Ndotja masive e lumit Vjosa ka rikthyer vëmendjen e mediave ndërkombëtare. Televizioni publik gjerman, ARD, publikoi së fundmi një kronikë me titull “Skandal mjedisor në parkun kombëtar të lumit të egër në Shqipëri”, ku evidenton ndotjen alarmante nga nafta dhe nënproduktet e saj. Gazetarët gjermanë vizituan vendin dhe panë nga afër dëmet në parkun kombëtar […]

The post “Skandal mjedisor”/ Mediat gjermane denoncojnë ndotjen masive nga nafta dhe hidrocentrali në Vjosë appeared first on BoldNews.al.

Ekipi përgjegjës për narrativin dhe sekuencat e animuara në video-lojërat e kompanisë, Blizzard (Story and Franchise Development – SFD) ka votuar për formimin e një sindikate në bashkëpunim me Communications Workers of America (CWA).

Sipas një njoftimi të publikuar më 12 gusht, punonjësit u shprehën për përfaqësim sindikal duke nënshkruar karta autorizimi ose përmes një portali online, dhe anëtarët do të jenë pjesë e CWA Local 9510 në Orange County, Kaliforni. Microsoft njohu zyrtarisht sindikatën e sapoformuar.

Ekipi SFD ka një rol kyç në krijimin e përmbajtjes narrativë, animacioneve dhe kinematikës në të gjitha lojërat e Blizzard.

Pikërisht ky ekip qëndron pas trailerave të njohura, si ai për Diablo IV, çka thekson edhe më shumë rëndësinë e tyre në procesin e zhvillimit.

Sipas CWA, ky është ekipi i parë i brendshëm për kinematografi, animacion dhe narrativë në industrinë e lojërave video në Amerikën e Veriut që është sindikalizuar.

Me këtë ata i bashkohen afro 3000 punonjësve në studio të Microsoft që janë organizuar nën ombrellën e CWA, në përpjekje për vendosjen e standardeve më të mira pasi Microsoft bleu Activision Blizzard në 2023.

Sindikata ndodh në një periudhë kur industria po tronditet nga valë akuzimesh, dhe punonjësit shpesh paguajnë çmimin e bashkimeve dhe blerjeve të mëdha.

Ndërkohë që kompanitë shpenzojnë miliarda për akuzime, punonjësit luftojnë për kushte më të sigurta dhe të drejta pune. Ekipi Blizzard SFD tani përfaqëson një shembull që mund të inkurajojë studio dhe ekipe të tjera në industri të ndërmarrin hapa të ngjashëm. /Telegrafi/

The post Rasti i parë i këtij lloji në industrinë e video-lojërave appeared first on Telegrafi.

Prej dy vitesh, fondet IPARD për bujqësinë shqiptare janë të bllokuara për shkak të dyshimeve për korrupsion, por hetimet e SPAK-ut nuk kanë sjellë ende rezultate konkrete. Brukseli këmbëngul që autoritetet shqiptare ta trajtojnë këtë çështje me seriozitet, duke theksuar se paratë europiane duhet të mbrohen siç duhet. Ministria e Bujqësisë deklaron se po punon për auditimin e jashtëm dhe të tjera masa përmirësuese, por ende nuk ka një datë të qartë për rifillimin e financimeve IPARD.

Esmeralda Topi 

Prej dy vitesh, bujqësia shqiptare është pa miliona euro nga programi IPARD III, pasi fondet e Bashkimit Europian për zhvillimin rural janë bllokuar për shkak të dyshimeve për korrupsion. Brukseli ka dy vite që u kërkon autoriteteve shqiptare ta trajtojnë me seriozitet këtë çështje, por deri më tani reagimi i tyre i ngjan ritmit të breshkës.

Që prej vitit 2020, dosja për hetimin e abuzimeve me fondet e IPARD ka kaluar nëpër tryezat e institucioneve të drejtësisë shqiptare, pa asnjë rezultat konkret. Fillimisht, çështja u regjistrua në Prokurorinë e Posaçme kundër Korrupsionit dhe Krimit të Organizuar (SPAK). Pas dy vitesh, SPAK shpalli moskompetencën dhe ia kaloi dosjen Prokurorisë së Tiranës. Në shtator 2023, dosja u rikthye sërish në SPAK.

Asokohe, SPAK i tha Faktoje.al se hetimi penal mbi shpërndarjen e fondeve ishte ende në fazë paraprake dhe, për shkak të sekretit hetimor, nuk mund të jepte më shumë informacion.

Të njëjtën përgjigje e dha edhe këtë fillim gushti.

“Çështja është në fazën e hetimeve paraprake. Për shkak të ruajtjes së sekretit hetimor, nuk mund të bëjmë publike informacione të mëtejshme,” – SPAK.

Pra, edhe pas dy vitesh, hetimi për dosjen IPARD vijon të endet në fazë paraprake. Asnjë emër. Asnjë arrestim. Asnjë akt akuze.

“Të detyrojnë të besosh se nuk ka drejtësi!” – thotë Romeo Nazarko, një nga denoncuesit e parë të skemës së abuzimeve me fondet IPARD në Shqipëri. “Kam bërë tre kallëzime në SPAK, përfshi edhe IPARD-in, të treja në gjumë,” shton ai.

Në vitin 2023, Zyra Evropiane Kundër Mashtrimit (OLAF) përfundoi hetimin administrativ mbi abuzimet me fondet e IPARD II dhe ia përcolli raportin përfundimtar, së bashku me rekomandimet, autoriteteve shqiptare dhe Komisionit Evropian. Në një reagim për Faktoje.al zyra e shtypit pranë OLAF nënvizon se tanimë vendimmarrja për çdo hap të mëtejshëm u takon autoriteteve kompetente vendase, sipas vlerësimit të tyre. Me fjalë të tjera, OLAF e kalon topin në fushën tonë.

“OLAF zhvillon hetime administrative. Më pas, u takon autoriteteve kompetente të vendosin mbi çdo veprim të mëtejshëm lidhur me rekomandimet e OLAF, sipas vlerësimit të tyre. Për këtë arsye, ne nuk jemi në gjendje të komentojmë më tej, përfshirë detajet e hetimit dhe provat e mbledhura nga OLAF”, nënvizon zyra e shtypit të OLAF për Faktoje.al.

Paratë europiane të mbrohen siç duhet

Që kur u pezulluan fondet IPARD, Komisioni Evropian ka përsëritur vazhdimisht kërkesën që çështja të trajtohet me seriozitet nga autoritetet shqiptare. 

Për dy vite me radhë, kanë theksuar nevojën për masa korrigjuese dhe për transparencë të plotë në hetimin e abuzimeve, duke e bërë këtë kusht të domosdoshëm për rifillimin e financimeve.

Komisioni është në dijeni të një auditimi të jashtëm që qeveria shqiptare ka kontraktuar për të verifikuar grantet dhe pagesat e IPARD II, si dhe sistemin e ri të menaxhimit dhe kontrollit të brendshëm. Por ndërkohë që procedurat bilaterale vazhdojnë, nuk jepen detaje të tjera, ndërsa pritshmëria është që çështja të zgjidhet shpejt e me përgjegjësi.

“Bashkimi Evropian është i gatshëm të vazhdojë të mbështesë fermerët shqiptarë, sektorin agroushqimor dhe zonat rurale në të ardhmen, me kusht që interesat financiare të Bashkimit Evropian të mbrohen siç duhet.”- bën të qartë një zëdhënës i Komisionit Evropian për Faktoje.al.

Nuk ka datë për rikthimin e IPARD

Ministria e Bujqësisë dhe Zhvillimit Rural deklaron për Faktoje.al se “është e angazhuar maksimalisht dhe po zbaton një plan veprimi me masa konkrete, dakordësuar me strukturat e Komisionit Evropian.” 

Auditimi i jashtëm, që sipas ministrisë “është në fazë zbatim dhe rezultatet e tij priten brenda këtij viti”, është një nga hapat kryesorë për rifillimin e fondeve.

Pas përfundimit të tij, ministria thekson se do të kryhen “procedurat në zbatim të Marrëveshjes Financiare Kuadër të Partneritetit dhe Marrëveshjes Sektoriale”, të cilat janë vendimtare për finalizimin e Marrëveshjes së Financimit për Programin IPARD III dhe hapjen e thirrjeve për aplikime.

Por pavarësisht përpjekjeve, ende nuk ekziston një datë konkrete për rikthimin e fondeve IPARD. Ministria shton se “në përfundim të auditimit dhe përmbushjes së rekomandimeve të dhëna, do të finalizohet Marrëveshja e Financimit dhe më pas do të hapen thirrjet për aplikime.” 

Megjithatë, për fermerët dhe gjithë sektorin e bujqësisë, këto janë vetëm hapa në një proces që po zvarritet prej kohësh. Ata kërkojnë një datë të saktë për rifillimin e financimeve që do t’i japin frymëmarrje bujqësisë shqiptare.

Programi i mbështetjes në bujqësi IPARD ofron grante në ndihmë të sektorit bujqësor për të gjitha vendet që janë në proces anëtarësimi me Bashkimin Evropian. Shqipëria është një prej pesë vendeve përfituese të mbështetjes me grante. Përmes programit IPARD II, i cili u zbatua gjatë viteve 2014 dhe 2020, Shqipëria përfitoi mbi 71 milionë euro fonde. Dhe teksa vendi priste të niste mbështetjen në bujqësi përmes IPARD III me 146 milionë euro grante, Komisioni Evropian vendosi pezullimin bazuar në dyshimet për korrupsion. 

IPARD #Bujqësi #SPAK #Korrupsion #Shqipëri #KomisioniEvropian

The post Ngecin hetimet për fondet IPARD appeared first on Faktoje.al.

Galatasaray po shqyrton mundësinë e një transferimi për mbrojtësin francez të Interit Benjamin Pavard, raportojnë burime pranë klubit, përfshirë gazetarin e njohur të merkatos, Ekrem Konur. 

Sipas raportimeve, nuk ka ende një ofertë zyrtare nga ana e klubit turk, por një marrëveshje huazimi është në diskutim, si pjesë e përpjekjeve të Galatasarayt për të përforcuar skuadrën në prag të fazës së grupeve të Ligës së Kampionëve 2025/2026. 

Pavard është një futbollist me përvojë të madhe në nivelet më të larta të futbollit evropian. 

 Ai u transferua te Interi në verën e vitit 2023 nga Bayern Munich, për një shumë prej 31.4 milionë euro, dhe ka një kontratë të vlefshme deri në verën e vitit 2028. 

#InterMilan #Galatasaray
Galatasaray are exploring a move for Inter’s Benjamin Pavard.

No official bid yet — loan deal being considered.

Versatile French defender (CB/RB) seen as key for UCL ambitions.

Talks could accelerate soon. pic.twitter.com/mmFTJuE5gD

— Ekrem KONUR (@Ekremkonur) August 11, 2025

Pavarësisht një sezoni të parë pozitiv në Serie A, sezoni i kaluar ishte më i vështirë për të. Lëndime të herëpashershme dhe disa gabime në momente kyçe e bënë trajnerin Simone Inzaghi t’i besojë më shumë Yann Bisseck, i cili fitoi terren si titullar në repartin defensiv. 

Kjo situatë ka bërë që Inter të jetë i hapur ndaj ofertave, sidomos për marrëveshje huazimi ose transferimi të pjesshëm, për të ulur ngarkesën financiare dhe për të ruajtur balancën në skuadër. 

Galatasaray, që vjen pas një sezoni të suksesshëm në Superligën turke, ka si objektiv një paraqitje sa më dinjitoze në arenën evropiane dhe Pavard shihet si një përforcim ideal për mbrojtjen, pasi falë fleksibilitetit të tij, ai mund të luajë si qendërmbrojtës ose mbrojtës i djathtë, varësisht nga nevoja./Telegrafi/

The post Galatasaray po e shqyrton transferimin e yllit të Interit appeared first on Telegrafi.

Në një rajon ku stabiliteti energjetik është thelbësor për zhvillimin ekonomik, EXFIS ka ndërtuar një model funksional dhe të qëndrueshëm që qëndron mbi kohën, krizat dhe ndryshimet e tregut.

E themeluar në vitin 1991, kompania është sot një nga emrat më të besueshëm në sektorin e karburanteve në Ballkan, duke operuar në mënyrë të pavarur dhe me kapacitete të plota logjistike, teknike dhe tregtare.

Me më shumë se tre dekada përvojë në tregun e karburanteve, EXFIS ka ndërtuar një strukturë që shkon përtej shpërndarjes klasike të naftës. Modeli i saj operativ përfshin të gjithë zinxhirin – nga importi, magazinimi dhe tregtia, deri te aviacioni, ushtria, rrjeti i shitjes me pakicë dhe kontrolli i cilësisë. Aktiviteti i kompanisë është i ndarë në gjashtë shtylla kryesore, të cilat përfaqësojnë boshtin funksional mbi të cilin mbështetet suksesi dhe qëndrueshmëria afatgjatë e saj.

SUPPLY – Furnizim i sigurt dhe i kontrolluar për çdo klient

EXFIS ofron zgjidhje të dedikuara për ndërmarrje industriale, projekte ndërtimi dhe kompani energjetike, duke u kujdesur që çdo litër karburant të arrijë me saktësi, në kohë dhe me cilësi të garantuar. Me një rrjet të terminaleve dhe flotë të madhe transporti, kompania mbulon zona të gjera gjeografike në rajonin e Ballkanit dhe më gjerë.

TRADING – Karburant që lëviz çdo ditë – me përvojë dhe siguri

Tregtia me karburante është zemra e operacioneve të EXFIS. Kompania angazhohet çdo ditë në lëvizjen e produkteve si diesel cilësor, benzinë premium, karburant për avionë dhe vajra industrialë, duke ndjekur nga afër zhvillimet në tregjet rajonale dhe ndërkombëtare. Aftësia për të reaguar me shpejtësi ndaj kërkesave të tregut dhe bashkëpunimi i qëndrueshëm me partnerë financiarë ndërkombëtarë e bëjnë EXFIS një partner të besueshëm në sektorin e energjisë.

AVIATION – Partner i certifikuar i aviacionit civil dhe ushtarak

EXFIS është ndër kompanitë e pakta në rajon që ofron shërbime të plota të furnizimit dhe operimit në aviacion, duke përfshirë furnizimin “into-plane”, menaxhimin e depozitave, inspektimet dhe kontrollet e cilësisë sipas standardeve ndërkombëtare të industrisë. Kompania furnizon mbi 100 operatorë aviacioni në rajon dhe është zgjedhje strategjike për klientët që kërkojnë besueshmëri, standard dhe vazhdimësi.

MILITARY – Furnizim i testuar në terrene të vështira

Me mbi gjysmë miliard litra karburant të dorëzuar për forcat ushtarake të NATO-s dhe ShBA-së në Evropë, EXFIS ka ndërtuar një reputacion të fortë si furnizues i besueshëm në operacione të ndjeshme. Kompania ofron shërbime në linjat ajrore ushtarake, kampet tokësore, instalimet mobile të karburantit dhe magazinimin afatgjatë. Aftësia për të operuar në kushte të vështira është një nga elementet që e ndan EXFIS nga konkurrentët.

RETAIL – Pika moderne shërbimi për çdo klint në tërë Kosovën 

Përmes rrjetit të saj të pikave të shitjes me pakicë, EXFIS ofron përvojë të standardizuar dhe moderne për konsumatorët fundorë. Dizajni minimalist “Pure White”, dyqanet Express Shop, programi EXFIS Club dhe aplikacioni mobil janë pjesë e një strategjie të orientuar nga cilësia dhe lehtësia e përdorimit.

QUALITY – Standardet ISO dhe politika “zero incidente”

EXFIS operon sipas politikës së saj QAHSSE, me certifikime ISO 9001, 14001 dhe 45001. Qasja gjithëpërfshirëse ndaj sigurisë, shëndetit dhe mbrojtjes së ambientit është pjesë e pandashme e çdo operacioni. Kompania synon efikasitet maksimal dhe rrezik minimal, me përmirësim të vazhdueshëm dhe transparencë të plotë ndaj partnerëve.

Për klientët që kërkojnë besueshmëri, përvojë dhe performancë të qëndrueshme, EXFIS është një partner strategjik në çdo hallkë të zinxhirit energjetik.

The post EXFIS – Lideri që furnizon energjinë e Ballkanit dhe më gjërë në të gjitha nivelet appeared first on Telegrafi.

Eden Hazard ka folur hapur për transferimin e tij të pafat te Real Madridi. Belgu – i cili ende njihet si një nga anësorët më të mirë në historinë e Ligës Premier – u transferua nga Chelsea në vitin 2019 për një shumë rekord prej 89 milionë funtesh, por nuk arriti t’i përmbushte pritjet e mëdha që i ishin vendosur.

I njohur për aftësinë e jashtëzakonshme për të ndryshuar ndeshjet i vetëm dhe për të udhëhequr skuadrën në garën për titull, “magjistari i vogël” ndërtoi një reputacion të madh në Angli. Megjithatë, aventura e tij në Madrid përfundoi me vetëm 76 paraqitje nën drejtimin e Carlo Ancelottit, gjatë të cilave shënoi shtatë gola dhe dha 12 asistime, përpara se të tërhiqej nga futbolli në moshën relativisht të re, 32 vjeç.

Lëndimet padyshim që luajtën rol vendimtar në rënien e tij. Hazard nuk arriti kurrë të rikuperonte plotësisht formën fizike gjatë kohës së tij në kryeqytetin spanjoll. Në një intervistë të fundit, 34-vjeçari foli sinqerisht për vështirësitë që përjetoi në klubin që e kishte ëndërruar gjithmonë.

“Ishte klubi im i ëndrrave”, pranoi Hazard për Real Madridin. “Mendoj se isha pak i pafat me kohën kur mbërrita – pandemia e COVID-it nuk ndihmoi aspak. U detyrova të udhëtoja në Dallas për një operacion dhe më pas u ktheva në Madrid, por ishte periudha e izolimit. Dy ose dy muaj e gjysmë qëndrova vetëm në shtëpi, pa fizioterapist për të bërë rehabilitimin”.

“Nëse do të mund të ndryshoja një gjë, do të kisha telefonuar një mjek për të vazhduar terapinë, sepse kur përfundoi pandemia, e shtyva trupin tim në limite, por kyçi im i këmbës nuk ishte më i njëjti – dhe më pas gjithçka shkoi keq për të gjithë sezonin”.

Hazard luajti 245 ndeshje në Premier League për Chelsean, duke kontribuar në mënyrë të drejtpërdrejtë në 139 gola. Gjatë kohës në “Stamford Bridge” fitoi dy tituj kampioni dhe dy herë u shpall Lojtari i Sezonit, në edicionet 2014/15 dhe 2018/19.

Në katër sezonet e tij me Los Blancos, ai humbi mbi 70 ndeshje për shkak të lëndimeve. Si rezultat, ai u tërhoq nga futbolli në vitin 2023 dhe periudha e tij në Spanjë u përshkrua si një nga transferimet më të dështuara në historinë e futbollit. Megjithatë, ata që e panë kulmin e tij në Angli do të kishin plot argumente për të mbrojtur trashëgiminë e tij si një nga lojtarët më magjepsës të epokës moderne. /Telegrafi/

The post Eden Hazard ka zbuluar për herë të parë se përse dështoi te Real Madridi appeared first on Telegrafi.

Një tjetër projekt gjigant ndërtimi është miratuar në zemër të Tiranës, këtë herë përgjatë Bulevardit të Ri. Shoqëria “Smart Construction Invest” sh.p.k e Redi Strugës dhe “Progeen” sh.p.k e Genc Kuçukut kanë marrë lejen e zhvillimit për objektin “Tirana New Boulevard”, një kompleks me funksion rezidencial dhe shërbimesh, që do të përfshijë ndërtesa me 41 […]

The post 52 kate kullë në Tiranë për Redi Strugën dhe Genc Kuçukun! Paratë e kujt po pastrohen?! appeared first on BoldNews.al.

Mastercard ka sjellë Apple Pay për mbajtësit e kartave në Shqipëri. Një mënyrë që iu mundëson qytetarëe dhe bizneseve të kryejnë pagesa të shpejta, të sigurta dhe pa kontakt duke përdorur pajisjet e tyre Apple.

Shërbimi inovativ Apple pay i njohur globalisht do të pranohet për të kryer pagesa të ndryshme në farmaci, restorante, supermarkete, kafene apo edhe në shumë biznese të tjera të cilat pranojnë pagesa pa kontakt.

Shërbimi i pagesave Apple pay iu mundëson klientëve blerje më të shpejta në aplikacione apo faqe të ndryshme pa pasur nevojë që të krijojnë llogari apo të vendosin të dhënat e kartës bankare në mënyrë të vazhdueshme.

Aktivizimi i Apple Pay kryhet lehtësisht duke hapur aplikacionin Wallet dhe duke plotësuar të dhënat e kartës së kreditit apo debitit.

Në thelb të këtij shërbimi qëndron siguria dhe privatësia e klientëve. Numri real i kartës së kreditit apo debitit që do të përdoret prej tyre nuk ruhet në pajisje dhe as në serverët e Apple, por caktohet një numër unik llogarie e pajisjes që ruhet në mënyrë të sigurt.

Klientët kanë mundësi që ta përdorin Apple Pay qoftë përmes telefonave Iphone, në iPad apo Mac për të realizuar blerjet dhe pagesat për shërbimet e tyre.

Kjo shënon një tjetër hap të rëndësishëm drejt modernizimit të sistemit të pagesave, rritjes së përfshirjes financiare të qytetarëve por edhe përafrimit me standardet europiane për pagesat dixhitale./abcnews.al

Tirana, ky qytet plot gjallëri, është shumë më tepër sesa një ndalesë në rrugën drejt plazheve me rërë të bardhë të Shqipërisë, shkruan sot Vicky Jessop për prestigjiozen britanike “The Standard”.

Ju dëgjoni fjalën ”Shqipëri” dhe ndoshta imagjinoni pamje të mrekullueshme të detit, perëndime dielli mesdhetare ose faqen e Dua Lipës në Instagram.

Kjo është arsyeja pse njerëzit që shkojnë në këtë vend mesdhetar janë në kërkim të bregdetit të tij të mrekullueshëm shkëmbor dhe e gjejnë veten duke kaluar edhe në kryeqytetin e tij, Tiranën.

Ajo nuk shihet si një destinacion në vetvete, me shumicën e njerëzve që kalojnë vetëm një natë atje, përpara se të nisen për në arratisjet bregdetare jugore të Sarandës dhe Ksamilit.

Kjo është për të ardhur keq, sepse kushdo që e gjen veten në Tiranë për një kohë të gjatë do të zbulojë një qytet që aktualisht po kalon një transformim të jashtëzakonshëm.

I çliruar nga pesë dekada diktaturë dhe frenim ekonomik, investimet tani po vërshojnë në kryeqytetin shqiptar, duke lënë pas ndërtesa, restorante dhe kafene të reja interesante.

Me një kuzhinë në përmirësim, me një histori komplekse dhe me një qëndrim të qetë, Tirana shpërblen udhëtarin që gjen kohë për ta eksploruar atë siç duhet.

Ja se si të futeni në lëkurën e këtij qyteti të zhurmshëm:

Shëtitje të shumta

Shqipëria është një vend që ka vetëm 113 vjet pavarësi. U pushtua fillimisht nga osmanët për rreth 400 vjet, pastaj, pasi u zhdukën pas Luftës së Parë Botërore, gjermanët dhe italianët shkuan sërish atje gjatë Luftës së Dytë.

Pas kësaj, Enver Hoxha, i mbështetur nga BRSS, i ngjit në pushtet në fund të viteve ’40. Në një kthesë të parashikueshme, ai u bë një diktator i pamëshirshëm, i cili shtypi brutalisht të gjitha format e disidencës, dërgoi rebelët në kampe përqendrimi dhe e zhyti vendin në dekada varfërie të tmerrshme.

Si rezultat, jo shumë nga qyteti i vjetër i Tiranës mbijetoi. Pjesa më e madhe e saj u rrafshua në një tërbim entuziazmi komunist dhe brutalist. Megjithatë, pamje të vogla janë ende të dukshme, veçanërisht rreth sheshit ”Skënderbej”, në zemër të kryeqytetit.

Për t’i parë të gjitha këto, një tur falas në këmbë është gjithmonë një mundësi e mirë.

Është gjithashtu i përshtatshëm edhe për turistët e vetmuar. Përveç Teatrit modernist të Operës që rrethon skajin e sheshit, shkoni edhe në xhaminë e Et’hem Beut, që ndodhet pranë saj. E ndërtuar nga osmanët në vitet 1700, është një pjesë e bukur dhe e thjeshtë arkitekturore e rrethuar nga një kullë sahati në njërën anë dhe sheshi i gjerë në anën tjetër.

Prej andej, vazhdoni nëpër rrugët drejt Pazarit të Ri, ku shiten suvenire turistike dhe qilima të endur, si dhe fruta dhe perime dhe gjeni kohë për të bredhur nëpër rrugën ”Murat Toptani” drejt kalasë së vjetër. Pjesa më e madhe e saj u rrafshua nga komunistët, por rrënojat janë mbushur me dyqane dhe është një vend i këndshëm për t’u ulur dhe për të pirë një kafe.

Një nga gjërat më të bukura të Tiranës është vëmendja e madhe që i është kushtuar rigjallërimit të saj. Ajo nuk është e thjeshtë, pa shpirt dhe plot me rrokaqiej si shumë qytete moderne; përkundrazi, arkitektë nga e gjithë bota janë porositur për të ndërtuar kulla të çuditshme që i shtojnë një dimension të ri interesant horizontit.

Shikoni kullën ”Skënderbeu” pranë sheshit kryesor si një shembull i kësaj. E ndërtuar nga studioja holandeze MVRDV, valët dhe kthesat e saj, kur shihen nga këndi i duhur, formojnë një portret të heroit kombëtar të Shqipërisë, Skënderbeut.

Reliket e Hoxhës janë gjithashtu të dukshme rreth kryeqytetit në formën e piramidës madhështore të projektuar nga vajza e tij, Pranvera, si një vend i shenjtë në kujtim të babait të saj të ndjerë.

Fatmirësisht, këto ditë është shtëpia e një qendre trajnimi për të rinj. Shkallët në pjesën e jashtme mund të ngjiten gjithashtu duke ofruar pamje të mrekullueshme në majë.

Ekzistojnë gjithashtu bunkerët, që Hoxha kishte instaluar rreth kryeqytetit në rast të një pushtimi që nuk ndodhi kurrë si edhe shtëpia e tij e vjetër, që tani është një muze./atsh/

LONDËR, 29 korrik /ATSH/ – Tirana, ky qytet plot gjallëri, është shumë më tepër sesa një ndalesë në rrugën drejt plazheve me rërë të bardhë të Shqipërisë, shkruan sot Vicky Jessop për prestigjiozen britanike “The Standard”.

Ju dëgjoni fjalën ”Shqipëri” dhe ndoshta imagjinoni pamje të mrekullueshme të detit, perëndime dielli mesdhetare ose faqen e Dua Lipës në Instagram.

Kjo është arsyeja pse njerëzit që shkojnë në këtë vend mesdhetar janë në kërkim të bregdetit të tij të mrekullueshëm shkëmbor dhe e gjejnë veten duke kaluar edhe në kryeqytetin e tij, Tiranën.

Ajo nuk shihet si një destinacion në vetvete, me shumicën e njerëzve që kalojnë vetëm një natë atje, përpara se të nisen për në arratisjet bregdetare jugore të Sarandës dhe Ksamilit.

Kjo është për të ardhur keq, sepse kushdo që e gjen veten në Tiranë për një kohë të gjatë do të zbulojë një qytet që aktualisht po kalon një transformim të jashtëzakonshëm.

I çliruar nga pesë dekada diktaturë dhe frenim ekonomik, investimet tani po vërshojnë në kryeqytetin shqiptar, duke lënë pas ndërtesa, restorante dhe kafene të reja interesante.

Me një kuzhinë në përmirësim, me një histori komplekse dhe me një qëndrim të qetë, Tirana shpërblen udhëtarin që gjen kohë për ta eksploruar atë siç duhet.

Ja se si të futeni në lëkurën e këtij qyteti të zhurmshëm:

Shëtitje të shumta

Shqipëria është një vend që ka vetëm 113 vjet pavarësi. U pushtua fillimisht nga osmanët për rreth 400 vjet, pastaj, pasi u zhdukën pas Luftës së Parë Botërore, gjermanët dhe italianët shkuan sërish atje gjatë Luftës së Dytë.

Pas kësaj, Enver Hoxha, i mbështetur nga BRSS, i ngjit në pushtet në fund të viteve ’40. Në një kthesë të parashikueshme, ai u bë një diktator i pamëshirshëm, i cili shtypi brutalisht të gjitha format e disidencës, dërgoi rebelët në kampe përqendrimi dhe e zhyti vendin në dekada varfërie të tmerrshme.

Si rezultat, jo shumë nga qyteti i vjetër i Tiranës mbijetoi. Pjesa më e madhe e saj u rrafshua në një tërbim entuziazmi komunist dhe brutalist. Megjithatë, pamje të vogla janë ende të dukshme, veçanërisht rreth sheshit ”Skënderbej”, në zemër të kryeqytetit.

Për t’i parë të gjitha këto, një tur falas në këmbë është gjithmonë një mundësi e mirë.

Është gjithashtu i përshtatshëm edhe për turistët e vetmuar. Përveç Teatrit modernist të Operës që rrethon skajin e sheshit, shkoni edhe në xhaminë e Et’hem Beut, që ndodhet pranë saj. E ndërtuar nga osmanët në vitet 1700, është një pjesë e bukur dhe e thjeshtë arkitekturore e rrethuar nga një kullë sahati në njërën anë dhe sheshi i gjerë në anën tjetër.

Prej andej, vazhdoni nëpër rrugët drejt Pazarit të Ri, ku shiten suvenire turistike dhe qilima të endur, si dhe fruta dhe perime dhe gjeni kohë për të bredhur nëpër rrugën ”Murat Toptani” drejt kalasë së vjetër. Pjesa më e madhe e saj u rrafshua nga komunistët, por rrënojat janë mbushur me dyqane dhe është një vend i këndshëm për t’u ulur dhe për të pirë një kafe.

Një nga gjërat më të bukura të Tiranës është vëmendja e madhe që i është kushtuar rigjallërimit të saj. Ajo nuk është e thjeshtë, pa shpirt dhe plot me rrokaqiej si shumë qytete moderne; përkundrazi, arkitektë nga e gjithë bota janë porositur për të ndërtuar kulla të çuditshme që i shtojnë një dimension të ri interesant horizontit.

Shikoni kullën ”Skënderbeu” pranë sheshit kryesor si një shembull i kësaj. E ndërtuar nga studioja holandeze MVRDV, valët dhe kthesat e saj, kur shihen nga këndi i duhur, formojnë një portret të heroit kombëtar të Shqipërisë, Skënderbeut.

Reliket e Hoxhës janë gjithashtu të dukshme rreth kryeqytetit në formën e piramidës madhështore të projektuar nga vajza e tij, Pranvera, si një vend i shenjtë në kujtim të babait të saj të ndjerë.

Fatmirësisht, këto ditë është shtëpia e një qendre trajnimi për të rinj. Shkallët në pjesën e jashtme mund të ngjiten gjithashtu duke ofruar pamje të mrekullueshme në majë.

Ekzistojnë gjithashtu bunkerët, që Hoxha kishte instaluar rreth kryeqytetit në rast të një pushtimi që nuk ndodhi kurrë si edhe shtëpia e tij e vjetër, që tani është një muze./ a.jor.

The post ”The Standard”: Pse Tirana e bukur duhet të jetë pushimi juaj kulturor i radhës? appeared first on Agjencia Telegrafike Shqiptare.

Pas një procesi që zgjati pothuajse tre vite, Emily Ratajkowski dhe ish-bashkëshorti i saj, aktori Sebastian Bear-McClard, janë tani ligjërisht të divorcuar. Dokumentet zyrtare konfirmojnë se vendimi u dha më 22 korrik nga Gjykata Supreme e New Yorkut.

Në të njëjtën ditë u paraqit edhe një urdhër lidhur me sigurimin shëndetësor të djalit të tyre, Sylvester Apollo Bear. Megjithatë, për shkak të ligjeve të privatësisë në shtetin e New Yorkut, detajet specifike të marrëveshjes mbeten konfidenciale.

Emily kishte dorëzuar kërkesën për divorc në shtator të vitit 2022, pas katër vitesh martesë. Shkak për ndarjen, sipas burimeve, ishin tradhtitë e përsëritura nga ana e Sebastianit. “Isha shumë e pakënaqur. Pesha ime ra ndjeshëm pas lindjes dhe nuk isha mirë emocionalisht,” ka rrëfyer modelja në një intervistë.

Çifti ka një djalë të vogël, i cili jeton me Emily-n, ndërsa takon babain disa herë në javë. Ndërkohë që Emily vazhdon të jetë aktive në media dhe është shprehur se po mendon të shkruajë një libër për përvojën e saj me divorcin, Sebastian ka zgjedhur të largohet nga vëmendja publike, veçanërisht pas akuzave serioze për abuzim nga dy vajza adoleshente.

Divorci i tyre shënon përfundimin e një kapitulli të vështirë për modelen, e cila tashmë duket e fokusuar te rritja e djalit dhe projekte të reja personale.

The post Emily Ratajkowski dhe Sebastian Bear-McClard zyrtarisht të divorcuar pas gati tre vitesh appeared first on iconstyle.al.

Një ish-lojtar i Barcelonës, dikur i cilësuar si ‘Messi i ardhshëm’, është pranë largimit nga skuadra holandeze Fortuna Sittard.

Alen Halilovic nënshkroi me Barcelonën në moshën 17-vjeçare, me shumëkënd që besonte se mesfushori kroat ishte një talent aq premtues sa që do të përfshihej shpejt në ekipin e parë.

Megjithatë, në atë kohë, mesfusha e klubit katalanas përfshinte Sergio Busquets, Andres Iniesta dhe Xavi, ndaj mundësitë për të rinjtë ishin natyrisht të kufizuara.

Ai nuk arriti kurrë të afirmohej te Barcelona, duke bërë vetëm një paraqitje zyrtare, përpara se të huazohej te Sporting Gijon në vitin 2015 dhe të transferohej përfundimisht te Hamburg një vit më vonë.

Aktualisht ai luan për Fortuna, klubin e tij të 12-të në karrierë, por mund të detyrohet të largohet, pasi skuadra holandeze po synon të sjellë në ekip Mohamed Ihattaren.

Sipas mediumit holandez VI, Fortuna dëshiron ta rrisë interesimin për Ihattaren vetëm nëse Halilovic largohet.

Halilovic thuhet se është një opsion për klubet e MLS-së, dhe është i hapur për një largim. Publikimi holandez e përshkroi ashpër lojtarin.

“Një barrë e konsiderueshme për buxhetin dhe ai nuk ka dhënë atë që pritej në fushë”, thuhej në raport.

Javën e kaluar, medium kroat tportal raportoi se FK Sarajevo dhe Trabzonspor janë gjithashtu të interesuara për Halilovic, i cili tani është 29 vjeç./Telegrafi/

The post Ish-ylli i Barcelonës i cili dikur cilësohej si ‘Messi i ardhshëm’ rrezikon përjashtimin nga klubi aktual appeared first on Telegrafi.

Një studim i fundit nga Universiteti Harvard ka zbuluar se personat që konsumojnë rregullisht sasi të vogla akulloreje kanë një rrezik më të ulët për të zhvilluar probleme me metabolizmin e sheqerit në gjak dhe sëmundje kardiovaskulare.

Hulumtimi ka ngritur pikëpyetje mbi perceptimin tradicional për yndyrnat e qumështit dhe rolin e tyre në shëndetin e zemrës.

Megjithëse shkencëtarët nuk rekomandojnë zëvendësimin e ushqimeve të shëndetshme me ëmbëlsira, rezultatet sugjerojnë se konsumi i moderuar i produkteve të qumështit, si akullorja, mund të ketë efekte pozitive në metabolizëm.

The post E dije? Akullorja mund të ulë rrezikun për probleme të zemrës! appeared first on iconstyle.al.

Sipas asaj që raportojnë mediat italiane, Inter është i gatshëm të dëgjojë ofertat për mbrojtësin francez Benjamin Pavard gjatë kësaj vere.  

Pavard, i cili u bashkua me Interin nga Bayern Munich në verën e vitit 2023, ka qenë pjesë e skuadrës për dy sezone. 

 Aktualisht nuk ka shenja të qarta se lojtari 29-vjeçar është në prag largimi nga ‘Giuseppe Meazza’, por drejtuesit e klubit nuk e konsiderojnë të pazëvendësueshëm, për shkak të moshës së tij dhe faktit që nuk shihet si një investim afatgjatë. 

FCInterNews shkruan se Interi kërkon një shumë të përafërt me atë që shpenzoi për ta marrë, pra rreth 30-35 milionë euro. 

Nga ana e tij, Pavard nuk po shtyn për një largim. Ai është i kënaqur te Inter dhe nuk ka shprehur dëshirë për të ndryshuar skuadër. 

Ndërkohë, sipas të njëjtave burime, Manchester United ka pyetur më parë për situatën e francezit. 

Benjamin #Pavard is transferable for #Inter if arrives an important bid. He earns (€5M/year + bonuses) and his contract expires in 2028. #transfers

— Nicolò Schira (@NicoSchira) July 26, 2025

Si zëvendësues potencial për Pavardin, Interi ka vënë në shënjestër mbrojtësin e Genoas, Koni De Winter. 

 Belgu gjithashtu shihet si alternativë në rast se Yann Bisseck largohet nga klubi gjatë verës./Telegrafi/

The post Një largim i madh mund të ndodhë nga Interi gjatë kësaj vere appeared first on Telegrafi.

Michael Ward, një aktor 27-vjeçar i njohur për rolin e tij në serialin “Top Boy”, është akuzuar për dy përdhunime dhe tre sulme seksuale ndaj një gruaje në fillim të vitit 2023, dhe gjyqi i tij është planifikuar për 28 gusht.

Deklarata e Shërbimit të Prokurorisë së Kurorës u nënshkrua nga Zëvendës Kryeprokurorja Catherine Baccas: “Policia Metropolitane është e autorizuar ta akuzojë atë për dy akuza për përdhunim, dy akuza për sulm me anë të depërtimit dhe një akuzë për sulm seksual”.

Ajo theksoi se procedurat janë duke vazhduar, se Ward ka të drejtën për një gjykim të drejtë dhe se është e rëndësishme të shmanget përhapja e informacionit që mund të prishë rrjedhën e procesit ligjor.

Detektivi Scott Ware, kreu i hetimit, theksoi se policia po i ofron mbështetje të plotë gruas që raportoi rastin, e vetëdijshme për barrën emocionale dhe psikologjike që hetime të tilla mbartin për viktimat.

Ward u shfaq profesionalisht në skenën e filmit që në vitin 2016 në filmin “Brotherhood”, por ai mori më shumë vëmendje nga publiku pas rolit të tij në “Top Boy” në vitin 2019.

Pas kësaj, ai u shfaq përkrah Olivia Colman në filmin “Empire of Light” me regji nga Sam Mendes, gjë që i siguroi atij një nominim për BAFTA në kategorinë e aktorit më të mirë mbështetës. Ai më parë fitoi BAFTA për Rising Star për rolin e tij në dramën kriminale Blue Story.

Forbes e renditi atë në listën e saj 30 nën 30 në vitin 2020. Ai pritet të shfaqet në filmin “Eddington”, në të cilin luan përkrah Pedro Pascal dhe Joaquin Phoenix. /Telegrafi/

The post Michael Ward nga seriali “Top Boy”, i akuzuar për përdhunim dhe sulm seksual, duhet të dalë në gjykatë në gusht appeared first on Telegrafi.

Aktori britanik Michael Ward, i njohur për rolin e tij në serialin e njohur “Top Boy”, është vënë nën akuzë për përdhunim dhe sulm seksual. Sipas autoriteteve britanike, ngjarja dyshohet të ketë ndodhur në janar të vitit 2023 dhe përfshin një grua beqare. Ward, 26 vjeç, pritet të paraqitet në Gjykatën e Magjistraturës së Thames […]

The post Skandal në Britani/ Ylli i “Top Boy” akuzohet për përdhunim dhe sulm seksual appeared first on BoldNews.al.

Një video që po qarkullon në rrjetet sociale ka bërë xhiron e internetit: futbollisti francez Benjamin Pavard, i njohur për sukseset e tij me Francën dhe Interin, është parë duke vallëzuar me plis në kokë gjatë dasmës së tij me modelen shqiptare Kleofina Pnishi.

Dasma u mbajt buzë detit në bregun magjepsës të Amalfit, ku Pavard dhe Kleofina kurorëzuan dashurinë e tyre në një ceremoni romantike përballë miqve dhe familjarëve.

Por, ajo që i dha ngjyrë të veçantë mbrëmjes ishte përfshirja e elementeve tradicionale shqiptare në festë.

 

Në një nga momentet më të përfolura të mbrëmjes, Pavard shihet duke kërcyer i buzëqeshur me muzikë shqiptare, teksa mban mbi kokë një plis të bardhë.

Gjesti i tij është pritur me shumë simpati, si një shenjë e respektit për kulturën e bashkëshortes së tij dhe rrënjët e saj shqiptare.

Videoja është shpërndarë me entuziazëm në rrjete sociale, me shumë ndjekës që e kanë quajtur Pavardin “dhëndri shqiptar”.

Me këtë gjest të thjeshtë por domethënës, ai fitoi menjëherë zemrat e publikut shqiptar. /Telegrafi/

The post Benjamin Pavard bëhet “dhëndri shqiptar” në dasmën me Kleofina Pnishin: Vallëzon me plis në kokë nën ritmet e muzikës shqipe appeared first on Telegrafi.

Aktori britanik Michael Ward, i njohur më së miri për rolin e tij në serialin televiziv “Top Boy”, po përballet me akuza për përdhunim dhe sulm seksual.

Aktori 26-vjeçar do të paraqitet në Gjykatën e Magjistraturës së Thames më 28 gusht. Veprat penale dyshohet se kanë ndodhur në janar 2023 dhe përfshijnë një grua beqare.

“Oficerët tanë të trajnuar posaçërisht vazhdojnë të mbështesin gruan që vendosi të raportojë rastin – ne e dimë se këto lloje hetimesh mund të kenë një ndikim të rëndësishëm psikologjik tek ata që bëjnë ankesa“, tha kreu i hetimit, Kryeinspektori i Detektivëve Scott Ware, i Policisë Metropolitane në Londër.

Për Shërbimin e Prokurorisë së Kurorës, Zëvendës Kryeprokurorja për Londrën Jugore, Catherine Backas, tha: “Dëshirojmë t’u kujtojmë të gjithëve se gjyqi është duke vazhduar dhe i akuzuari ka të drejtë për një gjykim të drejtë. Është thelbësore që të mos publikohet, komentohet ose ndahet në internet asnjë informacion që mund të ndikojë në progresin e çështjes.”

The post Aktori i “Toy Boy” akuzohet për përdhunim dhe sulm seksual appeared first on iconstyle.al.

Sensacioni adoleshent i Liverpoolit, Rio Ngumoha, ka shprehur me guxim ambicien e tij për të fituar Topin e Artë – një arritje që as legjenda Steven Gerrard nuk e realizoi kurrë.

16-vjeçari iu bashkua klubit nga akademia e Chelseat verën e kaluar dhe ka bërë emër shpejt si një nga talentet më premtues të gjeneratës së re te “The Reds”.

Ngumoha shkroi histori në janar, kur u bë lojtari më i ri që ka startuar në një ndeshje të ekipit të parë për Liverpoolin, duke luajtur në një fitore në FA Cup kundër Accrington Stanley.

Pavarësisht moshës së tij, anësori i ri shfaq vetëbesim dhe synime të larta.

Gjatë një episodi të emisionit Inside The Academy, Ngumoha deklaroi: “Unë vërtet besoj se mund ta fitoj Topin e Artë një ditë. Dua të mbahem mend si një nga më të mëdhenjtë që ka luajtur ndonjëherë”.

Ndërsa Steven Gerrard mbetet një ikonë e pavdekshme për klubin, ai nuk arriti kurrë të fitojë çmimin më të lartë individual në futboll.

Nëse Ngumoha realizon ëndrrën e tij, ai do të bëhet lojtari i parë i Liverpoolit që fiton Topin e Artë që nga Michael Owen në vitin 2001. /Telegrafi/

The post Rio Ngumoha dëshiron të arrijë një gjë që as Steven Gerrard nuk e arriti te Liverpooli appeared first on Telegrafi.

UASHINGTON, 23 korrik /ATSH/- Në serinë e fundit të hetimeve të administratës Trump që synojnë Universitetin e Harvardit, Departamenti Amerikan i Shtetit (DASH) tha se po heton nëse shkolla “Ivy League” do të mbetet pjesë e programit qeveritar që ofron viza amerikane për studentët dhe studiuesit nga vendet e tjera, sipas AP.

Harvardi është përballur me sanksione dhe mbikqyrje në rritje nga Uashingtoni.

Universiteti i Harvardit ka ngritur një padi kundër shkurtimeve të fondeve federale prej 2,6 miliardë dollarësh dhe ka akuzuar administratën republikane për zhvillimin e një fushate që synon hakmarrjen.

Në deklaratën e sekretarit amerikan të Shtetit, Marco Rubio nuk u specifikua arsyeja pse departamenti i tij po shqyrtonte të drejtën e Harvardit për të marrë pjesë në “Programin e Vizitorëve të Shkëmbimit”, i cili u lejon shtetasve të huaj të studiojnë ose të punojnë në Shtetet e Bashkuara të Amerikës përmes programeve të shkëmbimit kulturor dhe arsimor.

“Të gjithë organizuesit, siç është Harvardi, duhet të përmbushnin plotësisht rregulloret e shtetasve jo-amerikanë që vijnë në SHBA për të marrë pjesë në një program të miratuar shkëmbimi arsimor ose kulturor, transparencën në raportim dhe angazhimin për të nxitur parimet e shkëmbimit kulturor dhe mirëkuptimit të ndërsjellë mbi të cilat u themelua programi”, tha Rubio.

Zëdhënësi i Harvardit, Jason Newton, tha se hetimi ishte një tjetër hap hakmarrës i ndërmarrë nga administrata.

“Harvard vazhdon të regjistrojë dhe sponsorizojë studiues, studiues dhe studentë ndërkombëtarë, dhe do të mbrojë komunitetin e tij ndërkombëtar dhe do t’i mbështesë ata ndërsa aplikojnë për viza amerikane”, tha Newton në një deklaratë.

Ai tha se shkolla është e përkushtuar të përmbushë rregullat e programit.

Departamenti Amerikan i Shtetit (DASH) tha se hetimi do të kërkojë të sigurojë që programet e tij “të mos jenë në kundërshtim me interesat e kombit tonë”.

Muajin e kaluar, administrata e Trump nxori një përfundim se Harvard toleronte antisemitizmin, një hap që mund të rrezikonte të gjithë financimin federal të Harvardit, duke përfshirë kreditë ose grantet studentore. //a.i/

 

 

The post SHBA – DASH hetim për vizat e studentëve të huaj në Universitetin e Harvardit appeared first on Agjencia Telegrafike Shqiptare.