Të gjithë ata që jetojnë në Francë dhe janë duhanpirës, duhet të mendohen mirë tani nëse pijnë cigare në plazh ose në parqe, pasi i pret një gjobë e majme që varion nga 130-700 euro.

Sipas The Guardian, ligji i ri, i cili do të hyjë në fuqi një ditë pasi të publikohet në sajtin zyrtar të qeverisë, do të prekë edhe zonat në afërsi të bibolotekave, pishinave dhe shkollave. Njerëzit uk duhet të pinë duhan brenda 10 metrave nga shkollat, pishinat, bibliotekat dhe vendet e tjera ku pirja e duhanit mund të dëmtojë të miturit.

Por, duhani do vazhdohet të pihet në bare dhe restorante, gjithmonë në ambientet e hapura, gjë që ka sjellë zhgënjimin e shumë aktivistëve kundër pirjes së duhanit, të cilët kanë kërkuar që të ndalohet pirja e cigares edhe në ambiente si baret dhe restorantet, por kjo gjë nuk është pranuar.

Ministria e Shëndetësisë në Francë bëri të ditur se së shpejti do të njoftojë tabelën që do të përdoret për të shënuar këto zona ku nuk do lejohet më pirja e cigares. Shkelësit e ligjit mund të përballen me gjoba nga 130 euro deri në 700 euro. Ky vendim i qeverisë është pritur shumë mirë nga pjesa më e madhe e francezëve.

Kushdo që ndez cigare në plazh ose në një park publik në Francë do të shkelë ligjin nga e diela sipas rregullave të reja që synojnë mbrojtjen e fëmijëve nga rreziqet e pirjes së duhanit pasiv.

Rregulli po vendoset një javë para fillimit të pushimeve shkollore në Francë, në një përpjekje të qartë për të mbrojtur menjëherë fëmijët nga tymi në plazh.

Megjithatë, për zhgënjimin e disa aktivistëve kundër duhanit, ndalimi nuk mbulon tarracat e bareve dhe restoranteve, shkruan France 24.

Ata janë gjithashtu të pakënaqur që ndalimi nuk vlen për cigaret elektronike.

Rregullat fillimisht pritej të hynin në fuqi të martën pas një njoftimi të mëparshëm nga ministria e shëndetësisë, por botimi në gazetën zyrtare do të thotë se kjo tani është shtyrë për të dielën.

Njerëzit gjithashtu nuk duhet të pinë duhan brenda një rrezeje prej 10 metrash nga shkollat, pishinat, bibliotekat dhe vendet e tjera që dëmtojnë të miturit./abcnews.al

PARIS, 28 qershor /ATSH-AFP/ – Dekreti i shpallur nga qeveria franceze për të zgjeruar ndalimin e pirjes së duhanit në stacionet e autobusëve, parqet dhe kopshtet publike, plazhet si dhe rreth bibliotekave, pishinave dhe shkollave u botua sot në mëngjes në Gazetën Zyrtare dhe zbatimi do të fillojë nesër.

Ky ndalim, që synon kryesisht mbrojtjen e fëmijëve nga tymi, nuk zbatohet për tarracat e kafeneve dhe restoranteve dhe nuk përmend cigaret elektronike, sipas tekstit.

Dekreti ende duhet të plotësohet me një urdhër nga Ministri i Shëndetësisë për të përcaktuar zonat specifike ku pirja e duhanit nuk do të lejohet më, rreth shkollave, bibliotekave, objekteve sportive dhe institucioneve të destinuara për pritjen, trajnimin ose akomodimin e të miturve.

Kjo masë ishte premtuar nga qeveria për fundin e vitit 2023 dhe ishte konfirmuar nga Catherine Vautrin në fund të majit, me një datë fillestare zbatimi 1 korrik në të gjithë Francën.

Mosrespektimi i këtij ndalimi mund të ndëshkohej përfundimisht me një gjobë të klasës 4, ose 135 euro, por Ministria e Shëndetësisë i kishte përmendur shtypit në fund të majit një periudhë “edukimi”.

Dekreti i botuar sot në mëngjes nuk përmend një gjobë për shkeljet.

“Ku ka fëmijë, duhani duhet të zhduket”, deklaroi Catherine Vautrin në fund të majit, duke argumentuar se liria për të pirë duhan “përfundon aty ku fillon e drejta e fëmijëve për të marrë frymë ajër të pastër”.

Zgjerimi i zonave pa duhan ishte një nga masat e përshkruara në Programin Kombëtar të Kontrollit të Duhanit (PNLT) 2023-2027, të paraqitur nga ministri i atëhershëm i Shëndetësisë, Aurélien Rousseau, me ambicien e “përballimit të sfidës së një brezi pa duhan deri në vitin 2032”.

Të etura për të ndërmarrë veprime, 1 600 komuna vullnetare e kanë zgjeruar tashmë ndalimin e pirjes së duhanit në vendet publike në parqe, plazhe, pista skijimi dhe zona shkollore, duke përfaqësuar 7 000 zona pa duhan, në eksperimente lokale të mbështetura nga Lidhja Kundër Kancerit.

Dekreti i publikuar spt gjithashtu forcon dënimet për shitjen e duhanit dhe produkteve të tjera tek të miturit, të cilat tani përbëjnë një gjobë të klasës 5 (200 euro)./  a.jor.

The post FOKUS – Franca ndalon pirjen e duhanit në plazhe, parqe dhe stacione autobusi appeared first on Agjencia Telegrafike Shqiptare.

Dita Botërore Kundër Duhanit u shënua dje në të gjithë botën me thirrje të forta për mbrojtjen e brezave të rinj dhe ndërgjegjësimin për rreziqet e duhanpirjes. Në vende si Mbretëria e Bashkuar, kjo ditë erdhi me një masë konkrete dhe të guximshme: nga sot, 1 qershor 2025, do të ndalohet plotësisht shitja dhe furnizimi i cigareve elektronike njëpërdorimëshe.

Ky ndalim përfshin të gjitha pajisjet njëpërdorimëshe, me ose pa nikotinë dhe zbatohet si për shitjet në dyqane, ashtu edhe për ato online. Qëllimi është i qartë: të mbrohet shëndeti i të rinjve dhe të ndalet ndotja mjedisore nga miliona pajisje të tilla që përfundojnë çdo javë në mbeturina. Dhe Mbretëria e Bashkuar nuk është e vetme. Masa të ngjashme janë ndërmarrë nga Franca, Gjermania, Belgjika, Australia, Zelanda e Re, Filipinet dhe qytete si New York dhe Roma.

Ndërkohë në Shqipëri? Asnjë masë. Asnjë reflektim. Asnjë reagim institucional. Edhe këtë vit, Dita Botërore Kundër Duhanit kaloi pa asnjë fjalë nga institucionet shtetërore, pa ndonjë nismë konkrete, pa ndërgjegjësim dhe pa asnjë përpjekje për të ndalur një epidemi të re: promovimin agresiv të cigareve elektronike dhe produkteve të avullimit, në kundërshtim të plotë me ligjin.

Ligji nr. 9636, datë 6.11.2006, i ndryshuar me ligjin nr. 56/2019 dhe së fundmi me ligjin nr. 92/2024, ndalon çdo formë reklamimi, promovimi apo sponsorizimi të produkteve të duhanit, përfshirë cigaret elektronike dhe pajisje si iQOS, si në media të shkruara, transmetime televizive, platforma online, ashtu edhe në hapësira publike.

Në realitet, produktet si iQOS reklamohen lirshëm në rrugët e Tiranës, në televizione kombëtare, në portale online dhe rrjete sociale. Reklamat shfaqen në hapësira publike me kontrata të dyshimta, të zbukuruara me mesazhe që i shesin këto produkte si “më të sigurta” apo “më të sofistikuara”. Në fakt, kjo fushatë e gjerë reklamimi është bërë e mundur përmes një aleance të qartë mes kompanive të mëdha dhe një pjese të mirë të mediave shqiptare.

Janë vetë mediat ato që janë bërë pjesë aktive e shkeljes së ligjit. Jo vetëm që transmetojnë dhe publikojnë reklama të ndaluara me ligj, por përfitojnë drejtpërdrejt nga kompani të fuqishme që operojnë me fonde publike, tenderë bashkiakë apo sponsorizime të lidhura me pushtetin. Këto media nuk janë më thjesht vëzhguese: ato janë bashkëpjesëmarrëse në një sistem ku ligji në fuqi shpërfillet, në këmbim të përfitimeve financiare dhe ndikimit politik.

Reklamat e cigareve elektronike nuk janë më incidente të izoluara. Ato janë pjesë e një infrastrukture të ndërtuar me qëllim të qartë: të krijojë një treg fitimprurës, të mbajë të varura redaksitë dhe gazetarët dhe të shtrembërojë realitetin. Disa prej mediave që shfaqin këto reklama janë të njëjtat që janë përmendur në hetimet e SPAK për ndërhyrje në drejtësi, manipulim tenderash, pastrim parash dhe përdorim abuziv të fondeve publike.

Në këtë mjedis të kalbur, kompanitë që shpërndajnë produkte si iQOS, të financuara shpesh nga rrjete ndërkombëtare me interesa të mëdha tregtare, kanë gjetur terren të përkryer. Asnjë institucion nuk i ndalon. Asnjë autoritet nuk i kontrollon. Dhe kjo nuk ndodh për shkak të mungesës së ligjit, por për shkak të mungesës së vullnetit për zbatim dhe për shkak të bashkëfajësisë së atyre që kanë për detyrë të mbrojnë qytetarët.

Kujtojmë se cigaret elektronike nuk janë “më të sigurta”. Studime të shumta, përfshirë ato të botuara në Journal of the American College of Cardiology, kanë treguar qartë se pajisje si iQOS rrisin ndjeshëm rrezikun për sëmundje kardiovaskulare, dëmtim të qelizave të enëve të gjakut, madje edhe rrezik të shtuar për atak kardiak. OBSH ka paralajmëruar prej kohësh se këto produkte nuk të ndihmojnë të heqësh dorë nga nikotina. Përkundrazi: janë dizajnuar për të forcuar varësinë.

Ndërkohë, në Shqipëri, këto paralajmërime shpërfillen çdo ditë. Çdo cep i Tiranës, përfshirë zona të frekuentuara nga të rinjtë si ajo përreth Piramidës, është zaptuar nga reklama për iQOS.

Dje ishte Dita Botërore Kundër Duhanit. Shqipëria nuk tha asgjë. As Ministria e Shëndetësisë, as ndonjë institucion tjetër nuk dha asnjë mesazh. Asnjë masë. Asnjë aksion. SPAK, që ka në dorë dosje të tëra për abuzime të ngjashme, deri më tani nuk ka marrë asnjë hap konkret për këtë shkelje flagrante të ligjit.

Ndërkohë, qytetarët po ekspozohen çdo ditë ndaj reklamave të ndaluara, produktet e rrezikshme po shiten lirshëm, të miturit i konsumojnë si lodra dhe kompanitë ndërkombëtare si Philip Morris, përfaqësuesit e të cilit janë të lidhur me çdo hallkë të pushtetit vendor dhe mediatik, forcojnë çdo ditë ndikimin e tyre në Shqipëri.

Një gjë është e sigurt: në këtë vend, ku ligji zbatohet vetëm për të dobëtit dhe ku shëndeti publik shitet për një fushatë marketingu, qytetarët janë ata që humbasin. Përballë një skeme që po helmon një brez të tërë, heshtja institucionale është bashkëfajësi.Ky është krim shëndetësor dhe duhet trajtuar si i tillë!

The post Reklamat valojnë! Dita Botërore Kundër Duhanit kaloi në heshtje në Shqipëri, ndërsa bota ndalon cigaret elektronike appeared first on iconstyle.al.

PARIS, 31 maj /ATSH/- Duke filluar nga 1 korriku, nëse skenat ikonike të filmave të Bardot dhe Belmondo do të riprodhoheshin në jetën reale, ato do t’i nënshtroheshin gjobave deri në 135 euro.

Aktorja brilante Brigitte Bardot rrinte zbathur në plazhin e Saint-Tropez, duke pirë cigare në qetësinë e saj. Një aktor tjetër, Jean-Paul Belmondo, ecte me krenari në Champs-Élysées me tymin e cigares që dilte nga buzët e tij sfiduese, duke kapur rebelimin e paduruar të një brezi të papërsëritshëm, shkruan AP.

Pasi e ka lavdëruar duhanin për dekada, Franca po përgatitet për ndalimin më radikal të pirjes së duhanit ndonjëherë.

Kufizimet e reja, të njoftuara nga ministrja e Shëndetësisë Catherine Vautrin, do të ndalojnë pirjen e duhanit në pothuajse të gjitha hapësirat publike të jashtme ku mblidhen fëmijët, duke përfshirë plazhet, parqet, kopshtet, këndet e lojërave, objektet sportive, hyrjet e shkollave dhe stacionet e autobusëve.

“Duhani duhet të zhduket aty ku ka fëmijë. Liria për të pirë duhan përfundon aty ku fillon e drejta e fëmijëve për të thithur ajër të pastër”, u tha Vautrin mediave franceze

Ndërsa ligji Vautrin pasqyron prioritetet e shëndetit publik, ai sinjalizon gjithashtu një ndryshim më të thellë kulturor.

Pirja e duhanit ka përcaktuar identitetin, modën dhe kinemanë për aq kohë sa masa e re duket si një revolucion i qetë francez në një vend, marrëdhënia e të cilit me duhanin është famëkeqe për kompleksitetin e saj.

Sipas Shoqatës Franceze të Kancerit, më shumë se 90% e filmave francezë nga viti 2015 deri në vitin 2019 paraqisnin skena duhani, më shumë se dyfishi i shkallës së prodhimeve të Hollivudit.

Çdo film francez mesatarisht kishte gati tre minuta duhanpirje në ekran, në fakt e njëjta sasi ekspozimi sa gjashtë reklama televizive 30-sekondëshe.

Kinemaja ka pasur një ndikim të veçantë. Duhanpirësi rebel i Belmondos në filmin Breathless të Jean-Luc Godard është bërë sinonim i rebelimit të të rinjve në të gjithë botën, ndërsa tymi i cigares së Bardot përhapej përmes filmit “Dhe Zoti krijoi gruan”, duke simbolizuar sensualitetin e pakufizuar.

Megjithatë, ky glamurizim ka pasoja. Sipas autoriteteve franceze të shëndetit publik, rreth 75 000 njerëz vdesin çdo vit nga sëmundjet që lidhen me duhanin.

Edhe pse normat e pirjes së duhanit kanë rënë kohët e fundit – më pak se 25 përqind e të rriturve francezë pinë duhan çdo ditë, një nivel rekord i ulët – zakoni mbetet kokëfortësisht i rrënjosur, veçanërisht midis të rinjve dhe klasës së mesme.

Marrëdhënia e Francës me duhanin ka qenë prej kohësh e mbushur me kontradikta. Kompania Air France nuk e ndaloi pirjen e duhanit në të gjitha fluturimet e saj deri në vitin 2000, vite pasi linjat ajrore të mëdha amerikane filluan ta hiqnin gradualisht atë në fund të viteve 1980 dhe fillim të viteve 1990.

Vonesa pasqyronte një vend që ishte më i ngadalshëm në ndërprerjen e lidhjeve të tij kulturore me cigaret.

Duke ecur nëpër rrugët elegante të Marais, lagjes më në modë të Parisit, reagimet ndaj ndalimit të pirjes së duhanit varionin nga pranimi pragmatik deri te sfida nostalgjike.

“Ka ardhur koha. Nuk dua që fëmijët e mi të rriten duke menduar se pirja e duhanit është romantike”, tha Clémence Laurent, një blerëse mode 34-vjeçare, duke pirë një kafe ekspres në tarracën e një kafeneje të mbushur me njerëz.

“Sigurisht, Bardot i bënte cigaret të dukeshin joshëse. Por Bardot nuk i interesonin paralajmërimet e sotme për kancerin e mushkërive”, shton ajo.

Në një butik aty pranë, tregtari i antikiteteve Luc Baudry, 53 vjeç, e pa ndalimin si një sulm ndaj diçkaje tipike franceze.

“Pirja e duhanit ka qenë gjithmonë pjesë e kulturës sonë. Hiqni cigaret dhe çfarë na mbetet? Smoothie me lakër jeshile?” shton ai.

Përballë tij, 72-vjeçarja Jeanne Lévy qeshi duke theksuar se ”e piva cigaren time të parë duke parë Jeanne Moreau, ishte zëri i saj: i tymosur, sensual, i përjetshëm. Kush nuk do ta donte atë zë?”

Në të vërtetë, zëri i çjerrët dhe i mbushur me nikotinë i Jeanne Moreau e shndërroi duhanin në poezi, të përjetësuar në klasike si “Jules and Jim” i François Truffaut.

Pirja e duhanit ka fituar një joshje ekzistenciale që e ka bërë të paimagjinueshme lënien e duhanit për breza të tërë duhanpirëssh francezë.

Ligji i ri francez pasqyron trendet më të gjera evropiane. Britania, Spanja dhe Suedia kanë futur të gjitha ndalime të rëndësishme të pirjes së duhanit në hapësirat publike.

Suedia ndaloi pirjen e duhanit në tarracat e restoranteve në natyrë, në stacionet e autobusëve dhe në oborret e shkollave që në vitin 2019.

Spanja i ka zgjeruar ndalimet në tarracat e kafeneve, vende që janë ende të përjashtuara në Francë, të paktën për momentin. /os/

The post PARIS – Franca ndryshon radikalisht qëndrimin ndaj pirjes së duhanit appeared first on Agjencia Telegrafike Shqiptare.

Nga 1 korriku, Franca do të zgjerojë listën e vendeve publike ku do të ndalohet pirja e duhanit, bazuar në sloganin “Ku ka fëmijë, duhani duhet të zhduket”, tha sot Ministrja e Punës, Shëndetësisë, Solidaritetit dhe Familjes e Francës, Catherine Vautrin.

“Nga 1 korriku, plazhet, parqet dhe kopshtet publike, terrenet shkollore, stacionet e autobusëve dhe objektet sportive do të jenë vende ku nuk lejohet duhani në Frnavuska. Do të ndalohet për të mbrojtur fëmijët tanë”, tha Vautrin, dhe shprehu besimin e saj se kjo do të çonte në “gjeneratën e parë pa duhan” në vend.

Ajo theksoi se një në dhjetë vdekje në Francë lidhet me duhanin.

Pirja e duhanit vret 75,000 njerëz në Francë. Kjo përfaqëson më shumë se 200 vdekje në ditë. Është shkaku kryesor i vdekshmërisë së parandalueshme “, tha ministri.

Ajo deklaroi se nuk e përjashton futjen e një ndalimi për të miturit që blejnë produkte duhani.

Pavarësisht faktit se të miturve u ndalohet blerja e produkteve të duhanit në Francë, atyre u lejohet t’i konsumojnë ato.

Zgjatja e ndalimit nuk do të zbatohet për cigaret elektronike, raporton BFM TV, duke shtuar se qeveria po punon për masa specifike për të shtypur konsumin e tyre.

Observatori francez për drogën dhe sëmundjet që shkaktojnë varësi njoftoi javën e kaluar se konsumi i cigareve tek të rinjtë ra ndjeshëm vitin e kaluar.

LEXONI GJITHASHTU:

• Zyrtari i Hamasit: Plani i të armëpushimit të SHBA në Gaza, nuk i plotëson kërkesat
• Gjykata e Lartë kërkon rihapjen e konkursit për anëtarin vakant të Kushtetueses

The post “Ku ka fëmijë, duhani të zhduket!” Franca zgjeron ndalimin e pirjes së duhanit appeared first on Euronews Albania.

Qëllimi i qeverisë franceze për të zgjeruar listën e vendeve publike ku pirja e duhanit do të ndalohet nga 1 korriku u shpreh nga Ministri i Punës dhe Shëndetësisë. Në deklaratat për gazetën rajonale Ouest-France, Catherine Vautran theksoi se “atje ku ka fëmijë, pirja e duhanit duhet të zhduket”.

Ministri fillimisht theksoi se pirja e duhanit ka një kosto të madhe për shëndetin publik . “Çdo vit, një në dhjetë vdekje lidhet me pirjen e duhanit. Pirja e duhanit vret 75,000 njerëz në Francë. Kjo do të thotë më shumë se 200 vdekje në ditë. “Është shkaku kryesor i vdekjes së parandalueshme”, shpjegoi ai.

Ai shtoi se qeveria dëshiron të mbrojë francezët nga rreziku, duke filluar me më të prekshmit, përkatësisht fëmijët.

“Nga 1 korriku, plazhet, parqet dhe kopshtet publike, mjediset shkollore, stacionet e autobusëve dhe objektet sportive në të gjithë Francën do të jenë zona të ndaluara për duhan.” “Pirja e duhanit do të ndalohet për të mbrojtur fëmijët tanë”, tha ai.

BFMTV raporton se detajet e sakta të dekretit po përpunohen nga Këshilli i Shtetit, në veçanti zona e përjashtimit përreth shkollave. Qëllimi i Autoriteteve është që prindërit të mos pinë duhan pranë shkollës ndërsa presin fëmijët e tyre, por edhe që nxënësit të mos pinë duhan pranë shkollave.

Cigaret elektronike janë të përjashtuara nga masat e reja , megjithëse qeveria franceze po punon për masa specifike për to.

The post Franca i thotë “jo” duhanit edhe në natyrë appeared first on iconstyle.al.

Ministrja i Punës dhe Shëndetësisë në Francë shprehu qëllimin e qeverisë franceze për të zgjeruar listën e vendeve publike ku pirja e duhanit do të ndalohet nga 1 korriku.

Në deklaratat për gazetën rajonale Ouest-France, Catherine Vautran theksoi se “atje ku ka fëmijë, pirja e duhanit duhet të zhduket”. Ministrja fillimisht theksoi se pirja e duhanit ka një kosto të madhe për shëndetin publik.

“Çdo vit, një në dhjetë vdekje lidhet me pirjen e duhanit. Pirja e duhanit vret 75,000 njerëz në Francë. Kjo do të thotë më shumë se 200 vdekje në ditë. Është shkaku kryesor i vdekjes së parandalueshme”, shpjegoi ajo.

Më tej shtoi se qeveria dëshiron të mbrojë francezët nga rreziku, duke filluar me më të prekshmit, përkatësisht fëmijët.

“Nga 1 korriku, plazhet, parqet dhe kopshtet publike, mjediset shkollore, stacionet e autobusëve dhe objektet sportive në të gjithë Francën do të jenë zona të ndaluara për duhan. Pirja e duhanit do të ndalohet për të mbrojtur fëmijët tanë”, tha ajo.

BFMTV raporton se detajet e sakta të dekretit po përpunohen nga Këshilli i Shtetit, në veçanti zona e përjashtimit përreth shkollave. Qëllimi i Autoriteteve është që prindërit të mos pinë duhan pranë shkollës ndërsa presin fëmijët e tyre, por edhe që nxënësit të mos pinë duhan pranë shkollave. Cigaret elektronike janë të përjashtuara nga masat e reja, megjithëse qeveria franceze po punon për masa specifike për to.

The post Franca ndalon pirjen e duhanit në hapësira të hapura nga 1 korriku appeared first on Albeu.com.

Rritja e rasteve të sëmundjeve dhe fataliteteve të lidhura me pirjen e duhanit me djegie po shënon një kthesë alarmante në nivel global. Sipas të dhënave, çdo vit regjistrohen rreth 8 milionë vdekje në botë.

“Nga 8 mln vdekje që ndodhin çdo vit në rang botëror, 7,6 milionë i dedikohen vetëm pasojave të pirjes së duhanit me tym. 1,3 milionë vdekje që ndodhin në vit vetëm i dedikohet duhanpirjes pasive qëndrimi në ambient me tym duhani”, deklaroi Roland Shuperka, ekspert.
Në raport me vendet europiane, Shqipëria ka një prevalencë të lartë të konsumit të duhanit, çka reflektohet edhe në ngarkesën e sistemit shëndetësor.

“Duhanpirja është 38,8% po marr gjithë nivelet e Europës, që janë në nivele më të ulëta 22-23%. Nuk duhet bërë shaka me duhanpirjen se të gjitha janë sëmundshmëri, qytetarë që do zënë spitalet, sëmundje të mushkërive dhe kancer”, vijon eksperti.
Për të përballuar këtë situatë, ekspertët rekomandojnë një qasje të re në reduktimin e dëmit, përmes zëvendësimit të produkteve të djegshme me alternativa më të sigurta për konsumatorët.

“Ekspertët botërorë deklarojnë, kalimin nga produktet e djegshme me tym në produkte më pak të dëmshme, që janë produktet që japin vetëm nikotinë”, thotë Shuperka.
Shteti suedez është një shembull suksesi në këtë drejtim, vetëm 5.3% e popullsisë atje vazhdon të konsumojë duhan, pasi pjesa dërrmuese ka kaluar në produkte pa tym, duke ulur ndjeshëm sëmundshmërinë në vend./REFORMA

The post Shqipëria në alarm: Duhani po lë pasoja të rënda appeared first on iconstyle.al.

Rritja e rasteve të sëmundjeve dhe fataliteteve të lidhura me pirjen e duhanit me djegie po shënon një kthesë alarmante në nivel global. Sipas të dhënave, çdo vit regjistrohen rreth 8 milionë vdekje në botë.

“Nga 8 mln vdekje që ndodhin çdo vit në rang botëror, 7,6 milionë i dedikohen vetëm pasojave të pirjes së duhanit me tym. 1,3 milionë vdekje që ndodhin në vit vetëm i dedikohet duhanpirjes pasive qëndrimi në ambient me tym duhani”, deklaroi Roland Shuperka, ekspert.
Në raport me vendet europiane, Shqipëria ka një prevalencë të lartë të konsumit të duhanit, çka reflektohet edhe në ngarkesën e sistemit shëndetësor.

“Duhanpirja është 38,8% po marr gjithë nivelet e Europës, që janë në nivele më të ulëta 22-23%. Nuk duhet bërë shaka me duhanpirjen se të gjitha janë sëmundshmëri, qytetarë që do zënë spitalet, sëmundje të mushkërive dhe kancer”, vijon eksperti.
Për të përballuar këtë situatë, ekspertët rekomandojnë një qasje të re në reduktimin e dëmit, përmes zëvendësimit të produkteve të djegshme me alternativa më të sigurta për konsumatorët.

“Ekspertët botërorë deklarojnë, kalimin nga produktet e djegshme me tym në produkte më pak të dëmshme, që janë produktet që japin vetëm nikotinë”, thotë Shuperka.
Shteti suedez është një shembull suksesi në këtë drejtim, vetëm 5.3% e popullsisë atje vazhdon të konsumojë duhan, pasi pjesa dërrmuese ka kaluar në produkte pa tym, duke ulur ndjeshëm sëmundshmërinë në vend./REFORMA

The post Shqipëria në alarm: Duhani po lë pasoja të rënda appeared first on Albeu.com.

Ditëve të fundit, në tri raste të ndara është parandaluar kontrabanda me mallra, konkretisht duhan përmes Aeroportit Ndërkombëtar të Prishtinës (ANP).

Kështu u bë e ditur përmes një njoftimit të Policisë së Kosovës ku ndër të tjera thuhet se në të tria rastet duhani është konfiskuar dhe me procedurat për raste të tilla janë marrë ekipet e Doganës së Kosovës.

“Në rastin e parë, në koordinim mes Njësitit për Informacion të Pasagjereve, zyrtarëve të Doganës së Kosovës dhe Policisë së Kosovës, është ndaluar një pasagjer në shkuarje për Londër, ku në valixhet e udhëtarit janë hasur  8 boksa (shteka) cigare Malboro e kuqe,  116 boksa Malboro e kaltër, 2 boksa Lucky Strike, 13 boksa Malboro e bardhe, 5 boksa Philipmorrise, gjithsej 144 boksa me cigare.

Në rastin e dytë, një pasagjer po ashtu për në Angli, gjatë kontrollit i janë hasur 18 boksa (shteka) cigare (17 boksa cigare Ëinston dhe 1 boks cigare Karelia).

Në rastin e tretë, tek një pasagjer i fluturimit Prishtinë–Londër, në dy valixhe janë gjetur: 20 shteka cigare Karelia, 50 Malboro e kaltër e  mbyllte, 130 Malboro e katërt e qelt, 20 Malboro  light , gjithsej 220 steka cigare”, thuhet në njoftim. /Telegrafi/

The post Parandalohet kontrabanda e duhanit në tri raste të ndara në Aeroportin e Prishtinës appeared first on Telegrafi.

LONDËR, 12 mars /ATSH-DPA/- Studiuesit kanë identifikuar një lidhje gjenetike me pirjen e duhanit gjatë shtatzënisë.

Studimi tregoi gjithashtu se burrat përjetojnë efekte më të gjata kur nëna e tyre pi duhan gjatë shtatzënisë sesa gratë – duke përfshirë vdekjen në një moshë të re – nëse vazhdojnë të pinë duhan vetë.

Një ekip studiuesish nga Universiteti i Aberdeen studiuan më shumë se gjysmë milioni njerëz në të gjithë Britaninë e Madhe për të kuptuar efektet e pirjes së duhanit në shtatzëni dhe se si mund të vazhdojnë gjatë gjithë moshës madhore.

Grupi, i udhëhequr nga profesor Paul Fowler, dhe kryetar i shkencave mjekësore përkthimore në universitet, përdori marrëdhënien gjenetike midis nënave dhe fëmijëve të tyre të rritur – për të kryer analizën e parë gjenetike në shkallë të gjerë të duhanpirjes nga nëna.

Ata identifikuan disa variante të gjeneve që rrisin gjasat e pirjes së duhanit nga nëna, duke krijuar potencialin për të zhvilluar trajtime më të synuara për të ndaluar pirjen e duhanit.

Duke përdorur të dhëna nga 500 000 njerëz në 22 qendra në Skoci, Angli dhe Uells, ekipi ishte në gjendje të hetonte faktorët gjenetikë, biokimikë dhe socio-demografikë të lidhur me pirjen e duhanit gjatë shtatzënisë.

Ata zbuluan se në çdo fazë, fetuset meshkuj – dhe djemtë e rritur ishin më të prekur nga pirja e duhanit nga nëna gjatë shtatzënisë sesa vajzat.

Kjo u manifestua si ndryshime në nivelet e gjeneve të ndryshme në mëlçinë e fetusit mashkullor qysh në javën e 17-të të shtatzënisë, deri tek djemtë e rritur që kanë jetëgjatësi më të shkurtër.

Ekipi zbuloi nëse burri i rritur e ndalon duhanin, ose nuk pi duhan fare, ata mund t’i kundërshtojnë këto rreziqe.

Rritja e gjasave për një vdekje të hershme u zvogëlua tek burrat që raportuan se nuk kishin pirë kurrë cigare vetë.

Studimi i ri mund të ndihmojë në hartimin e strategjive më efektive për të zbutur efektet negative të ekspozimit të nënës ndaj duhanit.

Gjithashtu, u zbulua se djemtë kanë më shumë gjasa të zhvillojnë kancer në moshë madhore dhe janë më të ndjeshëm ndaj zhvillimit të diabetit të tipit dy sesa vajzat.

Gratë kanë më shumë gjasa të zhvillojnë çrregullime të tretjes dhe riprodhimit, si dhe probleme të shëndetit mendor.

“Shumica e kërkimeve janë kryer në grupe me shumë pak individë, kështu që nuk kanë fuqi statistikore për të zbuluar lidhjet më të rralla”, tha Felix Grassmann, profesor i epidemiologjisë dhe biostatistikës në Universitetin e Shëndetësisë dhe Mjekësisë në Potsdam, Gjermani, i cili bashkëdrejtoi hulumtimin.

“Në këtë hulumtim, ne përdorëm grupin e Biobank në Britaninë e Madhe – i cili ka të dhëna nga pyetësori gjenetik, biokimik dhe mjekësor për më shumë se 500 000 individë, duke e bërë atë një nga studimet më të mëdha të raportuara mbi efektet e pirjes së duhanit nga nëna gjatë shtatzënisë”, tha ai.

“Me pak fjalë, ne zbuluam se kur një nënë pi duhan gjatë shtatzënisë, mëlçia e djalit të saj është më e prekur se mëlçia e vajzës së saj. Ky dallim dhe dallimi gjinor në rrezikun e vdekjes vazhdon deri në moshën e mesme”, tha profesor Grassmann.

“Duhani është krejtësisht toksik dhe është jetike që ne të mbështesim njerëzit që të largohen prej tij, diçka që shumë prindër janë veçanërisht të prirur ta bëjnë gjatë shtatzënisë”, tha Sheila Duffy, shefja ekzekutive e shoqatës bamirëse shëndetësore “Action on Smoking and Health Scotland”.

“Ky studim tregon se toksinat e duhanit dëmtojnë gjenet dhe zhvillimin e njeriut”, tha ajo. //a.i/

The post Identifikohen gjenet që lidhen me pirjen e duhanit gjatë shtatzënisë appeared first on Agjencia Telegrafike Shqiptare.

Franca ka njoftuar Komisionin Evropian se do të ndalojë shitjen e qeseve të nikotinës, duke u bërë vendi më i fundit i Bashkimit Evropian që do të mbajë qëndrim kundër industrisë së duhanit, e cila po investon gjithnjë e më shumë në produkte të reja dhe të varura. Me vendimin e saj, Franca iu bashkua vendeve duke përfshirë Gjermaninë, Austrinë, Belgjikën dhe Luksemburgun, por ky problem mbetet i parregulluar në nivel të BE-së.

“Rregullorja franceze vjen pas një vendimi të datës 13 shkurt për të ndaluar cigaret elektronike me përdorim të vetëm. Rregullatorët francezë po monitorojnë zhvillimet në sektorin e produkteve të reja të duhanit. Autoritetet shëndetësore u alarmuan dhe qeveria vendosi të aktivizojë levat legjislative në dispozicion të saj,” tha një burim i industrisë së duhanit për Euroactiv.

Kompanitë e mëdha të duhanit shpesh shfrytëzojnë boshllëqet në ligj dhe kanë investuar shumë në qeskat e nikotinës pa duhan vitet e fundit./abcnews.al

KALIFORNI, 19 shkurt /ATSH/ – Semiglutide (molekulë e krijuar për trajtimin e diabetit) e marrë një herë në javë funksionon kundër alkoolizmit, shkruan salute.eu.

Ilaçi kundër obezitetit redukton ndjenjën e tërheqjes dhe konsumimin e alkoolit.

Një efekt i papritur

Udhëhequr nga Christian Hendershot i Universitetit të Kalifornisë Jugore, studimi konfirmon një vëzhgim që shumë pacientë dhe mjekë kanë bërë që kur Ozempic dhe ilaçe të ngjashme u bënë “të mbipërshkruara”: njerëzit fillojnë të marrin semaglutide për obezitetin ose diabetin dhe papritur humbasin dëshirën për të pirë alkool.

Eksperimenti

Për këtë studim u rekrutuan 48 të rritur me çrregullim të përdorimit të alkoolit, të përcaktuar nga një sërë simptomash të mundshme, duke përfshirë pamundësinë për të ndaluar pirjen ose kontrollin e pirjes pavarësisht pasojave negative.

Pjesëmarrësit kishin konsumuar më shumë se shtatë (për femrat) ose më shumë se 14 (për meshkuj) pije alkoolike në javë gjatë muajit të kaluar dhe kishin pasur dy ose më shumë episode të pirjes së rëndë (katër ose më shumë pije për gratë dhe pesë ose më shumë për burrat).

Pjesëmarrësit u caktuan rastësisht për të marrë injeksione javore me dozë të ulët të Ozempic ose një placebo për nëntë javë.

Studiuesit zbuluan se injeksionet me semaglutide reduktuan dëshirat për alkool, reduktuan konsumin mesatar në ditët e pirjes dhe çuan në një reduktim më të madh në ditët e pirjes së tepërt, krahasuar me një placebo.

Çelësi i këtij zbulimi është se madhësia e efekteve të semaglutideve në disa rezultate të lidhura me alkoolin është më e madhe sesa shihet shpesh me medikamentet ekzistuese të alkoolizmit, edhe kur semaglutidi administrohej në doza shumë të ulëta.

Rezultatet

Në muajin e fundit të trajtimit, subjektet në grupin semaglutide reduktuan ndjeshëm numrin e ditëve të pirjes së rëndë.

Për më tepër, gati 40% e subjekteve në grupin e semaglutideve nuk raportuan asnjë ditë pije të rëndë në muajin e fundit të trajtimit, krahasuar me 20% në grupin e placebo.

Largimi i dëshirës për të pirë edhe duhan

Një gjetje dytësore ishte gjithashtu se në një nëngrup pjesëmarrësish që pinin cigare në fillim, ata që u trajtuan me semaglutide përjetuan një reduktim të ndjeshëm në mesataren e cigareve në ditë krahasuar me ata në grupin e placebo. /os/

The post FOKUS – A mund të shërojë ”semaglutide” alkolistët dhe duhanpirësit? appeared first on Agjencia Telegrafike Shqiptare.

PRISHTINË 27 janar/ATSH/ Kosova renditet si vendi më i varfër në Evropë, e përkundër kësaj miliona euro po harxhohen për pirjen e duhanit. Sipas statistikave nga Dogana e Kosovës në vitin 2024, Kosova ka shënuar rritje në vlerën e importit të duhanit si produkt luksi.

Vlera e importit të duhanit është mbi 125 milionë euro në vitin 2024, vlerë kjo mbi 6 milionë euro më shumë se në vitin 2023, sa ishte mbi 119 milionë euro, raporton KosovaPress.

“Gjatë vitit 2024 Kosova ka importuar gjithsejtë 125 milionë e 244 mijë e 175 euro, teksa  gjatë vitit 2023 kjo shifër ishte 119 milionë e 170 mijë e 767 euro”, thuhet në statistikat e Doganës së Kosovës.

Ndërsa sa i përket sasisë së importit të duhanit, gatë vitit 2024 Kosova ka importuar gjithsej rreth 4 mijë e 150 ton, kurse gjatë vitit 2023 sasia e importit ishte 4 mijë e 187 ton.Ndërkaq, sipas Agjencisë së Statistikave të Kosovës, ky produkt ka shënuar rritje sa i përket çmimit prej 1.4 për qind më shumë në muajin dhjetor 2024 krahasuar me periudhën e njëjtë të vitit paraprak, pra me dhjetor 2023.

Përkundër efekteve negative shëndetësore, qytetarët e Kosovës vetes ia plotësojnë qejfet sa i takon përdorimit të duhanit. E në anën tjetër edhe shifrat e personave që vdesin nga përdorimi i duhanit në botë janë të larta sipas Organizatës Botërore të Shëndetësisë.

/Kosovapress/

The post Kosovë – U importuan 125 milionë euro duhan në vitin 2024, mbi 6 milionë euro më shumë se në 2023 appeared first on Agjencia Telegrafike Shqiptare.

“Duhani vret!”-këtë slogan e dinë edhe ata që kurrë në jetën e tyre nuk kanë konsumuar një cigare dhe tashmë ka fakte për këtë. Vetëm së fundmi, studiuesit në Kolegjin Universitar të Londrës zbuluan se një cigare e vetme të shkurton 20 minuta jetë! Por kjo duket se nuk i ka shqetësuar, ose motivuar duhanpirësit […]

The post IQOS dhe Agna shkelin ligjin për reklamimin e cigareve appeared first on BoldNews.al.

LONDËR, 31 dhjetor /ATSH/- Një cigare e vetme herë pas here mund të mos ju vrasë – por sipas hulumtimeve të reja, secila prej tyre do t’ju marrë mesatarisht 19,5 minuta nga jeta juaj, sipas “New York Post”.

Studimi, i kryer në “University College London”- UCL, përcaktoi se gratë humbasin 22 minuta dhe burrat 17 minuta për çdo cigare që pinë.

Por, ka një lajm të mirë: lënia e duhanit në çdo moshë mund të bëjë një ndryshim në jetëgjatësinë tuaj dhe heqja dorë nga zakoni i pirjes së 10 cigareve në ditë – këtë ditë të Vitit të Ri – do të thotë që deri më 8 janar, ju mund të parandaloni humbjen e një dite të tërë të jetës suaj.

Hulumtimi, i autorizuar nga Departamenti i Shëndetësisë dhe Kujdesit Social të Britanië së Madhe, ofron një pamje më të mprehtë për duhanpirësit se më parë.

Vlerësimet e mëparshme ishin se çdo cigare hiqte 11 minuta gjatë gjithë jetës.

Hulumtimi i ri tregon se pirja e një pakete me 20 cigare shkurton jetën me gati 7 orë.

Edhe një cigare e vetme në ditë ka një ndikim të madh: pirja e duhanit vetëm një herë në ditë për 10 vjet mund të shkurtojë jetën e një njeriu me 62050 minuta, ose 43 ditë.

Për gratë, jeta shkurtohet për 80300 minuta, ose gati 56 ditë.

“Pirja e duhanit është një zakon vdekjeprurës, dhe këto gjetje zbulojnë realitetin tronditës të kësaj varësie, duke theksuar se sa e rëndësishme është lënia e duhanit”, tha ministri i Shëndetit Publik, Andrew Gwynne.

Lënia e zakonit të keq shëndetësor mund të kthejë orët, ditët dhe madje edhe javët e jetës.

Studimi sugjeron se njerëzit humbasin mesatarisht rreth 20 minuta jetë për çdo cigare që pinë.

Sa më shpejt që një person të lërë duhanin, aq më gjatë jeton.

“Lënia e duhanit në çdo moshë përmirëson ndjeshëm shëndetin dhe përfitimet fillojnë pothuajse menjëherë”, tha Sarah Jackson, anëtare e Grupit Kërkimor të Alkoolit dhe Duhanit në UCL.

Dr. Sarah Jarvis vuri në dukje se pirja e duhanit gjithashtu kontribuon në shumë çështje shëndetësore, duke përfshirë sëmundjet e zemrës, goditjen në tru, diabetin e tipit 2, demencën dhe COPD (sëmundja kronike obstruktive pulmonare).

Autorët e studimit, i cili do të publikohet në “Journal of Addiction”, theksuan se kjo do të thotë jo vetëm një jetë e shkurtuar, por një hapësirë ​​më e shkurtër kohe me cilësi të mirë jetese.

Studimet sugjerojnë se pirja e duhanit kryesisht merr vitet e mesme relativisht të shëndetshme në vend që të shkurtojë periudhën në fund të jetës, e cila shpesh karakterizohet nga sëmundje kronike ose paaftësi.

Pra, një duhanpirës 60-vjeçar zakonisht do të ketë profilin shëndetësor të një 70-vjeçari jo duhanpirës.

Një studim i vitit 2022 madje zbuloi se lënia e duhanit ishte po aq efektive sa edhe marrja e ilaçeve për parandalimin e sulmit në zemër – për të ulur rrezikun e sëmundjeve të zemrës. //a.i/

The post STUDIM – Çdo cigare që pini ju merr 19,5 minuta nga jeta appeared first on Agjencia Telegrafike Shqiptare.

MILANO, 29 dhjetor /ATSH-DPA/ – Milano është qyteti i parë i madh italian që vendos një ndalim pothuajse total për pirjen e duhanit në publik, duke u përgatitur të vendosë gjoba të rënda për shkeljet pasi rregulli të hyjë në fuqi më vonë këtë vit.

Nga 1 janari, njerëzit do të mund të pinë duhan në hapësira publike vetëm nëse janë të paktën 10 metra larg njerëzve të tjerë, përndryshe ata mund të përballen me gjoba deri në 240 euro (250 dollarë).

Qyteti i dytë më i madh i Italisë ka ndaluar pirjen e duhanit në këndet e lojërave, varrezat, stacionet e autobusëve, parqet dhe objektet sportive në vitin 2021.

Masa zbaton një rregull të miratuar nga këshilli i qytetit disa vite më parë në një përpjekje për të përmirësuar cilësinë e ajrit dhe vjen pasi qytetet e tjera evropiane po shqyrtojnë ndalimin e pirjes së duhanit në natyrë.

Milano, një qendër e madhe financiare dhe ekonomike me një popullsi prej më shumë se 1.3 milionë banorë, është një nga qytetet më të ndotura në Itali. /os/

The post MJEDIS – Milano ndalon pirjen e duhanit në ambientet publike appeared first on Agjencia Telegrafike Shqiptare.

Pirja e duhanit në ambiente të brendshme është një problem i madh për shëndetin publik, pasi mund të shkaktojë dëm të drejtpërdrejtë për ata që janë të ekspozuar ndaj tymit të pasivizuar të duhanit. Ky lloj tymi përmban një sërë substancash të dëmshme, përfshirë nikotinën, monoksidin e karbonit dhe kancerogjenët, që mund të ndikojnë negativisht në shëndetin e personave, sidomos në mjedise të mbyllura ku ajrosja është e kufizuar.

Për këtë arsye, shumë shtete kanë ndaluar pirjen e duhanit në ambientet e brendshme publike dhe private (si restorante, kafe, zyra, etj.) për të mbrojtur shëndetin e qytetarëve. Ky ndalim është mbështetur nga studime shkencore që tregojnë rrezikun e duhanpirësve pasivë, të cilët janë po aq të ekspozuar ndaj pasojave shëndetësore si duhanpirësit aktivë.

Në shumë vende, ky ndalim është i detyrueshëm dhe është parashikuar në ligje të ndryshme që rregullojnë përdorimin e duhanit në hapësira të brendshme, duke e bërë ambientin më të sigurt për të gjithë.

The post Pirja e duhanit në ambientet e brendshme: Rrezik dhe ndalesa appeared first on iconstyle.al.

Milano ka ndërmarrë një hap të rëndësishëm në drejtim të uljes së pirjes së duhanit në mjedise publike, duke vendosur një ndalim të plotë të pirjes së duhanit në të gjitha hapësirat publike dhe ato për përdorim publik, duke përfshirë rrugët dhe tarracat, që do të hyjë në fuqi më 1 janar 2025. Ky ndalim është një hap i rëndësishëm në përpjekjet për të përmirësuar cilësinë e ajrit dhe shëndetin publik. Për ata që nuk e respektojnë, parashikohen gjoba që shkojnë nga 40 deri në 240 euro.

Ky ndalim u pasua nga një masë e ngjashme në Torino, e cila gjithashtu ka vendosur kufizime për pirjen e duhanit në ambiente të hapura. Përkundër këtyre masave, disa prodhues dhe tregtarë të duhanit mund të ndjekin rrugën ligjore për të kundërshtuar këto vendime, duke argumentuar se bashkitë nuk kanë autoritetin për t’i vendosur këto ndalime.

The post Ndalohet pirja e duhanit në hapësira publike në Romë! appeared first on iconstyle.al.