë Socialiste, kreu i Prokurorisë së Posaçme, Altin Dumani, doli në një konferencë për shtyp për të forcuar alibinë e […]

The post Teatri i Dumanit për të fshehur dështimin me Visin e Pojës appeared first on BoldNews.al.

Nën presionin në rritje të opozitës, e cila e akuzon për zvarritjen e operacionit ndaj klanit “Troplini” në Durrës, me qëllim, sipas saj, për t’u lënë kohë anëtarëve të tij të punonin në fushatën e Partisë Socialiste, kreu i Prokurorisë së Posaçme, Altin Dumani, doli në një konferencë për shtyp për të forcuar alibinë e tij. Jo për të sqaruar vonesat në operacionin “Ura”, por të tregojë procedura të ngjashme duke servirur një aksion tjetër, këtë herë me letërporosi nga Finlanda, ku arrestimet kishin të bënin me një grup trafikantësh droge.

Edhe pse operacioni i Finlandës ishte i përmasave më të vogla, Dumani e përdori për të mbështetur narrativën se data e ndërhyrjes në terren nuk është vetëm në dorën e SPAK-ut, por përcaktohet në koordinim me partnerët ndërkombëtarë.

Kjo nënkupton se dështimi me Visin e Pojës, i cili u la i qetë para zgjedhjeve, nuk është më përgjegjësi e tij, por një çështje “dakordësimi me partnerët”.

Hije dyshimi për sjelljen e SPAK me grupin Troplini

Në përforcim të kësaj linje ishte edhe prezenca e një prokurori finlandez në sallën e konferencës dhe theksimi i faktit se operacioni kishte nisur që në vitin 2023 dhe kishte zgjatur dy vjet, për t’u finalizuar në 2025.

Por, sa qëndron në këmbë kjo alibi?

Finlanda: Arrestimet 24 orë pas firmës së gjykatësit

Krahasimi mes dy dosjeve – asaj të “Troplinit” dhe asaj finlandeze – tregon qartë se nuk është partneri i huaj ai që përcakton ritmin e prokurorisë shqiptare, por vetë drejtuesit e saj. Në rastin e klanit të Durrësit, urdhër-arrestet ishin firmosur nga gjykata shqiptare më 30 prill, por operacioni në Shqipëri u krye 21 ditë më vonë, më 21 maj, duke shmangur arrestimin e trafikantëve të drogës gjatë fushatës së Partisë Socialiste. Ndërkohë, për operacionin e Finlandës, siç u deklarua publikisht nga prokurori i çështjes Alfred Shehu, gjithçka ndodhi brenda 24 orëve.

“Nga ana e prokurorisë së posaçme u dërgua kërkesa për caktim mase për 11 persona dhe nga gjykata e posaçme me vendim datë 2.6.2025 ajo u pranua duke u caktuar masa e sigurisë ‘arrest me burg’ sipas nenit 238 të Kodit të Procedurës Penale. Menjëherë u nxorrën urdhrat e ekzekutimit, duke u ngarkuar me zbatimin agjentët e Byrosë Kombëtare dhe oficerët e policisë së shtetit”, deklaroi Shehu.

Dy versione për caktimin e datës së operacionit

Por i njëjti prokuror, që në të kaluarën ka dalë publikisht me deklarata të pavërteta, si në rastin e Elbasanit, kur mohoi ekzistencën e materialeve zgjedhore në vendin ku u vra Pjerin Xhuvani, kësaj radhe ra në kurth në të njëjtën konferencë.

Siç e renditi Shehu ecurinë e veprimeve deri te arrestimet ato janë si vijon: Së pari, dërgimi i kërkesës për masë sigurie, së dyti, vendimi i gjykatës, së treti, nxjerrja e urdhrave të ekzekutimit dhe së katërti, caktimi i datës dhe orës së operacionit.

Pra procedura standarde: kërkesë – vendim – urdhër arresti – operacion. Këtë hap të fundit Shehu e sqaroi si më tej: “Ora dhe data e aksionit janë biseduar gjerë e gjatë dhe u caktua që aksioni të kryhej në orët e para të mëngjesit të datës së sotme, me dakordësi edhe me autoritetet finlandeze, pasi morën pjesë edhe përfaqësues të policisë finlandeze”, tha prokurori Shehu.

Por pak minuta më vonë, i ndikuar nga shefi i tij Altin Dumani që i kërkoi një përgjigje më të favorshme politikisht, prokurori Alfred Shehu u detyrua të ndryshonte version.

Në një shkëmbim të drejtpërdrejtë, pyetje-përgjigje, pasi u ngacmua nga gazetarët, Altin Dumani e pyeti publikisht: “Alfred, sa kohë ka që është dakortësuar data 3 me palën finlandeze? Ka mbi 3 javë? Një muaj?”

Dhe Shehu, duke harruar atë që kishte thënë , u përgjigj: “Më shumë se 2 muaj”.

I kënaqur me përgjigjen e dytë, Dumani i përsëriti gazetarëve fjalët e vartësit të bindur: “Më shumë se dy muaj ka që është dakortësuar data. Dakort?”

Dy ndere për Visin e Pojës/ Si u shpërblye trafikanti që ndihmoi PS në Durrës

Kjo luhatje në versione, në një distancë kohore prej vetëm pak minutash dhe në të njëjtën konferencë për shtyp, ka vetëm një shpjegim. Jo vetëm që tregon mungesë koherence, por ngre hije të mëdha mbi besueshmërinë e SPAK dhe justifikimeve për dështimin e një operacioni shumë të rëndësishëm kundër trafikut të drogës dhe bandave.

Alibia e Dumanit për operacionin “Troplini”

I vënë nën presion nga pyetja e gazetarit Fatjon Gjini për caktimin e datës së operacionit në bashkëpunim me Antimafian Italiane, Dumani dha një shpjegim më të detajuar të procedurave duke nxjerrë faktin se pas firmosjes Irena Gjoka e mbajti vendimin 5 ditë në sirtar: “Kërkesa për caktim të masës së sigurisë është përcaktuar në datën 19 mars të vitit 2025. Vendimi i gjykatës na është dorëzuar në datën 5 Maj të vitit 2025. Në datën 7 maj është bërë një takim koordinativ në zyrat e SPAK me përfaqësues të Antimafias së Barit dhe është vendosur data 21 bashkërisht…”

Dumani pretendon se vonesa për rastin “Troplini” ka qenë e pashmangshme për shkak të kompleksitetit të çështjes dhe përfshirjes së shumë shteteve, duke theksuar: “E para, numri i personave që përfshiheshin tek procedimi tjetër ishin 29 të shtrirë në të gjithë Evropën. Ne i kishim të gjithë këtu te kjo çështje, e shpjegoi pak edhe shkallën e vështirësisë z.Rizai. E dyta, do përfshiheshin jo vetëm autoritetet italiane, por siç u përfshinë edhe shumica e personave që gjendeshin jashtë, janë arrestuar edhe për shkak të angazhimit të Europol, Eurojust në vende ku gjendeshin shtetas shqiptarë të cilët kërkoheshin”.

Edhe këtu ka një manipulim. Argumentat bien ndesh me atë që u tha për operacionin e Finlandës, i cili sipas prokurorëve të çështjes, përfshinte edhe ai një rrjet ndërkombëtar të shpërndarë në Spanjë, Hollandë, Finlandë, madje me shtetas me origjinë nga Azia, Afrika dhe shumë vende të Evropës. Pra jo të gjithë personat që do arrestoheshin ishin në Shqipëri. Pavarësisht kësaj nuk u deshën as 24 orë për të kaluar nga gjykata në ekzekutim nga policia. Ndaj krahasimi thjesht e humb vlerën.

Në përpjekje për të mbuluar një dështim të madh, arratisjen e një krimineli me mbështetje politike si Elvis Doçi (Visi i Pojës), kreu i SPAK u përpoq të bindë se procedurat janë të ngjashme edhe në raste të tjera. Por sikurse ndodh shpesh me shfaqjet e dobëta, më shumë se sa të bindin publikun, ato ekspozojnë më qartë dështimin. Dumani, që erdhi në krye të SPAK si “Altin Amerikani”, sot gjendet përballë një ironie të hidhur: po e mbyll mandatin me thirrjet “Altin Troplini”./Lapsi.al

The post Teatri i Dumanit për të fshehur dështimin me Visin e Pojës appeared first on Lapsi.al.

Javën e kaluar, autoritetet italiane në bashkëpunim me SPAK, goditën një organizatë kriminale me bazë në Durrës dhe në Puglia, e cila trafikonte sasi të mëdha të kokainës dhe heroinës drejt Italisë dhe vendeve të tjera të Europës. Në krye të grupit dyshohet se qëndronte Xhevdet Troplini, i njohur si “Poja”, edhe pse ndaj tij […]

The post EMRI/ Arrestohet në Belgjikë një prej anëtarëve të bandës së “Visit të Pojës” appeared first on BoldNews.al.

Euronews Albania ka siguruar dosjen e plotë të operacionit “URA” ku jepet një panoramë më e qartë sesi funksiononte grupi kriminial dhe nënndarjet e tij. Në një rast u tentua të trafikohej kokainë nga Peruja në valixhet e trupave diplomatik ndërsa në Rotherdam u kap një sasi prej 2.2 tonësh drogë.

Zbardhen episodet e tjera në dosjen e plotë e SPAK për grupin e Durrësit të drejtuar nga Elvis Doçi i njohur si “Visi i Pojës” i cili i shpëtoi arrestimit gjatë operacionit “ura” në bashkëpunim me antimafien e Barit.

Në bisedat e zbardhura në SKY ECC rezulton se grupi u investua me veprime konkrete për të trafikuar drogë edhe me valixhet e disa personave me pasaportë diplomatike që në korrik të vitit 2020 ishin me shërbim në Lima, Nikaragua dhe Guatemalë.

Nga hetimet, por dhe fotot që shkëmbenin në chatin e enkriptuar rezulton se anëtarët e grupit kishin informacion  mbi numrat e kontenierëve, kompanitë që i transportonin, anijet ku ishin ngarkuar si dhe datat e nisjes dhe mbërritjes.

Në një rast janë paguar 500 mijë dollarë amerikanë për sigurimin e 500 kg kokainë në Guajakil të Ekuadorit që do të trafikoheshin në Evropë.

Paratë janë kaluar nëpërmjet sistemit informal të njohur “ Hawala”, që është një metodë e transferimit të parave pa lëvizur në të vërtetë të holla fizike.

Po ashtu janë zbardhur edhe episodet e dërgimit të parave me autobusë në Shqipëri, ku shumat varjojnë nga 42 mijë euro deri në 280 mijë euro në dhjetëra episode me një total prej 4 milion eurosh.

Elvis Doçi në bashkëpunim me persona të tjerë të paidentifikuar deri më tani, dyshohet nga SPAK edhe për trafikimin e një sasie prej 2.2 tonësh kokainë, sekuestruar në Rotherdam të Hollandës.

LEXONI GJITHASHTU:

• “URA”| Ish-efektivi Altin Morina kërkoi informacion nga Gledis Nano për trafikantët
• Grupi Troplini, vijon prej 4 orësh seanca për 14 të arrestuarit e operacionit “Ura”

The post Euronews siguron dosjen e plotë të operacionit “Ura”, si funksiononte grupi kriminal appeared first on Euronews Albania.

Ndërsa kreu i SPAK, Altin Duamni ka shpallur me të madhe në krah të kolegëve të tij të antimafias italiane shpartallimin e njërës prej bandave më të rëndësishme të narkortafikut në Shqipëri, përditë e më shumë po shtohen dyshimet se Prokuroria e Posaçme u tregua tolerante me grupin e Troplinëve. Akuza kryesore: se e shtyu goditjen  pasi ata të kryenin punë me zgjedhjet në zonën e Durrësit. Që gjatë fushatës Sali Berisha e akuzoi me emër këtë bandë se po intimodonte kandidatët e tij duke shqrbyer si krah i armatosur i Partisë Socialiste. Në një dalje publike, në emisionin “Të Paekspozuarit” gazetarja Klodiana Lala foli së paku për dy deputetë të këtyre narkotrafikantëve në listën e partisë në pushtetit në qytetin bregdetar. Ndërsa kolegu i saj Flamur Vezaj e tregoi me gisht njërin përej tyre. Arkend Balla, deputeti që u bë surpriza e këtyre zgjedhjeve kur nga një personazh anonim u bë më i votuari i qytetarëve durrsakë me 18700 vota personale u aludua se pati përfituar nga zemërgjerësia e Troplinëve. “Fushatë, mitingje, e mbledhje votash për Arkand Ballën. SPAK? Me sy nga qielli”, shkroi Vezaj në faqen e tij në Facebook. 

Çfarë tregon zbulimi i një grupi narkotrafikantësh për zgjedhjet e 11 majit

Ndonëse ky grup hetohej prej më shumë se pesë vitesh, ndonëse opozita e denoncoi pjesmarrjen e tij në zgjedhje, ndonëse edhe për gazetarët kjo qe një e “fshehtë publike”, ndonëse SPAK kishte një taskforcë që duhej të ndiqte krimin elektoral në këtë qytet, gjithçka mbeti e pazbuluar.

Dy ndere për Visin e Pojës/ Si u shpërblye trafikanti që ndihmoi PS në Durrës

Megjithëatë deri këtu jemi në rafshin e pandehmave dhe dyshimeve. Ajo që e bën më kompromentuese situatën është manipulimi i kalendarit të veprimeve nga ana e SPAK. Ashtu siç duket nga dosjet e bëra publike, hetimi, gjetja e provave për të bërë arrestimet është mbyllur në 21 shkurt të këtij viti. Pikërisht në këtë kohë gjykata italiane e Puglias ka marrë vendimet e arrestit për këtë grup duke dëshmuar ke tashmë krimi ishte vërtetuar. Po çfarë ka ndodhur? Prokurorëve shqiptarë të SPAK u është dashur gati një muaj që të merrnin veprime në territorrin e tyre. Vetëm në 19 Mars 2025, ata çuan në gjykatë kërkesën për caktimin e masave të sigurisë ndaj 29 të dyshuare të bandës së Troplinëve. A mbaron këtu? Natyrisht që jo. Gjyqtarja Irena Gjoka, tashmë e njohur për anësinë e saj, pikërisht ajo gjyqtare që ka firmosur masa arresti të kërkuara nga SPAK edhe brenda 24 orësh e mban dosjen të arkivuar për më shumë se një muaj. Ajo i firmos urdhër arrestet në 30 prill, vetëm pak ditë para zgjedhjeve.

SPAK-ut i bie sërish barra të vonohet dhe i kryen ato në 21 maj vetëm pasi PS kishte fituar në Durrës dhe vetëm pasi Arkend Balla kishte arritur shifrën marramendëse të votave vetjake. Ndonëse Altin Dumani u përbetua se se këto veprime nuk kishin lidhje me zgjedhjet, përkimet kalendarikë flasin për krejt të kundërtën.

Goditet grupi i Troplinëve/ I shpëton prangave “Visi i Pojës”

Por ka edhe më. Nga ky operacion arrestimesh të bujshme shpëtoi preja kryesore e tij, Elvis Doçi alias “Visi i Pojës”, njeriu të cilit Edi Rama i ka firmosur një leje hoteli 10 katësh në Durrës, për kush e di se çfarë shpërblimesh. Për të njëjtat shpërblime dyshimet janë se ai u njoftua “të arratisej”. Drejtori i përgjithshëm i policisë, Ilir Proda mohoi që ai të jetë njoftuar pasi policia nuk mund ta dekonspironte operacionin se u njoftua vetëm 24 orë përpara kryerjes së tij” tha ai. Por pavarësisht kësaj kalendari bën të ngrihen dyshime. Fakti që saga e vendimarrjes për arrestimet zgjati gati 3 muaj, duke u vërsjellë gjatë në korridoret e SPAK dhe GJKKO-së, a nuk e shton  mundësinë që një njeri i pasuruar me paratë e narkotrafikut dhe i mveshur me lidhje politike, të njoftohet për arrestimin që po përgatitet ndaj tij?

EUROJUST: Si u zbulua rrjeti i narkotrafikut me bazë në Durrës dhe Puglia

Fakti është se “Visi i Pojës” avulloi pa lënë gjurmë duke i shtuar dyshimet se operacioni u la qëllimisht të kryhej pas zgjedhjeve edhe faktin se protagonisti kryesor që i përdori eurot e drogës për të përcaktuar votën doli pa lagur nga kjo histori.

©Lapsi.al

The post Hije dyshimi për sjelljen e SPAK me grupin Troplini appeared first on Lapsi.al.

Një rrjet kriminal i trafikut të drogës është shkatërruar nga autoritetet shqiptare me ato italiane, duke goditur një prej grupeve më të fuqishme, sipas SPAK. Hetimet kanë dokumentuar mbi 40 episode të trafikut të lëndëve narkotike, me një vlerë të përllogaritur prej rreth 7 milionë euro. Përmes dekriptimit të komunikimeve në platformën SkyECC, është zbardhur […]

The post PËRGJIMET/ “O nëna ime”! Pritësi italian lumturohet për drogën që i dërgojnë shqiptarët appeared first on BoldNews.al.

Operacioni i fundit i përbashkët mes SPAK dhe autoriteteve italiane, i koduar “URA”, ka zbuluar lidhje të thella mes botës së krimit dhe sektorit të ndërtimit në Shqipëri. Një nga grupet kriminale të goditura në këtë aksion është ai i Elvis Doçit, i njohur ndryshe si “Visi i Pojës”, i cilësuar si drejtues i një […]

The post Nadir Çausholli ortak në hotelin 10-katësh “Rock of Kavaja” me Visin e Pojës appeared first on BoldNews.al.

Në operacionin e fundit të SPAK, “URA” dhe autoriteteve italiane, një prej grupeve të goditura është ai i drejtuar nga Elvis Doçi, i njohur si “Visi i Pojës”, i cili akuzohet si drejtues i grupit kriminal në Durrës. Ndaj tij është lëshuar fletëarrest si dhe i është sekuestruar edhe kompania “Port side”.

Por, nga verifikimi i bërë i aktiviteteve tregtare, ky nuk është i vetmi biznes që Doçi zotëron. Ai gjithashtu është pronar i kompanisë “Eldemar Construction”, e cila para një viti ka marrë leje ndërtimi për të ndërtuar një hotel 10 katësh në qytetin e Durrësit.

Siç mëson Albeu.com, kompania që zotëron hotelin quhet “Rock of Kavaja” Shpk me NIPT: M41922504K, ndërkohë që sipas regjistrit tê QKB, kompania “Eldemar Construction” nuk është pronari i vetëm i hotelit. Sipas dokumenteve zyrtare të QKB (shih foto më poshtë), kompania “CFO PHARMA” e Nadir Çaushollit, objekti i së cilës i shënjestër e një sulmi me armë zjarri me 19 Mars të këtij viti, është aksionere me 60% të aksioneve në këtë aktivitet, ndërkohë që kompania e Elvis Doçit posedon 40% të aksioneve.

Leja e dhënë për hotelin e përbashkët të Elvis Doçit dhe Nadir Çaushollit është firmosur nga Këshilli Kombëtar i Territorit e cila drejtohet nga kryeministri, Edi Rama, ndërkohë nga një kontroll i dokumentave publike të “Eldemar Construction” në pronësi të Ervis Doçit në QKB, shihet se edhe administratorët e kësaj kompanie janë emra që janë përfshirë në trafikun e lëndëve nakotike dhe të arrestuar nga autoritetet italiane.

Në 2010-ën, Doçi ka caktuar si përfaqësues të “Eldemar Construction”, Denis Tafilin. Ndërsa në vitin 2024, si administrator të kompanisë ka emëruar Gëzim Hasën. Të dy këta persona në vitin 2016 kanë qenë të arrestuar nga autoritetet në Itali për përpunim dhe shitjet të heroinës.

Gëzim Hasa që ishte drejtues i këtij grupi dhe Denis Tafili kanë qenë ish-policë në Tiranë.

Ky është një rast i pastër se si një pronar kompanie i lidhur me trafikun e drogës, përfiton leje ndërtimi nga qeveria.

Ervis Doçi, një emër i njohur i botës së krimit, më herët ka qenë dënuar për trafik droge. “Visi i Pojës” është një personazh i njohur për drejtësinë shqiptare, pasi një vit më parë në banesën e tij u zhvilluan kontrolle dhe iu sekuestruan 3 mln euro cash ndërkohë që SPAK lëshoi dhe një urdhër-arrest.

Gjatë operacioni “Ura”, nën sekuestro është vendosur shoqëria “Marquez” e Ervin Zeqirit, “Felix Vinum” e Adi Çobës, “Majestic Konstruksion” e Juxhin Drazhit, “Portside” e Elvis Doçit, i njohur si (Visi Pojës), “Dubai Inn” e Nexhmedin Danajt, “Vlora Cable” po ashtu e Nexhmedin Danajt, si dhe një kompani tregtare për shitblerje makinash në pronësi të Olgert Shqevit.

Operacioni “Ura” parashikon ekzekutimin e vendimeve për sekuestrimin e pasurive në Shqipëri dhe në Itali, që përfshijnë pasuri të luajtshme dhe të paluajtshme, me një vlerë prej disa miliona eurosh, si dhe urdhra për arrest me burg, të lëshuara nga gjyqtari hetues i Barit dhe nga Gjykata e Posaçme kundër Korrupsionit dhe Krimit të Organizuar në Tiranë, ndaj 52 personave të dyshuar për përfshirje në trafik ndërkombëtar të sasive të mëdha të lëndëve narkotike, pastrim parash dhe shpërdorim detyre. /albeu.com/

The post Në kërkim nga SPAK, kompania e Elvis Doçit mori leje nga KKT për ndërtimin e një hoteli në ortakëri me kompaninë e Nadir Çaushollit appeared first on Albeu.com.

Gazetarja Klodiana Lala, e ftuar në emisionin “Të Paekspozuarit”, ka dhënë detaje për disa nga personazhet kyç të trafikut të drogës, të idenfitikuar nga hetimet e SPAK dhe antimafias italiane në operacionin “Ura”. Njëri prej personazheve është Adi Çoba, për të cilin Lala tha se dyshohet si personi që shpërndante sasi të mëdha të narkotikëve dhe […]

The post Lala: Adi Çoba furnizohej nga Visi i Pojës dhe shpërndante sasi të mëdha kokaine në Itali appeared first on BoldNews.al.

Goditja nga antimafia italiane e atij që u konsiderua si një nga grupet më të rrezikshme të narkortafikut në vend, më shumë sesa një lajm kronike është një tjetër njollë politike në kurmin e përlyer të këtij pushteti.

Ky aksion më shumë se për të na faktuar se si vinte kokaina nga Amerika Latine, se si mbërrinte në portin e Durrësit, se si rishpërndahej prej aty në Itali e në mbarë Evropën dhe se si, pastaj, paratë e përfituara përfundonin të pastroheshin në Shqipëri, tregon tjetër gjë. Ajo nuk është thjeshtë një radiografi e organizatës kriminale të Troplinëve, por një dëshmi se si funksionon qeverisja e viteve të fundit dhe se si ia mbërrin ajo të konfirmohet pas çdo sfide elektorale.

Le ti marrim konkretisht me shembuj…

Lideri i PD, Sali Berisha disa herë para 11 majit e denoncoi këtë bandë se po intimidonte kandidatët e PD dhe po bëntë hapur fushatë për PS-në. Reporterë të shumtë kanë pohuar se së paku dy nga anëtarët e listës së socialistëve për Durrësin janë njerëz direkt të saj. Por edhe sikur këto deklarata ti marrim me dyshim, faktet sërish janë kokëforta.

Goditet grupi i Troplinëve/ I shpëton prangave “Visi i Pojës”

Në dosjen e prokurorëve të antimafias italiane dhe në pohimet e përmbaruesve të tyre shqiptarë del e qartë se një nga krerët e kësaj organizate ishte shpërblyer drejtpërdrejt nga Edi Rama me një leje ndërtimi. Elvis Doçi, i njohur si “Visi i Pojës”, nipi i Xhevdet Troplinit, me kompaninë “Eldemar Construction”, tërësisht në pronësi të tij, ka fituar në Prill 2024, të drejtën për të ngritur një hotel dhjetë katësh në qytetin e Durrësit. Këtu çështja nuk është thjeshtë kush firmosi dhe cili përfitoi. Pyetjet shkojnë përtej: si po zhvillohet industria jonë e turizmit? Kush po investon në të? Dhe mbi të gjitha me çfarë parash? Pikërisht këtu vijmë tek një pikë tjetër. Sa herë që përballen me akuzat për pastrimin e parave të zeza në sektorin e ndërtimit në Shqipëri, pjestarët e qeverisë bëjnë të paditurin apo justifikohen se ato janë fryt i kursimeve të emigrantëve shqiptarë, se mungesa e kredidhënies argumentohet me blerjen që në gropë, e broçkulla të tjera.

Dosja italiane na dëshmon me detaje, video dhe foto se si mbërijnë në Shqipëri, në mënyrë klandestine përmes autobuzësh, paratë e drogës së shitur në Itali. Janë pikërisht këto para – që mbajnë të ulët kursin e euros – që shërbejnë si injeksione për ekonominë dhe që një herë në katër vite përcaktojnë edhe zgjedhjet.

Dhe ky nuk është një rast i izoluar. A nuk përfundoi në pranga deputeti deputeti socialist Jurgis Çyrbja i cili doli nga përgjimet e SKY se ishte njeriu i vendosur në listë nga bandat dhe madje spiuni për llogari të tyre në parlament? 

Po kur u bë publike një pjesë e dosjes së grupit të Suel Çelës, në fund të vitit që shkoi, a nuk doli aty emri i një biznesmeni, Marsel Shega që e furnizonte organizatën me paratë e tenderave publikë, që merrte prej pushtetarëve socialistë. A nuk kishin arritur dy vëllezërit e arrestuar të kësaj bande të gradonin motrën e tyre Adelajda Roka drejt e në paradhomën e Edi Ramës, pikërisht si drejtoreshë të Agjensisë së Zhvillimit të Territorit, ku vendoset për lejet e ndërtimit? 

Dumani nga SPAK: Është goditur një prej grupeve kriminale më të fuqishme në Shqipëri    

Nuk është rastësi që edhe Troplinët edhe Çyrbja edhe banda e Suel Çelës, për të mos përmendur shumë raste të tjera, janë të gjithë të akuzuar nga opozita si manipulatorë të zgjedhjeve. As naiviteti ekstrem i idiotëve të dobishëm, që nuk duan ti shohnin të lidhura këto fakte, nuk mjafton për të mbuluar katërkëndëshin e përbërë nga hajdutë të votës, para të zeza, banda kriminale dhe favoreve me punë publike apo leje ndërtimi që u dhurojnë atyre rilindasit. Kjo është baza reale e pushtetit në Shqipëri.

Të papërfshira me të nuk ka si si të shihen as disa pikpyetje që janë ngritur në orët e fundit: Pse kur gjykata italiane i firmosi arrestimet që në shkurt, ato u ekzekutuan vetëm tani? Mos vallë dhe Troplinët njësoj si Bajrat në zgjedhjet lokale, u lanë të lirë për të mbaruar punë me votën? Po “Visi i Pojës” si arriti të ikë në drejtim të paditur, ndoshta dikush i ktheu nderin e asaj që bëri në fushatë? Po Task forca qesharake e SPAK-ut që prezumohej ti kishte prej muajsh nën vëzhgim, nuk pa asgjë nga ato që po ndodhnin në Durrës, pavarëshit denoncimeve të atyre që bërtisnin: “Po na vjedhin”? 

Pas dosjes që lexuam këto pyetje mbeten në ajër, ndonëse gjithmonë do të gjenden nga ata që “në mirëbesim” do të betohen se kjo nuk ka të bëjë me 11 majin.     

©Lapsi.al

The post Çfarë tregon zbulimi i një grupi narkotrafikantësh për zgjedhjet e 11 majit appeared first on Lapsi.al.

Një megaoperacion ndërkombëtar goditi sot një nga grupet më të fuqishëm në trafikun e drogës, ku u lëshuan 52 masa arresti, të cilët akuzohen si të dyshuar për përfshirje në trafik ndërkombëtar të sasive të mëdha të lëndëve narkotike, pastrim parash dhe shpërdorim detyre. Në qendër të hetimit nga autoritetet italiane janë 28 persona të […]

The post FOTO/ Arriti tu shpëtonte prangave të policisë, ja kush është ‘Visi i Pojës’ appeared first on BoldNews.al.

Prokuroria e Posaçme (SPAK) ka dalë me një komunikatl zyrtare për mediat në lidhje me operacionin e përbashkët me Antimafian italiane, ku u godit një grup kriminal me veprimtari në trafikun ndërkombëtar të lëndëve narkotike me bazë në Durrës. Krerët e grupit kriminal dyshohet se janë Elvis Doçi, i njohur ndryshe si “Visi i Pojës”, […]

The post Goditja e grupit të “Pojës”/ SPAK: Janë 3 organizata, 40 episode trafiku droge të dokumentuar appeared first on BoldNews.al.

Në kuadër të operacionit të koduar “Ura”, Antimafia italiane në bashkëpunim me SPAK, goditi një grup kriminal të trafikut ndërkombëtar të kokainës dhe heroinës me bazë në Durrës, teksa në total u lëshuan 51 masa sigurie, ku janë ekzekutuar 40 pprej tyre. Dyshohet se në krye të grupit kriminal qëndronte Xhevdet Troplini, i njohur si […]

The post Kreu i një grupi kriminal droge, “Visi i Pojës” mori leje nga Rama për ndërtimin e një hoteli appeared first on BoldNews.al.

Në dosjen hetimore të megaoperacionit ‘Ura’, i ndërmarrë nga SPAK dhe Antimafia italine, në ndihmë të prokurorëve italianë dhe shqiptarë kanë ardhur edhe dëshmitë e Nuredin Dumanit, i kthyer tashmë në të penduarin e drejtësisë.

Në dosjen që ABC News disponon thuhet se gjatë marrjes në pyetje të 18 janarit 2024, nga Ekipi i Përbashkët Hetimor, në zyrat e Prokurorisë Speciale Kundër Korrupsionit dhe Krimi i Organizuar (SPAK), Nuredin Dumenai, anëtar i një grupi kriminal shqiptar, për trafikimin e drogës thotë se një grup shumë i madh është ai i Xhevdet Troplinit. ‘Nga viti 2010 deri në vitin 2013 ata ishin më të fuqishmit’ thotë Dumani

Grupi Xhevdet Troplinit në vitet e fundit është bërë grupi më i madh, të paktën në qytetin e Durresit, dhe përgjegjës për disa vrasje të kryera në Shqipëri

“Për Prokurorët Publikë të D.D.A.-së të Barit dhe autoritetet gjyqësore shqiptare, ka ofruar elementet e dobishme për identifikimin e Elvis Docit trafikantit shqiptar të drogës të njohur si “Visi i Pojës”, si nipi i Xhevdet Troplinit, i quajtur “Poja” (djali i motrës së këtij të fundit ).”- thuhet ndër të tjera në dosje, ku theksohet se Dumani ka identifikuar përmes fotove të vëna në dispozicion anëtarët e këtij grupi kriminal.

Dumani është shpehur ndër të tjera se Elvis Docin e njeh prej shumë vitesh, thjesht si Visi di Poja”, në sajë të për marrëdhënies së e ngushtë të bashkëpunimit kriminal ka patur në të kaluarën me Fatmir Troplinin, I njohur si Miri, djali i Xhevdet Troplinit i njohur si ‘Poja’

Për grupin e hetimit Nuredin Dumani tha se Elvis Doci , i njohur si “Visi i Pojës”, trafikonte drogë që nga viti 2013, vetë Doci ka filluar trafikojnë sasi të konsiderueshme kokaine (“ton”), në vend të heroinës.

The post Dosja hetimore/ Në skenë del edhe Nuredin Dumani identifikoi ‘Visin e Pojës’, çfarë tha për grupin e Xhevdet Troplinit appeared first on Sot News | Lajme.

Nga aksioni i SPAK për goditjen e një bande kriminale të trafikut të lëndëva narkotike u lëshuan 52 masa sigurie në total, por vetëm 40 prej tyre u ekzekutuan, teksa një prej emrave më të rëndësishëm të bandës, Elvis Doçi, i njohur si “Visi i Pojës” arriti të arratiset. I pyetur nëse ka pasur dekonspirim […]

The post A u dekonspirua aksioni i SPAK? Proda: U përfshimë vetëm dje, nuk kemi mbikëqyrur asnjë anëtar appeared first on BoldNews.al.

Një operacion i gjerë ndërkombëtar kundër një rrjeti të strukturuar kriminal të trafikut të drogës është zhvilluar të mërkurën nga autoritetet italiane në Bari, në bashkëpunim  me SPAK dhe policinë Shqiptare. Në vendin tonë është goditur, një prej grupeve kriminale më të fuqishëm në Shqipëri që merret me trafikimin e kokainës dhe të heroinës.

Në total janë lëshuar 52 masa sigurie ndërsa nga këto masa janë mundur të ekzekutohen 40 masa të arrestit me burg. Mes personave në kërkim është edhe Elvis Doci i njohur me nofkën Visi i Pojës, nip i Xhevdet Troplinit të cilit me parë iu sekuestruan 3 milionë euro.

ABC News ka siguruar emrat e shtetasve shqiptarë të përfshirë në këtë grup kriminal:

Gerti Aliu

Adi Coba

Ervis Deti

Agron Ganaj

Nuredin Kiptiu

Arsen Leskaj

Erigels Presi

Leonard Shakaj

Zeni Shtraza

Genci Telollari

Redi Tusha

Elvis Doci ( Visi i Pojës)

Ekil Nderjaku

Indrit Tafili