Është publikuar hetimi paraprak për rrëzimin e avionit të fluturimit 171 të Air India.

Siç shkruan BBC,  raporti thotë se të dy motorët e aeroplanit humbën shtytjen pasi dy çelësat e kontrollit të karburantit u zhvendosën nga pozicioni i ndërprerjes menjëherë pas ngritjes.

Në regjistrimet zanore në kabinën e pilotit, dëgjohet një pilot duke i pyetur tjetrin “pse e bëre ndërprerjen?” – tjetri thotë se nuk i lëvizi ata.

Hetime të mëtejshme janë duke vazhduar dhe një raport përfundimtar pritet brenda një viti, thotë raporti paraprak.

Raporti nuk nxjerr asnjë përfundim dhe ka ngritur pyetje të reja në lidhje me çelësat e kontrollit të karburantit dhe çfarë i shkaktoi ata të ndryshonin pozicionin.

Më 12 qershor, të paktën 260 persona humbën jetën pasi një avioni i Air India me destinacion Londrën u përplas me pesë ndërtesa pranë aeroportit të Ahmedabad pak sekonda pas ngritjes.

Raporti paraprak për aksidentin ajror të Air India, ku muajin e kaluar humbën jetën 260 persona, ka treguar se tre sekonda pas ngritjes nga pista, çelësat për furnizimin me karburant të motorëve janë kaluar pothuajse në të njëjtën kohë nga pozicioni “i ndezur” në “i fikur”, duke ndërprerë furnizimin me karburant të motorëve.

Aeroplani Boeing 787 Dreamliner menjëherë filloi të humbiste lartësi, thuhet në raportin e publikuar nga hetuesit indianë të aksidenteve ajrore. Në incizimet e kabinës së pilotëve dëgjohet njëri prej tyre duke pyetur tjetrin pse i ka fikur motorët, ndërsa tjetri përgjigjet se nuk e ka bërë një gjë të tillë, sipas raportit.

Nuk është sqaruar se cili prej pilotëve (komandanti apo bashkë-piloti) dha thirrjen për ndihmë pak para aksidentit. Në vendin e aksidentit, të dy çelësat e karburantit u gjetën në pozicionin “i ndezur”, dhe raporti tregon se ka prova që është tentuar ndezja e motorëve pak para përplasjes, shkruan reuters.

A plane crash is reported in India. According to media sources, from 240 to 290 people were on board.

There is no information on injured or dead yet. The plane crashed in the residential area.

What a tragedy. pic.twitter.com/upI7jB4w4W

— Anton Gerashchenko (@Gerashchenko_en) June 12, 2025

Të dy pilotët kishin përvojë të madhe, me rreth 19 mijë orë fluturimi, përfshirë mbi 9000 orë në modelin 787. Raporti preliminar nuk sqaron gjithashtu si është e mundur që çelësat të jenë kaluar në pozicionin “i fikur” gjatë fluturimit të 12 qershorit nga qyteti Ahmedabad në Indi për në Londër.

Eksperti amerikan i sigurisë ajrore, Anthony Brickhouse shtroi pyetjen kryesore “Pse janë kaluar çelësat në mënyrë që nuk përputhet me procedurat standarde? “A lëvizën vetë apo i lëvizi ndonjëri nga pilotët? Nëse i lëvizën ata, pse?”.

Ndërkohë, një tjetër ekspert amerikan, John Cox, deklaroi se pilotët nuk mund t’i prekin aksidentalisht çelësat e karburantit. “Nuk mund t’i prekësh rastësisht e të lëvizin,” tha ai.

Kalimi i çelësave në pozicionin “i fikur” ndalon menjëherë motorët. Kjo procedurë përdoret zakonisht për fikjen e motorëve pas arritjes në portat e aeroportit ose në raste urgjente, si për shembull në rast zjarri në motor. Raporti thekson se nuk ka pasur ndonjë ngjarje urgjente që të kërkonte fikjen e motorëve.

Në aeroplan ndodheshin 242 persona – 230 pasagjerë dhe 12 anëtarë të ekuipazhit. Vetëm një person mbijetoi, pasagjeri 40-vjeçar Vishwash Kumar Ramesh. /Telegrafi/

The post Mësohet arsyeja e rrëzimit të aeroplanit indian ku humbën jetën mbi 240 njerëz appeared first on Telegrafi.

Hetimi për rrëzimin tragjik të avionit të Air India me destinacion Anglinë, që ndodhi më 12 qershor pranë qytetit të Ahmedabadit, ka hyrë në një fazë të re. Sipas një raportimi të Wall Street Journal, gjetjet paraprake tregojnë se çelësat që kontrollonin rrjedhën e karburantit në motorët e avionit ishin në gjendje të fikur — […]

The post Tragjedia e Air India/ Çelësat e karburantit ishin të fikur, hetimet fokusohen te pilotët appeared first on BoldNews.al.

Një muaj pas tragjedisë së avioni të Air India, që mori jetën e 271 personave, ish-inspektorja e Përgjithshme e Departamentit të Transportit në SHBA, Mary Schiavo, ka hedhur një teori të re për shkakun e rrëzimit. Sipas saj, një gabim kompjuterik mund të ketë bërë që motorët e avionit Boeing 787 Dreamliner të reduktonin fuqinë menjëherë pas ngritjes nga pista në Ahmedabad.

“Besoj se kemi të bëjmë me një problem në kodimin kompjuterik të avionit. Ka ndodhur më parë me avionë të tipit 787, si në një fluturim të ANA në Japoni në vitin 2019,” tha Schiavo për The Mirror.

Sipas saj, nëse kompjuteri nuk arrin të kuptojë që avioni është në fluturim, motorët mund të ulin fuqinë sikur të ishte ende në tokë. Kjo hipotezë bie ndesh me atë të analistit tjetër, Steve Schreiber, i cili sugjeron se bëhet fjalë për dështim të dyfishtë të motorëve për shkak të defekteve elektrike ose hidraulike, shkruan A2 CNN.

Një tregues i rëndësishëm është aktivizimi i Ram Air Turbine (RAT), një turbinë ndihmëse që aktivizohet vetëm në rast humbjeje të plotë të fuqisë elektrike ose presionit hidraulik. Kjo u konfirmua edhe nga pamjet e aksidentit.

Dëshmia e të mbijetuarit të vetëm, britanikut Vishwash Ramesh, mbështet teorinë e dështimit teknik. “Menjëherë pas ngritjes, avionit iu fikën dritat,” tregoi ai nga spitali.

Ndërkohë, “kutia e zezë” e avionit është gjetur dhe autoritetet indiane dhe amerikane po kryejnë hetime paralele. Por ekspertë si Joe Jacobsen, ish-punonjës i Boeing dhe FAA, kritikojnë vonesat. Sipas tij, 95% e të dhënave mund të analizohen brenda pak ditësh, por për çështje politike dhe menaxhimi, publikimi zgjat me muaj.

Në Indi, kontrolli i mirëmbajtjes është vënë në dyshim pas auditimeve që zbuluan defekte të përsëritura në avionët e linjave kryesore. Air India ka pezulluar disa fluturime me Dreamliner, ndërsa shtohen shqetësimet për sigurinë e këtij modeli, që ka qenë objekt akuzash nga disa ish-punonjës të Boeing për përdorim të pjesëve të parregullta. Hetimi zyrtar pritet të japë një raport paraprak brenda muajit, ndërsa raporti përfundimtar mund të zgjasë deri në një vit.

The post Dalin teori të reja për rrëzimin e avionit Air India, flet ish-zyrtarja amerikane appeared first on Sot News | Lajme.

I mbijetuari i vetëm i rrëzimit të avionit Air India ka ndihmuar në transportimin e arkivolit të mbushur me lule të vëllait të tij në një krematorium në qytetin bregdetar të Indisë perëndimore, Diu. Me fasha ende në fytyrë dhe krah, Vishwash Kumar Ramesh, 40 vjeç, i cili doli nga spitali të martën, shpërtheu në lot dhe u ngushëllua nga të afërmit.

Vetëm 6 ditë më parë, biznesmeni nga Leicesteri kishte qenë ulur me vëllain e tij Ajay në Boeing 787 Dreamliner me destinacion Londrën, i cili u përplas në një konvikt të kolegjit mjekësor në Ahmedabad pas ngritjes. Të gjithë 241 pasagjerët dhe ekuipazhi në fluturim humbën jetën, si dhe të paktën 30 persona në tokë, përfshirë 5 studentë mjekësie.

Ramesh dhe vëllai i tij, i cili ishte ulur disa rreshta më larg, ishin duke u kthyer në Mbretërinë e Bashkuar pasi kishin kaluar pushimet me familjen në Indi. Ramesh shpëtoi përmes një hapësire të vogël pranë sediljes së tij dhe doli përmes flakëve dhe tymit në krahët e shpëtimtarëve.

“Është një mrekulli që mbijetova,” i tha ai gazetës Sun. “Jam mirë fizikisht, por ndihem tmerrësisht keq që nuk munda ta shpëtoj Ajay-n.” Rrugët ishin plot me vajtues ndërsa Ramesh ecte me arkivolin e vëllait të tij mbi shpatull, nënën e tij pranë tij me një sari blu të lagur nga shiu i musoneve. Më shumë se një duzinë viktimash të rrëzimit ishin nga Diu, një qytet plazhi në Detin Arabik që dikur sundohej nga portugezët.

“Wall Street Journal” raporton se hetuesit besojnë se një problem në sistemin e energjisë emergjente të fluturimit, i njohur si turbina e ajrit është bërë shkak për rrëzimin. Përcaktimi i shkakut përfundimtar të rrëzimit mund të zgjasë me vite. Gjetjet paraprake ngrenë pyetje nëse motorët e aeroplanit funksionuan siç duhet në momentet vendimtare pas ngritjes.

Të dhënat e fluturimit nga Flightradar24 treguan se Dreamliner u ngjit në 625 metra. Pak çaste para se aeroplani të rrëzohej, piloti bëri një thirrje ndihme: “Shtytja nuk u funksionon… po biem… Mayday! Mayday! Mayday!” Një video tregoi aeroplanin që fillonte të ulej rreth 17 sekonda pas ngritjes. ©LAPSI.al

The post I mbijetuari i vetëm i avionit Air India shfaqet në funeralin e vëllait të tij appeared first on Lapsi.al.

Britaniku, i cili ishte i vetmi i mbijetuar nga tragjedia ajrore në Indi javën e kaluar, ka marrë pjesë në ceremoninë e varrimit të vëllait të tij në një funeral në Indinë perëndimore. Vëllai i Vishwashkumar Ramesh, Ajay, ishte gjithashtu në avionin ku udhëtonin 242 persona, por nuk i mbijetoi tragjedisë. Ramesh shihet duket mbajtur arkivolin ku ndodhej trupi i vëllatit të tij që dërgohet në krematorium në qytetin Diu, me krahun dhe fytyrën ende të mbuluar me fasha të bardha.

Ai ka kaluar pjesën më të madhe të pesë ditëve të fundit në spital. Aeroplani Boeing 787-8 Dreamliner, i cili udhëtonte për në Londër, u rrëzua të enjten disa sekonda pasi u ngrit në fluturim nga qyteti perëndimor indian, Ahmedabad. Të paktën 270 persona humbën jetën, shumica prej tyre pasagjerë në avion, ndërsa pjesa tjetër e viktimave ndodhej në tokë.

VIDEO | Ahmedabad Plane Crash: Vishwas Kumar, the lone survivor of the incident, attended the last rites of his brother Ajay, who was travelling with him on the ill-fated Air India flight AI 171 from Ahmedabad to London on June 12. pic.twitter.com/Z8RrLdIeoB

— Press Trust of India (@PTI_News) June 18, 2025

The post Tragjedia me 241 viktima/ I mbijetuari i aksidentit ajror të “Air India” mban arkivolin e të vëllait që humbi jetën appeared first on Sot News | Lajme.

Hetuesit janë duke përqendruar hetimet te dy motorët GEnx të Boeing 787 të Air India, pasi dyshohet se ata janë ndalur pothuajse në të njëjtën kohë menjëherë pas ngritjes nga pista, gjatë aksidentit tragjik të ndodhur më 12 qershor. Sipas hetimeve, problemi mund të ketë filluar që gjatë përshpejtimit në pistë, në momentin kur avioni kishte arritur shpejtësinë që nuk lejonte më ndërprerjen e ngritjes.

Avioni Boeing 787, i cili transportonte 242 persona, përfshirë 230 pasagjerë, 10 anëtarë të ekuipazhit dhe dy pilotë, ishte nisur nga Ahmedabad në Indi dhe kishte destinacion Londrën Gatwick. Rreth 30 sekonda pas ngritjes, ai humbi lartësinë dhe u përplas mbi disa ndërtesa, duke përfshirë kantinën e një spitali universitari.

Nga kabina ishte dërguar sinjali i emergjencës “mayday”, por pilotët nuk arritën të japin më shumë shpjegime. Një pasagjer arriti të shpëtojë duke dalë nga avioni që po digjej. Deri tani, viktimat janë 270, përfshirë 241 në avion dhe 29 në tokë, dhe pritet që ky numër të rritet.

Analiza e një videoje tregon se pak para përplasjes ishte aktivizuar “Ram air turbine”, një turbinë emergjente që ndizet automatikisht kur humbet totalisht energjia elektrike ose presioni hidraulik, duke nënkuptuar ndalimin e motorëve. Kjo mbështet dyshimet për një defekt në motorë

Ekspertët kanë testuar disa skenarë të mundshëm në simulator, duke marrë parasysh peshën e avionit, temperaturën në pistë (37°C), dhe pozicionin e flap-eve. Vetëm skenari i ndalimit të të dy motorëve çoi në aksident.

Hetimi është ende në zhvillim dhe nuk përjashton asnjë mundësi, përfshirë defektin mekanik, gabimin njerëzor, sabotažën, ose defektin e softuerit që kontrollon motorët. Pas aksidentit, përfaqësues të Boeing dhe GE Aerospace, kompania prodhuese e motorëve, kanë zhvilluar takime të pazakonta në selinë e Air India në Nju Delhi, me autoritetet indiane./abcnews.al

Një fluturim i planifikuar i Air India nga Ahmedabad për në aeroportin Gatwick të Londrës është anuluar për shkak të një problemi teknik, duke shtuar pasigurinë pas aksidentit ajror fatal që ndodhi të enjten në të njëjtin itinerar.

Fluturimi AI 159, i cili ishte caktuar të nisej në orën 13:10 me orën lokale, fillimisht u vonua me 110 minuta, përpara se të anulohej plotësisht. Sipas CNN, arsyeja zyrtare e anulimit është një problem teknik, por përkoincidenca me aksidentin e pak ditëve më parë e ka bërë ngjarjen edhe më shqetësuese.

Avioni ishte një Boeing 787-8 Dreamliner, i njëjti model si ai që u rrëzua më 12 qershor, duke shkaktuar vdekjen e 279 personave, përfshirë edhe ata që ndodheshin në tokë kur avioni goditi një konvikt studentor në një kolegj mjekësor. Aksidenti ndodhi menjëherë pas ngritjes nga Ahmedabad dhe rezultoi në një nga tragjeditë më të mëdha ajrore të dekadës së fundit, sidomos për shtetasit britanikë, mes viktimave ishin 52 britanikë, ndërsa i vetmi i mbijetuar ishte një pasagjer britanik me emrin Vishash Kumar Ramesh.

Fluturimi i aksidentuar ishte nisur nga Delhi, para se të ndalonte në Ahmedabad për t’u nisur drejt Londrës, e njëjta rrugë që kishte planifikuar të ndjekë edhe fluturimi i anuluar të premten.

Ky ka qenë incidenti më vdekjeprurës ajror me shtetas britanikë që nga sulmet terroriste të 11 shtatorit 2001.

The post Tjetër incident! Fluturimi i Boeing 787 nga India për në Londër anulohet për shkak të një ‘problemi teknik’ appeared first on iconstyle.al.

Një video e re e rrëzimit fatal të javës së kaluar të një avioni të Air India tregon 40-vjeçarin Viswash Kumar Ramesh, shtetas me pasaportë britanike dhe të mbijetuarin e vetëm, duke u larguar nga vendi i masakrës. Videoja tregon disa kalimtarë që bërtasin, ndërsa një kolonë tymi ngrihet në sfond.

Papritmas, Ramesh del nga rrënojat që digjen dhe vihet re nga një kalimtar. Personi më pas i afrohet Ramesh, e merr për dore dhe e largon nga vendi i katastrofës. Shtetasi britanik me origjinë indiane ishte pasagjeri në sediljen 11A pranë dritares në fluturimin AI171, i destinuar për një fat tragjik. Burri me origjinë indiane e la avionin që digjej përmes një vrime në trupin e avionit pranë tij.

Më 12 qershor, fluturimi u nis nga Aeroporti Ndërkombëtar Sardar Vallabhbhai i Ahmedabadit pak pas orës 13:30, me destinacion Gatwick, aeroportin e dytë ndërkombëtar më të ngarkuar të Londrës. Megjithatë, disa minuta pas ngritjes, ai u rrëzua. Aksidenti vrau 274 persona, përfshirë 241 në bordin e fluturimit dhe 33 në tokë. ©LAPSI.al

The post Del VIDEO E RE/ Momenti kur i mbijetuari i vetëm del nga avioni në flakë appeared first on Lapsi.al.

Një defekt mekanik në sediljen e pilotit gjatë ngritjes duket të jetë shkaku rrënjësor i rrëzimit të Boeing 787 të fluturimit AI-171 të Air India, sipas gjetjeve të raportit paraprak që po përgatitet nga Dega e Hetimit të Aksidenteve Ajrore të Indisë (AAIB), i cili pritet të bëhet publik në ditët në vijim.

Rrëzimi i avionit në një konvikt ku po qëndronin studentët e mjekësisë vrau 270 persona.

Gjetja paraprake synon të marrë masa të menjëhershme dhe të ndërmarrë veprime për avionë të tjerë që mund të jenë të ndjeshëm ndaj defekteve të ngjashme. Një pjesë e gjetjeve të autoritetit indian të hetimit u qarkulluan brenda autoriteteve të hetimit të vendeve të tjera dhe ata kërkuan informacion nëse kanë regjistruar incidente të ngjashme që nuk kanë rezultuar në një aksident.

Tashmë, avionët e Air India të të njëjtit lloj të lënë në tokë po kontrollohen me përparësi në shinat e sediljeve të kabinës.

Karrigia “fatale”

Siç thuhet në raport, ndërsa avioni ishte në fazën e rrotullimit të ngritjes, sedilja e pilotit rrëshqiti prapa për shkak të një defekti në mekanizmin e bllokimit të shinave. Pesha e trupit të tij në mënyrë të pavetëdijshme i tërhoqi levat e shtytjes drejt pozicionit “boshe”, duke shkaktuar një ulje të menjëhershme të fuqisë së motorit.

Bashkëpiloti u përpoq t’i kthente kontrollet në fuqi të plotë, por nuk mundi të kapërcente peshën dhe pozicionin e trupit të pilotit, i cili tani po ushtronte presion mbi levat.

Autopsia e rrënojave gjeti kunja kyçëse të thyera (BACB30LN5S02) në sediljen e pilotit. Sedilja ishte riparuar vetëm 11 ditë para rrëzimit për shkak të “ngurtësisë në rregullim”. Megjithatë, nuk u regjistrua asnjë kontroll funksional pas riparimit.

The post E paimagjinueshme: Dëmtimi i sediljes së pilotit shkaktoi rrëzimin e Boeing të Air India appeared first on iconstyle.al.

Tragjedia e avionit “Air India”, që ndodhi rreth 2 kilometra larg aeroportit të Ahmedabad-it, Indi, duke shkaktuar vdekjen e 279 personave, duket se e ka një shpjegim. Sipas Degës së Hetimit të Aksidenteve Ajrore të Indisë, shkaku kryesor i rrëzimit të Boeing 787 të “Air India”, ishte një defekt mekanik në sedilje e pilotit përgjatë […]

The post Tragjedia me 279 viktima në Indi, dëmtimi i sediljes së pilotit shkaktoi rrëzimin e avionit appeared first on BoldNews.al.

Nga 242 pasagjerët që ndodheshin në bord, vetëm një person ka mbijetuar – një 40-vjeçar britanik, i cili ndodhet në gjendje të rëndë në spital. Autoritetet indiane janë duke punuar për të përcaktuar numrin e saktë të viktimave në tokë, pasi aeroplani goditi disa banesa para se të përplasej plotësisht.

Mjekët në Indi kanë konfirmuar se janë gjetur 270 trupa të pajetë në vendin e rrëzimit të avionit në qytetin Ahmedabad, që ndodhi të enjten. Aeroplani, i cili ishte nisur me destinacion Londrën, u rrëzua në një zonë të banuar pak minuta pas ngritjes, duke shkaktuar një nga fatkeqësitë më të rënda ajrore të viteve të fundit.

Procesi i identifikimit të viktimave është i ngadalshëm dhe kërkon krahasimin e mostrave të ADN-së me të dhënat e familjarëve, ndërsa autoritetet po vijojnë ende punën për saktësimin e numrit të persoave që humbën jetën duke mos qenë në avion, por në zonën ku ai u përplas.

Zyrtarët kanë thënë se shumë prej trupave janë në gjendje të dëmtuar rëndë, gjë që e vështirëson ndjeshëm procesin e konfirmimit të identiteteve.

Në nder të viktimave, janë mbajtur vigjilje përkujtimore në disa qytete në Indi dhe në Mbretërinë e Bashkuar. Ngjarja ka tronditur opinionin publik dhe ka ngritur shqetësime për sigurinë ajrore në rajon. Autoritetet ndërkombëtare dhe agjencitë e aviacionit po hetojnë shkaqet e aksidentit.

The post S’ndalet bilanci/ Ja numri i viktimave nga rrëzimi i aeroplanit të Air India rritet në 270 appeared first on Sot News | Lajme.

Një kuti e zezë është gjetur në vendin e rrëzimit të avionit të Air India në Ahmedabad, njoftoi të ministri i aviacionit civil të Indisë.

Regjistruesi i të dhënave të fluturimit u gjet brenda 28 orëve nga Byroja e Hetimit të Aksidenteve të Avionëve (AAIB) e Indisë.

Të gjithë, përveç njërit, nga 242 personat në avion me destinacion Londrën vdiqën kur u rrëzua në një zonë banimi më pak se 60 sekonda pas ngritjes të enjten. Një zyrtar i tha BBC-së se të paktën tetë persona në tokë u vranë gjithashtu.

“Gjetja e kutisë së zezë shënon një hap të rëndësishëm përpara në hetim” dhe do të “ndihmojë ndjeshëm të hedhë dritë mbi katastrofën”, thanë autoritetet.

Air India tha se bordin e avionit Boeing 787 Dreamliner ndodheshin 169 shtetas indianë, 53 britanikë, shtatë portugezë dhe një kanadez. Një mjek i tha BBC-së se ata po mbështeten në ADN-në nga të afërmit për të identifikuar viktimat. Një zyrtar policie në dhomën e autopsisë i tha BBC-së se mbetjet e gjashtë personave u ishin dhënë familjeve deri më tani, pasi të afërmit e tyre ishin në gjendje t’i identifikonin ata bazuar në tiparet e fytyrës.

I mbijetuari i vetëm i aksidentit ajror, shtetasi britanik Vishwashkumar Ramesh, është ende duke u trajtuar ne spital nga plaget e marra.

“Ende nuk mund ta besoj se si dola gjallë,” i tha ai televizionit Indian.

LEXONI GJITHASHTU:

• Sulmi izraelit godet ndërtesën e banimit në Teheran, 60 të vrarë mes tyre 20 fëmijë
• Sulmet në Teheran, mes viktimave sportisti dhe imami i Federatës së Taekwondo-së

The post Tragjedia me 241 viktima/Gjendet kutia e zezë e Air India, e rëndësishme për hetimin appeared first on Euronews Albania.

Avioni i Air India Boeing 787 dreamliner që u rrëzua këtë të enjte duke lënë pas 241 viktima brenda avionit të Pasagjerëve dhe vetëm një të mbijetuar ka pasur probleme me fuqinë e motorëve si dhe nuk kishte mbyllur ingranazhet e uljes.

Këto janë të dhënat që vijnë nga hetimet paraprake pas gjetjes së dy kutive të zeza ndërsa  autoritetet kanë nisur një hetim të plotë teknik dhe operacional, dhe një panel qeveritar do të publikojë raportin me shkaqet e plota të rrëzimit brenda tre muajsh.

Autoriteti i Aviacionit Civil në Indi ka urdhëruar inspektimin e menjëhershëm të të gjithë avionëve Boeing 787 që operohen nga kompanitë ajrore indiane, pas aksidentit tragjik ku humbën jetën të paktën 270 persona. 241 nga viktimat ishin pasagjerë dhe ekuipazhi I avionit ndërsa pjesa tjetër persona që po qëndronin në konviktin e Mjekëve që mbetën të vrarë pasi avioni ra mbi këtë godinë.

Ministri indian i Aviacionit, Ram Mohan Naidu, deklaroi të shtunën se janë dhënë urdhra për kontrolle të zgjeruara të sigurisë për të gjithë avionët Boeing 787-8 dhe 787-9 të pajisur me motorë GEnx. Kontrollet përfshijnë testime të parametrave të ngritjes, sistemit elektronik të kontrollit të motorëve dhe verifikime lidhur me furnizimin me karburant.

Air India, që operon 33 avionë të tillë, konfirmoi se po zbaton urdhrat e autoriteteve dhe se kontrollet mund të sjellin vonesa në disa fluturime ndërkombëtare. Kompania IndiGo, nderkohe ka vetem nje avion Boeing 787 ne floten e saj.

Grupi Tate I cili zotëron kompaninë Ajrore Air India ka njoftuar se do t’iu jap kompensim familjarëve të viktimave të këtij aksidenti ajror rreth 115 mijë dollarë për çdo viktimë.

Ndërkohë që shkaku i saktë i aksidentit të rëndë ajror të një avioni të Air India nuk është ende i qartë, spekulimet dhe teoritë po vazhdojnë të qarkullojnë në internet dhe në media.

Avioni Boeing 787 Dreamliner, me 242 pasagjerë në bord – përfshirë 53 britanikë dhe 11 fëmijë – u përplas të enjten me një hostel për mjekë në pjesën perëndimore të Indisë, pak momente pas nisjes nga aeroporti i Ahmedabadit. Destinacioni i planifikuar ishte Londra.

Një nga dy “kutitë e zeza” të avionit është rikuperuar dhe pritet të ofrojë dëshmi të rëndësishme për minutat fatale nga momenti i nisjes deri në përplasje. Kutia e zezë jep të dhëna teknike si kohë, shpejtësi, lartësi dhe drejtim, ndërsa regjistruesi i zërit në kabinë mund të zbulojë bisedat e pilotëve, zhurmat e motorëve, sinjalet e paralajmërimit dhe tingujt e tjerë të pajisjeve.

“The Sun” rendit gjashtë teori kryesore që po hetohen si shkaktarë të mundshëm të aksidentit më të rëndë ajror në historinë e Indisë:

1. Përplasja me zogj

Një goditje nga zogjtë mund të ketë dëmtuar motorët gjigantë General Electric të avionit. Edhe pse duket e pazakontë që një zog të rrëzojë një avion kaq të madh, raste të ngjashme kanë ndodhur më parë.

2. Pozicioni i flapave të krahëve

Ekspertët sugjerojnë se flapët e krahëve mund të kenë qenë tërhequr ose në një pozicion minimal, duke dhënë shumë pak ngritje, veçanërisht gjatë nisjes dhe uljes ku këto pjesë janë të rëndësishme për stabilitetin. Gjithashtu, rrotat e uljes kanë mbetur hapur gjatë gjithë kohës, duke shkaktuar rezistencë të madhe aerodinamike. Kjo mund të ketë kontribuar në humbjen e kontrollit të avionit.

3. Gabim i pilotit

Megjithëse Boeing 787 është një avion shumë i automatizuar dhe pilotët kryejnë kryesisht veprimet kyçe, nuk mund të përjashtohet një gabim njerëzor. Kapiteni i avionit ishte një pilot me përvojë të madhe, por mund të ketë ndodhur një gabim në kontrollin e avionit ose në vendosjen e flapave.

4. Temperatura e lartë

Në ditë me temperatura shumë të larta, si ajo e aksidentit (rreth 40°C) avioni ka nevojë për më shumë shpejtësi për të krijuar ngritje të mjaftueshme. Kjo mund ta ketë bërë më të vështirë ngritjen, veçanërisht me ngarkesë të plotë.

5. Gabime teknike

Nuk përjashtohet mundësia e një defekti teknik apo problemi inxhinierik. Boeing 787 ka një rekord të mirë sigurie, por në vitet e fundit janë raportuar disa probleme me motorët në avionët e ngjashëm.

6. Mbingarkesa

Edhe pse pesha e avionit kontrollohet me kujdes para nisjes, një mbingarkesë  moti mund të ketë ndikuar në aftësinë e tij për ngritje.

Hetuesit po vazhdojnë të analizojnë të dhënat nga kutia e zeza dhe po përpiqen të zbulojnë arsyen e vërtetë që shkaktoi tragjedinë, e cila la të vdekur të paktën 265 persona, duke përfshirë pasagjerët dhe banorët në tokë.

The post Çfarë e shkaktoi aksidentin tragjik ajror të “Air India”? Nga misteri mbi pajisjet deri te temperaturat 40 gradë appeared first on Sot News | Lajme.

Një avion i Air India që udhëtonte nga Phuket drejt Nju Delhit u detyrua të bënte ulje urgjente pas një kërcënimi për bombë, më 13 qershor. Mes fluturimit AI379, ekuipazhi zbuloi një shënim kërcënues në tualetin e avionit. Pas kthimit emergjent në Phuket dhe kontrollit nga autoritetet tajlandeze, nuk u gjetën mjete shpërthyese.

Vetëm pak orë më herët, një tjetër fluturim i Air India, AI171 nga Ahmedabad drejt Londrës, u rrëzua menjëherë pas ngritjes, duke vrarë mbi 240 persona. Avioni tip Boeing 787-8 Dreamliner u përplas pranë një konvikti kolegji, duke shkaktuar viktima si mes pasagjerëve ashtu edhe njerëzve në tokë. Vetëm një person mbijetoi.

Autoritetet po hetojnë rrethanat e dy incidenteve, ndërsa komuniteti ndërkombëtar ka shprehur ngushëllimet dhe mbështetjen.

The post Alarm për bombë në avionin e Air India, vetëm pak orë pas tragjedisë që mori mbi 240 jetë appeared first on iconstyle.al.

TAJLANDË- Një fluturim i kompanisë “Air India” nga Phuket në Tajlandë për në kryeqytetin e Indisë, New Delhi, mori një kërcënim për bombë në bord të premten dhe bëri ulje emergjente në ishull, thanë autoritetet e aeroportit, raporton Reuters.

Të 156 pasagjerët në fluturimin AI 379 ishin shoqëruar nga avioni, në përputhje me planet e emergjencës, tha një zyrtar i Aeroporteve të Tajlandës.

Avioni u nis nga aeroporti i Phuketit me destinacion kryeqytetin indian në orën 9:30 të mëngjesit të premten, por bëri një xhiro të gjerë rreth Detit Andaman dhe u ul përsëri në ishullin jugor tajlandez, sipas sistemit të gjurmimit të fluturimeve Flightradar24.

Incidenti vjen pas rrëzimit të një avioni të “Air India” në Ahmedabad të enjten, menjëherë pas ngritjes, ku humbën jetën 241 persona në bord./abcnews.al

Ditën e djeshme, një aeroplan i “Air India” me 242 pasagjerë në bord, është rrëzuar pranë aeroportit në Ahmedabad të në Indinë perëndimore. Aeroplani po fluturonte për në aeroportin Gatwick të Londrës. Sipas raportimit nga një oficer policie, konfirmohen më shumë se 290 persona kanë humbur jetën. Aeroplani Boeing 787, u nis nga aeroporti i Ahmedabadit në shtetin perëndimor indian të Gujaratit…

Source

Një britanik i shpëtoi mrekullisht katastrofës së avionit të “Air India”, e cila u ka marrë jetën qindra njerëzve. Vishwash Kumar Ramesh, 40 vjeç shqiptoi fjalët e para nga një shtrat spitali disa orë pasi bëri dalje të pabesueshme nga avioni. Pamjet mahnitëse treguan pasagjerin me lëndime të dukshme duke u larguar me vështirësi nga vendi i rrëzimit. Ai thuhet se ka pësuar lëndime në gjoks, sy dhe këmbë.

Policia e gjeti pasagjerin, i cili kishte qenë në sediljen 11A kur avioni u rrëzua dhe e transferoi atë në një spital aty pranë për trajtim. Këtë pasdite familja e tij konfirmoi se Ramesh ishte në bord dhe ndërkohë nuk kishin asnjë lajm nga një i afërm tjetër që ata besonin se ishte gjithashtu në avion. Duke folur për mediat lokale nga shtrati i spitalit, Ramesh tha se vëllai i tij kishte qenë ulur në një rresht tjetër duke shtuar: “Nuk munda ta gjej më”.

“Tridhjetë sekonda pas ngritjes, pati një zhurmë të fortë dhe pastaj aeroplani u rrëzua. Gjithçka ndodhi kaq shpejt. Kur u ngrita, kishte trupa përreth meje. U frikësova. U ngrita dhe vrapova. Kishte copa të aeroplanit përreth meje. Dikush më kapi, më futi në një ambulancë dhe më çoi në spital” – tha ai.

Ramesh, i cili jeton në Londër me gruan dhe fëmijën e tyre, po kthehej në shtëpi pasi vizitoi familjen në Indi. Numri i konfirmuar i të vdekurve është rritur në të paktën 240 persona, sipas policisë. Para zbulimit të të mbijetuarit britanik, autoritetet thanë se besonin se askush nuk kishte shpëtuar gjallë nga fluturimi. Aeroplani mbante 244 pasagjerë, sipas policisë. Në bord kishte 53 shtetas britanikë, si dhe 159 shtetas indianë, 7 shtetas portugezë dhe 1 kanadez. 11 prej atyre në bord ishin fëmijë, përfshirë 2 të porsalindur.

Ekipet e shpëtimit të mbështetura nga ushtria kanë nxjerrë 204 trupa nga vendi i ngjarjes deri më tani. Viktimat janë pasagjerë të avionit dhe zona përreth rrëzimit. Ekspertët e aviacionit thonë se Boeing 787 Dreamliner mund të ketë humbur papritur fuqi “në fazën më kritike të fluturimit” pas ngritjes.

Shkaqet e mundshme besohet të ketë qenë një ndryshim të shpejtë të erës ose një goditje zogjsh që çoi në një bllokim të dyfishtë të motorit. Zyrtarët nga Byroja e Hetimit të Aksidenteve të Avionëve të Indisë janë tani në vendngjarje për të kryer një analizë të rrënojave dhe për të nxjerrë kutinë e zezë të avionit të rrëzuar. Edhe qeveria e Mbretërisë së Bashkuar tha se po dërgonte një ekip për të mbështetur hetimin. ©LAPSI.al

The post Shkaqet e tragjedisë në Indi/ Flet i mbijetuari i avionit: S’munda të gjej vëllanë appeared first on Lapsi.al.

Më shumë se 290 persona humbën jetën kur një avion i Air India me destinacion Londrën, me 242 persona në bord, u rrëzua vetëm pak minuta pas ngritjes nga qyteti perëndimor i Ahmedabad-it, të enjten.

Mes viktimave kishte edhe persona që ndodheshin në tokë, pasi avioni, i cili duhej të mbërrinte në aeroportin Gatëick në jug të Londrës, u rrëzua mbi një konvikt të një kolegji mjekësor gjatë orës së drekës.

Autoritetet e kanë quajtur këtë katastrofën më të rëndë ajrore në botë gjatë dekadës së fundit.

#BREAKING – New video from surveillance cameras shows the entire flight of #AI171, including the takeoff roll. #Ahmedabad #AirIndia #AirIndiaCrash pic.twitter.com/eNtXt00uDh

— PoliticalPilot (@PilotPoli) June 12, 2025

Sipas policisë, të paktën një pasagjer ka mbijetuar. Ai tregoi për mediat se kishte dëgjuar një zhurmë të fortë menjëherë pas ngritjes. Pasagjeri ndodhej në vendin 11A, pranë një daljeje emergjente, çka mund të ketë ndihmuar në mbijetesën e tij. Autoritetet nuk përjashtojnë mundësinë që të ketë edhe të mbijetuar të tjerë që po trajtohen në spitale.

Mes viktimave ishte edhe një zyrtar i njohur lokal. Autoritetet kanë kërkuar nga familjarët të ofrojnë mostra të ADN-së për të ndihmuar në identifikimin e trupave.

Hetuesit pritet të kërkojnë kutitë e zeza të avionit, pajisje të vogla por tepër të forta që regjistrojnë të dhëna të rëndësishme për të kuptuar shkaqet e një aksidenti ajror.

Avionët zakonisht mbajnë dy kuti të tilla: një që regjistron zërat në kabinën e pilotëve dhe një tjetër që mbledh të dhëna fluturimi si lartësia dhe shpejtësia.

Këto pajisje ndodhen në pjesën e pasme të avionit, pasi besohet se është pjesa më pak e dëmtuar gjatë një përplasjeje.

Ende nuk dihet nëse kutitë e zeza të fluturimit 171 janë gjetur, por edhe nëse gjenden, analizimi i të dhënave mund të zgjasë disa ditë apo edhe javë.

Video të shumta kanë qarkulluar në rrjet që tregojnë momentin e ngritjes dhe më pas rrëzimin në pak minuta të avionit mbi godinë. 

The post VIDEO E RE/ Kamerat fokusuan çastin rrëqethës të rrëzimit të avionit në Indi appeared first on Lapsi.al.