Drejtoria e Përgjithshme e Tatimeve arkëtoi gjatë muajit korrik 2025 një shumë prej 39 miliardë lekësh në buxhetin e shtetit.

Ky rezultat përfaqëson një rritje të ndjeshme krahasuar me një vit më parë, me 5,6 miliardë lekë ose 17% më shumë se shifra faktike e korrikut 2024.

Krahasuar me planin e parashikuar për këtë muaj, të ardhurat janë 1,7 miliardë lekë më të larta, që përkthehet në një realizim 4,7% mbi objektivin e vendosur.

Të ardhurat doganore

Administrata Doganore mblodhi 23,2 miliardë lekë të ardhura në buxhet gjatë korrikut, çka përfaqëson një rritje prej 9,1%, në krahasim me korrikun e vitit të kaluar.

Referuar të dhënave zyrtare të Drejtorisë së Përgjithme të Doganave, rritja është nxitur veçanërisht nga volumi më i lartë i importeve të mallrave të akcizës, ku vërehet rritje e volumit të zhdoganuar të karburantit, cigareve, kafesë dhe birrës.

Konkretisht, gjatë këtij muaji janë importuar 5200 tonë më shumë karburant, 58 tonë më shumë cigare, 60 tonë më shumë kafe dhe 200 tonë më shumë birrë krahasuar me të njëjtin muaj të vitit 2024.

Në harkun kohor janar–korrik të këtij viti, të ardhurat e mbledhura nga doganat kanë arritur në 137 miliardë lekë, duke tejkaluar parashikimet dhe duke shënuar një rritje prej 4,3%, në krahasim me të njëjtën periudhë të vitit të kaluar.

Megjithëse kursi i këmbimit i euros dhe dollarit ka ndikuar negativisht duke shkaktuar një efekt ulës prej 5 miliardë lekësh, Administrata vlerëson se, në kushte të pandryshuara të kursit, të ardhurat do të kishin arritur vlerën e 142 miliardë lekëve.

Kjo do të përfaqësonte një realizim rreth 4% mbi planin dhe një rritje prej 8,2% në krahasim me vitin 2024.

Fokusi i Administratës gjatë këtyre shtatë muajve ka qenë pikërisht mbi mallrat e akcizës, të cilat kanë treguar një rritje të ndjeshme në krahasim me një vit më parë. Importet e karburantit janë shtuar me 50.000 tonë, cigaret me 154 tonë, kafja me 162 tonë dhe birra me 4700 tonë.

Këto rezultate dëshmojnë jo vetëm rritjen e konsumit dhe aktivitetit ekonomik, por edhe efektivitetin e masave të ndërmarra për përmirësimin e shërbimeve doganore, forcimin e kontrolleve dhe rritjen e transparencës e besimit të bizneseve ndaj institucionit.

Administrata Doganore thekson se do të vijojë me të njëjtin ritëm për të garantuar mbledhje të qëndrueshme të të ardhurave dhe lehtësim të ndershëm të tregtisë.

The post Të ardhurat tatimore në korrik, rritje 17% ndaj një viti më parë! Të ardhurat doganore rriten me 9,1% në korrik appeared first on Albeu.com.

TIRANË, 2 gusht/ATSH/ Administrata Doganore mblodhi 23,2 miliardë lekë të ardhura në buxhet gjatë korrikut, çka përfaqëson një rritje prej 9,1%, në krahasim me korrikun e vitit të kaluar.

Referuar të dhënave zyrtare të Drejtorisë së Përgjithme të Doganave, rritja është nxitur veçanërisht nga volumi më i lartë i importeve të mallrave të akcizës, ku vërehet rritje e volumit të zhdoganuar të karburantit, cigareve, kafesë dhe birrës.

Konkretisht, gjatë këtij muaji janë importuar 5200 tonë më shumë karburant, 58 tonë më shumë cigare, 60 tonë më shumë kafe dhe 200 tonë më shumë birrë krahasuar me të njëjtin muaj të vitit 2024.

Në harkun kohor janar–korrik të këtij viti, të ardhurat e mbledhura nga doganat kanë arritur në 137 miliardë lekë, duke tejkaluar parashikimet dhe duke shënuar një rritje prej 4,3%, në krahasim me të njëjtën periudhë të vitit të kaluar.

Megjithëse kursi i këmbimit i euros dhe dollarit ka ndikuar negativisht duke shkaktuar një efekt ulës prej 5 miliardë lekësh, Administrata vlerëson se, në kushte të pandryshuara të kursit, të ardhurat do të kishin arritur vlerën e 142 miliardë lekëve.

Kjo do të përfaqësonte një realizim rreth 4% mbi planin dhe një rritje prej 8,2% në krahasim me vitin 2024.

Fokusi i Administratës gjatë këtyre shtatë muajve ka qenë pikërisht mbi mallrat e akcizës, të cilat kanë treguar një rritje të ndjeshme në krahasim me një vit më parë. Importet e karburantit janë shtuar me 50.000 tonë, cigaret me 154 tonë, kafja me 162 tonë dhe birra me 4700 tonë.

Këto rezultate dëshmojnë jo vetëm rritjen e konsumit dhe aktivitetit ekonomik, por edhe efektivitetin e masave të ndërmarra për përmirësimin e shërbimeve doganore, forcimin e kontrolleve dhe rritjen e transparencës e besimit të bizneseve ndaj institucionit.

Administrata Doganore thekson se do të vijojë me të njëjtin ritëm për të garantuar mbledhje të qëndrueshme të të ardhurave dhe lehtësim të ndershëm të tregtisë.

/r.e/

The post Të ardhurat doganore rriten me 9,1% në korrik, shtohen importet e mallrave të akcizës appeared first on Agjencia Telegrafike Shqiptare.

Prokuroria Themelore në Prizren ka bërë të ditur se ka kërkuar nga Gjykata Themelore në Prizren, caktimin e masës së paraburgimit në afat prej 30 ditësh, ndaj të pandehurit I.K., për shkak të dyshimit të bazuar se i njëjti ka kryer veprën penale “Keqpërdorimi i pozitës apo autoritetit zyrtar”.

Sipas një njoftimi për media bëhet e ditur se i pandehuri I.K në cilësi të zyrtarit doganor në pikë kalimin kufitar në Vërmicë ka lejuar të kalojë pa u kontrolluar një furgon i cili bartëte mall komercial, patika të ndryshme sportive në vlerë prej 11,457.60 euro.

Tutje në njoftim thuhet se me këto veprime i pandehuri në vlerën prej mbi 3 mijë euro ka dëmtuar buxhetin e Kosovës.

Lexoni më poshtë kërkesën e Prokurorisë Themelore në Prizren:

Sipas kërkesës së prokurorisë, me datë 16.07.2025, rreth orës 19:17min, në Pikën Kufitare në Vërmicë, i pandehuri I.K., në cilësi të zyrtarit doganor i caktuar në PKK në Vërmicë, duke shfrytëzuar detyrën apo autoritetin zyrtar i tejkalon kompetencat e tij zyrtare, ashtu që në kundërshtim me rregullativën ligjore që ka pasur për detyrim të ndal veturën, të hap bagazhin dhe të bëjë kontrollimin e veturës, i njëjti me qëllim nuk e hap bagazhin e veturës dhe nuk bënë kontrollimin, në atë mënyrë që automjeti- furgoni i markës “Mercedes Sprinter 316 CDI”, të cilën e drejtonte A.K., hynë në pikën kufitare dhe e parkon automjetin në kabinën nr.6, dhe fillon të komunikojë me të pandehurin, të cilit ia jep një letër dhe pastaj kthehet për të marr dokumentet dhe futet deri tek dera e kabinës ku ishte duke punuar i pandehuri I.K., dhe pas bisedës së shkurtër, të cilët duke qenë në dijeni se brenda kabinave ka video incizim me audio, të dy dalin jashtë dhe bisedojnë edhe disa sekonda, pastaj drejtuesi i furgonit A.K., largohet me furgon duke mos u kontrolluar fare, ndërsa i pandehuri I.K., në të dhënat “SEED”, regjistron se furgoni i lartpërmendur është i zbrazët, ku pastaj furgoni lëviz në rrugën e vjetër afër pikë kalimit kufitar në Vërmicë – Prizren, saktësisht afër një Restauranti duke lëvizur në drejtim te Prizrenit ndalet nga njësia për antikontrabandë të cilët kanë sinjalizuar automjetin në fjalë duke përdorur dritat rotative dhe borinë, dhe pas kontrollimit të automjetit rezulton të jetë i ngarkuar me mall komercial patika te ndryshme sportive në vlerë prej 11,457.60 €, duke ju shmangur detyrimeve doganore në vlerë prej 3,414.36 €, me të cilat veprime i pandehuri në vlerën e cekur prej 3,414.36 €, ka dëmtuar buxhetin e Republikës së Kosovës.

Prokuroria Themelore në Prizren, vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin. /Telegrafi/

The post “Mbi 3 mijë euro dëmtim të buxhetit të Kosovës”, Prokuroria e Prizrenit kërkon paraburgim për zyrtarin doganor appeared first on Telegrafi.

Artisti shqiptar i njohur në botë, Petrit Halilaj, në muajin shtator do të hap ekspozitën “Syrigana” në Berlin të Gjermanisë, shkruan KultPlus.

Ekspozita “Syrigana” do të hapet në Hamburger Bahnhof – Nationalgalerie der Gegenwart – në një nga institucionet më të njohura të artit bashkëkohor në Gjermani dhe Evropë.

Lajmi për hapjen e kësaj ekspozite  është bërë i ditur nga Ambasadori i Kosovës në Gjermani, Faruk Ajeti, përmes një shkrimi në rrjetin social “Facebook”.

“Ky nuk është „bahnhof“-i në Runik, por Hamburger Bahnhof – Nationalgalerie der Gegenwart – një nga institucionet më të njohura të artit bashkëkohor në Gjermani dhe Evropë.

Nga shtatori, artisti ynë Petrit Halilaj do të hapë ekspozitën e tij të veçantë „Syrigana“, ku do të sjellë në zemër të Berlinit elemente dhe tregime unike të kulturës sonë – nga Runiku ynë nga Kosova jonë”, ka njoftuar ambasadori Ajeti./ KultPlus.com

Një punonjës i doganave shqiptare ka denoncuar atë që e quan “kontrabanda më e frikshme në historinë e Shqipërisë”, e drejtuar nga “koka”, drejtori i doganave shqiptare Gent Gazheli. Në një denoncim të drejtpërdrejtë, punonjësi thotë se sistemi doganor ndodhet sot në një gjendje më të degraduar se në vitin 1997, ndërsa pas çdo vendimi […]

The post U mbyll Qafë-Bota për kamionët e bërë “gol” të Gent Gazhelit! Kontrabanda e pakufijshme e drejtorit appeared first on BoldNews.al.

TIRANË, 17 korrik /ATSH/ Dogana shqiptare sqaroi sot se udhëtarët që hyjnë në Republikën e Shqipërisë përjashtohen nga detyrimet doganore për mallrat në bagazhin personal, nëse këto mallra nuk janë për përdorim tregtar.

Sipas njoftimit të doganave, përjashtimi vlen për mallrat për përdorim vetjak ose si dhurata, me kufijtë e vlerës: 300 euro për udhëtarët në rrugë tokësore; 430 euro për udhëtarët në rrugë ajrore/detare dhe 150 euro për udhëtarët nën 15 vjeç.

Administrata Doganore bën të ditur se nëse kalohen këto kufij ose mallrat janë për qëllime tregtare, është i detyrueshëm deklarimi pranë doganës.

Në raste tejkalimi për mallra jotregtare, zbatohet procedura e Deklarimit të Thjeshtuar. /j.p/

1 nga 4

The post Kufiri i pataksueshëm për bagazhet e udhëtarëve, Doganat sqarojnë limitet e lejuara appeared first on Agjencia Telegrafike Shqiptare.

Eksportet në SHBA janë shumë të rëndësishme për ekonominë vietnameze. Kjo është ndoshta arsyeja pse vendi aziatik ka rënë dakord për një marrëveshje tarifore. Megjithatë, në Hanoi nuk ka optimizëm. Prezantuesja e CNBC duket dukshëm e emocionuar: sipas saj, ky është lajmi më i rëndësishëm dhe më i habitshëm i ditës: “Presidenti amerikan ka njoftuar […]

The post SHBA dhe Vietnami nënshkruajnë një marrëveshje doganore, çfarë synohet appeared first on BoldNews.al.

Situatë kaotike është krijuar në pikën kufitare Qafë-Botë. Pas arrestimit të 14 doganierëve grekë të dyshuar për përfshirje në kontrabandë mallrash, kontrolli kufitar në anën greke është ngadalësuar ndjeshëm. Qytetarët që hyjnë nga Greqia në Shqipëri po përballen me radhë të gjata dhe pritje prej disa orësh. Aktualisht, pala greke po operon vetëm me dy […]

The post Arrestimi i 14 doganierëve grekë, radhë kilometrike automjetesh në Qafë-Botë appeared first on BoldNews.al.

TIRANË, 1 korrik /ATSH/ Presidenti i Federatës Shqiptare të Futbollit, Armand Duka, priti sot në një takim presidentin e Federatës Ganeze të Futbollit, Kurt Edwin Simeon Okraku, i cili po zhvillon një vizitë në Shqipëri.

Në takim ishte i pranishëm edhe presidenti i Federatës së Futbollit të Kosovës, Agim Ademi.

Në fillim të vizitës, presidenti Okraku zhvilloi një tur në ambientet e Shtëpisë së Futbollit, duke parë nga afër investimet e FSHF-së në infrastrukturë si ministadiumet, qendra e fizioterapisë, palestra, SPA, muzeu i futbollit dhe ambientet administrative.

Gjatë bashkëbisedimit, presidenti Duka e informoi homologun nga Gana mbi zhvillimet e fundit në futbollin shqiptar, projektet strategjike të realizuara nga FSHF dhe objektivat për të ardhmen. Nga ana e tij, presidenti Okraku vlerësoi lart standardet e Shtëpisë së Futbollit dhe punën e bërë nga FSHF në drejtim të zhvillimit të futbollit në Shqipëri.

Takimi u fokusua edhe në mundësitë për bashkëpunim të mëtejshëm mes dy federatave, në fusha me interes të ndërsjellë si shkëmbimi i eksperiencave teknike, edukimi dhe zhvillimi i të rinjve.

/gj.m//r.e/a.f/

The post Duka pret në takim presidentin e Federatës Ganeze të Futbollit appeared first on Agjencia Telegrafike Shqiptare.

Një shtetas egjiptian, Hamed Ramadan Bayoumy Aly Marie, 70 vjeç, pranoi fajësinë pasi goditi kaq fort qenin e doganës Freddie, saqë ai u ngrit në ajër në aeroportin Washington Dulles.

Qeni, i cili punonte për zbulimin e produkteve bujqësore të kontrabanduara, kishte sinjalizuar praninë e mbi 45 kilogramë ushqime të ndaluara në bagazhin e tij.

Freddie, që peshon 11 kilogramë, u dërgua në urgjencë veterinare dhe u diagnostikua me lëndime në anën e djathtë të brinjëve.

Marie u urdhërua të paguajë faturën e veterinerit dhe u dëbua drejt Egjiptit pas seancës gjyqësore.

Ngjarja ndodhi në zonën e marrjes së bagazheve të aeroportit në Virxhinia, pranë Uashingtonit. /Telegrafi/

The post Një shtetas egjiptian goditi keq qenin e doganave në një aeroport, e pësoi me gjobë dhe dëbim nga SHBA appeared first on Telegrafi.

TIRANË, 26 qershor/ATSH/ Dogana shqiptare funksionon pa ndërprerje 24 orë në ditë, me një staf prej 1200 punonjësish të shpërndarë në 18 degë dhe 16 zyra doganore, duke mbuluar të gjithë territorin doganor të vendit.

Kjo strukturë administrative garanton sigurinë kombëtare, lufton tregtinë e paligjshme dhe mbështet bizneset e ndershme.

Kryeministri Edi Rama bëri të ditur sot se Dogana, në harkun kohor të vetëm një dite, arkëton nga 9 deri në 12 milionë euro të ardhura për buxhetin e shtetit, duke treguar një efikasitet të lartë në menaxhimin e detyrimeve fiskale dhe kontrollin e kufijve.

Në 24 orë, administrata doganore përpunon mbi 3100 deklarata doganore, mbikëqyr dhe kontrollon 28 310 automjete dhe 107 mijë pasagjerë, duke kontribuar drejtpërdrejt në rrjedhën e qarkullimit ndërkombëtar të mallrave dhe njerëzve. Gjithashtu, lëshon 64 autorizime elektronike për bizneset, realizon 718 skanime dhe kryen 20 kontrolle mbi mallrat me akcizë.

Pjesë e këtij rrjeti janë edhe analizat laboratorike me standarde ISO, ku analizohen rreth 50 mostra në ditë, si dhe veprimtaritë e strukturave inteligjente që realizojnë 13 kontrolle të plota dhe 450 kontrolle të pjesshme mbi mallrat dhe subjektet doganore.

Dogana sekuestron mesatarisht 230 produkte të falsifikuara në ditë dhe fiton 80% të çështjeve ligjore me impakt financiar vjetor prej rreth 24 milionë euro në buxhetin e shtetit.

Sipas Kryeministrit, struktura moderne e hetimit, laboratorët shkencorë dhe kapacitetet ligjore e bëjnë Doganën një nga shtyllat kyçe të sigurisë ekonomike dhe integrimit europian të Shqipërisë.

Dogana shqiptare është një institucion në shërbim të qytetarëve, ekonomisë dhe së ardhmes europiane të vendit.

/a.gj//r.e//a.f/

The post Administrata Doganore, Rama: 12 milionë euro të arkëtuara, mbi 3100 deklarata të përpunuara në ditë appeared first on Agjencia Telegrafike Shqiptare.

Filharmonia e Kosovës ka ndarë posterin zyrtar të operës “Syrigana: Një operë në pesë akte” – një ngjarje e papërsëritshme që do të zhvillohet për vetëm një natë në fshatin Syriganë, në zemër të Drenicës.

Sipas një njoftimi për media kjo vepër e re performuese, e bashkëkrijuar me Filharmoninë e Kosovës, sjell një rrëfim dashurie të frymëzuar nga mitet lokale dhe kujtesa personale e kolektive, të vendosura në një peizazh që flet për historinë e një rajoni të tërë.

“Me një skenë të ndërtuar nga vagona traktorësh, pjesëmarrje nga artistë lokal dhe tinguj të gjallë nga Filharmonia, “Syrigana” është një ftesë për të imagjinuar të kaluarën, të tashmen dhe të ardhmen ndryshe”, thuhet në njoftim.

TIRANË, 23 qershor/ATSH/ Drejtoria e Përgjithshme e Doganave pezulloi qarkullimin e një sasi produktesh që dyshohet se cenonin të drejtën e pronësisë intelektuale.

“Në degën e Doganës Kukës janë pezulluar për qarkullim të lirë disa mallra sportive dhe etiketa përfshirë kostume dhe bluza të markave “Macron” me mbishkrimin “FSHF”, kostume “Adidas” me mbishkrimin “REAL MADRID”, kostume “Nike” me mbishkrimin “BARCELONA”, si dhe mijëra etiketa të markave “Lacoste” dhe “Polo””, bën të ditur DPD.

Administrata Doganore siguroi se do të vijojë punën për të luftuar çdo përpjekje për futjen e mallrave të palejuara në treg, dhe për të mbrojtur interesat legjitime të mbajtësve të këtyre të drejtave në Shqipëri. /j.p/

1 nga 10

The post E drejta intelektuale, Dogana pezullon mallra sportive fallso në Kukës appeared first on Agjencia Telegrafike Shqiptare.

Kontrolli i Lartë i Shtetit ka publikuar raportin e auditimin të kryer në doganës e aeroportit të Rinasit, ku ka evidentuar një dëm prej miliona lekësh ndaj buxhetit të shtetit gjatë harkut kohor 1 Korrik 2022 deri më 31 Dhjetor të vitit 2024. Nga auditimi i kryer nga KLSH janë zbuluar një sërë parregullsish në […]

The post Miliona lekë dëm/ KLSH zbardh skemën: Si abuzohet në doganën e Rinasit me importin e mallrave appeared first on BoldNews.al.

TIRANË, 12 qershor/ATSH/ Zëvendëskryeministrja dhe njëkohësisht ministrja e Infrastrukturës dhe Energjisë, Belinda Balluku, mori pjesë sot në konferencën e dytë të nivelit të lartë të drejtorëve të përgjithshëm të Doganave të Ballkanit Perëndimor dhe vendeve anëtare të BE-së, me temë “Partneriteti doganor për një Europë të lidhur – Thellimi i bashkëpunimit doganor CEFTA-BE për lidhje të pandërprera”.

Në fjalën e saj, Balluku theksoi se procesi i zgjerimit të BE-së dhe integrimi i Ballkanit Perëndimor përbëjnë investimin më të rëndësishëm gjeopolitik të Bashkimit Evropian në këtë dekadë.

“Anëtarësimi në BE nuk ka të bëjë vetëm me zhvillimin ekonomik dhe prosperitetin, por me vlerat e përbashkëta evropiane që ndajnë popujt tanë” u shpreh ajo.

“Ne shqiptarët e dimë mirë se çfarë do të thotë të qëndrosh përpara një dere të mbyllur të një familjeje të madhe evropiane, pjesë e së cilës jemi në mënyrë natyrale. Jemi banorë autoktonë të zemrës së Evropës, mesdhetarë, si fqinjët tanë grekë e italianë”, deklaroi Balluku, duke shtuar se Shqipëria ndodhet sot në prag të certifikimit administrativ dhe zyrtar që do të mundësojë anëtarësimin e plotë në BE.

Ministrja Balluku theksoi se Shqipëria ka kaluar një të shkuar të vështirë, por ka treguar përkushtim të jashtëzakonshëm për të përmbushur detyrimet që kërkon anëtarësimi.

“Pas shumë sfidash, jemi sot më afër se kurrë portës së dikurshme të mbyllur, që sot është gjysmë e hapur. Besojmë fort në angazhimin e administratës shqiptare dhe në vullnetin politik të vendeve anëtare të BE-së për të na mirëpritur”, tha ajo.

Duke vlerësuar rolin e institucioneve që bashkëpunojnë ngushtësisht me BE-në, Balluku vuri në dukje rëndësinë që ka administrata doganore shqiptare në procesin e integrimit.

“Çdo institucion që bashkërendon punën me vendet e BE-së luan një rol kyç në rrugën tonë drejt anëtarësimit, dhe doganat janë pjesë e rëndësishme e strukturave shtetërore me detyra specifike në këtë proces”, theksoi zv/kryeministrja.

Bashkëpunimi doganor CEFTA-BE, sipas Ballukut, është një shtyllë strategjike, që merr formë përmes këtij takimi të nivelit të lartë mes drejtuesve të autoriteteve doganore të rajonit dhe BE-së.

Objektivi kryesor, theksoi më tej ajo, është ndërtimi i një unioni doganor funksional, që garanton siguri, lehtëson tregtinë e ligjshme dhe përgatit ekonomitë e rajonit për integrim të plotë në tregun e përbashkët evropian.

Ajo theksoi gjithashtu rolin që do të ketë Shqipëria si portë hyrëse dhe dalëse e Bashkimit Evropian në të ardhmen, duke nënvizuar nevojën për mbështetje teknike nga partnerët, përkushtim politik, si dhe zhvillim të kapaciteteve njerëzore dhe administrative për të përmbushur standardet e BE.

Në vijim të konferencës, Balluku shprehu bindjen se do të zhvillohen diskutime mbi zhvillimin e korsive të gjelbra dhe blu, forcimin e kapaciteteve doganore, si dhe nevojat e ardhshme për bashkëpunim në kontekstin e zgjerimit të BE-së dhe Planit të Rritjes së Unionit.

Balluku ndau gjithashtu progresin e Shqipërisë në fushën e digjitalizimit dhe përdorimit të inteligjencës artificiale në administratën publike, si faktor kyç për rritjen e efikasitetit dhe transparencës në procedurat doganore.

Ajo theksoi se këto arritje kanë sjellë rezultate të dukshme në uljen e kohës së operimeve dhe në përmirësimin e shërbimeve ndaj biznesit.

Në përfundim, Balluku nënvizoi se është fat të jesh në kohën e duhur dhe në vendin e duhur për të udhëhequr këtë rrugëtim drejt Unionit Doganor Evropian.

“Historia 57-vjeçare e suksesit të BE-së është udhërrëfyesi më i mirë për administratat doganore të Ballkanit Perëndimor”, u shpreh ajo.

/a.gj/a.f/

The post Balluku: Doganat shqiptare, pjesë kyçe e rrugës drejt Unionit Evropian appeared first on Agjencia Telegrafike Shqiptare.

TIRANË, 11 qershor/ATSH/ Në kuadër të Marrëveshjes së Tregtisë së Lirë të Europës Qendrore (CEFTA), u zhvillua sot në Tiranë takimi i 29-të i nënkomitetit për Doganat dhe Rregullat e Origjinës, i cili këtë vit kryesohet nga Shqipëria.

Gjatë takimit, u diskutua Strategjia e Menaxhimit të Riskut të CEFTA-s për periudhën 2025-2028, si dhe zbatimi i një projekti pilot për krijimin e një sistemi elektronik në kuadër të platformës SEED+, që synon të lehtësojë menaxhimin e riskut për tregtinë e mallrave në rajon.

Një pikë e rëndësishme e diskutimeve ishte edhe bashkëpunimi doganor mbi klasifikimin tarifor dhe rregullat e origjinës, për të forcuar standardet dhe transparencën në tregtinë ndërkufitare mes vendeve anëtare të CEFTA-s.

Gjithashtu, pjesëmarrësit diskutuan mbi zhvillimet në fushën e Operatorëve Ekonomikë të Autorizuar (AEO) dhe mbi zbatimin e konventës së rishikuar për certifikatat elektronike të origjinës, e cila synon të digjitalizojë dhe thjeshtojë procedurat tregtare në rajon.

Takimi nënvizoi rëndësinë e bashkëpunimit rajonal në fushën doganore, si një hap kyç drejt rritjes së efikasitetit të tregtisë dhe integrimit më të mirë ekonomik ndërmjet vendeve të CEFTA-s.

1 nga 6

/a.gj/a.f/

The post Shqipëria kryeson takimin e 29-të të CEFTA-s për doganat dhe rregullat e origjinës appeared first on Agjencia Telegrafike Shqiptare.

Autoriteti i Mikqyrjes Policore (AMP) ka ndërmarrë ditën e sotme një aksion policor në pikën kufitare të Kapshticës. Sipas burimeve për media, kontrolle të imtësishme po kryen në një sërë automjetesh ndërsa është me dije se në njërin prej tyre është sekuestruar një sasi lënde narkotike, konkretisht 6 kg heroinë. Deri më tani raportohet për […]

The post Aksion anti-drogë në doganën e Kapshticës, dyshohet për përfshirje të policisë dhe doganave appeared first on BoldNews.al.

Që prej dhjetorit të vitit 2020, Gent Gazheli është drejtori i Përgjithshëm i Doganave të vendit. Gazheli e pa veten drejtor fill pas shkarkimit si ambasador, kohë kur ai u kritikua pasi u mbylli telefonin gazetarëve italianë të “Le lene”, të cilët e telefonin nga Siria dhe i kërkonin t’i ndihmonte me dokumentacionin për të […]

The post Kontrabanda në Dogana/ Si përjashtohet Gent Gazheli sa herë që vartësit i kapen në vjedhje flagrante appeared first on BoldNews.al.

TIRANË, 13 maj /ATSH/ Në Trieste (Itali), u zhvillua sot ceremonia e mbylljes së programit Adriacustoms, përmes së cilit u synua të promovohet bashkëpunimin doganor midis shteteve të Detit Adriatik.

Programi, i financuar pjesërisht nga OLAF, Zyra Europiane Kundër Mashtrimit, i koordinuar nga Zyra e Marrëdhënieve Ndërkombëtare e ADMgov, në bashkëpunim me Guardia di Finanza, kishte në fokus shkëmbimin e vizitave, përvojave, informacionit dhe njohurive teknike mes oficerëve të specializuar doganorë nga Italia, Sllovenia, Shqipëria, Kroacia dhe Mali i Zi, si dhe miratimin e një udhëzuesi përfundimtar, që përmban parimet frymëzuese të aktiviteteve të ardhshme doganore.

“Trieste, dhe rrjeti i porteve të zhvilluar me partnerët e Adriacustoms Slloveni, Kroaci, Mal i Zi dhe Shqipëri, është një pikë natyrale nisjeje për trafikun tregtar midis Europës Qendrore dhe Lindore, Afrikës dhe Azisë. Kjo është për shkak të historisë, vendndodhjes gjeografike dhe infrastrukturës që ka. ADM dhe administratat e tjera doganore të Adriatikut, falë bashkëpunimit të ngushtë, mund të ndihmojnë në tërheqjen e trafikut tregtar në këtë Rajon, me sisteme të integruara digjitale që përdorin teknologjitë më moderne, gjithmonë duke mbajtur lart nivelin e kontrollit kundër mashtrimit dhe trafikut të paligjshëm, për dobinë e sigurisë dhe shëndetit të përbashkët”, tha drejtori për Marrëdhënie Ndërkombëtare, Andrea Mazzella.

Ky aktivitet është një hap tjetër përpara në forcimin e bashkëpunimit doganor ndërkombëtar, me qëllim rritjen e efikasitetit dhe sigurisë të operacioneve tregtare në rajon.

/a.f/

The post Bashkëpunim doganor midis shteteve të Detit Adriatik appeared first on Agjencia Telegrafike Shqiptare.

Radhë të gjata dhe fluks automjetesh janë shënuar të enjten në pikën e kalimit kufitar të Qafë Thanës, që lidh token shqiptare me atë të Maqedonisë së Veriut. Fluksi i lartë ka nisur prej orës 09:00 në të dyja anët e kufirit, ku udhëtarët detyrohen të qëndrojnë më tepër se 45 minuta në pritje për […]

The post Radhë të gjata dhe fluks automjetesh në doganën e Qafë – Thanës appeared first on BoldNews.al.