Ministri i Shëndetësisë, Azir Aliu tha se të lënduarit në diskotekën “Puls” në Koçan kanë mbështetjen e Ministrisë së Shëndetësisë dhe Qeverisë.

Aziri shtoi se në periudhën e ardhshme do të ndërtohet një Qendër për proteza në Shkup, ndërsa të rinjtë e lënduar që kanë nevojë për ndërhyrje dhe trajtime shtesë të cilat janë të shtrenjta, do të mbështeten nga shteti.

“Jemi të vetëdijshëm se ka trajtime dhe procese që janë të shtrenjta dhe të kushtueshme, por ne si shtet jemi të detyruar t’i ofrojmë kujdes shëndetësor çdo qytetari. Unë personalisht isha në Koçan dhe tani ju them se për çdo proces që kërkon financim, ne do të dalim në ndihmë. Poashtu çdo proces që kërkon futjen e njohurive do të bëjmë trajnime të tilla dhe gjithashtu do të mbështesim çdo proces që kërkon mobilitetin e qytetarëve tanë jashtë vendit. Ky proces nuk do të përfundojë shpejt, këto janë procese afatgjata dhe do të na duhet një qasje afatgjate”, ka thënë Aliu.

Ministri i Shëndetësisë thotë se është bërë analizë nga ekspertë të vendit, por edhe nga ekspertë të përfshirë drejtpërdrejt ose indirekt në tragjedinë.

“Prandaj punojmë intensivisht dhe kam pasur disa takime me disa ambasada, në mënyrë që disa nga pacientët të mund të shkojnë jashtë vendit për trajtim dhe mjekim shtesë. Por edhe të krijojmë infrastrukturë brenda vendit. Për shembull, një nga këto është të gjenerojmë proteza. Ne nuk kemi një laborator të tillë. Realizova takim me njerëz nga Sllovenia dhe të shohim deri ku është procedura”, ka thënë Aliu.

Ministri Aliu shtoi se janë krijuar grupe pune brenda Qeverisë dhe Ministrisë së Shëndetësisë me qëllim krijimin e Strategjisë afatgjate në mënyrë siç thotë ai, të kenë një qasje infrastrukturore, njerëzore dhe profesionale ndaj qytetarëve të Koçanit.

The post Aliu: Do të ndërtohet një Qendër për proteza për personat e lënduar nga zjarri në Koçan appeared first on Telegrafi.

Shoqata Qytetare “16 Mars 2025 Koçani”, katër muaj pas tragjedisë në diskotekë “Puls” ku vdiqën 62 persona, përfshirë gjashtë fëmijë, do të mbajë Marshin e 15-të të Engjëjve – një marsh dhimbjeje dhe lufte për drejtësi.

Marshimi do të fillojë në orën 18:50, me një pikë grumbullimi në Parkun e Revolucionit.

“Katër muaj pas tragjedisë më të madhe në historinë e kohëve të fundit të vendit tonë, ne, prindërit dhe familjet e fëmijëve të vdekur tragjikisht, ju informojmë se më 19 korrik 2025, do të mbahet Marshimi i pesëmbëdhjetë i Engjëjve – një marsh dhimbjeje dhe lufte për drejtësi. Marshimi do të fillojë në orën 18:05 – një kohë që përfaqëson simbolikisht reagimin e vonë dhe, për fat të keq, fatal institucional. Ju ftojmë me zemër të hapur të bashkoheni me ne – të marshojmë së bashku në heshtje, një heshtje që simbolizon një kujtesë të fortë se një tragjedi e tillë nuk duhet të ndodhë më kurrë – as për një fëmijë të vetëm, as për një nënë beqare”, thuhet në deklaratën e Shoqatës së Qytetarëve 16 Mars 2025 Koçani.

Gjykata Penale njoftoi dje se paraburgimi i të pandehurve për zjarrin në diskotekën “Pulse” në Koçani është zgjatur, dhe Prokuroria Themelore Publike Shkup do të zhvillojë pjesën e mëtejshme të procedurës.

Sipas aktakuzës, 34 individë dhe tre persona juridikë të akuzuar për zjarrin në diskotekën “Pulse” akuzohen për krime të rënda kundër sigurisë publike.

Midis të pandehurve janë pronarë baresh, menaxherë, inspektorë, kryetarë bashkish, anëtarë të sigurisë dhe nëpunës civilë. Për shkak të provave të pamjaftueshme, procedura është ndërprerë për 11 persona, përfshirë dy ish-ministra.

Në zjarrin që ndodhi më 16 mars të këtij viti, 62 persona humbën jetën, përfshirë gjashtë fëmijë, dhe mbi 200 u plagosën.

The post Në Koçan sot do të marshohet për të 15-tën herë radhazi për tragjedinë në “Pulse” appeared first on Telegrafi.

Djali i një ndër këngëtareve më të dashura nga shqiptarët kudo në botë, kryesisht në veri të vendit dhe në diasporë, Fatmira Breçanit feston sot ditëlindjen.

Artistja ka zgjedhur ta urojë publikisht Denin ku shkruan: “Gëzuar 30-vjetorin Jeta jeme! Qoftë ky vit nisja e një kapitulli magjik në jetën tane.”

Fatmira Breçani është këngëtarja më e njohur e këngës popullore, si dhe më të paguarat pasi preferohet masivisht në koncerte në diasporë si dhe në dasma.

The post “Gëzuar 30-vjetorin jeta jeme!”, Fatmira Breçani uron ditëlindjen e djalit publikisht appeared first on Albeu.com.

Një punonjës i doganave shqiptare ka denoncuar atë që e quan “kontrabanda më e frikshme në historinë e Shqipërisë”, e drejtuar nga “koka”, drejtori i doganave shqiptare Gent Gazheli. Në një denoncim të drejtpërdrejtë, punonjësi thotë se sistemi doganor ndodhet sot në një gjendje më të degraduar se në vitin 1997, ndërsa pas çdo vendimi […]

The post U mbyll Qafë-Bota për kamionët e bërë “gol” të Gent Gazhelit! Kontrabanda e pakufijshme e drejtorit appeared first on BoldNews.al.

Qytetarë nga Deçani morën pjesë dje në ecjen simbolike “Hapave të Sadriut dhe Azemit”, një nismë e veçantë që u organizua për të nderuar përkushtimin e rrallë të një babai dhe lidhjen e tij të pazëvendësueshme me të birin me sindromën Down.

Ecja u organizua nga Komuna e Deçanit, si një shenjë nderimi për bacën Sadri, i cili ndërroi jetë disa ditë më parë, por la pas një histori të rrallë përkushtimi, kujdesi dhe dashurie ndaj djalit të tij, Azemit.

Disa ditë para se të ndahej nga jeta, Baca Sadri kishte thënë me krenari “15 kilometra i bëmë sot, bac. Përditë i bëjmë aq. Nganjëherë djali ka qejf me ecë më shumë e i bëjmë 20.”

Kryetari i Deçanit, Bashkim Ramosaj, përmes një postimi në Facebook shkroi “Hapave të Sadriut dhe Azemit – ecje për dashurinë dhe përkushtimin familjar”.

Kjo ngjarje shërbeu si një rikujtim të fuqishëm se dashuria prindërore, veçanërisht në sfidat që sjell jeta me sindromën Down, është një forcë e jashtëzakonshme që frymëzon e bashkon./Telegrafi/

The post “Hapave të Sadriut dhe Azemit” – Deçani ecën për përkushtimin e një babai ndaj të birit me sindromën Down appeared first on Telegrafi.

Autori i vrasjes së Martin Canit, Mario Përlleshaj ka dëshmuar këtë të hënë për herë të parë në Gjykatën e Tiranës.

Para togave të zeza, i mituri ka pohuar se thikën me të cilën qëlloi bashkëmoshatarin e tij e gjeti në rrugë dhe se ngjarja e 18 Nëntorit erdhi pas disa përplasjeve që ai kishte pasur me Canin.

Sipas dëshmisë të Përlleshajt mësohet se sherri mes dy djemve kishte nisur ditë më parë ku Martini e ka goditur me grushte.

Më pas ky i fundit i dërgoi ftesë në “SnapChat” ku dhe vijuan debatet dhe e lanë që të sqarohet ditën e hënë, ditë kur dhe ndodhi ngjarja e rëndë. Ndërkohë që mësohet se në shumicën e pyetjeve i mituri është shprehur se nuk mbante mend.

Mario Përlleshaj aktualisht mbahet në institucionin për të miturit në Kavajë, teksa u arrestua për vrasjen e bashkëmoshatarit të tij Martin Cani, ngjarje e ndodhur më 18 nëntor të vitit të kaluar pranë ambienteve të shkollës 9-vjeçare “Fan Noli” në kryeqytet.

The post Dëshmon për herë të parë në Gjykatë vrasësi i Martin Canit, rrëfen detaje nga dita e krimit appeared first on Albeu.com.

Atmosferë festive dhe shumëngjyrëshe do të mund të shijojnë sonte qytetarët e Deçanit.

Mbrëmjen e sotme rikthehet festivali “Newborn Kosova”, i cili mbledh në këtë edicion 180 artistë nga mbarë bota, duke sjellë një përvojë unike të bashkimit përmes artit, muzikës dhe kulturës.

Në një postim në rrjetet sociale, kryetari i komunës së Deçanit, Bashkim Ramosaj, u shpreh entuziast për rikthimin e festivalit

“Sonte në Deçan rikthehet Festivali ‘Newborn Kosova’ me 180 artistë nga e gjithë bota! Vallëzim, muzikë dhe kulturë ndërkombëtare në zemër të qytetit!”, shkroi Ramosaj, duke ftuar qytetarët të marrin pjesë në ngjarjen kulturore.

Programi nis në ora 19:00 me një defile të grupeve artistike në qendër të qytetit, duke sjellë gjallëri dhe ngjyra nga kultura të ndryshme botërore.

Më pas, në ora 20:00, vijon programi artistik në ambientet e Qendrës Rinore, ku do të shfaqen performanca muzikore dhe vallëzime tradicionale nga vende të ndryshme.

“Newborn Kosova” është kthyer në një platformë të rëndësishme për ndërkulturë dhe bashkëpunim artistik, duke e vendosur Deçanin në hartën e ngjarjeve të mëdha kulturore në Kosovë. /Telegrafi/

The post Deçani mirëpret festivalin “Newborn Kosova” – 180 artistë nga e gjithë bota sjellin muzikë, kulturë dhe vallëzim appeared first on Telegrafi.

Artan Meçani emërohet trajner i ri i skuadrës Butrinti Klubi Sportiv Butrinti ka njoftuar zyrtarisht emërimin e Artan Meçani si trajnerin e ri të ekipit për sezonin e ardhshëm, duke sjellë një emër të njohur për qytetin, por kësaj here në një rol të ri dhe të rëndësishëm.     Artan Meçani nuk është një […]

The post Artan Meçani emërohet trajner i ri i skuadrës Butrinti appeared first on Saranda Web.

Partizani e Herolind Shala ndajnë tashmë rrugët. Goditja e madhe e fundit të kampionatit të kaluar, që duhet të ishte lideri i një skuadre që do të kërkojë titullin kampion në sezonin që duhet ende të nisë, doli një tjetër dështim i madh. U kuptua që në minutazhin me pikatore në javët e fundit dhe Final 4 e ndjekur nga pankina: Shala ishte jashtë forme dhe nuk mbante dot ritmin. Në total 2 ndeshje (1 në kampionat e 1 në Kupën e Shqipërisë) për një total prej vetëm 88’ lojë.

E si Partizani ka mësuar tashmë në këto 5 vitet e fundit, dalja është me më klasiken e përcjelljeve: “Partizani zyrtarizon përfundimin e bashkëpunimit me Herolind Shalën. Mesfushori dhe klubi kanë vendosur të ndërpresin me konsensus kontratën mes tyre. Partizani dëshiron të falenderojë Herolind Shalën që ishte pjesë e familjes së kuqe duke i uruar njëkohësisht suksese në karrierë” – shkruhet në komunikatën për shtyp të të kuqve.

DËSHTIME NË SERI…

U bënë disa sezone që lojtarët që mbërrijnë te Partizani për të bërë diferencën e bëjnë vetëm në pagesë. Në fushë rezultatet janë katastrofike, me prezenca të pakta e përfaqësime për tu harruar. I fundit në radhë ishte Eros Grezda, ish-mesfushori i kombëtares, që erdhi me super pagën e zakonshme dhe la për të dëshiruar në fushë dy vjet më parë. Goditja e madhe e asaj merkato së verës, ai që duhet të ishte lideri i një skuadre që kërkonte konfirmimin si kampion, doli dështimi i madh. U kuptua që në ndeshjet e Champions dhe Conference League: Grezda ishte jashtë forme dhe nuk mbante dot ritmin. Gjërat pastaj nuk është se u përmirësuan në kampionat, ku nga i nisur titullar, Grezda e pa veten të parakaluar nga të gjithë. Në total 17 ndeshje (2 në Champions e 6 në Conference e 9 në kampionat) për një total prej 589′ me vetëm një gol të shënuar.

Arkat e klubit, edhe në atë rast, u rënduan në mënyrë katastrofike në raport me kontributin. Në 6 muaj (6500 euro në muaj) Grezda ka fituar 39 mijë euro. Më saktë 40 mijë, sepse në kontratën e tij ka qenë klauzola e 1 mijë euro për çdo gol. E ai i shënuar në Conference League e ka rritur edhe pak dhimbjen financiare të të kuqve.

 

View this post on Instagram

 

A post shared by FK PARTIZANI (@fkpartizani)

Para tij Partizani bëri të njëjtën gjë me Ergys Kaçen. Edhe ish-mesfushori i kombëtares, që erdhi me super pagën e zakonshme, la për të dëshiruar në fushë. Ai që duhej të ishte fari ndricues i lojës së të kuqve u kthye vetëm në një barrë financiare që klubi nuk po dinte si ta hiqte qafe. Pas 6 muajsh, në janar 2022, erdhi akordi me mirëkuptim nga të dy palët. Kaçe nuk do të ishte më lojtar i Partizanit, që me këtë lëvizje i lejoi vetes të kursente të paktën 60 mijë euro pagë të lojtarit që pagën e kishte për top player e përfaqësimet si më i zakonshmi i pankinës, madje as i denjë për të luajtur me fanellën e kryeqytetasve.

ARKAT PIKIATË

Siç duket te Partizani nuk kanë aspak nuhatje për të bërë goditjen diferencuese. Mjafton të kujtosh lëvizjet e mëdha të fundit që rezultuan po në dështime të mëdha. Edgar Çani erdhi me një kontratë prej 250 mijë euro në sezon dhe nuk luajti asnjë ndeshje me përjashtim të ndonjë fragmenti e një ndeshje në Kupën e Shqipërisë. Pasi fitoi titullin me Gegën, të kuqtë vendosën ta riprovonin me Ferhan Hasanin, por Buba mori vetëm 120 mijë eurot e gjashtë muajve kontratë me pak minuta në fushë e asnjë gjurmë. Për fat një pjesë të kuqtë e kthyen mbrapsht falë shpërblimit të UEFA-s, për prezencën e shqiptaro-maqedonasit në Euro 2020 me Maqedoninë e Veriut.

Vetëm se llogaritë nuk dalin: pesë lojtarët “e mëdhenj” nuk kanë mbledhur së bashku as një “kampionat” me prezenca, ndërsa janë paguar deri në largim me bukurinë e 470 mijë eurove.

The post Shala nuk luajti, u pagua e iku: Partizani harxhon gjysmë milioni euro për 5 dështime appeared first on Lapsi.al.

hoqata e qytetarëve “16 mars 2025 – Koçani”, e themeluar nga familjet e të ndjerëve në tragjedinë në klubin “Puls”, u dërgoi një letër institucioneve shtetërore dhe gjyqësore në të cilën renditi disa kërkesa.

Në letrën drejtuar kryeministrit Hristijan Mickoski, kryetarit të Kuvendit, Afrim Gashi dhe presidentes së shtetit, Gordana Siljanovska-Davkova, prindërit kërkojnë që t’u paguhet ndihma financiare ligjore, si dhe familjet të marrin ndihmën e nevojshme institucionale.

“Kemi paraqitur një kërkesë në Prokurorinë Themelore Publike – Koçan për të ndërmjetësuar me qëllim të organizimit të një takimi me përfaqësuesit e mjekësisë ligjore në Shkup. Gjithashtu kemi një kërkesë për një incizim të plotë video dhe audio gjatë procedurës gjyqësore, thuhet ndër të tjera në kërkesën e Shoqatës.

Shoqata “16 Mars 2025 – Koçani” ka paralajmëruar edhe mbajtjen e “Marshit të dymbëdhjetë për engjëjt”, të planifikuar për të shtunën, më 5 korrik, në orën 18:05, si shprehje pakënaqësie për reagimin e ngadaltë të institucioneve dhe procedurat e zgjatura gjyqësore kundër të pandehurve në këtë rast.

The post Familjet e viktimave nga zjarri në Koçan, kërkojnë ndihmë financiare nga shteti dhe incizim të procedurës gjyqësore appeared first on Telegrafi.

Kryetari i Koçanit, Venko Kërsteski tha se ndihet i zhgënhyer që nuk u pa asnjë përgjegjësi morale nga askush, për tragjedinë që ndodhi në diskotekën “Puls”.

Për Radion Evropa e Lirë, ai tha se përgjegjësi më të madhe morale ka Ministri i Brendshëm Pançe Toshkovski.

“Në këtë situatë konkretisht, ministri i Punëve të Brendshme. Unë nuk them që ai është përgjegjës për formalitetin ligjor, por ai ka një përgjegjësi, si ministër për një vit, të paktën të jetë një shembull pozitiv politik se përgjegjësia morale duhet të fillojë të mbahet në një moment të caktuar”, tha Venko Kërstevski, kryetar i Koçanit.

Ndërsa u shpreh i zhgënjyer edhe nga kryeministri Mickoski i cili siç tha, ende nuk ka shkuar në Koçan.

“Unë jam i zhgënjyer që ende, sidomos kryeministri nuk ka ardhur në Koçan. Disa herë e kam thirrur personalisht, që dera e komunës së Koçanit për të është e hapur, sepse ai është kryeministër i të gjithë qytetarëve të këtij shteti dhe vetëm me ndihmën e pushtetit qëndror ne mund ta ngrejmë Koçanin dhe ato e kanë për detyrë që qytetin tonë që ta ndihmojnë”, deklaroi Venko Kërstevski.

Për të 11 herë familjarët e viktimave të shtunën marshuan nëpër Koçan. Ata përsëri, kërkuan përgjegjësi nga autoritetet lokale, nga inspektorët, duke theksuar se nuk janë të kënaqur me aktakuzën në të cilën 34 individë dhe tre persona juridikë shihen si përgjegjës për tragjedinë.

The post Kryetari i Koçanit, Venko Kërstevski: Toshkovski ka përgjegjësi morale për tragjedinë në “Pulse” appeared first on Telegrafi.

Tre pacientë të lënduar në diskotekën në Koçan ende janë jashtë vendit, dy po trajtohen në Turqi dhe një në Slloveni, ndërsa grupi i dytë i të lënduarve në Ponikva do të dërgohet në mesin e korrikut, informoi sot ministri i Shëndetësisë, Azir Aliu duke u përgjigjur në pyetjen e gazetarëve në konferencën e sotme për shtyp në Ministrinë e Shëndetësisë.

Për momentin, informacionet në lidhje me pacientët që trajtohen jashtë vendit është se janë në gjendje të qëndrueshme shëndetësore. Në vendin tonë, u theksua se në Qendrën klinike të kirurgjisë plastike, ka pacientë që ndodhen atje për shkak të thellësisë së lëndimeve, por shëndeti i tyre është i qëndrueshëm. Dy pacientë janë në spitalin privat Sistina. Gjendja e të gjithë pacientëve monitorohet rregullisht.

“Grupi i parë për momentin është në Ponikva, drejt përfundimit, me ta atje janë edhe pesë fizioterapistë që punojnë në programe, një fiziatër specialist dhe një kirurg i përgjithshëm. Të rinjtë atje duan të vazhdojnë, kemi kërkesë nga disa prej tyre për të vazhduar me grupin e dytë. Grupi i dytë do të dërgohet me shumë gjasë në gjysmën e dytë të korrikut”, u përgjigj Aliu.

Lidhur me akuzat nga të afërmit e viktimave në zjarrin në Koçan, për trajtim joadekuat në spitalin e Koçanit dhe mungesë të pajisjeve të përshtatshme, menjëherë pas tragjedisë, ministri tha se hetimi nga shërbimet kompetente duhet të japë përgjigje për shumë pyetje në lidhje me tragjedinë. Ai tha se spitali i Koçanit është ndër prioritetet kryesore dhe se po bëjnë çmos brenda mundësive për ta pajisur atë siç duhet. Ai shtoi se grupi i punës ka punuar vazhdimisht për këtë çështje.

Lidhur me onkologjinë, ai tha se tani ka terapi, ndërsa paralajmëroi se të hënën do të ketë takim me drejtorin për të parë se si mund të përmirësohet situata atje sa më shpejt të jetë e mundur.

The post Aliu: Tre pacientë të lënduar nga zjarri në Koçan ende janë jashtë vendit appeared first on Telegrafi.

“Marshimi i njëmbëdhjetë për Engjëjt” do të mbahet në Koçani këtë pasdite.

Prindërit dhe të afërmit e viktimave të zjarrit në diskotekë “Pulse” do të dalin përsëri në rrugë për të kërkuar drejtësi, por edhe mbështetje më të madhe për shërimin e shpejtë të të lënduarve në tragjedi.

Ky marshim do të fillojë gjithashtu nga Parku i Revolucionit, do të vazhdojë drejt qendrës tregtare, Komunës së Koçanit, dhe prej andej në stacionin e policisë dhe para Gjykatës Themelore dhe Prokurorisë.

Pjesëmarrësit në marshim kërkojnë drejtësi pa dallim, ndëshkime për këdo që mban ndonjë përgjegjësi, por edhe ndryshime sistemike në mënyrë që tragjedia e 16 marsit, e cila mori 62 jetë dhe plagosi më shumë se 200 persona, të mos përsëritet.

The post Sot sërish do të marshohet në Koçan, kërkohet drejtësi për tragjedinë në “Pulse” appeared first on Telegrafi.

FSHF ka miratuar ndërtimin e një fushe futbolli me bar artificial pranë muzeut “Martin Cani”, si homazh për 14-vjeçarin që humbi jetën tragjikisht pas një konflikti me bashkëmoshatarin e tij në nëntor 2024.

Projekti, i kërkuar nga familja Cani dhe i mbështetur nga presidenti Armand Duka, synon të promovojë përmes sportit vlerat e edukimit, respektit dhe ndërgjegjësimit tek të rinjtë.

Fusha, me një sipërfaqe prej 60 m², do të shërbejë si një simbol kujtese dhe reflektimi për shoqërinë.

The post U vra pranë ambienteve të shkollës, FSHF ndërton fushë futbolli në nderim të Martin Canit appeared first on iconstyle.al.

The post FSHF do të ndërtojë një fushë futbolli me vlera edukative pranë muzeut “Martin Cani” appeared first on Agjencia Telegrafike Shqiptare.

Punësimi i policëve të përfshirë në hetimin e zjarrit në klubin “Pulse” në Koçan është pezulluar, tha ministri i Brendshëm Pançe Toshkovski në përgjigje të pyetjes së gazetarëve gjatë vizitës së sotme në Komisionin për Parandalimin dhe Mbrojtjen nga Diskriminimi.

“Prokuroria Publike është organi kompetent për të vepruar në këtë drejtim, dhe hetimi i Prokurorisë Publike për ndjekjen penale ndaj krimit të organizuar ende nuk ka përfunduar dhe u takon autoriteteve gjyqësore të vendosin për statusin e oficerëve të policisë. Brenda kuadrit të funksionimit të Ministrisë së Punëve të Brendshme, statusi i tyre është i ngrirë, domethënë, brenda kësaj periudhe kohore ata do të largohen nga kryerja e detyrave të tyre në kuadrin e funksionimit aktual”, theksoi Toshkovski.

Lidhur me kërkesën e prindërve të atyre që vdiqën në zjarr për përgjegjësi nga MPB, Toshkovski beson se ata kanë të drejtë legjitime të kërkojnë përgjigje nga institucionet.

“Ajo që duhej të ishte bërë nga MPB, si institucion, është bërë. Gjatë gjithë kësaj periudhe kohore, besoj se i kemi treguar publikut maqedonas dhe qytetarëve maqedonas se ishte e mundur të punohej ndryshe, kemi treguar se është e mundur të punohet pa dallim”, shtoi ai./Telegrafi/

The post Toshkovski: Janë pezulluar policët të përfshirë në hetimin për tragjedinë në Koçan appeared first on Telegrafi.

Sot ishte planifikuar mbahej procesi ndaj të miturit, Perlleshaj, pasi do të pyetej dhe do të fliste për ngjarjen tragjike. Por 14-vjeçari nën akuzë për vrasjen e Martinit nuk ishte paraqitur.

Procesi u shty për në datën 3 korrik për të njoftuar serish të akuzuarin.

Seancat për vrasjen e Martin Canit po mbahet me dyert të mbyllura sipas kodit penal për të miturit që ndaloj bërjen publike të të dhëna e për shkak se  i akuzuari, por edhe fëmija tjetër i plagosur janë nën moshë.

The post Shtyhet gjyqi për vrasjen e Martin Canit, Mario Përlleshaj nuk paraqitet në seancë appeared first on Sot News | Lajme.

Seanca gjyqësore për vrasjen e 14-vjeçarit, Martin Cani, është shtyrë për në datën 3 korrik. Ditën e sotme ishte planifikuar të mbahej procesi ndaj të miturit, Mario Perlleshaj, pasi do të pyetej dhe do të fliste për ngjarjen tragjike por 14 vjeçari nën akuzë për vrasjen e Martinit nuk ishte paraqitur. Gjithashtu seancat për vrasjen e Martin Canit po mbahet me dyert të mbyllura, pasi i akuzuari Mario Përlleshaj dhe Luis Meçe janë nën moshë.

Martin Cani humbi jetën mesditën e 18 nëntorit 2024 pasi u qëllua me thikë në bark nga bashkëmoshatari i tij, Mario Përlleshaj. Ngjarja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Përlleshaj dyshohet se ka qenë në klasë paralele me viktimën, në shkollën 9-vjeçare ‘Fan Noli’. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj.

Autori ka nxjerrë thikën dhe ka qëlluar mbi 14-vjeçarin, Martin Cani. Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital.

I plagosur nga ky sherr ka mbetur edhe shoku i ngushtë i viktimës, Luis Meçja i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili mori dëmtime në dorë dhe u trajtua në spital privat për disa ditë pas ngjarjes së rëndë.

The post Shtyhet gjyqi për vrasjen e Martin Canit, Përlleshaj nuk paraqitet në seancë appeared first on Lapsi.al.

Fondet për zhvillimin e një projekti konceptual dhe fillimin e aktiviteteve për ndërtimin e një memoriali për ata që humbën jetën në zjarrin e Koçanit duhet të sigurohen me Projektvendimin për rialokimin e fondeve midis përdoruesve të buxhetit të qeverisë qendrore dhe midis fondeve për vitin 2025, i cili sot mori mbështetje nga komisioni përkatës parlamentar. Rialokimi i propozuar i fondeve buxhetore do të sigurojë 600 milionë denarë për projekte infrastrukturore dhe kapitale për zhvillimin e komunave, si dhe 242.3 milionë denarë për pagesa në shoqëritë e sigurimeve shoqërore bazuar në kthimin e kontributeve të paguara.

Projektvendimi mori mbështetje pa debat në Komisionin parlamentar për Financim dhe Buxhet, anëtarët e të cilit, me propozim të deputetit të OBRM-PDUKM-së, Mile Lefkov, mbështetën gjithashtu një amendament për të përfshirë fonde për memorialin.

Lefkov, duke shpjeguar amendamentin, tha se vendimi ishte në koordinim me familjet e viktimave të zjarrit të 16 marsit të këtij viti, në të cilin humbën jetën 62 persona dhe rreth 200 u plagosën, dhe vjen, siç tha ai, nga dëshira e tyre dhe jona e përbashkët për të kthyer të paktën një pjesë të dhimbjes në një kujtim dinjitoz, dhe që tragjedia të mos përsëritet kurrë.

“Duam të bëjmë homazh, por edhe të lëmë një gjurmë të qëndrueshme që do të thërrasë për përgjegjësi dhe siguri për brezat e ardhshëm. Kërkesa është që ky monument të vendoset në zonën qendrore të qytetit, ku do të jetë i dukshëm si një kujtim i gjallë, por edhe si një paralajmërim. Ky nuk është një moment për politikë, ju kërkoj të gjithëve mbështetje, ky është një moment për unitet, respekt dhe përkujtim”, tha Lefkov.

Zëvendësministri i Financave Nikollçe Jankullovski, duke shpjeguar Projekt-vendimin, njoftoi se rialokon fonde në një vlerë prej rreth 600 milionë denarësh të destinuara për projekte infrastrukturore dhe kapitale për zhvillimin e komunave, në përputhje me thirrjen e publikuar dhe kriteret e përcaktuara nga ministritë kompetente.

“Mbështetja për zhvillimin lokal përmes projekteve në komuna do të ketë një ndikim pozitiv në aktivitetin ekonomik, zhvillimin në komuna dhe rritjen e cilësisë së jetës së qytetarëve”, tha Jankullovski.

Ai njoftoi se Projektvendimi rialokon 242.64 milionë denarë nga Ministria e Ekonomisë dhe Punës në Ministrinë e Politikës Sociale, Demografisë dhe Rinisë, dhe do të përdoren për pagesat ndaj shoqërive të sigurimeve shoqërore bazuar në kthimin e kontributeve të paguara.

Projektvendimi shkurton fondet nga Nënprogrami i Qeverisë D5 – Tërheqja e Investimeve të Huaja Direkte dhe Zhvillimi i Zonës së Lirë Ekonomike, pra Zërin – Transferta të Ndryshme me 583,601,000 denarë, dhe nga Ministria e Ekonomisë dhe Punës, në Nënprogramin 60 – Zhvillimi i Politikave në Fushën e së Drejtës së Punës, Mbrojtjes Sociale dhe Punësimit, Zërin 464 – Transferta të Ndryshme me 242,264,000 denarë. Gjithashtu propozohet të rriten fondet në Ministrinë e Politikës Sociale, Demografisë dhe Rinisë, në Nënprogramin 50 – Përfitimet e Mbrojtjes

The post Lefkov: Do të financohet memorial për viktimat nga zjarri në Koçan appeared first on Telegrafi.

Gjatë një interviste emocionuese për emisionin “Me zemër të hapur”, nëna e 14-vjeçarit Martin Cani, Florina Cani, rrëfeu dhimbjen e thellë që po kalon pas ngjarjes tragjike që tronditi Tiranën dhe gjithë vendin.

Pas sherrit mes adoleshentësh që përfundoi me humbjen e jetës së djalit të saj, ajo kërkon drejtësi dhe dënimin maksimal për autorin e ngjarjes.

Mes lotësh, ajo shprehu zhgënjimin për mungesën e faljes nga familja e autorit, ndërsa rrëfeu se nuk ka mundur të marrë pjesë në seancat gjyqësore, për shkak të peshës emocionale të situatës.

Nëna e Martin Canit: Kam humbur sensin e jetës, jam mësuar me dhimbjen. Na ja lëmë drejtësisë çështjen. Dua dënimin maksimal për autorin. Po të isha në vend të familjes së autorit, si familje do shkoja tek familja e tjetrit, do i thosha që kjo ndodhi, do kërkoja falje, kjo do ishte.

Nuk kam marrë pjesë në seancë gjyqësore, sepse nuk e përballoj dot emocionalisht. Nuk kemi pasur falje nga familja e autorit. Kur pashë videon, u ndjeva shumë keq dhe nuk arrita ta shikoj deri në fund. Kur plaga hapet herë pas here, është shumë e fortë. Janë disa rregulla që duhet të zbatohen.

The post Nëna e Martin Canit mes lotësh: Familja e autorit s’na ka kërkuar falje, kam humbur sensin e jetës appeared first on Albeu.com.