Një ngjarje e rëndë ka tronditur komunitetin në Perth të Australisë, ku trupi i një foshnjeje të porsalindur u zbulua në një kanal ujërash në zonën Alexander Heights.

Zbulimi u bë të hënën, më 18 gusht, nga dy punonjës mirëmbajtjeje të cilët po kryenin kontrolle rutinë në rrugën La Salle. Ata hasën trupin e mbështjellë në një çarçaf brenda kanaleve të kullimit, dhe menjëherë njoftuan autoritetet.

Sipas hetimeve të para të Policisë së Australisë Perëndimore (WA Police), nuk ka prova që sugjerojnë dhunë ndaj foshnjës. Besohet se trupi ka qenë në vendngjarje për një kohë të shkurtër përpara se të gjendej.

Një grua 31-vjeçare, e identifikuar si nëna biologjike e fëmijës, është vënë në pranga dhe është akuzuar për fshehjen e lindjes së një fëmije të ndjerë. Ajo është në kujdesin e autoriteteve dhe po merr mbështetje për shëndetin mendor, konfirmoi Inspektorja Detektive Jessica Securo.

The post Tragjedi në Australi: Foshnja e porsalindur zbulohet në kanal, nëna nën hetim appeared first on iconstyle.al.

Australia do të blejë 11 fregata të klasit Mogami të ndërtuara nga Mitsubishi Heavy Industries (MHI) e Japonisë , për 6 miliardë dollarë amerikanë (5.2 miliardë euro),

Lajmi u konfirmuar edhe Ministri Australian i Mbrojtjes, Richard Marles.

“Kjo është qartësisht marrëveshja më e madhe e industrisë së mbrojtjes ndonjëherë midis Japonisë dhe Australisë”, tha Marles gjatë një konference për shtyp.

/abcnews.al/

Disa qytete në Australinë lindore janë mbuluar nga reshjet e dendura të dëborës, ndërsa moti i keq goditi kontinentin gjatë fundjavës.

Autoritetet njoftuan se reshjet intensive shkaktuan përmbytje, bllokim të automjeteve dhe ndërprerje të furnizimit me energji elektrike për mijëra shtëpi.

Sipas Agjencisë së Menaxhimit të Emergjencave, moti pritet të përmirësohet gjatë ditës së sotme, me parashikime që flasin për deri në 50 cm borë në disa zona.

Zonat në pjesët veriperëndimore të shtetit të Anglisë së Re regjistruan reshjet më të dendura të borës në 20 vitet e fundit, sipas raportimeve të transmetuesit shtetëror ABC. Ndërkohë, Queensland përjetoi reshjet e para të borës pas një dekade, sipas gazetës Sydney Morning Herald.

The post Stuhuia e dëborës godet Australinë, automjete të bllokuara dhe energji elektrike në mijëra shtëpi appeared first on Albeu.com.

Një insekt shkop i sapozbuluar në Australi ka tërhequr vëmendjen e shkencëtarëve, pasi megjithëse peshon më pak se një top golfi, mund të jetë insekti më i rëndë i këtij lloji në vend.

I quajtur Acrophylla alta, insekti arrin një gjatësi prej 40 centimetrash dhe u zbulua në zonat malore të Athertonit, në veri të Queensland-it. Sipas ekspertëve, përmasat e mëdha mund të lidhen ngushtësisht me kushtet e veçanta të habitatit ku jeton.

Në një artikull të publikuar në revistën shkencore Zootaxa, thuhet se ky insekt shkop ka gjasa të jetë më i rëndë se karkaleci gjigant, një specie endemike e Queensland-it.

 

View this post on Instagram

 

A post shared by ABC News (@abcnews)

Zbulimi u bë pas disa netësh kërkimi nga studiuesit Angus Emmott dhe Ross Coupland. Ata panë një femër të këtij insekti në një lartësi të tillë, sa u desh të përdornin një shkop për ta zbritur. Coupland, sapo e vëzhgoi nga afër, dyshoi menjëherë se kishin të bënin me një lloj të panjohur më parë.

Insekti u mor për studim, u vendos në një kafaz dhe u ushqye për të marrë disa nga vezët e tij. “Te insektet shkop, vezët janë shumë të rëndësishme për identifikim, sepse çdo lloj ka vezë të veçanta,” shpjegon Emmott.

Ai dyshon se kjo specie ka kaluar pa u vënë re më parë për shkak të vështirësisë në qasjen ndaj habitatit të saj, që ndodhet në një zonë të ftohtë dhe të lagësht. Sipas tij, pikërisht këto kushte mund të kenë ndikuar në zhvillimin e përmasave të mëdha të insektit, duke i ndihmuar të mbijetojë në klimën e ashpër të rajonit./abcnews.al

Australia i ka dorëzuar Ukrainës tanket M1A1 Abrams me vlerë 160 milionë dollarë.

Kievi ka pranuar kontingjentin e parë prej 49 tankesh Abrams nga Australia, ndërsa pjesa e mbetur pritet të dorëzohet më vonë.

Kjo dërgesë është pjesë e një pakete të re mbrojtëse me vlerë rreth 140 milionë euro.

Ministri i Mbrojtjes, Richard Marles, e quajti këtë veprim një kontribut në luftën kundër “pushtimit të paligjshëm dhe imoral të Rusisë”.

Australia mbetet një nga donatorët më të mëdhenj jofamiljarë të NATO-s për Ukrainën.

Dorëzimi ishte shtyrë më herët nga Shtetet e Bashkuara, por tanket tashmë kanë arritur në Kiev./abcnews.al

SIDNEJ, 19 korrik /ATSH/- Qeveria e Australisë tha sot se i kishte dorëzuar Ukrainës tanke “M1A1 Abrams” – si pjesë e një pakete prej 245 milionë dollarësh australianë (160 milionë dollarë) për të ndihmuar vendin të mbrohet kundër Rusisë – në luftën e tyre të vazhdueshme, sipas “Reuters”.

Australia, një nga kontribuesit më të mëdhenj jo-anëtarë të NATO-s në Ukrainë, ka ofruar ndihmë, municione dhe pajisje mbrojtëse që kur Moska pushtoi fqinjin e saj në shkurt të vitit 2022.

“Ukraina ka marrë deri më tani, 49 tanke nga Australia, dhe pjesa tjetër do të dorëzohet në muajt e ardhshëm”, tha ministri i Mbrojtjes, Richard Marles.

“Tanket “M1A1 Abrams” do të japin një kontribut të rëndësishëm në luftën e vazhdueshme të Ukrainës kundër Rusisë”, shtoi ai.

“Australia planifikon të vazhdojë me stërvitjen eushtarëe ukrainas, si dhe të dërgojë një avion “E-7A Wedgetail” të Forcave Ajrore Australiane në Evropë në gusht – për të ndihmuar në mbrojtjen e Ukrainën”, thuhet në deklaratë.

“Australia mbetet e palëkundur në mbështetjen ndaj Ukrainës dhe në vizionin për një paqe të drejtë dhe të qëndrueshme”, tha Marles.

Australia ka furnizuar ndihmë dhe pajisje mbrojtëse për Ukrainën që kur Rusia filloi operacionin e saj të posaçëm ushtarak kundër fqinjit të saj në shkurt 2022. Ajo gjithashtu ka vendosur sanksione ndaj Moskës. //a.i/

The post AUSTRALI – Qeveria dërgon tanke “Abrams” në Ukrainë për të luftuar kundër Rusisë appeared first on Agjencia Telegrafike Shqiptare.

5 persona u ulën për të ngrënë drekë në shtëpinë e saj në një zonë rurale të Australisë më 29 korrik 2023. Brenda një jave, 3 prej tyre ishin të vdekur, një i katërt luftonte për jetën, dhe e pesta – vetë Erin – ishte nën hetim për helmim të qëllimshëm të të ftuarve me kërpudha të egra. Pas një gjyqi shumë të ndjekur në qytetin e vogël Morwell, Erin u shpall fajtore për vrasjen e 3 të afërmve dhe përpjekjen për të vrarë një tjetër.

Me sytë nga juria gjatë gjithë kohës, ajo qëndroi e heshtur dhe e përmbajtur kur u shpall verdikti që mund ta çojë në burgim të përjetshëm. E vetëquajtur si adhuruese e kërpudhave dhe kërkuese amatore kishte deklaruar në gjykatë se gjithçka ishte një aksident tragjik.

Por gjatë 9 javëve, juria dëgjoi prova që sugjeronin se ajo kishte kërkuar me qëllim kërpudhat vdekjeprurëse në qytetet përreth dhe kishte joshur viktimat drejt asaj dreke fatale nën pretekstin e rremë se kishte kancer duke tentuar më pas të fshehë krimin duke gënjyer policinë dhe zhdukur provat.

Pjata portokalli

Prindërit e burrit të Erin, Gail dhe Don Patterson mbërritën në derën e shtëpisë së saj pak pas mesditës atë të shtunë fatkeqe, me një tortë portokalli në dorë. Me ta ishin edhe Heather, motra e Gail-it, dhe bashkëshorti i saj Ian, i cili, disa javë pas asaj dreke u zgjua nga koma për të zbuluar se ishte i vetmi i mbijetuar nga të ftuarit.

Ajo që binte në sy ishte mungesa e Simon Patterson, bashkëshortit të ndarë të Erin. Ai ishte larguar një ditë më parë, duke thënë se nuk ndjehej mirë që të merrte pjesë në drekë për shkak të tensioneve mes çiftit. Erin kishte kaluar mëngjesin duke punuar mbi një recetë nga një prej kuzhiniereve më të dashura të vendit, të cilën e kishte përshtatur për të përgatitur racione individuale të “biftekut Wellington” – copa të shtrenjta mishi të lyera me një pastë kërpudhash dhe të mbështjella me brumë.

Ian tregoi para jurisë se pa kur këto racione u vendosën në 4 pjata gri dhe një pjatë portokalli për vetë Erin, të shoqëruara me puré patatesh, bishtaja jeshile dhe salcë mishi në anë. Një racion i gjashtë, i përgatitur supozohet për Simon nëse ai ndryshonte mendje dhe vinte, u fut në frigorifer. Erin fillimisht ishte akuzuar edhe për përpjekje për të vrarë atë – në disa raste – por ato akuza u hoqën një ditë para fillimit të gjyqit dhe nuk iu paraqitën jurisë.

Grupi tha lutjen para ngrënies dhe më pas nisën vaktin, duke shkëmbyer batuta për sasinë që po hanin. “U fol për burrat që ndihmonin gratë e tyre” – tregoi Ian. Të ngopur, ata hëngrën ëmbëlsirën, para se Erin t’i habiste me një deklaratë që kishte kancer. Edhe mbrojtja pranoi që kjo nuk ishte e vërtetë. Por atë ditë, çiftet e moshuar i dhanë Erin këshilla se si t’ua thoshte fëmijëve të saj, përpara se ta mbyllnin vaktin ashtu siç e nisën – me një lutje.

Ian i tha gjykatës se nuk e njihte mirë mikpritësen, por “gjërat ishin miqësore”. “Ajo më dukej thjesht një person normal,” tha ai. Brenda asaj nate, të gjithë mysafirët u sëmurën rëndë dhe ditën pasuese 4 prej tyre shkuan në spital me simptoma të rënda. Donald – i cili kishte ngrënë pjesën e tij të ushqimit dhe rreth gjysmën e asaj që hëngri gruaja e tij – i tha mjekut se kishte vjellë 30 herë brenda disa orësh.

Dyshimet filluan të lindin shpejt. Gjyqi dëgjoi se disa nga ata të ftuar në drekë ishin habitur nga ftesa. Simon tha se ishte e rrallë që ish-gruaja e tij të organizonte një gjë të tillë, ndërsa Ian tha se ai dhe bashkëshortja e tij e ndjerë nuk kishin shkuar asnjëherë më parë në shtëpinë e Erin. Në retrospektivë, një nga mysafirët kishte pyetur me zë të lartë pse Erin i kishte shërbyer vetes në një pjatë të ndryshme nga familja.

“Kam menduar për këtë që nga dreka,” tha Heather, sipas një dëshmitari. “A i mungojnë pjatat?” Më vonë, në spitalin në Leongatha, mysafirët e sëmurë pyetën nëse edhe mikpritësja ishte sëmurë. Të gjithë kishin ngrënë të njëjtën vakt, apo jo? Detektivët i bënë pyetje të ngjashme disa ditë më vonë, në dhomën e intervistës në polici me Erin.

“Po përpiqemi të kuptojmë se çfarë i ka sëmurur ata kaq shumë” dëgjoheshin të thoshin detektivët në një regjistrim që u transmetua në gjyq. “Në anën tjetër, po përpiqemi të kuptojmë pse ti nuk je aq e sëmurë.” Erin Patterson e përshkroi drekën për herë të parë publikisht në gjyq. Ajo i tha gjykatës se pasi kishte përshëndetur të afërmit, kishte pastruar kuzhinën dhe më pas i kishte bërë vetes një shpërblim duke ngrënë një copë nga torta portokalli që kishte sjellë Gail.

“[Hodha] një copë tjetër torte, dhe pastaj edhe një copë tjetër,” tha ajo. Para se ta kuptonte, torta ishte mbaruar dhe ajo ndihej shumë e ngopur. “Prandaj shkova në tualet dhe e nxora përsëri,” i tregoi Erin gjykatës. “Pas kësaj ndihesha më mirë.”

Ajo tregoi para jurisë për një luftë të fshehtë me buliminë, duke thënë se kishte pasur episode të rregullt të ngrënies së tepruar dhe pastaj pastrimit që nga adoleshenca – diçka që sipas avokatëve të saj shpjegonte mungesën e simptomave të helmimit.

Dy ditë pas drekës, Erin shkoi vetë në spital, duke raportuar se ndihej keq. Por fillimisht ajo refuzoi me këmbëngulje lutjet e stafit që ajo dhe fëmijët e saj – për të cilët pretendonte se kishin ngrënë mbetjet e ushqimit – të shtroheshin menjëherë për trajtim. Një mjek i “habitur”, i cili kishte parë gjendjen e rëndë të pjesëtarëve të tjerë të drekës, u shqetësua aq shumë për sigurinë e tyre sa që kontaktoi policinë për ndihmë.

Por kur mjekët e bindën Erin të bëhej kontrolli, as ajo dhe as fëmijët nuk shfaqën simptoma të ngjashme me të tjerët që kishin ngrënë në atë drekë. Testet nuk treguan asnjë gjurmë të helmit të kërpudhave. Pas një qëndrimi 24-orësh, Erin u largua nga spitali.

Flamuj të kuq

Teksa viktimat e saj vazhdonin të vuanin në spital – me të vjella dhe diarre të pakontrollueshme që përshkallëzoheshin në dështim organesh – prokurorët pretendojnë se Erin po përpiqej të mbulonte gjurmët. Ditën pas daljes nga spitali, kamerat e sigurisë e kapën Erin duke shkuar në një pikë grumbullimi mbeturinash lokale dhe duke hedhur një dehidratues ushqimi, i cili më vonë rezultoi se kishte gjurmë të kërpudhave helmuese.

Gjithashtu, ajo po përdorte tre telefona gjatë kohës së drekës, dy prej të cilëve u zhdukën menjëherë më pas. Telefoni i vetëm që i dorëzoi policisë ishte fshirë vazhdimisht – përfshirë edhe gjatë kohës kur hetuesit po kontrollonin shtëpinë e saj. Për hetuesit, sinjalet alarmante filluan të grumbulloheshin shpejt.

Kur u pyet për burimin e kërpudhave, përgjigjet e Patterson ishin të çuditshme. Ajo pretendoi se disa prej tyre i kishte blerë të thata në një dyqan aziatik në Melburn, por nuk mbante mend në cilën lagje. Kur u pyet për markën apo ndonjë provë blerjeje, tha se ishin në ambalazh pa emër dhe se duhet të ketë paguar me para në dorë.

Hetuesit zbuluan se kërpudhat helmuese “death cap” (kapelet e vdekjes) ishin parë në dy qytete pranë zonës ku banonte Erin, në javët para drekës fatale. Banorë të shqetësuar kishin postuar foto dhe vendndodhjet në bazën online të të dhënave për bimët, iNaturalist. Historia e kërkimeve në internet e Erin tregonte se ajo e kishte përdorur këtë faqe për të parë vendndodhjet e kërpudhave helmuese, të paktën një herë më parë.

Të dhënat e vendndodhjes nga telefoni i saj mobil e tregonin atë duke udhëtuar drejt të dy qyteteve – dhe duke blerë dehidratuesin e ushqimit famëkeq gjatë kthimit nga një prej atyre udhëtimeve. Por përpara policisë, Erin mohoi se kishte ndonjëherë një pajisje të tillë, pavarësisht faktit që një manual përdorimi për dehidratues u gjet në sirtarin e kuzhinës së saj.

Kur ekspertët e forensikës digjitale arritën të rikuperonin disa nga materialet në pajisjet e saj, ata gjetën fotografi që tregonin diçka që ngjante me kërpudhat helmuese, të vendosura mbi një peshore kuzhine.

Gjatë gjyqit, Erin dëshmoi se vetëm disa ditë pas drekës i kishte shkuar në mendje që ndoshta bifteku Wellington-i mund të kishte përfshirë gabimisht kërpudha të thata që ajo i kishte mbledhur vetë dhe i kishte përzier pa dashje me ato të blera në dyqan. Por kishte qenë shumë e “frikësuar” për ta treguar këtë. “Ishte një reagim idiot, instiktiv… për të gërmuar më thellë e për të vazhduar me gënjeshtrën,” tha ajo në gjykatë.

Pa motiv të qartë

Asgjë nuk ishte e qartë për policinë kur vinte puna te motivi. Simon dëshmoi në gjyq se ai dhe Erin kishin mbetur miq dhe flisnin lirshëm pas ndarjes së tyre në vitin 2015. Por sipas tij, gjithçka ndryshoi në vitin 2022, kur mes çiftit nisën mosmarrëveshjet për financat, pagesat për fëmijët, shkollat dhe pronat. Megjithatë, ai tha se nuk kishte pasur asnjë shenjë që Erin të kishte ndonjë armiqësi ndaj familjes së tij. “Sidomos me babain e kishte shumë mirë. Ndante me të dashurinë për dijen dhe mësimin.”

Me zërin që i dridhej, Simon shtoi: “Mendoj se ajo e donte natyrën e tij të butë.” Por vetë Erin i tha gjykatës se po ndjehej gjithnjë e më e izoluar nga familja Patterson – dhe u paraqitën prova që tregonin se ajo ishte bërë e frustruar ndaj tyre.

“Ke pasur dy fytyra,” i tha prokurorja Nanette Rogers, pasi e detyroi Erin të lexonte me zë mesazhe në Facebook plot fyerje, ku ajo e quante Simon-in “një dështak” dhe prindërit e tij “një kauzë e humbur”. Megjithatë, prokuroria zgjodhi të mos paraqiste një motiv specifik, duke thënë se juria mund të mbetej ende me pyetjen se çfarë e shtyu Erin të vriste, edhe pasi gjyqi të kishte përfunduar. Mungesa e një motivi të qartë ishte thelbësore për mbrojtjen e Erin: pse do të donte ajo të vriste familjen e saj, njerëz që – sipas saj – i donte si prindërit e vet?

“Prindërit e mi nuk janë më. Gjyshërit e mi nuk janë më. Ata janë e vetmja familje që kam… I dua shumë,” u tha ajo policëve gjatë marrjes në pyetje. Avokati i saj mbrojtës argumentoi se gjithçka tjetër mund të shpjegohej. Mesazhet ku ajo kritikonte të afërmit e burrit ishin thjesht shkarkim emocionesh të padëmshme; gënjeshtra për kancerin ishte një justifikim për operacionin e humbjes së peshës që po planifikonte, por për të cilin ndjehej shumë në siklet për ta pranuar. Të dhënat e vendndodhjes nga celulari nuk ishin aq precize, kështu që nuk kishte prova të qarta se ajo kishte vizituar realisht qytetet ku ishin parë kërpudhat helmuese.

Gjithashtu, ata sugjeruan se Erin ishte sëmurë pas vaktit, thjesht jo aq rëndë sa të tjerët sepse ajo e kishte vjellë ushqimin. Ajo e urrente të shkonte në spital – prandaj ishte larguar prej andej kundër këshillës mjekësore. Ndërsa gënjeshtrat dhe përpjekjet për të zhdukur provat ishin sjellje e një gruaje që kishte frikë se mos fajësohej për vdekjet aksidentale të të ftuarve të saj. “Erin nuk po gjykohet për gënjeshtra,” tha avokati mbrojtës Colin Mandy. “Ky nuk është një gjykim moral.”

Ai akuzoi prokurorinë se po përpiqej të detyronte një “puzzle” provash të përshtatej, duke “shtrembëruar interpretimet dhe injoruar shpjegime alternative vetëm sepse nuk përputhen saktësisht me narrativën e tyre”. Por prokuroria argumentoi se Erin kishte thënë aq shumë gënjeshtra, sa ishte e vështirë të mbaheshin mend të gjitha. “Ndoshta më e pabesueshmja,” tha prokurorja Dr. Rogers, ishin përpjekjet e saj për të shpjeguar gënjeshtrën për kancerin. Për të provuar se kishte planifikuar të bënte operacion për vendosjen e një rripi gastrik, Erin pretendoi se kishte caktuar një takim në një klinikë në Melburn – e cila nuk ofronte fare një trajtim të tillë.

“Ajo ka thënë gënjeshtër pas gënjeshtre sepse e dinte që e vërteta do ta implikonte,” tha Dr. Rogers. “Kur e kuptoi që gënjeshtrat e saj ishin zbuluar, shpiku një rrëfim të kujdesshëm për të përputhur me provat – por jo plotësisht.” Dr. Rogers tha se juria nuk duhet të kishte asnjë vështirësi për të refuzuar argumentin se “kjo ishte thjesht një aksident i tmerrshëm gjatë mbledhjes së kërpudhave”. Në fund, pas një jave diskutimesh, juria bëri pikërisht këtë. Erin do të kthehet në gjykatë për një seancë dënimi në një datë të mëvonshme. ©BBC, LAPSI.al

The post Gjyqi që tronditi botën/ Gruaja që vrau të afërmit me kërpudha helmuese appeared first on Lapsi.al.

Autoritetet australiane kanë nisur një hetim të gjerë dhe po bëjnë thirrje për testime shëndetësore ndaj rreth 1,200 fëmijëve në shtetin e Viktorias, pas akuzave tronditëse për abuzim seksual ndaj një punonjësi të kujdesit për fëmijë.

Joshua Brown, 26 vjeç, nga Melbourne, u arrestua në maj dhe është akuzuar për më shumë se 70 vepra penale, që përfshijnë tetë viktima të dyshuara. Viktimat janë fëmijë të moshës pesë muaj deri në dy vjeç, që kanë ndjekur Qendrën e Mësimit të Hershëm të Kopshtit Kreativ gjatë periudhës prill 2022 – janar 2023.

Hetimi nisi pasi autoritetet zbuluan materiale abuzimi, dhe jo si pasojë e ndonjë ankese nga viktimat. Policia ka konfirmuar se Brown ka punuar në të paktën 20 qendra kujdesi për fëmijë në Melbourne nga viti 2017 deri në maj 2025. Po hetohet gjithashtu një incident i dytë i mundshëm në një qendër tjetër në veri të qytetit.

Drejtori Ekzekutiv i Shëndetit në Viktoria, Christian McGrath, deklaroi në një konferencë për shtyp se janë njoftuar 2,600 familje dhe 1,200 fëmijë janë këshilluar të bëjnë testime për sëmundje infektive. Ai theksoi se masat janë parandaluese dhe rreziku konsiderohet i ulët.

“Ky është një zhvillim tejet shqetësues. Ne po e trajtojmë situatën me kujdes maksimal për sigurinë e fëmijëve dhe për qetësinë e prindërve,” tha McGrath.

Komisionerja e Policisë, Janet Stevenson, sqaroi se Joshua Brown nuk ishte më parë në radarët e autoriteteve dhe kishte marrë leje zyrtare për të punuar me fëmijë, leje e cila u anulua pas arrestimit. Ajo tha gjithashtu se ndalimi për publikimin e identitetit të tij u hoq me qëllim që prindërit të mund të identifikojnë çdo kontakt të mundshëm të fëmijëve të tyre me të dyshuarin.

Brown mbetet në paraburgim dhe pritet të dalë sërish përpara gjykatës më 15 shtator, ndërsa hetimet nga policia dhe shërbimet sociale vazhdojnë me intensitet. Skandali ka shkaktuar valë shqetësimi dhe zemërimi në gjithë vendin.

The post Skandal/ 26-vjeçari u arrestua për abuzime se*suale me të mitur, thirrje për kontrolle mjekësore tek 1200 fëmijë appeared first on Sot News | Lajme.

Një futbollist shqiptar 28-vjeçar, i identifikuar si Mario Bacaj ka gjetur vdekjen pasi ka rënë nga kati i tetë i një bar-restoranti në qendrën tregtare të Adelaides, Australi. Ngjarja ka ndodhur të dielën, rreth orës 16:00, sipas mediave të huaja.

Bacaj duhej të luante për Klubin e Futbollit Adelaide Eagles më 15 qershor, por rreth orës 10:15 të mëngjesit dërgoi në grupin e bisedës së ekipit një mesazh se nuk ndihej mirë dhe nuk ishte në gjendje të luante. Disa orë më vonë, shokët e tij të ekipit morën lajmin tronditës se Bacaj kishte ndërruar jetë pasi kishte rënë nga kati i tetë i një ndërtese.

“Jemi të shkatërruar të gjithë”, tha një person që është pjesë e klubit.

“Ai ishte shqiptar i rritur në Itali. I pëlqente të luante futboll. Ishte djali më perfekt në komunitetin tonë. Ne luanim me të çdo fundjavë.”

Shokët e ekipit vendosën lule në vendin e tragjedisë. Policia po heton shkaqet e ngjarjes së rëndë.

The post Tragjedi në Australi, futbollisti shqiptar bie nga kati i tetë i restorantit, 28-vjeçari ndërron jetë appeared first on Sot News | Lajme.

Komuniteti sportiv në Adelaide është në zi pas vdekjes tragjike të futbollistit 28-vjeçar Mario Bacaj, i cili humbi jetën të shtunën pasdite pasi ra nga çatia e një bar-restoranti tetëkatësh në qendër të qytetit.

Bacaj, me origjinë shqiptare dhe i rritur në Itali, ishte pjesë e ekipit lokal Adelaide Eagles në Australi dhe pritej të luante në një ndeshje më 15 qershor.

Rreth orës 10:15 të mëngjesit, ai kishte njoftuar bashkëlojtarët në grupin e bisedës se nuk ndihej mirë dhe nuk do të mund të merrte pjesë në ndeshje.

Vetëm disa orë më vonë, rreth orës 16:00, shokët e skuadrës morën lajmin tronditës për vdekjen e tij.

Sipas autoriteteve, Bacaj ra nga kati i tetë i ndërtesës ku ndodhet Bar & Restaurant 2KW.

Ekipet e emergjencës mbërritën menjëherë në vendngjarje, por fatkeqësisht, ai kishte ndërruar jetë në vend.

Hetimet paraprake tregojnë se nuk ka të dyshuar për vdekjen, ndërsa si pistë kryesore po shqyrtohet vetëvrasja.

“Është një humbje që na ka goditur të gjithëve”, tha një përfaqësues i klubit. “Mario ishte një djalë i dashur, i qeshur dhe shumë i përkushtuar ndaj futbollit dhe komunitetit.”

Futbollisti jetonte prej vitesh në Adelaide me gruan dhe djalin e tij të vogël. Të hënën, bashkëlojtarët e tij u mblodhën në vendin ku ndodhi tragjedia, për të vendosur lule të bardha dhe për të nderuar kujtimin e tij.

Mes tyre u vendos edhe një mesazh ngushëllimi në gjuhën shqipe: “Pushofsh në paqe, Mario.”

1 of 4

LEXONI GJITHASHTU:

• VIDEO/ Të shtëna me armë zjarri gjatë intervistës së ish-futbollistit të Barcelonës
• Shkoi nën efektin e ekstazisë në stërvitje, dënohet me dy vite pezullim futbollisti

The post Bie nga kati i tetë, futbollisti shqiptar në Adelaide vdes në rrethana të dyshimta appeared first on Euronews Albania.

Një hetim në Australi ka zbuluar detaje tronditëse mbi vdekjen e një gruaje 32-vjeçare në prill të vitit 2021, e cila humbi jetën pas një mbidoze kafeine ndërsa priste shtatë orë për një ambulancë.

Christina Lackmann, e cila jetonte në Melbourne, telefonoi shërbimet e emergjencës në orën 19:49, duke raportuar marramendje dhe mpirje në të gjithë trupin. Megjithatë, ajo u klasifikua si një rast “jo-urgjent”, dhe nuk mori ndihmën e nevojshme në kohë.

Për shkak të mbingarkesës në sistem, askush nga personeli mjekësor i disponueshëm nuk mund ta merrte përsipër rastin. U bënë 14 përpjekje për ta kontaktuar sërish, por Christina nuk u përgjigj. Kur ambulanca mbërriti më në fund në orën 2:23 të mëngjesit, ajo u gjet e vdekur në banjën e apartamentit të saj, së bashku me qenin që po lehte pranë trupit të saj.

Hetimi zbuloi se atë ditë, Christina kishte marrë një pako me tableta kafeine, ndonëse gjatë telefonatës me urgjencën nuk përmendi se kishte konsumuar ndonjë medikament. Mjekësia ligjore konfirmoi përqendrime të larta të kafeinës në gjak dhe në stomak.

Mjekja ligjore Catherine Fitzgerald deklaroi se nëse do t’i ishte ofruar ndihmë më herët, Christina kishte shumë të ngjarë të mbijetonte. Edhe eksperti toksikolog, prof. Narendra Gunja, theksoi se nëse do të ishte marrë informacioni i duhur gjatë telefonatës, pacientja mund të kishte përfituar nga trajtime jetike si hemodializa ose antidotë specifikë për mbidozën.

The post Ndërroi jetë nga mbidozë kafeine pasi priti 7 orë për ambulancë, tragjedia që tronditi Australinë appeared first on Albeu.com.

Pas një përplasjeje të dhunshme me maçeta mes dy bandave rivale në një qendër tregtare në Melburn, autoritetet në shtetin e Viktorias kanë vendosur të përshpejtojnë ndalimin e këtij lloji arme, që fillimisht ishte planifikuar për në muajin shtator.

Incidenti ndodhi të dielën pasdite në qendrën tregtare Northland, ku një 20-vjeçar mbeti i plagosur rëndë dhe po trajtohet në spital. Dy të mitur, përkatësisht 15 dhe 16 vjeç, janë akuzuar për dhunë të rëndë dhe posedim të armëve të ndaluara, ndërsa dy të rinj të tjerë – 18 dhe 20 vjeç – u arrestuan dhe po merren në pyetje nga policia. Të katër ishin të njohur më parë për autoritetet.

Sipas BBC, ndalimi i përdorimit dhe shitjes së maçetave do të hyjë në fuqi që këtë të mërkurë, në vend të afatit fillestar në muajin shtator. Kryeministrja e Viktorias, Jacinta Allan, tha se ky vendim “do të ndërpresë furnizimin” dhe është pjesë e një qasjeje më të rreptë për kontrollin e armëve të ftohta në shtet.

Policia e përshkroi përplasjen si një “përleshje të planifikuar” mes bandave rivale të të rinjve, duke shtuar se fatmirësisht nuk pati asnjë kalimtar të lënduar. Autoritetet e sigurisë theksojnë se raste të tilla janë të rralla, por jashtëzakonisht shqetësuese.

Në mars, Viktoria kishte njoftuar ndryshime ligjore për ndalimin e thikave me teh më të gjatë se 20 cm, përveç atyre të kuzhinës. Po ashtu, nga muaji shtator do të nisë një periudhë amnistie tre mujore, gjatë së cilës qytetarët mund të dorëzojnë thikat e mëdha në kuti të posaçme pranë stacioneve të policisë, pa pësuar ndëshkime.

The post Përplasjet masive midis bandave, Australia ndalon shitjen e thikave të mëdha appeared first on Sot News | Lajme.

Skena paniku u zhvilluan të dielën në mëngjes në qendrën tregtare Northland në Preston, Melbourne, Australi, pas një sulmi me thikë që rezultoi në plagosjen e deri në katër personave, sipas raportimeve fillestare. Autoritetet menjëherë shkuan në vendngjarje, ndërsa qendra tregtare u bllokua nga forca të forta policie. Sipas mediave australiane, një person është arrestuar […]

The post Australi/ Sulm me thikë në një qendër tregtare, raportohet për 4 të plagosur appeared first on BoldNews.al.

Skena paniku u zhvilluan të dielën në mëngjes në qendrën tregtare Northland në Preston, Melbourne, Australi, pas një sulmi me thikë që rezultoi në plagosjen e deri në katër personave, sipas raportimeve fillestare.

Autoritetet menjëherë shkuan në vendngjarje, ndërsa qendra tregtare u bllokua nga forca të forta policie.

Sipas mediave australiane, një person është arrestuar tashmë si i dyshuar për sulmin, ndërsa autoritetet janë duke kërkuar dy persona të tjerë që mund të jenë të përfshirë.
Gjendja e të plagosurve nuk dihet ende, ndërsa policia nuk ka konfirmuar nëse ky ishte një sulm i synuar apo i rastësishëm.

The post Australi/ Sulm me thikë në një qendër tregtare, raportohet për 4 viktima appeared first on Albeu.com.

Pasi u akuzuan nga mediat australiane për shtëpi bari, Belina dhe Elvis Pupa kanë reaguar në rrjetet e tyre sociale në lidhje me çështje. Fillimisht, ishte aktori që nëpërmjet një story në instagram hodhi poshtë akuzat që u ngritën për zbulimin e 43 bimëve kanabisi në një pronë në Australi.

Pas tij, erdhi reagimi nga influencerja, Blerina Pupa ku sqaroi se është në gjendje të lirë dhe pretendimet janë të rreme.

Postimi i plotë:

Të dashur miq, ndjekës dhe bashkëpunëtorë, Dua t’ju falënderoj me zemër për të gjithë mesazhet, mbështetjen dhe dashamirësinë që më keni treguar këto ditë. E ndjej të nevojshme të ndaj me ju disa sqarime në lidhje me lajmet që kanë qarkulluar në media.

Aktualisht jam plotësisht e lirë dhe po vazhdoj aktivitetin tim profesional si zakonisht. Kërkesa që është bërë nga avokatët e mi lidhet vetëm me udhëtimet ndërkombëtare për arsye pune – një nevojë legjitime për të vijuar angazhimet e mia në Shqipëri, SHBA dhe Australi.

Për respekt të procesit ligjor që është ende në zhvillim, nuk mund të jap detaje të mëtejshme. Por jam e bindur se gjithçka do të sqarohet në mënyrë të drejtë dhe transparente.

Një apel për mediat: ju ftoj të ruani profesionalizmin dhe të mos i dorëzoheni spekulimeve. Raportimi korrekt dhe etik është më i nevojshëm se kurrë, veçanërisht kur bëhet fjalë për figura publike dhe çështje të ndjeshme. Nëse vendosni të citoni media të huaja, bëjeni saktë. Dhe nëse zgjidhni të punoni për klikime, të paktën mos dëmtoni të vërtetën.

Sa për çështjen, ja lëmë kohës dhe drejtësisë të flasë e fundit.

Me respekt dhe mirënjohje, Belina

The post ’Shtëpi bari’ në banesën në Australi, Belina Pupa shuan zërat: Jam e lirë, nuk më lejohen vetëm… appeared first on Sot News | Lajme.

Aktori Elvis Pupa ka reaguar pas lajmit të publikuar nga mediat australiane se ai dhe bashkëshortja e tij Belina Pupa akuzohen se kishin kthyer një banesë në Ascot Park të Australisë në “shtëpi bari”, ku kishin kultivuar 43 bimë kanabisi.

Ndërsa influencerja u arrestua dhe më pas u lirua me kusht, aktori është shpallur në kërkim pasi thuhet se është larguar jashtë vendit.

Elvis Pupa, në një postim në rrjetet sociale, shprehet se nuk është arratisur, siç informuan mediat australiane, por shtoi se ndodhet në Tiranë prej më shumë se 1 muaji për shkak të angazhimeve profesionale.

Sa i përket “shtëpisë së barit”, aktori i humorit shprehet se bëhet fjalë për një proces gjyqësor që është ende në zhvillim dhe se bashkëshortja e tij, Belina Pupa është e lirë.

Elvis Pupa thekson se do të përballojnë çdo situatë me qetësi, transparencë dhe respekt për të vërtetën.

Reagimi i plotë:

“Të dashur miq, ridjekës dhe bashkëpunëtorë,

Jam i detyruar të reagoj pas disa lajmeve të pavërteta dhe keqdashëse që po qarkullojnë në media, sipas të cilave unë gjoja “jam arratisur” dhe “ndodhem në kërkim”. Dua ta bëj shumë të qartë: prej më shumë se një muaji ndodhem në Tiranë, ku po zhvilloj angazhime të rregullta profesionale, të planifikuara në Shqipëri dhe më gjerë në Europë.

Çdo përpjekje për ta paraqitur këtë situatë ndryshe është një manipulim i pastër i informacionit, një keqinterpretim i qëllimshëm që synon të bëjë lajm aty ku nuk ka asgjë të jashtëzakonshme.

Sa i përket bashkëshortes sime, Belina, ajo vazhdon aktivitetin e saj profesional dhe është plotësisht e lirë. E gjithë situata që po trajtohet aktualisht është pjesë e një procesi ligjor që është ende në zhvillim, dhe siç është shprehur edhe ajo vetë, i takon drejtësisë të flasë e fundit.

Fatkeqësisht, kemi parë një keqpërdorim të rëndë të lajmit, me qëllim sensacionalizmi dhe klikimesh, ku deformimi ka marrë vendin e të vërtetës. Jetët tona janë publike, por kjo nuk i jep askujt të drejtën të abuzojë me dinjitetin e njerëzve.

Jeta vazhdon normalisht, me punën dhe përgjegjësitë tona të përditshme. Ne do të përballojmë çdo situatë me qetësi, transparencë dhe respekt për të vërtetën.

Faleminderit për mirëkuptimin dhe mbështetjen që shumë prej jush na kanë treguar.

Me respekt, Elvis Pupa”.

The post Ngriti “shtëpi bari” në Australi? Reagon Elvis Pupa: S’ka asgjë të jashtëzakonshme… appeared first on Albeu.com.

Aktori Elvis Pupa ka reaguar pas lajmit të publikuar nga mediat australiane se ai dhe bashkëshortja e tij Belina Pupa akuzohen se kishin kthyer një banesë në Ascot Park të Australisë në “shtëpi bari”, ku kishin kultivuar 43 bimë kanabisi. Ndërsa influencerja u arrestua dhe më pas u lirua me kusht, aktori është shpallur në […]

The post Ngriti “shtëpi bari” në Australi? Reagon Vis Pupa: S’ka asgjë të jashtëzakonshme, nuk jam arratisur appeared first on BoldNews.al.

Aktori i njohur i humorit Elvis Pupa ka reaguar pasi sipas mediave australiane akuzohet për kultivim droge.

Ai shprehet se nuk është arratisur, por ndodhet prej më shumë se një muaji në Tiranë.

Reagimi i plotë i Pupës:

Jam i detyruar të reagoj pas disa lajmeve të pavërteta dhe keqdashëse që po qarkullojnë në media, sipas të cilave unë gjoja “jam arratisur” dhe “ndodhem në kërkim”. Dua ta bëj shumë të qartë: prej më shumë se një muaji ndodhem në Tiranë, ku po zhvilloj angazhime të rregullta profesionale, të planifikuara në Shqipëri dhe më gjerë në Europe.

Çdo përpjekje për ta paraqitur ketë situatë ndryshe është një manipulim i pastër i informacionit, një keqinterpretimi qëllimshëm që synon të bëjë lajm aty ku nuk ka asgjë të jashtëzakonshme.

Sa i përket bashkëshortes sime, Belina, ajo vazhdon aktivitetin e saj profesional dhe është plotësisht e lirë. E gjithë situata që po trajtohet aktualisht është pjesë e një procesi ligjor që është ende në zhvillim, dhe siç është shprehur edhe ajo vetë, i takon drejtësisë të flasë e fundit.

Fatkeqësisht, kemi parë një keqpërdorim të rëndë të lajmit, me qëllim sensacionalizmi dhe klikimesh, ku deformimi ka marrë vendin e të vërtetës. Jetët tona janë publike, por kjo nuk i jep askujt të drejtën të abuzojë me dinjitetin e njerëzve.

Jeta vazhdon normalisht, me punën dhe përgjegjësitë tona të përditshme. Ne do të përballojmë çdo situatë me qetësi, transparencë dhe respekt për të vërtetën.

Faleminderit për mirëkuptimin dhe mbështetjen që shumë prej jush na kanë treguar.

“Një influencuese në rrjetet sociale dhe terapiste e njohur në Adelaide është akuzuar për një perandori kanabisi, ndërsa partneri i saj, i bashkë-akuzuar, është larguar nga vendi”, kështu shkruajnë mediat australiane duke iu referuar Belina Pupës dhe aktorit të njohur të humorit Elvis Pupa.

Referuar mediave në Australi, bëhet me dije se çiftit i është zbuluar një ‘shtëpi bari’ në Adelaide ku ata jetojnë prej shumë vitesh.

Belina Pupa përballet me akuza për kultivim të një sasie të madhe kanabisi dhe ndërhyrje të paligjshme në rrjetin e energjisë elektrike, ndërsa po ashtu i bashkë-akuzuar është edhe aktori.

Psikologia është paraqitur në gjykatë dhe aktualisht është në liri me kusht, ndërsa Elvis Pupa thuhet se është larguar nga Australia dhe është shpallur në kërkim nga autoritetet atje.

The post Në Australi i kërkojnë për drogë, Elvis Pupa: Në Tiranë jeta vazhdon normalisht appeared first on Lapsi.al.

Belina Pupa, bashkëshortja e aktorit Elvis Pupa, është duke u përballur me akuzat për kultivim të lëndëve narkotike në Australi.

Belinda Pupa, terapiste dhe influencer, ka dalë përpara gjykatës në Adelaide, në lidhje me ngjarjen e cila dyshohet se ka ndodhur që nga nisja e këtij viti e për 4 muaj në vijim.

Dyshohet se Pupa kishte mbjellë dhjetëra bimë, ndërsa mbrojtja e saj ka kërkuar që klientes t`i lejohej liria me kusht, në mënyrë që të mund të vijë në Shqipëri për qëllime pune.

Kërkesë kjo që është kundërshtuar në mënyrë kategorike nga organi i akuzës, pasi sipas tyre edhe bashkëshorti i Belindës, pra aktori Elvis Pupa, gjithashtu i akuzuar për të njëjtën çështje./ Balkanweb

The post Mbollën dhjetëra bimë kanabis/ Media australiane: Belina Pupa përballet me drejtësinë, Elvis Pupa shpallet në kërkim appeared first on Albeu.com.

Një përmbytje rekord po vazhdon të godasë Australinë Lindore, duke shkaktuar pasoja të rënda për jetën e banorëve dhe infrastrukturën lokale.

Deri më tani janë konfirmuar të paktën tre viktima, ndërsa një person rezulton ende i zhdukur, raporton Reuters.

Më shumë se 23 mijë shtëpi janë përmbytur, duke dëmtuar rëndë pasuritë materiale të qytetarëve dhe duke lënë mbi 48,800 persona të izoluar, pa mundësi për të lëvizur apo për të marrë ndihma të menjëhershme.

Situata mbetet jashtëzakonisht kritike dhe dinamike. Shërbimet e emergjencës po punojnë pandërprerë me mjete të specializuara si helikopterë, anije shpëtimi dhe dronë për të ndihmuar në evakuimin e banorëve të bllokuar, shumë prej të cilëve janë detyruar të ngjiten mbi çatitë e shtëpive për të shmangur rrezikun.

Devastating Floods Ravage Eastern Australia: Thousands Evacuated, Death Toll Rises

A record-breaking flood continues in eastern Australia, causing at least three deaths, one missing person, and flooding over 23,000 homes, leaving 48,800 people isolated.

The situation… pic.twitter.com/mGqgr4j5wA

— NEXTA (@nexta_tv) May 22, 2025

Ndërhyrjet janë të vështira për shkak të terrenit të vështirë dhe kushteve të pafavorshme atmosferike.

Sipas parashikimeve meteorologjike, reshjet e dendura të shiut pritet të vazhdojnë edhe në ditët në vijim, duke përkeqësuar më tej situatën. Nivelet e lumenjve janë në rritje të vazhdueshme dhe ka frikë se ato mund të tejkalojnë kufijtë e zakonshëm, duke shkaktuar përmbytje të reja dhe rrëshqitje dherash.

Autoritetet vendore kanë paralajmëruar se më e keqja mund të jetë ende përpara dhe kanë rritur nivelin e gatishmërisë në rajonet më të rrezikuara.