TIRANË, 28 qershor /ATSH/ Kanionet e Skraparit mbeten një destinacion i preferuar për vizitorët në këto ditë të nxehta.

Turistë nga e gjithë bota eksplorojnë çdo ditë natyrën e mahnitshme dhe shijojnë përvojat më unike duke ushtruar rafting në kanionet e Osumit.

Kryeministri Edi Rama ndau pamjet nga vizitorë të shumtë që eksplorojnë Kanionet e Osumit.

“Nga Skrapari i aventurës”, shkruan kryeministri Rama, në një postim në rrjetin social Facebook.

Sapo kalon qytetin e Çorovodës dhe merr sipër rrjedhën e lumit, shfaqet pamja e mrekullueshme e Kanionit të Osumit rreth 13 km i gjatë, nga 4 deri në 35 m i gjerë, 70-80 m i thellë, me shpate vertikale, përfund të cilave rrjedh lumi i Osumit.

I cilësuar edhe si “Koloradoja e Shqipërisë”, pamjet që të ofrojnë kanionet e Osumit janë mahnitëse, gjithë lartësi, kontraste për sa i përket dritës, bimësi e larmishme, një atraksion i vërtetë për turistët vendas dhe të huaj.

Rafting në Kanionet e Osumit është tashmë një nga guidat më të preferuara pothuajse nga të gjitha grup-moshat.

Në një distance prej 13 kilometrash dhe rrethuar me shkëmbinj prej 100 metrash, praktikuesit e rafting kalojnë shumë ujëvara si dhe një sërë operash arti natyral të krijuara nga erozioni, të pagëzuara me emra si “syri”, “porta e djallit”, “krokodili” apo “katedralja”.

Në këtë kanion, nga fundi i muajit prill deri në mesin e muajit qershor, zhvillohet sezoni i sportit të rafting.

Sportistë nga Italia, Anglia, Çekia, Gjermania dhe gjithë bota vijnë jo vetëm për të ushtruar në ujërat e tij, sportin e bukur të rafting, por edhe për të eksploruar magjinë e natyrës shqiptare.

Kanionet e Osumit

1 nga 11

/m.q//r.e/

The post Rama ndan pamje të turistëve: Nga Skrapari i aventurës appeared first on Agjencia Telegrafike Shqiptare.

TIRANË, 27 qershor /ATSH/ Kanionet e Skraparit mbeten një destinacion i rëndësishëm për vizitorët në këto ditë të nxehta.

Turistë nga e gjithë bota eksplorojnë çdo ditë natyrën e mahnitshme dhe shijojnë përvojat më unike të rafting në kanionet e Osumit.

Sapo kalon qytetin e Çorovodës dhe merr sipër rrjedhën e lumit, të shfaqet pamja e mrekullueshme e Kanionit të Osumit rreth 13 km i gjatë, nga 4 deri në 35 m i gjerë, 70-80 m i thellë, me shpate vertikale, përfund të cilëve rrjedh lumi i Osumit.

I cilësuar edhe si “Koloradoja e Shqipërisë”, pamjet që të ofrojnë kanionet e Osumit janë mahnitëse, gjithë lartësi, kontraste për sa i përket dritës, bimësi e larmishme, një atraksion i vërtetë për turistët vendas dhe të huaj.

Rafting në Kanionet e Osumit është tashmë një nga guidat më të preferuara pothuajse nga të gjitha grup-moshat.

Në një distance prej 13 kilometrash dhe rrethuar me shkëmbinj prej 100 metrash, praktikuesit e rafting kalojnë shumë ujëvara si dhe një sërë operash arti natyral të krijuara nga erozioni, të pagëzuara me emra si “syri”, “porta e djallit”, “krokodili” apo “katedralja”.

Në këtë Kanion, nga fundi i muajit prill deri në mesin e muajit qershor, zhvillohet sezoni i sportit të rafting.

Sportistë nga Italia, Anglia, Çekia, Gjermania dhe gjithë bota vijnë jo vetëm për të ushtruar në ujërat e tij, sportin e bukur të rafting, por edhe për të eksploruar magjinë e natyrës shqiptare.

1 nga 10

/gj.m//a.f//r.e/

The post Turistë nga e gjithë bota eksplorojnë magjinë e Kanioneve të Skraparit appeared first on Agjencia Telegrafike Shqiptare.

Murtaja e ruminantëve të vegjël, ka prekur 263 bagëti në dy ferma në fshatin Polenë në rrethin e Skraparit.

Lajmin e ka bërë të ditur Shefi i Sektorit të Veterinarisë në Drejtorinë e Bujqësisë së qarkut Berat, lirjan Ramaj, i cili ka shpjeguar edhe masat që janë marë për karantinimin e fermave dhe masat që do të merren në vazhdim për eleminimin e tyre.

“Kemi dy raste në dy ferma në fshatin Polenë në Skrapar, ku pas shenjave të konstatuara në terren nga veterinerët tanë dhe pas analizave të kryera, bagëtitë kanë rezultuar pozitive. Në njërën nga fermat janë 191 krerë të infektuara dhe në fermën tjetër janë 72 krerë të prekur nga sëmundja e murtajës së ruminantëve të vegjël.

Janë marrë të gjitha masat, fermat janë futur në karantinë, pritet të kryehet proçesi i eleminimit të kafshëve të të dyja tufave, është përcaktuar “zona e kuqe” prej 3 km dhe nga veterinerët tanë të shërbimit të kontrrollit. Po bëhet inventari i të gjitha fermave, ndërkohë që zona rreth 10 km përreth këtyre fermave po mbajet në vëzhgim nga veterinët. Në bashkëpunim me policinë, janë ngritur pika kontrrolli sepse është e ndaluar lëvizja e kafshëve të imëta nga ferma në fermë dhe nga ferma në kullotë. Momentalisht kemi vetëm këtë vatër në qarkun tonë.

Është një sëmundje që përhapet vetëm nëpërmjet kontaktit të kafshëve. Shenjat e kësaj sëmundjeje janë: lotim i syve, diarre, temperaturë e lartë që shkon në 41-42 gradë, plagë në gojë dhe pas 3-ditësh kafshët ngordhin. Ne jemi në pritje të urdhrit të Ministrisë së Bujqësisë për formën dhe mënyrën e e elminimit, që do të kryehet këto ditë”, ka thënë Ilirjan Ramaj.

Ai i ka bërë thirrje fermerëve të qarkut të Beratit, që nëse evidentojnë ndonjë rast në bagëtitë e tyre të marrin menjëherë numrin e gjelbër që ka vendosur ministria ose të njoftojnë veterinerët e zonës, ndërkohë që u ka kërkuar të mos i shtegtojnë kafshët nga një zonë në një zonë tjetër se bëhen shkak për përhapjen e sëmundjes.

The post Murtaja/ 263 bagëti të infektuara në Skrapar, karantinohen dy ferma appeared first on Albeu.com.

TIRANË, 21 maj /ATSH/ Sezoni turistik ka filluar dhe Kanionet e Osumit me madhështinë, lashtësinë dhe bukurinë e tyre janë përherë të lakmuar për t’u vizituar. Ato janë shndërruar tashmë në një destinacion turistik gjithmonë e më të pëlqyer edhe për aventurierët e sporteve të “adrenalinës”.

Kryeministri Edi Rama ndau sot në rrjetet sociale foton e dy turistëve duke shijuar bukuritë e natyrës në Kanionet e Osumit në Skrapar.

Guidat e qarkut të Beratit tashmë janë përshtatur me kërkesat e turistëve të huaj dhe po e kthejnë natyrën e Kanioneve në një paketë të plotë turistike.

Sapo kalon qytetin e Çorovodës dhe merr sipër rrjedhën e lumit, të shfaqet pamja e mrekullueshme e Kanioneve të Osumit, rreth 13 kilometra të gjatë, nga 4 deri në 35 metra të gjerë, 70-80 metra të thellë, me shpate vertikale, përfund të cilave rrjedh lumi i Osumit.

Të cilësuara edhe si “Koloradoja e Shqipërisë”, pamjet që të ofrojnë Kanionet e Osumit janë mahnitëse, gjithë lartësi, kontraste për sa i përket dritës, bimësi e larmishme, një atraksion i vërtetë për turistët vendas dhe të huaj.

Rafting në Kanionet e Osumit është tashmë një nga guidat më të preferuara pothuajse nga të gjitha grup-moshat.

Në këto kanione, nga fundi i muajit prill deri në mesin e muajit qershor, zhvillohet sezoni i sportit të rafting. Sportistë nga Italia, Anglia, Çekia, Gjermania dhe gjithë bota vijnë jo vetëm për të ushtruar në ujërat e tij sportin e bukur të rafting, por edhe për të eksploruar magjinë e natyrës shqiptare.

/r.e/

The post Rama ndan pamje nga Kanionet e Osumit appeared first on Agjencia Telegrafike Shqiptare.

TIRANË, 12 maj/ATSH/ Numërimi i votave ka përfunduar në 2 bashki të qarkut të Beratit, në Poliçan dhe Skrapar, ndërsa vijon në 3 bashki të tjera.

Në bashkinë e Poliçanit, ka përfunduar procesi i numërimit në të 22 qendrat e votimit.

Sipas të dhënave të publikuara nga Komisioni Qendror i Zgjedhjeve Partia Socialiste ka marrë 67,33% të votave, ndërsa koalicioni PD-Aleanca për Shqipërinë Madhështore ka marrë 21,12% të votave.

E treta renditet Nisma “Shqipëria Bëhet” me 8,01% të votave, ndërsa në vend të katërt është “Mundësia” me 1,61% të votave.

Gjithsej votuan 4847 qytetarë, nga 11594 zgjedhës në lista.

Në bashkinë e Skraparit ka përfunduar procesi i numërimit në të 23 qendrat e votimit.

Sipas të dhënave të publikuara nga Komisioni Qendror i Zgjedhjeve, Partia Socialiste ka marrë 66,46% të votave, ndërsa koalicioni “PD-Aleanca për Shqipërinë Madhështore” ka marrë 29,20% të votave.

E treta renditet Nisma “Shqipëria Bëhet” me 2,21% të votave, ndërsa në vend të katërt është “Mundësia” me 0,68% të votave.

Gjithsej votuan 5611 qytetarë, nga 1184 zgjedhës në lista. /j.p/

The post Përfundon numërimi i votave të 11 majit në Skrapar dhe Poliçan appeared first on Agjencia Telegrafike Shqiptare.

Ka përfunduar procesi i numërimit të votave në Poliçani ashtu edhe Skrapar. Bazuar në rezultate në të dyja bashkitë, Partia Socialiste kryeson në vota.

Në Skrapar PS fitoi përballë Partisë Demokratike-ASHM, me një diferencë prej 2026 votash. Edhe në Poliçan, socialistët fituan me 2100 vota diferencë nga PD-ja. Ndërkohë si forcë e tretë renditet Shqipëria Bëhet me 372 vota.

The post Përfundon numërimi i votave në Skrapar dhe Poliçan, kryeson PS appeared first on Lapsi.al.

Është mbyllur numërimi i votave në bashkinë e Skraparit ku Partia Socialiste ka fituar bindshëm përballë Partisë Demokratike. Nga numërimi i 23 Qendrave të Votimit PS ka marrë 3614 vota ose 66,46 për qind të votave. Ndërkohë Partia Demokratike ka marrë 1588 ose 29,20 për qind të votave.

The post Mbyllet numërimi i votave në Skrapar, fiton PS appeared first on BoldNews.al.

Është mbyllur numërimi i votave në bashkinë e Skraparit ku Partia Socialiste ka fituar bindshëm përballë Partisë Demokratike.

Nga numërimi i 23 Qendrave të Votimit PS ka marrë 3614 vota ose 66,46 për qind të votave.

Ndërkohë Partia Demokratike ka marrë 1588 ose 29,20 për qind të votave.

Rezultatet në kohë reale në faqen e Euronews Albania (Kliko këtu)

LEXONI GJITHASHTU:

• Mbyllet procesi i numërimit në Tepelenë, PS fiton bindshëm në të gjitha qendrat
• Ndërpritet procesi i numërimit të votave në Belsh, si janë rezultatet

The post Mbyllet numërimi i votave në Skrapar, PS fiton bindshëm appeared first on Euronews Albania.

Në Bashkinë Skrapar, janë përfunduar numërimet në 19 nga 23 kutitë e votimit.

Deri në këtë moment, Partia Socialiste, ka siguruar 2,935 vota, ndërsa Partia Demokratike, ka grumbulluar 1,373 vota.

Procesi i numërimit vijon ende për dy kuti të tjera.

Skrapar

PD – 1373

PS – 2935.

Ne proces numërimi 2 kuti.

The post Skrapar/ Numërohen 19 nga 23 QV, ja sa vota ka marrë PS dhe PD appeared first on Albeu.com.

Njoftim:

Si rezultat i hetimeve të kryera me qëllim zbardhjen e vjedhjeve të denoncuara nga qytetarë ose administratorë subjektesh, gjatë këtij muaji, shërbimet e Komisariatit të Policisë Nr. 2 finalizuan operacionin policor të koduar “April”.

Gjatë operacionit u vu në pranga shtetasi T. H., 30 vjeç, banues në Skrapar.

Nga hetimet dyshohet se ky shtetas ka vjedhur 3 celularë dhe një shumë parash në 2 dyqane, 1 monopatinë, një market, si dhe ka tentuar të vjedhë në 2 subjekte të tjera.

Punohet për të zbardhur vjedhje të tjera që mund të ketë kryer 30-vjeçari.

Materialet procedurale iu referuan Prokurorisë së Tiranës, për veprime të mëtejshme.

The post Operacioni policor “April”/ Kreu një seri vjedhjesh, bie në prangat e policisë 30-vjeçari në Tiranë appeared first on Sot News | Lajme.

Takimin e Ramës në Skrapar nuk e la pa e komentuar Ilir Meta. Edhe pse në burg, presidenti i Partisë së Lirisë, thotë se në sallën ku Rama mbajti takimin, 80% ishin jabanxhij shëtitës. Për të skraparlinjtë janë njisha përgjithmonë. ”Përshëndes popullin e Skraparit që u çlodh sot me fjalimin argëtues të “ufo”-s nga Tirana dhe të mos harrojë dëmet e mëdha që i solli Skraparit, kostot e rënda të…

Source

Në vend se të kërkojë falje se emëroi në poste publike njerëz që kanë vjedhur, kryeministri Edi Rama ka zgjedhur të bëjë fushatë me ta. Në takimin elektoral në Skrapar, kreu i qeverisë nuk u distancua nga korrupsioni që ka pllakosur administratën e tij, por përkundrazi, zgjodhi të mburret me të, duke e kthyer numrin e arrestimeve për aferat qeveritare në flamur të fushatës.

“Thonë për ne: ‘Çfarë do ky, e ka gjysmën e qeverisë në burg’. Po këta mendojnë se me këtë propagandë populli do harrojë kush e donte dhe kush jo reformën në drejtësi, kush e bëri dhe kush është këtu për ta përmbysur,” deklaroi Rama.

Kudo, një kryeministër me “gjysmën e qeverisë në burg” do të kërkonte falje publike, do të jepte dorëheqjen, ose të paktën do të përpiqej të mbante një profil të ulët. Por Rama vazhdon ta shesë këtë si triumf të reformës që ai pretendon ta ketë iniciuar.

“Shqipëria ka pasur Mbret, ka pasur diktator, ka pasur edhe një palo president, bufin e kënetës, që futi në burg Fatos Nanon – të burgosurin e fundit politik të Shqipërisë – por asnjëherë nuk është parë një njeri me pushtet të shkojë para një gjykatësi të pavarur,” shtoi Rama, duke harruar se shumica e “njerëzve me pushtet” që sot janë përballë gjykatës, janë pikërisht ata që ai vetë i ka ngritur në poste, i ka mbrojtur me arrogancën e pushtetit dhe u ka dhënë imunitet politik për vite me radhë.

The post Absurdi/ Rama mburret me zyrtarët e burgosur për korrupsion appeared first on Lapsi.al.

Kryeministri Edi Rama ka vijuar turin elektoral në Skrapar, ku edhe këtë herë nuk i ka kursyer batutat dhe ironitë ndaj kundërshtarëve politikë, veçanërisht ndaj partive të reja që garojnë në zgjedhjet e 11 majit. Duke iu drejtuar elektoratit, Rama i krahasoi këto parti me skemat piramidale të viteve ’90, Suden apo Rrapush Xhaferrin.

Sipas kryeministrit, ata janë vetëm të rinj në moshë, pasi në listat e hapura fusin krushqitë.

Rama: Janë disa zogj të vegjël që kanë dalë. Janë disa, jo mundet, jo s’mundet, jo bashkë jo veç. Ata mua më heqin mallin e Sudes të Vehbiut dhe të Rrapush Xhaferrit. Ta bëjnë detin kos dhe këtu nuk do ketë më korrupsion, nuk do ketë më padrejtësi.

Nuk do ketë më çmimet të lartë, nuk do ketë më asgjë. Jepini votën që të kapin ndonjë karrige në parlament. Thonë jemi të rinj. Të rinj janë vetëm në moshë. Shikoni si marrin krushqit dhe i vënë në listat, se vetë janë në listat e hapura.

The post Rama për partitë e reja: Më heqin mallin e Sudes dhe Xhaferrit! appeared first on Lapsi.al.

SKRAPAR- Kryetari i Partisë Socialiste, Edi Rama, takimin e radhës elektoral e mbajti në qytetin e Skraparit. Ai theksoi se falë programit të Partisë Socialiste, flamuri dhe dinjiteti i Shqipërisë është vendosur në vendin e duhur.

“Shqipëria ka arritur aty ku s’ka qenë kurrë dhe flamuri shqiptar sot vlerësohet dhe respektohet dhe dinjiteti i Shqipërisë është vënë në vend dhe ndaj ata kanë hapur dyert edhe për interesin të tyre, jo vetëm për interesin tonë.

Na kanë dhënë tre vjet afat për t’i mbaruar negociatat. Kujt i kanë zgjatur tre vjet negociatat? Askujt. Fati e ka dashur, që të jemi në që të përmbushin profecinë e Gjergj Kastriotit”, theksoi ai.

Gjatë fjalës së tij, Rama u shpreh se politika i ka borxh që fëmijëve shqiptarë t’u garantohet pasaporta e Bashkimit Evropian.

“Borxhi që u kemi fëmijët tanë është t’u lëmë pasaportë e BE-së dorë.

Pasaportën do ta marrim brenda kësaj dekade. Koha e duhur, vendi i duhur dhe ka vetëm një forcë të duhur, e cila është në kohën dhe momentin e duhur që ta investosh votën pa e çuar votën dëm”, pohoi ai./abcnews.al

SKRAPAR- Qyteti i Skraparit ishte destinacioni i radhës i takimeve të socialistëve në kuadër të fushatës zgjedhore të 11 majit.

Kryesocialisti Edi Rama u shpreh se mandatin tjetër do të nisin punimet për ndërtimin e rrugës Berat-Skrapar dhe distanca mes tyre nuk do jetë më shumë se 30 minuta.

Ky investim theksoi Rama do të nxisë zhvillimin dhe investimet e zonës.

“Rruga Berat-Skrapar do fillojë mandatin tjetër. Do të përshkohet për 30 minuta dhe kjo do të nxisë zhvillim. Me fillimin e punës për rrugën e re  menjëherë do të shtohen vlerat e tokës dhe pasurive këtu dhe menjëherë ata që kanë ikur do të kthehen për të investuar.

Paketa e maleve është një program që i shkon më së miri kësaj zone. Në këtë mandat të katërt për Skraparin, do bëjmë më shumë seç kemi bërë në mandatet e tjera”, tha ai.

Shefi i socialistëve theksoi se më 11 maj duhet një votë e vendosur për ta çuar Shqipërinë sa më shpejt në Bashkimin Evropian.

“Më 11 maj, të gjitha ata që kanë një votë, do shkojnë në zgjedhje në një takim me historinë.

Duhet të bëhemi sa më shumë, sa më të bashkuar për të vendosur me votën tonë krijimin e një fuqie edhe më të madhe vendimmarrëse, me qëllim që kjo mundësi që na është krijuar, dera që na është hapur me BE, ta shfrytëzojmë dhe të mbyllim negociataT brenda 2027.

Më 11 maj të shtyjmë Shqipërinë në BE dhe të thajmë kënetën, që është bërë një pengesë e vazhdueshme e këtij vendi”, theksoi ai./abcnews.al

Kreu i PS-së, kryeministri Edi Rama deklaroi sot se në mandatin e katërt për Skraparin qeveria do të bëjë, ku premtoi edhe rrugën Berat-Skrapar. Në fjalën e tij në takimin elektoral me qytetarët e Skraparit, Rama tha se ky nuk është premtim është pjesë e programit. ”E di që ka kaluar kohë, por shpresoj dhe besoj në mirëkuptimin tuaj që u desh ca durim nga ana juaj, por ama me mandatin e katërt ka…

Source

TIRANË, 23 prill/ATSH/ Kryeministri Edi Rama, njëherësh edhe Kryetari i Partisë Socialiste tha sot se Shqipëria është në pragun e derës së Bashkimit Evropian dhe fati i vendit tonë është përputhur me atë të familjes evropiane.

Kryeministri Rama, gjatë takimit elektoral me qytetarë të Skraparit, u shpreh se ka zëra që thonë se pse nuk mjaftuan tre mandate për ta futur Shqipërinë në BE, por kërkohet edhe një mandat i katërt.

Rama tha se Mali i Zi i ka hapur negociatat përpara se ai të bëhej kryeministër dhe nuk është futur akoma në BE, në vitin 2012, gjithashtu Serbia i ka hapur në 2014-ën përpara se Shqipëria të bëhej vend kandidat dhe akoma nuk është vend anëtar i BE-së.

“Po si ka mundësi që Maqedonia ndërroi dhe emrin dhe nuk është futur në BE dhe është bërë kandidat në vitin 2005? Atëherë, ka një shpjegim: sepse ti nuk futesh në BE se do ti, as se ti i bën të gjitha detyrat që ata thonë se duhet të bësh. Dera e BE-së që të hyhet brenda nuk hapet kur vendet thjesht trokasin, por kur 27 anëtarët e asaj familjeje bien dakord që të hapin derën. Dhe sot, ata kanë rënë dakord që të hapin derën për Shqipërinë. Dhe kjo derë e hapur për Shqipërinë do të thotë që ne e kemi kaluar detin në këmbë, ata na kishin bezdi edhe kur na takonin dhe na dëgjonin sa për të kaluar radhën”, tha Rama.

Sipas kryeministrit Rama, “sot Shqipëria ka arritur aty ku s’ka qenë kurrë dhe flamuri shqiptar sot respektohet, vlerësohet dhe dinjiteti i Shqipërisë është vënë në vend. E kanë hapur derën edhe për interesin e tyre, se bota është e trazuar dhe duan të zgjerojnë BE-në, kush është më pranë që ata ta marrin ta fusin brenda, ja që është Shqipëria te pragu. Dhe ne na kanë dhënë tre vjet për të mbaruar negociatat. Bëni detyrat deri në 2027-ën, t’i mbyllim dhe ju jeni anëtarë të BE-së. Kujt i kanë zgjatur tre vjet negociatat, askush nga vendet komuniste. Fati ynë e ka dashur që të jemi ne që të përmbushin profecinë e Gjergj Kastriotit që kur i vuri murin Perandorisë (Osmane) dhe i vuri gjoksin Evropës e përcaktoi që fati i shqiptarëve ishte në Evropë”, theksoi Rama, ndërsa shtoi se edhe rilindasit ishin ata që e lanë me shkrim se dielli për Shqipërinë lind andej nga perëndon, e më pas ata që dolën për të përmbysur regjimin komunist me thirrjet “E duam Shqipërinë si gjithë Evropa”. Borxhi që u kemi fëmijëve tanë është që t’u lëmë pasaportën evropiane”.

Kreu i qeverisë u ndal edhe te diskutimet në studiot televizive dhe sondazhet që bëhen në prag të zgjedhjeve të 11 majit, ndërsa nënvizoi edhe rezultatet e sondazhistit të Donald Trump që u shfaqën në një ekran shqiptar. Rama tha se sipas sondazhit, shumica mendon se Shqipëria po shkon në drejtimin e duhur.

“Ata habiten dhe thonë po kjo do të thotë që populli është i sëmurë. Pra, ju jeni të sëmurë ata janë normalë! Jo! Ata janë çyrykë, ju dhe populli shqiptar jeni fuqia që na ndihmon të shkojmë përpara. Ju ndiqni politikën dhe unë sot nëse ju pyes cili është Altin Dumani, të gjithë e njihni apo jo? Altin Dumani nuk erdhi dje nga materniteti, as nuk e sollën nga Hëna, ishte këtu prokuror. Po ky njeri me integritet, me kurajë, profesionist, pse nuk i doli emri, pse nuk thirri ndonjë drejtor policie dhe t’i thoshte çfarë problemi ke me ligjin?”, pohoi Rama.

Sipas kreut të PS, Dumani dhe “të gjithë prokurorët dhe gjykatësit e tjerë ishin nën hyqmin, nën çizmen e pushtetit politik, ndërsa shpatën që sot Altin Dumani e ka në dorë dhe pret majtas e djathtas, e kishte “bufi” në zyrë kur ishte përpara meje ku nga dritarja e zyrës shikonte se si njerëz të armatosur brenda zyrës vrisnin protestues”.

Sipas Ramës, asokohe kur Prokurorja e Përgjithshme kërkonte të thërriste në pyetje drejtorët e Policisë, “bufi” e sulmonte drejtuesin e Prokurorisë.

Rama nënvizoi faktin se atë shpatë që ishte në zyrën e të parit të qeverisë që nga viti 1912 që e kishte përdorur po njësoj mbreti, diktatori e të tjerët, PS ia dorëzoi drejtësisë. Dhe sipas Kryeministrit, nëse ka një arsye të madhe për ta votuar PS është pikërisht kjo për të cilën të gjithë armiqtë e drejtësisë së pavarur, të gjithë ata që mezi presin ta përmbysin atë që mezi është nxjerrë nga kthetrat e kontrollit 100 e ca-vjeçar.

“Arsyeja kryesore për ta votuar PS është se gjeti forcën, kurajën, që të jetë partia e popullit dhe jo e të pushtetshme, partia që e pranon ligjin si e barabartë me këdo qoftë. Dhe kjo është një arsye shumë e fortë për të shkuar bashkë në BE. Ata e kanë me mua, sepse mes tyre dhe jush unë jam pengesa”, cilësoi Rama.

/r.e//a.f/

The post Rama: Sondazhisti i Trump, shqiptarët mendojnë se vendi është në drejtimin e duhur appeared first on Agjencia Telegrafike Shqiptare.

TIRANË, 23 prill/ATSH/ Kryeministri, njëherësh kryetari i Partisë Socialiste, Edi Rama deklaroi sot se “buf për herë të tretë Shqipëria as nuk merr më në krah dhe as nuk ka për ta konsideruar më”.

Gjatë fjalës së tij në takimin elektoral me qytetarët e Skraparit, Rama u ndal edhe tek opozita.

“Si mund të vihen këto në diskutim se nuk të pëlqen PS apo Edi Rama. Nuk të detyron njeri të pëlqesh Edi Ramën, ti mund të pëlqesh Ilir Vrenozin, që është lider i vërtetë. Kur thosha unë ai është njëshi i PD, ju talleshit. Fjalët e tij në sallë në Korçë janë programi i vërtetë i PD-së”, tha Rama.

Sipas tij, “këneta” e ka shumë thellë kompleksin e inferioritetit prandaj bën ashtu.

“Të diskutosh midis Partisë Socialiste dhe numrit 5 dhe Ilir Vrenozit është njësoj si të diskutoje në mars të ‘92 mes PD dhe Hysni Milloshit, është e njëjta gjë. Pse populli votoi PD në ‘92 masivisht? Nuk ishin me PD shumica dhe kjo është kaq e vërtetë sa 6 muaj më mbrapa kur u bënë zgjedhjet lokale shumica e rrëzoi PD-në. Kur u bë refrendumi i ‘94-s e sakatoi fare “bufin e kënetës”, por ama në mars i dha mbështetje, sepse ishte koha e duhur dhe vendi i duhur për ta mbyllur njëherë e mirë kapitullin e gjatë të një historie me një sistem tjetër dhe për të përqafuar rrugën e Europës”, nënvizoi Rama.

Kreu i qeverisë u shpreh se “njësoj është edhe 11 maji, është koha e duhur, vendi i duhur dhe ka vetëm një forcë të duhur në vendin e kohën e duhur ku ta investosh votën pa e çuar dëm, pa e hedhur në kënetë, ta investosh votën për fëmijët e tu, ta investosh votën në qoftë se je një bujk, se edhe këtu ka demokratë në Skrapar, ka ca vazhdojnë me atë të tyren. Të jesh bujk në Skrapar e të kesh mundësinë të votosh për ta sjellë BE-në këtu, e di çfarë do të thotë? Që Shqipërisë ti vijnë 300 milionë euro në vit vetëm për bujqësinë”.

“Si mund të thuash se dua “kënetën”, domethënë të jetosh buzë kanioneve e të ëndërrosh “kënetën”, kjo s’është normale.

Të jetosh me shqiponjat e të kërkosh bufin, nuk është normale. Nuk i shkon kjo skraparllinjve. Secili do bëjë zgjedhjen e vet jam i sigurt që në fund të ditës shumëkush do të reflektojë është shumë e qartë tani. Alternativë e BE-së është “këneta”, është “bufi” dhe e ardhmja e “kënetës” është Ilri Vrenozi. Dje e patë kush e mori pushtetin në opozitë? Ilir Vrenozi. E patë se si “bufi” dukej i mbaruar dhe larguar? De facto është larguar, de jure mbas 11 majit do shikoni kur Ilir Vrenozi të sulmojë Tiranën që të marrë pushtetin e “kënetës””, tha Rama.

/k.s//a.f//r.e/

The post Rama: Buf për herë të tretë Shqipëria nuk merr më në krah appeared first on Agjencia Telegrafike Shqiptare.

TIRANË, 23 prill /ATSH/ Kryeministri Edi Rama vizitoi sot teatrin e ri të qytetit të Skraparit.

Teatri ka rilindur në godinën e vjetër të ish-Pallatit të Kulturës, si një hapësirë arti bashkëkohore, me një sallë moderne prej 250 vendesh, në funksion të artistëve dhe dashamirësve të artit që do të ndjekin shfaqjet dhe eventet e tjera kulturore.

Kryeministri gjatë vizitës pa disa foto që tregonin pamjet sesi ka qenë kjo sallë dhe ndryshimin rrënjësor që ka pësuar ajo. Rama vlerësoi ndryshimet e bëra në sallë, teksa drejtori i Teatrit u shpreh se, kjo sallë do të përdoret për evente të veçanta.

vijon…

/a.f/r.e/

The post Rama viziton teatrin e ri të qytetit të Skraparit appeared first on Agjencia Telegrafike Shqiptare.

TIRANË, 23 prill /ATSH/ Kryeministri, njëherësh kryetari i Partisë Socialiste, Edi Rama zhvilloi sot një takim elektoral me qytetarë të Skraparit.

Në fjalën e tij Rama foli për reformën në drejtësi.

“Ju e keni parë që edhe sot e gjithë ditën ajo që kemi arritur dhe ajo që po përpiqemi të bëjmë me vendosjen e barazisë para ligjit të të gjithëve nuk është diçka që duhet ta konsiderojmë një arritje të paprekshme, sepse në anën tjetër kemi forca dhe mbi të gjitha kemi “bufin e kënetës”, i cili përbetohet se me votën e shqiptarëve do ta përmbysë reformën në drejtësi, do ta shkrijë SPAK-un dhe do të rikthejë historinë aty ku ishte”, tha Rama.

Por shtoi, Rama, “ne nuk mund të lejojmë që historia të rikthehet aty ku ishte. Historia duhet të shkruhet si një histori e bashkimit përfundimtar të Shqipërisë me Evropën”.

“Dhe vetëm duke e futur Shqipërinë në BE ne mund të garantojmë për brezat se barazia para ligjit bëhet e shenjtë, e paprekshme nga askush këtu dhe askujt nuk mund t’i shkojë më mendja që të përdorë votën e qytetarëve për ta bërë përsëri Shqipërinë një vend ku ligji është i fortë me të dobëtin dhe të fortët e nënshtrojnë ligjin. Kjo është një histori që, siç e shihni, ne po përpiqemi t’i japim fund”, tha Rama.

“Ju e dëgjoni kur thonë: ç’është kjo punë kështu, çfarë kërkon ky njeri, – për mua domethënë, – çfarë kërkojnë këta, këta kanë gjysmën e qeverisë në burg? Domethënë këta kujtojnë se duke përdorur këtë lloj propagande populli do harrojë se kush e donte dhe kush nuk e donte reformën në drejtësi; kush e bëri dhe kush bëri çmos ta pengojë; kush është këtu për ta garantuar më tutje dhe kush është këtu për ta përmbysur”, tha Rama.

“Dhe këta mendojnë se ne do ulim kokën meqë pikërisht reforma që ne bëmë, pavarësia që i dhamë ne drejtësisë, për herë të parë në historinë e Shqipërisë që nga 1912-a. Nuk ka pasur pavarësi drejtësia, ka pasur mbret, ka pasur diktator, ka pasur palo president “bufin e kënetës” që futi në burg Fatos Nanon, të burgosurin e fundit politik në Shqipëri, por asnjëherë nuk ka pasur mundësinë të shohë populli shqiptar një njeri të veshur me pushtet që të shkojë përpara një prokurori të pavarur dhe përpara një gjykatësi të pavarur. Këto populli shqiptar po i sheh sot, dhe po i sheh sot sepse ishte kjo forcë politike, ishte vullneti ynë për të ndarë të shkuarën nga e ardhmja dhe për të vendosur që drejtësia të shikojë drejtë dhe të godasë majtas dhe djathtas”, theksoi Rama.

“Kur unë thosha atëherë që ata ishin të tërë të mbyllur në çadër edhe donin të sabotonin zgjedhjet, donin të merrnin peng Shqipërinë, se nuk donin Vetting-un, nuk donin reformën në drejtësi dhe unë thosha: ky është momenti ynë historik për të bërë një reformë dhe për të pasur një drejtësi që të godasë majtas dhe djathtas. Natyrisht, unë e dija shumë mirë që majtas ishim ne, kush ishte majtas dhe patjetër që sot do të ishte tradhti e madhe ndaj jush, tradhti e madhe ndaj popullit nëse ne nuk do të kishim arritur që drejtësia të jepte shembuj se nuk do t’ia dijë je i lidhur me pushtetin, a s’je i lidhur me pushtetin nëse ke punë me ligjin do të shkosh para ligjit”, tha Rama.

/r.e//a.f/

The post Rama: “Bufi” kërkon të shkrijë SPAK-un, në BE barazia para ligjit është e paprekshme appeared first on Agjencia Telegrafike Shqiptare.