Mediat ndërkombëtare kanë publikuar raportin paraprak hetimor të incidentit ajror në Ahmedabad të Indisë, kur nga rrëzimi i avionit humbën jetën 241 pasagjerët në të dhe shpëtoi vetëm një. Sipas asaj që ka zbuluar Byroja Indiane e Hetimeve të Aksidenteve Ajrore, vetëm pak sekonda pas ngritjes për të dy motorët e avionit Air India u […]

The post Misteri i rrëzimit të avionit në Indi/ Zbardhet biseda e pilotëve: Pse e ndërpreve karburantin? appeared first on BoldNews.al.

India është tronditur nga vrasja e tenistes 25-vjeçare Radhika Yadav, e cila u qëllua për vdekje nga i ati në shtëpinë e saj. Rrëfimi i burrit, 49-vjeçarit Deepak Yadav, është rrëqethës:

“E qëllova tre herë në shpinë ndërsa po gatuante.” Një plumb i ngeci në qafë dhe dy të tjerë e goditën në shpinë. Babai i saj tha se e kreu krimin nga poshtërimi: “Më tallën që isha i varur financiarisht prej saj .” Pas krimit, ai u arrestua nga policia dhe e pranoi fajësinë pa rezistencë.

Siç u tha oficerëve Kuldeep Yadav, xhaxhai i viktimës, “Dëgjova një zhurmë dhe u ngjita në katin e parë, ku jeton vëllai im. Pasi hyra brenda, pashë mbesën time Radhika të shtrirë duke rrjedhur gjak në kuzhinë dhe një armë në dhomën e ndenjes. Unë dhe djali im e morëm dhe e çuam me makinë në Spitalin Gurugram.”

Megjithatë, mjekët mundën vetëm ta shpallnin të vdekur.

Edhe pse nuk ishte një yll botëror i tenisit, Radhika Yadav ishte një fytyrë e njohur në Indi. Ajo kishte luajtur 36 ndeshje në njëshe dhe 7 ndeshje në dyshe në turneun ITF, niveli i tretë i tenisit profesional, poshtë turneve WTA dhe WTA 125. Paraqitjet e saj të fundit ishin në mars 2024 në njëshe dhe në qershor 2023 në dyshe, përpara një ndërprerjeje të detyruar për shkak të një dëmtimi në shpatull.

Pavarësisht ndërprerjes së karrierës së saj garuese, Radhika nuk ishte ndalur: ajo kishte themeluar akademinë e saj të tenisit dhe kishte arritur pavarësi financiare. Ajo ishte e re, moderne dhe e pavarur; ndoshta tepër shumë, sipas babait të saj. Tensionet brenda familjes ishin përshkallëzuar në muajt e fundit.

Sipas dëshmive të mbledhura, burri nuk mund ta duronte dot të lihej mënjanë ose të tallej. Ai i kërkonte vazhdimisht asaj të mbyllte Akademinë, por Radhika gjithmonë refuzonte. Ky refuzim, për të atin, ishte pika e kthesës. Ai e vrau me tre të shtëna me armë zjarri ndërsa ajo ishte në kuzhinë.

The post Tronditje në Indi/ Tenistja vritet nga i ati për shkak të xhelozisë, dëshmia: E qëllova pas shpine appeared first on iconstyle.al.

Të paktën nëntë persona kanë humbur jetën pas shembjes së një ure mbi një lumë në shtetin perëndimor Gujarat të Indisë.

Ministri i Shëndetësisë së Gujaratit, Rushikesh Patel, tha se disa mjete ranë në lumin Mahisagar kur një pjesë e urës Gambhira u shemb të mërkurën në mëngjes. Ura, që ndodhet në distriktin Vadodara të këtij shteti, ishte ndërtuar në vitin 1985, shtoi Patel.

Anil Dhameliya, një zyrtar i lartë civil, u tha gazetarëve se të paktën nëntë trupa janë gjetur, ndërsa pesë të tjerë ishin plagosur në këtë ngjarje. “Operacionet e shpëtimit janë në vazhdim”, tha ai.

Kryeministri Narendra Modi e quajti aksidentin “thellësisht tronditës” dhe u shprehu ngushëllimet familjeve të viktimave.

Infrastruktura e Indisë është prej kohësh e njohur për shqetësime në aspektin e sigurisë, gjë që herë pas here ka shkaktuar katastrofa të mëdha në autostrada dhe ura.

Në vitin 2022, një urë e vjetër me tela suspendues nga periudha koloniale u shemb mbi lumin Machchu në Gujarat, duke shkaktuar rënien në ujë të qindra personave dhe vdekjen e të paktën 132 prej tyre.

The post Ura shembet papritur, lë pas 9 viktima dhe disa të plagosur appeared first on Sot News | Lajme.

Një ngjarje e rëndë ka tronditur shtetin perëndimor indian të Gujarat, ku një urë e ndërtuar në vitin 1985 është shembur mëngjesin e sotëm, duke marrë jetën e të paktën nëntë personave.

Sipas raportimeve të NDTV, disa automjete kanë rënë në lumin Mahishasgarh në momentin kur një pjesë e urës Ghabira u shemb papritur. Ministri i Shëndetësisë së Gujaratit, Rushikesh Patel, konfirmoi bilancin paraprak të viktimave dhe bëri me dije se ekipet e shpëtimit janë në terren në kërkim të të mbijetuarve.

Shkaku i shembjes mbetet ende i paqartë, ndërsa autoritetet kanë nisur hetimet për ngjarjen. Ura në fjalë ishte ndërtuar rreth 40 vite më parë dhe përdorej çdo ditë nga dhjetëra automjete dhe këmbësorë.

The post Tragjedi në Indi! Shembet ura mbi lumin Mahishasgarh, humbin jetën të paktën 9 persona appeared first on iconstyle.al.

Të paktën 9 persona humbën jetën dhe pesë të tjerë u plagosën pasi automjete ranë në një lumë pas shembjes së një pjese të urës në shtetin perëndimor të Gujaratit në Indi, thanë autoritetet.

Një pjesë e një ure në Vadodara të shtetit mbi lumin Mahisagar u shemb në mëngjes dhe filloi një operacion shpëtimi, tha zyrtari i lartë civil, Anil Dhameliya.

Dhameliya tha se automjetet ranë në lumë dhe nëntë trupa janë gjetur. Pesë persona u plagosën në incident, shtoi ai.

Zyrtari tha se operacionet e shpëtimit janë duke u zhvilluar dhe po bëhen përpjekje për të minimizuar humbjet njerëzore.

“Po përpiqemi ta përfundojmë operacionin më shpejt”, tha ai.

Një dëshmi shokuese, e fortë nga një ish i dënuar, ka nxjerrë zbuluar një mori institucionesh, të cilat kanë tentuar që të fshehin një ngjarje të rëndë kriminale brenda Burgut të Reçit. Pjerind Ndoci ka qenë dëshmitar okular më datë 29 qershor 2024, ditë kur 6 gardianët e Reçit rrahën për vdekje të dënuarin Edmond […]

The post “Gardianët kamufluan vetëvrasjen, mbaroi në duart e tyre”, dëshmia shokuese për vrasjen në Burgun e Reçit appeared first on BoldNews.al.

“Dola nga fabrika për të përdorur tualetin dhe dëgjova një shpërthim të fortë. Tingëllonte si shpërthim bombe. Dola dhe pashë zjarr. Një pjesë e zjarrit u përhap edhe drejt meje. U hodha nga muri dhe shpëtova Shumë prej tyre (ata që ishin brenda) arritën të shpëtonin, por një numër i madh mbetën të bllokuar dhe nuk mundën të dilnin”, tha për Reuters Chandan Gound, 32 vjeç, punonjës fabrike.

Zyrtarët e policisë thanë se më shumë se 140 persona po punonin në uzinë kur ndodhi incidenti. 25 nga të vdekurit ende nuk janë identifikuar.

The post Tragjedi/ Shpërthen një fabrikë farmaceutike, raportohet për 39 të vdekur dhe 34 të plagosur appeared first on Sot News | Lajme.

Një shpërthim i fuqishëm në një fabrikë kimike në shtetin Telangana të Indisë i ka marrë jetën të paktën 39 personave, sipas raportimeve të Reuters dhe Associated Press.

Ngjarja ndodhi më 30 qershor në fabrikën e kompanisë “Sigachi Industries”, rreth 50 km nga qyteti Hyderabad. Më shumë se 140 punëtorë ndodheshin brenda ndërtesës në momentin e shpërthimit, e cila është shembur totalisht.

Ekipet e kërkim-shpëtimit kanë gjetur deri tani 34 trupa, ndërsa dy të tjerë ndërruan jetë në spital për shkak të djegieve të rënda. Dhjetëra të tjerë janë ende të shtruar në spital.

Për shkak të dëmtimeve të mëdha trupore, 25 viktima nuk janë identifikuar ende, ndërsa autoritetet kanë nisur testet e ADN-së përmes një ekipi të posaçëm mjekësor.

Autoritetet e shtetit Telangana kanë ngritur një komision hetimor, ndërsa kompania ka pezulluar operimin e fabrikës për 90 ditë. Shkaku i shpërthimit mbetet ende i panjohur.

The post Tragjedi në Indi: Të paktën 39 të vdekur nga shpërthimi në një fabrikë farmaceutike appeared first on iconstyle.al.

Marka italiane e modës luksoze Prada ka thënë se pranon rrënjët indiane të linjës së saj të re të këpucëve, disa ditë pasi dizajni shkaktoi një polemikë në Indi.

Sandalet, të prezantuara në Javën e Modës në Milano javën e kaluar, kishin një model të thurur me majë të hapur që ngjante shumë me sandalet tradicionale Kolhapuri të prodhuara në shtetet indiane të Maharashtra dhe Karnataka.

Prada i përshkroi sandalet si “këpucë lëkure”, por nuk përmendi origjinën e tyre indiane, duke shkaktuar reagime të ashpra dhe akuza për përvetësim kulturor në Indi. Duke iu përgjigjur polemikave, Prada i tha BBC-së në një deklaratë se e njeh që sandalet janë të frymëzuara nga këpucët tradicionale indiane.

Një zëdhënës i Prada tha se kompania “gjithmonë ka festuar artizanatin, trashëgiminë dhe traditat e dizajnit”, duke shtuar se ishte “në kontakt me Dhomën e Tregtisë, Industrisë dhe Bujqësisë të Maharashtras për këtë temë”.

Javën e kaluar, shefi i saj i kishte shkruar markës, duke thënë se dizajni ishte komercializuar pa u dhënë merita artizanëve që e kanë ruajtur trashëgiminë e saj për breza.

Lorenzo Bertelli, kreu i Përgjegjësisë Sociale të Korporatave të Prada-s, iu përgjigj letrës së tij duke thënë se sandalet ishin “në një fazë të hershme të dizajnit”, sipas Reuters. Ai tha gjithashtu se Prada ishte e hapur për një “dialog për shkëmbim kuptimplotë me artizanët vendas indianë” dhe kompania do të organizonte takime pasuese për ta diskutuar më tej këtë çështje.

Të emëruara sipas një qyteti në Maharashtra ku prodhohen, sandalet Kolhapuri i kanë rrënjët në shekullin e 12-të.

Të bëra prej lëkure dhe ndonjëherë të lyera me ngjyra natyrale, sandalet tradicionale të punuara me dorë janë të forta dhe të përshtatshme për klimën e nxehtë të Indisë.

Sipas Organizatës Botërore të Tregtisë, një etiketë treguese gjeografike i atribuon një malli ose produkti origjinën nga një rajon ose vend i caktuar dhe konsiderohet shenjë autenticiteti. Pas polemikave, shumë artizanë në Kolhapur thanë se ishin të trishtuar nga përdorimi i dizajnit nga Prada pa i dhënë meritën e duhur.

“Këto sandale janë bërë me punën e palodhur të punëtorëve të lëkurës në Kolhapur. Ato duhet të emërohen sipas Kolhapurit. Mos përfitoni nga puna e të tjerëve”, tha për BBC Marathi Prabha Satpute, një artizan nga Kolhapuri.

Sandalet kushtojnë disa qindra rupi në Indi, por çmimet e larta të raportuara nga Prada i zemëruan disa, megjithëse faqja e internetit e markës nuk e përmend çmimin. Shumica e sandaleve të tjera të shitura nga shtëpia e modës kushtojnë nga 600 deri në 1,000 paund në Mbretërinë e Bashkuar.

Kjo nuk është hera e parë që markat globale akuzohen për përvetësimin e produkteve tradicionale indiane pa u dhënë meritën rrënjëve të tyre. Në Festivalin e Filmit në Kanë të vitit 2025, Gucci e përshkroi një sari të veshur nga ylli i Bollywood-it, Alia Bhatt, si një fustan, duke shkaktuar reagime negative.

The post Pas polemikave, Prada njeh origjinën indiane të koleksionit të ri appeared first on iconstyle.al.

Ministri indian i Aviacionit Civil, Murlidhar Mohol ka deklaruar se të gjitha pistat janë në shqyrtim për të zbardhur shkaqet e rrëzimit tragjik të një avioni Boeing 787 të kompanisë Air India, që ndodhi më 12 qershor gjatë ngritjes nga qyteti Ahmedabad, në veriperëndim të Indisë. Siç u raportua të paktën 279 persona humbën jetën […]

The post Detaje nga tragjedia në Indi me 247 viktima, hetimet nxjerrin në dritë një akt sabotimi appeared first on BoldNews.al.

FINIQ- Në këtë shtëpi në fshatin Dhrovjan të Finiqit lindi një shenjtor, Gerasimos Mikragiannanitis, një nga figurat më të ndritura të kishës ortodokse moderne.

Në janar të 2023-shit Siniodi i Shenjtë i Patriakanës Ekumenike të Stambollit mori vendim, për kanonizimin e murgut Gerasimos duke e përfshirë atë në radhët e shenjtorëve ortodoksë. Shën Gerasimos u lind në Dhrovjan në 1905 me emrin Anastasios e gjatë viteve të shkollimit, nisi që netëve të mësonte edhe liturgjinë që ushqeu tek ai thirrjen hyjnore.

Sipas banorëve, nëna e tij ishte udhërrëfyesja dhe mbështetja në rrugëtimin shpirtëror. Pasi nisi jetën si murg, Gerasimos nuk u kthye dot më kurrë në tokën shqiptare, edhe pse në vitet e fundit të jetës dëshira për t’u rikthyer në shtëpinë ku u lind ishte e madhe.

Edhe pse fizikisht banorët nuk e panë në Dhrovjan shenjtorin e tyre, ata thonë se e kanë ndjerë praninë e tij qysh kur ishte murg, me kujdesin që ai bëri për së largu që kambanat e kishës të binin sërish sapo në Shqipëri përfundoi regjimi komunist.

Shenjtërimi i tij ka domethënie të madhe për besimtarët ortodoksë, ata e quajnë një fitore të të gjithë Shqipërisë që vuajti për 45 vite mospraktikimin e fesë.

Në Dhrovjan përmes lidhjes kulturore të fshatit, presupozojnë të organizojnë një simpozium për Jerasimin, me pedagogë shqiptarë dhe grekë. Shenjtori Gerasim në fshatin me pak banorë të mbetur, është kthyer në një burim frymëzimi dhe udhërrëfyes jete për të gjithë besimtarët ortodoksë./abcnews.al

Autoritetet perëndimore kanë shprehur shqetësime serioze për mënyrën sesi po zhvillohen hetimet mbi rrëzimin tragjik të avionit Boeing 787 të kompanisë Air India, që ndodhi më 12 qershor në periferi të Ahmedabad-it, vetëm 30 sekonda pas ngritjes, me një bilanc tragjik prej 270 viktimash.

Edhe pse në deklarata zyrtare thuhet se kanë “besim të plotë” në hetuesit indianë, burime të gazetës Corriere della Sera flasin për frikë reale se rezultatet mund të ndikohen nga presione politike të brendshme.

Dy kutitë e zeza të avionit (Cockpit Voice Recorder dhe Flight Data Recorder) u gjetën përkatësisht më 13 dhe 16 qershor, por u dërguan në laborator vetëm më 24 qershor, një vonesë që autoritetet perëndimore e quajnë “të pashpjegueshme”.

India vendosi të analizojë të dhënat në laboratorin e saj të ri në Nju Delhi, në vend që t’i dërgonte në qendra ndërkombëtare me përvojë si BEA në Francë apo NTSB në SHBA. Për më tepër, AAIB, organi që drejton hetimin, nuk është i pavarur, por në varësi të Ministrisë së Aviacionit Civil – gjë që rrit shqetësimet për ndikim politik.

Stephanie Pope e Boeing dhe Russell Stokes i GE Aerospace udhëtuan menjëherë drejt Indisë pas aksidentit – një lëvizje e pazakontë që sinjalizon tension mes palëve. SHBA dhe Britania e Madhe, për shkak të përfshirjes si shtet prodhues dhe vendi i origjinës së shumë viktimave, kanë qenë të përfshira në prapaskenë për të garantuar një hetim të drejtë.

Sipas burimeve, India ka refuzuar sugjerimin për të analizuar të dhënat jashtë vendit, edhe pse kjo mund të garantonte më shumë besueshmëri. Autoritetet perëndimore e kanë parë këtë si mungesë bashkëpunimi dhe sinjalizim të një procesi jo transparent.

Pas rrëzimit, janë inspektuar 26 nga 33 avionët Boeing 787 të Air India. Zyrtarët e AAIB konfirmojnë se të dhënat nga kutitë e zeza janë shkarkuar me sukses, por hetimi mund të zgjasë disa javë deri në disa muaj. Deri tani, nuk janë publikuar konkluzione paraprake.

Në mungesë të një raporti të qartë dhe përballë refuzimit të ndihmës ndërkombëtare, hetimi për rrëzimin e avionit rrezikon të përfundojë me dyshime të forta për ndërhyrje politike dhe mungesë të transparencës, ndonëse është një nga katastrofat më të rënda ajrore në Indi në dy dekadat e fundit.

The post Rrëzimi i avionit të Air India, Perëndimi ngre shqetësime për transparencën dhe vonesat appeared first on Sot News | Lajme.

India përuron Urën Hekurudhore të Chenab-it: Një Urë për Integrim dhe Përfshirje

Në fillim të këtij muaji, Kryeministri i Indisë, Narendra Modi, përuroi një nga projektet më ambicioze të infrastrukturës në botë – Ura Hekurudhore e Chenab-it në Territorin e Bashkuar të Jammu dhe Kashmir. Me një lartësi prej 359 metrash mbi lumin Chenab, kjo urë me hark prej çeliku është më e larta në botë, duke tejkaluar edhe Kullën Eiffel me 35 metra. Ajo përfaqëson jo vetëm fuqinë teknologjike të Indisë, por edhe vizionin zhvillimor dhe përkushtimin për integrimin kombëtar. Ura është një hallkë thelbësore në përpjekjet për të siguruar qasje të shpejtë dhe të qëndrueshme gjatë gjithë vitit për Luginën e Kashmirit me pjesën tjetër të vendit, duke shmangur izolimin që sjellin rrëshqitjet e dheut dhe reshjet e dëborës.

Një Kryevepër Inxhinierike

E ndërtuar me një kosto prej rreth 170 milionë dollarësh, përmes një gryke të thellë malore në një rajon me aktivitet të lartë sizmik dhe kushte ekstreme klimatike, ura e Chenab-it është një mrekulli inxhinierike. Ajo ka një gjatësi prej 1,315 metrash, përfshirë një hark qendror prej 467 metrash. Projekti u realizua nga kompani indiane të ndërtimit dhe inxhinierisë me pjesëmarrje minimale të huaj, duke demonstruar aftësitë e avancuara të Indisë në ndërtimin me çelik dhe rezistencën ndaj erërave të fuqishme, tërmeteve dhe shpërthimeve. Ajo mund t’i përballojë erërat deri në 266 km/h, temperatura ekstreme deri në –20°C, tërmete të shkallës 8 dhe shpërthime të barasvlershme me 40 tonë TNT. Përdorimi inovativ i çelikut rezistent ndaj motit, saldimi robotik dhe përdorimi i vinçave ajrorë për ndërtim në terrene të paarritshme e bën këtë projekt unik.

Më shumë se një Urë: Një Projekt Kombëtar

Përtej aspektit teknik, ura përfaqëson një simbol të fortë social dhe politik. Ajo përmbush një premtim të kahershëm për të integruar Jammu dhe Kashmirin, emocionalisht dhe ekonomikisht, në strukturën kombëtare të Indisë – një hap konkret drejt zhvillimit gjithëpërfshirës.

Ura është pjesë qendrore e linjës hekurudhore Udhampur-Srinagar-Baramulla, që për herë të parë lidh Luginën e Kashmirit me rrjetin hekurudhor kombëtar, duke përmbyllur izolimin dimëror të rajonit. Kohët e udhëtimit do të shkurtohen ndjeshëm, zinxhirët e furnizimit do të stabilizohen dhe mundësitë ekonomike do të shumohen. Për banorët e fshatrave të thellë malorë, kjo urë është një hap i madh drejt përfshirjes në zhvillimin kombëtar.

Kryeministri Modi e quajti këtë urë “triumf i qëndrueshmërisë dhe vendosmërisë” dhe theksoi rolin e saj në bashkimin e jo vetëm territoreve, por edhe zemrave dhe aspiratave.

Zhvillimi i Infrastrukturës si Shtyllë e Rritjes

Inaugurimi i kësaj ure përputhet me përpjekjet e përgjithshme të qeverisë indiane për ta kthyer zhvillimin e infrastrukturës në motorin kryesor të rritjes. Në dekadën e fundit, India ka zgjeruar autostradat, ka elektrifikuar mbi 90% të linjave hekurudhore, ka ndërlidhur çdo distrikt me aeroporte pranë dhe po zhvillon porte dhe limane përmes projektit SagarMala – një iniciativë për të përdorur detet dhe rrugët ujore për zhvillimin kombëtar. Gjithashtu, India ka arritur suksese të mëdha në ndërlidhjen dixhitale dhe në politikat e neutralitetit klimatik, duke përfshirë edhe zonat më të largëta në rrjetet dixhitale dhe energjinë e pastër.

Qasja është gjithëpërfshirëse – zhvillimi nuk është më vetëm çështje urbane, por ka arritur edhe gjeografitë më të vështira. Është një vizion kombëtar ku përfshirja nuk është vetëm fjalë, por pjesë e strukturës – e ndërtuar në ura, tunele dhe hekurudha.

Hekurudhat Indiane: Forca që Bashkon

Përfundimi i urës së Chenab-it është një tjetër arritje madhore për Hekurudhat Indiane – një nga rrjetet hekurudhore më të mëdha në botë. Me mbi 68,000 kilometra rrugë, ato transportojnë mbi 23 milionë pasagjerë çdo ditë dhe afro 1.4 miliardë tonë mallra çdo vit. Me më shumë se 1.2 milionë të punësuar, Hekurudhat Indiane janë një nga punëdhënësit më të mëdhenj globalisht.

Kohët e fundit, sektori është futur në një epokë të re modernizimi dhe qëndrueshmërie. Mbi 90% e linjave me gjerësi të madhe janë elektrifikuar dhe sistemi synon të bëhet i pari hekurudhë neutrale ndaj karbonit në botë deri në vitin 2030. Inovacionet vendore si treni Vande Bharat dhe sistemi i sigurisë Kavach janë dëshmi të transformimit të këtij sektori.

Hekurudhat Indiane nuk janë thjesht një sistem transporti – ato janë një forcë që fuqizon unitetin, lëvizshmërinë dhe ekonominë e vendit. Me përparimet teknologjike dhe përgjegjësinë mjedisore, ato janë të gatshme ta udhëheqin Indinë drejt një epoke të re zhvillimi inteligjent, të qëndrueshëm dhe gjithëpërfshirës.

The post India përuron Urën Hekurudhore të Chenab-it: Një urë për integrim dhe përfshirje appeared first on Albeu.com.

Një ngjarje prekëse ka ndodhur në qytetin Diu të Indisë Perëndimore, ku Vishwashkumar Ramesh, britaniku i vetëm që mbijetoi nga rrëzimi tragjik i avionit të kompanisë Air India javën e kaluar, ka ndihmuar në ceremoninë mortore të vëllait të tij, Ajay, i cili humbi jetën në aksident.

Ramesh, me krahun dhe fytyrën ende të fashuar, ishte mes mbajtësve të arkivolit në procesionin mortor që u zhvillua nën reshje shiu. Ai sapo kishte dalë nga spitali, ku kishte kaluar pesë ditët e fundit duke marrë mjekim për djegie dhe plagë të shumta.

Avioni “Boeing 787-8 Dreamliner”, me destinacion Londrën, u rrëzua disa sekonda pas ngritjes nga qyteti Ahmedabad më 12 qershor, duke shkaktuar vdekjen e të paktën 270 personave, përfshirë pasagjerë dhe njerëz në tokë. Për fat të keq, vëllai i Vishwashkumar Ramesh, Ajay, ndodhej gjithashtu në bord dhe nuk mbijetoi.

Në mesin e të vrarëve janë edhe 14 banorë të Diu-së, që u mblodhën për t’i dhënë lamtumirën e fundit viktimës së komunitetit të tyre./abcnews.al

Një defekt në të dy motorët, dyshohet si shkaku kryesor i tragjedisë ajrore të ndodhur javën e kaluar në Indi, ku një avion Boeing 787 Dreamliner i kompanisë “Air India” u rrëzua pak minuta pas ngritjes, duke shkaktuar vdekjen e të paktën 270 personave.

Avioni, i cili ishte nisur nga qyteti Ahmedabad me destinacion Londrën, u përplas me një godinë të një kolegji mjekësor, duke shkaktuar flakë të mëdha që përfshinë ndërtesën dhe avionin.

Ekspertët e Byrosë së Hetimeve të Aksidenteve Ajrore të Indisë, po hetojnë ngjarjen me mbështetjen e ekipeve nga SHBA, Britania dhe vetë kompania “Boeing”.

Sipas raportimeve të para të siguruara nga Wall Street Journal, hetuesit po shqyrtojnë mundësinë që gjatë ngritjes avioni të ketë funksionuar me një sistem emergjence energjie, i njohur si “ram air turbine”, duke sinjalizuar se motorët mund të mos kenë punuar normalisht.

Sipas të dhënave, pilotët kishin vetëm 17 sekonda për të reaguar pasi të dy motorët kishin humbur fuqinë në një lartësi prej vetëm 120 metra, shkruan A2 CNN.

Një video e re me cilësi të lartë, e publikuar këtë javë, përforcon teorinë e një dështimi të dyfishtë të motorëve, sipas pilotit dhe analistit Steve Schreiber, i cili e cilëson këtë provë si një “pikë kthese” për zbardhjen e shkaqeve të aksidentit.

Autoritetet kanë konfirmuar se pilotët bënë një thirrje emergjente “mayday” para përplasjes. Hetimet po përqendrohen edhe në të dhënat e kutive të zeza, ngarkesën e avionit, trajnimet e pilotëve dhe gjendjen teknike të mjetit ajror. Një komision i posaçëm pritet të japë një raport paraprak brenda tre muajsh.

The post Tragjedia ajrore/ Zbardhet arsyeja për rrëzimin e avionit në Indi appeared first on Albeu.com.

Mediat indiane, kanë publikur pamje të reja tronditëse, ku tregojnë momentet dramatike kur studentët e një kolegji mjekësor përpiqen të shpëtojnë nga ndërtesa në flakë, pasi avioni Air India AI171 u përplas mbi akomodimin e tyre në Ahmedabad.

Në skenat kaotike të filmuara nga banorët, duken qartë të rinj që varen nga ballkonet dhe zbresin me çarçafë të lidhur, ndërsa një re tymi e dendur ngrihet mbi ta.

Disa persona të tjerë, tashmë në tokë, ngjiten nëpër pemë për t’i drejtuar dhe ndihmuar të shpëtojnë.

Tragjedia ndodhi javën e kaluar, kur një avion Boeing 787 Dreamliner i linjës Air India u rrëzua vetëm disa sekonda pas ngritjes me destinacion Londrën.

Në bord ndodheshin 241 persona, përfshirë pilotët dhe ekuipazhin, të cilët humbën jetën në vend.

Sipas mjekëve, numri i viktimave ka arritur në rreth 280, pasi avioni goditi një zonë të populluar pranë aeroportit.

Ndërtesa ku u përplas avioni ishte një konvikt për studentët e një kolegji mjekësor. Flakët e shkaktuara nga përplasja u përhapën me shpejtësi, duke krijuar një skenë paniku dhe të dëshpëruar për jetë.

I vetmi që ka mbijetuar nga pasagjerët është Vishwash Kumar Ramesh, një shtetas britanik. Ai u nxor nga rrënojat me lëndime të rënda por gjendja e tij shëndetësore po përmirësohet.

Autoritetet kanë nisur hetimet mbi shkaqet e aksidentit.

The post Publikohen pamje të reja, njerëzit hidhen nga dritaret pas përplasjes së avionit në Indi (VIDEO) appeared first on Albeu.com.

shirat e rrëmbyeshëm kanë vrarë të paktën 18 persona që nga e hëna në Gujarat të Indisë, tha qeveria e shtetit veriperëndimor indian.

“18 persona kanë vdekur në aksidente të lidhura me shirat dhe dhjetëra të tjerë që jetojnë në zona të ulëta janë shpëtuar”, tha qeveria e Gujaratit në një deklaratë.

Me shirat e rrëmbyeshëm që pritet të vazhdojnë në ditët në vijim, kryeministri i Gujaratit, Bhupendra Patel, ka shqyrtuar masat e marra nga autoritetet. Komisioneri përgjegjës për operacionet e shpëtimit në Gujarat, Alok Kumar Pandey, konfirmoi se 18 persona vdiqën, pasi u goditën nga rrufeja ose u bllokuan në ndërtesa të shembura.

Përmbytjet dhe rrëshqitjet e dheut janë të zakonshme në Indi gjatë sezonit të musoneve (periudhë me ndryshime drastike të motit në vendet tropikale), i cili zgjat nga korriku deri në shtator. Shkencëtarët besojnë se ndryshimi i klimës po i bën këto fenomene më të shpeshta, intensive dhe të paparashikueshme.

The post Shirat dhe stuhitë godasin vendin, 18 viktima dhe dhjetëra persona të bllokuar nga përmbytjet appeared first on Sot News | Lajme.

Autoritetet e hetimt po përqendrojnë hetimet te dy motorët GEnx të Boeing 787 të Air India, pasi dyshohet se ata ndaluan së funksionuari pothuajse njëkohësisht menjëherë pas ngritjes nga pista, në aksidentin tragjik të 12 qershorit. Sipas dyshimeve, problemet mund të kenë nisur që gjatë përshpejtimit në pistë, në një moment kur avioni kishte arritur shpejtësinë, që nuk lejonte më ndërprerjen e ngritjes.

Avioni Boeing 787, me 242 persona në bord, prej të cilëve 230 pasagjerë, 10 anëtarë të ekuipazhit dhe dy pilotë ishte nisur nga Ahmedabad në Indi drejt Londrës Gatwick. Rreth 30 sekonda pas ngritjes, ai humbi lartësinë dhe u përplas mbi disa ndërtesa, duke goditur mes të tjerash kantinën e një spitali universitar.

Sipas medieve të huaja, nga kabina u dërgua sinjali i emergjencës “mayday”, por pilotët nuk arritën të japin shpjegime. Një pasagjer shpëtoi duke dalë nga avioni që po digjej. Viktimat aktualisht janë 270 (241 në avion dhe 29 në tokë), ndërsa pritet që numri të rritet.

Analiza e një videoje tregon se pak para përplasjes ishte aktivizuar “Ram air turbine”, një turbinë e vogël emergjente që ndizet automatikisht në rast të humbjes totale të energjisë elektrike ose presionit hidraulik, pra në rast ndalimi të motorëve. Kjo konfirmon dyshimet për defekt në motorë.

Ekspertët testuan në simulator disa skenarë të mundshëm, duke marrë parasysh peshën e avionit, temperaturën në pistë (37 °C) dhe pozicionin e flap-eve. Vetëm skenari ku të dy motorët ndalojnë së funksionuari çoi në aksident.

Hetimi është ende në zhvillim dhe nuk përjashton asnjë shkak, nga defekti mekanik, gabimi njerëzor, sabotaži, deri te defekti i softuerit që kontrollon motorët. Pas aksidentit, kanë zhvilluar takime të pazakonta në selinë e Air India pranë Nju Delhit përfaqësues të Boeing dhe GE Aerospace, kompania prodhuese e motorëve, me autoritetet indiane.

The post Tragjedia ajrore në Indi/ Hetuesit zbulojnë: Dy motorët e avionit dolën jashtë funksionit menjëherë pas ngritjes appeared first on Sot News | Lajme.

Një fluturim i Air India u detyrua të kthehej urgjentisht në Hong Kong të hënën, menjëherë pas ngritjes, për shkak të një problemi teknik në ajër. Ngjarja ndodhi vetëm disa ditë pas rrëzimit tragjik të një avioni tjetër të së njëjtës kompani, ku humbën jetën të paktën 270 persona.

Sipas deklaratës së Air India, aeroplani që kishte destinacion New Delhi u ul në mënyrë të sigurt në Hong Kong dhe po i nënshtrohet kontrolleve të detajuara si masë paraprake e shtuar. Autoriteti i Aeroportit të Hong Kongut konfirmoi se fluturimi AI315 u kthye në aeroport rreth orës 13:00.

Avioni i përfshirë ishte një Boeing 787 Dreamliner, i njëjti model si fluturimi që u rrëzua të enjten në Ahmedabad të Indisë, kur goditi një konvikt të kolegjit mjekësor, vetëm pak minuta pas ngritjes. Nga aksidenti humbën jetën 241 persona në bord dhe të paktën 29 të tjerë në tokë, ndërsa vetëm një pasagjer arriti të mbijetojë.

Air India njoftoi se ka bërë rregullime të menjëhershme për të transportuar pasagjerët e prekur në destinacionin e tyre sa më shpejt të jetë e mundur.

The post Probleme teknike në avionin e Air India, ulet në Hong Kong urgjentisht pas ngritjes appeared first on Sot News | Lajme.

Një baba britanik, i cili duhej të ishte në bordin e aeroplanit të Air India që u rrëzua javën e kaluar, është ‘mirënjohës’ për jetën e tij pasi vendosi të ndryshojë fluturim në minutën e fundit.

Owen Jackson, 31 vjeç, nga Saffron Walden në Essex, kishte qenë në Indi për punë dhe priste të kthehej në shtëpi të enjten. Por, i zënë në punë, kolegët e tij i sugjeruan të merrte një fluturim për t’u kthyer të shtunën.

Të enjten në mëngjes, fluturimi AI171 u rrëzua pas ngritjes nga Ahmedabad në Gujarat, duke lënë vetëm një të mbijetuar nga 242 persona në bord, përfshirë 53 britanikë.

Owen nuk i kishte thënë familjes së tij se në cilën ditë do të fluturonte dhe ishte në takime, kur gruaja e tij mësoi për tragjedinë. Rastësisht ai ishte rezervuar në vendin 11A në fluturimin e së shtunës – i njëjti numër vendi me fat ku i mbijetuari i vetëm Vishwash Kumar Ramesh kishte qenë ulur në fluturimin AI171 kur u rrëzua.

“Është një tronditje”, tha Owen për The Sun. “Jam më mirënjohës se çdo gjë tjetër, është një rastësi kaq e çuditshme.”

“Herë pas here dëgjon për aeroplanë që rrëzohen dhe nuk mendon shumë për këtë, por kur është fjala për aeroplanin e vërtetë me të cilin do të hipësh potencialisht dy ditë më vonë, kjo të bën të mendosh.”

Gruaja e Owen, Phillipa, 30 vjeç, nuk ishte në dijeni të fatit të burrit të saj për orë të tëra, pasi ai nuk i kishte thënë se kishte ndryshuar planet e tij. Owen tha se ai ishte ndoshta një nga njerëzit e fundit që mësoi për aksidentin, duke mos e parë telefonin e tij për rreth dy orë pasi ndodhi.

The post Fat i pabesueshëm në vendin ‘11A’: Shpëtohet edhe një pasagjer tjetër appeared first on iconstyle.al.