Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, kërkoi konfiskimin e pasurive të shtetasit D.A. dhe personave të lidhur me të, në zbatim të ligjit nr.10192, datë 03.12.2009 “Për Parandalimin dhe Goditjen e Krimit të Organizuar, Trafikimit dhe Korrupsionit nëpërmjet Masave Parandaluese Kundër Pasurisë”, i ndryshuar.
Në përfundim të hetimeve paraprake të procedimit pasuror nr.2, të vitit 2019, Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, kërkoi konfiskimin e pasurive të cilat nuk kanë pasur burime të ligjshme për krijimin e tyre si më poshtë vijon:
Pasuria e llojit “Truall” me sipërfaqe 350m2, në qytetin Gjirokastër;
Pasuria e llojit “Truall” me sipërfaqe 1500m2 dhe ndërtim 23 m2 në Lazarat, Gjirokastër;
Pasuria e llojit “Truall” me sipërfaqe 450 m2, në Grehot, Gjirokastër;
Pasuria e llojit “Truall” me sipërfaqe 1646 m2 në Grehot, Gjirokastër;
Pasuria e llojit “Arë” me sipërfaqe 7000 m2 në fshatin Arshi Lengo, Gjirokastër;
Objekt tregtie sipërfaqe e zënë 6500 m2, ndërtuar në vitin 2005, fshati Kordhocë, Lazarat;
Lokal dhe magazinë, ndërtuar në vitin 2013 në fshatin Kordhocë;
Fushë mini-futbolli me sipërfaqe 500 m2 dhe ndërtesë një kat me sipërfaqe 37.2 m2, ndërtuar në Lazarat;
Autoveturë “Mercedes Benz”.
“Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, shpreh angazhimin e plotë për hetimin me prioritet të procedimeve pasurore si dhe për sekuestrimin/konfiskimin e pasurive në zbatim të ligjit Nr.10192, datë 03.12.2009 “Për Parandalimin dhe Goditjen e Krimit të Organizuar, Trafikimit dhe Korrupsionit nëpërmjet Masave Parandaluese Kundër Pasurisë”. thuhet në njoftim.
Edi Rama i ka dhënë ultimatum pronarëve të bareve dhe restoranteve në Vlorë për lirimin e trotuareve në zonën e Lungomares. “Keni 48 orë kohë për t’u kthyer qytetarëve dhe turistëve trotuarët e tyre dhe për t’i larguar të gjitha llojet e hekurishteve, betonëve, duke i tërhequr “pergolatat” në vijën e parashikuar nga projekti i […]
Banka e Shqipërisë raportoi se numri i shqiptarëve që kanë një llogari të parasë elektronike u rrit me 76 për qind vitin e kaluar duke arritur në 270 mijë vetë. Biznesi i parasë elektronike po zgjerohet me shpejtësi, teksa qytetarët përfitojnë nga avancimet teknologjike për të kryer veprimet financiare, si pagesat utilitare apo dhe transfertat […]
Ekonomia e vendit është dukje ndjekur trendët demografike me përqendrim më të lartë të bizneseve të vogla drejt qendrave të mëdha urbane si Tirana dhe Durrësi dhe tkurrje ne qarqet e tjera. Numri i bizneseve me 1 deri në 4 punonjës në Shqipëri është rritur lehtë në vitin 2024 me vetëm 1% në krahasim me […]
I janë konfiskuar me kërkesë të Prokurorisë së Elbasanit 14 pasuri një të dënuari në Itali për shfrytëzim prostitucioni. Sipas hetimeve, u evidentuan transaksione të shpeshta financiare të kryera nga ushtrueset e prostitucionit në drejtim të të pandehurit me iniciale M.A., apo familjarëve të tij, si dhe u provua se të ardhurat e paligjshme pastroheshin për t’u dukur si të ligjshme nga i pandehuri nëpërmjet investimit në pasuri të paluajtshme dhe të luajtshme.
Pasuritë e blera janë perfshirë në shitblerje të përsëritura, duke krijuar një zinxhir të rremë transaksionesh për të legjitimuar të ardhurat. Kjo veprimtari/pastrim është kryer nga i pandehuri jo vetem si individ por edhe nëpërmjet aktivitetit ekonomik që ai ka hapur si person fizik në shitblerje-dhënie me qera automjetesh.
Pasuritë e sekuestruara:
– Apartament në qytetin e Durrësit;
– Automjet Mercedes Benc;
– Automjet Suzuki Grand Vitara;
– Automjet Volkswagen;
– Automjet JEPP;
– Automjet Fiat Marea;
– Automjet Maserati;
– Automjet BMV;
– Automjet Mercedes Benc;
– Automjet Audi SQ7;
– Automjet Volkswagen:
– Automjet Volkswagen;.
– Motomjet Motor BMV; dhe
– Aktivitet tregtar me fushë të veprimtarisë Tregti automjetesh dhe dhenie mjetesh me qera, në qytetin e Elbasanit.
Njoftimi i Prokurorisë Elbasan
Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Elbasan, u konfiskuan 14 pasuri të shtetasit M.A., i dënuar për veprën penale “Pastrimi i produkteve të veprës penale ose veprimtarisë kriminale”, parashikuar nga neni 287/1 i Kodit Penal.
Nga gjykimi në kuadër të procedimit penal nr.808, të vitit 2017, u arrit të provohej se ky shtetas ka kryer veprimtari kriminale në Itali, ku autoritetet gjyqësore të Torinos e kanë deklaruar fajor dhe ku është dënuar për veprën penale të shfrytëzimit të prostitucionit.
Aktet e ardhura nëpërmjet kërkesës për ndihmë juridike nga autoritetet italiane të drejtësisë, provuan faktin e dënimit të formës së prerë të të pandehurit në Itali dhe përfitimin e të ardhurave nga kjo veprimtari e paligjshme. Nga gjykimi u evidentuan transaksione të shpeshta financiare të kryera nga ushtrueset e prostitucionit në drejtim të të pandehurit apo familjarëve të tij, si dhe u provua se të ardhurat e paligjshme pastroheshin për t’u dukur si të ligjshme nga i pandehuri nëpërmjet investimit në pasuri të paluajtshme dhe të luajtshme.
Pasuritë e blera janë perfshirë në shitblerje të përsëritura, duke krijuar një zinxhir të rremë transaksionesh për të legjitimuar të ardhurat. Kjo veprimtari/pastrim është kryer nga i pandehuri jo vetem si individ por edhe nëpërmjet aktivitetit ekonomik që ai ka hapur si person fizik në shitblerje-dhënie me qera automjetesh.
Në përfundim të gjykimit, me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Elbasan u konfiskuan pasuritë e mëposhtme:
– Apartament në qytetin e Durrësit;
– Automjet Mercedes Benc;
– Automjet Suzuki Grand Vitara;
– Automjet Volkswagen;
– Automjet JEPP;
– Automjet Fiat Marea;
– Automjet Maserati;
– Automjet BMV;
– Automjet Mercedes Benc;
– Automjet Audi SQ7;
– Automjet Volkswagen:
– Automjet Volkswagen;.
– Motomjet Motor BMV; dhe
– Aktivitet tregtar me fushë të veprimtarisë Tregti automjetesh dhe dhenie mjetesh me qera, në qytetin e Elbasanit.
Prokuroria pranë Gjykatës së Shkallës së Parë Juridiksionit të Përgjithshëm Elbasan, mbetet gjithmonë e angazhuar në përmbushjen e detyrimit të saj për dënimin e personave që kryejnë veprën penale të pastrimit të parave dhe konfiskimin e pasurive me prejardhje nga veprimtaria kriminale.
Drejtoria e Hetimit pranë Administratës Tatimore ka nisur hetimet ndaj 100 individëve dhe subjekteve që dyshohen për mosdeklarimin e të ardhurave të përfituara nga platformat sociale si Facebook, TikTok, YouTube, Instagram, Google dhe PayPal. Sipas verifikimeve paraprake, dyshohet se vlera totale e të ardhurave të padeklaruara kap shifrën e 33 milionë eurove.
“Drejtoria e Hetimit ka nisur hetimin ndaj 100 individëve/subjekteve për të ardhurat e përfituara nga platformat sociale (Facebook; TikTok; YouTube; Instagram; Google; PayPal), ku nga verifikimet paraprake dyshohet për rreth 33 milionë euro të padeklaruara.
Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024. Ftojmë tatimpaguesit që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar”, njoftojnë Tatimet.
Në fund të marsit të këtij vitit Drejtoria e Përgjithshme e Tatimeve u ka kërkuar të gjithë shqiptarëve që kanë fituar para nga rrjetet sociale, t’i deklarojnë ato në Deklaratën Individuale Vjetore e të Ardhurave (DIVA), në mënyrë që të mos ngarkohen me gjoba e kamatëvonesa. Të gjitha të ardhurat e fituara nga platformat online duhet të deklarohen dhe mbi to aplikohet tatimi prej 15%.
TIRANË, 20 qershor/ATSH/ Fondi prej 3 miliardë lekësh i vënë në dispozicion të sektorit të bujqësisë nga buxheti i shtetit është një instrument financiar i miratuar së fundmi nga qeveria shqiptare, i cili do të përdoret për të ofruar kredi me interesa të ulta për sektorin bujqësor.
Garancia Sovrane, e kombinuar me Kredinë e Butë të Bankës së Shqipërisë për sektorin bujqësor, ul normën e interesit për kreditë në vetëm 2% nga 3,5% dhe mbulon deri në 70% të kolateralit për kredi, me vlerë deri në 25 milionë lekë për subjekt.
Erald Themeli, drejtor i departamentit të Politikës Monetare në Bankën e Shqipërisë, u shpreh në një intervistë televizive për angazhimin që ka Banka e Shqipërisë për të krijuar fondin 250 milionësh për ta ndihmuar biznesin bujqësor nëpërmjet Garancisë Sovrane që ka dhënë shteti, në shumën 3 miliardë lekë.
“Ka një limit, si sasior, si kohor për zbatimin e këtij projekti në terma të kredive maksimale që mund të disbursojë banka kundrejt një subjekti. Ne kemi caktuar një tavan, që është 25 milionë lekë, duke marrë parasysh faktin që fondi i vënë në dispozicion nga Banka e Shqipërisë është 25 miliardë lekë, që kjo të ketë impakt në një numër sa më të gjerë biznesesh”, tha Themeli.
“Ne kemi një tavan kohor, që nënkupton që kreditë e disbursuara në kuadër të këtij programi mund përfitojnë këto norma interesi prej 3,5% për një periudhë jo më të gjatë se pesë vjet. Pra, programi përfundon në vitin 2030”, vijoi ai.
Sipas Themelit, kjo është një ndihmë e madhe që jepet për këtë kategori biznesi, që do të mundësojë një përqasje më të mirë mes këtyre bizneseve dhe bankave duke krijuar një njohje reciproke më të lartë, si edhe një mundësi trajtimi të problemeve që frenojnë në mënyrë strukturore rritjen e kreditimit për këto biznese.
Ndër të tjera, drejtori i departamentit të Politikës Monetare në Bankën e Shqipërisë tha se kjo nuk duhet parë si një zgjidhje përfundimtare e problemit të aksesit të vogël dhe mikrobiznesit në kredi, por si një program që i jep kohë adresimit të atyre problematikave që frenojnë aksesin në kredi.
Bizneseve, njoftimet për detyrimet e taksave dhe tarifave vendore përveç komunikimit me postë pritet t’u bëhen edhe përmes e-Albania. Bashkia e Tiranës ka propozuar shtimin e një neni të ri në vendimin e Këshillit Bashkiak që rregullon sistemin e taksave dhe tarifave vendore. Sipas këtij ndryshimi, bizneset do të njoftohen për detyrimet e tyre financiare ndaj bashkisë jo vetëm me postë, por edhe në mënyrë elektronike.
Shtimi i nenit të ri në vendimin “Për miratimin e sistemit të taksave dhe tarifave vendore në qytetin e Tiranës” përcakton se njoftimet do të kryhen: nëpërmjet shërbimit postar; dhe/ose përmes rrugëve elektronike sipas ligjit për komunikimet elektronike; dhe/ose përmes portalit qeveritar e-Albania.
“Në kuadër të përpjekjeve të vazhdueshme të Drejtorisë së Përgjithshme të Taksave dhe Tarifave Vendore për dixhitalizimin dhe kalimin online të shërbimeve, propozohet që komunikimi me subjektet taksapagues të shtrihet edhe nëpërmjet portalit unik qeveritar e-Albania, si platforma online më lehtësisht e përdorshme nga qytetarët dhe subjektet tregtarë.
Kjo mënyrë komunikimi propozohet të shtohet krahas komunikimit tradicional me postë, i cili do të vijojë të mbetet kanali kryesor i komunikimit me taksapaguesit e Tiranës në përputhje me Kodin e Procedurave Administrative dhe legjislacionin në fuqi për procedurat tatimore”, thuhet në relacionin e projektvendimit.
Në muajin nëntor të 2024 në prag të festive të Nëntorit, sakaq një numër biznesesh në Tiranë ngritën shqetësime për bllokim të padrejtë të llogarive bankare nga Drejtoria e Përgjithshme e Taksave dhe Tarifave Vendore, për shkak të mospagimit të një detyrimi shtesë të taksës së ndërtesës që lidhet me ndryshimet e hyrë në fuqi pas korrikut 2023.
Sipas bizneseve, bllokimet e llogarive u kryen pa njoftim të drejtpërdrejtë dhe në periudhë të ndjeshme, përpara festave të nëntorit. Edhe kontabilistët që përfaqësonin këto subjekte pohuan se njoftimet nuk u shfaqen si mesazhe të drejtpërdrejta, por vetëm nëse përdoruesi kërkon manualisht në seksionin e taksave vendore të e-Albania./ Monitor
Gjatë vitit të kaluar, 27 biznese me mbi 50 punonjës u mbyllën ose ranë poshtë pragut të punësimit 50+ prej vështirësive që ka krijuar rënia e euros dhe sfidat demografike në qarqe. Të dhënat tregojnë se Elbasani humbi një të pestën e bizneseve të mëdha (-21 %), duke reflektuar vështirësitë në metalurgji, përpunim druri e […]
TIRANË, 16 qershor /ATSH/ Agjencia Shqiptare e Zhvillimit të Investimeve (AIDA) po vijon me takimet informuese me bizneset lokale, mbi mundësitë që i ofrohen biznesit shqiptar për t’u forcuar në tregun vendas dhe rritur konkurrueshërinë në tregje ndërkombëtare.
Gjatë ditëve të takimeve, ekipi i AIDA-s organizoi një takim me biznesin në Shkodër.
Qëllimi kryesor është informimi i drejtpërdrejtë mbi platformën e re të eksporteve si dhe mundësitë konkrete që ofron rrjeti EEN (Enterprise Europe Network).
Kjo platformë është krijuar për të ndihmuar bizneset shqiptare që të zgjerojnë tregjet dhe mundësitë për tu rritur përtej kufijeve, të krijojnë mundësi partneritetesh ndërkombëtare, mbështetje për rritje konkurruese si dhe promovim në rrjete të gjera biznesi në Europë.
EEN është një nga rrjetet më të mëdha në botë për mbështetjen e ndërkombëtarizimit të SME-ve dhe tashmë është më afër bizneseve shqiptare se kurrë më parë.
Për më shumë informacion, kontaktoni AIDA ose vizitoni platformën e re të eksporteve.
“Mos na ndalni prodhimin”, “Liberalizimi i shpejtë i rrymës – monopol, jo konkurrencë”, “Pa transparencë – nuk ka treg të lirë” – këto janë disa nga pankartat në protestën që po mbahet të mërkurën në Prishtinë nga përfaqësues të bizneseve, kundër vendimit të Zyrës së Rregullatorit për Energji. Vendimi i Zyrës së Rregullatorit për Energji […]
“Mos na ndalni prodhimin”, “Liberalizimi i shpejtë i rrymës – monopol, jo konkurrencë”, “Pa transparencë, nuk ka treg të lirë”, këto janë disa nga pankartat në protestën që po mbahet të mërkurën në Prishtinë nga përfaqësues të bizneseve, kundër vendimit të Zyrës së Rregullatorit për Energji.
Vendimi i Zyrës së Rregullatorit për Energji (ZRRE), për liberalizimin e tregut të energjisë, ka hyrë në fuqi më 1 qershor.
Sipas këtij vendimi, të gjitha kompanitë private dhe publike që kanë mbi 50 të punësuar ose një qarkullim vjetor mbi 10 milionë euro, janë në treg të hapur dhe furnizohen me energji me çmime të parregulluara nga shteti.
Më shumë se 1.300 biznese private tashmë janë pjesë e këtij tregu.
Megjithatë, vendimi ka shkaktuar reagime të forta dhe shqetësime të shumta nga komuniteti i biznesit.
Sipas tyre, çmimet e ofruara nga furnizuesit e licencuar janë dukshëm më të larta se ato që më parë rregulloheshin nga shteti.
Për më tepër, një pjesë e kompanive furnizuese nuk kanë paraqitur ende oferta konkrete për bizneset.
Bizneset janë furnizuar me energji nga Operatori për Furnizim me Energji, KESCO, me çmime të rregulluara nga ZRRE-ja.
Në muajin mars, kompania nga Kosova Viva Fresh njoftoi blerjen e rrjetit të dytë më të madh të supermarketeve në Shqipëri, Spar Albania. Ky transaksion ilustron praninë në rritje të bizneseve kosovare në tregun shqiptar, tendencë që duket qartë edhe nga shifrat e Investimeve të Huaja Direkte.
Ersuin Shehu
Në muajin mars, kompania që zotëron rrjetin më të madh të shitjeve me pakicë në Kosovë, Viva Fresh, njoftoi blerjen e Spar Albania, rrjeti i dytë më i madh i shitjeve me pakicë në Shqipëri.
Vlera e shitblerjes nuk është bërë publike, por me shumë mundësi, shitja e Spar do të jetë investimi më i madh deri tani i një biznesi nga Kosova në Shqipëri.
Viva Fresh do t’u shtohet disa sipërmarrjeve të tjera të rëndësishme që kanë hyrë në tregun shqiptar, duke balancuar ndjeshëm kahun e investimeve të ndërsjella mes Shqipërisë dhe Kosovës.
Prej fillimit të viteve 2000, ishin kryesisht bizneset shqiptare që filluan të zgjeroheshin në tregun e Kosovës, duke shfrytëzuar potencialet që krijoi hapja e tregut pas shkëputjes faktike të Kosovës nga Serbia.
Me përjashtime të vogla, deri një dekadë më parë, investimet nga Kosova në Shqipëri ishin të papërfillshme. Por, në vitet e fundit, gjendja ka ndryshuar. Forcimi dhe konsolidimi i sipërmarrjes së Kosovës po sjell një prani në rritje në tregun shqiptar.
Investitorët e rëndësishëm kryesisht janë të pranishëm në sektorin e tregtisë. DE Holding e Blerim Devollit është e pranishme me rrjetin e dyqaneve të produkteve shtëpiake, Commodita Home.
Pronari i Viva Fresh, Xhevdet Rexhepi, hyri në Shqipëri një vit më parë, me blerjen e kompanisë me shtrirje rajonale Studio Moderna (Top Shop), ndërsa së fundmi realizoi edhe blerjen më të rëndësishme, atë të Spar Albania.
Scandinavian Living Holding është e pranishme në Shqipëri nëpërmjet degës së saj Scandinavian Living, që zotëron të drejtën e franchise të markës daneze të produkteve shtëpiake, Jysk. Scandinavian Living Holding zotërohet nga biznesmeni nga Kosova, Fatmir Zymberi.
Bucaj International është kompania me kapital nga Kosova që zotëron franchise për Shqipërinë të markave Burger King dhe Pizza Hut. Bucaj International është në pronësi të kompanisë kosovare Balkan Foods, e zotëruar nga biznesmeni Xhevat Jusufi.
Investitor i rëndësishëm, me kontroll të tërthortë është edhe Mabco Construcions, kompania që kontrollon shoqërinë koncesionare të Aeroportit Ndërkombëtar të Vlorës. Mabco Constructions zotërohet nga biznesmeni Behgjet Pacolli.
Edhe aksioneri i pakicës në konsorcium, 2A Group, është kompani ndërtimi nga Kosova, në pronësi të biznesmenit Valon Ademi.
Një nga grumbulluesit më të mëdhenj të produkteve bujqësore në Shqipëri, Top Fruits (ish-Doni Fruits) zotërohet në masën 50% nga biznesmeni nga Kosova Ejup Ahmeti, në partneritet me grupin shqiptar të biznesit, Gjonaj.
Investimet e Kosovës kanë arritur në 422 milionë euro
Investimet e Kosovës në Shqipëri po shfaqin një tendencë të qartë në rritje gjatë viteve të fundit.
Të dhënat e Bankës së Shqipërisë treguan se për vitin 2024, investimet arritën vlerën e 96 milionë eurove, me një rritje prej 32% krahasuar me një vit më parë.
Burimi: Banka e Shqipërisë
Deri në vitin 2020, flukset e Investimeve Direkte nga Kosova ishin në shifra relativisht modeste.
Pas këtij viti, duket se ka një rritje të konsiderueshme, që është reflektuar qartë edhe në stokun total të investimeve direkte prej subjekteve me kapital nga shteti fqinjë.
Në fund të vitit 2024, stoku i investimeve raportohej në vlerën e 422 milionë eurove, në rritje me 37% krahasuar me vitin 2023.
Bazuar në metodologjitë e përdorura për matjen e investimeve të huaja, flukset e tyre vlerësohen me kursin e këmbimit mesatar të periudhës, ndërkohë që stoku vlerësohet me kursin e ditës së fundit të periudhës.
Sipas Bankës së Shqipërisë, rritja në stokun e investimeve nuk vjen vetëm nga flukset e reja, por në të duhen llogaritur edhe ndryshimet nga kursi i këmbimit dhe ndryshimet e çmimit të aseteve.
Rritja e investimeve nga Kosova duket në linjë me tendencën e përgjithshme të rritjes së Investimeve të Huaja Direkte në vitet e fundit.
Burimi: Banka e Shqipërisë
Bizneset e Kosovës, 7.5% e ndërmarrjeve të huaja
Sipas të dhënave më të fundit nga Instituti i Statistikave, në fund të vitit 2023, në Shqipëri rezultonin 519 ndërmarrje aktive me kapital nga Kosova, duke përfshirë edhe ato me kapital të përbashkët.
Numri i ndërmarrjeve me kapital nga shteti fqinjë është rritur me 13% krahasuar me një vit më parë dhe ka arritur nivelin më të lartë historik.
Në harkun e një dekade, pesha e ndërmarrjeve me kapital nga Kosova është rritur nga 5% në 7.5% të numrit total të bizneseve të huaja.
Nga 519 ndërmarrje me kapital të Kosovës, shumica e tyre, 415, janë të angazhuara në sektorin e shërbimeve, ndërsa 104 prej tyre kanë aktivitet në prodhimin e mallrave.
Numri i bizneseve dominohet mikronjësitë, me më pak se katër të punësuar, që përbëjnë rreth 79% (409 ndërmarrje) të numrit të përgjithshëm të tyre.
Bizneset me 5-9 punonjës përbëjnë rreth 12% (64 ndërmarrje), ato me 10-49 të punësuar përbëjnë rreth 7% (37 ndërmarrje), ndërsa më pak se 2% e tyre (gjithsej 9 ndërmarrje) kanë më shumë se 50 të punësuar.
Të dhënat e detajuara për peshën e ndërmarrjeve nga Kosova në strukturën punësimit dhe të shitjeve në ekonomi janë ende të papërditësuara, megjithatë ato tregojnë një tendencë në rritje.
Në vitin 2022, ndërmarrjet e Kosovës gjeneruan 5.9% të shitjeve totale të ndërmarrjeve të huaja në ekonominë shqiptare, nga 4.9% në 2021 dhe 3.5% në 2020.
Ndërsa pesha në punësim është rritur në 5.1% të totalit, nga 3.8% në vitin 2021 dhe 2.9% në vitin 2020.
Gjithmonë, sipas të dhënave të vitit 2022, pesha e ndërmarrjeve nga shteti që flet të njëjtën gjuhë, në strukturën e shitjeve, është veçanërisht e lartë në sektorët e ndërtimit, tregtisë dhe hotelerisë e restoranteve.
Burimi: INSTAT
Importet nga Kosova janë rritur me 163% në një dekadë
Paralelisht me rritjen e investimeve nga Kosova, pas vitit 2021 vërehet edhe një rritje e ndjeshme e vlerës së këmbimeve tregtare mes Shqipërisë dhe Kosovës.
Të dhënat e Institutit të Statistikave tregojnë se vlera totale e shkëmbimeve tregtare vitin e kaluar arriti në afërsisht 53 miliardë lekë dhe është rritur me 113% krahasuar me një dekadë më parë.
Megjithatë, rritja më e madhe vërehet në kahun e importeve prej Kosovës. Vitin e kaluar, vlera e importeve nga Kosova arriti shifrën e 15.8 miliardë lekëve, në rritje me 33% krahasuar me një vit më parë.
Ndërsa krahasuar me një dekadë më parë, vlera e importeve nga Kosova është rritur me 163%.
Eksportet shqiptare drejt Kosovës në 2024 ranë në 36.9 miliardë lekë, 10% më pak krahasuar me vitin 2023.
Krahasuar me një dekadë më parë, eksportet shqiptare drejt Kosovës janë rritur me 97%, rritje kjo ndjeshëm më e ulët krahasuar me importet prej Kosovës.
Suficiti tregtar vitin e kaluar kishte vlerën e 21.1 miliardë lekëve, në rënie me 38% krahasuar me vitin 2023. Në harkun e një dekade, suficiti me Kosovën është rritur me 65%.
Tendencat e tregtisë së mallrave tregojnë se në vitet e fundit, importet nga Kosova po rriten më shpejt se eksportet shqiptare drejt Kosovës. Një tendencë e tillë mund të jetë favorizuar pjesërisht edhe nga kursi i këmbimit.
Kosova përdor Euron si monedhë të saj dhe forcimi i Lekut në kursin ndaj monedhës europiane në teori favorizon importet dhe penalizon eksportet.
Megjithatë, rritja e importeve dhe përmirësimi i bilancit tregtar të Kosovës me Shqipërinë mund të shpjegohet edhe me konsolidimin e bizneseve dhe rritjen e investimeve të tyre në Shqipëri.
Burimi: INSTAT
Tregtia dominohet nga karburantet, çeliku, çimentoja, pijet dhe fruta-perimet
Të dhënat e tregtisë sipas mallrave tregojnë se struktura e importeve nga Kosova në Shqipëri dominohet kryesisht nga grupmallrat.
Produktet ushqimore dhe pijet përbënin 35% të importeve nga Kosova në 2024, të ndjekura nga produktet e grupit minerale, lëndë djegëse, energji, me 26% të totalit dhe produktet e grupit materiale ndërtimi e metale, me 22%.
Të dhënat e INSTAT tregojnë se në nivel më të detajuar, importet nga Kosova dominohen kryesisht nga nënproduktet e naftës, çeliku, pijet alkoolike dhe joalkoolike, kafshët e gjalla dhe artikujt e mobilierisë.
Struktura e tregtisë është e përqendruar në një shpërndarje të ngjashme grupmallrash edhe në kahun e eksporteve shqiptare drejt Kosovës.
Për vitin 2024, afërsisht 33% e eksporteve drejt Kosovës përbëhej nga grupi “Materiale ndërtimi dhe metale”, e ndjekur nga grupi “Minerale, lëndë djegëse, energji”, me 26%, dhe produktet ushqimore, me 18%.
Në një nivel më të detajuar, produktet kryesore që Shqipëria eksporton në Kosovë janë çeliku, nafta dhe nënproduktet e saj dhe çimentoja, të ndjekura nga pijet, frutat e zarzavatet, bojërat, etj. /monitor
Tiranë, 5 qershor /ATSH/ Me mbështetjen e Komisionit Evropian po zbatohet projekti “Digital Innovation Unit” (DIU), një iniciativë që synon krijimin e një qendre të re për transformimin digjital të bizneseve të vogla, startup-eve dhe sipërmarrjeve të reja.
Projekti koordinohet nga Ministria e Ekonomisë, Kulturës dhe Inovacionit dhe përfshin një konsorsium ku marrin pjesë Universiteti Europian i Tiranës, Bashkia Korçë, Qendra Piramida, Fondacioni Vodafone Albania, Bashkia Tiranë, Outerlynx dhe Qendra PROTIK.
Qendra DIU do të ofrojë shërbime për digjitalizimin, trajnime teknologjike, si dhe mbështetje dhe akses në financim për bizneset e vogla dhe të mesme.
Përmes këtij projekti, synohet rritja e kapaciteteve digjitale dhe reja të sipërmarrjeve, përmirësimi i qasjes së tyre në financim dhe tregje, fuqizimi i rolit të tyre në ekonominë shqiptare, krijimi i hapësirave për testimin e teknologjive të reja dhe përforcimi i inovacionit lokal me shtrirje në tregjet ndërkombëtare.
Bizneset e vogla dhe të mesme ftohen të bashkëpunojnë duke ndarë sfidat e tyre për të marrë mbështetjen e duhur dhe për të shfrytëzuar mundësitë që ofron DIU, një hap i rëndësishëm drejt digjitalizimit dhe zhvillimit të qëndrueshëm të ekonomisë shqiptare. /j.p/
Shqipëri-Serbi do të luhet këtë të shtunë në “Arenën Kombëtare”, e vlefshme për Eliminatoret e Botërorit 2026, ndaj kjo ka rritur edhe masat e sigurisë nga ana e Policisë. Për të parandaluar incidentet e mundshme, edhe pse në stadium nuk do ketë tifozë serbë, Policia e Tiranës ka ndërmarrë një plan masash të rrepta sigurie. Një prej tyre është edhe boshatisja e bizneseve në ambientet e stadiumit.
Tirana po përgatitet për ndeshjen e shumëpritur mes Shqipërisë dhe Serbisë, e cila do të luhet të shtunën e 7 qershorit, ora 20:45. Ndërkohë, ka nisur çmontimi i bizneseve në zonën e stadiumit “Arena Kombëtare”, aty ku do të luhet ky takim.
Kjo është hera e dytë që diçka e tillë ndodh për një ndeshje futbolli, pas finales së Conference League në vitin 2022. UEFA dhe policia këtë ndeshje e konsiderojnë të një rrezikshmërie shumë të lartë edhe pse nuk do të ketë tifozë udhëtues. Ndërkohë Kombëtarja shqiptare e futbollit është grumbulluar prej disa ditësh në vendin tonë duke kryer stërvitje me lojtarët që kishin mbaruar kampionatet.
Kuqezinjtë janë ndarë mes Durrësit dhe Tiranës këto ditë të para të përgatitjeve, teksa sot ishte stërvitja e parë zyrtare e kuqezinjve ku grupi duhej të ishte më i plotësuar. Megjithatë, për shkak të udhëtimeve, edhe sot grupi i kuqezinjve nuk ka qenë i plotë dhe për këtë arsye, trajneri ka kërkuar nga sektori teknik që të afrojnë lojtarë të tjerë për të plotësuar radhët për stërvitje, Në stërvitjen e sotme, të pranishëm si ”ekstra” ishin tre futbollistë nga klubet e Superiores.
Rimal Haxhiu dhe Akileu Ndreca nga Tirana si dhe Arli Përgjoni nga Bylisi, ishin futbollistët e grumbulluar për të plotësuar radhët e kuqezinjve në stërvitjen e sotme, në mënyrë që të kishte numrat e domosdoshëm të futbollistëve për të kryer përgatitjet taktike sipas udhëzimeve të trajnerit brazilian.
Nga ora 10:00 deri në 12:00 të ditës së enjte, në hyrje-daljet kryesore të Prishtinës u mbajt një protestë e organizuar nga Oda Ekonomike e Kosovës (OEK), me pjesëmarrjen e bizneseve nga e gjithë Kosova. Qëllimi i protestës ishte kundërshtimi i mënyrës se si bizneset të kalojnë në tregun e lirë të energjisë elektrike, pa u përgatitur.
Në disa prej akseve kryesore të kryeqytetit, si hyrja nga Veterniku, Fushë Kosova, Mitrovica dhe Podujeva, u vendosën kamionë dhe automjete të rënda të kompanive protestuese, duke shkaktuar vonesa në qarkullimin rrugor.
Protesta u zhvillua në mënyrë të qetë dhe pa incidente, nën mbikëqyrjen e Policisë së Kosovës, e cila kishte lëshuar më herët leje për protestën dhe kishte bërë thirrje për shmangie të rrugëve të bllokuara.
Kryetari i Odës Ekonomike të Kosovës (OEK), Lulzim Rafuna deklaroi para mediave se nuk janë kundër tregut të lirë energjetik, por që procesi kërkon kohë që bizneset të përgatiten.
Kryetari i OEK, Lulzim Rafuna në një konferencë për media /Foto: Ridvan Slivova/
“Nuk jemi kundër tregut të lirë, por procesi aktual po zhvillohet me shpejtësi të papërballueshme për bizneset. Kërkojmë një periudhë të tranzicionit prej të paktën një viti. Brenda një muaji nuk ka kushte për përgatitje”, tha Rafuna.
Ai gjithashtu kritikoi faktin se aktualisht në treg ekziston një situatë që ai e quajti “monopol të heshtur”, pasi furnizuesi i vetëm i energjisë është KEDS.
Në protestë foli edhe biznesmeni Berat Mustafa, i cili e cilësoi të papërballueshme rritjen e çmimit të energjisë elektrike.
Berat Mustafa, biznesmen
“Ne kemi marrë ofertë me çmim 265 euro për megavat. Në rajon çmimi nuk i kalon 130 euro. Si mund të konkurrojmë me prodhuesit e rajonit me këtë kosto të lartë? ”, tha ai, duke paralajmëruar pasoja të rënda për prodhuesit vendorë nëse nuk merren masa.
Sipas organizatorëve, qëllimi i protestës nuk ishte të dëmtohen qytetarët, por të mbrohen bizneset dhe standardi jetësor i përgjithshëm në vend.
Pasi kryeministri i vendit, Albin Kurti sot ka drejtuar kritika ndaj Odës Ekonomike të Kosovës duke ju thënë se “Shtyrja e tregut të energjisë do të rrisë faturat e qytetarëve”, reagoi kryetari i Dhomës së Tregtisë në Kosovës, Skender Krasniqi.
Skender Krasniqi, kryetar i Dhomës së Tregtisë në Kosovë
Ai tha se nuk do të tërhiqen nga kërkesat e tyre për shtyrje të kalimit në treg të lirë të energjisë.
“Ashtu siç paska deklaruar kryeministri që nuk do të tërhiqen edhe ne po i tregojmë që nuk do të tërhiqemi”, ka thënë Krasniqi.
Edhe afaristi, Burim Piraj ka thënë se janë pro liberalizimit të tregut të energjisë, por me një çmim më të lirë.
Burim Piraj, afarist /Foto: Ridvan Slivova/
“Ne jemi pro liberalizimit të tregut të lirë të energjisë elektrike për arsye se kur është krijuar ligji, kur është miratuar ligji, qëllimi ka qenë që bizneset të kenë mundësi të blejnë energji ma lirë. Edhe qëllimi është i blerjes së energjisë më lirë. Atëherë jemi pro liberalizimit të tregut, mirëpo liberalizimi aktual nuk mund të quhet liberalizim kur kemi vetëm një ofertues për furnizim me energji elektrike. Edhe ofertuesi i ka çmimet enorme. E ka një kontratë me KEK-un, KEK-ut që ia blen 25.5 euro megavatin e energjisë elektrike, nga ana tjetër e ofertën në treg me një çmim gati dhjetëfish më të lartë se sa që e blenë”, deklaroi ai.
Po ashtu disa nga protestuesit mbanin pankarta në duar me mbishkrimet “Kur shteti harron ekonominë reale, shkatërron shpresën kolektive”, “Ulni Barrën mbi biznese”, etj.
Protestuesit me pankarta në duar /Foto: Ridvan Slivova/
Ndërkaq, policia njoftoi se protesta ishte e paralajmëruar dhe u mbajt në koordinim me autoritetet, duke respektuar kushtet e vendosura për mos-bllokimin total të rrugëve. /Telegrafi/
Protesta e OEK /Foto: Ridvan Slivova/Protesta e OEK /Foto: Ridvan Slivova/Protesta e OEK /Foto: Ridvan Slivova/Protesta e OEK /Foto: Ridvan Slivova/
Policia e Fierit ka arrestuar një person, i cili akuzohet se ka grabitur 4 biznese, brenda një nate. Në kuadër të operacionit policor të koduar “Four” është vënë në pranga shtetasi Ysen Driza, 28 vjeç, banues në Radostinë, me precedent kriminal në fushën e vjedhjes si edhe i dënuar më parë për veprimtari të paligjshme […]
Pas qytetit të Kavajës, ku BKH kontrolloi ambjentet e banesës së Elvis Rroshit dhe 4 personave të tjerë, mëngjesin e sotëm një njësi e Byrosë Kombëtare të Hetimit ka mbëritur në qytetin e Elbasanit, për të kryer kontrollin e disa banesave. Kontrollet janë kryer edhe me mbështetjen e Policisë së Qarkut. Bëhet fjalë për ekzekutimin […]
Shumë biznese në Tiranë po përballen me rishikimin e detyrimeve të tyre për taksat vendore, si rezultat i ndryshimit të kufirit të xhiros, nga zero deri në 2 milionë lekë, që ishin më parë kanë kaluar në 2 deri në 8 milionë lekë.
Drejtoria Rajonale e Tatimeve drejt Tarifave dhe Taksave Vendore e ka bërë rishikimin sipas informacionit që ka marrë nga tatimet për vitin 2024. Kalimi në këtë fashë, automatikisht i ka ngarkuar bizneset me taksa dhe tarifa më të larta për pastrimin dhe taksēn e infrastrukturës arsimore.
P.sh. tarifa e pastrimit për bizneset me xhiro deri në 2 mln lekë është 4 mijë lekë në vit, ndërsa për subjektet me xhiro 2 deri 8 mln lekë është 11.500 lekë në vit.
Bizneseve që kanë qenë objekt i rishikimit u është dêrguar me postë javën e fundit shkresa që i njofton për një tjetêr detyrim si pêr vitin 2024 ashtu dhe pêr vitin 2025, ndërkohë që ata i kishin paguar detyrimet si pêr 2024 ashtu dhe 2025, që sipas afatit është 20 prilli (pêrkatësisht 2024 dhe 2025).
Shqetësimi kryesor i bizneseve nuk është vetëm rritja e detyrimeve, por mungesa e informacionit të qartë mbi natyrën e tyre, pasi u janë dërguar dy fatura të ndryshme me detyrimin për t’u paguar, njëra në fillim të muajit mars dhe tjera në maj, për detyrimin vjetor të tarifës së pastrimit dhe taksës së arsimit.
Për shumë nga subjektet nuk e dinë nëse fatura e re që u është lëshuar përfaqëson një detyrim të ri për shkak të rivlerësimit të xhiros, apo është shtesë mbi një detyrim ekzistues.
Në rastin konkret, mes dy faturave tatimore të lëshuara nga Drejtoria e Përgjithshme e Taksave dhe Tarifave Vendore, Drejtoria e Kontrollit dhe Vlerësimit për të njëjtin subjekt, më 13 Mars dhe 1 Maj 2025, tregon një rritje të ndjeshme të detyrimit pa asnjë sqarim nga institucioni i Taksave dhe Tarifave Vendore.
Subjekti në fjalë kërkon të dijë nëse bëhet fjalë për një detyrim të ri të shtuar pas rivlerësimit të ardhurave, apo nëse shumat e kërkuara përfshijnë edhe detyrimet e vjetra, të cilat janë parapaguar më parë bazuar në xhiron e vitit 2023.
Edhe kur drejtohen në sportelet e bankave për të marrë informacion, nuk u jepet një sqarim për përbërjen e shumës, por thjesht u kërkohet të paguajnë totalin e detyrimit të gjeneruar në sistem.
Konkretisht fatura e muajit Mars ndaj këtij subjekti përmban vetëm një shumë detyrimi prej 6,500 lekësh, ndërsa ajo e muajit majit ka një detyrim total në vlerën e 20,876 lekëve, të ndarë në tre zëra: Detyrim tatimor i vitit 2025 në vlerën e 9,018.7 lekëve; Detyrime tatimore të mëparshme në vlerën e 9,789.0 lekë dhe Gjoba në vlerën e 2,068.2 lekëve.
Asnjë nga këto fatura nuk specifikon për cilën periudhë janë llogaritur këto shuma, nëse përfaqësojnë detyrime të reja apo rivlerësime të mëparshme.
Ndërkohë që bizneset kërkojnë qartësi, institucioni Tarifave dhe Taksave vendore nuk ofron asnjë komunikim zyrtar që t’i ndihmojë të kuptojnë se çfarë duhet të paguajnë dhe pse.
“Kemi dërguar pranë bashkisë kërkesën për vërtetimin e të ardhurave për vitin 2024, por deri më tani nuk kemi marrë asnjë përgjigje. Nuk është bërë asnjë rishikim i kërkesës, dhe nga sa kuptohet, procedurat funksionojnë në mënyrë të njëanshme, duke shqyrtuar vetëm rastet që çojnë në rritje të vlerave, pa marrë në konsideratë realisht të ardhurat apo ndryshimet që ndodhin”, pohon një nga bizneset për Monitor.
Drejtoria e Taksave Vendore Tiranë nuk iu pêrgjigj interesimit të Monitor pêr tê sqaruar situatën. Edhe vetë bizneset sorrollaten nê sportele, ku u kêrkohet qê shqetësimet e tyre ti nisin me mail, por shumë subjekte ankohen që nuk marrin përgjigje.
Po si llogaritet detyrimi për taksat vendore sipas ndarjes së xhiros
Sipas vendimit nr.158, datë 26.12.2019 “Për miratimin e sistemit të taksave dhe tarifave vendore në qytetin e Tiranës” taksa për Infrastrukturën Arsimore dhe Tarifa e Pastrimit llogaritet si detyrim fiks vjetor, por ndryshon sipas kategorisë së xhiros së biznesit.
Taksa e përkohshme për infrastrukturën arsimore, për bizneset njësi shërbimi (ku përfshihet objekti me lart) për xhiron deri në 2 milionë lekë detyrimi është 2,500 lekë
Nga 2 – 8 milionë lekë detyrimi është 4,000 lekë
Mbi 8 milionë lekë është 17,000 lekë.
Pra, për një subjekt që ka kaluar nga kategoria “deri në 2 mln” në “2–8 mln lekë”, taksa është rritur nga 2,500 lekë në 4,000 lekë.
Taksa e pastrimit, për bizneset njësi shërbimi (ku përfshihet objekti me lart) për xhiron deri në 2 milionë lekë detyrimi është 2,500 lekë
Nga 2-8 milionë lekë detyrimi është 11,500 lekë
Mbi 8 milionë lekë është 57,500 lekë
Pra, për një subjekt që ka kaluar nga kategoria “deri në 2 mln” në “2–8 mln lekë”, taksa është rritur nga 2,500 -4,000 lekë në 11,500 lekë.
Kategorizimi i bizneseve për qëllime tatimore bëhet në bazë të xhiros së realizuar në vitin paraardhës. Kjo do të thotë që për vitin 2025, duhet të merret parasysh xhiroja e vitit 2024 për të përcaktuar fashën përkatëse të tatimeve vendore.
Sakaq kategorizimi i bizneseve për efekt të taksave vendore mbetet ende i paharmonizuar me ligjin “Për tatimin mbi të ardhurat”, ku të ardhurat neto të individëve tregtarë dhe të vetëpunësuar tatohen në mënyrë progresive, me 15% deri në 14 milionë lekë dhe 23% për shumën mbi këtë prag. Kjo skemë synon të diferencojë barrën tatimore sipas nivelit të fitimit.
Ekspertë: Gjobat dhe kamatëvonesat për mosdeklarim të padrejta
Shtesë tjetër në konfuzion janë edhe gjobat për mosdeklarimin në afat të ndryshimit të xhiros.
Si parim , sistemi tatimor tek ne është i bazuar në vetëdeklarim dhe të ardhurat e bizneseve deklarohen nëpërmjet faturave në sistemin e tatimeve.
Në media përfaqësues të Drejtorisë së Tarifave dhe Taksave Vendore sqaruan se mbështetur në ligjin “Për procedurat tatimore” përcaktohet afati i deklarimit brenda 15 ditëve për ndryshim të xhiros pranë kësaj drejtorie nga subjektet, por pa dhënë sqarim se si bëhet, as një formular standard apo link zyrtar ku subjektet të mund të ndjekin procedurën.
Pra sipas tyre, këtë ndryshim xhiroje duhet ta vetëdeklaronte subjekti tek taksat vendore për efekt përllogaritje të taksave. Për rrjedhojë hapësira kohore nga kur ka ndodhur ky ndryshim deri në datën që është bërë rivlerësimi konsiderohet si dështim i subjektit për ta bërë këtë dhe për rrjedhojë merr kamata për periudhën, ndërkohê qê subjekti përballet edhe me rrezikun e bllokimit të llogarive bankare nga Bashkia.
Por për ekspertët ligji “Për procedurat tatimore” nuk përcakton detyrimin e subjekteve për ndryshimin e kufirit tê xhiros, pasi prej tyre bëhen vetëdeklarimi nëpërmjet faturave dhe tatimeve qendrore.
Audituesi ligjor Julian Saraçi sqaron se vendosja e gjobave dhe kamatvonesave është e padrejtë, pasi bizneset nëpërmjet faturave të ngarkuara në sistemin qendror tatimor, vetëdeklarojnë të ardhurat e tyre. Sipas tij është detyra e institucioneve të koordinojnë ndryshimet në xhiron e subjekteve të paktën çdo 6 muaj, pasi xhiroja prej tyre nuk mund të deklarohet në disa institucione.
Ekspertë të kontabilitetit kanë ngritur edhe më herët shqetësimin për vonesat në koordinim mes drejtorive rajonale të tatimeve dhe tatim-taksave vendore për reflektim të rasteve të ndryshimit të xhiros, e cila shpeshherë korrigjohet nga vetë subjektet te inspektorët tatimorë.
Po ashtu edhe në fund të vitit të kaluar, përkatësisht në periudhën 28-29 Nëntor 2024, shumë biznese në Tiranë ngritën shqetësimin për bllokim të padrejtë të llogarive bankare nga Drejtoria e Taksave Vendore, pa u njoftuar më parë për detyrimet shtesë që lindën pas rritjes së çmimeve të referencës për taksën e ndërtesës. Bizneset pohuan se nuk ishin informuar për këstin e tretë përmes rrugëve zyrtare, ndërsa njoftimet në e-Albania nuk ishin të dukshme si detyrime të reja./MONITOR
Login
