Presidenti turk Recep Tayyip Erdogan riafirmoi mbështetjen e vendit të tij për një zgjidhje me dy shtete në Qipro, duke i kërkuar bashkësisë ndërkombëtare të pranojë ndarjen ekzistuese të ishullit mesdhetar.

Qiproja është e ndarë që nga viti 1974, kur një pushtim turk pasoi një grusht shteti në Nikozia të mbështetur nga junta ushtarake e atëhershme e Greqisë.

Bëhet e ditur se Republika Turke e Qipros Veriore, e shpallur në vitin 1983, njihet vetëm nga Ankaraja.

“Ne e mbështesim plotësisht vizionin e bazuar në një zgjidhje me dy shtete”, tha Erdogan gjatë një vizite në Qipron veriore që shënoi 51 vjetorin e pushtimit të ishullit nga trupat turke.

“Është koha që bashkësia ndërkombëtare të bëjë paqe me realitetet në terren”, shtoi ai.

Vizita e udhëheqësit turk vjen pak ditë pasi Sekretari i Përgjithshëm i OKB-së, Antonio Guterres, tha se takimet midis udhëheqësve rivalë të Qipros në selinë e organizatës në New York ishin “konstruktive”, edhe pse mbetën pyetje në lidhje me pikat e kalimit në ishull. /Telegrafi/

The post Erdogan: Bota duhet ta pranojë realitetin e dy shteteve në Qipro appeared first on Telegrafi.

Nga sot deri të premten, Greqia pritet të përjetojë një valë të nxehti përvëlues, me temperatura që kalojnë 40 gradë Celsius dhe në disa vende që mund të arrijnë deri në 43-44 gradë Celsius.

Në deklaratat për agjencinë greke të lajmeve, ANA, drejtori i kërkimeve të Observatorit Kombëtar të Athinës (NOA), Kostas Lagouvardos shpjegoi se vala fillestare e temperaturave të larta filloi javën e kaluar, me temperatura që arritën në 37 gradë Celsius dhe se faza e dytë, më intensive, do të zgjasë afërsisht gjashtë ditë para një ftohjeje graduale në disa pjesë të Greqisë, të shtunën e ardhshme.

Sipas Lagouvardos, temperaturat më të larta do të jenë të martën, të mërkurën dhe të enjten dhe madje mund të shtrihen deri të premten, megjithëse temperaturat maksimale do të varen edhe nga modalitetet e erës.

“Sipas të dhënave të parashikimit, duke parë karakteristikat e temperaturës së masave të ajrit të nxehtë që presim, në disa zona mund të jemi afër një moti ekstrem”, vuri në dukje ai.

Temperaturat më të larta priten në Thesali, pjesë të Maqedonisë Qendrore dhe Trakisë, si dhe disa pjesë të Peloponezit, Greqisë Qendrore lindore, përfshirë Atikën. Një sfidë shtesë do të jenë temperaturat vazhdimisht të larta gjatë natës, të cilat do të rrisin stresin nga nxehtësia.

Lagouvardos theksoi se temperaturat gjatë javës së kaluar mbetën rreth 30°C deri në orët e para të mëngjesit në disa zona të Atikës, veçanërisht në rrethet qendrore dhe jugore.

Meteorologu i NOA-s, Stravros Dafis konfirmoi se temperaturat pritet të kalojnë 40°C dhe të jenë afër 35°C edhe në lartësi deri në 800 metra mbi nivelin e detit dhe të rriten deri në 25-26°C edhe në lartësi më të mëdha se 1 500 metra në javën e ardhshme.

Sipas profesoreshës, Klea Katsougianni të Universitetit Kombëtar dhe Kapodistrian të Athinës dhe profesoreshës së Shëndetit Publik në Imperial College London, temperaturat e larta mund të çojnë në shkallë më të lartë të vdekshmërisë.

“Nëse nuk marrim masa për të përmirësuar dhe përshtatur ndryshimet klimatike, do të kemi pasoja shumë serioze në shëndet”, vuri në dukje ajo.

Duke cituar një studim të botuar në “Nature Medicine”, ajo tha se Athina ishte një nga 10 qytetet evropiane në rrezik të një rritjeje të lartë të numrit të vdekjeve për shkak të rritjes së temperaturave deri në fund të shekullit, nëse nuk merren masa për të përmbajtur ndryshimet klimatike.

Të dhënat e reja tregojnë se Italia është konsumatore më e madhe e kondicionerëve në Bashkimin Evropian, e ndjekur nga Greqia, Franca dhe Spanja.

Ndërsa Evropa përballet me një tjetër valë të nxehtit, kondicionerët mbeten një shoqërues i domosdoshëm në vendet më të prekura, me gjithnjë e më shumë njerëz që e konsiderojnë atë një nevojë dhe jo luks.

Italia, më shumë se çdo vend tjetër evropian, nuk mund të bëjë pa të, raporton euronews.

Vetëm ky shtet shfrytëzon mbi një të tretën e gjithë energjisë elektrike të përdorur për kondicionim të ajrit të të 27 shteteve anëtare të Bashkimit Evropian, sipas Eurostat, duke arritur në afërsisht 23 mijë teraxhul nga një total prej pak më shumë se 60 mijë teraxhulësh.

Kjo ndodh pavarësisht çmimeve të larta të energjisë elektrike në Evropë, transmeton Telegrafi.

Ndërkohë, Kosova renditet në pozitën e 12-të në listën e vendeve me konsum më të lartë të energjisë për ftohjen e hapësirave. Sipas të dhënave më të fundit, vendi ynë shpenzon rreth 1208.42 teraxhul energji për këtë qëllim, ndërsa Shqipëria zë vendin e shtatë me 1931.35 teraxhul.

Pse italianët janë të dhënë pas kondicionerëve?

Në vitet e fundit, vendi është goditur nga valë të ashpra të nxehtësisë, me temperatura që arrijnë deri në 48 gradë Celsius në rajone si Sicilia ose Sardinia.

Për më tepër, Italia ka popullsinë më të vjetër në Evropë, duke e bërë banorët shumë të ndjeshëm ndaj nxehtësisë ekstreme.

Greqia tregon një histori të ngjashme. Pavarësisht madhësisë së saj më të vogël, ajo renditet e dyta për shfrytëzimin e kondicionerëve në BE. Konsumon pak më shumë se 8000 teraxhul për këtë qëllim, e ndjekur nga Franca, Spanja dhe Gjermania.

Megjithatë, kondicionimi i ajrit përbën vetëm një pjesë të vogël të konsumit të energjisë elektrike në shtëpi në BE, duke zënë vetëm 0.6 për qind.

Pjesa më e madhe (62.5 për qind) i dedikohet ngrohjes së dhomave, e ndjekur nga ngrohja e ujit me 15 për qind dhe ndriçimi me 14.5 për qind.

Cilat vende evropiane regjistruan temperaturat më të larta në vitin 2025?

Këtë verë, Evropa dhe vendet fqinje kanë përjetuar tashmë temperatura të larta.

Ballkani Perëndimor po përballet me thatësirë të rënda, ndërsa zjarret e mëdha shkaktuan evakuimin e mijëra turistëve në Greqi dhe lanë të vdekur të paktën dy persona në Turqi.

Përballë shqetësimeve në rritje për ndryshimet klimatike, në fillim të muajit korrik, Ankara miratoi një ligj historik për klimën që synon emetime neto-zero deri në vitin 2053.

As Evropa Perëndimore nuk shpëtoi.

Portugalia ka raportuar temperaturën më të lartë në kontinent deri tani: 46.6 gradë Celsius u matën në Mora, 100 km larg Lisbonës.

Spanja fqinje u godit nga zjarret, të cilat lanë të vdekur dy persona dhe shkatërruan provincën verilindore të Tarragonas, ku rreth 18 mijë banorë u vendosën në izolim për arsye sigurie.

Spanja raportoi temperaturën e dytë më të lartë në Evropë në verën e vitit 2025. Temperatura prej 46 gradë Celsius u regjistrua në El Granado, pranë kufirit jugor me Portugalinë.

Greqia kontinentale renditet e treta me 43.2 gradë Celsius në Skala, një qytet në rajonin jugor të Peloponezit.

Valë e fundit e nxehtësisë besohet të ketë shkaktuar afro 300 vdekje shtesë.

A po bëhen evropianët më të kujdesshëm ndaj energjisë?

Lajmi i mirë është se evropianët po përdorin më pak energji në shtëpi.

Pas një kulmi rekord prej 11 milion teraxhulësh në vitin 2021, konsumi i energjisë ka rënë në 9.6 milionë, sipas të dhënave më të fundit të Eurostatit, ku familjet përbëjnë 26.2 për qind të konsumit final të energjisë.

Shumica e kësaj energjie mbulohet nga gazi natyror (29.5 për qind) dhe elektriciteti (25.9 për qind). /Telegrafi/

The post Kondicionerët në Evropë – Italia është shfrytëzuesi më i madh, por ku qëndron Kosova? appeared first on Telegrafi.

Gjatë tre viteve të fundit, të paktën 11 vende të Bashkimit Evropian kanë shënuar një rritje të niveleve të varfërisë.

Gratë dhe të rinjtë janë më të rrezikuar të përballen me varfëri ose përjashtim social, raporton euronews.

Më shumë se një në pesë persona në Bashkimin Evropian ishte në rrezik nga varfëria ose përjashtimi social në vitin 2024, sipas shifrave më të fundit të Eurostat.

Pavarësisht një uljeje të vogël prej 0.4 për qind krahasuar me vitin 2023, ekspertët thonë se ky përmirësim nuk mund të konsiderohet i qëndrueshëm, transmeton Telegrafi.

“Nuk mund të festojmë një ulje të vogël prej 0.4 për qind të numrit të njerëzve në rrezik varfërie ose përjashtimi social, kur ajo që shohim janë më shumë njerëz që jetojnë në rrugë, radhë më të gjata për ushqim dhe një nevojë në rritje për ndihma sociale”, njoftoi Rrjeti Evropian Kundër Varfërisë (EAPN) në një deklaratë.

Bullgaria (30.3 për qind), Rumania (27.9 për qind) dhe Greqia (26.9 për qind) raportuan përqindjet më të larta të njerëzve në rrezik varfërie ose përjashtimi social.

Franca gjithashtu ka regjistruar shifra shqetësuese, me shkallën e varfërisë që ka arritur nivelin më të lartë që nga viti 1996.

Ajo u rrit nga 14.4 për qind në vitin 2022 në 15.4 për qind në vitin 2023, sipas Institutit Kombëtar të Statistikave dhe Studimeve Ekonomike të Francës (INSEE).

Kjo rritje prek më shumë familjet me një prind dhe fëmijët, ndërsa pensionistët u prekën më pak.

Në nivel të BE-së, më shumë se një në pesë persona që jetojnë në familje me fëmijë në varësi të tyre ishin në një rrezik pak më të lartë nga varfëria ose përjashtimi social se ata me fëmijë të pavarur.

30.8 për qind e bullgarëve që jetojnë në familje me fëmijë në varësi të tyre janë në rrezik nga varfëria ose përjashtimi social.

Pas tyre janë 30.4 për qind e rumunëve dhe 30.2 për qind e spanjollëve.

Në kontrast, normat më të ulëta janë regjistruar në Holandë me 13 për qind, në Qipro me 12.7 për qind dhe në Slloveni me 9.8 për qind.

Ndërkohë, 32.3 për qind e letonezëve që jetojnë në familje me fëmijë të pavarur ishin gjithashtu në rrezik. Pas tyre janë 29.9 për qind e estonezëve dhe 29.8 për qind e bullgarëve.

Në Itali, kushtet e jetesës ndryshojnë në varësi të kombësisë. Në vitin 2023, 30.4 për qind e familjeve me të paktën një shtetas të huaj ishin në rrezik varfërie, ndërsa kjo përqindje ishte shumë më e ulët, vetëm 6.3 për qind, për familjet tërësisht të përbëra nga italianë.

Gratë, të rinjtë e moshës 18 deri në 24 vjeç, personat me nivel të ulët arsimor dhe të papunët ishin gjithashtu, mesatarisht, më të rrezikuar nga varfëria ose përjashtimi social në vitin 2024, krahasuar me grupet e tjera të popullsisë në BE.

Për shembull, në Qipro, 18.5 për qind e grave ishin në rrezik nga varfëria ose përjashtimi social, kundrejt 15.6 për qind të burrave.

“Këto shifra pasqyrojnë mënyrën se si pabarazitë sistemike ndikojnë te njerëzit në etapa kyçe të jetës: gratë shpesh mbajnë barrën e kujdesit të papaguar, ndërsa të rinjtë përballen me vështirësi për të gjetur punë dhe strehim të qëndrueshëm”, thuhet në deklaratën e EAPN. /Telegrafi/

The post Varfëria në Bashkimin Evropian – cilat vende po përballen me krizën më të madhe? appeared first on Telegrafi.

Greqia po përballet me një nga valët më të forta të të nxehti, me temperatura që pritet të arrijnë deri në 43°C gjatë ditëve në vijim.

Zonat më të prekura janë Athina, Thesalia, Larisa dhe pjesë të tjera të brendshme të vendit.

Autoritetet kanë marrë masa të menjëhershme si mbylljen e Akropoli gjatë orëve të pikut (13:00–17:00) ndërsa në qyteta janë hapur qendra freskuese për qytetarët.

Shëndetësia u bën thirrje qytetarëve të shmangin ekspozimin në diell, të konsumojnë shumë ujë dhe të mbajnë veshje të lehta. Vala e të nxehtit ka përfshirë edhe vende të tjera të rajonit, përfshirë Italinë, Shqipërinë dhe Turqinë.

The post Greqia nën pushtetin e të nxehtit, përgatitet për temperatura që shkojnë deri në 43°C appeared first on Albeu.com.

Andreas zgjohet çdo mëngjes në orën 6 për të hapur kafenenë e tij të vogël në një qytet provincial afër Athinës, prej nga ai vjen. Normalisht, në këtë periudhë të vitit, ai do të ishte zhvendosur tashmë në ishullin grek të Mikonosit për sezonin turistik, por këtë vit, pas dhjetë sezonesh verore radhazi duke punuar […]

The post Greqia kërkon punëtorë jashtë BE-së pasi vendasit shmangin sektorin e turizmit appeared first on Reporter.al.

Tre shtetas shqiptarë të shpallur në kërkim ndërkombëtar janë ekstraduar ditën e sotme Greqia, Belgjika dhe Serbia. Autoritetet policore raportojnë se dy prej tyre rezultojnë të dënuar për pastrim parash dhe për drogë, ndërkohë, që një tjetër akuzohet për trafikimin e një automjeti. Më konkretisht janë ekstraduar shtetasit: Mikel Hoxha alias M. P., i kapur […]

The post EMRAT/ Të dënuar për drogë e pastrim parash, ekstradohen nga Greqia, Belgjika e Serbia 3 persona appeared first on BoldNews.al.

The post Tërmeti i fortë ‘shkund’ këtë vend, ja sa ishte magnituda appeared first on Sot News | Lajme.

Greqia ka njoftuar pezullimin e shqyrtimit të kërkesave për azil, fillimisht për tre muaj, për ata migrantë që mbërrijnë në Greqi nga Afrika e Veriut me anije.

Kjo u bë me dije nga kryeministri grek Kyriakos Mitsotakis. Mitsotakis shtoi se situata emergjente në Kretë, ku zbarkimet janë rritur, “kërkon masa të jashtëzakonshme”. Në fjalën e tij para ligjvënësve grekë, Mitsotakis tha se ka informuar Komisionin Evropian për vendimin.

“Po pezullojmë për tre muaj përpunimin e kërkesave për azil për ata që mbërrijnë në Greqi nga Afrika e Veriut me anije”, deklaroi Mitsotakis.

Mitsotakis njoftoi gjithashtu ndërtimin e një qendre pritjeje të mbyllur dhe të përhershme në ishullin e Kretës për të menaxhuar fenomenin e migracionit në nivel lokal, sipas Protothema.

“Diskutimet tona me Libinë, si me qeverinë e njohur ndërkombëtarisht të Libisë perëndimore ashtu edhe me atë të Libisë lindore, vazhdojnë”, shtoi kryeministri, duke shpjeguar se “forcat e armatosura greke janë të gatshme të bashkëpunojnë me autoritetet libiane për të parandaluar largimin e anijeve nga brigjet” e vendit të Afrikës së Veriut.

The post Vendimi i fortë i Greqisë/ Mitsotakis ‘mbyll dyert’ për azilkërkuesit: Kushdo që hyn ilegalisht do arrestohet appeared first on Sot News | Lajme.

Moti i nxehtë i zgjatur po ndryshon qytetet e Evropës, ndërsa temperaturat mbi 32 gradë Celsius zgjaten deri në vjeshtë.

Ndërsa temperaturat globale vazhdojnë të rriten, qytetet evropiane përjetojnë nxehtësi ekstreme për shumë më gjatë sesa muajt tradicionalë të verës.

Disa qytete në Evropë tani përballen me temperatura të larta deri në pesë muaj në vit, sipas një studimi të ri nga organizata “Climate Resilience for All”.

Lexo po ashtu Si ndikon ndryshimi i klimës në valët e nxehtësisë?

Analiza, e udhëhequr nga ekipi meteorologjik i kësaj OJQ-je, shqyrtoi të dhënat e temperaturave nga viti 2019 deri në 2023 në 85 qytete në mbarë botën, raporton euronews.

Ajo u përqendrua në ditët e para dhe të fundit kur secili qytet arriti temperaturën 32 gradë Celsius, një kufi për nxehtësi ekstreme që paraqet rreziqe serioze për shëndetin dhe mjedisin.

Ata zbuluan se të ashtu-quajturat ‘sezone të nxehtësisë’ nuk kufizohen më vetëm në muajt e njohur të verës dhe tani zgjasin shumë më gjatë.

Në mesatare, ekipi i udhëhequr nga shkencëtari i klimës Dr. Larry Kalkstein, thotë se sezonet e nxehtësisë zgjasin mesatarisht 214 ditë në qytetet që kanë studiuar. Ditë shumë të nxehta kanë ndodhur në çdo periudhë të vitit në 20 nga 85 qytetet e studiuara.

Ku po zgjat më gjatë sezoni i nxehtësisë në Evropë?

Në Evropë, sezonet e nxehtësisë tani zgjasin shumë më tepër se sa dikur konsideroheshin muajt e verës.

Studimi thotë se Athina në Greqi përballet tani me një nga sezonet më të gjata të nxehtësisë në kontinent, me temperatura të larta që zgjasin rreth 145 ditë, nga mesi i majit deri në fillim të tetorit.

Tirana, kryeqyteti i Shqipërisë, renditet në vend të dytë në listën e “Climate Resilience for All” me 143 ditë nxehtësi ekstreme.

Lexo po ashtu Një shenjë pak e njohur e goditjes nga nxehtësia që nuk duhet ta injoroni kurrë pasi mund të jetë vdekjeprurëse

Në Portugali, sezoni i nxehtësisë në Lisbonë zgjat rreth 136 ditë, nga vonë pranvera deri në fillim të vjeshtës. Madridi në Spanjë përjeton një sezon nxehtësie prej 119 ditësh, që shtrihet nga fundi i majit deri në mes të shtatorit.

Zyrtarët në Paris po përgatiten për një ngrohje prej 4 gradë Celsius, por kryeqyteti francez tashmë sheh gati tre muaj nxehtësi ekstreme, me temperatura mbi 32 gradë Celsius nga mesi i qershorit deri në mes të shtatorit.

Munichu dhe Varshava kanë sezone më të shkurtra por përsëri të rëndësishme të nxehtësisë, që zgjasin rreth një deri në dy muaj.

Pse janë problem sezonet më të gjata të nxehtësisë?

Hulumtimet e mëparshme kanë gjetur se ndryshimi i klimës i shkaktuar nga njeriu shtoi mesatarisht 30 ditë nxehtësi ekstreme për rreth gjysmën e popullsisë së botës vitin e kaluar.

Kjo do të thotë katër miliardë njerëz të ekspozuar ndaj temperaturave të zgjatura dhe të rrezikshme.

Studimi i bërë nga World Weather Attribution, Climate Central dhe Red Cross Climate Centre shqyrtoi periudhën nga maji 2024 deri në maj 2025.

Ai gjeti se ndryshimi i klimës të paktën dyfishoi numrin e ditëve të klasifikuara si “nxehtësi ekstreme” në 195 nga 247 vendet dhe territoret që analizuan, krahasuar me mesataren e mëparshme.

Lexo po ashtu Paralajmërimi i frikshëm: Rreth 4,500 njerëz mund të vdesin në tri ditët e ardhshme nga vala e të nxehtit në Evropë

Evropa është një nga rajonet që tashmë po përjeton pasojat më të dukshme dhe vdekjeprurëse të ngrohjes globale.

Periudhat e zgjatura të nxehtësisë tregojnë se si klima e kontinentit po ndryshon dhe shqetësimet për shëndetin dhe infrastrukturën që vijnë me këtë ndryshim.

“Kjo analizë e bën të qartë: nuk mund ta trajtojmë më nxehtësinë thjesht si një pjesë normale të verës”, thotë Kathy Baughman McLeod, CEO e Climate Resilience for All dhe shtoi se “‘sezoni i verës’ që shumë prej nesh njohën dikur, ka ikur.”

Pse qytetet janë kaq të nxehta?

Studimi thekson efektin e ishullit urban të nxehtësisë, ku qytetet bëhen më të nxehta se zonat rurale përreth për shkak të infrastrukturës së dendur dhe hapësirave të kufizuara të gjelbra, si një faktor kryesor që përkeqëson stresin nga nxehtësia në qendrat urbane të Evropës.

“Qytetet që nuk janë projektuar kurrë për nxehtësinë tani përballen me goditje dhe strese të reja nga nxehtësia”, shpjegon Baughman McLeod.

Me sezonet e nxehtësisë që zgjaten shumë përtej muajve të njohur të verës, qeveritë dhe planifikuesit e qyteteve përballen me një sfidë të rëndësishme: si të mbrojnë njerëzit nga valët e nxehtësisë që po bëhen gjithnjë e më të shpeshta dhe të zgjatura?

Lexo po ashtu Raport alarmues i shkencëtarëve: Gjysma e popullsisë botërore përballet me të paktën 30 ditë nxehtësi ekstreme

Kohëzgjatja e ndikimit të kërcënimit nga nxehtësia kërkon strategji si rritja e hapësirave të gjelbra urbane, përmirësimi i dizajneve të ndërtesave, caktimi i zonave të freskëta për strehim dhe zhvillimi i sistemeve paralajmëruese.

Por, pavarësisht kërcënimit në rritje, masat e planifikimit dhe reagimit të qeverive për nxehtësinë, sipas Baughman McLeod, ose nuk ekzistojnë fare, ose janë shumë të pamjaftueshme për shkallën e krizës.

“Është thelbësore që të përhapim ndërgjegjësimin dhe kuptimin për nxehtësinë ekstreme, në mënyrë që qeveritë, bizneset dhe punëdhënësit të menaxhojnë rreziqet dhe ndikimet me urgjencën që këto kushte kërkojnë”, tha ai. /Telegrafi/

The post Pesë muaj verë në Evropë – vetëm një qytet para Tiranës appeared first on Telegrafi.

Në një zhvillim të rëndësishëm në konfliktin e vazhdueshëm në Detin e Kuq, grupi rebel Houthi nga Jemeni ka arritur të fundosë anijen tregtare MAGIC SEAS, e cila lundronte nën flamurin grek.

Ky është rasti i parë i fundosjes së një anijeje që nga përplasja e fundit 12-ditore midis Izraelit dhe Iranit, një ngjarje që ka tensionuar ndjeshëm situatën në Lindjen e Mesme dhe rrugët detare ndërkombëtare.

Sipas burimeve ushtarake dhe raportimeve mediatike, sulmi ndaj MAGIC SEAS filloi me përdorimin e armëve automatike dhe hedhësve të granatave, duke dëmtuar rëndë pjesët e jashtme të anijes dhe duke krijuar panik te ekuipazhi.

This is how Yemen’s Houthis sank the MAGIC SEAS ship.

Drone strike, boarding, booby-trapping, and finally detonating the empty ship. pic.twitter.com/LT5UaVlp30

— Clash Report (@clashreport) July 8, 2025

Më pas, anija u godit nga katër dronë sipërfaqësorë (dronë vetëvrasës që lundrojnë mbi ujë), të cilët shpërthyen pranë trupit të anijes, duke shkaktuar dëme fatale në strukturën e saj dhe duke e bërë të pamundur vazhdimin e lundrimit.

Pas disa orësh përpjekjeje për të shpëtuar anijen, ajo u përmbys dhe u fundos plotësisht, duke u bërë simbol i përshkallëzimit të rrezikut që kërcënon tashmë jo vetëm anijet ushtarake, por edhe ato tregtare që kalojnë përmes rrugëve strategjike të Lindjes së Mesme.

Ky sulm përforcon frikën ndërkombëtare se Houthit po zgjerojnë fushën e tyre të veprimit dhe se po synojnë anijet civile si mjet presioni ndaj Perëndimit dhe aleatëve të tij.

Gjithashtu, fundosja e MAGIC SEAS shënon një pikë kthese të rrezikshme në konfliktin e armatosur që po ndikon drejtpërdrejt në tregtinë ndërkombëtare dhe sigurinë detare. /Telegrafi/

This is how Yemen’s Houthis sank the MAGIC SEAS ship

It was the first ship to be sunk since the recent 12-day war between Israel and Iran.

The Magic Seas, flying the Greek flag, was first attacked with automatic weapons and grenade launchers, and then hit by four surface… pic.twitter.com/pbzFLZIh9J

— NEXTA (@nexta_tv) July 8, 2025

The post Kështu e fundosën Houthit anijen me flamur grek appeared first on Telegrafi.

Një tërmet i fortë ka goditur Kretën pak minuta më parë. Mediat greke bëjnë me dije se forca e tërmetit ka qenë me magnitudë 5.

Epiqendra e  tërmetit ka qenë 31 kilometra në lindje-verilindje të Zakrosit, ndërsa thellësia fokale ishte 7.8 kilometra.

Aktualisht nuk raportohet për lëndime në njerëz apo dëme materiale.

The post Tërmeti me magnitudë 5 ballë “shkund” këtë vend, ja ku ishte epiqendra appeared first on Sot News | Lajme.

Autoritetet greke urdhëruan pushime të detyrueshme nga puna në zonat ku temperaturat pritet të kalojnë 40 gradë Celsius.

Nga e diela, disa pjesë të Greqisë u përfshinë nga një valë e të nxehtit ekstrem, që pritet të zgjasë deri të enjten.

Ministria e Punës ndaloi punën fizike jashtë dhe shpërndarjen e ushqimit nga ora 12:00 deri në orën 17:00.

Urdhri do të zbatohet kryesisht në rajonet qendrore të Greqisë dhe në disa ishuj.

Punëdhënësve iu kërkua, gjithashtu, të ofrojnë mundësi pune nga distanca.

Në Athinë nuk u mor ndonjë masa emergjente, pasi vala aktuale e të nxehtit në kryeqytet nuk konsiderohet e pazakontë.

Meteorologët presin temperaturat më të larta të martën dhe të mërkurën, ndërsa parashikojnë një rënie të lehtë, në rreth 35 gradë, kah fundi i javës.

LEXONI GJITHASHTU:

• Inagurohet konsullata greke në Korçë, Hasani: Partner të rëndësishëm për ne
• Kontrolle në Velipojë për lirimin e hapësirave publike, procedohen 2 persona

The post Greqia urdhëron pushime nga puna për shkak të të nxehtit appeared first on Euronews Albania.

Zjarrfikësit po përballen me një zjarr të madh në ishullin grek Evia, i cili është duke djegur zona pyjore dhe ka detyruar evakuimin e banorëve nga dy fshatra, sipas autoriteteve dhe shërbimit zjarrfikës.

Më shumë se 160 zjarrfikës, 46 automjete dhe pesë avionë janë angazhuar në jug të Evias, në lindje të Athinës, për të shuar zjarrin që shpërtheu të premten në mbrëmje. Një zyrtar i zjarrfikësve tha për Reuters se operacioni është në vazhdim.

Evia ishte një nga disa rajone të Greqisë që ishin në gjendje alarmi për shkak të rrezikut të lartë nga zjarret, të nxitura nga erërat e fuqishme që priteshin të shtunën. Autoritetet urdhëruan evakuimin e fshatit Tsakeoi dhe vendbanimit sezonal bregdetar Limnionas në orët e para të mëngjesit.

Jugu i Evias është një zonë me pak banorë, e karakterizuar nga male, toka bujqësore dhe destinacione të njohura bregdetare.

Ky zjarr është i fundit në një seri zjarresh që janë përhapur gjatë kësaj jave në Greqi, të nxitura  nga erërat e forta dhe thatësia, teksa një valë nxehti e parakohshme ka përfshirë pjesë të mëdha të Evropës.  Deri më tani është raportuar për tetë viktima nga i nxehti në kontinent.

Ndërkohë, një tjetër zjarr në ishullin jugor të Kretës, i cili ka shkatërruar pyje dhe ullishte që nga e mërkura dhe ka detyruar mijëra banorë e turistë të largohen përkohësisht, është vënë në kontroll në masë të madhe, sipas zyrtarëve të zjarrfikësve.

Turizmi është një burim kryesor të ardhurash për Greqinë dhe zjarret po ndodhin në fillim të sezonit kulmor të pushimeve verore.

Greqia dhe vendet e tjera mesdhetare ndodhen në një zonë që shkencëtarët e kanë quajtur “pikë e nxehtë për zjarre”, ku zjarret janë të zakonshme gjatë verës së thatë dhe të nxehtë. Megjithatë, këto zjarre po bëhen gjithnjë e më shkatërruese për shkak të ndryshimeve të shpejta klimatike, duke shtuar thirrjet për një qasje të re në menaxhimin e emergjencave natyrore.

Presidenti i Turqisë, Rexhep Tajip Erdogan, ka folur për çështjen e blerjes së avionëve luftarakë F-35 nga Turqia dhe qëndrimin e Greqisë ndaj kësaj nisme, gjatë bisedës me gazetarët që e shoqëronin në fluturimin e kthimit nga Azerbajxhani. Erdogan theksoi se “shqetësimi i Greqisë për hapat që kemi ndërmarrë në fushën e mbrojtjes është i […]

The post “Po pres avionët F-35 nga Trump!”, Erdogan: Shqetësimet greke janë të pakuptimta appeared first on BoldNews.al.

Kriza e ujit në Greqi është thelluar, me rënie alarmante si në rezervat sipërfaqësore ashtu edhe në ato nëntokësore, raportuan sot mediat lokale, duke cituar një studim.

Duke vënë në dukje rëniet shqetësuese si në rezervat sipërfaqësore ashtu edhe në ato nëntokësore, e përditshmja “To Vima” njoftoi se situata është përkeqësuar nga mbinxjerrja për qëllime bujqësore dhe turistike, infrastruktura e vjetruar dhe mungesa e një strategjie të qartë kombëtare për ujin.

Duke cituar të dhëna nga “Studimi Helenik i Gjeologjisë dhe Eksplorimit të Mineraleve” (EAGME), e përditshmja shtoi se shumë nga akuiferet nëntokësore të vendit, të cilat konsiderohen si rezerva strategjike ujore për shkak të rezistencës së tyre ndaj ndotjes dhe avullimit, po i afrohen niveleve kritike të varfërimit.

Rajonet nën presionin më të madh përfshijnë shumë nga vendpushimet turistike, siç janë ishujt e Egjeut dhe zonat e Moudanias dhe Kasandrës të Gadishullit të Halkidikit, ku uji i pijshëm është gjithnjë e më i pakët.

Gjithashtu, thatësira e zgjatur, veçanërisht në Greqinë jugore dhe lindore, përfshirë Kretën, Peloponezin dhe disa ishuj Cikladikë ka ulur ndjeshëm reshjet e shiut dhe borës.

The post Çfarë po ndodh? Thellohet kriza e ujit në këtë shtet, rezervat në nivele alarmante appeared first on Sot News | Lajme.

54 të plagosur, tre në gjendje të rëndë është bilanci i një aksidenti që ka ndodhur para pak mesditës në zonën e Vulës të kryeqytetit grek, Athinë

Dy autobusë urbanë janë përplasur në rrethana të panjohura. Mes 54 të plagosurve janë edhe 17 fëmijë. Tre të rritur janë në gjendje të rëndë, sidomos një i moshuar që ka dëmtime të shumta nga përplasja.Në vendngjarje kanë mbërritur 8 autoambulanca, 2 motoçikleta të Ndërhyrjes së shpejtë dhe 3 njësi lëvizëse të emergjencës. Sipas burimeve spitalore nga të plagosurit asnjë nuk ndodhet në rrezik për jetën.

Aksidenti ka ndodhur kur njëri prej autobusëve u përplas me shpejtësi në pjesën e pasme të tjetrit.

Siç ka deklaruar kryebashkiaku i Vulës: “Mendoj se ishim me fat që nuk pati më shumë të plagosur. ”

The post Aksident i rëndë, dy autobusë urbanë përplasen ‘kokë më kokë’, raportohet për 54 të plagosur appeared first on Sot News | Lajme.

Greqia ka vendosur një tarifë hyrjeje prej 20 eurosh për turistët që vizitojnë ishullin e Santorinit. Masa ka për qëllim reduktimin e mbiturizmit dhe përmirësimin e infrastrukturës.

Greqia ka vendosur një tarifë prej 20 eurosh për turistët që mbërrijnë në Santorini me anije turistike, në përpjekje për të kontrolluar mbiturizmin dhe për të mbledhur të ardhura që do të përdoren për përmirësimin e infrastrukturës së vendit.

Ishulli vullkanik në Detin Egje tërheq rreth 2 milionë turistë në vit, por me një popullsi prej rreth 15,000 banorësh dhe shqetësimet në rritje për aktivitet sizmik, qeveria ka kërkuar të reduktojë ndikimin e turizmit.

Vendosja e kësaj tarife pason lëvizjet në pjesë të tjera të Evropës, ku banorët janë të zemëruar nga rritja e çmimeve të qirave dhe shfrytëzimi i burimeve nga turistët.

Autoritetet greke do të fillojnë mbledhjen e taksës prej 20 eurosh për secilin pasagjer më 21 korrik. Tarifa do të ulet në 12 euro në tetor dhe do të zbresë në 4 euro nga nëntori deri në mars. Më pas do të rikthehet sërish në 12 euro nga prilli deri në maj të vitit të ardhshëm.

Një turiste nga Kanadaja, u shpreh se masa nuk do të bënte diferencën. “Mendoj se 20 euro nuk kanë ndikim në vendimin e njerëzve për ta vizituar apo jo vendin.”

Po ashtu, një pronar i një dyqani tha se “askush nuk do të kursejë 20 euro për të vizituar një destinacion si ky.”

Megjithatë, operatorët e anijeve turistike thonë se tarifa është e padrejtë. Sipas tyre, masa synon vetëm anijet turistike dhe shërben për mbledhjen e taksave. Por kjo “nuk do të ndihmojë në reduktimin e turizmit të tepërt,” shpjegojnë ata.

The post Greqia vendos tarifë për të vizituar Santorinin, ja sa euro duhet të paguajnë turistët appeared first on Sot News | Lajme.

Greqia ka vendosur një tarifë hyrjeje prej 20 eurosh për turistët që vizitojnë ishullin e Santorinit. Masa ka për qëllim reduktimin e mbiturizmit dhe përmirësimin e infrastrukturës. Greqia ka vendosur një tarifë prej 20 eurosh për turistët që mbërrijnë në Santorini me anije turistike, në përpjekje për të kontrolluar mbiturizmin dhe për të mbledhur të […]

The post Greqia vendos tarifë për të vizituar Santorinin, ja sa euro duhet të paguajnë turistët appeared first on BoldNews.al.

10 vjet pas korrikut vendimtar të 2015-ës, Angela Merkel, një figurë qendrore në menaxhimin e krizës greke si kancelare e Gjermanisë, thotë tani se admiroi grekët që duruan duke tërhequr vetëm 60 euro në radhët e bankomateve. Në një intervistë të gjatë për drejtorin e “Kathimerini”, Alexis Papachelas ajo ka folur pa doreza me rastin e botimit në gjuhën greke të librit të saj, “Liria”.

Më bëri përshtypje që grekët me 60 euro mund ta duronin, gjermanët jo. E pyetur se “çfarë do t’i thoshit grekut të thjeshtë sot nëse do ta gjente në rrugë?”, ajo u përgjigj: “Nuk do të kërkoja falje, paraqita motivet e mia. Do të thoja se arritëm shumë, nuk mund ta imagjinoj BE-në pa Greqinë.

Më bëri shumë përshtypje qëndrueshmëria e shoqërisë greke sepse atëherë, gjatë asaj periudhe të vështirë me referendumin, njerëzit mund të tërhiqnin vetëm 60 euro nga banka. Thashë që gjermanët nuk do të ishin në gjendje ta përballonin…”

Merkel tha se nuk do t’i kërkonte qytetarit grek të zakonshëm një “falje”. “Nuk mund ta imagjinoj Bashkimin Evropian pa Greqinë”, – vuri në dukje ajo në mënyrë karakteristike, duke theksuar përpjekjet e mëdha që bëri për të bindur Schäuble, i cili donte ta nxirrte Greqinë nga eurozona. “E telefonoja çdo orë dhe e informoja”, – tregoi ish-kancelare gjermane, e cila e përshkroi si momentin më të pakëndshëm të karrierës së saj politike momentin kur Alexis Tsipras e informoi në telefon për referendumin.

“Ishte telefonata më e habitshme dhe më e heshtura e karrierës sime”, – tha Merkel dhe shtoi: “atëherë e kuptuam se nëse vota “jo” mbizotëron, kjo do të thotë dalje nga euro. Ne nuk mund të vendosnim për një vend demokratik”.

Merkel foli për përshtypjet që pati herën e parë që Alexis Tsipras vizitoi Berlinin si kryeministër, si dhe për bisedat që pati me George Papandreun dhe Antonis Samarasin, presionin e ushtruar mbi të nga Obama, që e bëri të qante, marrëdhëniet e saj me Putinin, luftën në Ukrainë dhe Trumpin, i cili sipas saj e sheh gjithçka nga perspektiva e një “marrëveshjeje”.

Dukesha si djali i keq që thoshte “Nuk mund të jap para”.

“Në shkurt të vitit 2010 u bë e qartë se problemi ishte vërtet i madh. Më thanë se Greqia ka nevojë për para”, – tha Merkel dhe shtoi se me “klauzolën e mosshpëtimit” që ekzistonte në euro, “nuk mund të jepja para”.

E pyeta George Papandreun: “Çfarë do?” dhe ai u përgjigj: “Asgjë”. Në takim, kryeministri grek heshtte. Po diskutonim intensivisht dhe dukesha si djali i keq që thoshte: “Nuk mund të jap para”. Presidenti i Këshillit Evropian, Herman Van Rompuy, ndërpreu takimin dhe shkroi disa fjali: “Greqia do të bëjë atë që duhet të bëjë. Ne do ta mbështesim atë dhe euro është monedha jonë e përbashkët”.

“Vendosa në vitin 2011 që duhej të bënim gjithçka që kishim në dorë për ta mbajtur Greqinë në eurozonë”, tha Merkel dhe shtoi se “negociatat ishin jashtëzakonisht të vështira, pas referendumit të Alexis Tsipras. Duke e ditur që Schäuble donte që Greqia të dilte nga eurozona, e telefonoja çdo orë dhe ia paraqisja situatën sepse doja që këto vendime të merreshin së bashku me Ministrin tim të Financave”, – tha ajo.

Duke iu referuar Antonis Samaras, ajo theksoi: “Unë isha polici i keq në atë kohë. Nuk bëra asgjë për t’u shqetësuar, por sepse isha e mendimit se vendi duhej të ecte në rrugën e duhur. Ne ishim miq në nivel politik, në nivel partie, por kishim mendime kontradiktore shumë herë. Isha në anën e Samaras sepse mendoja se një shuarje borxhi ishte e nevojshme (siç ishte Schäuble), por Trichet tha se nëse bëni diçka të tillë, e gjithë bota financiare do të humbasë besimin në Eurozonë. Isha e mendimit se Greqia duhet të lirohej nga kjo barrë, por edhe pala tjetër kishte argumente.”

E pashë Tsiprasin dhe thashë “Zoti e bekoftë”.

Duke iu referuar përshtypjeve të krijuara nga takimi i saj me Alexis Tsiprasin, Merkel tha: “Mendoj se nuk ishte aq mbresëlënëse herën e parë sepse ai ishte në Bruksel. Pastaj e ftova në Berlin dhe atmosfera ishte e tensionuar. Ai shkoi dhe pa demonstruesit para Kancelarisë dhe përshëndeti shokët e tij nga partia…

Unë thashë Zoti e bekoftë! Shpresojmë që të vijë në një moment. Ai erdhi në një moment dhe ndërsa shkova drejt grupit të tij thashë “kjo është e guximshme” dhe ai më tha se duhet të merresh me ndjekësit e tu. Duke u prekur me dorë u afruam më shumë me njëri-tjetrin. Ai i konsideronte privatizimet si punë të djallit, nuk ishte e lehtë…

Negociatat 17-orëshe

“Nuk doja që Greqia të largohej nga euro dhe Tsipras nuk donte një memorandum. Ishte telefonata më e habitshme që kam pasur në të gjithë karrierën time politike dhe një nga telefonatat më të heshtura”, – tha ish-kancelarja për mënyrën se si Tsipras e informoi se do të vazhdonte me një referendum. Disa orë më parë, Tsipras kishte refuzuar t’i thoshte “po” marrëveshjes me huadhënësit.

Merkel e pyeti se çfarë do të bënte dhe Tsipras u përgjigj: “Do të kthehem në vendin tim dhe do të flas me qeverinë dhe partinë time”.

“Dhe cili do të jetë rezultati?” – e kishte pyetur Merkel.

“Nuk e di”, u përgjigj Tsipras.

“Rezultati i atij diskutimi në Athinë do të jetë nëse do të mbahet një referendum. Dhe cili është rekomandimi juaj?” – e kishte pyetur Merkel Tsiprasin.

“Sigurisht që jo”, – u përgjigj Tsipras.

“Atje më iku zëri”, – tha Merkel.

E mbyllëm telefonatën shumë shpejt. Hollande më thotë: “Çfarë do bëjmë tani?”

Nëse ishte “jo”, ne thamë se kjo do të thotë dalje nga euro, Greqia nuk u pajtua dhe ne thamë se një demokraci nuk mund të vendosë për të gjithë të tjerët. Pastaj, ish-kancelarja iu referua asaj që ndodhi pas referendumit – duke përsëritur kënaqësinë e saj me nivelin e lartë të ekipit grek që u ra dakord për memorandumin e 3-të.

“Qava, ndjeva shumë presion”

“Obama nuk e njihte mirë pjesën ligjore, qëllimet e BQE-së. Rezerva Federale e SHBA-së ka përgjegjësi të tjera. Obama nuk i dinte të gjitha, në një moment qava, më kishin bërë presion. Ai donte t’i thoshte BQE-së të jepte më shumë likuiditet. Këshilltarët e mi më thanë se nuk mund ta bëja këtë, nuk do të pranohej as nga gjykatat gjermane dhe unë ia kisha thënë Obamës këtë. Draghi, si president i BQE-së, “krijoi Bazukën” dhe tha çfarë të duhej. Ai e bëri vetëm”.

Imigracioni – Situata ishte dramatike në Greqi

Çdo ditë vinin 10,000 refugjatë të rinj sa herë që duhej të bëja diçka. Mund të kishim parandaluar refugjatët nga Austria në Gjermani, por kjo nuk mjaftoi. Kjo është arsyeja pse mbështeta planin Bashkimi Evropian – Turqi. Situata në Greqi ishte dramatike. Turqia nuk bëri asgjë.

95% e refugjatëve nuk hynë në BE. Në këmbim, Turqia mori para. Kishte shumë presion në atë kohë. Më ftuan në Stamboll, shkova në ato pallate, karriget ishin shumë mbresëlënëse, por duhej të bëja diçka. Politika është politikë e vërtetë, isha e detyruar të flisja me Erdoganin.

Jam e lumtur që Evropa ka ecur përpara dhe ka krijuar një sistem të përbashkët evropian të azilit. Ata që nuk kanë marrë azil duhet të kthehen në vendet e tyre. Synimet e luftës kundër kontrabandistëve janë sigurisht të sakta.

Kriza me Turqinë

“Ne duhet të flasim gjithmonë me fqinjët tanë. Në veçanti, kufijtë tanë detarë nuk mund të mbrohen vetëm me Frontex. Nëse do të shmangej një incident greko – turk? Po, pati tensione shumë herë, ne u përpoqëm të ndërmjetësonim. Në bisedime, e kuptova sa e vështirë ishte të gjeje terren të përbashkët.

Sepse klima midis Greqisë dhe Turqisë ishte mjaft agresive në disa raste. U përpoqa të kontribuoja, por mund ta bëjmë vetëm me gjysmë hapash .

Putini, BRSS dhe lufta në Ukrainë

Për Putinin, shpërbërja e BRSS ishte ngjarja më e keqe e shekullit të 20-të, dhe i thashë se për mua ishte gjëja më e këndshme e jetës sime. Perspektivat tona ishin krejtësisht të ndryshme. Putini ende ka këtë ide se Rusia duhet të ushtrojë ndikim mbi këto shtete (Ukraina dhe Bjellorusia). Nga pikëpamja e së drejtës ndërkombëtare, ajo që bëri në shkurt 2022 është shkelja e të gjitha kushteve të së drejtës ndërkombëtare.

Unë isha kundër, së bashku me Sarkozinë, zgjerimit të NATO-s në Ukrainë dhe Gjeorgji – në Bukuresht, në vitin 2008. Rusia nuk po zhduket nga harta dhe është fuqia më e madhe bërthamore në botë, nuk mund ta injoroj këtë. Ne duam një partneritet me Rusinë dhe e bëmë këtë përpjekje. Me pushtimin në shkurt të vitit 2022 kemi një epokë të re.

Unë nuk kam asnjë marrëdhënie me Putinin (tani). Gjithmonë kemi pasur mosmarrëveshje të mëdha, por në rastin e Krimesë ai më gënjeu 1-2 herë dhe kjo e ndryshoi marrëdhënien tonë.

Për Trumpin, gjithçka është një… marrëveshje

“Trump u votua nga populli amerikan, ne duhet të merremi me të. Dhe ne evropianët jemi një entitet, mos na nënvlerësoni. Çdo gjë për të është një marrëveshje. Bota nuk funksionon në atë mënyrë. Është shumë e vështirë të arrish rezultate të përbashkëta – me Trumpin. Nuk është lajm i mirë, jam e bindur për këtë. Ai gjithmonë mendonte diçka për të tërhequr vëmendjen e të gjithëve.

Bëra gabimin kur i thashë në takim: “Donald, duhet të shtrëngojmë duart”, por ai nuk e bëri. Ai gjithmonë përpiqej të shpërqendronte vëmendjen dhe t’i bënte të gjithë ta shikonin.” /Përgatiti LAPSI.al

The post Rrëfimi i Merkel/ Kam gabuar me Trump, kam qarë për Greqinë, por s’kërkoj falje appeared first on Lapsi.al.